| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৯. সঙ্কাসনসুত্তং
9. Saṅkāsanasuttaṃ
১০৮৯. ‘‘‘ইদং দুক্খং অরিযসচ্চ’ন্তি ভিক্খৰে, মযা পঞ্ঞত্তং। তত্থ অপরিমাণা ৰণ্ণা অপরিমাণা ব্যঞ্জনা অপরিমাণা সঙ্কাসনা – ‘ইতিপিদং দুক্খং অরিযসচ্চ’ন্তি ; ইদং দুক্খসমুদযং…পে॰… ইদং দুক্খনিরোধং…পে॰… ‘ইদং দুক্খনিরোধগামিনী পটিপদা অরিযসচ্চ’ন্তি, ভিক্খৰে, মযা পঞ্ঞত্তং। তত্থ অপরিমাণা ৰণ্ণা অপরিমাণা ব্যঞ্জনা অপরিমাণা সঙ্কাসনা – ‘ইতিপিদং দুক্খনিরোধগামিনী পটিপদা অরিযসচ্চ’ন্তি।
1089. ‘‘‘Idaṃ dukkhaṃ ariyasacca’nti bhikkhave, mayā paññattaṃ. Tattha aparimāṇā vaṇṇā aparimāṇā byañjanā aparimāṇā saṅkāsanā – ‘itipidaṃ dukkhaṃ ariyasacca’nti ; idaṃ dukkhasamudayaṃ…pe… idaṃ dukkhanirodhaṃ…pe… ‘idaṃ dukkhanirodhagāminī paṭipadā ariyasacca’nti, bhikkhave, mayā paññattaṃ. Tattha aparimāṇā vaṇṇā aparimāṇā byañjanā aparimāṇā saṅkāsanā – ‘itipidaṃ dukkhanirodhagāminī paṭipadā ariyasacca’nti.
‘‘তস্মাতিহ, ভিক্খৰে, ‘ইদং দুক্খ’ন্তি যোগো করণীযো…পে॰… ‘অযং দুক্খনিরোধগামিনী পটিপদা’তি যোগো করণীযো’’তি। নৰমং।
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. সঙ্কাসনসুত্তৰণ্ণনা • 9. Saṅkāsanasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৯. সঙ্কাসনসুত্তৰণ্ণনা • 9. Saṅkāsanasuttavaṇṇanā
