Library / Tipiṭaka / തിപിടക • Tipiṭaka / പട്ഠാനപാളി • Paṭṭhānapāḷi

    ൨൨. സനിദസ്സനസപ്പടിഘത്തികം

    22. Sanidassanasappaṭighattikaṃ

    ൧. പടിച്ചവാരോ

    1. Paṭiccavāro

    ൧. പച്ചയാനുലോമം

    1. Paccayānulomaṃ

    ൧. വിഭങ്ഗവാരോ

    1. Vibhaṅgavāro

    ഹേതുപച്ചയോ

    Hetupaccayo

    ൧. അനിദസ്സനസപ്പടിഘം ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ – അനിദസ്സനസപ്പടിഘം ഏകം മഹാഭൂതം പടിച്ച ദ്വേ മഹാഭൂതാ, ദ്വേ മഹാഭൂതേ പടിച്ച ഏകം മഹാഭൂതം. അനിദസ്സനസപ്പടിഘേ മഹാഭൂതേ പടിച്ച അനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനം പടിച്ച ചക്ഖായതനം…പേ॰… രസായതനം…പേ॰…. (൧)

    1. Anidassanasappaṭighaṃ dhammaṃ paṭicca anidassanasappaṭigho dhammo uppajjati hetupaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ…pe…. (1)

    അനിദസ്സനസപ്പടിഘം ധമ്മം പടിച്ച സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ – അനിദസ്സനസപ്പടിഘേ മഹാഭൂതേ പടിച്ച സനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനം പടിച്ച രൂപായതനം. (൨)

    Anidassanasappaṭighaṃ dhammaṃ paṭicca sanidassanasappaṭigho dhammo uppajjati hetupaccayā – anidassanasappaṭighe mahābhūte paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ. (2)

    അനിദസ്സനസപ്പടിഘം ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ – അനിദസ്സനസപ്പടിഘേ മഹാഭൂതേ പടിച്ച അനിദസ്സനഅപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനം പടിച്ച ആപോധാതു, ഇത്ഥിന്ദ്രിയം…പേ॰… കബളീകാരോ ആഹാരോ. (൩)

    Anidassanasappaṭighaṃ dhammaṃ paṭicca anidassanaappaṭigho dhammo uppajjati hetupaccayā – anidassanasappaṭighe mahābhūte paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca āpodhātu, itthindriyaṃ…pe… kabaḷīkāro āhāro. (3)

    അനിദസ്സനസപ്പടിഘം ധമ്മം പടിച്ച സനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനസപ്പടിഘേ മഹാഭൂതേ പടിച്ച സനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനം പടിച്ച രൂപായതനം, ആപോധാതു, ഇന്ദ്രിയം…പേ॰… കബളീകാരോ ആഹാരോ. (൪)

    Anidassanasappaṭighaṃ dhammaṃ paṭicca sanidassanasappaṭigho ca anidassanaappaṭigho ca dhammā uppajjanti hetupaccayā – anidassanasappaṭighe mahābhūte paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ, āpodhātu, indriyaṃ…pe… kabaḷīkāro āhāro. (4)

    അനിദസ്സനസപ്പടിഘം ധമ്മം പടിച്ച അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനസപ്പടിഘം ഏകം മഹാഭൂതം പടിച്ച ദ്വേ മഹാഭൂതാ ആപോധാതു ച, ദ്വേ മഹാഭൂതേ പടിച്ച ഏകം മഹാഭൂതം ആപോധാതു ച. അനിദസ്സനസപ്പടിഘേ മഹാഭൂതേ പടിച്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനം പടിച്ച ചക്ഖായതനം…പേ॰… രസായതനം, ആപോധാതു, ഇത്ഥിന്ദ്രിയം…പേ॰… കബളീകാരോ ആഹാരോ. (൫)

    Anidassanasappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā uppajjanti hetupaccayā – anidassanasappaṭighaṃ ekaṃ mahābhūtaṃ paṭicca dve mahābhūtā āpodhātu ca, dve mahābhūte paṭicca ekaṃ mahābhūtaṃ āpodhātu ca. Anidassanasappaṭighe mahābhūte paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ, āpodhātu, itthindriyaṃ…pe… kabaḷīkāro āhāro. (5)

    അനിദസ്സനസപ്പടിഘം ധമ്മം പടിച്ച സനിദസ്സനസപ്പടിഘോ ച അനിദസ്സനസപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനസപ്പടിഘേ മഹാഭൂതേ പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനം പടിച്ച രൂപായതനം, ചക്ഖായതനം…പേ॰… രസായതനം. (൬)

    Anidassanasappaṭighaṃ dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā – anidassanasappaṭighe mahābhūte paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ, cakkhāyatanaṃ…pe… rasāyatanaṃ. (6)

    അനിദസ്സനസപ്പടിഘം ധമ്മം പടിച്ച സനിദസ്സനസപ്പടിഘോ ച അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനസപ്പടിഘേ മഹാഭൂതേ പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനം പടിച്ച രൂപായതനം, ചക്ഖായതനം…പേ॰… രസായതനം, ആപോധാതു, ഇത്ഥിന്ദ്രിയം…പേ॰… കബളീകാരോ ആഹാരോ. (൭)

    Anidassanasappaṭighaṃ dhammaṃ paṭicca sanidassanasappaṭigho ca anidassanasappaṭigho ca anidassanaappaṭigho ca dhammā uppajjanti hetupaccayā – anidassanasappaṭighe mahābhūte paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ, cakkhāyatanaṃ…pe… rasāyatanaṃ, āpodhātu, itthindriyaṃ…pe… kabaḷīkāro āhāro. (7)

    ൨. അനിദസ്സനഅപ്പടിഘം ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ – അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ അനിദസ്സനഅപ്പടിഘഞ്ച ചിത്തസമുട്ഠാനം രൂപം…പേ॰… ദ്വേ ഖന്ധേ പടിച്ച ദ്വേ ഖന്ധാ അനിദസ്സനഅപ്പടിഘഞ്ച ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ അനിദസ്സനഅപ്പടിഘഞ്ച കടത്താരൂപം…പേ॰… ദ്വേ ഖന്ധേ…പേ॰… ഖന്ധേ പടിച്ച വത്ഥു, വത്ഥും പടിച്ച ഖന്ധാ. ആപോധാതും പടിച്ച അനിദസ്സനഅപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ആപോധാതും പടിച്ച ഇത്ഥിന്ദ്രിയം…പേ॰… കബളീകാരോ ആഹാരോ. (൧)

    2. Anidassanaappaṭighaṃ dhammaṃ paṭicca anidassanaappaṭigho dhammo uppajjati hetupaccayā – anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca cittasamuṭṭhānaṃ rūpaṃ…pe… dve khandhe paṭicca dve khandhā anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca kaṭattārūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. (1)

    അനിദസ്സനഅപ്പടിഘം ധമ്മം പടിച്ച സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ – അനിദസ്സനഅപ്പടിഘേ ഖന്ധേ പടിച്ച സനിദസ്സനസപ്പടിഘം ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ പടിച്ച സനിദസ്സനസപ്പടിഘം കടത്താരൂപം. ആപോധാതും പടിച്ച സനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ആപോധാതും പടിച്ച രൂപായതനം. (൨)

    Anidassanaappaṭighaṃ dhammaṃ paṭicca sanidassanasappaṭigho dhammo uppajjati hetupaccayā – anidassanaappaṭighe khandhe paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca sanidassanasappaṭighaṃ kaṭattārūpaṃ. Āpodhātuṃ paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ. (2)

    അനിദസ്സനഅപ്പടിഘം ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ – അനിദസ്സനഅപ്പടിഘേ ഖന്ധേ പടിച്ച അനിദസ്സനസപ്പടിഘം ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ പടിച്ച അനിദസ്സനസപ്പടിഘം കടത്താരൂപം. ആപോധാതും പടിച്ച അനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ആപോധാതും പടിച്ച ചക്ഖായതനം…പേ॰… രസായതനം. (൩)

    Anidassanaappaṭighaṃ dhammaṃ paṭicca anidassanasappaṭigho dhammo uppajjati hetupaccayā – anidassanaappaṭighe khandhe paṭicca anidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca anidassanasappaṭighaṃ kaṭattārūpaṃ. Āpodhātuṃ paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca cakkhāyatanaṃ…pe… rasāyatanaṃ. (3)

    അനിദസ്സനഅപ്പടിഘം ധമ്മം പടിച്ച സനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ സനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ. സനിദസ്സനസപ്പടിഘഞ്ച അനിദസ്സനഅപ്പടിഘഞ്ച കടത്താരൂപം…പേ॰… ദ്വേ ഖന്ധേ…പേ॰… ആപോധാതും പടിച്ച സനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം കടത്താരൂപം ഉപാദാരൂപം. ആപോധാതും പടിച്ച രൂപായതനം, ഇത്ഥിന്ദ്രിയം…പേ॰… കബളീകാരോ ആഹാരോ. (൪)

    Anidassanaappaṭighaṃ dhammaṃ paṭicca sanidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanaappaṭighañca cittasamuṭṭhānaṃ rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā. Sanidassanasappaṭighañca anidassanaappaṭighañca kaṭattārūpaṃ…pe… dve khandhe…pe… āpodhātuṃ paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ, itthindriyaṃ…pe… kabaḷīkāro āhāro. (4)

    അനിദസ്സനഅപ്പടിഘം ധമ്മം പടിച്ച അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ അനിദസ്സനസപ്പടിഘഞ്ച അനിദസ്സനഅപ്പടിഘഞ്ച കടത്താരൂപം…പേ॰… ദ്വേ ഖന്ധേ…പേ॰… ആപോധാതും പടിച്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം കടത്താരൂപം ഉപാദാരൂപം. ആപോധാതും പടിച്ച ചക്ഖായതനം…പേ॰… രസായതനം, ഇത്ഥിന്ദ്രിയം…പേ॰… കബളീകാരോ ആഹാരോ. (൫)

    Anidassanaappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighaṃ ekaṃ khandhaṃ paṭicca tayo khandhā anidassanasappaṭighañca anidassanaappaṭighañca cittasamuṭṭhānaṃ rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanasappaṭighañca anidassanaappaṭighañca kaṭattārūpaṃ…pe… dve khandhe…pe… āpodhātuṃ paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (5)

    അനിദസ്സനഅപ്പടിഘം ധമ്മം പടിച്ച സനിദസ്സനസപ്പടിഘോ ച അനിദസ്സനസപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനഅപ്പടിഘേ ഖന്ധേ പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച കടത്താരൂപം. ആപോധാതും പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച ചിത്തസമുട്ഠാനം രൂപം കടത്താരൂപം ഉപാദാരൂപം. ആപോധാതും പടിച്ച രൂപായതനം, ചക്ഖായതനം…പേ॰… രസായതനം. (൬)

    Anidassanaappaṭighaṃ dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā – anidassanaappaṭighe khandhe paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca sanidassanasappaṭighañca anidassanasappaṭighañca kaṭattārūpaṃ. Āpodhātuṃ paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ, cakkhāyatanaṃ…pe… rasāyatanaṃ. (6)

    അനിദസ്സനഅപ്പടിഘം ധമ്മം പടിച്ച സനിദസ്സനസപ്പടിഘോ ച അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ സനിദസ്സനസപ്പടിഘഞ്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ സനിദസ്സനസപ്പടിഘഞ്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച കടത്താരൂപം…പേ॰… ദ്വേ ഖന്ധേ…പേ॰… ആപോധാതും പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം കടത്താരൂപം ഉപാദാരൂപം. ആപോധാതും പടിച്ച രൂപായതനം ചക്ഖായതനം…പേ॰… രസായതനം, ഇത്ഥിന്ദ്രിയം…പേ॰… കബളീകാരോ ആഹാരോ. (൭)

    Anidassanaappaṭighaṃ dhammaṃ paṭicca sanidassanasappaṭigho ca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanasappaṭighañca anidassanaappaṭighañca kaṭattārūpaṃ…pe… dve khandhe…pe… āpodhātuṃ paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (7)

    ൩. അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ – അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘം ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘം കടത്താരൂപം. അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനഞ്ച ആപോധാതുഞ്ച പടിച്ച രൂപായതനം. (൧)

    3. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati hetupaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. (1)

    അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ – അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച അനിദസ്സനസപ്പടിഘം ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച അനിദസ്സനസപ്പടിഘം കടത്താരൂപം. അനിദസ്സനസപ്പടിഘം ഏകം മഹാഭൂതഞ്ച ആപോധാതുഞ്ച പടിച്ച ദ്വേ മഹാഭൂതാ, ദ്വേ മഹാഭൂതേ ച ആപോധാതുഞ്ച പടിച്ച ഏകം മഹാഭൂതം. അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച അനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനഞ്ച ആപോധാതുഞ്ച പടിച്ച ചക്ഖായതനം…പേ॰… രസായതനം. (൨)

    Anidassanasappaṭighañca anidassanaappaṭighañca dhammaṃ paṭicca anidassanasappaṭigho dhammo uppajjati hetupaccayā – anidassanaappaṭighe khandhe ca mahābhūte ca paṭicca anidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca anidassanasappaṭighaṃ kaṭattārūpaṃ. Anidassanasappaṭighaṃ ekaṃ mahābhūtañca āpodhātuñca paṭicca dve mahābhūtā, dve mahābhūte ca āpodhātuñca paṭicca ekaṃ mahābhūtaṃ. Anidassanasappaṭighe mahābhūte ca āpodhātuñca paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca cakkhāyatanaṃ…pe… rasāyatanaṃ. (2)

    അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ – അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച അനിദസ്സനഅപ്പടിഘം ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച അനിദസ്സനഅപ്പടിഘം കടത്താരൂപം. അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച അനിദസ്സനഅപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനഞ്ച ആപോധാതുഞ്ച പടിച്ച ഇത്ഥിന്ദ്രിയം…പേ॰… കബളീകാരോ ആഹാരോ. (൩)

    Anidassanasappaṭighañca anidassanaappaṭighañca dhammaṃ paṭicca anidassanaappaṭigho dhammo uppajjati hetupaccayā – anidassanaappaṭighe khandhe ca mahābhūte ca paṭicca anidassanaappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca anidassanaappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca itthindriyaṃ…pe… kabaḷīkāro āhāro. (3)

    അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച സനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘഞ്ച അനിദസ്സനഅപ്പടിഘഞ്ച കടത്താരൂപം . അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനഞ്ച ആപോധാതുഞ്ച പടിച്ച രൂപായതനം, ഇത്ഥിന്ദ്രിയം…പേ॰… കബളീകാരോ ആഹാരോ. (൪)

    Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighañca anidassanaappaṭighañca kaṭattārūpaṃ . Anidassanasappaṭighe mahābhūte ca āpodhātuñca paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ, itthindriyaṃ…pe… kabaḷīkāro āhāro. (4)

    അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച കടത്താരൂപം. അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം കടതാരൂപം ഉപാദാരൂപം. ഫോട്ഠബ്ബായതനഞ്ച ആപോധാതുഞ്ച പടിച്ച ചക്ഖായതനം…പേ॰… രസായതനം, ഇത്ഥിന്ദ്രിയം…പേ॰… കബളീകാരോ ആഹാരോ. (൫)

    Anidassanasappaṭighañca anidassanaappaṭighañca dhammaṃ paṭicca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca anidassanasappaṭighañca anidassanaappaṭighañca kaṭattārūpaṃ. Anidassanasappaṭighe mahābhūte ca āpodhātuñca paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭatārūpaṃ upādārūpaṃ. Phoṭṭhabbāyatanañca āpodhātuñca paṭicca cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (5)

    അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച സനിദസ്സനസപ്പടിഘോ ച അനിദസ്സനസപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച കടത്താരൂപം. അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനഞ്ച ആപോധാതുഞ്ച പടിച്ച രൂപായതനം, ചക്ഖായതനം…പേ॰… രസായതനം. (൬)

    Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ, cakkhāyatanaṃ…pe… rasāyatanaṃ. (6)

    അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച സനിദസ്സനസപ്പടിഘോ ച അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച കടത്താരൂപം. അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘഞ്ച അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ചിത്തസമുട്ഠാനം രൂപം കടത്താരൂപം ഉപാദാരൂപം . ഫോട്ഠബ്ബായതനഞ്ച ആപോധാതുഞ്ച പടിച്ച രൂപായതനം, ചക്ഖായതനം…പേ॰… രസായതനം, ഇത്ഥിന്ദ്രിയം…പേ॰… കബളീകാരോ ആഹാരോ. (൭)

    Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca anidassanaappaṭighañca kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ . Phoṭṭhabbāyatanañca āpodhātuñca paṭicca rūpāyatanaṃ, cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (7)

    ആരമ്മണപച്ചയോ

    Ārammaṇapaccayo

    ൪. അനിദസ്സനഅപ്പടിഘം ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി ആരമ്മണപച്ചയാ – അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ …പേ॰… പടിസന്ധിക്ഖണേ അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… വത്ഥും പടിച്ച ഖന്ധാ. (൧)

    4. Anidassanaappaṭighaṃ dhammaṃ paṭicca anidassanaappaṭigho dhammo uppajjati ārammaṇapaccayā – anidassanaappaṭighaṃ ekaṃ khandhaṃ paṭicca tayo khandhā…pe… dve khandhe …pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā…pe… dve khandhe…pe… vatthuṃ paṭicca khandhā. (1)

    അധിപതിപച്ചയോ

    Adhipatipaccayo

    ൫. അനിദസ്സനസപ്പടിഘം ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി അധിപതിപച്ചയാ – അനിദസ്സനസപ്പടിഘം ഏകം മഹാഭൂതം പടിച്ച ദ്വേ മഹാഭൂതാ, ദ്വേ മഹാഭൂതേ പടിച്ച ഏകം മഹാഭൂതം. അനിദസ്സനസപ്പടിഘേ മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

    5. Anidassanasappaṭighaṃ dhammaṃ paṭicca anidassanasappaṭigho dhammo uppajjati adhipatipaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca cittasamuṭṭhānaṃ rūpaṃ upādārūpaṃ. (1)

    (അനിദസ്സനസപ്പടിഘമൂലകേ ഇമിനാ കാരണേന സത്ത പഞ്ഹാ വിഭജിതബ്ബാ, പരിയോസാനപദാ നത്ഥി.)

    (Anidassanasappaṭighamūlake iminā kāraṇena satta pañhā vibhajitabbā, pariyosānapadā natthi.)

    ൬. അനിദസ്സനഅപ്പടിഘം ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി അധിപതിപച്ചയാ – അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ അനിദസ്സനഅപ്പടിഘഞ്ച ചിത്തസമുട്ഠാനം രൂപം…പേ॰… ദ്വേ ഖന്ധേ…പേ॰… ആപോധാതും പടിച്ച അനിദസ്സനഅപ്പടിഘം ചിത്തസമുട്ഠാനം രൂപം ഉപാദാരൂപം.

    6. Anidassanaappaṭighaṃ dhammaṃ paṭicca anidassanaappaṭigho dhammo uppajjati adhipatipaccayā – anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca cittasamuṭṭhānaṃ rūpaṃ…pe… dve khandhe…pe… āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ upādārūpaṃ.

    (ഇമിനാ കാരണേന അനിദസ്സനഅപ്പടിഘമൂലകേ സത്ത പഞ്ഹാ വിഭജിതബ്ബാ, നിട്ഠാനപദാ നത്ഥി.)

    (Iminā kāraṇena anidassanaappaṭighamūlake satta pañhā vibhajitabbā, niṭṭhānapadā natthi.)

    ൭. അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച സനിദസ്സനസപ്പടിഘോ ധമ്മോ ഉപ്പജ്ജതി അധിപതിപച്ചയാ – അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘം ചിത്തസമുട്ഠാനം രൂപം. അനിദസ്സനഅപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘം ചിത്തസമുട്ഠാനം രൂപം ഉപാദാരൂപം.

    7. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati adhipatipaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Anidassanaappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ upādārūpaṃ.

    (ഇമിനാ കാരണേന സത്തപി പഞ്ഹാ വിഭജിതബ്ബാ.)

    (Iminā kāraṇena sattapi pañhā vibhajitabbā.)

    അനന്തര-സമനന്തരപച്ചയാ

    Anantara-samanantarapaccayā

    ൮. അനിദസ്സനഅപ്പടിഘം ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി അനന്തരപച്ചയാ… സമനന്തരപച്ചയാ (ആരമ്മണസദിസം).

    8. Anidassanaappaṭighaṃ dhammaṃ paṭicca anidassanaappaṭigho dhammo uppajjati anantarapaccayā… samanantarapaccayā (ārammaṇasadisaṃ).

    സഹജാതപച്ചയോ

    Sahajātapaccayo

    ൯. അനിദസ്സനസപ്പടിഘം ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി സഹജാതപച്ചയാ – അനിദസ്സനസപ്പടിഘം ഏകം മഹാഭൂതം പടിച്ച ദ്വേ മഹാഭൂതാ, ദ്വേ മഹാഭൂതേ പടിച്ച ഏകം മഹാഭൂതം. അനിദസ്സനസപ്പടിഘേ മഹാഭൂതേ പടിച്ച അനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനം പടിച്ച ചക്ഖായതനം…പേ॰… രസായതനം. ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പടിച്ച ദ്വേ മഹാഭൂതാ…പേ॰….

    9. Anidassanasappaṭighaṃ dhammaṃ paṭicca anidassanasappaṭigho dhammo uppajjati sahajātapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ paṭicca dve mahābhūtā…pe….

    (അനിദസ്സനസപ്പടിഘമൂലകാ സത്ത പഞ്ഹാ ഇമിനാ കാരണേന വിഭജിതബ്ബാ.)

    (Anidassanasappaṭighamūlakā satta pañhā iminā kāraṇena vibhajitabbā.)

    ൧൦. അനിദസ്സനഅപ്പടിഘം ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി സഹജാതപച്ചയാ – അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ അനിദസ്സനഅപ്പടിഘം ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… പടിസന്ധിക്ഖണേ അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ അനിദസ്സനഅപ്പടിഘം കടത്താ ച രൂപം…പേ॰… ദ്വേ ഖന്ധേ…പേ॰… ഖന്ധേ പടിച്ച വത്ഥു, വത്ഥും പടിച്ച ഖന്ധാ. ആപോധാതും പടിച്ച അനിദസ്സനഅപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ആപോധാതും പടിച്ച ഇത്ഥിന്ദ്രിയം…പേ॰… കബളീകാരോ ആഹാരോ. ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ആപോധാതും പടിച്ച അനിദസ്സനഅപ്പടിഘം കടത്താരൂപം ഉപാദാരൂപം.

    10. Anidassanaappaṭighaṃ dhammaṃ paṭicca anidassanaappaṭigho dhammo uppajjati sahajātapaccayā – anidassanaappaṭighaṃ ekaṃ khandhaṃ paṭicca tayo khandhā anidassanaappaṭighaṃ cittasamuṭṭhānañca rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighaṃ kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ.

    (അനിദസ്സനഅപ്പടിഘമൂലകേ സത്ത പഞ്ഹാ ഇമിനാ കാരണേന കാതബ്ബാ.)

    (Anidassanaappaṭighamūlake satta pañhā iminā kāraṇena kātabbā.)

    ൧൧. അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച സനിദസ്സനസപ്പടിഘോ ധമ്മോ ഉപ്പജ്ജതി സഹജാതപച്ചയാ – അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘം ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘം കടത്താരൂപം. അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനഞ്ച ആപോധാതുഞ്ച പടിച്ച രൂപായതനം. ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘം കടത്താരൂപം ഉപാദാരൂപം.

    11. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati sahajātapaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.

    (ഇമിനാ കാരണേന സത്ത പഞ്ഹാ വിഭജിതബ്ബാ.)

    (Iminā kāraṇena satta pañhā vibhajitabbā.)

    അഞ്ഞമഞ്ഞപച്ചയോ

    Aññamaññapaccayo

    ൧൨. അനിദസ്സനസപ്പടിഘം ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി അഞ്ഞമഞ്ഞപച്ചയാ – അനിദസ്സനസപ്പടിഘം ഏകം മഹാഭൂതം പടിച്ച ദ്വേ മഹാഭൂതാ, ദ്വേ മഹാഭൂതേ പടിച്ച ഏകം മഹാഭൂതം. (൧)

    12. Anidassanasappaṭighaṃ dhammaṃ paṭicca anidassanasappaṭigho dhammo uppajjati aññamaññapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. (1)

    അനിദസ്സനസപ്പടിഘം ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി അഞ്ഞമഞ്ഞപച്ചയാ – അനിദസ്സനസപ്പടിഘേ മഹാഭൂതേ പടിച്ച ആപോധാതു. (൨)

    Anidassanasappaṭighaṃ dhammaṃ paṭicca anidassanaappaṭigho dhammo uppajjati aññamaññapaccayā – anidassanasappaṭighe mahābhūte paṭicca āpodhātu. (2)

    അനിദസ്സനസപ്പടിഘം ധമ്മം പടിച്ച അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ ഉപ്പജ്ജന്തി അഞ്ഞമഞ്ഞപച്ചയാ – അനിദസ്സനസപ്പടിഘം ഏകം മഹാഭൂതം പടിച്ച ദ്വേ മഹാഭൂതാ ആപോധാതു ച, ദ്വേ മഹാഭൂതേ പടിച്ച ഏകം മഹാഭൂതം ആപോധാതു ച. ബാഹിരം…പേ॰…. (൩)

    Anidassanasappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā uppajjanti aññamaññapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā āpodhātu ca, dve mahābhūte paṭicca ekaṃ mahābhūtaṃ āpodhātu ca. Bāhiraṃ…pe…. (3)

    ൧൩. അനിദസ്സനഅപ്പടിഘം ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി അഞ്ഞമഞ്ഞപച്ചയാ – അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… പടിസന്ധിക്ഖണേ അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ വത്ഥു ച…പേ॰… ദ്വേ ഖന്ധേ…പേ॰… ഖന്ധേ പടിച്ച വത്ഥു, വത്ഥും പടിച്ച ഖന്ധാ. (൧)

    13. Anidassanaappaṭighaṃ dhammaṃ paṭicca anidassanaappaṭigho dhammo uppajjati aññamaññapaccayā – anidassanaappaṭighaṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā vatthu ca…pe… dve khandhe…pe… khandhe paṭicca vatthu, vatthuṃ paṭicca khandhā. (1)

    അനിദസ്സനഅപ്പടിഘം ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി അഞ്ഞമഞ്ഞപച്ചയാ – ആപോധാതും പടിച്ച അനിദസ്സനസപ്പടിഘാ മഹാഭൂതാ. ബാഹിരം…പേ॰…. (൨)

    Anidassanaappaṭighaṃ dhammaṃ paṭicca anidassanasappaṭigho dhammo uppajjati aññamaññapaccayā – āpodhātuṃ paṭicca anidassanasappaṭighā mahābhūtā. Bāhiraṃ…pe…. (2)

    ൧൪. അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി അഞ്ഞമഞ്ഞപച്ചയാ – അനിദസ്സനസപ്പടിഘം ഏകം മഹാഭൂതഞ്ച ആപോധാതുഞ്ച പടിച്ച ദ്വേ മഹാഭൂതാ, ദ്വേ മഹാഭൂതേ ച ആപോധാതുഞ്ച പടിച്ച ഏകം മഹാഭൂതം. ബാഹിരം…പേ॰…. (൧)

    14. Anidassanasappaṭighañca anidassanaappaṭighañca dhammaṃ paṭicca anidassanasappaṭigho dhammo uppajjati aññamaññapaccayā – anidassanasappaṭighaṃ ekaṃ mahābhūtañca āpodhātuñca paṭicca dve mahābhūtā, dve mahābhūte ca āpodhātuñca paṭicca ekaṃ mahābhūtaṃ. Bāhiraṃ…pe…. (1)

    നിസ്സയപച്ചയാദി

    Nissayapaccayādi

    ൧൫. അനിദസ്സനസപ്പടിഘം ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി നിസ്സയപച്ചയാ… ഉപനിസ്സയപച്ചയാ… പുരേജാതപച്ചയാ… ആസേവനപച്ചയാ… കമ്മപച്ചയാ… വിപാകപച്ചയാ… ആഹാരപച്ചയാ… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ… സമ്പയുത്തപച്ചയാ… വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ.

    15. Anidassanasappaṭighaṃ dhammaṃ paṭicca anidassanasappaṭigho dhammo uppajjati nissayapaccayā… upanissayapaccayā… purejātapaccayā… āsevanapaccayā… kammapaccayā… vipākapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ൧. പച്ചയാനുലോമം

    1. Paccayānulomaṃ

    ൨. സങ്ഖ്യാവാരോ

    2. Saṅkhyāvāro

    സുദ്ധം

    Suddhaṃ

    ൧൬. ഹേതുയാ ഏകവീസ, ആരമ്മണേ ഏകം, അധിപതിയാ ഏകവീസ, അനന്തരേ ഏകം, സമനന്തരേ ഏകം, സഹജാതേ ഏകവീസ, അഞ്ഞമഞ്ഞേ ഛ, നിസ്സയേ ഏകവീസ, ഉപനിസ്സയേ ഏകം, പുരേജാതേ ഏകം, ആസേവനേ ഏകം, കമ്മേ ഏകവീസ, വിപാകേ ആഹാരേ ഏകവീസ, ഇന്ദ്രിയേ ഏകവീസ, ഝാനേ മഗ്ഗേ ഏകവീസ, സമ്പയുത്തേ ഏകം, വിപ്പയുത്തേ ഏകവീസ, അത്ഥിയാ ഏകവീസ, നത്ഥിയാ ഏകം, വിഗതേ ഏകം, അവിഗതേ ഏകവീസ (ഏവം ഗണേതബ്ബം).

    16. Hetuyā ekavīsa, ārammaṇe ekaṃ, adhipatiyā ekavīsa, anantare ekaṃ, samanantare ekaṃ, sahajāte ekavīsa, aññamaññe cha, nissaye ekavīsa, upanissaye ekaṃ, purejāte ekaṃ, āsevane ekaṃ, kamme ekavīsa, vipāke āhāre ekavīsa, indriye ekavīsa, jhāne magge ekavīsa, sampayutte ekaṃ, vippayutte ekavīsa, atthiyā ekavīsa, natthiyā ekaṃ, vigate ekaṃ, avigate ekavīsa (evaṃ gaṇetabbaṃ).

    അനുലോമം.

    Anulomaṃ.

    ൨. പച്ചയപച്ചനീയം

    2. Paccayapaccanīyaṃ

    ൧. വിഭങ്ഗവാരോ

    1. Vibhaṅgavāro

    നഹേതുപച്ചയോ

    Nahetupaccayo

    ൧൭. അനിദസ്സനസപ്പടിഘം ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി നഹേതുപച്ചയാ – അനിദസ്സനസപ്പടിഘം ഏകം മഹാഭൂതം പടിച്ച ദ്വേ മഹാഭൂതാ, ദ്വേ മഹാഭൂതേ പടിച്ച ഏകം മഹാഭൂതം. അനിദസ്സനസപ്പടിഘേ മഹാഭൂതേ പടിച്ച അനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനം പടിച്ച ചക്ഖായതനം…പേ॰… രസായതനം. ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം അനിദസ്സനസപ്പടിഘം ഏകം മഹാഭൂതം പടിച്ച ദ്വേ മഹാഭൂതാ, ദ്വേ മഹാഭൂതേ പടിച്ച ഏകം മഹാഭൂതം, മഹാഭൂതേ പടിച്ച…പേ॰….

    17. Anidassanasappaṭighaṃ dhammaṃ paṭicca anidassanasappaṭigho dhammo uppajjati nahetupaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ, mahābhūte paṭicca…pe….

    (അനിദസ്സനസപ്പടിഘമൂലകേ ഇമിനാ കാരണേന സത്തപി പഞ്ഹാ വിഭജിതബ്ബാ.)

    (Anidassanasappaṭighamūlake iminā kāraṇena sattapi pañhā vibhajitabbā.)

    ൧൮. അനിദസ്സനഅപ്പടിഘം ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി നഹേതുപച്ചയാ – അഹേതുകം അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ അനിദസ്സനഅപ്പടിഘഞ്ച ചിത്തസമുട്ഠാനഞ്ച രൂപം…പേ॰… ദ്വേ ഖന്ധേ…പേ॰… അഹേതുകപടിസന്ധിക്ഖണേ അനിദസ്സനഅപ്പടിഘം ഏകം ഖന്ധം പടിച്ച തയോ ഖന്ധാ അനിദസ്സനഅപ്പടിഘഞ്ച കടത്താരൂപം…പേ॰… ഖന്ധേ പടിച്ച വത്ഥു, വത്ഥും പടിച്ച ഖന്ധാ. ആപോധാതും പടിച്ച അനിദസ്സനഅപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ആപോധാതും പടിച്ച ഇത്ഥിന്ദ്രിയം…പേ॰… കബളീകാരോ ആഹാരോ. ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ആപോധാതും പടിച്ച അനിദസ്സനഅപ്പടിഘം കടത്താരൂപം ഉപാദാരൂപം. വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ.

    18. Anidassanaappaṭighaṃ dhammaṃ paṭicca anidassanaappaṭigho dhammo uppajjati nahetupaccayā – ahetukaṃ anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca kaṭattārūpaṃ…pe… khandhe paṭicca vatthu, vatthuṃ paṭicca khandhā. Āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ. Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho.

    (അനിദസ്സനഅപ്പടിഘമൂലകാ ഇമിനാ കാരണേന സത്ത പഞ്ഹാ വിഭജിതബ്ബാ.)

    (Anidassanaappaṭighamūlakā iminā kāraṇena satta pañhā vibhajitabbā.)

    ൧൯. അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച സനിദസ്സനസപ്പടിഘോ ധമ്മോ ഉപ്പജ്ജതി നഹേതുപച്ചയാ – അഹേതുകേ അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘം ചിത്തസമുട്ഠാനം രൂപം. അഹേതുകപടിസന്ധിക്ഖണേ അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘം കടത്താരൂപം. അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനഞ്ച ആപോധാതുഞ്ച പടിച്ച രൂപായതനം. ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘം കടത്താരൂപം ഉപാദാരൂപം.

    19. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati nahetupaccayā – ahetuke anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Ahetukapaṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.

    (ഇമിനാ കാരണേന സത്ത പഞ്ഹാ വിത്ഥാരേതബ്ബാ അസമ്മോഹന്തേന.)

    (Iminā kāraṇena satta pañhā vitthāretabbā asammohantena.)

    നആരമ്മണപച്ചയോ

    Naārammaṇapaccayo

    ൨൦. അനിദസ്സനസപ്പടിഘം ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി നആരമ്മണപച്ചയാ – അനിദസ്സനസപ്പടിഘം ഏകം മഹാഭൂതം പടിച്ച ദ്വേ മഹാഭൂതാ, ദ്വേ മഹാഭൂതേ പടിച്ച ഏകം മഹാഭൂതം. അനിദസ്സനസപ്പടിഘേ മഹാഭൂതേ പടിച്ച അനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനം പടിച്ച ചക്ഖായതനം…പേ॰… രസായതനം. ബാഹിരം… ആഹാരസമുട്ഠാനം… , ഉതുസമുട്ഠാനം… അസഞ്ഞസത്താനം അനിദസ്സനസപ്പടിഘം ഏകം മഹാഭൂതം പടിച്ച ദ്വേ മഹാഭൂതാ, ദ്വേ മഹാഭൂതേ പടിച്ച ഏകം മഹാഭൂതം…പേ॰….

    20. Anidassanasappaṭighaṃ dhammaṃ paṭicca anidassanasappaṭigho dhammo uppajjati naārammaṇapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ. Bāhiraṃ… āhārasamuṭṭhānaṃ… , utusamuṭṭhānaṃ… asaññasattānaṃ anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ…pe….

    (അനിദസ്സനസപ്പടിഘമൂലകാ ഇമിനാ കാരണേന സത്തപി പഞ്ഹാ വിത്ഥാരേതബ്ബാ.)

    (Anidassanasappaṭighamūlakā iminā kāraṇena sattapi pañhā vitthāretabbā.)

    ൨൧. അനിദസ്സനഅപ്പടിഘം ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി നആരമ്മണപച്ചയാ – അനിദസ്സനഅപ്പടിഘേ ഖന്ധേ പടിച്ച അനിദസ്സനഅപ്പടിഘം ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ പടിച്ച അനിദസ്സനഅപ്പടിഘം കടത്താരൂപം. ഖന്ധേ പടിച്ച വത്ഥു…പേ॰… ആപോധാതും പടിച്ച അനിദസ്സനഅപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ആപോധാതും പടിച്ച ഇത്ഥിന്ദ്രിയം…പേ॰… കബളീകാരോ ആഹാരോ. ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ആപോധാതും പടിച്ച അനിദസ്സനഅപ്പടിഘം കടത്താരൂപം ഉപാദാരൂപം.

    21. Anidassanaappaṭighaṃ dhammaṃ paṭicca anidassanaappaṭigho dhammo uppajjati naārammaṇapaccayā – anidassanaappaṭighe khandhe paṭicca anidassanaappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca anidassanaappaṭighaṃ kaṭattārūpaṃ. Khandhe paṭicca vatthu…pe… āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ.

    (അനിദസ്സനഅപ്പടിഘമൂലകേ ഇമിനാ കാരണേന സത്തപി പഞ്ഹാ വിത്ഥാരേതബ്ബാ.)

    (Anidassanaappaṭighamūlake iminā kāraṇena sattapi pañhā vitthāretabbā.)

    ൨൨. അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച സനിദസ്സനസപ്പടിഘോ ധമ്മോ ഉപ്പജ്ജതി നആരമ്മണപച്ചയാ – അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘം ചിത്തസമുട്ഠാനം രൂപം. പടിസന്ധിക്ഖണേ അനിദസ്സനഅപ്പടിഘേ ഖന്ധേ ച മഹാഭൂതേ ച പടിച്ച സനിദസ്സനസപ്പടിഘം കടത്താരൂപം. അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനഞ്ച ആപോധാതുഞ്ച പടിച്ച രൂപായതനം. ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘം കടത്താരൂപം ഉപാദാരൂപം.

    22. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati naārammaṇapaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.

    (ഘടനേ ഇമിനാ കാരണേന സത്തപി പഞ്ഹാ വിഭജിതബ്ബാ.)

    (Ghaṭane iminā kāraṇena sattapi pañhā vibhajitabbā.)

    നഅധിപതിപച്ചയാദി

    Naadhipatipaccayādi

    ൨൩. അനിദസ്സനസപ്പടിഘം ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി നഅധിപതിപച്ചയാ (സഹജാതസദിസം)… നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ – അനിദസ്സനസപ്പടിഘേ മഹാഭൂതേ പടിച്ച അനിദസ്സനസപ്പടിഘം ചിത്തസമുട്ഠാനം രൂപം കടത്താരൂപം ഉപാദാരൂപം. ഫോട്ഠബ്ബായതനം പടിച്ച ചക്ഖായതനം…പേ॰… രസായതനം… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം മഹാഭൂതേ പടിച്ച അനിദസ്സനസപ്പടിഘം കടത്താരൂപം ഉപാദാരൂപം.

    23. Anidassanasappaṭighaṃ dhammaṃ paṭicca anidassanasappaṭigho dhammo uppajjati naadhipatipaccayā (sahajātasadisaṃ)… naanantarapaccayā… nasamanantarapaccayā… naaññamaññapaccayā – anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ mahābhūte paṭicca anidassanasappaṭighaṃ kaṭattārūpaṃ upādārūpaṃ.

    (ഇമിനാ കാരണേന ഏകവീസ പഞ്ഹാ വിഭജിതബ്ബാ.)

    (Iminā kāraṇena ekavīsa pañhā vibhajitabbā.)

    നഉപനിസ്സയപച്ചയാ… നപുരേജാതപച്ചയാ… നപച്ഛാജാതപച്ചയാ… നആസേവനപച്ചയാ… നകമ്മപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം… അനിദസ്സനസപ്പടിഘം ഏകം മഹാഭൂതം പടിച്ച ദ്വേ മഹാഭൂതാ, ദ്വേ മഹാഭൂതേ പടിച്ച ഏകം മഹാഭൂതം. അനിദസ്സനസപ്പടിഘേ മഹാഭൂതേ പടിച്ച അനിദസ്സനസപ്പടിഘം ഉപാദാരൂപം (കമ്മം വിഭജിത്വാ നകമ്മേനേവ ഏകവീസ പഞ്ഹാ കാതബ്ബാ), നവിപാകപച്ചയാ (പടിസന്ധിപി കടത്താപി നത്ഥി, പഞ്ചവോകാരേയേവ കാതബ്ബാ), നആഹാരപച്ചയാ – ബാഹിരം… ഉതുസമുട്ഠാനം… അസഞ്ഞസത്താനം…പേ॰… (ഇമിനാ കാരണേന വിഭജിതബ്ബാ ഏകവീസാപി).

    Naupanissayapaccayā… napurejātapaccayā… napacchājātapaccayā… naāsevanapaccayā… nakammapaccayā – bāhiraṃ… āhārasamuṭṭhānaṃ… utusamuṭṭhānaṃ… anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ upādārūpaṃ (kammaṃ vibhajitvā nakammeneva ekavīsa pañhā kātabbā), navipākapaccayā (paṭisandhipi kaṭattāpi natthi, pañcavokāreyeva kātabbā), naāhārapaccayā – bāhiraṃ… utusamuṭṭhānaṃ… asaññasattānaṃ…pe… (iminā kāraṇena vibhajitabbā ekavīsāpi).

    നഇന്ദ്രിയപച്ചയാദി

    Naindriyapaccayādi

    ൨൪. അനിദസ്സനസപ്പടിഘം ധമ്മം പടിച്ച അനിദസ്സനസപ്പടിഘോ ധമ്മോ ഉപ്പജ്ജതി നഇന്ദ്രിയപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം… അനിദസ്സനസപ്പടിഘം ഏകം മഹാഭൂതം…പേ॰… അസഞ്ഞസത്താനം മഹാഭൂതേ പടിച്ച രൂപജീവിതിന്ദ്രിയം (സംഖിത്തം, സബ്ബേ പഞ്ഹാ വിഭജിതബ്ബാ)… നഝാനപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം (സംഖിത്തം, സത്തപി പഞ്ഹാ വിഭജിതബ്ബാ).

    24. Anidassanasappaṭighaṃ dhammaṃ paṭicca anidassanasappaṭigho dhammo uppajjati naindriyapaccayā – bāhiraṃ… āhārasamuṭṭhānaṃ… utusamuṭṭhānaṃ… anidassanasappaṭighaṃ ekaṃ mahābhūtaṃ…pe… asaññasattānaṃ mahābhūte paṭicca rūpajīvitindriyaṃ (saṃkhittaṃ, sabbe pañhā vibhajitabbā)… najhānapaccayā – bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ (saṃkhittaṃ, sattapi pañhā vibhajitabbā).

    അനിദസ്സനഅപ്പടിഘം ധമ്മം പടിച്ച അനിദസ്സനഅപ്പടിഘോ ധമ്മോ ഉപ്പജ്ജതി നഝാനപച്ചയാ – പഞ്ചവിഞ്ഞാണസഹഗതം ഏകം ഖന്ധം പടിച്ച തയോ ഖന്ധാ…പേ॰… ദ്വേ ഖന്ധേ…പേ॰… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ആപോധാതും പടിച്ച അനിദസ്സനഅപ്പടിഘം കടത്താരൂപം ഉപാദാരൂപം.

    Anidassanaappaṭighaṃ dhammaṃ paṭicca anidassanaappaṭigho dhammo uppajjati najhānapaccayā – pañcaviññāṇasahagataṃ ekaṃ khandhaṃ paṭicca tayo khandhā…pe… dve khandhe…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ.

    (ഏവം സത്തപി പഞ്ഹാ വിഭജിതബ്ബാ.)

    (Evaṃ sattapi pañhā vibhajitabbā.)

    ൨൫. അനിദസ്സനസപ്പടിഘഞ്ച അനിദസ്സനഅപ്പടിഘഞ്ച ധമ്മം പടിച്ച സനിദസ്സനസപ്പടിഘോ ധമ്മോ ഉപ്പജ്ജതി നഝാനപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം… , അസഞ്ഞസത്താനം…പേ॰… അനിദസ്സനസപ്പടിഘേ മഹാഭൂതേ ച ആപോധാതുഞ്ച പടിച്ച സനിദസ്സനസപ്പടിഘം കടത്താരൂപം ഉപാദാരൂപം.

    25. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati najhānapaccayā – bāhiraṃ… āhārasamuṭṭhānaṃ… utusamuṭṭhānaṃ… , asaññasattānaṃ…pe… anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.

    (ഏവം സത്തപി പഞ്ഹാ വിഭജിതബ്ബാ), നമഗ്ഗപച്ചയാ… (നഹേതുസദിസം കാതബ്ബം. പരിപുണ്ണം. മോഹോ നത്ഥി). നസമ്പയുത്തപച്ചയാ… നവിപ്പയുത്തപച്ചയാ (പരിപുണ്ണം)… നോനത്ഥിപച്ചയാ… നോവിഗതപച്ചയാ.

    (Evaṃ sattapi pañhā vibhajitabbā), namaggapaccayā… (nahetusadisaṃ kātabbaṃ. Paripuṇṇaṃ. Moho natthi). Nasampayuttapaccayā… navippayuttapaccayā (paripuṇṇaṃ)… nonatthipaccayā… novigatapaccayā.

    ൨. പച്ചയപച്ചനീയം

    2. Paccayapaccanīyaṃ

    ൨. സങ്ഖ്യാവാരോ

    2. Saṅkhyāvāro

    സുദ്ധം

    Suddhaṃ

    ൨൬. നഹേതുയാ ഏകവീസ, നആരമ്മണേ ഏകവീസ, നഅധിപതിയാ ഏകവീസ (സംഖിത്തം, സബ്ബത്ഥ ഏകവീസ), നോനത്ഥിയാ ഏകവീസ, നോവിഗതേ ഏകവീസ (ഏവം ഗണേതബ്ബം).

    26. Nahetuyā ekavīsa, naārammaṇe ekavīsa, naadhipatiyā ekavīsa (saṃkhittaṃ, sabbattha ekavīsa), nonatthiyā ekavīsa, novigate ekavīsa (evaṃ gaṇetabbaṃ).

    പച്ചനീയം.

    Paccanīyaṃ.

    ൩. പച്ചയാനുലോമപച്ചനീയം

    3. Paccayānulomapaccanīyaṃ

    ഹേതുദുകം

    Hetudukaṃ

    ൨൭. ഹേതുപച്ചയാ നആരമ്മണേ ഏകവീസ, നഅധിപതിയാ ഏകവീസ…പേ॰… നകമ്മേ ഏകം, നവിപാകേ ഏകവീസ, നസമ്പയുത്തേ ഏകവീസ, നവിപ്പയുത്തേ ഏകം, നോനത്ഥിയാ ഏകവീസ, നോവിഗതേ ഏകവീസ (ഏവം ഗണേതബ്ബം).

    27. Hetupaccayā naārammaṇe ekavīsa, naadhipatiyā ekavīsa…pe… nakamme ekaṃ, navipāke ekavīsa, nasampayutte ekavīsa, navippayutte ekaṃ, nonatthiyā ekavīsa, novigate ekavīsa (evaṃ gaṇetabbaṃ).

    അനുലോമപച്ചനീയം.

    Anulomapaccanīyaṃ.

    ൪. പച്ചയപച്ചനീയാനുലോമം

    4. Paccayapaccanīyānulomaṃ

    നഹേതുദുകം

    Nahetudukaṃ

    ൨൮. നഹേതുപച്ചയാ ആരമ്മണേ ഏകം, അനന്തരേ ഏകം, സമനന്തരേ ഏകം, സഹജാതേ ഏകവീസ …പേ॰… ഝാനേ ഏകവീസ, മഗ്ഗേ ഏകം, സമ്പയുത്തേ ഏകം , വിപ്പയുത്തേ ഏകവീസ, അത്ഥിയാ ഏകവീസ, നത്ഥിയാ ഏകം, വിഗതേ ഏകം, അവിഗതേ ഏകവീസ (ഏവം ഗണേതബ്ബം).

    28. Nahetupaccayā ārammaṇe ekaṃ, anantare ekaṃ, samanantare ekaṃ, sahajāte ekavīsa …pe… jhāne ekavīsa, magge ekaṃ, sampayutte ekaṃ , vippayutte ekavīsa, atthiyā ekavīsa, natthiyā ekaṃ, vigate ekaṃ, avigate ekavīsa (evaṃ gaṇetabbaṃ).

    പച്ചനീയാനുലോമം.

    Paccanīyānulomaṃ.

    പടിച്ചവാരോ.

    Paṭiccavāro.

    ൨-൬. സഹജാത-പച്ചയ-നിസ്സയ-സംസട്ഠ-സമ്പയുത്തവാരോ

    2-6. Sahajāta-paccaya-nissaya-saṃsaṭṭha-sampayuttavāro

    (സഹജാതവാരോപി പച്ചയവാരോപി നിസ്സയവാരോപി പടിച്ചവാരസദിസാ, സംസട്ഠവാരോപി സമ്പയുത്തവാരോപി അരൂപേയേവ കാതബ്ബാ.)

    (Sahajātavāropi paccayavāropi nissayavāropi paṭiccavārasadisā, saṃsaṭṭhavāropi sampayuttavāropi arūpeyeva kātabbā.)

    ൭. പഞ്ഹാവാരോ

    7. Pañhāvāro

    ൧. പച്ചയാനുലോമം

    1. Paccayānulomaṃ

    ൧. വിഭങ്ഗവാരോ

    1. Vibhaṅgavāro

    ഹേതുപച്ചയോ

    Hetupaccayo

    ൨൯. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ഹേതുപച്ചയേന പച്ചയോ – അനിദസ്സനഅപ്പടിഘാ ഹേതൂ സമ്പയുത്തകാനം ഖന്ധാനം അനിദസ്സനഅപ്പടിഘാനഞ്ച ചിത്തസമുട്ഠാനാനം രൂപാനം ഹേതുപച്ചയേന പച്ചയോ. പടിസന്ധിക്ഖണേ അനിദസ്സനഅപ്പടിഘാ ഹേതൂ സമ്പയുത്തകാനം ഖന്ധാനം അനിദസ്സനഅപ്പടിഘാനഞ്ച കടത്താരൂപാനം ഹേതുപച്ചയേന പച്ചയോ. (൧)

    29. Anidassanaappaṭigho dhammo anidassanaappaṭighassa dhammassa hetupaccayena paccayo – anidassanaappaṭighā hetū sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ hetupaccayena paccayo. Paṭisandhikkhaṇe anidassanaappaṭighā hetū sampayuttakānaṃ khandhānaṃ anidassanaappaṭighānañca kaṭattārūpānaṃ hetupaccayena paccayo. (1)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ധമ്മസ്സ ഹേതുപച്ചയേന പച്ചയോ – അനിദസ്സനഅപ്പടിഘാ ഹേതൂ സനിദസ്സനസപ്പടിഘാനം ചിത്തസമുട്ഠാനാനം രൂപാനം ഹേതുപച്ചയേന പച്ചയോ. പടിസന്ധിക്ഖണേ…പേ॰…. (൨)

    Anidassanaappaṭigho dhammo sanidassanasappaṭighassa dhammassa hetupaccayena paccayo – anidassanaappaṭighā hetū sanidassanasappaṭighānaṃ cittasamuṭṭhānānaṃ rūpānaṃ hetupaccayena paccayo. Paṭisandhikkhaṇe…pe…. (2)

    (അനിദസ്സനഅപ്പടിഘമൂലകേയേവ ഇമിനാ കാരണേന സത്ത പഞ്ഹാ വിഭജിതബ്ബാ.)

    (Anidassanaappaṭighamūlakeyeva iminā kāraṇena satta pañhā vibhajitabbā.)

    ആരമ്മണപച്ചയോ

    Ārammaṇapaccayo

    ൩൦. സനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ആരമ്മണപച്ചയേന പച്ചയോ – രൂപേ അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ഉദ്ധച്ചം ഉപ്പജ്ജതി, ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, രൂപായതനം ചക്ഖുവിഞ്ഞാണസ്സ ആരമ്മണപച്ചയേന പച്ചയോ. സനിദസ്സനസപ്പടിഘാ ഖന്ധാ ഇദ്ധിവിധഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

    30. Sanidassanasappaṭigho dhammo anidassanaappaṭighassa dhammassa ārammaṇapaccayena paccayo – rūpe aniccato dukkhato anattato vipassati, assādeti abhinandati, taṃ ārabbha rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, domanassaṃ uppajjati, dibbena cakkhunā rūpaṃ passati, rūpāyatanaṃ cakkhuviññāṇassa ārammaṇapaccayena paccayo. Sanidassanasappaṭighā khandhā iddhividhañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    അനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ആരമ്മണപച്ചയേന പച്ചയോ. ചക്ഖും…പേ॰… കായം… സദ്ദേ… ഗന്ധേ… രസേ… ഫോട്ഠബ്ബേ… അനിച്ചതോ…പേ॰… ദോമനസ്സം ഉപ്പജ്ജതി, ദിബ്ബായ സോതധാതുയാ സദ്ദം സുണാതി, സദ്ദായതനം സോതവിഞ്ഞാണസ്സ…പേ॰… ഫോട്ഠബ്ബായതനം കായവിഞ്ഞാണസ്സ…പേ॰… അനിദസ്സനസപ്പടിഘാ ഖന്ധാ ഇദ്ധിവിധഞാണസ്സ , പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

    Anidassanasappaṭigho dhammo anidassanaappaṭighassa dhammassa ārammaṇapaccayena paccayo. Cakkhuṃ…pe… kāyaṃ… sadde… gandhe… rase… phoṭṭhabbe… aniccato…pe… domanassaṃ uppajjati, dibbāya sotadhātuyā saddaṃ suṇāti, saddāyatanaṃ sotaviññāṇassa…pe… phoṭṭhabbāyatanaṃ kāyaviññāṇassa…pe… anidassanasappaṭighā khandhā iddhividhañāṇassa , pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    ൩൧. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി, ഝാനാ…പേ॰… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ. അരിയാ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി…പേ॰… വത്ഥും… ഇത്ഥിന്ദ്രിയം… പുരിസിന്ദ്രിയം… ജീവിതിന്ദ്രിയം… ആപോധാതും… കബളീകാരം ആഹാരം… അനിദസ്സനഅപ്പടിഘേ ഖന്ധേ അനിച്ചതോ…പേ॰… ദോമനസ്സം ഉപ്പജ്ജതി, ചേതോപരിയഞാണേന അനിദസ്സനഅപ്പടിഘചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ ആരമ്മണപച്ചയേന പച്ചയോ. ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ॰… അനിദസ്സനഅപ്പടിഘാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

    31. Anidassanaappaṭigho dhammo anidassanaappaṭighassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni paccavekkhati, jhānā…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti, nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo. Ariyā pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti…pe… vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… anidassanaappaṭighe khandhe aniccato…pe… domanassaṃ uppajjati, cetopariyañāṇena anidassanaappaṭighacittasamaṅgissa cittaṃ jānāti, ākāsānañcāyatanaṃ viññāṇañcāyatanassa ārammaṇapaccayena paccayo. Ākiñcaññāyatanaṃ nevasaññānāsaññāyatanassa…pe… anidassanaappaṭighā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    അധിപതിപച്ചയോ

    Adhipatipaccayo

    ൩൨. സനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – രൂപം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)

    32. Sanidassanasappaṭigho dhammo anidassanaappaṭighassa dhammassa adhipatipaccayena paccayo. Ārammaṇādhipati – rūpaṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (1)

    അനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ചക്ഖും…പേ॰… കായം… സദ്ദേ… ഗന്ധേ… രസേ… ഫോട്ഠബ്ബേ… ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)

    Anidassanasappaṭigho dhammo anidassanaappaṭighassa dhammassa adhipatipaccayena paccayo. Ārammaṇādhipati – cakkhuṃ…pe… kāyaṃ… sadde… gandhe… rase… phoṭṭhabbe… garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (1)

    ൩൩. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം ഗരും കത്വാ…പേ॰… ഝാനാ വുട്ഠഹിത്വാ…പേ॰… അരിയാ മഗ്ഗാ വുട്ഠഹിത്വാ…പേ॰… ഫലാ വുട്ഠഹിത്വാ…പേ॰… ഫലം ഗരും കത്വാ…പേ॰… നിബ്ബാനം ഗരും കത്വാ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ. വത്ഥും… ഇത്ഥിന്ദ്രിയം… പുരിസിന്ദ്രിയം… ജീവിതിന്ദ്രിയം… ആപോധാതും… കബളീകാരം ആഹാരം… അനിദസ്സനഅപ്പടിഘേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – അനിദസ്സനഅപ്പടിഘാധിപതി സമ്പയുത്തകാനം ഖന്ധാനം അനിദസ്സനഅപ്പടിഘാനഞ്ച ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൧)

    33. Anidassanaappaṭigho dhammo anidassanaappaṭighassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā…pe… jhānā vuṭṭhahitvā…pe… ariyā maggā vuṭṭhahitvā…pe… phalā vuṭṭhahitvā…pe… phalaṃ garuṃ katvā…pe… nibbānaṃ garuṃ katvā… nibbānaṃ gotrabhussa, vodānassa, maggassa, phalassa adhipatipaccayena paccayo. Vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… anidassanaappaṭighe khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – anidassanaappaṭighādhipati sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ adhipatipaccayena paccayo. (1)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – അനിദസ്സനഅപ്പടിഘാധിപതി സനിദസ്സനസപ്പടിഘാനം ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

    Anidassanaappaṭigho dhammo sanidassanasappaṭighassa dhammassa adhipatipaccayena paccayo. Sahajātādhipati – anidassanaappaṭighādhipati sanidassanasappaṭighānaṃ cittasamuṭṭhānānaṃ rūpānaṃ adhipatipaccayena paccayo. (2)

    (അനിദസ്സനഅപ്പടിഘമൂലകേ സത്തപി പഞ്ഹാ വിഭജിതബ്ബാ, അധിപതി തിവിധരൂപസങ്ഗഹേന.)

    (Anidassanaappaṭighamūlake sattapi pañhā vibhajitabbā, adhipati tividharūpasaṅgahena.)

    അനന്തരപച്ചയോ

    Anantarapaccayo

    ൩൪. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അനിദസ്സനഅപ്പടിഘാ ഖന്ധാ പച്ഛിമാനം പച്ഛിമാനം അനിദസ്സനഅപ്പടിഘാനം ഖന്ധാനം അനന്തരപച്ചയേന പച്ചയോ. അനുലോമം ഗോത്രഭുസ്സ… അനുലോമം വോദാനസ്സ… ഗോത്രഭു മഗ്ഗസ്സ… വോദാനം മഗ്ഗസ്സ… മഗ്ഗോ ഫലസ്സ… ഫലം ഫലസ്സ… അനുലോമം ഫലസമാപത്തിയാ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ. (൧)

    34. Anidassanaappaṭigho dhammo anidassanaappaṭighassa dhammassa anantarapaccayena paccayo – purimā purimā anidassanaappaṭighā khandhā pacchimānaṃ pacchimānaṃ anidassanaappaṭighānaṃ khandhānaṃ anantarapaccayena paccayo. Anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ phalasamāpattiyā… nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (1)

    സമനന്തരപച്ചയോ

    Samanantarapaccayo

    ൩൫. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ സമനന്തരപച്ചയേന പച്ചയോ (അനന്തരസദിസം).

    35. Anidassanaappaṭigho dhammo anidassanaappaṭighassa dhammassa samanantarapaccayena paccayo (anantarasadisaṃ).

    സഹജാതപച്ചയാദി

    Sahajātapaccayādi

    ൩൬. അനിദസ്സനസപ്പടിഘോ ധമ്മോ അനിദസ്സനസപ്പടിഘസ്സ ധമ്മസ്സ സഹജാതപച്ചയേന പച്ചയോ (പടിച്ചവാരസദിസം സാധുകം കാതബ്ബം. അഞ്ഞമഞ്ഞപച്ചയേ പടിച്ചവാരേ അഞ്ഞമഞ്ഞസദിസം, നിസ്സയപച്ചയേ പടിച്ചവാരസദിസം).

    36. Anidassanasappaṭigho dhammo anidassanasappaṭighassa dhammassa sahajātapaccayena paccayo (paṭiccavārasadisaṃ sādhukaṃ kātabbaṃ. Aññamaññapaccaye paṭiccavāre aññamaññasadisaṃ, nissayapaccaye paṭiccavārasadisaṃ).

    ഉപനിസ്സയപച്ചയോ

    Upanissayapaccayo

    ൩൭. സനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – വണ്ണസമ്പദം പത്ഥയമാനോ ദാനം ദേതി, സീലം സമാദിയതി, ഉപോസഥകമ്മം…പേ॰… വണ്ണസമ്പദാ സദ്ധായ…പേ॰… പഞ്ഞായ, രാഗസ്സ…പേ॰… പത്ഥനായ, കായികസ്സ സുഖസ്സ, കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

    37. Sanidassanasappaṭigho dhammo anidassanaappaṭighassa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – vaṇṇasampadaṃ patthayamāno dānaṃ deti, sīlaṃ samādiyati, uposathakammaṃ…pe… vaṇṇasampadā saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa, maggassa, phalasamāpattiyā upanissayapaccayena paccayo. (1)

    അനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – ചക്ഖുസമ്പദം പത്ഥയമാനോ…പേ॰… കായസമ്പദം… സദ്ദസമ്പദം…പേ॰… ഫോട്ഠബ്ബസമ്പദം പത്ഥയമാനോ ദാനം ദേതി, സീലം സമാദിയതി, ഉപോസഥകമ്മം… ഉതും… സേനാസനം ഉപനിസ്സായ ദാനം ദേതി സീലം സമാദിയതി. ഉപോസഥകമ്മം, ഝാനം… വിപസ്സനം… മഗ്ഗം… അഭിഞ്ഞം… സമാപത്തിം ഉപ്പാദേതി പാണം ഹനതി…പേ॰… സങ്ഘം ഭിന്ദതി. ചക്ഖുസമ്പദാ…പേ॰… ഫോട്ഠബ്ബസമ്പദാ, ഉതു, സേനാസനം സദ്ധായ…പേ॰… പഞ്ഞായ, രാഗസ്സ…പേ॰… പത്ഥനായ, കായികസ്സ സുഖസ്സ, കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

    Anidassanasappaṭigho dhammo anidassanaappaṭighassa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – cakkhusampadaṃ patthayamāno…pe… kāyasampadaṃ… saddasampadaṃ…pe… phoṭṭhabbasampadaṃ patthayamāno dānaṃ deti, sīlaṃ samādiyati, uposathakammaṃ… utuṃ… senāsanaṃ upanissāya dānaṃ deti sīlaṃ samādiyati. Uposathakammaṃ, jhānaṃ… vipassanaṃ… maggaṃ… abhiññaṃ… samāpattiṃ uppādeti pāṇaṃ hanati…pe… saṅghaṃ bhindati. Cakkhusampadā…pe… phoṭṭhabbasampadā, utu, senāsanaṃ saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa, maggassa, phalasamāpattiyā upanissayapaccayena paccayo. (1)

    ൩൮. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ॰…. പകതൂപനിസ്സയോ – സദ്ധം ഉപനിസ്സായ ദാനം ദേതി, സീലം സമാദിയതി, ഉപോസഥകമ്മം… ഝാനം… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി. സീലം…പേ॰… പഞ്ഞം… രാഗം…പേ॰… പത്ഥനം, കായികം സുഖം… കായികം ദുക്ഖം… ഭോജനം ഉപനിസ്സായ ദാനം ദേതി…പേ॰… സങ്ഘം ഭിന്ദതി. സദ്ധാ …പേ॰… പഞ്ഞാ, രാഗോ…പേ॰… പത്ഥനാ, കായികം സുഖം… കായികം ദുക്ഖം… ഭോജനം സദ്ധായ…പേ॰… പഞ്ഞായ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

    38. Anidassanaappaṭigho dhammo anidassanaappaṭighassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti, sīlaṃ samādiyati, uposathakammaṃ… jhānaṃ… samāpattiṃ uppādeti, mānaṃ jappeti, diṭṭhiṃ gaṇhāti. Sīlaṃ…pe… paññaṃ… rāgaṃ…pe… patthanaṃ, kāyikaṃ sukhaṃ… kāyikaṃ dukkhaṃ… bhojanaṃ upanissāya dānaṃ deti…pe… saṅghaṃ bhindati. Saddhā …pe… paññā, rāgo…pe… patthanā, kāyikaṃ sukhaṃ… kāyikaṃ dukkhaṃ… bhojanaṃ saddhāya…pe… paññāya, maggassa, phalasamāpattiyā upanissayapaccayena paccayo. (1)

    പുരേജാതപച്ചയോ

    Purejātapaccayo

    ൩൯. സനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ പുരേജാതപച്ചയേന പച്ചയോ. ആരമ്മണപുരേജാതം – രൂപേ അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി…പേ॰… വിചികിച്ഛാ…പേ॰… ഉദ്ധച്ചം…പേ॰… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, രൂപായതനം ചക്ഖുവിഞ്ഞാണസ്സ പുരേജാതപച്ചയേന പച്ചയോ. (൧)

    39. Sanidassanasappaṭigho dhammo anidassanaappaṭighassa dhammassa purejātapaccayena paccayo. Ārammaṇapurejātaṃ – rūpe aniccato dukkhato anattato vipassati, assādeti abhinandati, taṃ ārabbha rāgo uppajjati, diṭṭhi…pe… vicikicchā…pe… uddhaccaṃ…pe… domanassaṃ uppajjati, dibbena cakkhunā rūpaṃ passati, rūpāyatanaṃ cakkhuviññāṇassa purejātapaccayena paccayo. (1)

    അനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ॰… കായം… സദ്ദേ…പേ॰… ഫോട്ഠബ്ബേ അനിച്ചതോ…പേ॰… ദോമനസ്സം ഉപ്പജ്ജതി, ദിബ്ബായ സോതധാതുയാ സദ്ദം സുണാതി, സദ്ദായതനം സോതവിഞ്ഞാണസ്സ…പേ॰… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ॰… കായായതനം കായവിഞ്ഞാണസ്സ പുരേജാതപച്ചയേന പച്ചയോ. (൧)

    Anidassanasappaṭigho dhammo anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… kāyaṃ… sadde…pe… phoṭṭhabbe aniccato…pe… domanassaṃ uppajjati, dibbāya sotadhātuyā saddaṃ suṇāti, saddāyatanaṃ sotaviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa purejātapaccayena paccayo. (1)

    അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – വത്ഥും… ഇത്ഥിന്ദ്രിയം… പുരിസിന്ദ്രിയം… ജീവിതിന്ദ്രിയം… ആപോധാതും… കബളീകാരം ആഹാരം… അനിച്ചതോ…പേ॰… ദോമനസ്സം ഉപ്പജ്ജതി. വത്ഥുപുരേജാതം – വത്ഥു അനിദസ്സനഅപ്പടിഘാനം ഖന്ധാനം പുരേജാതപച്ചയേന പച്ചയോ. (൧)

    Anidassanaappaṭigho dhammo anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… aniccato…pe… domanassaṃ uppajjati. Vatthupurejātaṃ – vatthu anidassanaappaṭighānaṃ khandhānaṃ purejātapaccayena paccayo. (1)

    ൪൦. സനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. രൂപായതനഞ്ച വത്ഥു ച അനിദസ്സനഅപ്പടിഘാനം ഖന്ധാനം പുരേജാതപച്ചയേന പച്ചയോ. (൧)

    40. Sanidassanasappaṭigho ca anidassanaappaṭigho ca dhammā anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Rūpāyatanañca vatthu ca anidassanaappaṭighānaṃ khandhānaṃ purejātapaccayena paccayo. (1)

    അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം , വത്ഥുപുരേജാതം. ചക്ഖായതനഞ്ച വത്ഥു ച…പേ॰… ഫോട്ഠബ്ബായതനഞ്ച വത്ഥു ച അനിദസ്സനഅപ്പടിഘാനം ഖന്ധാനം പുരേജാതപച്ചയേന പച്ചയോ. (൧)

    Anidassanasappaṭigho ca anidassanaappaṭigho ca dhammā anidassanaappaṭighassa dhammassa purejātapaccayena paccayo – ārammaṇapurejātaṃ , vatthupurejātaṃ. Cakkhāyatanañca vatthu ca…pe… phoṭṭhabbāyatanañca vatthu ca anidassanaappaṭighānaṃ khandhānaṃ purejātapaccayena paccayo. (1)

    സനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. രൂപായതനഞ്ച ചക്ഖായതനഞ്ച ചക്ഖുവിഞ്ഞാണസ്സ പുരേജാതപച്ചയേന പച്ചയോ. (൧)

    Sanidassanasappaṭigho ca anidassanaappaṭigho ca dhammā anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Rūpāyatanañca cakkhāyatanañca cakkhuviññāṇassa purejātapaccayena paccayo. (1)

    പച്ഛാജാതപച്ചയോ

    Pacchājātapaccayo

    ൪൧. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അനിദസ്സനഅപ്പടിഘാ ഖന്ധാ പുരേജാതസ്സ ഇമസ്സ അനിദസ്സനഅപ്പടിഘസ്സ കായസ്സ പച്ഛാജാതപച്ചയേന പച്ചയോ. (൧)

    41. Anidassanaappaṭigho dhammo anidassanaappaṭighassa dhammassa pacchājātapaccayena paccayo – pacchājātā anidassanaappaṭighā khandhā purejātassa imassa anidassanaappaṭighassa kāyassa pacchājātapaccayena paccayo. (1)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അനിദസ്സനഅപ്പടിഘാ ഖന്ധാ പുരേജാതസ്സ ഇമസ്സ സനിദസ്സനസപ്പടിഘസ്സ കായസ്സ പച്ഛാജാതപച്ചയേന പച്ചയോ. (൨)

    Anidassanaappaṭigho dhammo sanidassanasappaṭighassa dhammassa pacchājātapaccayena paccayo – pacchājātā anidassanaappaṭighā khandhā purejātassa imassa sanidassanasappaṭighassa kāyassa pacchājātapaccayena paccayo. (2)

    (ഏവം സത്ത പഞ്ഹാ വിഭജിതബ്ബാ, തിവിധരൂപസങ്ഗഹോ.) (൭)

    (Evaṃ satta pañhā vibhajitabbā, tividharūpasaṅgaho.) (7)

    ആസേവനപച്ചയോ

    Āsevanapaccayo

    ൪൨. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ അനിദസ്സനഅപ്പടിഘാ ഖന്ധാ പച്ഛിമാനം പച്ഛിമാനം അനിദസ്സനഅപ്പടിഘാനം ഖന്ധാനം ആസേവനപച്ചയേന പച്ചയോ. അനുലോമം ഗോത്രഭുസ്സ… അനുലോമം വോദാനസ്സ… ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൧)

    42. Anidassanaappaṭigho dhammo anidassanaappaṭighassa dhammassa āsevanapaccayena paccayo – purimā purimā anidassanaappaṭighā khandhā pacchimānaṃ pacchimānaṃ anidassanaappaṭighānaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)

    കമ്മപച്ചയോ

    Kammapaccayo

    ൪൩. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അനിദസ്സനഅപ്പടിഘാ ചേതനാ സമ്പയുത്തകാനം ഖന്ധാനം അനിദസ്സനഅപ്പടിഘാനഞ്ച ചിത്തസമുട്ഠാനാനം രൂപാനം കമ്മപച്ചയേന പച്ചയോ. പടിസന്ധിക്ഖണേ…പേ॰…. നാനാക്ഖണികാ – അനിദസ്സനഅപ്പടിഘാ ചേതനാ വിപാകാനം ഖന്ധാനം അനിദസ്സനഅപ്പടിഘാനഞ്ച കടത്താരൂപാനം കമ്മപച്ചയേന പച്ചയോ. (൧)

    43. Anidassanaappaṭigho dhammo anidassanaappaṭighassa dhammassa kammapaccayena paccayo – sahajātā, nānākkhaṇikā. Sahajātā – anidassanaappaṭighā cetanā sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – anidassanaappaṭighā cetanā vipākānaṃ khandhānaṃ anidassanaappaṭighānañca kaṭattārūpānaṃ kammapaccayena paccayo. (1)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അനിദസ്സനഅപ്പടിഘാ ചേതനാ സനിദസ്സനസപ്പടിഘാനം ചിത്തസമുട്ഠാനാനം രൂപാനം കമ്മപച്ചയേന പച്ചയോ. പടിസന്ധിക്ഖണേ…പേ॰…. നാനാക്ഖണികാ – അനിദസ്സനഅപ്പടിഘാ ചേതനാ സനിദസ്സനസപ്പടിഘാനം കടത്താരൂപാനം കമ്മപച്ചയേന പച്ചയോ. (൨)

    Anidassanaappaṭigho dhammo sanidassanasappaṭighassa dhammassa kammapaccayena paccayo – sahajātā, nānākkhaṇikā. Sahajātā – anidassanaappaṭighā cetanā sanidassanasappaṭighānaṃ cittasamuṭṭhānānaṃ rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – anidassanaappaṭighā cetanā sanidassanasappaṭighānaṃ kaṭattārūpānaṃ kammapaccayena paccayo. (2)

    (ഏവം സത്ത പഞ്ഹാ സഹജാതാ നാനാക്ഖണികാ ഇമിനാ കാരണേന വിഭജിതബ്ബാ, തിവിധരൂപസങ്ഗഹോ.) (൭)

    (Evaṃ satta pañhā sahajātā nānākkhaṇikā iminā kāraṇena vibhajitabbā, tividharūpasaṅgaho.) (7)

    വിപാകപച്ചയോ

    Vipākapaccayo

    ൪൪. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ വിപാകപച്ചയേന പച്ചയോ – വിപാകോ അനിദസ്സനഅപ്പടിഘോ ഏകോ ഖന്ധോ തിണ്ണന്നം ഖന്ധാനം അനിദസ്സനഅപ്പടിഘാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ…പേ॰… ദ്വേ ഖന്ധാ…പേ॰… പടിസന്ധിക്ഖണേ അനിദസ്സനഅപ്പടിഘോ ഏകോ ഖന്ധോ തിണ്ണന്നം ഖന്ധാനം അനിദസ്സനഅപ്പടിഘാനഞ്ച കടത്താരൂപാനം വിപാകപച്ചയേന പച്ചയോ…പേ॰… ഖന്ധാ വത്ഥുസ്സ വിപാകപച്ചയേന പച്ചയോ. (൧)

    44. Anidassanaappaṭigho dhammo anidassanaappaṭighassa dhammassa vipākapaccayena paccayo – vipāko anidassanaappaṭigho eko khandho tiṇṇannaṃ khandhānaṃ anidassanaappaṭighānaṃ cittasamuṭṭhānānañca rūpānaṃ vipākapaccayena paccayo…pe… dve khandhā…pe… paṭisandhikkhaṇe anidassanaappaṭigho eko khandho tiṇṇannaṃ khandhānaṃ anidassanaappaṭighānañca kaṭattārūpānaṃ vipākapaccayena paccayo…pe… khandhā vatthussa vipākapaccayena paccayo. (1)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ധമ്മസ്സ വിപാകപച്ചയേന പച്ചയോ – വിപാകാ അനിദസ്സനഅപ്പടിഘാ ഖന്ധാ സനിദസ്സനസപ്പടിഘാനം ചിത്തസമുട്ഠാനാനം രൂപാനം വിപാകപച്ചയേന പച്ചയോ. പടിസന്ധിക്ഖണേ അനിദസ്സനഅപ്പടിഘാ ഖന്ധാ സനിദസ്സനസപ്പടിഘാനം കടത്താരൂപാനം വിപാകപച്ചയേന പച്ചയോ. (൨)

    Anidassanaappaṭigho dhammo sanidassanasappaṭighassa dhammassa vipākapaccayena paccayo – vipākā anidassanaappaṭighā khandhā sanidassanasappaṭighānaṃ cittasamuṭṭhānānaṃ rūpānaṃ vipākapaccayena paccayo. Paṭisandhikkhaṇe anidassanaappaṭighā khandhā sanidassanasappaṭighānaṃ kaṭattārūpānaṃ vipākapaccayena paccayo. (2)

    (ഏവം സത്ത പഞ്ഹാ വിത്ഥാരേതബ്ബാ, പവത്തിപടിസന്ധി.) (൭)

    (Evaṃ satta pañhā vitthāretabbā, pavattipaṭisandhi.) (7)

    ആഹാരപച്ചയോ

    Āhārapaccayo

    ൪൫. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ആഹാരപച്ചയേന പച്ചയോ – അനിദസ്സനഅപ്പടിഘാ ആഹാരാ സമ്പയുത്തകാനം ഖന്ധാനം അനിദസ്സനഅപ്പടിഘാനഞ്ച ചിത്തസമുട്ഠാനാനം രൂപാനം ആഹാരപച്ചയേന പച്ചയോ. പടിസന്ധിക്ഖണേ അനിദസ്സനഅപ്പടിഘാ ആഹാരാ സമ്പയുത്തകാനം ഖന്ധാനം അനിദസ്സനഅപ്പടിഘാനഞ്ച കടത്താരൂപാനം ആഹാരപച്ചയേന പച്ചയോ. കബളീകാരോ ആഹാരോ ഇമസ്സ അനിദസ്സനഅപ്പടിഘസ്സ കായസ്സ ആഹാരപച്ചയേന പച്ചയോ. (൧)

    45. Anidassanaappaṭigho dhammo anidassanaappaṭighassa dhammassa āhārapaccayena paccayo – anidassanaappaṭighā āhārā sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ āhārapaccayena paccayo. Paṭisandhikkhaṇe anidassanaappaṭighā āhārā sampayuttakānaṃ khandhānaṃ anidassanaappaṭighānañca kaṭattārūpānaṃ āhārapaccayena paccayo. Kabaḷīkāro āhāro imassa anidassanaappaṭighassa kāyassa āhārapaccayena paccayo. (1)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ധമ്മസ്സ ആഹാരപച്ചയേന പച്ചയോ – അനിദസ്സനഅപ്പടിഘാ ആഹാരാ സനിദസ്സനസപ്പടിഘാനം ചിത്തസമുട്ഠാനാനം രൂപാനം ആഹാരപച്ചയേന പച്ചയോ. പടിസന്ധിക്ഖണേ അനിദസ്സനഅപ്പടിഘാ ആഹാരാ സനിദസ്സനസപ്പടിഘാനം കടത്താരൂപാനം ആഹാരപച്ചയേന പച്ചയോ. കബളീകാരോ ആഹാരോ ഇമസ്സ സനിദസ്സനസപ്പടിഘസ്സ കായസ്സ ആഹാരപച്ചയേന പച്ചയോ. (൨)

    Anidassanaappaṭigho dhammo sanidassanasappaṭighassa dhammassa āhārapaccayena paccayo – anidassanaappaṭighā āhārā sanidassanasappaṭighānaṃ cittasamuṭṭhānānaṃ rūpānaṃ āhārapaccayena paccayo. Paṭisandhikkhaṇe anidassanaappaṭighā āhārā sanidassanasappaṭighānaṃ kaṭattārūpānaṃ āhārapaccayena paccayo. Kabaḷīkāro āhāro imassa sanidassanasappaṭighassa kāyassa āhārapaccayena paccayo. (2)

    (ഏവം സത്ത പഞ്ഹാ പവത്തിപടിസന്ധി വിഭജിതബ്ബാ, സത്തസുപി കബളീകാരോ ആഹാരോ കാതബ്ബോ.) (൭)

    (Evaṃ satta pañhā pavattipaṭisandhi vibhajitabbā, sattasupi kabaḷīkāro āhāro kātabbo.) (7)

    ഇന്ദ്രിയപച്ചയോ

    Indriyapaccayo

    ൪൬. അനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ഇന്ദ്രിയപച്ചയേന പച്ചയോ – ചക്ഖുന്ദ്രിയം ചക്ഖുവിഞ്ഞാണസ്സ…പേ॰… കായിന്ദ്രിയം കായവിഞ്ഞാണസ്സ ഇന്ദ്രിയപച്ചയേന പച്ചയോ. (൧)

    46. Anidassanasappaṭigho dhammo anidassanaappaṭighassa dhammassa indriyapaccayena paccayo – cakkhundriyaṃ cakkhuviññāṇassa…pe… kāyindriyaṃ kāyaviññāṇassa indriyapaccayena paccayo. (1)

    അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ഇന്ദ്രിയപച്ചയേന പച്ചയോ – അനിദസ്സനഅപ്പടിഘാ ഇന്ദ്രിയാ സമ്പയുത്തകാനം ഖന്ധാനം അനിദസ്സനഅപ്പടിഘാനം ചിത്തസമുട്ഠാനാനഞ്ച രൂപാനം ഇന്ദ്രിയപച്ചയേന പച്ചയോ. പടിസന്ധിക്ഖണേ അനിദസ്സനഅപ്പടിഘാ ഇന്ദ്രിയാ സമ്പയുത്തകാനം ഖന്ധാനം അനിദസ്സനഅപ്പടിഘാനഞ്ച കടത്താരൂപാനം ഇന്ദ്രിയപച്ചയേന പച്ചയോ. രൂപജീവിതിന്ദ്രിയം അനിദസ്സനഅപ്പടിഘാനം കടത്താരൂപാനം ഇന്ദ്രിയപച്ചയേന പച്ചയോ. (൧)

    Anidassanaappaṭigho dhammo anidassanaappaṭighassa dhammassa indriyapaccayena paccayo – anidassanaappaṭighā indriyā sampayuttakānaṃ khandhānaṃ anidassanaappaṭighānaṃ cittasamuṭṭhānānañca rūpānaṃ indriyapaccayena paccayo. Paṭisandhikkhaṇe anidassanaappaṭighā indriyā sampayuttakānaṃ khandhānaṃ anidassanaappaṭighānañca kaṭattārūpānaṃ indriyapaccayena paccayo. Rūpajīvitindriyaṃ anidassanaappaṭighānaṃ kaṭattārūpānaṃ indriyapaccayena paccayo. (1)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ധമ്മസ്സ ഇന്ദ്രിയപച്ചയേന പച്ചയോ – അനിദസ്സനഅപ്പടിഘാ ഇന്ദ്രിയാ സനിദസ്സനസപ്പടിഘാനം ചിത്തസമുട്ഠാനാനം രൂപാനം ഇന്ദ്രിയപച്ചയേന പച്ചയോ. പടിസന്ധിക്ഖണേ അനിദസ്സനഅപ്പടിഘാ ഇന്ദ്രിയാ സനിദസ്സനസപ്പടിഘാനം കടത്താരൂപാനം ഇന്ദ്രിയപച്ചയേന പച്ചയോ. രൂപജീവിതിന്ദ്രിയം സനിദസ്സനസപ്പടിഘാനം കടത്താരൂപാനം ഇന്ദ്രിയപച്ചയേന പച്ചയോ. (൨)

    Anidassanaappaṭigho dhammo sanidassanasappaṭighassa dhammassa indriyapaccayena paccayo – anidassanaappaṭighā indriyā sanidassanasappaṭighānaṃ cittasamuṭṭhānānaṃ rūpānaṃ indriyapaccayena paccayo. Paṭisandhikkhaṇe anidassanaappaṭighā indriyā sanidassanasappaṭighānaṃ kaṭattārūpānaṃ indriyapaccayena paccayo. Rūpajīvitindriyaṃ sanidassanasappaṭighānaṃ kaṭattārūpānaṃ indriyapaccayena paccayo. (2)

    (ഏവം പവത്തിപടിസന്ധി സത്ത പഞ്ഹാ വിഭജിതബ്ബാ, രൂപജീവിതിന്ദ്രിയഞ്ച അന്തേ അന്തേ.) (൭)

    (Evaṃ pavattipaṭisandhi satta pañhā vibhajitabbā, rūpajīvitindriyañca ante ante.) (7)

    ൪൭. അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ ഇന്ദ്രിയപച്ചയേന പച്ചയോ – ചക്ഖുന്ദ്രിയഞ്ച ചക്ഖുവിഞ്ഞാണഞ്ച ചക്ഖുവിഞ്ഞാണസഹഗതാനം ഖന്ധാനം ഇന്ദ്രിയപച്ചയേന പച്ചയോ…പേ॰… കായിന്ദ്രിയഞ്ച കായവിഞ്ഞാണഞ്ച കായവിഞ്ഞാണസഹഗതാനം ഖന്ധാനം ഇന്ദ്രിയപച്ചയേന പച്ചയോ. (൧)

    47. Anidassanasappaṭigho ca anidassanaappaṭigho ca dhammā anidassanaappaṭighassa dhammassa indriyapaccayena paccayo – cakkhundriyañca cakkhuviññāṇañca cakkhuviññāṇasahagatānaṃ khandhānaṃ indriyapaccayena paccayo…pe… kāyindriyañca kāyaviññāṇañca kāyaviññāṇasahagatānaṃ khandhānaṃ indriyapaccayena paccayo. (1)

    ഝാനപച്ചയാദി

    Jhānapaccayādi

    ൪൮. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ – അനിദസ്സനഅപ്പടിഘോ ഏകോ ഖന്ധോ തിണ്ണന്നം ഖന്ധാനം സമ്പയുത്തപച്ചയേന പച്ചയോ…പേ॰… ദ്വേ ഖന്ധാ…പേ॰… പടിസന്ധിക്ഖണേ…പേ॰….

    48. Anidassanaappaṭigho dhammo anidassanaappaṭighassa dhammassa jhānapaccayena paccayo… maggapaccayena paccayo… sampayuttapaccayena paccayo – anidassanaappaṭigho eko khandho tiṇṇannaṃ khandhānaṃ sampayuttapaccayena paccayo…pe… dve khandhā…pe… paṭisandhikkhaṇe…pe….

    വിപ്പയുത്തപച്ചയോ

    Vippayuttapaccayo

    ൪൯. അനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ॰… കായായതനം കായവിഞ്ഞാണസ്സ വിപ്പയുത്തപച്ചയേന പച്ചയോ. (൧)

    49. Anidassanasappaṭigho dhammo anidassanaappaṭighassa dhammassa vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa vippayuttapaccayena paccayo. (1)

    അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – അനിദസ്സനഅപ്പടിഘാ ഖന്ധാ അനിദസ്സനഅപ്പടിഘാനം ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പടിസന്ധിക്ഖണേ അനിദസ്സനഅപ്പടിഘാ ഖന്ധാ അനിദസ്സനഅപ്പടിഘാനം കടത്താരൂപാനം വിപ്പയുത്തപച്ചയേന പച്ചയോ. ഖന്ധാ വത്ഥുസ്സ വിപ്പയുത്തപച്ചയേന പച്ചയോ. വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – വത്ഥു അനിദസ്സനഅപ്പടിഘാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – അനിദസ്സനഅപ്പടിഘാ ഖന്ധാ പുരേജാതസ്സ ഇമസ്സ അനിദസ്സനഅപ്പടിഘസ്സ കായസ്സ വിപ്പയുത്തപച്ചയേന പച്ചയോ. (൧)

    Anidassanaappaṭigho dhammo anidassanaappaṭighassa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – anidassanaappaṭighā khandhā anidassanaappaṭighānaṃ cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe anidassanaappaṭighā khandhā anidassanaappaṭighānaṃ kaṭattārūpānaṃ vippayuttapaccayena paccayo. Khandhā vatthussa vippayuttapaccayena paccayo. Vatthu khandhānaṃ vippayuttapaccayena paccayo. Purejātaṃ – vatthu anidassanaappaṭighānaṃ khandhānaṃ vippayuttapaccayena paccayo. Pacchājātā – anidassanaappaṭighā khandhā purejātassa imassa anidassanaappaṭighassa kāyassa vippayuttapaccayena paccayo. (1)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അനിദസ്സനഅപ്പടിഘാ ഖന്ധാ സനിദസ്സനസപ്പടിഘാനം ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പടിസന്ധിക്ഖണേ അനിദസ്സനഅപ്പടിഘാ ഖന്ധാ സനിദസ്സനസപ്പടിഘാനം കടത്താരൂപാനം വിപ്പയുത്തപച്ചയേന പച്ചയോ. പച്ഛാജാതാ – അനിദസ്സനഅപ്പടിഘാ ഖന്ധാ പുരേജാതസ്സ ഇമസ്സ സനിദസ്സനസപ്പടിഘസ്സ കായസ്സ വിപ്പയുത്തപച്ചയേന പച്ചയോ. (൨)

    Anidassanaappaṭigho dhammo sanidassanasappaṭighassa dhammassa vippayuttapaccayena paccayo – sahajātaṃ, pacchājātaṃ. Sahajātā – anidassanaappaṭighā khandhā sanidassanasappaṭighānaṃ cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe anidassanaappaṭighā khandhā sanidassanasappaṭighānaṃ kaṭattārūpānaṃ vippayuttapaccayena paccayo. Pacchājātā – anidassanaappaṭighā khandhā purejātassa imassa sanidassanasappaṭighassa kāyassa vippayuttapaccayena paccayo. (2)

    (അവസേസാ പഞ്ച പഞ്ഹാ ഏവം വിത്ഥാരേതബ്ബാ. സഹജാതാ, പച്ഛാജാതാ.)

    (Avasesā pañca pañhā evaṃ vitthāretabbā. Sahajātā, pacchājātā.)

    അത്ഥിപച്ചയോ

    Atthipaccayo

    ൫൦. സനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ അത്ഥിപച്ചയേന പച്ചയോ. പുരേജാതം – രൂപേ അനിച്ചതോ…പേ॰… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, രൂപായതനം ചക്ഖുവിഞ്ഞാണസ്സ അത്ഥിപച്ചയേന പച്ചയോ. (൧)

    50. Sanidassanasappaṭigho dhammo anidassanaappaṭighassa dhammassa atthipaccayena paccayo. Purejātaṃ – rūpe aniccato…pe… domanassaṃ uppajjati, dibbena cakkhunā rūpaṃ passati, rūpāyatanaṃ cakkhuviññāṇassa atthipaccayena paccayo. (1)

    ൫൧. അനിദസ്സനസപ്പടിഘോ ധമ്മോ അനിദസ്സനസപ്പടിഘസ്സ ധമ്മസ്സ അത്ഥിപച്ചയേന പച്ചയോ – അനിദസ്സനസപ്പടിഘം ഏകം മഹാഭൂതം ദ്വിന്നം മഹാഭൂതാനം അത്ഥിപച്ചയേന പച്ചയോ. ദ്വേ മഹാഭൂതാ ഏകസ്സ മഹാഭൂതസ്സ അത്ഥിപച്ചയേന പച്ചയോ. അനിദസ്സനസപ്പടിഘാ മഹാഭൂതാ അനിദസ്സനസപ്പടിഘാനം ചിത്തസമുട്ഠാനാനം രൂപാനം കടത്താരൂപാനം ഉപാദാരൂപാനം അത്ഥിപച്ചയേന പച്ചയോ. ഫോട്ഠബ്ബായതനം ചക്ഖായതനസ്സ…പേ॰… രസായതനസ്സ അത്ഥിപച്ചയേന പച്ചയോ. ബാഹിരം… ആഹാരസമുട്ഠാനം… ഉതുസമുട്ഠാനം… ഏകം മഹാഭൂതം ദ്വിന്നം മഹാഭൂതാനം അത്ഥിപച്ചയേന പച്ചയോ. ദ്വേ മഹാഭൂതാ ഏകസ്സ മഹാഭൂതസ്സ അത്ഥിപച്ചയേന പച്ചയോ. ഉതുസമുട്ഠാനാ മഹാഭൂതാ അനിദസ്സനസപ്പടിഘാനം ഉപാദാരൂപാനം അത്ഥിപച്ചയേന പച്ചയോ. അസഞ്ഞസത്താനം അനിദസ്സനസപ്പടിഘം ഏകം മഹാഭൂതം ദ്വിന്നം മഹാഭൂതാനം അത്ഥിപച്ചയേന പച്ചയോ. ദ്വേ മഹാഭൂതാ…പേ॰…. (൧)

    51. Anidassanasappaṭigho dhammo anidassanasappaṭighassa dhammassa atthipaccayena paccayo – anidassanasappaṭighaṃ ekaṃ mahābhūtaṃ dvinnaṃ mahābhūtānaṃ atthipaccayena paccayo. Dve mahābhūtā ekassa mahābhūtassa atthipaccayena paccayo. Anidassanasappaṭighā mahābhūtā anidassanasappaṭighānaṃ cittasamuṭṭhānānaṃ rūpānaṃ kaṭattārūpānaṃ upādārūpānaṃ atthipaccayena paccayo. Phoṭṭhabbāyatanaṃ cakkhāyatanassa…pe… rasāyatanassa atthipaccayena paccayo. Bāhiraṃ… āhārasamuṭṭhānaṃ… utusamuṭṭhānaṃ… ekaṃ mahābhūtaṃ dvinnaṃ mahābhūtānaṃ atthipaccayena paccayo. Dve mahābhūtā ekassa mahābhūtassa atthipaccayena paccayo. Utusamuṭṭhānā mahābhūtā anidassanasappaṭighānaṃ upādārūpānaṃ atthipaccayena paccayo. Asaññasattānaṃ anidassanasappaṭighaṃ ekaṃ mahābhūtaṃ dvinnaṃ mahābhūtānaṃ atthipaccayena paccayo. Dve mahābhūtā…pe…. (1)

    അനിദസ്സനസപ്പടിഘോ ധമ്മോ സനിദസ്സനസപ്പടിഘസ്സ ധമ്മസ്സ അത്ഥിപച്ചയേന പച്ചയോ. (൨)

    Anidassanasappaṭigho dhammo sanidassanasappaṭighassa dhammassa atthipaccayena paccayo. (2)

    (പടിച്ചവാരേ നിസ്സയപച്ചയസദിസം.)

    (Paṭiccavāre nissayapaccayasadisaṃ.)

    അനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതാ – അനിദസ്സനസപ്പടിഘാ മഹാഭൂതാ അനിദസ്സനഅപ്പടിഘാനം ചിത്തസമുട്ഠാനാനം രൂപാനം കടത്താരൂപാനം ഉപാദാരൂപാനം അത്ഥിപച്ചയേന പച്ചയോ (യാവ അസഞ്ഞസത്താ വിത്ഥാരേതബ്ബാ). പുരേജാതം – ചക്ഖും…പേ॰… കായം, സദ്ദേ…പേ॰… ഫോട്ഠബ്ബേ അനിച്ചതോ…പേ॰… ദോമനസ്സം ഉപ്പജ്ജതി, ചക്ഖായതനം ചക്ഖുവിഞ്ഞാണസ്സ…പേ॰… ഫോട്ഠബ്ബായതനം കായവിഞ്ഞാണസ്സ അത്ഥിപച്ചയേന പച്ചയോ. (൩)

    Anidassanasappaṭigho dhammo anidassanaappaṭighassa dhammassa atthipaccayena paccayo – sahajātaṃ, purejātaṃ. Sahajātā – anidassanasappaṭighā mahābhūtā anidassanaappaṭighānaṃ cittasamuṭṭhānānaṃ rūpānaṃ kaṭattārūpānaṃ upādārūpānaṃ atthipaccayena paccayo (yāva asaññasattā vitthāretabbā). Purejātaṃ – cakkhuṃ…pe… kāyaṃ, sadde…pe… phoṭṭhabbe aniccato…pe… domanassaṃ uppajjati, cakkhāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa atthipaccayena paccayo. (3)

    (അവസേസാ ചത്താരോ പഞ്ഹാ വിത്ഥാരേതബ്ബാ. പടിച്ചവാരേ സഹജാതപച്ചയസദിസാ, നിന്നാനാകരണാ.) (൭)

    (Avasesā cattāro pañhā vitthāretabbā. Paṭiccavāre sahajātapaccayasadisā, ninnānākaraṇā.) (7)

    ൫൨. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – അനിദസ്സനഅപ്പടിഘോ ഏകോ ഖന്ധോ തിണ്ണന്നം ഖന്ധാനം അനിദസ്സനഅപ്പടിഘാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. ദ്വേ ഖന്ധാ…പേ॰… പടിസന്ധിക്ഖണേ…പേ॰… ആപോധാതു അനിദസ്സനഅപ്പടിഘാനം ചിത്തസമുട്ഠാനാനം രൂപാനം കടത്താരൂപാനം ഉപാദാരൂപാനം…പേ॰… ആപോധാതു ഇത്ഥിന്ദ്രിയസ്സ…പേ॰… കബളീകാരാഹാരസ്സ ച അത്ഥിപച്ചയേന പച്ചയോ. ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ആപോധാതു അനിദസ്സനഅപ്പടിഘാനം കടത്താരൂപാനം ഉപാദാരൂപാനം അത്ഥിപച്ചയേന പച്ചയോ. പുരേജാതം – വത്ഥും… ഇത്ഥിന്ദ്രിയം… പുരിസിന്ദ്രിയം… ജീവിതിന്ദ്രിയം… ആപോധാതും… കബളീകാരം ആഹാരം… അനിച്ചതോ…പേ॰… ദോമനസ്സം ഉപ്പജ്ജതി, വത്ഥു അനിദസ്സനഅപ്പടിഘാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – അനിദസ്സനഅപ്പടിഘാ ഖന്ധാ പുരേജാതസ്സ ഇമസ്സ അനിദസ്സനഅപ്പടിഘസ്സ കായസ്സ അത്ഥിപച്ചയേന പച്ചയോ. കബളീകാരോ ആഹാരോ ഇമസ്സ അനിദസ്സനഅപ്പടിഘസ്സ കായസ്സ അത്ഥിപച്ചയേന പച്ചയോ. രൂപജീവിതിന്ദ്രിയം അനിദസ്സനഅപ്പടിഘാനം കടത്താരൂപാനം അത്ഥിപച്ചയേന പച്ചയോ (ഏവം അവസേസാ ഛ പഞ്ഹാ വിഭജിതബ്ബാ. സഹജാതം, പച്ഛാജാതം, ആഹാരം, ഇന്ദ്രിയമ്പി കാതബ്ബാ). (൭)

    52. Anidassanaappaṭigho dhammo anidassanaappaṭighassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – anidassanaappaṭigho eko khandho tiṇṇannaṃ khandhānaṃ anidassanaappaṭighānaṃ cittasamuṭṭhānānañca rūpānaṃ atthipaccayena paccayo. Dve khandhā…pe… paṭisandhikkhaṇe…pe… āpodhātu anidassanaappaṭighānaṃ cittasamuṭṭhānānaṃ rūpānaṃ kaṭattārūpānaṃ upādārūpānaṃ…pe… āpodhātu itthindriyassa…pe… kabaḷīkārāhārassa ca atthipaccayena paccayo. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātu anidassanaappaṭighānaṃ kaṭattārūpānaṃ upādārūpānaṃ atthipaccayena paccayo. Purejātaṃ – vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… aniccato…pe… domanassaṃ uppajjati, vatthu anidassanaappaṭighānaṃ khandhānaṃ atthipaccayena paccayo. Pacchājātā – anidassanaappaṭighā khandhā purejātassa imassa anidassanaappaṭighassa kāyassa atthipaccayena paccayo. Kabaḷīkāro āhāro imassa anidassanaappaṭighassa kāyassa atthipaccayena paccayo. Rūpajīvitindriyaṃ anidassanaappaṭighānaṃ kaṭattārūpānaṃ atthipaccayena paccayo (evaṃ avasesā cha pañhā vibhajitabbā. Sahajātaṃ, pacchājātaṃ, āhāraṃ, indriyampi kātabbā). (7)

    ൫൩. സനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ അത്ഥിപച്ചയേന പച്ചയോ. പുരേജാതം – രൂപായതനഞ്ച വത്ഥു ച അനിദസ്സനഅപ്പടിഘാനം ഖന്ധാനം അത്ഥിപച്ചയേന പച്ചയോ . (൧)

    53. Sanidassanasappaṭigho ca anidassanaappaṭigho ca dhammā anidassanaappaṭighassa dhammassa atthipaccayena paccayo. Purejātaṃ – rūpāyatanañca vatthu ca anidassanaappaṭighānaṃ khandhānaṃ atthipaccayena paccayo . (1)

    അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ സനിദസ്സനസപ്പടിഘസ്സ ധമ്മസ്സ അത്ഥിപച്ചയേന പച്ചയോ – അനിദസ്സനഅപ്പടിഘാ ഖന്ധാ ച മഹാഭൂതാ ച സനിദസ്സനസപ്പടിഘാനം ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പടിസന്ധിക്ഖണേ… (സംഖിത്തം, അസഞ്ഞസത്താനഞ്ച കാതബ്ബാ). (൧)

    Anidassanasappaṭigho ca anidassanaappaṭigho ca dhammā sanidassanasappaṭighassa dhammassa atthipaccayena paccayo – anidassanaappaṭighā khandhā ca mahābhūtā ca sanidassanasappaṭighānaṃ cittasamuṭṭhānānaṃ rūpānaṃ atthipaccayena paccayo. Paṭisandhikkhaṇe… (saṃkhittaṃ, asaññasattānañca kātabbā). (1)

    അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനസപ്പടിഘസ്സ ധമ്മസ്സ അത്ഥിപച്ചയേന പച്ചയോ (സംഖിത്തം). (൨)

    Anidassanasappaṭigho ca anidassanaappaṭigho ca dhammā anidassanasappaṭighassa dhammassa atthipaccayena paccayo (saṃkhittaṃ). (2)

    ൫൪. അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതാ – അനിദസ്സനഅപ്പടിഘാ ഖന്ധാ ച മഹാഭൂതാ ച അനിദസ്സനഅപ്പടിഘാനം ചിത്തസമുട്ഠാനാനം രൂപാനം…പേ॰… (യാവ അസഞ്ഞസത്താ കാതബ്ബാ). പുരേജാതം – ചക്ഖായതനഞ്ച വത്ഥു ച…പേ॰… ഫോട്ഠബ്ബായതനഞ്ച വത്ഥു ച അനിദസ്സനഅപ്പടിഘാനം ഖന്ധാനം അത്ഥിപച്ചയേന പച്ചയോ. (൩) (അവസേസാ ചതസ്സോ പഞ്ഹാ വിഭജിതബ്ബാ.) (൭)

    54. Anidassanasappaṭigho ca anidassanaappaṭigho ca dhammā anidassanaappaṭighassa dhammassa atthipaccayena paccayo – sahajātaṃ, purejātaṃ. Sahajātā – anidassanaappaṭighā khandhā ca mahābhūtā ca anidassanaappaṭighānaṃ cittasamuṭṭhānānaṃ rūpānaṃ…pe… (yāva asaññasattā kātabbā). Purejātaṃ – cakkhāyatanañca vatthu ca…pe… phoṭṭhabbāyatanañca vatthu ca anidassanaappaṭighānaṃ khandhānaṃ atthipaccayena paccayo. (3) (Avasesā catasso pañhā vibhajitabbā.) (7)

    ൫൫. സനിദസ്സനസപ്പടിഘോ ച അനിദസ്സനസപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ അത്ഥിപച്ചയേന പച്ചയോ. പുരേജാതം – രൂപായതനഞ്ച ചക്ഖായതനഞ്ച ചക്ഖുവിഞ്ഞാണസ്സ അത്ഥിപച്ചയേന പച്ചയോ. (൧)

    55. Sanidassanasappaṭigho ca anidassanasappaṭigho ca dhammā anidassanaappaṭighassa dhammassa atthipaccayena paccayo. Purejātaṃ – rūpāyatanañca cakkhāyatanañca cakkhuviññāṇassa atthipaccayena paccayo. (1)

    സനിദസ്സനസപ്പടിഘോ ച അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. രൂപായതനഞ്ച ചക്ഖായതനഞ്ച ചക്ഖുവിഞ്ഞാണഞ്ച ചക്ഖുവിഞ്ഞാണസഹഗതാനം ഖന്ധാനം അത്ഥിപച്ചയേന പച്ചയോ. (൧)

    Sanidassanasappaṭigho ca anidassanasappaṭigho ca anidassanaappaṭigho ca dhammā anidassanaappaṭighassa dhammassa atthipaccayena paccayo – sahajātaṃ, purejātaṃ. Rūpāyatanañca cakkhāyatanañca cakkhuviññāṇañca cakkhuviññāṇasahagatānaṃ khandhānaṃ atthipaccayena paccayo. (1)

    (നത്ഥിവിഗതപച്ചയം അനന്തരസദിസം. അവിഗതപച്ചയം അത്ഥിസദിസം.)

    (Natthivigatapaccayaṃ anantarasadisaṃ. Avigatapaccayaṃ atthisadisaṃ.)

    ൧. പച്ചയാനുലോമം

    1. Paccayānulomaṃ

    ൨. സങ്ഖ്യാവാരോ

    2. Saṅkhyāvāro

    സുദ്ധം

    Suddhaṃ

    ൫൬. ഹേതുയാ സത്ത, ആരമ്മണേ തീണി, അധിപതിയാ നവ, അനന്തരേ ഏകം, സമനന്തരേ ഏകം, സഹജാതേ ഏകവീസ, അഞ്ഞമഞ്ഞേ ഛ, നിസ്സയേ ഏകവീസ, ഉപനിസ്സയേ തീണി, പുരേജാതേ ഛ, പച്ഛാജാതേ സത്ത, ആസേവനേ ഏകം, കമ്മേ സത്ത, വിപാകേ സത്ത, ആഹാരേ സത്ത, ഇന്ദ്രിയേ നവ, ഝാനേ സത്ത, മഗ്ഗേ സത്ത, സമ്പയുത്തേ ഏകം, വിപ്പയുത്തേ അട്ഠ, അത്ഥിയാ പഞ്ചവീസ, നത്ഥിയാ ഏകം, വിഗതേ ഏകം, അവിഗതേ പഞ്ചവീസ.

    56. Hetuyā satta, ārammaṇe tīṇi, adhipatiyā nava, anantare ekaṃ, samanantare ekaṃ, sahajāte ekavīsa, aññamaññe cha, nissaye ekavīsa, upanissaye tīṇi, purejāte cha, pacchājāte satta, āsevane ekaṃ, kamme satta, vipāke satta, āhāre satta, indriye nava, jhāne satta, magge satta, sampayutte ekaṃ, vippayutte aṭṭha, atthiyā pañcavīsa, natthiyā ekaṃ, vigate ekaṃ, avigate pañcavīsa.

    ഹേതുസഭാഗം

    Hetusabhāgaṃ

    ൫൭. ഹേതുപച്ചയാ അധിപതിയാ സത്ത, സഹജാതേ സത്ത, അഞ്ഞമഞ്ഞേ ഏകം, നിസ്സയേ സത്ത, വിപാകേ സത്ത, ഇന്ദ്രിയേ സത്ത, മഗ്ഗേ സത്ത, സമ്പയുത്തേ ഏകം, വിപ്പയുത്തേ സത്ത, അത്ഥിയാ സത്ത, അവിഗതേ സത്ത.

    57. Hetupaccayā adhipatiyā satta, sahajāte satta, aññamaññe ekaṃ, nissaye satta, vipāke satta, indriye satta, magge satta, sampayutte ekaṃ, vippayutte satta, atthiyā satta, avigate satta.

    ഹേതുസാമഞ്ഞഘടനാ (൯)

    Hetusāmaññaghaṭanā (9)

    ൫൮. ഹേതു-സഹജാത-നിസ്സയ-അത്ഥി-അവിഗതന്തി സത്ത. ഹേതു-സഹജാത-അഞ്ഞമഞ്ഞനിസ്സയ-അത്ഥി-അവിഗതന്തി ഏകം. ഹേതു-സഹജാത-അഞ്ഞമഞ്ഞ-നിസ്സയ-സമ്പയുത്ത-അത്ഥി-അവിഗതന്തി ഏകം. ഹേതു-സഹജാത-നിസ്സയ-വിപ്പയുത്ത-അത്ഥി -അവിഗതന്തി സത്ത (അവിപാകം-൪).

    58. Hetu-sahajāta-nissaya-atthi-avigatanti satta. Hetu-sahajāta-aññamaññanissaya-atthi-avigatanti ekaṃ. Hetu-sahajāta-aññamañña-nissaya-sampayutta-atthi-avigatanti ekaṃ. Hetu-sahajāta-nissaya-vippayutta-atthi -avigatanti satta (avipākaṃ-4).

    ഹേതു-സഹജാത-നിസ്സയ-വിപാക-അത്ഥി-അവിഗതന്തി സത്ത. ഹേതു-സഹജാത-അഞ്ഞമഞ്ഞ-നിസ്സയവിപാക-അത്ഥി-അവിഗതന്തി ഏകം. ഹേതു-സഹജാത-അഞ്ഞമഞ്ഞ-നിസ്സയ-വിപാക-സമ്പയുത്ത-അത്ഥിഅവിഗതന്തി ഏകം. ഹേതു-സഹജാത-നിസ്സയ-വിപാക-വിപ്പയുത്ത-അത്ഥി-അവിഗതന്തി സത്ത. ഹേതു-സഹജാത-അഞ്ഞമഞ്ഞ-നിസ്സയ-വിപാക-വിപ്പയുത്ത-അത്ഥി-അവിഗതന്തി ഏകം (സവിപാകം-൫).

    Hetu-sahajāta-nissaya-vipāka-atthi-avigatanti satta. Hetu-sahajāta-aññamañña-nissayavipāka-atthi-avigatanti ekaṃ. Hetu-sahajāta-aññamañña-nissaya-vipāka-sampayutta-atthiavigatanti ekaṃ. Hetu-sahajāta-nissaya-vipāka-vippayutta-atthi-avigatanti satta. Hetu-sahajāta-aññamañña-nissaya-vipāka-vippayutta-atthi-avigatanti ekaṃ (savipākaṃ-5).

    (ഏവം സബ്ബോ ഗണനവാരോ ഗണേതബ്ബോ.)

    (Evaṃ sabbo gaṇanavāro gaṇetabbo.)

    അനുലോമം.

    Anulomaṃ.

    ൨. പച്ചനീയുദ്ധാരോ

    2. Paccanīyuddhāro

    ൫൯. സനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൧)

    59. Sanidassanasappaṭigho dhammo anidassanaappaṭighassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (1)

    അനിദസ്സനസപ്പടിഘോ ധമ്മോ അനിദസ്സനസപ്പടിഘസ്സ ധമ്മസ്സ സഹജാതപച്ചയേന പച്ചയോ. (൧)

    Anidassanasappaṭigho dhammo anidassanasappaṭighassa dhammassa sahajātapaccayena paccayo. (1)

    അനിദസ്സനസപ്പടിഘോ ധമ്മോ സനിദസ്സനസപ്പടിഘസ്സ ധമ്മസ്സ സഹജാതപച്ചയേന പച്ചയോ. (൨)

    Anidassanasappaṭigho dhammo sanidassanasappaṭighassa dhammassa sahajātapaccayena paccayo. (2)

    അനിദസ്സനസപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

    Anidassanasappaṭigho dhammo anidassanaappaṭighassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    അനിദസ്സനസപ്പടിഘോ ധമ്മോ സനിദസ്സനസപ്പടിഘസ്സ ച അനിദസ്സനഅപ്പടിഘസ്സ ച ധമ്മസ്സ സഹജാതപച്ചയേന പച്ചയോ. (൪)

    Anidassanasappaṭigho dhammo sanidassanasappaṭighassa ca anidassanaappaṭighassa ca dhammassa sahajātapaccayena paccayo. (4)

    അനിദസ്സനസപ്പടിഘോ ധമ്മോ അനിദസ്സനസപ്പടിഘസ്സ ച അനിദസ്സനഅപ്പടിഘസ്സ ച ധമ്മസ്സ സഹജാതപച്ചയേന പച്ചയോ. (൫)

    Anidassanasappaṭigho dhammo anidassanasappaṭighassa ca anidassanaappaṭighassa ca dhammassa sahajātapaccayena paccayo. (5)

    അനിദസ്സനസപ്പടിഘോ ധമ്മോ സനിദസ്സനസപ്പടിഘസ്സ ച അനിദസ്സനസപ്പടിഘസ്സ ച ധമ്മസ്സ സഹജാതപച്ചയേന പച്ചയോ. (൬)

    Anidassanasappaṭigho dhammo sanidassanasappaṭighassa ca anidassanasappaṭighassa ca dhammassa sahajātapaccayena paccayo. (6)

    അനിദസ്സനസപ്പടിഘോ ധമ്മോ സനിദസ്സനസപ്പടിഘസ്സ ച അനിദസ്സനസപ്പടിഘസ്സ ച അനിദസ്സനഅപ്പടിഘസ്സ ച ധമ്മസ്സ സഹജാതപച്ചയേന പച്ചയോ. (൭)

    Anidassanasappaṭigho dhammo sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo. (7)

    ൬൦. അനിദസ്സനഅപ്പടിഘോ ധമ്മോ അനിദസ്സനഅപ്പടിഘസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

    60. Anidassanaappaṭigho dhammo anidassanaappaṭighassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ധമ്മസ്സ സഹജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൨)

    Anidassanaappaṭigho dhammo sanidassanasappaṭighassa dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (2)

    അനിദസ്സനഅപ്പടിഘോ ധമ്മോ അനിദസ്സനസപ്പടിഘസ്സ ധമ്മസ്സ സഹജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൩)

    Anidassanaappaṭigho dhammo anidassanasappaṭighassa dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (3)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ച അനിദസ്സനഅപ്പടിഘസ്സ ച ധമ്മസ്സ സഹജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൪)

    Anidassanaappaṭigho dhammo sanidassanasappaṭighassa ca anidassanaappaṭighassa ca dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (4)

    അനിദസ്സനഅപ്പടിഘോ ധമ്മോ അനിദസ്സനസപ്പടിഘസ്സ ച അനിദസ്സനഅപ്പടിഘസ്സ ച ധമ്മസ്സ സഹജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൫)

    Anidassanaappaṭigho dhammo anidassanasappaṭighassa ca anidassanaappaṭighassa ca dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (5)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ച അനിദസ്സനസപ്പടിഘസ്സ ച ധമ്മസ്സ സഹജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൬)

    Anidassanaappaṭigho dhammo sanidassanasappaṭighassa ca anidassanasappaṭighassa ca dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (6)

    അനിദസ്സനഅപ്പടിഘോ ധമ്മോ സനിദസ്സനസപ്പടിഘസ്സ ച അനിദസ്സനസപ്പടിഘസ്സ ച അനിദസ്സനഅപ്പടിഘസ്സ ച ധമ്മസ്സ സഹജാതപച്ചയേന പച്ചയോ … പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൭)

    Anidassanaappaṭigho dhammo sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo … pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (7)

    ൬൧. സനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ പുരേജാതം. (൧)

    61. Sanidassanasappaṭigho ca anidassanaappaṭigho ca dhammā anidassanaappaṭighassa dhammassa purejātaṃ. (1)

    അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ സനിദസ്സനസപ്പടിഘസ്സ ധമ്മസ്സ സഹജാതപച്ചയേന പച്ചയോ. (൧)

    Anidassanasappaṭigho ca anidassanaappaṭigho ca dhammā sanidassanasappaṭighassa dhammassa sahajātapaccayena paccayo. (1)

    അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനസപ്പടിഘസ്സ ധമ്മസ്സ സഹജാതപച്ചയേന പച്ചയോ. (൨)

    Anidassanasappaṭigho ca anidassanaappaṭigho ca dhammā anidassanasappaṭighassa dhammassa sahajātapaccayena paccayo. (2)

    അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ സഹജാതം, പുരേജാതം. (൩)

    Anidassanasappaṭigho ca anidassanaappaṭigho ca dhammā anidassanaappaṭighassa dhammassa sahajātaṃ, purejātaṃ. (3)

    അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ സനിദസ്സനസപ്പടിഘസ്സ ച അനിദസ്സനഅപ്പടിഘസ്സ ച ധമ്മസ്സ സഹജാതപച്ചയേന പച്ചയോ. (൪)

    Anidassanasappaṭigho ca anidassanaappaṭigho ca dhammā sanidassanasappaṭighassa ca anidassanaappaṭighassa ca dhammassa sahajātapaccayena paccayo. (4)

    അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനസപ്പടിഘസ്സ ച അനിദസ്സനഅപ്പടിഘസ്സ ച ധമ്മസ്സ സഹജാതപച്ചയേന പച്ചയോ. (൫)

    Anidassanasappaṭigho ca anidassanaappaṭigho ca dhammā anidassanasappaṭighassa ca anidassanaappaṭighassa ca dhammassa sahajātapaccayena paccayo. (5)

    അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ സനിദസ്സനസപ്പടിഘസ്സ ച അനിദസ്സനസപ്പടിഘസ്സ ച ധമ്മസ്സ സഹജാതപച്ചയേന പച്ചയോ. (൬)

    Anidassanasappaṭigho ca anidassanaappaṭigho ca dhammā sanidassanasappaṭighassa ca anidassanasappaṭighassa ca dhammassa sahajātapaccayena paccayo. (6)

    അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ സനിദസ്സനസപ്പടിഘസ്സ ച അനിദസ്സനസപ്പടിഘസ്സ ച അനിദസ്സനഅപ്പടിഘസ്സ ച ധമ്മസ്സ സഹജാതപച്ചയേന പച്ചയോ. (൭)

    Anidassanasappaṭigho ca anidassanaappaṭigho ca dhammā sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo. (7)

    ൬൨. സനിദസ്സനസപ്പടിഘോ ച അനിദസ്സനസപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ പുരേജാതം. (൧)

    62. Sanidassanasappaṭigho ca anidassanasappaṭigho ca dhammā anidassanaappaṭighassa dhammassa purejātaṃ. (1)

    സനിദസ്സനസപ്പടിഘോ ച അനിദസ്സനസപ്പടിഘോ ച അനിദസ്സനഅപ്പടിഘോ ച ധമ്മാ അനിദസ്സനഅപ്പടിഘസ്സ ധമ്മസ്സ സഹജാതപച്ചയേന പച്ചയോ… പുരേജാതപച്ചയേന പച്ചയോ. (൧)

    Sanidassanasappaṭigho ca anidassanasappaṭigho ca anidassanaappaṭigho ca dhammā anidassanaappaṭighassa dhammassa sahajātapaccayena paccayo… purejātapaccayena paccayo. (1)

    ൨. പച്ചയപച്ചനീയം

    2. Paccayapaccanīyaṃ

    ൨. സങ്ഖ്യാവാരോ

    2. Saṅkhyāvāro

    സുദ്ധം

    Suddhaṃ

    ൬൩. നഹേതുയാ പഞ്ചവീസ, നആരമ്മണേ ദ്വാവീസ, നഅധിപതിയാ പഞ്ചവീസ, നഅനന്തരേ പഞ്ചവീസ, നസമനന്തരേ പഞ്ചവീസ, നസഹജാതേ ദ്വാദസ, നഅഞ്ഞമഞ്ഞേ ചതുവീസ, നനിസ്സയേ നവ, നഉപനിസ്സയേ പഞ്ചവീസ, നപുരേജാതേ ബാവീസ, നപച്ഛാജാതേ പഞ്ചവീസ, നആസേവനേ പഞ്ചവീസ, നകമ്മേ പഞ്ചവീസ, നവിപാകേ ചതുവീസ, നആഹാരേ പഞ്ചവീസ, നഇന്ദ്രിയേ തേവീസ, നഝാനേ പഞ്ചവീസ, നമഗ്ഗേ പഞ്ചവീസ, നസമ്പയുത്തേ ചതുവീസ, നവിപ്പയുത്തേ ബാവീസ, നോഅത്ഥിയാ നവ, നോനത്ഥിയാ പഞ്ചവീസ, നോവിഗതേ പഞ്ചവീസ, നോഅവിഗതേ നവ.

    63. Nahetuyā pañcavīsa, naārammaṇe dvāvīsa, naadhipatiyā pañcavīsa, naanantare pañcavīsa, nasamanantare pañcavīsa, nasahajāte dvādasa, naaññamaññe catuvīsa, nanissaye nava, naupanissaye pañcavīsa, napurejāte bāvīsa, napacchājāte pañcavīsa, naāsevane pañcavīsa, nakamme pañcavīsa, navipāke catuvīsa, naāhāre pañcavīsa, naindriye tevīsa, najhāne pañcavīsa, namagge pañcavīsa, nasampayutte catuvīsa, navippayutte bāvīsa, noatthiyā nava, nonatthiyā pañcavīsa, novigate pañcavīsa, noavigate nava.

    നഹേതുദുകം

    Nahetudukaṃ

    നഹേതുപച്ചയാ നആരമ്മണേ ബാവീസ (പഠമഗമനസദിസം), നോഅവിഗതേ നവ.

    Nahetupaccayā naārammaṇe bāvīsa (paṭhamagamanasadisaṃ), noavigate nava.

    നഹേതുതികം

    Nahetutikaṃ

    നഹേതുപച്ചയാ നആരമ്മണപച്ചയാ നഅധിപതിയാ ബാവീസ, നഅനന്തരേ ബാവീസ, നസമനന്തരേ ബാവീസ, നസഹജാതേ നവ, നഅഞ്ഞമഞ്ഞേ ബാവീസ, നനിസ്സയേ നവ, നഉപനിസ്സയേ ഏകവീസ, നപുരേജാതേ ബാവീസ, നപച്ഛാജാതേ ബാവീസ…പേ॰… നസമ്പയുത്തേ ബാവീസ, നവിപ്പയുത്തേ ബാവീസ , നോഅത്ഥിയാ നവ, നോനത്ഥിയാ ബാവീസ, നോവിഗതേ ബാവീസ, നോഅവിഗതേ നവ (ഏവം ഗണേതബ്ബം).

    Nahetupaccayā naārammaṇapaccayā naadhipatiyā bāvīsa, naanantare bāvīsa, nasamanantare bāvīsa, nasahajāte nava, naaññamaññe bāvīsa, nanissaye nava, naupanissaye ekavīsa, napurejāte bāvīsa, napacchājāte bāvīsa…pe… nasampayutte bāvīsa, navippayutte bāvīsa , noatthiyā nava, nonatthiyā bāvīsa, novigate bāvīsa, noavigate nava (evaṃ gaṇetabbaṃ).

    പച്ചനീയം.

    Paccanīyaṃ.

    ൩. പച്ചയാനുലോമപച്ചനീയം

    3. Paccayānulomapaccanīyaṃ

    ഹേതുദുകം

    Hetudukaṃ

    ൬൪. ഹേതുപച്ചയാ നആരമ്മണേ സത്ത, നഅധിപതിയാ സത്ത, നഅനന്തരേ സത്ത, നസമനന്തരേ സത്ത, നഅഞ്ഞമഞ്ഞേ സത്ത, നഉപനിസ്സയേ സത്ത, നപുരേജാതേ സത്ത, നപച്ഛാജാതേ സത്ത…പേ॰… നസമ്പയുത്തേ സത്ത, നവിപ്പയുത്തേ ഏകം, നോനത്ഥിയാ സത്ത, നോവിഗതേ സത്ത.

    64. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe satta, naupanissaye satta, napurejāte satta, napacchājāte satta…pe… nasampayutte satta, navippayutte ekaṃ, nonatthiyā satta, novigate satta.

    ഹേതുസാമഞ്ഞഘടനാ

    Hetusāmaññaghaṭanā

    ൬൫. ഹേതു-സഹജാത-നിസ്സയ-അത്ഥി-അവിഗതന്തി നആരമ്മണേ സത്ത…പേ॰… നഅനന്തരേ സത്ത, നസമനന്തരേ സത്ത, നഅഞ്ഞമഞ്ഞേ സത്ത (ഇധാപി സംഖിത്തം), നസമ്പയുത്തേ സത്ത, നവിപ്പയുത്തേ ഏകം, നോനത്ഥിയാ സത്ത, നോവിഗതേ സത്ത.

    65. Hetu-sahajāta-nissaya-atthi-avigatanti naārammaṇe satta…pe… naanantare satta, nasamanantare satta, naaññamaññe satta (idhāpi saṃkhittaṃ), nasampayutte satta, navippayutte ekaṃ, nonatthiyā satta, novigate satta.

    ഹേതു -സഹജാത-അഞ്ഞമഞ്ഞ-നിസ്സയ-അത്ഥി-അവിഗതന്തി നആരമ്മണേ ഏകം (സബ്ബത്ഥ ഏകം), നോവിഗതേ ഏകം (ഏവം ഗണേതബ്ബം).

    Hetu -sahajāta-aññamañña-nissaya-atthi-avigatanti naārammaṇe ekaṃ (sabbattha ekaṃ), novigate ekaṃ (evaṃ gaṇetabbaṃ).

    അനുലോമപച്ചനീയം.

    Anulomapaccanīyaṃ.

    ൪. പച്ചയപച്ചനീയാനുലോമം

    4. Paccayapaccanīyānulomaṃ

    നഹേതുദുകം

    Nahetudukaṃ

    ൬൬. നഹേതുപച്ചയാ ആരമ്മണേ തീണി, അധിപതിയാ നവ, അനന്തരേ ഏകം, സമനന്തരേ ഏകം, സഹജാതേ ഏകവീസ, അഞ്ഞമഞ്ഞേ ഛ, നിസ്സയേ ഏകവീസ, ഉപനിസ്സയേ തീണി, പുരേജാതേ ഛ, പച്ഛാജാതേ സത്ത, ആസേവനേ ഏകം, കമ്മേ സത്ത, വിപാകേ സത്ത, ആഹാരേ സത്ത, ഇന്ദ്രിയേ നവ, ഝാനേ സത്ത, മഗ്ഗേ സത്ത, സമ്പയുത്തേ ഏകം, വിപ്പയുത്തേ അട്ഠ, അത്ഥിയാ പഞ്ചവീസ, നത്ഥിയാ ഏകം, വിഗതേ ഏകം, അവിഗതേ പഞ്ചവീസ (ഏവം ഗണേതബ്ബം).

    66. Nahetupaccayā ārammaṇe tīṇi, adhipatiyā nava, anantare ekaṃ, samanantare ekaṃ, sahajāte ekavīsa, aññamaññe cha, nissaye ekavīsa, upanissaye tīṇi, purejāte cha, pacchājāte satta, āsevane ekaṃ, kamme satta, vipāke satta, āhāre satta, indriye nava, jhāne satta, magge satta, sampayutte ekaṃ, vippayutte aṭṭha, atthiyā pañcavīsa, natthiyā ekaṃ, vigate ekaṃ, avigate pañcavīsa (evaṃ gaṇetabbaṃ).

    പച്ചനീയാനുലോമം.

    Paccanīyānulomaṃ.

    പഞ്ഹാവാരോ നിട്ഠിതോ.

    Pañhāvāro niṭṭhito.

    സനിദസ്സനസപ്പടിഘത്തികം നിട്ഠിതം.

    Sanidassanasappaṭighattikaṃ niṭṭhitaṃ.

    ധമ്മാനുലോമേ തികപട്ഠാനം നിട്ഠിതം.

    Dhammānulome tikapaṭṭhānaṃ niṭṭhitaṃ.

    ദുതിയോ ഭാഗോ നിട്ഠിതോ.

    Dutiyo bhāgo niṭṭhito.




    Next: ൧. ഹേതുഗോച്ഛകം • 1. Hetugocchakaṃ




    Related texts:



    അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൫-൨൨. സങ്കിലിട്ഠത്തികാദിവണ്ണനാ • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact