| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. сан̇каарасуд̇д̇аван̣н̣анаа
3. Saṅkhārasuttavaṇṇanā
23. д̇ад̇ияз вивид̇хзхи аагаарзхи ааб̣аад̇ханад̇о б̣яааб̣аад̇хова б̣яааб̣аж̇жхам̣, гааяигам̣ жзд̇асиган̃жа д̣̇угкам̣. саха б̣яааб̣аж̇жхзна вад̇д̇ад̇ийд̇и саб̣яааб̣аж̇жхам̣. д̇знааха ‘‘сад̣̇угка’’нд̇и. жзд̇анаараасинд̇и буб̣б̣ажзд̇анаад̣̇ираасим̣. жзд̇анам̣ бунаббунам̣ бавад̇д̇знд̇о ‘‘раасим̣ гарод̇и бин̣д̣ам̣ гарод̇ий’’д̇и жа вуд̇д̇о. сад̣̇угканд̇и ниранд̇арад̣̇угкам̣. д̇знааха ‘‘сааб̣аад̇хам̣ нирассаад̣̇а’’нд̇и. ад̇т̇ийд̇и уж̇угам̣ д̣̇угкавзд̣̇анаа над̇т̇ийд̇и авад̇д̇аб̣б̣ад̇д̇аа вуд̇д̇ам̣. анидтасабхаавад̇д̇аа анидтаарамман̣ад̇д̇аа жа д̣̇угкабагкигаава саа д̣̇адтаб̣б̣аа. на хи агусалавибаагаа идтаа наама ад̇т̇ий, гусалавибаагаа бана убзгкаавзд̣̇анаа д̇ад̇т̇а аббаавасараа. адтагат̇ааяам̣ бана нираяасса д̣̇угкаб̣ахулад̇д̇аа д̣̇угкасса жа д̇ад̇т̇а б̣алавад̇ааяа саа аб̣б̣охааригадтаанз тид̇аад̇и вуд̇д̇ам̣. убамам̣ гад̇ваа аахадо висзсо вияа сааман̃н̃асса яат̇аа аяобин̣д̣ирохино вияа руубаананд̇и. бадибхааг̇аубамаад̇и бадиб̣имб̣аубамаа.
23. Tatiye vividhehi ākārehi ābādhanato byābādhova byābajjhaṃ, kāyikaṃ cetasikañca dukkhaṃ. Saha byābajjhena vattatīti sabyābajjhaṃ. Tenāha ‘‘sadukkha’’nti. Cetanārāsinti pubbacetanādirāsiṃ. Cetanaṃ punappunaṃ pavattento ‘‘rāsiṃ karoti piṇḍaṃ karotī’’ti ca vutto. Sadukkhanti nirantaradukkhaṃ. Tenāha ‘‘sābādhaṃ nirassāda’’nti. Atthīti ujukaṃ dukkhavedanā natthīti avattabbattā vuttaṃ. Aniṭṭhasabhāvattā aniṭṭhārammaṇattā ca dukkhapakkhikāva sā daṭṭhabbā. Na hi akusalavipākā iṭṭhā nāma atthī, kusalavipākā pana upekkhāvedanā tattha appāvasarā. Aṭṭhakathāyaṃ pana nirayassa dukkhabahulattā dukkhassa ca tattha balavatāya sā abbohārikaṭṭhāne ṭhitāti vuttaṃ. Upamaṃ katvā āhaṭo viseso viya sāmaññassa yathā ayopiṇḍirohino viya rūpānanti. Paṭibhāgaupamāti paṭibimbaupamā.
д̇з аг̇г̇ахзд̇ваад̇и хздтимаб̣рахмалогз аг̇г̇ахзд̇ваа. вомиссагасукад̣̇угканд̇и вимиссагасукад̣̇угкам̣ бийд̇имиссагабхаавад̇о. гамманд̇и баабагаммам̣. гаммасийсзна палам̣ вад̣̇ад̇и. гааман̃жзд̇т̇а ‘‘аб̣яааб̣аж̇жхам̣ логам̣ убабаж̇ж̇ад̇ий’’д̇и ааг̇ад̇ам̣, ‘‘аб̣яааб̣аж̇жхаа пассаа пусанд̇ий’’д̇и бана важанзна логуд̇д̇арапассааби сан̇г̇аяханд̇ийд̇и ‘‘д̇ийн̣и сужарид̇аани логияалогуд̇д̇арамиссагаани гат̇ид̇ааний’’д̇и вуд̇д̇ам̣.
Te aggahetvāti heṭṭhimabrahmaloke aggahetvā. Vomissakasukhadukkhanti vimissakasukhadukkhaṃ pītimissakabhāvato. Kammanti pāpakammaṃ. Kammasīsena phalaṃ vadati. Kāmañcettha ‘‘abyābajjhaṃ lokaṃ upapajjatī’’ti āgataṃ, ‘‘abyābajjhā phassā phusantī’’ti pana vacanena lokuttaraphassāpi saṅgayhantīti ‘‘tīṇi sucaritāni lokiyalokuttaramissakāni kathitānī’’ti vuttaṃ.
сан̇каарасуд̇д̇аван̣н̣анаа нидтид̇аа.
Saṅkhārasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. сан̇каарасуд̇д̇ам̣ • 3. Saṅkhārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. сан̇каарасуд̇д̇аван̣н̣анаа • 3. Saṅkhārasuttavaṇṇanā
