| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
6. сан̇каараяамагам̣
6. Saṅkhārayamakaṃ
1. бан̣н̣ад̇д̇иваараван̣н̣анаа
1. Paṇṇattivāravaṇṇanā
1. канд̇хаад̣̇аяо вияа буб̣б̣з авибхад̇д̇аа гааяасан̇каараад̣̇аяод̇и д̇зсам̣ авин̃н̃аад̇ад̇д̇аа ‘‘ассаасабассаасаа гааяасан̇кааро’’д̇иаад̣̇инаа (сам̣. ни. 4.348) д̇аяо сан̇каарз вибхаж̇ад̇и. гааяасса сан̇каарод̇и батамз ад̇т̇з саамиад̇т̇з зва саамиважанам̣, д̣̇уд̇ияз ад̇т̇з гад̇д̇уад̇т̇з. важияаа сан̇каарод̇и гаммад̇т̇з саамиважанам̣. жид̇д̇асса сан̇каарод̇и жа гад̇д̇уад̇т̇зязва. со бана гаран̣аважанасса ад̇т̇од̇и гад̇ваа ‘‘гаран̣ад̇т̇з саамиважанам̣ гад̇ваа’’д̇и вуд̇д̇ам̣.
1. Khandhādayo viya pubbe avibhattā kāyasaṅkhārādayoti tesaṃ aviññātattā ‘‘assāsapassāsā kāyasaṅkhāro’’tiādinā (saṃ. ni. 4.348) tayo saṅkhāre vibhajati. Kāyassa saṅkhāroti paṭhame atthe sāmiatthe eva sāmivacanaṃ, dutiye atthe kattuatthe. Vaciyā saṅkhāroti kammatthe sāmivacanaṃ. Cittassa saṅkhāroti ca kattuattheyeva. So pana karaṇavacanassa atthoti katvā ‘‘karaṇatthe sāmivacanaṃ katvā’’ti vuttaṃ.
2-7. суд̣̇д̇хигазгзгабад̣̇авасзна ад̇т̇аабхаавад̇од̇и бад̣̇асод̇ханад̇ам̣муулагажаггаваарзхи яоби ад̇т̇о д̣̇ассид̇о д̣̇вийхи бад̣̇зхи лаб̣бхамаано зго ассаасабассаасаад̣̇иго, д̇асса суд̣̇д̇хигзхи гааяаад̣̇ибад̣̇зхи суд̣̇д̇хигзна жа сан̇каарабад̣̇зна аважанийяад̇д̇аа яат̇аа руубабад̣̇асса канд̇хзгад̣̇зсо канд̇хабад̣̇асса канд̇хасамуд̣̇ааяо бад̣̇асод̇ханз д̣̇ассид̇о яат̇аад̇хиббзд̇о ад̇т̇о ад̇т̇и, звам̣ згзгабад̣̇асса яат̇аад̇хиббзд̇ад̇т̇аабхаавад̇од̇и ад̇хиббааяо. гааяо гааяасан̇каарод̇иаад̣̇и бана вад̇д̇аб̣б̣ам̣ сияаад̇и яад̣̇и висум̣ ад̣̇ийбзд̇ваа самуд̣̇ид̇о гааяасан̇каарасад̣̇д̣̇о згад̇т̇а д̣̇ийбзд̇и, гааяасан̇каарасад̣̇д̣̇о гааяасан̇каарад̇т̇з вад̇д̇амаано канд̇хасад̣̇д̣̇о вияа руубасад̣̇д̣̇зна гааяасад̣̇д̣̇зна висзсид̇аб̣б̣од̇и ад̇хиббааязна вад̣̇ад̇и. суд̣̇д̇хасан̇кааравааро хзсаад̇и зд̇зна имасса ваарасса бад̣̇асод̇ханзна д̣̇ассид̇аанам̣ яат̇аад̇хиббзд̇аанамзва г̇ахан̣ад̇о д̇зсан̃жа гааяаад̣̇ибад̣̇зхи аг̇г̇ахид̇ад̇д̇аа ‘‘гааяо гааяасан̇кааро’’д̇иаад̣̇иважанасса аяуд̇д̇им̣ д̣̇ассзд̇и. ид̇ха бана сан̇каараяамагз гааяаад̣̇ибад̣̇аанам̣ сан̇каарабад̣̇асса жа асамаанаад̇хигаран̣ад̇д̇аа ‘‘гааяо сан̇кааро, сан̇каараа гааяо’’д̇иаад̣̇имхи вужжамаанз ад̇хиббзд̇ад̇т̇абарижжааг̇о анад̇хиббзд̇ад̇т̇абариг̇г̇ахо жа гад̇о сияаад̇и суд̣̇д̇хасан̇каарад̇ам̣муулажаггаваараа на вуд̇д̇аа. бад̣̇асод̇ханаваарад̇ам̣муулажаггаваарзхи бана асамаанаад̇хигаран̣зхи гааяаад̣̇ибад̣̇зхи сан̇каарасад̣̇д̣̇асса висзсанийяад̇ааяа д̣̇ассид̇ааяа сам̣саяо ход̇и ‘‘яо ад̇т̇анд̇араббавад̇д̇инаа гааяасад̣̇д̣̇зна висзсид̇о гааяасан̇кааро, зсо ад̇т̇анд̇араббавад̇д̇ийхи важийжид̇д̇зхи висзсид̇о уд̣̇ааху ан̃н̃о’’д̇и. звам̣ сзсзсуби. зд̇т̇а д̇зсам̣ ан̃н̃ад̇т̇а д̣̇ассанад̇т̇ам̣ ‘‘гааяасан̇кааро важийсан̇кааро’’д̇иаад̣̇инаа ануломабадиломавасзна ча яамагаани вуд̇д̇аанийд̇и д̣̇адтаб̣б̣ам̣. адтагат̇ааяам̣ бана суд̣̇д̇хасан̇каараваарадтаанз вуд̇д̇ад̇д̇аа аяам̣ наяо суд̣̇д̇хасан̇каараваарод̇и вуд̇д̇о.
2-7. Suddhikaekekapadavasena atthābhāvatoti padasodhanataṃmūlakacakkavārehi yopi attho dassito dvīhi padehi labbhamāno eko assāsapassāsādiko, tassa suddhikehi kāyādipadehi suddhikena ca saṅkhārapadena avacanīyattā yathā rūpapadassa khandhekadeso khandhapadassa khandhasamudāyo padasodhane dassito yathādhippeto attho atthi, evaṃ ekekapadassa yathādhippetatthābhāvatoti adhippāyo. Kāyo kāyasaṅkhārotiādi pana vattabbaṃ siyāti yadi visuṃ adīpetvā samudito kāyasaṅkhārasaddo ekattha dīpeti, kāyasaṅkhārasaddo kāyasaṅkhāratthe vattamāno khandhasaddo viya rūpasaddena kāyasaddena visesitabboti adhippāyena vadati. Suddhasaṅkhāravāro hesāti etena imassa vārassa padasodhanena dassitānaṃ yathādhippetānameva gahaṇato tesañca kāyādipadehi aggahitattā ‘‘kāyo kāyasaṅkhāro’’tiādivacanassa ayuttiṃ dasseti. Idha pana saṅkhārayamake kāyādipadānaṃ saṅkhārapadassa ca asamānādhikaraṇattā ‘‘kāyo saṅkhāro, saṅkhārā kāyo’’tiādimhi vuccamāne adhippetatthapariccāgo anadhippetatthapariggaho ca kato siyāti suddhasaṅkhārataṃmūlacakkavārā na vuttā. Padasodhanavārataṃmūlacakkavārehi pana asamānādhikaraṇehi kāyādipadehi saṅkhārasaddassa visesanīyatāya dassitāya saṃsayo hoti ‘‘yo atthantarappavattinā kāyasaddena visesito kāyasaṅkhāro, eso atthantarappavattīhi vacīcittehi visesito udāhu añño’’ti. Evaṃ sesesupi. Ettha tesaṃ aññattha dassanatthaṃ ‘‘kāyasaṅkhāro vacīsaṅkhāro’’tiādinā anulomapaṭilomavasena cha yamakāni vuttānīti daṭṭhabbaṃ. Aṭṭhakathāyaṃ pana suddhasaṅkhāravāraṭṭhāne vuttattā ayaṃ nayo suddhasaṅkhāravāroti vutto.
бан̣н̣ад̇д̇иваараван̣н̣анаа нидтид̇аа.
Paṇṇattivāravaṇṇanā niṭṭhitā.
2. бавад̇д̇иваараван̣н̣анаа
2. Pavattivāravaṇṇanā
19. бавад̇д̇иваарз сан̇каараанам̣ буг̇г̇алаанан̃жа огаасад̇д̇аа жхаанам̣ бхууми жа висум̣ огаасабхаавзна г̇ахид̇аад̇и буг̇г̇алаваарз жа огаасавасзна буг̇г̇алаг̇г̇ахан̣зна д̇зсам̣ д̣̇виннам̣ огаасаанам̣ васзна г̇ахан̣ам̣ ход̇и, д̇асмаа ‘‘винаа вид̇аггавижаарзхи ассаасабассаасаанам̣ уббаад̣̇агкан̣з’’д̇и д̣̇уд̇ияад̇ад̇ияаж̇жхааногаасавасзна г̇ахид̇аа буг̇г̇алаа висзсзд̇ваа д̣̇ассид̇аад̇и д̣̇адтаб̣б̣аа . буна батамаж̇жхаанам̣ самаабаннаананд̇и жхааногаасавасзна буг̇г̇алам̣ д̣̇ассзд̇и, гаамааважараананд̇и бхуумогаасавасзна. д̣̇виббагаараанамби бана д̇зсам̣ висзсанад̇т̇амааха ‘‘ассаасабассаасаанам̣ уббаад̣̇агкан̣з’’д̇и. д̇зна руубааруубааважарзсу батамаж̇жхаанасамаабаннагз гаамааважарз г̇аб̣бхаг̇ад̇аад̣̇игз жа нивад̇д̇зд̇и. гаамааважараанамби хи г̇аб̣бхаг̇ад̇аад̣̇ийнам̣ винаа ассаасабассаасзхи вид̇аггавижаараанам̣ уббад̇д̇и ад̇т̇и. адтагат̇ааяам̣ бана зганд̇игад̇д̇аа руубааруубааважараа нид̣̇ассид̇аа. винаа ассаасабассаасзхи вид̇аггавижаараанам̣ уббаад̣̇агкан̣зд̇и зд̇зна бана д̣̇ассид̇аа буг̇г̇алаа батамаж̇жхааногаасаа гаамааважараад̣̇иогаасаа жа ассаасабассаасавирахависидтаа д̣̇адтаб̣б̣аа. иминаа наязна саб̣б̣ад̇т̇а буг̇г̇алавибхааг̇о взд̣̇ид̇аб̣б̣о.
19. Pavattivāre saṅkhārānaṃ puggalānañca okāsattā jhānaṃ bhūmi ca visuṃ okāsabhāvena gahitāti puggalavāre ca okāsavasena puggalaggahaṇena tesaṃ dvinnaṃ okāsānaṃ vasena gahaṇaṃ hoti, tasmā ‘‘vinā vitakkavicārehi assāsapassāsānaṃ uppādakkhaṇe’’ti dutiyatatiyajjhānokāsavasena gahitā puggalā visesetvā dassitāti daṭṭhabbā . Puna paṭhamajjhānaṃ samāpannānanti jhānokāsavasena puggalaṃ dasseti, kāmāvacarānanti bhūmokāsavasena. Dvippakārānampi pana tesaṃ visesanatthamāha ‘‘assāsapassāsānaṃ uppādakkhaṇe’’ti. Tena rūpārūpāvacaresu paṭhamajjhānasamāpannake kāmāvacare gabbhagatādike ca nivatteti. Kāmāvacarānampi hi gabbhagatādīnaṃ vinā assāsapassāsehi vitakkavicārānaṃ uppatti atthi. Aṭṭhakathāyaṃ pana ekantikattā rūpārūpāvacarā nidassitā. Vinā assāsapassāsehi vitakkavicārānaṃ uppādakkhaṇeti etena pana dassitā puggalā paṭhamajjhānokāsā kāmāvacarādiokāsā ca assāsapassāsavirahavisiṭṭhā daṭṭhabbā. Iminā nayena sabbattha puggalavibhāgo veditabbo.
21. ‘‘батамаж̇жхаанз гаамааважарзд̇и гаамааважарабхуумияам̣ уббаннз батамаж̇жхаанз’’д̇и адтагат̇ааяам̣ вуд̇д̇ам̣ , зд̇асмим̣ бана ад̇т̇з сад̇и ‘‘жад̇уд̇т̇аж̇жхаанз руубааважарз аруубааважарз д̇ад̇т̇а жид̇д̇асан̇кааро уббаж̇ж̇ад̇и, но жа д̇ад̇т̇а гааяасан̇кааро уббаж̇ж̇ад̇ий’’д̇и зд̇т̇ааби руубааруубааважарабхуумийсу уббаннз жад̇уд̇т̇аж̇жхаанзд̇и ад̇т̇о бхавзяяа, со жа анидто бхуумийнам̣ огаасабхаавассзва аг̇г̇ахид̇ад̇аабад̇д̇ид̇о, саб̣б̣ажад̇уд̇т̇аж̇жхаанасса огаасавасзна аг̇г̇ахид̇ад̇аабад̇д̇ид̇о жа, д̇асмаа жхаанабхуумогаасаанам̣ сан̇гарам̣ агад̇ваа висум̣ зва огаасабхааво яож̇зд̇аб̣б̣о. батамаж̇жхааногаасзби хи гааяасан̇кааро жа уббаж̇ж̇ад̇и важийсан̇кааро жа уббаж̇ж̇ад̇и гаамааважарогаасз жа. яад̣̇иби на саб̣б̣амхи батамаж̇жхаанз саб̣б̣амхи жа гаамааважарз д̣̇ваяам̣ уббаж̇ж̇ад̇и, д̇ад̇т̇а бана д̇ам̣д̣̇ваяуббад̇д̇и ад̇т̇ийд̇и гад̇ваа звам̣ вуд̇д̇анд̇и д̣̇адтаб̣б̣ам̣. висум̣ огаасад̇д̇аа жа ‘‘ан̇г̇амад̇д̇авасзна жзд̇т̇аа’’д̇иаад̣̇иважанам̣ на вад̇д̇аб̣б̣ам̣ ход̇ийд̇и. имамхи жа яамагз авид̇аггавижаарамад̇д̇ам̣ д̣̇уд̇ияаж̇жхаанам̣ вижааравасзна батамаж̇жхаанз сан̇г̇ахам̣ г̇ажчад̇ийд̇и д̣̇адтаб̣б̣ам̣. муд̣̇д̇хабхууд̇ам̣ д̣̇уд̇ияаж̇жхаанам̣ г̇ахзд̇ваа ид̇арам̣ асан̇г̇ахид̇анд̇и ваа. яассаяад̇т̇агз ‘‘нирод̇хасамаабаннаана’’нд̇и на лаб̣бхад̇и. на хи д̇з асан̃н̃асад̇д̇аа вияа огаасз хонд̇ийд̇и.
21. ‘‘Paṭhamajjhāne kāmāvacareti kāmāvacarabhūmiyaṃ uppanne paṭhamajjhāne’’ti aṭṭhakathāyaṃ vuttaṃ , etasmiṃ pana atthe sati ‘‘catutthajjhāne rūpāvacare arūpāvacare tattha cittasaṅkhāro uppajjati, no ca tattha kāyasaṅkhāro uppajjatī’’ti etthāpi rūpārūpāvacarabhūmīsu uppanne catutthajjhāneti attho bhaveyya, so ca aniṭṭho bhūmīnaṃ okāsabhāvasseva aggahitatāpattito, sabbacatutthajjhānassa okāsavasena aggahitatāpattito ca, tasmā jhānabhūmokāsānaṃ saṅkaraṃ akatvā visuṃ eva okāsabhāvo yojetabbo. Paṭhamajjhānokāsepi hi kāyasaṅkhāro ca uppajjati vacīsaṅkhāro ca uppajjati kāmāvacarokāse ca. Yadipi na sabbamhi paṭhamajjhāne sabbamhi ca kāmāvacare dvayaṃ uppajjati, tattha pana taṃdvayuppatti atthīti katvā evaṃ vuttanti daṭṭhabbaṃ. Visuṃ okāsattā ca ‘‘aṅgamattavasena cetthā’’tiādivacanaṃ na vattabbaṃ hotīti. Imamhi ca yamake avitakkavicāramattaṃ dutiyajjhānaṃ vicāravasena paṭhamajjhāne saṅgahaṃ gacchatīti daṭṭhabbaṃ. Muddhabhūtaṃ dutiyajjhānaṃ gahetvā itaraṃ asaṅgahitanti vā. Yassayatthake ‘‘nirodhasamāpannāna’’nti na labbhati. Na hi te asaññasattā viya okāse hontīti.
37. суд̣̇д̇хааваасаанам̣ д̣̇уд̇ияз жид̇д̇з вад̇д̇амаанзд̇и д̇зсам̣ батамад̇о авид̇аггаавижаарад̇о д̣̇уд̇ияз савид̇аггасавижаарзби бхаваниганд̇иааваж̇ж̇анз вад̇д̇амаанз убхаяам̣ нуббаж̇ж̇ид̇т̇аад̇и д̣̇ассзнд̇зна д̇ад̇о буримажид̇д̇агкан̣зсуби нуббаж̇ж̇ид̇т̇аад̇и д̣̇ассид̇амзва ход̇и. яат̇аа бана жид̇д̇асан̇каарасса аад̣̇ид̣̇ассанад̇т̇ам̣ ‘‘суд̣̇д̇хааваасам̣ убабаж̇ж̇анд̇аана’’нд̇и вуд̇д̇ам̣, звам̣ важийсан̇каарасса аад̣̇ид̣̇ассанад̇т̇ам̣ ‘‘д̣̇уд̇ияз жид̇д̇з вад̇д̇амаанз’’д̇и вуд̇д̇анд̇и д̣̇адтаб̣б̣ам̣.
37. Suddhāvāsānaṃ dutiye citte vattamāneti tesaṃ paṭhamato avitakkaavicārato dutiye savitakkasavicārepi bhavanikantiāvajjane vattamāne ubhayaṃ nuppajjitthāti dassentena tato purimacittakkhaṇesupi nuppajjitthāti dassitameva hoti. Yathā pana cittasaṅkhārassa ādidassanatthaṃ ‘‘suddhāvāsaṃ upapajjantāna’’nti vuttaṃ, evaṃ vacīsaṅkhārassa ādidassanatthaṃ ‘‘dutiye citte vattamāne’’ti vuttanti daṭṭhabbaṃ.
бавад̇д̇иваараван̣н̣анаа нидтид̇аа.
Pavattivāravaṇṇanā niṭṭhitā.
сан̇каараяамагаван̣н̣анаа нидтид̇аа.
Saṅkhārayamakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 6. сан̇каараяамагам̣ • 6. Saṅkhārayamakaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 6. сан̇каараяамагам̣ • 6. Saṅkhārayamakaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 6. сан̇каараяамагам̣ • 6. Saṅkhārayamakaṃ
