| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಸಙ್ಘುಪಟ್ಠಾಕತ್ಥೇರಅಪದಾನಂ
10. Saṅghupaṭṭhākattheraapadānaṃ
೪೫.
45.
‘‘ವೇಸ್ಸಭುಮ್ಹಿ ಭಗವತಿ, ಅಹೋಸಾರಾಮಿಕೋ ಅಹಂ।
‘‘Vessabhumhi bhagavati, ahosārāmiko ahaṃ;
ಪಸನ್ನಚಿತ್ತೋ ಸುಮನೋ, ಉಪಟ್ಠಿಂ ಸಙ್ಘಮುತ್ತಮಂ॥
Pasannacitto sumano, upaṭṭhiṃ saṅghamuttamaṃ.
೪೬.
46.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಕಮ್ಮಮಕರಿಂ ತದಾ।
‘‘Ekattiṃse ito kappe, yaṃ kammamakariṃ tadā;
ದುಗ್ಗತಿಂ ನಾಭಿಜಾನಾಮಿ, ಉಪಟ್ಠಾನಸ್ಸಿದಂ ಫಲಂ॥
Duggatiṃ nābhijānāmi, upaṭṭhānassidaṃ phalaṃ.
೪೭.
47.
‘‘ಇತೋ ತೇ ಸತ್ತಮೇ ಕಪ್ಪೇ, ಸತ್ತೇವಾಸುಂ ಸಮೋದಕಾ।
‘‘Ito te sattame kappe, sattevāsuṃ samodakā;
ಸತ್ತರತನಸಮ್ಪನ್ನಾ, ಚಕ್ಕವತ್ತೀ ಮಹಬ್ಬಲಾ॥
Sattaratanasampannā, cakkavattī mahabbalā.
೪೮.
48.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಸಙ್ಘುಪಟ್ಠಾಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā saṅghupaṭṭhāko thero imā gāthāyo abhāsitthāti.
ಸಙ್ಘುಪಟ್ಠಾಕತ್ಥೇರಸ್ಸಾಪದಾನಂ ದಸಮಂ।
Saṅghupaṭṭhākattherassāpadānaṃ dasamaṃ.
ಕುಮುದವಗ್ಗೋ ಅಟ್ಠಾರಸಮೋ।
Kumudavaggo aṭṭhārasamo.
ತಸ್ಸುದ್ದಾನಂ –
Tassuddānaṃ –
ಕುಮುದೋ ಅಥ ನಿಸ್ಸೇಣೀ, ರತ್ತಿಕೋ ಉದಪಾನದೋ।
Kumudo atha nisseṇī, rattiko udapānado;
ಸೀಹಾಸನೀ ಮಗ್ಗದದೋ, ಏಕದೀಪೀ ಮಣಿಪ್ಪದೋ।
Sīhāsanī maggadado, ekadīpī maṇippado;
ತಿಕಿಚ್ಛಕೋ ಉಪಟ್ಠಾಕೋ, ಏಕಪಞ್ಞಾಸ ಗಾಥಕಾತಿ॥
Tikicchako upaṭṭhāko, ekapaññāsa gāthakāti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧೦. ಸಙ್ಘುಪಟ್ಠಾಕತ್ಥೇರಅಪದಾನವಣ್ಣನಾ • 10. Saṅghupaṭṭhākattheraapadānavaṇṇanā
