| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਸਙ੍ਖਾਰਸੁਤ੍ਤવਣ੍ਣਨਾ
3. Saṅkhārasuttavaṇṇanā
੨੩. ਤਤਿਯੇ ਸਬ੍ਯਾਬਜ੍ਝਨ੍ਤਿ ਸਦੁਕ੍ਖਂ। ਕਾਯਸਙ੍ਖਾਰਨ੍ਤਿ ਕਾਯਦ੍વਾਰੇ ਚੇਤਨਾਰਾਸਿਂ। ਅਭਿਸਙ੍ਖਰੋਤੀਤਿ ਆਯੂਹਤਿ ਰਾਸਿਂ ਕਰੋਤਿ ਪਿਣ੍ਡਂ ਕਰੋਤਿ। વਚੀਮਨੋਦ੍વਾਰੇਸੁਪਿ ਏਸੇવ ਨਯੋ। ਸਬ੍ਯਾਬਜ੍ਝਂ ਲੋਕਨ੍ਤਿ ਸਦੁਕ੍ਖਂ ਲੋਕਂ। ਸਬ੍ਯਾਬਜ੍ਝਾ ਫਸ੍ਸਾ ਫੁਸਨ੍ਤੀਤਿ ਸਦੁਕ੍ਖਾ વਿਪਾਕਫਸ੍ਸਾ ਫੁਸਨ੍ਤਿ। ਸਬ੍ਯਾਬਜ੍ਝਂ વੇਦਨਂ વੇਦਿਯਤੀਤਿ ਸਦੁਕ੍ਖਂ વਿਪਾਕવੇਦਨਂ વੇਦਿਯਤਿ, ਸਾਬਾਧਂ ਨਿਰਸ੍ਸਾਦਨ੍ਤਿ ਅਤ੍ਥੋ। ਸੇਯ੍ਯਥਾਪਿ ਸਤ੍ਤਾ ਨੇਰਯਿਕਾਤਿ ਯਥਾ ਨਿਰਯੇ ਨਿਬ੍ਬਤ੍ਤਸਤ੍ਤਾ ਏਕਨ੍ਤਦੁਕ੍ਖਂ વੇਦਨਂ વੇਦਿਯਨ੍ਤਿ, ਏવਂ વੇਦਿਯਤੀਤਿ ਅਤ੍ਥੋ। ਕਿਂ ਪਨ ਤਤ੍ਥ ਉਪੇਕ੍ਖਾવੇਦਨਾ ਨਤ੍ਥੀਤਿ? ਅਤ੍ਥਿ, ਦੁਕ੍ਖવੇਦਨਾਯ ਪਨ ਬਲવਭਾવੇਨ ਸਾ ਅਬ੍ਬੋਹਾਰਿਕਟ੍ਠਾਨੇ ਠਿਤਾ। ਇਤਿ ਨਿਰਯੋવ ਨਿਰਯਸ੍ਸ ਉਪਮਂ ਕਤ੍વਾ ਆਹਟੋ। ਤਤ੍ਰ ਪਟਿਭਾਗਉਪਮਾ ਨਾਮ ਕਿਰ ਏਸਾ।
23. Tatiye sabyābajjhanti sadukkhaṃ. Kāyasaṅkhāranti kāyadvāre cetanārāsiṃ. Abhisaṅkharotīti āyūhati rāsiṃ karoti piṇḍaṃ karoti. Vacīmanodvāresupi eseva nayo. Sabyābajjhaṃ lokanti sadukkhaṃ lokaṃ. Sabyābajjhā phassā phusantīti sadukkhā vipākaphassā phusanti. Sabyābajjhaṃvedanaṃ vediyatīti sadukkhaṃ vipākavedanaṃ vediyati, sābādhaṃ nirassādanti attho. Seyyathāpi sattā nerayikāti yathā niraye nibbattasattā ekantadukkhaṃ vedanaṃ vediyanti, evaṃ vediyatīti attho. Kiṃ pana tattha upekkhāvedanā natthīti? Atthi, dukkhavedanāya pana balavabhāvena sā abbohārikaṭṭhāne ṭhitā. Iti nirayova nirayassa upamaṃ katvā āhaṭo. Tatra paṭibhāgaupamā nāma kira esā.
ਸੇਯ੍ਯਥਾਪਿ ਦੇવਾ ਸੁਭਕਿਣ੍ਹਾਤਿ ਇਧਾਪਿ ਦੇવਲੋਕੋવ ਦੇવਲੋਕਸ੍ਸ ਉਪਮਂ ਕਤ੍વਾ ਆਹਟੋ। ਯਸ੍ਮਾ ਪਨ ਹੇਟ੍ਠਿਮੇਸੁ ਬ੍ਰਹ੍ਮਲੋਕੇਸੁ ਸਪ੍ਪੀਤਿਕਜ੍ਝਾਨવਿਪਾਕੋ વਤ੍ਤਤਿ, ਸੁਭਕਿਣ੍ਹੇਸੁ ਨਿਪ੍ਪੀਤਿਕੋ ਏਕਨ੍ਤਸੁਖੋવ, ਤਸ੍ਮਾ ਤੇ ਅਗ੍ਗਹੇਤ੍વਾ ਸੁਭਕਿਣ੍ਹਾવ ਕਥਿਤਾ। ਇਤਿ ਅਯਮ੍ਪਿ ਤਤ੍ਰ ਪਟਿਭਾਗਉਪਮਾ ਨਾਮਾਤਿ વੇਦਿਤਬ੍ਬਾ।
Seyyathāpi devā subhakiṇhāti idhāpi devalokova devalokassa upamaṃ katvā āhaṭo. Yasmā pana heṭṭhimesu brahmalokesu sappītikajjhānavipāko vattati, subhakiṇhesu nippītiko ekantasukhova, tasmā te aggahetvā subhakiṇhāva kathitā. Iti ayampi tatra paṭibhāgaupamā nāmāti veditabbā.
વੋਕਿਣ੍ਣਸੁਖਦੁਕ੍ਖਨ੍ਤਿ વੋਮਿਸ੍ਸਕਸੁਖਦੁਕ੍ਖਂ। ਸੇਯ੍ਯਥਾਪਿ ਮਨੁਸ੍ਸਾਤਿ ਮਨੁਸ੍ਸਾਨਂ ਹਿ ਕਾਲੇਨ ਸੁਖਂ ਹੋਤਿ, ਕਾਲੇਨ ਦੁਕ੍ਖਂ। ਏਕਚ੍ਚੇ ਚ ਦੇવਾਤਿ ਕਾਮਾવਚਰਦੇવਾ। ਤੇਸਮ੍ਪਿ ਕਾਲੇਨ ਸੁਖਂ ਹੋਤਿ, ਕਾਲੇਨ ਦੁਕ੍ਖਂ। ਤੇਸਂ ਹਿ ਹੀਨਤਰਾਨਂ ਮਹੇਸਕ੍ਖਤਰਾ ਦੇવਤਾ ਦਿਸ੍વਾ ਆਸਨਾ વੁਟ੍ਠਾਤਬ੍ਬਂ ਹੋਤਿ, ਮਗ੍ਗਾ ਉਕ੍ਕਮਿਤਬ੍ਬਂ, ਪਾਰੁਤવਤ੍ਥਂ ਅਪਨੇਤਬ੍ਬਂ, ਅਞ੍ਜਲਿਕਮ੍ਮਂ ਕਾਤਬ੍ਬਨ੍ਤਿ ਤਂ ਸਬ੍ਬਮ੍ਪਿ ਦੁਕ੍ਖਂ ਨਾਮ ਹੋਤਿ। ਏਕਚ੍ਚੇ ਚ વਿਨਿਪਾਤਿਕਾਤਿ વੇਮਾਨਿਕਪੇਤਾ। ਤੇ ਹਿ ਕਾਲੇਨ ਸਮ੍ਪਤ੍ਤਿਂ ਅਨੁਭવਨ੍ਤਿ ਕਾਲੇਨ ਕਮ੍ਮਨ੍ਤਿ વੋਕਿਣ੍ਣਸੁਖਦੁਕ੍ਖਾવ ਹੋਨ੍ਤਿ। ਇਤਿ ਇਮਸ੍ਮਿਂ ਸੁਤ੍ਤੇ ਤੀਣਿ ਸੁਚਰਿਤਾਨਿ ਲੋਕਿਯਲੋਕੁਤ੍ਤਰਮਿਸ੍ਸਕਾਨਿ ਕਥਿਤਾਨੀਤਿ વੇਦਿਤਬ੍ਬਾਨਿ।
Vokiṇṇasukhadukkhanti vomissakasukhadukkhaṃ. Seyyathāpi manussāti manussānaṃ hi kālena sukhaṃ hoti, kālena dukkhaṃ. Ekacce ca devāti kāmāvacaradevā. Tesampi kālena sukhaṃ hoti, kālena dukkhaṃ. Tesaṃ hi hīnatarānaṃ mahesakkhatarā devatā disvā āsanā vuṭṭhātabbaṃ hoti, maggā ukkamitabbaṃ, pārutavatthaṃ apanetabbaṃ, añjalikammaṃ kātabbanti taṃ sabbampi dukkhaṃ nāma hoti. Ekacce ca vinipātikāti vemānikapetā. Te hi kālena sampattiṃ anubhavanti kālena kammanti vokiṇṇasukhadukkhāva honti. Iti imasmiṃ sutte tīṇi sucaritāni lokiyalokuttaramissakāni kathitānīti veditabbāni.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਸਙ੍ਖਾਰਸੁਤ੍ਤਂ • 3. Saṅkhārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩. ਸਙ੍ਖਾਰਸੁਤ੍ਤવਣ੍ਣਨਾ • 3. Saṅkhārasuttavaṇṇanā
