| Library / Tipiṭaka / ਤਿਪਿਟਕ • Tipiṭaka / ਚਰਿਯਾਪਿਟਕਪਾਲ਼ਿ • Cariyāpiṭakapāḷi |
੨. ਸਙ੍ਖਚਰਿਯਾ
2. Saṅkhacariyā
੧੧.
11.
‘‘ਪੁਨਾਪਰਂ ਯਦਾ ਹੋਮਿ, ਬ੍ਰਾਹ੍ਮਣੋ ਸਙ੍ਖਸવ੍ਹਯੋ।
‘‘Punāparaṃ yadā homi, brāhmaṇo saṅkhasavhayo;
ਮਹਾਸਮੁਦ੍ਦਂ ਤਰਿਤੁਕਾਮੋ, ਉਪਗਚ੍ਛਾਮਿ ਪਟ੍ਟਨਂ॥
Mahāsamuddaṃ taritukāmo, upagacchāmi paṭṭanaṃ.
੧੨.
12.
‘‘ਤਤ੍ਥਦ੍ਦਸਂ ਪਟਿਪਥੇ, ਸਯਮ੍ਭੁਂ ਅਪਰਾਜਿਤਂ।
‘‘Tatthaddasaṃ paṭipathe, sayambhuṃ aparājitaṃ;
੧੩.
13.
‘‘ਤਮਹਂ ਪਟਿਪਥੇ ਦਿਸ੍વਾ, ਇਮਮਤ੍ਥਂ વਿਚਿਨ੍ਤਯਿਂ।
‘‘Tamahaṃ paṭipathe disvā, imamatthaṃ vicintayiṃ;
‘ਇਦਂ ਖੇਤ੍ਤਂ ਅਨੁਪ੍ਪਤ੍ਤਂ, ਪੁਞ੍ਞਕਾਮਸ੍ਸ ਜਨ੍ਤੁਨੋ॥
‘Idaṃ khettaṃ anuppattaṃ, puññakāmassa jantuno.
੧੪.
14.
‘‘‘ਯਥਾ ਕਸ੍ਸਕੋ ਪੁਰਿਸੋ, ਖੇਤ੍ਤਂ ਦਿਸ੍વਾ ਮਹਾਗਮਂ।
‘‘‘Yathā kassako puriso, khettaṃ disvā mahāgamaṃ;
ਤਤ੍ਥ ਬੀਜਂ ਨ ਰੋਪੇਤਿ, ਨ ਸੋ ਧਞ੍ਞੇਨ ਅਤ੍ਥਿਕੋ॥
Tattha bījaṃ na ropeti, na so dhaññena atthiko.
੧੫.
15.
‘‘‘ਏવਮੇવਾਹਂ ਪੁਞ੍ਞਕਾਮੋ, ਦਿਸ੍વਾ ਖੇਤ੍ਤવਰੁਤ੍ਤਮਂ।
‘‘‘Evamevāhaṃ puññakāmo, disvā khettavaruttamaṃ;
ਯਦਿ ਤਤ੍ਥ ਕਾਰਂ ਨ ਕਰੋਮਿ, ਨਾਹਂ ਪੁਞ੍ਞੇਨ ਅਤ੍ਥਿਕੋ॥
Yadi tattha kāraṃ na karomi, nāhaṃ puññena atthiko.
੧੬.
16.
‘‘‘ਯਥਾ ਅਮਚ੍ਚੋ ਮੁਦ੍ਦਿਕਾਮੋ, ਰਞ੍ਞੋ ਅਨ੍ਤੇਪੁਰੇ ਜਨੇ।
‘‘‘Yathā amacco muddikāmo, rañño antepure jane;
ਨ ਦੇਤਿ ਤੇਸਂ ਧਨਧਞ੍ਞਂ, ਮੁਦ੍ਦਿਤੋ ਪਰਿਹਾਯਤਿ॥
Na deti tesaṃ dhanadhaññaṃ, muddito parihāyati.
੧੭.
17.
‘‘‘ਏવਮੇવਾਹਂ ਪੁਞ੍ਞਕਾਮੋ, વਿਪੁਲਂ ਦਿਸ੍વਾਨ ਦਕ੍ਖਿਣਂ।
‘‘‘Evamevāhaṃ puññakāmo, vipulaṃ disvāna dakkhiṇaṃ;
ਯਦਿ ਤਸ੍ਸ ਦਾਨਂ ਨ ਦਦਾਮਿ, ਪਰਿਹਾਯਿਸ੍ਸਾਮਿ ਪੁਞ੍ਞਤੋ’॥
Yadi tassa dānaṃ na dadāmi, parihāyissāmi puññato’.
੧੮.
18.
‘‘ਏવਾਹਂ ਚਿਨ੍ਤਯਿਤ੍વਾਨ, ਓਰੋਹਿਤ੍વਾ ਉਪਾਹਨਾ।
‘‘Evāhaṃ cintayitvāna, orohitvā upāhanā;
ਤਸ੍ਸ ਪਾਦਾਨਿ વਨ੍ਦਿਤ੍વਾ, ਅਦਾਸਿਂ ਛਤ੍ਤੁਪਾਹਨਂ॥
Tassa pādāni vanditvā, adāsiṃ chattupāhanaṃ.
੧੯.
19.
‘‘ਤੇਨੇવਾਹਂ ਸਤਗੁਣਤੋ, ਸੁਖੁਮਾਲੋ ਸੁਖੇਧਿਤੋ।
‘‘Tenevāhaṃ sataguṇato, sukhumālo sukhedhito;
ਅਪਿ ਚ ਦਾਨਂ ਪਰਿਪੂਰੇਨ੍ਤੋ, ਏવਂ ਤਸ੍ਸ ਅਦਾਸਹ’’ਨ੍ਤਿ॥
Api ca dānaṃ paripūrento, evaṃ tassa adāsaha’’nti.
ਸਙ੍ਖਚਰਿਯਂ ਦੁਤਿਯਂ।
Saṅkhacariyaṃ dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਚਰਿਯਾਪਿਟਕ-ਅਟ੍ਠਕਥਾ • Cariyāpiṭaka-aṭṭhakathā / ੨. ਸਙ੍ਖਬ੍ਰਾਹ੍ਮਣਚਰਿਯਾવਣ੍ਣਨਾ • 2. Saṅkhabrāhmaṇacariyāvaṇṇanā
