| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
(8) 3. සනිමිත්‌තවග්‌ගවණ්‌ණනා
(8) 3. Sanimittavaggavaṇṇanā
78-79. තතියස්‌ස පඨමෙ නිමීයති එත්‌ථ ඵලං අවසෙසපච්‌චයෙහි පක්‌ඛිපීයති වියාති නිමිත්‌තං, කාරණන්‌ති ආහ ‘‘සනිමිත්‌තාති සකාරණා’’ති. දුතියාදීසූති දුතියසුත්‌තාදීසු. එසෙව නයොති ඉමිනා නිදානාදිපදානම්‌පි කාරණපරියායමෙව දීපෙති. නිදදාති ඵලන්‌ති නිදානං, හිනොති ඵලං පතිට්‌ඨාති එතෙනාති හෙතු, සඞ්‌ඛරොති ඵලන්‌ති සඞ්‌ඛාරො, පටිච්‌ච එතස්‌මා ඵලං එතීති පච්‌චයො, රුප්‌පති නිරුප්‌පති ඵලං එත්‌ථාති රූපන්‌ති එවං නිදානාදිපදානම්‌පි හෙතුපරියායතා වෙදිතබ්‌බා.
78-79. Tatiyassa paṭhame nimīyati ettha phalaṃ avasesapaccayehi pakkhipīyati viyāti nimittaṃ, kāraṇanti āha ‘‘sanimittāti sakāraṇā’’ti. Dutiyādīsūti dutiyasuttādīsu. Eseva nayoti iminā nidānādipadānampi kāraṇapariyāyameva dīpeti. Nidadāti phalanti nidānaṃ, hinoti phalaṃ patiṭṭhāti etenāti hetu, saṅkharoti phalanti saṅkhāro, paṭicca etasmā phalaṃ etīti paccayo, ruppati niruppati phalaṃ etthāti rūpanti evaṃ nidānādipadānampi hetupariyāyatā veditabbā.
84. සත්‌තමෙ පච්‌චයභූතායාති සහජාතාදිපච්‌චයභූතාය.
84. Sattame paccayabhūtāyāti sahajātādipaccayabhūtāya.
87. දසමෙ සමෙච්‌ච සම්‌භුය්‍ය පච්‌චයෙහි කතොති සඞ්‌ඛතො, සඞ්‌ඛතො ධම්‌මො ආරම්‌මණං එතෙසන්‌ති සඞ්‌ඛතාරම්‌මණා. මග්‌ගක්‌ඛණෙ න හොන්‌ති නාම පහීයන්‌තීති කත්‌වා. නාහෙසුන්‌ති එත්‌ථ ‘‘වුච්‌චන්‌තී’’ති අජ්‌ඣාහරිතබ්‌බං. යාව අරහත්‌තා දෙසනා දෙසිතා තංතංසුත්‌තපරියොසානෙ ‘‘න හොන්‌තී’’ති වුත්‌තත්‌තා.
87. Dasame samecca sambhuyya paccayehi katoti saṅkhato, saṅkhato dhammo ārammaṇaṃ etesanti saṅkhatārammaṇā. Maggakkhaṇe na honti nāma pahīyantīti katvā. Nāhesunti ettha ‘‘vuccantī’’ti ajjhāharitabbaṃ. Yāva arahattā desanā desitā taṃtaṃsuttapariyosāne ‘‘na hontī’’ti vuttattā.
සනිමිත්‌තවග්‌ගවණ්‌ණනා නිට්‌ඨිතා.
Sanimittavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / (8) 3. සනිමිත්‌තවග්‌ගො • (8) 3. Sanimittavaggo
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / (8) 3. සනිමිත්‌තවග්‌ගවණ්‌ණනා • (8) 3. Sanimittavaggavaṇṇanā
