Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya

10. сан̇г̇ийд̇исуд̇д̇ам̣

10. Saṅgītisuttaṃ

296. звам̣ мз суд̇ам̣ – згам̣ самаяам̣ бхаг̇аваа маллзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи язна бааваа наама маллаанам̣ наг̇арам̣ д̇ад̣̇авасари. д̇ад̇ра суд̣̇ам̣ бхаг̇аваа баавааяам̣ вихарад̇и жунд̣̇асса гаммаарабуд̇д̇асса амб̣аванз.

296. Evaṃ me sutaṃ – ekaṃ samayaṃ bhagavā mallesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi yena pāvā nāma mallānaṃ nagaraṃ tadavasari. Tatra sudaṃ bhagavā pāvāyaṃ viharati cundassa kammāraputtassa ambavane.

уб̣бхад̇аганавасанд̇хааг̇аарам̣

Ubbhatakanavasandhāgāraṃ

297. д̇зна ко бана самаязна баавзяяагаанам̣ маллаанам̣ уб̣бхад̇агам̣ наама навам̣ санд̇хааг̇аарам̣ ¹ ажирагаарид̇ам̣ ход̇и анаж̇жхаавудтам̣ ² саман̣зна ваа б̣раахман̣зна ваа гзнажи ваа мануссабхууд̇зна. ассосум̣ ко баавзяяагаа маллаа – ‘‘бхаг̇аваа гира маллзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи баавам̣ ануббад̇д̇о баавааяам̣ вихарад̇и жунд̣̇асса гаммаарабуд̇д̇асса амб̣аванз’’д̇и. ат̇а ко баавзяяагаа маллаа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко баавзяяагаа маллаа бхаг̇аванд̇ам̣ зд̇ад̣̇авожум̣ – ‘‘ид̇ха, бханд̇з, баавзяяагаанам̣ маллаанам̣ уб̣бхад̇агам̣ наама навам̣ санд̇хааг̇аарам̣ ажирагаарид̇ам̣ ход̇и анаж̇жхаавудтам̣ саман̣зна ваа б̣раахман̣зна ваа гзнажи ваа мануссабхууд̇зна. д̇ан̃жа ко, бханд̇з, бхаг̇аваа батамам̣ барибхун̃ж̇ад̇у, бхаг̇авад̇аа батамам̣ барибхуд̇д̇ам̣ бажчаа баавзяяагаа маллаа барибхун̃ж̇иссанд̇и. д̇ад̣̇асса баавзяяагаанам̣ маллаанам̣ д̣̇ийгхарад̇д̇ам̣ хид̇ааяа сукааяаа’’д̇и. ад̇хиваасзси ко бхаг̇аваа д̇ун̣хийбхаавзна.

297. Tena kho pana samayena pāveyyakānaṃ mallānaṃ ubbhatakaṃ nāma navaṃ sandhāgāraṃ ³ acirakāritaṃ hoti anajjhāvuṭṭhaṃ ⁴ samaṇena vā brāhmaṇena vā kenaci vā manussabhūtena. Assosuṃ kho pāveyyakā mallā – ‘‘bhagavā kira mallesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi pāvaṃ anuppatto pāvāyaṃ viharati cundassa kammāraputtassa ambavane’’ti. Atha kho pāveyyakā mallā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho pāveyyakā mallā bhagavantaṃ etadavocuṃ – ‘‘idha, bhante, pāveyyakānaṃ mallānaṃ ubbhatakaṃ nāma navaṃ sandhāgāraṃ acirakāritaṃ hoti anajjhāvuṭṭhaṃ samaṇena vā brāhmaṇena vā kenaci vā manussabhūtena. Tañca kho, bhante, bhagavā paṭhamaṃ paribhuñjatu, bhagavatā paṭhamaṃ paribhuttaṃ pacchā pāveyyakā mallā paribhuñjissanti. Tadassa pāveyyakānaṃ mallānaṃ dīgharattaṃ hitāya sukhāyā’’ti. Adhivāsesi kho bhagavā tuṇhībhāvena.

298. ат̇а ко баавзяяагаа маллаа бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа язна санд̇хааг̇аарам̣ д̇знубасан̇гамим̣су; убасан̇гамид̇ваа саб̣б̣асант̇арим̣ ⁵ санд̇хааг̇аарам̣ сант̇арид̇ваа бхаг̇авад̇о аасанаани бан̃н̃аабзд̇ваа уд̣̇агаман̣игам̣ бад̇идтабзд̇ваа д̇злабад̣̇ийбам̣ ааробзд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко д̇з баавзяяагаа маллаа бхаг̇аванд̇ам̣ зд̇ад̣̇авожум̣ – ‘‘саб̣б̣асант̇арисант̇ад̇ам̣ ⁶, бханд̇з, санд̇хааг̇аарам̣, бхаг̇авад̇о аасанаани бан̃н̃ад̇д̇аани, уд̣̇агаман̣иго бад̇идтаабид̇о, д̇злабад̣̇ийбо ааробид̇о. яассад̣̇аани, бханд̇з, бхаг̇аваа гаалам̣ ман̃н̃ад̇ий’’д̇и.

298. Atha kho pāveyyakā mallā bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā yena sandhāgāraṃ tenupasaṅkamiṃsu; upasaṅkamitvā sabbasanthariṃ ⁷ sandhāgāraṃ santharitvā bhagavato āsanāni paññāpetvā udakamaṇikaṃ patiṭṭhapetvā telapadīpaṃ āropetvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho te pāveyyakā mallā bhagavantaṃ etadavocuṃ – ‘‘sabbasantharisanthataṃ ⁸, bhante, sandhāgāraṃ, bhagavato āsanāni paññattāni, udakamaṇiko patiṭṭhāpito, telapadīpo āropito. Yassadāni, bhante, bhagavā kālaṃ maññatī’’ti.

299. ат̇а ко бхаг̇аваа ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна санд̇хааг̇аарам̣ д̇знубасан̇гами; убасан̇гамид̇ваа баад̣̇з багкаалзд̇ваа санд̇хааг̇аарам̣ бависид̇ваа маж̇жхимам̣ т̇амбхам̣ ниссааяа бурад̇т̇аабхимуко нисийд̣̇и. бхигкусан̇гхоби ко баад̣̇з багкаалзд̇ваа санд̇хааг̇аарам̣ бависид̇ваа бажчимам̣ бхид̇д̇им̣ ниссааяа бурад̇т̇аабхимуко нисийд̣̇и бхаг̇аванд̇ам̣язва бурагкад̇ваа. баавзяяагааби ко маллаа баад̣̇з багкаалзд̇ваа санд̇хааг̇аарам̣ бависид̇ваа бурад̇т̇имам̣ бхид̇д̇им̣ ниссааяа бажчимаабхимукаа нисийд̣̇им̣су бхаг̇аванд̇ам̣язва бурагкад̇ваа. ат̇а ко бхаг̇аваа баавзяяагз маллз б̣ахуд̣̇зва рад̇д̇им̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа уяяож̇зси – ‘‘абхигганд̇аа ко, ваасздтаа, рад̇д̇и. яассад̣̇аани д̇умхз гаалам̣ ман̃н̃ат̇аа’’д̇и. ‘‘звам̣, бханд̇з’’д̇и ко баавзяяагаа маллаа бхаг̇авад̇о бадиссуд̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су.

299. Atha kho bhagavā nivāsetvā pattacīvaramādāya saddhiṃ bhikkhusaṅghena yena sandhāgāraṃ tenupasaṅkami; upasaṅkamitvā pāde pakkhāletvā sandhāgāraṃ pavisitvā majjhimaṃ thambhaṃ nissāya puratthābhimukho nisīdi. Bhikkhusaṅghopi kho pāde pakkhāletvā sandhāgāraṃ pavisitvā pacchimaṃ bhittiṃ nissāya puratthābhimukho nisīdi bhagavantaṃyeva purakkhatvā. Pāveyyakāpi kho mallā pāde pakkhāletvā sandhāgāraṃ pavisitvā puratthimaṃ bhittiṃ nissāya pacchimābhimukhā nisīdiṃsu bhagavantaṃyeva purakkhatvā. Atha kho bhagavā pāveyyake malle bahudeva rattiṃ dhammiyā kathāya sandassetvā samādapetvā samuttejetvā sampahaṃsetvā uyyojesi – ‘‘abhikkantā kho, vāseṭṭhā, ratti. Yassadāni tumhe kālaṃ maññathā’’ti. ‘‘Evaṃ, bhante’’ti kho pāveyyakā mallā bhagavato paṭissutvā uṭṭhāyāsanā bhagavantaṃ abhivādetvā padakkhiṇaṃ katvā pakkamiṃsu.

300. ат̇а ко бхаг̇аваа ажирабагганд̇зсу баавзяяагзсу маллзсу д̇ун̣хийбхууд̇ам̣ д̇ун̣хийбхууд̇ам̣ бхигкусам̣гхам̣ анувилогзд̇ваа ааяасманд̇ам̣ саарибуд̇д̇ам̣ ааманд̇зси – ‘‘виг̇ад̇ат̇инамид̣̇д̇хо ⁹ ко, саарибуд̇д̇а, бхигкусан̇гхо. бадибхаад̇у д̇ам̣, саарибуд̇д̇а, бхигкуунам̣ д̇хаммийгат̇аа. бидти мз ааг̇илааяад̇и. д̇амахам̣ ааяамиссаамий’’д̇и ¹⁰. ‘‘звам̣, бханд̇з’’д̇и ко ааяасмаа саарибуд̇д̇о бхаг̇авад̇о бажжассоси. ат̇а ко бхаг̇аваа жад̇уг̇г̇ун̣ам̣ сан̇гхаадим̣ бан̃н̃абзд̇ваа д̣̇агкин̣зна бассзна сийхасзяяам̣ габбзси баад̣̇з баад̣̇ам̣ ажжаад̇хааяа, сад̇о самбаж̇аано удтаанасан̃н̃ам̣ манаси гарид̇ваа.

300. Atha kho bhagavā acirapakkantesu pāveyyakesu mallesu tuṇhībhūtaṃ tuṇhībhūtaṃ bhikkhusaṃghaṃ anuviloketvā āyasmantaṃ sāriputtaṃ āmantesi – ‘‘vigatathinamiddho ¹¹ kho, sāriputta, bhikkhusaṅgho. Paṭibhātu taṃ, sāriputta, bhikkhūnaṃ dhammīkathā. Piṭṭhi me āgilāyati. Tamahaṃ āyamissāmī’’ti ¹². ‘‘Evaṃ, bhante’’ti kho āyasmā sāriputto bhagavato paccassosi. Atha kho bhagavā catugguṇaṃ saṅghāṭiṃ paññapetvā dakkhiṇena passena sīhaseyyaṃ kappesi pāde pādaṃ accādhāya, sato sampajāno uṭṭhānasaññaṃ manasi karitvā.

бхиннаниг̇ан̣тавад̇т̇у

Bhinnanigaṇṭhavatthu

301. д̇зна ко бана самаязна ниг̇ан̣то наадабуд̇д̇о баавааяам̣ ад̇хунаагаалан̇гад̇о ход̇и. д̇асса гаалан̇гирияааяа бхиннаа ниг̇ан̣таа д̣̇взд̇хигаж̇аад̇аа ¹³ бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и ¹⁴ – ‘‘на д̇вам̣ имам̣ д̇хаммавинаяам̣ ааж̇аанааси, ахам̣ имам̣ д̇хаммавинаяам̣ ааж̇аанаами, гим̣ д̇вам̣ имам̣ д̇хаммавинаяам̣ ааж̇ааниссаси! мижчаабадибанно д̇вамаси, ахамасми саммаабадибанно. сахид̇ам̣ мз, асахид̇ам̣ д̇з. бурзважанийяам̣ бажчаа аважа, бажчааважанийяам̣ бурз аважа. ад̇хижин̣н̣ам̣ д̇з вибараавад̇д̇ам̣, ааробид̇о д̇з ваад̣̇о, ниг̇г̇ахид̇о д̇вамаси, жара ваад̣̇аббамогкааяа, ниб̣б̣зтзхи ваа сажз бахосий’’д̇и. вад̇хоязва ко ман̃н̃з ниг̇ан̣тзсу наадабуд̇д̇иязсу вад̇д̇ад̇и. язби ¹⁵ ниг̇ан̣тасса наадабуд̇д̇асса саавагаа г̇ихий од̣̇аад̇авасанаа , д̇зби ниг̇ан̣тзсу наадабуд̇д̇иязсу ниб̣б̣иннаруубаа вирад̇д̇аруубаа бадиваанаруубаа, яат̇аа д̇ам̣ д̣̇урагкаад̇з д̇хаммавинаяз д̣̇уббавзд̣̇ид̇з анияяаанигз анубасамасам̣вад̇д̇анигз асаммаасамб̣уд̣̇д̇хаббавзд̣̇ид̇з бхиннат̇уубз аббадисаран̣з.

301. Tena kho pana samayena nigaṇṭho nāṭaputto pāvāyaṃ adhunākālaṅkato hoti. Tassa kālaṅkiriyāya bhinnā nigaṇṭhā dvedhikajātā ¹⁶ bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti ¹⁷ – ‘‘na tvaṃ imaṃ dhammavinayaṃ ājānāsi, ahaṃ imaṃ dhammavinayaṃ ājānāmi, kiṃ tvaṃ imaṃ dhammavinayaṃ ājānissasi! Micchāpaṭipanno tvamasi, ahamasmi sammāpaṭipanno. Sahitaṃ me, asahitaṃ te. Purevacanīyaṃ pacchā avaca, pacchāvacanīyaṃ pure avaca. Adhiciṇṇaṃ te viparāvattaṃ, āropito te vādo, niggahito tvamasi, cara vādappamokkhāya, nibbeṭhehi vā sace pahosī’’ti. Vadhoyeva kho maññe nigaṇṭhesu nāṭaputtiyesu vattati. Yepi ¹⁸ nigaṇṭhassa nāṭaputtassa sāvakā gihī odātavasanā , tepi nigaṇṭhesu nāṭaputtiyesu nibbinnarūpā virattarūpā paṭivānarūpā, yathā taṃ durakkhāte dhammavinaye duppavedite aniyyānike anupasamasaṃvattanike asammāsambuddhappavedite bhinnathūpe appaṭisaraṇe.

302. ат̇а ко ааяасмаа саарибуд̇д̇о бхигкуу ааманд̇зси – ‘‘ниг̇ан̣то, аавусо, наадабуд̇д̇о баавааяам̣ ад̇хунаагаалан̇гад̇о, д̇асса гаалан̇гирияааяа бхиннаа ниг̇ан̣таа д̣̇взд̇хигаж̇аад̇аа…бз… бхиннат̇уубз аббадисаран̣з’’. ‘‘зван̃хзд̇ам̣, аавусо, ход̇и д̣̇урагкаад̇з д̇хаммавинаяз д̣̇уббавзд̣̇ид̇з анияяаанигз анубасамасам̣вад̇д̇анигз асаммаасамб̣уд̣̇д̇хаббавзд̣̇ид̇з. аяам̣ ко банаавусо амхаагам̣ ¹⁹ бхаг̇авад̇аа ²⁰ д̇хаммо сваагкаад̇о суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о. д̇ад̇т̇а саб̣б̣зхзва сан̇г̇ааяид̇аб̣б̣ам̣, на вивад̣̇ид̇аб̣б̣ам̣, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣.

302. Atha kho āyasmā sāriputto bhikkhū āmantesi – ‘‘nigaṇṭho, āvuso, nāṭaputto pāvāyaṃ adhunākālaṅkato, tassa kālaṅkiriyāya bhinnā nigaṇṭhā dvedhikajātā…pe… bhinnathūpe appaṭisaraṇe’’. ‘‘Evañhetaṃ, āvuso, hoti durakkhāte dhammavinaye duppavedite aniyyānike anupasamasaṃvattanike asammāsambuddhappavedite. Ayaṃ kho panāvuso amhākaṃ ²¹ bhagavatā ²² dhammo svākkhāto suppavedito niyyāniko upasamasaṃvattaniko sammāsambuddhappavedito. Tattha sabbeheva saṅgāyitabbaṃ, na vivaditabbaṃ, yathayidaṃ brahmacariyaṃ addhaniyaṃ assa ciraṭṭhitikaṃ, tadassa bahujanahitāya bahujanasukhāya lokānukampāya atthāya hitāya sukhāya devamanussānaṃ.

‘‘гад̇амо жаавусо, амхаагам̣ бхаг̇авад̇аа ²³ д̇хаммо сваагкаад̇о суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о; яад̇т̇а саб̣б̣зхзва сан̇г̇ааяид̇аб̣б̣ам̣, на вивад̣̇ид̇аб̣б̣ам̣, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣?

‘‘Katamo cāvuso, amhākaṃ bhagavatā ²⁴ dhammo svākkhāto suppavedito niyyāniko upasamasaṃvattaniko sammāsambuddhappavedito; yattha sabbeheva saṅgāyitabbaṃ, na vivaditabbaṃ, yathayidaṃ brahmacariyaṃ addhaniyaṃ assa ciraṭṭhitikaṃ, tadassa bahujanahitāya bahujanasukhāya lokānukampāya atthāya hitāya sukhāya devamanussānaṃ?

згагам̣

Ekakaṃ

303. ‘‘ад̇т̇и ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна зго д̇хаммо саммад̣̇агкаад̇о. д̇ад̇т̇а саб̣б̣зхзва сан̇г̇ааяид̇аб̣б̣ам̣, на вивад̣̇ид̇аб̣б̣ам̣, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣ , д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. гад̇амо зго д̇хаммо? саб̣б̣з сад̇д̇аа аахаарадтид̇игаа. саб̣б̣з сад̇д̇аа сан̇каарадтид̇игаа. аяам̣ ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна зго д̇хаммо саммад̣̇агкаад̇о. д̇ад̇т̇а саб̣б̣зхзва сан̇г̇ааяид̇аб̣б̣ам̣, на вивад̣̇ид̇аб̣б̣ам̣ , яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣.

303. ‘‘Atthi kho, āvuso, tena bhagavatā jānatā passatā arahatā sammāsambuddhena eko dhammo sammadakkhāto. Tattha sabbeheva saṅgāyitabbaṃ, na vivaditabbaṃ, yathayidaṃ brahmacariyaṃ addhaniyaṃ assa ciraṭṭhitikaṃ , tadassa bahujanahitāya bahujanasukhāya lokānukampāya atthāya hitāya sukhāya devamanussānaṃ. Katamo eko dhammo? Sabbe sattā āhāraṭṭhitikā. Sabbe sattā saṅkhāraṭṭhitikā. Ayaṃ kho, āvuso, tena bhagavatā jānatā passatā arahatā sammāsambuddhena eko dhammo sammadakkhāto. Tattha sabbeheva saṅgāyitabbaṃ, na vivaditabbaṃ , yathayidaṃ brahmacariyaṃ addhaniyaṃ assa ciraṭṭhitikaṃ, tadassa bahujanahitāya bahujanasukhāya lokānukampāya atthāya hitāya sukhāya devamanussānaṃ.

д̣̇угам̣

Dukaṃ

304. ‘‘ад̇т̇и ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̣̇вз д̇хаммаа саммад̣̇агкаад̇аа. д̇ад̇т̇а саб̣б̣зхзва сан̇г̇ааяид̇аб̣б̣ам̣, на вивад̣̇ид̇аб̣б̣ам̣, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. гад̇амз д̣̇вз ²⁵?

304. ‘‘Atthi kho, āvuso, tena bhagavatā jānatā passatā arahatā sammāsambuddhena dve dhammā sammadakkhātā. Tattha sabbeheva saṅgāyitabbaṃ, na vivaditabbaṃ, yathayidaṃ brahmacariyaṃ addhaniyaṃ assa ciraṭṭhitikaṃ, tadassa bahujanahitāya bahujanasukhāya lokānukampāya atthāya hitāya sukhāya devamanussānaṃ. Katame dve ²⁶?

‘‘нааман̃жа руубан̃жа.

‘‘Nāmañca rūpañca.

‘‘авиж̇ж̇аа жа бхавад̇ан̣хаа жа.

‘‘Avijjā ca bhavataṇhā ca.

‘‘бхавад̣̇идти жа вибхавад̣̇идти жа.

‘‘Bhavadiṭṭhi ca vibhavadiṭṭhi ca.

‘‘ахириган̃жа ²⁷ анод̇д̇аббан̃жа.

‘‘Ahirikañca ²⁸ anottappañca.

‘‘хирий жа од̇д̇аббан̃жа.

‘‘Hirī ca ottappañca.

‘‘д̣̇оважассад̇аа жа баабамид̇д̇ад̇аа жа.

‘‘Dovacassatā ca pāpamittatā ca.

‘‘соважассад̇аа жа галяаан̣амид̇д̇ад̇аа жа.

‘‘Sovacassatā ca kalyāṇamittatā ca.

‘‘аабад̇д̇игусалад̇аа жа аабад̇д̇ивудтаанагусалад̇аа жа.

‘‘Āpattikusalatā ca āpattivuṭṭhānakusalatā ca.

‘‘самаабад̇д̇игусалад̇аа жа самаабад̇д̇ивудтаанагусалад̇аа жа.

‘‘Samāpattikusalatā ca samāpattivuṭṭhānakusalatā ca.

‘‘д̇хаад̇угусалад̇аа жа манасигаарагусалад̇аа жа.

‘‘Dhātukusalatā ca manasikārakusalatā ca.

‘‘ааяад̇анагусалад̇аа жа бадижжасамуббаад̣̇агусалад̇аа жа.

‘‘Āyatanakusalatā ca paṭiccasamuppādakusalatā ca.

‘‘таанагусалад̇аа жа адтаанагусалад̇аа жа.

‘‘Ṭhānakusalatā ca aṭṭhānakusalatā ca.

‘‘аж̇ж̇аван̃жа лаж̇ж̇аван̃жа.

‘‘Ajjavañca lajjavañca.

‘‘канд̇и жа соражжан̃жа.

‘‘Khanti ca soraccañca.

‘‘саакаляан̃жа бадисант̇ааро жа.

‘‘Sākhalyañca paṭisanthāro ca.

‘‘авихим̣саа жа сожзяяан̃жа.

‘‘Avihiṃsā ca soceyyañca.

‘‘мудтассажжан̃жа асамбаж̇ан̃н̃ан̃жа.

‘‘Muṭṭhassaccañca asampajaññañca.

‘‘сад̇и жа самбаж̇ан̃н̃ан̃жа .

‘‘Sati ca sampajaññañca .

‘‘инд̣̇риязсу аг̇уд̇д̇ад̣̇ваарад̇аа жа бхож̇анз амад̇д̇ан̃н̃уд̇аа жа.

‘‘Indriyesu aguttadvāratā ca bhojane amattaññutā ca.

‘‘инд̣̇риязсу г̇уд̇д̇ад̣̇ваарад̇аа жа бхож̇анз мад̇д̇ан̃н̃уд̇аа жа.

‘‘Indriyesu guttadvāratā ca bhojane mattaññutā ca.

‘‘бадисан̇каанаб̣алан̃жа ²⁹ бхааванааб̣алан̃жа.

‘‘Paṭisaṅkhānabalañca ³⁰ bhāvanābalañca.

‘‘сад̇иб̣алан̃жа самаад̇хиб̣алан̃жа.

‘‘Satibalañca samādhibalañca.

‘‘самат̇о жа вибассанаа жа.

‘‘Samatho ca vipassanā ca.

‘‘самат̇анимид̇д̇ан̃жа баг̇г̇аханимид̇д̇ан̃жа.

‘‘Samathanimittañca paggahanimittañca.

‘‘баг̇г̇ахо жа авигкзбо жа.

‘‘Paggaho ca avikkhepo ca.

‘‘сийлавибад̇д̇и жа д̣̇идтивибад̇д̇и жа.

‘‘Sīlavipatti ca diṭṭhivipatti ca.

‘‘сийласамбад̣̇аа жа д̣̇идтисамбад̣̇аа жа.

‘‘Sīlasampadā ca diṭṭhisampadā ca.

‘‘сийлависуд̣̇д̇хи жа д̣̇идтивисуд̣̇д̇хи жа.

‘‘Sīlavisuddhi ca diṭṭhivisuddhi ca.

‘‘д̣̇идтивисуд̣̇д̇хи ко бана яат̇аа д̣̇идтисса жа бад̇хаанам̣.

‘‘Diṭṭhivisuddhi kho pana yathā diṭṭhissa ca padhānaṃ.

‘‘сам̣взг̇о жа сам̣взж̇анийязсу таанзсу сам̣виг̇г̇асса жа яонисо бад̇хаанам̣.

‘‘Saṃvego ca saṃvejanīyesu ṭhānesu saṃviggassa ca yoniso padhānaṃ.

‘‘асанд̇удтид̇аа жа гусалзсу д̇хаммзсу аббадиваанид̇аа жа бад̇хаанасмим̣.

‘‘Asantuṭṭhitā ca kusalesu dhammesu appaṭivānitā ca padhānasmiṃ.

‘‘виж̇ж̇аа жа вимуд̇д̇и жа.

‘‘Vijjā ca vimutti ca.

‘‘каязн̃аан̣ам̣ ануббаад̣̇зн̃аан̣ам̣.

‘‘Khayeñāṇaṃ anuppādeñāṇaṃ.

‘‘имз ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̣̇вз д̇хаммаа саммад̣̇агкаад̇аа. д̇ад̇т̇а саб̣б̣зхзва сан̇г̇ааяид̇аб̣б̣ам̣, на вивад̣̇ид̇аб̣б̣ам̣, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣.

‘‘Ime kho, āvuso, tena bhagavatā jānatā passatā arahatā sammāsambuddhena dve dhammā sammadakkhātā. Tattha sabbeheva saṅgāyitabbaṃ, na vivaditabbaṃ, yathayidaṃ brahmacariyaṃ addhaniyaṃ assa ciraṭṭhitikaṃ, tadassa bahujanahitāya bahujanasukhāya lokānukampāya atthāya hitāya sukhāya devamanussānaṃ.

д̇игам̣

Tikaṃ

305. ‘‘ад̇т̇и ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̇аяо д̇хаммаа саммад̣̇агкаад̇аа. д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣. гад̇амз д̇аяо?

305. ‘‘Atthi kho, āvuso, tena bhagavatā jānatā passatā arahatā sammāsambuddhena tayo dhammā sammadakkhātā. Tattha sabbeheva saṅgāyitabbaṃ…pe… atthāya hitāya sukhāya devamanussānaṃ. Katame tayo?

‘‘д̇ийн̣и агусаламуулаани – лобхо агусаламуулам̣, д̣̇осо агусаламуулам̣, мохо агусаламуулам̣.

‘‘Tīṇi akusalamūlāni – lobho akusalamūlaṃ, doso akusalamūlaṃ, moho akusalamūlaṃ.

‘‘д̇ийн̣и гусаламуулаани – алобхо гусаламуулам̣, ад̣̇осо гусаламуулам̣, амохо гусаламуулам̣.

‘‘Tīṇi kusalamūlāni – alobho kusalamūlaṃ, adoso kusalamūlaṃ, amoho kusalamūlaṃ.

‘‘д̇ийн̣и д̣̇ужжарид̇аани – гааяад̣̇ужжарид̇ам̣, важийд̣̇ужжарид̇ам̣, манод̣̇ужжарид̇ам̣.

‘‘Tīṇi duccaritāni – kāyaduccaritaṃ, vacīduccaritaṃ, manoduccaritaṃ.

‘‘д̇ийн̣и сужарид̇аани – гааяасужарид̇ам̣, важийсужарид̇ам̣ , маносужарид̇ам̣.

‘‘Tīṇi sucaritāni – kāyasucaritaṃ, vacīsucaritaṃ , manosucaritaṃ.

‘‘д̇аяо агусалавид̇аггаа – гаамавид̇агго, б̣яаабаад̣̇авид̇агго, вихим̣саавид̇агго.

‘‘Tayo akusalavitakkā – kāmavitakko, byāpādavitakko, vihiṃsāvitakko.

‘‘д̇аяо гусалавид̇аггаа – нзгкаммавид̇агго, аб̣яаабаад̣̇авид̇агго, авихим̣саавид̇агго.

‘‘Tayo kusalavitakkā – nekkhammavitakko, abyāpādavitakko, avihiṃsāvitakko.

‘‘д̇аяо агусаласан̇габбаа – гаамасан̇габбо, б̣яаабаад̣̇асан̇габбо, вихим̣саасан̇габбо.

‘‘Tayo akusalasaṅkappā – kāmasaṅkappo, byāpādasaṅkappo, vihiṃsāsaṅkappo.

‘‘д̇аяо гусаласан̇габбаа – нзгкаммасан̇габбо, аб̣яаабаад̣̇асан̇габбо, авихим̣саасан̇габбо.

‘‘Tayo kusalasaṅkappā – nekkhammasaṅkappo, abyāpādasaṅkappo, avihiṃsāsaṅkappo.

‘‘д̇иссо агусаласан̃н̃аа – гаамасан̃н̃аа, б̣яаабаад̣̇асан̃н̃аа, вихим̣саасан̃н̃аа.

‘‘Tisso akusalasaññā – kāmasaññā, byāpādasaññā, vihiṃsāsaññā.

‘‘д̇иссо гусаласан̃н̃аа – нзгкаммасан̃н̃аа, аб̣яаабаад̣̇асан̃н̃аа, авихим̣саасан̃н̃аа.

‘‘Tisso kusalasaññā – nekkhammasaññā, abyāpādasaññā, avihiṃsāsaññā.

‘‘д̇иссо агусалад̇хаад̇уяо – гаамад̇хаад̇у, б̣яаабаад̣̇ад̇хаад̇у, вихим̣саад̇хаад̇у.

‘‘Tisso akusaladhātuyo – kāmadhātu, byāpādadhātu, vihiṃsādhātu.

‘‘д̇иссо гусалад̇хаад̇уяо – нзгкаммад̇хаад̇у, аб̣яаабаад̣̇ад̇хаад̇у, авихим̣саад̇хаад̇у.

‘‘Tisso kusaladhātuyo – nekkhammadhātu, abyāpādadhātu, avihiṃsādhātu.

‘‘абарааби д̇иссо д̇хаад̇уяо – гаамад̇хаад̇у, руубад̇хаад̇у, аруубад̇хаад̇у.

‘‘Aparāpi tisso dhātuyo – kāmadhātu, rūpadhātu, arūpadhātu.

‘‘абарааби д̇иссо д̇хаад̇уяо – руубад̇хаад̇у, аруубад̇хаад̇у, нирод̇хад̇хаад̇у.

‘‘Aparāpi tisso dhātuyo – rūpadhātu, arūpadhātu, nirodhadhātu.

‘‘абарааби д̇иссо д̇хаад̇уяо – хийнад̇хаад̇у, маж̇жхимад̇хаад̇у, бан̣ийд̇ад̇хаад̇у.

‘‘Aparāpi tisso dhātuyo – hīnadhātu, majjhimadhātu, paṇītadhātu.

‘‘д̇иссо д̇ан̣хаа – гаамад̇ан̣хаа, бхавад̇ан̣хаа, вибхавад̇ан̣хаа.

‘‘Tisso taṇhā – kāmataṇhā, bhavataṇhā, vibhavataṇhā.

‘‘абарааби д̇иссо д̇ан̣хаа – гаамад̇ан̣хаа, руубад̇ан̣хаа, аруубад̇ан̣хаа.

‘‘Aparāpi tisso taṇhā – kāmataṇhā, rūpataṇhā, arūpataṇhā.

‘‘абарааби д̇иссо д̇ан̣хаа – руубад̇ан̣хаа, аруубад̇ан̣хаа, нирод̇хад̇ан̣хаа.

‘‘Aparāpi tisso taṇhā – rūpataṇhā, arūpataṇhā, nirodhataṇhā.

‘‘д̇ийн̣и сам̣яож̇анаани – саггааяад̣̇идти, вижигижчаа, сийлаб̣б̣ад̇абараамаасо.

‘‘Tīṇi saṃyojanāni – sakkāyadiṭṭhi, vicikicchā, sīlabbataparāmāso.

‘‘д̇аяо аасаваа – гаамаасаво, бхаваасаво, авиж̇ж̇аасаво.

‘‘Tayo āsavā – kāmāsavo, bhavāsavo, avijjāsavo.

‘‘д̇аяо бхаваа – гаамабхаво, руубабхаво, аруубабхаво.

‘‘Tayo bhavā – kāmabhavo, rūpabhavo, arūpabhavo.

‘‘д̇иссо зсанаа – гаамзсанаа, бхавзсанаа, б̣рахмажариязсанаа.

‘‘Tisso esanā – kāmesanā, bhavesanā, brahmacariyesanā.

‘‘д̇иссо вид̇хаа – сзяяохамасмийд̇и вид̇хаа, сад̣̇исохамасмийд̇и вид̇хаа, хийнохамасмийд̇и вид̇хаа.

‘‘Tisso vidhā – seyyohamasmīti vidhā, sadisohamasmīti vidhā, hīnohamasmīti vidhā.

‘‘д̇аяо ад̣̇д̇хаа – ад̇ийд̇о ад̣̇д̇хаа, анааг̇ад̇о ад̣̇д̇хаа, бажжуббанно ад̣̇д̇хаа.

‘‘Tayo addhā – atīto addhā, anāgato addhā, paccuppanno addhā.

‘‘д̇аяо анд̇аа – саггааяо анд̇о, саггааяасамуд̣̇аяо анд̇о, саггааяанирод̇хо анд̇о.

‘‘Tayo antā – sakkāyo anto, sakkāyasamudayo anto, sakkāyanirodho anto.

‘‘д̇иссо взд̣̇анаа – сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа.

‘‘Tisso vedanā – sukhā vedanā, dukkhā vedanā, adukkhamasukhā vedanā.

‘‘д̇иссо д̣̇угкад̇аа – д̣̇угкад̣̇угкад̇аа, сан̇каарад̣̇угкад̇аа, вибарин̣аамад̣̇угкад̇аа.

‘‘Tisso dukkhatā – dukkhadukkhatā, saṅkhāradukkhatā, vipariṇāmadukkhatā.

‘‘д̇аяо раасий – мижчад̇д̇анияад̇о рааси, саммад̇д̇анияад̇о рааси, анияад̇о рааси.

‘‘Tayo rāsī – micchattaniyato rāsi, sammattaniyato rāsi, aniyato rāsi.

‘‘д̇аяо д̇амаа ³¹ – ад̇ийд̇ам̣ ваа ад̣̇д̇хаанам̣ аараб̣бха ган̇кад̇и вижигижчад̇и наад̇химужжад̇и на самбасийд̣̇ад̇и, анааг̇ад̇ам̣ ваа ад̣̇д̇хаанам̣ аараб̣бха ган̇кад̇и вижигижчад̇и наад̇химужжад̇и на самбасийд̣̇ад̇и, зд̇арахи ваа бажжуббаннам̣ ад̣̇д̇хаанам̣ аараб̣бха ган̇кад̇и вижигижчад̇и наад̇химужжад̇и на самбасийд̣̇ад̇и.

‘‘Tayo tamā ³² – atītaṃ vā addhānaṃ ārabbha kaṅkhati vicikicchati nādhimuccati na sampasīdati, anāgataṃ vā addhānaṃ ārabbha kaṅkhati vicikicchati nādhimuccati na sampasīdati, etarahi vā paccuppannaṃ addhānaṃ ārabbha kaṅkhati vicikicchati nādhimuccati na sampasīdati.

‘‘д̇ийн̣и д̇ат̇ааг̇ад̇асса арагкзяяаани – барисуд̣̇д̇хагааяасамаажааро аавусо д̇ат̇ааг̇ад̇о, над̇т̇и д̇ат̇ааг̇ад̇асса гааяад̣̇ужжарид̇ам̣, яам̣ д̇ат̇ааг̇ад̇о рагкзяяа – ‘маа мз ид̣̇ам̣ баро ан̃н̃аасий’д̇и. барисуд̣̇д̇хаважийсамаажааро аавусо, д̇ат̇ааг̇ад̇о, над̇т̇и д̇ат̇ааг̇ад̇асса важийд̣̇ужжарид̇ам̣, яам̣ д̇ат̇ааг̇ад̇о рагкзяяа – ‘маа мз ид̣̇ам̣ баро ан̃н̃аасий’д̇и. барисуд̣̇д̇хаманосамаажааро, аавусо, д̇ат̇ааг̇ад̇о, над̇т̇и д̇ат̇ааг̇ад̇асса манод̣̇ужжарид̇ам̣ яам̣ д̇ат̇ааг̇ад̇о рагкзяяа – ‘маа мз ид̣̇ам̣ баро ан̃н̃аасий’д̇и.

‘‘Tīṇi tathāgatassa arakkheyyāni – parisuddhakāyasamācāro āvuso tathāgato, natthi tathāgatassa kāyaduccaritaṃ, yaṃ tathāgato rakkheyya – ‘mā me idaṃ paro aññāsī’ti. Parisuddhavacīsamācāro āvuso, tathāgato, natthi tathāgatassa vacīduccaritaṃ, yaṃ tathāgato rakkheyya – ‘mā me idaṃ paro aññāsī’ti. Parisuddhamanosamācāro, āvuso, tathāgato, natthi tathāgatassa manoduccaritaṃ yaṃ tathāgato rakkheyya – ‘mā me idaṃ paro aññāsī’ti.

‘‘д̇аяо гин̃жанаа – рааг̇о гин̃жанам̣, д̣̇осо гин̃жанам̣, мохо гин̃жанам̣.

‘‘Tayo kiñcanā – rāgo kiñcanaṃ, doso kiñcanaṃ, moho kiñcanaṃ.

‘‘д̇аяо аг̇г̇ий – рааг̇аг̇г̇и, д̣̇осаг̇г̇и, мохаг̇г̇и.

‘‘Tayo aggī – rāgaggi, dosaggi, mohaggi.

‘‘абарзби д̇аяо аг̇г̇ий – аахунзяяаг̇г̇и, г̇ахабад̇аг̇г̇и, д̣̇агкин̣зяяаг̇г̇и.

‘‘Aparepi tayo aggī – āhuneyyaggi, gahapataggi, dakkhiṇeyyaggi.

‘‘д̇ивид̇хзна руубасан̇г̇ахо – санид̣̇ассанасаббадигхам̣ руубам̣ ³³, анид̣̇ассанасаббадигхам̣ руубам̣, анид̣̇ассанааббадигхам̣ руубам̣.

‘‘Tividhena rūpasaṅgaho – sanidassanasappaṭighaṃ rūpaṃ ³⁴, anidassanasappaṭighaṃ rūpaṃ, anidassanaappaṭighaṃ rūpaṃ.

‘‘д̇аяо сан̇каараа – бун̃н̃аабхисан̇кааро, абун̃н̃аабхисан̇кааро , аанзн̃ж̇аабхисан̇кааро.

‘‘Tayo saṅkhārā – puññābhisaṅkhāro, apuññābhisaṅkhāro , āneñjābhisaṅkhāro.

‘‘д̇аяо буг̇г̇алаа – сзгко буг̇г̇ало, асзгко буг̇г̇ало, нзвасзгконаасзгко буг̇г̇ало.

‘‘Tayo puggalā – sekkho puggalo, asekkho puggalo, nevasekkhonāsekkho puggalo.

‘‘д̇аяо т̇зраа – ж̇аад̇ит̇зро, д̇хаммат̇зро, саммуд̇ит̇зро ³⁵.

‘‘Tayo therā – jātithero, dhammathero, sammutithero ³⁶.

‘‘д̇ийн̣и бун̃н̃агирияавад̇т̇ууни – д̣̇аанамаяам̣ бун̃н̃агирияавад̇т̇у, сийламаяам̣ бун̃н̃агирияавад̇т̇у, бхааванаамаяам̣ бун̃н̃агирияавад̇т̇у.

‘‘Tīṇi puññakiriyavatthūni – dānamayaṃ puññakiriyavatthu, sīlamayaṃ puññakiriyavatthu, bhāvanāmayaṃ puññakiriyavatthu.

‘‘д̇ийн̣и жод̣̇анаавад̇т̇ууни – д̣̇идтзна, суд̇зна, барисан̇гааяа.

‘‘Tīṇi codanāvatthūni – diṭṭhena, sutena, parisaṅkāya.

‘‘д̇иссо гаамуубабад̇д̇ияо ³⁷ – санд̇аавусо сад̇д̇аа бажжубадтид̇агаамаа, д̇з бажжубадтид̇зсу гаамзсу васам̣ вад̇д̇знд̇и, сзяяат̇ааби мануссаа згажжз жа д̣̇зваа згажжз жа винибаад̇игаа. аяам̣ батамаа гаамуубабад̇д̇и. санд̇аавусо, сад̇д̇аа ниммид̇агаамаа, д̇з нимминид̇ваа нимминид̇ваа гаамзсу васам̣ вад̇д̇знд̇и, сзяяат̇ааби д̣̇зваа ниммаанарад̇ий. аяам̣ д̣̇уд̇ияаа гаамуубабад̇д̇и. санд̇аавусо сад̇д̇аа бараниммид̇агаамаа, д̇з бараниммид̇зсу гаамзсу васам̣ вад̇д̇знд̇и, сзяяат̇ааби д̣̇зваа бараниммид̇авасавад̇д̇ий. аяам̣ д̇ад̇ияаа гаамуубабад̇д̇и.

‘‘Tisso kāmūpapattiyo ³⁸ – santāvuso sattā paccupaṭṭhitakāmā, te paccupaṭṭhitesu kāmesu vasaṃ vattenti, seyyathāpi manussā ekacce ca devā ekacce ca vinipātikā. Ayaṃ paṭhamā kāmūpapatti. Santāvuso, sattā nimmitakāmā, te nimminitvā nimminitvā kāmesu vasaṃ vattenti, seyyathāpi devā nimmānaratī. Ayaṃ dutiyā kāmūpapatti. Santāvuso sattā paranimmitakāmā, te paranimmitesu kāmesu vasaṃ vattenti, seyyathāpi devā paranimmitavasavattī. Ayaṃ tatiyā kāmūpapatti.

‘‘д̇иссо сукуубабад̇д̇ияо ³⁹ – санд̇аавусо сад̇д̇аа ⁴⁰ уббаад̣̇зд̇ваа уббаад̣̇зд̇ваа сукам̣ вихаранд̇и, сзяяат̇ааби д̣̇зваа б̣рахмагааяигаа. аяам̣ батамаа сукуубабад̇д̇и. санд̇аавусо, сад̇д̇аа сукзна абхисаннаа барисаннаа барибуураа барибпудаа. д̇з гад̣̇аажи гарахажи уд̣̇аанам̣ уд̣̇аанзнд̇и – ‘ахо сукам̣, ахо сука’нд̇и , сзяяат̇ааби д̣̇зваа аабхассараа. аяам̣ д̣̇уд̇ияаа сукуубабад̇д̇и. санд̇аавусо, сад̇д̇аа сукзна абхисаннаа барисаннаа барибуураа барибпудаа. д̇з санд̇ам̣язва д̇усид̇аа ⁴¹ сукам̣ ⁴² бадисам̣взд̣̇знд̇и, сзяяат̇ааби д̣̇зваа субхагин̣хаа. аяам̣ д̇ад̇ияаа сукуубабад̇д̇и .

‘‘Tisso sukhūpapattiyo ⁴³ – santāvuso sattā ⁴⁴ uppādetvā uppādetvā sukhaṃ viharanti, seyyathāpi devā brahmakāyikā. Ayaṃ paṭhamā sukhūpapatti. Santāvuso, sattā sukhena abhisannā parisannā paripūrā paripphuṭā. Te kadāci karahaci udānaṃ udānenti – ‘aho sukhaṃ, aho sukha’nti , seyyathāpi devā ābhassarā. Ayaṃ dutiyā sukhūpapatti. Santāvuso, sattā sukhena abhisannā parisannā paripūrā paripphuṭā. Te santaṃyeva tusitā ⁴⁵ sukhaṃ ⁴⁶ paṭisaṃvedenti, seyyathāpi devā subhakiṇhā. Ayaṃ tatiyā sukhūpapatti .

‘‘д̇иссо бан̃н̃аа – сзгкаа бан̃н̃аа, асзгкаа бан̃н̃аа, нзвасзгкаанаасзгкаа бан̃н̃аа.

‘‘Tisso paññā – sekkhā paññā, asekkhā paññā, nevasekkhānāsekkhā paññā.

‘‘абарааби д̇иссо бан̃н̃аа – жинд̇аамаяаа бан̃н̃аа, суд̇амаяаа бан̃н̃аа, бхааванаамаяаа бан̃н̃аа.

‘‘Aparāpi tisso paññā – cintāmayā paññā, sutamayā paññā, bhāvanāmayā paññā.

‘‘д̇ийн̣аавуд̇хаани – суд̇аавуд̇хам̣, бавивзгаавуд̇хам̣, бан̃н̃аавуд̇хам̣.

‘‘Tīṇāvudhāni – sutāvudhaṃ, pavivekāvudhaṃ, paññāvudhaṃ.

‘‘д̇ийн̣инд̣̇рияаани – анан̃н̃аад̇ан̃н̃ассаамийд̇инд̣̇рияам̣, ан̃н̃инд̣̇рияам̣, ан̃н̃аад̇аавинд̣̇рияам̣.

‘‘Tīṇindriyāni – anaññātaññassāmītindriyaṃ, aññindriyaṃ, aññātāvindriyaṃ.

‘‘д̇ийн̣и жагкууни – мам̣сажагку, д̣̇иб̣б̣ажагку, бан̃н̃аажагку.

‘‘Tīṇi cakkhūni – maṃsacakkhu, dibbacakkhu, paññācakkhu.

‘‘д̇иссо сигкаа – ад̇хисийласигкаа, ад̇хижид̇д̇асигкаа, ад̇хибан̃н̃аасигкаа.

‘‘Tisso sikkhā – adhisīlasikkhā, adhicittasikkhā, adhipaññāsikkhā.

‘‘д̇иссо бхааванаа – гааяабхааванаа, жид̇д̇абхааванаа, бан̃н̃аабхааванаа.

‘‘Tisso bhāvanā – kāyabhāvanā, cittabhāvanā, paññābhāvanā.

‘‘д̇ийн̣и ануд̇д̇арияаани – д̣̇ассанаануд̇д̇арияам̣, бадибад̣̇аануд̇д̇арияам̣, вимуд̇д̇аануд̇д̇арияам̣.

‘‘Tīṇi anuttariyāni – dassanānuttariyaṃ, paṭipadānuttariyaṃ, vimuttānuttariyaṃ.

‘‘д̇аяо самаад̇хий – савид̇аггасавижааро самаад̇хи, авид̇аггавижаарамад̇д̇о самаад̇хи, авид̇аггаавижааро самаад̇хи.

‘‘Tayo samādhī – savitakkasavicāro samādhi, avitakkavicāramatto samādhi, avitakkaavicāro samādhi.

‘‘абарзби д̇аяо самаад̇хий – сун̃н̃ад̇о самаад̇хи, анимид̇д̇о самаад̇хи, аббан̣ихид̇о самаад̇хи.

‘‘Aparepi tayo samādhī – suññato samādhi, animitto samādhi, appaṇihito samādhi.

‘‘д̇ийн̣и сожзяяаани – гааяасожзяяам̣, важийсожзяяам̣, маносожзяяам̣.

‘‘Tīṇi soceyyāni – kāyasoceyyaṃ, vacīsoceyyaṃ, manosoceyyaṃ.

‘‘д̇ийн̣и монзяяаани – гааяамонзяяам̣, важиймонзяяам̣, маномонзяяам̣.

‘‘Tīṇi moneyyāni – kāyamoneyyaṃ, vacīmoneyyaṃ, manomoneyyaṃ.

‘‘д̇ийн̣и госаллаани – ааяагосаллам̣, абааяагосаллам̣, убааяагосаллам̣.

‘‘Tīṇi kosallāni – āyakosallaṃ, apāyakosallaṃ, upāyakosallaṃ.

‘‘д̇аяо мад̣̇аа – аарог̇яамад̣̇о, яоб̣б̣анамад̣̇о, ж̇ийвид̇амад̣̇о.

‘‘Tayo madā – ārogyamado, yobbanamado, jīvitamado.

‘‘д̇ийн̣и аад̇хибад̇зяяаани – ад̇д̇аад̇хибад̇зяяам̣, логаад̇хибад̇зяяам̣, д̇хаммаад̇хибад̇зяяам̣.

‘‘Tīṇi ādhipateyyāni – attādhipateyyaṃ, lokādhipateyyaṃ, dhammādhipateyyaṃ.

‘‘д̇ийн̣и гат̇аавад̇т̇ууни – ад̇ийд̇ам̣ ваа ад̣̇д̇хаанам̣ аараб̣бха гат̇ам̣ гат̇зяяа – ‘звам̣ ахоси ад̇ийд̇амад̣̇д̇хаана’нд̇и; анааг̇ад̇ам̣ ваа ад̣̇д̇хаанам̣ аараб̣бха гат̇ам̣ гат̇зяяа – ‘звам̣ бхависсад̇и анааг̇ад̇амад̣̇д̇хаана’нд̇и; зд̇арахи ваа бажжуббаннам̣ ад̣̇д̇хаанам̣ аараб̣бха гат̇ам̣ гат̇зяяа – ‘звам̣ ход̇и зд̇арахи бажжуббаннам̣ ад̣̇д̇хаана’нд̇и.

‘‘Tīṇi kathāvatthūni – atītaṃ vā addhānaṃ ārabbha kathaṃ katheyya – ‘evaṃ ahosi atītamaddhāna’nti; anāgataṃ vā addhānaṃ ārabbha kathaṃ katheyya – ‘evaṃ bhavissati anāgatamaddhāna’nti; etarahi vā paccuppannaṃ addhānaṃ ārabbha kathaṃ katheyya – ‘evaṃ hoti etarahi paccuppannaṃ addhāna’nti.

‘‘д̇иссо виж̇ж̇аа – буб̣б̣зниваасаануссад̇ин̃аан̣ам̣ виж̇ж̇аа, сад̇д̇аанам̣ жуд̇уубабаад̇зн̃аан̣ам̣ виж̇ж̇аа, аасаваанам̣ каязн̃аан̣ам̣ виж̇ж̇аа.

‘‘Tisso vijjā – pubbenivāsānussatiñāṇaṃ vijjā, sattānaṃ cutūpapāteñāṇaṃ vijjā, āsavānaṃ khayeñāṇaṃ vijjā.

‘‘д̇аяо вихаараа – д̣̇иб̣б̣о вихааро, б̣рахмаа вихааро, арияо вихааро.

‘‘Tayo vihārā – dibbo vihāro, brahmā vihāro, ariyo vihāro.

‘‘д̇ийн̣и баадихаарияаани – ид̣̇д̇хибаадихаарияам̣, аад̣̇зсанаабаадихаарияам̣, анусаасанийбаадихаарияам̣.

‘‘Tīṇi pāṭihāriyāni – iddhipāṭihāriyaṃ, ādesanāpāṭihāriyaṃ, anusāsanīpāṭihāriyaṃ.

‘‘имз ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̇аяо д̇хаммаа саммад̣̇агкаад̇аа. д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣.

‘‘Ime kho, āvuso, tena bhagavatā jānatā passatā arahatā sammāsambuddhena tayo dhammā sammadakkhātā. Tattha sabbeheva saṅgāyitabbaṃ…pe… atthāya hitāya sukhāya devamanussānaṃ.

жад̇уггам̣

Catukkaṃ

306. ‘‘ад̇т̇и ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро д̇хаммаа саммад̣̇агкаад̇аа. д̇ад̇т̇а саб̣б̣зхзва сан̇г̇ааяид̇аб̣б̣ам̣, на вивад̣̇ид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣. гад̇амз жад̇д̇ааро?

306. ‘‘Atthi kho, āvuso, tena bhagavatā jānatā passatā arahatā sammāsambuddhena cattāro dhammā sammadakkhātā. Tattha sabbeheva saṅgāyitabbaṃ, na vivaditabbaṃ…pe… atthāya hitāya sukhāya devamanussānaṃ. Katame cattāro?

‘‘жад̇д̇ааро сад̇ибадтаанаа. ид̇хаавусо, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. взд̣̇анаасу взд̣̇анаанубассий…бз… жид̇д̇з жид̇д̇аанубассий…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣.

‘‘Cattāro satipaṭṭhānā. Idhāvuso, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ. Vedanāsu vedanānupassī…pe… citte cittānupassī…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ.

‘‘жад̇д̇ааро саммаббад̇хаанаа. ид̇хаавусо, бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.

‘‘Cattāro sammappadhānā. Idhāvuso, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati. Uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati. Anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati. Uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati.

‘‘жад̇д̇ааро ид̣̇д̇хибаад̣̇аа. ид̇хаавусо, бхигку чанд̣̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. жид̇д̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. вийрияасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. виймам̣саасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и.

‘‘Cattāro iddhipādā. Idhāvuso, bhikkhu chandasamādhipadhānasaṅkhārasamannāgataṃ iddhipādaṃ bhāveti. Cittasamādhipadhānasaṅkhārasamannāgataṃ iddhipādaṃ bhāveti. Vīriyasamādhipadhānasaṅkhārasamannāgataṃ iddhipādaṃ bhāveti. Vīmaṃsāsamādhipadhānasaṅkhārasamannāgataṃ iddhipādaṃ bhāveti.

‘‘жад̇д̇аари жхаанаани. ид̇хаавусо, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ ⁴⁷ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ ⁴⁸ убасамбаж̇ж̇а вихарад̇и. бийд̇ияаа жа вирааг̇аа убзгкаго жа вихарад̇и сад̇о жа самбаж̇аано, сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ ⁴⁹ убасамбаж̇ж̇а вихарад̇и. сукасса жа бахаанаа д̣̇угкасса жа бахаанаа, буб̣б̣зва соманассад̣̇оманассаанам̣ ад̇т̇ан̇г̇амаа, ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ ⁵⁰ убасамбаж̇ж̇а вихарад̇и.

‘‘Cattāri jhānāni. Idhāvuso, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ ⁵¹ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ ⁵² upasampajja viharati. Pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ ⁵³ upasampajja viharati. Sukhassa ca pahānā dukkhassa ca pahānā, pubbeva somanassadomanassānaṃ atthaṅgamā, adukkhamasukhaṃ upekkhāsatipārisuddhiṃ catutthaṃ jhānaṃ ⁵⁴ upasampajja viharati.

307. ‘‘жад̇ассо самаад̇хибхааванаа. ад̇т̇аавусо, самаад̇хибхааванаа бхаавид̇аа б̣ахулийгад̇аа д̣̇идтад̇хаммасукавихаарааяа сам̣вад̇д̇ад̇и. ад̇т̇аавусо, самаад̇хибхааванаа бхаавид̇аа б̣ахулийгад̇аа н̃аан̣ад̣̇ассанабадилаабхааяа сам̣вад̇д̇ад̇и. ад̇т̇аавусо самаад̇хибхааванаа бхаавид̇аа б̣ахулийгад̇аа сад̇исамбаж̇ан̃н̃ааяа сам̣вад̇д̇ад̇и. ад̇т̇аавусо самаад̇хибхааванаа бхаавид̇аа б̣ахулийгад̇аа аасаваанам̣ каяааяа сам̣вад̇д̇ад̇и.

307. ‘‘Catasso samādhibhāvanā. Atthāvuso, samādhibhāvanā bhāvitā bahulīkatā diṭṭhadhammasukhavihārāya saṃvattati. Atthāvuso, samādhibhāvanā bhāvitā bahulīkatā ñāṇadassanapaṭilābhāya saṃvattati. Atthāvuso samādhibhāvanā bhāvitā bahulīkatā satisampajaññāya saṃvattati. Atthāvuso samādhibhāvanā bhāvitā bahulīkatā āsavānaṃ khayāya saṃvattati.

‘‘гад̇амаа жаавусо, самаад̇хибхааванаа бхаавид̇аа б̣ахулийгад̇аа д̣̇идтад̇хаммасукавихаарааяа сам̣вад̇д̇ад̇и? ид̇хаавусо, бхигку вивижжзва гаамзхи вивижжа агусалзхи д̇хаммзхи савид̇аггам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣, аавусо , самаад̇хибхааванаа бхаавид̇аа б̣ахулийгад̇аа д̣̇идтад̇хаммасукавихаарааяа сам̣вад̇д̇ад̇и.

‘‘Katamā cāvuso, samādhibhāvanā bhāvitā bahulīkatā diṭṭhadhammasukhavihārāya saṃvattati? Idhāvuso, bhikkhu vivicceva kāmehi vivicca akusalehi dhammehi savitakkaṃ…pe… catutthaṃ jhānaṃ upasampajja viharati. Ayaṃ, āvuso , samādhibhāvanā bhāvitā bahulīkatā diṭṭhadhammasukhavihārāya saṃvattati.

‘‘гад̇амаа жаавусо, самаад̇хибхааванаа бхаавид̇аа б̣ахулийгад̇аа н̃аан̣ад̣̇ассанабадилаабхааяа сам̣вад̇д̇ад̇и? ид̇хаавусо, бхигку аалогасан̃н̃ам̣ манаси гарод̇и, д̣̇иваасан̃н̃ам̣ ад̇хидтаад̇и яат̇аа д̣̇иваа д̇ат̇аа рад̇д̇им̣, яат̇аа рад̇д̇им̣ д̇ат̇аа д̣̇иваа. ид̇и вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и. аяам̣, аавусо самаад̇хибхааванаа бхаавид̇аа б̣ахулийгад̇аа н̃аан̣ад̣̇ассанабадилаабхааяа сам̣вад̇д̇ад̇и.

‘‘Katamā cāvuso, samādhibhāvanā bhāvitā bahulīkatā ñāṇadassanapaṭilābhāya saṃvattati? Idhāvuso, bhikkhu ālokasaññaṃ manasi karoti, divāsaññaṃ adhiṭṭhāti yathā divā tathā rattiṃ, yathā rattiṃ tathā divā. Iti vivaṭena cetasā apariyonaddhena sappabhāsaṃ cittaṃ bhāveti. Ayaṃ, āvuso samādhibhāvanā bhāvitā bahulīkatā ñāṇadassanapaṭilābhāya saṃvattati.

‘‘гад̇амаа жаавусо, самаад̇хибхааванаа бхаавид̇аа б̣ахулийгад̇аа сад̇исамбаж̇ан̃н̃ааяа сам̣вад̇д̇ад̇и? ид̇хаавусо, бхигкуно вид̣̇ид̇аа взд̣̇анаа уббаж̇ж̇анд̇и, вид̣̇ид̇аа убадтаханд̇и, вид̣̇ид̇аа аб̣бхад̇т̇ам̣ г̇ажчанд̇и. вид̣̇ид̇аа сан̃н̃аа уббаж̇ж̇анд̇и, вид̣̇ид̇аа убадтаханд̇и, вид̣̇ид̇аа аб̣бхад̇т̇ам̣ г̇ажчанд̇и. вид̣̇ид̇аа вид̇аггаа уббаж̇ж̇анд̇и, вид̣̇ид̇аа убадтаханд̇и, вид̣̇ид̇аа аб̣бхад̇т̇ам̣ г̇ажчанд̇и. аяам̣, аавусо, самаад̇хибхааванаа бхаавид̇аа б̣ахулийгад̇аа сад̇исамбаж̇ан̃н̃ааяа сам̣вад̇д̇ад̇и.

‘‘Katamā cāvuso, samādhibhāvanā bhāvitā bahulīkatā satisampajaññāya saṃvattati? Idhāvuso, bhikkhuno viditā vedanā uppajjanti, viditā upaṭṭhahanti, viditā abbhatthaṃ gacchanti. Viditā saññā uppajjanti, viditā upaṭṭhahanti, viditā abbhatthaṃ gacchanti. Viditā vitakkā uppajjanti, viditā upaṭṭhahanti, viditā abbhatthaṃ gacchanti. Ayaṃ, āvuso, samādhibhāvanā bhāvitā bahulīkatā satisampajaññāya saṃvattati.

‘‘гад̇амаа жаавусо, самаад̇хибхааванаа бхаавид̇аа б̣ахулийгад̇аа аасаваанам̣ каяааяа сам̣вад̇д̇ад̇и? ид̇хаавусо, бхигку бан̃жасу убаад̣̇аанагканд̇хзсу уд̣̇аяаб̣б̣аяаанубассий вихарад̇и. ид̇и руубам̣, ид̇и руубасса самуд̣̇аяо, ид̇и руубасса ад̇т̇ан̇г̇амо. ид̇и взд̣̇анаа…бз… ид̇и сан̃н̃аа… ид̇и сан̇каараа… ид̇и вин̃н̃аан̣ам̣, ид̇и вин̃н̃аан̣асса самуд̣̇аяо, ид̇и вин̃н̃аан̣асса ад̇т̇ан̇г̇амо. аяам̣, аавусо, самаад̇хибхааванаа бхаавид̇аа б̣ахулийгад̇аа аасаваанам̣ каяааяа сам̣вад̇д̇ад̇и.

‘‘Katamā cāvuso, samādhibhāvanā bhāvitā bahulīkatā āsavānaṃ khayāya saṃvattati? Idhāvuso, bhikkhu pañcasu upādānakkhandhesu udayabbayānupassī viharati. Iti rūpaṃ, iti rūpassa samudayo, iti rūpassa atthaṅgamo. Iti vedanā…pe… iti saññā… iti saṅkhārā… iti viññāṇaṃ, iti viññāṇassa samudayo, iti viññāṇassa atthaṅgamo. Ayaṃ, āvuso, samādhibhāvanā bhāvitā bahulīkatā āsavānaṃ khayāya saṃvattati.

308. ‘‘жад̇ассо аббаман̃н̃аа. ид̇хаавусо, бхигку мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и. д̇ат̇аа д̣̇уд̇ияам̣. д̇ат̇аа д̇ад̇ияам̣. д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна ⁵⁵ парид̇ваа вихарад̇и. гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и. д̇ат̇аа д̣̇уд̇ияам̣. д̇ат̇аа д̇ад̇ияам̣. д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и.

308. ‘‘Catasso appamaññā. Idhāvuso, bhikkhu mettāsahagatena cetasā ekaṃ disaṃ pharitvā viharati. Tathā dutiyaṃ. Tathā tatiyaṃ. Tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena ⁵⁶ pharitvā viharati. Karuṇāsahagatena cetasā…pe… muditāsahagatena cetasā…pe… upekkhāsahagatena cetasā ekaṃ disaṃ pharitvā viharati. Tathā dutiyaṃ. Tathā tatiyaṃ. Tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā viharati.

‘‘жад̇д̇ааро ааруббаа. ⁵⁷ ид̇хаавусо, бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и.

‘‘Cattāro āruppā.⁵⁸ Idhāvuso, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati.

‘‘жад̇д̇аари абассзнаани. ид̇хаавусо, бхигку сан̇кааязгам̣ бадисзвад̇и, сан̇кааязгам̣ ад̇хиваасзд̇и, сан̇кааязгам̣ бариваж̇ж̇зд̇и, сан̇кааязгам̣ винод̣̇зд̇и.

‘‘Cattāri apassenāni. Idhāvuso, bhikkhu saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodeti.

309. ‘‘жад̇д̇ааро арияавам̣саа. ид̇хаавусо, бхигку санд̇удто ход̇и ид̇арийд̇арзна жийварзна, ид̇арийд̇аражийварасанд̇удтияаа жа ван̣н̣аваад̣̇ий, на жа жийварахзд̇у анзсанам̣ аббад̇ируубам̣ аабаж̇ж̇ад̇и; алад̣̇д̇хаа жа жийварам̣ на барид̇ассад̇и, лад̣̇д̇хаа жа жийварам̣ аг̇ад̇хид̇о ⁵⁹ амужчид̇о анаж̇жхаабанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и; д̇ааяа жа бана ид̇арийд̇аражийварасанд̇удтияаа нзвад̇д̇аануггам̣сзд̇и на барам̣ вамбхзд̇и. яо хи д̇ад̇т̇а д̣̇агко аналасо самбаж̇аано бадиссад̇о, аяам̣ вужжад̇аавусо – ‘бхигку бораан̣з аг̇г̇ан̃н̃з арияавам̣сз тид̇о’.

309. ‘‘Cattāro ariyavaṃsā. Idhāvuso, bhikkhu santuṭṭho hoti itarītarena cīvarena, itarītaracīvarasantuṭṭhiyā ca vaṇṇavādī, na ca cīvarahetu anesanaṃ appatirūpaṃ āpajjati; aladdhā ca cīvaraṃ na paritassati, laddhā ca cīvaraṃ agadhito ⁶⁰ amucchito anajjhāpanno ādīnavadassāvī nissaraṇapañño paribhuñjati; tāya ca pana itarītaracīvarasantuṭṭhiyā nevattānukkaṃseti na paraṃ vambheti. Yo hi tattha dakkho analaso sampajāno paṭissato, ayaṃ vuccatāvuso – ‘bhikkhu porāṇe aggaññe ariyavaṃse ṭhito’.

‘‘буна жабарам̣, аавусо, бхигку санд̇удто ход̇и ид̇арийд̇арзна бин̣д̣абаад̇зна, ид̇арийд̇арабин̣д̣абаад̇асанд̇удтияаа жа ван̣н̣аваад̣̇ий, на жа бин̣д̣абаад̇ахзд̇у анзсанам̣ аббад̇ируубам̣ аабаж̇ж̇ад̇и; алад̣̇д̇хаа жа бин̣д̣абаад̇ам̣ на барид̇ассад̇и, лад̣̇д̇хаа жа бин̣д̣абаад̇ам̣ аг̇ад̇хид̇о амужчид̇о анаж̇жхаабанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и; д̇ааяа жа бана ид̇арийд̇арабин̣д̣абаад̇асанд̇удтияаа нзвад̇д̇аануггам̣сзд̇и на барам̣ вамбхзд̇и. яо хи д̇ад̇т̇а д̣̇агко аналасо самбаж̇аано бадиссад̇о , аяам̣ вужжад̇аавусо – ‘бхигку бораан̣з аг̇г̇ан̃н̃з арияавам̣сз тид̇о’.

‘‘Puna caparaṃ, āvuso, bhikkhu santuṭṭho hoti itarītarena piṇḍapātena, itarītarapiṇḍapātasantuṭṭhiyā ca vaṇṇavādī, na ca piṇḍapātahetu anesanaṃ appatirūpaṃ āpajjati; aladdhā ca piṇḍapātaṃ na paritassati, laddhā ca piṇḍapātaṃ agadhito amucchito anajjhāpanno ādīnavadassāvī nissaraṇapañño paribhuñjati; tāya ca pana itarītarapiṇḍapātasantuṭṭhiyā nevattānukkaṃseti na paraṃ vambheti. Yo hi tattha dakkho analaso sampajāno paṭissato , ayaṃ vuccatāvuso – ‘bhikkhu porāṇe aggaññe ariyavaṃse ṭhito’.

‘‘буна жабарам̣, аавусо, бхигку санд̇удто ход̇и ид̇арийд̇арзна сзнаасанзна, ид̇арийд̇арасзнаасанасанд̇удтияаа жа ван̣н̣аваад̣̇ий, на жа сзнаасанахзд̇у анзсанам̣ аббад̇ируубам̣ аабаж̇ж̇ад̇и; алад̣̇д̇хаа жа сзнаасанам̣ на барид̇ассад̇и, лад̣̇д̇хаа жа сзнаасанам̣ аг̇ад̇хид̇о амужчид̇о анаж̇жхаабанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и; д̇ааяа жа бана ид̇арийд̇арасзнаасанасанд̇удтияаа нзвад̇д̇аануггам̣сзд̇и на барам̣ вамбхзд̇и. яо хи д̇ад̇т̇а д̣̇агко аналасо самбаж̇аано бадиссад̇о, аяам̣ вужжад̇аавусо – ‘бхигку бораан̣з аг̇г̇ан̃н̃з арияавам̣сз тид̇о’.

‘‘Puna caparaṃ, āvuso, bhikkhu santuṭṭho hoti itarītarena senāsanena, itarītarasenāsanasantuṭṭhiyā ca vaṇṇavādī, na ca senāsanahetu anesanaṃ appatirūpaṃ āpajjati; aladdhā ca senāsanaṃ na paritassati, laddhā ca senāsanaṃ agadhito amucchito anajjhāpanno ādīnavadassāvī nissaraṇapañño paribhuñjati; tāya ca pana itarītarasenāsanasantuṭṭhiyā nevattānukkaṃseti na paraṃ vambheti. Yo hi tattha dakkho analaso sampajāno paṭissato, ayaṃ vuccatāvuso – ‘bhikkhu porāṇe aggaññe ariyavaṃse ṭhito’.

‘‘буна жабарам̣, аавусо, бхигку бахаанаараамо ход̇и бахаанарад̇о, бхааванаараамо ход̇и бхааванаарад̇о; д̇ааяа жа бана бахаанаараамад̇ааяа бахаанарад̇ияаа бхааванаараамад̇ааяа бхааванаарад̇ияаа нзвад̇д̇аануггам̣сзд̇и на барам̣ вамбхзд̇и. яо хи д̇ад̇т̇а д̣̇агко аналасо самбаж̇аано бадиссад̇о аяам̣ вужжад̇аавусо – ‘бхигку бораан̣з аг̇г̇ан̃н̃з арияавам̣сз тид̇о’.

‘‘Puna caparaṃ, āvuso, bhikkhu pahānārāmo hoti pahānarato, bhāvanārāmo hoti bhāvanārato; tāya ca pana pahānārāmatāya pahānaratiyā bhāvanārāmatāya bhāvanāratiyā nevattānukkaṃseti na paraṃ vambheti. Yo hi tattha dakkho analaso sampajāno paṭissato ayaṃ vuccatāvuso – ‘bhikkhu porāṇe aggaññe ariyavaṃse ṭhito’.

310. ‘‘жад̇д̇аари бад̇хаанаани. сам̣варабад̇хаанам̣ бахаанабад̇хаанам̣ бхааванаабад̇хаанам̣ ⁶¹ анурагкан̣аабад̇хаанам̣ ⁶². гад̇аман̃жаавусо, сам̣варабад̇хаанам̣? ид̇хаавусо, бхигку жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и, рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и, рагкад̇и манинд̣̇рияам̣, манинд̣̇рияз сам̣варам̣ аабаж̇ж̇ад̇и. ид̣̇ам̣ вужжад̇аавусо, сам̣варабад̇хаанам̣.

310. ‘‘Cattāri padhānāni. Saṃvarapadhānaṃ pahānapadhānaṃ bhāvanāpadhānaṃ ⁶³ anurakkhaṇāpadhānaṃ ⁶⁴. Katamañcāvuso, saṃvarapadhānaṃ? Idhāvuso, bhikkhu cakkhunā rūpaṃ disvā na nimittaggāhī hoti nānubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjati. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya na nimittaggāhī hoti nānubyañjanaggāhī. Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati, rakkhati manindriyaṃ, manindriye saṃvaraṃ āpajjati. Idaṃ vuccatāvuso, saṃvarapadhānaṃ.

‘‘гад̇аман̃жаавусо, бахаанабад̇хаанам̣? ид̇хаавусо, бхигку уббаннам̣ гаамавид̇аггам̣ наад̇хиваасзд̇и баж̇ахад̇и винод̣̇зд̇и б̣яанд̇им̣ гарод̇и ⁶⁵ анабхаавам̣ г̇амзд̇и. уббаннам̣ б̣яаабаад̣̇авид̇аггам̣…бз… уббаннам̣ вихим̣саавид̇аггам̣… уббаннуббаннз баабагз агусалз д̇хаммз наад̇хиваасзд̇и баж̇ахад̇и винод̣̇зд̇и б̣яанд̇им̣ гарод̇и анабхаавам̣ г̇амзд̇и. ид̣̇ам̣ вужжад̇аавусо, бахаанабад̇хаанам̣.

‘‘Katamañcāvuso, pahānapadhānaṃ? Idhāvuso, bhikkhu uppannaṃ kāmavitakkaṃ nādhivāseti pajahati vinodeti byantiṃ karoti ⁶⁶ anabhāvaṃ gameti. Uppannaṃ byāpādavitakkaṃ…pe… uppannaṃ vihiṃsāvitakkaṃ… uppannuppanne pāpake akusale dhamme nādhivāseti pajahati vinodeti byantiṃ karoti anabhāvaṃ gameti. Idaṃ vuccatāvuso, pahānapadhānaṃ.

‘‘гад̇аман̃жаавусо , бхааванаабад̇хаанам̣? ид̇хаавусо, бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. д̇хаммавижаяасамб̣ож̇жхан̇г̇ам̣ бхаавзд̇и… вийрияасамб̣ож̇жхан̇г̇ам̣ бхаавзд̇и… бийд̇исамб̣ож̇жхан̇г̇ам̣ бхаавзд̇и… бассад̣̇д̇хисамб̣ож̇жхан̇г̇ам̣ бхаавзд̇и… самаад̇хисамб̣ож̇жхан̇г̇ам̣ бхаавзд̇и… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. ид̣̇ам̣ вужжад̇аавусо, бхааванаабад̇хаанам̣.

‘‘Katamañcāvuso , bhāvanāpadhānaṃ? Idhāvuso, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Dhammavicayasambojjhaṅgaṃ bhāveti… vīriyasambojjhaṅgaṃ bhāveti… pītisambojjhaṅgaṃ bhāveti… passaddhisambojjhaṅgaṃ bhāveti… samādhisambojjhaṅgaṃ bhāveti… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Idaṃ vuccatāvuso, bhāvanāpadhānaṃ.

‘‘гад̇аман̃жаавусо, анурагкан̣аабад̇хаанам̣? ид̇хаавусо, бхигку уббаннам̣ бхад̣̇рагам̣ ⁶⁷ самаад̇хинимид̇д̇ам̣ анурагкад̇и – адтигасан̃н̃ам̣, бул̣увагасан̃н̃ам̣ ⁶⁸, винийлагасан̃н̃ам̣, вижчид̣̇д̣̇агасан̃н̃ам̣, уд̣̇д̇хумаад̇агасан̃н̃ам̣. ид̣̇ам̣ вужжад̇аавусо, анурагкан̣аабад̇хаанам̣.

‘‘Katamañcāvuso, anurakkhaṇāpadhānaṃ? Idhāvuso, bhikkhu uppannaṃ bhadrakaṃ ⁶⁹ samādhinimittaṃ anurakkhati – aṭṭhikasaññaṃ, puḷuvakasaññaṃ ⁷⁰, vinīlakasaññaṃ, vicchiddakasaññaṃ, uddhumātakasaññaṃ. Idaṃ vuccatāvuso, anurakkhaṇāpadhānaṃ.

‘‘жад̇д̇аари н̃аан̣аани – д̇хаммз н̃аан̣ам̣, анваяз н̃аан̣ам̣, барияз ⁷¹ н̃аан̣ам̣, саммуд̇ияаа н̃аан̣ам̣ ⁷².

‘‘Cattāri ñāṇāni – dhamme ñāṇaṃ, anvaye ñāṇaṃ, pariye ⁷³ ñāṇaṃ, sammutiyā ñāṇaṃ ⁷⁴.

‘‘абарааниби жад̇д̇аари н̃аан̣аани – д̣̇угкз н̃аан̣ам̣, д̣̇угкасамуд̣̇аяз н̃аан̣ам̣, д̣̇угканирод̇хз н̃аан̣ам̣, д̣̇угканирод̇хаг̇ааминияаа бадибад̣̇ааяа н̃аан̣ам̣.

‘‘Aparānipi cattāri ñāṇāni – dukkhe ñāṇaṃ, dukkhasamudaye ñāṇaṃ, dukkhanirodhe ñāṇaṃ, dukkhanirodhagāminiyā paṭipadāya ñāṇaṃ.

311. ‘‘жад̇д̇аари сод̇аабад̇д̇ияан̇г̇аани – саббурисасам̣сзво, сад̣̇д̇хаммассаванам̣, яонисоманасигааро, д̇хаммаануд̇хаммаббадибад̇д̇и.

311. ‘‘Cattāri sotāpattiyaṅgāni – sappurisasaṃsevo, saddhammassavanaṃ, yonisomanasikāro, dhammānudhammappaṭipatti.

‘‘жад̇д̇аари сод̇аабаннасса ан̇г̇аани. ид̇хаавусо, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо, бхаг̇аваа’д̇и. д̇хаммз авзжжаббасаад̣̇зна саманнааг̇ад̇о ход̇и – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго ⁷⁵ бажжад̇д̇ам̣ взд̣̇ид̇аб̣б̣о вин̃н̃уухий’д̇и. сан̇гхз авзжжаббасаад̣̇зна саманнааг̇ад̇о ход̇и – ‘суббадибанно бхаг̇авад̇о саавагасан̇гхо уж̇уббадибанно бхаг̇авад̇о саавагасан̇гхо н̃ааяаббадибанно бхаг̇авад̇о саавагасан̇гхо саамийжиббадибанно бхаг̇авад̇о саавагасан̇гхо яад̣̇ид̣̇ам̣ жад̇д̇аари бурисаяуг̇аани адта бурисабуг̇г̇алаа, зса бхаг̇авад̇о саавагасан̇гхо аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаа’д̇и. арияаганд̇зхи сийлзхи саманнааг̇ад̇о ход̇и акан̣д̣зхи ажчид̣̇д̣̇зхи асаб̣алзхи агаммаасзхи бхуж̇иссзхи вин̃н̃уббасад̇т̇зхи абараамадтзхи самаад̇хисам̣вад̇д̇анигзхи.

‘‘Cattāri sotāpannassa aṅgāni. Idhāvuso, ariyasāvako buddhe aveccappasādena samannāgato hoti – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho, bhagavā’ti. Dhamme aveccappasādena samannāgato hoti – ‘svākkhāto bhagavatā dhammo sandiṭṭhiko akāliko ehipassiko opaneyyiko ⁷⁶ paccattaṃ veditabbo viññūhī’ti. Saṅghe aveccappasādena samannāgato hoti – ‘suppaṭipanno bhagavato sāvakasaṅgho ujuppaṭipanno bhagavato sāvakasaṅgho ñāyappaṭipanno bhagavato sāvakasaṅgho sāmīcippaṭipanno bhagavato sāvakasaṅgho yadidaṃ cattāri purisayugāni aṭṭha purisapuggalā, esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā’ti. Ariyakantehi sīlehi samannāgato hoti akhaṇḍehi acchiddehi asabalehi akammāsehi bhujissehi viññuppasatthehi aparāmaṭṭhehi samādhisaṃvattanikehi.

‘‘жад̇д̇аари сааман̃н̃апалаани – сод̇аабад̇д̇ипалам̣, сагад̣̇ааг̇аамипалам̣, анааг̇аамипалам̣, арахад̇д̇апалам̣.

‘‘Cattāri sāmaññaphalāni – sotāpattiphalaṃ, sakadāgāmiphalaṃ, anāgāmiphalaṃ, arahattaphalaṃ.

‘‘жад̇ассо д̇хаад̇уяо – бат̇авийд̇хаад̇у, аабод̇хаад̇у, д̇зж̇од̇хаад̇у, вааяод̇хаад̇у.

‘‘Catasso dhātuyo – pathavīdhātu, āpodhātu, tejodhātu, vāyodhātu.

‘‘жад̇д̇ааро аахаараа – габ̣ал̣ийгааро аахааро ол̣аариго ваа сукумо ваа, пассо д̣̇уд̇ияо, маносан̃жзд̇анаа д̇ад̇ияаа, вин̃н̃аан̣ам̣ жад̇уд̇т̇ам̣.

‘‘Cattāro āhārā – kabaḷīkāro āhāro oḷāriko vā sukhumo vā, phasso dutiyo, manosañcetanā tatiyā, viññāṇaṃ catutthaṃ.

‘‘жад̇ассо вин̃н̃аан̣адтид̇ияо. руубуубааяам̣ ваа, аавусо, вин̃н̃аан̣ам̣ д̇идтамаанам̣ д̇идтад̇и руубаарамман̣ам̣ ⁷⁷ руубаббад̇идтам̣ нанд̣̇уубасзжанам̣ вуд̣̇д̇хим̣ вируул̣хим̣ взбуллам̣ аабаж̇ж̇ад̇и; взд̣̇ануубааяам̣ ваа аавусо…бз… сан̃н̃уубааяам̣ ваа, аавусо…бз… сан̇кааруубааяам̣ ваа, аавусо, вин̃н̃аан̣ам̣ д̇идтамаанам̣ д̇идтад̇и сан̇каараарамман̣ам̣ сан̇каараббад̇идтам̣ нанд̣̇уубасзжанам̣ вуд̣̇д̇хим̣ вируул̣хим̣ взбуллам̣ аабаж̇ж̇ад̇и.

‘‘Catasso viññāṇaṭṭhitiyo. Rūpūpāyaṃ vā, āvuso, viññāṇaṃ tiṭṭhamānaṃ tiṭṭhati rūpārammaṇaṃ ⁷⁸ rūpappatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjati; vedanūpāyaṃ vā āvuso…pe… saññūpāyaṃ vā, āvuso…pe… saṅkhārūpāyaṃ vā, āvuso, viññāṇaṃ tiṭṭhamānaṃ tiṭṭhati saṅkhārārammaṇaṃ saṅkhārappatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjati.

‘‘жад̇д̇аари аг̇ад̇иг̇аманаани – чанд̣̇ааг̇ад̇им̣ г̇ажчад̇и, д̣̇осааг̇ад̇и г̇ажчад̇и, мохааг̇ад̇им̣ г̇ажчад̇и, бхаяааг̇ад̇им̣ г̇ажчад̇и.

‘‘Cattāri agatigamanāni – chandāgatiṃ gacchati, dosāgati gacchati, mohāgatiṃ gacchati, bhayāgatiṃ gacchati.

‘‘жад̇д̇ааро д̇ан̣хуббаад̣̇аа – жийварахзд̇у ваа, аавусо, бхигкуно д̇ан̣хаа уббаж̇ж̇амаанаа уббаж̇ж̇ад̇и; бин̣д̣абаад̇ахзд̇у ваа, аавусо, бхигкуно д̇ан̣хаа уббаж̇ж̇амаанаа уббаж̇ж̇ад̇и; сзнаасанахзд̇у ваа, аавусо, бхигкуно д̇ан̣хаа уббаж̇ж̇амаанаа уббаж̇ж̇ад̇и; ид̇ибхаваабхавахзд̇у ваа, аавусо, бхигкуно д̇ан̣хаа уббаж̇ж̇амаанаа уббаж̇ж̇ад̇и.

‘‘Cattāro taṇhuppādā – cīvarahetu vā, āvuso, bhikkhuno taṇhā uppajjamānā uppajjati; piṇḍapātahetu vā, āvuso, bhikkhuno taṇhā uppajjamānā uppajjati; senāsanahetu vā, āvuso, bhikkhuno taṇhā uppajjamānā uppajjati; itibhavābhavahetu vā, āvuso, bhikkhuno taṇhā uppajjamānā uppajjati.

‘‘жад̇ассо бадибад̣̇аа – д̣̇угкаа бадибад̣̇аа д̣̇анд̇хаабхин̃н̃аа, д̣̇угкаа бадибад̣̇аа киббаабхин̃н̃аа, сукаа бадибад̣̇аа д̣̇анд̇хаабхин̃н̃аа, сукаа бадибад̣̇аа киббаабхин̃н̃аа.

‘‘Catasso paṭipadā – dukkhā paṭipadā dandhābhiññā, dukkhā paṭipadā khippābhiññā, sukhā paṭipadā dandhābhiññā, sukhā paṭipadā khippābhiññā.

‘‘абарааби жад̇ассо бадибад̣̇аа – агкамаа бадибад̣̇аа, камаа бадибад̣̇аа, д̣̇амаа бадибад̣̇аа, самаа бадибад̣̇аа.

‘‘Aparāpi catasso paṭipadā – akkhamā paṭipadā, khamā paṭipadā, damā paṭipadā, samā paṭipadā.

‘‘жад̇д̇аари д̇хаммабад̣̇аани – анабхиж̇жхаа д̇хаммабад̣̇ам̣, аб̣яаабаад̣̇о д̇хаммабад̣̇ам̣, саммаасад̇и д̇хаммабад̣̇ам̣, саммаасамаад̇хи д̇хаммабад̣̇ам̣.

‘‘Cattāri dhammapadāni – anabhijjhā dhammapadaṃ, abyāpādo dhammapadaṃ, sammāsati dhammapadaṃ, sammāsamādhi dhammapadaṃ.

‘‘жад̇д̇аари д̇хаммасамаад̣̇аанаани – ад̇т̇аавусо, д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаагам̣. ад̇т̇аавусо, д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаагам̣. ад̇т̇аавусо, д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаагам̣. ад̇т̇аавусо, д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаагам̣.

‘‘Cattāri dhammasamādānāni – atthāvuso, dhammasamādānaṃ paccuppannadukkhañceva āyatiñca dukkhavipākaṃ. Atthāvuso, dhammasamādānaṃ paccuppannadukkhaṃ āyatiṃ sukhavipākaṃ. Atthāvuso, dhammasamādānaṃ paccuppannasukhaṃ āyatiṃ dukkhavipākaṃ. Atthāvuso, dhammasamādānaṃ paccuppannasukhañceva āyatiñca sukhavipākaṃ.

‘‘жад̇д̇ааро д̇хаммагканд̇хаа – сийлагканд̇хо, самаад̇хигканд̇хо, бан̃н̃аагканд̇хо, вимуд̇д̇игканд̇хо.

‘‘Cattāro dhammakkhandhā – sīlakkhandho, samādhikkhandho, paññākkhandho, vimuttikkhandho.

‘‘жад̇д̇аари б̣алаани – вийрияаб̣алам̣, сад̇иб̣алам̣, самаад̇хиб̣алам̣, бан̃н̃ааб̣алам̣.

‘‘Cattāri balāni – vīriyabalaṃ, satibalaṃ, samādhibalaṃ, paññābalaṃ.

‘‘жад̇д̇аари ад̇хидтаанаани – бан̃н̃аад̇хидтаанам̣, сажжаад̇хидтаанам̣, жааг̇аад̇хидтаанам̣, убасамаад̇хидтаанам̣.

‘‘Cattāri adhiṭṭhānāni – paññādhiṭṭhānaṃ, saccādhiṭṭhānaṃ, cāgādhiṭṭhānaṃ, upasamādhiṭṭhānaṃ.

312. ‘‘жад̇д̇аари бан̃хаб̣яаагаран̣аани – ⁷⁹ згам̣саб̣яаагаран̣ийяо бан̃хо, бадибужчааб̣яаагаран̣ийяо бан̃хо, вибхаж̇ж̇аб̣яаагаран̣ийяо бан̃хо, табанийяо бан̃хо.

312. ‘‘Cattāri pañhabyākaraṇāni –⁸⁰ ekaṃsabyākaraṇīyo pañho, paṭipucchābyākaraṇīyo pañho, vibhajjabyākaraṇīyo pañho, ṭhapanīyo pañho.

‘‘жад̇д̇аари гаммаани – ад̇т̇аавусо, гаммам̣ ган̣хам̣ ган̣хавибаагам̣; ад̇т̇аавусо, гаммам̣ суггам̣ суггавибаагам̣; ад̇т̇аавусо, гаммам̣ ган̣хасуггам̣ ган̣хасуггавибаагам̣; ад̇т̇аавусо, гаммам̣ аган̣хаасуггам̣ аган̣хаасуггавибаагам̣ гаммагкаяааяа сам̣вад̇д̇ад̇и.

‘‘Cattāri kammāni – atthāvuso, kammaṃ kaṇhaṃ kaṇhavipākaṃ; atthāvuso, kammaṃ sukkaṃ sukkavipākaṃ; atthāvuso, kammaṃ kaṇhasukkaṃ kaṇhasukkavipākaṃ; atthāvuso, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.

‘‘жад̇д̇ааро сажчигаран̣ийяаа д̇хаммаа – буб̣б̣зниваасо сад̇ияаа сажчигаран̣ийяо; сад̇д̇аанам̣ жуд̇уубабаад̇о жагкунаа сажчигаран̣ийяо; адта вимогкаа гааязна сажчигаран̣ийяаа; аасаваанам̣ каяо бан̃н̃ааяа сажчигаран̣ийяо.

‘‘Cattāro sacchikaraṇīyā dhammā – pubbenivāso satiyā sacchikaraṇīyo; sattānaṃ cutūpapāto cakkhunā sacchikaraṇīyo; aṭṭha vimokkhā kāyena sacchikaraṇīyā; āsavānaṃ khayo paññāya sacchikaraṇīyo.

‘‘жад̇д̇ааро огхаа – гаамогхо, бхавогхо, д̣̇идтогхо, авиж̇ж̇огхо.

‘‘Cattāro oghā – kāmogho, bhavogho, diṭṭhogho, avijjogho.

‘‘жад̇д̇ааро яог̇аа – гаамаяог̇о, бхаваяог̇о, д̣̇идтияог̇о, авиж̇ж̇ааяог̇о.

‘‘Cattāro yogā – kāmayogo, bhavayogo, diṭṭhiyogo, avijjāyogo.

‘‘жад̇д̇ааро висан̃н̃ог̇аа – гаамаяог̇ависан̃н̃ог̇о, бхаваяог̇ависан̃н̃ог̇о, д̣̇идтияог̇ависан̃н̃ог̇о, авиж̇ж̇ааяог̇ависан̃н̃ог̇о.

‘‘Cattāro visaññogā – kāmayogavisaññogo, bhavayogavisaññogo, diṭṭhiyogavisaññogo, avijjāyogavisaññogo.

‘‘жад̇д̇ааро г̇ант̇аа – абхиж̇жхаа гааяаг̇ант̇о, б̣яаабаад̣̇о гааяаг̇ант̇о, сийлаб̣б̣ад̇абараамаасо гааяаг̇ант̇о, ид̣̇ам̣сажжаабхинивзсо гааяаг̇ант̇о.

‘‘Cattāro ganthā – abhijjhā kāyagantho, byāpādo kāyagantho, sīlabbataparāmāso kāyagantho, idaṃsaccābhiniveso kāyagantho.

‘‘жад̇д̇аари убаад̣̇аанаани – гаамубаад̣̇аанам̣ ⁸¹, д̣̇идтубаад̣̇аанам̣, сийлаб̣б̣ад̇убаад̣̇аанам̣, ад̇д̇аваад̣̇убаад̣̇аанам̣.

‘‘Cattāri upādānāni – kāmupādānaṃ ⁸², diṭṭhupādānaṃ, sīlabbatupādānaṃ, attavādupādānaṃ.

‘‘жад̇ассо яонияо – ан̣д̣аж̇аяони, ж̇алааб̣уж̇аяони, сам̣сзд̣̇аж̇аяони, обабаад̇игаяони.

‘‘Catasso yoniyo – aṇḍajayoni, jalābujayoni, saṃsedajayoni, opapātikayoni.

‘‘жад̇ассо г̇аб̣бхаавагганд̇ияо. ид̇хаавусо, згажжо асамбаж̇аано маад̇угужчим̣ оггамад̇и, асамбаж̇аано маад̇угужчисмим̣ таад̇и, асамбаж̇аано маад̇угужчимхаа нигкамад̇и, аяам̣ батамаа г̇аб̣бхаавагганд̇и. буна жабарам̣, аавусо, ид̇хзгажжо самбаж̇аано маад̇угужчим̣ оггамад̇и, асамбаж̇аано маад̇угужчисмим̣ таад̇и, асамбаж̇аано маад̇угужчимхаа нигкамад̇и, аяам̣ д̣̇уд̇ияаа г̇аб̣бхаавагганд̇и. буна жабарам̣, аавусо, ид̇хзгажжо самбаж̇аано маад̇угужчим̣ оггамад̇и, самбаж̇аано маад̇угужчисмим̣ таад̇и, асамбаж̇аано маад̇угужчимхаа нигкамад̇и, аяам̣ д̇ад̇ияаа г̇аб̣бхаавагганд̇и. буна жабарам̣, аавусо, ид̇хзгажжо самбаж̇аано маад̇угужчим̣ оггамад̇и, самбаж̇аано маад̇угужчисмим̣ таад̇и, самбаж̇аано маад̇угужчимхаа нигкамад̇и, аяам̣ жад̇уд̇т̇аа г̇аб̣бхаавагганд̇и.

‘‘Catasso gabbhāvakkantiyo. Idhāvuso, ekacco asampajāno mātukucchiṃ okkamati, asampajāno mātukucchismiṃ ṭhāti, asampajāno mātukucchimhā nikkhamati, ayaṃ paṭhamā gabbhāvakkanti. Puna caparaṃ, āvuso, idhekacco sampajāno mātukucchiṃ okkamati, asampajāno mātukucchismiṃ ṭhāti, asampajāno mātukucchimhā nikkhamati, ayaṃ dutiyā gabbhāvakkanti. Puna caparaṃ, āvuso, idhekacco sampajāno mātukucchiṃ okkamati, sampajāno mātukucchismiṃ ṭhāti, asampajāno mātukucchimhā nikkhamati, ayaṃ tatiyā gabbhāvakkanti. Puna caparaṃ, āvuso, idhekacco sampajāno mātukucchiṃ okkamati, sampajāno mātukucchismiṃ ṭhāti, sampajāno mātukucchimhā nikkhamati, ayaṃ catutthā gabbhāvakkanti.

‘‘жад̇д̇ааро ад̇д̇абхаавабадилаабхаа. ад̇т̇аавусо, ад̇д̇абхаавабадилаабхо, яасмим̣ ад̇д̇абхаавабадилаабхз ад̇д̇асан̃жзд̇анааязва гамад̇и, но барасан̃жзд̇анаа. ад̇т̇аавусо, ад̇д̇абхаавабадилаабхо, яасмим̣ ад̇д̇абхаавабадилаабхз барасан̃жзд̇анааязва гамад̇и, но ад̇д̇асан̃жзд̇анаа. ад̇т̇аавусо, ад̇д̇абхаавабадилаабхо, яасмим̣ ад̇д̇абхаавабадилаабхз ад̇д̇асан̃жзд̇анаа жзва гамад̇и барасан̃жзд̇анаа жа. ад̇т̇аавусо, ад̇д̇абхаавабадилаабхо, яасмим̣ ад̇д̇абхаавабадилаабхз нзва ад̇д̇асан̃жзд̇анаа гамад̇и, но барасан̃жзд̇анаа.

‘‘Cattāro attabhāvapaṭilābhā. Atthāvuso, attabhāvapaṭilābho, yasmiṃ attabhāvapaṭilābhe attasañcetanāyeva kamati, no parasañcetanā. Atthāvuso, attabhāvapaṭilābho, yasmiṃ attabhāvapaṭilābhe parasañcetanāyeva kamati, no attasañcetanā. Atthāvuso, attabhāvapaṭilābho, yasmiṃ attabhāvapaṭilābhe attasañcetanā ceva kamati parasañcetanā ca. Atthāvuso, attabhāvapaṭilābho, yasmiṃ attabhāvapaṭilābhe neva attasañcetanā kamati, no parasañcetanā.

313. ‘‘жад̇ассо д̣̇агкин̣аависуд̣̇д̇хияо. ад̇т̇аавусо, д̣̇агкин̣аа д̣̇ааяагад̇о висуж̇жхад̇и но бадиг̇г̇аахагад̇о. ад̇т̇аавусо, д̣̇агкин̣аа бадиг̇г̇аахагад̇о висуж̇жхад̇и но д̣̇ааяагад̇о. ад̇т̇аавусо, д̣̇агкин̣аа нзва д̣̇ааяагад̇о висуж̇жхад̇и но бадиг̇г̇аахагад̇о. ад̇т̇аавусо, д̣̇агкин̣аа д̣̇ааяагад̇о жзва висуж̇жхад̇и бадиг̇г̇аахагад̇о жа.

313. ‘‘Catasso dakkhiṇāvisuddhiyo. Atthāvuso, dakkhiṇā dāyakato visujjhati no paṭiggāhakato. Atthāvuso, dakkhiṇā paṭiggāhakato visujjhati no dāyakato. Atthāvuso, dakkhiṇā neva dāyakato visujjhati no paṭiggāhakato. Atthāvuso, dakkhiṇā dāyakato ceva visujjhati paṭiggāhakato ca.

‘‘жад̇д̇аари сан̇г̇ахавад̇т̇ууни – д̣̇аанам̣, бзяяаваж̇ж̇ам̣ ⁸³, ад̇т̇ажарияаа, самаанад̇д̇ад̇аа.

‘‘Cattāri saṅgahavatthūni – dānaṃ, peyyavajjaṃ ⁸⁴, atthacariyā, samānattatā.

‘‘жад̇д̇ааро анарияавохаараа – мусааваад̣̇о, бисун̣ааваажаа, парусааваажаа, сампаббалаабо.

‘‘Cattāro anariyavohārā – musāvādo, pisuṇāvācā, pharusāvācā, samphappalāpo.

‘‘жад̇д̇ааро арияавохаараа – мусааваад̣̇аа взраман̣ий ⁸⁵, бисун̣ааяа ваажааяа взраман̣ий, парусааяа ваажааяа взраман̣ий, сампаббалаабаа взраман̣ий.

‘‘Cattāro ariyavohārā – musāvādā veramaṇī ⁸⁶, pisuṇāya vācāya veramaṇī, pharusāya vācāya veramaṇī, samphappalāpā veramaṇī.

‘‘абарзби жад̇д̇ааро анарияавохаараа – ад̣̇идтз д̣̇идтаваад̣̇ид̇аа, ассуд̇з суд̇аваад̣̇ид̇аа, амуд̇з муд̇аваад̣̇ид̇аа, авин̃н̃аад̇з вин̃н̃аад̇аваад̣̇ид̇аа.

‘‘Aparepi cattāro anariyavohārā – adiṭṭhe diṭṭhavāditā, assute sutavāditā, amute mutavāditā, aviññāte viññātavāditā.

‘‘абарзби жад̇д̇ааро арияавохаараа – ад̣̇идтз ад̣̇идтаваад̣̇ид̇аа, ассуд̇з ассуд̇аваад̣̇ид̇аа, амуд̇з амуд̇аваад̣̇ид̇аа, авин̃н̃аад̇з авин̃н̃аад̇аваад̣̇ид̇аа.

‘‘Aparepi cattāro ariyavohārā – adiṭṭhe adiṭṭhavāditā, assute assutavāditā, amute amutavāditā, aviññāte aviññātavāditā.

‘‘абарзби жад̇д̇ааро анарияавохаараа – д̣̇идтз ад̣̇идтаваад̣̇ид̇аа, суд̇з ассуд̇аваад̣̇ид̇аа, муд̇з амуд̇аваад̣̇ид̇аа, вин̃н̃аад̇з авин̃н̃аад̇аваад̣̇ид̇аа.

‘‘Aparepi cattāro anariyavohārā – diṭṭhe adiṭṭhavāditā, sute assutavāditā, mute amutavāditā, viññāte aviññātavāditā.

‘‘абарзби жад̇д̇ааро арияавохаараа – д̣̇идтз д̣̇идтаваад̣̇ид̇аа, суд̇з суд̇аваад̣̇ид̇аа, муд̇з муд̇аваад̣̇ид̇аа, вин̃н̃аад̇з вин̃н̃аад̇аваад̣̇ид̇аа.

‘‘Aparepi cattāro ariyavohārā – diṭṭhe diṭṭhavāditā, sute sutavāditā, mute mutavāditā, viññāte viññātavāditā.

314. ‘‘жад̇д̇ааро буг̇г̇алаа. ид̇хаавусо, згажжо буг̇г̇ало ад̇д̇анд̇або ход̇и ад̇д̇абарид̇аабанаануяог̇амануяуд̇д̇о. ид̇хаавусо, згажжо буг̇г̇ало баранд̇або ход̇и барабарид̇аабанаануяог̇амануяуд̇д̇о. ид̇хаавусо, згажжо буг̇г̇ало ад̇д̇анд̇або жа ход̇и ад̇д̇абарид̇аабанаануяог̇амануяуд̇д̇о, баранд̇або жа барабарид̇аабанаануяог̇амануяуд̇д̇о. ид̇хаавусо, згажжо буг̇г̇ало нзва ад̇д̇анд̇або ход̇и на ад̇д̇абарид̇аабанаануяог̇амануяуд̇д̇о на баранд̇або на барабарид̇аабанаануяог̇амануяуд̇д̇о. со анад̇д̇анд̇або абаранд̇або д̣̇идтзва д̇хаммз нижчаад̇о ниб̣б̣уд̇о сийд̇ийбхууд̇о ⁸⁷ сукаббадисам̣взд̣̇ий б̣рахмабхууд̇зна ад̇д̇анаа вихарад̇и.

314. ‘‘Cattāro puggalā. Idhāvuso, ekacco puggalo attantapo hoti attaparitāpanānuyogamanuyutto. Idhāvuso, ekacco puggalo parantapo hoti paraparitāpanānuyogamanuyutto. Idhāvuso, ekacco puggalo attantapo ca hoti attaparitāpanānuyogamanuyutto, parantapo ca paraparitāpanānuyogamanuyutto. Idhāvuso, ekacco puggalo neva attantapo hoti na attaparitāpanānuyogamanuyutto na parantapo na paraparitāpanānuyogamanuyutto. So anattantapo aparantapo diṭṭheva dhamme nicchāto nibbuto sītībhūto ⁸⁸ sukhappaṭisaṃvedī brahmabhūtena attanā viharati.

‘‘абарзби жад̇д̇ааро буг̇г̇алаа. ид̇хаавусо, згажжо буг̇г̇ало ад̇д̇ахид̇ааяа бадибанно ход̇и но барахид̇ааяа. ид̇хаавусо, згажжо буг̇г̇ало барахид̇ааяа бадибанно ход̇и но ад̇д̇ахид̇ааяа. ид̇хаавусо , згажжо буг̇г̇ало нзва ад̇д̇ахид̇ааяа бадибанно ход̇и но барахид̇ааяа. ид̇хаавусо, згажжо буг̇г̇ало ад̇д̇ахид̇ааяа жзва бадибанно ход̇и барахид̇ааяа жа.

‘‘Aparepi cattāro puggalā. Idhāvuso, ekacco puggalo attahitāya paṭipanno hoti no parahitāya. Idhāvuso, ekacco puggalo parahitāya paṭipanno hoti no attahitāya. Idhāvuso , ekacco puggalo neva attahitāya paṭipanno hoti no parahitāya. Idhāvuso, ekacco puggalo attahitāya ceva paṭipanno hoti parahitāya ca.

‘‘абарзби жад̇д̇ааро буг̇г̇алаа – д̇амо д̇амабарааяано, д̇амо ж̇од̇ибарааяано, ж̇од̇и д̇амабарааяано, ж̇од̇и ж̇од̇ибарааяано.

‘‘Aparepi cattāro puggalā – tamo tamaparāyano, tamo jotiparāyano, joti tamaparāyano, joti jotiparāyano.

‘‘абарзби жад̇д̇ааро буг̇г̇алаа – саман̣амажало, саман̣абад̣̇умо, саман̣абун̣д̣арийго, саман̣зсу саман̣асукумаало.

‘‘Aparepi cattāro puggalā – samaṇamacalo, samaṇapadumo, samaṇapuṇḍarīko, samaṇesu samaṇasukhumālo.

‘‘имз ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро д̇хаммаа саммад̣̇агкаад̇аа; д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣.

‘‘Ime kho, āvuso, tena bhagavatā jānatā passatā arahatā sammāsambuddhena cattāro dhammā sammadakkhātā; tattha sabbeheva saṅgāyitabbaṃ…pe… atthāya hitāya sukhāya devamanussānaṃ.

батамабхаан̣авааро нидтид̇о.

Paṭhamabhāṇavāro niṭṭhito.

бан̃жагам̣

Pañcakaṃ

315. ‘‘ад̇т̇и ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна бан̃жа д̇хаммаа саммад̣̇агкаад̇аа. д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣. гад̇амз бан̃жа?

315. ‘‘Atthi kho, āvuso, tena bhagavatā jānatā passatā arahatā sammāsambuddhena pañca dhammā sammadakkhātā. Tattha sabbeheva saṅgāyitabbaṃ…pe… atthāya hitāya sukhāya devamanussānaṃ. Katame pañca?

‘‘бан̃жагканд̇хаа. руубагканд̇хо взд̣̇анаагканд̇хо сан̃н̃аагканд̇хо сан̇каарагканд̇хо вин̃н̃аан̣агканд̇хо.

‘‘Pañcakkhandhā. Rūpakkhandho vedanākkhandho saññākkhandho saṅkhārakkhandho viññāṇakkhandho.

‘‘бан̃жубаад̣̇аанагканд̇хаа. руубубаад̣̇аанагканд̇хо ⁸⁹ взд̣̇анубаад̣̇аанагканд̇хо сан̃н̃убаад̣̇аанагканд̇хо сан̇каарубаад̣̇аанагканд̇хо вин̃н̃аан̣убаад̣̇аанагканд̇хо.

‘‘Pañcupādānakkhandhā. Rūpupādānakkhandho ⁹⁰ vedanupādānakkhandho saññupādānakkhandho saṅkhārupādānakkhandho viññāṇupādānakkhandho.

‘‘бан̃жа гаамаг̇ун̣аа. жагкувин̃н̃зяяаа руубаа идтаа ганд̇аа манаабаа бияаруубаа гаамуубасан̃хид̇аа раж̇анийяаа , сод̇авин̃н̃зяяаа сад̣̇д̣̇аа… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасан̃хид̇аа раж̇анийяаа.

‘‘Pañca kāmaguṇā. Cakkhuviññeyyā rūpā iṭṭhā kantā manāpā piyarūpā kāmūpasañhitā rajanīyā , sotaviññeyyā saddā… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasañhitā rajanīyā.

‘‘бан̃жа г̇ад̇ияо – нираяо, д̇иражчаанаяони, бзд̇д̇ивисаяо, мануссаа, д̣̇зваа.

‘‘Pañca gatiyo – nirayo, tiracchānayoni, pettivisayo, manussā, devā.

‘‘бан̃жа мажчарияаани – ааваасамажчарияам̣, гуламажчарияам̣, лаабхамажчарияам̣, ван̣н̣амажчарияам̣, д̇хаммамажчарияам̣.

‘‘Pañca macchariyāni – āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ.

‘‘бан̃жа нийваран̣аани – гаамажчанд̣̇анийваран̣ам̣, б̣яаабаад̣̇анийваран̣ам̣, т̇инамид̣̇д̇ханийваран̣ам̣, уд̣̇д̇хажжагуггужжанийваран̣ам̣, вижигижчаанийваран̣ам̣.

‘‘Pañca nīvaraṇāni – kāmacchandanīvaraṇaṃ, byāpādanīvaraṇaṃ, thinamiddhanīvaraṇaṃ, uddhaccakukkuccanīvaraṇaṃ, vicikicchānīvaraṇaṃ.

‘‘бан̃жа орамбхааг̇ияаани сан̃н̃ож̇анаани – саггааяад̣̇идти, вижигижчаа, сийлаб̣б̣ад̇абараамаасо, гаамажчанд̣̇о, б̣яаабаад̣̇о.

‘‘Pañca orambhāgiyāni saññojanāni – sakkāyadiṭṭhi, vicikicchā, sīlabbataparāmāso, kāmacchando, byāpādo.

‘‘бан̃жа уд̣̇д̇хамбхааг̇ияаани сан̃н̃ож̇анаани – руубарааг̇о, аруубарааг̇о, маано, уд̣̇д̇хажжам̣, авиж̇ж̇аа.

‘‘Pañca uddhambhāgiyāni saññojanāni – rūparāgo, arūparāgo, māno, uddhaccaṃ, avijjā.

‘‘бан̃жа сигкаабад̣̇аани – баан̣аад̇ибаад̇аа взраман̣ий, ад̣̇иннаад̣̇аанаа взраман̣ий, гаамзсумижчаажаараа взраман̣ий, мусааваад̣̇аа взраман̣ий, сураамзраяамаж̇ж̇аббамаад̣̇адтаанаа взраман̣ий.

‘‘Pañca sikkhāpadāni – pāṇātipātā veramaṇī, adinnādānā veramaṇī, kāmesumicchācārā veramaṇī, musāvādā veramaṇī, surāmerayamajjappamādaṭṭhānā veramaṇī.

316. ‘‘бан̃жа абхаб̣б̣адтаанаани. абхаб̣б̣о, аавусо, кийн̣аасаво бхигку сан̃жижжа баан̣ам̣ ж̇ийвид̇аа воробзд̇ум̣. абхаб̣б̣о кийн̣аасаво бхигку ад̣̇иннам̣ т̇зяяасан̇каад̇ам̣ аад̣̇ияид̇ум̣ ⁹¹. абхаб̣б̣о кийн̣аасаво бхигку мзт̇унам̣ д̇хаммам̣ бадисзвид̇ум̣. абхаб̣б̣о кийн̣аасаво бхигку самбаж̇аанамусаа бхаасид̇ум̣. абхаб̣б̣о кийн̣аасаво бхигку саннид̇хигаарагам̣ гаамз барибхун̃ж̇ид̇ум̣, сзяяат̇ааби буб̣б̣з ааг̇ааригабхууд̇о.

316. ‘‘Pañca abhabbaṭṭhānāni. Abhabbo, āvuso, khīṇāsavo bhikkhu sañcicca pāṇaṃ jīvitā voropetuṃ. Abhabbo khīṇāsavo bhikkhu adinnaṃ theyyasaṅkhātaṃ ādiyituṃ ⁹². Abhabbo khīṇāsavo bhikkhu methunaṃ dhammaṃ paṭisevituṃ. Abhabbo khīṇāsavo bhikkhu sampajānamusā bhāsituṃ. Abhabbo khīṇāsavo bhikkhu sannidhikārakaṃ kāme paribhuñjituṃ, seyyathāpi pubbe āgārikabhūto.

‘‘бан̃жа б̣яасанаани – н̃аад̇иб̣яасанам̣, бхог̇аб̣яасанам̣, рог̇аб̣яасанам̣, сийлаб̣яасанам̣, д̣̇идтиб̣яасанам̣. наавусо, сад̇д̇аа н̃аад̇иб̣яасанахзд̇у ваа бхог̇аб̣яасанахзд̇у ваа рог̇аб̣яасанахзд̇у ваа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и. сийлаб̣яасанахзд̇у ваа, аавусо, сад̇д̇аа д̣̇идтиб̣яасанахзд̇у ваа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и.

‘‘Pañca byasanāni – ñātibyasanaṃ, bhogabyasanaṃ, rogabyasanaṃ, sīlabyasanaṃ, diṭṭhibyasanaṃ. Nāvuso, sattā ñātibyasanahetu vā bhogabyasanahetu vā rogabyasanahetu vā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti. Sīlabyasanahetu vā, āvuso, sattā diṭṭhibyasanahetu vā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti.

‘‘бан̃жа самбад̣̇аа – н̃аад̇исамбад̣̇аа, бхог̇асамбад̣̇аа, аарог̇яасамбад̣̇аа, сийласамбад̣̇аа, д̣̇идтисамбад̣̇аа. наавусо, сад̇д̇аа н̃аад̇исамбад̣̇аахзд̇у ваа бхог̇асамбад̣̇аахзд̇у ваа аарог̇яасамбад̣̇аахзд̇у ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. сийласамбад̣̇аахзд̇у ваа, аавусо, сад̇д̇аа д̣̇идтисамбад̣̇аахзд̇у ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и.

‘‘Pañca sampadā – ñātisampadā, bhogasampadā, ārogyasampadā, sīlasampadā, diṭṭhisampadā. Nāvuso, sattā ñātisampadāhetu vā bhogasampadāhetu vā ārogyasampadāhetu vā kāyassa bhedā paraṃ maraṇā sugatiṃ saggaṃ lokaṃ upapajjanti. Sīlasampadāhetu vā, āvuso, sattā diṭṭhisampadāhetu vā kāyassa bhedā paraṃ maraṇā sugatiṃ saggaṃ lokaṃ upapajjanti.

‘‘бан̃жа аад̣̇ийнаваа д̣̇уссийласса сийлавибад̇д̇ияаа. ид̇хаавусо , д̣̇уссийло сийлавибанно бамаад̣̇аад̇хигаран̣ам̣ махад̇им̣ бхог̇аж̇ааним̣ ниг̇ажчад̇и, аяам̣ батамо аад̣̇ийнаво д̣̇уссийласса сийлавибад̇д̇ияаа. буна жабарам̣, аавусо, д̣̇уссийласса сийлавибаннасса баабаго гид̇д̇исад̣̇д̣̇о аб̣бхуг̇г̇ажчад̇и, аяам̣ д̣̇уд̇ияо аад̣̇ийнаво д̣̇уссийласса сийлавибад̇д̇ияаа. буна жабарам̣, аавусо, д̣̇уссийло сийлавибанно яан̃н̃ад̣̇зва барисам̣ убасан̇гамад̇и яад̣̇и кад̇д̇ияабарисам̣ яад̣̇и б̣раахман̣абарисам̣ яад̣̇и г̇ахабад̇ибарисам̣ яад̣̇и саман̣абарисам̣, ависаарад̣̇о убасан̇гамад̇и ман̇губхууд̇о, аяам̣ д̇ад̇ияо аад̣̇ийнаво д̣̇уссийласса сийлавибад̇д̇ияаа. буна жабарам̣, аавусо, д̣̇уссийло сийлавибанно саммуул̣хо гаалам̣ гарод̇и, аяам̣ жад̇уд̇т̇о аад̣̇ийнаво д̣̇уссийласса сийлавибад̇д̇ияаа. буна жабарам̣, аавусо, д̣̇уссийло сийлавибанно гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, аяам̣ бан̃жамо аад̣̇ийнаво д̣̇уссийласса сийлавибад̇д̇ияаа.

‘‘Pañca ādīnavā dussīlassa sīlavipattiyā. Idhāvuso , dussīlo sīlavipanno pamādādhikaraṇaṃ mahatiṃ bhogajāniṃ nigacchati, ayaṃ paṭhamo ādīnavo dussīlassa sīlavipattiyā. Puna caparaṃ, āvuso, dussīlassa sīlavipannassa pāpako kittisaddo abbhuggacchati, ayaṃ dutiyo ādīnavo dussīlassa sīlavipattiyā. Puna caparaṃ, āvuso, dussīlo sīlavipanno yaññadeva parisaṃ upasaṅkamati yadi khattiyaparisaṃ yadi brāhmaṇaparisaṃ yadi gahapatiparisaṃ yadi samaṇaparisaṃ, avisārado upasaṅkamati maṅkubhūto, ayaṃ tatiyo ādīnavo dussīlassa sīlavipattiyā. Puna caparaṃ, āvuso, dussīlo sīlavipanno sammūḷho kālaṃ karoti, ayaṃ catuttho ādīnavo dussīlassa sīlavipattiyā. Puna caparaṃ, āvuso, dussīlo sīlavipanno kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, ayaṃ pañcamo ādīnavo dussīlassa sīlavipattiyā.

‘‘бан̃жа аанисам̣саа сийлавад̇о сийласамбад̣̇ааяа. ид̇хаавусо, сийлаваа сийласамбанно аббамаад̣̇аад̇хигаран̣ам̣ маханд̇ам̣ бхог̇агканд̇хам̣ ад̇хиг̇ажчад̇и, аяам̣ батамо аанисам̣со сийлавад̇о сийласамбад̣̇ааяа. буна жабарам̣, аавусо, сийлавад̇о сийласамбаннасса галяаан̣о гид̇д̇исад̣̇д̣̇о аб̣бхуг̇г̇ажчад̇и, аяам̣ д̣̇уд̇ияо аанисам̣со сийлавад̇о сийласамбад̣̇ааяа. буна жабарам̣, аавусо, сийлаваа сийласамбанно яан̃н̃ад̣̇зва барисам̣ убасан̇гамад̇и яад̣̇и кад̇д̇ияабарисам̣ яад̣̇и б̣раахман̣абарисам̣ яад̣̇и г̇ахабад̇ибарисам̣ яад̣̇и саман̣абарисам̣, висаарад̣̇о убасан̇гамад̇и аман̇губхууд̇о, аяам̣ д̇ад̇ияо аанисам̣со сийлавад̇о сийласамбад̣̇ааяа. буна жабарам̣, аавусо, сийлаваа сийласамбанно асаммуул̣хо гаалам̣ гарод̇и, аяам̣ жад̇уд̇т̇о аанисам̣со сийлавад̇о сийласамбад̣̇ааяа. буна жабарам̣, аавусо, сийлаваа сийласамбанно гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и, аяам̣ бан̃жамо аанисам̣со сийлавад̇о сийласамбад̣̇ааяа.

‘‘Pañca ānisaṃsā sīlavato sīlasampadāya. Idhāvuso, sīlavā sīlasampanno appamādādhikaraṇaṃ mahantaṃ bhogakkhandhaṃ adhigacchati, ayaṃ paṭhamo ānisaṃso sīlavato sīlasampadāya. Puna caparaṃ, āvuso, sīlavato sīlasampannassa kalyāṇo kittisaddo abbhuggacchati, ayaṃ dutiyo ānisaṃso sīlavato sīlasampadāya. Puna caparaṃ, āvuso, sīlavā sīlasampanno yaññadeva parisaṃ upasaṅkamati yadi khattiyaparisaṃ yadi brāhmaṇaparisaṃ yadi gahapatiparisaṃ yadi samaṇaparisaṃ, visārado upasaṅkamati amaṅkubhūto, ayaṃ tatiyo ānisaṃso sīlavato sīlasampadāya. Puna caparaṃ, āvuso, sīlavā sīlasampanno asammūḷho kālaṃ karoti, ayaṃ catuttho ānisaṃso sīlavato sīlasampadāya. Puna caparaṃ, āvuso, sīlavā sīlasampanno kāyassa bhedā paraṃ maraṇā sugatiṃ saggaṃ lokaṃ upapajjati, ayaṃ pañcamo ānisaṃso sīlavato sīlasampadāya.

‘‘жод̣̇агзна , аавусо, бхигкунаа барам̣ жод̣̇зд̇угаамзна бан̃жа д̇хаммз аж̇жхад̇д̇ам̣ убадтабзд̇ваа баро жод̣̇зд̇аб̣б̣о. гаалзна вагкаами но агаалзна, бхууд̇зна вагкаами но абхууд̇зна, сан̣хзна вагкаами но парусзна, ад̇т̇асам̣хид̇зна вагкаами но анад̇т̇асам̣хид̇зна, мзд̇д̇ажид̇д̇зна ⁹³ вагкаами но д̣̇осанд̇арзнаад̇и. жод̣̇агзна, аавусо, бхигкунаа барам̣ жод̣̇зд̇угаамзна имз бан̃жа д̇хаммз аж̇жхад̇д̇ам̣ убадтабзд̇ваа баро жод̣̇зд̇аб̣б̣о.

‘‘Codakena , āvuso, bhikkhunā paraṃ codetukāmena pañca dhamme ajjhattaṃ upaṭṭhapetvā paro codetabbo. Kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaṃhitena vakkhāmi no anatthasaṃhitena, mettacittena ⁹⁴ vakkhāmi no dosantarenāti. Codakena, āvuso, bhikkhunā paraṃ codetukāmena ime pañca dhamme ajjhattaṃ upaṭṭhapetvā paro codetabbo.

317. ‘‘бан̃жа бад̇хаанияан̇г̇аани. ид̇хаавусо, бхигку сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о, логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. аббааб̣аад̇хо ход̇и аббаад̇ан̇го, самавзбаагинияаа г̇ахан̣ияаа саманнааг̇ад̇о наад̇исийд̇ааяа наажжун̣хааяа маж̇жхимааяа бад̇хаанагкамааяа. асато ход̇и амааяаавий, яат̇аабхууд̇ам̣ ад̇д̇аанам̣ аавигад̇д̇аа сад̇т̇ари ваа вин̃н̃уусу ваа саб̣рахмажаарийсу. аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяа т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаад̣̇угкагкаяаг̇ааминияаа.

317. ‘‘Pañca padhāniyaṅgāni. Idhāvuso, bhikkhu saddho hoti, saddahati tathāgatassa bodhiṃ – ‘itipi so bhagavā arahaṃ sammāsambuddho vijjācaraṇasampanno sugato, lokavidū anuttaro purisadammasārathi satthā devamanussānaṃ buddho bhagavā’ti. Appābādho hoti appātaṅko, samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya. Asaṭho hoti amāyāvī, yathābhūtaṃ attānaṃ āvikattā satthari vā viññūsu vā sabrahmacārīsu. Āraddhavīriyo viharati akusalānaṃ dhammānaṃ pahānāya kusalānaṃ dhammānaṃ upasampadāya thāmavā daḷhaparakkamo anikkhittadhuro kusalesu dhammesu. Paññavā hoti udayatthagāminiyā paññāya samannāgato ariyāya nibbedhikāya sammādukkhakkhayagāminiyā.

318. ‘‘бан̃жа суд̣̇д̇хааваасаа – авихаа, ад̇аббаа, суд̣̇ассаа, суд̣̇ассий, аганидтаа.

318. ‘‘Pañca suddhāvāsā – avihā, atappā, sudassā, sudassī, akaniṭṭhā.

‘‘бан̃жа анааг̇аамино – анд̇араабариниб̣б̣ааяий, убахажжабариниб̣б̣ааяий, асан̇каарабариниб̣б̣ааяий, сасан̇каарабариниб̣б̣ааяий, уд̣̇д̇хам̣сод̇оаганидтаг̇аамий.

‘‘Pañca anāgāmino – antarāparinibbāyī, upahaccaparinibbāyī, asaṅkhāraparinibbāyī, sasaṅkhāraparinibbāyī, uddhaṃsotoakaniṭṭhagāmī.

319. ‘‘бан̃жа жзд̇окилаа. ид̇хаавусо, бхигку сад̇т̇ари ган̇кад̇и вижигижчад̇и наад̇химужжад̇и на самбасийд̣̇ад̇и. яо со, аавусо, бхигку сад̇т̇ари ган̇кад̇и вижигижчад̇и наад̇химужжад̇и на самбасийд̣̇ад̇и, д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, аяам̣ батамо жзд̇окило. буна жабарам̣, аавусо, бхигку д̇хаммз ган̇кад̇и вижигижчад̇и…бз… сан̇гхз ган̇кад̇и вижигижчад̇и… сигкааяа ган̇кад̇и вижигижчад̇и… саб̣рахмажаарийсу губид̇о ход̇и анад̇д̇амано аахад̇ажид̇д̇о килаж̇аад̇о. яо со, аавусо, бхигку саб̣рахмажаарийсу губид̇о ход̇и анад̇д̇амано аахад̇ажид̇д̇о килаж̇аад̇о, д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, аяам̣ бан̃жамо жзд̇окило.

319. ‘‘Pañca cetokhilā. Idhāvuso, bhikkhu satthari kaṅkhati vicikicchati nādhimuccati na sampasīdati. Yo so, āvuso, bhikkhu satthari kaṅkhati vicikicchati nādhimuccati na sampasīdati, tassa cittaṃ na namati ātappāya anuyogāya sātaccāya padhānāya, yassa cittaṃ na namati ātappāya anuyogāya sātaccāya padhānāya, ayaṃ paṭhamo cetokhilo. Puna caparaṃ, āvuso, bhikkhu dhamme kaṅkhati vicikicchati…pe… saṅghe kaṅkhati vicikicchati… sikkhāya kaṅkhati vicikicchati… sabrahmacārīsu kupito hoti anattamano āhatacitto khilajāto. Yo so, āvuso, bhikkhu sabrahmacārīsu kupito hoti anattamano āhatacitto khilajāto, tassa cittaṃ na namati ātappāya anuyogāya sātaccāya padhānāya, yassa cittaṃ na namati ātappāya anuyogāya sātaccāya padhānāya, ayaṃ pañcamo cetokhilo.

320. ‘‘бан̃жа жзд̇асовиниб̣анд̇хаа. ид̇хаавусо, бхигку гаамзсу авийд̇арааг̇о ход̇и авиг̇ад̇ажчанд̣̇о авиг̇ад̇абзмо авиг̇ад̇абибаасо авиг̇ад̇абарил̣аахо авиг̇ад̇ад̇ан̣хо. яо со, аавусо, бхигку гаамзсу авийд̇арааг̇о ход̇и авиг̇ад̇ажчанд̣̇о авиг̇ад̇абзмо авиг̇ад̇абибаасо авиг̇ад̇абарил̣аахо авиг̇ад̇ад̇ан̣хо, д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа. аяам̣ батамо жзд̇асо виниб̣анд̇хо. буна жабарам̣, аавусо, бхигку гааяз авийд̇арааг̇о ход̇и…бз… руубз авийд̇арааг̇о ход̇и…бз… буна жабарам̣, аавусо, бхигку яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа сзяяасукам̣ бассасукам̣ мид̣̇д̇хасукам̣ ануяуд̇д̇о вихарад̇и…бз… буна жабарам̣, аавусо, бхигку ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇и – ‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’д̇и. яо со, аавусо, бхигку ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇и – ‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’д̇и, д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа. аяам̣ бан̃жамо жзд̇асо виниб̣анд̇хо.

320. ‘‘Pañca cetasovinibandhā. Idhāvuso, bhikkhu kāmesu avītarāgo hoti avigatacchando avigatapemo avigatapipāso avigatapariḷāho avigatataṇho. Yo so, āvuso, bhikkhu kāmesu avītarāgo hoti avigatacchando avigatapemo avigatapipāso avigatapariḷāho avigatataṇho, tassa cittaṃ na namati ātappāya anuyogāya sātaccāya padhānāya. Yassa cittaṃ na namati ātappāya anuyogāya sātaccāya padhānāya. Ayaṃ paṭhamo cetaso vinibandho. Puna caparaṃ, āvuso, bhikkhu kāye avītarāgo hoti…pe… rūpe avītarāgo hoti…pe… puna caparaṃ, āvuso, bhikkhu yāvadatthaṃ udarāvadehakaṃ bhuñjitvā seyyasukhaṃ passasukhaṃ middhasukhaṃ anuyutto viharati…pe… puna caparaṃ, āvuso, bhikkhu aññataraṃ devanikāyaṃ paṇidhāya brahmacariyaṃ carati – ‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’ti. Yo so, āvuso, bhikkhu aññataraṃ devanikāyaṃ paṇidhāya brahmacariyaṃ carati – ‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’ti, tassa cittaṃ na namati ātappāya anuyogāya sātaccāya padhānāya. Yassa cittaṃ na namati ātappāya anuyogāya sātaccāya padhānāya. Ayaṃ pañcamo cetaso vinibandho.

‘‘бан̃жинд̣̇рияаани – жагкунд̣̇рияам̣, сод̇инд̣̇рияам̣, гхаанинд̣̇рияам̣, ж̇ивхинд̣̇рияам̣, гааяинд̣̇рияам̣.

‘‘Pañcindriyāni – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ.

‘‘абарааниби бан̃жинд̣̇рияаани – сукинд̣̇рияам̣, д̣̇угкинд̣̇рияам̣, соманассинд̣̇рияам̣, д̣̇оманассинд̣̇рияам̣, убзгкинд̣̇рияам̣.

‘‘Aparānipi pañcindriyāni – sukhindriyaṃ, dukkhindriyaṃ, somanassindriyaṃ, domanassindriyaṃ, upekkhindriyaṃ.

‘‘абарааниби бан̃жинд̣̇рияаани – сад̣̇д̇хинд̣̇рияам̣, вийрияинд̣̇рияам̣, сад̇инд̣̇рияам̣, самаад̇хинд̣̇рияам̣, бан̃н̃инд̣̇рияам̣.

‘‘Aparānipi pañcindriyāni – saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ.

321. ‘‘бан̃жа ниссаран̣ияаа ⁹⁵ д̇хаад̇уяо. ид̇хаавусо, бхигкуно гаамз манасигарод̇о гаамзсу жид̇д̇ам̣ на багканд̣̇ад̇и на басийд̣̇ад̇и на санд̇идтад̇и на вимужжад̇и. нзгкаммам̣ ко банасса манасигарод̇о нзгкаммз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. д̇асса д̇ам̣ жид̇д̇ам̣ суг̇ад̇ам̣ субхаавид̇ам̣ сувудтид̇ам̣ сувимуд̇д̇ам̣ висам̣яуд̇д̇ам̣ гаамзхи. яз жа гаамабажжаяаа уббаж̇ж̇анд̇и аасаваа вигхаад̇аа барил̣аахаа ⁹⁶, муд̇д̇о со д̇зхи, на со д̇ам̣ взд̣̇анам̣ взд̣̇зд̇и. ид̣̇амагкаад̇ам̣ гаамаанам̣ ниссаран̣ам̣.

321. ‘‘Pañca nissaraṇiyā⁹⁷dhātuyo. Idhāvuso, bhikkhuno kāme manasikaroto kāmesu cittaṃ na pakkhandati na pasīdati na santiṭṭhati na vimuccati. Nekkhammaṃ kho panassa manasikaroto nekkhamme cittaṃ pakkhandati pasīdati santiṭṭhati vimuccati. Tassa taṃ cittaṃ sugataṃ subhāvitaṃ suvuṭṭhitaṃ suvimuttaṃ visaṃyuttaṃ kāmehi. Ye ca kāmapaccayā uppajjanti āsavā vighātā pariḷāhā ⁹⁸, mutto so tehi, na so taṃ vedanaṃ vedeti. Idamakkhātaṃ kāmānaṃ nissaraṇaṃ.

‘‘буна жабарам̣, аавусо, бхигкуно б̣яаабаад̣̇ам̣ манасигарод̇о б̣яаабаад̣̇з жид̇д̇ам̣ на багканд̣̇ад̇и на басийд̣̇ад̇и на санд̇идтад̇и на вимужжад̇и. аб̣яаабаад̣̇ам̣ ко банасса манасигарод̇о аб̣яаабаад̣̇з жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. д̇асса д̇ам̣ жид̇д̇ам̣ суг̇ад̇ам̣ субхаавид̇ам̣ сувудтид̇ам̣ сувимуд̇д̇ам̣ висам̣яуд̇д̇ам̣ б̣яаабаад̣̇зна. яз жа б̣яаабаад̣̇абажжаяаа уббаж̇ж̇анд̇и аасаваа вигхаад̇аа барил̣аахаа, муд̇д̇о со д̇зхи, на со д̇ам̣ взд̣̇анам̣ взд̣̇зд̇и. ид̣̇амагкаад̇ам̣ б̣яаабаад̣̇асса ниссаран̣ам̣.

‘‘Puna caparaṃ, āvuso, bhikkhuno byāpādaṃ manasikaroto byāpāde cittaṃ na pakkhandati na pasīdati na santiṭṭhati na vimuccati. Abyāpādaṃ kho panassa manasikaroto abyāpāde cittaṃ pakkhandati pasīdati santiṭṭhati vimuccati. Tassa taṃ cittaṃ sugataṃ subhāvitaṃ suvuṭṭhitaṃ suvimuttaṃ visaṃyuttaṃ byāpādena. Ye ca byāpādapaccayā uppajjanti āsavā vighātā pariḷāhā, mutto so tehi, na so taṃ vedanaṃ vedeti. Idamakkhātaṃ byāpādassa nissaraṇaṃ.

‘‘буна жабарам̣, аавусо, бхигкуно вихзсам̣ манасигарод̇о вихзсааяа жид̇д̇ам̣ на багканд̣̇ад̇и на басийд̣̇ад̇и на санд̇идтад̇и на вимужжад̇и. авихзсам̣ ко банасса манасигарод̇о авихзсааяа жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. д̇асса д̇ам̣ жид̇д̇ам̣ суг̇ад̇ам̣ субхаавид̇ам̣ сувудтид̇ам̣ сувимуд̇д̇ам̣ висам̣яуд̇д̇ам̣ вихзсааяа. яз жа вихзсаабажжаяаа уббаж̇ж̇анд̇и аасаваа вигхаад̇аа барил̣аахаа, муд̇д̇о со д̇зхи, на со д̇ам̣ взд̣̇анам̣ взд̣̇зд̇и. ид̣̇амагкаад̇ам̣ вихзсааяа ниссаран̣ам̣.

‘‘Puna caparaṃ, āvuso, bhikkhuno vihesaṃ manasikaroto vihesāya cittaṃ na pakkhandati na pasīdati na santiṭṭhati na vimuccati. Avihesaṃ kho panassa manasikaroto avihesāya cittaṃ pakkhandati pasīdati santiṭṭhati vimuccati. Tassa taṃ cittaṃ sugataṃ subhāvitaṃ suvuṭṭhitaṃ suvimuttaṃ visaṃyuttaṃ vihesāya. Ye ca vihesāpaccayā uppajjanti āsavā vighātā pariḷāhā, mutto so tehi, na so taṃ vedanaṃ vedeti. Idamakkhātaṃ vihesāya nissaraṇaṃ.

‘‘буна жабарам̣, аавусо, бхигкуно руубз манасигарод̇о руубзсу жид̇д̇ам̣ на багканд̣̇ад̇и на басийд̣̇ад̇и на санд̇идтад̇и на вимужжад̇и. аруубам̣ ко банасса манасигарод̇о аруубз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. д̇асса д̇ам̣ жид̇д̇ам̣ суг̇ад̇ам̣ субхаавид̇ам̣ сувудтид̇ам̣ сувимуд̇д̇ам̣ висам̣яуд̇д̇ам̣ руубзхи. яз жа руубабажжаяаа уббаж̇ж̇анд̇и аасаваа вигхаад̇аа барил̣аахаа, муд̇д̇о со д̇зхи, на со д̇ам̣ взд̣̇анам̣ взд̣̇зд̇и. ид̣̇амагкаад̇ам̣ руубаанам̣ ниссаран̣ам̣.

‘‘Puna caparaṃ, āvuso, bhikkhuno rūpe manasikaroto rūpesu cittaṃ na pakkhandati na pasīdati na santiṭṭhati na vimuccati. Arūpaṃ kho panassa manasikaroto arūpe cittaṃ pakkhandati pasīdati santiṭṭhati vimuccati. Tassa taṃ cittaṃ sugataṃ subhāvitaṃ suvuṭṭhitaṃ suvimuttaṃ visaṃyuttaṃ rūpehi. Ye ca rūpapaccayā uppajjanti āsavā vighātā pariḷāhā, mutto so tehi, na so taṃ vedanaṃ vedeti. Idamakkhātaṃ rūpānaṃ nissaraṇaṃ.

‘‘буна жабарам̣, аавусо, бхигкуно саггааяам̣ манасигарод̇о саггааяз жид̇д̇ам̣ на багканд̣̇ад̇и на басийд̣̇ад̇и на санд̇идтад̇и на вимужжад̇и. саггааяанирод̇хам̣ ко банасса манасигарод̇о саггааяанирод̇хз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. д̇асса д̇ам̣ жид̇д̇ам̣ суг̇ад̇ам̣ субхаавид̇ам̣ сувудтид̇ам̣ сувимуд̇д̇ам̣ висам̣яуд̇д̇ам̣ саггааязна. яз жа саггааяабажжаяаа уббаж̇ж̇анд̇и аасаваа вигхаад̇аа барил̣аахаа, муд̇д̇о со д̇зхи, на со д̇ам̣ взд̣̇анам̣ взд̣̇зд̇и. ид̣̇амагкаад̇ам̣ саггааяасса ниссаран̣ам̣.

‘‘Puna caparaṃ, āvuso, bhikkhuno sakkāyaṃ manasikaroto sakkāye cittaṃ na pakkhandati na pasīdati na santiṭṭhati na vimuccati. Sakkāyanirodhaṃ kho panassa manasikaroto sakkāyanirodhe cittaṃ pakkhandati pasīdati santiṭṭhati vimuccati. Tassa taṃ cittaṃ sugataṃ subhāvitaṃ suvuṭṭhitaṃ suvimuttaṃ visaṃyuttaṃ sakkāyena. Ye ca sakkāyapaccayā uppajjanti āsavā vighātā pariḷāhā, mutto so tehi, na so taṃ vedanaṃ vedeti. Idamakkhātaṃ sakkāyassa nissaraṇaṃ.

322. ‘‘бан̃жа вимуд̇д̇ааяад̇анаани. ид̇хаавусо, бхигкуно сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо саб̣рахмажаарий. яат̇аа яат̇аа, аавусо, бхигкуно сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо саб̣рахмажаарий . д̇ат̇аа д̇ат̇аа со д̇асмим̣ д̇хаммз ад̇т̇абадисам̣взд̣̇ий жа ход̇и д̇хаммабадисам̣взд̣̇ий жа. д̇асса ад̇т̇абадисам̣взд̣̇ино д̇хаммабадисам̣взд̣̇ино баамож̇ж̇ам̣ ж̇ааяад̇и, бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇и. ид̣̇ам̣ батамам̣ вимуд̇д̇ааяад̇анам̣.

322. ‘‘Pañca vimuttāyatanāni. Idhāvuso, bhikkhuno satthā dhammaṃ deseti aññataro vā garuṭṭhāniyo sabrahmacārī. Yathā yathā, āvuso, bhikkhuno satthā dhammaṃ deseti aññataro vā garuṭṭhāniyo sabrahmacārī . Tathā tathā so tasmiṃ dhamme atthapaṭisaṃvedī ca hoti dhammapaṭisaṃvedī ca. Tassa atthapaṭisaṃvedino dhammapaṭisaṃvedino pāmojjaṃ jāyati, pamuditassa pīti jāyati, pītimanassa kāyo passambhati, passaddhakāyo sukhaṃ vedeti, sukhino cittaṃ samādhiyati. Idaṃ paṭhamaṃ vimuttāyatanaṃ.

‘‘буна жабарам̣, аавусо, бхигкуно на хзва ко сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо саб̣рахмажаарий, аби жа ко яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и…бз… аби жа ко яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарод̇и…бз… аби жа ко яат̇аасуд̇ам̣ яат̇аабарияад̇д̇ам̣ д̇хаммам̣ жзд̇асаа анувид̇аггзд̇и анувижаарзд̇и манасаанубзгкад̇и…бз… аби жа квасса ан̃н̃ад̇арам̣ самаад̇хинимид̇д̇ам̣ суг̇г̇ахид̇ам̣ ход̇и суманасигад̇ам̣ суубад̇хаарид̇ам̣ суббадивид̣̇д̇хам̣ бан̃н̃ааяа. яат̇аа яат̇аа, аавусо, бхигкуно ан̃н̃ад̇арам̣ самаад̇хинимид̇д̇ам̣ суг̇г̇ахид̇ам̣ ход̇и суманасигад̇ам̣ суубад̇хаарид̇ам̣ суббадивид̣̇д̇хам̣ бан̃н̃ааяа д̇ат̇аа д̇ат̇аа со д̇асмим̣ д̇хаммз ад̇т̇абадисам̣взд̣̇ий жа ход̇и д̇хаммабадисам̣взд̣̇ий жа. д̇асса ад̇т̇абадисам̣взд̣̇ино д̇хаммабадисам̣взд̣̇ино баамож̇ж̇ам̣ ж̇ааяад̇и, бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇зд̇и , сукино жид̇д̇ам̣ самаад̇хияад̇и. ид̣̇ам̣ бан̃жамам̣ вимуд̇д̇ааяад̇анам̣.

‘‘Puna caparaṃ, āvuso, bhikkhuno na heva kho satthā dhammaṃ deseti aññataro vā garuṭṭhāniyo sabrahmacārī, api ca kho yathāsutaṃ yathāpariyattaṃ dhammaṃ vitthārena paresaṃ deseti…pe… api ca kho yathāsutaṃ yathāpariyattaṃ dhammaṃ vitthārena sajjhāyaṃ karoti…pe… api ca kho yathāsutaṃ yathāpariyattaṃ dhammaṃ cetasā anuvitakketi anuvicāreti manasānupekkhati…pe… api ca khvassa aññataraṃ samādhinimittaṃ suggahitaṃ hoti sumanasikataṃ sūpadhāritaṃ suppaṭividdhaṃ paññāya. Yathā yathā, āvuso, bhikkhuno aññataraṃ samādhinimittaṃ suggahitaṃ hoti sumanasikataṃ sūpadhāritaṃ suppaṭividdhaṃ paññāya tathā tathā so tasmiṃ dhamme atthapaṭisaṃvedī ca hoti dhammapaṭisaṃvedī ca. Tassa atthapaṭisaṃvedino dhammapaṭisaṃvedino pāmojjaṃ jāyati, pamuditassa pīti jāyati, pītimanassa kāyo passambhati, passaddhakāyo sukhaṃ vedeti , sukhino cittaṃ samādhiyati. Idaṃ pañcamaṃ vimuttāyatanaṃ.

‘‘бан̃жа вимуд̇д̇ибарибаажанийяаа сан̃н̃аа – анижжасан̃н̃аа, анижжз д̣̇угкасан̃н̃аа, д̣̇угкз анад̇д̇асан̃н̃аа, бахаанасан̃н̃аа, вирааг̇асан̃н̃аа.

‘‘Pañca vimuttiparipācanīyā saññā – aniccasaññā, anicce dukkhasaññā, dukkhe anattasaññā, pahānasaññā, virāgasaññā.

‘‘имз ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна бан̃жа д̇хаммаа саммад̣̇агкаад̇аа; д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣ ⁹⁹.

‘‘Ime kho, āvuso, tena bhagavatā jānatā passatā arahatā sammāsambuddhena pañca dhammā sammadakkhātā; tattha sabbeheva saṅgāyitabbaṃ…pe… atthāya hitāya sukhāya devamanussānaṃ ¹⁰⁰.

чаггам̣

Chakkaṃ

323. ‘‘ад̇т̇и ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна ча д̇хаммаа саммад̣̇агкаад̇аа; д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣. гад̇амз ча?

323. ‘‘Atthi kho, āvuso, tena bhagavatā jānatā passatā arahatā sammāsambuddhena cha dhammā sammadakkhātā; tattha sabbeheva saṅgāyitabbaṃ…pe… atthāya hitāya sukhāya devamanussānaṃ. Katame cha?

‘‘ча аж̇жхад̇д̇игаани ааяад̇анаани – жагкааяад̇анам̣, сод̇ааяад̇анам̣, гхаанааяад̇анам̣, ж̇ивхааяад̇анам̣, гааяааяад̇анам̣, манааяад̇анам̣.

‘‘Cha ajjhattikāniāyatanāni – cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, manāyatanaṃ.

‘‘ча б̣аахираани ааяад̇анаани – руубааяад̇анам̣, сад̣̇д̣̇ааяад̇анам̣, г̇анд̇хааяад̇анам̣, расааяад̇анам̣, подтаб̣б̣ааяад̇анам̣, д̇хаммааяад̇анам̣.

‘‘Cha bāhirāni āyatanāni – rūpāyatanaṃ, saddāyatanaṃ, gandhāyatanaṃ, rasāyatanaṃ, phoṭṭhabbāyatanaṃ, dhammāyatanaṃ.

‘‘ча вин̃н̃аан̣агааяаа – жагкувин̃н̃аан̣ам̣, сод̇авин̃н̃аан̣ам̣, гхаанавин̃н̃аан̣ам̣, ж̇ивхаавин̃н̃аан̣ам̣, гааяавин̃н̃аан̣ам̣, мановин̃н̃аан̣ам̣.

‘‘Cha viññāṇakāyā – cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ.

‘‘ча пассагааяаа – жагкусампассо, сод̇асампассо, гхаанасампассо, ж̇ивхаасампассо, гааяасампассо, маносампассо.

‘‘Cha phassakāyā – cakkhusamphasso, sotasamphasso, ghānasamphasso, jivhāsamphasso, kāyasamphasso, manosamphasso.

‘‘ча взд̣̇анаагааяаа – жагкусампассаж̇аа взд̣̇анаа, сод̇асампассаж̇аа взд̣̇анаа, гхаанасампассаж̇аа взд̣̇анаа, ж̇ивхаасампассаж̇аа взд̣̇анаа, гааяасампассаж̇аа взд̣̇анаа, маносампассаж̇аа взд̣̇анаа.

‘‘Cha vedanākāyā – cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā.

‘‘ча сан̃н̃аагааяаа – руубасан̃н̃аа, сад̣̇д̣̇асан̃н̃аа, г̇анд̇хасан̃н̃аа, расасан̃н̃аа, подтаб̣б̣асан̃н̃аа, д̇хаммасан̃н̃аа.

‘‘Cha saññākāyā – rūpasaññā, saddasaññā, gandhasaññā, rasasaññā, phoṭṭhabbasaññā, dhammasaññā.

‘‘ча сан̃жзд̇анаагааяаа – руубасан̃жзд̇анаа, сад̣̇д̣̇асан̃жзд̇анаа, г̇анд̇хасан̃жзд̇анаа, расасан̃жзд̇анаа, подтаб̣б̣асан̃жзд̇анаа, д̇хаммасан̃жзд̇анаа.

‘‘Cha sañcetanākāyā – rūpasañcetanā, saddasañcetanā, gandhasañcetanā, rasasañcetanā, phoṭṭhabbasañcetanā, dhammasañcetanā.

‘‘ча д̇ан̣хаагааяаа – руубад̇ан̣хаа, сад̣̇д̣̇ад̇ан̣хаа, г̇анд̇хад̇ан̣хаа, расад̇ан̣хаа, подтаб̣б̣ад̇ан̣хаа, д̇хаммад̇ан̣хаа.

‘‘Cha taṇhākāyā – rūpataṇhā, saddataṇhā, gandhataṇhā, rasataṇhā, phoṭṭhabbataṇhā, dhammataṇhā.

324. ‘‘ча аг̇аараваа. ид̇хаавусо, бхигку сад̇т̇ари аг̇аараво вихарад̇и аббад̇иссо; д̇хаммз аг̇аараво вихарад̇и аббад̇иссо; сан̇гхз аг̇аараво вихарад̇и аббад̇иссо; сигкааяа аг̇аараво вихарад̇и аббад̇иссо; аббамаад̣̇з аг̇аараво вихарад̇и аббад̇иссо; бадисант̇аарз ¹⁰¹ аг̇аараво вихарад̇и аббад̇иссо.

324. ‘‘Cha agāravā. Idhāvuso, bhikkhu satthari agāravo viharati appatisso; dhamme agāravo viharati appatisso; saṅghe agāravo viharati appatisso; sikkhāya agāravo viharati appatisso; appamāde agāravo viharati appatisso; paṭisanthāre ¹⁰² agāravo viharati appatisso.

‘‘ча г̇аараваа. ид̇хаавусо, бхигку сад̇т̇ари саг̇аараво вихарад̇и саббад̇иссо; д̇хаммз саг̇аараво вихарад̇и саббад̇иссо; сан̇гхз саг̇аараво вихарад̇и саббад̇иссо; сигкааяа саг̇аараво вихарад̇и саббад̇иссо; аббамаад̣̇з саг̇аараво вихарад̇и саббад̇иссо; бадисант̇аарз саг̇аараво вихарад̇и саббад̇иссо.

‘‘Cha gāravā. Idhāvuso, bhikkhu satthari sagāravo viharati sappatisso; dhamme sagāravo viharati sappatisso; saṅghe sagāravo viharati sappatisso; sikkhāya sagāravo viharati sappatisso; appamāde sagāravo viharati sappatisso; paṭisanthāre sagāravo viharati sappatisso.

‘‘ча соманассуубавижаараа . жагкунаа руубам̣ д̣̇исваа соманассадтаанияам̣ руубам̣ убавижарад̇и; сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа. манасаа д̇хаммам̣ вин̃н̃ааяа соманассадтаанияам̣ д̇хаммам̣ убавижарад̇и.

‘‘Cha somanassūpavicārā. Cakkhunā rūpaṃ disvā somanassaṭṭhāniyaṃ rūpaṃ upavicarati; sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā. Manasā dhammaṃ viññāya somanassaṭṭhāniyaṃ dhammaṃ upavicarati.

‘‘ча д̣̇оманассуубавижаараа. жагкунаа руубам̣ д̣̇исваа д̣̇оманассадтаанияам̣ руубам̣ убавижарад̇и…бз… манасаа д̇хаммам̣ вин̃н̃ааяа д̣̇оманассадтаанияам̣ д̇хаммам̣ убавижарад̇и.

‘‘Cha domanassūpavicārā. Cakkhunā rūpaṃ disvā domanassaṭṭhāniyaṃ rūpaṃ upavicarati…pe… manasā dhammaṃ viññāya domanassaṭṭhāniyaṃ dhammaṃ upavicarati.

‘‘ча убзгкуубавижаараа. жагкунаа руубам̣ д̣̇исваа убзгкаадтаанияам̣ ¹⁰³ руубам̣ убавижарад̇и…бз… манасаа д̇хаммам̣ вин̃н̃ааяа убзгкаадтаанияам̣ д̇хаммам̣ убавижарад̇и.

‘‘Cha upekkhūpavicārā. Cakkhunā rūpaṃ disvā upekkhāṭṭhāniyaṃ ¹⁰⁴ rūpaṃ upavicarati…pe… manasā dhammaṃ viññāya upekkhāṭṭhāniyaṃ dhammaṃ upavicarati.

‘‘ча сааран̣ийяаа д̇хаммаа. ид̇хаавусо, бхигкуно мзд̇д̇ам̣ гааяагаммам̣ бажжубадтид̇ам̣ ход̇и саб̣рахмажаарийсу аави ¹⁰⁵ жзва рахо жа. аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.

‘‘Cha sāraṇīyā dhammā. Idhāvuso, bhikkhuno mettaṃ kāyakammaṃ paccupaṭṭhitaṃ hoti sabrahmacārīsu āvi ¹⁰⁶ ceva raho ca. Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṃvattati.

‘‘буна жабарам̣, аавусо, бхигкуно мзд̇д̇ам̣ важийгаммам̣ бажжубадтид̇ам̣ ход̇и саб̣рахмажаарийсу аави жзва рахо жа. аяамби д̇хаммо сааран̣ийяо…бз… згийбхаавааяа сам̣вад̇д̇ад̇и.

‘‘Puna caparaṃ, āvuso, bhikkhuno mettaṃ vacīkammaṃ paccupaṭṭhitaṃ hoti sabrahmacārīsu āvi ceva raho ca. Ayampi dhammo sāraṇīyo…pe… ekībhāvāya saṃvattati.

‘‘буна жабарам̣, аавусо, бхигкуно мзд̇д̇ам̣ маногаммам̣ бажжубадтид̇ам̣ ход̇и саб̣рахмажаарийсу аави жзва рахо жа. аяамби д̇хаммо сааран̣ийяо…бз… згийбхаавааяа сам̣вад̇д̇ад̇и.

‘‘Puna caparaṃ, āvuso, bhikkhuno mettaṃ manokammaṃ paccupaṭṭhitaṃ hoti sabrahmacārīsu āvi ceva raho ca. Ayampi dhammo sāraṇīyo…pe… ekībhāvāya saṃvattati.

‘‘буна жабарам̣, аавусо, бхигку яз д̇з лаабхаа д̇хаммигаа д̇хаммалад̣̇д̇хаа анд̇амасо бад̇д̇абарияаабаннамад̇д̇амби, д̇ат̇ааруубзхи лаабхзхи аббадивибхад̇д̇абхог̇ий ход̇и сийлаванд̇зхи саб̣рахмажаарийхи саад̇хааран̣абхог̇ий. аяамби д̇хаммо сааран̣ийяо…бз… згийбхаавааяа сам̣вад̇д̇ад̇и.

‘‘Puna caparaṃ, āvuso, bhikkhu ye te lābhā dhammikā dhammaladdhā antamaso pattapariyāpannamattampi, tathārūpehi lābhehi appaṭivibhattabhogī hoti sīlavantehi sabrahmacārīhi sādhāraṇabhogī. Ayampi dhammo sāraṇīyo…pe… ekībhāvāya saṃvattati.

‘‘буна жабарам̣, аавусо, бхигку яаани д̇аани сийлаани акан̣д̣аани ажчид̣̇д̣̇аани асаб̣алаани агаммаасаани бхуж̇иссаани вин̃н̃уббасад̇т̇аани абараамадтаани самаад̇хисам̣вад̇д̇анигаани, д̇ат̇ааруубзсу сийлзсу сийласааман̃н̃аг̇ад̇о вихарад̇и саб̣рахмажаарийхи аави жзва рахо жа. аяамби д̇хаммо сааран̣ийяо…бз… згийбхаавааяа сам̣вад̇д̇ад̇и.

‘‘Puna caparaṃ, āvuso, bhikkhu yāni tāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṃvattanikāni, tathārūpesu sīlesu sīlasāmaññagato viharati sabrahmacārīhi āvi ceva raho ca. Ayampi dhammo sāraṇīyo…pe… ekībhāvāya saṃvattati.

‘‘буна жабарам̣, аавусо, бхигку яааяам̣ д̣̇идти арияаа нияяаанигаа нияяаад̇и д̇аггарасса саммаа д̣̇угкагкаяааяа, д̇ат̇ааруубааяа д̣̇идтияаа д̣̇идтисааман̃н̃аг̇ад̇о вихарад̇и саб̣рахмажаарийхи аави жзва рахо жа. аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.

‘‘Puna caparaṃ, āvuso, bhikkhu yāyaṃ diṭṭhi ariyā niyyānikā niyyāti takkarassa sammā dukkhakkhayāya, tathārūpāya diṭṭhiyā diṭṭhisāmaññagato viharati sabrahmacārīhi āvi ceva raho ca. Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṃvattati.

325. ча виваад̣̇амуулаани. ид̇хаавусо, бхигку год̇хано ход̇и убанаахий. яо со, аавусо, бхигку год̇хано ход̇и убанаахий, со сад̇т̇ариби аг̇аараво вихарад̇и аббад̇иссо, д̇хаммзби аг̇аараво вихарад̇и аббад̇иссо, сан̇гхзби аг̇аараво вихарад̇и аббад̇иссо, сигкааяаби на барибуурагаарий ¹⁰⁷ ход̇и. яо со, аавусо, бхигку сад̇т̇ари аг̇аараво вихарад̇и аббад̇иссо, д̇хаммз аг̇аараво вихарад̇и аббад̇иссо, сан̇гхз аг̇аараво вихарад̇и аббад̇иссо, сигкааяа на барибуурагаарий, со сан̇гхз виваад̣̇ам̣ ж̇анзд̇и. яо ход̇и виваад̣̇о б̣ахуж̇анаахид̇ааяа б̣ахуж̇анаасукааяа анад̇т̇ааяа ахид̇ааяа д̣̇угкааяа д̣̇звамануссаанам̣. зваруубам̣ жз д̇умхз, аавусо, виваад̣̇амуулам̣ аж̇жхад̇д̇ам̣ ваа б̣ахид̣̇д̇хаа ваа саманубассзяяаат̇а. д̇ад̇ра д̇умхз, аавусо, д̇ассзва баабагасса виваад̣̇амууласса бахаанааяа вааяамзяяаат̇а. зваруубам̣ жз д̇умхз, аавусо, виваад̣̇амуулам̣ аж̇жхад̇д̇ам̣ ваа б̣ахид̣̇д̇хаа ваа на саманубассзяяаат̇а. д̇ад̇ра д̇умхз, аавусо, д̇ассзва баабагасса виваад̣̇амууласса ааяад̇им̣ анавассавааяа бадибаж̇ж̇зяяаат̇а. звамзд̇асса баабагасса виваад̣̇амууласса бахаанам̣ ход̇и. звамзд̇асса баабагасса виваад̣̇амууласса ааяад̇им̣ анавассаво ход̇и.

325. Cha vivādamūlāni. Idhāvuso, bhikkhu kodhano hoti upanāhī. Yo so, āvuso, bhikkhu kodhano hoti upanāhī, so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī ¹⁰⁸ hoti. Yo so, āvuso, bhikkhu satthari agāravo viharati appatisso, dhamme agāravo viharati appatisso, saṅghe agāravo viharati appatisso, sikkhāya na paripūrakārī, so saṅghe vivādaṃ janeti. Yo hoti vivādo bahujanaahitāya bahujanaasukhāya anatthāya ahitāya dukkhāya devamanussānaṃ. Evarūpaṃ ce tumhe, āvuso, vivādamūlaṃ ajjhattaṃ vā bahiddhā vā samanupasseyyātha. Tatra tumhe, āvuso, tasseva pāpakassa vivādamūlassa pahānāya vāyameyyātha. Evarūpaṃ ce tumhe, āvuso, vivādamūlaṃ ajjhattaṃ vā bahiddhā vā na samanupasseyyātha. Tatra tumhe, āvuso, tasseva pāpakassa vivādamūlassa āyatiṃ anavassavāya paṭipajjeyyātha. Evametassa pāpakassa vivādamūlassa pahānaṃ hoti. Evametassa pāpakassa vivādamūlassa āyatiṃ anavassavo hoti.

‘‘буна жабарам̣, аавусо, бхигку магкий ход̇и бал̣аасий…бз… иссугий ход̇и мажчарий…бз… сато ход̇и мааяаавий… баабижчо ход̇и мижчаад̣̇идтий… санд̣̇идтибараамаасий ход̇и аад̇хаанаг̇г̇аахий д̣̇уббадиниссаг̇г̇ий…бз… яо со, аавусо, бхигку санд̣̇идтибараамаасий ход̇и аад̇хаанаг̇г̇аахий д̣̇уббадиниссаг̇г̇ий, со сад̇т̇ариби аг̇аараво вихарад̇и аббад̇иссо, д̇хаммзби аг̇аараво вихарад̇и аббад̇иссо, сан̇гхзби аг̇аараво вихарад̇и аббад̇иссо, сигкааяаби на барибуурагаарий ход̇и. яо со, аавусо, бхигку сад̇т̇ари аг̇аараво вихарад̇и аббад̇иссо, д̇хаммз аг̇аараво вихарад̇и аббад̇иссо, сан̇гхз аг̇аараво вихарад̇и аббад̇иссо , сигкааяа на барибуурагаарий, со сан̇гхз виваад̣̇ам̣ ж̇анзд̇и. яо ход̇и виваад̣̇о б̣ахуж̇анаахид̇ааяа б̣ахуж̇анаасукааяа анад̇т̇ааяа ахид̇ааяа д̣̇угкааяа д̣̇звамануссаанам̣. зваруубам̣ жз д̇умхз, аавусо, виваад̣̇амуулам̣ аж̇жхад̇д̇ам̣ ваа б̣ахид̣̇д̇хаа ваа саманубассзяяаат̇а. д̇ад̇ра д̇умхз, аавусо, д̇ассзва баабагасса виваад̣̇амууласса бахаанааяа вааяамзяяаат̇а. зваруубам̣ жз д̇умхз, аавусо, виваад̣̇амуулам̣ аж̇жхад̇д̇ам̣ ваа б̣ахид̣̇д̇хаа ваа на саманубассзяяаат̇а. д̇ад̇ра д̇умхз, аавусо, д̇ассзва баабагасса виваад̣̇амууласса ааяад̇им̣ анавассавааяа бадибаж̇ж̇зяяаат̇а. звамзд̇асса баабагасса виваад̣̇амууласса бахаанам̣ ход̇и. звамзд̇асса баабагасса виваад̣̇амууласса ааяад̇им̣ анавассаво ход̇и.

‘‘Puna caparaṃ, āvuso, bhikkhu makkhī hoti paḷāsī…pe… issukī hoti maccharī…pe… saṭho hoti māyāvī… pāpiccho hoti micchādiṭṭhī… sandiṭṭhiparāmāsī hoti ādhānaggāhī duppaṭinissaggī…pe… yo so, āvuso, bhikkhu sandiṭṭhiparāmāsī hoti ādhānaggāhī duppaṭinissaggī, so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti. Yo so, āvuso, bhikkhu satthari agāravo viharati appatisso, dhamme agāravo viharati appatisso, saṅghe agāravo viharati appatisso , sikkhāya na paripūrakārī, so saṅghe vivādaṃ janeti. Yo hoti vivādo bahujanaahitāya bahujanaasukhāya anatthāya ahitāya dukkhāya devamanussānaṃ. Evarūpaṃ ce tumhe, āvuso, vivādamūlaṃ ajjhattaṃ vā bahiddhā vā samanupasseyyātha. Tatra tumhe, āvuso, tasseva pāpakassa vivādamūlassa pahānāya vāyameyyātha. Evarūpaṃ ce tumhe, āvuso, vivādamūlaṃ ajjhattaṃ vā bahiddhā vā na samanupasseyyātha. Tatra tumhe, āvuso, tasseva pāpakassa vivādamūlassa āyatiṃ anavassavāya paṭipajjeyyātha. Evametassa pāpakassa vivādamūlassa pahānaṃ hoti. Evametassa pāpakassa vivādamūlassa āyatiṃ anavassavo hoti.

‘‘ча д̇хаад̇уяо – бат̇авийд̇хаад̇у, аабод̇хаад̇у, д̇зж̇од̇хаад̇у, вааяод̇хаад̇у, аагаасад̇хаад̇у, вин̃н̃аан̣ад̇хаад̇у.

‘‘Cha dhātuyo – pathavīdhātu, āpodhātu, tejodhātu, vāyodhātu, ākāsadhātu, viññāṇadhātu.

326. ‘‘ча ниссаран̣ияаа д̇хаад̇уяо. ид̇хаавусо, бхигку звам̣ вад̣̇зяяа – ‘мзд̇д̇аа хи ко мз жзд̇овимуд̇д̇и бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, ат̇а жа бана мз б̣яаабаад̣̇о жид̇д̇ам̣ барияаад̣̇ааяа д̇идтад̇ий’д̇и. со ‘маа хзвам̣’, д̇исса важанийяо, ‘мааяасмаа звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа. адтаанамзд̇ам̣, аавусо, анавагаасо, яам̣ мзд̇д̇ааяа жзд̇овимуд̇д̇ияаа бхаавид̇ааяа б̣ахулийгад̇ааяа яаанийгад̇ааяа вад̇т̇угад̇ааяа анудтид̇ааяа барижид̇ааяа сусамаарад̣̇д̇хааяа. ат̇а жа банасса б̣яаабаад̣̇о жид̇д̇ам̣ барияаад̣̇ааяа тассад̇и, нзд̇ам̣ таанам̣ виж̇ж̇ад̇и. ниссаран̣ам̣ хзд̇ам̣, аавусо, б̣яаабаад̣̇асса, яад̣̇ид̣̇ам̣ мзд̇д̇аа жзд̇овимуд̇д̇ий’д̇и.

326. ‘‘Cha nissaraṇiyā dhātuyo. Idhāvuso, bhikkhu evaṃ vadeyya – ‘mettā hi kho me cetovimutti bhāvitā bahulīkatā yānīkatā vatthukatā anuṭṭhitā paricitā susamāraddhā, atha ca pana me byāpādo cittaṃ pariyādāya tiṭṭhatī’ti. So ‘mā hevaṃ’, tissa vacanīyo, ‘māyasmā evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya. Aṭṭhānametaṃ, āvuso, anavakāso, yaṃ mettāya cetovimuttiyā bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya. Atha ca panassa byāpādo cittaṃ pariyādāya ṭhassati, netaṃ ṭhānaṃ vijjati. Nissaraṇaṃ hetaṃ, āvuso, byāpādassa, yadidaṃ mettā cetovimuttī’ti.

‘‘ид̇ха банаавусо, бхигку звам̣ вад̣̇зяяа – ‘гарун̣аа хи ко мз жзд̇овимуд̇д̇и бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа. ат̇а жа бана мз вихзсаа жид̇д̇ам̣ барияаад̣̇ааяа д̇идтад̇ий’д̇и, со ‘маа хзвам̣’ д̇исса важанийяо ‘мааяасмаа звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа. адтаанамзд̇ам̣ аавусо, анавагаасо, яам̣ гарун̣ааяа жзд̇овимуд̇д̇ияаа бхаавид̇ааяа б̣ахулийгад̇ааяа яаанийгад̇ааяа вад̇т̇угад̇ааяа анудтид̇ааяа барижид̇ааяа сусамаарад̣̇д̇хааяа, ат̇а жа банасса вихзсаа жид̇д̇ам̣ барияаад̣̇ааяа тассад̇и, нзд̇ам̣ таанам̣ виж̇ж̇ад̇и. ниссаран̣ам̣ хзд̇ам̣, аавусо, вихзсааяа, яад̣̇ид̣̇ам̣ гарун̣аа жзд̇овимуд̇д̇ий’д̇и.

‘‘Idha panāvuso, bhikkhu evaṃ vadeyya – ‘karuṇā hi kho me cetovimutti bhāvitā bahulīkatā yānīkatā vatthukatā anuṭṭhitā paricitā susamāraddhā. Atha ca pana me vihesā cittaṃ pariyādāya tiṭṭhatī’ti, so ‘mā hevaṃ’ tissa vacanīyo ‘māyasmā evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya. Aṭṭhānametaṃ āvuso, anavakāso, yaṃ karuṇāya cetovimuttiyā bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya, atha ca panassa vihesā cittaṃ pariyādāya ṭhassati, netaṃ ṭhānaṃ vijjati. Nissaraṇaṃ hetaṃ, āvuso, vihesāya, yadidaṃ karuṇā cetovimuttī’ti.

‘‘ид̇ха банаавусо, бхигку звам̣ вад̣̇зяяа – ‘муд̣̇ид̇аа хи ко мз жзд̇овимуд̇д̇и бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа. ат̇а жа бана мз арад̇и жид̇д̇ам̣ барияаад̣̇ааяа д̇идтад̇ий’д̇и, со ‘маа хзвам̣’ д̇исса важанийяо ‘‘мааяасмаа звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа. адтаанамзд̇ам̣, аавусо, анавагаасо, яам̣ муд̣̇ид̇ааяа жзд̇овимуд̇д̇ияаа бхаавид̇ааяа б̣ахулийгад̇ааяа яаанийгад̇ааяа вад̇т̇угад̇ааяа анудтид̇ааяа барижид̇ааяа сусамаарад̣̇д̇хааяа, ат̇а жа банасса арад̇и жид̇д̇ам̣ барияаад̣̇ааяа тассад̇и, нзд̇ам̣ таанам̣ виж̇ж̇ад̇и. ниссаран̣ам̣ хзд̇ам̣, аавусо, арад̇ияаа, яад̣̇ид̣̇ам̣ муд̣̇ид̇аа жзд̇овимуд̇д̇ий’д̇и.

‘‘Idha panāvuso, bhikkhu evaṃ vadeyya – ‘muditā hi kho me cetovimutti bhāvitā bahulīkatā yānīkatā vatthukatā anuṭṭhitā paricitā susamāraddhā. Atha ca pana me arati cittaṃ pariyādāya tiṭṭhatī’ti, so ‘mā hevaṃ’ tissa vacanīyo ‘‘māyasmā evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya. Aṭṭhānametaṃ, āvuso, anavakāso, yaṃ muditāya cetovimuttiyā bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya, atha ca panassa arati cittaṃ pariyādāya ṭhassati, netaṃ ṭhānaṃ vijjati. Nissaraṇaṃ hetaṃ, āvuso, aratiyā, yadidaṃ muditā cetovimuttī’ti.

‘‘ид̇ха банаавусо, бхигку звам̣ вад̣̇зяяа – ‘убзгкаа хи ко мз жзд̇овимуд̇д̇и бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа. ат̇а жа бана мз рааг̇о жид̇д̇ам̣ барияаад̣̇ааяа д̇идтад̇ий’д̇и. со ‘маа хзвам̣’ д̇исса важанийяо ‘мааяасмаа звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа. адтаанамзд̇ам̣, аавусо, анавагаасо, яам̣ убзгкааяа жзд̇овимуд̇д̇ияаа бхаавид̇ааяа б̣ахулийгад̇ааяа яаанийгад̇ааяа вад̇т̇угад̇ааяа анудтид̇ааяа барижид̇ааяа сусамаарад̣̇д̇хааяа, ат̇а жа банасса рааг̇о жид̇д̇ам̣ барияаад̣̇ааяа тассад̇и нзд̇ам̣ таанам̣ виж̇ж̇ад̇и. ниссаран̣ам̣ хзд̇ам̣, аавусо, рааг̇асса, яад̣̇ид̣̇ам̣ убзгкаа жзд̇овимуд̇д̇ий’д̇и.

‘‘Idha panāvuso, bhikkhu evaṃ vadeyya – ‘upekkhā hi kho me cetovimutti bhāvitā bahulīkatā yānīkatā vatthukatā anuṭṭhitā paricitā susamāraddhā. Atha ca pana me rāgo cittaṃ pariyādāya tiṭṭhatī’ti. So ‘mā hevaṃ’ tissa vacanīyo ‘māyasmā evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya. Aṭṭhānametaṃ, āvuso, anavakāso, yaṃ upekkhāya cetovimuttiyā bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya, atha ca panassa rāgo cittaṃ pariyādāya ṭhassati netaṃ ṭhānaṃ vijjati. Nissaraṇaṃ hetaṃ, āvuso, rāgassa, yadidaṃ upekkhā cetovimuttī’ti.

‘‘ид̇ха банаавусо, бхигку звам̣ вад̣̇зяяа – ‘анимид̇д̇аа хи ко мз жзд̇овимуд̇д̇и бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа. ат̇а жа бана мз нимид̇д̇аанусаари вин̃н̃аан̣ам̣ ход̇ий’д̇и. со ‘маа хзвам̣’ д̇исса важанийяо ‘мааяасмаа звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа. адтаанамзд̇ам̣, аавусо, анавагаасо, яам̣ анимид̇д̇ааяа жзд̇овимуд̇д̇ияаа бхаавид̇ааяа б̣ахулийгад̇ааяа яаанийгад̇ааяа вад̇т̇угад̇ааяа анудтид̇ааяа барижид̇ааяа сусамаарад̣̇д̇хааяа, ат̇а жа банасса нимид̇д̇аанусаари вин̃н̃аан̣ам̣ бхависсад̇и, нзд̇ам̣ таанам̣ виж̇ж̇ад̇и. ниссаран̣ам̣ хзд̇ам̣, аавусо, саб̣б̣анимид̇д̇аанам̣, яад̣̇ид̣̇ам̣ анимид̇д̇аа жзд̇овимуд̇д̇ий’д̇и.

‘‘Idha panāvuso, bhikkhu evaṃ vadeyya – ‘animittā hi kho me cetovimutti bhāvitā bahulīkatā yānīkatā vatthukatā anuṭṭhitā paricitā susamāraddhā. Atha ca pana me nimittānusāri viññāṇaṃ hotī’ti. So ‘mā hevaṃ’ tissa vacanīyo ‘māyasmā evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya. Aṭṭhānametaṃ, āvuso, anavakāso, yaṃ animittāya cetovimuttiyā bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya, atha ca panassa nimittānusāri viññāṇaṃ bhavissati, netaṃ ṭhānaṃ vijjati. Nissaraṇaṃ hetaṃ, āvuso, sabbanimittānaṃ, yadidaṃ animittā cetovimuttī’ti.

‘‘ид̇ха банаавусо, бхигку звам̣ вад̣̇зяяа – ‘асмийд̇и ко мз виг̇ад̇ам̣ ¹⁰⁹, аяамахамасмийд̇и на саманубассаами, ат̇а жа бана мз вижигижчаагат̇ан̇гат̇аасаллам̣ жид̇д̇ам̣ барияаад̣̇ааяа д̇идтад̇ий’д̇и. со ‘маа хзвам̣’ д̇исса важанийяо ‘мааяасмаа звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа. адтаанамзд̇ам̣, аавусо, анавагаасо, яам̣ асмийд̇и виг̇ад̇з ¹¹⁰ аяамахамасмийд̇и асаманубассад̇о, ат̇а жа банасса вижигижчаагат̇ан̇гат̇аасаллам̣ жид̇д̇ам̣ барияаад̣̇ааяа тассад̇и, нзд̇ам̣ таанам̣ виж̇ж̇ад̇и. ниссаран̣ам̣ хзд̇ам̣, аавусо, вижигижчаагат̇ан̇гат̇аасалласса, яад̣̇ид̣̇ам̣ асмимаанасамуг̇гхаад̇о’д̇и.

‘‘Idha panāvuso, bhikkhu evaṃ vadeyya – ‘asmīti kho me vigataṃ ¹¹¹, ayamahamasmīti na samanupassāmi, atha ca pana me vicikicchākathaṅkathāsallaṃ cittaṃ pariyādāya tiṭṭhatī’ti. So ‘mā hevaṃ’ tissa vacanīyo ‘māyasmā evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya. Aṭṭhānametaṃ, āvuso, anavakāso, yaṃ asmīti vigate ¹¹² ayamahamasmīti asamanupassato, atha ca panassa vicikicchākathaṅkathāsallaṃ cittaṃ pariyādāya ṭhassati, netaṃ ṭhānaṃ vijjati. Nissaraṇaṃ hetaṃ, āvuso, vicikicchākathaṅkathāsallassa, yadidaṃ asmimānasamugghāto’ti.

327. ‘‘ча ануд̇д̇арияаани – д̣̇ассанаануд̇д̇арияам̣, саванаануд̇д̇арияам̣, лаабхаануд̇д̇арияам̣, сигкаануд̇д̇арияам̣, баарижарияаануд̇д̇арияам̣, ануссад̇аануд̇д̇арияам̣.

327. ‘‘Cha anuttariyāni – dassanānuttariyaṃ, savanānuttariyaṃ, lābhānuttariyaṃ, sikkhānuttariyaṃ, pāricariyānuttariyaṃ, anussatānuttariyaṃ.

‘‘ча ануссад̇идтаанаани – б̣уд̣̇д̇хаануссад̇и, д̇хаммаануссад̇и, сан̇гхаануссад̇и, сийлаануссад̇и, жааг̇аануссад̇и, д̣̇звад̇аануссад̇и.

‘‘Cha anussatiṭṭhānāni – buddhānussati, dhammānussati, saṅghānussati, sīlānussati, cāgānussati, devatānussati.

328. ‘‘ча сад̇ад̇авихаараа. ид̇хаавусо, бхигку жагкунаа руубам̣ д̣̇исваа нзва сумано ход̇и на д̣̇уммано, убзгкаго ¹¹³ вихарад̇и сад̇о самбаж̇аано. сод̇зна сад̣̇д̣̇ам̣ суд̇ваа…бз… манасаа д̇хаммам̣ вин̃н̃ааяа нзва сумано ход̇и на д̣̇уммано, убзгкаго вихарад̇и сад̇о самбаж̇аано.

328. ‘‘Cha satatavihārā. Idhāvuso, bhikkhu cakkhunā rūpaṃ disvā neva sumano hoti na dummano, upekkhako ¹¹⁴ viharati sato sampajāno. Sotena saddaṃ sutvā…pe… manasā dhammaṃ viññāya neva sumano hoti na dummano, upekkhako viharati sato sampajāno.

329. ‘‘чал̣аабхиж̇аад̇ияо. ид̇хаавусо, згажжо ган̣хаабхиж̇аад̇иго самаано ган̣хам̣ д̇хаммам̣ абхиж̇ааяад̇и. ид̇ха банаавусо, згажжо ган̣хаабхиж̇аад̇иго самаано суггам̣ д̇хаммам̣ абхиж̇ааяад̇и. ид̇ха банаавусо, згажжо ган̣хаабхиж̇аад̇иго самаано аган̣хам̣ асуггам̣ ниб̣б̣аанам̣ абхиж̇ааяад̇и. ид̇ха банаавусо, згажжо суггаабхиж̇аад̇иго самаано суггам̣ д̇хаммам̣ абхиж̇ааяад̇и. ид̇ха банаавусо, згажжо суггаабхиж̇аад̇иго самаано ган̣хам̣ д̇хаммам̣ абхиж̇ааяад̇и. ид̇ха банаавусо, згажжо суггаабхиж̇аад̇иго самаано аган̣хам̣ асуггам̣ ниб̣б̣аанам̣ абхиж̇ааяад̇и.

329.‘‘Chaḷābhijātiyo. Idhāvuso, ekacco kaṇhābhijātiko samāno kaṇhaṃ dhammaṃ abhijāyati. Idha panāvuso, ekacco kaṇhābhijātiko samāno sukkaṃ dhammaṃ abhijāyati. Idha panāvuso, ekacco kaṇhābhijātiko samāno akaṇhaṃ asukkaṃ nibbānaṃ abhijāyati. Idha panāvuso, ekacco sukkābhijātiko samāno sukkaṃ dhammaṃ abhijāyati. Idha panāvuso, ekacco sukkābhijātiko samāno kaṇhaṃ dhammaṃ abhijāyati. Idha panāvuso, ekacco sukkābhijātiko samāno akaṇhaṃ asukkaṃ nibbānaṃ abhijāyati.

‘‘ча ниб̣б̣зд̇хабхааг̇ияаа сан̃н̃аа ¹¹⁵ – анижжасан̃н̃аа анижжз, д̣̇угкасан̃н̃аа д̣̇угкз, анад̇д̇асан̃н̃аа, бахаанасан̃н̃аа, вирааг̇асан̃н̃аа, нирод̇хасан̃н̃аа.

‘‘Cha nibbedhabhāgiyā saññā ¹¹⁶ – aniccasaññā anicce, dukkhasaññā dukkhe, anattasaññā, pahānasaññā, virāgasaññā, nirodhasaññā.

‘‘имз ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна ча д̇хаммаа саммад̣̇агкаад̇аа; д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣.

‘‘Ime kho, āvuso, tena bhagavatā jānatā passatā arahatā sammāsambuddhena cha dhammā sammadakkhātā; tattha sabbeheva saṅgāyitabbaṃ…pe… atthāya hitāya sukhāya devamanussānaṃ.

сад̇д̇агам̣

Sattakaṃ

330. ‘‘ад̇т̇и ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна сад̇д̇а д̇хаммаа саммад̣̇агкаад̇аа; д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣. гад̇амз сад̇д̇а?

330. ‘‘Atthi kho, āvuso, tena bhagavatā jānatā passatā arahatā sammāsambuddhena satta dhammā sammadakkhātā; tattha sabbeheva saṅgāyitabbaṃ…pe… atthāya hitāya sukhāya devamanussānaṃ. Katame satta?

‘‘сад̇д̇а арияад̇ханаани – сад̣̇д̇хаад̇ханам̣, сийлад̇ханам̣, хирид̇ханам̣, од̇д̇аббад̇ханам̣, суд̇ад̇ханам̣, жааг̇ад̇ханам̣, бан̃н̃аад̇ханам̣.

‘‘Satta ariyadhanāni – saddhādhanaṃ, sīladhanaṃ, hiridhanaṃ, ottappadhanaṃ, sutadhanaṃ, cāgadhanaṃ, paññādhanaṃ.

‘‘сад̇д̇а б̣ож̇жхан̇г̇аа – сад̇исамб̣ож̇жхан̇г̇о, д̇хаммавижаяасамб̣ож̇жхан̇г̇о , вийрияасамб̣ож̇жхан̇г̇о, бийд̇исамб̣ож̇жхан̇г̇о, бассад̣̇д̇хисамб̣ож̇жхан̇г̇о, самаад̇хисамб̣ож̇жхан̇г̇о, убзгкаасамб̣ож̇жхан̇г̇о.

‘‘Satta bojjhaṅgā – satisambojjhaṅgo, dhammavicayasambojjhaṅgo , vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.

‘‘сад̇д̇а самаад̇хибаригкаараа – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и.

‘‘Satta samādhiparikkhārā – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati.

‘‘сад̇д̇а асад̣̇д̇хаммаа – ид̇хаавусо, бхигку ассад̣̇д̇хо ход̇и, ахириго ход̇и, анод̇д̇аббий ход̇и, аббассуд̇о ход̇и, гусийд̇о ход̇и, мудтассад̇и ход̇и, д̣̇уббан̃н̃о ход̇и.

‘‘Satta asaddhammā – idhāvuso, bhikkhu assaddho hoti, ahiriko hoti, anottappī hoti, appassuto hoti, kusīto hoti, muṭṭhassati hoti, duppañño hoti.

‘‘сад̇д̇а сад̣̇д̇хаммаа – ид̇хаавусо, бхигку сад̣̇д̇хо ход̇и, хиримаа ход̇и, од̇д̇аббий ход̇и, б̣ахуссуд̇о ход̇и, аарад̣̇д̇хавийрияо ход̇и, убадтид̇ассад̇и ход̇и, бан̃н̃аваа ход̇и.

‘‘Satta saddhammā – idhāvuso, bhikkhu saddho hoti, hirimā hoti, ottappī hoti, bahussuto hoti, āraddhavīriyo hoti, upaṭṭhitassati hoti, paññavā hoti.

‘‘сад̇д̇а саббурисад̇хаммаа – ид̇хаавусо, бхигку д̇хамман̃н̃уу жа ход̇и ад̇т̇ан̃н̃уу жа ад̇д̇ан̃н̃уу жа мад̇д̇ан̃н̃уу жа гаалан̃н̃уу жа барисан̃н̃уу жа буг̇г̇алан̃н̃уу жа.

‘‘Satta sappurisadhammā – idhāvuso, bhikkhu dhammaññū ca hoti atthaññū ca attaññū ca mattaññū ca kālaññū ca parisaññū ca puggalaññū ca.

331. ‘‘сад̇д̇а нид̣̇д̣̇асавад̇т̇ууни. ид̇хаавусо, бхигку сигкаасамаад̣̇аанз д̇иб̣б̣ажчанд̣̇о ход̇и, ааяад̇ин̃жа сигкаасамаад̣̇аанз авиг̇ад̇абзмо. д̇хамманисанд̇ияаа д̇иб̣б̣ажчанд̣̇о ход̇и, ааяад̇ин̃жа д̇хамманисанд̇ияаа авиг̇ад̇абзмо. ижчаавинаяз д̇иб̣б̣ажчанд̣̇о ход̇и, ааяад̇ин̃жа ижчаавинаяз авиг̇ад̇абзмо. бадисаллаанз д̇иб̣б̣ажчанд̣̇о ход̇и, ааяад̇ин̃жа бадисаллаанз авиг̇ад̇абзмо. вийрияаарамбхз д̇иб̣б̣ажчанд̣̇о ход̇и, ааяад̇ин̃жа вийрияаарамбхз авиг̇ад̇абзмо. сад̇инзбаггз д̇иб̣б̣ажчанд̣̇о ход̇и, ааяад̇ин̃жа сад̇инзбаггз авиг̇ад̇абзмо . д̣̇идтибадивзд̇хз д̇иб̣б̣ажчанд̣̇о ход̇и, ааяад̇ин̃жа д̣̇идтибадивзд̇хз авиг̇ад̇абзмо.

331. ‘‘Satta niddasavatthūni. Idhāvuso, bhikkhu sikkhāsamādāne tibbacchando hoti, āyatiñca sikkhāsamādāne avigatapemo. Dhammanisantiyā tibbacchando hoti, āyatiñca dhammanisantiyā avigatapemo. Icchāvinaye tibbacchando hoti, āyatiñca icchāvinaye avigatapemo. Paṭisallāne tibbacchando hoti, āyatiñca paṭisallāne avigatapemo. Vīriyārambhe tibbacchando hoti, āyatiñca vīriyārambhe avigatapemo. Satinepakke tibbacchando hoti, āyatiñca satinepakke avigatapemo . Diṭṭhipaṭivedhe tibbacchando hoti, āyatiñca diṭṭhipaṭivedhe avigatapemo.

‘‘сад̇д̇а сан̃н̃аа – анижжасан̃н̃аа, анад̇д̇асан̃н̃аа, асубхасан̃н̃аа, аад̣̇ийнавасан̃н̃аа, бахаанасан̃н̃аа, вирааг̇асан̃н̃аа, нирод̇хасан̃н̃аа.

‘‘Satta saññā – aniccasaññā, anattasaññā, asubhasaññā, ādīnavasaññā, pahānasaññā, virāgasaññā, nirodhasaññā.

‘‘сад̇д̇а б̣алаани – сад̣̇д̇хааб̣алам̣, вийрияаб̣алам̣, хириб̣алам̣, од̇д̇аббаб̣алам̣, сад̇иб̣алам̣, самаад̇хиб̣алам̣, бан̃н̃ааб̣алам̣.

‘‘Sattabalāni – saddhābalaṃ, vīriyabalaṃ, hiribalaṃ, ottappabalaṃ, satibalaṃ, samādhibalaṃ, paññābalaṃ.

332. ‘‘сад̇д̇а вин̃н̃аан̣адтид̇ияо. санд̇аавусо, сад̇д̇аа наанад̇д̇агааяаа наанад̇д̇асан̃н̃ино, сзяяат̇ааби мануссаа згажжз жа д̣̇зваа згажжз жа винибаад̇игаа. аяам̣ батамаа вин̃н̃аан̣адтид̇и.

332. ‘‘Satta viññāṇaṭṭhitiyo. Santāvuso, sattā nānattakāyā nānattasaññino, seyyathāpi manussā ekacce ca devā ekacce ca vinipātikā. Ayaṃ paṭhamā viññāṇaṭṭhiti.

‘‘санд̇аавусо, сад̇д̇аа наанад̇д̇агааяаа згад̇д̇асан̃н̃ино сзяяат̇ааби д̣̇зваа б̣рахмагааяигаа батамаабхиниб̣б̣ад̇д̇аа. аяам̣ д̣̇уд̇ияаа вин̃н̃аан̣адтид̇и.

‘‘Santāvuso, sattā nānattakāyā ekattasaññino seyyathāpi devā brahmakāyikā paṭhamābhinibbattā. Ayaṃ dutiyā viññāṇaṭṭhiti.

‘‘санд̇аавусо, сад̇д̇аа згад̇д̇агааяаа наанад̇д̇асан̃н̃ино сзяяат̇ааби д̣̇зваа аабхассараа. аяам̣ д̇ад̇ияаа вин̃н̃аан̣адтид̇и.

‘‘Santāvuso, sattā ekattakāyā nānattasaññino seyyathāpi devā ābhassarā. Ayaṃ tatiyā viññāṇaṭṭhiti.

‘‘санд̇аавусо, сад̇д̇аа згад̇д̇агааяаа згад̇д̇асан̃н̃ино сзяяат̇ааби д̣̇зваа субхагин̣хаа. аяам̣ жад̇уд̇т̇ий вин̃н̃аан̣адтид̇и.

‘‘Santāvuso, sattā ekattakāyā ekattasaññino seyyathāpi devā subhakiṇhā. Ayaṃ catutthī viññāṇaṭṭhiti.

‘‘санд̇аавусо, сад̇д̇аа саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇ануубаг̇аа. аяам̣ бан̃жамий вин̃н̃аан̣адтид̇и.

‘‘Santāvuso, sattā sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanūpagā. Ayaṃ pañcamī viññāṇaṭṭhiti.

‘‘санд̇аавусо, сад̇д̇аа саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇ануубаг̇аа. аяам̣ чадтий вин̃н̃аан̣адтид̇и.

‘‘Santāvuso, sattā sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanūpagā. Ayaṃ chaṭṭhī viññāṇaṭṭhiti.

‘‘санд̇аавусо , сад̇д̇аа саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇ануубаг̇аа. аяам̣ сад̇д̇амий вин̃н̃аан̣адтид̇и.

‘‘Santāvuso , sattā sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanūpagā. Ayaṃ sattamī viññāṇaṭṭhiti.

‘‘сад̇д̇а буг̇г̇алаа д̣̇агкин̣зяяаа – убхад̇обхааг̇авимуд̇д̇о , бан̃н̃аавимуд̇д̇о, гааяасагки, д̣̇идтиббад̇д̇о, сад̣̇д̇хаавимуд̇д̇о, д̇хаммаанусаарий, сад̣̇д̇хаанусаарий.

‘‘Satta puggalā dakkhiṇeyyā – ubhatobhāgavimutto , paññāvimutto, kāyasakkhi, diṭṭhippatto, saddhāvimutto, dhammānusārī, saddhānusārī.

‘‘сад̇д̇а анусаяаа – гаамарааг̇аанусаяо, бадигхаанусаяо, д̣̇идтаанусаяо, вижигижчаанусаяо, маанаанусаяо, бхаварааг̇аанусаяо, авиж̇ж̇аанусаяо.

‘‘Satta anusayā – kāmarāgānusayo, paṭighānusayo, diṭṭhānusayo, vicikicchānusayo, mānānusayo, bhavarāgānusayo, avijjānusayo.

‘‘сад̇д̇а сан̃н̃ож̇анаани – анунаяасан̃н̃ож̇анам̣ ¹¹⁷, бадигхасан̃н̃ож̇анам̣, д̣̇идтисан̃н̃ож̇анам̣, вижигижчаасан̃н̃ож̇анам̣, маанасан̃н̃ож̇анам̣, бхаварааг̇асан̃н̃ож̇анам̣, авиж̇ж̇аасан̃н̃ож̇анам̣.

‘‘Satta saññojanāni – anunayasaññojanaṃ ¹¹⁸, paṭighasaññojanaṃ, diṭṭhisaññojanaṃ, vicikicchāsaññojanaṃ, mānasaññojanaṃ, bhavarāgasaññojanaṃ, avijjāsaññojanaṃ.

‘‘сад̇д̇а ад̇хигаран̣асамат̇аа – уббаннуббаннаанам̣ ад̇хигаран̣аанам̣ самат̇ааяа вуубасамааяа саммукаавинаяо д̣̇аад̇аб̣б̣о, сад̇ивинаяо д̣̇аад̇аб̣б̣о, амуул̣хавинаяо д̣̇аад̇аб̣б̣о, бадин̃н̃ааяа гаарзд̇аб̣б̣ам̣, язбхуяяасигаа, д̇ассабаабияасигаа, д̇ин̣авад̇т̇аараго.

‘‘Satta adhikaraṇasamathā – uppannuppannānaṃ adhikaraṇānaṃ samathāya vūpasamāya sammukhāvinayo dātabbo, sativinayo dātabbo, amūḷhavinayo dātabbo, paṭiññāya kāretabbaṃ, yebhuyyasikā, tassapāpiyasikā, tiṇavatthārako.

‘‘имз ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна сад̇д̇а д̇хаммаа саммад̣̇агкаад̇аа; д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣.

‘‘Ime kho, āvuso, tena bhagavatā jānatā passatā arahatā sammāsambuddhena satta dhammā sammadakkhātā; tattha sabbeheva saṅgāyitabbaṃ…pe… atthāya hitāya sukhāya devamanussānaṃ.

д̣̇уд̇ияабхаан̣авааро нидтид̇о.

Dutiyabhāṇavāro niṭṭhito.

адтагам̣

Aṭṭhakaṃ

333. ‘‘ад̇т̇и ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна адта д̇хаммаа саммад̣̇агкаад̇аа; д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣. гад̇амз адта?

333. ‘‘Atthi kho, āvuso, tena bhagavatā jānatā passatā arahatā sammāsambuddhena aṭṭha dhammā sammadakkhātā; tattha sabbeheva saṅgāyitabbaṃ…pe… atthāya hitāya sukhāya devamanussānaṃ. Katame aṭṭha?

‘‘адта мижчад̇д̇аа – мижчаад̣̇идти, мижчаасан̇габбо, мижчааваажаа, мижчаагамманд̇о, мижчааааж̇ийво, мижчаавааяаамо мижчаасад̇и, мижчаасамаад̇хи.

‘‘Aṭṭha micchattā – micchādiṭṭhi, micchāsaṅkappo, micchāvācā, micchākammanto, micchāājīvo, micchāvāyāmo micchāsati, micchāsamādhi.

‘‘адта саммад̇д̇аа – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и, саммаасамаад̇хи.

‘‘Aṭṭha sammattā – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.

‘‘адта буг̇г̇алаа д̣̇агкин̣зяяаа – сод̇аабанно, сод̇аабад̇д̇ипаласажчигирияааяа бадибанно; сагад̣̇ааг̇аамий, сагад̣̇ааг̇аамипаласажчигирияааяа бадибанно; анааг̇аамий, анааг̇аамипаласажчигирияааяа бадибанно; арахаа, арахад̇д̇апаласажчигирияааяа бадибанно.

‘‘Aṭṭha puggalā dakkhiṇeyyā – sotāpanno, sotāpattiphalasacchikiriyāya paṭipanno; sakadāgāmī, sakadāgāmiphalasacchikiriyāya paṭipanno; anāgāmī, anāgāmiphalasacchikiriyāya paṭipanno; arahā, arahattaphalasacchikiriyāya paṭipanno.

334. ‘‘адта гусийд̇авад̇т̇ууни. ид̇хаавусо, бхигкунаа гаммам̣ гаад̇аб̣б̣ам̣ ход̇и. д̇асса звам̣ ход̇и – ‘гаммам̣ ко мз гаад̇аб̣б̣ам̣ бхависсад̇и, гаммам̣ ко бана мз гаронд̇асса гааяо гиламиссад̇и, ханд̣̇аахам̣ нибаж̇ж̇аамий’д̇и! со нибаж̇ж̇ад̇и на вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. ид̣̇ам̣ батамам̣ гусийд̇авад̇т̇у.

334. ‘‘Aṭṭha kusītavatthūni. Idhāvuso, bhikkhunā kammaṃ kātabbaṃ hoti. Tassa evaṃ hoti – ‘kammaṃ kho me kātabbaṃ bhavissati, kammaṃ kho pana me karontassa kāyo kilamissati, handāhaṃ nipajjāmī’ti! So nipajjati na vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Idaṃ paṭhamaṃ kusītavatthu.

‘‘буна жабарам̣, аавусо, бхигкунаа гаммам̣ гад̇ам̣ ход̇и. д̇асса звам̣ ход̇и – ‘ахам̣ ко гаммам̣ агаасим̣, гаммам̣ ко бана мз гаронд̇асса гааяо гиланд̇о, ханд̣̇аахам̣ нибаж̇ж̇аамий’д̇и! со нибаж̇ж̇ад̇и на вийрияам̣ аарабхад̇и…бз… ид̣̇ам̣ д̣̇уд̇ияам̣ гусийд̇авад̇т̇у.

‘‘Puna caparaṃ, āvuso, bhikkhunā kammaṃ kataṃ hoti. Tassa evaṃ hoti – ‘ahaṃ kho kammaṃ akāsiṃ, kammaṃ kho pana me karontassa kāyo kilanto, handāhaṃ nipajjāmī’ti! So nipajjati na vīriyaṃ ārabhati…pe… idaṃ dutiyaṃ kusītavatthu.

‘‘буна жабарам̣, аавусо, бхигкунаа маг̇г̇о г̇анд̇аб̣б̣о ход̇и. д̇асса звам̣ ход̇и – ‘маг̇г̇о ко мз г̇анд̇аб̣б̣о бхависсад̇и, маг̇г̇ам̣ ко бана мз г̇ажчанд̇асса гааяо гиламиссад̇и, ханд̣̇аахам̣ нибаж̇ж̇аамий’д̇и! со нибаж̇ж̇ад̇и на вийрияам̣ аарабхад̇и… ид̣̇ам̣ д̇ад̇ияам̣ гусийд̇авад̇т̇у.

‘‘Puna caparaṃ, āvuso, bhikkhunā maggo gantabbo hoti. Tassa evaṃ hoti – ‘maggo kho me gantabbo bhavissati, maggaṃ kho pana me gacchantassa kāyo kilamissati, handāhaṃ nipajjāmī’ti! So nipajjati na vīriyaṃ ārabhati… idaṃ tatiyaṃ kusītavatthu.

‘‘буна жабарам̣, аавусо, бхигкунаа маг̇г̇о г̇ад̇о ход̇и. д̇асса звам̣ ход̇и – ‘ахам̣ ко маг̇г̇ам̣ аг̇амаасим̣, маг̇г̇ам̣ ко бана мз г̇ажчанд̇асса гааяо гиланд̇о, ханд̣̇аахам̣ нибаж̇ж̇аамий’д̇и! со нибаж̇ж̇ад̇и на вийрияам̣ аарабхад̇и… ид̣̇ам̣ жад̇уд̇т̇ам̣ гусийд̇авад̇т̇у.

‘‘Puna caparaṃ, āvuso, bhikkhunā maggo gato hoti. Tassa evaṃ hoti – ‘ahaṃ kho maggaṃ agamāsiṃ, maggaṃ kho pana me gacchantassa kāyo kilanto, handāhaṃ nipajjāmī’ti! So nipajjati na vīriyaṃ ārabhati… idaṃ catutthaṃ kusītavatthu.

‘‘буна жабарам̣, аавусо, бхигку г̇аамам̣ ваа ниг̇амам̣ ваа бин̣д̣ааяа жаранд̇о на лабхад̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣. д̇асса звам̣ ход̇и – ‘ахам̣ ко г̇аамам̣ ваа ниг̇амам̣ ваа бин̣д̣ааяа жаранд̇о наалад̇т̇ам̣ луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣, д̇асса мз гааяо гиланд̇о агамман̃н̃о, ханд̣̇аахам̣ нибаж̇ж̇аамий’д̇и! со нибаж̇ж̇ад̇и на вийрияам̣ аарабхад̇и… ид̣̇ам̣ бан̃жамам̣ гусийд̇авад̇т̇у.

‘‘Puna caparaṃ, āvuso, bhikkhu gāmaṃ vā nigamaṃ vā piṇḍāya caranto na labhati lūkhassa vā paṇītassa vā bhojanassa yāvadatthaṃ pāripūriṃ. Tassa evaṃ hoti – ‘ahaṃ kho gāmaṃ vā nigamaṃ vā piṇḍāya caranto nālatthaṃ lūkhassa vā paṇītassa vā bhojanassa yāvadatthaṃ pāripūriṃ, tassa me kāyo kilanto akammañño, handāhaṃ nipajjāmī’ti! So nipajjati na vīriyaṃ ārabhati… idaṃ pañcamaṃ kusītavatthu.

‘‘буна жабарам̣, аавусо, бхигку г̇аамам̣ ваа ниг̇амам̣ ваа бин̣д̣ааяа жаранд̇о лабхад̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣. д̇асса звам̣ ход̇и – ‘ахам̣ ко г̇аамам̣ ваа ниг̇амам̣ ваа бин̣д̣ааяа жаранд̇о алад̇т̇ам̣ луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣, д̇асса мз гааяо г̇аруго агамман̃н̃о, маасаажид̇ам̣ ман̃н̃з , ханд̣̇аахам̣ нибаж̇ж̇аамий’д̇и! со нибаж̇ж̇ад̇и на вийрияам̣ аарабхад̇и… ид̣̇ам̣ чадтам̣ гусийд̇авад̇т̇у.

‘‘Puna caparaṃ, āvuso, bhikkhu gāmaṃ vā nigamaṃ vā piṇḍāya caranto labhati lūkhassa vā paṇītassa vā bhojanassa yāvadatthaṃ pāripūriṃ. Tassa evaṃ hoti – ‘ahaṃ kho gāmaṃ vā nigamaṃ vā piṇḍāya caranto alatthaṃ lūkhassa vā paṇītassa vā bhojanassa yāvadatthaṃ pāripūriṃ, tassa me kāyo garuko akammañño, māsācitaṃ maññe , handāhaṃ nipajjāmī’ti! So nipajjati na vīriyaṃ ārabhati… idaṃ chaṭṭhaṃ kusītavatthu.

‘‘буна жабарам̣, аавусо, бхигкуно уббанно ход̇и аббамад̇д̇аго ааб̣аад̇хо. д̇асса звам̣ ход̇и – ‘уббанно ко мз аяам̣ аббамад̇д̇аго ааб̣аад̇хо; ад̇т̇и габбо нибаж̇ж̇ид̇ум̣, ханд̣̇аахам̣ нибаж̇ж̇аамий’д̇и! со нибаж̇ж̇ад̇и на вийрияам̣ аарабхад̇и… ид̣̇ам̣ сад̇д̇амам̣ гусийд̇авад̇т̇у.

‘‘Puna caparaṃ, āvuso, bhikkhuno uppanno hoti appamattako ābādho. Tassa evaṃ hoti – ‘uppanno kho me ayaṃ appamattako ābādho; atthi kappo nipajjituṃ, handāhaṃ nipajjāmī’ti! So nipajjati na vīriyaṃ ārabhati… idaṃ sattamaṃ kusītavatthu.

‘‘буна жабарам̣, аавусо, бхигку г̇илаанаа вудтид̇о ¹¹⁹ ход̇и ажиравудтид̇о г̇злан̃н̃аа. д̇асса звам̣ ход̇и – ‘ахам̣ ко г̇илаанаа вудтид̇о ажиравудтид̇о г̇злан̃н̃аа, д̇асса мз гааяо д̣̇уб̣б̣ало агамман̃н̃о, ханд̣̇аахам̣ нибаж̇ж̇аамий’д̇и! со нибаж̇ж̇ад̇и на вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. ид̣̇ам̣ адтамам̣ гусийд̇авад̇т̇у.

‘‘Puna caparaṃ, āvuso, bhikkhu gilānā vuṭṭhito ¹²⁰ hoti aciravuṭṭhito gelaññā. Tassa evaṃ hoti – ‘ahaṃ kho gilānā vuṭṭhito aciravuṭṭhito gelaññā, tassa me kāyo dubbalo akammañño, handāhaṃ nipajjāmī’ti! So nipajjati na vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Idaṃ aṭṭhamaṃ kusītavatthu.

335. ‘‘адта аарамбхавад̇т̇ууни. ид̇хаавусо, бхигкунаа гаммам̣ гаад̇аб̣б̣ам̣ ход̇и. д̇асса звам̣ ход̇и – ‘гаммам̣ ко мз гаад̇аб̣б̣ам̣ бхависсад̇и, гаммам̣ ко бана мз гаронд̇зна на сугарам̣ б̣уд̣̇д̇хаанам̣ саасанам̣ манаси гаад̇ум̣, ханд̣̇аахам̣ вийрияам̣ аарабхаами аббад̇д̇асса бад̇д̇ияаа анад̇хиг̇ад̇асса ад̇хиг̇амааяа, асажчигад̇асса сажчигирияааяаа’д̇и! со вийрияам̣ аарабхад̇и аббад̇д̇асса бад̇д̇ияаа, анад̇хиг̇ад̇асса ад̇хиг̇амааяа асажчигад̇асса сажчигирияааяа. ид̣̇ам̣ батамам̣ аарамбхавад̇т̇у.

335. ‘‘Aṭṭha ārambhavatthūni. Idhāvuso, bhikkhunā kammaṃ kātabbaṃ hoti. Tassa evaṃ hoti – ‘kammaṃ kho me kātabbaṃ bhavissati, kammaṃ kho pana me karontena na sukaraṃ buddhānaṃ sāsanaṃ manasi kātuṃ, handāhaṃ vīriyaṃ ārabhāmi appattassa pattiyā anadhigatassa adhigamāya, asacchikatassa sacchikiriyāyā’ti! So vīriyaṃ ārabhati appattassa pattiyā, anadhigatassa adhigamāya asacchikatassa sacchikiriyāya. Idaṃ paṭhamaṃ ārambhavatthu.

‘‘буна жабарам̣, аавусо, бхигкунаа гаммам̣ гад̇ам̣ ход̇и. д̇асса звам̣ ход̇и – ‘ахам̣ ко гаммам̣ агаасим̣, гаммам̣ ко банаахам̣ гаронд̇о наасагким̣ б̣уд̣̇д̇хаанам̣ саасанам̣ манаси гаад̇ум̣, ханд̣̇аахам̣ вийрияам̣ аарабхаами…бз… со вийрияам̣ аарабхад̇и… ид̣̇ам̣ д̣̇уд̇ияам̣ аарамбхавад̇т̇у.

‘‘Puna caparaṃ, āvuso, bhikkhunā kammaṃ kataṃ hoti. Tassa evaṃ hoti – ‘ahaṃ kho kammaṃ akāsiṃ, kammaṃ kho panāhaṃ karonto nāsakkhiṃ buddhānaṃ sāsanaṃ manasi kātuṃ, handāhaṃ vīriyaṃ ārabhāmi…pe… so vīriyaṃ ārabhati… idaṃ dutiyaṃ ārambhavatthu.

‘‘буна жабарам̣, аавусо, бхигкунаа маг̇г̇о г̇анд̇аб̣б̣о ход̇и. д̇асса звам̣ ход̇и – ‘маг̇г̇о ко мз г̇анд̇аб̣б̣о бхависсад̇и, маг̇г̇ам̣ ко бана мз г̇ажчанд̇зна на сугарам̣ б̣уд̣̇д̇хаанам̣ саасанам̣ манаси гаад̇ум̣. ханд̣̇аахам̣ вийрияам̣ аарабхаами…бз… со вийрияам̣ аарабхад̇и… ид̣̇ам̣ д̇ад̇ияам̣ аарамбхавад̇т̇у.

‘‘Puna caparaṃ, āvuso, bhikkhunā maggo gantabbo hoti. Tassa evaṃ hoti – ‘maggo kho me gantabbo bhavissati, maggaṃ kho pana me gacchantena na sukaraṃ buddhānaṃ sāsanaṃ manasi kātuṃ. Handāhaṃ vīriyaṃ ārabhāmi…pe… so vīriyaṃ ārabhati… idaṃ tatiyaṃ ārambhavatthu.

‘‘буна жабарам̣, аавусо, бхигкунаа маг̇г̇о г̇ад̇о ход̇и. д̇асса звам̣ ход̇и – ‘ахам̣ ко маг̇г̇ам̣ аг̇амаасим̣, маг̇г̇ам̣ ко банаахам̣ г̇ажчанд̇о наасагким̣ б̣уд̣̇д̇хаанам̣ саасанам̣ манаси гаад̇ум̣, ханд̣̇аахам̣ вийрияам̣ аарабхаами…бз… со вийрияам̣ аарабхад̇и… ид̣̇ам̣ жад̇уд̇т̇ам̣ аарамбхавад̇т̇у.

‘‘Puna caparaṃ, āvuso, bhikkhunā maggo gato hoti. Tassa evaṃ hoti – ‘ahaṃ kho maggaṃ agamāsiṃ, maggaṃ kho panāhaṃ gacchanto nāsakkhiṃ buddhānaṃ sāsanaṃ manasi kātuṃ, handāhaṃ vīriyaṃ ārabhāmi…pe… so vīriyaṃ ārabhati… idaṃ catutthaṃ ārambhavatthu.

‘‘буна жабарам̣, аавусо, бхигку г̇аамам̣ ваа ниг̇амам̣ ваа бин̣д̣ааяа жаранд̇о на лабхад̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣ . д̇асса звам̣ ход̇и – ‘ахам̣ ко г̇аамам̣ ваа ниг̇амам̣ ваа бин̣д̣ааяа жаранд̇о наалад̇т̇ам̣ луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣, д̇асса мз гааяо лахуго гамман̃н̃о, ханд̣̇аахам̣ вийрияам̣ аарабхаами…бз… со вийрияам̣ аарабхад̇и… ид̣̇ам̣ бан̃жамам̣ аарамбхавад̇т̇у.

‘‘Puna caparaṃ, āvuso, bhikkhu gāmaṃ vā nigamaṃ vā piṇḍāya caranto na labhati lūkhassa vā paṇītassa vā bhojanassa yāvadatthaṃ pāripūriṃ . Tassa evaṃ hoti – ‘ahaṃ kho gāmaṃ vā nigamaṃ vā piṇḍāya caranto nālatthaṃ lūkhassa vā paṇītassa vā bhojanassa yāvadatthaṃ pāripūriṃ, tassa me kāyo lahuko kammañño, handāhaṃ vīriyaṃ ārabhāmi…pe… so vīriyaṃ ārabhati… idaṃ pañcamaṃ ārambhavatthu.

‘‘буна жабарам̣, аавусо, бхигку г̇аамам̣ ваа ниг̇амам̣ ваа бин̣д̣ааяа жаранд̇о лабхад̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣. д̇асса звам̣ ход̇и – ‘ахам̣ ко г̇аамам̣ ваа ниг̇амам̣ ваа бин̣д̣ааяа жаранд̇о алад̇т̇ам̣ луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣, д̇асса мз гааяо б̣алаваа гамман̃н̃о, ханд̣̇аахам̣ вийрияам̣ аарабхаами…бз… со вийрияам̣ аарабхад̇и… ид̣̇ам̣ чадтам̣ аарамбхавад̇т̇у .

‘‘Puna caparaṃ, āvuso, bhikkhu gāmaṃ vā nigamaṃ vā piṇḍāya caranto labhati lūkhassa vā paṇītassa vā bhojanassa yāvadatthaṃ pāripūriṃ. Tassa evaṃ hoti – ‘ahaṃ kho gāmaṃ vā nigamaṃ vā piṇḍāya caranto alatthaṃ lūkhassa vā paṇītassa vā bhojanassa yāvadatthaṃ pāripūriṃ, tassa me kāyo balavā kammañño, handāhaṃ vīriyaṃ ārabhāmi…pe… so vīriyaṃ ārabhati… idaṃ chaṭṭhaṃ ārambhavatthu .

‘‘буна жабарам̣, аавусо, бхигкуно уббанно ход̇и аббамад̇д̇аго ааб̣аад̇хо. д̇асса звам̣ ход̇и – ‘уббанно ко мз аяам̣ аббамад̇д̇аго ааб̣аад̇хо, таанам̣ ко банзд̇ам̣ виж̇ж̇ад̇и яам̣ мз ааб̣аад̇хо бавад̣дхзяяа, ханд̣̇аахам̣ вийрияам̣ аарабхаами…бз… со вийрияам̣ аарабхад̇и… ид̣̇ам̣ сад̇д̇амам̣ аарамбхавад̇т̇у.

‘‘Puna caparaṃ, āvuso, bhikkhuno uppanno hoti appamattako ābādho. Tassa evaṃ hoti – ‘uppanno kho me ayaṃ appamattako ābādho, ṭhānaṃ kho panetaṃ vijjati yaṃ me ābādho pavaḍḍheyya, handāhaṃ vīriyaṃ ārabhāmi…pe… so vīriyaṃ ārabhati… idaṃ sattamaṃ ārambhavatthu.

‘‘буна жабарам̣, аавусо, бхигку г̇илаанаа вудтид̇о ход̇и ажиравудтид̇о г̇злан̃н̃аа. д̇асса звам̣ ход̇и – ‘ахам̣ ко г̇илаанаа вудтид̇о ажиравудтид̇о г̇злан̃н̃аа, таанам̣ ко банзд̇ам̣ виж̇ж̇ад̇и яам̣ мз ааб̣аад̇хо бажжуд̣̇аавад̇д̇зяяа, ханд̣̇аахам̣ вийрияам̣ аарабхаами аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяаа’’д̇и! со вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. ид̣̇ам̣ адтамам̣ аарамбхавад̇т̇у.

‘‘Puna caparaṃ, āvuso, bhikkhu gilānā vuṭṭhito hoti aciravuṭṭhito gelaññā. Tassa evaṃ hoti – ‘ahaṃ kho gilānā vuṭṭhito aciravuṭṭhito gelaññā, ṭhānaṃ kho panetaṃ vijjati yaṃ me ābādho paccudāvatteyya, handāhaṃ vīriyaṃ ārabhāmi appattassa pattiyā anadhigatassa adhigamāya asacchikatassa sacchikiriyāyā’’ti! So vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Idaṃ aṭṭhamaṃ ārambhavatthu.

336. ‘‘адта д̣̇аанавад̇т̇ууни. аасаж̇ж̇а д̣̇аанам̣ д̣̇зд̇и, бхаяаа д̣̇аанам̣ д̣̇зд̇и, ‘ад̣̇ааси мз’д̇и д̣̇аанам̣ д̣̇зд̇и, ‘д̣̇ассад̇и мз’д̇и д̣̇аанам̣ д̣̇зд̇и, ‘сааху д̣̇аана’нд̇и д̣̇аанам̣ д̣̇зд̇и, ‘ахам̣ бажаами, имз на бажанд̇и, наарахаами бажанд̇о абажанд̇аанам̣ д̣̇аанам̣ на д̣̇аад̇у’нд̇и д̣̇аанам̣ д̣̇зд̇и, ‘ид̣̇ам̣ мз д̣̇аанам̣ д̣̇ад̣̇ад̇о галяаан̣о гид̇д̇исад̣̇д̣̇о аб̣бхуг̇г̇ажчад̇ий’д̇и д̣̇аанам̣ д̣̇зд̇и. жид̇д̇аалан̇гаара-жид̇д̇абаригкаарад̇т̇ам̣ д̣̇аанам̣ д̣̇зд̇и.

336. ‘‘Aṭṭha dānavatthūni. Āsajja dānaṃ deti, bhayā dānaṃ deti, ‘adāsi me’ti dānaṃ deti, ‘dassati me’ti dānaṃ deti, ‘sāhu dāna’nti dānaṃ deti, ‘ahaṃ pacāmi, ime na pacanti, nārahāmi pacanto apacantānaṃ dānaṃ na dātu’nti dānaṃ deti, ‘idaṃ me dānaṃ dadato kalyāṇo kittisaddo abbhuggacchatī’ti dānaṃ deti. Cittālaṅkāra-cittaparikkhāratthaṃ dānaṃ deti.

337. ‘‘адта д̣̇аануубабад̇д̇ияо. ид̇хаавусо, згажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и ¹²¹. со бассад̇и кад̇д̇ияамахаасаалам̣ ваа б̣раахман̣амахаасаалам̣ ваа г̇ахабад̇имахаасаалам̣ ваа бан̃жахи гаамаг̇ун̣зхи самаббид̇ам̣ саман̇г̇ийбхууд̇ам̣ барижаараяамаанам̣. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа кад̇д̇ияамахаасаалаанам̣ ваа б̣раахман̣амахаасаалаанам̣ ваа г̇ахабад̇имахаасаалаанам̣ ваа сахаб̣яад̇ам̣ убабаж̇ж̇зяяа’нд̇и! со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и, д̇асса д̇ам̣ жид̇д̇ам̣ хийнз вимуд̇д̇ам̣ уд̇д̇ари абхаавид̇ам̣ д̇ад̇руубабад̇д̇ияаа сам̣вад̇д̇ад̇и . д̇ан̃жа ко сийлавад̇о вад̣̇аами но д̣̇уссийласса. иж̇жхад̇аавусо, сийлавад̇о жзд̇обан̣ид̇хи висуд̣̇д̇хад̇д̇аа.

337. ‘‘Aṭṭha dānūpapattiyo. Idhāvuso, ekacco dānaṃ deti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. So yaṃ deti taṃ paccāsīsati ¹²². So passati khattiyamahāsālaṃ vā brāhmaṇamahāsālaṃ vā gahapatimahāsālaṃ vā pañcahi kāmaguṇehi samappitaṃ samaṅgībhūtaṃ paricārayamānaṃ. Tassa evaṃ hoti – ‘aho vatāhaṃ kāyassa bhedā paraṃ maraṇā khattiyamahāsālānaṃ vā brāhmaṇamahāsālānaṃ vā gahapatimahāsālānaṃ vā sahabyataṃ upapajjeyya’nti! So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti, tassa taṃ cittaṃ hīne vimuttaṃ uttari abhāvitaṃ tatrūpapattiyā saṃvattati . Tañca kho sīlavato vadāmi no dussīlassa. Ijjhatāvuso, sīlavato cetopaṇidhi visuddhattā.

‘‘буна жабарам̣, аавусо, ид̇хзгажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣…бз… сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и. д̇асса суд̇ам̣ ход̇и – ‘жаад̇умахаарааж̇игаа ¹²³ д̣̇зваа д̣̇ийгхааяугаа ван̣н̣аванд̇о сукаб̣ахулаа’’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇зяяа’’нд̇и! со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и, д̇асса д̇ам̣ жид̇д̇ам̣ хийнз вимуд̇д̇ам̣ уд̇д̇ари абхаавид̇ам̣ д̇ад̇руубабад̇д̇ияаа сам̣вад̇д̇ад̇и. д̇ан̃жа ко сийлавад̇о вад̣̇аами но д̣̇уссийласса. иж̇жхад̇аавусо, сийлавад̇о жзд̇обан̣ид̇хи висуд̣̇д̇хад̇д̇аа.

‘‘Puna caparaṃ, āvuso, idhekacco dānaṃ deti samaṇassa vā brāhmaṇassa vā annaṃ pānaṃ…pe… seyyāvasathapadīpeyyaṃ. So yaṃ deti taṃ paccāsīsati. Tassa sutaṃ hoti – ‘cātumahārājikā ¹²⁴ devā dīghāyukā vaṇṇavanto sukhabahulā’’ti. Tassa evaṃ hoti – ‘aho vatāhaṃ kāyassa bhedā paraṃ maraṇā cātumahārājikānaṃ devānaṃ sahabyataṃ upapajjeyya’’nti! So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti, tassa taṃ cittaṃ hīne vimuttaṃ uttari abhāvitaṃ tatrūpapattiyā saṃvattati. Tañca kho sīlavato vadāmi no dussīlassa. Ijjhatāvuso, sīlavato cetopaṇidhi visuddhattā.

‘‘буна жабарам̣, аавусо, ид̇хзгажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣…бз… сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и. д̇асса суд̇ам̣ ход̇и – ‘д̇аавад̇им̣саа д̣̇зваа…бз… яаамаа д̣̇зваа…бз… д̇усид̇аа д̣̇зваа …бз… ниммаанарад̇ий д̣̇зваа…бз… бараниммид̇авасавад̇д̇ий д̣̇зваа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇зяяа’’нд̇и! со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и, д̇асса д̇ам̣ жид̇д̇ам̣ хийнз вимуд̇д̇ам̣ уд̇д̇ари абхаавид̇ам̣ д̇ад̇руубабад̇д̇ияаа сам̣вад̇д̇ад̇и. д̇ан̃жа ко сийлавад̇о вад̣̇аами но д̣̇уссийласса. иж̇жхад̇аавусо, сийлавад̇о жзд̇обан̣ид̇хи висуд̣̇д̇хад̇д̇аа.

‘‘Puna caparaṃ, āvuso, idhekacco dānaṃ deti samaṇassa vā brāhmaṇassa vā annaṃ pānaṃ…pe… seyyāvasathapadīpeyyaṃ. So yaṃ deti taṃ paccāsīsati. Tassa sutaṃ hoti – ‘tāvatiṃsā devā…pe… yāmā devā…pe… tusitā devā …pe… nimmānaratī devā…pe… paranimmitavasavattī devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā paranimmitavasavattīnaṃ devānaṃ sahabyataṃ upapajjeyya’’nti! So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti, tassa taṃ cittaṃ hīne vimuttaṃ uttari abhāvitaṃ tatrūpapattiyā saṃvattati. Tañca kho sīlavato vadāmi no dussīlassa. Ijjhatāvuso, sīlavato cetopaṇidhi visuddhattā.

‘‘буна жабарам̣, аавусо, ид̇хзгажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и. д̇асса суд̇ам̣ ход̇и – ‘б̣рахмагааяигаа д̣̇зваа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа б̣рахмагааяигаанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и! со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и, д̇асса д̇ам̣ жид̇д̇ам̣ хийнз вимуд̇д̇ам̣ уд̇д̇ари абхаавид̇ам̣ д̇ад̇руубабад̇д̇ияаа сам̣вад̇д̇ад̇и. д̇ан̃жа ко сийлавад̇о вад̣̇аами но д̣̇уссийласса; вийд̇арааг̇асса но сарааг̇асса. иж̇жхад̇аавусо, сийлавад̇о жзд̇обан̣ид̇хи вийд̇арааг̇ад̇д̇аа.

‘‘Puna caparaṃ, āvuso, idhekacco dānaṃ deti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. So yaṃ deti taṃ paccāsīsati. Tassa sutaṃ hoti – ‘brahmakāyikā devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā brahmakāyikānaṃ devānaṃ sahabyataṃ upapajjeyya’nti! So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti, tassa taṃ cittaṃ hīne vimuttaṃ uttari abhāvitaṃ tatrūpapattiyā saṃvattati. Tañca kho sīlavato vadāmi no dussīlassa; vītarāgassa no sarāgassa. Ijjhatāvuso, sīlavato cetopaṇidhi vītarāgattā.

‘‘адта барисаа – кад̇д̇ияабарисаа, б̣раахман̣абарисаа, г̇ахабад̇ибарисаа, саман̣абарисаа, жаад̇умахаарааж̇игабарисаа, д̇аавад̇им̣сабарисаа, маарабарисаа, б̣рахмабарисаа .

‘‘Aṭṭha parisā – khattiyaparisā, brāhmaṇaparisā, gahapatiparisā, samaṇaparisā, cātumahārājikaparisā, tāvatiṃsaparisā, māraparisā, brahmaparisā .

‘‘адта логад̇хаммаа – лаабхо жа, алаабхо жа, яасо жа, аяасо жа, нинд̣̇аа жа, басам̣саа жа, сукан̃жа, д̣̇угкан̃жа.

‘‘Aṭṭha lokadhammā – lābho ca, alābho ca, yaso ca, ayaso ca, nindā ca, pasaṃsā ca, sukhañca, dukkhañca.

338. ‘‘адта абхибхааяад̇анаани. аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ батамам̣ абхибхааяад̇анам̣.

338. ‘‘Aṭṭha abhibhāyatanāni. Ajjhattaṃ rūpasaññī eko bahiddhā rūpāni passati parittāni suvaṇṇadubbaṇṇāni, ‘tāni abhibhuyya jānāmi passāmī’ti evaṃsaññī hoti. Idaṃ paṭhamaṃ abhibhāyatanaṃ.

‘‘аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и аббамаан̣аани суван̣н̣ад̣̇уб̣б̣ан̣н̣аани, ‘д̇аани абхибхуяяа ж̇аанаами бассаамий’д̇и – звам̣сан̃н̃ий ход̇и. ид̣̇ам̣ д̣̇уд̇ияам̣ абхибхааяад̇анам̣.

‘‘Ajjhattaṃ rūpasaññī eko bahiddhā rūpāni passati appamāṇāni suvaṇṇadubbaṇṇāni, ‘tāni abhibhuyya jānāmi passāmī’ti – evaṃsaññī hoti. Idaṃ dutiyaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ д̇ад̇ияам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati parittāni suvaṇṇadubbaṇṇāni, ‘tāni abhibhuyya jānāmi passāmī’ti evaṃsaññī hoti. Idaṃ tatiyaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и аббамаан̣аани суван̣н̣ад̣̇уб̣б̣ан̣н̣аани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ жад̇уд̇т̇ам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati appamāṇāni suvaṇṇadubbaṇṇāni, ‘tāni abhibhuyya jānāmi passāmī’ti evaṃsaññī hoti. Idaṃ catutthaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и нийлаани нийлаван̣н̣аани нийланид̣̇ассанаани нийланибхаасаани. сзяяат̇ааби наама умаабубпам̣ нийлам̣ нийлаван̣н̣ам̣ нийланид̣̇ассанам̣ нийланибхаасам̣, сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ нийлам̣ нийлаван̣н̣ам̣ нийланид̣̇ассанам̣ нийланибхаасам̣. звамзва ¹²⁵ аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и нийлаани нийлаван̣н̣аани нийланид̣̇ассанаани нийланибхаасаани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ бан̃жамам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni. Seyyathāpi nāma umāpupphaṃ nīlaṃ nīlavaṇṇaṃ nīlanidassanaṃ nīlanibhāsaṃ, seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ nīlaṃ nīlavaṇṇaṃ nīlanidassanaṃ nīlanibhāsaṃ. Evameva ¹²⁶ ajjhattaṃ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni, ‘tāni abhibhuyya jānāmi passāmī’ti evaṃsaññī hoti. Idaṃ pañcamaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и бийд̇аани бийд̇аван̣н̣аани бийд̇анид̣̇ассанаани бийд̇анибхаасаани. сзяяат̇ааби наама ган̣игаарабубпам̣ ¹²⁷ бийд̇ам̣ бийд̇аван̣н̣ам̣ бийд̇анид̣̇ассанам̣ бийд̇анибхаасам̣, сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ бийд̇ам̣ бийд̇аван̣н̣ам̣ бийд̇анид̣̇ассанам̣ бийд̇анибхаасам̣. звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и бийд̇аани бийд̇аван̣н̣аани бийд̇анид̣̇ассанаани бийд̇анибхаасаани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ чадтам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni. Seyyathāpi nāma kaṇikārapupphaṃ ¹²⁸ pītaṃ pītavaṇṇaṃ pītanidassanaṃ pītanibhāsaṃ, seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ pītaṃ pītavaṇṇaṃ pītanidassanaṃ pītanibhāsaṃ. Evameva ajjhattaṃ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni, ‘tāni abhibhuyya jānāmi passāmī’ti evaṃsaññī hoti. Idaṃ chaṭṭhaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и лохид̇агаани лохид̇агаван̣н̣аани лохид̇аганид̣̇ассанаани лохид̇аганибхаасаани. сзяяат̇ааби наама б̣анд̇хуж̇ийвагабубпам̣ лохид̇агам̣ лохид̇агаван̣н̣ам̣ лохид̇аганид̣̇ассанам̣ лохид̇аганибхаасам̣, сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ лохид̇агам̣ лохид̇агаван̣н̣ам̣ лохид̇аганид̣̇ассанам̣ лохид̇аганибхаасам̣. звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и лохид̇агаани лохид̇агаван̣н̣аани лохид̇аганид̣̇ассанаани лохид̇аганибхаасаани, ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ сад̇д̇амам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni. Seyyathāpi nāma bandhujīvakapupphaṃ lohitakaṃ lohitakavaṇṇaṃ lohitakanidassanaṃ lohitakanibhāsaṃ, seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ lohitakaṃ lohitakavaṇṇaṃ lohitakanidassanaṃ lohitakanibhāsaṃ. Evameva ajjhattaṃ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni, ‘tāni abhibhuyya jānāmi passāmī’ti evaṃsaññī hoti. Idaṃ sattamaṃ abhibhāyatanaṃ.

‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и од̣̇аад̇аани од̣̇аад̇аван̣н̣аани од̣̇аад̇анид̣̇ассанаани од̣̇аад̇анибхаасаани. сзяяат̇ааби наама осад̇хид̇аарагаа од̣̇аад̇аа од̣̇аад̇аван̣н̣аа од̣̇аад̇анид̣̇ассанаа од̣̇аад̇анибхаасаа, сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ од̣̇аад̇ам̣ од̣̇аад̇аван̣н̣ам̣ од̣̇аад̇анид̣̇ассанам̣ од̣̇аад̇анибхаасам̣. звамзва аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и од̣̇аад̇аани од̣̇аад̇аван̣н̣аани од̣̇аад̇анид̣̇ассанаани од̣̇аад̇анибхаасаани , ‘д̇аани абхибхуяяа ж̇аанаами бассаамий’д̇и звам̣сан̃н̃ий ход̇и. ид̣̇ам̣ адтамам̣ абхибхааяад̇анам̣.

‘‘Ajjhattaṃ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni. Seyyathāpi nāma osadhitārakā odātā odātavaṇṇā odātanidassanā odātanibhāsā, seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ odātaṃ odātavaṇṇaṃ odātanidassanaṃ odātanibhāsaṃ. Evameva ajjhattaṃ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni , ‘tāni abhibhuyya jānāmi passāmī’ti evaṃsaññī hoti. Idaṃ aṭṭhamaṃ abhibhāyatanaṃ.

339. ‘‘адта вимогкаа. руубий руубаани бассад̇и. аяам̣ батамо вимогко.

339. ‘‘Aṭṭha vimokkhā. Rūpī rūpāni passati. Ayaṃ paṭhamo vimokkho.

‘‘аж̇жхад̇д̇ам̣ аруубасан̃н̃ий б̣ахид̣̇д̇хаа руубаани бассад̇и. аяам̣ д̣̇уд̇ияо вимогко.

‘‘Ajjhattaṃ arūpasaññī bahiddhā rūpāni passati. Ayaṃ dutiyo vimokkho.

‘‘субханд̇зва ад̇химуд̇д̇о ход̇и. аяам̣ д̇ад̇ияо вимогко.

‘‘Subhanteva adhimutto hoti. Ayaṃ tatiyo vimokkho.

‘‘саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. аяам̣ жад̇уд̇т̇о вимогко.

‘‘Sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Ayaṃ catuttho vimokkho.

‘‘саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. аяам̣ бан̃жамо вимогко.

‘‘Sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Ayaṃ pañcamo vimokkho.

‘‘саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. аяам̣ чадто вимогко.

‘‘Sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Ayaṃ chaṭṭho vimokkho.

‘‘саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. аяам̣ сад̇д̇амо вимогко.

‘‘Sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Ayaṃ sattamo vimokkho.

‘‘саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇а нирод̇хам̣ убасамбаж̇ж̇а вихарад̇и. аяам̣ адтамо вимогко.

‘‘Sabbaso nevasaññānāsaññāyatanaṃ samatikkamma saññāvedayita nirodhaṃ upasampajja viharati. Ayaṃ aṭṭhamo vimokkho.

‘‘имз ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна адта д̇хаммаа саммад̣̇агкаад̇аа; д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣.

‘‘Ime kho, āvuso, tena bhagavatā jānatā passatā arahatā sammāsambuddhena aṭṭha dhammā sammadakkhātā; tattha sabbeheva saṅgāyitabbaṃ…pe… atthāya hitāya sukhāya devamanussānaṃ.

навагам̣

Navakaṃ

340. ‘‘ад̇т̇и ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна нава д̇хаммаа саммад̣̇агкаад̇аа; д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣. гад̇амз нава?

340. ‘‘Atthi kho, āvuso, tena bhagavatā jānatā passatā arahatā sammāsambuddhena nava dhammā sammadakkhātā; tattha sabbeheva saṅgāyitabbaṃ…pe… atthāya hitāya sukhāya devamanussānaṃ. Katame nava?

‘‘нава аагхаад̇авад̇т̇ууни. ‘анад̇т̇ам̣ мз ажарий’д̇и аагхаад̇ам̣ б̣анд̇хад̇и; ‘анад̇т̇ам̣ мз жарад̇ий’д̇и аагхаад̇ам̣ б̣анд̇хад̇и; ‘анад̇т̇ам̣ мз жариссад̇ий’д̇и аагхаад̇ам̣ б̣анд̇хад̇и; ‘бияасса мз манаабасса анад̇т̇ам̣ ажарий’д̇и аагхаад̇ам̣ б̣анд̇хад̇и…бз… анад̇т̇ам̣ жарад̇ийд̇и аагхаад̇ам̣ б̣анд̇хад̇и…бз… анад̇т̇ам̣ жариссад̇ийд̇и аагхаад̇ам̣ б̣анд̇хад̇и; ‘аббияасса мз аманаабасса ад̇т̇ам̣ ажарий’д̇и аагхаад̇ам̣ б̣анд̇хад̇и…бз… ад̇т̇ам̣ жарад̇ийд̇и аагхаад̇ам̣ б̣анд̇хад̇и…бз… ад̇т̇ам̣ жариссад̇ийд̇и аагхаад̇ам̣ б̣анд̇хад̇и.

‘‘Nava āghātavatthūni. ‘Anatthaṃ me acarī’ti āghātaṃ bandhati; ‘anatthaṃ me caratī’ti āghātaṃ bandhati; ‘anatthaṃ me carissatī’ti āghātaṃ bandhati; ‘piyassa me manāpassa anatthaṃ acarī’ti āghātaṃ bandhati…pe… anatthaṃ caratīti āghātaṃ bandhati…pe… anatthaṃ carissatīti āghātaṃ bandhati; ‘appiyassa me amanāpassa atthaṃ acarī’ti āghātaṃ bandhati…pe… atthaṃ caratīti āghātaṃ bandhati…pe… atthaṃ carissatīti āghātaṃ bandhati.

‘‘нава аагхаад̇абадивинаяаа. ‘анад̇т̇ам̣ мз ажари ¹²⁹, д̇ам̣ гуд̇зд̇т̇а лаб̣бхаа’д̇и аагхаад̇ам̣ бадивинзд̇и ; ‘анад̇т̇ам̣ мз жарад̇и, д̇ам̣ гуд̇зд̇т̇а лаб̣бхаа’д̇и аагхаад̇ам̣ бадивинзд̇и; ‘анад̇т̇ам̣ мз жариссад̇и, д̇ам̣ гуд̇зд̇т̇а лаб̣бхаа’д̇и аагхаад̇ам̣ бадивинзд̇и; ‘бияасса мз манаабасса анад̇т̇ам̣ ажари…бз… анад̇т̇ам̣ жарад̇и…бз… анад̇т̇ам̣ жариссад̇и, д̇ам̣ гуд̇зд̇т̇а лаб̣бхаа’д̇и аагхаад̇ам̣ бадивинзд̇и; ‘аббияасса мз аманаабасса ад̇т̇ам̣ ажари…бз… ад̇т̇ам̣ жарад̇и…бз… ад̇т̇ам̣ жариссад̇и, д̇ам̣ гуд̇зд̇т̇а лаб̣бхаа’д̇и аагхаад̇ам̣ бадивинзд̇и.

‘‘Nava āghātapaṭivinayā. ‘Anatthaṃ me acari ¹³⁰, taṃ kutettha labbhā’ti āghātaṃ paṭivineti ; ‘anatthaṃ me carati, taṃ kutettha labbhā’ti āghātaṃ paṭivineti; ‘anatthaṃ me carissati, taṃ kutettha labbhā’ti āghātaṃ paṭivineti; ‘piyassa me manāpassa anatthaṃ acari…pe… anatthaṃ carati…pe… anatthaṃ carissati, taṃ kutettha labbhā’ti āghātaṃ paṭivineti; ‘appiyassa me amanāpassa atthaṃ acari…pe… atthaṃ carati…pe… atthaṃ carissati, taṃ kutettha labbhā’ti āghātaṃ paṭivineti.

341. ‘‘нава сад̇д̇ааваасаа. санд̇аавусо, сад̇д̇аа наанад̇д̇агааяаа наанад̇д̇асан̃н̃ино, сзяяат̇ааби мануссаа згажжз жа д̣̇зваа згажжз жа винибаад̇игаа. аяам̣ батамо сад̇д̇ааваасо.

341. ‘‘Nava sattāvāsā. Santāvuso, sattā nānattakāyā nānattasaññino, seyyathāpi manussā ekacce ca devā ekacce ca vinipātikā. Ayaṃ paṭhamo sattāvāso.

‘‘санд̇аавусо, сад̇д̇аа наанад̇д̇агааяаа згад̇д̇асан̃н̃ино, сзяяат̇ааби д̣̇зваа б̣рахмагааяигаа батамаабхиниб̣б̣ад̇д̇аа. аяам̣ д̣̇уд̇ияо сад̇д̇ааваасо.

‘‘Santāvuso, sattā nānattakāyā ekattasaññino, seyyathāpi devā brahmakāyikā paṭhamābhinibbattā. Ayaṃ dutiyo sattāvāso.

‘‘санд̇аавусо, сад̇д̇аа згад̇д̇агааяаа наанад̇д̇асан̃н̃ино, сзяяат̇ааби д̣̇зваа аабхассараа. аяам̣ д̇ад̇ияо сад̇д̇ааваасо.

‘‘Santāvuso, sattā ekattakāyā nānattasaññino, seyyathāpi devā ābhassarā. Ayaṃ tatiyo sattāvāso.

‘‘санд̇аавусо , сад̇д̇аа згад̇д̇агааяаа згад̇д̇асан̃н̃ино, сзяяат̇ааби д̣̇зваа субхагин̣хаа. аяам̣ жад̇уд̇т̇о сад̇д̇ааваасо.

‘‘Santāvuso , sattā ekattakāyā ekattasaññino, seyyathāpi devā subhakiṇhā. Ayaṃ catuttho sattāvāso.

‘‘санд̇аавусо, сад̇д̇аа асан̃н̃ино аббадисам̣взд̣̇ино, сзяяат̇ааби д̣̇зваа асан̃н̃асад̇д̇аа ¹³¹. аяам̣ бан̃жамо сад̇д̇ааваасо.

‘‘Santāvuso, sattā asaññino appaṭisaṃvedino, seyyathāpi devā asaññasattā ¹³². Ayaṃ pañcamo sattāvāso.

‘‘Santāvuso, sattā sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanūpagā. Ayaṃ chaṭṭho sattāvāso.

‘‘санд̇аавусо, сад̇д̇аа саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇ануубаг̇аа. аяам̣ сад̇д̇амо сад̇д̇ааваасо.

‘‘Santāvuso, sattā sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanūpagā. Ayaṃ sattamo sattāvāso.

‘‘санд̇аавусо, сад̇д̇аа саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жаан̃н̃ааяад̇ануубаг̇аа. аяам̣ адтамо сад̇д̇ааваасо.

‘‘Santāvuso, sattā sabbaso viññāṇañcāyatanaṃ samatikkamma ‘natthi kiñcī’ti ākiñcāññāyatanūpagā. Ayaṃ aṭṭhamo sattāvāso.

‘‘санд̇аавусо , сад̇д̇аа саб̣б̣асо аагин̃жан̃н̃ааяад̇анам̣ самад̇иггамма ¹³³ нзвасан̃н̃аанаасан̃н̃ааяад̇ануубаг̇аа. аяам̣ навамо сад̇д̇ааваасо.

‘‘Santāvuso , sattā sabbaso ākiñcaññāyatanaṃ samatikkamma ¹³⁴ nevasaññānāsaññāyatanūpagā. Ayaṃ navamo sattāvāso.

342. ‘‘нава агкан̣аа асамаяаа б̣рахмажарияаваасааяа. ид̇хаавусо , д̇ат̇ааг̇ад̇о жа логз уббанно ход̇и арахам̣ саммаасамб̣уд̣̇д̇хо, д̇хаммо жа д̣̇зсияад̇и обасамиго бариниб̣б̣ааниго самб̣од̇хаг̇аамий суг̇ад̇аббавзд̣̇ид̇о. аяан̃жа буг̇г̇ало нираяам̣ убабанно ход̇и. аяам̣ батамо агкан̣о асамаяо б̣рахмажарияаваасааяа.

342. ‘‘Nava akkhaṇā asamayā brahmacariyavāsāya. Idhāvuso , tathāgato ca loke uppanno hoti arahaṃ sammāsambuddho, dhammo ca desiyati opasamiko parinibbāniko sambodhagāmī sugatappavedito. Ayañca puggalo nirayaṃ upapanno hoti. Ayaṃ paṭhamo akkhaṇo asamayo brahmacariyavāsāya.

‘‘буна жабарам̣, аавусо, д̇ат̇ааг̇ад̇о жа логз уббанно ход̇и арахам̣ саммаасамб̣уд̣̇д̇хо, д̇хаммо жа д̣̇зсияад̇и обасамиго бариниб̣б̣ааниго самб̣од̇хаг̇аамий суг̇ад̇аббавзд̣̇ид̇о. аяан̃жа буг̇г̇ало д̇иражчаанаяоним̣ убабанно ход̇и. аяам̣ д̣̇уд̇ияо агкан̣о асамаяо б̣рахмажарияаваасааяа.

‘‘Puna caparaṃ, āvuso, tathāgato ca loke uppanno hoti arahaṃ sammāsambuddho, dhammo ca desiyati opasamiko parinibbāniko sambodhagāmī sugatappavedito. Ayañca puggalo tiracchānayoniṃ upapanno hoti. Ayaṃ dutiyo akkhaṇo asamayo brahmacariyavāsāya.

‘‘буна жабарам̣…бз… бзд̇д̇ивисаяам̣ убабанно ход̇и. аяам̣ д̇ад̇ияо агкан̣о асамаяо б̣рахмажарияаваасааяа.

‘‘Puna caparaṃ…pe… pettivisayaṃ upapanno hoti. Ayaṃ tatiyo akkhaṇo asamayo brahmacariyavāsāya.

‘‘буна жабарам̣…бз… асурагааяам̣ убабанно ход̇и. аяам̣ жад̇уд̇т̇о агкан̣о асамаяо б̣рахмажарияаваасааяа.

‘‘Puna caparaṃ…pe… asurakāyaṃ upapanno hoti. Ayaṃ catuttho akkhaṇo asamayo brahmacariyavāsāya.

‘‘буна жабарам̣…бз… ан̃н̃ад̇арам̣ д̣̇ийгхааяугам̣ д̣̇званигааяам̣ убабанно ход̇и. аяам̣ бан̃жамо агкан̣о асамаяо б̣рахмажарияаваасааяа.

‘‘Puna caparaṃ…pe… aññataraṃ dīghāyukaṃ devanikāyaṃ upapanno hoti. Ayaṃ pañcamo akkhaṇo asamayo brahmacariyavāsāya.

‘‘буна жабарам̣…бз… бажжанд̇имзсу ж̇анабад̣̇зсу бажжааж̇аад̇о ход̇и милагкзсу ¹³⁵ авин̃н̃аад̇аарзсу, яад̇т̇а над̇т̇и г̇ад̇и бхигкуунам̣ бхигкунийнам̣ убаасагаанам̣ убаасигаанам̣. аяам̣ чадто агкан̣о асамаяо б̣рахмажарияаваасааяа.

‘‘Puna caparaṃ…pe… paccantimesu janapadesu paccājāto hoti milakkhesu ¹³⁶ aviññātāresu, yattha natthi gati bhikkhūnaṃ bhikkhunīnaṃ upāsakānaṃ upāsikānaṃ. Ayaṃ chaṭṭho akkhaṇo asamayo brahmacariyavāsāya.

‘‘буна жабарам̣…бз… маж̇жхимзсу ж̇анабад̣̇зсу бажжааж̇аад̇о ход̇и. со жа ход̇и мижчаад̣̇идтиго вибарийд̇ад̣̇ассано – ‘над̇т̇и д̣̇иннам̣, над̇т̇и яидтам̣, над̇т̇и худ̇ам̣, над̇т̇и сугад̇ад̣̇уггадаанам̣ ¹³⁷ гаммаанам̣ палам̣ вибааго, над̇т̇и аяам̣ лого, над̇т̇и баро лого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. аяам̣ сад̇д̇амо агкан̣о асамаяо б̣рахмажарияаваасааяа.

‘‘Puna caparaṃ…pe… majjhimesu janapadesu paccājāto hoti. So ca hoti micchādiṭṭhiko viparītadassano – ‘natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ ¹³⁸ kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti. Ayaṃ sattamo akkhaṇo asamayo brahmacariyavāsāya.

‘‘буна жабарам̣…бз… маж̇жхимзсу ж̇анабад̣̇зсу бажжааж̇аад̇о ход̇и. со жа ход̇и д̣̇уббан̃н̃о ж̇ал̣о зл̣амууг̇о, наббадиб̣ало субхаасид̇ад̣̇уб̣бхаасид̇аанамад̇т̇аман̃н̃аад̇ум̣. аяам̣ адтамо агкан̣о асамаяо б̣рахмажарияаваасааяа.

‘‘Puna caparaṃ…pe… majjhimesu janapadesu paccājāto hoti. So ca hoti duppañño jaḷo eḷamūgo, nappaṭibalo subhāsitadubbhāsitānamatthamaññātuṃ. Ayaṃ aṭṭhamo akkhaṇo asamayo brahmacariyavāsāya.

‘‘буна жабарам̣, аавусо, д̇ат̇ааг̇ад̇о жа логз на ¹³⁹ уббанно ход̇и арахам̣ саммаасамб̣уд̣̇д̇хо, д̇хаммо жа на д̣̇зсияад̇и обасамиго бариниб̣б̣ааниго самб̣од̇хаг̇аамий суг̇ад̇аббавзд̣̇ид̇о. аяан̃жа буг̇г̇ало маж̇жхимзсу ж̇анабад̣̇зсу бажжааж̇аад̇о ход̇и, со жа ход̇и бан̃н̃аваа аж̇ал̣о анзл̣амууг̇о, бадиб̣ало субхаасид̇а-д̣̇уб̣бхаасид̇аанамад̇т̇аман̃н̃аад̇ум̣. аяам̣ навамо агкан̣о асамаяо б̣рахмажарияаваасааяа.

‘‘Puna caparaṃ, āvuso, tathāgato ca loke na ¹⁴⁰ uppanno hoti arahaṃ sammāsambuddho, dhammo ca na desiyati opasamiko parinibbāniko sambodhagāmī sugatappavedito. Ayañca puggalo majjhimesu janapadesu paccājāto hoti, so ca hoti paññavā ajaḷo aneḷamūgo, paṭibalo subhāsita-dubbhāsitānamatthamaññātuṃ. Ayaṃ navamo akkhaṇo asamayo brahmacariyavāsāya.

343. ‘‘нава анубуб̣б̣авихаараа. ид̇хаавусо, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и. бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и. сукасса жа бахаанаа …бз… жад̇уд̇т̇ам̣ жхаанам̣ убасамбаж̇ж̇а вихарад̇и. саб̣б̣асо руубасан̃н̃аанам̣ самад̇иггамаа…бз… аагаасаанан̃жааяад̇анам̣ убасамбаж̇ж̇а вихарад̇и. саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и.

343. ‘‘Nava anupubbavihārā. Idhāvuso, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā…pe… dutiyaṃ jhānaṃ upasampajja viharati. Pītiyā ca virāgā…pe… tatiyaṃ jhānaṃ upasampajja viharati. Sukhassa ca pahānā …pe… catutthaṃ jhānaṃ upasampajja viharati. Sabbaso rūpasaññānaṃ samatikkamā…pe… ākāsānañcāyatanaṃ upasampajja viharati. Sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati.

344. ‘‘нава анубуб̣б̣анирод̇хаа. батамам̣ жхаанам̣ самаабаннасса гаамасан̃н̃аа нируд̣̇д̇хаа ход̇и. д̣̇уд̇ияам̣ жхаанам̣ самаабаннасса вид̇аггавижаараа нируд̣̇д̇хаа хонд̇и. д̇ад̇ияам̣ жхаанам̣ самаабаннасса бийд̇и нируд̣̇д̇хаа ход̇и. жад̇уд̇т̇ам̣ жхаанам̣ самаабаннасса ассаасабассаассаа нируд̣̇д̇хаа хонд̇и. аагаасаанан̃жааяад̇анам̣ самаабаннасса руубасан̃н̃аа нируд̣̇д̇хаа ход̇и. вин̃н̃аан̣ан̃жааяад̇анам̣ самаабаннасса аагаасаанан̃жааяад̇анасан̃н̃аа нируд̣̇д̇хаа ход̇и. аагин̃жан̃н̃ааяад̇анам̣ самаабаннасса вин̃н̃аан̣ан̃жааяад̇анасан̃н̃аа нируд̣̇д̇хаа ход̇и. нзвасан̃н̃аанаасан̃н̃ааяад̇анам̣ самаабаннасса аагин̃жан̃н̃ааяад̇анасан̃н̃аа нируд̣̇д̇хаа ход̇и. сан̃н̃аавзд̣̇аяид̇анирод̇хам̣ самаабаннасса сан̃н̃аа жа взд̣̇анаа жа нируд̣̇д̇хаа хонд̇и.

344. ‘‘Nava anupubbanirodhā. Paṭhamaṃ jhānaṃ samāpannassa kāmasaññā niruddhā hoti. Dutiyaṃ jhānaṃ samāpannassa vitakkavicārā niruddhā honti. Tatiyaṃ jhānaṃ samāpannassa pīti niruddhā hoti. Catutthaṃ jhānaṃ samāpannassa assāsapassāssā niruddhā honti. Ākāsānañcāyatanaṃ samāpannassa rūpasaññā niruddhā hoti. Viññāṇañcāyatanaṃ samāpannassa ākāsānañcāyatanasaññā niruddhā hoti. Ākiñcaññāyatanaṃ samāpannassa viññāṇañcāyatanasaññā niruddhā hoti. Nevasaññānāsaññāyatanaṃ samāpannassa ākiñcaññāyatanasaññā niruddhā hoti. Saññāvedayitanirodhaṃ samāpannassa saññā ca vedanā ca niruddhā honti.

‘‘имз ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна нава д̇хаммаа саммад̣̇агкаад̇аа. д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣.

‘‘Ime kho, āvuso, tena bhagavatā jānatā passatā arahatā sammāsambuddhena nava dhammā sammadakkhātā. Tattha sabbeheva saṅgāyitabbaṃ…pe… atthāya hitāya sukhāya devamanussānaṃ.

д̣̇асагам̣

Dasakaṃ

345. ‘‘ад̇т̇и ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̣̇аса д̇хаммаа саммад̣̇агкаад̇аа. д̇ад̇т̇а саб̣б̣зхзва сан̇г̇ааяид̇аб̣б̣ам̣…бз… ад̇т̇ааяа хид̇ааяа сукааяа д̣̇звамануссаанам̣. гад̇амз д̣̇аса?

345. ‘‘Atthi kho, āvuso, tena bhagavatā jānatā passatā arahatā sammāsambuddhena dasa dhammā sammadakkhātā. Tattha sabbeheva saṅgāyitabbaṃ…pe… atthāya hitāya sukhāya devamanussānaṃ. Katame dasa?

‘‘д̣̇аса наат̇агаран̣аа д̇хаммаа. ид̇хаавусо, бхигку сийлаваа ход̇и. баад̇имогкасам̣варасам̣вуд̇о вихарад̇и аажаараг̇ожарасамбанно, ан̣умад̇д̇зсу важ̇ж̇зсу бхаяад̣̇ассаавий самаад̣̇ааяа сигкад̇и сигкаабад̣̇зсу. яам̣баавусо, бхигку сийлаваа ход̇и, баад̇имогкасам̣варасам̣вуд̇о вихарад̇и, аажаараг̇ожарасамбанно, ан̣умад̇д̇зсу важ̇ж̇зсу бхаяад̣̇ассаавий самаад̣̇ааяа сигкад̇и сигкаабад̣̇зсу. аяамби д̇хаммо наат̇агаран̣о.

‘‘Dasa nāthakaraṇā dhammā. Idhāvuso, bhikkhu sīlavā hoti. Pātimokkhasaṃvarasaṃvuto viharati ācāragocarasampanno, aṇumattesu vajjesu bhayadassāvī samādāya sikkhati sikkhāpadesu. Yaṃpāvuso, bhikkhu sīlavā hoti, pātimokkhasaṃvarasaṃvuto viharati, ācāragocarasampanno, aṇumattesu vajjesu bhayadassāvī samādāya sikkhati sikkhāpadesu. Ayampi dhammo nāthakaraṇo.

‘‘буна жабарам̣, аавусо, бхигку б̣ахуссуд̇о ход̇и суд̇ад̇харо суд̇асаннижаяо. яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇аа саб̣яан̃ж̇анаа ¹⁴¹ гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаасса д̇хаммаа б̣ахуссуд̇аа хонд̇и ¹⁴² д̇хаад̇аа важасаа барижид̇аа манасаанубзгкид̇аа д̣̇идтияаа суббадивид̣̇д̇хаа, яам̣баавусо, бхигку б̣ахуссуд̇о ход̇и…бз… д̣̇идтияаа суббадивид̣̇д̇хаа. аяамби д̇хаммо наат̇агаран̣о.

‘‘Puna caparaṃ, āvuso, bhikkhu bahussuto hoti sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā sabyañjanā ¹⁴³ kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti ¹⁴⁴ dhātā vacasā paricitā manasānupekkhitā diṭṭhiyā suppaṭividdhā, yaṃpāvuso, bhikkhu bahussuto hoti…pe… diṭṭhiyā suppaṭividdhā. Ayampi dhammo nāthakaraṇo.

‘‘буна жабарам̣, аавусо, бхигку галяаан̣амид̇д̇о ход̇и галяаан̣асахааяо галяаан̣асамбаван̇го. яам̣баавусо, бхигку галяаан̣амид̇д̇о ход̇и галяаан̣асахааяо галяаан̣асамбаван̇го. аяамби д̇хаммо наат̇агаран̣о.

‘‘Puna caparaṃ, āvuso, bhikkhu kalyāṇamitto hoti kalyāṇasahāyo kalyāṇasampavaṅko. Yaṃpāvuso, bhikkhu kalyāṇamitto hoti kalyāṇasahāyo kalyāṇasampavaṅko. Ayampi dhammo nāthakaraṇo.

‘‘буна жабарам̣, аавусо, бхигку суважо ход̇и соважассагаран̣зхи д̇хаммзхи саманнааг̇ад̇о камо бад̣̇агкин̣аг̇г̇аахий анусаасаним̣. яам̣баавусо, бхигку суважо ход̇и…бз… бад̣̇агкин̣аг̇г̇аахий анусаасаним̣. аяамби д̇хаммо наат̇агаран̣о.

‘‘Puna caparaṃ, āvuso, bhikkhu suvaco hoti sovacassakaraṇehi dhammehi samannāgato khamo padakkhiṇaggāhī anusāsaniṃ. Yaṃpāvuso, bhikkhu suvaco hoti…pe… padakkhiṇaggāhī anusāsaniṃ. Ayampi dhammo nāthakaraṇo.

‘‘буна жабарам̣, аавусо, бхигку яаани д̇аани саб̣рахмажаарийнам̣ ужжааважаани гим̣гаран̣ийяаани, д̇ад̇т̇а д̣̇агко ход̇и аналасо д̇ад̇рубааяааяа виймам̣сааяа саманнааг̇ад̇о, алам̣ гаад̇ум̣ алам̣ сам̣вид̇хаад̇ум̣. яам̣баавусо, бхигку яаани д̇аани саб̣рахмажаарийнам̣…бз… алам̣ сам̣вид̇хаад̇ум̣. аяамби д̇хаммо наат̇агаран̣о.

‘‘Puna caparaṃ, āvuso, bhikkhu yāni tāni sabrahmacārīnaṃ uccāvacāni kiṃkaraṇīyāni, tattha dakkho hoti analaso tatrupāyāya vīmaṃsāya samannāgato, alaṃ kātuṃ alaṃ saṃvidhātuṃ. Yaṃpāvuso, bhikkhu yāni tāni sabrahmacārīnaṃ…pe… alaṃ saṃvidhātuṃ. Ayampi dhammo nāthakaraṇo.

‘‘буна жабарам̣, аавусо, бхигку д̇хаммагаамо ход̇и бияасамуд̣̇аахааро, абхид̇хаммз абхивинаяз ул̣аарабаамож̇ж̇о ¹⁴⁵. яам̣баавусо, бхигку д̇хаммагаамо ход̇и…бз… ул̣аарабаамож̇ж̇о ¹⁴⁶. аяамби д̇хаммо наат̇агаран̣о.

‘‘Puna caparaṃ, āvuso, bhikkhu dhammakāmo hoti piyasamudāhāro, abhidhamme abhivinaye uḷārapāmojjo ¹⁴⁷. Yaṃpāvuso, bhikkhu dhammakāmo hoti…pe… uḷārapāmojjo ¹⁴⁸. Ayampi dhammo nāthakaraṇo.

‘‘буна жабарам̣, аавусо , бхигку санд̇удто ход̇и ид̇арийд̇арзхи жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзхи . яам̣баавусо, бхигку санд̇удто ход̇и…бз… баригкаарзхи. аяамби д̇хаммо наат̇агаран̣о.

‘‘Puna caparaṃ, āvuso , bhikkhu santuṭṭho hoti itarītarehi cīvarapiṇḍapātasenāsanagilānappaccayabhesajjaparikkhārehi . Yaṃpāvuso, bhikkhu santuṭṭho hoti…pe… parikkhārehi. Ayampi dhammo nāthakaraṇo.

‘‘буна жабарам̣, аавусо, бхигку аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. яам̣баавусо, бхигку аарад̣̇д̇хавийрияо вихарад̇и…бз… анигкид̇д̇ад̇хуро гусалзсу д̇хаммзсу. аяамби д̇хаммо наат̇агаран̣о.

‘‘Puna caparaṃ, āvuso, bhikkhu āraddhavīriyo viharati akusalānaṃ dhammānaṃ pahānāya kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu. Yaṃpāvuso, bhikkhu āraddhavīriyo viharati…pe… anikkhittadhuro kusalesu dhammesu. Ayampi dhammo nāthakaraṇo.

‘‘буна жабарам̣, аавусо, бхигку сад̇имаа ход̇и барамзна сад̇инзбаггзна саманнааг̇ад̇о жирагад̇амби жирабхаасид̇амби сарид̇аа ануссарид̇аа. яам̣баавусо, бхигку сад̇имаа ход̇и…бз… сарид̇аа ануссарид̇аа. аяамби д̇хаммо наат̇агаран̣о.

‘‘Puna caparaṃ, āvuso, bhikkhu satimā hoti paramena satinepakkena samannāgato cirakatampi cirabhāsitampi saritā anussaritā. Yaṃpāvuso, bhikkhu satimā hoti…pe… saritā anussaritā. Ayampi dhammo nāthakaraṇo.

‘‘буна жабарам̣, аавусо, бхигку бан̃н̃аваа ход̇и, уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаад̣̇угкагкаяаг̇ааминияаа. яам̣баавусо, бхигку бан̃н̃аваа ход̇и…бз… саммаад̣̇угкагкаяаг̇ааминияаа. аяамби д̇хаммо наат̇агаран̣о.

‘‘Puna caparaṃ, āvuso, bhikkhu paññavā hoti, udayatthagāminiyā paññāya samannāgato ariyāya nibbedhikāya sammādukkhakkhayagāminiyā. Yaṃpāvuso, bhikkhu paññavā hoti…pe… sammādukkhakkhayagāminiyā. Ayampi dhammo nāthakaraṇo.

346. д̣̇аса гасин̣ааяад̇анаани. бат̇авийгасин̣амзго сан̃ж̇аанаад̇и, уд̣̇д̇хам̣ ад̇хо д̇ирияам̣ ад̣̇ваяам̣ аббамаан̣ам̣. аабогасин̣амзго сан̃ж̇аанаад̇и…бз… д̇зж̇огасин̣амзго сан̃ж̇аанаад̇и… вааяогасин̣амзго сан̃ж̇аанаад̇и… нийлагасин̣амзго сан̃ж̇аанаад̇и… бийд̇агасин̣амзго сан̃ж̇аанаад̇и… лохид̇агасин̣амзго сан̃ж̇аанаад̇и… од̣̇аад̇агасин̣амзго сан̃ж̇аанаад̇и… аагаасагасин̣амзго сан̃ж̇аанаад̇и… вин̃н̃аан̣агасин̣амзго сан̃ж̇аанаад̇и, уд̣̇д̇хам̣ ад̇хо д̇ирияам̣ ад̣̇ваяам̣ аббамаан̣ам̣.

346. Dasa kasiṇāyatanāni. Pathavīkasiṇameko sañjānāti, uddhaṃ adho tiriyaṃ advayaṃ appamāṇaṃ. Āpokasiṇameko sañjānāti…pe… tejokasiṇameko sañjānāti… vāyokasiṇameko sañjānāti… nīlakasiṇameko sañjānāti… pītakasiṇameko sañjānāti… lohitakasiṇameko sañjānāti… odātakasiṇameko sañjānāti… ākāsakasiṇameko sañjānāti… viññāṇakasiṇameko sañjānāti, uddhaṃ adho tiriyaṃ advayaṃ appamāṇaṃ.

347. ‘‘д̣̇аса агусалагаммабат̇аа – баан̣аад̇ибаад̇о, ад̣̇иннаад̣̇аанам̣, гаамзсумижчаажааро, мусааваад̣̇о, бисун̣аа ваажаа, парусаа ваажаа, сампаббалаабо, абхиж̇жхаа, б̣яаабаад̣̇о, мижчаад̣̇идти.

347. ‘‘Dasa akusalakammapathā – pāṇātipāto, adinnādānaṃ, kāmesumicchācāro, musāvādo, pisuṇā vācā, pharusā vācā, samphappalāpo, abhijjhā, byāpādo, micchādiṭṭhi.

‘‘д̣̇аса гусалагаммабат̇аа – баан̣аад̇ибаад̇аа взраман̣ий, ад̣̇иннаад̣̇аанаа взраман̣ий, гаамзсумижчаажаараа взраман̣ий, мусааваад̣̇аа взраман̣ий, бисун̣ааяа ваажааяа взраман̣ий, парусааяа ваажааяа взраман̣ий, сампаббалаабаа взраман̣ий, анабхиж̇жхаа, аб̣яаабаад̣̇о, саммаад̣̇идти.

‘‘Dasa kusalakammapathā – pāṇātipātā veramaṇī, adinnādānā veramaṇī, kāmesumicchācārā veramaṇī, musāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī, anabhijjhā, abyāpādo, sammādiṭṭhi.

348. ‘‘д̣̇аса арияаваасаа. ид̇хаавусо, бхигку бан̃жан̇г̇авиббахийно ход̇и, чал̣ан̇г̇асаманнааг̇ад̇о, згаарагко, жад̇ураабассзно, бан̣уннабажжзгасажжо, самаваяасадтзсано, анаавиласан̇габбо, бассад̣̇д̇хагааяасан̇кааро, сувимуд̇д̇ажид̇д̇о, сувимуд̇д̇абан̃н̃о.

348. ‘‘Dasa ariyavāsā. Idhāvuso, bhikkhu pañcaṅgavippahīno hoti, chaḷaṅgasamannāgato, ekārakkho, caturāpasseno, paṇunnapaccekasacco, samavayasaṭṭhesano, anāvilasaṅkappo, passaddhakāyasaṅkhāro, suvimuttacitto, suvimuttapañño.

‘‘гат̇ан̃жаавусо, бхигку бан̃жан̇г̇авиббахийно ход̇и? ид̇хаавусо, бхигкуно гаамажчанд̣̇о бахийно ход̇и, б̣яаабаад̣̇о бахийно ход̇и, т̇инамид̣̇д̇хам̣ бахийнам̣ ход̇и, уд̣̇д̇хажжагугужжам̣ бахийнам̣ ход̇и, вижигижчаа бахийнаа ход̇и. звам̣ ко, аавусо, бхигку бан̃жан̇г̇авиббахийно ход̇и.

‘‘Kathañcāvuso, bhikkhu pañcaṅgavippahīno hoti? Idhāvuso, bhikkhuno kāmacchando pahīno hoti, byāpādo pahīno hoti, thinamiddhaṃ pahīnaṃ hoti, uddhaccakukuccaṃ pahīnaṃ hoti, vicikicchā pahīnā hoti. Evaṃ kho, āvuso, bhikkhu pañcaṅgavippahīno hoti.

‘‘гат̇ан̃жаавусо, бхигку чал̣ан̇г̇асаманнааг̇ад̇о ход̇и? ид̇хаавусо, бхигку жагкунаа руубам̣ д̣̇исваа нзва сумано ход̇и на д̣̇уммано, убзгкаго вихарад̇и сад̇о самбаж̇аано. сод̇зна сад̣̇д̣̇ам̣ суд̇ваа…бз… манасаа д̇хаммам̣ вин̃н̃ааяа нзва сумано ход̇и на д̣̇уммано, убзгкаго вихарад̇и сад̇о самбаж̇аано. звам̣ ко, аавусо, бхигку чал̣ан̇г̇асаманнааг̇ад̇о ход̇и.

‘‘Kathañcāvuso, bhikkhu chaḷaṅgasamannāgato hoti? Idhāvuso, bhikkhu cakkhunā rūpaṃ disvā neva sumano hoti na dummano, upekkhako viharati sato sampajāno. Sotena saddaṃ sutvā…pe… manasā dhammaṃ viññāya neva sumano hoti na dummano, upekkhako viharati sato sampajāno. Evaṃ kho, āvuso, bhikkhu chaḷaṅgasamannāgato hoti.

‘‘гат̇ан̃жаавусо , бхигку згаарагко ход̇и? ид̇хаавусо, бхигку сад̇аарагкзна жзд̇асаа саманнааг̇ад̇о ход̇и. звам̣ ко, аавусо, бхигку згаарагко ход̇и .

‘‘Kathañcāvuso , bhikkhu ekārakkho hoti? Idhāvuso, bhikkhu satārakkhena cetasā samannāgato hoti. Evaṃ kho, āvuso, bhikkhu ekārakkho hoti .

‘‘гат̇ан̃жаавусо, бхигку жад̇ураабассзно ход̇и? ид̇хаавусо, бхигку сан̇кааязгам̣ бадисзвад̇и, сан̇кааязгам̣ ад̇хиваасзд̇и, сан̇кааязгам̣ бариваж̇ж̇зд̇и, сан̇кааязгам̣ винод̣̇зд̇и. звам̣ ко, аавусо, бхигку жад̇ураабассзно ход̇и.

‘‘Kathañcāvuso, bhikkhu caturāpasseno hoti? Idhāvuso, bhikkhu saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodeti. Evaṃ kho, āvuso, bhikkhu caturāpasseno hoti.

‘‘гат̇ан̃жаавусо, бхигку бан̣уннабажжзгасажжо ход̇и? ид̇хаавусо, бхигкуно яаани д̇аани бут̇усаман̣аб̣раахман̣аанам̣ бут̇убажжзгасажжаани, саб̣б̣аани д̇аани нуннаани хонд̇и бан̣уннаани жад̇д̇аани ванд̇аани муд̇д̇аани бахийнаани бадиниссадтаани. звам̣ ко, аавусо, бхигку бан̣уннабажжзгасажжо ход̇и.

‘‘Kathañcāvuso, bhikkhu paṇunnapaccekasacco hoti? Idhāvuso, bhikkhuno yāni tāni puthusamaṇabrāhmaṇānaṃ puthupaccekasaccāni, sabbāni tāni nunnāni honti paṇunnāni cattāni vantāni muttāni pahīnāni paṭinissaṭṭhāni. Evaṃ kho, āvuso, bhikkhu paṇunnapaccekasacco hoti.

‘‘гат̇ан̃жаавусо , бхигку самаваяасадтзсано ход̇и? ид̇хаавусо, бхигкуно гаамзсанаа бахийнаа ход̇и, бхавзсанаа бахийнаа ход̇и, б̣рахмажариязсанаа бадиббассад̣̇д̇хаа. звам̣ ко, аавусо, бхигку самаваяасадтзсано ход̇и.

‘‘Kathañcāvuso , bhikkhu samavayasaṭṭhesano hoti? Idhāvuso, bhikkhuno kāmesanā pahīnā hoti, bhavesanā pahīnā hoti, brahmacariyesanā paṭippassaddhā. Evaṃ kho, āvuso, bhikkhu samavayasaṭṭhesano hoti.

‘‘гат̇ан̃жаавусо, бхигку анаавиласан̇габбо ход̇и? ид̇хаавусо, бхигкуно гаамасан̇габбо бахийно ход̇и, б̣яаабаад̣̇асан̇габбо бахийно ход̇и, вихим̣саасан̇габбо бахийно ход̇и. звам̣ ко, аавусо, бхигку анаавиласан̇габбо ход̇и.

‘‘Kathañcāvuso, bhikkhu anāvilasaṅkappo hoti? Idhāvuso, bhikkhuno kāmasaṅkappo pahīno hoti, byāpādasaṅkappo pahīno hoti, vihiṃsāsaṅkappo pahīno hoti. Evaṃ kho, āvuso, bhikkhu anāvilasaṅkappo hoti.

‘‘гат̇ан̃жаавусо, бхигку бассад̣̇д̇хагааяасан̇кааро ход̇и ? ид̇хаавусо, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. звам̣ ко, аавусо, бхигку бассад̣̇д̇хагааяасан̇кааро ход̇и.

‘‘Kathañcāvuso, bhikkhu passaddhakāyasaṅkhāro hoti ? Idhāvuso, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Evaṃ kho, āvuso, bhikkhu passaddhakāyasaṅkhāro hoti.

‘‘гат̇ан̃жаавусо, бхигку сувимуд̇д̇ажид̇д̇о ход̇и? ид̇хаавусо, бхигкуно рааг̇аа жид̇д̇ам̣ вимуд̇д̇ам̣ ход̇и, д̣̇осаа жид̇д̇ам̣ вимуд̇д̇ам̣ ход̇и, мохаа жид̇д̇ам̣ вимуд̇д̇ам̣ ход̇и. звам̣ ко, аавусо, бхигку сувимуд̇д̇ажид̇д̇о ход̇и.

‘‘Kathañcāvuso, bhikkhu suvimuttacitto hoti? Idhāvuso, bhikkhuno rāgā cittaṃ vimuttaṃ hoti, dosā cittaṃ vimuttaṃ hoti, mohā cittaṃ vimuttaṃ hoti. Evaṃ kho, āvuso, bhikkhu suvimuttacitto hoti.

‘‘гат̇ан̃жаавусо, бхигку сувимуд̇д̇абан̃н̃о ход̇и? ид̇хаавусо, бхигку ‘рааг̇о мз бахийно ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо’д̇и баж̇аанаад̇и. ‘д̣̇осо мз бахийно ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо’д̇и баж̇аанаад̇и. ‘мохо мз бахийно ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо’д̇и баж̇аанаад̇и. звам̣ ко, аавусо, бхигку сувимуд̇д̇абан̃н̃о ход̇и.

‘‘Kathañcāvuso, bhikkhu suvimuttapañño hoti? Idhāvuso, bhikkhu ‘rāgo me pahīno ucchinnamūlo tālāvatthukato anabhāvaṃkato āyatiṃ anuppādadhammo’ti pajānāti. ‘Doso me pahīno ucchinnamūlo tālāvatthukato anabhāvaṃkato āyatiṃ anuppādadhammo’ti pajānāti. ‘Moho me pahīno ucchinnamūlo tālāvatthukato anabhāvaṃkato āyatiṃ anuppādadhammo’ti pajānāti. Evaṃ kho, āvuso, bhikkhu suvimuttapañño hoti.

‘‘д̣̇аса асзгкаа д̇хаммаа – асзгкаа саммаад̣̇идти, асзгко саммаасан̇габбо, асзгкаа саммааваажаа, асзгко саммаагамманд̇о, асзгко саммааааж̇ийво, асзгко саммаавааяаамо, асзгкаа саммаасад̇и, асзгко саммаасамаад̇хи, асзгкам̣ саммаан̃аан̣ам̣, асзгкаа саммаавимуд̇д̇и.

‘‘Dasa asekkhā dhammā – asekkhā sammādiṭṭhi, asekkho sammāsaṅkappo, asekkhā sammāvācā, asekkho sammākammanto, asekkho sammāājīvo, asekkho sammāvāyāmo, asekkhā sammāsati, asekkho sammāsamādhi, asekkhaṃ sammāñāṇaṃ, asekkhā sammāvimutti.

‘‘имз ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̣̇аса д̇хаммаа саммад̣̇агкаад̇аа. д̇ад̇т̇а саб̣б̣зхзва сан̇г̇ааяид̇аб̣б̣ам̣ на вивад̣̇ид̇аб̣б̣ам̣, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’’нд̇и.

‘‘Ime kho, āvuso, tena bhagavatā jānatā passatā arahatā sammāsambuddhena dasa dhammā sammadakkhātā. Tattha sabbeheva saṅgāyitabbaṃ na vivaditabbaṃ, yathayidaṃ brahmacariyaṃ addhaniyaṃ assa ciraṭṭhitikaṃ, tadassa bahujanahitāya bahujanasukhāya lokānukampāya atthāya hitāya sukhāya devamanussāna’’nti.

349. ат̇а ко бхаг̇аваа удтахид̇ваа ааяасманд̇ам̣ саарибуд̇д̇ам̣ ааманд̇зси – ‘саад̇ху саад̇ху, саарибуд̇д̇а, саад̇ху ко д̇вам̣, саарибуд̇д̇а, бхигкуунам̣ сан̇г̇ийд̇ибарияааяам̣ абхаасий’д̇и. ид̣̇амавожааяасмаа саарибуд̇д̇о, саманун̃н̃о сад̇т̇аа ахоси. ад̇д̇аманаа д̇з бхигкуу ааяасмад̇о саарибуд̇д̇асса бхаасид̇ам̣ абхинанд̣̇унд̇и.

349. Atha kho bhagavā uṭṭhahitvā āyasmantaṃ sāriputtaṃ āmantesi – ‘sādhu sādhu, sāriputta, sādhu kho tvaṃ, sāriputta, bhikkhūnaṃ saṅgītipariyāyaṃ abhāsī’ti. Idamavocāyasmā sāriputto, samanuñño satthā ahosi. Attamanā te bhikkhū āyasmato sāriputtassa bhāsitaṃ abhinandunti.

сан̇г̇ийд̇исуд̇д̇ам̣ нидтид̇ам̣ д̣̇асамам̣.

Saṅgītisuttaṃ niṭṭhitaṃ dasamaṃ.

Next: 11. д̣̇асуд̇д̇арасуд̇д̇ам̣ • 11. Dasuttarasuttaṃ

Footnotes:

1. сант̇ааг̇аарам̣ (сий. бий.), сан̣тааг̇аарам̣ (сяаа. гам̣.)

2. анаж̇жхаавуд̇т̇ам̣ (сий. сяаа. бий. га.)

3. santhāgāraṃ (sī. pī.), saṇṭhāgāraṃ (syā. kaṃ.)

4. anajjhāvutthaṃ (sī. syā. pī. ka.)

5. саб̣б̣асант̇арим̣ сант̇ад̇ам̣ (га.)

6. саб̣б̣асант̇арим̣ сант̇ад̇ам̣ (сий. бий. га.)

7. sabbasanthariṃ santhataṃ (ka.)

8. sabbasanthariṃ santhataṃ (sī. pī. ka.)

9. виг̇ад̇ат̇ийнамид̣̇д̇хо (сий. сяаа. гам̣. бий.)

10. ааяамзяяаамийд̇и (сяаа. гам̣.)

11. vigatathīnamiddho (sī. syā. kaṃ. pī.)

12. āyameyyāmīti (syā. kaṃ.)

13. д̣̇д̇хзл̣хагаж̇аад̇аа (сяаа. гам̣.)

14. вижаранд̇и (сяаа. гам̣.)

15. язби д̇з (сий. бий.)

16. ddheḷhakajātā (syā. kaṃ.)

17. vicaranti (syā. kaṃ.)

18. yepi te (sī. pī.)

19. асмаагам̣ (бий.)

20. бхаг̇авад̇о (га. сий.)

21. asmākaṃ (pī.)

22. bhagavato (ka. sī.)

23. бхаг̇авад̇о (га. сий.)

24. bhagavato (ka. sī.)

25. д̣̇вз д̇хаммо (сяаа. гам̣.) звамубариби

26. dve dhammo (syā. kaṃ.) evamuparipi

27. ахирийган̃жа (гад̇т̇ажи)

28. ahirīkañca (katthaci)

29. бадисанд̇хаанаб̣алан̃жа (сяаа.)

30. paṭisandhānabalañca (syā.)

31. д̇иссо ган̇каа (б̣ахуусу) адтагат̇аа ологзд̇аб̣б̣аа

32. tisso kaṅkhā (bahūsu) aṭṭhakathā oloketabbā

33. санид̣̇ассанасаббадигхаруубам̣ (сяаа. гам̣.) звамид̇арад̣̇ваязби

34. sanidassanasappaṭigharūpaṃ (syā. kaṃ.) evamitaradvayepi

35. саммад̇ит̇зро (сяаа. гам̣.)

36. sammatithero (syā. kaṃ.)

37. гаамуббад̇д̇ияо (сий.), гаамубабад̇д̇ияо (сяаа. бий. га.)

38. kāmuppattiyo (sī.), kāmupapattiyo (syā. pī. ka.)

39. сукубабад̇д̇ияо (сяаа. бий. га.)

40. сад̇д̇аа сукам̣ (сяаа. гам̣.)

41. санд̇усид̇аа (сяаа. гам̣.)

42. жид̇д̇асукам̣ (сяаа. га.)

43. sukhupapattiyo (syā. pī. ka.)

44. sattā sukhaṃ (syā. kaṃ.)

45. santusitā (syā. kaṃ.)

46. cittasukhaṃ (syā. ka.)

47. батамаж̇жхаанам̣ (сяаа. гам̣.)

48. д̣̇уд̇ияаж̇жхаанам̣ (сяаа. гам̣.)

49. д̇ад̇ияаж̇жхаанам̣ (сяаа. гам̣.)

50. жад̇уд̇т̇аж̇жхаанам̣ (сяаа. гам̣.)

51. paṭhamajjhānaṃ (syā. kaṃ.)

52. dutiyajjhānaṃ (syā. kaṃ.)

53. tatiyajjhānaṃ (syā. kaṃ.)

54. catutthajjhānaṃ (syā. kaṃ.)

55. аб̣яаабаж̇жхзна (сий. сяаа. гам̣. бий.)

56. abyāpajjhena (sī. syā. kaṃ. pī.)

57. аруубаа (сяаа. гам̣. бий.)

58. arūpā (syā. kaṃ. pī.)

59. аг̇ат̇ид̇о (сий. бий.)

60. agathito (sī. pī.)

61. бхааванааббад̇хаанам̣ (сяаа.)

62. анурагканааббад̇хаанам̣ (сяаа.)

63. bhāvanāppadhānaṃ (syā.)

64. anurakkhanāppadhānaṃ (syā.)

65. б̣яанд̇ий гарод̇и (сяаа. гам̣.)

66. byantī karoti (syā. kaṃ.)

67. бхад̣̇д̣̇агам̣ (сяаа. гам̣. бий.)

68. бул̣авагасан̃н̃ам̣ (сий. бий.)

69. bhaddakaṃ (syā. kaṃ. pī.)

70. puḷavakasaññaṃ (sī. pī.)

71. барижжз (сий. га.), барижчзд̣̇з (сяаа. бий. га.) дийгаа ологзд̇аб̣б̣аа

72. саммад̇ин̃аан̣ам̣ (сяаа. гам̣.)

73. paricce (sī. ka.), paricchede (syā. pī. ka.) ṭīkā oloketabbā

74. sammatiñāṇaṃ (syā. kaṃ.)

75. обанаяиго (сяаа. гам̣.)

76. opanayiko (syā. kaṃ.)

77. руубаараман̣ам̣ (?)

78. rūpāramaṇaṃ (?)

79. жад̇д̇ааро бан̃хааб̣яаагаран̣аа (сий. сяаа. гам̣. бий.)

80. cattāro pañhābyākaraṇā (sī. syā. kaṃ. pī.)

81. гаамуубаад̣̇аанам̣ (сий. бий.) звамид̇арзсуби

82. kāmūpādānaṃ (sī. pī.) evamitaresupi

83. бияаваж̇ж̇ам̣ (сяаа. гам̣. га.)

84. piyavajjaṃ (syā. kaṃ. ka.)

85. взраман̣и (га.)

86. veramaṇi (ka.)

87. сийд̇ибхууд̇о (га.)

88. sītibhūto (ka.)

89. руубуубаад̣̇аанагканд̇хо (сий. сяаа. гам̣. бий.) звамид̇арзсуби

90. rūpūpādānakkhandho (sī. syā. kaṃ. pī.) evamitaresupi

91. аад̣̇аад̇ум̣ (сяаа. гам̣. бий.)

92. ādātuṃ (syā. kaṃ. pī.)

93. мзд̇д̇аажид̇д̇зна (гад̇т̇ажи)

94. mettācittena (katthaci)

95. ниссааран̣ийяаа (сий. сяаа. гам̣. бий.) дийгаа ологзд̇аб̣б̣аа

96. вигхаад̇абарил̣аахаа (сяаа. гам̣.)

97. nissāraṇīyā (sī. syā. kaṃ. pī.) ṭīkā oloketabbā

98. vighātapariḷāhā (syā. kaṃ.)

99. сан̇г̇ид̇ияабан̃жагам̣ нидтид̇ам̣ (сяаа. гам̣.)

100. saṅgitiyapañcakaṃ niṭṭhitaṃ (syā. kaṃ.)

101. бадисанд̇хаарз (га.)

102. paṭisandhāre (ka.)

103. убзгкаатаанияам̣ (га.)

104. upekkhāṭhāniyaṃ (ka.)

105. аавий (га. сий. бий. га.)

106. āvī (ka. sī. pī. ka.)

107. барибуурийгаарий (сяаа. гам̣.)

108. paripūrīkārī (syā. kaṃ.)

109. вигхаад̇ам̣ (сий. бий.), виг̇ад̇з (сяаа. га.)

110. вигхаад̇з (сий. бий.)

111. vighātaṃ (sī. pī.), vigate (syā. ka.)

112. vighāte (sī. pī.)

113. убзгкаго жа (сяаа. га.)

114. upekkhako ca (syā. ka.)

115. ниб̣б̣зд̇хабхааг̇ияасан̃н̃аа (сяаа. гам̣.)

116. nibbedhabhāgiyasaññā (syā. kaṃ.)

117. гаамасан̃н̃ож̇анам̣ (сяаа. гам̣.)

118. kāmasaññojanaṃ (syā. kaṃ.)

119. г̇илаанавудтид̇о (сад̣̇д̣̇анийд̇и) а. ни. 6.16 нагулабид̇усуд̇д̇адийгаа бассид̇аб̣б̣аа

120. gilānavuṭṭhito (saddanīti) a. ni. 6.16 nakulapitusuttaṭīkā passitabbā

121. бажжаасим̣сад̇и (сий. сяаа. гам̣. бий.)

122. paccāsiṃsati (sī. syā. kaṃ. pī.)

123. жаад̇уммахаарааж̇игаа (сий. сяаа. бий.)

124. cātummahārājikā (sī. syā. pī.)

125. звамзвам̣ (га.)

126. evamevaṃ (ka.)

127. ган̣н̣игаарабубпам̣ (сяаа. гам̣.)

128. kaṇṇikārapupphaṃ (syā. kaṃ.)

129. ажарийд̇и (сяаа. га.) звам̣ ‘‘жарад̇и жариссад̇и’’ бад̣̇зсуби

130. acarīti (syā. ka.) evaṃ ‘‘carati carissati’’ padesupi

131. асан̃н̃исад̇д̇аа (сяаа. гам̣.)

132. asaññisattā (syā. kaṃ.)

133. самад̇иггамма санд̇амзд̇ам̣ бан̣ийд̇амзд̇анд̇и (сяаа. гам̣.)

134. samatikkamma santametaṃ paṇītametanti (syā. kaṃ.)

135. милагкагзсу (сяаа. гам̣.) милагкуусу (га.)

136. milakkhakesu (syā. kaṃ.) milakkhūsu (ka.)

137. сугада д̣̇уггадаанам̣ (сий. бий.)

138. sukaṭa dukkaṭānaṃ (sī. pī.)

139. гад̇т̇ажи нагааро на д̣̇иссад̇и

140. katthaci nakāro na dissati

141. саад̇т̇ам̣ саб̣яан̃ж̇анам̣ (сий. сяаа. бий.)

142. д̇хад̇аа (га. сий. сяаа. гам̣.)

143. sātthaṃ sabyañjanaṃ (sī. syā. pī.)

144. dhatā (ka. sī. syā. kaṃ.)

145. ул̣аарабаамуж̇ж̇о (сий. бий.), ол̣аарабаамож̇ж̇о (сяаа. гам̣.)

146. ул̣аарабаамуж̇ж̇о (сий. бий.), ол̣аарабаамож̇ж̇о (сяаа. гам̣.)

147. uḷārapāmujjo (sī. pī.), oḷārapāmojjo (syā. kaṃ.)

148. uḷārapāmujjo (sī. pī.), oḷārapāmojjo (syā. kaṃ.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 10. сан̇г̇ийд̇исуд̇д̇аван̣н̣анаа • 10. Saṅgītisuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 10. сан̇г̇ийд̇исуд̇д̇аван̣н̣анаа • 10. Saṅgītisuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact