| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. сан̇кад̇хамасуд̇д̇ам̣
8. Saṅkhadhamasuttaṃ
360. згам̣ самаяам̣ бхаг̇аваа наал̣анд̣̇ааяам̣ вихарад̇и баавааригамб̣аванз. ат̇а ко асиб̣анд̇хагабуд̇д̇о г̇ааман̣и ниг̇ан̣тасааваго язна бхаг̇аваа д̇знубасан̇гами; убасан̇гамид̇ваа згаманд̇ам̣ нисийд̣̇и. згаманд̇ам̣ нисиннам̣ ко асиб̣анд̇хагабуд̇д̇ам̣ г̇ааман̣им̣ бхаг̇аваа зд̇ад̣̇авожа – ‘‘гат̇ам̣ ну ко, г̇ааман̣и, ниг̇ан̣то наадабуд̇д̇о саавагаанам̣ д̇хаммам̣ д̣̇зсзд̇ий’’д̇и? ‘‘звам̣ ко, бханд̇з, ниг̇ан̣то наадабуд̇д̇о саавагаанам̣ д̇хаммам̣ д̣̇зсзд̇и – ‘яо гожи баан̣ам̣ ад̇ибаад̇зд̇и, саб̣б̣о со аабааяиго нзраяиго, яо гожи ад̣̇иннам̣ аад̣̇ияад̇и, саб̣б̣о со аабааяиго нзраяиго , яо гожи гаамзсу мижчаа жарад̇и, саб̣б̣о со аабааяиго нзраяиго, яо гожи мусаа бхан̣ад̇и саб̣б̣о, со аабааяиго нзраяиго. яам̣б̣ахулам̣ яам̣б̣ахулам̣ вихарад̇и, д̇зна д̇зна нийяад̇ий’д̇и. звам̣ ко, бханд̇з, ниг̇ан̣то наадабуд̇д̇о саавагаанам̣ д̇хаммам̣ д̣̇зсзд̇ий’’д̇и. ‘‘‘яам̣б̣ахулам̣ яам̣б̣ахулан̃жа, г̇ааман̣и, вихарад̇и, д̇зна д̇зна нийяад̇и’, звам̣ санд̇з на гожи аабааяиго нзраяиго бхависсад̇и, яат̇аа ниг̇ан̣тасса наадабуд̇д̇асса важанам̣’’.
360. Ekaṃ samayaṃ bhagavā nāḷandāyaṃ viharati pāvārikambavane. Atha kho asibandhakaputto gāmaṇi nigaṇṭhasāvako yena bhagavā tenupasaṅkami; upasaṅkamitvā ekamantaṃ nisīdi. Ekamantaṃ nisinnaṃ kho asibandhakaputtaṃ gāmaṇiṃ bhagavā etadavoca – ‘‘kathaṃ nu kho, gāmaṇi, nigaṇṭho nāṭaputto sāvakānaṃ dhammaṃ desetī’’ti? ‘‘Evaṃ kho, bhante, nigaṇṭho nāṭaputto sāvakānaṃ dhammaṃ deseti – ‘yo koci pāṇaṃ atipāteti, sabbo so āpāyiko nerayiko, yo koci adinnaṃ ādiyati, sabbo so āpāyiko nerayiko , yo koci kāmesu micchā carati, sabbo so āpāyiko nerayiko, yo koci musā bhaṇati sabbo, so āpāyiko nerayiko. Yaṃbahulaṃ yaṃbahulaṃ viharati, tena tena nīyatī’ti. Evaṃ kho, bhante, nigaṇṭho nāṭaputto sāvakānaṃ dhammaṃ desetī’’ti. ‘‘‘Yaṃbahulaṃ yaṃbahulañca, gāmaṇi, viharati, tena tena nīyati’, evaṃ sante na koci āpāyiko nerayiko bhavissati, yathā nigaṇṭhassa nāṭaputtassa vacanaṃ’’.
‘‘д̇ам̣ гим̣ ман̃н̃аси, г̇ааман̣и, яо со бурисо баан̣аад̇ибаад̇ий рад̇д̇ияаа ваа д̣̇ивасасса ваа самаяаасамаяам̣ убаад̣̇ааяа, гад̇амо б̣ахуд̇аро самаяо, яам̣ ваа со баан̣амад̇ибаад̇зд̇и, яам̣ ваа со баан̣ам̣ наад̇ибаад̇зд̇ий’’д̇и? ‘‘яо со, бханд̇з, бурисо баан̣аад̇ибаад̇ий рад̇д̇ияаа ваа д̣̇ивасасса ваа самаяаасамаяам̣ убаад̣̇ааяа, аббад̇аро со самаяо яам̣ со баан̣амад̇ибаад̇зд̇и, ат̇а ко свзва б̣ахуд̇аро самаяо яам̣ со баан̣ам̣ наад̇ибаад̇зд̇ий’’д̇и. ‘‘‘яам̣б̣ахулам̣ яам̣б̣ахулан̃жа, г̇ааман̣и, вихарад̇и д̇зна д̇зна нийяад̇ий’д̇и, звам̣ санд̇з на гожи аабааяиго нзраяиго бхависсад̇и, яат̇аа ниг̇ан̣тасса наадабуд̇д̇асса важанам̣’’.
‘‘Taṃ kiṃ maññasi, gāmaṇi, yo so puriso pāṇātipātī rattiyā vā divasassa vā samayāsamayaṃ upādāya, katamo bahutaro samayo, yaṃ vā so pāṇamatipāteti, yaṃ vā so pāṇaṃ nātipātetī’’ti? ‘‘Yo so, bhante, puriso pāṇātipātī rattiyā vā divasassa vā samayāsamayaṃ upādāya, appataro so samayo yaṃ so pāṇamatipāteti, atha kho sveva bahutaro samayo yaṃ so pāṇaṃ nātipātetī’’ti. ‘‘‘Yaṃbahulaṃ yaṃbahulañca, gāmaṇi, viharati tena tena nīyatī’ti, evaṃ sante na koci āpāyiko nerayiko bhavissati, yathā nigaṇṭhassa nāṭaputtassa vacanaṃ’’.
‘‘д̇ам̣ гим̣ ман̃н̃аси, г̇ааман̣и, яо со бурисо ад̣̇иннаад̣̇ааяий рад̇д̇ияаа ваа д̣̇ивасасса ваа самаяаасамаяам̣ убаад̣̇ааяа, гад̇амо б̣ахуд̇аро самаяо, яам̣ ваа со ад̣̇иннам̣ аад̣̇ияад̇и, яам̣ ваа со ад̣̇иннам̣ наад̣̇ияад̇ий’’д̇и. ‘‘яо со, бханд̇з, бурисо ад̣̇иннаад̣̇ааяий рад̇д̇ияаа ваа д̣̇ивасасса ваа самаяаасамаяам̣ убаад̣̇ааяа аббад̇аро со самаяо, яам̣ со ад̣̇иннам̣ аад̣̇ияад̇и, ат̇а ко свзва б̣ахуд̇аро самаяо, яам̣ со ад̣̇иннам̣ наад̣̇ияад̇ий’’д̇и. ‘‘‘яам̣б̣ахулам̣ яам̣б̣ахулан̃жа, г̇ааман̣и, вихарад̇и д̇зна д̇зна нийяад̇ий’д̇и, звам̣ санд̇з на гожи аабааяиго нзраяиго бхависсад̇и, яат̇аа ниг̇ан̣тасса наадабуд̇д̇асса важанам̣’’.
‘‘Taṃ kiṃ maññasi, gāmaṇi, yo so puriso adinnādāyī rattiyā vā divasassa vā samayāsamayaṃ upādāya, katamo bahutaro samayo, yaṃ vā so adinnaṃ ādiyati, yaṃ vā so adinnaṃ nādiyatī’’ti. ‘‘Yo so, bhante, puriso adinnādāyī rattiyā vā divasassa vā samayāsamayaṃ upādāya appataro so samayo, yaṃ so adinnaṃ ādiyati, atha kho sveva bahutaro samayo, yaṃ so adinnaṃ nādiyatī’’ti. ‘‘‘Yaṃbahulaṃ yaṃbahulañca, gāmaṇi, viharati tena tena nīyatī’ti, evaṃ sante na koci āpāyiko nerayiko bhavissati, yathā nigaṇṭhassa nāṭaputtassa vacanaṃ’’.
‘‘д̇ам̣ гим̣ ман̃н̃аси, г̇ааман̣и, яо со бурисо гаамзсумижчаажаарий рад̇д̇ияаа ваа д̣̇ивасасса ваа самаяаасамаяам̣ убаад̣̇ааяа, гад̇амо б̣ахуд̇аро самаяо, яам̣ ваа со гаамзсу мижчаа жарад̇и, яам̣ ваа со гаамзсу мижчаа на жарад̇ий’’д̇и? ‘‘яо со, бханд̇з, бурисо гаамзсумижчаажаарий рад̇д̇ияаа ваа д̣̇ивасасса ваа самаяаасамаяам̣ убаад̣̇ааяа, аббад̇аро со самаяо яам̣ со гаамзсу мижчаа жарад̇и, ат̇а ко свзва б̣ахуд̇аро самаяо, яам̣ со гаамзсу мижчаа на жарад̇ий’’д̇и. ‘‘‘яам̣б̣ахулам̣ яам̣б̣ахулан̃жа, г̇ааман̣и, вихарад̇и д̇зна д̇зна нийяад̇ий’д̇и , звам̣ санд̇з на гожи аабааяиго нзраяиго бхависсад̇и, яат̇аа ниг̇ан̣тасса наадабуд̇д̇асса важанам̣’’.
‘‘Taṃ kiṃ maññasi, gāmaṇi, yo so puriso kāmesumicchācārī rattiyā vā divasassa vā samayāsamayaṃ upādāya, katamo bahutaro samayo, yaṃ vā so kāmesu micchā carati, yaṃ vā so kāmesu micchā na caratī’’ti? ‘‘Yo so, bhante, puriso kāmesumicchācārī rattiyā vā divasassa vā samayāsamayaṃ upādāya, appataro so samayo yaṃ so kāmesu micchā carati, atha kho sveva bahutaro samayo, yaṃ so kāmesu micchā na caratī’’ti. ‘‘‘Yaṃbahulaṃ yaṃbahulañca, gāmaṇi, viharati tena tena nīyatī’ti , evaṃ sante na koci āpāyiko nerayiko bhavissati, yathā nigaṇṭhassa nāṭaputtassa vacanaṃ’’.
‘‘д̇ам̣ гим̣ ман̃н̃аси, г̇ааман̣и, яо со бурисо мусааваад̣̇ий рад̇д̇ияаа ваа д̣̇ивасасса ваа самаяаасамаяам̣ убаад̣̇ааяа, гад̇амо б̣ахуд̇аро самаяо, яам̣ ваа со мусаа бхан̣ад̇и, яам̣ ваа со мусаа на бхан̣ад̇ий’’д̇и? ‘‘яо со, бханд̇з , бурисо мусааваад̣̇ий рад̇д̇ияаа ваа д̣̇ивасасса ваа самаяаасамаяам̣ убаад̣̇ааяа , аббад̇аро со самаяо, яам̣ со мусаа бхан̣ад̇и, ат̇а ко свзва б̣ахуд̇аро самаяо, яам̣ со мусаа на бхан̣ад̇ий’’д̇и. ‘‘‘яам̣б̣ахулам̣ яам̣б̣ахулан̃жа, г̇ааман̣и, вихарад̇и д̇зна д̇зна нийяад̇ий’д̇и, звам̣ санд̇з на гожи аабааяиго нзраяиго бхависсад̇и, яат̇аа ниг̇ан̣тасса наадабуд̇д̇асса важанам̣’’.
‘‘Taṃ kiṃ maññasi, gāmaṇi, yo so puriso musāvādī rattiyā vā divasassa vā samayāsamayaṃ upādāya, katamo bahutaro samayo, yaṃ vā so musā bhaṇati, yaṃ vā so musā na bhaṇatī’’ti? ‘‘Yo so, bhante , puriso musāvādī rattiyā vā divasassa vā samayāsamayaṃ upādāya , appataro so samayo, yaṃ so musā bhaṇati, atha kho sveva bahutaro samayo, yaṃ so musā na bhaṇatī’’ti. ‘‘‘Yaṃbahulaṃ yaṃbahulañca, gāmaṇi, viharati tena tena nīyatī’ti, evaṃ sante na koci āpāyiko nerayiko bhavissati, yathā nigaṇṭhassa nāṭaputtassa vacanaṃ’’.
‘‘ид̇ха, г̇ааман̣и, згажжо сад̇т̇аа звам̣ваад̣̇ий ход̇и звам̣д̣̇идти 1 – ‘яо гожи баан̣амад̇ибаад̇зд̇и, саб̣б̣о со аабааяиго нзраяиго, яо гожи ад̣̇иннам̣ аад̣̇ияад̇и, саб̣б̣о со аабааяиго нзраяиго, яо гожи гаамзсу мижчаа жарад̇и, саб̣б̣о со аабааяиго нзраяиго, яо гожи мусаа бхан̣ад̇и, саб̣б̣о со аабааяиго нзраяиго’д̇и. д̇асмим̣ ко бана, г̇ааман̣и, сад̇т̇ари сааваго абхиббасанно ход̇и. д̇асса звам̣ ход̇и – ‘маяхам̣ ко сад̇т̇аа звам̣ваад̣̇ий звам̣д̣̇идти – яо гожи баан̣амад̇ибаад̇зд̇и, саб̣б̣о со аабааяиго нзраяигод̇и. ад̇т̇и ко бана маяаа баан̣о ад̇ибаад̇ид̇о, ахамбамхи аабааяиго нзраяигод̇и д̣̇идтим̣ бадилабхад̇и. д̇ам̣, г̇ааман̣и, ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа яат̇аабхад̇ам̣ нигкид̇д̇о звам̣ нираяз. маяхам̣ ко сад̇т̇аа звам̣ваад̣̇ий звам̣д̣̇идти – яо гожи ад̣̇иннам̣ аад̣̇ияад̇и, саб̣б̣о со аабааяиго нзраяигод̇и. ад̇т̇и ко бана маяаа ад̣̇иннам̣ аад̣̇иннам̣ ахамбамхи аабааяиго нзраяигод̇и д̣̇идтим̣ бадилабхад̇и. д̇ам̣, г̇ааман̣и, ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа яат̇аабхад̇ам̣ нигкид̇д̇о звам̣ нираяз. маяхам̣ ко сад̇т̇аа звам̣ваад̣̇ий звам̣д̣̇идти – яо гожи гаамзсу мижчаа жарад̇и, саб̣б̣о со аабааяиго нзраяиго’д̇и. ад̇т̇и ко бана маяаа гаамзсу мижчаа жин̣н̣ам̣. ‘ахамбамхи аабааяиго нзраяиго’д̇и д̣̇идтим̣ бадилабхад̇и. д̇ам̣, г̇ааман̣и, ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа яат̇аабхад̇ам̣ нигкид̇д̇о звам̣ нираяз. маяхам̣ ко сад̇т̇аа звам̣ваад̣̇ий звам̣д̣̇идти – яо гожи мусаа бхан̣ад̇и, саб̣б̣о со аабааяиго нзраяигод̇и. ад̇т̇и ко бана маяаа мусаа бхан̣ид̇ам̣. ‘ахамбамхи аабааяиго нзраяиго’д̇и д̣̇идтим̣ бадилабхад̇и. д̇ам̣, г̇ааман̣и, ваажам̣ аббахааяа д̇ам̣ жид̇д̇ам̣ аббахааяа д̇ам̣ д̣̇идтим̣ аббадиниссаж̇ж̇ид̇ваа яат̇аабхад̇ам̣ нигкид̇д̇о звам̣ нираяз.
‘‘Idha, gāmaṇi, ekacco satthā evaṃvādī hoti evaṃdiṭṭhi 2 – ‘yo koci pāṇamatipāteti, sabbo so āpāyiko nerayiko, yo koci adinnaṃ ādiyati, sabbo so āpāyiko nerayiko, yo koci kāmesu micchā carati, sabbo so āpāyiko nerayiko, yo koci musā bhaṇati, sabbo so āpāyiko nerayiko’ti. Tasmiṃ kho pana, gāmaṇi, satthari sāvako abhippasanno hoti. Tassa evaṃ hoti – ‘mayhaṃ kho satthā evaṃvādī evaṃdiṭṭhi – yo koci pāṇamatipāteti, sabbo so āpāyiko nerayikoti. Atthi kho pana mayā pāṇo atipātito, ahampamhi āpāyiko nerayikoti diṭṭhiṃ paṭilabhati. Taṃ, gāmaṇi, vācaṃ appahāya taṃ cittaṃ appahāya taṃ diṭṭhiṃ appaṭinissajjitvā yathābhataṃ nikkhitto evaṃ niraye. Mayhaṃ kho satthā evaṃvādī evaṃdiṭṭhi – yo koci adinnaṃ ādiyati, sabbo so āpāyiko nerayikoti. Atthi kho pana mayā adinnaṃ ādinnaṃ ahampamhi āpāyiko nerayikoti diṭṭhiṃ paṭilabhati. Taṃ, gāmaṇi, vācaṃ appahāya taṃ cittaṃ appahāya taṃ diṭṭhiṃ appaṭinissajjitvā yathābhataṃ nikkhitto evaṃ niraye. Mayhaṃ kho satthā evaṃvādī evaṃdiṭṭhi – yo koci kāmesu micchā carati, sabbo so āpāyiko nerayiko’ti. Atthi kho pana mayā kāmesu micchā ciṇṇaṃ. ‘Ahampamhi āpāyiko nerayiko’ti diṭṭhiṃ paṭilabhati. Taṃ, gāmaṇi, vācaṃ appahāya taṃ cittaṃ appahāya taṃ diṭṭhiṃ appaṭinissajjitvā yathābhataṃ nikkhitto evaṃ niraye. Mayhaṃ kho satthā evaṃvādī evaṃdiṭṭhi – yo koci musā bhaṇati, sabbo so āpāyiko nerayikoti. Atthi kho pana mayā musā bhaṇitaṃ. ‘Ahampamhi āpāyiko nerayiko’ti diṭṭhiṃ paṭilabhati. Taṃ, gāmaṇi, vācaṃ appahāya taṃ cittaṃ appahāya taṃ diṭṭhiṃ appaṭinissajjitvā yathābhataṃ nikkhitto evaṃ niraye.
‘‘ид̇ха бана, г̇ааман̣и, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со анзгабарияааязна баан̣аад̇ибаад̇ам̣ г̇арахад̇и виг̇арахад̇и, ‘баан̣аад̇ибаад̇аа вирамат̇аа’д̇и жааха. ад̣̇иннаад̣̇аанам̣ г̇арахад̇и виг̇арахад̇и, ‘ад̣̇иннаад̣̇аанаа вирамат̇аа’д̇и жааха. гаамзсумижчаажаарам̣ г̇арахад̇и, виг̇арахад̇и ‘гаамзсумижчаажаараа вирамат̇аа’д̇и жааха. мусааваад̣̇ам̣ г̇арахад̇и виг̇арахад̇и ‘мусааваад̣̇аа вирамат̇аа’д̇и жааха. д̇асмим̣ ко бана, г̇ааман̣и, сад̇т̇ари сааваго абхиббасанно ход̇и. со ид̇и бадисан̃жигкад̇и – ‘бхаг̇аваа ко анзгабарияааязна баан̣аад̇ибаад̇ам̣ г̇арахад̇и виг̇арахад̇и, баан̣аад̇ибаад̇аа вирамат̇аад̇и жааха. ад̇т̇и ко бана маяаа баан̣о ад̇ибаад̇ид̇о яаавад̇аго ваа д̇аавад̇аго ваа. яо ко бана маяаа баан̣о ад̇ибаад̇ид̇о яаавад̇аго ваа д̇аавад̇аго ваа, д̇ам̣ на судту, д̇ам̣ на саад̇ху. ахан̃жзва 3 ко бана д̇аббажжаяаа виббадисаарий ассам̣. на мзд̇ам̣ баабам̣ гаммам̣ 4 агад̇ам̣ бхависсад̇ий’д̇и. со ид̇и бадисан̇кааяа д̇ан̃жзва баан̣аад̇ибаад̇ам̣ баж̇ахад̇и. ааяад̇ин̃жа баан̣аад̇ибаад̇аа бадивирад̇о ход̇и. звамзд̇асса баабасса гаммасса бахаанам̣ ход̇и. звамзд̇асса баабасса гаммасса самад̇иггамо ход̇и.
‘‘Idha pana, gāmaṇi, tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So anekapariyāyena pāṇātipātaṃ garahati vigarahati, ‘pāṇātipātā viramathā’ti cāha. Adinnādānaṃ garahati vigarahati, ‘adinnādānā viramathā’ti cāha. Kāmesumicchācāraṃ garahati, vigarahati ‘kāmesumicchācārā viramathā’ti cāha. Musāvādaṃ garahati vigarahati ‘musāvādā viramathā’ti cāha. Tasmiṃ kho pana, gāmaṇi, satthari sāvako abhippasanno hoti. So iti paṭisañcikkhati – ‘bhagavā kho anekapariyāyena pāṇātipātaṃ garahati vigarahati, pāṇātipātā viramathāti cāha. Atthi kho pana mayā pāṇo atipātito yāvatako vā tāvatako vā. Yo kho pana mayā pāṇo atipātito yāvatako vā tāvatako vā, taṃ na suṭṭhu, taṃ na sādhu. Ahañceva 5 kho pana tappaccayā vippaṭisārī assaṃ. Na metaṃ pāpaṃ kammaṃ 6 akataṃ bhavissatī’ti. So iti paṭisaṅkhāya tañceva pāṇātipātaṃ pajahati. Āyatiñca pāṇātipātā paṭivirato hoti. Evametassa pāpassa kammassa pahānaṃ hoti. Evametassa pāpassa kammassa samatikkamo hoti.
‘‘‘бхаг̇аваа ко анзгабарияааязна ад̣̇иннаад̣̇аанам̣ г̇арахад̇и виг̇арахад̇и, ад̣̇иннаад̣̇аанаа вирамат̇аад̇и жааха. ад̇т̇и ко бана маяаа ад̣̇иннам̣ аад̣̇иннам̣ яаавад̇агам̣ ваа д̇аавад̇агам̣ ваа. яам̣ ко бана маяаа ад̣̇иннам̣ аад̣̇иннам̣ яаавад̇агам̣ ваа д̇аавад̇агам̣ ваа д̇ам̣ на судту, д̇ам̣ на саад̇ху. ахан̃жзва ко бана д̇аббажжаяаа виббадисаарий ассам̣, на мзд̇ам̣ баабам̣ гаммам̣ агад̇ам̣ бхависсад̇ий’д̇и. со ид̇и бадисан̇кааяа д̇ан̃жзва ад̣̇иннаад̣̇аанам̣ баж̇ахад̇и. ааяад̇ин̃жа ад̣̇иннаад̣̇аанаа бадивирад̇о ход̇и. звамзд̇асса баабасса гаммасса бахаанам̣ ход̇и. звамзд̇асса баабасса гаммасса самад̇иггамо ход̇и.
‘‘‘Bhagavā kho anekapariyāyena adinnādānaṃ garahati vigarahati, adinnādānā viramathāti cāha. Atthi kho pana mayā adinnaṃ ādinnaṃ yāvatakaṃ vā tāvatakaṃ vā. Yaṃ kho pana mayā adinnaṃ ādinnaṃ yāvatakaṃ vā tāvatakaṃ vā taṃ na suṭṭhu, taṃ na sādhu. Ahañceva kho pana tappaccayā vippaṭisārī assaṃ, na metaṃ pāpaṃ kammaṃ akataṃ bhavissatī’ti. So iti paṭisaṅkhāya tañceva adinnādānaṃ pajahati. Āyatiñca adinnādānā paṭivirato hoti. Evametassa pāpassa kammassa pahānaṃ hoti. Evametassa pāpassa kammassa samatikkamo hoti.
‘‘‘бхаг̇аваа ко бана анзгабарияааязна гаамзсумижчаажаарам̣ г̇арахад̇и виг̇арахад̇и, гаамзсумижчаажаараа вирамат̇аад̇и жааха. ад̇т̇и ко бана маяаа гаамзсу мижчаа жин̣н̣ам̣ яаавад̇агам̣ ваа д̇аавад̇агам̣ ваа. яам̣ ко бана маяаа гаамзсу мижчаа жин̣н̣ам̣ яаавад̇агам̣ ваа д̇аавад̇агам̣ ваа д̇ам̣ на судту, д̇ам̣ на саад̇ху. ахан̃жзва ко бана д̇аббажжаяаа виббадисаарий ассам̣, на мзд̇ам̣ баабам̣ гаммам̣ агад̇ам̣ бхависсад̇ий’д̇и. со ид̇и бадисан̇кааяа д̇ан̃жзва гаамзсумижчаажаарам̣ баж̇ахад̇и, ааяад̇ин̃жа гаамзсумижчаажаараа бадивирад̇о ход̇и. звамзд̇асса баабасса гаммасса бахаанам̣ ход̇и. звамзд̇асса баабасса гаммасса самад̇иггамо ход̇и.
‘‘‘Bhagavā kho pana anekapariyāyena kāmesumicchācāraṃ garahati vigarahati, kāmesumicchācārā viramathāti cāha. Atthi kho pana mayā kāmesu micchā ciṇṇaṃ yāvatakaṃ vā tāvatakaṃ vā. Yaṃ kho pana mayā kāmesu micchā ciṇṇaṃ yāvatakaṃ vā tāvatakaṃ vā taṃ na suṭṭhu, taṃ na sādhu. Ahañceva kho pana tappaccayā vippaṭisārī assaṃ, na metaṃ pāpaṃ kammaṃ akataṃ bhavissatī’ti. So iti paṭisaṅkhāya tañceva kāmesumicchācāraṃ pajahati, āyatiñca kāmesumicchācārā paṭivirato hoti. Evametassa pāpassa kammassa pahānaṃ hoti. Evametassa pāpassa kammassa samatikkamo hoti.
‘‘‘бхаг̇аваа ко бана анзгабарияааязна мусааваад̣̇ам̣ г̇арахад̇и виг̇арахад̇и, мусааваад̣̇аа вирамат̇аад̇и жааха. ад̇т̇и ко бана маяаа мусаа бхан̣ид̇ам̣ яаавад̇агам̣ ваа д̇аавад̇агам̣ ваа. яам̣ ко бана маяаа мусаа бхан̣ид̇ам̣ яаавад̇агам̣ ваа д̇аавад̇агам̣ ваа д̇ам̣ на судту, д̇ам̣ на саад̇ху. ахан̃жзва ко бана д̇аббажжаяаа виббадисаарий ассам̣, на мзд̇ам̣ баабам̣ гаммам̣ агад̇ам̣ бхависсад̇ий’д̇и. со ид̇и бадисан̇кааяа д̇ан̃жзва мусааваад̣̇ам̣ баж̇ахад̇и, ааяад̇ин̃жа мусааваад̣̇аа бадивирад̇о ход̇и. звамзд̇асса баабасса гаммасса бахаанам̣ ход̇и. звамзд̇асса баабасса гаммасса самад̇иггамо ход̇и.
‘‘‘Bhagavā kho pana anekapariyāyena musāvādaṃ garahati vigarahati, musāvādā viramathāti cāha. Atthi kho pana mayā musā bhaṇitaṃ yāvatakaṃ vā tāvatakaṃ vā. Yaṃ kho pana mayā musā bhaṇitaṃ yāvatakaṃ vā tāvatakaṃ vā taṃ na suṭṭhu, taṃ na sādhu. Ahañceva kho pana tappaccayā vippaṭisārī assaṃ, na metaṃ pāpaṃ kammaṃ akataṃ bhavissatī’ti. So iti paṭisaṅkhāya tañceva musāvādaṃ pajahati, āyatiñca musāvādā paṭivirato hoti. Evametassa pāpassa kammassa pahānaṃ hoti. Evametassa pāpassa kammassa samatikkamo hoti.
‘‘со баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и. ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и. гаамзсумижчаажаарам̣ бахааяа гаамзсумижчаажаараа бадивирад̇о ход̇и. мусааваад̣̇ам̣ бахааяа мусааваад̣̇аа бадивирад̇о ход̇и. бисун̣ам̣ ваажам̣ бахааяа бисун̣ааяа ваажааяа бадивирад̇о ход̇и. парусам̣ ваажам̣ бахааяа парусааяа ваажааяа бадивирад̇о ход̇и. сампаббалаабам̣ бахааяа сампаббалаабаа бадивирад̇о ход̇и. абхиж̇жхам̣ бахааяа анабхиж̇жхаалу ход̇и. б̣яаабаад̣̇аббад̣̇осам̣ бахааяа аб̣яаабаннажид̇д̇о ход̇и. мижчаад̣̇идтим̣ бахааяа саммаад̣̇идтиго ход̇и.
‘‘So pāṇātipātaṃ pahāya pāṇātipātā paṭivirato hoti. Adinnādānaṃ pahāya adinnādānā paṭivirato hoti. Kāmesumicchācāraṃ pahāya kāmesumicchācārā paṭivirato hoti. Musāvādaṃ pahāya musāvādā paṭivirato hoti. Pisuṇaṃ vācaṃ pahāya pisuṇāya vācāya paṭivirato hoti. Pharusaṃ vācaṃ pahāya pharusāya vācāya paṭivirato hoti. Samphappalāpaṃ pahāya samphappalāpā paṭivirato hoti. Abhijjhaṃ pahāya anabhijjhālu hoti. Byāpādappadosaṃ pahāya abyāpannacitto hoti. Micchādiṭṭhiṃ pahāya sammādiṭṭhiko hoti.
‘‘са ко со, г̇ааман̣и, арияасааваго звам̣ виг̇ад̇аабхиж̇жхо виг̇ад̇аб̣яаабаад̣̇о асаммуул̣хо самбаж̇аано бадиссад̇о мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. сзяяат̇ааби, г̇ааман̣и, б̣алаваа сан̇кад̇хамо аббагасирзнзва жад̇уд̣̇д̣̇исаа вин̃н̃аабзяяа; звамзва ко, г̇ааман̣и, звам̣ бхаавид̇ааяа мзд̇д̇ааяа жзд̇овимуд̇д̇ияаа звам̣ б̣ахулийгад̇ааяа яам̣ бамаан̣агад̇ам̣ гаммам̣, на д̇ам̣ д̇ад̇раавасиссад̇и, на д̇ам̣ д̇ад̇раавад̇идтад̇и.
‘‘Sa kho so, gāmaṇi, ariyasāvako evaṃ vigatābhijjho vigatabyāpādo asammūḷho sampajāno paṭissato mettāsahagatena cetasā ekaṃ disaṃ pharitvā viharati, tathā dutiyaṃ, tathā tatiyaṃ, tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena pharitvā viharati. Seyyathāpi, gāmaṇi, balavā saṅkhadhamo appakasireneva catuddisā viññāpeyya; evameva kho, gāmaṇi, evaṃ bhāvitāya mettāya cetovimuttiyā evaṃ bahulīkatāya yaṃ pamāṇakataṃ kammaṃ, na taṃ tatrāvasissati, na taṃ tatrāvatiṭṭhati.
‘‘са ко со, г̇ааман̣и, арияасааваго звам̣ виг̇ад̇аабхиж̇жхо виг̇ад̇аб̣яаабаад̣̇о асаммуул̣хо самбаж̇аано бадиссад̇о гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз…. убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. сзяяат̇ааби, г̇ааман̣и, б̣алаваа сан̇кад̇хамо аббагасирзнзва жад̇уд̣̇д̣̇исаа вин̃н̃аабзяяа; звамзва ко, г̇ааман̣и, звам̣ бхаавид̇ааяа убзгкааяа жзд̇овимуд̇д̇ияаа звам̣ б̣ахулийгад̇ааяа яам̣ бамаан̣агад̇ам̣ гаммам̣ на д̇ам̣ д̇ад̇раавасиссад̇и, на д̇ам̣ д̇ад̇раавад̇идтад̇ий’’д̇и. звам̣ вуд̇д̇з, асиб̣анд̇хагабуд̇д̇о г̇ааман̣и бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з, абхигганд̇ам̣, бханд̇з…бз… убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. адтамам̣.
‘‘Sa kho so, gāmaṇi, ariyasāvako evaṃ vigatābhijjho vigatabyāpādo asammūḷho sampajāno paṭissato karuṇāsahagatena cetasā…pe… muditāsahagatena cetasā…pe…. Upekkhāsahagatena cetasā ekaṃ disaṃ pharitvā viharati, tathā dutiyaṃ, tathā tatiyaṃ, tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā viharati. Seyyathāpi, gāmaṇi, balavā saṅkhadhamo appakasireneva catuddisā viññāpeyya; evameva kho, gāmaṇi, evaṃ bhāvitāya upekkhāya cetovimuttiyā evaṃ bahulīkatāya yaṃ pamāṇakataṃ kammaṃ na taṃ tatrāvasissati, na taṃ tatrāvatiṭṭhatī’’ti. Evaṃ vutte, asibandhakaputto gāmaṇi bhagavantaṃ etadavoca – ‘‘abhikkantaṃ, bhante, abhikkantaṃ, bhante…pe… upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. сан̇кад̇хамасуд̇д̇аван̣н̣анаа • 8. Saṅkhadhamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. сан̇кад̇хамасуд̇д̇аван̣н̣анаа • 8. Saṅkhadhamasuttavaṇṇanā
