| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
11. сан̇гаваасуд̇д̇аван̣н̣анаа
11. Saṅkavāsuttavaṇṇanā
92. згаад̣̇асамз сан̇гаваа наама госалаанам̣ ниг̇амод̇и сан̇гаваад̇и звам̣наамаго госаларадтз ниг̇амо. ааваасигод̇и бхаарахааро навз ааваасз самудтаабзд̇и, бураан̣з бадиж̇аг̇г̇ад̇и. сигкаабад̣̇абадисам̣яуд̇д̇ааяаад̇и сигкаасан̇каад̇зхи бад̣̇зхи бадисам̣яуд̇д̇ааяа, д̇ийхи сигкаахи саманнааг̇ад̇ааяаад̇и ад̇т̇о. санд̣̇ассзд̇ийд̇и саммукз вияа гад̇ваа д̣̇ассзд̇и. самаад̣̇абзд̇ийд̇и г̇ан̣хаабзд̇и. самуд̇д̇зж̇зд̇ийд̇и самуссаахзд̇и. самбахам̣сзд̇ийд̇и бадилад̣̇д̇хаг̇ун̣зхи ван̣н̣ам̣ гат̇знд̇о вод̣̇аабзд̇и. ад̇хисалликад̇зд̇и ад̇ивияа салликад̇и, ад̇ивияа салликид̇ам̣ гад̇ваа сан̣хам̣ сан̣хам̣ гат̇зд̇ийд̇и ад̇т̇о.
92. Ekādasame saṅkavā nāma kosalānaṃ nigamoti saṅkavāti evaṃnāmako kosalaraṭṭhe nigamo. Āvāsikoti bhārahāro nave āvāse samuṭṭhāpeti, purāṇe paṭijaggati. Sikkhāpadapaṭisaṃyuttāyāti sikkhāsaṅkhātehi padehi paṭisaṃyuttāya, tīhi sikkhāhi samannāgatāyāti attho. Sandassetīti sammukhe viya katvā dasseti. Samādapetīti gaṇhāpeti. Samuttejetīti samussāheti. Sampahaṃsetīti paṭiladdhaguṇehi vaṇṇaṃ kathento vodāpeti. Adhisallikhateti ativiya sallikhati, ativiya sallikhitaṃ katvā saṇhaṃ saṇhaṃ kathetīti attho.
ажжаяод̇и абараад̇хо. мам̣ ажжаг̇амаад̇и мам̣ ад̇иггамма ад̇хибхавид̇ваа бавад̇д̇о. ахуд̣̇зва агканд̇ийд̇и ахосиязва анад̇хиваасанаа. аху аббажжаяод̇и ахоси ад̇удтаагааро. бадиг̇г̇ан̣хаад̇ууд̇и камад̇у. ааяад̇им̣ сам̣варааяаад̇и анааг̇ад̇з сам̣варад̇т̇ааяа, буна зваруубасса абараад̇хасса д̣̇осасса калид̇асса ваа агаран̣ад̇т̇ааяаад̇и ад̇т̇о. д̇аг̇гхаад̇и згам̣сзна. яат̇аад̇хаммам̣ бадигаросийд̇и яат̇аа д̇хаммо тид̇о, д̇ат̇аа гароси, камаабзсийд̇и вуд̇д̇ам̣ ход̇и. д̇ам̣ д̇з маяам̣ бадиг̇г̇ан̣хаамаад̇и д̇ам̣ д̇ава абараад̇хам̣ маяам̣ камаама. вуд̣̇д̇хихзсаа, гассаба, арияасса винаязд̇и зсаа гассаба б̣уд̣̇д̇хасса бхаг̇авад̇о саасанз вуд̣̇д̇хи наама. гад̇амаа? яааяам̣ ажжаяам̣ ажжаяад̇о д̣̇исваа яат̇аад̇хаммам̣ бадигарид̇ваа ааяад̇им̣ сам̣вараабаж̇ж̇анаа. д̣̇зсанам̣ бана буг̇г̇алаад̇хидтаанам̣ гаронд̇о ‘‘яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и, ааяад̇им̣ сам̣варам̣ аабаж̇ж̇ад̇ий’’д̇и ааха. на сигкаагаамод̇и д̇иссо сигкаа на гаамзд̇и на бад̇т̇зд̇и на бихзд̇и. сигкаасамаад̣̇аанассаад̇и сигкаабарибууран̣асса. на ван̣н̣аваад̣̇ийд̇и г̇ун̣ам̣ на гат̇зд̇и. гаалзнаад̇и яуд̇д̇аббаяуд̇д̇агаалзна. сзсамзд̇т̇а уд̇д̇аанад̇т̇амзваад̇и.
Accayoti aparādho. Maṃ accagamāti maṃ atikkamma adhibhavitvā pavatto. Ahudeva akkhantīti ahosiyeva anadhivāsanā. Ahu appaccayoti ahosi atuṭṭhākāro. Paṭiggaṇhātūti khamatu. Āyatiṃ saṃvarāyāti anāgate saṃvaratthāya, puna evarūpassa aparādhassa dosassa khalitassa vā akaraṇatthāyāti attho. Tagghāti ekaṃsena. Yathādhammaṃ paṭikarosīti yathā dhammo ṭhito, tathā karosi, khamāpesīti vuttaṃ hoti. Taṃ te mayaṃ paṭiggaṇhāmāti taṃ tava aparādhaṃ mayaṃ khamāma. Vuddhihesā, kassapa, ariyassa vinayeti esā kassapa buddhassa bhagavato sāsane vuddhi nāma. Katamā? Yāyaṃ accayaṃ accayato disvā yathādhammaṃ paṭikaritvā āyatiṃ saṃvarāpajjanā. Desanaṃ pana puggalādhiṭṭhānaṃ karonto ‘‘yo accayaṃ accayato disvā yathādhammaṃ paṭikaroti, āyatiṃ saṃvaraṃ āpajjatī’’ti āha. Na sikkhākāmoti tisso sikkhā na kāmeti na pattheti na piheti. Sikkhāsamādānassāti sikkhāparipūraṇassa. Na vaṇṇavādīti guṇaṃ na katheti. Kālenāti yuttappayuttakālena. Sesamettha uttānatthamevāti.
саман̣аваг̇г̇о жад̇уд̇т̇о.
Samaṇavaggo catuttho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 11. сан̇гаваасуд̇д̇ам̣ • 11. Saṅkavāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 11. сан̇гаваасуд̇д̇аван̣н̣анаа • 11. Saṅkavāsuttavaṇṇanā
