| Library / Tipiṭaka / तिपिटक • Tipiṭaka / जातकपाळि • Jātakapāḷi |
४४२. सङ्खजातकं (४)
442. Saṅkhajātakaṃ (4)
३९.
39.
बहुस्सुतो सुतधम्मोसि सङ्ख, दिट्ठा तया समणब्राह्मणा च।
Bahussuto sutadhammosi saṅkha, diṭṭhā tayā samaṇabrāhmaṇā ca;
अथक्खणे दस्सयसे विलापं, अञ्ञो नु को ते पटिमन्तको मया॥
Athakkhaṇe dassayase vilāpaṃ, añño nu ko te paṭimantako mayā.
४०.
40.
सुब्भू 1 सुभा सुप्पटिमुक्ककम्बु, पग्गय्ह सोवण्णमयाय पातिया।
Subbhū 2 subhā suppaṭimukkakambu, paggayha sovaṇṇamayāya pātiyā;
‘‘भुञ्जस्सु भत्तं’’ इति मं वदेति, सद्धावित्ता 3, तमहं नोति ब्रूमि॥
‘‘Bhuñjassu bhattaṃ’’ iti maṃ vadeti, saddhāvittā 4, tamahaṃ noti brūmi.
४१.
41.
उट्ठेहि नं पञ्जलिकाभिपुच्छ, देवी नुसि त्वं उद मानुसी नु॥
Uṭṭhehi naṃ pañjalikābhipuccha, devī nusi tvaṃ uda mānusī nu.
४२.
42.
यं त्वं सुखेनाभिसमेक्खसे मं, भुञ्जस्सु भत्तं इति मं वदेसि।
Yaṃ tvaṃ sukhenābhisamekkhase maṃ, bhuñjassu bhattaṃ iti maṃ vadesi;
पुच्छामि तं नारि महानुभावे, देवी नुसि त्वं उद मानुसी नु॥
Pucchāmi taṃ nāri mahānubhāve, devī nusi tvaṃ uda mānusī nu.
४३.
43.
देवी अहं सङ्ख महानुभावा, इधागता सागरवारिमज्झे।
Devī ahaṃ saṅkha mahānubhāvā, idhāgatā sāgaravārimajjhe;
अनुकम्पिका नो च पदुट्ठचित्ता, तवेव अत्थाय इधागतास्मि॥
Anukampikā no ca paduṭṭhacittā, taveva atthāya idhāgatāsmi.
४४.
44.
इधन्नपानं सयनासनञ्च, यानानि नानाविविधानि सङ्ख।
Idhannapānaṃ sayanāsanañca, yānāni nānāvividhāni saṅkha;
सब्बस्स त्याहं पटिपादयामि, यं किञ्चि तुय्हं मनसाभिपत्थितं॥
Sabbassa tyāhaṃ paṭipādayāmi, yaṃ kiñci tuyhaṃ manasābhipatthitaṃ.
४५.
45.
यं किञ्चि यिट्ठञ्च हुतञ्च 9 मय्हं, सब्बस्स नो इस्सरा त्वं सुगत्ते।
Yaṃ kiñci yiṭṭhañca hutañca 10 mayhaṃ, sabbassa no issarā tvaṃ sugatte;
४६.
46.
घम्मे पथे ब्राह्मण एकभिक्खुं, उग्घट्टपादं तसितं किलन्तं।
Ghamme pathe brāhmaṇa ekabhikkhuṃ, ugghaṭṭapādaṃ tasitaṃ kilantaṃ;
पटिपादयी सङ्ख उपाहनानि 15, सा दक्खिणा कामदुहा तवज्ज॥
Paṭipādayī saṅkha upāhanāni 16, sā dakkhiṇā kāmaduhā tavajja.
४७.
47.
सा होतु नावा फलकूपपन्ना, अनवस्सुता एरकवातयुत्ता।
Sā hotu nāvā phalakūpapannā, anavassutā erakavātayuttā;
अञ्ञस्स यानस्स न हेत्थ 17 भूमि, अज्जेव मं मोळिनिं पापयस्सु॥
Aññassa yānassa na hettha 18 bhūmi, ajjeva maṃ moḷiniṃ pāpayassu.
४८.
48.
सा तत्थ वित्ता सुमना पतीता, नावं सुचित्तं अभिनिम्मिनित्वा।
Sā tattha vittā sumanā patītā, nāvaṃ sucittaṃ abhinimminitvā;
आदाय सङ्खं पुरिसेन सद्धिं, उपानयी नगरं साधुरम्मन्ति॥
Ādāya saṅkhaṃ purisena saddhiṃ, upānayī nagaraṃ sādhurammanti.
सङ्खजातकं चतुत्थं।
Saṅkhajātakaṃ catutthaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४४२] ४. सङ्खजातकवण्णना • [442] 4. Saṅkhajātakavaṇṇanā
