| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. ஸங்கா²ரஅஞ்ஞாணஸுத்தங்
4. Saṅkhāraaññāṇasuttaṃ
610. ஸாவத்தி²னிதா³னங். ஏகமந்தங் நிஸின்னோ கோ² வச்ச²கொ³த்தோ பரிப்³பா³ஜகோ ப⁴க³வந்தங் ஏதத³வோச – ‘‘கோ நு கோ², போ⁴ கோ³தம, ஹேது, கோ பச்சயோ, யானிமானி அனேகவிஹிதானி தி³ட்டி²க³தானி லோகே உப்பஜ்ஜந்தி – ஸஸ்ஸதோ லோகோதி வா, அஸஸ்ஸதோ லோகோதி வா…பே॰… நேவ ஹோதி ந ந ஹோதி ததா²க³தோ பரங் மரணாதி வா’’தி? ‘‘ஸங்கா²ரேஸு கோ², வச்ச², அஞ்ஞாணா, ஸங்கா²ரஸமுத³யே அஞ்ஞாணா, ஸங்கா²ரனிரோதே⁴ அஞ்ஞாணா, ஸங்கா²ரனிரோத⁴கா³மினியா படிபதா³ய அஞ்ஞாணா; ஏவமிமானி அனேகவிஹிதானி தி³ட்டி²க³தானி லோகே உப்பஜ்ஜந்தி – ஸஸ்ஸதோ லோகோதி வா, அஸஸ்ஸதோ லோகோதி வா…பே॰… நேவ ஹோதி ந ந ஹோதி ததா²க³தோ பரங் மரணாதி வாதி. அயங் கோ², வச்ச², ஹேது, அயங் பச்சயோ, யானிமானி அனேகவிஹிதானி தி³ட்டி²க³தானி லோகே உப்பஜ்ஜந்தி – ஸஸ்ஸதோ லோகோதி வா, அஸஸ்ஸதோ லோகோதி வா…பே॰… நேவ ஹோதி ந ந ஹோதி ததா²க³தோ பரங் மரணாதி வா’’தி. சதுத்த²ங்.
610. Sāvatthinidānaṃ. Ekamantaṃ nisinno kho vacchagotto paribbājako bhagavantaṃ etadavoca – ‘‘ko nu kho, bho gotama, hetu, ko paccayo, yānimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vā’’ti? ‘‘Saṅkhāresu kho, vaccha, aññāṇā, saṅkhārasamudaye aññāṇā, saṅkhāranirodhe aññāṇā, saṅkhāranirodhagāminiyā paṭipadāya aññāṇā; evamimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vāti. Ayaṃ kho, vaccha, hetu, ayaṃ paccayo, yānimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vā’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 12. வச்ச²கொ³த்தஸங்யுத்தவண்ணனா • 12. Vacchagottasaṃyuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 12. வச்ச²கொ³த்தஸங்யுத்தவண்ணனா • 12. Vacchagottasaṃyuttavaṇṇanā
