| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
222. сан̇гхигажийваруббаад̣̇агат̇аа
222. Saṅghikacīvaruppādakathā
363. д̇зна ко бана самаязна ан̃н̃ад̇аро бхигку зго вассам̣ васи. д̇ад̇т̇а мануссаа сан̇гхасса д̣̇змаад̇и жийвараани ад̣̇ам̣су. ат̇а ко д̇асса бхигкуно зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘жад̇уваг̇г̇о бажчимо сан̇гхо’д̇и. ахан̃жамхи згаго. имз жа мануссаа сан̇гхасса д̣̇змаад̇и жийвараани ад̣̇ам̣су. яам̣нуунаахам̣ имаани сан̇гхигаани жийвараани саавад̇т̇им̣ харзяяа’’нд̇и. ат̇а ко со бхигку д̇аани жийвараани аад̣̇ааяа саавад̇т̇им̣ г̇анд̇ваа бхаг̇авад̇о зд̇амад̇т̇ам̣ аарожзси. ‘‘д̇уяхзва, бхигку, д̇аани жийвараани яаава гат̇инасса уб̣бхаарааяаа’’д̇и. ид̇ха бана, бхигкавз, бхигку зго вассам̣ васад̇и. д̇ад̇т̇а мануссаа сан̇гхасса д̣̇змаад̇и жийвараани д̣̇знд̇и. ануж̇аанаами, бхигкавз, д̇ассзва д̇аани жийвараани яаава гат̇инасса уб̣бхаарааяаад̇и.
363. Tena kho pana samayena aññataro bhikkhu eko vassaṃ vasi. Tattha manussā saṅghassa demāti cīvarāni adaṃsu. Atha kho tassa bhikkhuno etadahosi – ‘‘bhagavatā paññattaṃ ‘catuvaggo pacchimo saṅgho’ti. Ahañcamhi ekako. Ime ca manussā saṅghassa demāti cīvarāni adaṃsu. Yaṃnūnāhaṃ imāni saṅghikāni cīvarāni sāvatthiṃ hareyya’’nti. Atha kho so bhikkhu tāni cīvarāni ādāya sāvatthiṃ gantvā bhagavato etamatthaṃ ārocesi. ‘‘Tuyheva, bhikkhu, tāni cīvarāni yāva kathinassa ubbhārāyā’’ti. Idha pana, bhikkhave, bhikkhu eko vassaṃ vasati. Tattha manussā saṅghassa demāti cīvarāni denti. Anujānāmi, bhikkhave, tasseva tāni cīvarāni yāva kathinassa ubbhārāyāti.
д̇зна ко бана самаязна ан̃н̃ад̇аро бхигку уд̇угаалам̣ зго васи. д̇ад̇т̇а мануссаа сан̇гхасса д̣̇змаад̇и жийвараани ад̣̇ам̣су. ат̇а ко д̇асса бхигкуно зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘жад̇уваг̇г̇о бажчимо сан̇гхо’д̇и. ахан̃жамхи згаго. имз жа мануссаа сан̇гхасса д̣̇змаад̇и жийвараани ад̣̇ам̣су. яам̣нуунаахам̣ имаани сан̇гхигаани жийвараани саавад̇т̇им̣ харзяяа’’нд̇и. ат̇а ко со бхигку д̇аани жийвараани аад̣̇ааяа саавад̇т̇им̣ г̇анд̇ваа бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз , саммукийбхууд̇зна сан̇гхзна бхааж̇зд̇ум̣. ид̇ха бана, бхигкавз, бхигку уд̇угаалам̣ зго васад̇и. д̇ад̇т̇а мануссаа сан̇гхасса д̣̇змаад̇и жийвараани д̣̇знд̇и. ануж̇аанаами, бхигкавз, д̇зна бхигкунаа д̇аани жийвараани ад̇хидтаад̇ум̣ – ‘‘маяхимаани жийварааний’’д̇и. д̇асса жз, бхигкавз, бхигкуно д̇ам̣ жийварам̣ анад̇хидтид̇з ан̃н̃о бхигку ааг̇ажчад̇и, самаго д̣̇аад̇аб̣б̣о бхааг̇о. д̇зхи жз, бхигкавз, бхигкуухи д̇ам̣ жийварам̣ бхааж̇ияамаанз, абаад̇ид̇з гусз, ан̃н̃о бхигку ааг̇ажчад̇и, самаго д̣̇аад̇аб̣б̣о бхааг̇о. д̇зхи жз, бхигкавз, бхигкуухи д̇ам̣ жийварам̣ бхааж̇ияамаанз, баад̇ид̇з гусз, ан̃н̃о бхигку ааг̇ажчад̇и, наагаамаа д̣̇аад̇аб̣б̣о бхааг̇од̇и.
Tena kho pana samayena aññataro bhikkhu utukālaṃ eko vasi. Tattha manussā saṅghassa demāti cīvarāni adaṃsu. Atha kho tassa bhikkhuno etadahosi – ‘‘bhagavatā paññattaṃ ‘catuvaggo pacchimo saṅgho’ti. Ahañcamhi ekako. Ime ca manussā saṅghassa demāti cīvarāni adaṃsu. Yaṃnūnāhaṃ imāni saṅghikāni cīvarāni sāvatthiṃ hareyya’’nti. Atha kho so bhikkhu tāni cīvarāni ādāya sāvatthiṃ gantvā bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ. Anujānāmi, bhikkhave , sammukhībhūtena saṅghena bhājetuṃ. Idha pana, bhikkhave, bhikkhu utukālaṃ eko vasati. Tattha manussā saṅghassa demāti cīvarāni denti. Anujānāmi, bhikkhave, tena bhikkhunā tāni cīvarāni adhiṭṭhātuṃ – ‘‘mayhimāni cīvarānī’’ti. Tassa ce, bhikkhave, bhikkhuno taṃ cīvaraṃ anadhiṭṭhite añño bhikkhu āgacchati, samako dātabbo bhāgo. Tehi ce, bhikkhave, bhikkhūhi taṃ cīvaraṃ bhājiyamāne, apātite kuse, añño bhikkhu āgacchati, samako dātabbo bhāgo. Tehi ce, bhikkhave, bhikkhūhi taṃ cīvaraṃ bhājiyamāne, pātite kuse, añño bhikkhu āgacchati, nākāmā dātabbo bhāgoti.
д̇зна ко бана самаязна д̣̇вз бхаад̇игаа т̇зраа, ааяасмаа жа исид̣̇аасо ааяасмаа жа исибхадо, саавад̇т̇ияам̣ вассам̣вудтаа ан̃н̃ад̇арам̣ г̇аамагааваасам̣ аг̇амам̣су. мануссаа жирассааби т̇зраа ааг̇ад̇аад̇и сажийвараани бхад̇д̇аани ад̣̇ам̣су. ааваасигаа бхигкуу т̇зрз бужчим̣су – ‘‘имаани, бханд̇з, сан̇гхигаани жийвараани т̇зрз ааг̇амма уббаннаани, саад̣̇ияиссанд̇и т̇зраа бхааг̇а’’нд̇и. т̇зраа звамаахам̣су – ‘‘яат̇аа ко маяам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаама, д̇умхаагам̣язва д̇аани жийвараани яаава гат̇инасса уб̣бхаарааяаа’’д̇и.
Tena kho pana samayena dve bhātikā therā, āyasmā ca isidāso āyasmā ca isibhaṭo, sāvatthiyaṃ vassaṃvuṭṭhā aññataraṃ gāmakāvāsaṃ agamaṃsu. Manussā cirassāpi therā āgatāti sacīvarāni bhattāni adaṃsu. Āvāsikā bhikkhū there pucchiṃsu – ‘‘imāni, bhante, saṅghikāni cīvarāni there āgamma uppannāni, sādiyissanti therā bhāga’’nti. Therā evamāhaṃsu – ‘‘yathā kho mayaṃ, āvuso, bhagavatā dhammaṃ desitaṃ ājānāma, tumhākaṃyeva tāni cīvarāni yāva kathinassa ubbhārāyā’’ti.
д̇зна ко бана самаязна д̇аяо бхигкуу рааж̇аг̇ахз вассам̣ васанд̇и. д̇ад̇т̇а мануссаа сан̇гхасса
Tena kho pana samayena tayo bhikkhū rājagahe vassaṃ vasanti. Tattha manussā saṅghassa
д̣̇змаад̇и жийвараани д̣̇знд̇и. ат̇а ко д̇зсам̣ бхигкуунам̣ зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘жад̇уваг̇г̇о бажчимо сан̇гхо’д̇и. маяан̃жамхаа д̇аяо ж̇анаа. имз жа мануссаа сан̇гхасса д̣̇змаад̇и жийвараани д̣̇знд̇и. гат̇ам̣ ну ко амхзхи бадибаж̇ж̇ид̇аб̣б̣а’’нд̇и? д̇зна ко бана самаязна самб̣ахулаа т̇зраа, ааяасмаа жа нилаваасий ааяасмаа жа саан̣аваасий ааяасмаа жа г̇од̇аго ааяасмаа жа бхаг̇у ааяасмаа жа пал̣игасанд̇аано, баадалибуд̇д̇з вихаранд̇и гуггудаараамз. ат̇а ко д̇з бхигкуу баадалибуд̇д̇ам̣ г̇анд̇ваа т̇зрз бужчим̣су. т̇зраа звамаахам̣су – ‘‘яат̇аа ко маяам̣ аавусо бхаг̇авад̇аа д̇хаммам̣ д̣̇зсид̇ам̣ ааж̇аанаама, д̇умхаагам̣язва д̇аани жийвараани яаава гат̇инасса уб̣бхаарааяаа’’д̇и.
Demāti cīvarāni denti. Atha kho tesaṃ bhikkhūnaṃ etadahosi – ‘‘bhagavatā paññattaṃ ‘catuvaggo pacchimo saṅgho’ti. Mayañcamhā tayo janā. Ime ca manussā saṅghassa demāti cīvarāni denti. Kathaṃ nu kho amhehi paṭipajjitabba’’nti? Tena kho pana samayena sambahulā therā, āyasmā ca nilavāsī āyasmā ca sāṇavāsī āyasmā ca gotako āyasmā ca bhagu āyasmā ca phaḷikasantāno, pāṭaliputte viharanti kukkuṭārāme. Atha kho te bhikkhū pāṭaliputtaṃ gantvā there pucchiṃsu. Therā evamāhaṃsu – ‘‘yathā kho mayaṃ āvuso bhagavatā dhammaṃ desitaṃ ājānāma, tumhākaṃyeva tāni cīvarāni yāva kathinassa ubbhārāyā’’ti.
сан̇гхигажийваруббаад̣̇агат̇аа нидтид̇аа.
Saṅghikacīvaruppādakathā niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сан̇гхигажийваруббаад̣̇агат̇аа • Saṅghikacīvaruppādakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхигажийваруббаад̣̇агат̇ааван̣н̣анаа • Saṅghikacīvaruppādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сан̇гхигажийваруббаад̣̇агат̇ааван̣н̣анаа • Saṅghikacīvaruppādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сан̇гхигажийваруббаад̣̇агат̇ааван̣н̣анаа • Saṅghikacīvaruppādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 222. сан̇гхигажийваруббаад̣̇агат̇аа • 222. Saṅghikacīvaruppādakathā
