| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਸਙ੍ਘੇਭਿਨ੍ਨੇਚੀવਰੁਪ੍ਪਾਦਕਥਾ
Saṅghebhinnecīvaruppādakathā
੩੭੬. ਸਙ੍ਘੋ ਭਿਜ੍ਜਤੀਤਿ ਭਿਜ੍ਜਿਤ੍વਾ ਕੋਸਮ੍ਬਕਭਿਕ੍ਖੂ વਿਯ ਦ੍વੇ ਕੋਟ੍ਠਾਸਾ ਹੋਨ੍ਤਿ। ਏਕਸ੍ਮਿਂ ਪਕ੍ਖੇਤਿ ਏਕਸ੍ਮਿਂ ਕੋਟ੍ਠਾਸੇ ਦਕ੍ਖਿਣੋਦਕਞ੍ਚ ਗਨ੍ਧਾਦੀਨਿ ਚ ਦੇਨ੍ਤਿ, ਏਕਸ੍ਮਿਂ ਚੀવਰਾਨਿ। ਸਙ੍ਘਸ੍ਸੇવੇਤਨ੍ਤਿ ਸਕਲਸ੍ਸ ਸਙ੍ਘਸ੍ਸ ਦ੍વਿਨ੍ਨਮ੍ਪਿ ਕੋਟ੍ਠਾਸਾਨਂ ਏਤਂ ਹੋਤਿ, ਘਣ੍ਟਿਂ ਪਹਰਿਤ੍વਾ ਦ੍વੀਹਿਪਿ ਪਕ੍ਖੇਹਿ ਏਕਤੋ ਭਾਜੇਤਬ੍ਬਂ। ਪਕ੍ਖਸ੍ਸੇવੇਤਨ੍ਤਿ ਏવਂ ਦਿਨ੍ਨੇ ਯਸ੍ਸ ਕੋਟ੍ਠਾਸਸ੍ਸ ਉਦਕਂ ਦਿਨ੍ਨਂ, ਤਸ੍ਸ ਉਦਕਮੇવ ਹੋਤਿ; ਯਸ੍ਸ ਚੀવਰਂ ਦਿਨ੍ਨਂ, ਤਸ੍ਸੇવ ਚੀવਰਂ। ਯਤ੍ਥ ਪਨ ਦਕ੍ਖਿਣੋਦਕਂ ਪਮਾਣਂ ਹੋਤਿ, ਤਤ੍ਥ ਏਕੋ ਪਕ੍ਖੋ ਦਕ੍ਖਿਣੋਦਕਸ੍ਸ ਲਦ੍ਧਤ੍ਤਾ ਚੀવਰਾਨਿ ਲਭਤਿ, ਏਕੋ ਚੀવਰਾਨਮੇવ ਲਦ੍ਧਤ੍ਤਾਤਿ ਉਭੋਹਿਪਿ ਏਕਤੋ ਹੁਤ੍વਾ ਯਥਾવੁਡ੍ਢਂ ਭਾਜੇਤਬ੍ਬਂ। ਇਦਂ ਕਿਰ ਪਰਸਮੁਦ੍ਦੇ ਲਕ੍ਖਣਨ੍ਤਿ ਮਹਾਅਟ੍ਠਕਥਾਯਂ વੁਤ੍ਤਂ। ਤਸ੍ਮਿਂਯੇવ ਪਕ੍ਖੇਤਿ ਏਤ੍ਥ ਪਨ ਇਤਰੋ ਪਕ੍ਖੋ ਅਨਿਸ੍ਸਰੋਯੇવ। ਚੀવਰਪੇਸਨવਤ੍ਥੂਨਿ ਪਾਕਟਾਨੇવ।
376.Saṅgho bhijjatīti bhijjitvā kosambakabhikkhū viya dve koṭṭhāsā honti. Ekasmiṃ pakkheti ekasmiṃ koṭṭhāse dakkhiṇodakañca gandhādīni ca denti, ekasmiṃ cīvarāni. Saṅghassevetanti sakalassa saṅghassa dvinnampi koṭṭhāsānaṃ etaṃ hoti, ghaṇṭiṃ paharitvā dvīhipi pakkhehi ekato bhājetabbaṃ. Pakkhassevetanti evaṃ dinne yassa koṭṭhāsassa udakaṃ dinnaṃ, tassa udakameva hoti; yassa cīvaraṃ dinnaṃ, tasseva cīvaraṃ. Yattha pana dakkhiṇodakaṃ pamāṇaṃ hoti, tattha eko pakkho dakkhiṇodakassa laddhattā cīvarāni labhati, eko cīvarānameva laddhattāti ubhohipi ekato hutvā yathāvuḍḍhaṃ bhājetabbaṃ. Idaṃ kira parasamudde lakkhaṇanti mahāaṭṭhakathāyaṃ vuttaṃ. Tasmiṃyeva pakkheti ettha pana itaro pakkho anissaroyeva. Cīvarapesanavatthūni pākaṭāneva.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੩੦. ਸਙ੍ਘੇ ਭਿਨ੍ਨੇ ਚੀવਰੁਪ੍ਪਾਦਕਥਾ • 230. Saṅghe bhinne cīvaruppādakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਙ੍ਘੇ ਭਿਨ੍ਨੇ ਚੀવਰੁਪ੍ਪਾਦਕਥਾવਣ੍ਣਨਾ • Saṅghe bhinne cīvaruppādakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਙ੍ਘੇਭਿਨ੍ਨੇਚੀવਰੁਪ੍ਪਾਦਕਥਾવਣ੍ਣਨਾ • Saṅghebhinnecīvaruppādakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਮਤਸਨ੍ਤਕਕਥਾਦਿવਣ੍ਣਨਾ • Matasantakakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੩੦. ਸਙ੍ਘੇ ਭਿਨ੍ਨੇ ਚੀવਰੁਪ੍ਪਾਦਕਥਾ • 230. Saṅghe bhinne cīvaruppādakathā
