| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
(৮) ৩. সনিমিত্তৰগ্গৰণ্ণনা
(8) 3. Sanimittavaggavaṇṇanā
৭৮-৭৯. ততিযস্স পঠমে সনিমিত্তাতি সকারণা। দুতিযাদীসুপি এসেৰ নযো। নিদানং হেতু সঙ্খারো পচ্চযো রূপন্তি সব্বানিপি হি এতানি কারণৰেৰচনানেৰ।
78-79. Tatiyassa paṭhame sanimittāti sakāraṇā. Dutiyādīsupi eseva nayo. Nidānaṃ hetu saṅkhāro paccayo rūpanti sabbānipi hi etāni kāraṇavevacanāneva.
৮৪. সত্তমে সৰেদনাতি পচ্চযভূতায সম্পযুত্তৰেদনায সতিযেৰ উপ্পজ্জন্তি, নাসতীতি অত্থো। অট্ঠমনৰমেসুপি এসেৰ নযো।
84. Sattame savedanāti paccayabhūtāya sampayuttavedanāya satiyeva uppajjanti, nāsatīti attho. Aṭṭhamanavamesupi eseva nayo.
৮৭. দসমে সঙ্খতারম্মণাতি পচ্চযনিব্বত্তং সঙ্খতধম্মং আরম্মণং কত্ৰাৰ উপ্পজ্জন্তি। নো অসঙ্খতারম্মণাতি অসঙ্খতং পন নিব্বানং আরব্ভ ন উপ্পজ্জন্তি। ন হোন্তীতি মগ্গক্খণে ন হোন্তি নাম, ফলে পত্তে নাহেসুন্তি। এৰমেতেসু দসসুপি ঠানেসু যাৰ অরহত্তা দেসনা দেসিতাতি।
87. Dasame saṅkhatārammaṇāti paccayanibbattaṃ saṅkhatadhammaṃ ārammaṇaṃ katvāva uppajjanti. No asaṅkhatārammaṇāti asaṅkhataṃ pana nibbānaṃ ārabbha na uppajjanti. Na hontīti maggakkhaṇe na honti nāma, phale patte nāhesunti. Evametesu dasasupi ṭhānesu yāva arahattā desanā desitāti.
সনিমিত্তৰগ্গো ততিযো।
Sanimittavaggo tatiyo.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / (৮) ৩. সনিমিত্তৰগ্গো • (8) 3. Sanimittavaggo
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / (৮) ৩. সনিমিত্তৰগ্গৰণ্ণনা • (8) 3. Sanimittavaggavaṇṇanā
