| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. සඞ්‌ඝුපට්‌ඨාකත්‌ථෙරඅපදානං
10. Saṅghupaṭṭhākattheraapadānaṃ
45.
45.
‘‘වෙස්‌සභුම්‌හි භගවති, අහොසාරාමිකො අහං;
‘‘Vessabhumhi bhagavati, ahosārāmiko ahaṃ;
පසන්‌නචිත්‌තො සුමනො, උපට්‌ඨිං සඞ්‌ඝමුත්‌තමං.
Pasannacitto sumano, upaṭṭhiṃ saṅghamuttamaṃ.
46.
46.
‘‘එකත්‌තිංසෙ ඉතො කප්‌පෙ, යං කම්‌මමකරිං තදා;
‘‘Ekattiṃse ito kappe, yaṃ kammamakariṃ tadā;
දුග්‌ගතිං නාභිජානාමි, උපට්‌ඨානස්‌සිදං ඵලං.
Duggatiṃ nābhijānāmi, upaṭṭhānassidaṃ phalaṃ.
47.
47.
‘‘ඉතො තෙ සත්‌තමෙ කප්‌පෙ, සත්‌තෙවාසුං සමොදකා;
‘‘Ito te sattame kappe, sattevāsuṃ samodakā;
සත්‌තරතනසම්‌පන්‌නා, චක්‌කවත්‌තී මහබ්‌බලා.
Sattaratanasampannā, cakkavattī mahabbalā.
48.
48.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සඞ්‌ඝුපට්‌ඨාකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā saṅghupaṭṭhāko thero imā gāthāyo abhāsitthāti.
සඞ්‌ඝුපට්‌ඨාකත්‌ථෙරස්‌සාපදානං දසමං.
Saṅghupaṭṭhākattherassāpadānaṃ dasamaṃ.
කුමුදවග්‌ගො අට්‌ඨාරසමො.
Kumudavaggo aṭṭhārasamo.
තස්‌සුද්‌දානං –
Tassuddānaṃ –
කුමුදො අථ නිස්‌සෙණී, රත්‌තිකො උදපානදො;
Kumudo atha nisseṇī, rattiko udapānado;
සීහාසනී මග්‌ගදදො, එකදීපී මණිප්‌පදො;
Sīhāsanī maggadado, ekadīpī maṇippado;
තිකිච්‌ඡකො උපට්‌ඨාකො, එකපඤ්‌ඤාස ගාථකාති.
Tikicchako upaṭṭhāko, ekapaññāsa gāthakāti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 10. සඞ්‌ඝුපට්‌ඨාකත්‌ථෙරඅපදානවණ්‌ණනා • 10. Saṅghupaṭṭhākattheraapadānavaṇṇanā
