| Library / Tipiṭaka / തിപിടക • Tipiṭaka / മഹാവഗ്ഗ-അട്ഠകഥാ • Mahāvagga-aṭṭhakathā |
സങ്ഘേഭിന്നേചീവരുപ്പാദകഥാ
Saṅghebhinnecīvaruppādakathā
൩൭൬. സങ്ഘോ ഭിജ്ജതീതി ഭിജ്ജിത്വാ കോസമ്ബകഭിക്ഖൂ വിയ ദ്വേ കോട്ഠാസാ ഹോന്തി. ഏകസ്മിം പക്ഖേതി ഏകസ്മിം കോട്ഠാസേ ദക്ഖിണോദകഞ്ച ഗന്ധാദീനി ച ദേന്തി, ഏകസ്മിം ചീവരാനി. സങ്ഘസ്സേവേതന്തി സകലസ്സ സങ്ഘസ്സ ദ്വിന്നമ്പി കോട്ഠാസാനം ഏതം ഹോതി, ഘണ്ടിം പഹരിത്വാ ദ്വീഹിപി പക്ഖേഹി ഏകതോ ഭാജേതബ്ബം. പക്ഖസ്സേവേതന്തി ഏവം ദിന്നേ യസ്സ കോട്ഠാസസ്സ ഉദകം ദിന്നം, തസ്സ ഉദകമേവ ഹോതി; യസ്സ ചീവരം ദിന്നം, തസ്സേവ ചീവരം. യത്ഥ പന ദക്ഖിണോദകം പമാണം ഹോതി, തത്ഥ ഏകോ പക്ഖോ ദക്ഖിണോദകസ്സ ലദ്ധത്താ ചീവരാനി ലഭതി, ഏകോ ചീവരാനമേവ ലദ്ധത്താതി ഉഭോഹിപി ഏകതോ ഹുത്വാ യഥാവുഡ്ഢം ഭാജേതബ്ബം. ഇദം കിര പരസമുദ്ദേ ലക്ഖണന്തി മഹാഅട്ഠകഥായം വുത്തം. തസ്മിംയേവ പക്ഖേതി ഏത്ഥ പന ഇതരോ പക്ഖോ അനിസ്സരോയേവ. ചീവരപേസനവത്ഥൂനി പാകടാനേവ.
376.Saṅgho bhijjatīti bhijjitvā kosambakabhikkhū viya dve koṭṭhāsā honti. Ekasmiṃ pakkheti ekasmiṃ koṭṭhāse dakkhiṇodakañca gandhādīni ca denti, ekasmiṃ cīvarāni. Saṅghassevetanti sakalassa saṅghassa dvinnampi koṭṭhāsānaṃ etaṃ hoti, ghaṇṭiṃ paharitvā dvīhipi pakkhehi ekato bhājetabbaṃ. Pakkhassevetanti evaṃ dinne yassa koṭṭhāsassa udakaṃ dinnaṃ, tassa udakameva hoti; yassa cīvaraṃ dinnaṃ, tasseva cīvaraṃ. Yattha pana dakkhiṇodakaṃ pamāṇaṃ hoti, tattha eko pakkho dakkhiṇodakassa laddhattā cīvarāni labhati, eko cīvarānameva laddhattāti ubhohipi ekato hutvā yathāvuḍḍhaṃ bhājetabbaṃ. Idaṃ kira parasamudde lakkhaṇanti mahāaṭṭhakathāyaṃ vuttaṃ. Tasmiṃyeva pakkheti ettha pana itaro pakkho anissaroyeva. Cīvarapesanavatthūni pākaṭāneva.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൨൩൦. സങ്ഘേ ഭിന്നേ ചീവരുപ്പാദകഥാ • 230. Saṅghe bhinne cīvaruppādakathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / സങ്ഘേ ഭിന്നേ ചീവരുപ്പാദകഥാവണ്ണനാ • Saṅghe bhinne cīvaruppādakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / സങ്ഘേഭിന്നേചീവരുപ്പാദകഥാവണ്ണനാ • Saṅghebhinnecīvaruppādakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / മതസന്തകകഥാദിവണ്ണനാ • Matasantakakathādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൨൩൦. സങ്ഘേ ഭിന്നേ ചീവരുപ്പാദകഥാ • 230. Saṅghe bhinne cīvaruppādakathā
