| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਸਙ੍ਘੁਪਟ੍ਠਾਕਤ੍ਥੇਰਅਪਦਾਨવਣ੍ਣਨਾ
10. Saṅghupaṭṭhākattheraapadānavaṇṇanā
વੇਸ੍ਸਭੁਮ੍ਹਿ ਭਗવਤੀਤਿਆਦਿਕਂ ਆਯਸ੍ਮਤੋ ਸਙ੍ਘੁਪਟ੍ਠਾਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਥੇਰੋ ਪੁਰਿਮਬੁਦ੍ਧੇਸੁ ਕਤਕੁਸਲਸਮ੍ਭਾਰੋ ਅਨੇਕੇਸੁ ਭવੇਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વੇਸ੍ਸਭੁਸ੍ਸ ਭਗવਤੋ ਕਾਲੇ ਤਸ੍ਸਾਰਾਮਿਕਸ੍ਸ ਪੁਤ੍ਤੋ ਹੁਤ੍વਾ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਦ੍ਧੋ ਪਸਨ੍ਨੋ વਿਹਾਰੇਸੁ ਆਰਾਮਿਕਕਮ੍ਮਂ ਕਰੋਨ੍ਤੋ ਸਕ੍ਕਚ੍ਚਂ ਸਙ੍ਘਂ ਉਪਟ੍ਠਾਸਿ। ਸੋ ਤੇਨੇવ ਕੁਸਲਕਮ੍ਮੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਗਹਪਤਿਕੁਲੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ વਿਭવਸਮ੍ਪਨ੍ਨੋ ਸੁਖਪ੍ਪਤ੍ਤੋ ਪਾਕਟੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਸਾਸਨੇ ਪਸਨ੍ਨੋ ਪਬ੍ਬਜਿਤ੍વਾ વਤ੍ਤਸਮ੍ਪਨ੍ਨੋ ਸਾਸਨਂ ਸੋਭਯਮਾਨੋ વਿਪਸ੍ਸਨਂ વਡ੍ਢੇਨ੍ਤੋ ਨਚਿਰਸ੍ਸੇવ ਸਹ ਪਟਿਸਮ੍ਭਿਦਾਹਿ ਅਰਹਤ੍ਤਂ ਪਤ੍ਤੋ ਛਲ਼ਭਿਞ੍ਞੋ ਪੁਬ੍ਬੇ ਕਤਕੁਸਲਕਮ੍ਮવਸੇਨ ਸਙ੍ਘੁਪਟ੍ਠਾਕਤ੍ਥੇਰੋਤਿ ਪਾਕਟੋ ਅਹੋਸਿ।
Vessabhumhi bhagavatītiādikaṃ āyasmato saṅghupaṭṭhākattherassa apadānaṃ. Ayampi thero purimabuddhesu katakusalasambhāro anekesu bhavesu vivaṭṭūpanissayāni puññāni upacinanto vessabhussa bhagavato kāle tassārāmikassa putto hutvā nibbatto viññutaṃ patvā saddho pasanno vihāresu ārāmikakammaṃ karonto sakkaccaṃ saṅghaṃ upaṭṭhāsi. So teneva kusalakammena devamanussesu saṃsaranto ubhayasampattiyo anubhavitvā imasmiṃ buddhuppāde sāvatthiyaṃ gahapatikule nibbatto vuddhippatto vibhavasampanno sukhappatto pākaṭo satthu dhammadesanaṃ sutvā sāsane pasanno pabbajitvā vattasampanno sāsanaṃ sobhayamāno vipassanaṃ vaḍḍhento nacirasseva saha paṭisambhidāhi arahattaṃ patto chaḷabhiñño pubbe katakusalakammavasena saṅghupaṭṭhākattheroti pākaṭo ahosi.
੪੫. ਸੋ ਏਕਦਿવਸਂ ‘‘ਪੁਬ੍ਬੇ ਮਯਾ ਕਿਂ ਨਾਮ ਕਮ੍ਮਂ ਕਤ੍વਾ ਅਯਂ ਲੋਕੁਤ੍ਤਰਸਮ੍ਪਤ੍ਤਿ ਲਦ੍ਧਾ’’ਤਿ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਪਚ੍ਚਕ੍ਖਤੋ ਜਾਨਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਾਕਟਂ ਕਰੋਨ੍ਤੋ વੇਸ੍ਸਭੁਮ੍ਹਿ ਭਗવਤੀਤਿਆਦਿਮਾਹ। ਤਤ੍ਥ ਅਹੋਸਾਰਾਮਿਕੋ ਅਹਨ੍ਤਿ ਅਹਂ વੇਸ੍ਸਭੁਸ੍ਸ ਭਗવਤੋ ਸਾਸਨੇ ਆਰਾਮਿਕੋ ਅਹੋਸਿਨ੍ਤਿ ਅਤ੍ਥੋ। ਸੇਸਂ ਹੇਟ੍ਠਾ વੁਤ੍ਤਨਯਤ੍ਤਾ ਉਤ੍ਤਾਨਤ੍ਥਤ੍ਤਾ ਚ ਸੁવਿਞ੍ਞੇਯ੍ਯਮੇવਾਤਿ।
45. So ekadivasaṃ ‘‘pubbe mayā kiṃ nāma kammaṃ katvā ayaṃ lokuttarasampatti laddhā’’ti attano pubbakammaṃ saritvā paccakkhato jānitvā somanassajāto pubbacaritāpadānaṃ pākaṭaṃ karonto vessabhumhi bhagavatītiādimāha. Tattha ahosārāmiko ahanti ahaṃ vessabhussa bhagavato sāsane ārāmiko ahosinti attho. Sesaṃ heṭṭhā vuttanayattā uttānatthattā ca suviññeyyamevāti.
ਸਙ੍ਘੁਪਟ੍ਠਾਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Saṅghupaṭṭhākattheraapadānavaṇṇanā samattā.
ਅਟ੍ਠਾਰਸਮવਗ੍ਗવਣ੍ਣਨਾ ਸਮਤ੍ਤਾ।
Aṭṭhārasamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਸਙ੍ਘੁਪਟ੍ਠਾਕਤ੍ਥੇਰਅਪਦਾਨਂ • 10. Saṅghupaṭṭhākattheraapadānaṃ
