| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. сан̇гхубадтаагад̇т̇зраабад̣̇аанаван̣н̣анаа
10. Saṅghupaṭṭhākattheraapadānavaṇṇanā
взссабхумхи бхаг̇авад̇ийд̇иаад̣̇игам̣ ааяасмад̇о сан̇гхубадтаагад̇т̇зрасса абад̣̇аанам̣. аяамби т̇зро буримаб̣уд̣̇д̇хзсу гад̇агусаласамбхааро анзгзсу бхавзсу виваддуубаниссаяаани бун̃н̃аани убажинанд̇о взссабхусса бхаг̇авад̇о гаалз д̇ассаараамигасса буд̇д̇о худ̇ваа ниб̣б̣ад̇д̇о вин̃н̃уд̇ам̣ бад̇ваа сад̣̇д̇хо басанно вихаарзсу аараамигагаммам̣ гаронд̇о саггажжам̣ сан̇гхам̣ убадтааси. со д̇знзва гусалагаммзна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ г̇ахабад̇игулз ниб̣б̣ад̇д̇о вуд̣̇д̇хиббад̇д̇о вибхавасамбанно сукаббад̇д̇о баагадо сад̇т̇у д̇хаммад̣̇зсанам̣ суд̇ваа саасанз басанно баб̣б̣аж̇ид̇ваа вад̇д̇асамбанно саасанам̣ собхаяамаано вибассанам̣ вад̣дхзнд̇о нажирассзва саха бадисамбхид̣̇аахи арахад̇д̇ам̣ бад̇д̇о чал̣абхин̃н̃о буб̣б̣з гад̇агусалагаммавасзна сан̇гхубадтаагад̇т̇зрод̇и баагадо ахоси.
Vessabhumhi bhagavatītiādikaṃ āyasmato saṅghupaṭṭhākattherassa apadānaṃ. Ayampi thero purimabuddhesu katakusalasambhāro anekesu bhavesu vivaṭṭūpanissayāni puññāni upacinanto vessabhussa bhagavato kāle tassārāmikassa putto hutvā nibbatto viññutaṃ patvā saddho pasanno vihāresu ārāmikakammaṃ karonto sakkaccaṃ saṅghaṃ upaṭṭhāsi. So teneva kusalakammena devamanussesu saṃsaranto ubhayasampattiyo anubhavitvā imasmiṃ buddhuppāde sāvatthiyaṃ gahapatikule nibbatto vuddhippatto vibhavasampanno sukhappatto pākaṭo satthu dhammadesanaṃ sutvā sāsane pasanno pabbajitvā vattasampanno sāsanaṃ sobhayamāno vipassanaṃ vaḍḍhento nacirasseva saha paṭisambhidāhi arahattaṃ patto chaḷabhiñño pubbe katakusalakammavasena saṅghupaṭṭhākattheroti pākaṭo ahosi.
45. со згад̣̇ивасам̣ ‘‘буб̣б̣з маяаа гим̣ наама гаммам̣ гад̇ваа аяам̣ логуд̇д̇арасамбад̇д̇и лад̣̇д̇хаа’’д̇и ад̇д̇ано буб̣б̣агаммам̣ сарид̇ваа бажжагкад̇о ж̇аанид̇ваа соманассаж̇аад̇о буб̣б̣ажарид̇аабад̣̇аанам̣ баагадам̣ гаронд̇о взссабхумхи бхаг̇авад̇ийд̇иаад̣̇имааха. д̇ад̇т̇а ахосаараамиго аханд̇и ахам̣ взссабхусса бхаг̇авад̇о саасанз аараамиго ахосинд̇и ад̇т̇о. сзсам̣ хздтаа вуд̇д̇анаяад̇д̇аа уд̇д̇аанад̇т̇ад̇д̇аа жа сувин̃н̃зяяамзваад̇и.
45. So ekadivasaṃ ‘‘pubbe mayā kiṃ nāma kammaṃ katvā ayaṃ lokuttarasampatti laddhā’’ti attano pubbakammaṃ saritvā paccakkhato jānitvā somanassajāto pubbacaritāpadānaṃ pākaṭaṃ karonto vessabhumhi bhagavatītiādimāha. Tattha ahosārāmiko ahanti ahaṃ vessabhussa bhagavato sāsane ārāmiko ahosinti attho. Sesaṃ heṭṭhā vuttanayattā uttānatthattā ca suviññeyyamevāti.
сан̇гхубадтаагад̇т̇зраабад̣̇аанаван̣н̣анаа самад̇д̇аа.
Saṅghupaṭṭhākattheraapadānavaṇṇanā samattā.
адтаарасамаваг̇г̇аван̣н̣анаа самад̇д̇аа.
Aṭṭhārasamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. сан̇гхубадтаагад̇т̇зраабад̣̇аанам̣ • 10. Saṅghupaṭṭhākattheraapadānaṃ
