| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
222. ஸங்கி⁴கசீவருப்பாத³கதா²
222. Saṅghikacīvaruppādakathā
363. அஞ்ஞத்தா²தி தி³ன்னட்டா²னதோ அஞ்ஞத்த². ஹடானிபி சீவரானி துய்ஹேவ ஸந்தகானீதி யோஜனா. தேஸந்தி சீவரானங். அஞ்ஞோதி ஏககவஸ்ஸாவாஸிகதோ அஞ்ஞோ. பஞ்சமாஸே தங் ஸப்³ப³ங் தஸ்ஸேவ பி⁴க்கு²னோ ஹோதீதி ஸம்ப³ந்தோ⁴. யந்தி சீவரங், தங் ஸப்³ப³ங் சீவரந்தி ஸம்ப³ந்தோ⁴. யம்பீதி சீவரம்பி. ஸோதி பி⁴க்கு², க³ண்ஹாதீதி ஸம்ப³ந்தோ⁴. வஸ்ஸாவாஸத்தா²யாதி வஸ்ஸங் ஆவாஸஸ்ஸ பி⁴க்கு²னோ அத்தா²ய. ட²பிதஉபனிக்கே²பதோதி வெய்யாவச்சகரேஹி வட்³டி⁴ங் பயோஜெத்வா ட²பிதஉபனிக்கே²பதோ. தத்ருப்பாத³தோதி தஸ்மிங் விஹாரே உப்பாத³தோ நாளிகேரஆராமாதி³தோ. இத³ந்தி வக்க²மானங். எத்தா²தி ‘‘தஸ்ஸேவ தானி சீவரானி யாவ கதி²னஸ்ஸ உப்³பா⁴ராயா’’தி வசனே. யந்தி சீவரங். பன ஸத்³தோ³ விஸேஸத்த²ஜோதகோ. இத³ந்தி பதா³லங்காரமத்தங். இதா⁴தி இமஸ்மிங் விஹாரே. அபி⁴லாபமத்தந்திபி வத³ந்தி. அனத்த²தகதி²னஸ்ஸாபீதி பிஸத்³தோ³ பகே³வ அத்த²தகதி²னஸ்ஸாதி த³ஸ்ஸேதி . பஞ்சமாஸேதி அச்சந்தஸங்யோக³த்தே² உபயோக³வசனங். ததோதி பஞ்சமாஸதோ. அதீதவஸ்ஸே வஸ்ஸங்வுத்த²ஸங்க⁴ஸ்ஸ இத³ங் வஸ்ஸாவாஸிகங் தே³தி கிங்? உதா³ஹு அனாக³தவஸ்ஸேதி யோஜனா. பிட்டி²ஸமயேதி கி³ம்ஹானங் பட²மதி³வஸதோ பட்டா²ய யாவ அஸ்ஸயுஜபுண்ணமீ, தாவ பிட்டி²ஸமயே.
363.Aññatthāti dinnaṭṭhānato aññattha. Haṭānipi cīvarāni tuyheva santakānīti yojanā. Tesanti cīvarānaṃ. Aññoti ekakavassāvāsikato añño. Pañcamāse taṃ sabbaṃ tasseva bhikkhuno hotīti sambandho. Yanti cīvaraṃ, taṃ sabbaṃ cīvaranti sambandho. Yampīti cīvarampi. Soti bhikkhu, gaṇhātīti sambandho. Vassāvāsatthāyāti vassaṃ āvāsassa bhikkhuno atthāya. Ṭhapitaupanikkhepatoti veyyāvaccakarehi vaḍḍhiṃ payojetvā ṭhapitaupanikkhepato. Tatruppādatoti tasmiṃ vihāre uppādato nāḷikeraārāmādito. Idanti vakkhamānaṃ. Etthāti ‘‘tasseva tāni cīvarāni yāva kathinassa ubbhārāyā’’ti vacane. Yanti cīvaraṃ. Pana saddo visesatthajotako. Idanti padālaṅkāramattaṃ. Idhāti imasmiṃ vihāre. Abhilāpamattantipi vadanti. Anatthatakathinassāpīti pisaddo pageva atthatakathinassāti dasseti . Pañcamāseti accantasaṃyogatthe upayogavacanaṃ. Tatoti pañcamāsato. Atītavasse vassaṃvutthasaṅghassa idaṃ vassāvāsikaṃ deti kiṃ? Udāhu anāgatavasseti yojanā. Piṭṭhisamayeti gimhānaṃ paṭhamadivasato paṭṭhāya yāva assayujapuṇṇamī, tāva piṭṭhisamaye.
வஸ்ஸானதோதி வஸ்ஸானமாஸதோ. எத்தா²தி ஏதேஸு சீவரேஸு. கேசி பி⁴க்கூ²தி ஸம்ப³ந்தோ⁴. தமத்த²ந்தி தஸ்ஸ ஸங்கி⁴கசீவரஸ்ஸ காரணங். தத்தே²வாதி க³தட்டா²னே ஏவ. ஏஸாதி ஸங்கி⁴கசீவரஹாரகோ பி⁴க்கு². தத்ராதி விஹாராதீ³ஸு. நந்தி சீவரஹாரகங் பி⁴க்கு²ங்.
Vassānatoti vassānamāsato. Etthāti etesu cīvaresu. Keci bhikkhūti sambandho. Tamatthanti tassa saṅghikacīvarassa kāraṇaṃ. Tatthevāti gataṭṭhāne eva. Esāti saṅghikacīvarahārako bhikkhu. Tatrāti vihārādīsu. Nanti cīvarahārakaṃ bhikkhuṃ.
வத்தங் வித்தா²ரெத்வா த³ஸ்ஸெந்தோ ஆஹ ‘‘தேன ஹீ’’திஆதி³. தேன பி⁴க்கு²னா பா⁴ஜேதப்³பா³னீதி ஸம்ப³ந்தோ⁴. தஸ்ஸேவாதி அதி⁴ட்ட²ஹந்தஸ்ஸேவ.
Vattaṃ vitthāretvā dassento āha ‘‘tena hī’’tiādi. Tena bhikkhunā bhājetabbānīti sambandho. Tassevāti adhiṭṭhahantasseva.
ஏகேகங் பா⁴க³ந்தி ஸம்ப³ந்தோ⁴. எத்த² டா²னே அஹமேவ அஸ்மீதி யோஜனா. து³க்³க³ஹிதானி ஹொந்தீதி ஸங்கி⁴கானேவ ஹொந்தீதி அதி⁴ப்பாயோ. மய்ஹமேவிமானி சீவரானீதி இஸ்ஸரவஸேன க³ஹணே து³க்³க³ஹிதானி. மய்ஹேதானி பாபுணந்தீதி அனிஸ்ஸரவஸேன க³ஹணே ஸுக்³க³ஹிதானீதி விஸேஸோ.
Ekekaṃ bhāganti sambandho. Ettha ṭhāne ahameva asmīti yojanā. Duggahitāni hontīti saṅghikāneva hontīti adhippāyo. Mayhamevimāni cīvarānīti issaravasena gahaṇe duggahitāni. Mayhetāni pāpuṇantīti anissaravasena gahaṇe suggahitānīti viseso.
பாதிதே குஸேதி எத்த² தபச்சயஸ்ஸ பச்சுப்பன்னகாலிகபா⁴வங் த³ஸ்ஸெந்தோ ஆஹ ‘‘ஏககொட்டா²ஸே’’திஆதி³. க³ஹிதமேவாதி ஏககொட்டா²ஸே பாதிதஸ்ஸ குஸத³ண்ட³ஸ்ஸ வஸேன ‘‘இமஸ்ஸித³’’ந்தி ஏககொட்டா²ஸே விதி³தே ஸப்³பே³ஸங் விதி³தத்தா க³ஹிதமேவாதி அதி⁴ப்பாயோ.
Pātite kuseti ettha tapaccayassa paccuppannakālikabhāvaṃ dassento āha ‘‘ekakoṭṭhāse’’tiādi. Gahitamevāti ekakoṭṭhāse pātitassa kusadaṇḍassa vasena ‘‘imassida’’nti ekakoṭṭhāse vidite sabbesaṃ viditattā gahitamevāti adhippāyo.
இதோவாதி ஸசீவரப⁴த்ததோவ. விஸுங் ஸஜ்ஜியமானேதி சீவரே ச ப⁴த்தே ச விஸுங் ஸஜ்ஜியமானே.
Itovāti sacīvarabhattatova. Visuṃ sajjiyamāneti cīvare ca bhatte ca visuṃ sajjiyamāne.
யதா² புரிமேஸு த்³வீஸு வத்தூ²ஸு ‘‘அத³ங்ஸூ’’தி வுத்தங், ததா² அவத்வா கஸ்மா இத⁴ ‘‘தெ³ந்தீ’’தி வுத்தந்தி ஆஹ ‘‘ஸணிகங் ஸணிகங் தெ³ந்தியேவா’’தி. ஸணிகங் ஸணிகங் தெ³ந்தே தா³னகிரியாய அனுபச்சி²ன்னத்தா ‘‘தெ³ந்தீ’’தி பச்சுப்பன்னவஸேன வுத்தந்தி அதி⁴ப்பாயோ. பச்சி²ன்னதா³னத்தாதி பச்சி²ன்னதா³னகிரியபா⁴வதோ. இத³ங் பன வத்து² உப்பன்னந்தி ஸம்ப³ந்தோ⁴. இமே ச தே²ராதி நிலவாஸிஆத³யோ வினயத⁴ரபாமொக்கா² இமே ச தே²ரா.
Yathā purimesu dvīsu vatthūsu ‘‘adaṃsū’’ti vuttaṃ, tathā avatvā kasmā idha ‘‘dentī’’ti vuttanti āha ‘‘saṇikaṃ saṇikaṃ dentiyevā’’ti. Saṇikaṃ saṇikaṃ dente dānakiriyāya anupacchinnattā ‘‘dentī’’ti paccuppannavasena vuttanti adhippāyo. Pacchinnadānattāti pacchinnadānakiriyabhāvato. Idaṃ pana vatthu uppannanti sambandho. Ime ca therāti nilavāsiādayo vinayadharapāmokkhā ime ca therā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 222. ஸங்கி⁴கசீவருப்பாத³கதா² • 222. Saṅghikacīvaruppādakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஸங்கி⁴கசீவருப்பாத³கதா² • Saṅghikacīvaruppādakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸங்கி⁴கசீவருப்பாத³கதா²வண்ணனா • Saṅghikacīvaruppādakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸங்கி⁴கசீவருப்பாத³கதா²வண்ணனா • Saṅghikacīvaruppādakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸங்கி⁴கசீவருப்பாத³கதா²வண்ணனா • Saṅghikacīvaruppādakathāvaṇṇanā
