| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๔๒. สงฺขชาตกํ (๔)
442. Saṅkhajātakaṃ (4)
๓๙.
39.
พหุสฺสุโต สุตธโมฺมสิ สงฺข, ทิฎฺฐา ตยา สมณพฺราหฺมณา จ;
Bahussuto sutadhammosi saṅkha, diṭṭhā tayā samaṇabrāhmaṇā ca;
อถกฺขเณ ทสฺสยเส วิลาปํ, อโญฺญ นุ โก เต ปฎิมนฺตโก มยาฯ
Athakkhaṇe dassayase vilāpaṃ, añño nu ko te paṭimantako mayā.
๔๐.
40.
สุพฺภู 1 สุภา สุปฺปฎิมุกฺกกมฺพุ, ปคฺคยฺห โสวณฺณมยาย ปาติยา;
Subbhū 2 subhā suppaṭimukkakambu, paggayha sovaṇṇamayāya pātiyā;
‘‘ภุญฺชสฺสุ ภตฺตํ’’ อิติ มํ วเทติ, สทฺธาวิตฺตา 3, ตมหํ โนติ พฺรูมิฯ
‘‘Bhuñjassu bhattaṃ’’ iti maṃ vadeti, saddhāvittā 4, tamahaṃ noti brūmi.
๔๑.
41.
อุเฎฺฐหิ นํ ปญฺชลิกาภิปุจฺฉ, เทวี นุสิ ตฺวํ อุท มานุสี นุฯ
Uṭṭhehi naṃ pañjalikābhipuccha, devī nusi tvaṃ uda mānusī nu.
๔๒.
42.
ยํ ตฺวํ สุเขนาภิสเมกฺขเส มํ, ภุญฺชสฺสุ ภตฺตํ อิติ มํ วเทสิ;
Yaṃ tvaṃ sukhenābhisamekkhase maṃ, bhuñjassu bhattaṃ iti maṃ vadesi;
ปุจฺฉามิ ตํ นาริ มหานุภาเว, เทวี นุสิ ตฺวํ อุท มานุสี นุฯ
Pucchāmi taṃ nāri mahānubhāve, devī nusi tvaṃ uda mānusī nu.
๔๓.
43.
เทวี อหํ สงฺข มหานุภาวา, อิธาคตา สาครวาริมเชฺฌ;
Devī ahaṃ saṅkha mahānubhāvā, idhāgatā sāgaravārimajjhe;
อนุกมฺปิกา โน จ ปทุฎฺฐจิตฺตา, ตเวว อตฺถาย อิธาคตาสฺมิฯ
Anukampikā no ca paduṭṭhacittā, taveva atthāya idhāgatāsmi.
๔๔.
44.
อิธนฺนปานํ สยนาสนญฺจ, ยานานิ นานาวิวิธานิ สงฺข;
Idhannapānaṃ sayanāsanañca, yānāni nānāvividhāni saṅkha;
สพฺพสฺส ตฺยาหํ ปฎิปาทยามิ, ยํ กิญฺจิ ตุยฺหํ มนสาภิปตฺถิตํฯ
Sabbassa tyāhaṃ paṭipādayāmi, yaṃ kiñci tuyhaṃ manasābhipatthitaṃ.
๔๕.
45.
ยํ กิญฺจิ ยิฎฺฐญฺจ หุตญฺจ 9 มยฺหํ, สพฺพสฺส โน อิสฺสรา ตฺวํ สุคเตฺต;
Yaṃ kiñci yiṭṭhañca hutañca 10 mayhaṃ, sabbassa no issarā tvaṃ sugatte;
๔๖.
46.
ฆเมฺม ปเถ พฺราหฺมณ เอกภิกฺขุํ, อุคฺฆฎฺฎปาทํ ตสิตํ กิลนฺตํ;
Ghamme pathe brāhmaṇa ekabhikkhuṃ, ugghaṭṭapādaṃ tasitaṃ kilantaṃ;
ปฎิปาทยี สงฺข อุปาหนานิ 15, สา ทกฺขิณา กามทุหา ตวชฺชฯ
Paṭipādayī saṅkha upāhanāni 16, sā dakkhiṇā kāmaduhā tavajja.
๔๗.
47.
สา โหตุ นาวา ผลกูปปนฺนา, อนวสฺสุตา เอรกวาตยุตฺตา;
Sā hotu nāvā phalakūpapannā, anavassutā erakavātayuttā;
อญฺญสฺส ยานสฺส น เหตฺถ 17 ภูมิ, อเชฺชว มํ โมฬินิํ ปาปยสฺสุฯ
Aññassa yānassa na hettha 18 bhūmi, ajjeva maṃ moḷiniṃ pāpayassu.
๔๘.
48.
สา ตตฺถ วิตฺตา สุมนา ปตีตา, นาวํ สุจิตฺตํ อภินิมฺมินิตฺวา;
Sā tattha vittā sumanā patītā, nāvaṃ sucittaṃ abhinimminitvā;
อาทาย สงฺขํ ปุริเสน สทฺธิํ, อุปานยี นครํ สาธุรมฺมนฺติฯ
Ādāya saṅkhaṃ purisena saddhiṃ, upānayī nagaraṃ sādhurammanti.
สงฺขชาตกํ จตุตฺถํฯ
Saṅkhajātakaṃ catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๔๒] ๔. สงฺขชาตกวณฺณนา • [442] 4. Saṅkhajātakavaṇṇanā
