| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
11. бан̃жасад̇игагканд̇хагам̣
11. Pañcasatikakkhandhakaṃ
1. сан̇г̇ийд̇инид̣̇аанам̣
1. Saṅgītinidānaṃ
437. ат̇а ко ааяасмаа махаагассабо бхигкуу ааманд̇зси – ‘‘згамид̣̇аахам̣, аавусо, самаяам̣ баавааяа гусинаарам̣ ад̣̇д̇хаанамаг̇г̇аббадибанно махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи. ат̇а кваахам̣, аавусо, маг̇г̇аа оггамма ан̃н̃ад̇арасмим̣ ругкамуулз нисийд̣̇им̣.
437. Atha kho āyasmā mahākassapo bhikkhū āmantesi – ‘‘ekamidāhaṃ, āvuso, samayaṃ pāvāya kusināraṃ addhānamaggappaṭipanno mahatā bhikkhusaṅghena saddhiṃ pañcamattehi bhikkhusatehi. Atha khvāhaṃ, āvuso, maggā okkamma aññatarasmiṃ rukkhamūle nisīdiṃ.
1 ‘‘д̇зна ко бана самаязна ан̃н̃ад̇аро ааж̇ийваго гусинаарааяа манд̣̇ааравабубпам̣ г̇ахзд̇ваа баавам̣ ад̣̇д̇хаанамаг̇г̇аббадибанно ход̇и. ад̣̇д̣̇асам̣ ко ахам̣, аавусо, д̇ам̣ ааж̇ийвагам̣ д̣̇уурад̇ова ааг̇ажчанд̇ам̣. д̣̇исваана д̇ам̣ ааж̇ийвагам̣ зд̇ад̣̇авожам̣ – ‘абаавусо, амхаагам̣ сад̇т̇аарам̣ ж̇аанаасий’д̇и? ‘аамаавусо, ж̇аанаами. аж̇ж̇а сад̇д̇аахабариниб̣б̣уд̇о саман̣о г̇од̇амо. д̇ад̇о мз ид̣̇ам̣ манд̣̇ааравабубпам̣ г̇ахид̇а’нд̇и. д̇ад̇раавусо, яз д̇з бхигкуу авийд̇арааг̇аа аббзгажжз б̣аахаа баг̇г̇аяха ганд̣̇анд̇и, чиннабаад̇ам̣ бабад̇анд̇и, аавадданд̇и, вивадданд̇и – ад̇икиббам̣ бхаг̇аваа бариниб̣б̣уд̇о, ад̇икиббам̣ суг̇ад̇о бариниб̣б̣уд̇о, ад̇икиббам̣ жагкум̣ логз анд̇арахид̇анд̇и. яз бана д̇з бхигкуу вийд̇арааг̇аа д̇з сад̇аа самбаж̇аанаа ад̇хиваасзнд̇и – анижжаа сан̇каараа, д̇ам̣ гуд̇зд̇т̇а лаб̣бхаад̇и.
2 ‘‘Tena kho pana samayena aññataro ājīvako kusinārāya mandāravapupphaṃ gahetvā pāvaṃ addhānamaggappaṭipanno hoti. Addasaṃ kho ahaṃ, āvuso, taṃ ājīvakaṃ dūratova āgacchantaṃ. Disvāna taṃ ājīvakaṃ etadavocaṃ – ‘apāvuso, amhākaṃ satthāraṃ jānāsī’ti? ‘Āmāvuso, jānāmi. Ajja sattāhaparinibbuto samaṇo gotamo. Tato me idaṃ mandāravapupphaṃ gahita’nti. Tatrāvuso, ye te bhikkhū avītarāgā appekacce bāhā paggayha kandanti, chinnapātaṃ papatanti, āvaṭṭanti, vivaṭṭanti – atikhippaṃ bhagavā parinibbuto, atikhippaṃ sugato parinibbuto, atikhippaṃ cakkhuṃ loke antarahitanti. Ye pana te bhikkhū vītarāgā te satā sampajānā adhivāsenti – aniccā saṅkhārā, taṃ kutettha labbhāti.
‘‘ат̇а кваахам̣, аавусо, д̇з бхигкуу зд̇ад̣̇авожам̣ – ‘алам̣, аавусо, маа сожид̇т̇а; маа барид̣̇звид̇т̇а. нанвзд̇ам̣, аавусо, бхаг̇авад̇аа бадигажжзва агкаад̇ам̣ – саб̣б̣зхзва биязхи манаабзхи наанаабхааво винаабхааво ан̃н̃ат̇аабхааво. д̇ам̣ гуд̇зд̇т̇а аавусо лаб̣бхаа, яам̣ д̇ам̣ ж̇аад̇ам̣ бхууд̇ам̣ сан̇кад̇ам̣ балогад̇хаммам̣, д̇ам̣ вад̇а маа балуж̇ж̇ийд̇и – нзд̇ам̣ таанам̣ виж̇ж̇ад̇ий’д̇и.
‘‘Atha khvāhaṃ, āvuso, te bhikkhū etadavocaṃ – ‘alaṃ, āvuso, mā socittha; mā paridevittha. Nanvetaṃ, āvuso, bhagavatā paṭikacceva akkhātaṃ – sabbeheva piyehi manāpehi nānābhāvo vinābhāvo aññathābhāvo. Taṃ kutettha āvuso labbhā, yaṃ taṃ jātaṃ bhūtaṃ saṅkhataṃ palokadhammaṃ, taṃ vata mā palujjīti – netaṃ ṭhānaṃ vijjatī’ti.
‘‘д̇зна ко банаавусо, самаязна субхад̣̇д̣̇о наама вуд̣дхабаб̣б̣аж̇ид̇о д̇ассам̣ барисааяам̣ нисинно ход̇и . ат̇а ко, аавусо, субхад̣̇д̣̇о вуд̣дхабаб̣б̣аж̇ид̇о д̇з бхигкуу зд̇ад̣̇авожа – ‘алам̣, аавусо, маа сожид̇т̇а; маа барид̣̇звид̇т̇а. сумуд̇д̇аа маяам̣ д̇зна махаасаман̣зна ; убад̣̇д̣̇уд̇аа жа маяам̣ хома – ид̣̇ам̣ во габбад̇и, ид̣̇ам̣ во на габбад̇ийд̇и. ид̣̇аани бана маяам̣ яам̣ ижчиссаама д̇ам̣ гариссаама, яам̣ на ижчиссаама на д̇ам̣ гариссаамаа’д̇и. ханд̣̇а маяам̣, аавусо, д̇хамман̃жа винаяан̃жа сан̇г̇ааяаама. бурз ад̇хаммо д̣̇иббад̇и 3, д̇хаммо бадиб̣аахияяад̇и; бурз авинаяо д̣̇иббад̇и винаяо бадиб̣аахияяад̇и; бурз ад̇хаммаваад̣̇ино б̣алаванд̇о хонд̇и, д̇хаммаваад̣̇ино д̣̇уб̣б̣алаа хонд̇и; бурз авинаяаваад̣̇ино б̣алаванд̇о хонд̇и, винаяаваад̣̇ино д̣̇уб̣б̣алаа хонд̇ий’’д̇и.
‘‘Tena kho panāvuso, samayena subhaddo nāma vuḍḍhapabbajito tassaṃ parisāyaṃ nisinno hoti . Atha kho, āvuso, subhaddo vuḍḍhapabbajito te bhikkhū etadavoca – ‘alaṃ, āvuso, mā socittha; mā paridevittha. Sumuttā mayaṃ tena mahāsamaṇena ; upaddutā ca mayaṃ homa – idaṃ vo kappati, idaṃ vo na kappatīti. Idāni pana mayaṃ yaṃ icchissāma taṃ karissāma, yaṃ na icchissāma na taṃ karissāmā’ti. Handa mayaṃ, āvuso, dhammañca vinayañca saṅgāyāma. Pure adhammo dippati 4, dhammo paṭibāhiyyati; pure avinayo dippati vinayo paṭibāhiyyati; pure adhammavādino balavanto honti, dhammavādino dubbalā honti; pure avinayavādino balavanto honti, vinayavādino dubbalā hontī’’ti.
‘‘д̇зна хи, бханд̇з, т̇зро бхигкуу ужжинад̇уу’’д̇и. ат̇а ко ааяасмаа махаагассабо згзнуунабан̃жаараханд̇асад̇аани ужжини. бхигкуу ааяасманд̇ам̣ махаагассабам̣ зд̇ад̣̇авожум̣ – ‘‘аяам̣, бханд̇з, ааяасмаа аананд̣̇о гин̃жааби сзгко, абхаб̣б̣о чанд̣̇аа д̣̇осаа мохаа бхаяаа аг̇ад̇им̣ г̇анд̇ум̣. б̣аху жа анзна бхаг̇авад̇о санд̇игз д̇хаммо жа винаяо жа барияад̇д̇о. д̇зна хи, бханд̇з, т̇зро ааяасманд̇амби аананд̣̇ам̣ ужжинад̇уу’’д̇и . ат̇а ко ааяасмаа махаагассабо ааяасманд̇амби аананд̣̇ам̣ ужжини.
‘‘Tena hi, bhante, thero bhikkhū uccinatū’’ti. Atha kho āyasmā mahākassapo ekenūnapañcaarahantasatāni uccini. Bhikkhū āyasmantaṃ mahākassapaṃ etadavocuṃ – ‘‘ayaṃ, bhante, āyasmā ānando kiñcāpi sekkho, abhabbo chandā dosā mohā bhayā agatiṃ gantuṃ. Bahu ca anena bhagavato santike dhammo ca vinayo ca pariyatto. Tena hi, bhante, thero āyasmantampi ānandaṃ uccinatū’’ti . Atha kho āyasmā mahākassapo āyasmantampi ānandaṃ uccini.
ат̇а ко т̇зраанам̣ бхигкуунам̣ зд̇ад̣̇ахоси – ‘‘гад̇т̇а ну ко маяам̣ д̇хамман̃жа винаяан̃жа сан̇г̇ааязяяаамаа’’д̇и? ат̇а ко т̇зраанам̣ бхигкуунам̣ зд̇ад̣̇ахоси – ‘‘рааж̇аг̇ахам̣ ко махааг̇ожарам̣ бахууд̇асзнаасанам̣, яам̣нууна маяам̣ рааж̇аг̇ахз вассам̣ васанд̇аа д̇хамман̃жа винаяан̃жа сан̇г̇ааязяяаама. на ан̃н̃з бхигкуу рааж̇аг̇ахз вассам̣ убаг̇ажчзяяу’’нд̇и.
Atha kho therānaṃ bhikkhūnaṃ etadahosi – ‘‘kattha nu kho mayaṃ dhammañca vinayañca saṅgāyeyyāmā’’ti? Atha kho therānaṃ bhikkhūnaṃ etadahosi – ‘‘rājagahaṃ kho mahāgocaraṃ pahūtasenāsanaṃ, yaṃnūna mayaṃ rājagahe vassaṃ vasantā dhammañca vinayañca saṅgāyeyyāma. Na aññe bhikkhū rājagahe vassaṃ upagaccheyyu’’nti.
ат̇а ко ааяасмаа махаагассабо сан̇гхам̣ н̃аабзси –
Atha kho āyasmā mahākassapo saṅghaṃ ñāpesi –
438. ‘‘сун̣аад̇у мз, аавусо, сан̇гхо. яад̣̇и сан̇гхасса бад̇д̇агаллам̣, сан̇гхо имаани бан̃жа бхигкусад̇аани самманнзяяа – рааж̇аг̇ахз вассам̣ васанд̇аани д̇хамман̃жа винаяан̃жа сан̇г̇ааяид̇ум̣, на ан̃н̃зхи бхигкуухи рааж̇аг̇ахз вассам̣ васид̇аб̣б̣анд̇и. зсаа н̃ад̇д̇и.
438. ‘‘Suṇātu me, āvuso, saṅgho. Yadi saṅghassa pattakallaṃ, saṅgho imāni pañca bhikkhusatāni sammanneyya – rājagahe vassaṃ vasantāni dhammañca vinayañca saṅgāyituṃ, na aññehi bhikkhūhi rājagahe vassaṃ vasitabbanti. Esā ñatti.
‘‘сун̣аад̇у мз, аавусо, сан̇гхо. имаани бан̃жа бхигкусад̇аани самманнад̇и – рааж̇аг̇ахз вассам̣ васанд̇аани д̇хамман̃жа винаяан̃жа сан̇г̇ааяид̇ум̣, на ан̃н̃зхи бхигкуухи рааж̇аг̇ахз вассам̣ васид̇аб̣б̣анд̇и. яассааяасмад̇о камад̇и имзсам̣ бан̃жаннам̣ бхигкусад̇аанам̣ саммуд̇и – рааж̇аг̇ахз вассам̣ васанд̇аанам̣ д̇хамман̃жа винаяан̃жа сан̇г̇ааяид̇ум̣, на ан̃н̃зхи бхигкуухи рааж̇аг̇ахз вассам̣ васид̇аб̣б̣анд̇и – со д̇ун̣хасса; яасса нагкамад̇и, со бхаасзяяа.
‘‘Suṇātu me, āvuso, saṅgho. Imāni pañca bhikkhusatāni sammannati – rājagahe vassaṃ vasantāni dhammañca vinayañca saṅgāyituṃ, na aññehi bhikkhūhi rājagahe vassaṃ vasitabbanti. Yassāyasmato khamati imesaṃ pañcannaṃ bhikkhusatānaṃ sammuti – rājagahe vassaṃ vasantānaṃ dhammañca vinayañca saṅgāyituṃ, na aññehi bhikkhūhi rājagahe vassaṃ vasitabbanti – so tuṇhassa; yassa nakkhamati, so bhāseyya.
‘‘саммад̇аани сан̇гхзна имаани бан̃жа бхигкусад̇аани рааж̇аг̇ахз вассам̣ васанд̇аани д̇хамман̃жа винаяан̃жа сан̇г̇ааяид̇ум̣, на ан̃н̃зхи бхигкуухи рааж̇аг̇ахз вассам̣ васид̇аб̣б̣анд̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Sammatāni saṅghena imāni pañca bhikkhusatāni rājagahe vassaṃ vasantāni dhammañca vinayañca saṅgāyituṃ, na aññehi bhikkhūhi rājagahe vassaṃ vasitabbanti. Khamati saṅghassa, tasmā tuṇhī, evametaṃ dhārayāmī’’ti.
ат̇а ко т̇зраа бхигкуу рааж̇аг̇ахам̣ аг̇амам̣су д̇хамман̃жа винаяан̃жа сан̇г̇ааяид̇ум̣. ат̇а ко т̇зраанам̣ бхигкуунам̣ зд̇ад̣̇ахоси – ‘‘бхаг̇авад̇аа ко, аавусо, кан̣д̣апуллаббадисан̇каран̣ам̣ ван̣н̣ид̇ам̣. ханд̣̇а маяам̣, аавусо, батамам̣ маасам̣ кан̣д̣апуллам̣ бадисан̇карома; маж̇жхимам̣ маасам̣ саннибад̇ид̇ваа д̇хамман̃жа винаяан̃жа сан̇г̇ааяиссаамаа’’д̇и.
Atha kho therā bhikkhū rājagahaṃ agamaṃsu dhammañca vinayañca saṅgāyituṃ. Atha kho therānaṃ bhikkhūnaṃ etadahosi – ‘‘bhagavatā kho, āvuso, khaṇḍaphullappaṭisaṅkharaṇaṃ vaṇṇitaṃ. Handa mayaṃ, āvuso, paṭhamaṃ māsaṃ khaṇḍaphullaṃ paṭisaṅkharoma; majjhimaṃ māsaṃ sannipatitvā dhammañca vinayañca saṅgāyissāmā’’ti.
ат̇а ко т̇зраа бхигкуу батамам̣ маасам̣ кан̣д̣апуллам̣ бадисан̇карим̣су. ат̇а ко ааяасмаа аананд̣̇о – свз саннибаад̇о 5 на ко мзд̇ам̣ бад̇ируубам̣, яохам̣ сзгко самаано саннибаад̇ам̣ г̇ажчзяяанд̇и – б̣ахуд̣̇зва рад̇д̇им̣ гааяаг̇ад̇ааяа сад̇ияаа вийд̇инаамзд̇ваа рад̇д̇ияаа бажжуусасамаяам̣ ‘нибаж̇ж̇иссаамий’д̇и гааяам̣ ааваж̇ж̇зси. аббад̇д̇ан̃жа сийсам̣ б̣иб̣б̣оханам̣, бхуумид̇о жа баад̣̇аа муд̇д̇аа. зд̇асмим̣ анд̇арз анубаад̣̇ааяа аасавзхи жид̇д̇ам̣ вимужжи.
Atha kho therā bhikkhū paṭhamaṃ māsaṃ khaṇḍaphullaṃ paṭisaṅkhariṃsu. Atha kho āyasmā ānando – sve sannipāto 6 na kho metaṃ patirūpaṃ, yohaṃ sekkho samāno sannipātaṃ gaccheyyanti – bahudeva rattiṃ kāyagatāya satiyā vītināmetvā rattiyā paccūsasamayaṃ ‘nipajjissāmī’ti kāyaṃ āvajjesi. Appattañca sīsaṃ bibbohanaṃ, bhūmito ca pādā muttā. Etasmiṃ antare anupādāya āsavehi cittaṃ vimucci.
439. ат̇а ко ааяасмаа аананд̣̇о арахаа самаано саннибаад̇ам̣ аг̇амааси. ат̇а ко ааяасмаа махаагассабо сан̇гхам̣ н̃аабзси –
439. Atha kho āyasmā ānando arahā samāno sannipātaṃ agamāsi. Atha kho āyasmā mahākassapo saṅghaṃ ñāpesi –
‘‘сун̣аад̇у мз, аавусо, сан̇гхо. яад̣̇и сан̇гхасса бад̇д̇агаллам̣, ахам̣ убаалим̣ винаяам̣ бужчзяяа’’нд̇и.
‘‘Suṇātu me, āvuso, saṅgho. Yadi saṅghassa pattakallaṃ, ahaṃ upāliṃ vinayaṃ puccheyya’’nti.
ааяасмаа убаали сан̇гхам̣ н̃аабзси –
Āyasmā upāli saṅghaṃ ñāpesi –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, ахам̣ ааяасмад̇аа махаагассабзна винаяам̣ будто виссаж̇ж̇зяяа’’нд̇и.
‘‘Suṇātu me, bhante, saṅgho. Yadi saṅghassa pattakallaṃ, ahaṃ āyasmatā mahākassapena vinayaṃ puṭṭho vissajjeyya’’nti.
ат̇а ко ааяасмаа махаагассабо ааяасманд̇ам̣ убаалим̣ зд̇ад̣̇авожа – ‘‘батамам̣, аавусо убаали , баарааж̇игам̣ гад̇т̇а бан̃н̃ад̇д̇а’’нд̇и? ‘‘взсаалияам̣ бханд̇з’’д̇и. ‘‘гам̣ аараб̣бхаа’’д̇и? ‘‘суд̣̇иннам̣ галанд̣̇абуд̇д̇ам̣ аараб̣бхаа’’д̇и. ‘‘гисмим̣ вад̇т̇усми’’нд̇и? ‘‘мзт̇унад̇хаммз’’д̇и. ат̇а ко ааяасмаа махаагассабо ааяасманд̇ам̣ убаалим̣ батамасса баарааж̇игасса вад̇т̇умби бужчи, нид̣̇аанамби бужчи, буг̇г̇аламби бужчи, бан̃н̃ад̇д̇имби бужчи, анубан̃н̃ад̇д̇имби бужчи, аабад̇д̇имби бужчи, анаабад̇д̇имби бужчи. ‘‘д̣̇уд̇ияам̣ банаавусо убаали, баарааж̇игам̣ гад̇т̇а бан̃н̃ад̇д̇а’’нд̇и? ‘‘рааж̇аг̇ахз бханд̇з’’д̇и. ‘‘гам̣ аараб̣бхаа’’д̇и? ‘‘д̇ханияам̣ гумбхагаарабуд̇д̇ам̣ аараб̣бхаа’’д̇и. ‘‘гисмим̣ вад̇т̇усми’’нд̇и? ‘‘ад̣̇иннаад̣̇аанз’’д̇и. ат̇а ко ааяасмаа махаагассабо ааяасманд̇ам̣ убаалим̣ д̣̇уд̇ияасса баарааж̇игасса вад̇т̇умби бужчи, нид̣̇аанамби бужчи, буг̇г̇аламби бужчи, бан̃н̃ад̇д̇имби бужчи, анубан̃н̃ад̇д̇имби бужчи, аабад̇д̇имби бужчи, анаабад̇д̇имби бужчи. ‘‘д̇ад̇ияам̣ банаавусо убаали, баарааж̇игам̣ гад̇т̇а бан̃н̃ад̇д̇а’’нд̇и? ‘‘взсаалияам̣ бханд̇з’’д̇и. ‘‘гам̣ аараб̣бхаа’’д̇и? ‘‘самб̣ахулз бхигкуу аараб̣бхаа’’д̇и. ‘‘гисмим̣ вад̇т̇усми’’нд̇и? ‘‘мануссавиг̇г̇ахз’’д̇и. ат̇а ко ааяасмаа махаагассабо ааяасманд̇ам̣ убаалим̣ д̇ад̇ияасса баарааж̇игасса вад̇т̇умби бужчи, нид̣̇аанамби бужчи, буг̇г̇аламби бужчи, бан̃н̃ад̇д̇имби бужчи, анубан̃н̃ад̇д̇имби бужчи, аабад̇д̇имби бужчи, анаабад̇д̇имби бужчи. ‘‘жад̇уд̇т̇ам̣ банаавусо убаали, баарааж̇игам̣ гад̇т̇а бан̃н̃ад̇д̇а’’нд̇и? ‘‘взсаалияам̣ бханд̇з’’д̇и. ‘‘гам̣ аараб̣бхаа’’д̇и? ‘‘ваг̇г̇умуд̣̇аад̇ийрияз бхигкуу аараб̣бхаа’’д̇и. ‘‘гисмим̣ вад̇т̇усми’’нд̇и? ‘‘уд̇д̇аримануссад̇хаммз’’д̇и. ат̇а ко ааяасмаа махаагассабо ааяасманд̇ам̣ убаалим̣ жад̇уд̇т̇асса баарааж̇игасса вад̇т̇умби бужчи, нид̣̇аанамби бужчи, буг̇г̇аламби бужчи, бан̃н̃ад̇д̇имби бужчи, анубан̃н̃ад̇д̇имби бужчи, аабад̇д̇имби бужчи, анаабад̇д̇имби бужчи. зд̇знзва убааязна убхад̇овибхан̇г̇з бужчи. будто будто ааяасмаа убаали виссаж̇ж̇зси.
Atha kho āyasmā mahākassapo āyasmantaṃ upāliṃ etadavoca – ‘‘paṭhamaṃ, āvuso upāli , pārājikaṃ kattha paññatta’’nti? ‘‘Vesāliyaṃ bhante’’ti. ‘‘Kaṃ ārabbhā’’ti? ‘‘Sudinnaṃ kalandaputtaṃ ārabbhā’’ti. ‘‘Kismiṃ vatthusmi’’nti? ‘‘Methunadhamme’’ti. Atha kho āyasmā mahākassapo āyasmantaṃ upāliṃ paṭhamassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi. ‘‘Dutiyaṃ panāvuso upāli, pārājikaṃ kattha paññatta’’nti? ‘‘Rājagahe bhante’’ti. ‘‘Kaṃ ārabbhā’’ti? ‘‘Dhaniyaṃ kumbhakāraputtaṃ ārabbhā’’ti. ‘‘Kismiṃ vatthusmi’’nti? ‘‘Adinnādāne’’ti. Atha kho āyasmā mahākassapo āyasmantaṃ upāliṃ dutiyassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi. ‘‘Tatiyaṃ panāvuso upāli, pārājikaṃ kattha paññatta’’nti? ‘‘Vesāliyaṃ bhante’’ti. ‘‘Kaṃ ārabbhā’’ti? ‘‘Sambahule bhikkhū ārabbhā’’ti. ‘‘Kismiṃ vatthusmi’’nti? ‘‘Manussaviggahe’’ti. Atha kho āyasmā mahākassapo āyasmantaṃ upāliṃ tatiyassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi. ‘‘Catutthaṃ panāvuso upāli, pārājikaṃ kattha paññatta’’nti? ‘‘Vesāliyaṃ bhante’’ti. ‘‘Kaṃ ārabbhā’’ti? ‘‘Vaggumudātīriye bhikkhū ārabbhā’’ti. ‘‘Kismiṃ vatthusmi’’nti? ‘‘Uttarimanussadhamme’’ti. Atha kho āyasmā mahākassapo āyasmantaṃ upāliṃ catutthassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi. Eteneva upāyena ubhatovibhaṅge pucchi. Puṭṭho puṭṭho āyasmā upāli vissajjesi.
440. ат̇а ко ааяасмаа махаагассабо сан̇гхам̣ н̃аабзси –
440. Atha kho āyasmā mahākassapo saṅghaṃ ñāpesi –
‘‘сун̣аад̇у мз, аавусо, сан̇гхо. яад̣̇и сан̇гхасса бад̇д̇агаллам̣, ахам̣ аананд̣̇ам̣ д̇хаммам̣ бужчзяяа’’нд̇и.
‘‘Suṇātu me, āvuso, saṅgho. Yadi saṅghassa pattakallaṃ, ahaṃ ānandaṃ dhammaṃ puccheyya’’nti.
ааяасмаа аананд̣̇о сан̇гхам̣ н̃аабзси –
Āyasmā ānando saṅghaṃ ñāpesi –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, ахам̣ ааяасмад̇аа махаагассабзна д̇хаммам̣ будто виссаж̇ж̇зяяа’’нд̇и.
‘‘Suṇātu me, bhante, saṅgho. Yadi saṅghassa pattakallaṃ, ahaṃ āyasmatā mahākassapena dhammaṃ puṭṭho vissajjeyya’’nti.
ат̇а ко ааяасмаа махаагассабо ааяасманд̇ам̣ аананд̣̇ам̣ зд̇ад̣̇авожа – ‘‘б̣рахмаж̇аалам̣, аавусо аананд̣̇а, гад̇т̇а бхаасид̇а’’нд̇и? ‘‘анд̇араа жа, бханд̇з, рааж̇аг̇ахам̣ анд̇араа жа наал̣анд̣̇ам̣ рааж̇ааг̇аарагз амб̣аладтигааяаа’’д̇и. ‘‘гам̣ аараб̣бхаа’’д̇и? ‘‘суббияан̃жа бариб̣б̣ааж̇агам̣ б̣рахмад̣̇ад̇д̇ан̃жа маан̣ава’’нд̇и. ат̇а ко ааяасмаа махаагассабо ааяасманд̇ам̣ аананд̣̇ам̣ б̣рахмаж̇ааласса нид̣̇аанамби бужчи, буг̇г̇аламби бужчи. ‘‘сааман̃н̃апалам̣ банаавусо аананд̣̇а, гад̇т̇а бхаасид̇а’’нд̇и? ‘‘рааж̇аг̇ахз, бханд̇з, ж̇ийвагамб̣аванз’’д̇и. ‘‘гзна сад̣̇д̇хи’’нд̇и? ‘‘аж̇аад̇асад̇д̇унаа взд̣̇зхибуд̇д̇зна сад̣̇д̇хи’’нд̇и. ат̇а ко ааяасмаа махаагассабо ааяасманд̇ам̣ аананд̣̇ам̣ сааман̃н̃апаласса нид̣̇аанамби бужчи, буг̇г̇аламби бужчи. зд̇знзва убааязна бан̃жаби нигааяз бужчи. будто будто ааяасмаа аананд̣̇о виссаж̇ж̇зси.
Atha kho āyasmā mahākassapo āyasmantaṃ ānandaṃ etadavoca – ‘‘brahmajālaṃ, āvuso ānanda, kattha bhāsita’’nti? ‘‘Antarā ca, bhante, rājagahaṃ antarā ca nāḷandaṃ rājāgārake ambalaṭṭhikāyā’’ti. ‘‘Kaṃ ārabbhā’’ti? ‘‘Suppiyañca paribbājakaṃ brahmadattañca māṇava’’nti. Atha kho āyasmā mahākassapo āyasmantaṃ ānandaṃ brahmajālassa nidānampi pucchi, puggalampi pucchi. ‘‘Sāmaññaphalaṃ panāvuso ānanda, kattha bhāsita’’nti? ‘‘Rājagahe, bhante, jīvakambavane’’ti. ‘‘Kena saddhi’’nti? ‘‘Ajātasattunā vedehiputtena saddhi’’nti. Atha kho āyasmā mahākassapo āyasmantaṃ ānandaṃ sāmaññaphalassa nidānampi pucchi, puggalampi pucchi. Eteneva upāyena pañcapi nikāye pucchi. Puṭṭho puṭṭho āyasmā ānando vissajjesi.
Footnotes:
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇г̇ийд̇инид̣̇аанагат̇ааван̣н̣анаа • Saṅgītinidānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сан̇г̇ийд̇инид̣̇аанагат̇ааван̣н̣анаа • Saṅgītinidānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / куд̣̇д̣̇аанукуд̣̇д̣̇агасигкаабад̣̇агат̇ааван̣н̣анаа • Khuddānukhuddakasikkhāpadakathāvaṇṇanā
