| Library / Tipiṭaka / তিপিটক • Tipiṭaka / যমকপাল়ি • Yamakapāḷi |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
অভিধম্মপিটকে
Abhidhammapiṭake
যমকপাল়ি (দুতিযো ভাগো)
Yamakapāḷi (dutiyo bhāgo)
৬. সঙ্খারযমকং
6. Saṅkhārayamakaṃ
১. পণ্ণত্তিৰারো
1. Paṇṇattivāro
(ক) উদ্দেসো
(Ka) uddeso
১. তযো সঙ্খারা – কাযসঙ্খারো, ৰচীসঙ্খারো, চিত্তসঙ্খারোতি। অস্সাসপস্সাসা কাযসঙ্খারো, ৰিতক্কৰিচারা ৰচীসঙ্খারো, সঞ্ঞা চ ৰেদনা চ চিত্তসঙ্খারো। ঠপেত্ৰা ৰিতক্কৰিচারে সব্বেপি চিত্তসম্পযুত্তকা ধম্মা চিত্তসঙ্খারো।
1. Tayo saṅkhārā – kāyasaṅkhāro, vacīsaṅkhāro, cittasaṅkhāroti. Assāsapassāsā kāyasaṅkhāro, vitakkavicārā vacīsaṅkhāro, saññā ca vedanā ca cittasaṅkhāro. Ṭhapetvā vitakkavicāre sabbepi cittasampayuttakā dhammā cittasaṅkhāro.
১. পদসোধনৰারো
1. Padasodhanavāro
(ক) অনুলোমং
(Ka) anulomaṃ
২. (ক) কাযো কাযসঙ্খারো?
2. (Ka) kāyo kāyasaṅkhāro?
(খ) কাযসঙ্খারো কাযো?
(Kha) kāyasaṅkhāro kāyo?
(ক) ৰচী ৰচীসঙ্খারো?
(Ka) vacī vacīsaṅkhāro?
(খ) ৰচীসঙ্খারো ৰচী?
(Kha) vacīsaṅkhāro vacī?
(ক) চিত্তং চিত্তসঙ্খারো?
(Ka) cittaṃ cittasaṅkhāro?
(খ) চিত্তসঙ্খারো চিত্তং?
(Kha) cittasaṅkhāro cittaṃ?
(খ) পচ্চনীকং
(Kha) paccanīkaṃ
৩. (ক) ন কাযো ন কাযসঙ্খারো?
3. (Ka) na kāyo na kāyasaṅkhāro?
(খ) ন কাযসঙ্খারো ন কাযো?
(Kha) na kāyasaṅkhāro na kāyo?
(ক) ন ৰচী ন ৰচীসঙ্খারো?
(Ka) na vacī na vacīsaṅkhāro?
(খ) ন ৰচীসঙ্খারো ন ৰচী?
(Kha) na vacīsaṅkhāro na vacī?
(ক) ন চিত্তং ন চিত্তসঙ্খারো?
(Ka) na cittaṃ na cittasaṅkhāro?
(খ) ন চিত্তসঙ্খারো ন চিত্তং?
(Kha) na cittasaṅkhāro na cittaṃ?
২. পদসোধনমূলচক্কৰারো
2. Padasodhanamūlacakkavāro
(ক) অনুলোমং
(Ka) anulomaṃ
৪. (ক) কাযো কাযসঙ্খারো?
4. (Ka) kāyo kāyasaṅkhāro?
(খ) সঙ্খারা ৰচীসঙ্খারো?
(Kha) saṅkhārā vacīsaṅkhāro?
(ক) কাযো কাযসঙ্খারো?
(Ka) kāyo kāyasaṅkhāro?
(খ) সঙ্খারা চিত্তসঙ্খারো?
(Kha) saṅkhārā cittasaṅkhāro?
(ক) ৰচী ৰচীসঙ্খারো?
(Ka) vacī vacīsaṅkhāro?
(খ) সঙ্খারা কাযসঙ্খারো?
(Kha) saṅkhārā kāyasaṅkhāro?
(ক) ৰচী ৰচীসঙ্খারো?
(Ka) vacī vacīsaṅkhāro?
(খ) সঙ্খারা চিত্তসঙ্খারো?
(Kha) saṅkhārā cittasaṅkhāro?
(ক) চিত্তং চিত্তসঙ্খারো?
(Ka) cittaṃ cittasaṅkhāro?
(খ) সঙ্খারা কাযসঙ্খারো?
(Kha) saṅkhārā kāyasaṅkhāro?
(ক) চিত্তং চিত্তসঙ্খারো?
(Ka) cittaṃ cittasaṅkhāro?
(খ) সঙ্খারা ৰচীসঙ্খারো?
(Kha) saṅkhārā vacīsaṅkhāro?
(খ) পচ্চনীকং
(Kha) paccanīkaṃ
৫. (ক) ন কাযো ন কাযসঙ্খারো?
5. (Ka) na kāyo na kāyasaṅkhāro?
(খ) ন সঙ্খারা ন ৰচীসঙ্খারো?
(Kha) na saṅkhārā na vacīsaṅkhāro?
(ক) ন কাযো ন কাযসঙ্খারো?
(Ka) na kāyo na kāyasaṅkhāro?
(খ) ন সঙ্খারা ন চিত্তসঙ্খারো?
(Kha) na saṅkhārā na cittasaṅkhāro?
(ক) ন ৰচী ন ৰচীসঙ্খারো?
(Ka) na vacī na vacīsaṅkhāro?
(খ) ন সঙ্খারা ন কাযসঙ্খারো?
(Kha) na saṅkhārā na kāyasaṅkhāro?
(ক) ন ৰচী ন ৰচীসঙ্খারো?
(Ka) na vacī na vacīsaṅkhāro?
(খ) ন সঙ্খারা ন চিত্তসঙ্খারো?
(Kha) na saṅkhārā na cittasaṅkhāro?
(ক) ন চিত্তং ন চিত্তসঙ্খারো?
(Ka) na cittaṃ na cittasaṅkhāro?
(খ) ন সঙ্খারা ন কাযসঙ্খারো?
(Kha) na saṅkhārā na kāyasaṅkhāro?
(ক) ন চিত্তং ন চিত্তসঙ্খারো?
(Ka) na cittaṃ na cittasaṅkhāro?
(খ) ন সঙ্খারা ন ৰচীসঙ্খারো?
(Kha) na saṅkhārā na vacīsaṅkhāro?
৩. সুদ্ধসঙ্খারৰারো
3. Suddhasaṅkhāravāro
(ক) অনুলোমং
(Ka) anulomaṃ
৬. (ক) কাযসঙ্খারো ৰচীসঙ্খারো?
6. (Ka) kāyasaṅkhāro vacīsaṅkhāro?
(খ) ৰচীসঙ্খারো কাযসঙ্খারো?
(Kha) vacīsaṅkhāro kāyasaṅkhāro?
(ক) কাযসঙ্খারো চিত্তসঙ্খারো?
(Ka) kāyasaṅkhāro cittasaṅkhāro?
(খ) চিত্তসঙ্খারো কাযসঙ্খারো?
(Kha) cittasaṅkhāro kāyasaṅkhāro?
(ক) ৰচীসঙ্খারো চিত্তসঙ্খারো?
(Ka) vacīsaṅkhāro cittasaṅkhāro?
(খ) চিত্তসঙ্খারো ৰচীসঙ্খারো?
(Kha) cittasaṅkhāro vacīsaṅkhāro?
(খ) পচ্চনীকং
(Kha) paccanīkaṃ
৭. (ক) ন কাযসঙ্খারো ন ৰচীসঙ্খারো?
7. (Ka) na kāyasaṅkhāro na vacīsaṅkhāro?
(খ) ন ৰচীসঙ্খারো ন কাযসঙ্খারো?
(Kha) na vacīsaṅkhāro na kāyasaṅkhāro?
(ক) ন কাযসঙ্খারো ন চিত্তসঙ্খারো?
(Ka) na kāyasaṅkhāro na cittasaṅkhāro?
(খ) ন চিত্তসঙ্খারো ন কাযসঙ্খারো?
(Kha) na cittasaṅkhāro na kāyasaṅkhāro?
(ক) ন ৰচীসঙ্খারো ন চিত্তসঙ্খারো?
(Ka) na vacīsaṅkhāro na cittasaṅkhāro?
(খ) ন চিত্তসঙ্খারো ন ৰচীসঙ্খারো?
(Kha) na cittasaṅkhāro na vacīsaṅkhāro?
পণ্ণত্তিউদ্দেসৰারো।
Paṇṇattiuddesavāro.
পণ্ণত্তিৰারো।
Paṇṇattivāro.
(খ) নিদ্দেসো
(Kha) niddeso
১. পদসোধনৰারো
1. Padasodhanavāro
(ক) অনুলোমং
(Ka) anulomaṃ
৮. (ক) কাযো কাযসঙ্খারোতি? নো।
8. (Ka) kāyo kāyasaṅkhāroti? No.
(খ) কাযসঙ্খারো কাযোতি? নো।
(Kha) kāyasaṅkhāro kāyoti? No.
(ক) ৰচী ৰচীসঙ্খারোতি? নো।
(Ka) vacī vacīsaṅkhāroti? No.
(খ) ৰচীসঙ্খারো ৰচীতি? নো।
(Kha) vacīsaṅkhāro vacīti? No.
(ক) চিত্তং চিত্তসঙ্খারোতি? নো।
(Ka) cittaṃ cittasaṅkhāroti? No.
(খ) চিত্তসঙ্খারো চিত্তন্তি? নো।
(Kha) cittasaṅkhāro cittanti? No.
(খ) পচ্চনীকং
(Kha) paccanīkaṃ
৯. (ক) ন কাযো ন কাযসঙ্খারোতি?
9. (Ka) na kāyo na kāyasaṅkhāroti?
কাযসঙ্খারো ন কাযো, কাযসঙ্খারো। কাযঞ্চ কাযসঙ্খারঞ্চ ঠপেত্ৰা অৰসেসা ন চেৰ কাযো ন চ কাযসঙ্খারো।
Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.
(খ) ন কাযসঙ্খারো ন কাযোতি?
(Kha) na kāyasaṅkhāro na kāyoti?
কাযো ন কাযসঙ্খারো, কাযো। কাযঞ্চ কাযসঙ্খারঞ্চ ঠপেত্ৰা অৰসেসা ন চেৰ কাযো ন চ কাযসঙ্খারো।
Kāyo na kāyasaṅkhāro, kāyo. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.
(ক) ন ৰচী ন ৰচীসঙ্খারোতি?
(Ka) na vacī na vacīsaṅkhāroti?
ৰচীসঙ্খারো ন ৰচী, ৰচীসঙ্খারো। ৰচিঞ্চ ৰচীসঙ্খারঞ্চ ঠপেত্ৰা অৰসেসা ন চেৰ ৰচী ন চ ৰচীসঙ্খারো।
Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.
(খ) ন ৰচীসঙ্খারো ন ৰচীতি?
(Kha) na vacīsaṅkhāro na vacīti?
ৰচী ন ৰচীসঙ্খারো, ৰচী। ৰচিঞ্চ ৰচীসঙ্খারঞ্চ ঠপেত্ৰা অৰসেসা ন চেৰ ৰচী ন চ ৰচীসঙ্খারো।
Vacī na vacīsaṅkhāro, vacī. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.
(ক) ন চিত্তং ন চিত্তসঙ্খারোতি?
(Ka) na cittaṃ na cittasaṅkhāroti?
চিত্তসঙ্খারো ন চিত্তং, চিত্তসঙ্খারো। চিত্তঞ্চ চিত্তসঙ্খারঞ্চ ঠপেত্ৰা অৰসেসা ন চেৰ চিত্তং ন চ চিত্তসঙ্খারো।
Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.
(খ) ন চিত্তসঙ্খারো ন চিত্তন্তি?
(Kha) na cittasaṅkhāro na cittanti?
চিত্তং ন চিত্তসঙ্খারো, চিত্তং। চিত্তঞ্চ চিত্তসঙ্খারঞ্চ ঠপেত্ৰা অৰসেসা ন চেৰ চিত্তং ন চ চিত্তসঙ্খারো।
Cittaṃ na cittasaṅkhāro, cittaṃ. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.
২. পদসোধনমূলচক্কৰারো
2. Padasodhanamūlacakkavāro
(ক) অনুলোমং
(Ka) anulomaṃ
১০. (ক) কাযো কাযসঙ্খারোতি? নো।
10. (Ka) kāyo kāyasaṅkhāroti? No.
(খ) সঙ্খারা ৰচীসঙ্খারোতি?
(Kha) saṅkhārā vacīsaṅkhāroti?
ৰচীসঙ্খারো সঙ্খারো চেৰ ৰচীসঙ্খারো চ। অৰসেসা সঙ্খারা 1 ন ৰচীসঙ্খারো।
Vacīsaṅkhāro saṅkhāro ceva vacīsaṅkhāro ca. Avasesā saṅkhārā 2 na vacīsaṅkhāro.
(ক) কাযো কাযসঙ্খারোতি? নো।
(Ka) kāyo kāyasaṅkhāroti? No.
(খ) সঙ্খারা চিত্তসঙ্খারোতি?
(Kha) saṅkhārā cittasaṅkhāroti?
চিত্তসঙ্খারো সঙ্খারো চেৰ চিত্তসঙ্খারো চ। অৰসেসা সঙ্খারা ন চিত্তসঙ্খারো।
Cittasaṅkhāro saṅkhāro ceva cittasaṅkhāro ca. Avasesā saṅkhārā na cittasaṅkhāro.
১১. (ক) ৰচী ৰচীসঙ্খারোতি? নো।
11. (Ka) vacī vacīsaṅkhāroti? No.
(খ) সঙ্খারা কাযসঙ্খারোতি?
(Kha) saṅkhārā kāyasaṅkhāroti?
কাযসঙ্খারো সঙ্খারো চেৰ কাযসঙ্খারো চ। অৰসেসা সঙ্খারা ন কাযসঙ্খারো।
Kāyasaṅkhāro saṅkhāro ceva kāyasaṅkhāro ca. Avasesā saṅkhārā na kāyasaṅkhāro.
(ক) ৰচী ৰচীসঙ্খারোতি? নো।
(Ka) vacī vacīsaṅkhāroti? No.
(খ) সঙ্খারা চিত্তসঙ্খারোতি?
(Kha) saṅkhārā cittasaṅkhāroti?
চিত্তসঙ্খারো সঙ্খারো চেৰ চিত্তসঙ্খারো চ। অৰসেসা সঙ্খারা ন চিত্তসঙ্খারো।
Cittasaṅkhāro saṅkhāro ceva cittasaṅkhāro ca. Avasesā saṅkhārā na cittasaṅkhāro.
১২. (ক) চিত্তং চিত্তসঙ্খারোতি? নো।
12. (Ka) cittaṃ cittasaṅkhāroti? No.
(খ) সঙ্খারা কাযসঙ্খারোতি?
(Kha) saṅkhārā kāyasaṅkhāroti?
কাযসঙ্খারো সঙ্খারো চেৰ কাযসঙ্খারো চ। অৰসেসা সঙ্খারা ন কাযসঙ্খারো।
Kāyasaṅkhāro saṅkhāro ceva kāyasaṅkhāro ca. Avasesā saṅkhārā na kāyasaṅkhāro.
(ক) চিত্তং চিত্তসঙ্খারোতি? নো।
(Ka) cittaṃ cittasaṅkhāroti? No.
(খ) সঙ্খারা ৰচীসঙ্খারোতি?
(Kha) saṅkhārā vacīsaṅkhāroti?
ৰচীসঙ্খারো সঙ্খারো চেৰ ৰচীসঙ্খারো চ। অৰসেসা সঙ্খারা ন ৰচীসঙ্খারো।
Vacīsaṅkhāro saṅkhāro ceva vacīsaṅkhāro ca. Avasesā saṅkhārā na vacīsaṅkhāro.
(খ) পচ্চনীকং
(Kha) paccanīkaṃ
১৩. (ক) ন কাযো ন কাযসঙ্খারোতি?
13. (Ka) na kāyo na kāyasaṅkhāroti?
কাযসঙ্খারো ন কাযো, কাযসঙ্খারো। কাযঞ্চ কাযসঙ্খারঞ্চ ঠপেত্ৰা অৰসেসা ন চেৰ কাযো ন চ কাযসঙ্খারো।
Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.
(খ) ন সঙ্খারা ন ৰচীসঙ্খারোতি? আমন্তা।
(Kha) na saṅkhārā na vacīsaṅkhāroti? Āmantā.
(ক) ন কাযো ন কাযসঙ্খারোতি?
(Ka) na kāyo na kāyasaṅkhāroti?
কাযসঙ্খারো ন কাযো, কাযসঙ্খারো। কাযঞ্চ কাযসঙ্খারঞ্চ ঠপেত্ৰা অৰসেসা ন চেৰ কাযো ন চ কাযসঙ্খারো।
Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.
(খ) ন সঙ্খারা ন চিত্তসঙ্খারোতি? আমন্তা।
(Kha) na saṅkhārā na cittasaṅkhāroti? Āmantā.
১৪. (ক) ন ৰচী ন ৰচীসঙ্খারোতি?
14. (Ka) na vacī na vacīsaṅkhāroti?
ৰচীসঙ্খারো ন ৰচী, ৰচীসঙ্খারো। ৰচিঞ্চ ৰচীসঙ্খারঞ্চ ঠপেত্ৰা অৰসেসা ন চেৰ ৰচী ন চ ৰচীসঙ্খারো।
Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.
(খ) ন সঙ্খারা ন কাযসঙ্খারোতি? আমন্তা।
(Kha) na saṅkhārā na kāyasaṅkhāroti? Āmantā.
(ক) ন ৰচী ন ৰচীসঙ্খারোতি?
(Ka) na vacī na vacīsaṅkhāroti?
ৰচীসঙ্খারো ন ৰচী, ৰচীসঙ্খারো। ৰচিঞ্চ ৰচীসঙ্খারঞ্চ ঠপেত্ৰা অৰসেসা ন চেৰ ৰচী ন চ ৰচীসঙ্খারো।
Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.
(খ) ন সঙ্খারা ন চিত্তসঙ্খারোতি? আমন্তা।
(Kha) na saṅkhārā na cittasaṅkhāroti? Āmantā.
১৫. (ক) ন চিত্তং ন চিত্তসঙ্খারোতি?
15. (Ka) na cittaṃ na cittasaṅkhāroti?
চিত্তসঙ্খারো ন চিত্তং, চিত্তসঙ্খারো। চিত্তঞ্চ চিত্তসঙ্খারঞ্চ ঠপেত্ৰা অৰসেসা ন চেৰ চিত্তং ন চ চিত্তসঙ্খারো।
Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.
(খ) ন সঙ্খারা ন কাযসঙ্খারোতি? আমন্তা।
(Kha) na saṅkhārā na kāyasaṅkhāroti? Āmantā.
(ক) ন চিত্তং ন চিত্তসঙ্খারোতি?
(Ka) na cittaṃ na cittasaṅkhāroti?
চিত্তসঙ্খারো ন চিত্তং, চিত্তসঙ্খারো। চিত্তঞ্চ চিত্তসঙ্খারঞ্চ ঠপেত্ৰা অৰসেসা ন চেৰ চিত্তং ন চ চিত্তসঙ্খারো।
Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.
(খ) ন সঙ্খারা ন ৰচীসঙ্খারোতি? আমন্তা।
(Kha) na saṅkhārā na vacīsaṅkhāroti? Āmantā.
৩. সুদ্ধসঙ্খারৰারো
3. Suddhasaṅkhāravāro
(ক) অনুলোমং
(Ka) anulomaṃ
১৬. (ক) কাযসঙ্খারো ৰচীসঙ্খারোতি? নো।
16. (Ka) kāyasaṅkhāro vacīsaṅkhāroti? No.
(খ) ৰচীসঙ্খারো কাযসঙ্খারোতি? নো।
(Kha) vacīsaṅkhāro kāyasaṅkhāroti? No.
(ক) কাযসঙ্খারো চিত্তসঙ্খারোতি? নো।
(Ka) kāyasaṅkhāro cittasaṅkhāroti? No.
(খ) চিত্তসঙ্খারো কাযসঙ্খারোতি? নো।
(Kha) cittasaṅkhāro kāyasaṅkhāroti? No.
(ক) ৰচীসঙ্খারো চিত্তসঙ্খারোতি? নো।
(Ka) vacīsaṅkhāro cittasaṅkhāroti? No.
(খ) চিত্তসঙ্খারো ৰচীসঙ্খারোতি? নো।
(Kha) cittasaṅkhāro vacīsaṅkhāroti? No.
(খ) পচ্চনীকং
(Kha) paccanīkaṃ
১৭. (ক) ন কাযসঙ্খারো ন ৰচীসঙ্খারোতি?
17. (Ka) na kāyasaṅkhāro na vacīsaṅkhāroti?
ৰচীসঙ্খারো ন কাযসঙ্খারো, ৰচীসঙ্খারো। কাযসঙ্খারঞ্চ ৰচীসঙ্খারঞ্চ ঠপেত্ৰা অৰসেসা ন চেৰ কাযসঙ্খারো ন চ ৰচীসঙ্খারো।
Vacīsaṅkhāro na kāyasaṅkhāro, vacīsaṅkhāro. Kāyasaṅkhārañca vacīsaṅkhārañca ṭhapetvā avasesā na ceva kāyasaṅkhāro na ca vacīsaṅkhāro.
(খ) ন ৰচীসঙ্খারো ন কাযসঙ্খারোতি?
(Kha) na vacīsaṅkhāro na kāyasaṅkhāroti?
কাযসঙ্খারো ন ৰচীসঙ্খারো, কাযসঙ্খারো। ৰচীসঙ্খারঞ্চ কাযসঙ্খারঞ্চ ঠপেত্ৰা অৰসেসা ন চেৰ ৰচীসঙ্খারো ন চ কাযসঙ্খারো।
Kāyasaṅkhāro na vacīsaṅkhāro, kāyasaṅkhāro. Vacīsaṅkhārañca kāyasaṅkhārañca ṭhapetvā avasesā na ceva vacīsaṅkhāro na ca kāyasaṅkhāro.
(ক) ন কাযসঙ্খারো ন চিত্তসঙ্খারোতি?
(Ka) na kāyasaṅkhāro na cittasaṅkhāroti?
চিত্তসঙ্খারো ন কাযসঙ্খারো, চিত্তসঙ্খারো। কাযসঙ্খারঞ্চ চিত্তসঙ্খারঞ্চ ঠপেত্ৰা অৰসেসা ন চেৰ কাযসঙ্খারো ন চ চিত্তসঙ্খারো।
Cittasaṅkhāro na kāyasaṅkhāro, cittasaṅkhāro. Kāyasaṅkhārañca cittasaṅkhārañca ṭhapetvā avasesā na ceva kāyasaṅkhāro na ca cittasaṅkhāro.
(খ) ন চিত্তসঙ্খারো ন কাযসঙ্খারোতি?
(Kha) na cittasaṅkhāro na kāyasaṅkhāroti?
কাযসঙ্খারো ন চিত্তসঙ্খারো, কাযসঙ্খারো। চিত্তসঙ্খারঞ্চ কাযসঙ্খারঞ্চ ঠপেত্ৰা অৰসেসা ন চেৰ চিত্তসঙ্খারো ন চ কাযসঙ্খারো।
Kāyasaṅkhāro na cittasaṅkhāro, kāyasaṅkhāro. Cittasaṅkhārañca kāyasaṅkhārañca ṭhapetvā avasesā na ceva cittasaṅkhāro na ca kāyasaṅkhāro.
১৮. (ক) ন ৰচীসঙ্খারো ন চিত্তসঙ্খারোতি?
18. (Ka) na vacīsaṅkhāro na cittasaṅkhāroti?
চিত্তসঙ্খারো ন ৰচীসঙ্খারো, চিত্তসঙ্খারো। ৰচীসঙ্খারঞ্চ চিত্তসঙ্খারঞ্চ ঠপেত্ৰা অৰসেসা ন চেৰ ৰচীসঙ্খারো ন চ চিত্তসঙ্খারো।
Cittasaṅkhāro na vacīsaṅkhāro, cittasaṅkhāro. Vacīsaṅkhārañca cittasaṅkhārañca ṭhapetvā avasesā na ceva vacīsaṅkhāro na ca cittasaṅkhāro.
(খ) ন চিত্তসঙ্খারো ন ৰচীসঙ্খারোতি?
(Kha) na cittasaṅkhāro na vacīsaṅkhāroti?
ৰচীসঙ্খারো ন চিত্তসঙ্খারো, ৰচীসঙ্খারো। চিত্তসঙ্খারঞ্চ ৰচীসঙ্খারঞ্চ ঠপেত্ৰা অৰসেসা ন চেৰ চিত্তসঙ্খারো ন চ ৰচীসঙ্খারো।
Vacīsaṅkhāro na cittasaṅkhāro, vacīsaṅkhāro. Cittasaṅkhārañca vacīsaṅkhārañca ṭhapetvā avasesā na ceva cittasaṅkhāro na ca vacīsaṅkhāro.
পণ্ণত্তিনিদ্দেসৰারো।
Paṇṇattiniddesavāro.
২. পৰত্তিৰারো ১. উপ্পাদৰারো
2. Pavattivāro 1. uppādavāro
(১) পচ্চুপ্পন্নৰারো
(1) Paccuppannavāro
(ক) অনুলোমপুগ্গলো
(Ka) anulomapuggalo
১৯. (ক) যস্স কাযসঙ্খারো উপ্পজ্জতি তস্স ৰচীসঙ্খারো উপ্পজ্জতীতি?
19. (Ka) yassa kāyasaṅkhāro uppajjati tassa vacīsaṅkhāro uppajjatīti?
ৰিনা ৰিতক্কৰিচারেহি অস্সাসপস্সাসানং উপ্পাদক্খণে তেসং কাযসঙ্খারো উপ্পজ্জতি, নো চ তেসং ৰচীসঙ্খারো উপ্পজ্জতি। পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং কাযসঙ্খারো চ উপ্পজ্জতি ৰচীসঙ্খারো চ উপ্পজ্জতি।
Vinā vitakkavicārehi assāsapassāsānaṃ uppādakkhaṇe tesaṃ kāyasaṅkhāro uppajjati, no ca tesaṃ vacīsaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ kāyasaṅkhāro ca uppajjati vacīsaṅkhāro ca uppajjati.
(খ) যস্স ৰা পন ৰচীসঙ্খারো উপ্পজ্জতি তস্স কাযসঙ্খারো উপ্পজ্জতীতি?
(Kha) yassa vā pana vacīsaṅkhāro uppajjati tassa kāyasaṅkhāro uppajjatīti?
ৰিনা অস্সাসপস্সাসেহি ৰিতক্কৰিচারানং উপ্পাদক্খণে তেসং ৰচীসঙ্খারো উপ্পজ্জতি, নো চ তেসং কাযসঙ্খারো উপ্পজ্জতি। পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং ৰচীসঙ্খারো চ উপ্পজ্জতি কাযসঙ্খারো চ উপ্পজ্জতি।
Vinā assāsapassāsehi vitakkavicārānaṃ uppādakkhaṇe tesaṃ vacīsaṅkhāro uppajjati, no ca tesaṃ kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ vacīsaṅkhāro ca uppajjati kāyasaṅkhāro ca uppajjati.
(ক) যস্স কাযসঙ্খারো উপ্পজ্জতি তস্স চিত্তসঙ্খারো উপ্পজ্জতীতি? আমন্তা।
(Ka) yassa kāyasaṅkhāro uppajjati tassa cittasaṅkhāro uppajjatīti? Āmantā.
(খ) যস্স ৰা পন চিত্তসঙ্খারো উপ্পজ্জতি তস্স কাযসঙ্খারো উপ্পজ্জতীতি?
(Kha) yassa vā pana cittasaṅkhāro uppajjati tassa kāyasaṅkhāro uppajjatīti?
ৰিনা অস্সাসপস্সাসেহি চিত্তস্স উপ্পাদক্খণে তেসং চিত্তসঙ্খারো উপ্পজ্জতি, নো চ তেসং কাযসঙ্খারো উপ্পজ্জতি। অস্সাসপস্সাসানং উপ্পাদক্খণে তেসং চিত্তসঙ্খারো চ উপ্পজ্জতি কাযসঙ্খারো চ উপ্পজ্জতি।
Vinā assāsapassāsehi cittassa uppādakkhaṇe tesaṃ cittasaṅkhāro uppajjati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjati kāyasaṅkhāro ca uppajjati.
২০. (ক) যস্স ৰচীসঙ্খারো উপ্পজ্জতি তস্স চিত্তসঙ্খারো উপ্পজ্জতীতি? আমন্তা।
20. (Ka) yassa vacīsaṅkhāro uppajjati tassa cittasaṅkhāro uppajjatīti? Āmantā.
(খ) যস্স ৰা পন চিত্তসঙ্খারো উপ্পজ্জতি তস্স ৰচীসঙ্খারো উপ্পজ্জতীতি?
(Kha) yassa vā pana cittasaṅkhāro uppajjati tassa vacīsaṅkhāro uppajjatīti?
ৰিনা ৰিতক্কৰিচারেহি চিত্তস্স উপ্পাদক্খণে তেসং চিত্তসঙ্খারো উপ্পজ্জতি, নো চ তেসং ৰচীসঙ্খারো উপ্পজ্জতি। ৰিতক্কৰিচারানং উপ্পাদক্খণে তেসং চিত্তসঙ্খারো চ উপ্পজ্জতি ৰচীসঙ্খারো চ উপ্পজ্জতি।
Vinā vitakkavicārehi cittassa uppādakkhaṇe tesaṃ cittasaṅkhāro uppajjati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjati vacīsaṅkhāro ca uppajjati.
(খ) অনুলোমওকাসো
(Kha) anulomaokāso
২১. (ক) যত্থ কাযসঙ্খারো উপ্পজ্জতি তত্থ ৰচীসঙ্খারো উপ্পজ্জতীতি?
21. (Ka) yattha kāyasaṅkhāro uppajjati tattha vacīsaṅkhāro uppajjatīti?
দুতিযজ্ঝানে ততিযজ্ঝানে তত্থ কাযসঙ্খারো উপ্পজ্জতি, নো চ তত্থ ৰচীসঙ্খারো উপ্পজ্জতি। পঠমজ্ঝানে কামাৰচরে তত্থ কাযসঙ্খারো চ উপ্পজ্জতি ৰচীসঙ্খারো চ উপ্পজ্জতি।
Dutiyajjhāne tatiyajjhāne tattha kāyasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare tattha kāyasaṅkhāro ca uppajjati vacīsaṅkhāro ca uppajjati.
(খ) যত্থ ৰা পন ৰচীসঙ্খারো উপ্পজ্জতি তত্থ কাযসঙ্খারো উপ্পজ্জতীতি?
(Kha) yattha vā pana vacīsaṅkhāro uppajjati tattha kāyasaṅkhāro uppajjatīti?
রূপাৰচরে অরূপাৰচরে তত্থ ৰচীসঙ্খারো উপ্পজ্জতি, নো চ তত্থ কাযসঙ্খারো উপ্পজ্জতি। পঠমজ্ঝানে কামাৰচরে তত্থ ৰচীসঙ্খারো চ উপ্পজ্জতি কাযসঙ্খারো চ উপ্পজ্জতি।
Rūpāvacare arūpāvacare tattha vacīsaṅkhāro uppajjati, no ca tattha kāyasaṅkhāro uppajjati. Paṭhamajjhāne kāmāvacare tattha vacīsaṅkhāro ca uppajjati kāyasaṅkhāro ca uppajjati.
(ক) যত্থ কাযসঙ্খারো উপ্পজ্জতি তত্থ চিত্তসঙ্খারো উপ্পজ্জতীতি? আমন্তা।
(Ka) yattha kāyasaṅkhāro uppajjati tattha cittasaṅkhāro uppajjatīti? Āmantā.
(খ) যত্থ ৰা পন চিত্তসঙ্খারো উপ্পজ্জতি তত্থ কাযসঙ্খারো উপ্পজ্জতীতি?
(Kha) yattha vā pana cittasaṅkhāro uppajjati tattha kāyasaṅkhāro uppajjatīti?
চতুত্থজ্ঝানে রূপাৰচরে অরূপাৰচরে তত্থ চিত্তসঙ্খারো উপ্পজ্জতি, নো চ তত্থ কাযসঙ্খারো উপ্পজ্জতি। পঠমজ্ঝানে দুতিযজ্ঝানে ততিযজ্ঝানে কামাৰচরে তত্থ চিত্তসঙ্খারো চ উপ্পজ্জতি কাযসঙ্খারো চ উপ্পজ্জতি।
Catutthajjhāne rūpāvacare arūpāvacare tattha cittasaṅkhāro uppajjati, no ca tattha kāyasaṅkhāro uppajjati. Paṭhamajjhāne dutiyajjhāne tatiyajjhāne kāmāvacare tattha cittasaṅkhāro ca uppajjati kāyasaṅkhāro ca uppajjati.
২২. (ক) যত্থ ৰচীসঙ্খারো উপ্পজ্জতি তত্থ চিত্তসঙ্খারো উপ্পজ্জতীতি? আমন্তা।
22. (Ka) yattha vacīsaṅkhāro uppajjati tattha cittasaṅkhāro uppajjatīti? Āmantā.
(খ) যত্থ ৰা পন চিত্তসঙ্খারো উপ্পজ্জতি তত্থ ৰচীসঙ্খারো উপ্পজ্জতীতি?
(Kha) yattha vā pana cittasaṅkhāro uppajjati tattha vacīsaṅkhāro uppajjatīti?
দুতিযজ্ঝানে ততিযজ্ঝানে চতুত্থজ্ঝানে তত্থ চিত্তসঙ্খারো উপ্পজ্জতি, নো চ তত্থ ৰচীসঙ্খারো উপ্পজ্জতি। পঠমজ্ঝানে কামাৰচরে রূপাৰচরে অরূপাৰচরে তত্থ চিত্তসঙ্খারো চ উপ্পজ্জতি ৰচীসঙ্খারো চ উপ্পজ্জতি।
Dutiyajjhāne tatiyajjhāne catutthajjhāne tattha cittasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare rūpāvacare arūpāvacare tattha cittasaṅkhāro ca uppajjati vacīsaṅkhāro ca uppajjati.
(গ) অনুলোমপুগ্গলোকাসা
(Ga) anulomapuggalokāsā
২৩. যস্স যত্থ কাযসঙ্খারো উপ্পজ্জতি…পে॰…।
23. Yassa yattha kāyasaṅkhāro uppajjati…pe….
(যস্সকম্পি যস্সযত্থকম্পি সদিসং।)
(Yassakampi yassayatthakampi sadisaṃ.)
(ঘ) পচ্চনীকপুগ্গলো
(Gha) paccanīkapuggalo
২৪. (ক) যস্স কাযসঙ্খারো নুপ্পজ্জতি তস্স ৰচীসঙ্খারো নুপ্পজ্জতীতি?
24. (Ka) yassa kāyasaṅkhāro nuppajjati tassa vacīsaṅkhāro nuppajjatīti?
ৰিনা অস্সাসপস্সাসেহি ৰিতক্কৰিচারানং উপ্পাদক্খণে তেসং কাযসঙ্খারো নুপ্পজ্জতি, নো চ তেসং ৰচীসঙ্খারো নুপ্পজ্জতি। সব্বেসং চিত্তস্স ভঙ্গক্খণে ৰিনা অস্সাসপস্সাসেহি অৰিতক্কঅৰিচারচিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং কাযসঙ্খারো চ নুপ্পজ্জতি ৰচীসঙ্খারো চ নুপ্পজ্জতি।
Vinā assāsapassāsehi vitakkavicārānaṃ uppādakkhaṇe tesaṃ kāyasaṅkhāro nuppajjati, no ca tesaṃ vacīsaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati vacīsaṅkhāro ca nuppajjati.
(খ) যস্স ৰা পন ৰচীসঙ্খারো নুপ্পজ্জতি তস্স কাযসঙ্খারো নুপ্পজ্জতীতি?
(Kha) yassa vā pana vacīsaṅkhāro nuppajjati tassa kāyasaṅkhāro nuppajjatīti?
ৰিনা ৰিতক্কৰিচারেহি অস্সাসপস্সাসানং উপ্পাদক্খণে তেসং ৰচীসঙ্খারো নুপ্পজ্জতি, নো চ তেসং কাযসঙ্খারো নুপ্পজ্জতি। সব্বেসং চিত্তস্স ভঙ্গক্খণে ৰিনা অস্সাসপস্সাসেহি অৰিতক্কঅৰিচারচিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো চ নুপ্পজ্জতি কাযসঙ্খারো চ নুপ্পজ্জতি।
Vinā vitakkavicārehi assāsapassāsānaṃ uppādakkhaṇe tesaṃ vacīsaṅkhāro nuppajjati, no ca tesaṃ kāyasaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati kāyasaṅkhāro ca nuppajjati.
(ক) যস্স কাযসঙ্খারো নুপ্পজ্জতি তস্স চিত্তসঙ্খারো নুপ্পজ্জতীতি?
(Ka) yassa kāyasaṅkhāro nuppajjati tassa cittasaṅkhāro nuppajjatīti?
ৰিনা অস্সাসপস্সাসেহি চিত্তস্স উপ্পাদক্খণে তেসং কাযসঙ্খারো নুপ্পজ্জতি, নো চ তেসং চিত্তসঙ্খারো নুপ্পজ্জতি। সব্বেসং চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং কাযসঙ্খারো চ নুপ্পজ্জতি চিত্তসঙ্খারো চ নুপ্পজ্জতি।
Vinā assāsapassāsehi cittassa uppādakkhaṇe tesaṃ kāyasaṅkhāro nuppajjati, no ca tesaṃ cittasaṅkhāro nuppajjati. Sabbesaṃ cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati cittasaṅkhāro ca nuppajjati.
(খ) যস্স ৰা পন চিত্তসঙ্খারো নুপ্পজ্জতি তস্স কাযসঙ্খারো নুপ্পজ্জতীতি? আমন্তা।
(Kha) yassa vā pana cittasaṅkhāro nuppajjati tassa kāyasaṅkhāro nuppajjatīti? Āmantā.
২৫. (ক) যস্স ৰচীসঙ্খারো নুপ্পজ্জতি তস্স চিত্তসঙ্খারো নুপ্পজ্জতীতি?
25. (Ka) yassa vacīsaṅkhāro nuppajjati tassa cittasaṅkhāro nuppajjatīti?
ৰিনা ৰিতক্কৰিচারেহি চিত্তস্স উপ্পাদক্খণে তেসং ৰচীসঙ্খারো নুপ্পজ্জতি, নো চ তেসং চিত্তসঙ্খারো নুপ্পজ্জতি। সব্বেসং চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো চ নুপ্পজ্জতি চিত্তসঙ্খারো চ নুপ্পজ্জতি।
Vinā vitakkavicārehi cittassa uppādakkhaṇe tesaṃ vacīsaṅkhāro nuppajjati, no ca tesaṃ cittasaṅkhāro nuppajjati. Sabbesaṃ cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati cittasaṅkhāro ca nuppajjati.
(খ) যস্স ৰা পন চিত্তসঙ্খারো নুপ্পজ্জতি তস্স ৰচীসঙ্খারো নুপ্পজ্জতীতি? আমন্তা।
(Kha) yassa vā pana cittasaṅkhāro nuppajjati tassa vacīsaṅkhāro nuppajjatīti? Āmantā.
(ঙ) পচ্চনীকওকাসো
(Ṅa) paccanīkaokāso
২৬. (ক) যত্থ কাযসঙ্খারো নুপ্পজ্জতি তত্থ ৰচীসঙ্খারো নুপ্পজ্জতীতি?
26. (Ka) yattha kāyasaṅkhāro nuppajjati tattha vacīsaṅkhāro nuppajjatīti?
রূপাৰচরে অরূপাৰচরে তত্থ কাযসঙ্খারো নুপ্পজ্জতি, নো চ তত্থ ৰচীসঙ্খারো নুপ্পজ্জতি। চতুত্থজ্ঝানে অসঞ্ঞসত্তে তত্থ কাযসঙ্খারো চ নুপ্পজ্জতি ৰচীসঙ্খারো চ নুপ্পজ্জতি।
Rūpāvacare arūpāvacare tattha kāyasaṅkhāro nuppajjati, no ca tattha vacīsaṅkhāro nuppajjati. Catutthajjhāne asaññasatte tattha kāyasaṅkhāro ca nuppajjati vacīsaṅkhāro ca nuppajjati.
(খ) যত্থ ৰা পন ৰচীসঙ্খারো নুপ্পজ্জতি তত্থ কাযসঙ্খারো নুপ্পজ্জতীতি?
(Kha) yattha vā pana vacīsaṅkhāro nuppajjati tattha kāyasaṅkhāro nuppajjatīti?
দুতিযজ্ঝানে ততিযজ্ঝানে তত্থ ৰচীসঙ্খারো নুপ্পজ্জতি, নো চ তত্থ কাযসঙ্খারো নুপ্পজ্জতি। চতুত্থজ্ঝানে অসঞ্ঞসত্তে তত্থ ৰচীসঙ্খারো চ নুপ্পজ্জতি কাযসঙ্খারো চ নুপ্পজ্জতি।
Dutiyajjhāne tatiyajjhāne tattha vacīsaṅkhāro nuppajjati, no ca tattha kāyasaṅkhāro nuppajjati. Catutthajjhāne asaññasatte tattha vacīsaṅkhāro ca nuppajjati kāyasaṅkhāro ca nuppajjati.
(ক) যত্থ কাযসঙ্খারো নুপ্পজ্জতি তত্থ চিত্তসঙ্খারো নুপ্পজ্জতীতি?
(Ka) yattha kāyasaṅkhāro nuppajjati tattha cittasaṅkhāro nuppajjatīti?
চতুত্থজ্ঝানে রূপাৰচরে অরূপাৰচরে তত্থ কাযসঙ্খারো নুপ্পজ্জতি, নো চ তত্থ চিত্তসঙ্খারো নুপ্পজ্জতি। অসঞ্ঞসত্তে তত্থ কাযসঙ্খারো চ নুপ্পজ্জতি চিত্তসঙ্খারো চ নুপ্পজ্জতি।
Catutthajjhāne rūpāvacare arūpāvacare tattha kāyasaṅkhāro nuppajjati, no ca tattha cittasaṅkhāro nuppajjati. Asaññasatte tattha kāyasaṅkhāro ca nuppajjati cittasaṅkhāro ca nuppajjati.
(খ) যত্থ ৰা পন…পে॰…? আমন্তা।
(Kha) yattha vā pana…pe…? Āmantā.
২৭. (ক) যত্থ ৰচীসঙ্খারো নুপ্পজ্জতি তত্থ চিত্তসঙ্খারো নুপ্পজ্জতীতি?
27. (Ka) yattha vacīsaṅkhāro nuppajjati tattha cittasaṅkhāro nuppajjatīti?
দুতিযজ্ঝানে ততিযজ্ঝানে চতুত্থজ্ঝানে তত্থ ৰচীসঙ্খারো নুপ্পজ্জতি, নো চ তত্থ চিত্তসঙ্খারো নুপ্পজ্জতি। অসঞ্ঞসত্তে তত্থ ৰচীসঙ্খারো চ নুপ্পজ্জতি চিত্তসঙ্খারো চ নুপ্পজ্জতি।
Dutiyajjhāne tatiyajjhāne catutthajjhāne tattha vacīsaṅkhāro nuppajjati, no ca tattha cittasaṅkhāro nuppajjati. Asaññasatte tattha vacīsaṅkhāro ca nuppajjati cittasaṅkhāro ca nuppajjati.
(খ) যত্থ ৰা পন…পে॰…? আমন্তা।
(Kha) yattha vā pana…pe…? Āmantā.
(চ) পচ্চনীকপুগ্গলোকাসা
(Ca) paccanīkapuggalokāsā
২৮. (ক) যস্স যত্থ কাযসঙ্খারো নুপ্পজ্জতি তস্স তত্থ ৰচীসঙ্খারো নুপ্পজ্জতীতি?
28. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjatīti?
ৰিনা অস্সাসপস্সাসেহি ৰিতক্কৰিচারানং উপ্পাদক্খণে তেসং তত্থ কাযসঙ্খারো নুপ্পজ্জতি, নো চ তেসং তত্থ ৰচীসঙ্খারো নুপ্পজ্জতি। সব্বেসং চিত্তস্স ভঙ্গক্খণে ৰিনা অস্সাসপস্সাসেহি অৰিতক্কঅৰিচারচিত্তস্স উপ্পাদক্খণে অসঞ্ঞসত্তানং তেসং তত্থ কাযসঙ্খারো চ নুপ্পজ্জতি ৰচীসঙ্খারো চ নুপ্পজ্জতি।
Vinā assāsapassāsehi vitakkavicārānaṃ uppādakkhaṇe tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjati.
(খ) যস্স ৰা পন যত্থ…পে॰…? আমন্তা।
(Kha) yassa vā pana yattha…pe…? Āmantā.
(যস্সকম্পি যস্সযত্থকম্পি সদিসং ৰিত্থারেতব্বং, যস্সযত্থকে নিরোধসমাপন্নানন্তি ন লব্ভতি।)
(Yassakampi yassayatthakampi sadisaṃ vitthāretabbaṃ, yassayatthake nirodhasamāpannānanti na labbhati.)
(২) অতীতৰারো
(2) Atītavāro
(ক) অনুলোমপুগ্গলো
(Ka) anulomapuggalo
২৯. (ক) যস্স কাযসঙ্খারো উপ্পজ্জিত্থ তস্স ৰচীসঙ্খারো উপ্পজ্জিত্থাতি? আমন্তা।
29. (Ka) yassa kāyasaṅkhāro uppajjittha tassa vacīsaṅkhāro uppajjitthāti? Āmantā.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(ক) যস্স কাযসঙ্খারো উপ্পজ্জিত্থ তস্স চিত্তসঙ্খারো উপ্পজ্জিত্থাতি? আমন্তা।
(Ka) yassa kāyasaṅkhāro uppajjittha tassa cittasaṅkhāro uppajjitthāti? Āmantā.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
৩০. (ক) যস্স ৰচীসঙ্খারো উপ্পজ্জিত্থ তস্স চিত্তসঙ্খারো উপ্পজ্জিত্থাতি? আমন্তা।
30. (Ka) yassa vacīsaṅkhāro uppajjittha tassa cittasaṅkhāro uppajjitthāti? Āmantā.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(খ) অনুলোমওকাসো
(Kha) anulomaokāso
৩১. যত্থ কাযসঙ্খারো উপ্পজ্জিত্থ…পে॰…
31. Yattha kāyasaṅkhāro uppajjittha…pe…
(যত্থকম্পি সব্বত্থ একসদিসং)।
(Yatthakampi sabbattha ekasadisaṃ).
(গ) অনুলোমপুগ্গলোকাসা
(Ga) anulomapuggalokāsā
৩২. (ক) যস্স যত্থ কাযসঙ্খারো উপ্পজ্জিত্থ তস্স তত্থ ৰচীসঙ্খারো উপ্পজ্জিত্থাতি?
32. (Ka) yassa yattha kāyasaṅkhāro uppajjittha tassa tattha vacīsaṅkhāro uppajjitthāti?
দুতিযজ্ঝানং ততিযজ্ঝানং সমাপন্নানং তেসং তত্থ কাযসঙ্খারো উপ্পজ্জিত্থ, নো চ তেসং তত্থ ৰচীসঙ্খারো উপ্পজ্জিত্থ। পঠমজ্ঝানং সমাপন্নানং কামাৰচরানং তেসং তত্থ কাযসঙ্খারো চ উপ্পজ্জিত্থ ৰচীসঙ্খারো চ উপ্পজ্জিত্থ।
Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjittha, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjittha vacīsaṅkhāro ca uppajjittha.
(খ) যস্স ৰা পন যত্থ ৰচীসঙ্খারো উপ্পজ্জিত্থ তস্স তত্থ কাযসঙ্খারো উপ্পজ্জিত্থাতি?
(Kha) yassa vā pana yattha vacīsaṅkhāro uppajjittha tassa tattha kāyasaṅkhāro uppajjitthāti?
রূপাৰচরানং অরূপাৰচরানং তেসং তত্থ ৰচীসঙ্খারো উপ্পজ্জিত্থ, নো চ তেসং তত্থ কাযসঙ্খারো উপ্পজ্জিত্থ। পঠমজ্ঝানং সমাপন্নানং কামাৰচরানং তেসং তত্থ ৰচীসঙ্খারো চ উপ্পজ্জিত্থ কাযসঙ্খারো চ উপ্পজ্জিত্থ।
Rūpāvacarānaṃ arūpāvacarānaṃ tesaṃ tattha vacīsaṅkhāro uppajjittha, no ca tesaṃ tattha kāyasaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca uppajjittha kāyasaṅkhāro ca uppajjittha.
(ক) যস্স যত্থ কাযসঙ্খারো উপ্পজ্জিত্থ তস্স তত্থ চিত্তসঙ্খারো উপ্পজ্জিত্থাতি? আমন্তা।
(Ka) yassa yattha kāyasaṅkhāro uppajjittha tassa tattha cittasaṅkhāro uppajjitthāti? Āmantā.
(খ) যস্স ৰা পন যত্থ চিত্তসঙ্খারো উপ্পজ্জিত্থ তস্স তত্থ কাযসঙ্খারো উপ্পজ্জিত্থাতি?
(Kha) yassa vā pana yattha cittasaṅkhāro uppajjittha tassa tattha kāyasaṅkhāro uppajjitthāti?
চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ চিত্তসঙ্খারো উপ্পজ্জিত্থ, নো চ তেসং তত্থ কাযসঙ্খারো উপ্পজ্জিত্থ। পঠমজ্ঝানং দুতিযজ্ঝানং ততিযজ্ঝানং সমাপন্নানং কামাৰচরানং তেসং তত্থ চিত্তসঙ্খারো চ উপ্পজ্জিত্থ কাযসঙ্খারো চ উপ্পজ্জিত্থ।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjittha, no ca tesaṃ tattha kāyasaṅkhāro uppajjittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca uppajjittha kāyasaṅkhāro ca uppajjittha.
৩৩. (ক) যস্স যত্থ ৰচীসঙ্খারো উপ্পজ্জিত্থ তস্স তত্থ চিত্তসঙ্খারো উপ্পজ্জিত্থাতি? আমন্তা।
33. (Ka) yassa yattha vacīsaṅkhāro uppajjittha tassa tattha cittasaṅkhāro uppajjitthāti? Āmantā.
(খ) যস্স ৰা পন যত্থ চিত্তসঙ্খারো উপ্পজ্জিত্থ তস্স তত্থ ৰচীসঙ্খারো উপ্পজ্জিত্থাতি?
(Kha) yassa vā pana yattha cittasaṅkhāro uppajjittha tassa tattha vacīsaṅkhāro uppajjitthāti?
দুতিযজ্ঝানং ততিযজ্ঝানং চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে তেসং তত্থ চিত্তসঙ্খারো উপ্পজ্জিত্থ, নো চ তেসং তত্থ ৰচীসঙ্খারো উপ্পজ্জিত্থ। পঠমজ্ঝানং সমাপন্নানং কামাৰচরানং ইতরেসং রূপাৰচরানং অরূপাৰচরানং তেসং তত্থ চিত্তসঙ্খারো চ উপ্পজ্জিত্থ ৰচীসঙ্খারো চ উপ্পজ্জিত্থ।
Dutiyajjhānaṃ tatiyajjhānaṃ catutthajjhānaṃ samāpannānaṃ suddhāvāsānaṃ dutiye citte vattamāne tesaṃ tattha cittasaṅkhāro uppajjittha, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca uppajjittha vacīsaṅkhāro ca uppajjittha.
(ঘ) পচ্চনীকপুগ্গলো
(Gha) paccanīkapuggalo
৩৪. (ক) যস্স কাযসঙ্খারো নুপ্পজ্জিত্থ তস্স ৰচীসঙ্খারো নুপ্পজ্জিত্থাতি? নত্থি।
34. (Ka) yassa kāyasaṅkhāro nuppajjittha tassa vacīsaṅkhāro nuppajjitthāti? Natthi.
(খ) যস্স ৰা পন ৰচীসঙ্খারো নুপ্পজ্জিত্থ তস্স কাযসঙ্খারো নুপ্পজ্জিত্থাতি? নত্থি।
(Kha) yassa vā pana vacīsaṅkhāro nuppajjittha tassa kāyasaṅkhāro nuppajjitthāti? Natthi.
(ক) যস্স কাযসঙ্খারো নুপ্পজ্জিত্থ তস্স চিত্তসঙ্খারো নুপ্পজ্জিত্থাতি? নত্থি।
(Ka) yassa kāyasaṅkhāro nuppajjittha tassa cittasaṅkhāro nuppajjitthāti? Natthi.
(খ) যস্স ৰা পন…পে॰…? নত্থি।
(Kha) yassa vā pana…pe…? Natthi.
৩৫. (ক) যস্স ৰচীসঙ্খারো নুপ্পজ্জিত্থ তস্স চিত্তসঙ্খারো নুপ্পজ্জিত্থাতি? নত্থি।
35. (Ka) yassa vacīsaṅkhāro nuppajjittha tassa cittasaṅkhāro nuppajjitthāti? Natthi.
(খ) যস্স ৰা পন…পে॰…? নত্থি।
(Kha) yassa vā pana…pe…? Natthi.
(ঙ) পচ্চনীকওকাসো
(Ṅa) paccanīkaokāso
৩৬. যত্থ কাযসঙ্খারো নুপ্পজ্জিত্থ…পে॰…।
36. Yattha kāyasaṅkhāro nuppajjittha…pe….
(চ) পচ্চনীকপুগ্গলোকাসা
(Ca) paccanīkapuggalokāsā
৩৭. (ক) যস্স যত্থ কাযসঙ্খারো নুপ্পজ্জিত্থ তস্স তত্থ ৰচীসঙ্খারো নুপ্পজ্জিত্থাতি?
37. (Ka) yassa yattha kāyasaṅkhāro nuppajjittha tassa tattha vacīsaṅkhāro nuppajjitthāti?
রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জিত্থ, নো চ তেসং তত্থ ৰচীসঙ্খারো নুপ্পজ্জিত্থ। চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ কাযসঙ্খারো চ নুপ্পজ্জিত্থ ৰচীসঙ্খারো চ নুপ্পজ্জিত্থ।
Rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha vacīsaṅkhāro nuppajjittha. Catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca nuppajjittha vacīsaṅkhāro ca nuppajjittha.
(খ) যস্স ৰা পন যত্থ ৰচীসঙ্খারো নুপ্পজ্জিত্থ তস্স তত্থ কাযসঙ্খারো নুপ্পজ্জিত্থাতি?
(Kha) yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjitthāti?
দুতিযজ্ঝানং ততিযজ্ঝানং সমাপন্নানং তেসং তত্থ ৰচীসঙ্খারো নুপ্পজ্জিত্থ, নো চ তেসং তত্থ কাযসঙ্খারো নুপ্পজ্জিত্থ। চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিত্থ কাযসঙ্খারো চ নুপ্পজ্জিত্থ।
Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjittha, no ca tesaṃ tattha kāyasaṅkhāro nuppajjittha. Catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca nuppajjittha kāyasaṅkhāro ca nuppajjittha.
(ক) যস্স যত্থ কাযসঙ্খারো নুপ্পজ্জিত্থ তস্স তত্থ চিত্তসঙ্খারো নুপ্পজ্জিত্থাতি?
(Ka) yassa yattha kāyasaṅkhāro nuppajjittha tassa tattha cittasaṅkhāro nuppajjitthāti?
চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জিত্থ, নো চ তেসং তত্থ চিত্তসঙ্খারো নুপ্পজ্জিত্থ। সুদ্ধাৰাসং উপপজ্জন্তানং অসঞ্ঞসত্তানং তেসং তত্থ কাযসঙ্খারো চ নুপ্পজ্জিত্থ চিত্তসঙ্খারো চ নুপ্পজ্জিত্থ।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca nuppajjittha cittasaṅkhāro ca nuppajjittha.
(খ) যস্স ৰা পন যত্থ…পে॰…? আমন্তা।
(Kha) yassa vā pana yattha…pe…? Āmantā.
৩৮. (ক) যস্স যত্থ ৰচীসঙ্খারো নুপ্পজ্জিত্থ তস্স তত্থ চিত্তসঙ্খারো নুপ্পজ্জিত্থাতি?
38. (Ka) yassa yattha vacīsaṅkhāro nuppajjittha tassa tattha cittasaṅkhāro nuppajjitthāti?
দুতিযজ্ঝানং ততিযজ্ঝানং চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে তেসং তত্থ ৰচীসঙ্খারো নুপ্পজ্জিত্থ, নো চ তেসং তত্থ চিত্তসঙ্খারো নুপ্পজ্জিত্থ। সুদ্ধাৰাসং উপপজ্জন্তানং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিত্থ চিত্তসঙ্খারো চ নুপ্পজ্জিত্থ।
Dutiyajjhānaṃ tatiyajjhānaṃ catutthajjhānaṃ samāpannānaṃ suddhāvāsānaṃ dutiye citte vattamāne tesaṃ tattha vacīsaṅkhāro nuppajjittha, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca nuppajjittha cittasaṅkhāro ca nuppajjittha.
(খ) যস্স ৰা পন যত্থ…পে॰…? আমন্তা।
(Kha) yassa vā pana yattha…pe…? Āmantā.
(৩) অনাগতৰারো
(3) Anāgatavāro
(ক) অনুলোমপুগ্গলো
(Ka) anulomapuggalo
৩৯. (ক) যস্স কাযসঙ্খারো উপ্পজ্জিস্সতি তস্স ৰচীসঙ্খারো উপ্পজ্জিস্সতীতি? আমন্তা।
39. (Ka) yassa kāyasaṅkhāro uppajjissati tassa vacīsaṅkhāro uppajjissatīti? Āmantā.
(খ) যস্স ৰা পন ৰচীসঙ্খারো উপ্পজ্জিস্সতি তস্স কাযসঙ্খারো উপ্পজ্জিস্সতীতি?
(Kha) yassa vā pana vacīsaṅkhāro uppajjissati tassa kāyasaṅkhāro uppajjissatīti?
যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং ৰচীসঙ্খারো উপ্পজ্জিস্সতি, নো চ তেসং কাযসঙ্খারো উপ্পজ্জিস্সতি। ইতরেসং তেসং ৰচীসঙ্খারো চ উপ্পজ্জিস্সতি কাযসঙ্খারো চ উপ্পজ্জিস্সতি।
Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro uppajjissati, no ca tesaṃ kāyasaṅkhāro uppajjissati. Itaresaṃ tesaṃ vacīsaṅkhāro ca uppajjissati kāyasaṅkhāro ca uppajjissati.
(ক) যস্স কাযসঙ্খারো উপ্পজ্জিস্সতি তস্স চিত্তসঙ্খারো উপ্পজ্জিস্সতীতি? আমন্তা।
(Ka) yassa kāyasaṅkhāro uppajjissati tassa cittasaṅkhāro uppajjissatīti? Āmantā.
(খ) যস্স ৰা পন চিত্তসঙ্খারো উপ্পজ্জিস্সতি তস্স কাযসঙ্খারো উপ্পজ্জিস্সতীতি?
(Kha) yassa vā pana cittasaṅkhāro uppajjissati tassa kāyasaṅkhāro uppajjissatīti?
যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং চিত্তসঙ্খারো উপ্পজ্জিস্সতি, নো চ তেসং কাযসঙ্খারো উপ্পজ্জিস্সতি। ইতরেসং তেসং চিত্তসঙ্খারো চ উপ্পজ্জিস্সতি কাযসঙ্খারো চ উপ্পজ্জিস্সতি।
Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro uppajjissati, no ca tesaṃ kāyasaṅkhāro uppajjissati. Itaresaṃ tesaṃ cittasaṅkhāro ca uppajjissati kāyasaṅkhāro ca uppajjissati.
৪০. (ক) যস্স ৰচীসঙ্খারো উপ্পজ্জিস্সতি তস্স চিত্তসঙ্খারো উপ্পজ্জিস্সতীতি? আমন্তা।
40. (Ka) yassa vacīsaṅkhāro uppajjissati tassa cittasaṅkhāro uppajjissatīti? Āmantā.
(খ) যস্স ৰা পন চিত্তসঙ্খারো উপ্পজ্জিস্সতি তস্স ৰচীসঙ্খারো উপ্পজ্জিস্সতীতি?
(Kha) yassa vā pana cittasaṅkhāro uppajjissati tassa vacīsaṅkhāro uppajjissatīti?
যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং চিত্তসঙ্খারো উপ্পজ্জিস্সতি, নো চ তেসং ৰচীসঙ্খারো উপ্পজ্জিস্সতি। ইতরেসং তেসং চিত্তসঙ্খারো চ উপ্পজ্জিস্সতি ৰচীসঙ্খারো চ উপ্পজ্জিস্সতি।
Yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro uppajjissati, no ca tesaṃ vacīsaṅkhāro uppajjissati. Itaresaṃ tesaṃ cittasaṅkhāro ca uppajjissati vacīsaṅkhāro ca uppajjissati.
(খ) অনুলোমওকাসো
(Kha) anulomaokāso
৪১. যত্থ কাযসঙ্খারো উপ্পজ্জিস্সতি…পে॰…।
41. Yattha kāyasaṅkhāro uppajjissati…pe….
(গ) অনুলোমপুগ্গলোকাসা
(Ga) anulomapuggalokāsā
৪২. (ক) যস্স যত্থ কাযসঙ্খারো উপ্পজ্জিস্সতি তস্স তত্থ ৰচীসঙ্খারো উপ্পজ্জিস্সতীতি?
42. (Ka) yassa yattha kāyasaṅkhāro uppajjissati tassa tattha vacīsaṅkhāro uppajjissatīti?
দুতিযজ্ঝানং ততিযজ্ঝানং সমাপন্নানং তেসং তত্থ কাযসঙ্খারো উপ্পজ্জিস্সতি, নো চ তেসং তত্থ ৰচীসঙ্খারো উপ্পজ্জিস্সতি। পঠমজ্ঝানং সমাপন্নানং কামাৰচরানং তেসং তত্থ কাযসঙ্খারো চ উপ্পজ্জিস্সতি ৰচীসঙ্খারো চ উপ্পজ্জিস্সতি।
Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjissati vacīsaṅkhāro ca uppajjissati.
(খ) যস্স ৰা পন যত্থ ৰচীসঙ্খারো উপ্পজ্জিস্সতি তস্স তত্থ কাযসঙ্খারো উপ্পজ্জিস্সতীতি?
(Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjissatīti?
যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরানং অরূপাৰচরানং তেসং তত্থ ৰচীসঙ্খারো উপ্পজ্জিস্সতি, নো চ তেসং তত্থ কাযসঙ্খারো উপ্পজ্জিস্সতি। পঠমজ্ঝানং সমাপন্নানং ইতরেসং কামাৰচরানং তেসং তত্থ ৰচীসঙ্খারো চ উপ্পজ্জিস্সতি কাযসঙ্খারো চ উপ্পজ্জিস্সতি।
Yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca uppajjissati kāyasaṅkhāro ca uppajjissati.
(ক) যস্স যত্থ কাযসঙ্খারো উপ্পজ্জিস্সতি তস্স তত্থ চিত্তসঙ্খারো উপ্পজ্জিস্সতীতি? আমন্তা।
(Ka) yassa yattha kāyasaṅkhāro uppajjissati tassa tattha cittasaṅkhāro uppajjissatīti? Āmantā.
(খ) যস্স ৰা পন যত্থ চিত্তসঙ্খারো উপ্পজ্জিস্সতি তস্স তত্থ কাযসঙ্খারো উপ্পজ্জিস্সতীতি?
(Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjissatīti?
যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ চিত্তসঙ্খারো উপ্পজ্জিস্সতি, নো চ তেসং তত্থ কাযসঙ্খারো উপ্পজ্জিস্সতি। পঠমজ্ঝানং দুতিযজ্ঝানং ততিযজ্ঝানং সমাপন্নানং ইতরেসং কামাৰচরানং তেসং তত্থ চিত্তসঙ্খারো চ উপ্পজ্জিস্সতি কাযসঙ্খারো চ উপ্পজ্জিস্সতি।
Yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca uppajjissati kāyasaṅkhāro ca uppajjissati.
৪৩. (ক) যস্স যত্থ ৰচীসঙ্খারো উপ্পজ্জিস্সতি তস্স তত্থ চিত্তসঙ্খারো উপ্পজ্জিস্সতীতি? আমন্তা।
43. (Ka) yassa yattha vacīsaṅkhāro uppajjissati tassa tattha cittasaṅkhāro uppajjissatīti? Āmantā.
(খ) যস্স ৰা পন যত্থ চিত্তসঙ্খারো উপ্পজ্জিস্সতি তস্স তত্থ ৰচীসঙ্খারো উপ্পজ্জিস্সতীতি?
(Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjissatīti?
যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং চতুত্থজ্ঝানং সমাপন্নানং তেসং তত্থ চিত্তসঙ্খারো উপ্পজ্জিস্সতি, নো চ তেসং তত্থ ৰচীসঙ্খারো উপ্পজ্জিস্সতি। পঠমজ্ঝানং সমাপন্নানং কামাৰচরানং ইতরেসং রূপাৰচরানং অরূপাৰচরানং তেসং তত্থ চিত্তসঙ্খারো চ উপ্পজ্জিস্সতি ৰচীসঙ্খারো চ উপ্পজ্জিস্সতি।
Yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca uppajjissati vacīsaṅkhāro ca uppajjissati.
(ঘ) পচ্চনীকপুগ্গলো
(Gha) paccanīkapuggalo
৪৪. (ক) যস্স কাযসঙ্খারো নুপ্পজ্জিস্সতি তস্স ৰচীসঙ্খারো নুপ্পজ্জিস্সতীতি?
44. (Ka) yassa kāyasaṅkhāro nuppajjissati tassa vacīsaṅkhāro nuppajjissatīti?
যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং কাযসঙ্খারো নুপ্পজ্জিস্সতি, নো চ তেসং ৰচীসঙ্খারো নুপ্পজ্জিস্সতি। পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো চ নুপ্পজ্জিস্সতি ৰচীসঙ্খারো চ নুপ্পজ্জিস্সতি।
Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjissati vacīsaṅkhāro ca nuppajjissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(ক) যস্স কাযসঙ্খারো নুপ্পজ্জিস্সতি তস্স চিত্তসঙ্খারো নুপ্পজ্জিস্সতীতি?
(Ka) yassa kāyasaṅkhāro nuppajjissati tassa cittasaṅkhāro nuppajjissatīti?
যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং কাযসঙ্খারো নুপ্পজ্জিস্সতি, নো চ তেসং চিত্তসঙ্খারো নুপ্পজ্জিস্সতি। পচ্ছিমচিত্তসমঙ্গীনং তেসং কাযসঙ্খারো চ নুপ্পজ্জিস্সতি চিত্তসঙ্খারো চ নুপ্পজ্জিস্সতি।
Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ kāyasaṅkhāro ca nuppajjissati cittasaṅkhāro ca nuppajjissati.
(খ) যস্স ৰা পন চিত্তসঙ্খারো…পে॰…? আমন্তা।
(Kha) yassa vā pana cittasaṅkhāro…pe…? Āmantā.
৪৫. (ক) যস্স ৰচীসঙ্খারো নুপ্পজ্জিস্সতি তস্স চিত্তসঙ্খারো নুপ্পজ্জিস্সতীতি?
45. (Ka) yassa vacīsaṅkhāro nuppajjissati tassa cittasaṅkhāro nuppajjissatīti?
যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং ৰচীসঙ্খারো নুপ্পজ্জিস্সতি, নো চ তেসং চিত্তসঙ্খারো নুপ্পজ্জিস্সতি। পচ্ছিমচিত্তসমঙ্গীনং তেসং ৰচীসঙ্খারো চ নুপ্পজ্জিস্সতি চিত্তসঙ্খারো চ নুপ্পজ্জিস্সতি।
Yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro nuppajjissati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ vacīsaṅkhāro ca nuppajjissati cittasaṅkhāro ca nuppajjissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(ঙ) পচ্চনীকওকাসো
(Ṅa) paccanīkaokāso
৪৬. যত্থ কাযসঙ্খারো নুপ্পজ্জিস্সতি…পে॰…।
46. Yattha kāyasaṅkhāro nuppajjissati…pe….
(চ) পচ্চনীকপুগ্গলোকাসা
(Ca) paccanīkapuggalokāsā
৪৭. (ক) যস্স যত্থ কাযসঙ্খারো নুপ্পজ্জিস্সতি তস্স তত্থ ৰচীসঙ্খারো নুপ্পজ্জিস্সতীতি?
47. (Ka) yassa yattha kāyasaṅkhāro nuppajjissati tassa tattha vacīsaṅkhāro nuppajjissatīti?
যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জিস্সতি, নো চ তেসং তত্থ ৰচীসঙ্খারো নুপ্পজ্জিস্সতি। পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ নুপ্পজ্জিস্সতি ৰচীসঙ্খারো চ নুপ্পজ্জিস্সতি।
Yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjissati vacīsaṅkhāro ca nuppajjissati.
(খ) যস্স ৰা পন যত্থ ৰচীসঙ্খারো নুপ্পজ্জিস্সতি তস্স তত্থ কাযসঙ্খারো নুপ্পজ্জিস্সতীতি?
(Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjissatīti?
দুতিযজ্ঝানং ততিযজ্ঝানং সমাপন্নানং তেসং তত্থ ৰচীসঙ্খারো নুপ্পজ্জিস্সতি, নো চ তেসং তত্থ কাযসঙ্খারো নুপ্পজ্জিস্সতি। পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিস্সতি কাযসঙ্খারো চ নুপ্পজ্জিস্সতি।
Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjissati.
(ক) যস্স যত্থ কাযসঙ্খারো নুপ্পজ্জিস্সতি তস্স তত্থ চিত্তসঙ্খারো নুপ্পজ্জিস্সতীতি?
(Ka) yassa yattha kāyasaṅkhāro nuppajjissati tassa tattha cittasaṅkhāro nuppajjissatīti?
যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জিস্সতি, নো চ তেসং তত্থ চিত্তসঙ্খারো নুপ্পজ্জিস্সতি। পচ্ছিমচিত্তসমঙ্গীনং অসঞ্ঞসত্তানং তেসং তত্থ কাযসঙ্খারো চ নুপ্পজ্জিস্সতি চিত্তসঙ্খারো চ নুপ্পজ্জিস্সতি।
Yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjissati cittasaṅkhāro ca nuppajjissati.
(খ) যস্স ৰা পন যত্থ…পে॰…? আমন্তা।
(Kha) yassa vā pana yattha…pe…? Āmantā.
৪৮. (ক) যস্স যত্থ ৰচীসঙ্খারো নুপ্পজ্জিস্সতি তস্স তত্থ চিত্তসঙ্খারো নুপ্পজ্জিস্সতীতি?
48. (Ka) yassa yattha vacīsaṅkhāro nuppajjissati tassa tattha cittasaṅkhāro nuppajjissatīti?
যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং চতুত্থজ্ঝানং সমাপন্নানং তেসং তত্থ ৰচীসঙ্খারো নুপ্পজ্জিস্সতি, নো চ তেসং তত্থ চিত্তসঙ্খারো নুপ্পজ্জিস্সতি। পচ্ছিমচিত্তসমঙ্গীনং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিস্সতি চিত্তসঙ্খারো চ নুপ্পজ্জিস্সতি।
Yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjissati cittasaṅkhāro ca nuppajjissati.
(খ) যস্স ৰা পন যত্থ…পে॰…? আমন্তা।
(Kha) yassa vā pana yattha…pe…? Āmantā.
(৪) পচ্চুপ্পন্নাতীতৰারো
(4) Paccuppannātītavāro
(ক) অনুলোমপুগ্গলো
(Ka) anulomapuggalo
৪৯. (ক) যস্স কাযসঙ্খারো উপ্পজ্জতি তস্স ৰচীসঙ্খারো উপ্পজ্জিত্থাতি? আমন্তা।
49. (Ka) yassa kāyasaṅkhāro uppajjati tassa vacīsaṅkhāro uppajjitthāti? Āmantā.
(খ) যস্স ৰা পন ৰচীসঙ্খারো উপ্পজ্জিত্থ তস্স কাযসঙ্খারো উপ্পজ্জতীতি?
(Kha) yassa vā pana vacīsaṅkhāro uppajjittha tassa kāyasaṅkhāro uppajjatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো উপ্পজ্জিত্থ , নো চ তেসং কাযসঙ্খারো উপ্পজ্জতি। অস্সাসপস্সাসানং উপ্পাদক্খণে তেসং ৰচীসঙ্খারো চ উপ্পজ্জিত্থ কাযসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro uppajjittha , no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca uppajjittha kāyasaṅkhāro ca uppajjati.
(ক) যস্স কাযসঙ্খারো উপ্পজ্জতি তস্স চিত্তসঙ্খারো উপ্পজ্জিত্থাতি? আমন্তা।
(Ka) yassa kāyasaṅkhāro uppajjati tassa cittasaṅkhāro uppajjitthāti? Āmantā.
(খ) যস্স ৰা পন চিত্তসঙ্খারো উপ্পজ্জিত্থ তস্স কাযসঙ্খারো উপ্পজ্জতীতি?
(Kha) yassa vā pana cittasaṅkhāro uppajjittha tassa kāyasaṅkhāro uppajjatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো উপ্পজ্জিত্থ, নো চ তেসং কাযসঙ্খারো উপ্পজ্জতি। অস্সাসপস্সাসানং উপ্পাদক্খণে তেসং চিত্তসঙ্খারো চ উপ্পজ্জিত্থ কাযসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjittha kāyasaṅkhāro ca uppajjati.
৫০. (ক) যস্স ৰচীসঙ্খারো উপ্পজ্জতি তস্স চিত্তসঙ্খারো উপ্পজ্জিত্থাতি? আমন্তা।
50. (Ka) yassa vacīsaṅkhāro uppajjati tassa cittasaṅkhāro uppajjitthāti? Āmantā.
(খ) যস্স ৰা পন চিত্তসঙ্খারো উপ্পজ্জিত্থ তস্স ৰচীসঙ্খারো উপ্পজ্জতীতি?
(Kha) yassa vā pana cittasaṅkhāro uppajjittha tassa vacīsaṅkhāro uppajjatīti?
সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো উপ্পজ্জিত্থ, নো চ তেসং ৰচীসঙ্খারো উপ্পজ্জতি। ৰিতক্কৰিচারানং উপ্পাদক্খণে তেসং চিত্তসঙ্খারো চ উপ্পজ্জিত্থ ৰচীসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjittha vacīsaṅkhāro ca uppajjati.
(খ) অনুলোমওকাসো
(Kha) anulomaokāso
৫১. যত্থ কাযসঙ্খারো উপ্পজ্জতি…পে॰…।
51. Yattha kāyasaṅkhāro uppajjati…pe….
(গ) অনুলোমপুগ্গলোকাসা
(Ga) anulomapuggalokāsā
৫২. (ক) যস্স যত্থ কাযসঙ্খারো উপ্পজ্জতি তস্স তত্থ ৰচীসঙ্খারো উপ্পজ্জিত্থাতি?
52. (Ka) yassa yattha kāyasaṅkhāro uppajjati tassa tattha vacīsaṅkhāro uppajjitthāti?
দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ কাযসঙ্খারো উপ্পজ্জতি, নো চ তেসং তত্থ ৰচীসঙ্খারো উপ্পজ্জিত্থ। পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং তত্থ কাযসঙ্খারো চ উপ্পজ্জতি ৰচীসঙ্খারো চ উপ্পজ্জিত্থ।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca uppajjittha.
(খ) যস্স ৰা পন যত্থ ৰচীসঙ্খারো উপ্পজ্জিত্থ তস্স তত্থ কাযসঙ্খারো উপ্পজ্জতীতি?
(Kha) yassa vā pana yattha vacīsaṅkhāro uppajjittha tassa tattha kāyasaṅkhāro uppajjatīti?
পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে রূপাৰচরানং অরূপাৰচরানং তেসং তত্থ ৰচীসঙ্খারো উপ্পজ্জিত্থ, নো চ তেসং তত্থ কাযসঙ্খারো উপ্পজ্জতি। পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং তত্থ ৰচীসঙ্খারো চ উপ্পজ্জিত্থ কাযসঙ্খারো চ উপ্পজ্জতি।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro uppajjittha, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca uppajjittha kāyasaṅkhāro ca uppajjati.
(ক) যস্স যত্থ কাযসঙ্খারো উপ্পজ্জতি তস্স তত্থ চিত্তসঙ্খারো উপ্পজ্জিত্থাতি? আমন্তা।
(Ka) yassa yattha kāyasaṅkhāro uppajjati tassa tattha cittasaṅkhāro uppajjitthāti? Āmantā.
(খ) যস্স ৰা পন যত্থ চিত্তসঙ্খারো উপ্পজ্জিত্থ তস্স তত্থ কাযসঙ্খারো উপ্পজ্জতীতি?
(Kha) yassa vā pana yattha cittasaṅkhāro uppajjittha tassa tattha kāyasaṅkhāro uppajjatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে তেসং তত্থ চিত্তসঙ্খারো উপ্পজ্জিত্থ, নো চ তেসং তত্থ কাযসঙ্খারো উপ্পজ্জতি। অস্সাসপস্সাসানং উপ্পাদক্খণে তেসং তত্থ চিত্তসঙ্খারো চ উপ্পজ্জিত্থ কাযসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro uppajjittha, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca uppajjittha kāyasaṅkhāro ca uppajjati.
৫৩. (ক) যস্স যত্থ ৰচীসঙ্খারো উপ্পজ্জতি তস্স তত্থ চিত্তসঙ্খারো উপ্পজ্জিত্থাতি? আমন্তা।
53. (Ka) yassa yattha vacīsaṅkhāro uppajjati tassa tattha cittasaṅkhāro uppajjitthāti? Āmantā.
(খ) যস্স ৰা পন যত্থ চিত্তসঙ্খারো উপ্পজ্জিত্থ তস্স তত্থ ৰচীসঙ্খারো উপ্পজ্জতীতি?
(Kha) yassa vā pana yattha cittasaṅkhāro uppajjittha tassa tattha vacīsaṅkhāro uppajjatīti?
সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে তেসং তত্থ চিত্তসঙ্খারো উপ্পজ্জিত্থ, নো চ তেসং তত্থ ৰচীসঙ্খারো উপ্পজ্জতি। ৰিতক্কৰিচারানং উপ্পাদক্খণে তেসং তত্থ চিত্তসঙ্খারো চ উপ্পজ্জিত্থ ৰচীসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro uppajjittha, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca uppajjittha vacīsaṅkhāro ca uppajjati.
(ঘ) পচ্চনীকপুগ্গলো
(Gha) paccanīkapuggalo
৫৪. (ক) যস্স কাযসঙ্খারো নুপ্পজ্জতি তস্স ৰচীসঙ্খারো নুপ্পজ্জিত্থাতি? উপ্পজ্জিত্থ।
54. (Ka) yassa kāyasaṅkhāro nuppajjati tassa vacīsaṅkhāro nuppajjitthāti? Uppajjittha.
(খ) যস্স ৰা পন ৰচীসঙ্খারো নুপ্পজ্জিত্থ তস্স কাযসঙ্খারো নুপ্পজ্জতীতি? নত্থি।
(Kha) yassa vā pana vacīsaṅkhāro nuppajjittha tassa kāyasaṅkhāro nuppajjatīti? Natthi.
(ক) যস্স কাযসঙ্খারো নুপ্পজ্জতি তস্স চিত্তসঙ্খারো নুপ্পজ্জিত্থাতি? উপ্পজ্জিত্থ।
(Ka) yassa kāyasaṅkhāro nuppajjati tassa cittasaṅkhāro nuppajjitthāti? Uppajjittha.
(খ) যস্স ৰা পন চিত্তসঙ্খারো নুপ্পজ্জিত্থ তস্স কাযসঙ্খারো নুপ্পজ্জতীতি? নত্থি।
(Kha) yassa vā pana cittasaṅkhāro nuppajjittha tassa kāyasaṅkhāro nuppajjatīti? Natthi.
৫৫. (ক) যস্স ৰচীসঙ্খারো নুপ্পজ্জতি তস্স চিত্তসঙ্খারো নুপ্পজ্জিত্থাতি? উপ্পজ্জিত্থ।
55. (Ka) yassa vacīsaṅkhāro nuppajjati tassa cittasaṅkhāro nuppajjitthāti? Uppajjittha.
(খ) যস্স ৰা পন…পে॰…? নত্থি।
(Kha) yassa vā pana…pe…? Natthi.
(ঙ) পচ্চনীকওকাসো
(Ṅa) paccanīkaokāso
৫৬. যত্থ কাযসঙ্খারো নুপ্পজ্জতি…পে॰…।
56. Yattha kāyasaṅkhāro nuppajjati…pe….
(চ) পচ্চনীকপুগ্গলোকাসা
(Ca) paccanīkapuggalokāsā
৫৭. (ক) যস্স যত্থ কাযসঙ্খারো নুপ্পজ্জতি তস্স তত্থ ৰচীসঙ্খারো নুপ্পজ্জিত্থাতি?
57. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjitthāti?
পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জতি, নো চ তেসং তত্থ ৰচীসঙ্খারো নুপ্পজ্জিত্থ। দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ কাযসঙ্খারো চ নুপ্পজ্জতি ৰচীসঙ্খারো চ নুপ্পজ্জিত্থ।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjittha. Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjittha.
(খ) যস্স ৰা পন যত্থ ৰচীসঙ্খারো নুপ্পজ্জিত্থ তস্স তত্থ কাযসঙ্খারো নুপ্পজ্জতীতি?
(Kha) yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjatīti?
দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ ৰচীসঙ্খারো নুপ্পজ্জিত্থ, নো চ তেসং তত্থ কাযসঙ্খারো নুপ্পজ্জতি। দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিত্থ কাযসঙ্খারো চ নুপ্পজ্জতি।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro nuppajjittha, no ca tesaṃ tattha kāyasaṅkhāro nuppajjati. Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca nuppajjittha kāyasaṅkhāro ca nuppajjati.
(ক) যস্স যত্থ কাযসঙ্খারো নুপ্পজ্জতি তস্স তত্থ চিত্তসঙ্খারো নুপ্পজ্জিত্থাতি?
(Ka) yassa yattha kāyasaṅkhāro nuppajjati tassa tattha cittasaṅkhāro nuppajjitthāti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে তেসং তত্থ কাযসঙ্খারো নুপ্পজ্জতি, নো চ তেসং তত্থ চিত্তসঙ্খারো নুপ্পজ্জিত্থ। সুদ্ধাৰাসং উপপজ্জন্তানং অসঞ্ঞসত্তানং তেসং তত্থ কাযসঙ্খারো চ নুপ্পজ্জতি চিত্তসঙ্খারো চ নুপ্পজ্জিত্থ।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca nuppajjittha.
(খ) যস্স ৰা পন যত্থ চিত্তসঙ্খারো নুপ্পজ্জিত্থ তস্স তত্থ কাযসঙ্খারো নুপ্পজ্জতীতি? আমন্তা।
(Kha) yassa vā pana yattha cittasaṅkhāro nuppajjittha tassa tattha kāyasaṅkhāro nuppajjatīti? Āmantā.
৫৮. (ক) যস্স যত্থ ৰচীসঙ্খারো নুপ্পজ্জতি তস্স তত্থ চিত্তসঙ্খারো নুপ্পজ্জিত্থাতি?
58. (Ka) yassa yattha vacīsaṅkhāro nuppajjati tassa tattha cittasaṅkhāro nuppajjitthāti?
সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে তেসং তত্থ ৰচীসঙ্খারো নুপ্পজ্জতি, নো চ তেসং তত্থ চিত্তসঙ্খারো নুপ্পজ্জিত্থ। সুদ্ধাৰাসং উপপজ্জন্তানং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জতি চিত্তসঙ্খারো চ নুপ্পজ্জিত্থ।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca nuppajjittha.
(খ) যস্স ৰা পন যত্থ…পে॰…? আমন্তা।
(Kha) yassa vā pana yattha…pe…? Āmantā.
(৫) পচ্চুপ্পন্নানাগতৰারো
(5) Paccuppannānāgatavāro
(ক) অনুলোমপুগ্গলো
(Ka) anulomapuggalo
৫৯. (ক) যস্স কাযসঙ্খারো উপ্পজ্জতি তস্স ৰচীসঙ্খারো উপ্পজ্জিস্সতীতি? আমন্তা।
59. (Ka) yassa kāyasaṅkhāro uppajjati tassa vacīsaṅkhāro uppajjissatīti? Āmantā.
(খ) যস্স ৰা পন ৰচীসঙ্খারো উপ্পজ্জিস্সতি তস্স কাযসঙ্খারো উপ্পজ্জতীতি?
(Kha) yassa vā pana vacīsaṅkhāro uppajjissati tassa kāyasaṅkhāro uppajjatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো উপ্পজ্জিস্সতি, নো চ তেসং কাযসঙ্খারো উপ্পজ্জতি। অস্সাসপস্সাসানং উপ্পাদক্খণে তেসং ৰচীসঙ্খারো চ উপ্পজ্জিস্সতি কাযসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro uppajjissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca uppajjissati kāyasaṅkhāro ca uppajjati.
(ক) যস্স কাযসঙ্খারো উপ্পজ্জতি তস্স চিত্তসঙ্খারো উপ্পজ্জিস্সতীতি? আমন্তা।
(Ka) yassa kāyasaṅkhāro uppajjati tassa cittasaṅkhāro uppajjissatīti? Āmantā.
(খ) যস্স ৰা পন চিত্তসঙ্খারো উপ্পজ্জিস্সতি তস্স কাযসঙ্খারো উপ্পজ্জতীতি?
(Kha) yassa vā pana cittasaṅkhāro uppajjissati tassa kāyasaṅkhāro uppajjatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো উপ্পজ্জিস্সতি, নো চ তেসং কাযসঙ্খারো উপ্পজ্জতি। অস্সাসপস্সাসানং উপ্পাদক্খণে তেসং চিত্তসঙ্খারো চ উপ্পজ্জিস্সতি কাযসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjissati kāyasaṅkhāro ca uppajjati.
৬০. (ক) যস্স ৰচীসঙ্খারো উপ্পজ্জতি তস্স চিত্তসঙ্খারো উপ্পজ্জিস্সতীতি?
60. (Ka) yassa vacīsaṅkhāro uppajjati tassa cittasaṅkhāro uppajjissatīti?
সৰিতক্কসৰিচারপচ্ছিমচিত্তস্স উপ্পাদক্খণে তেসং ৰচীসঙ্খারো উপ্পজ্জতি, নো চ তেসং চিত্তসঙ্খারো উপ্পজ্জিস্সতি। ইতরেসং ৰিতক্কৰিচারানং উপ্পাদক্খণে তেসং ৰচীসঙ্খারো চ উপ্পজ্জতি চিত্তসঙ্খারো চ উপ্পজ্জিস্সতি।
Savitakkasavicārapacchimacittassa uppādakkhaṇe tesaṃ vacīsaṅkhāro uppajjati, no ca tesaṃ cittasaṅkhāro uppajjissati. Itaresaṃ vitakkavicārānaṃ uppādakkhaṇe tesaṃ vacīsaṅkhāro ca uppajjati cittasaṅkhāro ca uppajjissati.
(খ) যস্স ৰা পন চিত্তসঙ্খারো উপ্পজ্জিস্সতি তস্স ৰচীসঙ্খারো উপ্পজ্জতীতি?
(Kha) yassa vā pana cittasaṅkhāro uppajjissati tassa vacīsaṅkhāro uppajjatīti?
সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো উপ্পজ্জিস্সতি, নো চ তেসং ৰচীসঙ্খারো উপ্পজ্জতি। ৰিতক্কৰিচারানং উপ্পাদক্খণে তেসং চিত্তসঙ্খারো চ উপ্পজ্জিস্সতি ৰচীসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjissati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjissati vacīsaṅkhāro ca uppajjati.
(খ) অনুলোমওকাসো
(Kha) anulomaokāso
৬১. যত্থ কাযসঙ্খারো উপ্পজ্জতি…পে॰…।
61. Yattha kāyasaṅkhāro uppajjati…pe….
(গ) অনুলোমপুগ্গলোকাসা
(Ga) anulomapuggalokāsā
৬২. (ক) যস্স যত্থ কাযসঙ্খারো উপ্পজ্জতি তস্স তত্থ ৰচীসঙ্খারো উপ্পজ্জিস্সতীতি?
62. (Ka) yassa yattha kāyasaṅkhāro uppajjati tassa tattha vacīsaṅkhāro uppajjissatīti?
দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ কাযসঙ্খারো উপ্পজ্জতি, নো চ তেসং তত্থ ৰচীসঙ্খারো উপ্পজ্জিস্সতি। পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং তত্থ কাযসঙ্খারো চ উপ্পজ্জতি ৰচীসঙ্খারো চ উপ্পজ্জিস্সতি।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca uppajjissati.
(খ) যস্স ৰা পন যত্থ ৰচীসঙ্খারো উপ্পজ্জিস্সতি তস্স তত্থ কাযসঙ্খারো উপ্পজ্জতীতি?
(Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjatīti?
পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে রূপাৰচরানং অরূপাৰচরানং তেসং তত্থ ৰচীসঙ্খারো উপ্পজ্জিস্সতি, নো চ তেসং তত্থ কাযসঙ্খারো উপ্পজ্জতি। পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং তত্থ ৰচীসঙ্খারো চ উপ্পজ্জিস্সতি কাযসঙ্খারো চ উপ্পজ্জতি।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca uppajjissati kāyasaṅkhāro ca uppajjati.
(ক) যস্স যত্থ কাযসঙ্খারো উপ্পজ্জতি তস্স তত্থ চিত্তসঙ্খারো উপ্পজ্জিস্সতীতি? আমন্তা।
(Ka) yassa yattha kāyasaṅkhāro uppajjati tassa tattha cittasaṅkhāro uppajjissatīti? Āmantā.
(খ) যস্স ৰা পন যত্থ চিত্তসঙ্খারো উপ্পজ্জিস্সতি তস্স তত্থ কাযসঙ্খারো উপ্পজ্জতীতি?
(Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে তেসং তত্থ চিত্তসঙ্খারো উপ্পজ্জিস্সতি, নো চ তেসং তত্থ কাযসঙ্খারো উপ্পজ্জতি। অস্সাসপস্সাসানং উপ্পাদক্খণে তেসং তত্থ চিত্তসঙ্খারো চ উপ্পজ্জিস্সতি কাযসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca uppajjissati kāyasaṅkhāro ca uppajjati.
৬৩. (ক) যস্স যত্থ ৰচীসঙ্খারো উপ্পজ্জতি তস্স তত্থ চিত্তসঙ্খারো উপ্পজ্জিস্সতীতি?
63. (Ka) yassa yattha vacīsaṅkhāro uppajjati tassa tattha cittasaṅkhāro uppajjissatīti?
সৰিতক্কসৰিচারপচ্ছিমচিত্তস্স উপ্পাদক্খণে তেসং তত্থ ৰচীসঙ্খারো উপ্পজ্জতি, নো চ তেসং তত্থ চিত্তসঙ্খারো উপ্পজ্জিস্সতি। ইতরেসং ৰিতক্কৰিচারানং উপ্পাদক্খণে তেসং তত্থ ৰচীসঙ্খারো চ উপ্পজ্জতি চিত্তসঙ্খারো চ উপ্পজ্জিস্সতি।
Savitakkasavicārapacchimacittassa uppādakkhaṇe tesaṃ tattha vacīsaṅkhāro uppajjati, no ca tesaṃ tattha cittasaṅkhāro uppajjissati. Itaresaṃ vitakkavicārānaṃ uppādakkhaṇe tesaṃ tattha vacīsaṅkhāro ca uppajjati cittasaṅkhāro ca uppajjissati.
(খ) যস্স ৰা পন যত্থ চিত্তসঙ্খারো উপ্পজ্জিস্সতি তস্স তত্থ ৰচীসঙ্খারো উপ্পজ্জতীতি?
(Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjatīti?
সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে তেসং তত্থ চিত্তসঙ্খারো উপ্পজ্জিস্সতি, নো চ তেসং তত্থ ৰচীসঙ্খারো উপ্পজ্জতি। ৰিতক্কৰিচারানং উপ্পাদক্খণে তেসং তত্থ চিত্তসঙ্খারো চ উপ্পজ্জিস্সতি ৰচীসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca uppajjissati vacīsaṅkhāro ca uppajjati.
(ঘ) পচ্চনীকপুগ্গলো
(Gha) paccanīkapuggalo
৬৪. (ক) যস্স কাযসঙ্খারো নুপ্পজ্জতি তস্স ৰচীসঙ্খারো নুপ্পজ্জিস্সতীতি?
64. (Ka) yassa kāyasaṅkhāro nuppajjati tassa vacīsaṅkhāro nuppajjissatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং কাযসঙ্খারো নুপ্পজ্জতি, নো চ তেসং ৰচীসঙ্খারো নুপ্পজ্জিস্সতি। পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো চ নুপ্পজ্জতি ৰচীসঙ্খারো চ নুপ্পজ্জিস্সতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjati vacīsaṅkhāro ca nuppajjissati.
(খ) যস্স ৰা পন ৰচীসঙ্খারো নুপ্পজ্জিস্সতি তস্স কাযসঙ্খারো নুপ্পজ্জতীতি? আমন্তা।
(Kha) yassa vā pana vacīsaṅkhāro nuppajjissati tassa kāyasaṅkhāro nuppajjatīti? Āmantā.
(ক) যস্স কাযসঙ্খারো নুপ্পজ্জতি তস্স চিত্তসঙ্খারো নুপ্পজ্জিস্সতীতি?
(Ka) yassa kāyasaṅkhāro nuppajjati tassa cittasaṅkhāro nuppajjissatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং কাযসঙ্খারো নুপ্পজ্জতি, নো চ তেসং চিত্তসঙ্খারো নুপ্পজ্জিস্সতি। পচ্ছিমচিত্তসমঙ্গীনং তেসং কাযসঙ্খারো চ নুপ্পজ্জতি চিত্তসঙ্খারো চ নুপ্পজ্জিস্সতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ kāyasaṅkhāro ca nuppajjati cittasaṅkhāro ca nuppajjissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
৬৫. (ক) যস্স ৰচীসঙ্খারো নুপ্পজ্জতি তস্স চিত্তসঙ্খারো নুপ্পজ্জিস্সতীতি?
65. (Ka) yassa vacīsaṅkhāro nuppajjati tassa cittasaṅkhāro nuppajjissatīti?
সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো নুপ্পজ্জতি, নো চ তেসং চিত্তসঙ্খারো নুপ্পজ্জিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং তেসং ৰচীসঙ্খারো চ নুপ্পজ্জতি চিত্তসঙ্খারো চ নুপ্পজ্জিস্সতি।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nuppajjati, no ca tesaṃ cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ tesaṃ vacīsaṅkhāro ca nuppajjati cittasaṅkhāro ca nuppajjissati.
(খ) যস্স ৰা পন চিত্তসঙ্খারো নুপ্পজ্জিস্সতি তস্স ৰচীসঙ্খারো নুপ্পজ্জতীতি?
(Kha) yassa vā pana cittasaṅkhāro nuppajjissati tassa vacīsaṅkhāro nuppajjatīti?
সৰিতক্কসৰিচারপচ্ছিমচিত্তস্স উপ্পাদক্খণে তেসং চিত্তসঙ্খারো নুপ্পজ্জিস্সতি, নো চ তেসং ৰচীসঙ্খারো নুপ্পজ্জতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং তেসং চিত্তসঙ্খারো চ নুপ্পজ্জিস্সতি ৰচীসঙ্খারো চ নুপ্পজ্জতি।
Savitakkasavicārapacchimacittassa uppādakkhaṇe tesaṃ cittasaṅkhāro nuppajjissati, no ca tesaṃ vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ tesaṃ cittasaṅkhāro ca nuppajjissati vacīsaṅkhāro ca nuppajjati.
৪ (ঙ) পচ্চনীকওকাসো
4 (Ṅa) paccanīkaokāso
৬৬. যত্থ কাযসঙ্খারো নুপ্পজ্জতি…পে॰…।
66. Yattha kāyasaṅkhāro nuppajjati…pe….
(চ) পচ্চনীকপুগ্গলোকাসা
(Ca) paccanīkapuggalokāsā
৬৭. (ক) যস্স যত্থ কাযসঙ্খারো নুপ্পজ্জতি তস্স তত্থ ৰচীসঙ্খারো নুপ্পজ্জিস্সতীতি?
67. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjissatīti?
পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জতি, নো চ তেসং তত্থ ৰচীসঙ্খারো নুপ্পজ্জিস্সতি। পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ নুপ্পজ্জতি ৰচীসঙ্খারো চ নুপ্পজ্জিস্সতি।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjissati.
(খ) যস্স ৰা পন যত্থ ৰচীসঙ্খারো নুপ্পজ্জিস্সতি তস্স তত্থ কাযসঙ্খারো নুপ্পজ্জতীতি?
(Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjatīti?
দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ ৰচীসঙ্খারো নুপ্পজ্জিস্সতি, নো চ তেসং তত্থ কাযসঙ্খারো নুপ্পজ্জতি। পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিস্সতি কাযসঙ্খারো চ নুপ্পজ্জতি।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjati.
(ক) যস্স যত্থ কাযসঙ্খারো নুপ্পজ্জতি তস্স তত্থ চিত্তসঙ্খারো নুপ্পজ্জিস্সতীতি?
(Ka) yassa yattha kāyasaṅkhāro nuppajjati tassa tattha cittasaṅkhāro nuppajjissatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে তেসং তত্থ কাযসঙ্খারো নুপ্পজ্জতি, নো চ তেসং তত্থ চিত্তসঙ্খারো নুপ্পজ্জিস্সতি। পচ্ছিমচিত্তসমঙ্গীনং অসঞ্ঞসত্তানং তেসং তত্থ কাযসঙ্খারো চ নুপ্পজ্জতি চিত্তসঙ্খারো চ নুপ্পজ্জিস্সতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca nuppajjissati.
(খ) যস্স ৰা পন যত্থ চিত্তসঙ্খারো নুপ্পজ্জিস্সতি তস্স তত্থ কাযসঙ্খারো নুপ্পজ্জতীতি? আমন্তা।
(Kha) yassa vā pana yattha cittasaṅkhāro nuppajjissati tassa tattha kāyasaṅkhāro nuppajjatīti? Āmantā.
৬৮. (ক) যস্স যত্থ ৰচীসঙ্খারো নুপ্পজ্জতি তস্স তত্থ চিত্তসঙ্খারো নুপ্পজ্জিস্সতীতি?
68. (Ka) yassa yattha vacīsaṅkhāro nuppajjati tassa tattha cittasaṅkhāro nuppajjissatīti?
সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে তেসং তত্থ ৰচীসঙ্খারো নুপ্পজ্জতি, নো চ তেসং তত্থ চিত্তসঙ্খারো নুপ্পজ্জিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জতি চিত্তসঙ্খারো চ নুপ্পজ্জিস্সতি।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca nuppajjissati.
(খ) যস্স ৰা পন যত্থ চিত্তসঙ্খারো নুপ্পজ্জিস্সতি তস্স তত্থ ৰচীসঙ্খারো নুপ্পজ্জতীতি?
(Kha) yassa vā pana yattha cittasaṅkhāro nuppajjissati tassa tattha vacīsaṅkhāro nuppajjatīti?
সৰিতক্কসৰিচারপচ্ছিমচিত্তস্স উপ্পাদক্খণে তেসং তত্থ চিত্তসঙ্খারো নুপ্পজ্জিস্সতি, নো চ তেসং তত্থ ৰচীসঙ্খারো নুপ্পজ্জতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং অসঞ্ঞসত্তানং তেসং তত্থ চিত্তসঙ্খারো চ নুপ্পজ্জিস্সতি ৰচীসঙ্খারো চ নুপ্পজ্জতি।
Savitakkasavicārapacchimacittassa uppādakkhaṇe tesaṃ tattha cittasaṅkhāro nuppajjissati, no ca tesaṃ tattha vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati vacīsaṅkhāro ca nuppajjati.
(৬) অতীতানাগতৰারো
(6) Atītānāgatavāro
(ক) অনুলোমপুগ্গলো
(Ka) anulomapuggalo
৬৯. (ক) যস্স কাযসঙ্খারো উপ্পজ্জিত্থ তস্স ৰচীসঙ্খারো উপ্পজ্জিস্সতীতি?
69. (Ka) yassa kāyasaṅkhāro uppajjittha tassa vacīsaṅkhāro uppajjissatīti?
পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো উপ্পজ্জিত্থ, নো চ তেসং ৰচীসঙ্খারো উপ্পজ্জিস্সতি । ইতরেসং তেসং কাযসঙ্খারো চ উপ্পজ্জিত্থ ৰচীসঙ্খারো চ উপ্পজ্জিস্সতি।
Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro uppajjittha, no ca tesaṃ vacīsaṅkhāro uppajjissati . Itaresaṃ tesaṃ kāyasaṅkhāro ca uppajjittha vacīsaṅkhāro ca uppajjissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(ক) যস্স কাযসঙ্খারো উপ্পজ্জিত্থ তস্স চিত্তসঙ্খারো উপ্পজ্জিস্সতীতি?
(Ka) yassa kāyasaṅkhāro uppajjittha tassa cittasaṅkhāro uppajjissatīti?
পচ্ছিমচিত্তসমঙ্গীনং তেসং কাযসঙ্খারো উপ্পজ্জিত্থ, নো চ তেসং চিত্তসঙ্খারো উপ্পজ্জিস্সতি। ইতরেসং তেসং কাযসঙ্খারো চ উপ্পজ্জিত্থ চিত্তসঙ্খারো চ উপ্পজ্জিস্সতি।
Pacchimacittasamaṅgīnaṃ tesaṃ kāyasaṅkhāro uppajjittha, no ca tesaṃ cittasaṅkhāro uppajjissati. Itaresaṃ tesaṃ kāyasaṅkhāro ca uppajjittha cittasaṅkhāro ca uppajjissati.
(খ) যস্স ৰা পন…পে॰…। আমন্তা।
(Kha) yassa vā pana…pe…. Āmantā.
৭০. (ক) যস্স ৰচীসঙ্খারো উপ্পজ্জিত্থ তস্স চিত্তসঙ্খারো উপ্পজ্জিস্সতীতি?
70. (Ka) yassa vacīsaṅkhāro uppajjittha tassa cittasaṅkhāro uppajjissatīti?
পচ্ছিমচিত্তসমঙ্গীনং তেসং ৰচীসঙ্খারো উপ্পজ্জিত্থ, নো চ তেসং চিত্তসঙ্খারো উপ্পজ্জিস্সতি। ইতরেসং তেসং ৰচীসঙ্খারো চ উপ্পজ্জিত্থ চিত্তসঙ্খারো চ উপ্পজ্জিস্সতি।
Pacchimacittasamaṅgīnaṃ tesaṃ vacīsaṅkhāro uppajjittha, no ca tesaṃ cittasaṅkhāro uppajjissati. Itaresaṃ tesaṃ vacīsaṅkhāro ca uppajjittha cittasaṅkhāro ca uppajjissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(খ) অনুলোমওকাসো
(Kha) anulomaokāso
৭১. যত্থ কাযসঙ্খারো উপ্পজ্জিত্থ…পে॰…।
71. Yattha kāyasaṅkhāro uppajjittha…pe….
(গ) অনুলোমপুগ্গলোকাসা
(Ga) anulomapuggalokāsā
৭২. (ক) যস্স যত্থ কাযসঙ্খারো উপ্পজ্জিত্থ তস্স তত্থ ৰচীসঙ্খারো উপ্পজ্জিস্সতীতি?
72. (Ka) yassa yattha kāyasaṅkhāro uppajjittha tassa tattha vacīsaṅkhāro uppajjissatīti?
কামাৰচরে পচ্ছিমচিত্তসমঙ্গীনং দুতিযজ্ঝানং ততিযজ্ঝানং সমাপন্নানং তেসং তত্থ কাযসঙ্খারো উপ্পজ্জিত্থ, নো চ তেসং তত্থ ৰচীসঙ্খারো উপ্পজ্জিস্সতি। পঠমজ্ঝানং সমাপন্নানং ইতরেসং কামাৰচরানং তেসং তত্থ কাযসঙ্খারো চ উপ্পজ্জিত্থ ৰচীসঙ্খারো চ উপ্পজ্জিস্সতি।
Kāmāvacare pacchimacittasamaṅgīnaṃ dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjittha, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca uppajjittha vacīsaṅkhāro ca uppajjissati.
(খ) যস্স ৰা পন যত্থ ৰচীসঙ্খারো উপ্পজ্জিস্সতি তস্স তত্থ কাযসঙ্খারো উপ্পজ্জিত্থাতি?
(Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjitthāti?
রূপাৰচরানং অরূপাৰচরানং তেসং তত্থ ৰচীসঙ্খারো উপ্পজ্জিস্সতি, নো চ তেসং তত্থ কাযসঙ্খারো উপ্পজ্জিত্থ। পঠমজ্ঝানং সমাপন্নানং কামাৰচরানং তেসং তত্থ ৰচীসঙ্খারো চ উপ্পজ্জিস্সতি কাযসঙ্খারো চ উপ্পজ্জিত্থ।
Rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca uppajjissati kāyasaṅkhāro ca uppajjittha.
(ক) যস্স যত্থ কাযসঙ্খারো উপ্পজ্জিত্থ তস্স তত্থ চিত্তসঙ্খারো উপ্পজ্জিস্সতীতি?
(Ka) yassa yattha kāyasaṅkhāro uppajjittha tassa tattha cittasaṅkhāro uppajjissatīti?
কামাৰচরে পচ্ছিমচিত্তসমঙ্গীনং তেসং তত্থ কাযসঙ্খারো উপ্পজ্জিত্থ, নো চ তেসং তত্থ চিত্তসঙ্খারো উপ্পজ্জিস্সতি। পঠমজ্ঝানং দুতিযজ্ঝানং ততিযজ্ঝানং সমাপন্নানং ইতরেসং কামাৰচরানং তেসং তত্থ কাযসঙ্খারো চ উপ্পজ্জিত্থ চিত্তসঙ্খারো চ উপ্পজ্জিস্সতি।
Kāmāvacare pacchimacittasamaṅgīnaṃ tesaṃ tattha kāyasaṅkhāro uppajjittha, no ca tesaṃ tattha cittasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca uppajjittha cittasaṅkhāro ca uppajjissati.
(খ) যস্স ৰা পন যত্থ চিত্তসঙ্খারো উপ্পজ্জিস্সতি তস্স তত্থ কাযসঙ্খারো উপ্পজ্জিত্থাতি?
(Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjitthāti?
চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ চিত্তসঙ্খারো উপ্পজ্জিস্সতি, নো চ তেসং তত্থ কাযসঙ্খারো উপ্পজ্জিত্থ। পঠমজ্ঝানং দুতিযজ্ঝানং ততিযজ্ঝানং সমাপন্নানং কামাৰচরানং তেসং তত্থ চিত্তসঙ্খারো চ উপ্পজ্জিস্সতি কাযসঙ্খারো চ উপ্পজ্জিত্থ।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca uppajjissati kāyasaṅkhāro ca uppajjittha.
৭৩. (ক) যস্স যত্থ ৰচীসঙ্খারো উপ্পজ্জিত্থ তস্স তত্থ চিত্তসঙ্খারো উপ্পজ্জিস্সতীতি?
73. (Ka) yassa yattha vacīsaṅkhāro uppajjittha tassa tattha cittasaṅkhāro uppajjissatīti?
সৰিতক্কসৰিচারভূমিযং পচ্ছিমচিত্তসমঙ্গীনং তেসং তত্থ ৰচীসঙ্খারো উপ্পজ্জিত্থ, নো চ তেসং তত্থ চিত্তসঙ্খারো উপ্পজ্জিস্সতি। ইতরেসং সৰিতক্কসৰিচারভূমিযং তেসং তত্থ ৰচীসঙ্খারো চ উপ্পজ্জিত্থ চিত্তসঙ্খারো চ উপ্পজ্জিস্সতি।
Savitakkasavicārabhūmiyaṃ pacchimacittasamaṅgīnaṃ tesaṃ tattha vacīsaṅkhāro uppajjittha, no ca tesaṃ tattha cittasaṅkhāro uppajjissati. Itaresaṃ savitakkasavicārabhūmiyaṃ tesaṃ tattha vacīsaṅkhāro ca uppajjittha cittasaṅkhāro ca uppajjissati.
(খ) যস্স ৰা পন যত্থ চিত্তসঙ্খারো উপ্পজ্জিস্সতি তস্স তত্থ ৰচীসঙ্খারো উপ্পজ্জিত্থাতি?
(Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjitthāti?
অৰিতক্কঅৰিচারভূমিযং তেসং তত্থ চিত্তসঙ্খারো উপ্পজ্জিস্সতি, নো চ তেসং তত্থ ৰচীসঙ্খারো উপ্পজ্জিত্থ। সৰিতক্কসৰিচারভূমিযং তেসং তত্থ চিত্তসঙ্খারো চ উপ্পজ্জিস্সতি ৰচীসঙ্খারো চ উপ্পজ্জিত্থ।
Avitakkaavicārabhūmiyaṃ tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjittha. Savitakkasavicārabhūmiyaṃ tesaṃ tattha cittasaṅkhāro ca uppajjissati vacīsaṅkhāro ca uppajjittha.
(ঘ) পচ্চনীকপুগ্গলো
(Gha) paccanīkapuggalo
৭৪. (ক) যস্স কাযসঙ্খারো নুপ্পজ্জিত্থ তস্স ৰচীসঙ্খারো নুপ্পজ্জিস্সতীতি? নত্থি।
74. (Ka) yassa kāyasaṅkhāro nuppajjittha tassa vacīsaṅkhāro nuppajjissatīti? Natthi.
(খ) যস্স ৰা পন ৰচীসঙ্খারো নুপ্পজ্জিস্সতি তস্স কাযসঙ্খারো নুপ্পজ্জিত্থাতি? উপ্পজ্জিত্থ।
(Kha) yassa vā pana vacīsaṅkhāro nuppajjissati tassa kāyasaṅkhāro nuppajjitthāti? Uppajjittha.
(ক) যস্স কাযসঙ্খারো নুপ্পজ্জিত্থ তস্স চিত্তসঙ্খারো নুপ্পজ্জিস্সতীতি? নত্থি।
(Ka) yassa kāyasaṅkhāro nuppajjittha tassa cittasaṅkhāro nuppajjissatīti? Natthi.
(খ) যস্স ৰা পন চিত্তসঙ্খারো নুপ্পজ্জিস্সতি তস্স কাযসঙ্খারো নুপ্পজ্জিত্থাতি? উপ্পজ্জিত্থ।
(Kha) yassa vā pana cittasaṅkhāro nuppajjissati tassa kāyasaṅkhāro nuppajjitthāti? Uppajjittha.
৭৫. (ক) যস্স ৰচীসঙ্খারো নুপ্পজ্জিত্থ তস্স চিত্তসঙ্খারো নুপ্পজ্জিস্সতীতি? নত্থি।
75. (Ka) yassa vacīsaṅkhāro nuppajjittha tassa cittasaṅkhāro nuppajjissatīti? Natthi.
(খ) যস্স ৰা পন চিত্তসঙ্খারো নুপ্পজ্জিস্সতি তস্স ৰচীসঙ্খারো নুপ্পজ্জিত্থাতি? উপ্পজ্জিত্থ।
(Kha) yassa vā pana cittasaṅkhāro nuppajjissati tassa vacīsaṅkhāro nuppajjitthāti? Uppajjittha.
(ঙ) পচ্চনীকওকাসো
(Ṅa) paccanīkaokāso
৭৬. যত্থ কাযসঙ্খারো নুপ্পজ্জিত্থ…পে॰…।
76. Yattha kāyasaṅkhāro nuppajjittha…pe….
(চ) পচ্চনীকপুগ্গলোকাসা
(Ca) paccanīkapuggalokāsā
৭৭. (ক) যস্স যত্থ কাযসঙ্খারো নুপ্পজ্জিত্থ তস্স তত্থ ৰচীসঙ্খারো নুপ্পজ্জিস্সতীতি?
77. (Ka) yassa yattha kāyasaṅkhāro nuppajjittha tassa tattha vacīsaṅkhāro nuppajjissatīti?
রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জিত্থ, নো চ তেসং তত্থ ৰচীসঙ্খারো নুপ্পজ্জিস্সতি। রূপাৰচরে অরূপাৰচরে পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ নুপ্পজ্জিত্থ ৰচীসঙ্খারো চ নুপ্পজ্জিস্সতি।
Rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha vacīsaṅkhāro nuppajjissati. Rūpāvacare arūpāvacare pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjittha vacīsaṅkhāro ca nuppajjissati.
(খ) যস্স ৰা পন যত্থ ৰচীসঙ্খারো নুপ্পজ্জিস্সতি তস্স তত্থ কাযসঙ্খারো নুপ্পজ্জিত্থাতি?
(Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjitthāti?
কামাৰচরে পচ্ছিমচিত্তসমঙ্গীনং দুতিযজ্ঝানং ততিযজ্ঝানং সমাপন্নানং তেসং তত্থ ৰচীসঙ্খারো নুপ্পজ্জিস্সতি, নো চ তেসং তত্থ কাযসঙ্খারো নুপ্পজ্জিত্থ। রূপাৰচরে অরূপাৰচরে পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিস্সতি কাযসঙ্খারো চ নুপ্পজ্জিত্থ।
Kāmāvacare pacchimacittasamaṅgīnaṃ dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjittha.
(ক) যস্স যত্থ কাযসঙ্খারো নুপ্পজ্জিত্থ তস্স তত্থ চিত্তসঙ্খারো নুপ্পজ্জিস্সতীতি?
(Ka) yassa yattha kāyasaṅkhāro nuppajjittha tassa tattha cittasaṅkhāro nuppajjissatīti?
চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জিত্থ, নো চ তেসং তত্থ চিত্তসঙ্খারো নুপ্পজ্জিস্সতি। রূপাৰচরে অরূপাৰচরে পচ্ছিমচিত্তসমঙ্গীনং অসঞ্ঞসত্তানং তেসং তত্থ কাযসঙ্খারো চ নুপ্পজ্জিত্থ চিত্তসঙ্খারো চ নুপ্পজ্জিস্সতি।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha cittasaṅkhāro nuppajjissati. Rūpāvacare arūpāvacare pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjittha cittasaṅkhāro ca nuppajjissati.
(খ) যস্স ৰা পন যত্থ চিত্তসঙ্খারো নুপ্পজ্জিস্সতি তস্স তত্থ কাযসঙ্খারো নুপ্পজ্জিত্থাতি?
(Kha) yassa vā pana yattha cittasaṅkhāro nuppajjissati tassa tattha kāyasaṅkhāro nuppajjitthāti?
কামাৰচরে পচ্ছিমচিত্তসমঙ্গীনং তেসং তত্থ চিত্তসঙ্খারো নুপ্পজ্জিস্সতি, নো চ তেসং তত্থ কাযসঙ্খারো নুপ্পজ্জিত্থ। রূপাৰচরে অরূপাৰচরে পচ্ছিমচিত্তসমঙ্গীনং অসঞ্ঞসত্তানং তেসং তত্থ চিত্তসঙ্খারো চ নুপ্পজ্জিস্সতি কাযসঙ্খারো চ নুপ্পজ্জিত্থ।
Kāmāvacare pacchimacittasamaṅgīnaṃ tesaṃ tattha cittasaṅkhāro nuppajjissati, no ca tesaṃ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati kāyasaṅkhāro ca nuppajjittha.
৭৮. (ক) যস্স যত্থ ৰচীসঙ্খারো নুপ্পজ্জিত্থ তস্স তত্থ চিত্তসঙ্খারো নুপ্পজ্জিস্সতীতি?
78. (Ka) yassa yattha vacīsaṅkhāro nuppajjittha tassa tattha cittasaṅkhāro nuppajjissatīti?
অৰিতক্কঅৰিচারভূমিযং তেসং তত্থ ৰচীসঙ্খারো নুপ্পজ্জিত্থ, নো চ তেসং তত্থ চিত্তসঙ্খারো নুপ্পজ্জিস্সতি। অৰিতক্কঅৰিচারভূমিযং পচ্ছিমচিত্তসমঙ্গীনং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিত্থ চিত্তসঙ্খারো চ নুপ্পজ্জিস্সতি।
Avitakkaavicārabhūmiyaṃ tesaṃ tattha vacīsaṅkhāro nuppajjittha, no ca tesaṃ tattha cittasaṅkhāro nuppajjissati. Avitakkaavicārabhūmiyaṃ pacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjittha cittasaṅkhāro ca nuppajjissati.
(খ) যস্স ৰা পন যত্থ চিত্তসঙ্খারো নুপ্পজ্জিস্সতি তস্স তত্থ ৰচীসঙ্খারো নুপ্পজ্জিত্থাতি?
(Kha) yassa vā pana yattha cittasaṅkhāro nuppajjissati tassa tattha vacīsaṅkhāro nuppajjitthāti?
সৰিতক্কসৰিচারভূমিযং পচ্ছিমচিত্তসমঙ্গীনং তেসং তত্থ চিত্তসঙ্খারো নুপ্পজ্জিস্সতি, নো চ তেসং তত্থ ৰচীসঙ্খারো নুপ্পজ্জিত্থ। অৰিতক্কঅৰিচারভূমিযং পচ্ছিমচিত্তসমঙ্গীনং অসঞ্ঞসত্তানং তেসং তত্থ চিত্তসঙ্খারো চ নুপ্পজ্জিস্সতি ৰচীসঙ্খারো চ নুপ্পজ্জিত্থ।
Savitakkasavicārabhūmiyaṃ pacchimacittasamaṅgīnaṃ tesaṃ tattha cittasaṅkhāro nuppajjissati, no ca tesaṃ tattha vacīsaṅkhāro nuppajjittha. Avitakkaavicārabhūmiyaṃ pacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati vacīsaṅkhāro ca nuppajjittha.
উপ্পাদৰারো।
Uppādavāro.
২. নিরোধৰারো
2. Nirodhavāro
(১) পচ্চুপ্পন্নৰারো
(1) Paccuppannavāro
(ক) অনুলোমপুগ্গলো
(Ka) anulomapuggalo
৭৯. (ক) যস্স কাযসঙ্খারো নিরুজ্ঝতি তস্স ৰচীসঙ্খারো নিরুজ্ঝতীতি?
79. (Ka) yassa kāyasaṅkhāro nirujjhati tassa vacīsaṅkhāro nirujjhatīti?
ৰিনা ৰিতক্কৰিচারেহি অস্সাসপস্সাসানং ভঙ্গক্খণে তেসং কাযসঙ্খারো নিরুজ্ঝতি, নো চ তেসং ৰচীসঙ্খারো নিরুজ্ঝতি। পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসং কাযসঙ্খারো চ নিরুজ্ঝতি ৰচীসঙ্খারো চ নিরুজ্ঝতি।
Vinā vitakkavicārehi assāsapassāsānaṃ bhaṅgakkhaṇe tesaṃ kāyasaṅkhāro nirujjhati, no ca tesaṃ vacīsaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ kāyasaṅkhāro ca nirujjhati vacīsaṅkhāro ca nirujjhati.
(খ) যস্স ৰা পন ৰচীসঙ্খারো নিরুজ্ঝতি তস্স কাযসঙ্খারো নিরুজ্ঝতীতি?
(Kha) yassa vā pana vacīsaṅkhāro nirujjhati tassa kāyasaṅkhāro nirujjhatīti?
ৰিনা অস্সাসপস্সাসেহি ৰিতক্কৰিচারানং ভঙ্গক্খণে তেসং ৰচীসঙ্খারো নিরুজ্ঝতি, নো চ তেসং কাযসঙ্খারো নিরুজ্ঝতি। পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসং ৰচীসঙ্খারো চ নিরুজ্ঝতি কাযসঙ্খারো চ নিরুজ্ঝতি।
Vinā assāsapassāsehi vitakkavicārānaṃ bhaṅgakkhaṇe tesaṃ vacīsaṅkhāro nirujjhati, no ca tesaṃ kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ vacīsaṅkhāro ca nirujjhati kāyasaṅkhāro ca nirujjhati.
(ক) যস্স কাযসঙ্খারো নিরুজ্ঝতি তস্স চিত্তসঙ্খারো নিরুজ্ঝতীতি? আমন্তা।
(Ka) yassa kāyasaṅkhāro nirujjhati tassa cittasaṅkhāro nirujjhatīti? Āmantā.
(খ) যস্স ৰা পন চিত্তসঙ্খারো নিরুজ্ঝতি তস্স কাযসঙ্খারো নিরুজ্ঝতীতি?
(Kha) yassa vā pana cittasaṅkhāro nirujjhati tassa kāyasaṅkhāro nirujjhatīti?
ৰিনা অস্সাসপস্সাসেহি চিত্তস্স ভঙ্গক্খণে তেসং চিত্তসঙ্খারো নিরুজ্ঝতি, নো চ তেসং কাযসঙ্খারো নিরুজ্ঝতি। অস্সাসপস্সাসানং ভঙ্গক্খণে তেসং চিত্তসঙ্খারো চ নিরুজ্ঝতি কাযসঙ্খারো চ নিরুজ্ঝতি।
Vinā assāsapassāsehi cittassa bhaṅgakkhaṇe tesaṃ cittasaṅkhāro nirujjhati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhati kāyasaṅkhāro ca nirujjhati.
৮০. (ক) যস্স ৰচীসঙ্খারো নিরুজ্ঝতি তস্স চিত্তসঙ্খারো নিরুজ্ঝতীতি? আমন্তা।
80. (Ka) yassa vacīsaṅkhāro nirujjhati tassa cittasaṅkhāro nirujjhatīti? Āmantā.
(খ) যস্স ৰা পন চিত্তসঙ্খারো নিরুজ্ঝতি তস্স ৰচীসঙ্খারো নিরুজ্ঝতীতি?
(Kha) yassa vā pana cittasaṅkhāro nirujjhati tassa vacīsaṅkhāro nirujjhatīti?
ৰিনা ৰিতক্কৰিচারেহি চিত্তস্স ভঙ্গক্খণে তেসং চিত্তসঙ্খারো নিরুজ্ঝতি, নো চ তেসং ৰচীসঙ্খারো নিরুজ্ঝতি। ৰিতক্কৰিচারানং ভঙ্গক্খণে তেসং চিত্তসঙ্খারো চ নিরুজ্ঝতি ৰচীসঙ্খারো চ নিরুজ্ঝতি।
Vinā vitakkavicārehi cittassa bhaṅgakkhaṇe tesaṃ cittasaṅkhāro nirujjhati, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhati vacīsaṅkhāro ca nirujjhati.
(খ) অনুলোমওকাসো
(Kha) anulomaokāso
৮১. যত্থ কাযসঙ্খারো নিরুজ্ঝতি তত্থ ৰচীসঙ্খারো নিরুজ্ঝতীতি?…পে॰…।
81. Yattha kāyasaṅkhāro nirujjhati tattha vacīsaṅkhāro nirujjhatīti?…Pe….
(গ) অনুলোমপুগ্গলোকাসা
(Ga) anulomapuggalokāsā
৮২. যস্স যত্থ কাযসঙ্খারো নিরুজ্ঝতি তস্স তত্থ ৰচীসঙ্খারো নিরুজ্ঝতীতি?…পে॰…। (যস্সকম্পি যস্সযত্থকম্পি সদিসং।)
82. Yassa yattha kāyasaṅkhāro nirujjhati tassa tattha vacīsaṅkhāro nirujjhatīti?…Pe…. (Yassakampi yassayatthakampi sadisaṃ.)
(ঘ) পচ্চনীকপুগ্গলো
(Gha) paccanīkapuggalo
৮৩. (ক) যস্স কাযসঙ্খারো ন নিরুজ্ঝতি তস্স ৰচীসঙ্খারো ন নিরুজ্ঝতীতি?
83. (Ka) yassa kāyasaṅkhāro na nirujjhati tassa vacīsaṅkhāro na nirujjhatīti?
ৰিনা অস্সাসপস্সাসেহি ৰিতক্কৰিচারানং ভঙ্গক্খণে তেসং কাযসঙ্খারো ন নিরুজ্ঝতি, নো চ তেসং ৰচীসঙ্খারো ন নিরুজ্ঝতি। সব্বেসং চিত্তস্স উপ্পাদক্খণে ৰিনা অস্সাসপস্সাসেহি অৰিতক্কঅৰিচারচিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং কাযসঙ্খারো চ ন নিরুজ্ঝতি ৰচীসঙ্খারো চ ন নিরুজ্ঝতি।
Vinā assāsapassāsehi vitakkavicārānaṃ bhaṅgakkhaṇe tesaṃ kāyasaṅkhāro na nirujjhati, no ca tesaṃ vacīsaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca na nirujjhati vacīsaṅkhāro ca na nirujjhati.
(খ) যস্স ৰা পন ৰচীসঙ্খারো ন নিরুজ্ঝতি তস্স কাযসঙ্খারো ন নিরুজ্ঝতীতি?
(Kha) yassa vā pana vacīsaṅkhāro na nirujjhati tassa kāyasaṅkhāro na nirujjhatīti?
ৰিনা ৰিতক্কৰিচারেহি অস্সাসপস্সাসানং ভঙ্গক্খণে তেসং ৰচীসঙ্খারো ন নিরুজ্ঝতি, নো চ তেসং কাযসঙ্খারো ন নিরুজ্ঝতি। সব্বেসং চিত্তস্স উপ্পাদক্খণে ৰিনা অস্সাসপস্সাসেহি অৰিতক্কঅৰিচারচিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো চ ন নিরুজ্ঝতি কাযসঙ্খারো চ ন নিরুজ্ঝতি।
Vinā vitakkavicārehi assāsapassāsānaṃ bhaṅgakkhaṇe tesaṃ vacīsaṅkhāro na nirujjhati, no ca tesaṃ kāyasaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati kāyasaṅkhāro ca na nirujjhati.
(ক) যস্স কাযসঙ্খারো ন নিরুজ্ঝতি তস্স চিত্তসঙ্খারো ন নিরুজ্ঝতীতি?
(Ka) yassa kāyasaṅkhāro na nirujjhati tassa cittasaṅkhāro na nirujjhatīti?
ৰিনা অস্সাসপস্সাসেহি চিত্তস্স ভঙ্গক্খণে তেসং কাযসঙ্খারো ন নিরুজ্ঝতি, নো চ তেসং চিত্তসঙ্খারো ন নিরুজ্ঝতি। সব্বেসং চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং কাযসঙ্খারো চ ন নিরুজ্ঝতি চিত্তসঙ্খারো চ ন নিরুজ্ঝতি।
Vinā assāsapassāsehi cittassa bhaṅgakkhaṇe tesaṃ kāyasaṅkhāro na nirujjhati, no ca tesaṃ cittasaṅkhāro na nirujjhati. Sabbesaṃ cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca na nirujjhati cittasaṅkhāro ca na nirujjhati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
৮৪. (ক) যস্স ৰচীসঙ্খারো ন নিরুজ্ঝতি তস্স চিত্তসঙ্খারো ন নিরুজ্ঝতীতি?
84. (Ka) yassa vacīsaṅkhāro na nirujjhati tassa cittasaṅkhāro na nirujjhatīti?
ৰিনা ৰিতক্কৰিচারেহি চিত্তস্স ভঙ্গক্খণে তেসং ৰচীসঙ্খারো ন নিরুজ্ঝতি, নো চ তেসং চিত্তসঙ্খারো ন নিরুজ্ঝতি। সব্বেসং চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো চ ন নিরুজ্ঝতি চিত্তসঙ্খারো চ ন নিরুজ্ঝতি।
Vinā vitakkavicārehi cittassa bhaṅgakkhaṇe tesaṃ vacīsaṅkhāro na nirujjhati, no ca tesaṃ cittasaṅkhāro na nirujjhati. Sabbesaṃ cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati cittasaṅkhāro ca na nirujjhati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(ঙ) পচ্চনীকওকাসা
(Ṅa) paccanīkaokāsā
৮৫. যত্থ কাযসঙ্খারো ন নিরুজ্ঝতি…পে॰…।
85. Yattha kāyasaṅkhāro na nirujjhati…pe….
(চ) পচ্চনীকপুগ্গলোকাসা
(Ca) paccanīkapuggalokāsā
৮৬. যস্স যত্থ কাযসঙ্খারো ন নিরুজ্ঝতি তস্স তত্থ ৰচীসঙ্খারো ন নিরুজ্ঝতীতি?
86. Yassa yattha kāyasaṅkhāro na nirujjhati tassa tattha vacīsaṅkhāro na nirujjhatīti?
ৰিনা অস্সাসপস্সাসেহি ৰিতক্কৰিচারানং ভঙ্গক্খণে তেসং তত্থ কাযসঙ্খারো ন নিরুজ্ঝতি, নো চ তেসং তত্থ ৰচীসঙ্খারো ন নিরুজ্ঝতি। সব্বেসং চিত্তস্স উপ্পাদক্খণে ৰিনা অস্সাসপস্সাসেহি অৰিতক্কঅৰিচারচিত্তস্স ভঙ্গক্খণে অসঞ্ঞসত্তানং তেসং তত্থ কাযসঙ্খারো চ ন নিরুজ্ঝতি ৰচীসঙ্খারো চ ন নিরুজ্ঝতি।
Vinā assāsapassāsehi vitakkavicārānaṃ bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhati.
যস্স ৰা পন যত্থ ৰচীসঙ্খারো ন নিরুজ্ঝতি…পে॰…।
Yassa vā pana yattha vacīsaṅkhāro na nirujjhati…pe….
(যস্সকম্পি যস্সযত্থকম্পি সদিসং ৰিত্থারেতব্বং, যস্সযত্থকে নিরোধসমাপন্নানন্তি ন কাতব্বং।)
(Yassakampi yassayatthakampi sadisaṃ vitthāretabbaṃ, yassayatthake nirodhasamāpannānanti na kātabbaṃ.)
(২) অতীতৰারো
(2) Atītavāro
(ক) অনুলোমপুগ্গলো
(Ka) anulomapuggalo
৮৭. (ক) যস্স কাযসঙ্খারো নিরুজ্ঝিত্থ তস্স ৰচীসঙ্খারো নিরুজ্ঝিত্থাতি? আমন্তা।
87. (Ka) yassa kāyasaṅkhāro nirujjhittha tassa vacīsaṅkhāro nirujjhitthāti? Āmantā.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(যথা উপ্পাদৰারে অতীতা পুচ্ছা যস্সকম্পি যস্সযত্থকম্পি অনুলোমম্পি পচ্চনীকম্পি ৰিভত্তং এৰং নিরোধৰারেপি ৰিভজিতব্বং, নত্থি নানাকরণং।)
(Yathā uppādavāre atītā pucchā yassakampi yassayatthakampi anulomampi paccanīkampi vibhattaṃ evaṃ nirodhavārepi vibhajitabbaṃ, natthi nānākaraṇaṃ.)
(৩) অনাগতৰারো
(3) Anāgatavāro
(ক) অনুলোমপুগ্গলো
(Ka) anulomapuggalo
৮৮. (ক) যস্স কাযসঙ্খারো নিরুজ্ঝিস্সতি তস্স ৰচীসঙ্খারো নিরুজ্ঝিস্সতীতি? আমন্তা।
88. (Ka) yassa kāyasaṅkhāro nirujjhissati tassa vacīsaṅkhāro nirujjhissatīti? Āmantā.
(খ) যস্স ৰা পন ৰচীসঙ্খারো নিরুজ্ঝিস্সতি তস্স কাযসঙ্খারো নিরুজ্ঝিস্সতীতি?
(Kha) yassa vā pana vacīsaṅkhāro nirujjhissati tassa kāyasaṅkhāro nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং ৰচীসঙ্খারো নিরুজ্ঝিস্সতি, নো চ তেসং কাযসঙ্খারো নিরুজ্ঝিস্সতি। ইতরেসং তেসং ৰচীসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro nirujjhissati. Itaresaṃ tesaṃ vacīsaṅkhāro ca nirujjhissati kāyasaṅkhāro ca nirujjhissati.
(ক) যস্স কাযসঙ্খারো নিরুজ্ঝিস্সতি তস্স চিত্তসঙ্খারো নিরুজ্ঝিস্সতীতি? আমন্তা।
(Ka) yassa kāyasaṅkhāro nirujjhissati tassa cittasaṅkhāro nirujjhissatīti? Āmantā.
(খ) যস্স ৰা পন চিত্তসঙ্খারো নিরুজ্ঝিস্সতি তস্স কাযসঙ্খারো নিরুজ্ঝিস্সতীতি?
(Kha) yassa vā pana cittasaṅkhāro nirujjhissati tassa kāyasaṅkhāro nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং চিত্তসঙ্খারো নিরুজ্ঝিস্সতি, নো চ তেসং কাযসঙ্খারো নিরুজ্ঝিস্সতি। ইতরেসং তেসং চিত্তসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro nirujjhissati, no ca tesaṃ kāyasaṅkhāro nirujjhissati. Itaresaṃ tesaṃ cittasaṅkhāro ca nirujjhissati kāyasaṅkhāro ca nirujjhissati.
৮৯. (ক) যস্স ৰচীসঙ্খারো নিরুজ্ঝিস্সতি তস্স চিত্তসঙ্খারো নিরুজ্ঝিস্সতীতি? আমন্তা।
89. (Ka) yassa vacīsaṅkhāro nirujjhissati tassa cittasaṅkhāro nirujjhissatīti? Āmantā.
(খ) যস্স ৰা পন চিত্তসঙ্খারো নিরুজ্ঝিস্সতি তস্স ৰচীসঙ্খারো নিরুজ্ঝিস্সতীতি?
(Kha) yassa vā pana cittasaṅkhāro nirujjhissati tassa vacīsaṅkhāro nirujjhissatīti?
অৰিতক্কঅৰিচারপচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং চিত্তসঙ্খারো নিরুজ্ঝিস্সতি, নো চ তেসং ৰচীসঙ্খারো নিরুজ্ঝিস্সতি। ইতরেসং তেসং চিত্তসঙ্খারো চ নিরুজ্ঝিস্সতি ৰচীসঙ্খারো চ নিরুজ্ঝিস্সতি।
Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro nirujjhissati, no ca tesaṃ vacīsaṅkhāro nirujjhissati. Itaresaṃ tesaṃ cittasaṅkhāro ca nirujjhissati vacīsaṅkhāro ca nirujjhissati.
(খ) অনুলোমওকাসো
(Kha) anulomaokāso
৯০. যত্থ কাযসঙ্খারো নিরুজ্ঝিস্সতি…পে॰…।
90. Yattha kāyasaṅkhāro nirujjhissati…pe….
(গ) অনুলোমপুগ্গলোকাসা
(Ga) anulomapuggalokāsā
৯১. (ক) যস্স যত্থ কাযসঙ্খারো নিরুজ্ঝিস্সতি তস্স তত্থ ৰচীসঙ্খারো নিরুজ্ঝিস্সতীতি?
91. (Ka) yassa yattha kāyasaṅkhāro nirujjhissati tassa tattha vacīsaṅkhāro nirujjhissatīti?
দুতিযজ্ঝানং ততিযজ্ঝানং সমাপন্নানং তেসং তত্থ কাযসঙ্খারো নিরুজ্ঝিস্সতি, নো চ তেসং তত্থ ৰচীসঙ্খারো নিরুজ্ঝিস্সতি। পঠমজ্ঝানং সমাপন্নানং কামাৰচরানং তেসং তত্থ কাযসঙ্খারো চ নিরুজ্ঝিস্সতি ৰচীসঙ্খারো চ নিরুজ্ঝিস্সতি।
Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro nirujjhissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca nirujjhissati vacīsaṅkhāro ca nirujjhissati.
(খ) যস্স ৰা পন যত্থ ৰচীসঙ্খারো নিরুজ্ঝিস্সতি তস্স তত্থ কাযসঙ্খারো নিরুজ্ঝিস্সতীতি?
(Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরানং অরূপাৰচরানং তেসং তত্থ ৰচীসঙ্খারো নিরুজ্ঝিস্সতি , নো চ তেসং তত্থ কাযসঙ্খারো নিরুজ্ঝিস্সতি। পঠমজ্ঝানং সমাপন্নানং ইতরেসং কামাৰচরানং তেসং তত্থ ৰচীসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati , no ca tesaṃ tattha kāyasaṅkhāro nirujjhissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca nirujjhissati.
(ক) যস্স যত্থ কাযসঙ্খারো নিরুজ্ঝিস্সতি তস্স তত্থ চিত্তসঙ্খারো নিরুজ্ঝিস্সতীতি? আমন্তা।
(Ka) yassa yattha kāyasaṅkhāro nirujjhissati tassa tattha cittasaṅkhāro nirujjhissatīti? Āmantā.
(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ কাযসঙ্খারো নিরুজ্ঝিস্সতীতি?
(Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ কাযসঙ্খারো নিরুজ্ঝিস্সতি। পঠমজ্ঝানং দুতিযজ্ঝানং ততিযজ্ঝানং সমাপন্নানং ইতরেসং কামাৰচরানং তেসং তত্থ চিত্তসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca nirujjhissati.
৯২. (ক) যস্স যত্থ ৰচীসঙ্খারো নিরুজ্ঝিস্সতি তস্স তত্থ চিত্তসঙ্খারো নিরুজ্ঝিস্সতীতি? আমন্তা।
92. (Ka) yassa yattha vacīsaṅkhāro nirujjhissati tassa tattha cittasaṅkhāro nirujjhissatīti? Āmantā.
(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ ৰচীসঙ্খারো নিরুজ্ঝিস্সতীতি?
(Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhissatīti?
অৰিতক্কঅৰিচারপচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং চতুত্থজ্ঝানং সমাপন্নানং তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ ৰচীসঙ্খারো নিরুজ্ঝিস্সতি। পঠমজ্ঝানং সমাপন্নানং কামাৰচরানং ইতরেসং রূপাৰচরানং অরূপাৰচরানং তেসং তত্থ চিত্তসঙ্খারো চ নিরুজ্ঝিস্সতি ৰচীসঙ্খারো চ নিরুজ্ঝিস্সতি।
Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca nirujjhissati vacīsaṅkhāro ca nirujjhissati.
(ঘ) পচ্চনীকপুগ্গলো
(Gha) paccanīkapuggalo
৯৩. (ক) যস্স কাযসঙ্খারো ন নিরুজ্ঝিস্সতি তস্স ৰচীসঙ্খারো ন নিরুজ্ঝিস্সতীতি?
93. (Ka) yassa kāyasaṅkhāro na nirujjhissati tassa vacīsaṅkhāro na nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং কাযসঙ্খারো ন নিরুজ্ঝিস্সতি, নো চ তেসং ৰচীসঙ্খারো ন নিরুজ্ঝিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো চ ন নিরুজ্ঝিস্সতি ৰচীসঙ্খারো চ ন নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro na nirujjhissati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca na nirujjhissati vacīsaṅkhāro ca na nirujjhissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(ক) যস্স কাযসঙ্খারো ন নিরুজ্ঝিস্সতি তস্স চিত্তসঙ্খারো ন নিরুজ্ঝিস্সতীতি?
(Ka) yassa kāyasaṅkhāro na nirujjhissati tassa cittasaṅkhāro na nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং কাযসঙ্খারো ন নিরুজ্ঝিস্সতি, নো চ তেসং চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে তেসং কাযসঙ্খারো চ ন নিরুজ্ঝিস্সতি চিত্তসঙ্খারো চ ন নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro na nirujjhissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca na nirujjhissati cittasaṅkhāro ca na nirujjhissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
৯৪. (ক) যস্স ৰচীসঙ্খারো ন নিরুজ্ঝিস্সতি তস্স চিত্তসঙ্খারো ন নিরুজ্ঝিস্সতীতি?
94. (Ka) yassa vacīsaṅkhāro na nirujjhissati tassa cittasaṅkhāro na nirujjhissatīti?
অৰিতক্কঅৰিচারপচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং ৰচীসঙ্খারো ন নিরুজ্ঝিস্সতি, নো চ তেসং চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে তেসং ৰচীসঙ্খারো চ ন নিরুজ্ঝিস্সতি চিত্তসঙ্খারো চ ন নিরুজ্ঝিস্সতি।
Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro na nirujjhissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca na nirujjhissati cittasaṅkhāro ca na nirujjhissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(ঙ) পচ্চনীকওকাসো
(Ṅa) paccanīkaokāso
৯৫. যত্থ কাযসঙ্খারো ন নিরুজ্ঝিস্সতি…পে॰…।
95. Yattha kāyasaṅkhāro na nirujjhissati…pe….
(চ) পচ্চনীকপুগ্গলোকাসা
(Ca) paccanīkapuggalokāsā
৯৬. (ক) যস্স যত্থ কাযসঙ্খারো ন নিরুজ্ঝিস্সতি তস্স তত্থ ৰচীসঙ্খারো ন নিরুজ্ঝিস্সতীতি?
96. (Ka) yassa yattha kāyasaṅkhāro na nirujjhissati tassa tattha vacīsaṅkhāro na nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরানং অরূপাৰচরানং তেসং তত্থ কাযসঙ্খারো ন নিরুজ্ঝিস্সতি, নো চ তেসং তত্থ ৰচীসঙ্খারো ন নিরুজ্ঝিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ ন নিরুজ্ঝিস্সতি ৰচীসঙ্খারো চ ন নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhissati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhissati vacīsaṅkhāro ca na nirujjhissati.
(খ) যস্স ৰা পন যত্থ ৰচীসঙ্খারো ন নিরুজ্ঝিস্সতি তস্স তত্থ কাযসঙ্খারো ন নিরুজ্ঝিস্সতীতি?
(Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhissatīti?
দুতিযজ্ঝানং ততিযজ্ঝানং সমাপন্নানং তেসং তত্থ ৰচীসঙ্খারো ন নিরুজ্ঝিস্সতি, নো চ তেসং তত্থ কাযসঙ্খারো ন নিরুজ্ঝিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিস্সতি কাযসঙ্খারো চ ন নিরুজ্ঝিস্সতি।
Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhissati.
(ক) যস্স যত্থ কাযসঙ্খারো ন নিরুজ্ঝিস্সতি তস্স তত্থ চিত্তসঙ্খারো ন নিরুজ্ঝিস্সতীতি?
(Ka) yassa yattha kāyasaṅkhāro na nirujjhissati tassa tattha cittasaṅkhāro na nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ কাযসঙ্খারো ন নিরুজ্ঝিস্সতি, নো চ তেসং তত্থ চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ কাযসঙ্খারো চ ন নিরুজ্ঝিস্সতি চিত্তসঙ্খারো চ ন নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhissati cittasaṅkhāro ca na nirujjhissati.
(খ) যস্স ৰা পন যত্থ চিত্তসঙ্খারো ন নিরুজ্ঝিস্সতি তস্স তত্থ কাযসঙ্খারো ন নিরুজ্ঝিস্সতীতি? আমন্তা।
(Kha) yassa vā pana yattha cittasaṅkhāro na nirujjhissati tassa tattha kāyasaṅkhāro na nirujjhissatīti? Āmantā.
৯৭. (ক) যস্স যত্থ ৰচীসঙ্খারো ন নিরুজ্ঝিস্সতি তস্স তত্থ চিত্তসঙ্খারো ন নিরুজ্ঝিস্সতীতি?
97. (Ka) yassa yattha vacīsaṅkhāro na nirujjhissati tassa tattha cittasaṅkhāro na nirujjhissatīti?
অৰিতক্কঅৰিচারপচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং চতুত্থজ্ঝানং সমাপন্নানং তেসং তত্থ ৰচীসঙ্খারো ন নিরুজ্ঝিস্সতি, নো চ তেসং তত্থ চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিস্সতি চিত্তসঙ্খারো চ ন নিরুজ্ঝিস্সতি।
Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhissati cittasaṅkhāro ca na nirujjhissati.
(খ) যস্স ৰা পন যত্থ চিত্তসঙ্খারো ন নিরুজ্ঝিস্সতি তস্স তত্থ ৰচীসঙ্খারো ন নিরুজ্ঝিস্সতীতি? আমন্তা।
(Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhissatīti? Āmantā.
(৪) পচ্চুপ্পন্নাতীতৰারো
(4) Paccuppannātītavāro
(ক) অনুলোমপুগ্গলো
(Ka) anulomapuggalo
৯৮. (ক) যস্স কাযসঙ্খারো নিরুজ্ঝতি তস্স ৰচীসঙ্খারো নিরুজ্ঝিত্থাতি ? আমন্তা।
98. (Ka) yassa kāyasaṅkhāro nirujjhati tassa vacīsaṅkhāro nirujjhitthāti ? Āmantā.
(খ) যস্স ৰা পন ৰচীসঙ্খারো নিরুজ্ঝিত্থ তস্স কাযসঙ্খারো নিরুজ্ঝতীতি?
(Kha) yassa vā pana vacīsaṅkhāro nirujjhittha tassa kāyasaṅkhāro nirujjhatīti?
সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো নিরুজ্ঝিত্থ, নো চ তেসং কাযসঙ্খারো নিরুজ্ঝতি। অস্সাসপস্সাসানং ভঙ্গক্খণে তেসং ৰচীসঙ্খারো চ নিরুজ্ঝিত্থ কাযসঙ্খারো চ নিরুজ্ঝতি।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhittha, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ vacīsaṅkhāro ca nirujjhittha kāyasaṅkhāro ca nirujjhati.
(ক) যস্স কাযসঙ্খারো নিরুজ্ঝতি তস্স চিত্তসঙ্খারো নিরুজ্ঝিত্থাতি? আমন্তা।
(Ka) yassa kāyasaṅkhāro nirujjhati tassa cittasaṅkhāro nirujjhitthāti? Āmantā.
(খ) যস্স ৰা পন চিত্তসঙ্খারো নিরুজ্ঝিত্থ তস্স কাযসঙ্খারো নিরুজ্ঝতীতি?
(Kha) yassa vā pana cittasaṅkhāro nirujjhittha tassa kāyasaṅkhāro nirujjhatīti?
সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো নিরুজ্ঝিত্থ, নো চ তেসং কাযসঙ্খারো নিরুজ্ঝতি। অস্সাসপস্সাসানং ভঙ্গক্খণে তেসং চিত্তসঙ্খারো চ নিরুজ্ঝিত্থ কাযসঙ্খারো চ নিরুজ্ঝতি।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhittha, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhittha kāyasaṅkhāro ca nirujjhati.
৯৯. (ক) যস্স ৰচীসঙ্খারো নিরুজ্ঝতি তস্স চিত্তসঙ্খারো নিরুজ্ঝিত্থাতি? আমন্তা।
99. (Ka) yassa vacīsaṅkhāro nirujjhati tassa cittasaṅkhāro nirujjhitthāti? Āmantā.
(খ) যস্স ৰা পন চিত্তসঙ্খারো নিরুজ্ঝিত্থ তস্স ৰচীসঙ্খারো নিরুজ্ঝতীতি?
(Kha) yassa vā pana cittasaṅkhāro nirujjhittha tassa vacīsaṅkhāro nirujjhatīti?
সব্বেসং চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো নিরুজ্ঝিত্থ, নো চ তেসং ৰচীসঙ্খারো নিরুজ্ঝতি। ৰিতক্কৰিচারানং ভঙ্গক্খণে তেসং চিত্তসঙ্খারো চ নিরুজ্ঝিত্থ ৰচীসঙ্খারো চ নিরুজ্ঝতি।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhittha, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhittha vacīsaṅkhāro ca nirujjhati.
(খ) অনুলোমওকাসো
(Kha) anulomaokāso
১০০. যত্থ কাযসঙ্খারো নিরুজ্ঝতি…পে॰…।
100. Yattha kāyasaṅkhāro nirujjhati…pe….
(গ) অনুলোমপুগ্গলোকাসা
(Ga) anulomapuggalokāsā
১০১. (ক) যস্স যত্থ কাযসঙ্খারো নিরুজ্ঝতি তস্স তত্থ ৰচীসঙ্খারো নিরুজ্ঝিত্থাতি?
101. (Ka) yassa yattha kāyasaṅkhāro nirujjhati tassa tattha vacīsaṅkhāro nirujjhitthāti?
দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসং তত্থ কাযসঙ্খারো নিরুজ্ঝতি, নো চ তেসং তত্থ ৰচীসঙ্খারো নিরুজ্ঝিত্থ। পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসং তত্থ কাযসঙ্খারো চ নিরুজ্ঝতি ৰচীসঙ্খারো চ নিরুজ্ঝিত্থ।
Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro nirujjhati, no ca tesaṃ tattha vacīsaṅkhāro nirujjhittha. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro ca nirujjhati vacīsaṅkhāro ca nirujjhittha.
(খ) যস্স ৰা পন যত্থ ৰচীসঙ্খারো নিরুজ্ঝিত্থ তস্স তত্থ কাযসঙ্খারো নিরুজ্ঝতীতি?
(Kha) yassa vā pana yattha vacīsaṅkhāro nirujjhittha tassa tattha kāyasaṅkhāro nirujjhatīti?
পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে রূপাৰচরানং অরূপাৰচরানং তেসং তত্থ ৰচীসঙ্খারো নিরুজ্ঝিত্থ, নো চ তেসং তত্থ কাযসঙ্খারো নিরুজ্ঝতি। পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসং তত্থ ৰচীসঙ্খারো চ নিরুজ্ঝিত্থ কাযসঙ্খারো চ নিরুজ্ঝতি।
Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhittha, no ca tesaṃ tattha kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro ca nirujjhittha kāyasaṅkhāro ca nirujjhati.
(ক) যস্স যত্থ কাযসঙ্খারো নিরুজ্ঝতি তস্স তত্থ চিত্তসঙ্খারো নিরুজ্ঝিত্থাতি? আমন্তা।
(Ka) yassa yattha kāyasaṅkhāro nirujjhati tassa tattha cittasaṅkhāro nirujjhitthāti? Āmantā.
(খ) যস্স ৰা পন যত্থ চিত্তসঙ্খারো নিরুজ্ঝিত্থ তস্স তত্থ কাযসঙ্খারো নিরুজ্ঝতীতি?
(Kha) yassa vā pana yattha cittasaṅkhāro nirujjhittha tassa tattha kāyasaṅkhāro nirujjhatīti?
সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে তেসং তত্থ চিত্তসঙ্খারো নিরুজ্ঝিত্থ , নো চ তেসং তত্থ কাযসঙ্খারো নিরুজ্ঝতি। অস্সাসপস্সাসানং ভঙ্গক্খণে তেসং তত্থ চিত্তসঙ্খারো চ নিরুজ্ঝিত্থ কাযসঙ্খারো চ নিরুজ্ঝতি।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha cittasaṅkhāro nirujjhittha , no ca tesaṃ tattha kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ tattha cittasaṅkhāro ca nirujjhittha kāyasaṅkhāro ca nirujjhati.
১০২. (ক) যস্স যত্থ ৰচীসঙ্খারো নিরুজ্ঝতি তস্স তত্থ চিত্তসঙ্খারো নিরুজ্ঝিত্থাতি? আমন্তা।
102. (Ka) yassa yattha vacīsaṅkhāro nirujjhati tassa tattha cittasaṅkhāro nirujjhitthāti? Āmantā.
(খ) যস্স ৰা পন যত্থ চিত্তসঙ্খারো নিরুজ্ঝিত্থ তস্স তত্থ ৰচীসঙ্খারো নিরুজ্ঝতীতি?
(Kha) yassa vā pana yattha cittasaṅkhāro nirujjhittha tassa tattha vacīsaṅkhāro nirujjhatīti?
সব্বেসং চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে তেসং তত্থ চিত্তসঙ্খারো নিরুজ্ঝিত্থ, নো চ তেসং তত্থ ৰচীসঙ্খারো নিরুজ্ঝতি। ৰিতক্কৰিচারানং ভঙ্গক্খণে তেসং তত্থ চিত্তসঙ্খারো চ নিরুজ্ঝিত্থ ৰচীসঙ্খারো চ নিরুজ্ঝতি।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha cittasaṅkhāro nirujjhittha, no ca tesaṃ tattha vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ tattha cittasaṅkhāro ca nirujjhittha vacīsaṅkhāro ca nirujjhati.
(ঘ) পচ্চনীকপুগ্গলো
(Gha) paccanīkapuggalo
১০৩. (ক) যস্স কাযসঙ্খারো ন নিরুজ্ঝতি তস্স ৰচীসঙ্খারো ন নিরুজ্ঝিত্থাতি? নিরুজ্ঝিত্থ।
103. (Ka) yassa kāyasaṅkhāro na nirujjhati tassa vacīsaṅkhāro na nirujjhitthāti? Nirujjhittha.
(খ) যস্স ৰা পন ৰচীসঙ্খারো ন নিরুজ্ঝিত্থ তস্স কাযসঙ্খারো ন নিরুজ্ঝতীতি? নত্থি।
(Kha) yassa vā pana vacīsaṅkhāro na nirujjhittha tassa kāyasaṅkhāro na nirujjhatīti? Natthi.
(ক) যস্স কাযসঙ্খারো ন নিরুজ্ঝতি তস্স চিত্তসঙ্খারো ন নিরুজ্ঝিত্থাতি? নিরুজ্ঝিত্থ।
(Ka) yassa kāyasaṅkhāro na nirujjhati tassa cittasaṅkhāro na nirujjhitthāti? Nirujjhittha.
(খ) যস্স ৰা পন চিত্তসঙ্খারো ন নিরুজ্ঝিত্থ তস্স কাযসঙ্খারো ন নিরুজ্ঝতীতি? নত্থি।
(Kha) yassa vā pana cittasaṅkhāro na nirujjhittha tassa kāyasaṅkhāro na nirujjhatīti? Natthi.
১০৪. (ক) যস্স ৰচীসঙ্খারো ন নিরুজ্ঝতি তস্স চিত্তসঙ্খারো ন নিরুজ্ঝিত্থাতি? নিরুজ্ঝিত্থ।
104. (Ka) yassa vacīsaṅkhāro na nirujjhati tassa cittasaṅkhāro na nirujjhitthāti? Nirujjhittha.
(খ) যস্স ৰা পন চিত্তসঙ্খারো ন নিরুজ্ঝিত্থ তস্স ৰচীসঙ্খারো ন নিরুজ্ঝতীতি? নত্থি।
(Kha) yassa vā pana cittasaṅkhāro na nirujjhittha tassa vacīsaṅkhāro na nirujjhatīti? Natthi.
(ঙ) পচ্চনীকওকাসো
(Ṅa) paccanīkaokāso
১০৫. যত্থ কাযসঙ্খারো ন নিরুজ্ঝতি…পে॰…।
105. Yattha kāyasaṅkhāro na nirujjhati…pe….
(চ) পচ্চনীকপুগ্গলোকাসা
(Ca) paccanīkapuggalokāsā
১০৬. (ক) যস্স যত্থ কাযসঙ্খারো ন নিরুজ্ঝতি তস্স তত্থ ৰচীসঙ্খারো ন নিরুজ্ঝিত্থাতি?
106. (Ka) yassa yattha kāyasaṅkhāro na nirujjhati tassa tattha vacīsaṅkhāro na nirujjhitthāti?
পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে রূপাৰচরানং অরূপাৰচরানং তেসং তত্থ কাযসঙ্খারো ন নিরুজ্ঝতি, নো চ তেসং তত্থ ৰচীসঙ্খারো ন নিরুজ্ঝিত্থ। দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ কাযসঙ্খারো চ ন নিরুজ্ঝতি ৰচীসঙ্খারো চ ন নিরুজ্ঝিত্থ।
Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhittha. Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhittha.
(খ) যস্স ৰা পন যত্থ ৰচীসঙ্খারো ন নিরুজ্ঝিত্থ তস্স তত্থ কাযসঙ্খারো ন নিরুজ্ঝতীতি?
(Kha) yassa vā pana yattha vacīsaṅkhāro na nirujjhittha tassa tattha kāyasaṅkhāro na nirujjhatīti?
দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসং তত্থ ৰচীসঙ্খারো ন নিরুজ্ঝিত্থ, নো চ তেসং তত্থ কাযসঙ্খারো ন নিরুজ্ঝতি। দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিত্থ কাযসঙ্খারো চ ন নিরুজ্ঝতি।
Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro na nirujjhittha, no ca tesaṃ tattha kāyasaṅkhāro na nirujjhati. Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca na nirujjhittha kāyasaṅkhāro ca na nirujjhati.
(ক) যস্স যত্থ কাযসঙ্খারো ন নিরুজ্ঝতি তস্স তত্থ চিত্তসঙ্খারো ন নিরুজ্ঝিত্থাতি?
(Ka) yassa yattha kāyasaṅkhāro na nirujjhati tassa tattha cittasaṅkhāro na nirujjhitthāti?
সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে তেসং তত্থ কাযসঙ্খারো ন নিরুজ্ঝতি, নো চ তেসং তত্থ চিত্তসঙ্খারো ন নিরুজ্ঝিত্থ। সুদ্ধাৰাসং উপপজ্জন্তানং অসঞ্ঞসত্তানং তেসং তত্থ কাযসঙ্খারো চ ন নিরুজ্ঝতি চিত্তসঙ্খারো চ ন নিরুজ্ঝিত্থ।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha cittasaṅkhāro na nirujjhittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca na nirujjhati cittasaṅkhāro ca na nirujjhittha.
(খ) যস্স ৰা পন যত্থ চিত্তসঙ্খারো ন নিরুজ্ঝিত্থ তস্স তত্থ কাযসঙ্খারো ন নিরুজ্ঝতীতি? আমন্তা।
(Kha) yassa vā pana yattha cittasaṅkhāro na nirujjhittha tassa tattha kāyasaṅkhāro na nirujjhatīti? Āmantā.
১০৭. (ক) যস্স যত্থ ৰচীসঙ্খারো ন নিরুজ্ঝতি তস্স তত্থ চিত্তসঙ্খারো ন নিরুজ্ঝিত্থাতি?
107. (Ka) yassa yattha vacīsaṅkhāro na nirujjhati tassa tattha cittasaṅkhāro na nirujjhitthāti?
সব্বেসং চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে তেসং তত্থ ৰচীসঙ্খারো ন নিরুজ্ঝতি, নো চ তেসং তত্থ চিত্তসঙ্খারো ন নিরুজ্ঝিত্থ। সুদ্ধাৰাসং উপপজ্জন্তানং অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝতি চিত্তসঙ্খারো চ ন নিরুজ্ঝিত্থ।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha vacīsaṅkhāro na nirujjhati, no ca tesaṃ tattha cittasaṅkhāro na nirujjhittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca na nirujjhati cittasaṅkhāro ca na nirujjhittha.
(খ) যস্স ৰা পন যত্থ চিত্তসঙ্খারো ন নিরুজ্ঝিত্থ তস্স তত্থ ৰচীসঙ্খারো ন নিরুজ্ঝতীতি? আমন্তা।
(Kha) yassa vā pana yattha cittasaṅkhāro na nirujjhittha tassa tattha vacīsaṅkhāro na nirujjhatīti? Āmantā.
(৫) পচ্চুপ্পন্নানাগতৰারো
(5) Paccuppannānāgatavāro
(ক) অনুলোমপুগ্গলো
(Ka) anulomapuggalo
১০৮. (ক) যস্স কাযসঙ্খারো নিরুজ্ঝতি তস্স ৰচীসঙ্খারো নিরুজ্ঝিস্সতীতি? আমন্তা।
108. (Ka) yassa kāyasaṅkhāro nirujjhati tassa vacīsaṅkhāro nirujjhissatīti? Āmantā.
(খ) যস্স ৰা পন ৰচীসঙ্খারো নিরুজ্ঝিস্সতি তস্স কাযসঙ্খারো নিরুজ্ঝতীতি ?
(Kha) yassa vā pana vacīsaṅkhāro nirujjhissati tassa kāyasaṅkhāro nirujjhatīti ?
সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো নিরুজ্ঝিস্সতি, নো চ তেসং কাযসঙ্খারো নিরুজ্ঝতি। অস্সাসপস্সাসানং ভঙ্গক্খণে তেসং ৰচীসঙ্খারো চ নিরুজ্ঝিস্সতি কাযসঙ্খারো চ নিরুজ্ঝতি।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ vacīsaṅkhāro ca nirujjhissati kāyasaṅkhāro ca nirujjhati.
(ক) যস্স কাযসঙ্খারো নিরুজ্ঝতি তস্স চিত্তসঙ্খারো নিরুজ্ঝিস্সতীতি? আমন্তা।
(Ka) yassa kāyasaṅkhāro nirujjhati tassa cittasaṅkhāro nirujjhissatīti? Āmantā.
(খ) যস্স ৰা পন চিত্তসঙ্খারো নিরুজ্ঝিস্সতি তস্স কাযসঙ্খারো নিরুজ্ঝতীতি?
(Kha) yassa vā pana cittasaṅkhāro nirujjhissati tassa kāyasaṅkhāro nirujjhatīti?
সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো নিরুজ্ঝিস্সতি, নো চ তেসং কাযসঙ্খারো নিরুজ্ঝতি। অস্সাসপস্সাসানং ভঙ্গক্খণে তেসং চিত্তসঙ্খারো চ নিরুজ্ঝিস্সতি কাযসঙ্খারো চ নিরুজ্ঝতি।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhissati kāyasaṅkhāro ca nirujjhati.
১০৯. (ক) যস্স ৰচীসঙ্খারো নিরুজ্ঝতি তস্স চিত্তসঙ্খারো নিরুজ্ঝিস্সতীতি?
109. (Ka) yassa vacīsaṅkhāro nirujjhati tassa cittasaṅkhāro nirujjhissatīti?
সৰিতক্কসৰিচারপচ্ছিমচিত্তস্স ভঙ্গক্খণে তেসং ৰচীসঙ্খারো নিরুজ্ঝতি, নো চ তেসং চিত্তসঙ্খারো নিরুজ্ঝিস্সতি। ইতরেসং ৰিতক্কৰিচারানং ভঙ্গক্খণে তেসং ৰচীসঙ্খারো চ নিরুজ্ঝতি চিত্তসঙ্খারো চ নিরুজ্ঝিস্সতি।
Savitakkasavicārapacchimacittassa bhaṅgakkhaṇe tesaṃ vacīsaṅkhāro nirujjhati, no ca tesaṃ cittasaṅkhāro nirujjhissati. Itaresaṃ vitakkavicārānaṃ bhaṅgakkhaṇe tesaṃ vacīsaṅkhāro ca nirujjhati cittasaṅkhāro ca nirujjhissati.
(খ) যস্স ৰা পন চিত্তসঙ্খারো নিরুজ্ঝিস্সতি তস্স ৰচীসঙ্খারো নিরুজ্ঝতীতি?
(Kha) yassa vā pana cittasaṅkhāro nirujjhissati tassa vacīsaṅkhāro nirujjhatīti?
সব্বেসং চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো নিরুজ্ঝিস্সতি, নো চ তেসং ৰচীসঙ্খারো নিরুজ্ঝতি। ৰিতক্কৰিচারানং ভঙ্গক্খণে তেসং চিত্তসঙ্খারো চ নিরুজ্ঝিস্সতি ৰচীসঙ্খারো চ নিরুজ্ঝতি।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhissati vacīsaṅkhāro ca nirujjhati.
(খ) অনুলোমওকাসো
(Kha) anulomaokāso
১১০. যত্থ কাযসঙ্খারো নিরুজ্ঝতি…পে॰…।
110. Yattha kāyasaṅkhāro nirujjhati…pe….
(গ) অনুলোমপুগ্গলোকাসা
(Ga) anulomapuggalokāsā
১১১. (ক) যস্স যত্থ কাযসঙ্খারো নিরুজ্ঝতি তস্স তত্থ ৰচীসঙ্খারো নিরুজ্ঝিস্সতীতি?
111. (Ka) yassa yattha kāyasaṅkhāro nirujjhati tassa tattha vacīsaṅkhāro nirujjhissatīti?
দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসং তত্থ কাযসঙ্খারো নিরুজ্ঝতি, নো চ তেসং তত্থ ৰচীসঙ্খারো নিরুজ্ঝিস্সতি। পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসং তত্থ কাযসঙ্খারো চ নিরুজ্ঝতি ৰচীসঙ্খারো চ নিরুজ্ঝিস্সতি।
Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro nirujjhati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro ca nirujjhati vacīsaṅkhāro ca nirujjhissati.
(খ) যস্স ৰা পন যত্থ ৰচীসঙ্খারো নিরুজ্ঝিস্সতি তস্স তত্থ কাযসঙ্খারো নিরুজ্ঝতীতি?
(Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhatīti?
পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে রূপাৰচরানং অরূপাৰচরানং তেসং তত্থ ৰচীসঙ্খারো নিরুজ্ঝিস্সতি, নো চ তেসং তত্থ কাযসঙ্খারো নিরুজ্ঝতি। পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসং তত্থ ৰচীসঙ্খারো চ নিরুজ্ঝিস্সতি কাযসঙ্খারো চ নিরুজ্ঝতি।
Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro ca nirujjhissati kāyasaṅkhāro ca nirujjhati.
(ক) যস্স যত্থ কাযসঙ্খারো নিরুজ্ঝতি তস্স তত্থ চিত্তসঙ্খারো নিরুজ্ঝিস্সতীতি? আমন্তা।
(Ka) yassa yattha kāyasaṅkhāro nirujjhati tassa tattha cittasaṅkhāro nirujjhissatīti? Āmantā.
(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ কাযসঙ্খারো নিরুজ্ঝতীতি?
(Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhatīti?
সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ কাযসঙ্খারো নিরুজ্ঝতি। অস্সাসপস্সাসানং ভঙ্গক্খণে তেসং তত্থ চিত্তসঙ্খারো চ নিরুজ্ঝিস্সতি কাযসঙ্খারো চ নিরুজ্ঝতি।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ tattha cittasaṅkhāro ca nirujjhissati kāyasaṅkhāro ca nirujjhati.
১১২. (ক) যস্স যত্থ ৰচীসঙ্খারো নিরুজ্ঝতি তস্স তত্থ চিত্তসঙ্খারো নিরুজ্ঝিস্সতীতি?
112. (Ka) yassa yattha vacīsaṅkhāro nirujjhati tassa tattha cittasaṅkhāro nirujjhissatīti?
সৰিতক্কসৰিচারপচ্ছিমচিত্তস্স ভঙ্গক্খণে তেসং তত্থ ৰচীসঙ্খারো নিরুজ্ঝতি, নো চ তেসং তত্থ চিত্তসঙ্খারো নিরুজ্ঝিস্সতি। ইতরেসং ৰিতক্কৰিচারানং ভঙ্গক্খণে তেসং তত্থ ৰচীসঙ্খারো চ নিরুজ্ঝতি চিত্তসঙ্খারো চ নিরুজ্ঝিস্সতি।
Savitakkasavicārapacchimacittassa bhaṅgakkhaṇe tesaṃ tattha vacīsaṅkhāro nirujjhati, no ca tesaṃ tattha cittasaṅkhāro nirujjhissati. Itaresaṃ vitakkavicārānaṃ bhaṅgakkhaṇe tesaṃ tattha vacīsaṅkhāro ca nirujjhati cittasaṅkhāro ca nirujjhissati.
(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ ৰচীসঙ্খারো নিরুজ্ঝতীতি?
(Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhatīti?
সব্বেসং চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ ৰচীসঙ্খারো নিরুজ্ঝতি। ৰিতক্কৰিচারানং ভঙ্গক্খণে তেসং তত্থ চিত্তসঙ্খারো চ নিরুজ্ঝিস্সতি ৰচীসঙ্খারো চ নিরুজ্ঝতি।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ tattha cittasaṅkhāro ca nirujjhissati vacīsaṅkhāro ca nirujjhati.
(ঘ) পচ্চনীকপুগ্গলো
(Gha) paccanīkapuggalo
১১৩. (ক) যস্স কাযসঙ্খারো ন নিরুজ্ঝতি তস্স ৰচীসঙ্খারো ন নিরুজ্ঝিস্সতীতি?
113. (Ka) yassa kāyasaṅkhāro na nirujjhati tassa vacīsaṅkhāro na nirujjhissatīti?
সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং কাযসঙ্খারো ন নিরুজ্ঝতি, নো চ তেসং ৰচীসঙ্খারো ন নিরুজ্ঝিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো চ ন নিরুজ্ঝতি ৰচীসঙ্খারো চ ন নিরুজ্ঝিস্সতি।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro na nirujjhati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca na nirujjhati vacīsaṅkhāro ca na nirujjhissati.
(খ) যস্স ৰা পন ৰচীসঙ্খারো ন নিরুজ্ঝিস্সতি তস্স কাযসঙ্খারো ন নিরুজ্ঝতীতি? আমন্তা।
(Kha) yassa vā pana vacīsaṅkhāro na nirujjhissati tassa kāyasaṅkhāro na nirujjhatīti? Āmantā.
(ক) যস্স কাযসঙ্খারো ন নিরুজ্ঝতি তস্স চিত্তসঙ্খারো ন নিরুজ্ঝিস্সতীতি?
(Ka) yassa kāyasaṅkhāro na nirujjhati tassa cittasaṅkhāro na nirujjhissatīti?
সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং কাযসঙ্খারো ন নিরুজ্ঝতি, নো চ তেসং চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে তেসং কাযসঙ্খারো চ ন নিরুজ্ঝতি চিত্তসঙ্খারো চ ন নিরুজ্ঝিস্সতি।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro na nirujjhati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca na nirujjhati cittasaṅkhāro ca na nirujjhissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
১১৪. (ক) যস্স ৰচীসঙ্খারো ন নিরুজ্ঝতি তস্স চিত্তসঙ্খারো ন নিরুজ্ঝিস্সতীতি?
114. (Ka) yassa vacīsaṅkhāro na nirujjhati tassa cittasaṅkhāro na nirujjhissatīti?
সব্বেসং চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো ন নিরুজ্ঝতি, নো চ তেসং চিত্তসঙ্খারো ন নিরুজ্ঝিস্সতি। অৰিতক্কঅৰিচারপচ্ছিমচিত্তস্স ভঙ্গক্খণে তেসং ৰচীসঙ্খারো চ ন নিরুজ্ঝতি চিত্তসঙ্খারো চ ন নিরুজ্ঝিস্সতি।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro na nirujjhati, no ca tesaṃ cittasaṅkhāro na nirujjhissati. Avitakkaavicārapacchimacittassa bhaṅgakkhaṇe tesaṃ vacīsaṅkhāro ca na nirujjhati cittasaṅkhāro ca na nirujjhissati.
(খ) যস্স ৰা পন চিত্তসঙ্খারো ন নিরুজ্ঝিস্সতি তস্স ৰচীসঙ্খারো ন নিরুজ্ঝতীতি?
(Kha) yassa vā pana cittasaṅkhāro na nirujjhissati tassa vacīsaṅkhāro na nirujjhatīti?
সৰিতক্কসৰিচারপচ্ছিমচিত্তস্স ভঙ্গক্খণে তেসং চিত্তসঙ্খারো ন নিরুজ্ঝিস্সতি, নো চ তেসং ৰচীসঙ্খারো ন নিরুজ্ঝতি। অৰিতক্কঅৰিচারপচ্ছিমচিত্তস্স ভঙ্গক্খণে তেসং চিত্তসঙ্খারো চ ন নিরুজ্ঝিস্সতি ৰচীসঙ্খারো চ ন নিরুজ্ঝতি।
Savitakkasavicārapacchimacittassa bhaṅgakkhaṇe tesaṃ cittasaṅkhāro na nirujjhissati, no ca tesaṃ vacīsaṅkhāro na nirujjhati. Avitakkaavicārapacchimacittassa bhaṅgakkhaṇe tesaṃ cittasaṅkhāro ca na nirujjhissati vacīsaṅkhāro ca na nirujjhati.
(ঙ) পচ্চনীকওকাসো
(Ṅa) paccanīkaokāso
১১৫. যত্থ কাযসঙ্খারো ন নিরুজ্ঝতি…পে॰…।
115. Yattha kāyasaṅkhāro na nirujjhati…pe….
(চ) পচ্চনীকপুগ্গলোকাসা
(Ca) paccanīkapuggalokāsā
১১৬. (ক) যস্স যত্থ কাযসঙ্খারো ন নিরুজ্ঝতি তস্স তত্থ ৰচীসঙ্খারো ন নিরুজ্ঝিস্সতীতি?
116. (Ka) yassa yattha kāyasaṅkhāro na nirujjhati tassa tattha vacīsaṅkhāro na nirujjhissatīti?
পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে রূপাৰচরানং অরূপাৰচরানং তেসং তত্থ কাযসঙ্খারো ন নিরুজ্ঝতি, নো চ তেসং তত্থ ৰচীসঙ্খারো ন নিরুজ্ঝিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ ন নিরুজ্ঝতি ৰচীসঙ্খারো চ ন নিরুজ্ঝিস্সতি।
Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhissati.
(খ) যস্স ৰা পন যত্থ ৰচীসঙ্খারো ন নিরুজ্ঝিস্সতি তস্স তত্থ কাযসঙ্খারো ন নিরুজ্ঝতীতি?
(Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhatīti?
দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসং তত্থ ৰচীসঙ্খারো ন নিরুজ্ঝিস্সতি, নো চ তেসং তত্থ কাযসঙ্খারো ন নিরুজ্ঝতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিস্সতি কাযসঙ্খারো চ ন নিরুজ্ঝতি।
Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhati.
(ক) যস্স যত্থ কাযসঙ্খারো ন নিরুজ্ঝতি তস্স তত্থ চিত্তসঙ্খারো ন নিরুজ্ঝিস্সতীতি?
(Ka) yassa yattha kāyasaṅkhāro na nirujjhati tassa tattha cittasaṅkhāro na nirujjhissatīti?
সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে তেসং তত্থ কাযসঙ্খারো ন নিরুজ্ঝতি, নো চ তেসং তত্থ চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ কাযসঙ্খারো চ ন নিরুজ্ঝতি চিত্তসঙ্খারো চ ন নিরুজ্ঝিস্সতি।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhati cittasaṅkhāro ca na nirujjhissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
১১৭. (ক) যস্স যত্থ ৰচীসঙ্খারো ন নিরুজ্ঝতি তস্স তত্থ চিত্তসঙ্খারো ন নিরুজ্ঝিস্সতীতি?
117. (Ka) yassa yattha vacīsaṅkhāro na nirujjhati tassa tattha cittasaṅkhāro na nirujjhissatīti?
সব্বেসং চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে তেসং তত্থ ৰচীসঙ্খারো ন নিরুজ্ঝতি, নো চ তেসং তত্থ চিত্তসঙ্খারো ন নিরুজ্ঝিস্সতি। অৰিতক্কঅৰিচারপচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝতি চিত্তসঙ্খারো চ ন নিরুজ্ঝিস্সতি।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha vacīsaṅkhāro na nirujjhati, no ca tesaṃ tattha cittasaṅkhāro na nirujjhissati. Avitakkaavicārapacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhati cittasaṅkhāro ca na nirujjhissati.
(খ) যস্স ৰা পন যত্থ চিত্তসঙ্খারো ন নিরুজ্ঝিস্সতি তস্স তত্থ ৰচীসঙ্খারো ন নিরুজ্ঝতীতি?
(Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhatīti?
সৰিতক্কসৰিচারপচ্ছিমচিত্তস্স ভঙ্গক্খণে তেসং তত্থ চিত্তসঙ্খারো ন নিরুজ্ঝিস্সতি, নো চ তেসং তত্থ ৰচীসঙ্খারো ন নিরুজ্ঝতি। অৰিতক্কঅৰিচারপচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ চিত্তসঙ্খারো চ ন নিরুজ্ঝিস্সতি ৰচীসঙ্খারো চ ন নিরুজ্ঝতি।
Savitakkasavicārapacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha vacīsaṅkhāro na nirujjhati. Avitakkaavicārapacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati vacīsaṅkhāro ca na nirujjhati.
(৬) অতীতানাগতৰারো
(6) Atītānāgatavāro
(ক) অনুলোমপুগ্গলো
(Ka) anulomapuggalo
১১৮. (ক) যস্স কাযসঙ্খারো নিরুজ্ঝিত্থ তস্স ৰচীসঙ্খারো নিরুজ্ঝিস্সতীতি?
118. (Ka) yassa kāyasaṅkhāro nirujjhittha tassa vacīsaṅkhāro nirujjhissatīti?
সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো নিরুজ্ঝিত্থ, নো চ তেসং ৰচীসঙ্খারো নিরুজ্ঝিস্সতি। ইতরেসং তেসং কাযসঙ্খারো চ নিরুজ্ঝিত্থ ৰচীসঙ্খারো চ নিরুজ্ঝিস্সতি।
Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro nirujjhittha, no ca tesaṃ vacīsaṅkhāro nirujjhissati. Itaresaṃ tesaṃ kāyasaṅkhāro ca nirujjhittha vacīsaṅkhāro ca nirujjhissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(ক) যস্স কাযসঙ্খারো নিরুজ্ঝিত্থ তস্স চিত্তসঙ্খারো নিরুজ্ঝিস্সতীতি?
(Ka) yassa kāyasaṅkhāro nirujjhittha tassa cittasaṅkhāro nirujjhissatīti?
পচ্ছিমচিত্তস্স ভঙ্গক্খণে তেসং কাযসঙ্খারো নিরুজ্ঝিত্থ, নো চ তেসং চিত্তসঙ্খারো নিরুজ্ঝিস্সতি। ইতরেসং তেসং কাযসঙ্খারো চ নিরুজ্ঝিত্থ চিত্তসঙ্খারো চ নিরুজ্ঝিস্সতি।
Pacchimacittassa bhaṅgakkhaṇe tesaṃ kāyasaṅkhāro nirujjhittha, no ca tesaṃ cittasaṅkhāro nirujjhissati. Itaresaṃ tesaṃ kāyasaṅkhāro ca nirujjhittha cittasaṅkhāro ca nirujjhissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
১১৯. (ক) যস্স ৰচীসঙ্খারো নিরুজ্ঝিত্থ তস্স চিত্তসঙ্খারো নিরুজ্ঝিস্সতীতি?
119. (Ka) yassa vacīsaṅkhāro nirujjhittha tassa cittasaṅkhāro nirujjhissatīti?
পচ্ছিমচিত্তস্স ভঙ্গক্খণে তেসং ৰচীসঙ্খারো নিরুজ্ঝিত্থ, নো চ তেসং চিত্তসঙ্খারো নিরুজ্ঝিস্সতি। ইতরেসং তেসং ৰচীসঙ্খারো চ নিরুজ্ঝিত্থ চিত্তসঙ্খারো চ নিরুজ্ঝিস্সতি।
Pacchimacittassa bhaṅgakkhaṇe tesaṃ vacīsaṅkhāro nirujjhittha, no ca tesaṃ cittasaṅkhāro nirujjhissati. Itaresaṃ tesaṃ vacīsaṅkhāro ca nirujjhittha cittasaṅkhāro ca nirujjhissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(খ) অনুলোমওকাসো
(Kha) anulomaokāso
১২০. যত্থ কাযসঙ্খারো নিরুজ্ঝিত্থ…পে॰…।
120. Yattha kāyasaṅkhāro nirujjhittha…pe….
(গ) অনুলোমপুগ্গলোকাসা
(Ga) anulomapuggalokāsā
১২১. (ক) যস্স যত্থ কাযসঙ্খারো নিরুজ্ঝিত্থ তস্স তত্থ ৰচীসঙ্খারো নিরুজ্ঝিস্সতীতি?
121. (Ka) yassa yattha kāyasaṅkhāro nirujjhittha tassa tattha vacīsaṅkhāro nirujjhissatīti?
কামাৰচরে পচ্ছিমচিত্তস্স ভঙ্গক্খণে দুতিযজ্ঝানং ততিযজ্ঝানং সমাপন্নানং তেসং তত্থ কাযসঙ্খারো নিরুজ্ঝিত্থ, নো চ তেসং তত্থ ৰচীসঙ্খারো নিরুজ্ঝিস্সতি। পঠমজ্ঝানং সমাপন্নানং ইতরেসং কামাৰচরানং তেসং তত্থ কাযসঙ্খারো ন নিরুজ্ঝিত্থ ৰচীসঙ্খারো চ নিরুজ্ঝিস্সতি।
Kāmāvacare pacchimacittassa bhaṅgakkhaṇe dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro nirujjhittha, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro na nirujjhittha vacīsaṅkhāro ca nirujjhissati.
(খ) যস্স ৰা পন যত্থ ৰচীসঙ্খারো নিরুজ্ঝিস্সতি তস্স তত্থ কাযসঙ্খারো নিরুজ্ঝিত্থাতি?
(Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhitthāti?
রূপাৰচরানং অরূপাৰচরানং তেসং তত্থ ৰচীসঙ্খারো নিরুজ্ঝিস্সতি, নো চ তেসং তত্থ কাযসঙ্খারো নিরুজ্ঝিত্থ। পঠমজ্ঝানং সমাপন্নানং কামাৰচরানং তেসং তত্থ ৰচীসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিত্থ।
Rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro nirujjhittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca nirujjhittha.
(ক) যস্স যত্থ কাযসঙ্খারো নিরুজ্ঝিত্থ তস্স তত্থ চিত্তসঙ্খারো নিরুজ্ঝিস্সতীতি?
(Ka) yassa yattha kāyasaṅkhāro nirujjhittha tassa tattha cittasaṅkhāro nirujjhissatīti?
কামাৰচরে পচ্ছিমচিত্তস্স ভঙ্গক্খণে তেসং তত্থ কাযসঙ্খারো নিরুজ্ঝিত্থ, নো চ তেসং তত্থ চিত্তসঙ্খারো নিরুজ্ঝিস্সতি। পঠমজ্ঝানং দুতিযজ্ঝানং ততিযজ্ঝানং সমাপন্নানং ইতরেসং কামাৰচরানং তেসং তত্থ কাযসঙ্খারো চ নিরুজ্ঝিত্থ চিত্তসঙ্খারো চ নিরুজ্ঝিস্সতি।
Kāmāvacare pacchimacittassa bhaṅgakkhaṇe tesaṃ tattha kāyasaṅkhāro nirujjhittha, no ca tesaṃ tattha cittasaṅkhāro nirujjhissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca nirujjhittha cittasaṅkhāro ca nirujjhissati.
(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ কাযসঙ্খারো নিরুজ্ঝিত্থাতি?
(Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhitthāti?
চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ কাযসঙ্খারো নিরুজ্ঝিত্থ। পঠমজ্ঝানং দুতিযজ্ঝানং ততিযজ্ঝানং সমাপন্নানং কামাৰচরানং তেসং তত্থ চিত্তসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিত্থ।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca nirujjhittha.
১২২. (ক) যস্স যত্থ ৰচীসঙ্খারো নিরুজ্ঝিত্থ তস্স তত্থ চিত্তসঙ্খারো নিরুজ্ঝিস্সতীতি?
122. (Ka) yassa yattha vacīsaṅkhāro nirujjhittha tassa tattha cittasaṅkhāro nirujjhissatīti?
সৰিতক্কসৰিচারভূমিযং পচ্ছিমচিত্তস্স ভঙ্গক্খণে তেসং তত্থ ৰচীসঙ্খারো নিরুজ্ঝিত্থ, নো চ তেসং তত্থ চিত্তসঙ্খারো নিরুজ্ঝিস্সতি। ইতরেসং সৰিতক্কসৰিচারভূমিযং তেসং তত্থ ৰচীসঙ্খারো চ নিরুজ্ঝিত্থ চিত্তসঙ্খারো চ নিরুজ্ঝিস্সতি।
Savitakkasavicārabhūmiyaṃ pacchimacittassa bhaṅgakkhaṇe tesaṃ tattha vacīsaṅkhāro nirujjhittha, no ca tesaṃ tattha cittasaṅkhāro nirujjhissati. Itaresaṃ savitakkasavicārabhūmiyaṃ tesaṃ tattha vacīsaṅkhāro ca nirujjhittha cittasaṅkhāro ca nirujjhissati.
(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ ৰচীসঙ্খারো নিরুজ্ঝিত্থাতি?
(Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhitthāti?
অৰিতক্কঅৰিচারভূমিযং তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ ৰচীসঙ্খারো নিরুজ্ঝিত্থ। সৰিতক্কসৰিচারভূমিযং তেসং তত্থ চিত্তসঙ্খারো চ নিরুজ্ঝিস্সতি ৰচীসঙ্খারো চ নিরুজ্ঝিত্থ।
Avitakkaavicārabhūmiyaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhittha. Savitakkasavicārabhūmiyaṃ tesaṃ tattha cittasaṅkhāro ca nirujjhissati vacīsaṅkhāro ca nirujjhittha.
(ঘ) পচ্চনীকপুগ্গলো
(Gha) paccanīkapuggalo
১২৩. (ক) যস্স কাযসঙ্খারো ন নিরুজ্ঝিত্থ তস্স ৰচীসঙ্খারো ন নিরুজ্ঝিস্সতীতি? নত্থি।
123. (Ka) yassa kāyasaṅkhāro na nirujjhittha tassa vacīsaṅkhāro na nirujjhissatīti? Natthi.
(খ) যস্স ৰা পন ৰচীসঙ্খারো ন নিরুজ্ঝিস্সতি তস্স কাযসঙ্খারো ন নিরুজ্ঝিত্থাতি? নিরুজ্ঝিত্থ।
(Kha) yassa vā pana vacīsaṅkhāro na nirujjhissati tassa kāyasaṅkhāro na nirujjhitthāti? Nirujjhittha.
(ক) যস্স কাযসঙ্খারো ন নিরুজ্ঝিত্থ তস্স চিত্তসঙ্খারো ন নিরুজ্ঝিস্সতীতি? নত্থি।
(Ka) yassa kāyasaṅkhāro na nirujjhittha tassa cittasaṅkhāro na nirujjhissatīti? Natthi.
(খ) যস্স ৰা পন চিত্তসঙ্খারো ন নিরুজ্ঝিস্সতি তস্স কাযসঙ্খারো ন নিরুজ্ঝিত্থাতি? নিরুজ্ঝিত্থ।
(Kha) yassa vā pana cittasaṅkhāro na nirujjhissati tassa kāyasaṅkhāro na nirujjhitthāti? Nirujjhittha.
১২৪. (ক) যস্স ৰচীসঙ্খারো ন নিরুজ্ঝিত্থ তস্স চিত্তসঙ্খারো ন নিরুজ্ঝিস্সতীতি? নত্থি।
124. (Ka) yassa vacīsaṅkhāro na nirujjhittha tassa cittasaṅkhāro na nirujjhissatīti? Natthi.
(খ) যস্স ৰা পন চিত্তসঙ্খারো ন নিরুজ্ঝিস্সতি তস্স ৰচীসঙ্খারো ন নিরুজ্ঝিত্থাতি? নিরুজ্ঝিত্থ।
(Kha) yassa vā pana cittasaṅkhāro na nirujjhissati tassa vacīsaṅkhāro na nirujjhitthāti? Nirujjhittha.
(ঙ) পচ্চনীকওকাসো
(Ṅa) paccanīkaokāso
১২৫. যত্থ কাযসঙ্খারো ন নিরুজ্ঝিত্থ…পে॰…।
125. Yattha kāyasaṅkhāro na nirujjhittha…pe….
(চ) পচ্চনীকপুগ্গলোকাসা
(Ca) paccanīkapuggalokāsā
১২৬. (ক) যস্স যত্থ কাযসঙ্খারো ন নিরুজ্ঝিত্থ তস্স তত্থ ৰচীসঙ্খারো ন নিরুজ্ঝিস্সতীতি?
126. (Ka) yassa yattha kāyasaṅkhāro na nirujjhittha tassa tattha vacīsaṅkhāro na nirujjhissatīti?
রূপাৰচরানং অরূপাৰচরানং তেসং তত্থ কাযসঙ্খারো ন নিরুজ্ঝিত্থ, নো চ তেসং তত্থ ৰচীসঙ্খারো ন নিরুজ্ঝিস্সতি। রূপাৰচরে অরূপাৰচরে সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ ন নিরুজ্ঝিত্থ ৰচীসঙ্খারো চ ন নিরুজ্ঝিস্সতি।
Rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhittha, no ca tesaṃ tattha vacīsaṅkhāro na nirujjhissati. Rūpāvacare arūpāvacare savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhittha vacīsaṅkhāro ca na nirujjhissati.
(খ) যস্স ৰা পন যত্থ ৰচীসঙ্খারো ন নিরুজ্ঝিস্সতি তস্স তত্থ কাযসঙ্খারো ন নিরুজ্ঝিত্থাতি?
(Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhitthāti?
কামাৰচরে পচ্ছিমচিত্তস্স ভঙ্গক্খণে দুতিযজ্ঝানং ততিযজ্ঝানং সমাপন্নানং তেসং তত্থ ৰচীসঙ্খারো ন নিরুজ্ঝিস্সতি, নো চ তেসং তত্থ কাযসঙ্খারো ন নিরুজ্ঝিত্থ। রূপাৰচরে অরূপাৰচরে সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিস্সতি কাযসঙ্খারো চ ন নিরুজ্ঝিত্থ।
Kāmāvacare pacchimacittassa bhaṅgakkhaṇe dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhittha. Rūpāvacare arūpāvacare savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhittha.
(ক) যস্স যত্থ কাযসঙ্খারো ন নিরুজ্ঝিত্থ তস্স তত্থ চিত্তসঙ্খারো ন নিরুজ্ঝিস্সতীতি?
(Ka) yassa yattha kāyasaṅkhāro na nirujjhittha tassa tattha cittasaṅkhāro na nirujjhissatīti?
চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ কাযসঙ্খারো ন নিরুজ্ঝিত্থ, নো চ তেসং তত্থ চিত্তসঙ্খারো ন নিরুজ্ঝিস্সতি। রূপাৰচরে অরূপাৰচরে পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ কাযসঙ্খারো চ ন নিরুজ্ঝিত্থ চিত্তসঙ্খারো চ ন নিরুজ্ঝিস্সতি।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhittha, no ca tesaṃ tattha cittasaṅkhāro na nirujjhissati. Rūpāvacare arūpāvacare pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhittha cittasaṅkhāro ca na nirujjhissati.
(খ) যস্স ৰা পন যত্থ চিত্তসঙ্খারো ন নিরুজ্ঝিস্সতি তস্স তত্থ কাযসঙ্খারো ন নিরুজ্ঝিত্থাতি?
(Kha) yassa vā pana yattha cittasaṅkhāro na nirujjhissati tassa tattha kāyasaṅkhāro na nirujjhitthāti?
কামাৰচরে পচ্ছিমচিত্তস্স ভঙ্গক্খণে তেসং তত্থ চিত্তসঙ্খারো ন নিরুজ্ঝিস্সতি, নো চ তেসং তত্থ কাযসঙ্খারো ন নিরুজ্ঝিত্থ। রূপাৰচরে অরূপাৰচরে পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ চিত্তসঙ্খারো চ ন নিরুজ্ঝিস্সতি কাযসঙ্খারো চ ন নিরুজ্ঝিত্থ।
Kāmāvacare pacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha kāyasaṅkhāro na nirujjhittha. Rūpāvacare arūpāvacare pacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati kāyasaṅkhāro ca na nirujjhittha.
১২৭. (ক) যস্স যত্থ ৰচীসঙ্খারো ন নিরুজ্ঝিত্থ তস্স তত্থ চিত্তসঙ্খারো ন নিরুজ্ঝিস্সতীতি?
127. (Ka) yassa yattha vacīsaṅkhāro na nirujjhittha tassa tattha cittasaṅkhāro na nirujjhissatīti?
অৰিতক্কঅৰিচারভূমিযং তেসং তত্থ ৰচীসঙ্খারো ন নিরুজ্ঝিত্থ, নো চ তেসং তত্থ চিত্তসঙ্খারো ন নিরুজ্ঝিস্সতি। অৰিতক্কঅৰিচারভূমিযং পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিত্থ চিত্তসঙ্খারো চ ন নিরুজ্ঝিস্সতি।
Avitakkaavicārabhūmiyaṃ tesaṃ tattha vacīsaṅkhāro na nirujjhittha, no ca tesaṃ tattha cittasaṅkhāro na nirujjhissati. Avitakkaavicārabhūmiyaṃ pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhittha cittasaṅkhāro ca na nirujjhissati.
(খ) যস্স ৰা পন যত্থ চিত্তসঙ্খারো ন নিরুজ্ঝিস্সতি তস্স তত্থ ৰচীসঙ্খারো ন নিরুজ্ঝিত্থাতি?
(Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhitthāti?
সৰিতক্কসৰিচারভূমিযং পচ্ছিমচিত্তস্স ভঙ্গক্খণে তেসং তত্থ চিত্তসঙ্খারো ন নিরুজ্ঝিস্সতি, নো চ তেসং তত্থ ৰচীসঙ্খারো ন নিরুজ্ঝিত্থ। অৰিতক্কঅৰিচারভূমিযং পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ চিত্তসঙ্খারো চ ন নিরুজ্ঝিস্সতি ৰচীসঙ্খারো চ ন নিরুজ্ঝিত্থ।
Savitakkasavicārabhūmiyaṃ pacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha vacīsaṅkhāro na nirujjhittha. Avitakkaavicārabhūmiyaṃ pacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati vacīsaṅkhāro ca na nirujjhittha.
নিরোধৰারো।
Nirodhavāro.
২. পৰত্তি ৩. উপ্পাদনিরোধৰারো
2. Pavatti 3. uppādanirodhavāro
(১) পচ্চুপ্পন্নৰারো
(1) Paccuppannavāro
(ক) অনুলোমপুগ্গলো
(Ka) anulomapuggalo
১২৮. (ক) যস্স কাযসঙ্খারো উপ্পজ্জতি তস্স ৰচীসঙ্খারো নিরুজ্ঝতীতি? নো।
128. (Ka) yassa kāyasaṅkhāro uppajjati tassa vacīsaṅkhāro nirujjhatīti? No.
(খ) যস্স ৰা পন ৰচীসঙ্খারো নিরুজ্ঝতি তস্স কাযসঙ্খারো উপ্পজ্জতীতি? নো।
(Kha) yassa vā pana vacīsaṅkhāro nirujjhati tassa kāyasaṅkhāro uppajjatīti? No.
(ক) যস্স কাযসঙ্খারো উপ্পজ্জতি তস্স চিত্তসঙ্খারো নিরুজ্ঝতীতি? নো।
(Ka) yassa kāyasaṅkhāro uppajjati tassa cittasaṅkhāro nirujjhatīti? No.
(খ) যস্স ৰা পন চিত্তসঙ্খারো নিরুজ্ঝতি তস্স কাযসঙ্খারো উপ্পজ্জতীতি? নো।
(Kha) yassa vā pana cittasaṅkhāro nirujjhati tassa kāyasaṅkhāro uppajjatīti? No.
১২৯. (ক) যস্স ৰচীসঙ্খারো উপ্পজ্জতি তস্স চিত্তসঙ্খারো নিরুজ্ঝতীতি? নো।
129. (Ka) yassa vacīsaṅkhāro uppajjati tassa cittasaṅkhāro nirujjhatīti? No.
(খ) যস্স ৰা পন…পে॰…? নো।
(Kha) yassa vā pana…pe…? No.
(খ) অনুলোমওকাসো
(Kha) anulomaokāso
১৩০. যত্থ কাযসঙ্খারো উপ্পজ্জতি তত্থ ৰচীসঙ্খারো নিরুজ্ঝতীতি?
130. Yattha kāyasaṅkhāro uppajjati tattha vacīsaṅkhāro nirujjhatīti?
দুতিযজ্ঝানে ততিযজ্ঝানে তত্থ…পে॰… (ইতরেসং যত্থকানং সদিসং)।
Dutiyajjhāne tatiyajjhāne tattha…pe… (itaresaṃ yatthakānaṃ sadisaṃ).
(গ) অনুলোমপুগ্গলোকাসা
(Ga) anulomapuggalokāsā
১৩১. যস্স যত্থ কাযসঙ্খারো উপ্পজ্জতি…পে॰… (যস্সকম্পি যস্সযত্থকম্পি সদিসং)।
131. Yassa yattha kāyasaṅkhāro uppajjati…pe… (yassakampi yassayatthakampi sadisaṃ).
(ঘ) পচ্চনীকপুগ্গলো
(Gha) paccanīkapuggalo
১৩২. (ক) যস্স কাযসঙ্খারো নুপ্পজ্জতি তস্স ৰচীসঙ্খারো ন নিরুজ্ঝতীতি?
132. (Ka) yassa kāyasaṅkhāro nuppajjati tassa vacīsaṅkhāro na nirujjhatīti?
ৰিতক্কৰিচারানং ভঙ্গক্খণে তেসং কাযসঙ্খারো নুপ্পজ্জতি, নো চ তেসং ৰচীসঙ্খারো ন নিরুজ্ঝতি। ৰিনা অস্সাসপস্সাসেহি চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং কাযসঙ্খারো চ নুপ্পজ্জতি ৰচীসঙ্খারো চ ন নিরুজ্ঝতি।
Vitakkavicārānaṃ bhaṅgakkhaṇe tesaṃ kāyasaṅkhāro nuppajjati, no ca tesaṃ vacīsaṅkhāro na nirujjhati. Vinā assāsapassāsehi cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati vacīsaṅkhāro ca na nirujjhati.
(খ) যস্স ৰা পন ৰচীসঙ্খারো ন নিরুজ্ঝতি তস্স কাযসঙ্খারো নুপ্পজ্জতীতি?
(Kha) yassa vā pana vacīsaṅkhāro na nirujjhati tassa kāyasaṅkhāro nuppajjatīti?
অস্সাসপস্সাসানং উপ্পাদক্খণে তেসং ৰচীসঙ্খারো ন নিরুজ্ঝতি, নো চ তেসং কাযসঙ্খারো নুপ্পজ্জতি। ৰিনা অস্সাসপস্সাসেহি চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো চ ন নিরুজ্ঝতি কাযসঙ্খারো চ নুপ্পজ্জতি।
Assāsapassāsānaṃ uppādakkhaṇe tesaṃ vacīsaṅkhāro na nirujjhati, no ca tesaṃ kāyasaṅkhāro nuppajjati. Vinā assāsapassāsehi cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati kāyasaṅkhāro ca nuppajjati.
(ক) যস্স কাযসঙ্খারো নুপ্পজ্জতি তস্স চিত্তসঙ্খারো নিরুজ্ঝতীতি?
(Ka) yassa kāyasaṅkhāro nuppajjati tassa cittasaṅkhāro nirujjhatīti?
সব্বেসং চিত্তস্স ভঙ্গক্খণে তেসং কাযসঙ্খারো নুপ্পজ্জতি, নো চ তেসং চিত্তসঙ্খারো ন নিরুজ্ঝতি। ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং কাযসঙ্খারো চ নুপ্পজ্জতি চিত্তসঙ্খারো চ ন নিরুজ্ঝতি।
Sabbesaṃ cittassa bhaṅgakkhaṇe tesaṃ kāyasaṅkhāro nuppajjati, no ca tesaṃ cittasaṅkhāro na nirujjhati. Vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati cittasaṅkhāro ca na nirujjhati.
(খ) যস্স ৰা পন চিত্তসঙ্খারো ন নিরুজ্ঝতি তস্স কাযসঙ্খারো নুপ্পজ্জতীতি?
(Kha) yassa vā pana cittasaṅkhāro na nirujjhati tassa kāyasaṅkhāro nuppajjatīti?
অস্সাসপস্সাসানং উপ্পাদক্খণে তেসং চিত্তসঙ্খারো ন নিরুজ্ঝতি, নো চ তেসং কাযসঙ্খারো নুপ্পজ্জতি। ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো চ ন নিরুজ্ঝতি কাযসঙ্খারো চ নুপ্পজ্জতি।
Assāsapassāsānaṃ uppādakkhaṇe tesaṃ cittasaṅkhāro na nirujjhati, no ca tesaṃ kāyasaṅkhāro nuppajjati. Vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro ca na nirujjhati kāyasaṅkhāro ca nuppajjati.
১৩৩. (ক) যস্স ৰচীসঙ্খারো নুপ্পজ্জতি তস্স চিত্তসঙ্খারো ন নিরুজ্ঝতীতি?
133. (Ka) yassa vacīsaṅkhāro nuppajjati tassa cittasaṅkhāro na nirujjhatīti?
সব্বেসং চিত্তস্স ভঙ্গক্খণে তেসং ৰচীসঙ্খারো নুপ্পজ্জতি, নো চ তেসং চিত্তসঙ্খারো ন নিরুজ্ঝতি। ৰিনা ৰিতক্কৰিচারেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো চ নুপ্পজ্জতি চিত্তসঙ্খারো চ ন নিরুজ্ঝতি।
Sabbesaṃ cittassa bhaṅgakkhaṇe tesaṃ vacīsaṅkhāro nuppajjati, no ca tesaṃ cittasaṅkhāro na nirujjhati. Vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati cittasaṅkhāro ca na nirujjhati.
(খ) যস্স ৰা পন চিত্তসঙ্খারো ন নিরুজ্ঝতি তস্স ৰচীসঙ্খারো নুপ্পজ্জতীতি?
(Kha) yassa vā pana cittasaṅkhāro na nirujjhati tassa vacīsaṅkhāro nuppajjatīti?
ৰিতক্কৰিচারানং উপ্পাদক্খণে তেসং চিত্তসঙ্খারো ন নিরুজ্ঝতি, নো চ তেসং ৰচীসঙ্খারো নুপ্পজ্জতি। ৰিনা ৰিতক্কৰিচারেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো চ ন নিরুজ্ঝতি ৰচীসঙ্খারো চ নুপ্পজ্জতি।
Vitakkavicārānaṃ uppādakkhaṇe tesaṃ cittasaṅkhāro na nirujjhati, no ca tesaṃ vacīsaṅkhāro nuppajjati. Vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro ca na nirujjhati vacīsaṅkhāro ca nuppajjati.
(ঙ) পচ্চনীকওকাসো
(Ṅa) paccanīkaokāso
১৩৪. যত্থ কাযসঙ্খারো নুপ্পজ্জতি…পে॰…।
134. Yattha kāyasaṅkhāro nuppajjati…pe….
(চ) পচ্চনীকপুগ্গলোকাসা
(Ca) paccanīkapuggalokāsā
১৩৫. যস্স যত্থ কাযসঙ্খারো নুপ্পজ্জতি…পে॰…।
135. Yassa yattha kāyasaṅkhāro nuppajjati…pe….
(যস্সকম্পি যস্সযত্থকম্পি সদিসং, যস্সযত্থকে নিরোধসমাপন্নানন্তি ন লব্ভতি)।
(Yassakampi yassayatthakampi sadisaṃ, yassayatthake nirodhasamāpannānanti na labbhati).
(২) অতীতৰারো
(2) Atītavāro
(ক) অনুলোমপুগ্গলো
(Ka) anulomapuggalo
১৩৬. যস্স কাযসঙ্খারো উপ্পজ্জিত্থ তস্স ৰচীসঙ্খারো নিরুজ্ঝিত্থাতি? আমন্তা।
136. Yassa kāyasaṅkhāro uppajjittha tassa vacīsaṅkhāro nirujjhitthāti? Āmantā.
(অতীতা পুচ্ছা উপ্পাদৰারেপি নিরোধৰারেপি উপ্পাদনিরোধৰারেপি সদিসং ৰিত্থারেতব্বা)।
(Atītā pucchā uppādavārepi nirodhavārepi uppādanirodhavārepi sadisaṃ vitthāretabbā).
(৩) অনাগতৰারো
(3) Anāgatavāro
(ক) অনুলোমপুগ্গলো
(Ka) anulomapuggalo
১৩৭. (ক) যস্স কাযসঙ্খারো উপ্পজ্জিস্সতি তস্স ৰচীসঙ্খারো নিরুজ্ঝিস্সতীতি? আমন্তা।
137. (Ka) yassa kāyasaṅkhāro uppajjissati tassa vacīsaṅkhāro nirujjhissatīti? Āmantā.
(খ) যস্স ৰা পন ৰচীসঙ্খারো নিরুজ্ঝিস্সতি তস্স কাযসঙ্খারো উপ্পজ্জিস্সতীতি?
(Kha) yassa vā pana vacīsaṅkhāro nirujjhissati tassa kāyasaṅkhāro uppajjissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং ৰচীসঙ্খারো নিরুজ্ঝিস্সতি, নো চ তেসং কাযসঙ্খারো উপ্পজ্জিস্সতি । ইতরেসং তেসং ৰচীসঙ্খারো চ নিরুজ্ঝিস্সতি কাযসঙ্খারো চ উপ্পজ্জিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro uppajjissati . Itaresaṃ tesaṃ vacīsaṅkhāro ca nirujjhissati kāyasaṅkhāro ca uppajjissati.
(ক) যস্স কাযসঙ্খারো উপ্পজ্জিস্সতি তস্স চিত্তসঙ্খারো নিরুজ্ঝিস্সতীতি? আমন্তা।
(Ka) yassa kāyasaṅkhāro uppajjissati tassa cittasaṅkhāro nirujjhissatīti? Āmantā.
(খ) যস্স ৰা পন চিত্তসঙ্খারো নিরুজ্ঝিস্সতি তস্স কাযসঙ্খারো উপ্পজ্জিস্সতীতি?
(Kha) yassa vā pana cittasaṅkhāro nirujjhissati tassa kāyasaṅkhāro uppajjissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং চিত্তসঙ্খারো নিরুজ্ঝিস্সতি, নো চ তেসং কাযসঙ্খারো উপ্পজ্জিস্সতি। ইতরেসং তেসং চিত্তসঙ্খারো চ নিরুজ্ঝিস্সতি কাযসঙ্খারো চ উপ্পজ্জিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro nirujjhissati, no ca tesaṃ kāyasaṅkhāro uppajjissati. Itaresaṃ tesaṃ cittasaṅkhāro ca nirujjhissati kāyasaṅkhāro ca uppajjissati.
১৩৮. (ক) যস্স ৰচীসঙ্খারো উপ্পজ্জিস্সতি তস্স চিত্তসঙ্খারো নিরুজ্ঝিস্সতীতি? আমন্তা।
138. (Ka) yassa vacīsaṅkhāro uppajjissati tassa cittasaṅkhāro nirujjhissatīti? Āmantā.
(খ) যস্স ৰা পন চিত্তসঙ্খারো নিরুজ্ঝিস্সতি তস্স ৰচীসঙ্খারো উপ্পজ্জিস্সতীতি?
(Kha) yassa vā pana cittasaṅkhāro nirujjhissati tassa vacīsaṅkhāro uppajjissatīti?
পচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং চিত্তসঙ্খারো নিরুজ্ঝিস্সতি, নো চ তেসং ৰচীসঙ্খারো উপ্পজ্জিস্সতি। ইতরেসং তেসং চিত্তসঙ্খারো চ নিরুজ্ঝিস্সতি ৰচীসঙ্খারো চ উপ্পজ্জিস্সতি।
Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro nirujjhissati, no ca tesaṃ vacīsaṅkhāro uppajjissati. Itaresaṃ tesaṃ cittasaṅkhāro ca nirujjhissati vacīsaṅkhāro ca uppajjissati.
(খ) অনুলোমওকাসো
(Kha) anulomaokāso
১৩৯. যত্থ কাযসঙ্খারো উপ্পজ্জিস্সতি…পে॰…।
139. Yattha kāyasaṅkhāro uppajjissati…pe….
(গ) অনুলোমপুগ্গলোকাসা
(Ga) anulomapuggalokāsā
১৪০. (ক) যস্স যত্থ কাযসঙ্খারো উপ্পজ্জিস্সতি তস্স তত্থ ৰচীসঙ্খারো নিরুজ্ঝিস্সতীতি?
140. (Ka) yassa yattha kāyasaṅkhāro uppajjissati tassa tattha vacīsaṅkhāro nirujjhissatīti?
দুতিযজ্ঝানং ততিযজ্ঝানং সমাপন্নানং তেসং তত্থ কাযসঙ্খারো উপ্পজ্জিস্সতি, নো চ তেসং তত্থ ৰচীসঙ্খারো নিরুজ্ঝিস্সতি। পঠমজ্ঝানং সমাপন্নানং কামাৰচরানং তেসং তত্থ কাযসঙ্খারো চ উপ্পজ্জিস্সতি ৰচীসঙ্খারো চ নিরুজ্ঝিস্সতি।
Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjissati vacīsaṅkhāro ca nirujjhissati.
(খ) যস্স ৰা পন যত্থ ৰচীসঙ্খারো নিরুজ্ঝিস্সতি তস্স তত্থ কাযসঙ্খারো উপ্পজ্জিস্সতীতি?
(Kha) yassa vā pana yattha vacīsaṅkhāro nirujjhissati tassa tattha kāyasaṅkhāro uppajjissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরানং অরূপাৰচরানং তেসং তত্থ ৰচীসঙ্খারো নিরুজ্ঝিস্সতি, নো চ তেসং তত্থ কাযসঙ্খারো উপ্পজ্জিস্সতি। পঠমজ্ঝানং সমাপন্নানং ইতরেসং কামাৰচরানং তেসং তত্থ ৰচীসঙ্খারো চ নিরুজ্ঝিস্সতি কাযসঙ্খারো চ উপ্পজ্জিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca uppajjissati.
(ক) যস্স যত্থ কাযসঙ্খারো উপ্পজ্জিস্সতি তস্স তত্থ চিত্তসঙ্খারো নিরুজ্ঝিস্সতীতি? আমন্তা।
(Ka) yassa yattha kāyasaṅkhāro uppajjissati tassa tattha cittasaṅkhāro nirujjhissatīti? Āmantā.
(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ কাযসঙ্খারো উপ্পজ্জিস্সতীতি?
(Kha) yassa vā pana yattha cittasaṅkhāro nirujjhissati tassa tattha kāyasaṅkhāro uppajjissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ কাযসঙ্খারো উপ্পজ্জিস্সতি। পঠমজ্ঝানং দুতিযজ্ঝানং ততিযজ্ঝানং সমাপন্নানং ইতরেসং কামাৰচরানং তেসং তত্থ চিত্তসঙ্খারো চ নিরুজ্ঝিস্সতি কাযসঙ্খারো চ উপ্পজ্জিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca uppajjissati.
১৪১. (ক) যস্স যত্থ ৰচীসঙ্খারো উপ্পজ্জিস্সতি তস্স তত্থ চিত্তসঙ্খারো নিরুজ্ঝিস্সতীতি? আমন্তা।
141. (Ka) yassa yattha vacīsaṅkhāro uppajjissati tassa tattha cittasaṅkhāro nirujjhissatīti? Āmantā.
(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ ৰচীসঙ্খারো উপ্পজ্জিস্সতীতি?
(Kha) yassa vā pana yattha cittasaṅkhāro nirujjhissati tassa tattha vacīsaṅkhāro uppajjissatīti?
পচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং চতুত্থজ্ঝানং সমাপন্নানং তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ ৰচীসঙ্খারো উপ্পজ্জিস্সতি। পঠমজ্ঝানং সমাপন্নানং কামাৰচরানং ইতরেসং রূপাৰচরানং অরূপাৰচরানং তেসং তত্থ চিত্তসঙ্খারো চ নিরুজ্ঝিস্সতি ৰচীসঙ্খারো চ উপ্পজ্জিস্সতি।
Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca nirujjhissati vacīsaṅkhāro ca uppajjissati.
(ঘ) পচ্চনীকপুগ্গলো
(Gha) paccanīkapuggalo
১৪২. (ক) যস্স কাযসঙ্খারো নুপ্পজ্জিস্সতি তস্স ৰচীসঙ্খারো ন নিরুজ্ঝিস্সতীতি?
142. (Ka) yassa kāyasaṅkhāro nuppajjissati tassa vacīsaṅkhāro na nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং কাযসঙ্খারো নুপ্পজ্জিস্সতি, নো চ তেসং ৰচীসঙ্খারো ন নিরুজ্ঝিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো চ নুপ্পজ্জিস্সতি ৰচীসঙ্খারো চ ন নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjissati vacīsaṅkhāro ca na nirujjhissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(ক) যস্স কাযসঙ্খারো নুপ্পজ্জিস্সতি তস্স চিত্তসঙ্খারো ন নিরুজ্ঝিস্সতীতি?
(Ka) yassa kāyasaṅkhāro nuppajjissati tassa cittasaṅkhāro na nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং কাযসঙ্খারো নুপ্পজ্জিস্সতি, নো চ তেসং চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে তেসং কাযসঙ্খারো চ নুপ্পজ্জিস্সতি চিত্তসঙ্খারো চ ন নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca nuppajjissati cittasaṅkhāro ca na nirujjhissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
১৪৩. (ক) যস্স ৰচীসঙ্খারো নুপ্পজ্জিস্সতি তস্স চিত্তসঙ্খারো ন নিরুজ্ঝিস্সতীতি?
143. (Ka) yassa vacīsaṅkhāro nuppajjissati tassa cittasaṅkhāro na nirujjhissatīti?
পচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং ৰচীসঙ্খারো নুপ্পজ্জিস্সতি, নো চ তেসং চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে তেসং ৰচীসঙ্খারো চ নুপ্পজ্জিস্সতি চিত্তসঙ্খারো চ ন নিরুজ্ঝিস্সতি।
Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro nuppajjissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca nuppajjissati cittasaṅkhāro ca na nirujjhissati.
(খ) যস্স ৰা পন…পে॰…? আমন্তা।
(Kha) yassa vā pana…pe…? Āmantā.
(ঙ) পচ্চনীকওকাসো
(Ṅa) paccanīkaokāso
১৪৪. যত্থ কাযসঙ্খারো নুপ্পজ্জিস্সতি…পে॰…।
144. Yattha kāyasaṅkhāro nuppajjissati…pe….
(চ) পচ্চনীকপুগ্গলোকাসা
(Ca) paccanīkapuggalokāsā
১৪৫. (ক) যস্স যত্থ কাযসঙ্খারো নুপ্পজ্জিস্সতি তস্স তত্থ ৰচীসঙ্খারো ন নিরুজ্ঝিস্সতীতি?
145. (Ka) yassa yattha kāyasaṅkhāro nuppajjissati tassa tattha vacīsaṅkhāro na nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জিস্সতি, নো চ তেসং তত্থ ৰচীসঙ্খারো ন নিরুজ্ঝিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ নুপ্পজ্জিস্সতি ৰচীসঙ্খারো চ ন নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjissati vacīsaṅkhāro ca na nirujjhissati.
(খ) যস্স ৰা পন যত্থ ৰচীসঙ্খারো ন নিরুজ্ঝিস্সতি তস্স তত্থ কাযসঙ্খারো নুপ্পজ্জিস্সতীতি?
(Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro nuppajjissatīti?
দুতিযজ্ঝানং ততিযজ্ঝানং সমাপন্নানং তেসং তত্থ ৰচীসঙ্খারো ন নিরুজ্ঝিস্সতি, নো চ তেসং তত্থ কাযসঙ্খারো নুপ্পজ্জিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিস্সতি কাযসঙ্খারো চ নুপ্পজ্জিস্সতি।
Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca nuppajjissati.
(ক) যস্স যত্থ কাযসঙ্খারো নুপ্পজ্জিস্সতি তস্স তত্থ চিত্তসঙ্খারো ন নিরুজ্ঝিস্সতীতি?
(Ka) yassa yattha kāyasaṅkhāro nuppajjissati tassa tattha cittasaṅkhāro na nirujjhissatīti?
কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জিস্সতি, নো চ তেসং তত্থ চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ কাযসঙ্খারো চ নুপ্পজ্জিস্সতি চিত্তসঙ্খারো চ ন নিরুজ্ঝিস্সতি।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca nuppajjissati cittasaṅkhāro ca na nirujjhissati.
(খ) যস্স ৰা পন যত্থ…পে॰…? আমন্তা।
(Kha) yassa vā pana yattha…pe…? Āmantā.
১৪৬. (ক) যস্স যত্থ ৰচীসঙ্খারো নুপ্পজ্জিস্সতি তস্স তত্থ চিত্তসঙ্খারো ন নিরুজ্ঝিস্সতীতি?
146. (Ka) yassa yattha vacīsaṅkhāro nuppajjissati tassa tattha cittasaṅkhāro na nirujjhissatīti?
পচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং চতুত্থজ্ঝানং সমাপন্নানং তেসং তত্থ ৰচীসঙ্খারো নুপ্পজ্জিস্সতি, নো চ তেসং তত্থ চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিস্সতি চিত্তসঙ্খারো চ ন নিরুজ্ঝিস্সতি।
Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca nuppajjissati cittasaṅkhāro ca na nirujjhissati.
(খ) যস্স ৰা পন যত্থ…পে॰…? আমন্তা।
(Kha) yassa vā pana yattha…pe…? Āmantā.
(৪) পচ্চুপ্পন্নাতীতৰারো
(4) Paccuppannātītavāro
(ক) অনুলোমপুগ্গলো
(Ka) anulomapuggalo
১৪৭. (ক) যস্স কাযসঙ্খারো উপ্পজ্জতি তস্স ৰচীসঙ্খারো নিরুজ্ঝিত্থাতি? আমন্তা।
147. (Ka) yassa kāyasaṅkhāro uppajjati tassa vacīsaṅkhāro nirujjhitthāti? Āmantā.
(খ) যস্স ৰা পন ৰচীসঙ্খারো নিরুজ্ঝিত্থ তস্স কাযসঙ্খারো উপ্পজ্জতীতি?
(Kha) yassa vā pana vacīsaṅkhāro nirujjhittha tassa kāyasaṅkhāro uppajjatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো নিরুজ্ঝিত্থ , নো চ তেসং কাযসঙ্খারো উপ্পজ্জতি। অস্সাসপস্সাসানং উপ্পাদক্খণে তেসং ৰচীসঙ্খারো চ নিরুজ্ঝিত্থ কাযসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhittha , no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca nirujjhittha kāyasaṅkhāro ca uppajjati.
(যথা উপ্পাদৰারে পচ্চুপ্পন্নাতীতা পুচ্ছা অনুলোমম্পি পচ্চনীকম্পি ৰিভত্তা এৰং উপ্পাদৰারনিরোধৰারেপি পচ্চুপ্পন্নাতীতা পুচ্ছা অনুলোমম্পি পচ্চনীকম্পি ৰিভজিতব্বা।)
(Yathā uppādavāre paccuppannātītā pucchā anulomampi paccanīkampi vibhattā evaṃ uppādavāranirodhavārepi paccuppannātītā pucchā anulomampi paccanīkampi vibhajitabbā.)
(৫) পচ্চুপ্পন্নানাগতৰারো
(5) Paccuppannānāgatavāro
(ক) অনুলোমপুগ্গলো
(Ka) anulomapuggalo
১৪৮. (ক) যস্স কাযসঙ্খারো উপ্পজ্জতি তস্স ৰচীসঙ্খারো নিরুজ্ঝিস্সতীতি? আমন্তা।
148. (Ka) yassa kāyasaṅkhāro uppajjati tassa vacīsaṅkhāro nirujjhissatīti? Āmantā.
(খ) যস্স ৰা পন ৰচীসঙ্খারো নিরুজ্ঝিস্সতি তস্স কাযসঙ্খারো উপ্পজ্জতীতি?
(Kha) yassa vā pana vacīsaṅkhāro nirujjhissati tassa kāyasaṅkhāro uppajjatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো নিরুজ্ঝিস্সতি, নো চ তেসং কাযসঙ্খারো উপ্পজ্জতি। অস্সাসপস্সাসানং উপ্পাদক্খণে তেসং ৰচীসঙ্খারো চ নিরুজ্ঝিস্সতি কাযসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca nirujjhissati kāyasaṅkhāro ca uppajjati.
(ক) যস্স কাযসঙ্খারো উপ্পজ্জতি তস্স চিত্তসঙ্খারো নিরুজ্ঝিস্সতীতি? আমন্তা।
(Ka) yassa kāyasaṅkhāro uppajjati tassa cittasaṅkhāro nirujjhissatīti? Āmantā.
(খ) যস্স ৰা পন চিত্তসঙ্খারো নিরুজ্ঝিস্সতি তস্স কাযসঙ্খারো উপ্পজ্জতীতি?
(Kha) yassa vā pana cittasaṅkhāro nirujjhissati tassa kāyasaṅkhāro uppajjatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো নিরুজ্ঝিস্সতি, নো চ তেসং কাযসঙ্খারো উপ্পজ্জতি। অস্সাসপস্সাসানং উপ্পাদক্খণে তেসং চিত্তসঙ্খারো চ নিরুজ্ঝিস্সতি কাযসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca nirujjhissati kāyasaṅkhāro ca uppajjati.
১৪৯. (ক) যস্স ৰচীসঙ্খারো উপ্পজ্জতি তস্স চিত্তসঙ্খারো নিরুজ্ঝিস্সতীতি? আমন্তা।
149. (Ka) yassa vacīsaṅkhāro uppajjati tassa cittasaṅkhāro nirujjhissatīti? Āmantā.
(খ) যস্স ৰা পন চিত্তসঙ্খারো নিরুজ্ঝিস্সতি তস্স ৰচীসঙ্খারো উপ্পজ্জতীতি?
(Kha) yassa vā pana cittasaṅkhāro nirujjhissati tassa vacīsaṅkhāro uppajjatīti?
সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো নিরুজ্ঝিস্সতি, নো চ তেসং ৰচীসঙ্খারো উপ্পজ্জতি। ৰিতক্কৰিচারানং উপ্পাদক্খণে তেসং চিত্তসঙ্খারো চ নিরুজ্ঝিস্সতি ৰচীসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca nirujjhissati vacīsaṅkhāro ca uppajjati.
(খ) অনুলোমওকাসো
(Kha) anulomaokāso
১৫০. যত্থ কাযসঙ্খারো উপ্পজ্জতি…পে॰…।
150. Yattha kāyasaṅkhāro uppajjati…pe….
(গ) অনুলোমপুগ্গলোকাসা
(Ga) anulomapuggalokāsā
১৫১. (ক) যস্স যত্থ কাযসঙ্খারো উপ্পজ্জতি তস্স তত্থ ৰচীসঙ্খারো নিরুজ্ঝিস্সতীতি?
151. (Ka) yassa yattha kāyasaṅkhāro uppajjati tassa tattha vacīsaṅkhāro nirujjhissatīti?
দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ কাযসঙ্খারো উপ্পজ্জতি, নো চ তেসং তত্থ ৰচীসঙ্খারো নিরুজ্ঝিস্সতি। পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং তত্থ কাযসঙ্খারো চ উপ্পজ্জতি ৰচীসঙ্খারো চ নিরুজ্ঝিস্সতি।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca nirujjhissati.
(খ) যস্স ৰা পন যত্থ ৰচীসঙ্খারো নিরুজ্ঝিস্সতি তস্স তত্থ কাযসঙ্খারো উপ্পজ্জতীতি?
(Kha) yassa vā pana yattha vacīsaṅkhāro nirujjhissati tassa tattha kāyasaṅkhāro uppajjatīti?
পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে রূপাৰচরানং অরূপাৰচরানং তেসং তত্থ ৰচীসঙ্খারো নিরুজ্ঝিস্সতি, নো চ তেসং তত্থ কাযসঙ্খারো উপ্পজ্জতি। পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং তত্থ ৰচীসঙ্খারো চ নিরুজ্ঝিস্সতি কাযসঙ্খারো চ উপ্পজ্জতি।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca nirujjhissati kāyasaṅkhāro ca uppajjati.
(ক) যস্স যত্থ কাযসঙ্খারো উপ্পজ্জতি তস্স তত্থ চিত্তসঙ্খারো নিরুজ্ঝিস্সতীতি? আমন্তা।
(Ka) yassa yattha kāyasaṅkhāro uppajjati tassa tattha cittasaṅkhāro nirujjhissatīti? Āmantā.
(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ কাযসঙ্খারো উপ্পজ্জতীতি?
(Kha) yassa vā pana yattha cittasaṅkhāro nirujjhissati tassa tattha kāyasaṅkhāro uppajjatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ কাযসঙ্খারো উপ্পজ্জতি। অস্সাসপস্সাসানং উপ্পাদক্খণে তেসং তত্থ চিত্তসঙ্খারো চ নিরুজ্ঝিস্সতি কাযসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca nirujjhissati kāyasaṅkhāro ca uppajjati.
১৫২. (ক) যস্স যত্থ ৰচীসঙ্খারো উপ্পজ্জতি তস্স তত্থ চিত্তসঙ্খারো নিরুজ্ঝিস্সতীতি? আমন্তা।
152. (Ka) yassa yattha vacīsaṅkhāro uppajjati tassa tattha cittasaṅkhāro nirujjhissatīti? Āmantā.
(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ ৰচীসঙ্খারো উপ্পজ্জতীতি?
(Kha) yassa vā pana yattha cittasaṅkhāro nirujjhissati tassa tattha vacīsaṅkhāro uppajjatīti?
সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ ৰচীসঙ্খারো উপ্পজ্জতি। ৰিতক্কৰিচারানং উপ্পাদক্খণে তেসং তত্থ চিত্তসঙ্খারো চ নিরুজ্ঝিস্সতি ৰচীসঙ্খারো চ উপ্পজ্জতি।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca nirujjhissati vacīsaṅkhāro ca uppajjati.
(ঘ) পচ্চনীকপুগ্গলো
(Gha) paccanīkapuggalo
১৫৩. (ক) যস্স কাযসঙ্খারো নুপ্পজ্জতি তস্স ৰচীসঙ্খারো ন নিরুজ্ঝিস্সতীতি?
153. (Ka) yassa kāyasaṅkhāro nuppajjati tassa vacīsaṅkhāro na nirujjhissatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং কাযসঙ্খারো নুপ্পজ্জতি, নো চ তেসং ৰচীসঙ্খারো ন নিরুজ্ঝিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো চ নুপ্পজ্জতি ৰচীসঙ্খারো চ ন নিরুজ্ঝিস্সতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjati vacīsaṅkhāro ca na nirujjhissati.
(খ) যস্স ৰা পন ৰচীসঙ্খারো ন নিরুজ্ঝিস্সতি তস্স কাযসঙ্খারো নুপ্পজ্জতীতি? আমন্তা।
(Kha) yassa vā pana vacīsaṅkhāro na nirujjhissati tassa kāyasaṅkhāro nuppajjatīti? Āmantā.
(ক) যস্স কাযসঙ্খারো নুপ্পজ্জতি তস্স চিত্তসঙ্খারো ন নিরুজ্ঝিস্সতীতি?
(Ka) yassa kāyasaṅkhāro nuppajjati tassa cittasaṅkhāro na nirujjhissatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং কাযসঙ্খারো নুপ্পজ্জতি, নো চ তেসং চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে তেসং কাযসঙ্খারো চ নুপ্পজ্জতি চিত্তসঙ্খারো চ ন নিরুজ্ঝিস্সতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca nuppajjati cittasaṅkhāro ca na nirujjhissati.
(খ) যস্স ৰা পন চিত্তসঙ্খারো ন নিরুজ্ঝিস্সতি তস্স কাযসঙ্খারো নুপ্পজ্জতীতি? আমন্তা।
(Kha) yassa vā pana cittasaṅkhāro na nirujjhissati tassa kāyasaṅkhāro nuppajjatīti? Āmantā.
১৫৪. (ক) যস্স ৰচীসঙ্খারো নুপ্পজ্জতি তস্স চিত্তসঙ্খারো ন নিরুজ্ঝিস্সতীতি?
154. (Ka) yassa vacīsaṅkhāro nuppajjati tassa cittasaṅkhāro na nirujjhissatīti?
সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো নুপ্পজ্জতি, নো চ তেসং চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে তেসং ৰচীসঙ্খারো চ নুপ্পজ্জতি চিত্তসঙ্খারো চ ন নিরুজ্ঝিস্সতি।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nuppajjati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca nuppajjati cittasaṅkhāro ca na nirujjhissati.
(খ) যস্স ৰা পন চিত্তসঙ্খারো ন নিরুজ্ঝিস্সতি তস্স ৰচীসঙ্খারো নুপ্পজ্জতীতি? আমন্তা।
(Kha) yassa vā pana cittasaṅkhāro na nirujjhissati tassa vacīsaṅkhāro nuppajjatīti? Āmantā.
(ঙ) পচ্চনীকওকাসো
(Ṅa) paccanīkaokāso
১৫৫. যত্থ কাযসঙ্খারো নুপ্পজ্জতি…পে॰…।
155. Yattha kāyasaṅkhāro nuppajjati…pe….
(চ) পচ্চনীকপুগ্গলোকাসা
(Ca) paccanīkapuggalokāsā
১৫৬. (ক) যস্স যত্থ কাযসঙ্খারো নুপ্পজ্জতি তস্স তত্থ ৰচীসঙ্খারো ন নিরুজ্ঝিস্সতীতি?
156. (Ka) yassa yattha kāyasaṅkhāro nuppajjati tassa tattha vacīsaṅkhāro na nirujjhissatīti?
পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জতি, নো চ তেসং তত্থ ৰচীসঙ্খারো ন নিরুজ্ঝিস্সতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ নুপ্পজ্জতি ৰচীসঙ্খারো চ ন নিরুজ্ঝিস্সতি।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca na nirujjhissati.
(খ) যস্স ৰা পন যত্থ ৰচীসঙ্খারো ন নিরুজ্ঝিস্সতি তস্স তত্থ কাযসঙ্খারো নুপ্পজ্জতীতি?
(Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro nuppajjatīti?
দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ ৰচীসঙ্খারো ন নিরুজ্ঝিস্সতি, নো চ তেসং তত্থ কাযসঙ্খারো নুপ্পজ্জতি। সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিস্সতি কাযসঙ্খারো চ নুপ্পজ্জতি।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca nuppajjati.
(ক) যস্স যত্থ কাযসঙ্খারো নুপ্পজ্জতি তস্স তত্থ চিত্তসঙ্খারো ন নিরুজ্ঝিস্সতীতি?
(Ka) yassa yattha kāyasaṅkhāro nuppajjati tassa tattha cittasaṅkhāro na nirujjhissatīti?
সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে তেসং তত্থ কাযসঙ্খারো নুপ্পজ্জতি, নো চ তেসং তত্থ চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ কাযসঙ্খারো চ নুপ্পজ্জতি চিত্তসঙ্খারো চ ন নিরুজ্ঝিস্সতি।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca na nirujjhissati.
(খ) যস্স ৰা পন যত্থ চিত্তসঙ্খারো ন নিরুজ্ঝিস্সতি তস্স তত্থ কাযসঙ্খারো নুপ্পজ্জতীতি? আমন্তা।
(Kha) yassa vā pana yattha cittasaṅkhāro na nirujjhissati tassa tattha kāyasaṅkhāro nuppajjatīti? Āmantā.
১৫৭. (ক) যস্স যত্থ ৰচীসঙ্খারো নুপ্পজ্জতি তস্স তত্থ চিত্তসঙ্খারো ন নিরুজ্ঝিস্সতীতি?
157. (Ka) yassa yattha vacīsaṅkhāro nuppajjati tassa tattha cittasaṅkhāro na nirujjhissatīti?
সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে তেসং তত্থ ৰচীসঙ্খারো নুপ্পজ্জতি, নো চ তেসং তত্থ চিত্তসঙ্খারো ন নিরুজ্ঝিস্সতি। পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ ৰচীসঙ্খারো চ নুপ্পজ্জতি চিত্তসঙ্খারো চ ন নিরুজ্ঝিস্সতি।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca na nirujjhissati.
(খ) যস্স ৰা পন যত্থ চিত্তসঙ্খারো ন নিরুজ্ঝিস্সতি তস্স তত্থ ৰচীসঙ্খারো নুপ্পজ্জতীতি? আমন্তা।
(Kha) yassa vā pana yattha cittasaṅkhāro na nirujjhissati tassa tattha vacīsaṅkhāro nuppajjatīti? Āmantā.
(৬) অতীতানাগতৰারো
(6) Atītānāgatavāro
(ক) অনুলোমপুগ্গলো
(Ka) anulomapuggalo
১৫৮. (ক) যস্স কাযসঙ্খারো উপ্পজ্জিত্থ তস্স ৰচীসঙ্খারো নিরুজ্ঝিস্সতীতি?
158. (Ka) yassa kāyasaṅkhāro uppajjittha tassa vacīsaṅkhāro nirujjhissatīti?
সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো উপ্পজ্জিত্থ, নো চ তেসং ৰচীসঙ্খারো নিরুজ্ঝিস্সতি। ইতরেসং তেসং কাযসঙ্খারো চ উপ্পজ্জিত্থ ৰচীসঙ্খারো চ নিরুজ্ঝিস্সতি।
Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro uppajjittha, no ca tesaṃ vacīsaṅkhāro nirujjhissati. Itaresaṃ tesaṃ kāyasaṅkhāro ca uppajjittha vacīsaṅkhāro ca nirujjhissati.
(খ) যস্স ৰা পন ৰচীসঙ্খারো নিরুজ্ঝিস্সতি তস্স কাযসঙ্খারো উপ্পজ্জিত্থাতি? আমন্তা।
(Kha) yassa vā pana vacīsaṅkhāro nirujjhissati tassa kāyasaṅkhāro uppajjitthāti? Āmantā.
(ক) যস্স কাযসঙ্খারো উপ্পজ্জিত্থ তস্স চিত্তসঙ্খারো নিরুজ্ঝিস্সতীতি?
(Ka) yassa kāyasaṅkhāro uppajjittha tassa cittasaṅkhāro nirujjhissatīti?
পচ্ছিমচিত্তস্স ভঙ্গক্খণে তেসং কাযসঙ্খারো উপ্পজ্জিত্থ, নো চ তেসং চিত্তসঙ্খারো নিরুজ্ঝিস্সতি। ইতরেসং তেসং কাযসঙ্খারো চ উপ্পজ্জিত্থ চিত্তসঙ্খারো চ নিরুজ্ঝিস্সতি।
Pacchimacittassa bhaṅgakkhaṇe tesaṃ kāyasaṅkhāro uppajjittha, no ca tesaṃ cittasaṅkhāro nirujjhissati. Itaresaṃ tesaṃ kāyasaṅkhāro ca uppajjittha cittasaṅkhāro ca nirujjhissati.
(খ) যস্স ৰা পন চিত্তসঙ্খারো নিরুজ্ঝিস্সতি তস্স কাযসঙ্খারো উপ্পজ্জিত্থাতি? আমন্তা।
(Kha) yassa vā pana cittasaṅkhāro nirujjhissati tassa kāyasaṅkhāro uppajjitthāti? Āmantā.
(যথা নিরোধৰারে অতীতানাগতা পুচ্ছা অনুলোমম্পি পচ্চনীকম্পি এৰং উপ্পাদনিরোধৰারেপি অতীতানাগতা পুচ্ছা অনুলোমম্পি পচ্চনীকম্পি ৰিভজিতব্বং অসম্মোহন্তেন নিরোধৰারেন সদিসং, নত্থি নানাকরণং।)
(Yathā nirodhavāre atītānāgatā pucchā anulomampi paccanīkampi evaṃ uppādanirodhavārepi atītānāgatā pucchā anulomampi paccanīkampi vibhajitabbaṃ asammohantena nirodhavārena sadisaṃ, natthi nānākaraṇaṃ.)
উপ্পাদনিরোধৰারো।
Uppādanirodhavāro.
৩. পরিঞ্ঞাৰারো
3. Pariññāvāro
১-৬. পচ্চুপ্পন্নৰারাদি
1-6. Paccuppannavārādi
১৫৯. (ক) যো কাযসঙ্খারং পরিজানাতি সো ৰচীসঙ্খারং পরিজানাতীতি? আমন্তা।
159. (Ka) yo kāyasaṅkhāraṃ parijānāti so vacīsaṅkhāraṃ parijānātīti? Āmantā.
(খ) যো ৰা পন ৰচীসঙ্খারং পরিজানাতি সো কাযসঙ্খারং পরিজানাতীতি? আমন্তা।
(Kha) yo vā pana vacīsaṅkhāraṃ parijānāti so kāyasaṅkhāraṃ parijānātīti? Āmantā.
(যথা খন্ধযমকে পরিঞ্ঞাৰারং ৰিভত্তং এৰং সঙ্খারযমকেপি পরিঞ্ঞাৰারং ৰিভজিতব্বং।)
(Yathā khandhayamake pariññāvāraṃ vibhattaṃ evaṃ saṅkhārayamakepi pariññāvāraṃ vibhajitabbaṃ.)
পরিঞ্ঞাৰারো।
Pariññāvāro.
সঙ্খারযমকং নিট্ঠিতং।
Saṅkhārayamakaṃ niṭṭhitaṃ.
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৬. সঙ্খারযমকং • 6. Saṅkhārayamakaṃ
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā
৬. সঙ্খারযমকং • 6. Saṅkhārayamakaṃ
৭. অনুসযযমকং • 7. Anusayayamakaṃ
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā
৬. সঙ্খারযমকং • 6. Saṅkhārayamakaṃ
৭. অনুসযযমকং • 7. Anusayayamakaṃ
