| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੪. ਸਙ੍ਖਾਰਅਞ੍ਞਾਣਸੁਤ੍ਤਂ
4. Saṅkhāraaññāṇasuttaṃ
੬੧੦. ਸਾવਤ੍ਥਿਨਿਦਾਨਂ। ਏਕਮਨ੍ਤਂ ਨਿਸਿਨ੍ਨੋ ਖੋ વਚ੍ਛਗੋਤ੍ਤੋ ਪਰਿਬ੍ਬਾਜਕੋ ਭਗવਨ੍ਤਂ ਏਤਦવੋਚ – ‘‘ਕੋ ਨੁ ਖੋ, ਭੋ ਗੋਤਮ, ਹੇਤੁ, ਕੋ ਪਚ੍ਚਯੋ, ਯਾਨਿਮਾਨਿ ਅਨੇਕવਿਹਿਤਾਨਿ ਦਿਟ੍ਠਿਗਤਾਨਿ ਲੋਕੇ ਉਪ੍ਪਜ੍ਜਨ੍ਤਿ – ਸਸ੍ਸਤੋ ਲੋਕੋਤਿ વਾ, ਅਸਸ੍ਸਤੋ ਲੋਕੋਤਿ વਾ…ਪੇ॰… ਨੇવ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ વਾ’’ਤਿ? ‘‘ਸਙ੍ਖਾਰੇਸੁ ਖੋ, વਚ੍ਛ, ਅਞ੍ਞਾਣਾ, ਸਙ੍ਖਾਰਸਮੁਦਯੇ ਅਞ੍ਞਾਣਾ, ਸਙ੍ਖਾਰਨਿਰੋਧੇ ਅਞ੍ਞਾਣਾ, ਸਙ੍ਖਾਰਨਿਰੋਧਗਾਮਿਨਿਯਾ ਪਟਿਪਦਾਯ ਅਞ੍ਞਾਣਾ; ਏવਮਿਮਾਨਿ ਅਨੇਕવਿਹਿਤਾਨਿ ਦਿਟ੍ਠਿਗਤਾਨਿ ਲੋਕੇ ਉਪ੍ਪਜ੍ਜਨ੍ਤਿ – ਸਸ੍ਸਤੋ ਲੋਕੋਤਿ વਾ, ਅਸਸ੍ਸਤੋ ਲੋਕੋਤਿ વਾ…ਪੇ॰… ਨੇવ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ વਾਤਿ। ਅਯਂ ਖੋ, વਚ੍ਛ, ਹੇਤੁ, ਅਯਂ ਪਚ੍ਚਯੋ, ਯਾਨਿਮਾਨਿ ਅਨੇਕવਿਹਿਤਾਨਿ ਦਿਟ੍ਠਿਗਤਾਨਿ ਲੋਕੇ ਉਪ੍ਪਜ੍ਜਨ੍ਤਿ – ਸਸ੍ਸਤੋ ਲੋਕੋਤਿ વਾ, ਅਸਸ੍ਸਤੋ ਲੋਕੋਤਿ વਾ…ਪੇ॰… ਨੇવ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ વਾ’’ਤਿ। ਚਤੁਤ੍ਥਂ।
610. Sāvatthinidānaṃ. Ekamantaṃ nisinno kho vacchagotto paribbājako bhagavantaṃ etadavoca – ‘‘ko nu kho, bho gotama, hetu, ko paccayo, yānimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vā’’ti? ‘‘Saṅkhāresu kho, vaccha, aññāṇā, saṅkhārasamudaye aññāṇā, saṅkhāranirodhe aññāṇā, saṅkhāranirodhagāminiyā paṭipadāya aññāṇā; evamimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vāti. Ayaṃ kho, vaccha, hetu, ayaṃ paccayo, yānimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vā’’ti. Catutthaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੨. વਚ੍ਛਗੋਤ੍ਤਸਂਯੁਤ੍ਤવਣ੍ਣਨਾ • 12. Vacchagottasaṃyuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੨. વਚ੍ਛਗੋਤ੍ਤਸਂਯੁਤ੍ਤવਣ੍ਣਨਾ • 12. Vacchagottasaṃyuttavaṇṇanā
