| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[442] 4. сан̇каж̇аад̇агаван̣н̣анаа
[442] 4. Saṅkhajātakavaṇṇanā
б̣ахуссуд̇од̇и ид̣̇ам̣ сад̇т̇аа ж̇зд̇аванз вихаранд̇о саб̣б̣абаригкаарад̣̇аанам̣ аараб̣бха гат̇зси. саавад̇т̇ияам̣ гирзго убаасаго д̇ат̇ааг̇ад̇асса д̇хаммад̣̇зсанам̣ суд̇ваа басаннажид̇д̇о сваад̇анааяа ниманд̇зд̇ваа ад̇д̇ано гхарад̣̇ваарз ман̣д̣абам̣ гаарзд̇ваа алан̇гарид̇ваа бунад̣̇ивасз д̇ат̇ааг̇ад̇асса гаалам̣ аарожаабзси. сад̇т̇аа бан̃жасад̇абхигкубаривааро д̇ад̇т̇а г̇анд̇ваа бан̃н̃ад̇д̇з аасанз нисийд̣̇и. убаасаго сабуд̇д̇ад̣̇ааро сабариж̇ано б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа буна сваад̇анааяаад̇и звам̣ сад̇д̇аахам̣ ниманд̇зд̇ваа махаад̣̇аанам̣ бавад̇д̇зд̇ваа сад̇д̇амз д̣̇ивасз саб̣б̣абаригкаарам̣ ад̣̇ааси. д̇ам̣ бана д̣̇ад̣̇амаано убааханад̣̇аанам̣ уссаннам̣ гад̇ваа ад̣̇ааси. д̣̇асаб̣аласса д̣̇инно убааханасан̇гхаадо сахассаг̇гханаго ахоси, д̣̇виннам̣ аг̇г̇асаавагаанам̣ бан̃жасад̇аг̇гханаго, сзсаанам̣ бан̃жаннам̣ бхигкусад̇аанам̣ сад̇аг̇гханаго. ид̇и со саб̣б̣абаригкаарад̣̇аанам̣ д̣̇ад̇ваа ад̇д̇ано барисааяа сад̣̇д̇хим̣ бхаг̇авад̇о санд̇игз нисийд̣̇и. ат̇асса сад̇т̇аа мад̇хурзна сарзна анумод̣̇анам̣ гаронд̇о ‘‘убаасага, ул̣аарам̣ д̇з саб̣б̣абаригкаарад̣̇аанам̣, ад̇д̇амано хохи, буб̣б̣з ануббаннз б̣уд̣̇д̇хз бажжзгаб̣уд̣̇д̇хасса згам̣ убааханасан̇гхаадам̣ д̣̇ад̇ваа наавааяа бхиннааяа аббад̇идтз махаасамуд̣̇д̣̇зби убааханад̣̇аананиссанд̣̇зна бад̇идтам̣ лабхим̣су, д̇вам̣ бана б̣уд̣̇д̇хаббамукасса бхигкусан̇гхасса саб̣б̣абаригкаарад̣̇аанам̣ ад̣̇ааси, д̇асса д̇з убааханад̣̇аанасса палам̣ гасмаа на бад̇идтаа бхависсад̇ий’’д̇и вад̇ваа д̇зна яаажид̇о ад̇ийд̇ам̣ аахари.
Bahussutoti idaṃ satthā jetavane viharanto sabbaparikkhāradānaṃ ārabbha kathesi. Sāvatthiyaṃ kireko upāsako tathāgatassa dhammadesanaṃ sutvā pasannacitto svātanāya nimantetvā attano gharadvāre maṇḍapaṃ kāretvā alaṅkaritvā punadivase tathāgatassa kālaṃ ārocāpesi. Satthā pañcasatabhikkhuparivāro tattha gantvā paññatte āsane nisīdi. Upāsako saputtadāro saparijano buddhappamukhassa bhikkhusaṅghassa mahādānaṃ datvā puna svātanāyāti evaṃ sattāhaṃ nimantetvā mahādānaṃ pavattetvā sattame divase sabbaparikkhāraṃ adāsi. Taṃ pana dadamāno upāhanadānaṃ ussannaṃ katvā adāsi. Dasabalassa dinno upāhanasaṅghāṭo sahassagghanako ahosi, dvinnaṃ aggasāvakānaṃ pañcasatagghanako, sesānaṃ pañcannaṃ bhikkhusatānaṃ satagghanako. Iti so sabbaparikkhāradānaṃ datvā attano parisāya saddhiṃ bhagavato santike nisīdi. Athassa satthā madhurena sarena anumodanaṃ karonto ‘‘upāsaka, uḷāraṃ te sabbaparikkhāradānaṃ, attamano hohi, pubbe anuppanne buddhe paccekabuddhassa ekaṃ upāhanasaṅghāṭaṃ datvā nāvāya bhinnāya appatiṭṭhe mahāsamuddepi upāhanadānanissandena patiṭṭhaṃ labhiṃsu, tvaṃ pana buddhappamukhassa bhikkhusaṅghassa sabbaparikkhāradānaṃ adāsi, tassa te upāhanadānassa phalaṃ kasmā na patiṭṭhā bhavissatī’’ti vatvā tena yācito atītaṃ āhari.
ад̇ийд̇з аяам̣ б̣аараан̣асий мол̣иний наама ахоси. мол̣ининаг̇арз б̣рахмад̣̇ад̇д̇з раж̇ж̇ам̣ гаарзнд̇з сан̇ко наама б̣раахман̣о ад̣дхо махад̣̇д̇хано махаабхог̇о бахууд̇авид̇д̇убагаран̣о бахууд̇ад̇ханад̇хан̃н̃асуван̣н̣араж̇ад̇о жад̇уусу наг̇арад̣̇ваарзсу наг̇арамаж̇жхз нивзсанад̣̇ваарз жаад̇и часу таанзсу ча д̣̇аанасаалааяо гаарзд̇ваа д̣̇звасигам̣ часад̇асахассаани виссаж̇ж̇знд̇о габан̣ад̣̇д̇хигаанам̣ махаад̣̇аанам̣ бавад̇д̇зси. со згад̣̇ивасам̣ жинд̇зси ‘‘ахам̣ г̇зхз д̇ханз кийн̣з д̣̇аад̇ум̣ на сагкиссаами, абаригкийн̣зязва д̇ханз наавааяа суван̣н̣абхуумим̣ г̇анд̇ваа д̇ханам̣ аахариссаамий’’д̇и. со наавам̣ б̣анд̇хаабзд̇ваа бхан̣д̣асса буураабзд̇ваа буд̇д̇ад̣̇аарам̣ ааманд̇зд̇ваа ‘‘яааваахам̣ ааг̇ажчаами , д̇аава мз д̣̇аанам̣ анубажчинд̣̇ид̇ваа бавад̇д̇зяяаат̇аа’’д̇и вад̇ваа д̣̇аасагаммагарабаривуд̇о чад̇д̇ам̣ аад̣̇ааяа убааханам̣ ааруяха маж̇жханхигасамаяз бадданаг̇аамаабхимуко бааяааси. д̇асмим̣ кан̣з г̇анд̇хамаад̣̇анз зго бажжзгаб̣уд̣̇д̇хо ааваж̇ж̇зд̇ваа д̇ам̣ д̇ханаахаран̣ад̇т̇ааяа г̇ажчанд̇ам̣ д̣̇исваа ‘‘махаабурисо д̇ханам̣ аахарид̇ум̣ г̇ажчад̇и, бхависсад̇и ну ко асса самуд̣̇д̣̇з анд̇арааяо, но’’д̇и ааваж̇ж̇зд̇ваа ‘‘бхависсад̇ий’’д̇и н̃ад̇ваа ‘‘зса мам̣ д̣̇исваа чад̇д̇ан̃жа убааханан̃жа маяхам̣ д̣̇ад̇ваа убааханад̣̇аананиссанд̣̇зна самуд̣̇д̣̇з бхиннааяа наавааяа бад̇идтам̣ лабхиссад̇и, гариссаамисса ануг̇г̇аха’’нд̇и аагаасзнааг̇анд̇ваа д̇ассаавид̣̇уурз од̇арид̇ваа жан̣д̣аваад̇аад̇абз ан̇г̇аарасант̇арасад̣̇исам̣ ун̣хаваалугам̣ мад̣̇д̣̇анд̇о д̇асса абхимуко ааг̇ажчи.
Atīte ayaṃ bārāṇasī moḷinī nāma ahosi. Moḷininagare brahmadatte rajjaṃ kārente saṅkho nāma brāhmaṇo aḍḍho mahaddhano mahābhogo pahūtavittupakaraṇo pahūtadhanadhaññasuvaṇṇarajato catūsu nagaradvāresu nagaramajjhe nivesanadvāre cāti chasu ṭhānesu cha dānasālāyo kāretvā devasikaṃ chasatasahassāni vissajjento kapaṇaddhikānaṃ mahādānaṃ pavattesi. So ekadivasaṃ cintesi ‘‘ahaṃ gehe dhane khīṇe dātuṃ na sakkhissāmi, aparikkhīṇeyeva dhane nāvāya suvaṇṇabhūmiṃ gantvā dhanaṃ āharissāmī’’ti. So nāvaṃ bandhāpetvā bhaṇḍassa pūrāpetvā puttadāraṃ āmantetvā ‘‘yāvāhaṃ āgacchāmi , tāva me dānaṃ anupacchinditvā pavatteyyāthā’’ti vatvā dāsakammakaraparivuto chattaṃ ādāya upāhanaṃ āruyha majjhanhikasamaye paṭṭanagāmābhimukho pāyāsi. Tasmiṃ khaṇe gandhamādane eko paccekabuddho āvajjetvā taṃ dhanāharaṇatthāya gacchantaṃ disvā ‘‘mahāpuriso dhanaṃ āharituṃ gacchati, bhavissati nu kho assa samudde antarāyo, no’’ti āvajjetvā ‘‘bhavissatī’’ti ñatvā ‘‘esa maṃ disvā chattañca upāhanañca mayhaṃ datvā upāhanadānanissandena samudde bhinnāya nāvāya patiṭṭhaṃ labhissati, karissāmissa anuggaha’’nti ākāsenāgantvā tassāvidūre otaritvā caṇḍavātātape aṅgārasantharasadisaṃ uṇhavālukaṃ maddanto tassa abhimukho āgacchi.
со д̇ам̣ д̣̇исваава ‘‘бун̃н̃агкзд̇д̇ам̣ мз ааг̇ад̇ам̣, аж̇ж̇а маяаа зд̇т̇а д̣̇аанаб̣ийж̇ам̣ робзд̇ум̣ ваддад̇ий’’д̇и д̇удтажид̇д̇о взг̇зна д̇ам̣ убасан̇гамид̇ваа ванд̣̇ид̇ваа ‘‘бханд̇з, маяхам̣ ануг̇г̇ахад̇т̇ааяа т̇огам̣ маг̇г̇аа оггамма имам̣ ругкамуулам̣ убасан̇гамат̇аа’’д̇и вад̇ваа д̇асмим̣ ругкамуулам̣ убасан̇гаманд̇з ругкамуулз ваалугам̣ уссаабзд̇ваа уд̇д̇араасан̇г̇ам̣ бан̃н̃абзд̇ваа бажжзгаб̣уд̣̇д̇хам̣ нисийд̣̇аабзд̇ваа ванд̣̇ид̇ваа ваасид̇абариссаавид̇зна уд̣̇агзна баад̣̇з д̇ховид̇ваа г̇анд̇хад̇злзна магкзд̇ваа ад̇д̇ано убааханаа омун̃жид̇ваа бабподзд̇ваа г̇анд̇хад̇злзна магкзд̇ваа д̇асса баад̣̇зсу бадимун̃жид̇ваа ‘‘бханд̇з, имаа убааханаа ааруяха чад̇д̇ам̣ мад̇т̇агз гад̇ваа г̇ажчат̇аа’’д̇и чад̇д̇убааханам̣ ад̣̇ааси. со асса ануг̇г̇ахад̇т̇ааяа д̇ам̣ г̇ахзд̇ваа басаад̣̇асам̣вад̣дханад̇т̇ам̣ бассанд̇ассзвасса уббад̇ид̇ваа г̇анд̇хамаад̣̇анамзва аг̇амааси. б̣од̇хисад̇д̇оби д̇ам̣ д̣̇исваа ад̇ивияа басаннажид̇д̇о бадданам̣ г̇анд̇ваа наавам̣ абхирухи. ат̇асса махаасамуд̣̇д̣̇ам̣ бадибаннасса сад̇д̇амз д̣̇ивасз нааваа виварам̣ ад̣̇ааси, уд̣̇агам̣ уссин̃жид̇ум̣ наасагким̣су. махааж̇ано маран̣абхаяабхийд̇о ад̇д̇ано ад̇д̇ано д̣̇звад̇аа намассид̇ваа махаавиравам̣ вирави. махаасад̇д̇о згам̣ убадтаагам̣ г̇ахзд̇ваа сагаласарийрам̣ д̇злзна магкзд̇ваа саббинаа сад̣̇д̇хим̣ сагкаражун̣н̣ам̣ яаавад̣̇ад̇т̇ам̣ каад̣̇ид̇ваа д̇амби каад̣̇аабзд̇ваа д̇зна сад̣̇д̇хим̣ гуубагаяадтимад̇т̇агам̣ ааруяха ‘‘имааяа д̣̇исааяа амхаагам̣ наг̇ара’’нд̇и д̣̇исам̣ вавад̇т̇абзд̇ваа мажчагажчабабарибант̇ад̇о ад̇д̇аанам̣ можзнд̇о д̇зна сад̣̇д̇хим̣ усабхамад̇д̇ам̣ ад̇иггамид̇ваа бад̇и. махааж̇ано винаасам̣ баабун̣и. махаасад̇д̇о бана убадтаагзна сад̣̇д̇хим̣ самуд̣̇д̣̇ам̣ д̇арид̇ум̣ аарабхи. д̇асса д̇аранд̇ассзва сад̇д̇амо д̣̇ивасо ж̇аад̇о. со д̇асмимби гаалз лон̣од̣̇агзна мукам̣ вигкаалзд̇ваа убосат̇иго ахосиязва.
So taṃ disvāva ‘‘puññakkhettaṃ me āgataṃ, ajja mayā ettha dānabījaṃ ropetuṃ vaṭṭatī’’ti tuṭṭhacitto vegena taṃ upasaṅkamitvā vanditvā ‘‘bhante, mayhaṃ anuggahatthāya thokaṃ maggā okkamma imaṃ rukkhamūlaṃ upasaṅkamathā’’ti vatvā tasmiṃ rukkhamūlaṃ upasaṅkamante rukkhamūle vālukaṃ ussāpetvā uttarāsaṅgaṃ paññapetvā paccekabuddhaṃ nisīdāpetvā vanditvā vāsitaparissāvitena udakena pāde dhovitvā gandhatelena makkhetvā attano upāhanā omuñcitvā papphoṭetvā gandhatelena makkhetvā tassa pādesu paṭimuñcitvā ‘‘bhante, imā upāhanā āruyha chattaṃ matthake katvā gacchathā’’ti chattupāhanaṃ adāsi. So assa anuggahatthāya taṃ gahetvā pasādasaṃvaḍḍhanatthaṃ passantassevassa uppatitvā gandhamādanameva agamāsi. Bodhisattopi taṃ disvā ativiya pasannacitto paṭṭanaṃ gantvā nāvaṃ abhiruhi. Athassa mahāsamuddaṃ paṭipannassa sattame divase nāvā vivaraṃ adāsi, udakaṃ ussiñcituṃ nāsakkhiṃsu. Mahājano maraṇabhayabhīto attano attano devatā namassitvā mahāviravaṃ viravi. Mahāsatto ekaṃ upaṭṭhākaṃ gahetvā sakalasarīraṃ telena makkhetvā sappinā saddhiṃ sakkharacuṇṇaṃ yāvadatthaṃ khāditvā tampi khādāpetvā tena saddhiṃ kūpakayaṭṭhimatthakaṃ āruyha ‘‘imāya disāya amhākaṃ nagara’’nti disaṃ vavatthapetvā macchakacchapaparipanthato attānaṃ mocento tena saddhiṃ usabhamattaṃ atikkamitvā pati. Mahājano vināsaṃ pāpuṇi. Mahāsatto pana upaṭṭhākena saddhiṃ samuddaṃ tarituṃ ārabhi. Tassa tarantasseva sattamo divaso jāto. So tasmimpi kāle loṇodakena mukhaṃ vikkhāletvā uposathiko ahosiyeva.
д̇ад̣̇аа бана жад̇уухи логабаалзхи ман̣имзкалаа наама д̣̇звад̇хийд̇аа ‘‘сажз самуд̣̇д̣̇з наавааяа бхиннааяа д̇исаран̣аг̇ад̇аа ваа сийласамбаннаа ваа маад̇аабид̇убадтаагаа ваа мануссаа д̣̇угкаббад̇д̇аа хонд̇и, д̇з рагкзяяаасий’’д̇и самуд̣̇д̣̇з аарагкан̣ад̇т̇ааяа табид̇аа ход̇и. саа ад̇д̇ано иссариязна сад̇д̇аахаманубхавид̇ваа бамаж̇ж̇ид̇ваа сад̇д̇амз д̣̇ивасз самуд̣̇д̣̇ам̣ ологзнд̇ий сийлаажаарасам̣яуд̇д̇ам̣ сан̇каб̣раахман̣ам̣ д̣̇исваа ‘‘имасса сад̇д̇амо д̣̇ивасо самуд̣̇д̣̇з бад̇ид̇асса, сажз со мариссад̇и ад̇ивияа г̇аараяхаа мз бхависсад̇ий’’д̇и сам̣виг̇г̇амаанахад̣̇аяаа худ̇ваа згам̣ суван̣н̣абаад̇им̣ наанаг̇г̇арасабхож̇анасса буурзд̇ваа ваад̇авзг̇зна д̇ад̇т̇а г̇анд̇ваа д̇асса бурад̇о аагаасз тад̇ваа ‘‘б̣раахман̣а, д̇вам̣ сад̇д̇аахам̣ нираахааро, ид̣̇ам̣ д̣̇иб̣б̣абхож̇анам̣ бхун̃ж̇аа’’д̇и ааха. со д̇ам̣ ологзд̇ваа ‘‘абанзхи д̇ава бхад̇д̇ам̣, ахам̣ убосат̇иго’’д̇и ааха. ат̇асса убадтааго бажчад̇о ааг̇ад̇о д̣̇звад̇ам̣ ад̣̇исваа сад̣̇д̣̇амзва суд̇ваа ‘‘аяам̣ б̣раахман̣о багад̇исукумаало сад̇д̇аахам̣ нираахаарад̇ааяа д̣̇угкид̇о маран̣абхаязна вилабад̇и ман̃н̃з, ассаасзссаами на’’нд̇и жинд̇зд̇ваа батамам̣ г̇аат̇амааха –
Tadā pana catūhi lokapālehi maṇimekhalā nāma devadhītā ‘‘sace samudde nāvāya bhinnāya tisaraṇagatā vā sīlasampannā vā mātāpitupaṭṭhākā vā manussā dukkhappattā honti, te rakkheyyāsī’’ti samudde ārakkhaṇatthāya ṭhapitā hoti. Sā attano issariyena sattāhamanubhavitvā pamajjitvā sattame divase samuddaṃ olokentī sīlācārasaṃyuttaṃ saṅkhabrāhmaṇaṃ disvā ‘‘imassa sattamo divaso samudde patitassa, sace so marissati ativiya gārayhā me bhavissatī’’ti saṃviggamānahadayā hutvā ekaṃ suvaṇṇapātiṃ nānaggarasabhojanassa pūretvā vātavegena tattha gantvā tassa purato ākāse ṭhatvā ‘‘brāhmaṇa, tvaṃ sattāhaṃ nirāhāro, idaṃ dibbabhojanaṃ bhuñjā’’ti āha. So taṃ oloketvā ‘‘apanehi tava bhattaṃ, ahaṃ uposathiko’’ti āha. Athassa upaṭṭhāko pacchato āgato devataṃ adisvā saddameva sutvā ‘‘ayaṃ brāhmaṇo pakatisukhumālo sattāhaṃ nirāhāratāya dukkhito maraṇabhayena vilapati maññe, assāsessāmi na’’nti cintetvā paṭhamaṃ gāthamāha –
39.
39.
‘‘б̣ахуссуд̇о суд̇ад̇хаммоси сан̇ка, д̣̇идтаа д̇аяаа саман̣аб̣раахман̣аа жа;
‘‘Bahussuto sutadhammosi saṅkha, diṭṭhā tayā samaṇabrāhmaṇā ca;
ат̇агкан̣з д̣̇ассаяасз вилаабам̣, ан̃н̃о ну го д̇з бадиманд̇аго маяаа’’д̇и.
Athakkhaṇe dassayase vilāpaṃ, añño nu ko te paṭimantako mayā’’ti.
д̇ад̇т̇а суд̇ад̇хаммосийд̇и д̇хаммоби д̇аяаа д̇хаммигасаман̣аб̣раахман̣аанам̣ санд̇игз суд̇о аси. д̣̇идтаа д̇аяаад̇и д̇зсам̣ бажжаяз д̣̇знд̇зна взяяааважжам̣ гаронд̇зна д̇хаммигасаман̣аб̣раахман̣аа жа д̇аяаа д̣̇идтаа. звам̣ агаронд̇о хи бассанд̇оби д̇з на бассад̇иязва. ат̇агкан̣зд̇и ат̇а агкан̣з саллабанд̇асса гассажи абхаавзна важанасса аногаасз. д̣̇ассаяасзд̇и ‘‘ахам̣ убосат̇иго’’д̇и вад̣̇анд̇о вилаабам̣ д̣̇ассзси. бадиманд̇агод̇и маяаа ан̃н̃о го д̇ава бадиманд̇аго бадиважанад̣̇ааяаго, гим̣гааран̣аа звам̣ виббалабасийд̇и?
Tattha sutadhammosīti dhammopi tayā dhammikasamaṇabrāhmaṇānaṃ santike suto asi. Diṭṭhā tayāti tesaṃ paccaye dentena veyyāvaccaṃ karontena dhammikasamaṇabrāhmaṇā ca tayā diṭṭhā. Evaṃ akaronto hi passantopi te na passatiyeva. Athakkhaṇeti atha akkhaṇe sallapantassa kassaci abhāvena vacanassa anokāse. Dassayaseti ‘‘ahaṃ uposathiko’’ti vadanto vilāpaṃ dassesi. Paṭimantakoti mayā añño ko tava paṭimantako paṭivacanadāyako, kiṃkāraṇā evaṃ vippalapasīti?
со д̇асса важанам̣ суд̇ваа ‘‘имасса д̣̇звад̇аа на бан̃н̃ааяад̇и ман̃н̃з’’д̇и жинд̇зд̇ваа ‘‘самма, наахам̣ маран̣асса бхааяаами, ад̇т̇и бана мз ан̃н̃о бадиманд̇аго’’д̇и вад̇ваа д̣̇уд̇ияам̣ г̇аат̇амааха –
So tassa vacanaṃ sutvā ‘‘imassa devatā na paññāyati maññe’’ti cintetvā ‘‘samma, nāhaṃ maraṇassa bhāyāmi, atthi pana me añño paṭimantako’’ti vatvā dutiyaṃ gāthamāha –
40.
40.
‘‘суб̣бхуу субхаа суббадимуггагамб̣у, баг̇г̇аяха сован̣н̣амаяааяа баад̇ияаа;
‘‘Subbhū subhā suppaṭimukkakambu, paggayha sovaṇṇamayāya pātiyā;
‘бхун̃ж̇ассу бхад̇д̇ам̣’ ид̇и мам̣ вад̣̇зд̇и, сад̣̇д̇хаавид̇д̇аа, д̇амахам̣ нод̇и б̣руумий’’д̇и.
‘Bhuñjassu bhattaṃ’ iti maṃ vadeti, saddhāvittā, tamahaṃ noti brūmī’’ti.
д̇ад̇т̇а суб̣бхууд̇и субхамукаа. субхаад̇и баасаад̣̇игаа уд̇д̇амаруубад̇хараа. суббадимуггагамб̣ууд̇и бадимуггасуван̣н̣аалан̇гаараа. баг̇г̇аяхаад̇и суван̣н̣абаад̇ияаа бхад̇д̇ам̣ г̇ахзд̇ваа угкибид̇ваа. сад̣̇д̇хаавид̇д̇аад̇и сад̣̇д̇хаа жзва д̇удтажид̇д̇аа жа. ‘‘сад̣̇д̇хам̣ жид̇д̇а’’нд̇иби баато, д̇ассад̇т̇о сад̣̇д̇ханд̇и сад̣̇д̣̇аханд̇ам̣, жид̇д̇анд̇и д̇удтажид̇д̇ам̣. д̇амахам̣ нод̇ийд̇и д̇амахам̣ д̣̇звад̇ам̣ убосат̇игад̇д̇аа бадигкибанд̇о нод̇и б̣рууми, на виббалабаами саммаад̇и.
Tattha subbhūti subhamukhā. Subhāti pāsādikā uttamarūpadharā. Suppaṭimukkakambūti paṭimukkasuvaṇṇālaṅkārā. Paggayhāti suvaṇṇapātiyā bhattaṃ gahetvā ukkhipitvā. Saddhāvittāti saddhā ceva tuṭṭhacittā ca. ‘‘Saddhaṃ citta’’ntipi pāṭho, tassattho saddhanti saddahantaṃ, cittanti tuṭṭhacittaṃ. Tamahaṃnotīti tamahaṃ devataṃ uposathikattā paṭikkhipanto noti brūmi, na vippalapāmi sammāti.
ат̇асса со д̇ад̇ияам̣ г̇аат̇амааха –
Athassa so tatiyaṃ gāthamāha –
41.
41.
‘‘зд̇аад̣̇исам̣ б̣раахман̣а д̣̇исваана яагкам̣, бужчзяяа босо сукамаасисаано;
‘‘Etādisaṃ brāhmaṇa disvāna yakkhaṃ, puccheyya poso sukhamāsisāno;
удтзхи нам̣ бан̃ж̇алигаабхибужча, д̣̇звий нуси д̇вам̣ уд̣̇а маанусий нуу’’д̇и.
Uṭṭhehi naṃ pañjalikābhipuccha, devī nusi tvaṃ uda mānusī nū’’ti.
д̇ад̇т̇а сукамаасисаанод̇и зд̇аад̣̇исам̣ яагкам̣ д̣̇исваа ад̇д̇ано сукам̣ аасийсанд̇о бан̣д̣ид̇о бурисо ‘‘амхаагам̣ сукам̣ бхависсад̇и, на бхависсад̇ий’’д̇и бужчзяяа. удтзхийд̇и уд̣̇агад̇о удтаанаагаарам̣ д̣̇ассзнд̇о удтаха. бан̃ж̇алигаабхибужчаад̇и ан̃ж̇алиго худ̇ваа абхибужча. уд̣̇а маанусийд̇и уд̣̇ааху махид̣̇д̇хигаа маанусий д̇ванд̇и.
Tattha sukhamāsisānoti etādisaṃ yakkhaṃ disvā attano sukhaṃ āsīsanto paṇḍito puriso ‘‘amhākaṃ sukhaṃ bhavissati, na bhavissatī’’ti puccheyya. Uṭṭhehīti udakato uṭṭhānākāraṃ dassento uṭṭhaha. Pañjalikābhipucchāti añjaliko hutvā abhipuccha. Uda mānusīti udāhu mahiddhikā mānusī tvanti.
б̣од̇хисад̇д̇о ‘‘яуд̇д̇ам̣ гат̇зсий’’д̇и д̇ам̣ бужчанд̇о жад̇уд̇т̇ам̣ г̇аат̇амааха –
Bodhisatto ‘‘yuttaṃ kathesī’’ti taṃ pucchanto catutthaṃ gāthamāha –
42.
42.
‘‘яам̣ д̇вам̣ сукзнаабхисамзгкасз мам̣, бхун̃ж̇ассу бхад̇д̇ам̣ ид̇и мам̣ вад̣̇зси;
‘‘Yaṃ tvaṃ sukhenābhisamekkhase maṃ, bhuñjassu bhattaṃ iti maṃ vadesi;
бужчаами д̇ам̣ наари махаанубхаавз, д̣̇звий нуси д̇вам̣ уд̣̇а маанусий нуу’’д̇и.
Pucchāmi taṃ nāri mahānubhāve, devī nusi tvaṃ uda mānusī nū’’ti.
д̇ад̇т̇а яам̣ д̇ванд̇и яасмаа д̇вам̣ сукзна мам̣ абхисамзгкасз, бияажагкуухи ологзси. бужчаами д̇анд̇и д̇зна гааран̣зна д̇ам̣ бужчаами.
Tattha yaṃ tvanti yasmā tvaṃ sukhena maṃ abhisamekkhase, piyacakkhūhi olokesi. Pucchāmi tanti tena kāraṇena taṃ pucchāmi.
д̇ад̇о д̣̇звад̇хийд̇аа д̣̇вз г̇аат̇аа абхааси –
Tato devadhītā dve gāthā abhāsi –
43.
43.
‘‘д̣̇звий ахам̣ сан̇ка махаанубхааваа, ид̇хааг̇ад̇аа сааг̇аравааримаж̇жхз;
‘‘Devī ahaṃ saṅkha mahānubhāvā, idhāgatā sāgaravārimajjhe;
анугамбигаа но жа бад̣̇удтажид̇д̇аа, д̇авзва ад̇т̇ааяа ид̇хааг̇ад̇аасми.
Anukampikā no ca paduṭṭhacittā, taveva atthāya idhāgatāsmi.
44.
44.
‘‘ид̇ханнабаанам̣ саяанаасанан̃жа, яаанаани наанаавивид̇хаани сан̇ка;
‘‘Idhannapānaṃ sayanāsanañca, yānāni nānāvividhāni saṅkha;
саб̣б̣асса д̇яаахам̣ бадибаад̣̇аяаами, яам̣ гин̃жи д̇уяхам̣ манасаабхибад̇т̇ид̇а’’нд̇и.
Sabbassa tyāhaṃ paṭipādayāmi, yaṃ kiñci tuyhaṃ manasābhipatthita’’nti.
д̇ад̇т̇а ид̇хаад̇и имасмим̣ махаасамуд̣̇д̣̇з. наанаавивид̇хаанийд̇и б̣ахууни жа анзгаббагаараани жа хад̇т̇ияаанаассаяаанаад̣̇ийни ад̇т̇и. саб̣б̣асса д̇яааханд̇и д̇асса аннабаанаад̣̇ино саб̣б̣асса саамигам̣ гад̇ваа д̇ам̣ д̇з аннабаанаад̣̇им̣ бадибаад̣̇аяаами д̣̇ад̣̇аами. яам̣ гин̃жийд̇и ан̃н̃амби яам̣ гин̃жи манасаа ижчид̇ам̣, д̇ам̣ саб̣б̣ам̣ д̇з д̣̇аммийд̇и.
Tattha idhāti imasmiṃ mahāsamudde. Nānāvividhānīti bahūni ca anekappakārāni ca hatthiyānaassayānādīni atthi. Sabbassa tyāhanti tassa annapānādino sabbassa sāmikaṃ katvā taṃ te annapānādiṃ paṭipādayāmi dadāmi. Yaṃ kiñcīti aññampi yaṃ kiñci manasā icchitaṃ, taṃ sabbaṃ te dammīti.
д̇ам̣ суд̇ваа махаасад̇д̇о ‘‘аяам̣ д̣̇звад̇хийд̇аа самуд̣̇д̣̇абидтз маяхам̣ ‘ид̣̇ан̃жид̣̇ан̃жа д̣̇аммий’д̇и вад̣̇ад̇и, гим̣ ну ко зсаа маяаа гад̇зна бун̃н̃агаммзна д̣̇аад̇угаамаа, уд̣̇ааху ад̇д̇ано б̣алзна, бужчиссаами д̇аава на’’нд̇и жинд̇зд̇ваа бужчанд̇о сад̇д̇амам̣ г̇аат̇амааха –
Taṃ sutvā mahāsatto ‘‘ayaṃ devadhītā samuddapiṭṭhe mayhaṃ ‘idañcidañca dammī’ti vadati, kiṃ nu kho esā mayā katena puññakammena dātukāmā, udāhu attano balena, pucchissāmi tāva na’’nti cintetvā pucchanto sattamaṃ gāthamāha –
45.
45.
‘‘яам̣ гин̃жи яидтан̃жа худ̇ан̃жа маяхам̣, саб̣б̣асса но иссараа д̇вам̣ суг̇ад̇д̇з;
‘‘Yaṃ kiñci yiṭṭhañca hutañca mayhaṃ, sabbassa no issarā tvaṃ sugatte;
суссон̣и суб̣бхаму сувилаг̇г̇амаж̇жхз, гисса мз гаммасса аяам̣ вибааго’’д̇и.
Sussoṇi subbhamu suvilaggamajjhe, kissa me kammassa ayaṃ vipāko’’ti.
д̇ад̇т̇а яидтанд̇и д̣̇аанавасзна яаж̇ид̇ам̣. худ̇анд̇и аахунабаахунавасзна д̣̇иннам̣. саб̣б̣асса но иссараа д̇ванд̇и д̇асса амхаагам̣ бун̃н̃агаммасса д̇вам̣ иссараа, ‘‘имасса аяам̣ вибааго, имасса аяа’’нд̇и б̣яаагарид̇ум̣ самад̇т̇аад̇и ад̇т̇о. суссон̣ийд̇и сунд̣̇арауурулагкан̣з. суб̣бхамууд̇и сунд̣̇арабхамугз . сувилаг̇г̇амаж̇жхзд̇и судтувилаг̇г̇ид̇ад̇анумаж̇жхз. гисса мзд̇и маяаа гад̇агаммзсу гад̇арагаммасса аяам̣ вибааго, язнаахам̣ аббад̇идтз самуд̣̇д̣̇з бад̇идтам̣ лабхаамийд̇и.
Tattha yiṭṭhanti dānavasena yajitaṃ. Hutanti āhunapāhunavasena dinnaṃ. Sabbassa no issarā tvanti tassa amhākaṃ puññakammassa tvaṃ issarā, ‘‘imassa ayaṃ vipāko, imassa aya’’nti byākarituṃ samatthāti attho. Sussoṇīti sundaraūrulakkhaṇe. Subbhamūti sundarabhamuke . Suvilaggamajjheti suṭṭhuvilaggitatanumajjhe. Kissa meti mayā katakammesu katarakammassa ayaṃ vipāko, yenāhaṃ appatiṭṭhe samudde patiṭṭhaṃ labhāmīti.
д̇ам̣ суд̇ваа д̣̇звад̇хийд̇аа ‘‘аяам̣ б̣раахман̣о ‘яам̣ д̇зна гусалам̣ гад̇ам̣, д̇ам̣ гаммам̣ на ж̇аанаад̇ий’д̇и ан̃н̃ааяа бужчад̇и ман̃н̃з, гат̇аяиссаами д̣̇ааниссаа’’д̇и д̇ам̣ гат̇знд̇ий адтамам̣ г̇аат̇амааха –
Taṃ sutvā devadhītā ‘‘ayaṃ brāhmaṇo ‘yaṃ tena kusalaṃ kataṃ, taṃ kammaṃ na jānātī’ti aññāya pucchati maññe, kathayissāmi dānissā’’ti taṃ kathentī aṭṭhamaṃ gāthamāha –
46.
46.
‘‘гхаммз бат̇з б̣раахман̣а згабхигкум̣, уг̇гхаддабаад̣̇ам̣ д̇асид̇ам̣ гиланд̇ам̣;
‘‘Ghamme pathe brāhmaṇa ekabhikkhuṃ, ugghaṭṭapādaṃ tasitaṃ kilantaṃ;
бадибаад̣̇аяий сан̇ка убааханаани, саа д̣̇агкин̣аа гаамад̣̇ухаа д̇аваж̇ж̇аа’’д̇и.
Paṭipādayī saṅkha upāhanāni, sā dakkhiṇā kāmaduhā tavajjā’’ti.
д̇ад̇т̇а згабхигкунд̇и згам̣ бажжзгаб̣уд̣̇д̇хам̣ санд̇хааяааха. уг̇гхаддабаад̣̇анд̇и ун̣хаваалугааяа гхаддид̇абаад̣̇ам̣. д̇асид̇анд̇и бибаасид̇ам̣. бадибаад̣̇аяийд̇и бадибаад̣̇зси, яож̇зсийд̇и ад̇т̇о. гаамад̣̇ухаад̇и саб̣б̣агаамад̣̇ааяигаа.
Tattha ekabhikkhunti ekaṃ paccekabuddhaṃ sandhāyāha. Ugghaṭṭapādanti uṇhavālukāya ghaṭṭitapādaṃ. Tasitanti pipāsitaṃ. Paṭipādayīti paṭipādesi, yojesīti attho. Kāmaduhāti sabbakāmadāyikā.
д̇ам̣ суд̇ваа махаасад̇д̇о ‘‘зваруубзби наама аббад̇идтз махаасамуд̣̇д̣̇з маяаа д̣̇иннаубааханад̣̇аанам̣ мама саб̣б̣агаамад̣̇ад̣̇ам̣ ж̇аад̇ам̣, ахо суд̣̇иннам̣ мз бажжзгаб̣уд̣̇д̇хасса д̣̇аана’’нд̇и д̇удтажид̇д̇о навамам̣ г̇аат̇амааха –
Taṃ sutvā mahāsatto ‘‘evarūpepi nāma appatiṭṭhe mahāsamudde mayā dinnaupāhanadānaṃ mama sabbakāmadadaṃ jātaṃ, aho sudinnaṃ me paccekabuddhassa dāna’’nti tuṭṭhacitto navamaṃ gāthamāha –
47.
47.
‘‘саа ход̇у нааваа палагуубабаннаа, анавассуд̇аа зрагаваад̇аяуд̇д̇аа;
‘‘Sā hotu nāvā phalakūpapannā, anavassutā erakavātayuttā;
ан̃н̃асса яаанасса на хзд̇т̇а бхууми, аж̇ж̇зва мам̣ мол̣иним̣ баабаяассуу’’д̇и.
Aññassa yānassa na hettha bhūmi, ajjeva maṃ moḷiniṃ pāpayassū’’ti.
д̇ассад̇т̇о – д̣̇звад̇з, звам̣ санд̇з маяхам̣ згам̣ наавам̣ маабзхи, куд̣̇д̣̇агам̣ бана згад̣̇он̣иганаавам̣ маабзхи, яам̣ наавам̣ маабзссаси, саа ход̇у нааваа б̣ахуухи сусиб̣б̣ид̇зхи палагзхи убабаннаа, уд̣̇агабавзсанассаабхаавзна анавассуд̇аа, зрагзна саммаа г̇ахзд̇ваа г̇ажчанд̇зна ваад̇зна яуд̇д̇аа, табзд̇ваа д̣̇иб̣б̣анаавам̣ ан̃н̃асса яаанасса зд̇т̇а бхууми над̇т̇и, д̇ааяа бана д̣̇иб̣б̣анаавааяа аж̇ж̇зва мам̣ мол̣ининаг̇арам̣ баабаяассууд̇и.
Tassattho – devate, evaṃ sante mayhaṃ ekaṃ nāvaṃ māpehi, khuddakaṃ pana ekadoṇikanāvaṃ māpehi, yaṃ nāvaṃ māpessasi, sā hotu nāvā bahūhi susibbitehi phalakehi upapannā, udakapavesanassābhāvena anavassutā, erakena sammā gahetvā gacchantena vātena yuttā, ṭhapetvā dibbanāvaṃ aññassa yānassa ettha bhūmi natthi, tāya pana dibbanāvāya ajjeva maṃ moḷininagaraṃ pāpayassūti.
д̣̇звад̇хийд̇аа д̇асса важанам̣ суд̇ваа д̇удтажид̇д̇аа сад̇д̇арад̇анамаяам̣ наавам̣ маабзси. саа д̣̇ийгхад̇о адтаусабхаа ахоси вид̇т̇аарад̇о жад̇уусабхаа, г̇амбхийрад̇о вийсад̇ияадтигаа. д̇ассаа инд̣̇анийламаяаа д̇аяо гуубагаа, сован̣н̣амаяаани яод̇д̇аани раж̇ад̇амаяаани бад̇д̇аани сован̣н̣амаяаани жа пияаарид̇д̇аани ахзсум̣. д̣̇звад̇аа д̇ам̣ наавам̣ сад̇д̇аннам̣ рад̇анаанам̣ буурзд̇ваа б̣раахман̣ам̣ аалин̇г̇ид̇ваа алан̇гад̇анаавааяа ааробзси, убадтаагам̣ банасса на ологзси. б̣раахман̣о ад̇д̇анаа гад̇агаляаан̣ад̇о д̇асса бад̇д̇им̣ ад̣̇ааси, со анумод̣̇и. д̇ад̣̇аа д̣̇звад̇аа д̇амби аалин̇г̇ид̇ваа наавааяа бад̇идтаабзси. ат̇а нам̣ наавам̣ мол̣ининаг̇арам̣ нзд̇ваа б̣раахман̣асса гхарз д̇ханам̣ бад̇идтаабзд̇ваа ад̇д̇ано васанадтаанамзва аг̇амааси. сад̇т̇аа абхисамб̣уд̣̇д̇хо худ̇ваа –
Devadhītā tassa vacanaṃ sutvā tuṭṭhacittā sattaratanamayaṃ nāvaṃ māpesi. Sā dīghato aṭṭhausabhā ahosi vitthārato catuusabhā, gambhīrato vīsatiyaṭṭhikā. Tassā indanīlamayā tayo kūpakā, sovaṇṇamayāni yottāni rajatamayāni pattāni sovaṇṇamayāni ca phiyārittāni ahesuṃ. Devatā taṃ nāvaṃ sattannaṃ ratanānaṃ pūretvā brāhmaṇaṃ āliṅgitvā alaṅkatanāvāya āropesi, upaṭṭhākaṃ panassa na olokesi. Brāhmaṇo attanā katakalyāṇato tassa pattiṃ adāsi, so anumodi. Tadā devatā tampi āliṅgitvā nāvāya patiṭṭhāpesi. Atha naṃ nāvaṃ moḷininagaraṃ netvā brāhmaṇassa ghare dhanaṃ patiṭṭhāpetvā attano vasanaṭṭhānameva agamāsi. Satthā abhisambuddho hutvā –
48.
48.
‘‘саа д̇ад̇т̇а вид̇д̇аа суманаа бад̇ийд̇аа, наавам̣ сужид̇д̇ам̣ абхинимминид̇ваа;
‘‘Sā tattha vittā sumanā patītā, nāvaṃ sucittaṃ abhinimminitvā;
аад̣̇ааяа сан̇кам̣ бурисзна сад̣̇д̇хим̣, убаанаяий наг̇арам̣ саад̇хурамма’’нд̇и. –
Ādāya saṅkhaṃ purisena saddhiṃ, upānayī nagaraṃ sādhuramma’’nti. –
имам̣ осаанаг̇аат̇ам̣ абхааси.
Imaṃ osānagāthaṃ abhāsi.
д̇ад̇т̇а саад̇и бхигкавз, саа д̣̇звад̇аа д̇ад̇т̇а самуд̣̇д̣̇амаж̇жхз д̇асса важанам̣ суд̇ваа вид̇д̇исан̇каад̇ааяа бийд̇ияаа саманнааг̇ад̇ад̇д̇аа вид̇д̇аа. суманаад̇и сунд̣̇араманаа баамож̇ж̇зна бад̇ийд̇ажид̇д̇аа худ̇ваа вижид̇ранаавам̣ нимминид̇ваа б̣раахман̣ам̣ барижаарагзна сад̣̇д̇хим̣ аад̣̇ааяа саад̇хураммам̣ ад̇ираман̣ийяам̣ наг̇арам̣ убаанаяийд̇и.
Tattha sāti bhikkhave, sā devatā tattha samuddamajjhe tassa vacanaṃ sutvā vittisaṅkhātāya pītiyā samannāgatattā vittā. Sumanāti sundaramanā pāmojjena patītacittā hutvā vicitranāvaṃ nimminitvā brāhmaṇaṃ paricārakena saddhiṃ ādāya sādhurammaṃ atiramaṇīyaṃ nagaraṃ upānayīti.
б̣раахман̣оби яааваж̇ийвам̣ абаримид̇ад̇ханам̣ г̇зхам̣ аж̇жхаавасанд̇о д̣̇аанам̣ д̣̇ад̇ваа сийлам̣ рагкид̇ваа ж̇ийвид̇абарияосаанз сабарисо д̣̇званаг̇арам̣ барибуурзси.
Brāhmaṇopi yāvajīvaṃ aparimitadhanaṃ gehaṃ ajjhāvasanto dānaṃ datvā sīlaṃ rakkhitvā jīvitapariyosāne sapariso devanagaraṃ paripūresi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз убаасаго сод̇аабад̇д̇ипалз бад̇идтахи.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne upāsako sotāpattiphale patiṭṭhahi.
д̇ад̣̇аа д̣̇звад̇хийд̇аа уббалаван̣н̣аа ахоси, убадтаагабурисо аананд̣̇о, сан̇каб̣раахман̣о бана ахамзва ахосинд̇и.
Tadā devadhītā uppalavaṇṇā ahosi, upaṭṭhākapuriso ānando, saṅkhabrāhmaṇo pana ahameva ahosinti.
сан̇каж̇аад̇агаван̣н̣анаа жад̇уд̇т̇аа.
Saṅkhajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 442. сан̇каж̇аад̇агам̣ • 442. Saṅkhajātakaṃ
