| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
сан̇гхигажийваруббаад̣̇агат̇ааван̣н̣анаа
Saṅghikacīvaruppādakathāvaṇṇanā
363. но жз ад̇т̇ад̇ам̣ ход̇и ‘‘згам̣ жийварамааса’’нд̇и на вад̇д̇аб̣б̣ам̣. гасмаа? ‘‘ануж̇аанаами, бхигкавз, д̇ассзва д̇аани жийвараани яаава жийварамаасаа’’д̇и важанасса абхаавад̇о, д̇асмаа анад̇т̇ад̇агат̇инасса ананун̃н̃аад̇анд̇и жз? на, хздтаа анун̃н̃аад̇ад̇д̇аа, д̇ад̇о лийнад̇т̇ад̣̇ийбанад̇т̇амид̇ха д̇ат̇аа вуд̇д̇ад̇д̇аа жа. хздтаа хи ‘‘агаалажийварам̣ наама анад̇т̇ад̇з гат̇инз згаад̣̇асамаасз уббаннам̣, ад̇т̇ад̇з гат̇инз сад̇д̇амаасз уббаннам̣, гаалзби аад̣̇исса д̣̇иннам̣, зд̇ам̣ агаалажийварам̣ наамаа’’д̇и (баараа. 500) важанад̇о анад̇т̇ад̇агат̇инаанам̣ згажийварамаасз уббаннам̣, д̇зсам̣язва ход̇ийд̇и сид̣̇д̇хам̣, д̇асмаа ид̇ха д̇ам̣ авад̇ваа згоби д̇аяо г̇ан̣абуурагз лабхид̇ваа гат̇инам̣ ад̇т̇арид̇ум̣ лабхад̇ийд̇и имам̣ лийнад̇т̇ам̣ багаасзд̇ум̣ ‘‘яаава гат̇инасса уб̣бхаарааяаа’’д̇и вуд̇д̇ам̣. ид̇арат̇аа аяамад̇т̇о на н̃ааяад̇и. ‘‘ж̇аанид̇аб̣б̣о жа винаяад̇харзхийд̇и д̇ат̇аа вуд̇д̇од̇и абарз’’д̇и вуд̇д̇ам̣. ад̇т̇ад̇ам̣ ход̇и, бан̃жа маасз саб̣б̣ам̣ д̇ассзва бхигкуно ход̇ийд̇и самб̣анд̇хо. ажжанд̇асам̣яог̇авасзна убаяог̇аважанам̣. ‘‘ид̇ха вассам̣вуд̇т̇асан̇гхассаа’’д̇и нияамид̇ад̇д̇аа ‘‘вассааваасигам̣ д̣̇змаа’’д̇и зд̇т̇а жа ‘‘ид̇хаа’’д̇и ад̇хигаарад̇д̇аа д̇асмим̣ вуд̇д̇з лабхад̇и. ‘‘бидтисамаяз уббаннад̇д̇аад̇и жийварагаалассаасаннад̇д̇аа жа анад̇т̇ад̇агат̇инаанамби вуд̇т̇авассаанан̃жа анун̃н̃аад̇адтаанад̇д̇аа зва вуд̇д̇а’’нд̇и ан̃н̃ад̇арасмим̣ г̇ан̣тибад̣̇з ликид̇ам̣. гзжи бана ‘‘яам̣ бана ид̣̇ам̣ ‘ид̇ха вассам̣вуд̇т̇асан̇гхассаа’д̇иаад̣̇им̣ гад̇ваа яаава ‘анааг̇ад̇авассз’д̇и бад̣̇ам̣, д̇аава бужчид̇ваа ‘гасмаа? бидтисамаяз уббаннад̇д̇аа’д̇и ид̣̇ам̣ барад̇о ‘д̇ад̇ра саммукийбхууд̇аанам̣ саб̣б̣зсам̣ баабун̣аад̇ий’д̇и имасса барияосаанз ‘гасмаа? бидтисамаяз уббаннад̇д̇аа’д̇и ликид̇аб̣б̣ам̣. гасмаад̇и жз? барад̇о ‘жийварамаасад̇о бадтааяа яаава хзманд̇ассаа’д̇и вуд̇д̇зна ниб̣б̣исзсад̇д̇аа, д̇асмаа зва згажжзсу бан̣д̣ид̇анд̇и вад̣̇анд̇ий’’д̇и вад̣̇анд̇и. ид̇ха бана ид̇ха-сад̣̇д̣̇зна висзсид̇ам̣, д̇ад̇т̇а над̇т̇и, д̇асмаа ан̃н̃аман̃н̃авирод̇хо над̇т̇ийд̇и г̇ахзд̇аб̣б̣ам̣. ‘‘маяхимаани жийвараани баабун̣анд̇ий’’д̇и важанамзваад̇хидтаанам̣, ид̣̇амзд̇т̇а уггадтавасзна вуд̇д̇ам̣. ‘‘маяхимаани жийварааний’д̇и вуд̇д̇зби ад̇хидтид̇амзва ход̇ий’’д̇и вуд̇д̇ам̣. ‘‘маяхимааний’д̇и вуд̇д̇з д̇асса жийвараани наама над̇т̇и, д̇асмаа ‘жийвараани баабун̣анд̇ий’д̇и вад̇д̇аб̣б̣амзваа’’д̇и вад̣̇анд̇и. д̣̇уг̇г̇ахид̇аанийд̇и сан̇гхигаанзва хонд̇и. ‘‘г̇ахид̇амзва наамаа’д̇и имасса ид̣̇ам̣ бад̇д̇анд̇и гин̃жааби на вид̣̇ид̇ам̣, д̇з бана бхааг̇аа д̇зсам̣ ад̇т̇ад̇о бад̇д̇ааязваад̇и ад̇хиббааяо’’д̇и ликид̇ам̣. ‘‘згасмим̣ абад̇ид̇з буна ааг̇ад̇аа лабханд̇ий’’д̇и вуд̇д̇ам̣.
363. No ce atthataṃ hoti ‘‘ekaṃ cīvaramāsa’’nti na vattabbaṃ. Kasmā? ‘‘Anujānāmi, bhikkhave, tasseva tāni cīvarāni yāva cīvaramāsā’’ti vacanassa abhāvato, tasmā anatthatakathinassa ananuññātanti ce? Na, heṭṭhā anuññātattā, tato līnatthadīpanatthamidha tathā vuttattā ca. Heṭṭhā hi ‘‘akālacīvaraṃ nāma anatthate kathine ekādasamāse uppannaṃ, atthate kathine sattamāse uppannaṃ, kālepi ādissa dinnaṃ, etaṃ akālacīvaraṃ nāmā’’ti (pārā. 500) vacanato anatthatakathinānaṃ ekacīvaramāse uppannaṃ, tesaṃyeva hotīti siddhaṃ, tasmā idha taṃ avatvā ekopi tayo gaṇapūrake labhitvā kathinaṃ attharituṃ labhatīti imaṃ līnatthaṃ pakāsetuṃ ‘‘yāva kathinassa ubbhārāyā’’ti vuttaṃ. Itarathā ayamattho na ñāyati. ‘‘Jānitabboca vinayadharehīti tathā vuttoti apare’’ti vuttaṃ. Atthataṃ hoti, pañca māse sabbaṃ tasseva bhikkhuno hotīti sambandho. Accantasaṃyogavasena upayogavacanaṃ. ‘‘Idha vassaṃvutthasaṅghassā’’ti niyamitattā ‘‘vassāvāsikaṃ demā’’ti ettha ca ‘‘idhā’’ti adhikārattā tasmiṃ vutte labhati. ‘‘Piṭṭhisamaye uppannattāti cīvarakālassāsannattā ca anatthatakathinānampi vutthavassānañca anuññātaṭṭhānattā eva vutta’’nti aññatarasmiṃ gaṇṭhipade likhitaṃ. Keci pana ‘‘yaṃ pana idaṃ ‘idha vassaṃvutthasaṅghassā’tiādiṃ katvā yāva ‘anāgatavasse’ti padaṃ, tāva pucchitvā ‘kasmā? Piṭṭhisamaye uppannattā’ti idaṃ parato ‘tatra sammukhībhūtānaṃ sabbesaṃ pāpuṇātī’ti imassa pariyosāne ‘kasmā? Piṭṭhisamaye uppannattā’ti likhitabbaṃ. Kasmāti ce? Parato ‘cīvaramāsato paṭṭhāya yāva hemantassā’ti vuttena nibbisesattā, tasmā eva ekaccesu paṇḍitanti vadantī’’ti vadanti. Idha pana idha-saddena visesitaṃ, tattha natthi, tasmā aññamaññavirodho natthīti gahetabbaṃ. ‘‘Mayhimāni cīvarāni pāpuṇantī’’ti vacanamevādhiṭṭhānaṃ, idamettha ukkaṭṭhavasena vuttaṃ. ‘‘Mayhimāni cīvarānī’ti vuttepi adhiṭṭhitameva hotī’’ti vuttaṃ. ‘‘Mayhimānī’ti vutte tassa cīvarāni nāma natthi, tasmā ‘cīvarāni pāpuṇantī’ti vattabbamevā’’ti vadanti. Duggahitānīti saṅghikāneva honti. ‘‘Gahitameva nāmā’ti imassa idaṃ pattanti kiñcāpi na viditaṃ, te pana bhāgā tesaṃ atthato pattāyevāti adhippāyo’’ti likhitaṃ. ‘‘Ekasmiṃ apatite puna āgatā labhantī’’ti vuttaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 222. сан̇гхигажийваруббаад̣̇агат̇аа • 222. Saṅghikacīvaruppādakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сан̇гхигажийваруббаад̣̇агат̇аа • Saṅghikacīvaruppādakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхигажийваруббаад̣̇агат̇ааван̣н̣анаа • Saṅghikacīvaruppādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сан̇гхигажийваруббаад̣̇агат̇ааван̣н̣анаа • Saṅghikacīvaruppādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 222. сан̇гхигажийваруббаад̣̇агат̇аа • 222. Saṅghikacīvaruppādakathā
