| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
10. сан̇кабаалажарияааван̣н̣анаа
10. Saṅkhapālacariyāvaṇṇanā
85. д̣̇асамз сан̇кабаалод̇иаад̣̇ийсу аяам̣ сан̇кзбад̇т̇о – д̣̇звабхог̇асамбад̇д̇исад̣̇исааяа махад̇ияаа нааг̇ид̣̇д̇хияаа саманнааг̇ад̇ад̇д̇аа махид̣̇д̇хиго. хздтаа д̣̇вз, убари д̣̇взд̇и жад̇ассо д̣̇аатаа аавуд̇хаа зд̇ассаад̇и д̣̇аатаавуд̇хо. уг̇г̇ад̇зж̇ависад̇ааяа гхорависо. нааг̇аяонисид̣̇д̇хаахи д̣̇вийхи ж̇ивхаахи саманнааг̇ад̇од̇и д̣̇виж̇ивхо. махаанубхааваанамби урзна г̇аманад̇о ‘‘ураг̇аа’’д̇и лад̣̇д̇ханаамаанам̣ нааг̇аанам̣ ад̇хибад̇ибхаавад̇о ураг̇аад̇хибхуу.
85. Dasame saṅkhapālotiādīsu ayaṃ saṅkhepattho – devabhogasampattisadisāya mahatiyā nāgiddhiyā samannāgatattā mahiddhiko. Heṭṭhā dve, upari dveti catasso dāṭhā āvudhā etassāti dāṭhāvudho. Uggatejavisatāya ghoraviso. Nāgayonisiddhāhi dvīhi jivhāhi samannāgatoti dvijivho. Mahānubhāvānampi urena gamanato ‘‘uragā’’ti laddhanāmānaṃ nāgānaṃ adhipatibhāvato uragādhibhū.
86. д̣̇виннам̣ маг̇г̇аанам̣ винивиж̇жхид̇ваа санд̇хибхаавзна г̇ад̇адтаанасан̇каад̇з жад̇уббат̇з. абараабарам̣ махааж̇анасан̃жаран̣адтаанабхууд̇з махаамаг̇г̇з. д̇ад̇о зва махааж̇анасамаагин̣н̣абхаавзна наанааж̇анасамаагулз. ид̣̇аани вагкамаанаанам̣ жад̇уннам̣ ан̇г̇аанам̣ васзна жад̇уро ан̇г̇з. ад̇хидтааяа ад̇хидтахид̇ваа, жид̇д̇з табзд̇ваа. яад̣̇аахам̣ сан̇кабаало наама яат̇аавуд̇д̇аруубо нааг̇арааж̇аа хоми, д̇ад̣̇аа хздтаа вуд̇д̇аббагаарз таанз ваасам̣ убосат̇аваасавасзна ниваасам̣ агаббаяим̣ габбзсим̣.
86. Dvinnaṃ maggānaṃ vinivijjhitvā sandhibhāvena gataṭṭhānasaṅkhāte catuppathe. Aparāparaṃ mahājanasañcaraṇaṭṭhānabhūte mahāmagge. Tato eva mahājanasamākiṇṇabhāvena nānājanasamākule. Idāni vakkhamānānaṃ catunnaṃ aṅgānaṃ vasena caturo aṅge. Adhiṭṭhāya adhiṭṭhahitvā, citte ṭhapetvā. Yadāhaṃ saṅkhapālo nāma yathāvuttarūpo nāgarājā homi, tadā heṭṭhā vuttappakāre ṭhāne vāsaṃ uposathavāsavasena nivāsaṃ akappayiṃ kappesiṃ.
махаасад̇д̇о хи д̣̇аанасийлаад̣̇ибун̃н̃абасуд̇о худ̇ваа б̣од̇хибариязсанавасзна абараабарам̣ д̣̇звамануссаг̇ад̇ийсу сам̣саранд̇о гад̣̇аажи д̣̇звабхог̇асад̣̇исасамбад̇д̇игз нааг̇абхаванз ниб̣б̣ад̇д̇ид̇ваа сан̇кабаало наама нааг̇арааж̇аа ахоси махид̣̇д̇хиго махаанубхааво. со г̇ажчанд̇з гаалз д̇ааяа самбад̇д̇ияаа виббадисаарий худ̇ваа мануссаяоним̣ бад̇т̇знд̇о убосат̇аваасам̣ васи. ат̇асса нааг̇абхаванз васанд̇асса убосат̇аваасо на самбаж̇ж̇ад̇и, сийлам̣ сам̣гилиссад̇и, д̇зна со нааг̇абхаванаа нигкамид̇ваа ган̣хаван̣н̣ааяа над̣̇ияаа авид̣̇уурз махаамаг̇г̇асса жа згабад̣̇игамаг̇г̇асса жа анд̇арз згам̣ ваммигам̣ баригкибид̇ваа убосат̇ам̣ ад̇хидтааяа жаад̇уд̣̇д̣̇асабаннарасзсу самаад̣̇иннасийло ‘‘мама жаммаад̣̇ийни ад̇т̇игаа г̇ан̣ханд̇уу’’д̇и ад̇д̇аанам̣ д̣̇аанамукз виссаж̇ж̇зд̇ваа нибаж̇ж̇ад̇и, баадибад̣̇з нааг̇абхаванам̣ г̇ажчад̇и. д̇зна вуд̇д̇ам̣ ‘‘бунаабарам̣ яад̣̇аа хоми, сан̇кабаало’’д̇иаад̣̇и. д̇ассад̇т̇о вуд̇д̇о зва.
Mahāsatto hi dānasīlādipuññapasuto hutvā bodhipariyesanavasena aparāparaṃ devamanussagatīsu saṃsaranto kadāci devabhogasadisasampattike nāgabhavane nibbattitvā saṅkhapālo nāma nāgarājā ahosi mahiddhiko mahānubhāvo. So gacchante kāle tāya sampattiyā vippaṭisārī hutvā manussayoniṃ patthento uposathavāsaṃ vasi. Athassa nāgabhavane vasantassa uposathavāso na sampajjati, sīlaṃ saṃkilissati, tena so nāgabhavanā nikkhamitvā kaṇhavaṇṇāya nadiyā avidūre mahāmaggassa ca ekapadikamaggassa ca antare ekaṃ vammikaṃ parikkhipitvā uposathaṃ adhiṭṭhāya cātuddasapannarasesu samādinnasīlo ‘‘mama cammādīni atthikā gaṇhantū’’ti attānaṃ dānamukhe vissajjetvā nipajjati, pāṭipade nāgabhavanaṃ gacchati. Tena vuttaṃ ‘‘punāparaṃ yadā homi, saṅkhapālo’’tiādi. Tassattho vutto eva.
87. яам̣ банзд̇т̇а чавияаа жаммзнаад̇иаад̣̇игам̣ ‘‘жад̇уро ан̇г̇з ад̇хидтааяаа’’д̇и вуд̇д̇ам̣ жад̇уран̇г̇аад̇хидтаанад̣̇ассанам̣. чавижаммаани хи ид̇ха згаман̇г̇ам̣. звам̣ убосат̇аваасам̣ васанд̇асса махаасад̇д̇асса д̣̇ийгхо ад̣̇д̇хаа вийд̇ивад̇д̇о.
87. Yaṃ panettha chaviyā cammenātiādikaṃ ‘‘caturo aṅge adhiṭṭhāyā’’ti vuttaṃ caturaṅgādhiṭṭhānadassanaṃ. Chavicammāni hi idha ekamaṅgaṃ. Evaṃ uposathavāsaṃ vasantassa mahāsattassa dīgho addhā vītivatto.
ат̇згад̣̇ивасам̣ д̇асмим̣ д̇ат̇аа сийлам̣ самаад̣̇ияид̇ваа нибаннз сол̣аса бхож̇абуд̇д̇аа ‘‘мам̣сам̣ аахариссаамаа’’д̇и аавуд̇хахад̇т̇аа аран̃н̃з жаранд̇аа гин̃жи алабхид̇ваа нигкаманд̇аа д̇ам̣ ваммигамад̇т̇агз нибаннам̣ д̣̇исваа ‘‘маяам̣ аж̇ж̇а г̇од̇хаабод̇агамби на лабхимхаа, имам̣ нааг̇арааж̇аанам̣ вад̇хид̇ваа каад̣̇иссаамаа’’д̇и жинд̇зд̇ваа ‘‘махаа ко банзса г̇аяхамаано балааязяяаад̇и яат̇аанибаннагам̣язва нам̣ бхог̇зсу суулзхи виж̇жхид̇ваа д̣̇уб̣б̣алам̣ гад̇ваа г̇ан̣хиссаамаа’’д̇и суулаани аад̣̇ааяа убасан̇гамим̣су. б̣од̇хисад̇д̇ассааби сарийрам̣ маханд̇ам̣ згад̣̇он̣иганааваббамаан̣ам̣ ваддзд̇ваа табид̇асуманабубпад̣̇аамам̣ вияа ж̇ин̃ж̇угапаласад̣̇исзхи агкийхи ж̇аяасуманабубпасад̣̇исзна жа сийсзна саманнааг̇ад̇ам̣ ад̇ивияа собхад̇и. со д̇зсам̣ сол̣асаннам̣ ж̇анаанам̣ бад̣̇асад̣̇д̣̇зна бхог̇анд̇арад̇о сийсам̣ нийхарид̇ваа рад̇д̇агкийни уммийлзд̇ваа д̇з суулахад̇т̇з ааг̇ажчанд̇з д̣̇исваа ‘‘аж̇ж̇а маяхам̣ манорат̇о мад̇т̇агам̣ баабун̣иссад̇ий’’д̇и ад̇д̇аанам̣ д̣̇аанамукз нияяаад̇зд̇ваа ‘‘имз мама сарийрам̣ сад̇д̇ийхи годдзд̇ваа чид̣̇д̣̇аавачид̣̇д̣̇ам̣ гаронд̇з на ологзссаамий’’д̇и ад̇д̇ано сийлакан̣д̣абхаязна д̣̇ал̣хам̣ ад̇хидтаанам̣ ад̇хидтахид̇ваа сийсам̣ бхог̇анд̇арз зва бавзсзд̇ваа нибаж̇ж̇и.
Athekadivasaṃ tasmiṃ tathā sīlaṃ samādiyitvā nipanne soḷasa bhojaputtā ‘‘maṃsaṃ āharissāmā’’ti āvudhahatthā araññe carantā kiñci alabhitvā nikkhamantā taṃ vammikamatthake nipannaṃ disvā ‘‘mayaṃ ajja godhāpotakampi na labhimhā, imaṃ nāgarājānaṃ vadhitvā khādissāmā’’ti cintetvā ‘‘mahā kho panesa gayhamāno palāyeyyāti yathānipannakaṃyeva naṃ bhogesu sūlehi vijjhitvā dubbalaṃ katvā gaṇhissāmā’’ti sūlāni ādāya upasaṅkamiṃsu. Bodhisattassāpi sarīraṃ mahantaṃ ekadoṇikanāvappamāṇaṃ vaṭṭetvā ṭhapitasumanapupphadāmaṃ viya jiñjukaphalasadisehi akkhīhi jayasumanapupphasadisena ca sīsena samannāgataṃ ativiya sobhati. So tesaṃ soḷasannaṃ janānaṃ padasaddena bhogantarato sīsaṃ nīharitvā rattakkhīni ummīletvā te sūlahatthe āgacchante disvā ‘‘ajja mayhaṃ manoratho matthakaṃ pāpuṇissatī’’ti attānaṃ dānamukhe niyyātetvā ‘‘ime mama sarīraṃ sattīhi koṭṭetvā chiddāvachiddaṃ karonte na olokessāmī’’ti attano sīlakhaṇḍabhayena daḷhaṃ adhiṭṭhānaṃ adhiṭṭhahitvā sīsaṃ bhogantare eva pavesetvā nipajji.
ат̇а нам̣ д̇з убаг̇анд̇ваа нан̇г̇удтз г̇ахзд̇ваа аагад̣дханд̇аа бхуумияам̣ баад̇зд̇ваа д̇икин̣асуулзхи адтасу таанзсу виж̇жхид̇ваа саган̣дагаа гаал̣авзд̇д̇аяадтияо бахаарамукзхи бавзсзд̇ваа адтасу таанзсу гааж̇зхи аад̣̇ааяа махаамаг̇г̇ам̣ бадибаж̇ж̇им̣су. махаасад̇д̇о суулзхи виж̇жханад̇о бадтааяа згадтаанзби агкийни уммийлзд̇ваа д̇з на ологзси. д̇асса адтахи гааж̇зхи аад̣̇ааяа нийяамаанасса сийсам̣ оламб̣ид̇ваа бхуумим̣ бахарад̇и . ат̇а нам̣ ‘‘сийсамасса оламб̣ад̇ий’’д̇и махаамаг̇г̇з нибаж̇ж̇аабзд̇ваа сукумзна суулзна наасаабудз виж̇жхид̇ваа раж̇ж̇угам̣ бавзсзд̇ваа сийсам̣ угкибид̇ваа гааж̇агодияам̣ лаг̇г̇зд̇ваа бунаби угкибид̇ваа маг̇г̇ам̣ бадибаж̇ж̇им̣су. д̇зна вуд̇д̇ам̣ –
Atha naṃ te upagantvā naṅguṭṭhe gahetvā ākaḍḍhantā bhūmiyaṃ pātetvā tikhiṇasūlehi aṭṭhasu ṭhānesu vijjhitvā sakaṇṭakā kāḷavettayaṭṭhiyo pahāramukhehi pavesetvā aṭṭhasu ṭhānesu kājehi ādāya mahāmaggaṃ paṭipajjiṃsu. Mahāsatto sūlehi vijjhanato paṭṭhāya ekaṭṭhānepi akkhīni ummīletvā te na olokesi. Tassa aṭṭhahi kājehi ādāya nīyamānassa sīsaṃ olambitvā bhūmiṃ paharati . Atha naṃ ‘‘sīsamassa olambatī’’ti mahāmagge nipajjāpetvā sukhumena sūlena nāsāpuṭe vijjhitvā rajjukaṃ pavesetvā sīsaṃ ukkhipitvā kājakoṭiyaṃ laggetvā punapi ukkhipitvā maggaṃ paṭipajjiṃsu. Tena vuttaṃ –
88.
88.
‘‘ад̣̇д̣̇асам̣су бхож̇абуд̇д̇аа, караа луд̣̇д̣̇аа агаарун̣аа;
‘‘Addasaṃsu bhojaputtā, kharā luddā akāruṇā;
убаг̇ан̃чум̣ мамам̣ д̇ад̇т̇а, д̣̇ан̣д̣амуг̇г̇арабаан̣ино.
Upagañchuṃ mamaṃ tattha, daṇḍamuggarapāṇino.
89.
89.
‘‘наасааяа винивиж̇жхид̇ваа, нан̇г̇удтз бидтиган̣дагз;
‘‘Nāsāya vinivijjhitvā, naṅguṭṭhe piṭṭhikaṇṭake;
гааж̇з ааробаяид̇ваана, бхож̇абуд̇д̇аа харим̣су ма’’нд̇и.
Kāje āropayitvāna, bhojaputtā hariṃsu ma’’nti.
д̇ад̇т̇а бхож̇абуд̇д̇аад̇и луд̣̇д̣̇абуд̇д̇аа. караад̇и гагкал̣аа, парусагааяаважийгамманд̇аа. луд̣̇д̣̇аад̇и д̣̇аарун̣аа, гхорамаанасаа. агаарун̣аад̇и ниггарун̣аа. д̣̇ан̣д̣амуг̇г̇арабаан̣инод̇и жад̇урассад̣̇ан̣д̣ахад̇т̇аа. наасааяа винивиж̇жхид̇ваад̇и раж̇ж̇угам̣ бавзсзд̇ум̣ сукумзна суулзна наасаабудз виж̇жхид̇ваа. нан̇г̇удтз бидтиган̣дагзд̇и нан̇г̇удтаббад̣̇зсз д̇ад̇т̇а д̇ад̇т̇а бидтиган̣дагасамийбз жа винивиж̇жхид̇ваад̇и самб̣анд̇хо. гааж̇з ааробаяид̇ваанаад̇и адтасу таанзсу винивиж̇жхид̇ваа б̣ад̣̇д̇хзсу адтасу взд̇д̇алад̇ааман̣д̣алзсу згзгасмим̣ овиж̇жхид̇ам̣ згзгам̣ гааж̇ам̣ д̣̇вз д̣̇вз бхож̇абуд̇д̇аа ад̇д̇ано ад̇д̇ано канд̇хам̣ ааробзд̇ваа.
Tattha bhojaputtāti luddaputtā. Kharāti kakkhaḷā, pharusakāyavacīkammantā. Luddāti dāruṇā, ghoramānasā. Akāruṇāti nikkaruṇā. Daṇḍamuggarapāṇinoti caturassadaṇḍahatthā. Nāsāya vinivijjhitvāti rajjukaṃ pavesetuṃ sukhumena sūlena nāsāpuṭe vijjhitvā. Naṅguṭṭhe piṭṭhikaṇṭaketi naṅguṭṭhappadese tattha tattha piṭṭhikaṇṭakasamīpe ca vinivijjhitvāti sambandho. Kāje āropayitvānāti aṭṭhasu ṭhānesu vinivijjhitvā baddhesu aṭṭhasu vettalatāmaṇḍalesu ekekasmiṃ ovijjhitaṃ ekekaṃ kājaṃ dve dve bhojaputtā attano attano khandhaṃ āropetvā.
90. сасааг̇аранд̇ам̣ бат̇авинд̇и самуд̣̇д̣̇абарияанд̇ам̣ махаабат̇авим̣. сагаананам̣ сабаб̣б̣ад̇анд̇и сад̣̇д̇хим̣ гаананзхи баб̣б̣ад̇зхи жаад̇и сагаананам̣ сабаб̣б̣ад̇ан̃жа. наасааваад̇зна жхаабаязд̇и сажаахам̣ ижчамаано ижчанд̇о гуж̇жхид̇ваа наасааваад̇ам̣ виссаж̇ж̇зяяам̣, самуд̣̇д̣̇абарияанд̇ам̣ сагаананам̣ сабаб̣б̣ад̇ам̣ имам̣ махаабат̇авим̣ жхаабзяяам̣, саха наасааваад̇ависсаж̇ж̇анзна чааригам̣ гарзяяам̣, зд̇аад̣̇исо д̇ад̣̇аа маяхам̣ аанубхааво.
90.Sasāgarantaṃ pathavinti samuddapariyantaṃ mahāpathaviṃ. Sakānanaṃ sapabbatanti saddhiṃ kānanehi pabbatehi cāti sakānanaṃ sapabbatañca. Nāsāvātena jhāpayeti sacāhaṃ icchamāno icchanto kujjhitvā nāsāvātaṃ vissajjeyyaṃ, samuddapariyantaṃ sakānanaṃ sapabbataṃ imaṃ mahāpathaviṃ jhāpeyyaṃ, saha nāsāvātavissajjanena chārikaṃ kareyyaṃ, etādiso tadā mayhaṃ ānubhāvo.
91. звам̣ санд̇зби суулзхи винивиж̇жханд̇з, годдаяанд̇зби сад̇д̇ибхи. бхож̇абуд̇д̇з на губбаамийд̇и д̣̇уб̣б̣алабхаавагаран̣ад̇т̇ам̣ взд̇д̇алад̇аабавзсанад̇т̇ан̃жа саарад̣̇ааруухи д̇ажчзд̇ваа гад̇зхи д̇икин̣асуулзхи адтасу таанзсу виж̇жханд̇зби д̣̇уб̣б̣алабхаавагаран̣ад̇т̇ам̣ д̇икин̣аахи сад̇д̇ийхи д̇ахим̣ д̇ахим̣ годдаяанд̇зби бхож̇абуд̇д̇аанам̣ луд̣̇д̣̇аанам̣ на губбаами. зсаа мз сийлабаарамийд̇и звам̣ махаанубхаавасса д̇ат̇аа ад̇хидтаханд̇асса яаа мз маяхам̣ сийлакан̣д̣абхаязна д̇зсам̣ агуж̇жханаа, зсаа зганд̇знзва ж̇ийвид̇анирабзгкабхаавзна бавад̇д̇аа маяхам̣ сийлабаарамий, сийлавасзна барамад̇т̇абаарамийд̇и ад̇т̇о.
91. Evaṃ santepi sūlehi vinivijjhante, koṭṭayantepi sattibhi. Bhojaputte na kuppāmīti dubbalabhāvakaraṇatthaṃ vettalatāpavesanatthañca sāradārūhi tacchetvā katehi tikhiṇasūlehi aṭṭhasu ṭhānesu vijjhantepi dubbalabhāvakaraṇatthaṃ tikhiṇāhi sattīhi tahiṃ tahiṃ koṭṭayantepi bhojaputtānaṃ luddānaṃ na kuppāmi. Esā me sīlapāramīti evaṃ mahānubhāvassa tathā adhiṭṭhahantassa yā me mayhaṃ sīlakhaṇḍabhayena tesaṃ akujjhanā, esā ekanteneva jīvitanirapekkhabhāvena pavattā mayhaṃ sīlapāramī, sīlavasena paramatthapāramīti attho.
д̇ат̇аа бана б̣од̇хисад̇д̇з д̇зхи нийяамаанз мит̇иланаг̇араваасий аал̣ааро наама гудумб̣иго бан̃жасагадасад̇аани аад̣̇ааяа сукаяаанагз нисийд̣̇ид̇ваа г̇ажчанд̇о д̇з бхож̇абуд̇д̇з махаасад̇д̇ам̣ харанд̇з д̣̇исваа гаарун̃н̃ам̣ уббаад̣̇зд̇ваа д̇з луд̣̇д̣̇з бужчи – ‘‘гиссааяам̣ нааг̇о нийяад̇и, нзд̇ваа жимам̣ гим̣ гариссат̇аа’’д̇и? д̇з ‘‘имасса нааг̇асса мам̣сам̣ саад̣̇ун̃жа муд̣̇ун̃жа т̇уулан̃жа бажид̇ваа каад̣̇иссаамаа’’д̇и аахам̣су. ат̇а со д̇зсам̣ сол̣асаваахаг̇он̣з басад̇ам̣ басад̇ам̣ суван̣н̣амаасагз саб̣б̣зсам̣ ниваасанабаарубанаани бхарияаанамби д̇зсам̣ вад̇т̇аабхаран̣аани д̣̇ад̇ваа ‘‘саммаа, аяам̣ махаанубхааво нааг̇арааж̇аа, ад̇д̇ано сийлаг̇ун̣зна д̇умхаагам̣ на д̣̇уб̣бхи, имам̣ гиламанд̇зхи б̣ахум̣ д̇умхзхи абун̃н̃ам̣ басуд̇ам̣, виссаж̇ж̇зт̇аа’’д̇и ааха. д̇з ‘‘аяам̣ амхаагам̣ манаабо бхагко, б̣ахуу жа но ураг̇аа бхуд̇д̇абуб̣б̣аа, д̇ат̇ааби д̇ава важанам̣ амхзхи бууж̇зд̇аб̣б̣ам̣, д̇асмаа имам̣ нааг̇ам̣ виссаж̇ж̇зссаамаа’’д̇и виссаж̇ж̇зд̇ваа махаасад̇д̇ам̣ бхуумияам̣ нибаж̇ж̇аабзд̇ваа ад̇д̇ано гагкал̣ад̇ааяа д̇аа ган̣дагаажид̇аа аавуд̇аа гаал̣авзд̇д̇алад̇аа годияам̣ г̇ахзд̇ваа аагад̣дхид̇ум̣ аарабхим̣су.
Tathā pana bodhisatte tehi nīyamāne mithilanagaravāsī āḷāro nāma kuṭumbiko pañcasakaṭasatāni ādāya sukhayānake nisīditvā gacchanto te bhojaputte mahāsattaṃ harante disvā kāruññaṃ uppādetvā te ludde pucchi – ‘‘kissāyaṃ nāgo nīyati, netvā cimaṃ kiṃ karissathā’’ti? Te ‘‘imassa nāgassa maṃsaṃ sāduñca muduñca thūlañca pacitvā khādissāmā’’ti āhaṃsu. Atha so tesaṃ soḷasavāhagoṇe pasataṃ pasataṃ suvaṇṇamāsake sabbesaṃ nivāsanapārupanāni bhariyānampi tesaṃ vatthābharaṇāni datvā ‘‘sammā, ayaṃ mahānubhāvo nāgarājā, attano sīlaguṇena tumhākaṃ na dubbhi, imaṃ kilamantehi bahuṃ tumhehi apuññaṃ pasutaṃ, vissajjethā’’ti āha. Te ‘‘ayaṃ amhākaṃ manāpo bhakkho, bahū ca no uragā bhuttapubbā, tathāpi tava vacanaṃ amhehi pūjetabbaṃ, tasmā imaṃ nāgaṃ vissajjessāmā’’ti vissajjetvā mahāsattaṃ bhūmiyaṃ nipajjāpetvā attano kakkhaḷatāya tā kaṇṭakācitā āvutā kāḷavettalatā koṭiyaṃ gahetvā ākaḍḍhituṃ ārabhiṃsu.
ат̇а со нааг̇арааж̇аанам̣ гиламанд̇ам̣ д̣̇исваа агиламзнд̇ова асинаа лад̇аа чинд̣̇ид̇ваа д̣̇аарагаанам̣ ган̣н̣авзд̇хад̇о бадихаран̣анияаамзна ад̣̇угкаабзнд̇о сан̣игам̣ нийхари. д̇асмим̣ гаалз д̇з бхож̇абуд̇д̇аа яам̣ б̣анд̇ханам̣ д̇асса над̇т̇уд̇о бавзсзд̇ваа бадимуггам̣, д̇ам̣ б̣анд̇ханам̣ сан̣игам̣ можаяим̣су. махаасад̇д̇о мухуд̇д̇ам̣ баажийнаабхимуко г̇анд̇ваа ассубун̣н̣зхи нзд̇д̇зхи аал̣аарам̣ ологзси. луд̣̇д̣̇аа т̇огам̣ г̇анд̇ваа ‘‘ураг̇о д̣̇уб̣б̣ало, мад̇агаалз г̇ахзд̇ваава нам̣ г̇амиссаамаа’’д̇и нилийяим̣су. аал̣ааро махаасад̇д̇асса ан̃ж̇алим̣ баг̇г̇аяха ‘‘г̇ажчзва ко д̇вам̣, махаанааг̇а, маа д̇ам̣ луд̣̇д̣̇аа буна г̇ахзсу’’нд̇и вад̣̇анд̇о т̇огам̣ д̇ам̣ нааг̇ам̣ ануг̇анд̇ваа нивад̇д̇и.
Atha so nāgarājānaṃ kilamantaṃ disvā akilamentova asinā latā chinditvā dārakānaṃ kaṇṇavedhato paṭiharaṇaniyāmena adukkhāpento saṇikaṃ nīhari. Tasmiṃ kāle te bhojaputtā yaṃ bandhanaṃ tassa natthuto pavesetvā paṭimukkaṃ, taṃ bandhanaṃ saṇikaṃ mocayiṃsu. Mahāsatto muhuttaṃ pācīnābhimukho gantvā assupuṇṇehi nettehi āḷāraṃ olokesi. Luddā thokaṃ gantvā ‘‘urago dubbalo, matakāle gahetvāva naṃ gamissāmā’’ti nilīyiṃsu. Āḷāro mahāsattassa añjaliṃ paggayha ‘‘gaccheva kho tvaṃ, mahānāga, mā taṃ luddā puna gahesu’’nti vadanto thokaṃ taṃ nāgaṃ anugantvā nivatti.
б̣од̇хисад̇д̇о нааг̇абхаванам̣ г̇анд̇ваа д̇ад̇т̇а бабан̃жам̣ агад̇ваа маханд̇зна бариваарзна нигкамид̇ваа аал̣аарам̣ убасан̇гамид̇ваа нааг̇абхаванасса ван̣н̣ам̣ гат̇зд̇ваа д̇ам̣ д̇ад̇т̇а нзд̇ваа д̇ийхи ган̃н̃аасад̇зхи сад̣̇д̇хим̣ маханд̇амасса яасам̣ д̣̇ад̇ваа д̣̇иб̣б̣зхи гаамзхи санд̇аббзси. аал̣ааро нааг̇абхаванз згавассам̣ васид̇ваа д̣̇иб̣б̣з гаамз барибхун̃ж̇ид̇ваа ‘‘ижчаамахам̣, самма, баб̣б̣аж̇ид̇у’’нд̇и нааг̇арааж̇асса гат̇зд̇ваа баб̣б̣аж̇ид̇абаригкаарз г̇ахзд̇ваа д̇ад̇о нигкамид̇ваа химаванд̇аббад̣̇зсам̣ г̇анд̇ваа баб̣б̣аж̇ид̇ваа д̇ад̇т̇а жирам̣ васид̇ваа абарабхааг̇з жааригам̣ жаранд̇о б̣аараан̣асим̣ бад̇ваа б̣аараан̣асиран̃н̃аа самааг̇ад̇о д̇зна аажаарасамбад̇д̇им̣ ниссааяа басаннзна ‘‘д̇вам̣ ул̣аарабхог̇аа ман̃н̃з гулаа баб̣б̣аж̇ид̇о, гзна ну ко гааран̣зна баб̣б̣аж̇ид̇осий’’д̇и будто ад̇д̇ано баб̣б̣аж̇ж̇аагааран̣ам̣ гат̇знд̇о луд̣̇д̣̇аанам̣ хад̇т̇ад̇о б̣од̇хисад̇д̇асса виссаж̇ж̇аабанам̣ аад̣̇им̣ гад̇ваа саб̣б̣ам̣ бавад̇д̇им̣ ран̃н̃о аажигкид̇ваа –
Bodhisatto nāgabhavanaṃ gantvā tattha papañcaṃ akatvā mahantena parivārena nikkhamitvā āḷāraṃ upasaṅkamitvā nāgabhavanassa vaṇṇaṃ kathetvā taṃ tattha netvā tīhi kaññāsatehi saddhiṃ mahantamassa yasaṃ datvā dibbehi kāmehi santappesi. Āḷāro nāgabhavane ekavassaṃ vasitvā dibbe kāme paribhuñjitvā ‘‘icchāmahaṃ, samma, pabbajitu’’nti nāgarājassa kathetvā pabbajitaparikkhāre gahetvā tato nikkhamitvā himavantappadesaṃ gantvā pabbajitvā tattha ciraṃ vasitvā aparabhāge cārikaṃ caranto bārāṇasiṃ patvā bārāṇasiraññā samāgato tena ācārasampattiṃ nissāya pasannena ‘‘tvaṃ uḷārabhogā maññe kulā pabbajito, kena nu kho kāraṇena pabbajitosī’’ti puṭṭho attano pabbajjākāraṇaṃ kathento luddānaṃ hatthato bodhisattassa vissajjāpanaṃ ādiṃ katvā sabbaṃ pavattiṃ rañño ācikkhitvā –
‘‘д̣̇идтаа маяаа маанусагааби гаамаа, асассад̇аа вибарин̣аамад̇хаммаа;
‘‘Diṭṭhā mayā mānusakāpi kāmā, asassatā vipariṇāmadhammā;
аад̣̇ийнавам̣ гаамаг̇ун̣зсу д̣̇исваа, сад̣̇д̇хааяахам̣ баб̣б̣аж̇ид̇омхи, рааж̇а.
Ādīnavaṃ kāmaguṇesu disvā, saddhāyahaṃ pabbajitomhi, rāja.
‘‘д̣̇умабпалаанийва бад̇анд̇и маан̣аваа, д̣̇ахараа жа вуд̣̇д̇хаа жа сарийрабхзд̣̇аа;
‘‘Dumapphalānīva patanti māṇavā, daharā ca vuddhā ca sarīrabhedā;
зд̇амби д̣̇исваа баб̣б̣аж̇ид̇омхи рааж̇а, абан̣н̣агам̣ сааман̃н̃амзва сзяяо’’д̇и. (ж̇аа. 2.17.191-192) –
Etampi disvā pabbajitomhi rāja, apaṇṇakaṃ sāmaññameva seyyo’’ti. (jā. 2.17.191-192) –
имаахи г̇аат̇аахи д̇хаммам̣ д̣̇зсзси.
Imāhi gāthāhi dhammaṃ desesi.
д̇ам̣ суд̇ваа рааж̇аа –
Taṃ sutvā rājā –
‘‘ад̣̇д̇хаа хавз сзвид̇аб̣б̣аа сабан̃н̃аа, б̣ахуссуд̇аа яз б̣ахутаанажинд̇ино;
‘‘Addhā have sevitabbā sapaññā, bahussutā ye bahuṭhānacintino;
нааг̇ан̃жа суд̇ваана д̇аван̃жал̣аара, гаахаами бун̃н̃аани анаббагааний’’д̇и. (ж̇аа. 2.17.193) –
Nāgañca sutvāna tavañcaḷāra, kāhāmi puññāni anappakānī’’ti. (jā. 2.17.193) –
ааха.
Āha.
ат̇асса д̇аабасо –
Athassa tāpaso –
‘‘ад̣̇д̇хаа хавз сзвид̇аб̣б̣аа сабан̃н̃аа, б̣ахуссуд̇аа яз б̣ахутаанажинд̇ино;
‘‘Addhā have sevitabbā sapaññā, bahussutā ye bahuṭhānacintino;
нааг̇ан̃жа суд̇ваана маман̃жа рааж̇а, гарохи бун̃н̃аани анаббагааний’’д̇и. (ж̇аа. 2.17.194) –
Nāgañca sutvāna mamañca rāja, karohi puññāni anappakānī’’ti. (jā. 2.17.194) –
звам̣ д̇хаммам̣ д̣̇зсзд̇ваа д̇ад̇т̇зва жад̇д̇ааро вассаанамаасз васид̇ваа буна химаванд̇ам̣ г̇анд̇ваа яааваж̇ийвам̣ жад̇д̇ааро б̣рахмавихаарз бхаавзд̇ваа б̣рахмалогуубаг̇о ахоси. б̣од̇хисад̇д̇оби яааваж̇ийвам̣ убосат̇аваасам̣ васид̇ваа саг̇г̇абурам̣ буурзси. соби рааж̇аа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Evaṃ dhammaṃ desetvā tattheva cattāro vassānamāse vasitvā puna himavantaṃ gantvā yāvajīvaṃ cattāro brahmavihāre bhāvetvā brahmalokūpago ahosi. Bodhisattopi yāvajīvaṃ uposathavāsaṃ vasitvā saggapuraṃ pūresi. Sopi rājā dānādīni puññāni katvā yathākammaṃ gato.
д̇ад̣̇аа аал̣ааро саарибуд̇д̇ад̇т̇зро ахоси, б̣аараан̣асирааж̇аа аананд̣̇ад̇т̇зро, сан̇кабааланааг̇арааж̇аа логанаат̇о.
Tadā āḷāro sāriputtatthero ahosi, bārāṇasirājā ānandatthero, saṅkhapālanāgarājā lokanātho.
д̇асса сарийрабарижжааг̇о д̣̇аанабаарамий, д̇ат̇ааруубзнаби висад̇зж̇зна саманнааг̇ад̇асса д̇ат̇ааруубааяаби бийл̣ааяа сад̇и сийласса абхиннад̇аа сийлабаарамий, д̣̇звабхог̇асамбад̇д̇исад̣̇исам̣ бхог̇ам̣ бахааяа нааг̇абхаванад̇о нигкамид̇ваа саман̣ад̇хаммагаран̣ам̣ нзгкаммабаарамий, ‘‘д̣̇аанаад̣̇иад̇т̇ам̣ ид̣̇ан̃жид̣̇ан̃жа гаад̇ум̣ ваддад̇ий’’д̇и сам̣вид̣̇аханам̣ бан̃н̃аабаарамий, гаамавид̇аггавинод̣̇анам̣ ад̇хиваасанавийрияан̃жа вийрияабаарамий, ад̇хиваасанаканд̇и канд̇ибаарамий, сажжасамаад̣̇аанам̣ сажжабаарамий, ажаласамаад̣̇аанаад̇хидтаанам̣ ад̇хидтаанабаарамий, бхож̇абуд̇д̇з убаад̣̇ааяа саб̣б̣асад̇д̇зсу мзд̇д̇аануд̣̇д̣̇аяабхааво мзд̇д̇аабаарамий, взд̣̇анааяа сад̇д̇асан̇каарагад̇авиббагаарзсу жа маж̇жхад̇д̇абхааво убзгкаабаарамийд̇и звам̣ д̣̇аса баарамияо лаб̣бханд̇и. сийлабаарамий бана ад̇исаяавад̇ийд̇и гад̇ваа саа зва д̣̇зсанам̣ аарул̣хаа. д̇ат̇аа ид̇ха б̣од̇хисад̇д̇асса г̇ун̣аанубхааваа ‘‘яож̇анасад̇игз нааг̇абхаванадтаанз’’д̇иаад̣̇инаа бхуурид̣̇ад̇д̇ажарияааяам̣ (жарияаа. 2.11 аад̣̇аяо) вуд̇д̇анаязнзва яат̇аарахам̣ вибхаавзд̇аб̣б̣аад̇и.
Tassa sarīrapariccāgo dānapāramī, tathārūpenapi visatejena samannāgatassa tathārūpāyapi pīḷāya sati sīlassa abhinnatā sīlapāramī, devabhogasampattisadisaṃ bhogaṃ pahāya nāgabhavanato nikkhamitvā samaṇadhammakaraṇaṃ nekkhammapāramī, ‘‘dānādiatthaṃ idañcidañca kātuṃ vaṭṭatī’’ti saṃvidahanaṃ paññāpāramī, kāmavitakkavinodanaṃ adhivāsanavīriyañca vīriyapāramī, adhivāsanakhanti khantipāramī, saccasamādānaṃ saccapāramī, acalasamādānādhiṭṭhānaṃ adhiṭṭhānapāramī, bhojaputte upādāya sabbasattesu mettānuddayabhāvo mettāpāramī, vedanāya sattasaṅkhārakatavippakāresu ca majjhattabhāvo upekkhāpāramīti evaṃ dasa pāramiyo labbhanti. Sīlapāramī pana atisayavatīti katvā sā eva desanaṃ āruḷhā. Tathā idha bodhisattassa guṇānubhāvā ‘‘yojanasatike nāgabhavanaṭṭhāne’’tiādinā bhūridattacariyāyaṃ (cariyā. 2.11 ādayo) vuttanayeneva yathārahaṃ vibhāvetabbāti.
сан̇кабаалажарияааван̣н̣анаа нидтид̇аа.
Saṅkhapālacariyāvaṇṇanā niṭṭhitā.
зд̇зд̇и яз хад̇т̇инааг̇ажарияаад̣̇аяо имасмим̣ ваг̇г̇з нид̣̇д̣̇идтаа ананд̇араг̇аат̇ааяа жа ‘‘хад̇т̇инааг̇о бхуурид̣̇ад̇д̇о’’д̇иаад̣̇инаа уд̣̇д̣̇аанавасзна сан̇г̇ахзд̇ваа д̣̇ассид̇аа нава жарияаа, д̇з саб̣б̣з висзсад̇о сийлабаарамибууран̣авасзна бавад̇д̇ияаа сийлам̣ б̣алам̣ зд̇зсанд̇и сийлаб̣алаа. сийласса барамад̇т̇абаарамибхууд̇асса баригкаран̣ад̇о санд̇аанасса жа барибхааванаавасзна абхисан̇каран̣ад̇о баригкаараа. уггам̣саг̇ад̇ааяа сийлабарамад̇т̇абаарамияаа асамбун̣н̣ад̇д̇аа бад̣̇зсо зд̇зсам̣ ад̇т̇и, на ниббад̣̇зсод̇и бад̣̇зсигаа саббад̣̇зсаа. гасмаад̇и жз? ааха ‘‘ж̇ийвид̇ам̣ барирагкид̇ваа, сийлаани анурагкиса’’нд̇и, яасмаа зд̇зсу хад̇т̇инааг̇ажарияаад̣̇ийсу (жарияаа. 2.1 аад̣̇аяо) ахам̣ ад̇д̇ано ж̇ийвид̇ам̣ згад̣̇зсзна барирагкид̇ваава сийлаани анурагким̣, ж̇ийвид̇ам̣ на саб̣б̣ат̇аа барижжаж̇им̣, зганд̇знзва бана сан̇кабааласса мз сад̇о саб̣б̣агааламби ж̇ийвид̇ам̣ яасса гассажи нияяад̇д̇ам̣, сан̇кабааланааг̇арааж̇асса бана мз махаанубхаавасса уг̇г̇ависад̇зж̇асса сад̇о самаанасса саб̣б̣агааламби д̇зхи луд̣̇д̣̇зхи самааг̇амз д̇ад̇о буб̣б̣зби бажчааби сад̇о звам̣ буг̇г̇алавибхааг̇ам̣ агад̇ваа яасса гассажи сийлаанурагкан̣ад̇т̇амзва ж̇ийвид̇ам̣ згам̣сзнзва нияяад̇д̇ам̣ нийяаад̇ид̇ам̣ д̣̇аанамукз ниссадтам̣, д̇асмаа саа сийлабаарамийд̇и яасмаа жзд̇ад̣̇звам̣, д̇асмаа д̇зна гааран̣зна саа барамад̇т̇абаарамибхаавам̣ бад̇д̇аа маяхам̣ сийлабаарамийд̇и д̣̇ассзд̇ийд̇и.
Eteti ye hatthināgacariyādayo imasmiṃ vagge niddiṭṭhā anantaragāthāya ca ‘‘hatthināgo bhūridatto’’tiādinā uddānavasena saṅgahetvā dassitā nava cariyā, te sabbe visesato sīlapāramipūraṇavasena pavattiyā sīlaṃ balaṃ etesanti sīlabalā. Sīlassa paramatthapāramibhūtassa parikkharaṇato santānassa ca paribhāvanāvasena abhisaṅkharaṇato parikkhārā. Ukkaṃsagatāya sīlaparamatthapāramiyā asampuṇṇattā padeso etesaṃ atthi, na nippadesoti padesikā sappadesā. Kasmāti ce? Āha ‘‘jīvitaṃ parirakkhitvā, sīlāni anurakkhisa’’nti, yasmā etesu hatthināgacariyādīsu (cariyā. 2.1 ādayo) ahaṃ attano jīvitaṃ ekadesena parirakkhitvāva sīlāni anurakkhiṃ, jīvitaṃ na sabbathā pariccajiṃ, ekanteneva pana saṅkhapālassa me sato sabbakālampi jīvitaṃ yassa kassaci niyyattaṃ, saṅkhapālanāgarājassa pana me mahānubhāvassa uggavisatejassa sato samānassa sabbakālampi tehi luddehi samāgame tato pubbepi pacchāpi sato evaṃ puggalavibhāgaṃ akatvā yassa kassaci sīlānurakkhaṇatthameva jīvitaṃ ekaṃseneva niyyattaṃ nīyātitaṃ dānamukhe nissaṭṭhaṃ, tasmā sā sīlapāramīti yasmā cetadevaṃ, tasmā tena kāraṇena sā paramatthapāramibhāvaṃ pattā mayhaṃ sīlapāramīti dassetīti.
барамад̇т̇ад̣̇ийбанияаа жарияаабидагасам̣ван̣н̣анааяа
Paramatthadīpaniyā cariyāpiṭakasaṃvaṇṇanāya
д̣̇асавид̇хажарияаасан̇г̇ахасса висзсад̇о
Dasavidhacariyāsaṅgahassa visesato
сийлабаарамивибхааванасса
Sīlapāramivibhāvanassa
д̣̇уд̇ияаваг̇г̇асса ад̇т̇аван̣н̣анаа нидтид̇аа.
Dutiyavaggassa atthavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 10. сан̇кабаалажарияаа • 10. Saṅkhapālacariyā
