| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੧੧. ਪਞ੍ਚਸਤਿਕਕ੍ਖਨ੍ਧਕਂ
11. Pañcasatikakkhandhakaṃ
ਸਙ੍ਗੀਤਿਨਿਦਾਨਕਥਾવਣ੍ਣਨਾ
Saṅgītinidānakathāvaṇṇanā
੪੩੭. ਪਞ੍ਚਸਤਿਕਕ੍ਖਨ੍ਧਕੇ ਪਾવਾਯ ਕੁਸਿਨਾਰਨ੍ਤਿ (ਦੀ॰ ਨਿ॰ ਅਟ੍ਠ॰ ੨.੨੩੧) ਪਾવਾਨਗਰੇ ਪਿਣ੍ਡਾਯ ਚਰਿਤ੍વਾ ਕੁਸਿਨਾਰਂ ਗਮਿਸ੍ਸਾਮੀਤਿ ਅਦ੍ਧਾਨਮਗ੍ਗਪ੍ਪਟਿਪਨ੍ਨੋ। ਮਨ੍ਦਾਰવਪੁਪ੍ਫਂ ਗਹੇਤ੍વਾਤਿ ਮਹਾਚਾਟਿਪ੍ਪਮਾਣਂ ਪੁਪ੍ਫਂ ਆਗਨ੍ਤੁਕਦਣ੍ਡਕੇ ਠਪੇਤ੍વਾ ਛਤ੍ਤਂ વਿਯ ਗਹੇਤ੍વਾ। ਅਦ੍ਦਸਂ ਖੋਤਿ ਆਗਚ੍ਛਨ੍ਤਂ ਦੂਰਤੋવ ਅਦ੍ਦਸਂ। ਦਿਸ੍વਾ ਚ ਪਨ ‘‘ਪੁਚ੍ਛਿਸ੍ਸਾਮਿ ਨਂ ਭਗવਤੋ ਪવਤ੍ਤਿ’’ਨ੍ਤਿ ਚਿਤ੍ਤਂ ਉਪ੍ਪਾਦੇਤ੍વਾ ‘‘ਸਚੇ ਖੋ ਪਨ ਨਿਸਿਨ੍ਨਕੋવ ਪੁਚ੍ਛਿਸ੍ਸਾਮਿ, ਸਤ੍ਥਰਿ ਅਗਾਰવੋ ਕਤੋ ਭવਿਸ੍ਸਤੀ’’ਤਿ ਉਟ੍ਠਹਿਤ੍વਾ ਠਿਤਟ੍ਠਾਨਤੋ ਅਪਕ੍ਕਮ੍ਮ ਛਦ੍ਦਨ੍ਤੋ ਨਾਗਰਾਜਾ ਮਣਿਚਮ੍ਮਂ વਿਯ ਦਸਬਲਦਤ੍ਤਿਯਂ ਮੇਘવਣ੍ਣਪਂਸੁਕੂਲਚੀવਰਂ ਪਾਰੁਪਿਤ੍વਾ ਦਸਨਖਸਮੋਧਾਨਸਮੁਜ੍ਜਲਂ ਅਞ੍ਜਲਿਂ ਸਿਰਸ੍ਮਿਂ ਪਤਿਟ੍ਠਾਪੇਤ੍વਾ ਸਤ੍ਥਰਿ ਕਤੇਨ ਗਾਰવੇਨ ਆਜੀવਕਸ੍ਸ ਅਭਿਮੁਖੋ ਹੁਤ੍વਾ ‘‘ਅਪਾવੁਸੋ ਅਮ੍ਹਾਕਂ ਸਤ੍ਥਾਰਂ ਜਾਨਾਸੀ’’ਤਿ ਆਹ। ਕਿਂ ਪਨ ਸਤ੍ਥੁ ਪਰਿਨਿਬ੍ਬਾਨਂ ਜਾਨਨ੍ਤੋ ਪੁਚ੍ਛਿ ਅਜਾਨਨ੍ਤੋਤਿ? ਆવਜ੍ਜਨਪ੍ਪਟਿਬਦ੍ਧਂ ਖੀਣਾਸવਾਨਂ ਜਾਨਨਂ। ਅਨਾવਜ੍ਜਿਤਤ੍ਤਾ ਪਨੇਸ ਅਜਾਨਨ੍ਤੋ ਪੁਚ੍ਛੀਤਿ ਏਕੇ। ਥੇਰੋ ਸਮਾਪਤ੍ਤਿਬਹੁਲੋ ਰਤ੍ਤਿਟ੍ਠਾਨਦਿવਾਟ੍ਠਾਨਲੇਣਮਣ੍ਡਪਾਦੀਸੁ ਨਿਚ੍ਚਂ ਸਮਾਪਤ੍ਤਿਫਲੇਨੇવ ਯਾਪੇਤਿ। ਕੁਲਸਨ੍ਤਕਮ੍ਪਿ ਗਾਮਂ ਪવਿਸਿਤ੍વਾ ਦ੍વਾਰੇ ਸਮਾਪਜ੍ਜਿਤ੍વਾ ਸਮਾਪਤ੍ਤਿਤੋ વੁਟ੍ਠਿਤੋવ ਭਿਕ੍ਖਂ ਗਣ੍ਹਾਤਿ। ਥੇਰੋ ਕਿਰ ‘‘ਇਮਿਨਾ ਮੇ ਪਚ੍ਛਿਮੇਨ ਅਤ੍ਤਭਾવੇਨ ਮਹਾਜਨਾਨੁਗ੍ਗਹਂ ਕਰਿਸ੍ਸਾਮਿ, ਯੇ ਮਯ੍ਹਂ ਭਿਕ੍ਖਂ વਾ ਦੇਨ੍ਤਿ, ਗਨ੍ਧਮਾਲਾਦੀਹਿ વਾ ਸਕ੍ਕਾਰਂ ਕਰੋਨ੍ਤਿ, ਤੇਸਂ ਤਂ ਮਹਪ੍ਫਲਂ ਹੋਤੂ’’ਤਿ ਏવਂ ਕਰੋਤਿ। ਤਸ੍ਮਾ ਸਮਾਪਤ੍ਤਿਬਹੁਲਤਾਯ ਨ ਜਾਨਿ। ਇਤਿ ਅਜਾਨਨ੍ਤੋવ ਪੁਚ੍ਛੀਤਿ વਦਨ੍ਤਿ, ਤਂ ਨ ਗਹੇਤਬ੍ਬਂ। ਨ ਹੇਤ੍ਥ ਅਜਾਨਨਕਾਰਣਂ ਅਤ੍ਥਿ। ਅਭਿਲਕ੍ਖਿਤਂ ਸਤ੍ਥੁ ਪਰਿਨਿਬ੍ਬਾਨਂ ਅਹੋਸਿ ਦਸਸਹਸ੍ਸਿਲੋਕਧਾਤੁਕਮ੍ਪਨਾਦੀਹਿ ਨਿਮਿਤ੍ਤੇਹਿ। ਥੇਰਸ੍ਸ ਪਨ ਪਰਿਸਾਯ ਕੇਹਿਚਿ ਭਿਕ੍ਖੂਹਿ ਭਗવਾ ਦਿਟ੍ਠਪੁਬ੍ਬੋ, ਕੇਹਿਚਿ ਨ ਦਿਟ੍ਠਪੁਬ੍ਬੋ। ਤਤ੍ਥ ਯੇਹਿ ਦਿਟ੍ਠਪੁਬ੍ਬੋ, ਤੇਪਿ ਪਸ੍ਸਿਤੁਕਾਮਾવ। ਯੇਹਿਪਿ ਅਦਿਟ੍ਠਪੁਬ੍ਬੋ, ਤੇਪਿ ਪਸ੍ਸਿਤੁਕਾਮਾવ। ਤਤ੍ਥ ਯੇਹਿ ਨ ਦਿਟ੍ਠਪੁਬ੍ਬੋ, ਤੇ ਅਭਿਦਸ੍ਸਨਕਾਮਤਾਯ ਗਨ੍ਤ੍વਾ ‘‘ਕੁਹਿਂ ਭਗવਾ’’ਤਿ ਪੁਚ੍ਛਨ੍ਤਾ ‘‘ਪਰਿਨਿਬ੍ਬੁਤੋ’’ਤਿ ਸੁਤ੍વਾ ਸਨ੍ਧਾਰੇਤੁਂ ਨ ਸਕ੍ਖਿਸ੍ਸਨ੍ਤਿ। ਚੀવਰਂ ਛਡ੍ਡੇਤ੍વਾ ਏਕવਤ੍ਥਾ વਾ ਦੁਨ੍ਨਿવਤ੍ਥਾ વਾ ਉਰਾਨਿ ਪਟਿਪਿਸਨ੍ਤਾ ਪਰੋਦਿਸ੍ਸਨ੍ਤਿ। ਤਤ੍ਥ ਮਨੁਸ੍ਸਾ ‘‘ਮਹਾਕਸ੍ਸਪੇਨ ਸਦ੍ਧਿਂ ਆਗਤਪਂਸੁਕੂਲਿਕਾ ਸਯਮ੍ਪਿ ਇਤ੍ਥਿਯੋ વਿਯ ਪਰੋਦਨ੍ਤਿ, ਤੇ ਕਿਂ ਅਮ੍ਹੇ ਸਮਸ੍ਸਾਸੇਨ੍ਤੀ’’ਤਿ ਮਯ੍ਹਂ ਦੋਸਂ ਦਸ੍ਸਨ੍ਤਿ। ਇਦਂ ਪਨ ਸੁਞ੍ਞਂ ਮਹਾਰਞ੍ਞਂ, ਇਧ ਯਥਾ ਤਥਾ ਰੋਦਨ੍ਤੇਸੁ ਦੋਸੋ ਨਤ੍ਥਿ। ਪੁਰਿਮਤਰਂ ਸੁਤ੍વਾ ਨਾਮ ਸੋਕੋਪਿ ਤਨੁਕੋ ਹੋਤੀਤਿ ਭਿਕ੍ਖੂਨਂ ਸਤੁਪ੍ਪਾਦਲਾਭਤ੍ਥਂ ਜਾਨਨ੍ਤੋવ ਪੁਚ੍ਛਿ।
437. Pañcasatikakkhandhake pāvāya kusināranti (dī. ni. aṭṭha. 2.231) pāvānagare piṇḍāya caritvā kusināraṃ gamissāmīti addhānamaggappaṭipanno. Mandāravapupphaṃ gahetvāti mahācāṭippamāṇaṃ pupphaṃ āgantukadaṇḍake ṭhapetvā chattaṃ viya gahetvā. Addasaṃ khoti āgacchantaṃ dūratova addasaṃ. Disvā ca pana ‘‘pucchissāmi naṃ bhagavato pavatti’’nti cittaṃ uppādetvā ‘‘sace kho pana nisinnakova pucchissāmi, satthari agāravo kato bhavissatī’’ti uṭṭhahitvā ṭhitaṭṭhānato apakkamma chaddanto nāgarājā maṇicammaṃ viya dasabaladattiyaṃ meghavaṇṇapaṃsukūlacīvaraṃ pārupitvā dasanakhasamodhānasamujjalaṃ añjaliṃ sirasmiṃ patiṭṭhāpetvā satthari katena gāravena ājīvakassa abhimukho hutvā ‘‘apāvuso amhākaṃ satthāraṃ jānāsī’’ti āha. Kiṃ pana satthu parinibbānaṃ jānanto pucchi ajānantoti? Āvajjanappaṭibaddhaṃ khīṇāsavānaṃ jānanaṃ. Anāvajjitattā panesa ajānanto pucchīti eke. Thero samāpattibahulo rattiṭṭhānadivāṭṭhānaleṇamaṇḍapādīsu niccaṃ samāpattiphaleneva yāpeti. Kulasantakampi gāmaṃ pavisitvā dvāre samāpajjitvā samāpattito vuṭṭhitova bhikkhaṃ gaṇhāti. Thero kira ‘‘iminā me pacchimena attabhāvena mahājanānuggahaṃ karissāmi, ye mayhaṃ bhikkhaṃ vā denti, gandhamālādīhi vā sakkāraṃ karonti, tesaṃ taṃ mahapphalaṃ hotū’’ti evaṃ karoti. Tasmā samāpattibahulatāya na jāni. Iti ajānantova pucchīti vadanti, taṃ na gahetabbaṃ. Na hettha ajānanakāraṇaṃ atthi. Abhilakkhitaṃ satthu parinibbānaṃ ahosi dasasahassilokadhātukampanādīhi nimittehi. Therassa pana parisāya kehici bhikkhūhi bhagavā diṭṭhapubbo, kehici na diṭṭhapubbo. Tattha yehi diṭṭhapubbo, tepi passitukāmāva. Yehipi adiṭṭhapubbo, tepi passitukāmāva. Tattha yehi na diṭṭhapubbo, te abhidassanakāmatāya gantvā ‘‘kuhiṃ bhagavā’’ti pucchantā ‘‘parinibbuto’’ti sutvā sandhāretuṃ na sakkhissanti. Cīvaraṃ chaḍḍetvā ekavatthā vā dunnivatthā vā urāni paṭipisantā parodissanti. Tattha manussā ‘‘mahākassapena saddhiṃ āgatapaṃsukūlikā sayampi itthiyo viya parodanti, te kiṃ amhe samassāsentī’’ti mayhaṃ dosaṃ dassanti. Idaṃ pana suññaṃ mahāraññaṃ, idha yathā tathā rodantesu doso natthi. Purimataraṃ sutvā nāma sokopi tanuko hotīti bhikkhūnaṃ satuppādalābhatthaṃ jānantova pucchi.
ਅਜ੍ਜ ਸਤ੍ਤਾਹਪਰਿਨਿਬ੍ਬੁਤੋਤਿ ਅਜ੍ਜ ਦਿવਸਤੋ ਪਟਿਲੋਮਤੋ ਸਤ੍ਤਮੇ ਅਹਨਿ ਪਰਿਨਿਬ੍ਬੁਤੋ। ਤਤੋ ਮੇ ਇਦਨ੍ਤਿ ਤਤੋ ਸਮਣਸ੍ਸ ਗੋਤਮਸ੍ਸ ਪਰਿਨਿਬ੍ਬੁਤਟ੍ਠਾਨਤੋ। ਅવੀਤਰਾਗਾਤਿ ਪੁਥੁਜ੍ਜਨਾ ਚੇવ ਸੋਤਾਪਨ੍ਨਸਕਦਾਗਾਮਿਨੋ ਚ। ਤੇਸਞ੍ਹਿ ਦੋਮਨਸ੍ਸਂ ਅਪ੍ਪਹੀਨਂ, ਤਸ੍ਮਾ ਤੇਪਿ ਬਾਹਾ ਪਗ੍ਗਯ੍ਹ ਕਨ੍ਦਨ੍ਤਿ, ਉਭੋ ਹਤ੍ਥੇ ਸੀਸੇ ਠਪੇਤ੍વਾ ਰੋਦਨ੍ਤਿ। ਛਿਨ੍ਨਪਾਤਂ ਪਪਤਨ੍ਤੀਤਿ ਛਿਨ੍ਨਾਨਂ ਪਾਤੋ વਿਯ ਛਿਨ੍ਨਪਾਤੋ, ਤਂ ਛਿਨ੍ਨਪਾਤਂ, ਭਾવਨਪੁਂਸਕਨਿਦ੍ਦੇਸੋਯਂ, ਮਜ੍ਝੇ ਛਿਨ੍ਨਾ વਿਯ ਹੁਤ੍વਾ ਯਤੋ વਾ ਤਤੋ વਾ ਪਤਨ੍ਤੀਤਿ ਅਤ੍ਥੋ। ਆવਟ੍ਟਨ੍ਤੀਤਿ ਅਭਿਮੁਖਭਾવੇਨ વਟ੍ਟਨ੍ਤਿ। ਯਤ੍ਥ ਪਤਿਤਾ, ਤਤੋ ਕਤਿਪਯਰਤਨਟ੍ਠਾਨਂ વਟ੍ਟਨવਸੇਨੇવ ਗਨ੍ਤ੍વਾ ਪੁਨ ਯਥਾਪਤਿਤਮੇવ ਠਾਨਂ વਟ੍ਟਨવਸੇਨ ਆਗਚ੍ਛਨ੍ਤਿ। વਿવਟ੍ਟਨ੍ਤੀਤਿ ਯਤ੍ਥ ਪਤਿਤਾ, ਤਤੋ ਨਿવਟ੍ਟਨ੍ਤਿ, ਪਤਿਤਟ੍ਠਾਨਤੋ ਪਰਭਾਗਂ વਟ੍ਟਮਾਨਾ ਗਚ੍ਛਨ੍ਤੀਤਿ ਅਤ੍ਥੋ। ਅਪਿਚ ਪੁਰਤੋ વਟ੍ਟਨਂ ਆવਟ੍ਟਨਂ, ਪਸ੍ਸਤੋ ਪਚ੍ਛਤੋ ਚ વਟ੍ਟਨਂ વਿવਟ੍ਟਨਂ। ਤਸ੍ਮਾ ਦ੍વੇ ਪਾਦੇ ਪਸਾਰੇਤ੍વਾ ਸਕਿਂ ਪੁਰਤੋ ਸਕਿਂ ਪਚ੍ਛਤੋ ਸਕਿਂ વਾਮਤੋ ਸਕਿਂ ਦਕ੍ਖਿਣਤੋ ਸਮ੍ਪਰਿવਟ੍ਟਮਾਨਾਪਿ ਆવਟ੍ਟਨ੍ਤਿ વਿવਟ੍ਟਨ੍ਤੀਤਿ વੁਚ੍ਚਨ੍ਤਿ। વੀਤਰਾਗਾਤਿ ਪਹੀਨਦੋਮਨਸ੍ਸਾ ਇਟ੍ਠਾਨਿਟ੍ਠੇਸੁ ਨਿਬ੍ਬਿਕਾਰਤਾਯ ਸਿਲਾਥਮ੍ਭਸਦਿਸਾ ਅਨਾਗਾਮਿਖੀਣਾਸવਾ। ਕਾਮਞ੍ਹਿ ਦੋਮਨਸ੍ਸੇ ਅਸਤਿਪਿ ਏਕਚ੍ਚੋ ਰਾਗੋ ਹੋਤਿਯੇવ, ਰਾਗੇ ਪਨ ਅਸਤਿ ਦੋਮਨਸ੍ਸਸ੍ਸ ਅਸਮ੍ਭવੋਯੇવ। ਤਦੇਕਟ੍ਠਭਾવਤੋ ਹਿ ਰਾਗਪ੍ਪਹਾਨੇਨ ਪਹੀਨਦੋਮਨਸ੍ਸਾ વੁਤ੍ਤਾ, ਨ ਖੀਣਾਸવਾ ਏવ।
Ajja sattāhaparinibbutoti ajja divasato paṭilomato sattame ahani parinibbuto. Tato me idanti tato samaṇassa gotamassa parinibbutaṭṭhānato. Avītarāgāti puthujjanā ceva sotāpannasakadāgāmino ca. Tesañhi domanassaṃ appahīnaṃ, tasmā tepi bāhā paggayha kandanti, ubho hatthe sīse ṭhapetvā rodanti. Chinnapātaṃ papatantīti chinnānaṃ pāto viya chinnapāto, taṃ chinnapātaṃ, bhāvanapuṃsakaniddesoyaṃ, majjhe chinnā viya hutvā yato vā tato vā patantīti attho. Āvaṭṭantīti abhimukhabhāvena vaṭṭanti. Yattha patitā, tato katipayaratanaṭṭhānaṃ vaṭṭanavaseneva gantvā puna yathāpatitameva ṭhānaṃ vaṭṭanavasena āgacchanti. Vivaṭṭantīti yattha patitā, tato nivaṭṭanti, patitaṭṭhānato parabhāgaṃ vaṭṭamānā gacchantīti attho. Apica purato vaṭṭanaṃ āvaṭṭanaṃ, passato pacchato ca vaṭṭanaṃ vivaṭṭanaṃ. Tasmā dve pāde pasāretvā sakiṃ purato sakiṃ pacchato sakiṃ vāmato sakiṃ dakkhiṇato samparivaṭṭamānāpi āvaṭṭanti vivaṭṭantīti vuccanti. Vītarāgāti pahīnadomanassā iṭṭhāniṭṭhesu nibbikāratāya silāthambhasadisā anāgāmikhīṇāsavā. Kāmañhi domanasse asatipi ekacco rāgo hotiyeva, rāge pana asati domanassassa asambhavoyeva. Tadekaṭṭhabhāvato hi rāgappahānena pahīnadomanassā vuttā, na khīṇāsavā eva.
ਸਬ੍ਬੇਹੇવ ਪਿਯੇਹੀਤਿਆਦੀਸੁ ਪਿਯਾਯਿਤਬ੍ਬਤੋ ਪਿਯੇਹਿ ਮਨવਡ੍ਢਨਤੋ ਮਨਾਪੇਹਿ ਮਾਤਾਪਿਤਾਭਾਤਾਭਗਿਨੀਆਦਿਕੇਹਿ। ਨਾਨਾਭਾવੋਤਿ ਜਾਤਿਯਾ ਨਾਨਾਭਾવੋ, ਜਾਤਿਅਨੁਰੂਪਗਮਨੇਨ વਿਸੁਂ ਭਾવੋ, ਅਸਮ੍ਬਦ੍ਧਭਾવੋਤਿ ਅਤ੍ਥੋ। વਿਨਾਭਾવੋਤਿ ਮਰਣੇਨ વਿਨਾਭਾવੋ, ਚੁਤਿਯਾ ਤੇਨਤ੍ਤਭਾવੇਨ ਅਪੁਨਪવਤ੍ਤਨਤੋ વਿਪ੍ਪਯੋਗੋਤਿ ਅਤ੍ਥੋ। ਅਞ੍ਞਥਾਭਾવੋਤਿ ਭવੇਨ ਅਞ੍ਞਥਾਭਾવੋ, ਭવਨ੍ਤਰਗ੍ਗਹਣੇਨ ‘‘ਕਾਮਾવਚਰਸਤ੍ਤੋ ਰੂਪਾવਚਰੋ ਹੋਤੀ’’ਤਿਆਦਿਨਾ ਤਤ੍ਥਾਪਿ ‘‘ਮਨੁਸ੍ਸੋ ਦੇવੋ ਹੋਤੀ’’ਤਿਆਦਿਨਾ ਚ ਪੁਰਿਮਾਕਾਰਤੋ ਅਞ੍ਞਾਕਾਰਤਾਤਿ ਅਤ੍ਥੋ। ਤਨ੍ਤਿ ਤਸ੍ਮਾ। ਕੁਤੇਤ੍ਥ ਲਬ੍ਭਾਤਿ ਕੁਤੋ ਕੁਹਿਂ ਕਸ੍ਮਿਂ ਨਾਮ ਠਾਨੇ ਏਤ੍ਥ ਏਤਸ੍ਮਿਂ ਖਨ੍ਧਪ੍ਪવਤ੍ਤੇ ਯਂ ਤਂ ਜਾਤਂ…ਪੇ॰… ਮਾ ਪਲੁਜ੍ਜੀਤਿ ਲਦ੍ਧੁਂ ਸਕ੍ਕਾ, ਨ ਸਕ੍ਕਾ ਏવ ਤਾਦਿਸਸ੍ਸ ਕਾਰਣਸ੍ਸ ਅਭਾવਤੋ। ਇਦਂ વੁਤ੍ਤਂ ਹੋਤਿ – ਯਸ੍ਮਾ ਸਬ੍ਬੇਹੇવ ਪਿਯੇਹਿ ਮਨਾਪੇਹਿ ਨਾਨਾਭਾવੋ, ਤਸ੍ਮਾ ਦਸ ਪਾਰਮਿਯੋ ਪੂਰੇਤ੍વਾਪਿ ਸਮ੍ਬੋਧਿਂ ਪਤ੍વਾਪਿ ਧਮ੍ਮਚਕ੍ਕਂ ਪવਤ੍ਤੇਤ੍વਾਪਿ ਯਮਕਪਾਟਿਹਾਰਿਯਂ ਦਸ੍ਸੇਤ੍વਾਪਿ ਦੇવੋਰੋਹਣਂ ਕਤ੍વਾਪਿ ਯਂ ਤਂ ਜਾਤਂ ਭੂਤਂ ਸਙ੍ਖਤਂ ਪਲੋਕਧਮ੍ਮਂ, ਤਞ੍ਚ ਤਥਾਗਤਸ੍ਸਪਿ ਸਰੀਰਂ ਮਾ ਪਲੁਜ੍ਜੀਤਿ ਨੇਤਂ ਠਾਨਂ વਿਜ੍ਜਤਿ, ਰੋਦਨ੍ਤੇਨਪਿ ਕਨ੍ਦਨ੍ਤੇਨਪਿ ਨ ਸਕ੍ਕਾ ਤਂ ਕਾਰਣਂ ਲਦ੍ਧੁਨ੍ਤਿ।
Sabbeheva piyehītiādīsu piyāyitabbato piyehi manavaḍḍhanato manāpehi mātāpitābhātābhaginīādikehi. Nānābhāvoti jātiyā nānābhāvo, jātianurūpagamanena visuṃ bhāvo, asambaddhabhāvoti attho. Vinābhāvoti maraṇena vinābhāvo, cutiyā tenattabhāvena apunapavattanato vippayogoti attho. Aññathābhāvoti bhavena aññathābhāvo, bhavantaraggahaṇena ‘‘kāmāvacarasatto rūpāvacaro hotī’’tiādinā tatthāpi ‘‘manusso devo hotī’’tiādinā ca purimākārato aññākāratāti attho. Tanti tasmā. Kutettha labbhāti kuto kuhiṃ kasmiṃ nāma ṭhāne ettha etasmiṃ khandhappavatte yaṃ taṃ jātaṃ…pe… mā palujjīti laddhuṃ sakkā, na sakkā eva tādisassa kāraṇassa abhāvato. Idaṃ vuttaṃ hoti – yasmā sabbeheva piyehi manāpehi nānābhāvo, tasmā dasa pāramiyo pūretvāpi sambodhiṃ patvāpi dhammacakkaṃ pavattetvāpi yamakapāṭihāriyaṃ dassetvāpi devorohaṇaṃ katvāpi yaṃ taṃ jātaṃ bhūtaṃ saṅkhataṃ palokadhammaṃ, tañca tathāgatassapi sarīraṃ mā palujjīti netaṃ ṭhānaṃ vijjati, rodantenapi kandantenapi na sakkā taṃ kāraṇaṃ laddhunti.
ਤੇਨ ਖੋ ਪਨਾવੁਸੋ, ਸਮਯੇਨ ਸੁਭਦ੍ਦੋ ਨਾਮ વੁਡ੍ਢਪਬ੍ਬਜਿਤੋਤਿਆਦੀਸੁ ਯਂ વਤ੍ਤਬ੍ਬਂ, ਤਂ ਨਿਦਾਨવਣ੍ਣਨਾਯਂ (ਸਾਰਤ੍ਥ॰ ਟੀ॰ ੧.ਪਠਮਮਹਾਸਙ੍ਗੀਤਿਕਥਾ) વੁਤ੍ਤਨਯਮੇવ।
Tena kho panāvuso, samayena subhaddo nāma vuḍḍhapabbajitotiādīsu yaṃ vattabbaṃ, taṃ nidānavaṇṇanāyaṃ (sārattha. ṭī. 1.paṭhamamahāsaṅgītikathā) vuttanayameva.
ਸਙ੍ਗੀਤਿਨਿਦਾਨਕਥਾવਣ੍ਣਨਾ ਨਿਟ੍ਠਿਤਾ।
Saṅgītinidānakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੧. ਸਙ੍ਗੀਤਿਨਿਦਾਨਂ • 1. Saṅgītinidānaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਙ੍ਗੀਤਿਨਿਦਾਨਕਥਾવਣ੍ਣਨਾ • Saṅgītinidānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਖੁਦ੍ਦਾਨੁਖੁਦ੍ਦਕਸਿਕ੍ਖਾਪਦਕਥਾવਣ੍ਣਨਾ • Khuddānukhuddakasikkhāpadakathāvaṇṇanā
