| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[150] 10. сан̃ж̇ийваж̇аад̇агаван̣н̣анаа
[150] 10. Sañjīvajātakavaṇṇanā
асанд̇ам̣ яо баг̇г̇ан̣хаад̇ийд̇и ид̣̇ам̣ сад̇т̇аа взл̣уванз вихаранд̇о аж̇аад̇асад̇д̇усса ран̃н̃о асанд̇абаг̇г̇ахам̣ аараб̣бха гат̇зси. со хи б̣уд̣̇д̇хаанам̣ бадиган̣дагабхууд̇з д̣̇уссийлз баабад̇хаммз д̣̇звад̣̇ад̇д̇з басийд̣̇ид̇ваа д̇ам̣ асанд̇ам̣ асаббурисам̣ баг̇г̇аяха ‘‘д̇асса саггаарам̣ гариссаамий’’д̇и б̣ахум̣ д̇ханам̣ барижжаж̇ид̇ваа г̇аяаасийсз вихаарам̣ гаарзд̇ваа д̇ассзва важанам̣ г̇ахзд̇ваа бид̇арам̣ д̇хаммарааж̇аанам̣ сод̇аабаннам̣ арияасаавагам̣ гхаад̇зд̇ваа ад̇д̇ано сод̇аабад̇д̇имаг̇г̇асса убаниссаяам̣ бхинд̣̇ид̇ваа махаавинаасам̣ бад̇д̇о. со хи ‘‘д̣̇звад̣̇ад̇д̇о бат̇авияам̣ бавидто’’д̇и суд̇ваа ‘‘гажжи ну ко мамби бат̇авий г̇илзяяаа’’д̇и бхийд̇ад̇асид̇о раж̇ж̇асукам̣ на лабхад̇и, саяанз ассаад̣̇асукам̣ на винд̣̇ад̇и, д̇иб̣б̣агааран̣аабхид̇унно хад̇т̇ибод̇о вияа гамбамаано вижарад̇и. со бат̇авим̣ паламаанам̣ вияа, авийжиж̇аалам̣ нигкаманд̇им̣ вияа, бат̇авияаа ад̇д̇аанам̣ г̇илияамаанам̣ вияа, аад̣̇ид̇д̇ааяа лохабат̇авияаа уд̇д̇аанагам̣ нибаж̇ж̇аабзд̇ваа аяасуулзхи годияамаанам̣ вияа жа саманубасси. д̇знасса бахадагуггудассзва мухуд̇д̇амби гамбамаанасса авад̇т̇аанам̣ наама наахоси. со саммаасамб̣уд̣̇д̇хам̣ бассид̇угаамо камаабзд̇угаамо бан̃хам̣ бужчид̇угаамо ахоси, ад̇д̇ано бана абараад̇хамаханд̇ад̇ааяа убасан̇гамид̇ум̣ на саггод̇и.
Asantaṃyo paggaṇhātīti idaṃ satthā veḷuvane viharanto ajātasattussa rañño asantapaggahaṃ ārabbha kathesi. So hi buddhānaṃ paṭikaṇṭakabhūte dussīle pāpadhamme devadatte pasīditvā taṃ asantaṃ asappurisaṃ paggayha ‘‘tassa sakkāraṃ karissāmī’’ti bahuṃ dhanaṃ pariccajitvā gayāsīse vihāraṃ kāretvā tasseva vacanaṃ gahetvā pitaraṃ dhammarājānaṃ sotāpannaṃ ariyasāvakaṃ ghātetvā attano sotāpattimaggassa upanissayaṃ bhinditvā mahāvināsaṃ patto. So hi ‘‘devadatto pathaviyaṃ paviṭṭho’’ti sutvā ‘‘kacci nu kho mampi pathavī gileyyā’’ti bhītatasito rajjasukhaṃ na labhati, sayane assādasukhaṃ na vindati, tibbakāraṇābhitunno hatthipoto viya kampamāno vicarati. So pathaviṃ phalamānaṃ viya, avīcijālaṃ nikkhamantiṃ viya, pathaviyā attānaṃ giliyamānaṃ viya, ādittāya lohapathaviyā uttānakaṃ nipajjāpetvā ayasūlehi koṭiyamānaṃ viya ca samanupassi. Tenassa pahaṭakukkuṭasseva muhuttampi kampamānassa avatthānaṃ nāma nāhosi. So sammāsambuddhaṃ passitukāmo khamāpetukāmo pañhaṃ pucchitukāmo ahosi, attano pana aparādhamahantatāya upasaṅkamituṃ na sakkoti.
ат̇асса рааж̇аг̇аханаг̇арз гад̇д̇игарад̇д̇иваарз самбад̇д̇з д̣̇званаг̇арам̣ вияа наг̇арз алан̇гад̇з махаад̇алз амажжаг̇ан̣абаривуд̇асса ган̃жанаасанз нисиннасса ж̇ийвагам̣ гомаарабхажжам̣ авид̣̇уурз нисиннам̣ д̣̇исваа зд̇ад̣̇ахоси ‘‘ж̇ийвагам̣ г̇ахзд̇ваа саммаасамб̣уд̣̇д̇хасса санд̇игам̣ г̇амиссаами, на ко бана саггаа маяаа уж̇угамзва вад̇д̇ум̣ ‘ахам̣, самма ж̇ийвага, саяам̣ г̇анд̇ум̣ на саггоми, зхи мам̣ сад̇т̇у санд̇игам̣ нзхий’д̇и, барияааязна бана рад̇д̇исамбад̣̇ам̣ ван̣н̣зд̇ваа ‘гам̣ ну кваж̇ж̇а маяам̣ саман̣ам̣ ваа б̣раахман̣ам̣ ваа баяирубаасзяяаама, яам̣ но баяирубаасад̇ам̣ жид̇д̇ам̣ басийд̣̇зяяаа’д̇и вагкаами, д̇ам̣ суд̇ваа амажжаа ад̇д̇ано ад̇д̇ано сад̇т̇аараанам̣ ван̣н̣ам̣ гат̇зссанд̇и, ж̇ийвагоби саммаасамб̣уд̣̇д̇хасса ван̣н̣ам̣ гат̇зссад̇и. ат̇а нам̣ г̇ахзд̇ваа сад̇т̇у санд̇игам̣ г̇амиссаамий’’д̇и. со бан̃жахи бад̣̇зхи рад̇д̇им̣ ван̣н̣зси ‘‘лагкан̃н̃аа вад̇а бхо д̣̇осинаа рад̇д̇и, абхируубаа вад̇а бхо д̣̇осинаа рад̇д̇и, д̣̇ассанийяаа вад̇а бхо д̣̇осинаа рад̇д̇и, баасаад̣̇игаа вад̇а бхо д̣̇осинаа рад̇д̇и, раман̣ийяаа вад̇а бхо д̣̇осинаа рад̇д̇и, гам̣ ну кваж̇ж̇а маяам̣ саман̣ам̣ ваа б̣раахман̣ам̣ ваа баяирубаасзяяаама, яам̣ но баяирубаасад̇ам̣ жид̇д̇ам̣ басийд̣̇зяяаа’’д̇и (д̣̇ий. ни. 1.150).
Athassa rājagahanagare kattikarattivāre sampatte devanagaraṃ viya nagare alaṅkate mahātale amaccagaṇaparivutassa kañcanāsane nisinnassa jīvakaṃ komārabhaccaṃ avidūre nisinnaṃ disvā etadahosi ‘‘jīvakaṃ gahetvā sammāsambuddhassa santikaṃ gamissāmi, na kho pana sakkā mayā ujukameva vattuṃ ‘ahaṃ, samma jīvaka, sayaṃ gantuṃ na sakkomi, ehi maṃ satthu santikaṃ nehī’ti, pariyāyena pana rattisampadaṃ vaṇṇetvā ‘kaṃ nu khvajja mayaṃ samaṇaṃ vā brāhmaṇaṃ vā payirupāseyyāma, yaṃ no payirupāsataṃ cittaṃ pasīdeyyā’ti vakkhāmi, taṃ sutvā amaccā attano attano satthārānaṃ vaṇṇaṃ kathessanti, jīvakopi sammāsambuddhassa vaṇṇaṃ kathessati. Atha naṃ gahetvā satthu santikaṃ gamissāmī’’ti. So pañcahi padehi rattiṃ vaṇṇesi ‘‘lakkhaññā vata bho dosinā ratti, abhirūpā vata bho dosinā ratti, dassanīyā vata bho dosinā ratti, pāsādikā vata bho dosinā ratti, ramaṇīyā vata bho dosinā ratti, kaṃ nu khvajja mayaṃ samaṇaṃ vā brāhmaṇaṃ vā payirupāseyyāma, yaṃ no payirupāsataṃ cittaṃ pasīdeyyā’’ti (dī. ni. 1.150).
ат̇зго амажжо бууран̣агассабасса ван̣н̣ам̣ гат̇зси, зго магкалиг̇осааласса, зго аж̇ид̇агзсагамб̣аласса, зго багуд̇хагажжааяанасса, зго сан̃жаяасса б̣зладтабуд̇д̇асса, зго наадабуд̇д̇аниг̇ан̣тассаад̇и . рааж̇аа д̇зсам̣ гат̇ам̣ суд̇ваа д̇ун̣хий ахоси. со хи ж̇ийвагассзва махааамажжасса гат̇ам̣ бажжаасийсад̇и. ж̇ийвагоби ‘‘ран̃н̃аа мам̣ аараб̣бха гат̇ид̇зязва ж̇ааниссаамий’’д̇и авид̣̇уурз д̇ун̣хий нисийд̣̇и. ат̇а нам̣ рааж̇аа ааха ‘‘д̇вам̣ бана, самма ж̇ийвага, гим̣ д̇ун̣хий’’д̇и? д̇асмим̣ кан̣з ж̇ийваго удтааяаасанаа язна бхаг̇аваа д̇знан̃ж̇алим̣ бан̣аамзд̇ваа ‘‘зсо, д̣̇зва, бхаг̇аваа арахам̣ саммаасамб̣уд̣̇д̇хо амхаагам̣ амб̣аванз вихарад̇и сад̣̇д̇хим̣ ад̣дхад̇зл̣асзхи бхигкусад̇зхи. д̇ам̣ ко бана бхаг̇аванд̇ам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о’’д̇и нава арахаад̣̇иг̇ун̣з вад̇ваа ж̇аад̇ид̇о бадтааяа буб̣б̣анимид̇д̇аад̣̇ибхзд̣̇ам̣ бхаг̇авад̇о аанубхаавам̣ багаасзд̇ваа ‘‘д̇ам̣ бхаг̇аванд̇ам̣ д̣̇зво баяирубаасад̇у, д̇хаммам̣ сун̣аад̇у, бан̃хам̣ бужчад̇уу’’д̇и ааха.
Atheko amacco pūraṇakassapassa vaṇṇaṃ kathesi, eko makkhaligosālassa, eko ajitakesakambalassa, eko pakudhakaccāyanassa, eko sañcayassa belaṭṭhaputtassa, eko nāṭaputtanigaṇṭhassāti . Rājā tesaṃ kathaṃ sutvā tuṇhī ahosi. So hi jīvakasseva mahāamaccassa kathaṃ paccāsīsati. Jīvakopi ‘‘raññā maṃ ārabbha kathiteyeva jānissāmī’’ti avidūre tuṇhī nisīdi. Atha naṃ rājā āha ‘‘tvaṃ pana, samma jīvaka, kiṃ tuṇhī’’ti? Tasmiṃ khaṇe jīvako uṭṭhāyāsanā yena bhagavā tenañjaliṃ paṇāmetvā ‘‘eso, deva, bhagavā arahaṃ sammāsambuddho amhākaṃ ambavane viharati saddhiṃ aḍḍhateḷasehi bhikkhusatehi. Taṃ kho pana bhagavantaṃ evaṃ kalyāṇo kittisaddo abbhuggato’’ti nava arahādiguṇe vatvā jātito paṭṭhāya pubbanimittādibhedaṃ bhagavato ānubhāvaṃ pakāsetvā ‘‘taṃ bhagavantaṃ devo payirupāsatu, dhammaṃ suṇātu, pañhaṃ pucchatū’’ti āha.
рааж̇аа самбун̣н̣аманорат̇о худ̇ваа ‘‘д̇зна хи, самма ж̇ийвага, хад̇т̇ияаанаани габбаабзхий’’д̇и яаанаани габбаабзд̇ваа маханд̇зна рааж̇аанубхаавзна ж̇ийвагамб̣аванам̣ г̇анд̇ваа д̇ад̇т̇а ман̣д̣аламаал̣з бхигкусан̇гхабаривуд̇ам̣ д̇ат̇ааг̇ад̇ам̣ д̣̇исваа санд̇авийжимаж̇жхз махаанаавам̣ вияа нижжалам̣ бхигкусан̇гхам̣ ид̇о жид̇о жа анувилогзд̇ваа ‘‘зваруубаа наама мз барисаа на д̣̇идтабуб̣б̣аа’’д̇и ирияаабат̇зязва басийд̣̇ид̇ваа сан̇гхасса ан̃ж̇алим̣ баг̇г̇ан̣хид̇ваа т̇уд̇им̣ гад̇ваа бхаг̇аванд̇ам̣ ванд̣̇ид̇ваа згаманд̇ам̣ нисинно сааман̃н̃апалабан̃хам̣ бужчи. ат̇асса бхаг̇аваа д̣̇вийхи бхаан̣аваарзхи бадиман̣д̣ид̇ам̣ сааман̃н̃апаласуд̇д̇ам̣ (д̣̇ий. ни. 1.150 аад̣̇аяо) гат̇зси. со суд̇д̇абарияосаанз ад̇д̇амано бхаг̇аванд̇ам̣ камаабзд̇ваа удтааяаасанаа бад̣̇агкин̣ам̣ гад̇ваа баггаами. сад̇т̇аа ажирабагганд̇асса ран̃н̃о бхигкуу ааманд̇зд̇ваа ‘‘кад̇ааяам̣, бхигкавз, рааж̇аа, убахад̇ааяам̣, бхигкавз, рааж̇аа. сажааяам̣ , бхигкавз, рааж̇аа иссарияасса гааран̣аа бид̇арам̣ д̇хаммигам̣ д̇хаммарааж̇аанам̣ ж̇ийвид̇аа на воробзссат̇а, имасмим̣язва аасанз вираж̇ам̣ вийд̇амалам̣ д̇хаммажагкум̣ уббаж̇ж̇иссат̇а. д̣̇звад̣̇ад̇д̇ам̣ ниссааяа асанд̇абаг̇г̇ахам̣ гад̇ваа сод̇аабад̇д̇ипалаа барихийно’’д̇и ааха.
Rājā sampuṇṇamanoratho hutvā ‘‘tena hi, samma jīvaka, hatthiyānāni kappāpehī’’ti yānāni kappāpetvā mahantena rājānubhāvena jīvakambavanaṃ gantvā tattha maṇḍalamāḷe bhikkhusaṅghaparivutaṃ tathāgataṃ disvā santavīcimajjhe mahānāvaṃ viya niccalaṃ bhikkhusaṅghaṃ ito cito ca anuviloketvā ‘‘evarūpā nāma me parisā na diṭṭhapubbā’’ti iriyāpatheyeva pasīditvā saṅghassa añjaliṃ paggaṇhitvā thutiṃ katvā bhagavantaṃ vanditvā ekamantaṃ nisinno sāmaññaphalapañhaṃ pucchi. Athassa bhagavā dvīhi bhāṇavārehi paṭimaṇḍitaṃ sāmaññaphalasuttaṃ (dī. ni. 1.150 ādayo) kathesi. So suttapariyosāne attamano bhagavantaṃ khamāpetvā uṭṭhāyāsanā padakkhiṇaṃ katvā pakkāmi. Satthā acirapakkantassa rañño bhikkhū āmantetvā ‘‘khatāyaṃ, bhikkhave, rājā, upahatāyaṃ, bhikkhave, rājā. Sacāyaṃ , bhikkhave, rājā issariyassa kāraṇā pitaraṃ dhammikaṃ dhammarājānaṃ jīvitā na voropessatha, imasmiṃyeva āsane virajaṃ vītamalaṃ dhammacakkhuṃ uppajjissatha. Devadattaṃ nissāya asantapaggahaṃ katvā sotāpattiphalā parihīno’’ti āha.
бунад̣̇ивасз бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, аж̇аад̇асад̇д̇у гира асанд̇абаг̇г̇ахам̣ гад̇ваа д̣̇уссийлам̣ баабад̇хаммам̣ д̣̇звад̣̇ад̇д̇ам̣ ниссааяа бид̇угхаад̇агагаммасса гад̇ад̇д̇аа сод̇аабад̇д̇ипалаа барихийно, д̣̇звад̣̇ад̇д̇зна наасид̇о рааж̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, аж̇аад̇асад̇д̇у ид̣̇аанзва асанд̇абаг̇г̇ахам̣ гад̇ваа махаавинаасам̣ бад̇д̇о, буб̣б̣збзса асанд̇абаг̇г̇ахзнзва ад̇д̇аанам̣ наасзсий’’д̇и вад̇ваа ад̇ийд̇ам̣ аахари.
Punadivase bhikkhū dhammasabhāyaṃ kathaṃ samuṭṭhāpesuṃ ‘‘āvuso, ajātasattu kira asantapaggahaṃ katvā dussīlaṃ pāpadhammaṃ devadattaṃ nissāya pitughātakakammassa katattā sotāpattiphalā parihīno, devadattena nāsito rājā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, ajātasattu idāneva asantapaggahaṃ katvā mahāvināsaṃ patto, pubbepesa asantapaggaheneva attānaṃ nāsesī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о махаавибхавз б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилам̣ г̇анд̇ваа саб̣б̣асиббаани уг̇г̇ан̣хид̇ваа б̣аараан̣асияам̣ д̣̇исаабаамогко аажарияо худ̇ваа бан̃жа маан̣авагасад̇аани сиббам̣ ваажзси. д̇зсу маан̣авзсу зго сан̃ж̇ийво наама маан̣аво ад̇т̇и, б̣од̇хисад̇д̇о д̇асса мад̇агудтаабанагаманд̇ам̣ ад̣̇ааси. со удтаабанагаманд̇амзва г̇ахзд̇ваа бадиб̣ааханаманд̇ам̣ бана аг̇г̇ахзд̇ваава згад̣̇ивасам̣ маан̣авзхи сад̣̇д̇хим̣ д̣̇ааруад̇т̇ааяа аран̃н̃ам̣ г̇анд̇ваа згам̣ мад̇аб̣яаг̇гхам̣ д̣̇исваа маан̣авз ааха ‘‘бхо, имам̣ мад̇аб̣яаг̇гхам̣ удтаабзссаамий’’д̇и. маан̣аваа ‘‘на сагкиссасий’’д̇и аахам̣су. ‘‘бассанд̇аанан̃н̃зва во д̇ам̣ удтаабзссаамий’’д̇и. ‘‘сажз, маан̣ава, саггоси, удтаабзхий’’д̇и. зван̃жа бана вад̇ваа д̇з маан̣аваа ругкам̣ абхирухим̣су. сан̃ж̇ийво манд̇ам̣ баривад̇д̇зд̇ваа мад̇аб̣яаг̇гхам̣ сагкараахи бахари, б̣яаг̇гхо удтааяа взг̇знааг̇анд̇ваа сан̃ж̇ийвам̣ г̇аланаал̣ияам̣ д̣ам̣сид̇ваа ж̇ийвид̇агкаяам̣ баабзд̇ваа д̇ад̇т̇зва бад̇и, сан̃ж̇ийвоби д̇ад̇т̇зва бад̇и. убхоби згадтаанзязва мад̇аа нибаж̇ж̇им̣су.
Atīte bārāṇasiyaṃ brahmadatte rajjaṃ kārente bodhisatto mahāvibhave brāhmaṇakule nibbattitvā vayappatto takkasilaṃ gantvā sabbasippāni uggaṇhitvā bārāṇasiyaṃ disāpāmokkho ācariyo hutvā pañca māṇavakasatāni sippaṃ vācesi. Tesu māṇavesu eko sañjīvo nāma māṇavo atthi, bodhisatto tassa matakuṭṭhāpanakamantaṃ adāsi. So uṭṭhāpanakamantameva gahetvā paṭibāhanamantaṃ pana aggahetvāva ekadivasaṃ māṇavehi saddhiṃ dāruatthāya araññaṃ gantvā ekaṃ matabyagghaṃ disvā māṇave āha ‘‘bho, imaṃ matabyagghaṃ uṭṭhāpessāmī’’ti. Māṇavā ‘‘na sakkhissasī’’ti āhaṃsu. ‘‘Passantānaññeva vo taṃ uṭṭhāpessāmī’’ti. ‘‘Sace, māṇava, sakkosi, uṭṭhāpehī’’ti. Evañca pana vatvā te māṇavā rukkhaṃ abhiruhiṃsu. Sañjīvo mantaṃ parivattetvā matabyagghaṃ sakkharāhi pahari, byaggho uṭṭhāya vegenāgantvā sañjīvaṃ galanāḷiyaṃ ḍaṃsitvā jīvitakkhayaṃ pāpetvā tattheva pati, sañjīvopi tattheva pati. Ubhopi ekaṭṭhāneyeva matā nipajjiṃsu.
маан̣аваа д̣̇аарууни аад̣̇ааяа ааг̇анд̇ваа д̇ам̣ бавад̇д̇им̣ аажарияасса аарожзсум̣. аажарияо маан̣авз ааманд̇зд̇ваа ‘‘д̇аад̇аа, асанд̇абаг̇г̇ахагаараа наама аяуд̇д̇адтаанз саггаарасаммаанам̣ гаронд̇аа зваруубам̣ д̣̇угкам̣ бадилабханд̇иязваа’’д̇и вад̇ваа имам̣ г̇аат̇амааха –
Māṇavā dārūni ādāya āgantvā taṃ pavattiṃ ācariyassa ārocesuṃ. Ācariyo māṇave āmantetvā ‘‘tātā, asantapaggahakārā nāma ayuttaṭṭhāne sakkārasammānaṃ karontā evarūpaṃ dukkhaṃ paṭilabhantiyevā’’ti vatvā imaṃ gāthamāha –
150.
150.
‘‘асанд̇ам̣ яо баг̇г̇ан̣хаад̇и, асанд̇ам̣ жуубасзвад̇и;
‘‘Asantaṃ yo paggaṇhāti, asantaṃ cūpasevati;
д̇амзва гхаасам̣ гуруд̇з, б̣яаг̇гхо сан̃ж̇ийвиго яат̇аа’’д̇и.
Tameva ghāsaṃ kurute, byaggho sañjīviko yathā’’ti.
д̇ад̇т̇а асанд̇анд̇и д̇ийхи д̣̇ужжарид̇зхи саманнааг̇ад̇ам̣ д̣̇уссийлам̣ баабад̇хаммам̣. яо баг̇г̇ан̣хаад̇ийд̇и кад̇д̇ияаад̣̇ийсу яо гожи зваруубам̣ д̣̇уссийлам̣ баб̣б̣аж̇ид̇ам̣ ваа жийвараад̣̇исамбад̣̇аанзна, г̇ахадтам̣ ваа убараж̇ж̇асзнаабад̇идтаанаад̣̇исамбад̣̇аанзна баг̇г̇ан̣хаад̇и, саггаарасаммаанам̣ гарод̇ийд̇и ад̇т̇о. асанд̇ам̣ жуубасзвад̇ийд̇и яо жа зваруубам̣ асанд̇ам̣ д̣̇уссийлам̣ убасзвад̇и бхаж̇ад̇и баяирубаасад̇и. д̇амзва гхаасам̣ гуруд̇зд̇и д̇амзва асанд̇абаг̇г̇ан̣хагам̣ со д̣̇уссийло баабабуг̇г̇ало гхасад̇и сам̣каад̣̇ад̇и винаасам̣ баабзд̇и. гат̇ам̣? б̣яаг̇гхо сан̃ж̇ийвиго яат̇аад̇и, яат̇аа сан̃ж̇ийвзна маан̣авзна манд̇ам̣ баривад̇д̇зд̇ваа мад̇аб̣яаг̇гхо сан̃ж̇ийвиго ж̇ийвид̇асамбад̣̇аанзна самбаг̇г̇ахид̇о ад̇д̇ано ж̇ийвид̇ад̣̇ааяагам̣ сан̃ж̇ийвамзва ж̇ийвид̇аа воробзд̇ваа д̇ад̇т̇зва баад̇зси, звам̣ ан̃н̃оби яо асанд̇абаг̇г̇ахам̣ гарод̇и, со д̣̇уссийло д̇ам̣ ад̇д̇ано самбаг̇г̇аахагамзва винаасзд̇и. звам̣ асанд̇асамбаг̇г̇аахагаа винаасам̣ баабун̣анд̇ийд̇и.
Tattha asantanti tīhi duccaritehi samannāgataṃ dussīlaṃ pāpadhammaṃ. Yo paggaṇhātīti khattiyādīsu yo koci evarūpaṃ dussīlaṃ pabbajitaṃ vā cīvarādisampadānena, gahaṭṭhaṃ vā uparajjasenāpatiṭṭhānādisampadānena paggaṇhāti, sakkārasammānaṃ karotīti attho. Asantaṃ cūpasevatīti yo ca evarūpaṃ asantaṃ dussīlaṃ upasevati bhajati payirupāsati. Tameva ghāsaṃ kuruteti tameva asantapaggaṇhakaṃ so dussīlo pāpapuggalo ghasati saṃkhādati vināsaṃ pāpeti. Kathaṃ? Byaggho sañjīviko yathāti, yathā sañjīvena māṇavena mantaṃ parivattetvā matabyaggho sañjīviko jīvitasampadānena sampaggahito attano jīvitadāyakaṃ sañjīvameva jīvitā voropetvā tattheva pātesi, evaṃ aññopi yo asantapaggahaṃ karoti, so dussīlo taṃ attano sampaggāhakameva vināseti. Evaṃ asantasampaggāhakā vināsaṃ pāpuṇantīti.
б̣од̇хисад̇д̇о имааяа г̇аат̇ааяа маан̣аваанам̣ д̇хаммам̣ д̣̇зсзд̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Bodhisatto imāya gāthāya māṇavānaṃ dhammaṃ desetvā dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа мад̇аб̣яаг̇гхудтаабанаго маан̣аво аж̇аад̇асад̇д̇у ахоси, д̣̇исаабаамогко аажарияо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā matabyagghuṭṭhāpanako māṇavo ajātasattu ahosi, disāpāmokkho ācariyo pana ahameva ahosi’’nti.
сан̃ж̇ийваж̇аад̇агаван̣н̣анаа д̣̇асамаа.
Sañjīvajātakavaṇṇanā dasamā.
гаган̣дагаваг̇г̇о баннарасамо.
Kakaṇṭakavaggo pannarasamo.
д̇ассуд̣̇д̣̇аанам̣ –
Tassuddānaṃ –
г̇од̇хасин̇г̇аалавирожам̣, нан̇г̇удтараад̇хагааган̃жа;
Godhasiṅgālavirocaṃ, naṅguṭṭharādhakākañca;
бубпарад̇д̇ан̃жа син̇г̇аалам̣, згабан̣н̣ан̃жа сан̃ж̇ийвам̣.
Puppharattañca siṅgālaṃ, ekapaṇṇañca sañjīvaṃ.
ат̇а ваг̇г̇уд̣̇д̣̇аанам̣ –
Atha vagguddānaṃ –
абан̣н̣аго сийлаваг̇г̇о, гурун̇г̇о жа гулааваго;
Apaṇṇako sīlavaggo, kuruṅgo ca kulāvako;
ад̇т̇агаамо жа аасийсо, ид̇т̇ийварун̣абааяимхаа.
Atthakāmo ca āsīso, itthīvaruṇapāyimhā.
лид̇д̇о баросад̇ам̣ хам̣жи, гусанаал̣аа самбад̣̇аано;
Litto parosataṃ haṃci, kusanāḷā sampadāno;
гаган̣даго баннараса, сад̇абан̣н̣ааса ж̇аад̇агаад̇и.
Kakaṇṭako pannarasa, satapaṇṇāsa jātakāti.
згаганибаад̇аван̣н̣анаа нидтид̇аа.
Ekakanipātavaṇṇanā niṭṭhitā.
(батамо бхааг̇о нидтид̇о).
(Paṭhamo bhāgo niṭṭhito).
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 150. сан̃ж̇ийваж̇аад̇агам̣ • 150. Sañjīvajātakaṃ
