| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
11. сан̇гаваасуд̇д̇аван̣н̣анаа
11. Saṅkavāsuttavaṇṇanā
92. згаад̣̇асамз вихаарабадиб̣ад̣̇д̇ханавагаммаад̣̇ибхаарам̣ харад̇и бавад̇д̇зд̇ийд̇и бхаарахааро. д̇знзвааха ‘‘навз ааваасз самудтаабзд̇и, бураан̣з бадиж̇аг̇г̇ад̇ий’’д̇и. сигкид̇аб̣б̣ад̇о сигкаа, баж̇ж̇ид̇аб̣б̣ад̇о, баж̇ж̇анд̇и зд̇зхийд̇и ваа бад̣̇аани, сигкааязва бад̣̇аани сигкаабад̣̇аанийд̇и ааха ‘‘сигкаасан̇каад̇зхи бад̣̇зхий’’д̇и. д̣̇ассзд̇ийд̇и бажжагкад̇о д̣̇ассзд̇и, хад̇т̇аамалагам̣ вияа баагадз вибхууд̇з гад̇ваа вибхаавзд̇и. г̇ан̣хаабзд̇ийд̇и д̇з д̇хаммз манасаа анубагкид̇з д̣̇идтияаа суббадивид̣̇д̇хз гаарзнд̇о уг̇г̇ан̣хаабзд̇и. самуссаахзд̇ийд̇и самаад̇химхи уссаахам̣ ж̇анзд̇и. бадилад̣̇д̇хаг̇ун̣зхийд̇и д̇ааяа д̣̇зсанааяа д̇анниссаяабажжад̇д̇абурисагаарзна жа д̇зсам̣ бадивид̣̇д̇хаг̇ун̣зхи. вод̣̇аабзд̇ийд̇и д̇зсам̣ жид̇д̇асанд̇аанам̣ ассад̣̇д̇хияаад̣̇игилзсамалаабаг̇аманзна бабхассарам̣ гарод̇и. сан̣хам̣ сан̣хам̣ гат̇зд̇ийд̇и ад̇ивияа сукумам̣ гад̇ваа гат̇зд̇и.
92. Ekādasame vihārapaṭibaddhanavakammādibhāraṃ harati pavattetīti bhārahāro. Tenevāha ‘‘nave āvāse samuṭṭhāpeti, purāṇe paṭijaggatī’’ti. Sikkhitabbato sikkhā, pajjitabbato, pajjanti etehīti vā padāni, sikkhāyeva padāni sikkhāpadānīti āha ‘‘sikkhāsaṅkhātehi padehī’’ti. Dassetīti paccakkhato dasseti, hatthāmalakaṃ viya pākaṭe vibhūte katvā vibhāveti. Gaṇhāpetīti te dhamme manasā anupakkhite diṭṭhiyā suppaṭividdhe kārento uggaṇhāpeti. Samussāhetīti samādhimhi ussāhaṃ janeti. Paṭiladdhaguṇehīti tāya desanāya tannissayapaccattapurisakārena ca tesaṃ paṭividdhaguṇehi. Vodāpetīti tesaṃ cittasantānaṃ assaddhiyādikilesamalāpagamanena pabhassaraṃ karoti. Saṇhaṃ saṇhaṃ kathetīti ativiya sukhumaṃ katvā katheti.
ажжаяанам̣ саад̇хумарияаад̣̇ам̣ мад̣̇д̣̇ид̇ваа вийд̇иггаманам̣ ажжаяод̇и ааха ‘‘абараад̇хо’’д̇и. ажжзд̇и ад̇иггамад̇и зд̇знаад̇и ваа ажжаяо, вийд̇иггамасса бавад̇д̇анаго агусалад̇хаммо. со зва абараж̇жхад̇и зд̇знаад̇и абараад̇хо. со хи абараж̇жханд̇ам̣ бурисам̣ ад̇хибхавид̇ваа бавад̇д̇ад̇и. д̇знааха ‘‘ад̇иггамма ад̇хибхавид̇ваа бавад̇д̇о’’д̇и. бадиг̇г̇ан̣хаад̇ууд̇и ад̇хиваасанавасзна самбадижчад̇ууд̇и ад̇т̇од̇и ааха ‘‘камад̇уу’’д̇и. сад̣̇звагзна логзна ниссаран̣анд̇и аран̣ийяад̇о арияо, д̇ат̇ааг̇ад̇од̇и ааха ‘‘арияасса винаязд̇и б̣уд̣̇д̇хасса бхаг̇авад̇о саасанз’’д̇и. буг̇г̇алаад̇хидтаанам̣ гаронд̇од̇и гаамам̣ ‘‘вуд̣̇д̇хи хзсаа’’д̇и д̇хаммаад̇хидтаанавасзна ваагяам̣ аарад̣̇д̇хам̣, д̇ат̇ааби д̣̇зсанам̣ бана буг̇г̇алаад̇хидтаанам̣ гаронд̇о ‘‘сам̣варам̣ аабаж̇ж̇ад̇ий’’д̇и аахаад̇и яож̇анаа.
Accayanaṃ sādhumariyādaṃ madditvā vītikkamanaṃ accayoti āha ‘‘aparādho’’ti. Acceti atikkamati etenāti vā accayo, vītikkamassa pavattanako akusaladhammo. So eva aparajjhati etenāti aparādho. So hi aparajjhantaṃ purisaṃ adhibhavitvā pavattati. Tenāha ‘‘atikkammaadhibhavitvā pavatto’’ti. Paṭiggaṇhātūti adhivāsanavasena sampaṭicchatūti atthoti āha ‘‘khamatū’’ti. Sadevakena lokena nissaraṇanti araṇīyato ariyo, tathāgatoti āha ‘‘ariyassa vinayeti buddhassa bhagavato sāsane’’ti. Puggalādhiṭṭhānaṃ karontoti kāmaṃ ‘‘vuddhi hesā’’ti dhammādhiṭṭhānavasena vākyaṃ āraddhaṃ, tathāpi desanaṃ pana puggalādhiṭṭhānaṃ karonto ‘‘saṃvaraṃ āpajjatī’’ti āhāti yojanā.
сан̇гаваасуд̇д̇аван̣н̣анаа нидтид̇аа.
Saṅkavāsuttavaṇṇanā niṭṭhitā.
саман̣аваг̇г̇аван̣н̣анаа нидтид̇аа.
Samaṇavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 11. сан̇гаваасуд̇д̇ам̣ • 11. Saṅkavāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 11. сан̇гаваасуд̇д̇аван̣н̣анаа • 11. Saṅkavāsuttavaṇṇanā
