| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੩. ਸਙ੍ਖਾਰਸੁਤ੍ਤવਣ੍ਣਨਾ
3. Saṅkhārasuttavaṇṇanā
੨੩. ਤਤਿਯੇ વਿવਿਧੇਹਿ ਆਕਾਰੇਹਿ ਆਬਾਧਨਤੋ ਬ੍ਯਾਬਾਧੋવ ਬ੍ਯਾਬਜ੍ਝਂ, ਕਾਯਿਕਂ ਚੇਤਸਿਕਞ੍ਚ ਦੁਕ੍ਖਂ। ਸਹ ਬ੍ਯਾਬਜ੍ਝੇਨ વਤ੍ਤਤੀਤਿ ਸਬ੍ਯਾਬਜ੍ਝਂ। ਤੇਨਾਹ ‘‘ਸਦੁਕ੍ਖ’’ਨ੍ਤਿ। ਚੇਤਨਾਰਾਸਿਨ੍ਤਿ ਪੁਬ੍ਬਚੇਤਨਾਦਿਰਾਸਿਂ। ਚੇਤਨਂ ਪੁਨਪ੍ਪੁਨਂ ਪવਤ੍ਤੇਨ੍ਤੋ ‘‘ਰਾਸਿਂ ਕਰੋਤਿ ਪਿਣ੍ਡਂ ਕਰੋਤੀ’’ਤਿ ਚ વੁਤ੍ਤੋ। ਸਦੁਕ੍ਖਨ੍ਤਿ ਨਿਰਨ੍ਤਰਦੁਕ੍ਖਂ। ਤੇਨਾਹ ‘‘ਸਾਬਾਧਂ ਨਿਰਸ੍ਸਾਦ’’ਨ੍ਤਿ। ਅਤ੍ਥੀਤਿ ਉਜੁਕਂ ਦੁਕ੍ਖવੇਦਨਾ ਨਤ੍ਥੀਤਿ ਅવਤ੍ਤਬ੍ਬਤ੍ਤਾ વੁਤ੍ਤਂ। ਅਨਿਟ੍ਠਸਭਾવਤ੍ਤਾ ਅਨਿਟ੍ਠਾਰਮ੍ਮਣਤ੍ਤਾ ਚ ਦੁਕ੍ਖਪਕ੍ਖਿਕਾવ ਸਾ ਦਟ੍ਠਬ੍ਬਾ। ਨ ਹਿ ਅਕੁਸਲવਿਪਾਕਾ ਇਟ੍ਠਾ ਨਾਮ ਅਤ੍ਥੀ, ਕੁਸਲવਿਪਾਕਾ ਪਨ ਉਪੇਕ੍ਖਾવੇਦਨਾ ਤਤ੍ਥ ਅਪ੍ਪਾવਸਰਾ। ਅਟ੍ਠਕਥਾਯਂ ਪਨ ਨਿਰਯਸ੍ਸ ਦੁਕ੍ਖਬਹੁਲਤ੍ਤਾ ਦੁਕ੍ਖਸ੍ਸ ਚ ਤਤ੍ਥ ਬਲવਤਾਯ ਸਾ ਅਬ੍ਬੋਹਾਰਿਕਟ੍ਠਾਨੇ ਠਿਤਾਤਿ વੁਤ੍ਤਂ। ਉਪਮਂ ਕਤ੍વਾ ਆਹਟੋ વਿਸੇਸੋ વਿਯ ਸਾਮਞ੍ਞਸ੍ਸ ਯਥਾ ਅਯੋਪਿਣ੍ਡਿਰੋਹਿਨੋ વਿਯ ਰੂਪਾਨਨ੍ਤਿ। ਪਟਿਭਾਗਉਪਮਾਤਿ ਪਟਿਬਿਮ੍ਬਉਪਮਾ।
23. Tatiye vividhehi ākārehi ābādhanato byābādhova byābajjhaṃ, kāyikaṃ cetasikañca dukkhaṃ. Saha byābajjhena vattatīti sabyābajjhaṃ. Tenāha ‘‘sadukkha’’nti. Cetanārāsinti pubbacetanādirāsiṃ. Cetanaṃ punappunaṃ pavattento ‘‘rāsiṃ karoti piṇḍaṃ karotī’’ti ca vutto. Sadukkhanti nirantaradukkhaṃ. Tenāha ‘‘sābādhaṃ nirassāda’’nti. Atthīti ujukaṃ dukkhavedanā natthīti avattabbattā vuttaṃ. Aniṭṭhasabhāvattā aniṭṭhārammaṇattā ca dukkhapakkhikāva sā daṭṭhabbā. Na hi akusalavipākā iṭṭhā nāma atthī, kusalavipākā pana upekkhāvedanā tattha appāvasarā. Aṭṭhakathāyaṃ pana nirayassa dukkhabahulattā dukkhassa ca tattha balavatāya sā abbohārikaṭṭhāne ṭhitāti vuttaṃ. Upamaṃ katvā āhaṭo viseso viya sāmaññassa yathā ayopiṇḍirohino viya rūpānanti. Paṭibhāgaupamāti paṭibimbaupamā.
ਤੇ ਅਗ੍ਗਹੇਤ੍વਾਤਿ ਹੇਟ੍ਠਿਮਬ੍ਰਹ੍ਮਲੋਕੇ ਅਗ੍ਗਹੇਤ੍વਾ। વੋਮਿਸ੍ਸਕਸੁਖਦੁਕ੍ਖਨ੍ਤਿ વਿਮਿਸ੍ਸਕਸੁਖਦੁਕ੍ਖਂ ਪੀਤਿਮਿਸ੍ਸਕਭਾવਤੋ। ਕਮ੍ਮਨ੍ਤਿ ਪਾਪਕਮ੍ਮਂ। ਕਮ੍ਮਸੀਸੇਨ ਫਲਂ વਦਤਿ। ਕਾਮਞ੍ਚੇਤ੍ਥ ‘‘ਅਬ੍ਯਾਬਜ੍ਝਂ ਲੋਕਂ ਉਪਪਜ੍ਜਤੀ’’ਤਿ ਆਗਤਂ, ‘‘ਅਬ੍ਯਾਬਜ੍ਝਾ ਫਸ੍ਸਾ ਫੁਸਨ੍ਤੀ’’ਤਿ ਪਨ વਚਨੇਨ ਲੋਕੁਤ੍ਤਰਫਸ੍ਸਾਪਿ ਸਙ੍ਗਯ੍ਹਨ੍ਤੀਤਿ ‘‘ਤੀਣਿ ਸੁਚਰਿਤਾਨਿ ਲੋਕਿਯਲੋਕੁਤ੍ਤਰਮਿਸ੍ਸਕਾਨਿ ਕਥਿਤਾਨੀ’’ਤਿ વੁਤ੍ਤਂ।
Te aggahetvāti heṭṭhimabrahmaloke aggahetvā. Vomissakasukhadukkhanti vimissakasukhadukkhaṃ pītimissakabhāvato. Kammanti pāpakammaṃ. Kammasīsena phalaṃ vadati. Kāmañcettha ‘‘abyābajjhaṃ lokaṃ upapajjatī’’ti āgataṃ, ‘‘abyābajjhā phassā phusantī’’ti pana vacanena lokuttaraphassāpi saṅgayhantīti ‘‘tīṇi sucaritāni lokiyalokuttaramissakāni kathitānī’’ti vuttaṃ.
ਸਙ੍ਖਾਰਸੁਤ੍ਤવਣ੍ਣਨਾ ਨਿਟ੍ਠਿਤਾ।
Saṅkhārasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਸਙ੍ਖਾਰਸੁਤ੍ਤਂ • 3. Saṅkhārasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੩. ਸਙ੍ਖਾਰਸੁਤ੍ਤવਣ੍ਣਨਾ • 3. Saṅkhārasuttavaṇṇanā
