Library / Tipiṭaka / তিপিটক • Tipiṭaka / পট্ঠানপাল়ি • Paṭṭhānapāḷi

    ২২. সনিদস্সনসপ্পটিঘত্তিকং

    22. Sanidassanasappaṭighattikaṃ

    ১. পটিচ্চৰারো

    1. Paṭiccavāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ১. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং। অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনং পটিচ্চ চক্খাযতনং…পে॰… রসাযতনং…পে॰…। (১)

    1. Anidassanasappaṭighaṃ dhammaṃ paṭicca anidassanasappaṭigho dhammo uppajjati hetupaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ…pe…. (1)

    অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনং পটিচ্চ রূপাযতনং। (২)

    Anidassanasappaṭighaṃ dhammaṃ paṭicca sanidassanasappaṭigho dhammo uppajjati hetupaccayā – anidassanasappaṭighe mahābhūte paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ. (2)

    অনিদস্সনসপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি হেতুপচ্চযা – অনিদস্সনসপ্পটিঘে মহাভূতে পটিচ্চ অনিদস্সনঅপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনং পটিচ্চ আপোধাতু, ইত্থিন্দ্রিযং…পে॰… কবল়ীকারো আহারো। (৩)

    Anidassanasappaṭighaṃ dhammaṃ paṭicca anidassanaappaṭigho dhammo uppajjati hetupaccayā – anidassanasappaṭighe mahābhūte paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca āpodhātu, itthindriyaṃ…pe… kabaḷīkāro āhāro. (3)

    অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনং পটিচ্চ রূপাযতনং, আপোধাতু, ইন্দ্রিযং…পে॰… কবল়ীকারো আহারো। (৪)

    Anidassanasappaṭighaṃ dhammaṃ paṭicca sanidassanasappaṭigho ca anidassanaappaṭigho ca dhammā uppajjanti hetupaccayā – anidassanasappaṭighe mahābhūte paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ, āpodhātu, indriyaṃ…pe… kabaḷīkāro āhāro. (4)

    অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা আপোধাতু চ, দ্ৰে মহাভূতে পটিচ্চ একং মহাভূতং আপোধাতু চ। অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনং পটিচ্চ চক্খাযতনং…পে॰… রসাযতনং, আপোধাতু, ইত্থিন্দ্রিযং…পে॰… কবল়ীকারো আহারো। (৫)

    Anidassanasappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā uppajjanti hetupaccayā – anidassanasappaṭighaṃ ekaṃ mahābhūtaṃ paṭicca dve mahābhūtā āpodhātu ca, dve mahābhūte paṭicca ekaṃ mahābhūtaṃ āpodhātu ca. Anidassanasappaṭighe mahābhūte paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ, āpodhātu, itthindriyaṃ…pe… kabaḷīkāro āhāro. (5)

    অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনং পটিচ্চ রূপাযতনং, চক্খাযতনং…পে॰… রসাযতনং। (৬)

    Anidassanasappaṭighaṃ dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā – anidassanasappaṭighe mahābhūte paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ, cakkhāyatanaṃ…pe… rasāyatanaṃ. (6)

    অনিদস্সনসপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনসপ্পটিঘে মহাভূতে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনং পটিচ্চ রূপাযতনং, চক্খাযতনং…পে॰… রসাযতনং, আপোধাতু, ইত্থিন্দ্রিযং…পে॰… কবল়ীকারো আহারো। (৭)

    Anidassanasappaṭighaṃ dhammaṃ paṭicca sanidassanasappaṭigho ca anidassanasappaṭigho ca anidassanaappaṭigho ca dhammā uppajjanti hetupaccayā – anidassanasappaṭighe mahābhūte paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ, cakkhāyatanaṃ…pe… rasāyatanaṃ, āpodhātu, itthindriyaṃ…pe… kabaḷīkāro āhāro. (7)

    ২. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ চিত্তসমুট্ঠানং রূপং…পে॰… দ্ৰে খন্ধে পটিচ্চ দ্ৰে খন্ধা অনিদস্সনঅপ্পটিঘঞ্চ চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ কটত্তারূপং…পে॰… দ্ৰে খন্ধে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা। আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং রূপং কটত্তারূপং উপাদারূপং। আপোধাতুং পটিচ্চ ইত্থিন্দ্রিযং…পে॰… কবল়ীকারো আহারো। (১)

    2. Anidassanaappaṭighaṃ dhammaṃ paṭicca anidassanaappaṭigho dhammo uppajjati hetupaccayā – anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca cittasamuṭṭhānaṃ rūpaṃ…pe… dve khandhe paṭicca dve khandhā anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca kaṭattārūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. (1)

    অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘং চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘং কটত্তারূপং। আপোধাতুং পটিচ্চ সনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। আপোধাতুং পটিচ্চ রূপাযতনং। (২)

    Anidassanaappaṭighaṃ dhammaṃ paṭicca sanidassanasappaṭigho dhammo uppajjati hetupaccayā – anidassanaappaṭighe khandhe paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca sanidassanasappaṭighaṃ kaṭattārūpaṃ. Āpodhātuṃ paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ. (2)

    অনিদস্সনঅপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে পটিচ্চ অনিদস্সনসপ্পটিঘং চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে পটিচ্চ অনিদস্সনসপ্পটিঘং কটত্তারূপং। আপোধাতুং পটিচ্চ অনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। আপোধাতুং পটিচ্চ চক্খাযতনং…পে॰… রসাযতনং। (৩)

    Anidassanaappaṭighaṃ dhammaṃ paṭicca anidassanasappaṭigho dhammo uppajjati hetupaccayā – anidassanaappaṭighe khandhe paṭicca anidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca anidassanasappaṭighaṃ kaṭattārūpaṃ. Āpodhātuṃ paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca cakkhāyatanaṃ…pe… rasāyatanaṃ. (3)

    অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং…পে॰… দ্ৰে খন্ধে…পে॰… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা। সনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং…পে॰… দ্ৰে খন্ধে…পে॰… আপোধাতুং পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং। আপোধাতুং পটিচ্চ রূপাযতনং, ইত্থিন্দ্রিযং…পে॰… কবল়ীকারো আহারো। (৪)

    Anidassanaappaṭighaṃ dhammaṃ paṭicca sanidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanaappaṭighañca cittasamuṭṭhānaṃ rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā. Sanidassanasappaṭighañca anidassanaappaṭighañca kaṭattārūpaṃ…pe… dve khandhe…pe… āpodhātuṃ paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ, itthindriyaṃ…pe… kabaḷīkāro āhāro. (4)

    অনিদস্সনঅপ্পটিঘং ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং…পে॰… দ্ৰে খন্ধে…পে॰… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং…পে॰… দ্ৰে খন্ধে…পে॰… আপোধাতুং পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং। আপোধাতুং পটিচ্চ চক্খাযতনং…পে॰… রসাযতনং, ইত্থিন্দ্রিযং…পে॰… কবল়ীকারো আহারো। (৫)

    Anidassanaappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighaṃ ekaṃ khandhaṃ paṭicca tayo khandhā anidassanasappaṭighañca anidassanaappaṭighañca cittasamuṭṭhānaṃ rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanasappaṭighañca anidassanaappaṭighañca kaṭattārūpaṃ…pe… dve khandhe…pe… āpodhātuṃ paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (5)

    অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ কটত্তারূপং। আপোধাতুং পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং। আপোধাতুং পটিচ্চ রূপাযতনং, চক্খাযতনং…পে॰… রসাযতনং। (৬)

    Anidassanaappaṭighaṃ dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā – anidassanaappaṭighe khandhe paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca sanidassanasappaṭighañca anidassanasappaṭighañca kaṭattārūpaṃ. Āpodhātuṃ paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ, cakkhāyatanaṃ…pe… rasāyatanaṃ. (6)

    অনিদস্সনঅপ্পটিঘং ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং…পে॰… দ্ৰে খন্ধে…পে॰… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং…পে॰… দ্ৰে খন্ধে…পে॰… আপোধাতুং পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং। আপোধাতুং পটিচ্চ রূপাযতনং চক্খাযতনং…পে॰… রসাযতনং, ইত্থিন্দ্রিযং…পে॰… কবল়ীকারো আহারো। (৭)

    Anidassanaappaṭighaṃ dhammaṃ paṭicca sanidassanasappaṭigho ca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanasappaṭighañca anidassanaappaṭighañca kaṭattārūpaṃ…pe… dve khandhe…pe… āpodhātuṃ paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (7)

    ৩. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং কটত্তারূপং। অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং। (১)

    3. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati hetupaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. (1)

    অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনসপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘং চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘং কটত্তারূপং। অনিদস্সনসপ্পটিঘং একং মহাভূতঞ্চ আপোধাতুঞ্চ পটিচ্চ দ্ৰে মহাভূতা, দ্ৰে মহাভূতে চ আপোধাতুঞ্চ পটিচ্চ একং মহাভূতং। অনিদস্সনসপ্পটিঘে মহাভূতে চ আপোধাতুঞ্চ পটিচ্চ অনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনঞ্চ আপোধাতুঞ্চ পটিচ্চ চক্খাযতনং…পে॰… রসাযতনং। (২)

    Anidassanasappaṭighañca anidassanaappaṭighañca dhammaṃ paṭicca anidassanasappaṭigho dhammo uppajjati hetupaccayā – anidassanaappaṭighe khandhe ca mahābhūte ca paṭicca anidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca anidassanasappaṭighaṃ kaṭattārūpaṃ. Anidassanasappaṭighaṃ ekaṃ mahābhūtañca āpodhātuñca paṭicca dve mahābhūtā, dve mahābhūte ca āpodhātuñca paṭicca ekaṃ mahābhūtaṃ. Anidassanasappaṭighe mahābhūte ca āpodhātuñca paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca cakkhāyatanaṃ…pe… rasāyatanaṃ. (2)

    অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনঅপ্পটিঘং চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনঅপ্পটিঘং কটত্তারূপং। অনিদস্সনসপ্পটিঘে মহাভূতে চ আপোধাতুঞ্চ পটিচ্চ অনিদস্সনঅপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনঞ্চ আপোধাতুঞ্চ পটিচ্চ ইত্থিন্দ্রিযং…পে॰… কবল়ীকারো আহারো। (৩)

    Anidassanasappaṭighañca anidassanaappaṭighañca dhammaṃ paṭicca anidassanaappaṭigho dhammo uppajjati hetupaccayā – anidassanaappaṭighe khandhe ca mahābhūte ca paṭicca anidassanaappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca anidassanaappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca itthindriyaṃ…pe… kabaḷīkāro āhāro. (3)

    অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং । অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং, ইত্থিন্দ্রিযং…পে॰… কবল়ীকারো আহারো। (৪)

    Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighañca anidassanaappaṭighañca kaṭattārūpaṃ . Anidassanasappaṭighe mahābhūte ca āpodhātuñca paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ, itthindriyaṃ…pe… kabaḷīkāro āhāro. (4)

    অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং। অনিদস্সনসপ্পটিঘে মহাভূতে চ আপোধাতুঞ্চ পটিচ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটতারূপং উপাদারূপং। ফোট্ঠব্বাযতনঞ্চ আপোধাতুঞ্চ পটিচ্চ চক্খাযতনং…পে॰… রসাযতনং, ইত্থিন্দ্রিযং…পে॰… কবল়ীকারো আহারো। (৫)

    Anidassanasappaṭighañca anidassanaappaṭighañca dhammaṃ paṭicca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca anidassanasappaṭighañca anidassanaappaṭighañca kaṭattārūpaṃ. Anidassanasappaṭighe mahābhūte ca āpodhātuñca paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭatārūpaṃ upādārūpaṃ. Phoṭṭhabbāyatanañca āpodhātuñca paṭicca cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (5)

    অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ কটত্তারূপং। অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং, চক্খাযতনং…পে॰… রসাযতনং। (৬)

    Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ, cakkhāyatanaṃ…pe… rasāyatanaṃ. (6)

    অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ কটত্তারূপং। অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘঞ্চ অনিদস্সনসপ্পটিঘঞ্চ অনিদস্সনঅপ্পটিঘঞ্চ চিত্তসমুট্ঠানং রূপং কটত্তারূপং উপাদারূপং । ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং, চক্খাযতনং…পে॰… রসাযতনং, ইত্থিন্দ্রিযং…পে॰… কবল়ীকারো আহারো। (৭)

    Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca anidassanaappaṭighañca kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ . Phoṭṭhabbāyatanañca āpodhātuñca paṭicca rūpāyatanaṃ, cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (7)

    আরম্মণপচ্চযো

    Ārammaṇapaccayo

    ৪. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি আরম্মণপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা…পে॰… দ্ৰে খন্ধে …পে॰… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা…পে॰… দ্ৰে খন্ধে…পে॰… ৰত্থুং পটিচ্চ খন্ধা। (১)

    4. Anidassanaappaṭighaṃ dhammaṃ paṭicca anidassanaappaṭigho dhammo uppajjati ārammaṇapaccayā – anidassanaappaṭighaṃ ekaṃ khandhaṃ paṭicca tayo khandhā…pe… dve khandhe …pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā…pe… dve khandhe…pe… vatthuṃ paṭicca khandhā. (1)

    অধিপতিপচ্চযো

    Adhipatipaccayo

    ৫. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অধিপতিপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং। অনিদস্সনসপ্পটিঘে মহাভূতে পটিচ্চ চিত্তসমুট্ঠানং রূপং উপাদারূপং। (১)

    5. Anidassanasappaṭighaṃ dhammaṃ paṭicca anidassanasappaṭigho dhammo uppajjati adhipatipaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca cittasamuṭṭhānaṃ rūpaṃ upādārūpaṃ. (1)

    (অনিদস্সনসপ্পটিঘমূলকে ইমিনা কারণেন সত্ত পঞ্হা ৰিভজিতব্বা, পরিযোসানপদা নত্থি।)

    (Anidassanasappaṭighamūlake iminā kāraṇena satta pañhā vibhajitabbā, pariyosānapadā natthi.)

    ৬. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অধিপতিপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ চিত্তসমুট্ঠানং রূপং…পে॰… দ্ৰে খন্ধে…পে॰… আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং রূপং উপাদারূপং।

    6. Anidassanaappaṭighaṃ dhammaṃ paṭicca anidassanaappaṭigho dhammo uppajjati adhipatipaccayā – anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca cittasamuṭṭhānaṃ rūpaṃ…pe… dve khandhe…pe… āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ upādārūpaṃ.

    (ইমিনা কারণেন অনিদস্সনঅপ্পটিঘমূলকে সত্ত পঞ্হা ৰিভজিতব্বা, নিট্ঠানপদা নত্থি।)

    (Iminā kāraṇena anidassanaappaṭighamūlake satta pañhā vibhajitabbā, niṭṭhānapadā natthi.)

    ৭. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি অধিপতিপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং রূপং। অনিদস্সনঅপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং রূপং উপাদারূপং।

    7. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati adhipatipaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Anidassanaappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ upādārūpaṃ.

    (ইমিনা কারণেন সত্তপি পঞ্হা ৰিভজিতব্বা।)

    (Iminā kāraṇena sattapi pañhā vibhajitabbā.)

    অনন্তর-সমনন্তরপচ্চযা

    Anantara-samanantarapaccayā

    ৮. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অনন্তরপচ্চযা… সমনন্তরপচ্চযা (আরম্মণসদিসং)।

    8. Anidassanaappaṭighaṃ dhammaṃ paṭicca anidassanaappaṭigho dhammo uppajjati anantarapaccayā… samanantarapaccayā (ārammaṇasadisaṃ).

    সহজাতপচ্চযো

    Sahajātapaccayo

    ৯. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি সহজাতপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং। অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনং পটিচ্চ চক্খাযতনং…পে॰… রসাযতনং। বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ দ্ৰে মহাভূতা…পে॰…।

    9. Anidassanasappaṭighaṃ dhammaṃ paṭicca anidassanasappaṭigho dhammo uppajjati sahajātapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ paṭicca dve mahābhūtā…pe….

    (অনিদস্সনসপ্পটিঘমূলকা সত্ত পঞ্হা ইমিনা কারণেন ৰিভজিতব্বা।)

    (Anidassanasappaṭighamūlakā satta pañhā iminā kāraṇena vibhajitabbā.)

    ১০. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি সহজাতপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘং চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘং কটত্তা চ রূপং…পে॰… দ্ৰে খন্ধে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা। আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং রূপং কটত্তারূপং উপাদারূপং। আপোধাতুং পটিচ্চ ইত্থিন্দ্রিযং…পে॰… কবল়ীকারো আহারো। বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং আপোধাতুং পটিচ্চ অনিদস্সনঅপ্পটিঘং কটত্তারূপং উপাদারূপং।

    10. Anidassanaappaṭighaṃ dhammaṃ paṭicca anidassanaappaṭigho dhammo uppajjati sahajātapaccayā – anidassanaappaṭighaṃ ekaṃ khandhaṃ paṭicca tayo khandhā anidassanaappaṭighaṃ cittasamuṭṭhānañca rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighaṃ kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ.

    (অনিদস্সনঅপ্পটিঘমূলকে সত্ত পঞ্হা ইমিনা কারণেন কাতব্বা।)

    (Anidassanaappaṭighamūlake satta pañhā iminā kāraṇena kātabbā.)

    ১১. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি সহজাতপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং কটত্তারূপং। অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং। বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং কটত্তারূপং উপাদারূপং।

    11. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati sahajātapaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.

    (ইমিনা কারণেন সত্ত পঞ্হা ৰিভজিতব্বা।)

    (Iminā kāraṇena satta pañhā vibhajitabbā.)

    অঞ্ঞমঞ্ঞপচ্চযো

    Aññamaññapaccayo

    ১২. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং। (১)

    12. Anidassanasappaṭighaṃ dhammaṃ paṭicca anidassanasappaṭigho dhammo uppajjati aññamaññapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. (1)

    অনিদস্সনসপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনসপ্পটিঘে মহাভূতে পটিচ্চ আপোধাতু। (২)

    Anidassanasappaṭighaṃ dhammaṃ paṭicca anidassanaappaṭigho dhammo uppajjati aññamaññapaccayā – anidassanasappaṭighe mahābhūte paṭicca āpodhātu. (2)

    অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো চ অনিদস্সনঅপ্পটিঘো চ ধম্মা উপ্পজ্জন্তি অঞ্ঞমঞ্ঞপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা আপোধাতু চ, দ্ৰে মহাভূতে পটিচ্চ একং মহাভূতং আপোধাতু চ। বাহিরং…পে॰…। (৩)

    Anidassanasappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā uppajjanti aññamaññapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā āpodhātu ca, dve mahābhūte paṭicca ekaṃ mahābhūtaṃ āpodhātu ca. Bāhiraṃ…pe…. (3)

    ১৩. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনঅপ্পটিঘং একং খন্ধং পটিচ্চ তযো খন্ধা…পে॰… দ্ৰে খন্ধে…পে॰… পটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা ৰত্থু চ…পে॰… দ্ৰে খন্ধে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা। (১)

    13. Anidassanaappaṭighaṃ dhammaṃ paṭicca anidassanaappaṭigho dhammo uppajjati aññamaññapaccayā – anidassanaappaṭighaṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā vatthu ca…pe… dve khandhe…pe… khandhe paṭicca vatthu, vatthuṃ paṭicca khandhā. (1)

    অনিদস্সনঅপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – আপোধাতুং পটিচ্চ অনিদস্সনসপ্পটিঘা মহাভূতা। বাহিরং…পে॰…। (২)

    Anidassanaappaṭighaṃ dhammaṃ paṭicca anidassanasappaṭigho dhammo uppajjati aññamaññapaccayā – āpodhātuṃ paṭicca anidassanasappaṭighā mahābhūtā. Bāhiraṃ…pe…. (2)

    ১৪. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ অনিদস্সনসপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অনিদস্সনসপ্পটিঘং একং মহাভূতঞ্চ আপোধাতুঞ্চ পটিচ্চ দ্ৰে মহাভূতা, দ্ৰে মহাভূতে চ আপোধাতুঞ্চ পটিচ্চ একং মহাভূতং। বাহিরং…পে॰…। (১)

    14. Anidassanasappaṭighañca anidassanaappaṭighañca dhammaṃ paṭicca anidassanasappaṭigho dhammo uppajjati aññamaññapaccayā – anidassanasappaṭighaṃ ekaṃ mahābhūtañca āpodhātuñca paṭicca dve mahābhūtā, dve mahābhūte ca āpodhātuñca paṭicca ekaṃ mahābhūtaṃ. Bāhiraṃ…pe…. (1)

    নিস্সযপচ্চযাদি

    Nissayapaccayādi

    ১৫. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি নিস্সযপচ্চযা… উপনিস্সযপচ্চযা… পুরেজাতপচ্চযা… আসেৰনপচ্চযা… কম্মপচ্চযা… ৰিপাকপচ্চযা… আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা।

    15. Anidassanasappaṭighaṃ dhammaṃ paṭicca anidassanasappaṭigho dhammo uppajjati nissayapaccayā… upanissayapaccayā… purejātapaccayā… āsevanapaccayā… kammapaccayā… vipākapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ১৬. হেতুযা একৰীস, আরম্মণে একং, অধিপতিযা একৰীস, অনন্তরে একং, সমনন্তরে একং, সহজাতে একৰীস, অঞ্ঞমঞ্ঞে ছ, নিস্সযে একৰীস, উপনিস্সযে একং, পুরেজাতে একং, আসেৰনে একং, কম্মে একৰীস, ৰিপাকে আহারে একৰীস, ইন্দ্রিযে একৰীস, ঝানে মগ্গে একৰীস, সম্পযুত্তে একং, ৰিপ্পযুত্তে একৰীস, অত্থিযা একৰীস, নত্থিযা একং, ৰিগতে একং, অৰিগতে একৰীস (এৰং গণেতব্বং)।

    16. Hetuyā ekavīsa, ārammaṇe ekaṃ, adhipatiyā ekavīsa, anantare ekaṃ, samanantare ekaṃ, sahajāte ekavīsa, aññamaññe cha, nissaye ekavīsa, upanissaye ekaṃ, purejāte ekaṃ, āsevane ekaṃ, kamme ekavīsa, vipāke āhāre ekavīsa, indriye ekavīsa, jhāne magge ekavīsa, sampayutte ekaṃ, vippayutte ekavīsa, atthiyā ekavīsa, natthiyā ekaṃ, vigate ekaṃ, avigate ekavīsa (evaṃ gaṇetabbaṃ).

    অনুলোমং।

    Anulomaṃ.

    ২. পচ্চযপচ্চনীযং

    2. Paccayapaccanīyaṃ

    ১. ৰিভঙ্গৰারো

    1. Vibhaṅgavāro

    নহেতুপচ্চযো

    Nahetupaccayo

    ১৭. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি নহেতুপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং। অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনং পটিচ্চ চক্খাযতনং…পে॰… রসাযতনং। বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং, মহাভূতে পটিচ্চ…পে॰…।

    17. Anidassanasappaṭighaṃ dhammaṃ paṭicca anidassanasappaṭigho dhammo uppajjati nahetupaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ, mahābhūte paṭicca…pe….

    (অনিদস্সনসপ্পটিঘমূলকে ইমিনা কারণেন সত্তপি পঞ্হা ৰিভজিতব্বা।)

    (Anidassanasappaṭighamūlake iminā kāraṇena sattapi pañhā vibhajitabbā.)

    ১৮. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি নহেতুপচ্চযা – অহেতুকং অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ চিত্তসমুট্ঠানঞ্চ রূপং…পে॰… দ্ৰে খন্ধে…পে॰… অহেতুকপটিসন্ধিক্খণে অনিদস্সনঅপ্পটিঘং একং খন্ধং পটিচ্চ তযো খন্ধা অনিদস্সনঅপ্পটিঘঞ্চ কটত্তারূপং…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা। আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং রূপং কটত্তারূপং উপাদারূপং। আপোধাতুং পটিচ্চ ইত্থিন্দ্রিযং…পে॰… কবল়ীকারো আহারো। বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং আপোধাতুং পটিচ্চ অনিদস্সনঅপ্পটিঘং কটত্তারূপং উপাদারূপং। ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো।

    18. Anidassanaappaṭighaṃ dhammaṃ paṭicca anidassanaappaṭigho dhammo uppajjati nahetupaccayā – ahetukaṃ anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca kaṭattārūpaṃ…pe… khandhe paṭicca vatthu, vatthuṃ paṭicca khandhā. Āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ. Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho.

    (অনিদস্সনঅপ্পটিঘমূলকা ইমিনা কারণেন সত্ত পঞ্হা ৰিভজিতব্বা।)

    (Anidassanaappaṭighamūlakā iminā kāraṇena satta pañhā vibhajitabbā.)

    ১৯. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি নহেতুপচ্চযা – অহেতুকে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং রূপং। অহেতুকপটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং কটত্তারূপং। অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং। বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং কটত্তারূপং উপাদারূপং।

    19. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati nahetupaccayā – ahetuke anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Ahetukapaṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.

    (ইমিনা কারণেন সত্ত পঞ্হা ৰিত্থারেতব্বা অসম্মোহন্তেন।)

    (Iminā kāraṇena satta pañhā vitthāretabbā asammohantena.)

    নআরম্মণপচ্চযো

    Naārammaṇapaccayo

    ২০. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি নআরম্মণপচ্চযা – অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং। অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনং পটিচ্চ চক্খাযতনং…পে॰… রসাযতনং। বাহিরং… আহারসমুট্ঠানং… , উতুসমুট্ঠানং… অসঞ্ঞসত্তানং অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং…পে॰…।

    20. Anidassanasappaṭighaṃ dhammaṃ paṭicca anidassanasappaṭigho dhammo uppajjati naārammaṇapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ. Bāhiraṃ… āhārasamuṭṭhānaṃ… , utusamuṭṭhānaṃ… asaññasattānaṃ anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ…pe….

    (অনিদস্সনসপ্পটিঘমূলকা ইমিনা কারণেন সত্তপি পঞ্হা ৰিত্থারেতব্বা।)

    (Anidassanasappaṭighamūlakā iminā kāraṇena sattapi pañhā vitthāretabbā.)

    ২১. অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি নআরম্মণপচ্চযা – অনিদস্সনঅপ্পটিঘে খন্ধে পটিচ্চ অনিদস্সনঅপ্পটিঘং চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে পটিচ্চ অনিদস্সনঅপ্পটিঘং কটত্তারূপং। খন্ধে পটিচ্চ ৰত্থু…পে॰… আপোধাতুং পটিচ্চ অনিদস্সনঅপ্পটিঘং চিত্তসমুট্ঠানং রূপং কটত্তারূপং উপাদারূপং। আপোধাতুং পটিচ্চ ইত্থিন্দ্রিযং…পে॰… কবল়ীকারো আহারো। বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং আপোধাতুং পটিচ্চ অনিদস্সনঅপ্পটিঘং কটত্তারূপং উপাদারূপং।

    21. Anidassanaappaṭighaṃ dhammaṃ paṭicca anidassanaappaṭigho dhammo uppajjati naārammaṇapaccayā – anidassanaappaṭighe khandhe paṭicca anidassanaappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca anidassanaappaṭighaṃ kaṭattārūpaṃ. Khandhe paṭicca vatthu…pe… āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ.

    (অনিদস্সনঅপ্পটিঘমূলকে ইমিনা কারণেন সত্তপি পঞ্হা ৰিত্থারেতব্বা।)

    (Anidassanaappaṭighamūlake iminā kāraṇena sattapi pañhā vitthāretabbā.)

    ২২. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি নআরম্মণপচ্চযা – অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং চিত্তসমুট্ঠানং রূপং। পটিসন্ধিক্খণে অনিদস্সনঅপ্পটিঘে খন্ধে চ মহাভূতে চ পটিচ্চ সনিদস্সনসপ্পটিঘং কটত্তারূপং। অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনঞ্চ আপোধাতুঞ্চ পটিচ্চ রূপাযতনং। বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং কটত্তারূপং উপাদারূপং।

    22. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati naārammaṇapaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.

    (ঘটনে ইমিনা কারণেন সত্তপি পঞ্হা ৰিভজিতব্বা।)

    (Ghaṭane iminā kāraṇena sattapi pañhā vibhajitabbā.)

    নঅধিপতিপচ্চযাদি

    Naadhipatipaccayādi

    ২৩. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি নঅধিপতিপচ্চযা (সহজাতসদিসং)… নঅনন্তরপচ্চযা… নসমনন্তরপচ্চযা… নঅঞ্ঞমঞ্ঞপচ্চযা – অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং চিত্তসমুট্ঠানং রূপং কটত্তারূপং উপাদারূপং। ফোট্ঠব্বাযতনং পটিচ্চ চক্খাযতনং…পে॰… রসাযতনং… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং মহাভূতে পটিচ্চ অনিদস্সনসপ্পটিঘং কটত্তারূপং উপাদারূপং।

    23. Anidassanasappaṭighaṃ dhammaṃ paṭicca anidassanasappaṭigho dhammo uppajjati naadhipatipaccayā (sahajātasadisaṃ)… naanantarapaccayā… nasamanantarapaccayā… naaññamaññapaccayā – anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ mahābhūte paṭicca anidassanasappaṭighaṃ kaṭattārūpaṃ upādārūpaṃ.

    (ইমিনা কারণেন একৰীস পঞ্হা ৰিভজিতব্বা।)

    (Iminā kāraṇena ekavīsa pañhā vibhajitabbā.)

    নউপনিস্সযপচ্চযা… নপুরেজাতপচ্চযা… নপচ্ছাজাতপচ্চযা… নআসেৰনপচ্চযা… নকম্মপচ্চযা – বাহিরং… আহারসমুট্ঠানং… উতুসমুট্ঠানং… অনিদস্সনসপ্পটিঘং একং মহাভূতং পটিচ্চ দ্ৰে মহাভূতা, দ্ৰে মহাভূতে পটিচ্চ একং মহাভূতং। অনিদস্সনসপ্পটিঘে মহাভূতে পটিচ্চ অনিদস্সনসপ্পটিঘং উপাদারূপং (কম্মং ৰিভজিত্ৰা নকম্মেনেৰ একৰীস পঞ্হা কাতব্বা), নৰিপাকপচ্চযা (পটিসন্ধিপি কটত্তাপি নত্থি, পঞ্চৰোকারেযেৰ কাতব্বা), নআহারপচ্চযা – বাহিরং… উতুসমুট্ঠানং… অসঞ্ঞসত্তানং…পে॰… (ইমিনা কারণেন ৰিভজিতব্বা একৰীসাপি)।

    Naupanissayapaccayā… napurejātapaccayā… napacchājātapaccayā… naāsevanapaccayā… nakammapaccayā – bāhiraṃ… āhārasamuṭṭhānaṃ… utusamuṭṭhānaṃ… anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ upādārūpaṃ (kammaṃ vibhajitvā nakammeneva ekavīsa pañhā kātabbā), navipākapaccayā (paṭisandhipi kaṭattāpi natthi, pañcavokāreyeva kātabbā), naāhārapaccayā – bāhiraṃ… utusamuṭṭhānaṃ… asaññasattānaṃ…pe… (iminā kāraṇena vibhajitabbā ekavīsāpi).

    নইন্দ্রিযপচ্চযাদি

    Naindriyapaccayādi

    ২৪. অনিদস্সনসপ্পটিঘং ধম্মং পটিচ্চ অনিদস্সনসপ্পটিঘো ধম্মো উপ্পজ্জতি নইন্দ্রিযপচ্চযা – বাহিরং… আহারসমুট্ঠানং… উতুসমুট্ঠানং… অনিদস্সনসপ্পটিঘং একং মহাভূতং…পে॰… অসঞ্ঞসত্তানং মহাভূতে পটিচ্চ রূপজীৰিতিন্দ্রিযং (সংখিত্তং, সব্বে পঞ্হা ৰিভজিতব্বা)… নঝানপচ্চযা – বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং (সংখিত্তং, সত্তপি পঞ্হা ৰিভজিতব্বা)।

    24. Anidassanasappaṭighaṃ dhammaṃ paṭicca anidassanasappaṭigho dhammo uppajjati naindriyapaccayā – bāhiraṃ… āhārasamuṭṭhānaṃ… utusamuṭṭhānaṃ… anidassanasappaṭighaṃ ekaṃ mahābhūtaṃ…pe… asaññasattānaṃ mahābhūte paṭicca rūpajīvitindriyaṃ (saṃkhittaṃ, sabbe pañhā vibhajitabbā)… najhānapaccayā – bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ (saṃkhittaṃ, sattapi pañhā vibhajitabbā).

    অনিদস্সনঅপ্পটিঘং ধম্মং পটিচ্চ অনিদস্সনঅপ্পটিঘো ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং একং খন্ধং পটিচ্চ তযো খন্ধা…পে॰… দ্ৰে খন্ধে…পে॰… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং আপোধাতুং পটিচ্চ অনিদস্সনঅপ্পটিঘং কটত্তারূপং উপাদারূপং।

    Anidassanaappaṭighaṃ dhammaṃ paṭicca anidassanaappaṭigho dhammo uppajjati najhānapaccayā – pañcaviññāṇasahagataṃ ekaṃ khandhaṃ paṭicca tayo khandhā…pe… dve khandhe…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ.

    (এৰং সত্তপি পঞ্হা ৰিভজিতব্বা।)

    (Evaṃ sattapi pañhā vibhajitabbā.)

    ২৫. অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ সনিদস্সনসপ্পটিঘো ধম্মো উপ্পজ্জতি নঝানপচ্চযা – বাহিরং… আহারসমুট্ঠানং… উতুসমুট্ঠানং… , অসঞ্ঞসত্তানং…পে॰… অনিদস্সনসপ্পটিঘে মহাভূতে চ আপোধাতুঞ্চ পটিচ্চ সনিদস্সনসপ্পটিঘং কটত্তারূপং উপাদারূপং।

    25. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati najhānapaccayā – bāhiraṃ… āhārasamuṭṭhānaṃ… utusamuṭṭhānaṃ… , asaññasattānaṃ…pe… anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.

    (এৰং সত্তপি পঞ্হা ৰিভজিতব্বা), নমগ্গপচ্চযা… (নহেতুসদিসং কাতব্বং। পরিপুণ্ণং। মোহো নত্থি)। নসম্পযুত্তপচ্চযা… নৰিপ্পযুত্তপচ্চযা (পরিপুণ্ণং)… নোনত্থিপচ্চযা… নোৰিগতপচ্চযা।

    (Evaṃ sattapi pañhā vibhajitabbā), namaggapaccayā… (nahetusadisaṃ kātabbaṃ. Paripuṇṇaṃ. Moho natthi). Nasampayuttapaccayā… navippayuttapaccayā (paripuṇṇaṃ)… nonatthipaccayā… novigatapaccayā.

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ২৬. নহেতুযা একৰীস, নআরম্মণে একৰীস, নঅধিপতিযা একৰীস (সংখিত্তং, সব্বত্থ একৰীস), নোনত্থিযা একৰীস, নোৰিগতে একৰীস (এৰং গণেতব্বং)।

    26. Nahetuyā ekavīsa, naārammaṇe ekavīsa, naadhipatiyā ekavīsa (saṃkhittaṃ, sabbattha ekavīsa), nonatthiyā ekavīsa, novigate ekavīsa (evaṃ gaṇetabbaṃ).

    পচ্চনীযং।

    Paccanīyaṃ.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    হেতুদুকং

    Hetudukaṃ

    ২৭. হেতুপচ্চযা নআরম্মণে একৰীস, নঅধিপতিযা একৰীস…পে॰… নকম্মে একং, নৰিপাকে একৰীস, নসম্পযুত্তে একৰীস, নৰিপ্পযুত্তে একং, নোনত্থিযা একৰীস, নোৰিগতে একৰীস (এৰং গণেতব্বং)।

    27. Hetupaccayā naārammaṇe ekavīsa, naadhipatiyā ekavīsa…pe… nakamme ekaṃ, navipāke ekavīsa, nasampayutte ekavīsa, navippayutte ekaṃ, nonatthiyā ekavīsa, novigate ekavīsa (evaṃ gaṇetabbaṃ).

    অনুলোমপচ্চনীযং।

    Anulomapaccanīyaṃ.

    ৪. পচ্চযপচ্চনীযানুলোমং

    4. Paccayapaccanīyānulomaṃ

    নহেতুদুকং

    Nahetudukaṃ

    ২৮. নহেতুপচ্চযা আরম্মণে একং, অনন্তরে একং, সমনন্তরে একং, সহজাতে একৰীস …পে॰… ঝানে একৰীস, মগ্গে একং, সম্পযুত্তে একং , ৰিপ্পযুত্তে একৰীস, অত্থিযা একৰীস, নত্থিযা একং, ৰিগতে একং, অৰিগতে একৰীস (এৰং গণেতব্বং)।

    28. Nahetupaccayā ārammaṇe ekaṃ, anantare ekaṃ, samanantare ekaṃ, sahajāte ekavīsa …pe… jhāne ekavīsa, magge ekaṃ, sampayutte ekaṃ , vippayutte ekavīsa, atthiyā ekavīsa, natthiyā ekaṃ, vigate ekaṃ, avigate ekavīsa (evaṃ gaṇetabbaṃ).

    পচ্চনীযানুলোমং।

    Paccanīyānulomaṃ.

    পটিচ্চৰারো।

    Paṭiccavāro.

    ২-৬. সহজাত-পচ্চয-নিস্সয-সংসট্ঠ-সম্পযুত্তৰারো

    2-6. Sahajāta-paccaya-nissaya-saṃsaṭṭha-sampayuttavāro

    (সহজাতৰারোপি পচ্চযৰারোপি নিস্সযৰারোপি পটিচ্চৰারসদিসা, সংসট্ঠৰারোপি সম্পযুত্তৰারোপি অরূপেযেৰ কাতব্বা।)

    (Sahajātavāropi paccayavāropi nissayavāropi paṭiccavārasadisā, saṃsaṭṭhavāropi sampayuttavāropi arūpeyeva kātabbā.)

    ৭. পঞ্হাৰারো

    7. Pañhāvāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ২৯. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স হেতুপচ্চযেন পচ্চযো – অনিদস্সনঅপ্পটিঘা হেতূ সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং রূপানং হেতুপচ্চযেন পচ্চযো। পটিসন্ধিক্খণে অনিদস্সনঅপ্পটিঘা হেতূ সম্পযুত্তকানং খন্ধানং অনিদস্সনঅপ্পটিঘানঞ্চ কটত্তারূপানং হেতুপচ্চযেন পচ্চযো। (১)

    29. Anidassanaappaṭigho dhammo anidassanaappaṭighassa dhammassa hetupaccayena paccayo – anidassanaappaṭighā hetū sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ hetupaccayena paccayo. Paṭisandhikkhaṇe anidassanaappaṭighā hetū sampayuttakānaṃ khandhānaṃ anidassanaappaṭighānañca kaṭattārūpānaṃ hetupaccayena paccayo. (1)

    অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স হেতুপচ্চযেন পচ্চযো – অনিদস্সনঅপ্পটিঘা হেতূ সনিদস্সনসপ্পটিঘানং চিত্তসমুট্ঠানানং রূপানং হেতুপচ্চযেন পচ্চযো। পটিসন্ধিক্খণে…পে॰…। (২)

    Anidassanaappaṭigho dhammo sanidassanasappaṭighassa dhammassa hetupaccayena paccayo – anidassanaappaṭighā hetū sanidassanasappaṭighānaṃ cittasamuṭṭhānānaṃ rūpānaṃ hetupaccayena paccayo. Paṭisandhikkhaṇe…pe…. (2)

    (অনিদস্সনঅপ্পটিঘমূলকেযেৰ ইমিনা কারণেন সত্ত পঞ্হা ৰিভজিতব্বা।)

    (Anidassanaappaṭighamūlakeyeva iminā kāraṇena satta pañhā vibhajitabbā.)

    আরম্মণপচ্চযো

    Ārammaṇapaccayo

    ৩০. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স আরম্মণপচ্চযেন পচ্চযো – রূপে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি, দিব্বেন চক্খুনা রূপং পস্সতি, রূপাযতনং চক্খুৰিঞ্ঞাণস্স আরম্মণপচ্চযেন পচ্চযো। সনিদস্সনসপ্পটিঘা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (১)

    30. Sanidassanasappaṭigho dhammo anidassanaappaṭighassa dhammassa ārammaṇapaccayena paccayo – rūpe aniccato dukkhato anattato vipassati, assādeti abhinandati, taṃ ārabbha rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, domanassaṃ uppajjati, dibbena cakkhunā rūpaṃ passati, rūpāyatanaṃ cakkhuviññāṇassa ārammaṇapaccayena paccayo. Sanidassanasappaṭighā khandhā iddhividhañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স আরম্মণপচ্চযেন পচ্চযো। চক্খুং…পে॰… কাযং… সদ্দে… গন্ধে… রসে… ফোট্ঠব্বে… অনিচ্চতো…পে॰… দোমনস্সং উপ্পজ্জতি, দিব্বায সোতধাতুযা সদ্দং সুণাতি, সদ্দাযতনং সোতৰিঞ্ঞাণস্স…পে॰… ফোট্ঠব্বাযতনং কাযৰিঞ্ঞাণস্স…পে॰… অনিদস্সনসপ্পটিঘা খন্ধা ইদ্ধিৰিধঞাণস্স , পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (১)

    Anidassanasappaṭigho dhammo anidassanaappaṭighassa dhammassa ārammaṇapaccayena paccayo. Cakkhuṃ…pe… kāyaṃ… sadde… gandhe… rase… phoṭṭhabbe… aniccato…pe… domanassaṃ uppajjati, dibbāya sotadhātuyā saddaṃ suṇāti, saddāyatanaṃ sotaviññāṇassa…pe… phoṭṭhabbāyatanaṃ kāyaviññāṇassa…pe… anidassanasappaṭighā khandhā iddhividhañāṇassa , pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    ৩১. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা…পে॰… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো। অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি…পে॰… ৰত্থুং… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং… কবল়ীকারং আহারং… অনিদস্সনঅপ্পটিঘে খন্ধে অনিচ্চতো…পে॰… দোমনস্সং উপ্পজ্জতি, চেতোপরিযঞাণেন অনিদস্সনঅপ্পটিঘচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স আরম্মণপচ্চযেন পচ্চযো। আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে॰… অনিদস্সনঅপ্পটিঘা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (১)

    31. Anidassanaappaṭigho dhammo anidassanaappaṭighassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni paccavekkhati, jhānā…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti, nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo. Ariyā pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti…pe… vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… anidassanaappaṭighe khandhe aniccato…pe… domanassaṃ uppajjati, cetopariyañāṇena anidassanaappaṭighacittasamaṅgissa cittaṃ jānāti, ākāsānañcāyatanaṃ viññāṇañcāyatanassa ārammaṇapaccayena paccayo. Ākiñcaññāyatanaṃ nevasaññānāsaññāyatanassa…pe… anidassanaappaṭighā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    অধিপতিপচ্চযো

    Adhipatipaccayo

    ৩২. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো। আরম্মণাধিপতি – রূপং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি। (১)

    32. Sanidassanasappaṭigho dhammo anidassanaappaṭighassa dhammassa adhipatipaccayena paccayo. Ārammaṇādhipati – rūpaṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (1)

    অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো। আরম্মণাধিপতি – চক্খুং…পে॰… কাযং… সদ্দে… গন্ধে… রসে… ফোট্ঠব্বে… গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি। (১)

    Anidassanasappaṭigho dhammo anidassanaappaṭighassa dhammassa adhipatipaccayena paccayo. Ārammaṇādhipati – cakkhuṃ…pe… kāyaṃ… sadde… gandhe… rase… phoṭṭhabbe… garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (1)

    ৩৩. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা…পে॰… ঝানা ৰুট্ঠহিত্ৰা…পে॰… অরিযা মগ্গা ৰুট্ঠহিত্ৰা…পে॰… ফলা ৰুট্ঠহিত্ৰা…পে॰… ফলং গরুং কত্ৰা…পে॰… নিব্বানং গরুং কত্ৰা… নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো। ৰত্থুং… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং… কবল়ীকারং আহারং… অনিদস্সনঅপ্পটিঘে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি। সহজাতাধিপতি – অনিদস্সনঅপ্পটিঘাধিপতি সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং রূপানং অধিপতিপচ্চযেন পচ্চযো। (১)

    33. Anidassanaappaṭigho dhammo anidassanaappaṭighassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā…pe… jhānā vuṭṭhahitvā…pe… ariyā maggā vuṭṭhahitvā…pe… phalā vuṭṭhahitvā…pe… phalaṃ garuṃ katvā…pe… nibbānaṃ garuṃ katvā… nibbānaṃ gotrabhussa, vodānassa, maggassa, phalassa adhipatipaccayena paccayo. Vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… anidassanaappaṭighe khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – anidassanaappaṭighādhipati sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ adhipatipaccayena paccayo. (1)

    অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স অধিপতিপচ্চযেন পচ্চযো। সহজাতাধিপতি – অনিদস্সনঅপ্পটিঘাধিপতি সনিদস্সনসপ্পটিঘানং চিত্তসমুট্ঠানানং রূপানং অধিপতিপচ্চযেন পচ্চযো। (২)

    Anidassanaappaṭigho dhammo sanidassanasappaṭighassa dhammassa adhipatipaccayena paccayo. Sahajātādhipati – anidassanaappaṭighādhipati sanidassanasappaṭighānaṃ cittasamuṭṭhānānaṃ rūpānaṃ adhipatipaccayena paccayo. (2)

    (অনিদস্সনঅপ্পটিঘমূলকে সত্তপি পঞ্হা ৰিভজিতব্বা, অধিপতি তিৰিধরূপসঙ্গহেন।)

    (Anidassanaappaṭighamūlake sattapi pañhā vibhajitabbā, adhipati tividharūpasaṅgahena.)

    অনন্তরপচ্চযো

    Anantarapaccayo

    ৩৪. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স অনন্তরপচ্চযেন পচ্চযো – পুরিমা পুরিমা অনিদস্সনঅপ্পটিঘা খন্ধা পচ্ছিমানং পচ্ছিমানং অনিদস্সনঅপ্পটিঘানং খন্ধানং অনন্তরপচ্চযেন পচ্চযো। অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স… মগ্গো ফলস্স… ফলং ফলস্স… অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো। (১)

    34. Anidassanaappaṭigho dhammo anidassanaappaṭighassa dhammassa anantarapaccayena paccayo – purimā purimā anidassanaappaṭighā khandhā pacchimānaṃ pacchimānaṃ anidassanaappaṭighānaṃ khandhānaṃ anantarapaccayena paccayo. Anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ phalasamāpattiyā… nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (1)

    সমনন্তরপচ্চযো

    Samanantarapaccayo

    ৩৫. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স সমনন্তরপচ্চযেন পচ্চযো (অনন্তরসদিসং)।

    35. Anidassanaappaṭigho dhammo anidassanaappaṭighassa dhammassa samanantarapaccayena paccayo (anantarasadisaṃ).

    সহজাতপচ্চযাদি

    Sahajātapaccayādi

    ৩৬. অনিদস্সনসপ্পটিঘো ধম্মো অনিদস্সনসপ্পটিঘস্স ধম্মস্স সহজাতপচ্চযেন পচ্চযো (পটিচ্চৰারসদিসং সাধুকং কাতব্বং। অঞ্ঞমঞ্ঞপচ্চযে পটিচ্চৰারে অঞ্ঞমঞ্ঞসদিসং, নিস্সযপচ্চযে পটিচ্চৰারসদিসং)।

    36. Anidassanasappaṭigho dhammo anidassanasappaṭighassa dhammassa sahajātapaccayena paccayo (paṭiccavārasadisaṃ sādhukaṃ kātabbaṃ. Aññamaññapaccaye paṭiccavāre aññamaññasadisaṃ, nissayapaccaye paṭiccavārasadisaṃ).

    উপনিস্সযপচ্চযো

    Upanissayapaccayo

    ৩৭. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে॰…। পকতূপনিস্সযো – ৰণ্ণসম্পদং পত্থযমানো দানং দেতি, সীলং সমাদিযতি, উপোসথকম্মং…পে॰… ৰণ্ণসম্পদা সদ্ধায…পে॰… পঞ্ঞায, রাগস্স…পে॰… পত্থনায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো। (১)

    37. Sanidassanasappaṭigho dhammo anidassanaappaṭighassa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – vaṇṇasampadaṃ patthayamāno dānaṃ deti, sīlaṃ samādiyati, uposathakammaṃ…pe… vaṇṇasampadā saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa, maggassa, phalasamāpattiyā upanissayapaccayena paccayo. (1)

    অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে॰…। পকতূপনিস্সযো – চক্খুসম্পদং পত্থযমানো…পে॰… কাযসম্পদং… সদ্দসম্পদং…পে॰… ফোট্ঠব্বসম্পদং পত্থযমানো দানং দেতি, সীলং সমাদিযতি, উপোসথকম্মং… উতুং… সেনাসনং উপনিস্সায দানং দেতি সীলং সমাদিযতি। উপোসথকম্মং, ঝানং… ৰিপস্সনং… মগ্গং… অভিঞ্ঞং… সমাপত্তিং উপ্পাদেতি পাণং হনতি…পে॰… সঙ্ঘং ভিন্দতি। চক্খুসম্পদা…পে॰… ফোট্ঠব্বসম্পদা, উতু, সেনাসনং সদ্ধায…পে॰… পঞ্ঞায, রাগস্স…পে॰… পত্থনায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো। (১)

    Anidassanasappaṭigho dhammo anidassanaappaṭighassa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – cakkhusampadaṃ patthayamāno…pe… kāyasampadaṃ… saddasampadaṃ…pe… phoṭṭhabbasampadaṃ patthayamāno dānaṃ deti, sīlaṃ samādiyati, uposathakammaṃ… utuṃ… senāsanaṃ upanissāya dānaṃ deti sīlaṃ samādiyati. Uposathakammaṃ, jhānaṃ… vipassanaṃ… maggaṃ… abhiññaṃ… samāpattiṃ uppādeti pāṇaṃ hanati…pe… saṅghaṃ bhindati. Cakkhusampadā…pe… phoṭṭhabbasampadā, utu, senāsanaṃ saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa, maggassa, phalasamāpattiyā upanissayapaccayena paccayo. (1)

    ৩৮. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – সদ্ধং উপনিস্সায দানং দেতি, সীলং সমাদিযতি, উপোসথকম্মং… ঝানং… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি। সীলং…পে॰… পঞ্ঞং… রাগং…পে॰… পত্থনং, কাযিকং সুখং… কাযিকং দুক্খং… ভোজনং উপনিস্সায দানং দেতি…পে॰… সঙ্ঘং ভিন্দতি। সদ্ধা …পে॰… পঞ্ঞা, রাগো…পে॰… পত্থনা, কাযিকং সুখং… কাযিকং দুক্খং… ভোজনং সদ্ধায…পে॰… পঞ্ঞায, মগ্গস্স, ফলসমাপত্তিযা উপনিস্সযপচ্চযেন পচ্চযো। (১)

    38. Anidassanaappaṭigho dhammo anidassanaappaṭighassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti, sīlaṃ samādiyati, uposathakammaṃ… jhānaṃ… samāpattiṃ uppādeti, mānaṃ jappeti, diṭṭhiṃ gaṇhāti. Sīlaṃ…pe… paññaṃ… rāgaṃ…pe… patthanaṃ, kāyikaṃ sukhaṃ… kāyikaṃ dukkhaṃ… bhojanaṃ upanissāya dānaṃ deti…pe… saṅghaṃ bhindati. Saddhā …pe… paññā, rāgo…pe… patthanā, kāyikaṃ sukhaṃ… kāyikaṃ dukkhaṃ… bhojanaṃ saddhāya…pe… paññāya, maggassa, phalasamāpattiyā upanissayapaccayena paccayo. (1)

    পুরেজাতপচ্চযো

    Purejātapaccayo

    ৩৯. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো। আরম্মণপুরেজাতং – রূপে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি…পে॰… ৰিচিকিচ্ছা…পে॰… উদ্ধচ্চং…পে॰… দোমনস্সং উপ্পজ্জতি, দিব্বেন চক্খুনা রূপং পস্সতি, রূপাযতনং চক্খুৰিঞ্ঞাণস্স পুরেজাতপচ্চযেন পচ্চযো। (১)

    39. Sanidassanasappaṭigho dhammo anidassanaappaṭighassa dhammassa purejātapaccayena paccayo. Ārammaṇapurejātaṃ – rūpe aniccato dukkhato anattato vipassati, assādeti abhinandati, taṃ ārabbha rāgo uppajjati, diṭṭhi…pe… vicikicchā…pe… uddhaccaṃ…pe… domanassaṃ uppajjati, dibbena cakkhunā rūpaṃ passati, rūpāyatanaṃ cakkhuviññāṇassa purejātapaccayena paccayo. (1)

    অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। আরম্মণপুরেজাতং – চক্খুং…পে॰… কাযং… সদ্দে…পে॰… ফোট্ঠব্বে অনিচ্চতো…পে॰… দোমনস্সং উপ্পজ্জতি, দিব্বায সোতধাতুযা সদ্দং সুণাতি, সদ্দাযতনং সোতৰিঞ্ঞাণস্স…পে॰… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো। ৰত্থুপুরেজাতং – চক্খাযতনং চক্খুৰিঞ্ঞাণস্স…পে॰… কাযাযতনং কাযৰিঞ্ঞাণস্স পুরেজাতপচ্চযেন পচ্চযো। (১)

    Anidassanasappaṭigho dhammo anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… kāyaṃ… sadde…pe… phoṭṭhabbe aniccato…pe… domanassaṃ uppajjati, dibbāya sotadhātuyā saddaṃ suṇāti, saddāyatanaṃ sotaviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa purejātapaccayena paccayo. (1)

    অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। আরম্মণপুরেজাতং – ৰত্থুং… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং… কবল়ীকারং আহারং… অনিচ্চতো…পে॰… দোমনস্সং উপ্পজ্জতি। ৰত্থুপুরেজাতং – ৰত্থু অনিদস্সনঅপ্পটিঘানং খন্ধানং পুরেজাতপচ্চযেন পচ্চযো। (১)

    Anidassanaappaṭigho dhammo anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… aniccato…pe… domanassaṃ uppajjati. Vatthupurejātaṃ – vatthu anidassanaappaṭighānaṃ khandhānaṃ purejātapaccayena paccayo. (1)

    ৪০. সনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। রূপাযতনঞ্চ ৰত্থু চ অনিদস্সনঅপ্পটিঘানং খন্ধানং পুরেজাতপচ্চযেন পচ্চযো। (১)

    40. Sanidassanasappaṭigho ca anidassanaappaṭigho ca dhammā anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Rūpāyatanañca vatthu ca anidassanaappaṭighānaṃ khandhānaṃ purejātapaccayena paccayo. (1)

    অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং , ৰত্থুপুরেজাতং। চক্খাযতনঞ্চ ৰত্থু চ…পে॰… ফোট্ঠব্বাযতনঞ্চ ৰত্থু চ অনিদস্সনঅপ্পটিঘানং খন্ধানং পুরেজাতপচ্চযেন পচ্চযো। (১)

    Anidassanasappaṭigho ca anidassanaappaṭigho ca dhammā anidassanaappaṭighassa dhammassa purejātapaccayena paccayo – ārammaṇapurejātaṃ , vatthupurejātaṃ. Cakkhāyatanañca vatthu ca…pe… phoṭṭhabbāyatanañca vatthu ca anidassanaappaṭighānaṃ khandhānaṃ purejātapaccayena paccayo. (1)

    সনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। রূপাযতনঞ্চ চক্খাযতনঞ্চ চক্খুৰিঞ্ঞাণস্স পুরেজাতপচ্চযেন পচ্চযো। (১)

    Sanidassanasappaṭigho ca anidassanaappaṭigho ca dhammā anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Rūpāyatanañca cakkhāyatanañca cakkhuviññāṇassa purejātapaccayena paccayo. (1)

    পচ্ছাজাতপচ্চযো

    Pacchājātapaccayo

    ৪১. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনঅপ্পটিঘা খন্ধা পুরেজাতস্স ইমস্স অনিদস্সনঅপ্পটিঘস্স কাযস্স পচ্ছাজাতপচ্চযেন পচ্চযো। (১)

    41. Anidassanaappaṭigho dhammo anidassanaappaṭighassa dhammassa pacchājātapaccayena paccayo – pacchājātā anidassanaappaṭighā khandhā purejātassa imassa anidassanaappaṭighassa kāyassa pacchājātapaccayena paccayo. (1)

    অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনঅপ্পটিঘা খন্ধা পুরেজাতস্স ইমস্স সনিদস্সনসপ্পটিঘস্স কাযস্স পচ্ছাজাতপচ্চযেন পচ্চযো। (২)

    Anidassanaappaṭigho dhammo sanidassanasappaṭighassa dhammassa pacchājātapaccayena paccayo – pacchājātā anidassanaappaṭighā khandhā purejātassa imassa sanidassanasappaṭighassa kāyassa pacchājātapaccayena paccayo. (2)

    (এৰং সত্ত পঞ্হা ৰিভজিতব্বা, তিৰিধরূপসঙ্গহো।) (৭)

    (Evaṃ satta pañhā vibhajitabbā, tividharūpasaṅgaho.) (7)

    আসেৰনপচ্চযো

    Āsevanapaccayo

    ৪২. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স আসেৰনপচ্চযেন পচ্চযো – পুরিমা পুরিমা অনিদস্সনঅপ্পটিঘা খন্ধা পচ্ছিমানং পচ্ছিমানং অনিদস্সনঅপ্পটিঘানং খন্ধানং আসেৰনপচ্চযেন পচ্চযো। অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো। (১)

    42. Anidassanaappaṭigho dhammo anidassanaappaṭighassa dhammassa āsevanapaccayena paccayo – purimā purimā anidassanaappaṭighā khandhā pacchimānaṃ pacchimānaṃ anidassanaappaṭighānaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)

    কম্মপচ্চযো

    Kammapaccayo

    ৪৩. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স কম্মপচ্চযেন পচ্চযো – সহজাতা, নানাক্খণিকা। সহজাতা – অনিদস্সনঅপ্পটিঘা চেতনা সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং রূপানং কম্মপচ্চযেন পচ্চযো। পটিসন্ধিক্খণে…পে॰…। নানাক্খণিকা – অনিদস্সনঅপ্পটিঘা চেতনা ৰিপাকানং খন্ধানং অনিদস্সনঅপ্পটিঘানঞ্চ কটত্তারূপানং কম্মপচ্চযেন পচ্চযো। (১)

    43. Anidassanaappaṭigho dhammo anidassanaappaṭighassa dhammassa kammapaccayena paccayo – sahajātā, nānākkhaṇikā. Sahajātā – anidassanaappaṭighā cetanā sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – anidassanaappaṭighā cetanā vipākānaṃ khandhānaṃ anidassanaappaṭighānañca kaṭattārūpānaṃ kammapaccayena paccayo. (1)

    অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স কম্মপচ্চযেন পচ্চযো – সহজাতা, নানাক্খণিকা। সহজাতা – অনিদস্সনঅপ্পটিঘা চেতনা সনিদস্সনসপ্পটিঘানং চিত্তসমুট্ঠানানং রূপানং কম্মপচ্চযেন পচ্চযো। পটিসন্ধিক্খণে…পে॰…। নানাক্খণিকা – অনিদস্সনঅপ্পটিঘা চেতনা সনিদস্সনসপ্পটিঘানং কটত্তারূপানং কম্মপচ্চযেন পচ্চযো। (২)

    Anidassanaappaṭigho dhammo sanidassanasappaṭighassa dhammassa kammapaccayena paccayo – sahajātā, nānākkhaṇikā. Sahajātā – anidassanaappaṭighā cetanā sanidassanasappaṭighānaṃ cittasamuṭṭhānānaṃ rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – anidassanaappaṭighā cetanā sanidassanasappaṭighānaṃ kaṭattārūpānaṃ kammapaccayena paccayo. (2)

    (এৰং সত্ত পঞ্হা সহজাতা নানাক্খণিকা ইমিনা কারণেন ৰিভজিতব্বা, তিৰিধরূপসঙ্গহো।) (৭)

    (Evaṃ satta pañhā sahajātā nānākkhaṇikā iminā kāraṇena vibhajitabbā, tividharūpasaṅgaho.) (7)

    ৰিপাকপচ্চযো

    Vipākapaccayo

    ৪৪. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ৰিপাকপচ্চযেন পচ্চযো – ৰিপাকো অনিদস্সনঅপ্পটিঘো একো খন্ধো তিণ্ণন্নং খন্ধানং অনিদস্সনঅপ্পটিঘানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো…পে॰… দ্ৰে খন্ধা…পে॰… পটিসন্ধিক্খণে অনিদস্সনঅপ্পটিঘো একো খন্ধো তিণ্ণন্নং খন্ধানং অনিদস্সনঅপ্পটিঘানঞ্চ কটত্তারূপানং ৰিপাকপচ্চযেন পচ্চযো…পে॰… খন্ধা ৰত্থুস্স ৰিপাকপচ্চযেন পচ্চযো। (১)

    44. Anidassanaappaṭigho dhammo anidassanaappaṭighassa dhammassa vipākapaccayena paccayo – vipāko anidassanaappaṭigho eko khandho tiṇṇannaṃ khandhānaṃ anidassanaappaṭighānaṃ cittasamuṭṭhānānañca rūpānaṃ vipākapaccayena paccayo…pe… dve khandhā…pe… paṭisandhikkhaṇe anidassanaappaṭigho eko khandho tiṇṇannaṃ khandhānaṃ anidassanaappaṭighānañca kaṭattārūpānaṃ vipākapaccayena paccayo…pe… khandhā vatthussa vipākapaccayena paccayo. (1)

    অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স ৰিপাকপচ্চযেন পচ্চযো – ৰিপাকা অনিদস্সনঅপ্পটিঘা খন্ধা সনিদস্সনসপ্পটিঘানং চিত্তসমুট্ঠানানং রূপানং ৰিপাকপচ্চযেন পচ্চযো। পটিসন্ধিক্খণে অনিদস্সনঅপ্পটিঘা খন্ধা সনিদস্সনসপ্পটিঘানং কটত্তারূপানং ৰিপাকপচ্চযেন পচ্চযো। (২)

    Anidassanaappaṭigho dhammo sanidassanasappaṭighassa dhammassa vipākapaccayena paccayo – vipākā anidassanaappaṭighā khandhā sanidassanasappaṭighānaṃ cittasamuṭṭhānānaṃ rūpānaṃ vipākapaccayena paccayo. Paṭisandhikkhaṇe anidassanaappaṭighā khandhā sanidassanasappaṭighānaṃ kaṭattārūpānaṃ vipākapaccayena paccayo. (2)

    (এৰং সত্ত পঞ্হা ৰিত্থারেতব্বা, পৰত্তিপটিসন্ধি।) (৭)

    (Evaṃ satta pañhā vitthāretabbā, pavattipaṭisandhi.) (7)

    আহারপচ্চযো

    Āhārapaccayo

    ৪৫. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স আহারপচ্চযেন পচ্চযো – অনিদস্সনঅপ্পটিঘা আহারা সম্পযুত্তকানং খন্ধানং অনিদস্সনঅপ্পটিঘানঞ্চ চিত্তসমুট্ঠানানং রূপানং আহারপচ্চযেন পচ্চযো। পটিসন্ধিক্খণে অনিদস্সনঅপ্পটিঘা আহারা সম্পযুত্তকানং খন্ধানং অনিদস্সনঅপ্পটিঘানঞ্চ কটত্তারূপানং আহারপচ্চযেন পচ্চযো। কবল়ীকারো আহারো ইমস্স অনিদস্সনঅপ্পটিঘস্স কাযস্স আহারপচ্চযেন পচ্চযো। (১)

    45. Anidassanaappaṭigho dhammo anidassanaappaṭighassa dhammassa āhārapaccayena paccayo – anidassanaappaṭighā āhārā sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ āhārapaccayena paccayo. Paṭisandhikkhaṇe anidassanaappaṭighā āhārā sampayuttakānaṃ khandhānaṃ anidassanaappaṭighānañca kaṭattārūpānaṃ āhārapaccayena paccayo. Kabaḷīkāro āhāro imassa anidassanaappaṭighassa kāyassa āhārapaccayena paccayo. (1)

    অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স আহারপচ্চযেন পচ্চযো – অনিদস্সনঅপ্পটিঘা আহারা সনিদস্সনসপ্পটিঘানং চিত্তসমুট্ঠানানং রূপানং আহারপচ্চযেন পচ্চযো। পটিসন্ধিক্খণে অনিদস্সনঅপ্পটিঘা আহারা সনিদস্সনসপ্পটিঘানং কটত্তারূপানং আহারপচ্চযেন পচ্চযো। কবল়ীকারো আহারো ইমস্স সনিদস্সনসপ্পটিঘস্স কাযস্স আহারপচ্চযেন পচ্চযো। (২)

    Anidassanaappaṭigho dhammo sanidassanasappaṭighassa dhammassa āhārapaccayena paccayo – anidassanaappaṭighā āhārā sanidassanasappaṭighānaṃ cittasamuṭṭhānānaṃ rūpānaṃ āhārapaccayena paccayo. Paṭisandhikkhaṇe anidassanaappaṭighā āhārā sanidassanasappaṭighānaṃ kaṭattārūpānaṃ āhārapaccayena paccayo. Kabaḷīkāro āhāro imassa sanidassanasappaṭighassa kāyassa āhārapaccayena paccayo. (2)

    (এৰং সত্ত পঞ্হা পৰত্তিপটিসন্ধি ৰিভজিতব্বা, সত্তসুপি কবল়ীকারো আহারো কাতব্বো।) (৭)

    (Evaṃ satta pañhā pavattipaṭisandhi vibhajitabbā, sattasupi kabaḷīkāro āhāro kātabbo.) (7)

    ইন্দ্রিযপচ্চযো

    Indriyapaccayo

    ৪৬. অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযং চক্খুৰিঞ্ঞাণস্স…পে॰… কাযিন্দ্রিযং কাযৰিঞ্ঞাণস্স ইন্দ্রিযপচ্চযেন পচ্চযো। (১)

    46. Anidassanasappaṭigho dhammo anidassanaappaṭighassa dhammassa indriyapaccayena paccayo – cakkhundriyaṃ cakkhuviññāṇassa…pe… kāyindriyaṃ kāyaviññāṇassa indriyapaccayena paccayo. (1)

    অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ইন্দ্রিযপচ্চযেন পচ্চযো – অনিদস্সনঅপ্পটিঘা ইন্দ্রিযা সম্পযুত্তকানং খন্ধানং অনিদস্সনঅপ্পটিঘানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো। পটিসন্ধিক্খণে অনিদস্সনঅপ্পটিঘা ইন্দ্রিযা সম্পযুত্তকানং খন্ধানং অনিদস্সনঅপ্পটিঘানঞ্চ কটত্তারূপানং ইন্দ্রিযপচ্চযেন পচ্চযো। রূপজীৰিতিন্দ্রিযং অনিদস্সনঅপ্পটিঘানং কটত্তারূপানং ইন্দ্রিযপচ্চযেন পচ্চযো। (১)

    Anidassanaappaṭigho dhammo anidassanaappaṭighassa dhammassa indriyapaccayena paccayo – anidassanaappaṭighā indriyā sampayuttakānaṃ khandhānaṃ anidassanaappaṭighānaṃ cittasamuṭṭhānānañca rūpānaṃ indriyapaccayena paccayo. Paṭisandhikkhaṇe anidassanaappaṭighā indriyā sampayuttakānaṃ khandhānaṃ anidassanaappaṭighānañca kaṭattārūpānaṃ indriyapaccayena paccayo. Rūpajīvitindriyaṃ anidassanaappaṭighānaṃ kaṭattārūpānaṃ indriyapaccayena paccayo. (1)

    অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স ইন্দ্রিযপচ্চযেন পচ্চযো – অনিদস্সনঅপ্পটিঘা ইন্দ্রিযা সনিদস্সনসপ্পটিঘানং চিত্তসমুট্ঠানানং রূপানং ইন্দ্রিযপচ্চযেন পচ্চযো। পটিসন্ধিক্খণে অনিদস্সনঅপ্পটিঘা ইন্দ্রিযা সনিদস্সনসপ্পটিঘানং কটত্তারূপানং ইন্দ্রিযপচ্চযেন পচ্চযো। রূপজীৰিতিন্দ্রিযং সনিদস্সনসপ্পটিঘানং কটত্তারূপানং ইন্দ্রিযপচ্চযেন পচ্চযো। (২)

    Anidassanaappaṭigho dhammo sanidassanasappaṭighassa dhammassa indriyapaccayena paccayo – anidassanaappaṭighā indriyā sanidassanasappaṭighānaṃ cittasamuṭṭhānānaṃ rūpānaṃ indriyapaccayena paccayo. Paṭisandhikkhaṇe anidassanaappaṭighā indriyā sanidassanasappaṭighānaṃ kaṭattārūpānaṃ indriyapaccayena paccayo. Rūpajīvitindriyaṃ sanidassanasappaṭighānaṃ kaṭattārūpānaṃ indriyapaccayena paccayo. (2)

    (এৰং পৰত্তিপটিসন্ধি সত্ত পঞ্হা ৰিভজিতব্বা, রূপজীৰিতিন্দ্রিযঞ্চ অন্তে অন্তে।) (৭)

    (Evaṃ pavattipaṭisandhi satta pañhā vibhajitabbā, rūpajīvitindriyañca ante ante.) (7)

    ৪৭. অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযঞ্চ চক্খুৰিঞ্ঞাণঞ্চ চক্খুৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো…পে॰… কাযিন্দ্রিযঞ্চ কাযৰিঞ্ঞাণঞ্চ কাযৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো। (১)

    47. Anidassanasappaṭigho ca anidassanaappaṭigho ca dhammā anidassanaappaṭighassa dhammassa indriyapaccayena paccayo – cakkhundriyañca cakkhuviññāṇañca cakkhuviññāṇasahagatānaṃ khandhānaṃ indriyapaccayena paccayo…pe… kāyindriyañca kāyaviññāṇañca kāyaviññāṇasahagatānaṃ khandhānaṃ indriyapaccayena paccayo. (1)

    ঝানপচ্চযাদি

    Jhānapaccayādi

    ৪৮. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো – অনিদস্সনঅপ্পটিঘো একো খন্ধো তিণ্ণন্নং খন্ধানং সম্পযুত্তপচ্চযেন পচ্চযো…পে॰… দ্ৰে খন্ধা…পে॰… পটিসন্ধিক্খণে…পে॰…।

    48. Anidassanaappaṭigho dhammo anidassanaappaṭighassa dhammassa jhānapaccayena paccayo… maggapaccayena paccayo… sampayuttapaccayena paccayo – anidassanaappaṭigho eko khandho tiṇṇannaṃ khandhānaṃ sampayuttapaccayena paccayo…pe… dve khandhā…pe… paṭisandhikkhaṇe…pe….

    ৰিপ্পযুত্তপচ্চযো

    Vippayuttapaccayo

    ৪৯. অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স ৰিপ্পযুত্তপচ্চযেন পচ্চযো। পুরেজাতং – চক্খাযতনং চক্খুৰিঞ্ঞাণস্স…পে॰… কাযাযতনং কাযৰিঞ্ঞাণস্স ৰিপ্পযুত্তপচ্চযেন পচ্চযো। (১)

    49. Anidassanasappaṭigho dhammo anidassanaappaṭighassa dhammassa vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa vippayuttapaccayena paccayo. (1)

    অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং। সহজাতা – অনিদস্সনঅপ্পটিঘা খন্ধা অনিদস্সনঅপ্পটিঘানং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো। পটিসন্ধিক্খণে অনিদস্সনঅপ্পটিঘা খন্ধা অনিদস্সনঅপ্পটিঘানং কটত্তারূপানং ৰিপ্পযুত্তপচ্চযেন পচ্চযো। খন্ধা ৰত্থুস্স ৰিপ্পযুত্তপচ্চযেন পচ্চযো। ৰত্থু খন্ধানং ৰিপ্পযুত্তপচ্চযেন পচ্চযো। পুরেজাতং – ৰত্থু অনিদস্সনঅপ্পটিঘানং খন্ধানং ৰিপ্পযুত্তপচ্চযেন পচ্চযো। পচ্ছাজাতা – অনিদস্সনঅপ্পটিঘা খন্ধা পুরেজাতস্স ইমস্স অনিদস্সনঅপ্পটিঘস্স কাযস্স ৰিপ্পযুত্তপচ্চযেন পচ্চযো। (১)

    Anidassanaappaṭigho dhammo anidassanaappaṭighassa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – anidassanaappaṭighā khandhā anidassanaappaṭighānaṃ cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe anidassanaappaṭighā khandhā anidassanaappaṭighānaṃ kaṭattārūpānaṃ vippayuttapaccayena paccayo. Khandhā vatthussa vippayuttapaccayena paccayo. Vatthu khandhānaṃ vippayuttapaccayena paccayo. Purejātaṃ – vatthu anidassanaappaṭighānaṃ khandhānaṃ vippayuttapaccayena paccayo. Pacchājātā – anidassanaappaṭighā khandhā purejātassa imassa anidassanaappaṭighassa kāyassa vippayuttapaccayena paccayo. (1)

    অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং। সহজাতা – অনিদস্সনঅপ্পটিঘা খন্ধা সনিদস্সনসপ্পটিঘানং চিত্তসমুট্ঠানানং রূপানং ৰিপ্পযুত্তপচ্চযেন পচ্চযো। পটিসন্ধিক্খণে অনিদস্সনঅপ্পটিঘা খন্ধা সনিদস্সনসপ্পটিঘানং কটত্তারূপানং ৰিপ্পযুত্তপচ্চযেন পচ্চযো। পচ্ছাজাতা – অনিদস্সনঅপ্পটিঘা খন্ধা পুরেজাতস্স ইমস্স সনিদস্সনসপ্পটিঘস্স কাযস্স ৰিপ্পযুত্তপচ্চযেন পচ্চযো। (২)

    Anidassanaappaṭigho dhammo sanidassanasappaṭighassa dhammassa vippayuttapaccayena paccayo – sahajātaṃ, pacchājātaṃ. Sahajātā – anidassanaappaṭighā khandhā sanidassanasappaṭighānaṃ cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe anidassanaappaṭighā khandhā sanidassanasappaṭighānaṃ kaṭattārūpānaṃ vippayuttapaccayena paccayo. Pacchājātā – anidassanaappaṭighā khandhā purejātassa imassa sanidassanasappaṭighassa kāyassa vippayuttapaccayena paccayo. (2)

    (অৰসেসা পঞ্চ পঞ্হা এৰং ৰিত্থারেতব্বা। সহজাতা, পচ্ছাজাতা।)

    (Avasesā pañca pañhā evaṃ vitthāretabbā. Sahajātā, pacchājātā.)

    অত্থিপচ্চযো

    Atthipaccayo

    ৫০. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অত্থিপচ্চযেন পচ্চযো। পুরেজাতং – রূপে অনিচ্চতো…পে॰… দোমনস্সং উপ্পজ্জতি, দিব্বেন চক্খুনা রূপং পস্সতি, রূপাযতনং চক্খুৰিঞ্ঞাণস্স অত্থিপচ্চযেন পচ্চযো। (১)

    50. Sanidassanasappaṭigho dhammo anidassanaappaṭighassa dhammassa atthipaccayena paccayo. Purejātaṃ – rūpe aniccato…pe… domanassaṃ uppajjati, dibbena cakkhunā rūpaṃ passati, rūpāyatanaṃ cakkhuviññāṇassa atthipaccayena paccayo. (1)

    ৫১. অনিদস্সনসপ্পটিঘো ধম্মো অনিদস্সনসপ্পটিঘস্স ধম্মস্স অত্থিপচ্চযেন পচ্চযো – অনিদস্সনসপ্পটিঘং একং মহাভূতং দ্ৰিন্নং মহাভূতানং অত্থিপচ্চযেন পচ্চযো। দ্ৰে মহাভূতা একস্স মহাভূতস্স অত্থিপচ্চযেন পচ্চযো। অনিদস্সনসপ্পটিঘা মহাভূতা অনিদস্সনসপ্পটিঘানং চিত্তসমুট্ঠানানং রূপানং কটত্তারূপানং উপাদারূপানং অত্থিপচ্চযেন পচ্চযো। ফোট্ঠব্বাযতনং চক্খাযতনস্স…পে॰… রসাযতনস্স অত্থিপচ্চযেন পচ্চযো। বাহিরং… আহারসমুট্ঠানং… উতুসমুট্ঠানং… একং মহাভূতং দ্ৰিন্নং মহাভূতানং অত্থিপচ্চযেন পচ্চযো। দ্ৰে মহাভূতা একস্স মহাভূতস্স অত্থিপচ্চযেন পচ্চযো। উতুসমুট্ঠানা মহাভূতা অনিদস্সনসপ্পটিঘানং উপাদারূপানং অত্থিপচ্চযেন পচ্চযো। অসঞ্ঞসত্তানং অনিদস্সনসপ্পটিঘং একং মহাভূতং দ্ৰিন্নং মহাভূতানং অত্থিপচ্চযেন পচ্চযো। দ্ৰে মহাভূতা…পে॰…। (১)

    51. Anidassanasappaṭigho dhammo anidassanasappaṭighassa dhammassa atthipaccayena paccayo – anidassanasappaṭighaṃ ekaṃ mahābhūtaṃ dvinnaṃ mahābhūtānaṃ atthipaccayena paccayo. Dve mahābhūtā ekassa mahābhūtassa atthipaccayena paccayo. Anidassanasappaṭighā mahābhūtā anidassanasappaṭighānaṃ cittasamuṭṭhānānaṃ rūpānaṃ kaṭattārūpānaṃ upādārūpānaṃ atthipaccayena paccayo. Phoṭṭhabbāyatanaṃ cakkhāyatanassa…pe… rasāyatanassa atthipaccayena paccayo. Bāhiraṃ… āhārasamuṭṭhānaṃ… utusamuṭṭhānaṃ… ekaṃ mahābhūtaṃ dvinnaṃ mahābhūtānaṃ atthipaccayena paccayo. Dve mahābhūtā ekassa mahābhūtassa atthipaccayena paccayo. Utusamuṭṭhānā mahābhūtā anidassanasappaṭighānaṃ upādārūpānaṃ atthipaccayena paccayo. Asaññasattānaṃ anidassanasappaṭighaṃ ekaṃ mahābhūtaṃ dvinnaṃ mahābhūtānaṃ atthipaccayena paccayo. Dve mahābhūtā…pe…. (1)

    অনিদস্সনসপ্পটিঘো ধম্মো সনিদস্সনসপ্পটিঘস্স ধম্মস্স অত্থিপচ্চযেন পচ্চযো। (২)

    Anidassanasappaṭigho dhammo sanidassanasappaṭighassa dhammassa atthipaccayena paccayo. (2)

    (পটিচ্চৰারে নিস্সযপচ্চযসদিসং।)

    (Paṭiccavāre nissayapaccayasadisaṃ.)

    অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুরেজাতং। সহজাতা – অনিদস্সনসপ্পটিঘা মহাভূতা অনিদস্সনঅপ্পটিঘানং চিত্তসমুট্ঠানানং রূপানং কটত্তারূপানং উপাদারূপানং অত্থিপচ্চযেন পচ্চযো (যাৰ অসঞ্ঞসত্তা ৰিত্থারেতব্বা)। পুরেজাতং – চক্খুং…পে॰… কাযং, সদ্দে…পে॰… ফোট্ঠব্বে অনিচ্চতো…পে॰… দোমনস্সং উপ্পজ্জতি, চক্খাযতনং চক্খুৰিঞ্ঞাণস্স…পে॰… ফোট্ঠব্বাযতনং কাযৰিঞ্ঞাণস্স অত্থিপচ্চযেন পচ্চযো। (৩)

    Anidassanasappaṭigho dhammo anidassanaappaṭighassa dhammassa atthipaccayena paccayo – sahajātaṃ, purejātaṃ. Sahajātā – anidassanasappaṭighā mahābhūtā anidassanaappaṭighānaṃ cittasamuṭṭhānānaṃ rūpānaṃ kaṭattārūpānaṃ upādārūpānaṃ atthipaccayena paccayo (yāva asaññasattā vitthāretabbā). Purejātaṃ – cakkhuṃ…pe… kāyaṃ, sadde…pe… phoṭṭhabbe aniccato…pe… domanassaṃ uppajjati, cakkhāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa atthipaccayena paccayo. (3)

    (অৰসেসা চত্তারো পঞ্হা ৰিত্থারেতব্বা। পটিচ্চৰারে সহজাতপচ্চযসদিসা, নিন্নানাকরণা।) (৭)

    (Avasesā cattāro pañhā vitthāretabbā. Paṭiccavāre sahajātapaccayasadisā, ninnānākaraṇā.) (7)

    ৫২. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং। সহজাতো – অনিদস্সনঅপ্পটিঘো একো খন্ধো তিণ্ণন্নং খন্ধানং অনিদস্সনঅপ্পটিঘানং চিত্তসমুট্ঠানানঞ্চ রূপানং অত্থিপচ্চযেন পচ্চযো। দ্ৰে খন্ধা…পে॰… পটিসন্ধিক্খণে…পে॰… আপোধাতু অনিদস্সনঅপ্পটিঘানং চিত্তসমুট্ঠানানং রূপানং কটত্তারূপানং উপাদারূপানং…পে॰… আপোধাতু ইত্থিন্দ্রিযস্স…পে॰… কবল়ীকারাহারস্স চ অত্থিপচ্চযেন পচ্চযো। বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং আপোধাতু অনিদস্সনঅপ্পটিঘানং কটত্তারূপানং উপাদারূপানং অত্থিপচ্চযেন পচ্চযো। পুরেজাতং – ৰত্থুং… ইত্থিন্দ্রিযং… পুরিসিন্দ্রিযং… জীৰিতিন্দ্রিযং… আপোধাতুং… কবল়ীকারং আহারং… অনিচ্চতো…পে॰… দোমনস্সং উপ্পজ্জতি, ৰত্থু অনিদস্সনঅপ্পটিঘানং খন্ধানং অত্থিপচ্চযেন পচ্চযো। পচ্ছাজাতা – অনিদস্সনঅপ্পটিঘা খন্ধা পুরেজাতস্স ইমস্স অনিদস্সনঅপ্পটিঘস্স কাযস্স অত্থিপচ্চযেন পচ্চযো। কবল়ীকারো আহারো ইমস্স অনিদস্সনঅপ্পটিঘস্স কাযস্স অত্থিপচ্চযেন পচ্চযো। রূপজীৰিতিন্দ্রিযং অনিদস্সনঅপ্পটিঘানং কটত্তারূপানং অত্থিপচ্চযেন পচ্চযো (এৰং অৰসেসা ছ পঞ্হা ৰিভজিতব্বা। সহজাতং, পচ্ছাজাতং, আহারং, ইন্দ্রিযম্পি কাতব্বা)। (৭)

    52. Anidassanaappaṭigho dhammo anidassanaappaṭighassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – anidassanaappaṭigho eko khandho tiṇṇannaṃ khandhānaṃ anidassanaappaṭighānaṃ cittasamuṭṭhānānañca rūpānaṃ atthipaccayena paccayo. Dve khandhā…pe… paṭisandhikkhaṇe…pe… āpodhātu anidassanaappaṭighānaṃ cittasamuṭṭhānānaṃ rūpānaṃ kaṭattārūpānaṃ upādārūpānaṃ…pe… āpodhātu itthindriyassa…pe… kabaḷīkārāhārassa ca atthipaccayena paccayo. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātu anidassanaappaṭighānaṃ kaṭattārūpānaṃ upādārūpānaṃ atthipaccayena paccayo. Purejātaṃ – vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… aniccato…pe… domanassaṃ uppajjati, vatthu anidassanaappaṭighānaṃ khandhānaṃ atthipaccayena paccayo. Pacchājātā – anidassanaappaṭighā khandhā purejātassa imassa anidassanaappaṭighassa kāyassa atthipaccayena paccayo. Kabaḷīkāro āhāro imassa anidassanaappaṭighassa kāyassa atthipaccayena paccayo. Rūpajīvitindriyaṃ anidassanaappaṭighānaṃ kaṭattārūpānaṃ atthipaccayena paccayo (evaṃ avasesā cha pañhā vibhajitabbā. Sahajātaṃ, pacchājātaṃ, āhāraṃ, indriyampi kātabbā). (7)

    ৫৩. সনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো। পুরেজাতং – রূপাযতনঞ্চ ৰত্থু চ অনিদস্সনঅপ্পটিঘানং খন্ধানং অত্থিপচ্চযেন পচ্চযো । (১)

    53. Sanidassanasappaṭigho ca anidassanaappaṭigho ca dhammā anidassanaappaṭighassa dhammassa atthipaccayena paccayo. Purejātaṃ – rūpāyatanañca vatthu ca anidassanaappaṭighānaṃ khandhānaṃ atthipaccayena paccayo . (1)

    অনিদস্সনসপ্পটিঘো চ অনিদস্সনঅপ্পটিঘো চ ধম্মা সনিদস্সনসপ্পটিঘস্স ধম্মস্স অত্থিপচ্চযেন পচ্চযো – অনিদস্সনঅপ্পটিঘা খন্ধা চ মহাভূতা চ সনিদস্সনসপ্পটিঘানং চিত্তসমুট্ঠানানং রূপানং অত্থিপচ্চযেন পচ্চযো। পটিসন্ধিক্খণে… (সংখিত্তং, অসঞ্ঞসত্তানঞ্চ কাতব্বা)। (১)

    Anidassanasappaṭigho ca anidassanaappaṭigho ca dhammā sanidassanasappaṭighassa dhammassa atthipaccayena paccayo – anidassanaappaṭighā khandhā ca mahābhūtā ca sanidassanasappaṭighānaṃ cittasamuṭṭhānānaṃ rūpānaṃ atthipaccayena paccayo. Paṭisandhikkhaṇe… (saṃkhittaṃ, asaññasattānañca kātabbā). (1)

    অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনসপ্পটিঘস্স ধম্মস্স অত্থিপচ্চযেন পচ্চযো (সংখিত্তং)। (২)

    Anidassanasappaṭigho ca anidassanaappaṭigho ca dhammā anidassanasappaṭighassa dhammassa atthipaccayena paccayo (saṃkhittaṃ). (2)

    ৫৪. অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুরেজাতং। সহজাতা – অনিদস্সনঅপ্পটিঘা খন্ধা চ মহাভূতা চ অনিদস্সনঅপ্পটিঘানং চিত্তসমুট্ঠানানং রূপানং…পে॰… (যাৰ অসঞ্ঞসত্তা কাতব্বা)। পুরেজাতং – চক্খাযতনঞ্চ ৰত্থু চ…পে॰… ফোট্ঠব্বাযতনঞ্চ ৰত্থু চ অনিদস্সনঅপ্পটিঘানং খন্ধানং অত্থিপচ্চযেন পচ্চযো। (৩) (অৰসেসা চতস্সো পঞ্হা ৰিভজিতব্বা।) (৭)

    54. Anidassanasappaṭigho ca anidassanaappaṭigho ca dhammā anidassanaappaṭighassa dhammassa atthipaccayena paccayo – sahajātaṃ, purejātaṃ. Sahajātā – anidassanaappaṭighā khandhā ca mahābhūtā ca anidassanaappaṭighānaṃ cittasamuṭṭhānānaṃ rūpānaṃ…pe… (yāva asaññasattā kātabbā). Purejātaṃ – cakkhāyatanañca vatthu ca…pe… phoṭṭhabbāyatanañca vatthu ca anidassanaappaṭighānaṃ khandhānaṃ atthipaccayena paccayo. (3) (Avasesā catasso pañhā vibhajitabbā.) (7)

    ৫৫. সনিদস্সনসপ্পটিঘো চ অনিদস্সনসপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো। পুরেজাতং – রূপাযতনঞ্চ চক্খাযতনঞ্চ চক্খুৰিঞ্ঞাণস্স অত্থিপচ্চযেন পচ্চযো। (১)

    55. Sanidassanasappaṭigho ca anidassanasappaṭigho ca dhammā anidassanaappaṭighassa dhammassa atthipaccayena paccayo. Purejātaṃ – rūpāyatanañca cakkhāyatanañca cakkhuviññāṇassa atthipaccayena paccayo. (1)

    সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স অত্থিপচ্চযেন পচ্চযো – সহজাতং, পুরেজাতং। রূপাযতনঞ্চ চক্খাযতনঞ্চ চক্খুৰিঞ্ঞাণঞ্চ চক্খুৰিঞ্ঞাণসহগতানং খন্ধানং অত্থিপচ্চযেন পচ্চযো। (১)

    Sanidassanasappaṭigho ca anidassanasappaṭigho ca anidassanaappaṭigho ca dhammā anidassanaappaṭighassa dhammassa atthipaccayena paccayo – sahajātaṃ, purejātaṃ. Rūpāyatanañca cakkhāyatanañca cakkhuviññāṇañca cakkhuviññāṇasahagatānaṃ khandhānaṃ atthipaccayena paccayo. (1)

    (নত্থিৰিগতপচ্চযং অনন্তরসদিসং। অৰিগতপচ্চযং অত্থিসদিসং।)

    (Natthivigatapaccayaṃ anantarasadisaṃ. Avigatapaccayaṃ atthisadisaṃ.)

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৫৬. হেতুযা সত্ত, আরম্মণে তীণি, অধিপতিযা নৰ, অনন্তরে একং, সমনন্তরে একং, সহজাতে একৰীস, অঞ্ঞমঞ্ঞে ছ, নিস্সযে একৰীস, উপনিস্সযে তীণি, পুরেজাতে ছ, পচ্ছাজাতে সত্ত, আসেৰনে একং, কম্মে সত্ত, ৰিপাকে সত্ত, আহারে সত্ত, ইন্দ্রিযে নৰ, ঝানে সত্ত, মগ্গে সত্ত, সম্পযুত্তে একং, ৰিপ্পযুত্তে অট্ঠ, অত্থিযা পঞ্চৰীস, নত্থিযা একং, ৰিগতে একং, অৰিগতে পঞ্চৰীস।

    56. Hetuyā satta, ārammaṇe tīṇi, adhipatiyā nava, anantare ekaṃ, samanantare ekaṃ, sahajāte ekavīsa, aññamaññe cha, nissaye ekavīsa, upanissaye tīṇi, purejāte cha, pacchājāte satta, āsevane ekaṃ, kamme satta, vipāke satta, āhāre satta, indriye nava, jhāne satta, magge satta, sampayutte ekaṃ, vippayutte aṭṭha, atthiyā pañcavīsa, natthiyā ekaṃ, vigate ekaṃ, avigate pañcavīsa.

    হেতুসভাগং

    Hetusabhāgaṃ

    ৫৭. হেতুপচ্চযা অধিপতিযা সত্ত, সহজাতে সত্ত, অঞ্ঞমঞ্ঞে একং, নিস্সযে সত্ত, ৰিপাকে সত্ত, ইন্দ্রিযে সত্ত, মগ্গে সত্ত, সম্পযুত্তে একং, ৰিপ্পযুত্তে সত্ত, অত্থিযা সত্ত, অৰিগতে সত্ত।

    57. Hetupaccayā adhipatiyā satta, sahajāte satta, aññamaññe ekaṃ, nissaye satta, vipāke satta, indriye satta, magge satta, sampayutte ekaṃ, vippayutte satta, atthiyā satta, avigate satta.

    হেতুসামঞ্ঞঘটনা (৯)

    Hetusāmaññaghaṭanā (9)

    ৫৮. হেতু-সহজাত-নিস্সয-অত্থি-অৰিগতন্তি সত্ত। হেতু-সহজাত-অঞ্ঞমঞ্ঞনিস্সয-অত্থি-অৰিগতন্তি একং। হেতু-সহজাত-অঞ্ঞমঞ্ঞ-নিস্সয-সম্পযুত্ত-অত্থি-অৰিগতন্তি একং। হেতু-সহজাত-নিস্সয-ৰিপ্পযুত্ত-অত্থি -অৰিগতন্তি সত্ত (অৰিপাকং-৪)।

    58. Hetu-sahajāta-nissaya-atthi-avigatanti satta. Hetu-sahajāta-aññamaññanissaya-atthi-avigatanti ekaṃ. Hetu-sahajāta-aññamañña-nissaya-sampayutta-atthi-avigatanti ekaṃ. Hetu-sahajāta-nissaya-vippayutta-atthi -avigatanti satta (avipākaṃ-4).

    হেতু-সহজাত-নিস্সয-ৰিপাক-অত্থি-অৰিগতন্তি সত্ত। হেতু-সহজাত-অঞ্ঞমঞ্ঞ-নিস্সযৰিপাক-অত্থি-অৰিগতন্তি একং। হেতু-সহজাত-অঞ্ঞমঞ্ঞ-নিস্সয-ৰিপাক-সম্পযুত্ত-অত্থিঅৰিগতন্তি একং। হেতু-সহজাত-নিস্সয-ৰিপাক-ৰিপ্পযুত্ত-অত্থি-অৰিগতন্তি সত্ত। হেতু-সহজাত-অঞ্ঞমঞ্ঞ-নিস্সয-ৰিপাক-ৰিপ্পযুত্ত-অত্থি-অৰিগতন্তি একং (সৰিপাকং-৫)।

    Hetu-sahajāta-nissaya-vipāka-atthi-avigatanti satta. Hetu-sahajāta-aññamañña-nissayavipāka-atthi-avigatanti ekaṃ. Hetu-sahajāta-aññamañña-nissaya-vipāka-sampayutta-atthiavigatanti ekaṃ. Hetu-sahajāta-nissaya-vipāka-vippayutta-atthi-avigatanti satta. Hetu-sahajāta-aññamañña-nissaya-vipāka-vippayutta-atthi-avigatanti ekaṃ (savipākaṃ-5).

    (এৰং সব্বো গণনৰারো গণেতব্বো।)

    (Evaṃ sabbo gaṇanavāro gaṇetabbo.)

    অনুলোমং।

    Anulomaṃ.

    ২. পচ্চনীযুদ্ধারো

    2. Paccanīyuddhāro

    ৫৯. সনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো। (১)

    59. Sanidassanasappaṭigho dhammo anidassanaappaṭighassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (1)

    অনিদস্সনসপ্পটিঘো ধম্মো অনিদস্সনসপ্পটিঘস্স ধম্মস্স সহজাতপচ্চযেন পচ্চযো। (১)

    Anidassanasappaṭigho dhammo anidassanasappaṭighassa dhammassa sahajātapaccayena paccayo. (1)

    অনিদস্সনসপ্পটিঘো ধম্মো সনিদস্সনসপ্পটিঘস্স ধম্মস্স সহজাতপচ্চযেন পচ্চযো। (২)

    Anidassanasappaṭigho dhammo sanidassanasappaṭighassa dhammassa sahajātapaccayena paccayo. (2)

    অনিদস্সনসপ্পটিঘো ধম্মো অনিদস্সনঅপ্পটিঘস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো। (৩)

    Anidassanasappaṭigho dhammo anidassanaappaṭighassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    অনিদস্সনসপ্পটিঘো ধম্মো সনিদস্সনসপ্পটিঘস্স চ অনিদস্সনঅপ্পটিঘস্স চ ধম্মস্স সহজাতপচ্চযেন পচ্চযো। (৪)

    Anidassanasappaṭigho dhammo sanidassanasappaṭighassa ca anidassanaappaṭighassa ca dhammassa sahajātapaccayena paccayo. (4)

    অনিদস্সনসপ্পটিঘো ধম্মো অনিদস্সনসপ্পটিঘস্স চ অনিদস্সনঅপ্পটিঘস্স চ ধম্মস্স সহজাতপচ্চযেন পচ্চযো। (৫)

    Anidassanasappaṭigho dhammo anidassanasappaṭighassa ca anidassanaappaṭighassa ca dhammassa sahajātapaccayena paccayo. (5)

    অনিদস্সনসপ্পটিঘো ধম্মো সনিদস্সনসপ্পটিঘস্স চ অনিদস্সনসপ্পটিঘস্স চ ধম্মস্স সহজাতপচ্চযেন পচ্চযো। (৬)

    Anidassanasappaṭigho dhammo sanidassanasappaṭighassa ca anidassanasappaṭighassa ca dhammassa sahajātapaccayena paccayo. (6)

    অনিদস্সনসপ্পটিঘো ধম্মো সনিদস্সনসপ্পটিঘস্স চ অনিদস্সনসপ্পটিঘস্স চ অনিদস্সনঅপ্পটিঘস্স চ ধম্মস্স সহজাতপচ্চযেন পচ্চযো। (৭)

    Anidassanasappaṭigho dhammo sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo. (7)

    ৬০. অনিদস্সনঅপ্পটিঘো ধম্মো অনিদস্সনঅপ্পটিঘস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো। (১)

    60. Anidassanaappaṭigho dhammo anidassanaappaṭighassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    অনিদস্সনঅপ্পটিঘো ধম্মো সনিদস্সনসপ্পটিঘস্স ধম্মস্স সহজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো। (২)

    Anidassanaappaṭigho dhammo sanidassanasappaṭighassa dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (2)

    অনিদস্সনঅপ্পটিঘো ধম্মো অনিদস্সনসপ্পটিঘস্স ধম্মস্স সহজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো। (৩)

    Anidassanaappaṭigho dhammo anidassanasappaṭighassa dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (3)

    অনিদস্সনঅপ্পটিঘো ধম্মো সনিদস্সনসপ্পটিঘস্স চ অনিদস্সনঅপ্পটিঘস্স চ ধম্মস্স সহজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো। (৪)

    Anidassanaappaṭigho dhammo sanidassanasappaṭighassa ca anidassanaappaṭighassa ca dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (4)

    অনিদস্সনঅপ্পটিঘো ধম্মো অনিদস্সনসপ্পটিঘস্স চ অনিদস্সনঅপ্পটিঘস্স চ ধম্মস্স সহজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো। (৫)

    Anidassanaappaṭigho dhammo anidassanasappaṭighassa ca anidassanaappaṭighassa ca dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (5)

    অনিদস্সনঅপ্পটিঘো ধম্মো সনিদস্সনসপ্পটিঘস্স চ অনিদস্সনসপ্পটিঘস্স চ ধম্মস্স সহজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো। (৬)

    Anidassanaappaṭigho dhammo sanidassanasappaṭighassa ca anidassanasappaṭighassa ca dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (6)

    অনিদস্সনঅপ্পটিঘো ধম্মো সনিদস্সনসপ্পটিঘস্স চ অনিদস্সনসপ্পটিঘস্স চ অনিদস্সনঅপ্পটিঘস্স চ ধম্মস্স সহজাতপচ্চযেন পচ্চযো … পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো। (৭)

    Anidassanaappaṭigho dhammo sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo … pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (7)

    ৬১. সনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স পুরেজাতং। (১)

    61. Sanidassanasappaṭigho ca anidassanaappaṭigho ca dhammā anidassanaappaṭighassa dhammassa purejātaṃ. (1)

    অনিদস্সনসপ্পটিঘো চ অনিদস্সনঅপ্পটিঘো চ ধম্মা সনিদস্সনসপ্পটিঘস্স ধম্মস্স সহজাতপচ্চযেন পচ্চযো। (১)

    Anidassanasappaṭigho ca anidassanaappaṭigho ca dhammā sanidassanasappaṭighassa dhammassa sahajātapaccayena paccayo. (1)

    অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনসপ্পটিঘস্স ধম্মস্স সহজাতপচ্চযেন পচ্চযো। (২)

    Anidassanasappaṭigho ca anidassanaappaṭigho ca dhammā anidassanasappaṭighassa dhammassa sahajātapaccayena paccayo. (2)

    অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স সহজাতং, পুরেজাতং। (৩)

    Anidassanasappaṭigho ca anidassanaappaṭigho ca dhammā anidassanaappaṭighassa dhammassa sahajātaṃ, purejātaṃ. (3)

    অনিদস্সনসপ্পটিঘো চ অনিদস্সনঅপ্পটিঘো চ ধম্মা সনিদস্সনসপ্পটিঘস্স চ অনিদস্সনঅপ্পটিঘস্স চ ধম্মস্স সহজাতপচ্চযেন পচ্চযো। (৪)

    Anidassanasappaṭigho ca anidassanaappaṭigho ca dhammā sanidassanasappaṭighassa ca anidassanaappaṭighassa ca dhammassa sahajātapaccayena paccayo. (4)

    অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনসপ্পটিঘস্স চ অনিদস্সনঅপ্পটিঘস্স চ ধম্মস্স সহজাতপচ্চযেন পচ্চযো। (৫)

    Anidassanasappaṭigho ca anidassanaappaṭigho ca dhammā anidassanasappaṭighassa ca anidassanaappaṭighassa ca dhammassa sahajātapaccayena paccayo. (5)

    অনিদস্সনসপ্পটিঘো চ অনিদস্সনঅপ্পটিঘো চ ধম্মা সনিদস্সনসপ্পটিঘস্স চ অনিদস্সনসপ্পটিঘস্স চ ধম্মস্স সহজাতপচ্চযেন পচ্চযো। (৬)

    Anidassanasappaṭigho ca anidassanaappaṭigho ca dhammā sanidassanasappaṭighassa ca anidassanasappaṭighassa ca dhammassa sahajātapaccayena paccayo. (6)

    অনিদস্সনসপ্পটিঘো চ অনিদস্সনঅপ্পটিঘো চ ধম্মা সনিদস্সনসপ্পটিঘস্স চ অনিদস্সনসপ্পটিঘস্স চ অনিদস্সনঅপ্পটিঘস্স চ ধম্মস্স সহজাতপচ্চযেন পচ্চযো। (৭)

    Anidassanasappaṭigho ca anidassanaappaṭigho ca dhammā sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo. (7)

    ৬২. সনিদস্সনসপ্পটিঘো চ অনিদস্সনসপ্পটিঘো চ ধম্মা অনিদস্সনঅপ্পটিঘস্স ধম্মস্স পুরেজাতং। (১)

    62. Sanidassanasappaṭigho ca anidassanasappaṭigho ca dhammā anidassanaappaṭighassa dhammassa purejātaṃ. (1)

    সনিদস্সনসপ্পটিঘো চ অনিদস্সনসপ্পটিঘো চ অনিদস্সনঅপ্পটিঘো চ ধম্মা অনিদস্সনঅপ্পটিঘস্স ধম্মস্স সহজাতপচ্চযেন পচ্চযো… পুরেজাতপচ্চযেন পচ্চযো। (১)

    Sanidassanasappaṭigho ca anidassanasappaṭigho ca anidassanaappaṭigho ca dhammā anidassanaappaṭighassa dhammassa sahajātapaccayena paccayo… purejātapaccayena paccayo. (1)

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৬৩. নহেতুযা পঞ্চৰীস, নআরম্মণে দ্ৰাৰীস, নঅধিপতিযা পঞ্চৰীস, নঅনন্তরে পঞ্চৰীস, নসমনন্তরে পঞ্চৰীস, নসহজাতে দ্ৰাদস, নঅঞ্ঞমঞ্ঞে চতুৰীস, ননিস্সযে নৰ, নউপনিস্সযে পঞ্চৰীস, নপুরেজাতে বাৰীস, নপচ্ছাজাতে পঞ্চৰীস, নআসেৰনে পঞ্চৰীস, নকম্মে পঞ্চৰীস, নৰিপাকে চতুৰীস, নআহারে পঞ্চৰীস, নইন্দ্রিযে তেৰীস, নঝানে পঞ্চৰীস, নমগ্গে পঞ্চৰীস, নসম্পযুত্তে চতুৰীস, নৰিপ্পযুত্তে বাৰীস, নোঅত্থিযা নৰ, নোনত্থিযা পঞ্চৰীস, নোৰিগতে পঞ্চৰীস, নোঅৰিগতে নৰ।

    63. Nahetuyā pañcavīsa, naārammaṇe dvāvīsa, naadhipatiyā pañcavīsa, naanantare pañcavīsa, nasamanantare pañcavīsa, nasahajāte dvādasa, naaññamaññe catuvīsa, nanissaye nava, naupanissaye pañcavīsa, napurejāte bāvīsa, napacchājāte pañcavīsa, naāsevane pañcavīsa, nakamme pañcavīsa, navipāke catuvīsa, naāhāre pañcavīsa, naindriye tevīsa, najhāne pañcavīsa, namagge pañcavīsa, nasampayutte catuvīsa, navippayutte bāvīsa, noatthiyā nava, nonatthiyā pañcavīsa, novigate pañcavīsa, noavigate nava.

    নহেতুদুকং

    Nahetudukaṃ

    নহেতুপচ্চযা নআরম্মণে বাৰীস (পঠমগমনসদিসং), নোঅৰিগতে নৰ।

    Nahetupaccayā naārammaṇe bāvīsa (paṭhamagamanasadisaṃ), noavigate nava.

    নহেতুতিকং

    Nahetutikaṃ

    নহেতুপচ্চযা নআরম্মণপচ্চযা নঅধিপতিযা বাৰীস, নঅনন্তরে বাৰীস, নসমনন্তরে বাৰীস, নসহজাতে নৰ, নঅঞ্ঞমঞ্ঞে বাৰীস, ননিস্সযে নৰ, নউপনিস্সযে একৰীস, নপুরেজাতে বাৰীস, নপচ্ছাজাতে বাৰীস…পে॰… নসম্পযুত্তে বাৰীস, নৰিপ্পযুত্তে বাৰীস , নোঅত্থিযা নৰ, নোনত্থিযা বাৰীস, নোৰিগতে বাৰীস, নোঅৰিগতে নৰ (এৰং গণেতব্বং)।

    Nahetupaccayā naārammaṇapaccayā naadhipatiyā bāvīsa, naanantare bāvīsa, nasamanantare bāvīsa, nasahajāte nava, naaññamaññe bāvīsa, nanissaye nava, naupanissaye ekavīsa, napurejāte bāvīsa, napacchājāte bāvīsa…pe… nasampayutte bāvīsa, navippayutte bāvīsa , noatthiyā nava, nonatthiyā bāvīsa, novigate bāvīsa, noavigate nava (evaṃ gaṇetabbaṃ).

    পচ্চনীযং।

    Paccanīyaṃ.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    হেতুদুকং

    Hetudukaṃ

    ৬৪. হেতুপচ্চযা নআরম্মণে সত্ত, নঅধিপতিযা সত্ত, নঅনন্তরে সত্ত, নসমনন্তরে সত্ত, নঅঞ্ঞমঞ্ঞে সত্ত, নউপনিস্সযে সত্ত, নপুরেজাতে সত্ত, নপচ্ছাজাতে সত্ত…পে॰… নসম্পযুত্তে সত্ত, নৰিপ্পযুত্তে একং, নোনত্থিযা সত্ত, নোৰিগতে সত্ত।

    64. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe satta, naupanissaye satta, napurejāte satta, napacchājāte satta…pe… nasampayutte satta, navippayutte ekaṃ, nonatthiyā satta, novigate satta.

    হেতুসামঞ্ঞঘটনা

    Hetusāmaññaghaṭanā

    ৬৫. হেতু-সহজাত-নিস্সয-অত্থি-অৰিগতন্তি নআরম্মণে সত্ত…পে॰… নঅনন্তরে সত্ত, নসমনন্তরে সত্ত, নঅঞ্ঞমঞ্ঞে সত্ত (ইধাপি সংখিত্তং), নসম্পযুত্তে সত্ত, নৰিপ্পযুত্তে একং, নোনত্থিযা সত্ত, নোৰিগতে সত্ত।

    65. Hetu-sahajāta-nissaya-atthi-avigatanti naārammaṇe satta…pe… naanantare satta, nasamanantare satta, naaññamaññe satta (idhāpi saṃkhittaṃ), nasampayutte satta, navippayutte ekaṃ, nonatthiyā satta, novigate satta.

    হেতু -সহজাত-অঞ্ঞমঞ্ঞ-নিস্সয-অত্থি-অৰিগতন্তি নআরম্মণে একং (সব্বত্থ একং), নোৰিগতে একং (এৰং গণেতব্বং)।

    Hetu -sahajāta-aññamañña-nissaya-atthi-avigatanti naārammaṇe ekaṃ (sabbattha ekaṃ), novigate ekaṃ (evaṃ gaṇetabbaṃ).

    অনুলোমপচ্চনীযং।

    Anulomapaccanīyaṃ.

    ৪. পচ্চযপচ্চনীযানুলোমং

    4. Paccayapaccanīyānulomaṃ

    নহেতুদুকং

    Nahetudukaṃ

    ৬৬. নহেতুপচ্চযা আরম্মণে তীণি, অধিপতিযা নৰ, অনন্তরে একং, সমনন্তরে একং, সহজাতে একৰীস, অঞ্ঞমঞ্ঞে ছ, নিস্সযে একৰীস, উপনিস্সযে তীণি, পুরেজাতে ছ, পচ্ছাজাতে সত্ত, আসেৰনে একং, কম্মে সত্ত, ৰিপাকে সত্ত, আহারে সত্ত, ইন্দ্রিযে নৰ, ঝানে সত্ত, মগ্গে সত্ত, সম্পযুত্তে একং, ৰিপ্পযুত্তে অট্ঠ, অত্থিযা পঞ্চৰীস, নত্থিযা একং, ৰিগতে একং, অৰিগতে পঞ্চৰীস (এৰং গণেতব্বং)।

    66. Nahetupaccayā ārammaṇe tīṇi, adhipatiyā nava, anantare ekaṃ, samanantare ekaṃ, sahajāte ekavīsa, aññamaññe cha, nissaye ekavīsa, upanissaye tīṇi, purejāte cha, pacchājāte satta, āsevane ekaṃ, kamme satta, vipāke satta, āhāre satta, indriye nava, jhāne satta, magge satta, sampayutte ekaṃ, vippayutte aṭṭha, atthiyā pañcavīsa, natthiyā ekaṃ, vigate ekaṃ, avigate pañcavīsa (evaṃ gaṇetabbaṃ).

    পচ্চনীযানুলোমং।

    Paccanīyānulomaṃ.

    পঞ্হাৰারো নিট্ঠিতো।

    Pañhāvāro niṭṭhito.

    সনিদস্সনসপ্পটিঘত্তিকং নিট্ঠিতং।

    Sanidassanasappaṭighattikaṃ niṭṭhitaṃ.

    ধম্মানুলোমে তিকপট্ঠানং নিট্ঠিতং।

    Dhammānulome tikapaṭṭhānaṃ niṭṭhitaṃ.

    দুতিযো ভাগো নিট্ঠিতো।

    Dutiyo bhāgo niṭṭhito.




    Next: ১. হেতুগোচ্ছকং • 1. Hetugocchakaṃ




    Related texts:



    অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫-২২. সঙ্কিলিট্ঠত্তিকাদিৰণ্ণনা • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact