| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. сан̇кад̇хамасуд̇д̇аван̣н̣анаа
8. Saṅkhadhamasuttavaṇṇanā
360. ‘‘яо гожи бурисо баан̣аад̇ибаад̇ий мусааваад̣̇ий, саб̣б̣о со аабааяиго’’д̇и вад̇ваа буна ‘‘яам̣б̣ахулам̣ яам̣б̣ахулам̣ гарод̇и, д̇зна д̣̇уг̇г̇ад̇им̣ г̇ажчад̇ий’’д̇и вад̣̇анд̇о ад̇д̇анаава ад̇д̇ано ваад̣̇ам̣ бхинд̣̇ад̇и. звам̣ санд̇зд̇и яад̣̇и б̣ахусо гад̇зна баабагаммзна аабааяиго, ‘‘яо гожи баан̣амад̇ибаад̇зд̇ий’’д̇иаад̣̇иважанам̣ мижчаад̇и. жад̇д̇аари бад̣̇аанийд̇и ‘‘яо гожи баан̣амад̇ибаад̇зд̇ий’’д̇иаад̣̇инаа наязна вуд̇д̇аа жад̇д̇ааро ад̇т̇агодтаасаа. д̣̇идтияаа бажжаяаа хонд̇и ‘‘ад̇т̇и ко бана маяаа’’д̇иаад̣̇инаа аяонисо уммуж̇ж̇анд̇асса. б̣аласамбаннод̇и самад̇т̇о. сан̇кад̇хамагод̇и сан̇касса д̇хаманагижжз чзго. ад̣̇угкзнаад̇и сукзна. убажаароби аббанааби ваддад̇и убхиннам̣ сааман̃н̃аважанабхаавад̇о. аббамаан̣агад̇абхааво лаб̣бхад̇зва. д̇ат̇аа хи д̇ам̣ гилзсаанам̣ вигкамбханасамад̇т̇ад̇ааяа д̣̇ийгхасанд̇аанад̇ааяа вибулапалад̇ааяа жа ‘‘махаг̇г̇ад̇а’’нд̇и вужжад̇и.
360. ‘‘Yo koci puriso pāṇātipātī musāvādī, sabbo so āpāyiko’’ti vatvā puna ‘‘yaṃbahulaṃ yaṃbahulaṃ karoti, tena duggatiṃ gacchatī’’ti vadanto attanāva attano vādaṃ bhindati. Evaṃ santeti yadi bahuso katena pāpakammena āpāyiko, ‘‘yo koci pāṇamatipātetī’’tiādivacanaṃ micchāti. Cattāri padānīti ‘‘yo koci pāṇamatipātetī’’tiādinā nayena vuttā cattāro atthakoṭṭhāsā. Diṭṭhiyā paccayā honti ‘‘atthi kho pana mayā’’tiādinā ayoniso ummujjantassa. Balasampannoti samattho. Saṅkhadhamakoti saṅkhassa dhamanakicce cheko. Adukkhenāti sukhena. Upacāropi appanāpi vaṭṭati ubhinnaṃ sāmaññavacanabhāvato. Appamāṇakatabhāvo labbhateva. Tathā hi taṃ kilesānaṃ vikkhambhanasamatthatāya dīghasantānatāya vipulaphalatāya ca ‘‘mahaggata’’nti vuccati.
на охийяад̇ийд̇и яасмим̣ санд̇аанз гаамааважарагаммам̣, махаг̇г̇ад̇агамман̃жа гад̇уубажид̇ам̣ вибаагад̣̇аанз лад̣̇д̇хаавасарам̣ худ̇ваа тид̇ам̣, д̇зсу гаамааважарагаммам̣ ид̇арам̣ нийхарид̇ваа саяам̣ д̇ад̇т̇а охийяид̇ваа ад̇д̇ано вибаагам̣ д̣̇аад̇ум̣ на саггод̇и, махаг̇г̇ад̇агаммамзва бана ид̇арам̣ бадиб̣аахид̇ваа ад̇д̇ано вибаагам̣ д̣̇аад̇ум̣ саггод̇и г̇арубхаавад̇о. д̇знааха ‘‘д̇ам̣ гаамааважарагамма’’нд̇иаад̣̇и. гилзсавасзнаад̇и баабагаммасса муулабхууд̇агилзсавасзна. баан̣аад̇ибаад̇аад̣̇аяо хи д̣̇осамохалобхаад̣̇имуулагилзсасамудтаанаа. гилзсавасзнаад̇и ваа гаммагилзсавасзна. вуд̇д̇ан̃хзд̇ам̣ – ‘‘баан̣аад̇ибаад̇о ко, г̇ахабад̇ибуд̇д̇а, гаммагилзсо’’д̇иаад̣̇и (д̣̇ий. ни. 3.245). яат̇аанусанд̇хинаава г̇ад̇анд̇и яат̇аанусанд̇хисан̇каад̇аанусанд̇хинаа осаанам̣ г̇ад̇ам̣ сам̣гилзсасаммукзна удтид̇ааяа вод̣̇аанад̇хаммавасзна нидтаабид̇ад̇д̇аа.
Na ohīyatīti yasmiṃ santāne kāmāvacarakammaṃ, mahaggatakammañca katūpacitaṃ vipākadāne laddhāvasaraṃ hutvā ṭhitaṃ, tesu kāmāvacarakammaṃ itaraṃ nīharitvā sayaṃ tattha ohīyitvā attano vipākaṃ dātuṃ na sakkoti, mahaggatakammameva pana itaraṃ paṭibāhitvā attano vipākaṃ dātuṃ sakkoti garubhāvato. Tenāha ‘‘taṃ kāmāvacarakamma’’ntiādi. Kilesavasenāti pāpakammassa mūlabhūtakilesavasena. Pāṇātipātādayo hi dosamohalobhādimūlakilesasamuṭṭhānā. Kilesavasenāti vā kammakilesavasena. Vuttañhetaṃ – ‘‘pāṇātipāto kho, gahapatiputta, kammakileso’’tiādi (dī. ni. 3.245). Yathānusandhināva gatanti yathānusandhisaṅkhātaanusandhinā osānaṃ gataṃ saṃkilesasammukhena uṭṭhitāya vodānadhammavasena niṭṭhāpitattā.
сан̇кад̇хамасуд̇д̇аван̣н̣анаа нидтид̇аа.
Saṅkhadhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. сан̇кад̇хамасуд̇д̇ам̣ • 8. Saṅkhadhamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. сан̇кад̇хамасуд̇д̇аван̣н̣анаа • 8. Saṅkhadhamasuttavaṇṇanā
