| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
сан̇гхигажийваруббаад̣̇агат̇ааван̣н̣анаа
Saṅghikacīvaruppādakathāvaṇṇanā
363. бан̃жа маасзд̇и ажжанд̇асам̣яог̇з убаяог̇аважанам̣. вад̣дхим̣ баяож̇зд̇ваа табид̇аубанигкзбад̇од̇и вассааваасигассад̇т̇ааяа д̣̇ааяагзхи вад̣дхим̣ баяож̇зд̇ваа табид̇аубанигкзбад̇о. ‘‘ид̇ха вассам̣вуд̇т̇асан̇гхассаа’’д̇и ид̣̇ам̣ абхилаабамад̇д̇ам̣. ид̇ха-сад̣̇д̣̇ам̣ бана винаа ‘‘вассам̣вуд̇т̇асан̇гхасса д̣̇змаа’’д̇и вуд̇д̇зби со зва наяо. анад̇т̇ад̇агат̇инассааби бан̃жа маасз баабун̣аад̇ийд̇и вассааваасигалаабхавасзна уббаннад̇д̇аа анад̇т̇ад̇агат̇инассааби вуд̇т̇авассасса бан̃жа маасз баабун̣аад̇и. вагкад̇и хи ‘‘жийварамаасад̇о бадтааяа яаава хзманд̇асса бажчимо д̣̇ивасо, д̇аава вассааваасигам̣ д̣̇змаад̇и вуд̇д̇з гат̇инам̣ ад̇т̇ад̇ам̣ ваа ход̇у анад̇т̇ад̇ам̣ ваа, ад̇ийд̇авассам̣вуд̇т̇аанамзва баабун̣аад̇ий’’д̇и (махаава. адта. 379). д̇ад̇о баранд̇и бан̃жамаасад̇о барам̣, г̇имхаанасса батамад̣̇ивасад̇о бадтааяаад̇и ад̇т̇о. ‘‘гасмаа? бидтисамаяз уббаннад̇д̇аа’’д̇и ид̣̇ам̣ ‘‘уд̣̇ааху анааг̇ад̇авассз’’д̇и имассаананд̇арам̣ д̣̇адтаб̣б̣ам̣. бод̇т̇агзсу бана ‘‘анад̇т̇ад̇агат̇инассааби бан̃жа маасз баабун̣аад̇ий’’д̇и имассаананд̇арам̣ ‘‘гасмаа бидтисамаяз уббаннад̇д̇аа’’д̇и ид̣̇ам̣ ликанд̇и, д̇ам̣ бамаад̣̇аликид̇ам̣ бидтисамаяз уббаннам̣ санд̇хааяа ‘‘анад̇т̇ад̇агат̇инассаабий’’д̇и вад̇д̇аб̣б̣ад̇о. вуд̇т̇авассз хи санд̇хааяа ‘‘анад̇т̇ад̇агат̇инассаабий’’д̇и вуд̇д̇ам̣, на жа бидтисамаяз уббаннам̣ вуд̇т̇авассассзва баабун̣аад̇ийд̇и саммукийбхууд̇аанам̣ саб̣б̣зсамби баабун̣анад̇о. д̇знзва вагкад̇и ‘‘сажз бана г̇имхаанам̣ батамад̣̇ивасад̇о бадтааяа звам̣ вад̣̇ад̇и, д̇ад̇ра саммукийбхууд̇аанам̣ саб̣б̣зсам̣ баабун̣аад̇и. гасмаа? бидтисамаяз уббаннад̇д̇аа’’д̇и (махаава. адта. 179).
363.Pañca māseti accantasaṃyoge upayogavacanaṃ. Vaḍḍhiṃ payojetvā ṭhapitaupanikkhepatoti vassāvāsikassatthāya dāyakehi vaḍḍhiṃ payojetvā ṭhapitaupanikkhepato. ‘‘Idha vassaṃvutthasaṅghassā’’ti idaṃ abhilāpamattaṃ. Idha-saddaṃ pana vinā ‘‘vassaṃvutthasaṅghassa demā’’ti vuttepi so eva nayo. Anatthatakathinassāpi pañca māse pāpuṇātīti vassāvāsikalābhavasena uppannattā anatthatakathinassāpi vutthavassassa pañca māse pāpuṇāti. Vakkhati hi ‘‘cīvaramāsato paṭṭhāya yāva hemantassa pacchimo divaso, tāva vassāvāsikaṃ demāti vutte kathinaṃ atthataṃ vā hotu anatthataṃ vā, atītavassaṃvutthānameva pāpuṇātī’’ti (mahāva. aṭṭha. 379). Tato paranti pañcamāsato paraṃ, gimhānassa paṭhamadivasato paṭṭhāyāti attho. ‘‘Kasmā? Piṭṭhisamaye uppannattā’’ti idaṃ ‘‘udāhu anāgatavasse’’ti imassānantaraṃ daṭṭhabbaṃ. Potthakesu pana ‘‘anatthatakathinassāpi pañca māse pāpuṇātī’’ti imassānantaraṃ ‘‘kasmā piṭṭhisamaye uppannattā’’ti idaṃ likhanti, taṃ pamādalikhitaṃ piṭṭhisamaye uppannaṃ sandhāya ‘‘anatthatakathinassāpī’’ti vattabbato. Vutthavasse hi sandhāya ‘‘anatthatakathinassāpī’’ti vuttaṃ, na ca piṭṭhisamaye uppannaṃ vutthavassasseva pāpuṇātīti sammukhībhūtānaṃ sabbesampi pāpuṇanato. Teneva vakkhati ‘‘sace pana gimhānaṃ paṭhamadivasato paṭṭhāya evaṃ vadati, tatra sammukhībhūtānaṃ sabbesaṃ pāpuṇāti. Kasmā? Piṭṭhisamaye uppannattā’’ti (mahāva. aṭṭha. 179).
д̣̇уг̇г̇ахид̇аанийд̇и аг̇г̇ахид̇аани. сан̇гхигаанзваад̇и ад̇т̇о. ид̇оваад̇и т̇зраанам̣ д̣̇аад̇аб̣б̣ад̇ова, ид̣̇аанзваад̇и ваа ад̇т̇о.
Duggahitānīti aggahitāni. Saṅghikānevāti attho. Itovāti therānaṃ dātabbatova, idānevāti vā attho.
сан̇гхигажийваруббаад̣̇агат̇ааван̣н̣анаа нидтид̇аа.
Saṅghikacīvaruppādakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 222. сан̇гхигажийваруббаад̣̇агат̇аа • 222. Saṅghikacīvaruppādakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сан̇гхигажийваруббаад̣̇агат̇аа • Saṅghikacīvaruppādakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхигажийваруббаад̣̇агат̇ааван̣н̣анаа • Saṅghikacīvaruppādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сан̇гхигажийваруббаад̣̇агат̇ааван̣н̣анаа • Saṅghikacīvaruppādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 222. сан̇гхигажийваруббаад̣̇агат̇аа • 222. Saṅghikacīvaruppādakathā
