| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
(၈) ၃. သနိမိတ္တဝဂ္ဂဝဏ္ဏနာ
(8) 3. Sanimittavaggavaṇṇanā
၇၈-၇၉. တတိယသ္သ ပဌမေ သနိမိတ္တာတိ သကာရဏာ။ ဒုတိယာဒီသုပိ ဧသေဝ နယော။ နိဒာနံ ဟေတု သင္ခာရော ပစ္စယော ရူပန္တိ သဗ္ဗာနိပိ ဟိ ဧတာနိ ကာရဏဝေဝစနာနေဝ။
78-79. Tatiyassa paṭhame sanimittāti sakāraṇā. Dutiyādīsupi eseva nayo. Nidānaṃ hetu saṅkhāro paccayo rūpanti sabbānipi hi etāni kāraṇavevacanāneva.
၈၄. သတ္တမေ သဝေဒနာတိ ပစ္စယဘူတာယ သမ္ပယုတ္တဝေဒနာယ သတိယေဝ ဥပ္ပဇ္ဇန္တိ, နာသတီတိ အတ္ထော။ အဋ္ဌမနဝမေသုပိ ဧသေဝ နယော။
84. Sattame savedanāti paccayabhūtāya sampayuttavedanāya satiyeva uppajjanti, nāsatīti attho. Aṭṭhamanavamesupi eseva nayo.
၈၇. ဒသမေ သင္ခတာရမ္မဏာတိ ပစ္စယနိဗ္ဗတ္တံ သင္ခတဓမ္မံ အာရမ္မဏံ ကတ္ဝာဝ ဥပ္ပဇ္ဇန္တိ။ နော အသင္ခတာရမ္မဏာတိ အသင္ခတံ ပန နိဗ္ဗာနံ အာရဗ္ဘ န ဥပ္ပဇ္ဇန္တိ။ န ဟောန္တီတိ မဂ္ဂက္ခဏေ န ဟောန္တိ နာမ, ဖလေ ပတ္တေ နာဟေသုန္တိ။ ဧဝမေတေသု ဒသသုပိ ဌာနေသု ယာဝ အရဟတ္တာ ဒေသနာ ဒေသိတာတိ။
87. Dasame saṅkhatārammaṇāti paccayanibbattaṃ saṅkhatadhammaṃ ārammaṇaṃ katvāva uppajjanti. No asaṅkhatārammaṇāti asaṅkhataṃ pana nibbānaṃ ārabbha na uppajjanti. Na hontīti maggakkhaṇe na honti nāma, phale patte nāhesunti. Evametesu dasasupi ṭhānesu yāva arahattā desanā desitāti.
သနိမိတ္တဝဂ္ဂော တတိယော။
Sanimittavaggo tatiyo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / (၈) ၃. သနိမိတ္တဝဂ္ဂော • (8) 3. Sanimittavaggo
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / (၈) ၃. သနိမိတ္တဝဂ္ဂဝဏ္ဏနာ • (8) 3. Sanimittavaggavaṇṇanā
