| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤៤២. សង្ខជាតកំ (៤)
442. Saṅkhajātakaṃ (4)
៣៩.
39.
ពហុស្សុតោ សុតធម្មោសិ សង្ខ, ទិដ្ឋា តយា សមណព្រាហ្មណា ច;
Bahussuto sutadhammosi saṅkha, diṭṭhā tayā samaṇabrāhmaṇā ca;
អថក្ខណេ ទស្សយសេ វិលាបំ, អញ្ញោ នុ កោ តេ បដិមន្តកោ មយា។
Athakkhaṇe dassayase vilāpaṃ, añño nu ko te paṭimantako mayā.
៤០.
40.
សុព្ភូ 1 សុភា សុប្បដិមុក្កកម្ពុ, បគ្គយ្ហ សោវណ្ណមយាយ បាតិយា;
Subbhū 2 subhā suppaṭimukkakambu, paggayha sovaṇṇamayāya pātiyā;
‘‘ភុញ្ជស្សុ ភត្តំ’’ ឥតិ មំ វទេតិ, សទ្ធាវិត្តា 3, តមហំ នោតិ ព្រូមិ។
‘‘Bhuñjassu bhattaṃ’’ iti maṃ vadeti, saddhāvittā 4, tamahaṃ noti brūmi.
៤១.
41.
ឧដ្ឋេហិ នំ បញ្ជលិកាភិបុច្ឆ, ទេវី នុសិ ត្វំ ឧទ មានុសី នុ។
Uṭṭhehi naṃ pañjalikābhipuccha, devī nusi tvaṃ uda mānusī nu.
៤២.
42.
យំ ត្វំ សុខេនាភិសមេក្ខសេ មំ, ភុញ្ជស្សុ ភត្តំ ឥតិ មំ វទេសិ;
Yaṃ tvaṃ sukhenābhisamekkhase maṃ, bhuñjassu bhattaṃ iti maṃ vadesi;
បុច្ឆាមិ តំ នារិ មហានុភាវេ, ទេវី នុសិ ត្វំ ឧទ មានុសី នុ។
Pucchāmi taṃ nāri mahānubhāve, devī nusi tvaṃ uda mānusī nu.
៤៣.
43.
ទេវី អហំ សង្ខ មហានុភាវា, ឥធាគតា សាគរវារិមជ្ឈេ;
Devī ahaṃ saṅkha mahānubhāvā, idhāgatā sāgaravārimajjhe;
អនុកម្បិកា នោ ច បទុដ្ឋចិត្តា, តវេវ អត្ថាយ ឥធាគតាស្មិ។
Anukampikā no ca paduṭṭhacittā, taveva atthāya idhāgatāsmi.
៤៤.
44.
ឥធន្នបានំ សយនាសនញ្ច, យានានិ នានាវិវិធានិ សង្ខ;
Idhannapānaṃ sayanāsanañca, yānāni nānāvividhāni saṅkha;
សព្ពស្ស ត្យាហំ បដិបាទយាមិ, យំ កិញ្ចិ តុយ្ហំ មនសាភិបត្ថិតំ។
Sabbassa tyāhaṃ paṭipādayāmi, yaṃ kiñci tuyhaṃ manasābhipatthitaṃ.
៤៥.
45.
យំ កិញ្ចិ យិដ្ឋញ្ច ហុតញ្ច 9 មយ្ហំ, សព្ពស្ស នោ ឥស្សរា ត្វំ សុគត្តេ;
Yaṃ kiñci yiṭṭhañca hutañca 10 mayhaṃ, sabbassa no issarā tvaṃ sugatte;
៤៦.
46.
ឃម្មេ បថេ ព្រាហ្មណ ឯកភិក្ខុំ, ឧគ្ឃដ្ដបាទំ តសិតំ កិលន្តំ;
Ghamme pathe brāhmaṇa ekabhikkhuṃ, ugghaṭṭapādaṃ tasitaṃ kilantaṃ;
បដិបាទយី សង្ខ ឧបាហនានិ 15, សា ទក្ខិណា កាមទុហា តវជ្ជ។
Paṭipādayī saṅkha upāhanāni 16, sā dakkhiṇā kāmaduhā tavajja.
៤៧.
47.
សា ហោតុ នាវា ផលកូបបន្នា, អនវស្សុតា ឯរកវាតយុត្តា;
Sā hotu nāvā phalakūpapannā, anavassutā erakavātayuttā;
អញ្ញស្ស យានស្ស ន ហេត្ថ 17 ភូមិ, អជ្ជេវ មំ មោឡិនិំ បាបយស្សុ។
Aññassa yānassa na hettha 18 bhūmi, ajjeva maṃ moḷiniṃ pāpayassu.
៤៨.
48.
សា តត្ថ វិត្តា សុមនា បតីតា, នាវំ សុចិត្តំ អភិនិម្មិនិត្វា;
Sā tattha vittā sumanā patītā, nāvaṃ sucittaṃ abhinimminitvā;
អាទាយ សង្ខំ បុរិសេន សទ្ធិំ, ឧបានយី នគរំ សាធុរម្មន្តិ។
Ādāya saṅkhaṃ purisena saddhiṃ, upānayī nagaraṃ sādhurammanti.
សង្ខជាតកំ ចតុត្ថំ។
Saṅkhajātakaṃ catutthaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៤២] ៤. សង្ខជាតកវណ្ណនា • [442] 4. Saṅkhajātakavaṇṇanā
