| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
(༨) ༣. སནིམིཏྟཝགྒཝཎྞནཱ
(8) 3. Sanimittavaggavaṇṇanā
༧༨-༧༩. ཏཏིཡསྶ པཋམེ ནིམཱིཡཏི ཨེཏྠ ཕལཾ ཨཝསེསཔཙྩཡེཧི པཀྑིཔཱིཡཏི ཝིཡཱཏི ནིམིཏྟཾ, ཀཱརཎནྟི ཨཱཧ ‘‘སནིམིཏྟཱཏི སཀཱརཎཱ’’ཏི། དུཏིཡཱདཱིསཱུཏི དུཏིཡསུཏྟཱདཱིསུ། ཨེསེཝ ནཡོཏི ཨིམིནཱ ནིདཱནཱདིཔདཱནམྤི ཀཱརཎཔརིཡཱཡམེཝ དཱིཔེཏི། ནིདདཱཏི ཕལནྟི ནིདཱནཾ, ཧིནོཏི ཕལཾ པཏིཊྛཱཏི ཨེཏེནཱཏི ཧེཏུ, སངྑརོཏི ཕལནྟི སངྑཱརོ, པཊིཙྩ ཨེཏསྨཱ ཕལཾ ཨེཏཱིཏི པཙྩཡོ, རུཔྤཏི ནིརུཔྤཏི ཕལཾ ཨེཏྠཱཏི རཱུཔནྟི ཨེཝཾ ནིདཱནཱདིཔདཱནམྤི ཧེཏུཔརིཡཱཡཏཱ ཝེདིཏབྦཱ།
78-79. Tatiyassa paṭhame nimīyati ettha phalaṃ avasesapaccayehi pakkhipīyati viyāti nimittaṃ, kāraṇanti āha ‘‘sanimittāti sakāraṇā’’ti. Dutiyādīsūti dutiyasuttādīsu. Eseva nayoti iminā nidānādipadānampi kāraṇapariyāyameva dīpeti. Nidadāti phalanti nidānaṃ, hinoti phalaṃ patiṭṭhāti etenāti hetu, saṅkharoti phalanti saṅkhāro, paṭicca etasmā phalaṃ etīti paccayo, ruppati niruppati phalaṃ etthāti rūpanti evaṃ nidānādipadānampi hetupariyāyatā veditabbā.
༨༤. སཏྟམེ པཙྩཡབྷཱུཏཱཡཱཏི སཧཛཱཏཱདིཔཙྩཡབྷཱུཏཱཡ།
84. Sattame paccayabhūtāyāti sahajātādipaccayabhūtāya.
༨༧. དསམེ སམེཙྩ སམྦྷུཡྻ པཙྩཡེཧི ཀཏོཏི སངྑཏོ, སངྑཏོ དྷམྨོ ཨཱརམྨཎཾ ཨེཏེསནྟི སངྑཏཱརམྨཎཱ། མགྒཀྑཎེ ན ཧོནྟི ནཱམ པཧཱིཡནྟཱིཏི ཀཏྭཱ། ནཱཧེསུནྟི ཨེཏྠ ‘‘ཝུཙྩནྟཱི’’ཏི ཨཛ྄ཛྷཱཧརིཏབྦཾ། ཡཱཝ ཨརཧཏྟཱ དེསནཱ དེསིཏཱ ཏཾཏཾསུཏྟཔརིཡོསཱནེ ‘‘ན ཧོནྟཱི’’ཏི ཝུཏྟཏྟཱ།
87. Dasame samecca sambhuyya paccayehi katoti saṅkhato, saṅkhato dhammo ārammaṇaṃ etesanti saṅkhatārammaṇā. Maggakkhaṇe na honti nāma pahīyantīti katvā. Nāhesunti ettha ‘‘vuccantī’’ti ajjhāharitabbaṃ. Yāva arahattā desanā desitā taṃtaṃsuttapariyosāne ‘‘na hontī’’ti vuttattā.
སནིམིཏྟཝགྒཝཎྞནཱ ནིཊྛིཏཱ།
Sanimittavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / (༨) ༣. སནིམིཏྟཝགྒོ • (8) 3. Sanimittavaggo
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / (༨) ༣. སནིམིཏྟཝགྒཝཎྞནཱ • (8) 3. Sanimittavaggavaṇṇanā
