| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
(८) ३. सनिमित्तवग्गवण्णना
(8) 3. Sanimittavaggavaṇṇanā
७८-७९. ततियस्स पठमे सनिमित्ताति सकारणा। दुतियादीसुपि एसेव नयो। निदानं हेतु सङ्खारो पच्चयो रूपन्ति सब्बानिपि हि एतानि कारणवेवचनानेव।
78-79. Tatiyassa paṭhame sanimittāti sakāraṇā. Dutiyādīsupi eseva nayo. Nidānaṃ hetu saṅkhāro paccayo rūpanti sabbānipi hi etāni kāraṇavevacanāneva.
८४. सत्तमे सवेदनाति पच्चयभूताय सम्पयुत्तवेदनाय सतियेव उप्पज्जन्ति, नासतीति अत्थो। अट्ठमनवमेसुपि एसेव नयो।
84. Sattame savedanāti paccayabhūtāya sampayuttavedanāya satiyeva uppajjanti, nāsatīti attho. Aṭṭhamanavamesupi eseva nayo.
८७. दसमे सङ्खतारम्मणाति पच्चयनिब्बत्तं सङ्खतधम्मं आरम्मणं कत्वाव उप्पज्जन्ति। नो असङ्खतारम्मणाति असङ्खतं पन निब्बानं आरब्भ न उप्पज्जन्ति। न होन्तीति मग्गक्खणे न होन्ति नाम, फले पत्ते नाहेसुन्ति। एवमेतेसु दससुपि ठानेसु याव अरहत्ता देसना देसिताति।
87. Dasame saṅkhatārammaṇāti paccayanibbattaṃ saṅkhatadhammaṃ ārammaṇaṃ katvāva uppajjanti. No asaṅkhatārammaṇāti asaṅkhataṃ pana nibbānaṃ ārabbha na uppajjanti. Na hontīti maggakkhaṇe na honti nāma, phale patte nāhesunti. Evametesu dasasupi ṭhānesu yāva arahattā desanā desitāti.
सनिमित्तवग्गो ततियो।
Sanimittavaggo tatiyo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / (८) ३. सनिमित्तवग्गो • (8) 3. Sanimittavaggo
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / (८) ३. सनिमित्तवग्गवण्णना • (8) 3. Sanimittavaggavaṇṇanā
