| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. сан̇гаасанасуд̇д̇аван̣н̣анаа
9. Saṅkāsanasuttavaṇṇanā
1089. ад̇т̇асам̣ван̣н̣анз ван̣н̣ийяанд̇зд̇и ван̣н̣аа. д̇зязва барияааязна агкаран̣ад̇о агкараани . ад̇т̇ам̣ б̣яан̃ж̇знд̇ийд̇и б̣яан̃ж̇анаани. яасмаа бана агаараад̣̇игз сарасаман̃н̃аа, гагаараад̣̇игз б̣яан̃ж̇анасаман̃н̃аа, убхаяад̇т̇а ван̣н̣асаман̃н̃аа, д̇асмаа вуд̇д̇ам̣ ‘‘ван̣н̣аанам̣ ваа згад̣̇зсаа яад̣̇ид̣̇ам̣ б̣яан̃ж̇анаа наамаа’’д̇и. нзд̇д̇ияам̣ бана ваагяз б̣яан̃ж̇анасаман̃н̃аа. б̣яан̃ж̇анаг̇г̇ахан̣знзва жзд̇т̇а аагааранируд̇д̇инид̣̇д̣̇зсаа г̇ахид̇аа зваад̇и д̣̇адтаб̣б̣ам̣. сан̇гаасанаад̇и ад̇т̇асса н̃аабанаа бхааг̇асо. д̇знааха ‘‘вибхад̇д̇ияо’’д̇и. сан̇гаасанаг̇г̇ахан̣знзва жзд̇т̇а багаасанаа вуд̇д̇аа ход̇и. вибхад̇д̇ияо хи ад̇т̇аважанзнзва виваранд̇и, д̇аахи гааран̣абан̃н̃ад̇д̇ияо вуд̇д̇ааязваад̇и, д̇аахиби ад̇т̇абад̣̇аани г̇ахид̇аанзва хонд̇и. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇аван̣н̣анааяам̣ нзд̇д̇иадтагат̇ааяан̃жа вуд̇д̇анаязна взд̣̇ид̇аб̣б̣о. саб̣б̣аагаарзнаад̇и сабхааг̇аад̣̇ивибхааванаагаарзна. ван̣н̣аад̣̇ийнанд̇и д̇асмим̣ бана вид̇т̇аарз бавад̇д̇аван̣н̣аад̣̇ийнам̣. д̇асмаад̇и ван̣н̣аад̣̇ийнам̣ анд̇аабхаавад̇о. звамаахаад̇и ‘‘абаримаан̣аа ван̣н̣аа б̣яан̃ж̇анаа сан̇гаасанаа’’д̇и звамааха.
1089. Atthasaṃvaṇṇane vaṇṇīyanteti vaṇṇā. Teyeva pariyāyena akkharaṇato akkharāni. Atthaṃ byañjentīti byañjanāni. Yasmā pana akārādike sarasamaññā, kakārādike byañjanasamaññā, ubhayattha vaṇṇasamaññā, tasmā vuttaṃ ‘‘vaṇṇānaṃ vā ekadesā yadidaṃ byañjanā nāmā’’ti. Nettiyaṃ pana vākye byañjanasamaññā. Byañjanaggahaṇeneva cettha ākāraniruttiniddesā gahitā evāti daṭṭhabbaṃ. Saṅkāsanāti atthassa ñāpanā bhāgaso. Tenāha ‘‘vibhattiyo’’ti. Saṅkāsanaggahaṇeneva cettha pakāsanā vuttā hoti. Vibhattiyo hi atthavacaneneva vivaranti, tāhi kāraṇapaññattiyo vuttāyevāti, tāhipi atthapadāni gahitāneva honti. Ayamettha saṅkhepo, vitthāro pana visuddhimaggavaṇṇanāyaṃ nettiaṭṭhakathāyañca vuttanayena veditabbo. Sabbākārenāti sabhāgādivibhāvanākārena. Vaṇṇādīnanti tasmiṃ pana vitthāre pavattavaṇṇādīnaṃ. Tasmāti vaṇṇādīnaṃ antaabhāvato. Evamāhāti ‘‘aparimāṇā vaṇṇā byañjanā saṅkāsanā’’ti evamāha.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. сан̇гаасанасуд̇д̇ам̣ • 9. Saṅkāsanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. сан̇гаасанасуд̇д̇аван̣н̣анаа • 9. Saṅkāsanasuttavaṇṇanā
