| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨੨੨. ਸਙ੍ਘਿਕਚੀવਰੁਪ੍ਪਾਦਕਥਾ
222. Saṅghikacīvaruppādakathā
੩੬੩. ਅਞ੍ਞਤ੍ਥਾਤਿ ਦਿਨ੍ਨਟ੍ਠਾਨਤੋ ਅਞ੍ਞਤ੍ਥ। ਹਟਾਨਿਪਿ ਚੀવਰਾਨਿ ਤੁਯ੍ਹੇવ ਸਨ੍ਤਕਾਨੀਤਿ ਯੋਜਨਾ। ਤੇਸਨ੍ਤਿ ਚੀવਰਾਨਂ। ਅਞ੍ਞੋਤਿ ਏਕਕવਸ੍ਸਾવਾਸਿਕਤੋ ਅਞ੍ਞੋ। ਪਞ੍ਚਮਾਸੇ ਤਂ ਸਬ੍ਬਂ ਤਸ੍ਸੇવ ਭਿਕ੍ਖੁਨੋ ਹੋਤੀਤਿ ਸਮ੍ਬਨ੍ਧੋ। ਯਨ੍ਤਿ ਚੀવਰਂ, ਤਂ ਸਬ੍ਬਂ ਚੀવਰਨ੍ਤਿ ਸਮ੍ਬਨ੍ਧੋ। ਯਮ੍ਪੀਤਿ ਚੀવਰਮ੍ਪਿ। ਸੋਤਿ ਭਿਕ੍ਖੁ, ਗਣ੍ਹਾਤੀਤਿ ਸਮ੍ਬਨ੍ਧੋ। વਸ੍ਸਾવਾਸਤ੍ਥਾਯਾਤਿ વਸ੍ਸਂ ਆવਾਸਸ੍ਸ ਭਿਕ੍ਖੁਨੋ ਅਤ੍ਥਾਯ। ਠਪਿਤਉਪਨਿਕ੍ਖੇਪਤੋਤਿ વੇਯ੍ਯਾવਚ੍ਚਕਰੇਹਿ વਡ੍ਢਿਂ ਪਯੋਜੇਤ੍વਾ ਠਪਿਤਉਪਨਿਕ੍ਖੇਪਤੋ। ਤਤ੍ਰੁਪ੍ਪਾਦਤੋਤਿ ਤਸ੍ਮਿਂ વਿਹਾਰੇ ਉਪ੍ਪਾਦਤੋ ਨਾਲ਼ਿਕੇਰਆਰਾਮਾਦਿਤੋ। ਇਦਨ੍ਤਿ વਕ੍ਖਮਾਨਂ। ਏਤ੍ਥਾਤਿ ‘‘ਤਸ੍ਸੇવ ਤਾਨਿ ਚੀવਰਾਨਿ ਯਾવ ਕਥਿਨਸ੍ਸ ਉਬ੍ਭਾਰਾਯਾ’’ਤਿ વਚਨੇ। ਯਨ੍ਤਿ ਚੀવਰਂ। ਪਨ ਸਦ੍ਦੋ વਿਸੇਸਤ੍ਥਜੋਤਕੋ। ਇਦਨ੍ਤਿ ਪਦਾਲਙ੍ਕਾਰਮਤ੍ਤਂ। ਇਧਾਤਿ ਇਮਸ੍ਮਿਂ વਿਹਾਰੇ। ਅਭਿਲਾਪਮਤ੍ਤਨ੍ਤਿਪਿ વਦਨ੍ਤਿ। ਅਨਤ੍ਥਤਕਥਿਨਸ੍ਸਾਪੀਤਿ ਪਿਸਦ੍ਦੋ ਪਗੇવ ਅਤ੍ਥਤਕਥਿਨਸ੍ਸਾਤਿ ਦਸ੍ਸੇਤਿ । ਪਞ੍ਚਮਾਸੇਤਿ ਅਚ੍ਚਨ੍ਤਸਂਯੋਗਤ੍ਥੇ ਉਪਯੋਗવਚਨਂ। ਤਤੋਤਿ ਪਞ੍ਚਮਾਸਤੋ। ਅਤੀਤવਸ੍ਸੇ વਸ੍ਸਂવੁਤ੍ਥਸਙ੍ਘਸ੍ਸ ਇਦਂ વਸ੍ਸਾવਾਸਿਕਂ ਦੇਤਿ ਕਿਂ? ਉਦਾਹੁ ਅਨਾਗਤવਸ੍ਸੇਤਿ ਯੋਜਨਾ। ਪਿਟ੍ਠਿਸਮਯੇਤਿ ਗਿਮ੍ਹਾਨਂ ਪਠਮਦਿવਸਤੋ ਪਟ੍ਠਾਯ ਯਾવ ਅਸ੍ਸਯੁਜਪੁਣ੍ਣਮੀ, ਤਾવ ਪਿਟ੍ਠਿਸਮਯੇ।
363.Aññatthāti dinnaṭṭhānato aññattha. Haṭānipi cīvarāni tuyheva santakānīti yojanā. Tesanti cīvarānaṃ. Aññoti ekakavassāvāsikato añño. Pañcamāse taṃ sabbaṃ tasseva bhikkhuno hotīti sambandho. Yanti cīvaraṃ, taṃ sabbaṃ cīvaranti sambandho. Yampīti cīvarampi. Soti bhikkhu, gaṇhātīti sambandho. Vassāvāsatthāyāti vassaṃ āvāsassa bhikkhuno atthāya. Ṭhapitaupanikkhepatoti veyyāvaccakarehi vaḍḍhiṃ payojetvā ṭhapitaupanikkhepato. Tatruppādatoti tasmiṃ vihāre uppādato nāḷikeraārāmādito. Idanti vakkhamānaṃ. Etthāti ‘‘tasseva tāni cīvarāni yāva kathinassa ubbhārāyā’’ti vacane. Yanti cīvaraṃ. Pana saddo visesatthajotako. Idanti padālaṅkāramattaṃ. Idhāti imasmiṃ vihāre. Abhilāpamattantipi vadanti. Anatthatakathinassāpīti pisaddo pageva atthatakathinassāti dasseti . Pañcamāseti accantasaṃyogatthe upayogavacanaṃ. Tatoti pañcamāsato. Atītavasse vassaṃvutthasaṅghassa idaṃ vassāvāsikaṃ deti kiṃ? Udāhu anāgatavasseti yojanā. Piṭṭhisamayeti gimhānaṃ paṭhamadivasato paṭṭhāya yāva assayujapuṇṇamī, tāva piṭṭhisamaye.
વਸ੍ਸਾਨਤੋਤਿ વਸ੍ਸਾਨਮਾਸਤੋ। ਏਤ੍ਥਾਤਿ ਏਤੇਸੁ ਚੀવਰੇਸੁ। ਕੇਚਿ ਭਿਕ੍ਖੂਤਿ ਸਮ੍ਬਨ੍ਧੋ। ਤਮਤ੍ਥਨ੍ਤਿ ਤਸ੍ਸ ਸਙ੍ਘਿਕਚੀવਰਸ੍ਸ ਕਾਰਣਂ। ਤਤ੍ਥੇવਾਤਿ ਗਤਟ੍ਠਾਨੇ ਏવ। ਏਸਾਤਿ ਸਙ੍ਘਿਕਚੀવਰਹਾਰਕੋ ਭਿਕ੍ਖੁ। ਤਤ੍ਰਾਤਿ વਿਹਾਰਾਦੀਸੁ। ਨਨ੍ਤਿ ਚੀવਰਹਾਰਕਂ ਭਿਕ੍ਖੁਂ।
Vassānatoti vassānamāsato. Etthāti etesu cīvaresu. Keci bhikkhūti sambandho. Tamatthanti tassa saṅghikacīvarassa kāraṇaṃ. Tatthevāti gataṭṭhāne eva. Esāti saṅghikacīvarahārako bhikkhu. Tatrāti vihārādīsu. Nanti cīvarahārakaṃ bhikkhuṃ.
વਤ੍ਤਂ વਿਤ੍ਥਾਰੇਤ੍વਾ ਦਸ੍ਸੇਨ੍ਤੋ ਆਹ ‘‘ਤੇਨ ਹੀ’’ਤਿਆਦਿ। ਤੇਨ ਭਿਕ੍ਖੁਨਾ ਭਾਜੇਤਬ੍ਬਾਨੀਤਿ ਸਮ੍ਬਨ੍ਧੋ। ਤਸ੍ਸੇવਾਤਿ ਅਧਿਟ੍ਠਹਨ੍ਤਸ੍ਸੇવ।
Vattaṃ vitthāretvā dassento āha ‘‘tena hī’’tiādi. Tena bhikkhunā bhājetabbānīti sambandho. Tassevāti adhiṭṭhahantasseva.
ਏਕੇਕਂ ਭਾਗਨ੍ਤਿ ਸਮ੍ਬਨ੍ਧੋ। ਏਤ੍ਥ ਠਾਨੇ ਅਹਮੇવ ਅਸ੍ਮੀਤਿ ਯੋਜਨਾ। ਦੁਗ੍ਗਹਿਤਾਨਿ ਹੋਨ੍ਤੀਤਿ ਸਙ੍ਘਿਕਾਨੇવ ਹੋਨ੍ਤੀਤਿ ਅਧਿਪ੍ਪਾਯੋ। ਮਯ੍ਹਮੇવਿਮਾਨਿ ਚੀવਰਾਨੀਤਿ ਇਸ੍ਸਰવਸੇਨ ਗਹਣੇ ਦੁਗ੍ਗਹਿਤਾਨਿ। ਮਯ੍ਹੇਤਾਨਿ ਪਾਪੁਣਨ੍ਤੀਤਿ ਅਨਿਸ੍ਸਰવਸੇਨ ਗਹਣੇ ਸੁਗ੍ਗਹਿਤਾਨੀਤਿ વਿਸੇਸੋ।
Ekekaṃ bhāganti sambandho. Ettha ṭhāne ahameva asmīti yojanā. Duggahitāni hontīti saṅghikāneva hontīti adhippāyo. Mayhamevimāni cīvarānīti issaravasena gahaṇe duggahitāni. Mayhetāni pāpuṇantīti anissaravasena gahaṇe suggahitānīti viseso.
ਪਾਤਿਤੇ ਕੁਸੇਤਿ ਏਤ੍ਥ ਤਪਚ੍ਚਯਸ੍ਸ ਪਚ੍ਚੁਪ੍ਪਨ੍ਨਕਾਲਿਕਭਾવਂ ਦਸ੍ਸੇਨ੍ਤੋ ਆਹ ‘‘ਏਕਕੋਟ੍ਠਾਸੇ’’ਤਿਆਦਿ। ਗਹਿਤਮੇવਾਤਿ ਏਕਕੋਟ੍ਠਾਸੇ ਪਾਤਿਤਸ੍ਸ ਕੁਸਦਣ੍ਡਸ੍ਸ વਸੇਨ ‘‘ਇਮਸ੍ਸਿਦ’’ਨ੍ਤਿ ਏਕਕੋਟ੍ਠਾਸੇ વਿਦਿਤੇ ਸਬ੍ਬੇਸਂ વਿਦਿਤਤ੍ਤਾ ਗਹਿਤਮੇવਾਤਿ ਅਧਿਪ੍ਪਾਯੋ।
Pātite kuseti ettha tapaccayassa paccuppannakālikabhāvaṃ dassento āha ‘‘ekakoṭṭhāse’’tiādi. Gahitamevāti ekakoṭṭhāse pātitassa kusadaṇḍassa vasena ‘‘imassida’’nti ekakoṭṭhāse vidite sabbesaṃ viditattā gahitamevāti adhippāyo.
ਇਤੋવਾਤਿ ਸਚੀવਰਭਤ੍ਤਤੋવ। વਿਸੁਂ ਸਜ੍ਜਿਯਮਾਨੇਤਿ ਚੀવਰੇ ਚ ਭਤ੍ਤੇ ਚ વਿਸੁਂ ਸਜ੍ਜਿਯਮਾਨੇ।
Itovāti sacīvarabhattatova. Visuṃ sajjiyamāneti cīvare ca bhatte ca visuṃ sajjiyamāne.
ਯਥਾ ਪੁਰਿਮੇਸੁ ਦ੍વੀਸੁ વਤ੍ਥੂਸੁ ‘‘ਅਦਂਸੂ’’ਤਿ વੁਤ੍ਤਂ, ਤਥਾ ਅવਤ੍વਾ ਕਸ੍ਮਾ ਇਧ ‘‘ਦੇਨ੍ਤੀ’’ਤਿ વੁਤ੍ਤਨ੍ਤਿ ਆਹ ‘‘ਸਣਿਕਂ ਸਣਿਕਂ ਦੇਨ੍ਤਿਯੇવਾ’’ਤਿ। ਸਣਿਕਂ ਸਣਿਕਂ ਦੇਨ੍ਤੇ ਦਾਨਕਿਰਿਯਾਯ ਅਨੁਪਚ੍ਛਿਨ੍ਨਤ੍ਤਾ ‘‘ਦੇਨ੍ਤੀ’’ਤਿ ਪਚ੍ਚੁਪ੍ਪਨ੍ਨવਸੇਨ વੁਤ੍ਤਨ੍ਤਿ ਅਧਿਪ੍ਪਾਯੋ। ਪਚ੍ਛਿਨ੍ਨਦਾਨਤ੍ਤਾਤਿ ਪਚ੍ਛਿਨ੍ਨਦਾਨਕਿਰਿਯਭਾવਤੋ। ਇਦਂ ਪਨ વਤ੍ਥੁ ਉਪ੍ਪਨ੍ਨਨ੍ਤਿ ਸਮ੍ਬਨ੍ਧੋ। ਇਮੇ ਚ ਥੇਰਾਤਿ ਨਿਲવਾਸਿਆਦਯੋ વਿਨਯਧਰਪਾਮੋਕ੍ਖਾ ਇਮੇ ਚ ਥੇਰਾ।
Yathā purimesu dvīsu vatthūsu ‘‘adaṃsū’’ti vuttaṃ, tathā avatvā kasmā idha ‘‘dentī’’ti vuttanti āha ‘‘saṇikaṃ saṇikaṃ dentiyevā’’ti. Saṇikaṃ saṇikaṃ dente dānakiriyāya anupacchinnattā ‘‘dentī’’ti paccuppannavasena vuttanti adhippāyo. Pacchinnadānattāti pacchinnadānakiriyabhāvato. Idaṃ pana vatthu uppannanti sambandho. Ime ca therāti nilavāsiādayo vinayadharapāmokkhā ime ca therā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੨੨. ਸਙ੍ਘਿਕਚੀવਰੁਪ੍ਪਾਦਕਥਾ • 222. Saṅghikacīvaruppādakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸਙ੍ਘਿਕਚੀવਰੁਪ੍ਪਾਦਕਥਾ • Saṅghikacīvaruppādakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਙ੍ਘਿਕਚੀવਰੁਪ੍ਪਾਦਕਥਾવਣ੍ਣਨਾ • Saṅghikacīvaruppādakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਙ੍ਘਿਕਚੀવਰੁਪ੍ਪਾਦਕਥਾવਣ੍ਣਨਾ • Saṅghikacīvaruppādakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਙ੍ਘਿਕਚੀવਰੁਪ੍ਪਾਦਕਥਾવਣ੍ਣਨਾ • Saṅghikacīvaruppādakathāvaṇṇanā
