| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੧. ਸਙ੍ਕવਾਸੁਤ੍ਤਂ
11. Saṅkavāsuttaṃ
੯੨. ਏਕਂ ਸਮਯਂ ਭਗવਾ ਕੋਸਲੇਸੁ ਚਾਰਿਕਂ ਚਰਮਾਨੋ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਯੇਨ ਸਙ੍ਕવਾ 1 ਨਾਮ ਕੋਸਲਾਨਂ ਨਿਗਮੋ ਤਦવਸਰਿ। ਤਤ੍ਰ ਸੁਦਂ ਭਗવਾ ਸਙ੍ਕવਾਯਂ વਿਹਰਤਿ। ਤੇਨ ਖੋ ਪਨ ਸਮਯੇਨ ਕਸ੍ਸਪਗੋਤ੍ਤੋ ਨਾਮ ਭਿਕ੍ਖੁ ਸਙ੍ਕવਾਯਂ ਆવਾਸਿਕੋ ਹੋਤਿ। ਤਤ੍ਰ ਸੁਦਂ ਭਗવਾ ਸਿਕ੍ਖਾਪਦਪਟਿਸਂਯੁਤ੍ਤਾਯ ਧਮ੍ਮਿਯਾ ਕਥਾਯ ਭਿਕ੍ਖੂ ਸਨ੍ਦਸ੍ਸੇਤਿ ਸਮਾਦਪੇਤਿ ਸਮੁਤ੍ਤੇਜੇਤਿ ਸਮ੍ਪਹਂਸੇਤਿ। ਅਥ ਖੋ ਕਸ੍ਸਪਗੋਤ੍ਤਸ੍ਸ ਭਿਕ੍ਖੁਨੋ ਭਗવਤਿ ਸਿਕ੍ਖਾਪਦਪਟਿਸਂਯੁਤ੍ਤਾਯ ਧਮ੍ਮਿਯਾ ਕਥਾਯ ਭਿਕ੍ਖੂ ਸਨ੍ਦਸ੍ਸੇਨ੍ਤੇ ਸਮਾਦਪੇਨ੍ਤੇ ਸਮੁਤ੍ਤੇਜੇਨ੍ਤੇ ਸਮ੍ਪਹਂਸੇਨ੍ਤੇ ਅਹੁਦੇવ ਅਕ੍ਖਨ੍ਤਿ ਅਹੁ ਅਪ੍ਪਚ੍ਚਯੋ – ‘‘ਅਧਿਸਲ੍ਲਿਖਤੇવਾਯਂ 2 ਸਮਣੋ’’ਤਿ। ਅਥ ਖੋ ਭਗવਾ ਸਙ੍ਕવਾਯਂ ਯਥਾਭਿਰਨ੍ਤਂ વਿਹਰਿਤ੍વਾ ਯੇਨ ਰਾਜਗਹਂ ਤੇਨ ਚਾਰਿਕਂ ਪਕ੍ਕਾਮਿ। ਅਨੁਪੁਬ੍ਬੇਨ ਚਾਰਿਕਂ ਚਰਮਾਨੋ ਯੇਨ ਰਾਜਗਹਂ ਤਦવਸਰਿ। ਤਤ੍ਰ ਸੁਦਂ ਭਗવਾ ਰਾਜਗਹੇ વਿਹਰਤਿ।
92. Ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ yena saṅkavā 3 nāma kosalānaṃ nigamo tadavasari. Tatra sudaṃ bhagavā saṅkavāyaṃ viharati. Tena kho pana samayena kassapagotto nāma bhikkhu saṅkavāyaṃ āvāsiko hoti. Tatra sudaṃ bhagavā sikkhāpadapaṭisaṃyuttāya dhammiyā kathāya bhikkhū sandasseti samādapeti samuttejeti sampahaṃseti. Atha kho kassapagottassa bhikkhuno bhagavati sikkhāpadapaṭisaṃyuttāya dhammiyā kathāya bhikkhū sandassente samādapente samuttejente sampahaṃsente ahudeva akkhanti ahu appaccayo – ‘‘adhisallikhatevāyaṃ 4 samaṇo’’ti. Atha kho bhagavā saṅkavāyaṃ yathābhirantaṃ viharitvā yena rājagahaṃ tena cārikaṃ pakkāmi. Anupubbena cārikaṃ caramāno yena rājagahaṃ tadavasari. Tatra sudaṃ bhagavā rājagahe viharati.
ਅਥ ਖੋ ਕਸ੍ਸਪਗੋਤ੍ਤਸ੍ਸ ਭਿਕ੍ਖੁਨੋ ਅਚਿਰਪਕ੍ਕਨ੍ਤਸ੍ਸ ਭਗવਤੋ ਅਹੁਦੇવ ਕੁਕ੍ਕੁਚ੍ਚਂ ਅਹੁ વਿਪ੍ਪਟਿਸਾਰੋ – ‘‘ਅਲਾਭਾ વਤ ਮੇ, ਨ વਤ ਮੇ ਲਾਭਾ ; ਦੁਲ੍ਲਦ੍ਧਂ વਤ ਮੇ, ਨ વਤ ਮੇ ਸੁਲਦ੍ਧਂ; ਯਸ੍ਸ ਮੇ ਭਗવਤਿ ਸਿਕ੍ਖਾਪਦਪਟਿਸਂਯੁਤ੍ਤਾਯ ਧਮ੍ਮਿਯਾ ਕਥਾਯ ਭਿਕ੍ਖੂ ਸਨ੍ਦਸ੍ਸੇਨ੍ਤੇ ਸਮਾਦਪੇਨ੍ਤੇ ਸਮੁਤ੍ਤੇਜੇਨ੍ਤੇ ਸਮ੍ਪਹਂਸੇਨ੍ਤੇ ਅਹੁਦੇવ ਅਕ੍ਖਨ੍ਤਿ ਅਹੁ ਅਪ੍ਪਚ੍ਚਯੋ – ‘ਅਧਿਸਲ੍ਲਿਖਤੇવਾਯਂ ਸਮਣੋ’ਤਿ। ਯਂਨੂਨਾਹਂ ਯੇਨ ਭਗવਾ ਤੇਨੁਪਸਙ੍ਕਮੇਯ੍ਯਂ; ਉਪਸਙ੍ਕਮਿਤ੍વਾ ਭਗવਤੋ ਸਨ੍ਤਿਕੇ ਅਚ੍ਚਯਂ ਅਚ੍ਚਯਤੋ ਦੇਸੇਯ੍ਯ’’ਨ੍ਤਿ। ਅਥ ਖੋ ਕਸ੍ਸਪਗੋਤ੍ਤੋ ਭਿਕ੍ਖੁ ਸੇਨਾਸਨਂ ਸਂਸਾਮੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਰਾਜਗਹਂ ਤੇਨ ਪਕ੍ਕਾਮਿ। ਅਨੁਪੁਬ੍ਬੇਨ ਯੇਨ ਰਾਜਗਹਂ ਯੇਨ ਗਿਜ੍ਝਕੂਟੋ ਪਬ੍ਬਤੋ ਯੇਨ ਭਗવਾ ਤੇਨੁਪਸਙ੍ਕਮਿ ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਕਸ੍ਸਪਗੋਤ੍ਤੋ ਭਿਕ੍ਖੁ ਭਗવਨ੍ਤਂ ਏਤਦવੋਚ –
Atha kho kassapagottassa bhikkhuno acirapakkantassa bhagavato ahudeva kukkuccaṃ ahu vippaṭisāro – ‘‘alābhā vata me, na vata me lābhā ; dulladdhaṃ vata me, na vata me suladdhaṃ; yassa me bhagavati sikkhāpadapaṭisaṃyuttāya dhammiyā kathāya bhikkhū sandassente samādapente samuttejente sampahaṃsente ahudeva akkhanti ahu appaccayo – ‘adhisallikhatevāyaṃ samaṇo’ti. Yaṃnūnāhaṃ yena bhagavā tenupasaṅkameyyaṃ; upasaṅkamitvā bhagavato santike accayaṃ accayato deseyya’’nti. Atha kho kassapagotto bhikkhu senāsanaṃ saṃsāmetvā pattacīvaramādāya yena rājagahaṃ tena pakkāmi. Anupubbena yena rājagahaṃ yena gijjhakūṭo pabbato yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho kassapagotto bhikkhu bhagavantaṃ etadavoca –
‘‘ਏਕਮਿਦਂ, ਭਨ੍ਤੇ, ਸਮਯਂ ਭਗવਾ ਸਙ੍ਕવਾਯਂ વਿਹਰਤਿ, ਸਙ੍ਕવਾ ਨਾਮ ਕੋਸਲਾਨਂ ਨਿਗਮੋ। ਤਤ੍ਰ, ਭਨ੍ਤੇ, ਭਗવਾ ਸਿਕ੍ਖਾਪਦਪਟਿਸਂਯੁਤ੍ਤਾਯ ਧਮ੍ਮਿਯਾ ਕਥਾਯ ਭਿਕ੍ਖੂ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ। ਤਸ੍ਸ ਮਯ੍ਹਂ ਭਗવਤਿ ਸਿਕ੍ਖਾਪਦਪਟਿਸਂਯੁਤ੍ਤਾਯ ਧਮ੍ਮਿਯਾ ਕਥਾਯ ਭਿਕ੍ਖੂ ਸਨ੍ਦਸ੍ਸੇਨ੍ਤੇ ਸਮਾਦਪੇਨ੍ਤੇ ਸਮੁਤ੍ਤੇਜੇਨ੍ਤੇ ਸਮ੍ਪਹਂਸੇਨ੍ਤੇ ਅਹੁਦੇવ ਅਕ੍ਖਨ੍ਤਿ ਅਹੁ ਅਪ੍ਪਚ੍ਚਯੋ – ‘ਅਧਿਸਲ੍ਲਿਖਤੇવਾਯਂ ਸਮਣੋ’ਤਿ। ਅਥ ਖੋ ਭਗવਾ ਸਙ੍ਕવਾਯਂ ਯਥਾਭਿਰਨ੍ਤਂ વਿਹਰਿਤ੍વਾ ਯੇਨ ਰਾਜਗਹਂ ਤੇਨ ਚਾਰਿਕਂ ਪਕ੍ਕਾਮਿ। ( ) 5 ਤਸ੍ਸ ਮਯ੍ਹਂ, ਭਨ੍ਤੇ, ਅਚਿਰਪਕ੍ਕਨ੍ਤਸ੍ਸ ਭਗવਤੋ ਅਹੁਦੇવ ਕੁਕ੍ਕੁਚ੍ਚਂ ਅਹੁ વਿਪ੍ਪਟਿਸਾਰੋ – ਅਲਾਭਾ વਤ ਮੇ, ਨ વਤ ਮੇ ਲਾਭਾ; ਦੁਲ੍ਲਦ੍ਧਂ વਤ ਮੇ, ਨ વਤ ਮੇ ਸੁਲਦ੍ਧਂ; ਯਸ੍ਸ ਮੇ ਭਗવਤਿ ਸਿਕ੍ਖਾਪਦਪਟਿਸਂਯੁਤ੍ਤਾਯ ਧਮ੍ਮਿਯਾ ਕਥਾਯ ਭਿਕ੍ਖੂ ਸਨ੍ਦਸ੍ਸੇਨ੍ਤੇ ਸਮਾਦਪੇਨ੍ਤੇ ਸਮੁਤ੍ਤੇਜੇਨ੍ਤੇ ਸਮ੍ਪਹਂਸੇਨ੍ਤੇ ਅਹੁਦੇવ ਅਕ੍ਖਨ੍ਤਿ ਅਹੁ ਅਪ੍ਪਚ੍ਚਯੋ – ‘ਅਧਿਸਲ੍ਲਿਖਤੇવਾਯਂ ਸਮਣੋ’ਤਿ। ਯਂਨੂਨਾਹਂ ਯੇਨ ਭਗવਾ ਤੇਨੁਪਸਙ੍ਕਮੇਯ੍ਯਂ; ਉਪਸਙ੍ਕਮਿਤ੍વਾ ਭਗવਤੋ ਸਨ੍ਤਿਕੇ ਅਚ੍ਚਯਂ ਅਚ੍ਚਯਤੋ ਦੇਸੇਯ੍ਯਨ੍ਤਿ। ਅਚ੍ਚਯੋ ਮਂ, ਭਨ੍ਤੇ , ਅਚ੍ਚਗਮਾ ਯਥਾਬਾਲਂ ਯਥਾਮੂਲ਼੍ਹਂ ਯਥਾਅਕੁਸਲਂ ਯਸ੍ਸ ਮੇ ਭਗવਤਿ ਸਿਕ੍ਖਾਪਦਪਟਿਸਂਯੁਤ੍ਤਾਯ ਧਮ੍ਮਿਯਾ ਕਥਾਯ ਭਿਕ੍ਖੂ ਸਨ੍ਦਸ੍ਸੇਨ੍ਤੇ ਸਮਾਦਪੇਨ੍ਤੇ ਸਮੁਤ੍ਤੇਜੇਨ੍ਤੇ ਸਮ੍ਪਹਂਸੇਨ੍ਤੇ ਅਹੁਦੇવ ਅਕ੍ਖਨ੍ਤਿ ਅਹੁ ਅਪ੍ਪਚ੍ਚਯੋ – ‘ਅਧਿਸਲ੍ਲਿਖਤੇવਾਯਂ ਸਮਣੋ’ਤਿ। ਤਸ੍ਸ ਮੇ, ਭਨ੍ਤੇ, ਭਗવਾ ਅਚ੍ਚਯਂ ਅਚ੍ਚਯਤੋ ਪਟਿਗ੍ਗਣ੍ਹਾਤੁ, ਆਯਤਿਂ ਸਂવਰਾਯਾ’’ਤਿ।
‘‘Ekamidaṃ, bhante, samayaṃ bhagavā saṅkavāyaṃ viharati, saṅkavā nāma kosalānaṃ nigamo. Tatra, bhante, bhagavā sikkhāpadapaṭisaṃyuttāya dhammiyā kathāya bhikkhū sandassesi samādapesi samuttejesi sampahaṃsesi. Tassa mayhaṃ bhagavati sikkhāpadapaṭisaṃyuttāya dhammiyā kathāya bhikkhū sandassente samādapente samuttejente sampahaṃsente ahudeva akkhanti ahu appaccayo – ‘adhisallikhatevāyaṃ samaṇo’ti. Atha kho bhagavā saṅkavāyaṃ yathābhirantaṃ viharitvā yena rājagahaṃ tena cārikaṃ pakkāmi. ( ) 6 Tassa mayhaṃ, bhante, acirapakkantassa bhagavato ahudeva kukkuccaṃ ahu vippaṭisāro – alābhā vata me, na vata me lābhā; dulladdhaṃ vata me, na vata me suladdhaṃ; yassa me bhagavati sikkhāpadapaṭisaṃyuttāya dhammiyā kathāya bhikkhū sandassente samādapente samuttejente sampahaṃsente ahudeva akkhanti ahu appaccayo – ‘adhisallikhatevāyaṃ samaṇo’ti. Yaṃnūnāhaṃ yena bhagavā tenupasaṅkameyyaṃ; upasaṅkamitvā bhagavato santike accayaṃ accayato deseyyanti. Accayo maṃ, bhante , accagamā yathābālaṃ yathāmūḷhaṃ yathāakusalaṃ yassa me bhagavati sikkhāpadapaṭisaṃyuttāya dhammiyā kathāya bhikkhū sandassente samādapente samuttejente sampahaṃsente ahudeva akkhanti ahu appaccayo – ‘adhisallikhatevāyaṃ samaṇo’ti. Tassa me, bhante, bhagavā accayaṃ accayato paṭiggaṇhātu, āyatiṃ saṃvarāyā’’ti.
‘‘ਤਗ੍ਘ ਤਂ 7, ਕਸ੍ਸਪ, ਅਚ੍ਚਯੋ ਅਚ੍ਚਗਮਾ ਯਥਾਬਾਲਂ ਯਥਾਮੂਲ਼੍ਹਂ ਯਥਾਅਕੁਸਲਂ, ਯਸ੍ਸ ਤੇ ਮਯਿ ਸਿਕ੍ਖਾਪਦਪਟਿਸਂਯੁਤ੍ਤਾਯ ਧਮ੍ਮਿਯਾ ਕਥਾਯ ਭਿਕ੍ਖੂ ਸਨ੍ਦਸ੍ਸੇਨ੍ਤੇ ਸਮਾਦਪੇਨ੍ਤੇ ਸਮੁਤ੍ਤੇਜੇਨ੍ਤੇ ਸਮ੍ਪਹਂਸੇਨ੍ਤੇ ਅਹੁਦੇવ ਅਕ੍ਖਨ੍ਤਿ ਅਹੁ ਅਪ੍ਪਚ੍ਚਯੋ – ‘ਅਧਿਸਲ੍ਲਿਖਤੇવਾਯਂ ਸਮਣੋ’ਤਿ। ਯਤੋ ਚ ਖੋ ਤ੍વਂ, ਕਸ੍ਸਪ, ਅਚ੍ਚਯਂ ਅਚ੍ਚਯਤੋ ਦਿਸ੍વਾ ਯਥਾਧਮ੍ਮਂ ਪਟਿਕਰੋਸਿ, ਤਂ ਤੇ ਮਯਂ ਪਟਿਗ੍ਗਣ੍ਹਾਮ। વੁਦ੍ਧਿਹੇਸਾ, ਕਸ੍ਸਪ, ਅਰਿਯਸ੍ਸ વਿਨਯੇ ਯੋ ਅਚ੍ਚਯਂ ਅਚ੍ਚਯਤੋ ਦਿਸ੍વਾ ਯਥਾਧਮ੍ਮਂ ਪਟਿਕਰੋਤਿ, ਆਯਤਿਂ ਸਂવਰਂ ਆਪਜ੍ਜਤਿ।
‘‘Taggha taṃ 8, kassapa, accayo accagamā yathābālaṃ yathāmūḷhaṃ yathāakusalaṃ, yassa te mayi sikkhāpadapaṭisaṃyuttāya dhammiyā kathāya bhikkhū sandassente samādapente samuttejente sampahaṃsente ahudeva akkhanti ahu appaccayo – ‘adhisallikhatevāyaṃ samaṇo’ti. Yato ca kho tvaṃ, kassapa, accayaṃ accayato disvā yathādhammaṃ paṭikarosi, taṃ te mayaṃ paṭiggaṇhāma. Vuddhihesā, kassapa, ariyassa vinaye yo accayaṃ accayato disvā yathādhammaṃ paṭikaroti, āyatiṃ saṃvaraṃ āpajjati.
‘‘ਥੇਰੋ ਚੇਪਿ , ਕਸ੍ਸਪ, ਭਿਕ੍ਖੁ ਹੋਤਿ ਨ ਸਿਕ੍ਖਾਕਾਮੋ ਨ ਸਿਕ੍ਖਾਸਮਾਦਾਨਸ੍ਸ વਣ੍ਣવਾਦੀ, ਯੇ ਚਞ੍ਞੇ ਭਿਕ੍ਖੂ ਨ ਸਿਕ੍ਖਾਕਾਮਾ ਤੇ ਚ ਨ ਸਿਕ੍ਖਾਯ ਸਮਾਦਪੇਤਿ, ਯੇ ਚਞ੍ਞੇ ਭਿਕ੍ਖੂ ਸਿਕ੍ਖਾਕਾਮਾ ਤੇਸਞ੍ਚ ਨ વਣ੍ਣਂ ਭਣਤਿ ਭੂਤਂ ਤਚ੍ਛਂ ਕਾਲੇਨ, ਏવਰੂਪਸ੍ਸਾਹਂ, ਕਸ੍ਸਪ, ਥੇਰਸ੍ਸ ਭਿਕ੍ਖੁਨੋ ਨ વਣ੍ਣਂ ਭਣਾਮਿ। ਤਂ ਕਿਸ੍ਸ ਹੇਤੁ? ਸਤ੍ਥਾ ਹਿਸ੍ਸ વਣ੍ਣਂ ਭਣਤੀਤਿ ਅਞ੍ਞੇ ਨਂ 9 ਭਿਕ੍ਖੂ ਭਜੇਯ੍ਯੁਂ, ਯੇ ਨਂ ਭਜੇਯ੍ਯੁਂ ਤ੍ਯਾਸ੍ਸ ਦਿਟ੍ਠਾਨੁਗਤਿਂ ਆਪਜ੍ਜੇਯ੍ਯੁਂ, ਯ੍ਯਾਸ੍ਸ ਦਿਟ੍ਠਾਨੁਗਤਿਂ ਆਪਜ੍ਜੇਯ੍ਯੁਂ ਤੇਸਂ ਤਂ ਅਸ੍ਸ ਦੀਘਰਤ੍ਤਂ ਅਹਿਤਾਯ ਦੁਕ੍ਖਾਯਾਤਿ। ਤਸ੍ਮਾਹਂ, ਕਸ੍ਸਪ, ਏવਰੂਪਸ੍ਸ ਥੇਰਸ੍ਸ ਭਿਕ੍ਖੁਨੋ ਨ વਣ੍ਣਂ ਭਣਾਮਿ।
‘‘Thero cepi , kassapa, bhikkhu hoti na sikkhākāmo na sikkhāsamādānassa vaṇṇavādī, ye caññe bhikkhū na sikkhākāmā te ca na sikkhāya samādapeti, ye caññe bhikkhū sikkhākāmā tesañca na vaṇṇaṃ bhaṇati bhūtaṃ tacchaṃ kālena, evarūpassāhaṃ, kassapa, therassa bhikkhuno na vaṇṇaṃ bhaṇāmi. Taṃ kissa hetu? Satthā hissa vaṇṇaṃ bhaṇatīti aññe naṃ 10 bhikkhū bhajeyyuṃ, ye naṃ bhajeyyuṃ tyāssa diṭṭhānugatiṃ āpajjeyyuṃ, yyāssa diṭṭhānugatiṃ āpajjeyyuṃ tesaṃ taṃ assa dīgharattaṃ ahitāya dukkhāyāti. Tasmāhaṃ, kassapa, evarūpassa therassa bhikkhuno na vaṇṇaṃ bhaṇāmi.
‘‘ਮਜ੍ਝਿਮੋ ਚੇਪਿ, ਕਸ੍ਸਪ, ਭਿਕ੍ਖੁ ਹੋਤਿ…ਪੇ॰… ਨવੋ ਚੇਪਿ, ਕਸ੍ਸਪ, ਭਿਕ੍ਖੁ ਹੋਤਿ ਨ ਸਿਕ੍ਖਾਕਾਮੋ ਨ ਸਿਕ੍ਖਾਸਮਾਦਾਨਸ੍ਸ વਣ੍ਣવਾਦੀ, ਯੇ ਚਞ੍ਞੇ ਭਿਕ੍ਖੂ ਨ ਸਿਕ੍ਖਾਕਾਮਾ ਤੇ ਚ ਨ ਸਿਕ੍ਖਾਯ ਸਮਾਦਪੇਤਿ, ਯੇ ਚਞ੍ਞੇ ਭਿਕ੍ਖੂ ਸਿਕ੍ਖਾਕਾਮਾ ਤੇਸਞ੍ਚ ਨ વਣ੍ਣਂ ਭਣਤਿ ਭੂਤਂ ਤਚ੍ਛਂ ਕਾਲੇਨ, ਏવਰੂਪਸ੍ਸਾਹਂ, ਕਸ੍ਸਪ, ਨવਸ੍ਸ ਭਿਕ੍ਖੁਨੋ ਨ વਣ੍ਣਂ ਭਣਾਮਿ। ਤਂ ਕਿਸ੍ਸ ਹੇਤੁ? ਸਤ੍ਥਾ ਹਿਸ੍ਸ વਣ੍ਣਂ ਭਣਤੀਤਿ ਅਞ੍ਞੇ ਨਂ ਭਿਕ੍ਖੂ ਭਜੇਯ੍ਯੁਂ, ਯੇ ਨਂ ਭਜੇਯ੍ਯੁਂ ਤ੍ਯਾਸ੍ਸ ਦਿਟ੍ਠਾਨੁਗਤਿਂ ਆਪਜ੍ਜੇਯ੍ਯੁਂ, ਯ੍ਯਾਸ੍ਸ ਦਿਟ੍ਠਾਨੁਗਤਿਂ ਆਪਜ੍ਜੇਯ੍ਯੁਂ ਤੇਸਂ ਤਂ ਅਸ੍ਸ ਦੀਘਰਤ੍ਤਂ ਅਹਿਤਾਯ ਦੁਕ੍ਖਾਯਾਤਿ। ਤਸ੍ਮਾਹਂ, ਕਸ੍ਸਪ, ਏવਰੂਪਸ੍ਸ ਨવਸ੍ਸ ਭਿਕ੍ਖੁਨੋ ਨ વਣ੍ਣਂ ਭਣਾਮਿ।
‘‘Majjhimo cepi, kassapa, bhikkhu hoti…pe… navo cepi, kassapa, bhikkhu hoti na sikkhākāmo na sikkhāsamādānassa vaṇṇavādī, ye caññe bhikkhū na sikkhākāmā te ca na sikkhāya samādapeti, ye caññe bhikkhū sikkhākāmā tesañca na vaṇṇaṃ bhaṇati bhūtaṃ tacchaṃ kālena, evarūpassāhaṃ, kassapa, navassa bhikkhuno na vaṇṇaṃ bhaṇāmi. Taṃ kissa hetu? Satthā hissa vaṇṇaṃ bhaṇatīti aññe naṃ bhikkhū bhajeyyuṃ, ye naṃ bhajeyyuṃ tyāssa diṭṭhānugatiṃ āpajjeyyuṃ, yyāssa diṭṭhānugatiṃ āpajjeyyuṃ tesaṃ taṃ assa dīgharattaṃ ahitāya dukkhāyāti. Tasmāhaṃ, kassapa, evarūpassa navassa bhikkhuno na vaṇṇaṃ bhaṇāmi.
‘‘ਥੇਰੋ ਚੇਪਿ, ਕਸ੍ਸਪ, ਭਿਕ੍ਖੁ ਹੋਤਿ ਸਿਕ੍ਖਾਕਾਮੋ ਸਿਕ੍ਖਾਸਮਾਦਾਨਸ੍ਸ વਣ੍ਣવਾਦੀ, ਯੇ ਚਞ੍ਞੇ ਭਿਕ੍ਖੂ ਨ ਸਿਕ੍ਖਾਕਾਮਾ ਤੇ ਚ ਸਿਕ੍ਖਾਯ ਸਮਾਦਪੇਤਿ, ਯੇ ਚਞ੍ਞੇ ਭਿਕ੍ਖੂ ਸਿਕ੍ਖਾਕਾਮਾ ਤੇਸਞ੍ਚ વਣ੍ਣਂ ਭਣਤਿ ਭੂਤਂ ਤਚ੍ਛਂ ਕਾਲੇਨ, ਏવਰੂਪਸ੍ਸਾਹਂ, ਕਸ੍ਸਪ, ਥੇਰਸ੍ਸ ਭਿਕ੍ਖੁਨੋ વਣ੍ਣਂ ਭਣਾਮਿ। ਤਂ ਕਿਸ੍ਸ ਹੇਤੁ? ਸਤ੍ਥਾ ਹਿਸ੍ਸ વਣ੍ਣਂ ਭਣਤੀਤਿ ਅਞ੍ਞੇ ਨਂ ਭਿਕ੍ਖੂ ਭਜੇਯ੍ਯੁਂ, ਯੇ ਨਂ ਭਜੇਯ੍ਯੁਂ ਤ੍ਯਾਸ੍ਸ ਦਿਟ੍ਠਾਨੁਗਤਿਂ ਆਪਜ੍ਜੇਯ੍ਯੁਂ, ਯ੍ਯਾਸ੍ਸ ਦਿਟ੍ਠਾਨੁਗਤਿਂ ਆਪਜ੍ਜੇਯ੍ਯੁਂ ਤੇਸਂ ਤਂ ਅਸ੍ਸ ਦੀਘਰਤ੍ਤਂ ਹਿਤਾਯ ਸੁਖਾਯਾਤਿ। ਤਸ੍ਮਾਹਂ, ਕਸ੍ਸਪ, ਏવਰੂਪਸ੍ਸ ਥੇਰਸ੍ਸ ਭਿਕ੍ਖੁਨੋ વਣ੍ਣਂ ਭਣਾਮਿ।
‘‘Thero cepi, kassapa, bhikkhu hoti sikkhākāmo sikkhāsamādānassa vaṇṇavādī, ye caññe bhikkhū na sikkhākāmā te ca sikkhāya samādapeti, ye caññe bhikkhū sikkhākāmā tesañca vaṇṇaṃ bhaṇati bhūtaṃ tacchaṃ kālena, evarūpassāhaṃ, kassapa, therassa bhikkhuno vaṇṇaṃ bhaṇāmi. Taṃ kissa hetu? Satthā hissa vaṇṇaṃ bhaṇatīti aññe naṃ bhikkhū bhajeyyuṃ, ye naṃ bhajeyyuṃ tyāssa diṭṭhānugatiṃ āpajjeyyuṃ, yyāssa diṭṭhānugatiṃ āpajjeyyuṃ tesaṃ taṃ assa dīgharattaṃ hitāya sukhāyāti. Tasmāhaṃ, kassapa, evarūpassa therassa bhikkhuno vaṇṇaṃ bhaṇāmi.
‘‘ਮਜ੍ਝਿਮੋ ਚੇਪਿ, ਕਸ੍ਸਪ, ਭਿਕ੍ਖੁ ਹੋਤਿ ਸਿਕ੍ਖਾਕਾਮੋ…ਪੇ॰… ਨવੋ ਚੇਪਿ, ਕਸ੍ਸਪ, ਭਿਕ੍ਖੁ ਹੋਤਿ ਸਿਕ੍ਖਾਕਾਮੋ ਸਿਕ੍ਖਾਸਮਾਦਾਨਸ੍ਸ વਣ੍ਣવਾਦੀ, ਯੇ ਚਞ੍ਞੇ ਭਿਕ੍ਖੂ ਨ ਸਿਕ੍ਖਾਕਾਮਾ ਤੇ ਚ ਸਿਕ੍ਖਾਯ ਸਮਾਦਪੇਤਿ, ਯੇ ਚਞ੍ਞੇ ਭਿਕ੍ਖੂ ਸਿਕ੍ਖਾਕਾਮਾ ਤੇਸਞ੍ਚ વਣ੍ਣਂ ਭਣਤਿ ਭੂਤਂ ਤਚ੍ਛਂ ਕਾਲੇਨ, ਏવਰੂਪਸ੍ਸਾਹਂ, ਕਸ੍ਸਪ, ਨવਸ੍ਸ ਭਿਕ੍ਖੁਨੋ વਣ੍ਣਂ ਭਣਾਮਿ। ਤਂ ਕਿਸ੍ਸ ਹੇਤੁ? ਸਤ੍ਥਾ ਹਿਸ੍ਸ વਣ੍ਣਂ ਭਣਤੀਤਿ ਅਞ੍ਞੇ ਨਂ ਭਿਕ੍ਖੂ ਭਜੇਯ੍ਯੁਂ, ਯੇ ਨਂ ਭਜੇਯ੍ਯੁਂ ਤ੍ਯਾਸ੍ਸ ਦਿਟ੍ਠਾਨੁਗਤਿਂ ਆਪਜ੍ਜੇਯ੍ਯੁਂ, ਯ੍ਯਾਸ੍ਸ ਦਿਟ੍ਠਾਨੁਗਤਿਂ ਆਪਜ੍ਜੇਯ੍ਯੁਂ ਤੇਸਂ ਤਂ ਅਸ੍ਸ ਦੀਘਰਤ੍ਤਂ ਹਿਤਾਯ ਸੁਖਾਯਾਤਿ। ਤਸ੍ਮਾਹਂ, ਕਸ੍ਸਪ, ਏવਰੂਪਸ੍ਸ ਨવਸ੍ਸ ਭਿਕ੍ਖੁਨੋ વਣ੍ਣਂ ਭਣਾਮੀ’’ਤਿ। ਏਕਾਦਸਮਂ।
‘‘Majjhimo cepi, kassapa, bhikkhu hoti sikkhākāmo…pe… navo cepi, kassapa, bhikkhu hoti sikkhākāmo sikkhāsamādānassa vaṇṇavādī, ye caññe bhikkhū na sikkhākāmā te ca sikkhāya samādapeti, ye caññe bhikkhū sikkhākāmā tesañca vaṇṇaṃ bhaṇati bhūtaṃ tacchaṃ kālena, evarūpassāhaṃ, kassapa, navassa bhikkhuno vaṇṇaṃ bhaṇāmi. Taṃ kissa hetu? Satthā hissa vaṇṇaṃ bhaṇatīti aññe naṃ bhikkhū bhajeyyuṃ, ye naṃ bhajeyyuṃ tyāssa diṭṭhānugatiṃ āpajjeyyuṃ, yyāssa diṭṭhānugatiṃ āpajjeyyuṃ tesaṃ taṃ assa dīgharattaṃ hitāya sukhāyāti. Tasmāhaṃ, kassapa, evarūpassa navassa bhikkhuno vaṇṇaṃ bhaṇāmī’’ti. Ekādasamaṃ.
ਸਮਣવਗ੍ਗੋ ਨવਮੋ।
Samaṇavaggo navamo.
ਤਸ੍ਸੁਦ੍ਦਾਨਂ –
Tassuddānaṃ –
ਸਮਣੋ ਗਦ੍ਰਭੋ ਖੇਤ੍ਤਂ, વਜ੍ਜਿਪੁਤ੍ਤੋ ਚ ਸੇਕ੍ਖਕਂ।
Samaṇo gadrabho khettaṃ, vajjiputto ca sekkhakaṃ;
ਤਯੋ ਚ ਸਿਕ੍ਖਨਾ વੁਤ੍ਤਾ, ਦ੍વੇ ਸਿਕ੍ਖਾ ਸਙ੍ਕવਾਯ ਚਾਤਿ॥
Tayo ca sikkhanā vuttā, dve sikkhā saṅkavāya cāti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੧. ਸਙ੍ਕવਾਸੁਤ੍ਤવਣ੍ਣਨਾ • 11. Saṅkavāsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੧. ਸਙ੍ਕવਾਸੁਤ੍ਤવਣ੍ਣਨਾ • 11. Saṅkavāsuttavaṇṇanā
