| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
(8) 3. ஸனிமித்தவக்³க³வண்ணனா
(8) 3. Sanimittavaggavaṇṇanā
78-79. ததியஸ்ஸ பட²மே நிமீயதி எத்த² ப²லங் அவஸேஸபச்சயேஹி பக்கி²பீயதி வியாதி நிமித்தங், காரணந்தி ஆஹ ‘‘ஸனிமித்தாதி ஸகாரணா’’தி. து³தியாதீ³ஸூதி து³தியஸுத்தாதீ³ஸு. ஏஸேவ நயோதி இமினா நிதா³னாதி³பதா³னம்பி காரணபரியாயமேவ தீ³பேதி. நித³தா³தி ப²லந்தி நிதா³னங், ஹினோதி ப²லங் பதிட்டா²தி ஏதேனாதி ஹேது, ஸங்க²ரோதி ப²லந்தி ஸங்கா²ரோ, படிச்ச ஏதஸ்மா ப²லங் ஏதீதி பச்சயோ, ருப்பதி நிருப்பதி ப²லங் எத்தா²தி ரூபந்தி ஏவங் நிதா³னாதி³பதா³னம்பி ஹேதுபரியாயதா வேதி³தப்³பா³.
78-79. Tatiyassa paṭhame nimīyati ettha phalaṃ avasesapaccayehi pakkhipīyati viyāti nimittaṃ, kāraṇanti āha ‘‘sanimittāti sakāraṇā’’ti. Dutiyādīsūti dutiyasuttādīsu. Eseva nayoti iminā nidānādipadānampi kāraṇapariyāyameva dīpeti. Nidadāti phalanti nidānaṃ, hinoti phalaṃ patiṭṭhāti etenāti hetu, saṅkharoti phalanti saṅkhāro, paṭicca etasmā phalaṃ etīti paccayo, ruppati niruppati phalaṃ etthāti rūpanti evaṃ nidānādipadānampi hetupariyāyatā veditabbā.
84. ஸத்தமே பச்சயபூ⁴தாயாதி ஸஹஜாதாதி³பச்சயபூ⁴தாய.
84. Sattame paccayabhūtāyāti sahajātādipaccayabhūtāya.
87. த³ஸமே ஸமேச்ச ஸம்பு⁴ய்ய பச்சயேஹி கதோதி ஸங்க²தோ, ஸங்க²தோ த⁴ம்மோ ஆரம்மணங் ஏதேஸந்தி ஸங்க²தாரம்மணா. மக்³க³க்க²ணே ந ஹொந்தி நாம பஹீயந்தீதி கத்வா. நாஹேஸுந்தி எத்த² ‘‘வுச்சந்தீ’’தி அஜ்ஜா²ஹரிதப்³ப³ங். யாவ அரஹத்தா தே³ஸனா தே³ஸிதா தங்தங்ஸுத்தபரியோஸானே ‘‘ந ஹொந்தீ’’தி வுத்தத்தா.
87. Dasame samecca sambhuyya paccayehi katoti saṅkhato, saṅkhato dhammo ārammaṇaṃ etesanti saṅkhatārammaṇā. Maggakkhaṇe na honti nāma pahīyantīti katvā. Nāhesunti ettha ‘‘vuccantī’’ti ajjhāharitabbaṃ. Yāva arahattā desanā desitā taṃtaṃsuttapariyosāne ‘‘na hontī’’ti vuttattā.
ஸனிமித்தவக்³க³வண்ணனா நிட்டி²தா.
Sanimittavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / (8) 3. ஸனிமித்தவக்³கோ³ • (8) 3. Sanimittavaggo
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / (8) 3. ஸனிமித்தவக்³க³வண்ணனா • (8) 3. Sanimittavaggavaṇṇanā
