| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
91. сан̇гхубосат̇аад̣̇иббабхзд̣̇ам̣
91. Saṅghuposathādippabhedaṃ
168. д̇зна ко бана самаязна ан̃н̃ад̇арасмим̣ ааваасз д̇ад̣̇ахубосат̇з жад̇д̇ааро бхигкуу вихаранд̇и. ат̇а ко д̇зсам̣ бхигкуунам̣ зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘убосат̇о гаад̇аб̣б̣о’д̇и, маяан̃жамхаа жад̇д̇ааро ж̇анаа, гат̇ам̣ ну ко амхзхи убосат̇о гаад̇аб̣б̣о’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, жад̇уннам̣ баад̇имогкам̣ уд̣̇д̣̇исид̇унд̇и.
168. Tena kho pana samayena aññatarasmiṃ āvāse tadahuposathe cattāro bhikkhū viharanti. Atha kho tesaṃ bhikkhūnaṃ etadahosi – ‘‘bhagavatā paññattaṃ ‘uposatho kātabbo’ti, mayañcamhā cattāro janā, kathaṃ nu kho amhehi uposatho kātabbo’’ti? Bhagavato etamatthaṃ ārocesuṃ. Anujānāmi, bhikkhave, catunnaṃ pātimokkhaṃ uddisitunti.
д̇зна ко бана самаязна ан̃н̃ад̇арасмим̣ ааваасз д̇ад̣̇ахубосат̇з д̇аяо бхигкуу вихаранд̇и. ат̇а ко д̇зсам̣ бхигкуунам̣ зд̇ад̣̇ахоси – ‘‘бхаг̇авад̇аа анун̃н̃аад̇ам̣ жад̇уннам̣ баад̇имогкам̣ уд̣̇д̣̇исид̇ум̣, маяан̃жамхаа д̇аяо ж̇анаа, гат̇ам̣ ну ко амхзхи убосат̇о гаад̇аб̣б̣о’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇ин̣н̣ам̣ баарисуд̣̇д̇хиубосат̇ам̣ гаад̇ум̣. зван̃жа бана, бхигкавз, гаад̇аб̣б̣о. б̣яад̇д̇зна бхигкунаа бадиб̣алзна д̇з бхигкуу н̃аабзд̇аб̣б̣аа –
Tena kho pana samayena aññatarasmiṃ āvāse tadahuposathe tayo bhikkhū viharanti. Atha kho tesaṃ bhikkhūnaṃ etadahosi – ‘‘bhagavatā anuññātaṃ catunnaṃ pātimokkhaṃ uddisituṃ, mayañcamhā tayo janā, kathaṃ nu kho amhehi uposatho kātabbo’’ti? Bhagavato etamatthaṃ ārocesuṃ. Anujānāmi, bhikkhave, tiṇṇaṃ pārisuddhiuposathaṃ kātuṃ. Evañca pana, bhikkhave, kātabbo. Byattena bhikkhunā paṭibalena te bhikkhū ñāpetabbā –
‘‘сун̣анд̇у мз ааяасманд̇аа. аж̇ж̇убосат̇о баннарасо. яад̣̇ааяасманд̇аанам̣ бад̇д̇агаллам̣, маяам̣ ан̃н̃аман̃н̃ам̣ баарисуд̣̇д̇хиубосат̇ам̣ гарзяяаамаа’’д̇и.
‘‘Suṇantu me āyasmantā. Ajjuposatho pannaraso. Yadāyasmantānaṃ pattakallaṃ, mayaṃ aññamaññaṃ pārisuddhiuposathaṃ kareyyāmā’’ti.
т̇зрзна бхигкунаа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа д̇з бхигкуу звамассу важанийяаа – ‘‘барисуд̣̇д̇хо ахам̣, аавусо; барисуд̣̇д̇ход̇и мам̣ д̇хаарзт̇а. барисуд̣̇д̇хо ахам̣, аавусо; барисуд̣̇д̇ход̇и мам̣ д̇хаарзт̇а. барисуд̣̇д̇хо ахам̣, аавусо; барисуд̣̇д̇ход̇и мам̣ д̇хаарзт̇аа’’д̇и.
Therena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā te bhikkhū evamassu vacanīyā – ‘‘parisuddho ahaṃ, āvuso; parisuddhoti maṃ dhāretha. Parisuddho ahaṃ, āvuso; parisuddhoti maṃ dhāretha. Parisuddho ahaṃ, āvuso; parisuddhoti maṃ dhārethā’’ti.
навагзна бхигкунаа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа д̇з бхигкуу звамассу важанийяаа – ‘‘барисуд̣̇д̇хо ахам̣, бханд̇з; барисуд̣̇д̇ход̇и мам̣ д̇хаарзт̇а. барисуд̣̇д̇хо ахам̣, бханд̇з; барисуд̣̇д̇ход̇и мам̣ д̇хаарзт̇а. барисуд̣̇д̇хо ахам̣, бханд̇з; барисуд̣̇д̇ход̇и мам̣ д̇хаарзт̇аа’’д̇и.
Navakena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā te bhikkhū evamassu vacanīyā – ‘‘parisuddho ahaṃ, bhante; parisuddhoti maṃ dhāretha. Parisuddho ahaṃ, bhante; parisuddhoti maṃ dhāretha. Parisuddho ahaṃ, bhante; parisuddhoti maṃ dhārethā’’ti.
д̇зна ко бана самаязна ан̃н̃ад̇арасмим̣ ааваасз д̇ад̣̇ахубосат̇з д̣̇вз бхигкуу вихаранд̇и. ат̇а ко д̇зсам̣ бхигкуунам̣ зд̇ад̣̇ахоси – ‘‘бхаг̇авад̇аа анун̃н̃аад̇ам̣ жад̇уннам̣ баад̇имогкам̣ уд̣̇д̣̇исид̇ум̣, д̇ин̣н̣аннам̣ баарисуд̣̇д̇хиубосат̇ам̣ гаад̇ум̣. маяан̃жамхаа д̣̇вз ж̇анаа. гат̇ам̣ ну ко амхзхи убосат̇о гаад̇аб̣б̣о’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̣̇виннам̣ баарисуд̣̇д̇хиубосат̇ам̣ гаад̇ум̣ . зван̃жа бана, бхигкавз, гаад̇аб̣б̣о. т̇зрзна бхигкунаа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа наво бхигку звамасса важанийяо – ‘‘барисуд̣̇д̇хо ахам̣, аавусо; барисуд̣̇д̇ход̇и мам̣ д̇хаарзхи. барисуд̣̇д̇хо ахам̣, аавусо; барисуд̣̇д̇ход̇и мам̣ д̇хаарзхи. барисуд̣̇д̇хо ахам̣, аавусо; барисуд̣̇д̇ход̇и мам̣ д̇хаарзхий’’д̇и.
Tena kho pana samayena aññatarasmiṃ āvāse tadahuposathe dve bhikkhū viharanti. Atha kho tesaṃ bhikkhūnaṃ etadahosi – ‘‘bhagavatā anuññātaṃ catunnaṃ pātimokkhaṃ uddisituṃ, tiṇṇannaṃ pārisuddhiuposathaṃ kātuṃ. Mayañcamhā dve janā. Kathaṃ nu kho amhehi uposatho kātabbo’’ti? Bhagavato etamatthaṃ ārocesuṃ. Anujānāmi, bhikkhave, dvinnaṃ pārisuddhiuposathaṃ kātuṃ . Evañca pana, bhikkhave, kātabbo. Therena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā navo bhikkhu evamassa vacanīyo – ‘‘parisuddho ahaṃ, āvuso; parisuddhoti maṃ dhārehi. Parisuddho ahaṃ, āvuso; parisuddhoti maṃ dhārehi. Parisuddho ahaṃ, āvuso; parisuddhoti maṃ dhārehī’’ti.
навагзна бхигкунаа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа т̇зро бхигку звамасса важанийяо – ‘‘барисуд̣̇д̇хо ахам̣, бханд̇з; барисуд̣̇д̇ход̇и мам̣ д̇хаарзт̇а. барисуд̣̇д̇хо ахам̣, бханд̇з; барисуд̣̇д̇ход̇и мам̣ д̇хаарзт̇а. барисуд̣̇д̇хо ахам̣, бханд̇з; барисуд̣̇д̇ход̇и мам̣ д̇хаарзт̇аа’’д̇и.
Navakena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā thero bhikkhu evamassa vacanīyo – ‘‘parisuddho ahaṃ, bhante; parisuddhoti maṃ dhāretha. Parisuddho ahaṃ, bhante; parisuddhoti maṃ dhāretha. Parisuddho ahaṃ, bhante; parisuddhoti maṃ dhārethā’’ti.
д̇зна ко бана самаязна ан̃н̃ад̇арасмим̣ ааваасз д̇ад̣̇ахубосат̇з зго бхигку вихарад̇и. ат̇а ко д̇асса бхигкуно зд̇ад̣̇ахоси – ‘‘бхаг̇авад̇аа анун̃н̃аад̇ам̣ жад̇уннам̣ баад̇имогкам̣ уд̣̇д̣̇исид̇ум̣, д̇ин̣н̣аннам̣ баарисуд̣̇д̇хиубосат̇ам̣ гаад̇ум̣, д̣̇виннам̣ баарисуд̣̇д̇хиубосат̇ам̣ гаад̇ум̣. ахан̃жамхи згаго. гат̇ам̣ ну ко маяаа убосат̇о гаад̇аб̣б̣о’’д̇и? бхаг̇авад̇о зд̇амад̇т̇ам̣ аарожзсум̣. ид̇ха бана, бхигкавз, ан̃н̃ад̇арасмим̣ ааваасз д̇ад̣̇ахубосат̇з зго бхигку вихарад̇и. д̇зна, бхигкавз, бхигкунаа яад̇т̇а бхигкуу бадиггаманд̇и убадтаанасаалааяа ваа, ман̣д̣абз ваа, ругкамуулз ваа, со д̣̇зсо саммаж̇ж̇ид̇ваа баанийяам̣ барибхож̇анийяам̣ убадтаабзд̇ваа аасанам̣ бан̃н̃абзд̇ваа бад̣̇ийбам̣ гад̇ваа нисийд̣̇ид̇аб̣б̣ам̣. сажз ан̃н̃з бхигкуу ааг̇ажчанд̇и, д̇зхи сад̣̇д̇хим̣ убосат̇о гаад̇аб̣б̣о. но жз ааг̇ажчанд̇и, аж̇ж̇а мз убосат̇од̇и ад̇хидтаад̇аб̣б̣о. но жз ад̇хидтахзяяа, аабад̇д̇и д̣̇уггадасса.
Tena kho pana samayena aññatarasmiṃ āvāse tadahuposathe eko bhikkhu viharati. Atha kho tassa bhikkhuno etadahosi – ‘‘bhagavatā anuññātaṃ catunnaṃ pātimokkhaṃ uddisituṃ, tiṇṇannaṃ pārisuddhiuposathaṃ kātuṃ, dvinnaṃ pārisuddhiuposathaṃ kātuṃ. Ahañcamhi ekako. Kathaṃ nu kho mayā uposatho kātabbo’’ti? Bhagavato etamatthaṃ ārocesuṃ. Idha pana, bhikkhave, aññatarasmiṃ āvāse tadahuposathe eko bhikkhu viharati. Tena, bhikkhave, bhikkhunā yattha bhikkhū paṭikkamanti upaṭṭhānasālāya vā, maṇḍape vā, rukkhamūle vā, so deso sammajjitvā pānīyaṃ paribhojanīyaṃ upaṭṭhāpetvā āsanaṃ paññapetvā padīpaṃ katvā nisīditabbaṃ. Sace aññe bhikkhū āgacchanti, tehi saddhiṃ uposatho kātabbo. No ce āgacchanti, ajja me uposathoti adhiṭṭhātabbo. No ce adhiṭṭhaheyya, āpatti dukkaṭassa.
д̇ад̇ра, бхигкавз, яад̇т̇а жад̇д̇ааро бхигкуу вихаранд̇и, на згасса баарисуд̣̇д̇хим̣ аахарид̇ваа д̇ийхи баад̇имогкам̣ уд̣̇д̣̇исид̇аб̣б̣ам̣. уд̣̇д̣̇исзяяум̣ жз, аабад̇д̇и д̣̇уггадасса. д̇ад̇ра, бхигкавз, яад̇т̇а д̇аяо бхигкуу вихаранд̇и, на згасса баарисуд̣̇д̇хим̣ аахарид̇ваа д̣̇вийхи баарисуд̣̇д̇хиубосат̇о гаад̇аб̣б̣о. гарзяяум̣ жз, аабад̇д̇и д̣̇уггадасса. д̇ад̇ра, бхигкавз, яад̇т̇а д̣̇вз бхигкуу вихаранд̇и, на згасса баарисуд̣̇д̇хим̣ аахарид̇ваа згзна ад̇хидтаад̇аб̣б̣о. ад̇хидтахзяяа жз, аабад̇д̇и д̣̇уггадассаад̇и.
Tatra, bhikkhave, yattha cattāro bhikkhū viharanti, na ekassa pārisuddhiṃ āharitvā tīhi pātimokkhaṃ uddisitabbaṃ. Uddiseyyuṃ ce, āpatti dukkaṭassa. Tatra, bhikkhave, yattha tayo bhikkhū viharanti, na ekassa pārisuddhiṃ āharitvā dvīhi pārisuddhiuposatho kātabbo. Kareyyuṃ ce, āpatti dukkaṭassa. Tatra, bhikkhave, yattha dve bhikkhū viharanti, na ekassa pārisuddhiṃ āharitvā ekena adhiṭṭhātabbo. Adhiṭṭhaheyya ce, āpatti dukkaṭassāti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сан̇гхубосат̇аад̣̇игат̇аа • Saṅghuposathādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхубосат̇аад̣̇игат̇ааван̣н̣анаа • Saṅghuposathādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чанд̣̇ад̣̇аанагат̇аад̣̇иван̣н̣анаа • Chandadānakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 91. сан̇гхубосат̇аад̣̇игат̇аа • 91. Saṅghuposathādikathā
