| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
6. сан̇каараяамагам̣
6. Saṅkhārayamakaṃ
1. бан̣н̣ад̇д̇иваараван̣н̣анаа
1. Paṇṇattivāravaṇṇanā
1. сад̇иби гусаламуулаад̣̇ийнамби вибхад̇д̇абхаавз канд̇хаад̣̇ивибхааг̇о д̇ад̇о саад̇исаяод̇и д̣̇ассзнд̇о ‘‘канд̇хаад̣̇аяо вияа буб̣б̣з авибхад̇д̇аа’’д̇и ааха. багаарад̇т̇о ваа зд̇т̇а аад̣̇и-сад̣̇д̣̇о ‘‘бхууваад̣̇аяо’’д̇иаад̣̇ийсу вияаад̇и гусаламуулаад̣̇ийнамби сан̇г̇ахо д̣̇адтаб̣б̣о. авин̃н̃аад̇ад̇д̇аа нисаамзнд̇зхи. хзд̇уад̇т̇о ваа зд̇т̇а луд̇д̇анид̣̇д̣̇идто авин̃н̃аабид̇ад̇д̇аад̇и ад̇т̇о. яад̣̇иби гааяасан̇каараанам̣ вигаббад̣̇ваязби хзд̇упалабхаавоязва ижчид̇о, саамиважанаруубаавибхууд̇о бана ад̇т̇зва ад̇т̇абхзд̣̇од̇и д̣̇ассзнд̇о ‘‘гааяасса…бз… гад̇д̇уад̇т̇з’’д̇и ааха. со банаад̇и гад̇д̇уад̇т̇о.
1. Satipi kusalamūlādīnampi vibhattabhāve khandhādivibhāgo tato sātisayoti dassento ‘‘khandhādayo viya pubbe avibhattā’’ti āha. Pakārattho vā ettha ādi-saddo ‘‘bhūvādayo’’tiādīsu viyāti kusalamūlādīnampi saṅgaho daṭṭhabbo. Aviññātattā nisāmentehi. Hetuattho vā ettha luttaniddiṭṭho aviññāpitattāti attho. Yadipi kāyasaṅkhārānaṃ vikappadvayepi hetuphalabhāvoyeva icchito, sāmivacanarūpāvibhūto pana attheva atthabhedoti dassento ‘‘kāyassa…pe… kattuatthe’’ti āha. So panāti kattuattho.
2-7. суд̣̇д̇хигазгзгабад̣̇авасзнаад̇и ‘‘гааяо сан̇кааро’’д̇иаад̣̇ийсу д̣̇вийсу д̣̇вийсу бад̣̇зсу ан̃н̃аман̃н̃ам̣ асаммиссазгзгабад̣̇авасзна. ад̇т̇аабхаавад̇од̇и яат̇аад̇хиббзд̇ад̇т̇аабхаавад̇о. ан̃н̃ат̇аа гараж̇агааяаад̣̇иго ад̇т̇о ад̇т̇зва. д̇знзвааха ‘‘бад̣̇асод̇хана…бз… аважанийяад̇д̇аа’’д̇и. ид̣̇аани д̇амзва ад̇т̇аабхаавам̣ б̣яад̇ирзгавасзна д̣̇ассзнд̇о ‘‘яат̇аа’’д̇иаад̣̇имааха. гасмаа бана убхаяад̇т̇а самаанз самаасабад̣̇абхаавз д̇ад̇т̇а ад̇т̇о лаб̣бхад̇и, ид̇ха на лаб̣бхад̇ийд̇и? бхинналагкан̣ад̇д̇аа. д̇ад̇т̇а хи руубагканд̇хаад̣̇ибад̣̇аани самаанаад̇хигаран̣аанийд̇и бад̣̇ад̣̇ваяаад̇хидтаано зго ад̇т̇о лаб̣бхад̇и, ид̇ха бана гааяасан̇каараад̣̇ибад̣̇аани бхиннаад̇хигаран̣аанийд̇и д̇ат̇ааруубо ад̇т̇о на лаб̣бхад̇ийд̇и. д̇знааха ‘‘яат̇аад̇хиббзд̇ад̇т̇аабхаавад̇о’’д̇и.
2-7. Suddhikaekekapadavasenāti ‘‘kāyo saṅkhāro’’tiādīsu dvīsu dvīsu padesu aññamaññaṃ asammissaekekapadavasena. Atthābhāvatoti yathādhippetatthābhāvato. Aññathā karajakāyādiko attho attheva. Tenevāha ‘‘padasodhana…pe… avacanīyattā’’ti. Idāni tameva atthābhāvaṃ byatirekavasena dassento ‘‘yathā’’tiādimāha. Kasmā pana ubhayattha samāne samāsapadabhāve tattha attho labbhati, idha na labbhatīti? Bhinnalakkhaṇattā. Tattha hi rūpakkhandhādipadāni samānādhikaraṇānīti padadvayādhiṭṭhāno eko attho labbhati, idha pana kāyasaṅkhārādipadāni bhinnādhikaraṇānīti tathārūpo attho na labbhatīti. Tenāha ‘‘yathādhippetatthābhāvato’’ti.
висум̣ ад̣̇ийбзд̇ваад̇и ‘‘гааяасан̇кааро’’д̇иаад̣̇инаа саха вужжамааноби гааяасан̇каарасад̣̇д̣̇о висум̣ висум̣ ад̇д̇ано ад̇т̇ам̣ аж̇од̇зд̇ваа згам̣ ад̇т̇ам̣ яад̣̇и д̣̇ийбзд̇ийд̇и баригаббавасзна вад̣̇ад̇и. д̇зна гааяасан̇каарасад̣̇д̣̇аанам̣ самаанаад̇хигаран̣ад̇ам̣ уллин̇г̇зд̇и. ‘‘гааяасан̇каарасад̣̇д̣̇о гааяасан̇каарад̇т̇з вад̇д̇амаано’’д̇и гасмаа вуд̇д̇ам̣, ‘‘сан̇каарасад̣̇д̣̇о сан̇каарад̇т̇зва вад̇д̇амаано’’д̇и бана вад̇д̇аб̣б̣ам̣ сияаа. зван̃хи сад̇и канд̇хад̇т̇з вад̇д̇амаано канд̇хасад̣̇д̣̇о вияа руубасад̣̇д̣̇зна гааяасад̣̇д̣̇зна висзсид̇аб̣б̣од̇и ид̣̇ам̣ важанам̣ яуж̇ж̇зяяа, гааяасан̇каарасад̣̇д̣̇аанам̣ бана самаанаад̇хигаран̣ад̇д̇з на гзвалам̣ сан̇каарасад̣̇д̣̇оязва сан̇каарад̇т̇з вад̇д̇ад̇и, ат̇а ко гааяасад̣̇д̣̇обийд̇и имамад̇т̇ам̣ д̣̇ассзд̇ум̣ ‘‘гааяасан̇каарасад̣̇д̣̇о гааяасан̇каарад̇т̇з вад̇д̇амаано’’д̇и вуд̇д̇ам̣ сияаа, гааяасад̣̇д̣̇зна самаанаад̇хигаран̣знаад̇и ад̇хиббааяо. б̣яад̇хигаран̣зна бана сан̇каарасса висзсид̇аб̣б̣ад̇аа ад̇т̇зваад̇и.
Visuṃ adīpetvāti ‘‘kāyasaṅkhāro’’tiādinā saha vuccamānopi kāyasaṅkhārasaddo visuṃ visuṃ attano atthaṃ ajotetvā ekaṃ atthaṃ yadi dīpetīti parikappavasena vadati. Tena kāyasaṅkhārasaddānaṃ samānādhikaraṇataṃ ulliṅgeti. ‘‘Kāyasaṅkhārasaddo kāyasaṅkhāratthe vattamāno’’ti kasmā vuttaṃ, ‘‘saṅkhārasaddo saṅkhārattheva vattamāno’’ti pana vattabbaṃ siyā. Evañhi sati khandhatthe vattamāno khandhasaddo viya rūpasaddena kāyasaddena visesitabboti idaṃ vacanaṃ yujjeyya, kāyasaṅkhārasaddānaṃ pana samānādhikaraṇatte na kevalaṃ saṅkhārasaddoyeva saṅkhāratthe vattati, atha kho kāyasaddopīti imamatthaṃ dassetuṃ ‘‘kāyasaṅkhārasaddo kāyasaṅkhāratthe vattamāno’’ti vuttaṃ siyā, kāyasaddena samānādhikaraṇenāti adhippāyo. Byadhikaraṇena pana saṅkhārassa visesitabbatā atthevāti.
имасса ваарассаад̇и суд̣̇д̇хасан̇каараваарасса. бад̣̇асод̇ханзна д̣̇ассид̇аананд̇и зд̇д̇агзва вужжамаанз д̇ад̇т̇а д̣̇ассид̇абхаавасааман̃н̃зна суд̣̇д̇хагааяаад̣̇ийнамби г̇ахан̣ам̣ аабаж̇ж̇зяяаад̇и д̇ам̣нивааран̣ад̇т̇ам̣ ‘‘яат̇аад̇хиббзд̇аанамзваа’’д̇и ааха. гааяаад̣̇ибад̣̇зхи аг̇г̇ахид̇ад̇д̇аад̇и суд̣̇д̇хагааяаад̣̇ибад̣̇зхи аг̇г̇ахид̇ад̇д̇аа. ид̇ха банаад̇и адтагат̇ааяам̣. суд̣̇д̇хасан̇каараваарам̣ санд̇хааяа вуд̇д̇амби суд̣̇д̇хасан̇каараваарамзвзд̇т̇а анануж̇аананд̇о сагаласан̇каараяамагависаяанд̇и ааха ‘‘ид̇ха бана сан̇каараяамагз’’д̇и. ад̇хиббзд̇ад̇т̇абарижжааг̇од̇и ассаасабассаасаад̣̇игасса ад̇хиббзд̇ад̇т̇асса аг̇г̇ахан̣ам̣ жзд̇анаагааяаабхисан̇каран̣асан̇каараад̣̇и анад̇хиббзд̇ад̇т̇абариг̇г̇ахо. яад̣̇и ‘‘гааяо сан̇кааро’’д̇иаад̣̇инаа суд̣̇д̇хасан̇каарад̇ам̣муулажаггаваараа ад̇т̇аабхаавад̇о ид̇ха на г̇ахзд̇аб̣б̣аа, ат̇а гасмаа бавад̇д̇иваарамзва анаарабхид̇ваа ан̃н̃ат̇аа д̣̇зсанаа аарад̣̇д̇хаад̇и ааха ‘‘бад̣̇асод̇ханаваарад̇ам̣муулажаггаваарзхий’’д̇иаад̣̇и. сам̣саяо ход̇и сан̇каарасад̣̇д̣̇аважанийяад̇аасааман̃н̃ад̇о гааяасан̇каараад̣̇ибад̣̇аанам̣ б̣яад̇хигаран̣абхаавад̇о жа. д̇знзвааха ‘‘асамаанаад̇хигаран̣зхи…бз… д̣̇ассид̇ааяаа’’д̇и.
Imassa vārassāti suddhasaṅkhāravārassa. Padasodhanena dassitānanti ettakeva vuccamāne tattha dassitabhāvasāmaññena suddhakāyādīnampi gahaṇaṃ āpajjeyyāti taṃnivāraṇatthaṃ ‘‘yathādhippetānamevā’’ti āha. Kāyādipadehi aggahitattāti suddhakāyādipadehi aggahitattā. Idha panāti aṭṭhakathāyaṃ. Suddhasaṅkhāravāraṃ sandhāya vuttampi suddhasaṅkhāravāramevettha ananujānanto sakalasaṅkhārayamakavisayanti āha ‘‘idha pana saṅkhārayamake’’ti. Adhippetatthapariccāgoti assāsapassāsādikassa adhippetatthassa aggahaṇaṃ cetanākāyaabhisaṅkharaṇasaṅkhārādi anadhippetatthapariggaho. Yadi ‘‘kāyo saṅkhāro’’tiādinā suddhasaṅkhārataṃmūlacakkavārā atthābhāvato idha na gahetabbā, atha kasmā pavattivārameva anārabhitvā aññathā desanā āraddhāti āha ‘‘padasodhanavārataṃmūlacakkavārehī’’tiādi. Saṃsayo hoti saṅkhārasaddavacanīyatāsāmaññato kāyasaṅkhārādipadānaṃ byadhikaraṇabhāvato ca. Tenevāha ‘‘asamānādhikaraṇehi…pe… dassitāyā’’ti.
бан̣н̣ад̇д̇иваараван̣н̣анаа нидтид̇аа.
Paṇṇattivāravaṇṇanā niṭṭhitā.
2. бавад̇д̇иваараван̣н̣анаа
2. Pavattivāravaṇṇanā
19. сан̇каараанам̣ буг̇г̇алаанан̃жа огаасад̇д̇аад̇и самбаяуд̇д̇аанам̣ ниссаяабажжаяад̇ааяа, сан̇каараанам̣ самаабаж̇ж̇ид̇аб̣б̣ад̇ааяа буг̇г̇алаанам̣ жхаанасса огаасад̇аа взд̣̇ид̇аб̣б̣аа, бхууми бана яад̣̇аг̇г̇зна буг̇г̇алаанам̣ огаасо, д̇ад̣̇аг̇г̇зна сан̇каараанамби огаасо. ‘‘д̣̇уд̇ияз жхаанз д̇ад̇ияз жхаанз’’д̇иаад̣̇инаа жхаанам̣, ‘‘гаамааважарз руубааважарз’’д̇иаад̣̇инаа бхууми жа висум̣ огаасабхаавзна г̇ахид̇аа. ид̇ийд̇и хзд̇уад̇т̇о, яасмаа жхаанамби огаасабхаавзна г̇ахид̇ам̣, д̇асмаад̇и ад̇т̇о. буг̇г̇алаваарз жа огаасавасзна буг̇г̇алаг̇г̇ахан̣зд̇и буг̇г̇алаваарз жа яад̣̇аа буг̇г̇алогаасасан̇каараад̣̇ийнам̣ огаасабхаавзна г̇аяхад̇и, д̇ад̣̇аа д̇зсам̣ д̣̇виннам̣ огаасаанам̣ васзна г̇аяханам̣ ход̇ийд̇и яад̇т̇а со буг̇г̇ало, яан̃жа д̇асмим̣ буг̇г̇алз жхаанам̣ убалаб̣бхад̇и, д̇зсам̣ д̣̇виннам̣ бхуумижхаанасан̇каад̇аанам̣ огаасаанам̣ васзна яат̇аарахам̣ гааяасан̇каараад̣̇ийнам̣ г̇ахан̣ам̣ гат̇анам̣ ход̇ийд̇и. д̇асмаад̇и яасмаа зд̇ад̣̇зва, д̇асмаа. д̣̇уд̇ияад̇ад̇ияаж̇жхааногаасавасзнаад̇и д̣̇уд̇ияад̇ад̇ияаж̇жхаанасан̇каад̇аогаасавасзна г̇ахид̇аа. гат̇ам̣? ‘‘винаа вид̇аггавижаарзхи ассаасабассаасаанам̣ уббаад̣̇агкан̣з’’д̇и звам̣ г̇ахид̇аа буг̇г̇алаа висзсзд̇ваа д̣̇ассид̇аа. гзна? д̇знзва вид̇аггавижаарарахид̇аассаасабассаасуббаад̣̇агкан̣знаад̇и яож̇зд̇аб̣б̣ам̣.
19. Saṅkhārānaṃpuggalānañca okāsattāti sampayuttānaṃ nissayapaccayatāya, saṅkhārānaṃ samāpajjitabbatāya puggalānaṃ jhānassa okāsatā veditabbā, bhūmi pana yadaggena puggalānaṃ okāso, tadaggena saṅkhārānampi okāso. ‘‘Dutiye jhāne tatiye jhāne’’tiādinā jhānaṃ, ‘‘kāmāvacare rūpāvacare’’tiādinā bhūmi ca visuṃ okāsabhāvena gahitā. Itīti hetuattho, yasmā jhānampi okāsabhāvena gahitaṃ, tasmāti attho. Puggalavāre ca okāsavasena puggalaggahaṇeti puggalavāre ca yadā puggalokāsasaṅkhārādīnaṃ okāsabhāvena gayhati, tadā tesaṃ dvinnaṃ okāsānaṃ vasena gayhanaṃ hotīti yattha so puggalo, yañca tasmiṃ puggale jhānaṃ upalabbhati, tesaṃ dvinnaṃ bhūmijhānasaṅkhātānaṃ okāsānaṃ vasena yathārahaṃ kāyasaṅkhārādīnaṃ gahaṇaṃ kathanaṃ hotīti. Tasmāti yasmā etadeva, tasmā. Dutiyatatiyajjhānokāsavasenāti dutiyatatiyajjhānasaṅkhātaokāsavasena gahitā. Kathaṃ? ‘‘Vinā vitakkavicārehi assāsapassāsānaṃ uppādakkhaṇe’’ti evaṃ gahitā puggalā visesetvā dassitā. Kena? Teneva vitakkavicārarahitaassāsapassāsuppādakkhaṇenāti yojetabbaṃ.
батамагодтаасз жхааногаасавасзна буг̇г̇алад̣̇ассанам̣ гад̇анд̇и вуд̇д̇ам̣ ‘‘буна…бз… д̣̇ассзд̇ий’’д̇и. бхуумиогаасавасзна буг̇г̇алам̣ д̣̇ассзд̇ийд̇и самб̣анд̇хо. д̣̇виббагаараананд̇и жхаанабхуумиогаасабхзд̣̇зна д̣̇увид̇хаанам̣. д̇зсанд̇и буг̇г̇алаанам̣. ‘‘батамам̣ жхаанам̣ самаабаннаанам̣ гаамааважараана’’нд̇и жа ид̣̇ам̣ нивад̇д̇зд̇аб̣б̣аг̇ахзд̇аб̣б̣асаад̇хааран̣аважанам̣, д̇асса жа аважчзд̣̇агам̣ ‘‘ассаасабассаасаанам̣ уббаад̣̇агкан̣з’’д̇и ид̣̇анд̇и вуд̇д̇ам̣ ‘‘висзса…бз… кан̣з’’д̇и. д̇зна висзсанзна. гаамааважараанамбийд̇и би-сад̣̇д̣̇о самбин̣д̣анад̇т̇о. д̇зна на гзвалам̣ руубааруубааважарзсу батамаж̇жхаанам̣ самаабаннаанам̣, ат̇а ко гаамааважараанамбийд̇и вуд̇д̇амзвад̇т̇ам̣ самбин̣д̣зд̇и. гийд̣̇исаанам̣ гаамааважараананд̇и ааха ‘‘г̇аб̣бхаг̇ад̇аад̣̇ийна’’нд̇и. аад̣̇и-сад̣̇д̣̇зна уд̣̇аганимуг̇г̇ависан̃н̃ибхууд̇аа сан̇г̇ахид̇аа, на мад̇ажад̇уд̇т̇аж̇жхаанасамаабаннанирод̇хасамаабаннаа. д̇з хи агаамааважарад̇ааяа вияа руубааруубабхавасаман̇г̇ино вид̇аггавижааруббад̇д̇ияаава нивад̇д̇ид̇аа. зганд̇игад̇д̇аад̇и ассаасабассаасаабхаавасса зганд̇игад̇д̇аа. нид̣̇ассид̇аад̇и руубааруубааважараа нид̣̇ассанабхаавзна вуд̇д̇аа, на д̇аб̣б̣ирахид̇аанам̣ ан̃н̃зсам̣ абхаавад̇од̇и ад̇хиббааяо. батамаж̇жхааногаасаа ассаасабассаасавирахависидтаад̇и яож̇анаа. батаман̃жзд̇т̇а батамаж̇жхаанасаман̇г̇ийнам̣ руубааруубааважараанам̣ г̇ахан̣ам̣, д̣̇уд̇ияам̣ яат̇аавуд̇д̇аг̇аб̣бхаг̇ад̇аад̣̇ийнам̣. иминаа наязнаад̇и явааяам̣ ‘‘сан̇каараанам̣ буг̇г̇алаанан̃жаа’’д̇иаад̣̇инаа жхааногаасабхуумиогаасавасзна буг̇г̇алавибхааг̇анаяо вуд̇д̇о, иминаа наязна убааязна. саб̣б̣ад̇т̇а саб̣б̣абужчаасу.
Paṭhamakoṭṭhāse jhānokāsavasena puggaladassanaṃ katanti vuttaṃ ‘‘puna…pe… dassetī’’ti. Bhūmiokāsavasena puggalaṃ dassetīti sambandho. Dvippakārānanti jhānabhūmiokāsabhedena duvidhānaṃ. Tesanti puggalānaṃ. ‘‘Paṭhamaṃ jhānaṃ samāpannānaṃ kāmāvacarāna’’nti ca idaṃ nivattetabbagahetabbasādhāraṇavacanaṃ, tassa ca avacchedakaṃ ‘‘assāsapassāsānaṃ uppādakkhaṇe’’ti idanti vuttaṃ ‘‘visesa…pe… khaṇe’’ti. Tena visesanena. Kāmāvacarānampīti pi-saddo sampiṇḍanattho. Tena na kevalaṃ rūpārūpāvacaresu paṭhamajjhānaṃ samāpannānaṃ, atha kho kāmāvacarānampīti vuttamevatthaṃ sampiṇḍeti. Kīdisānaṃ kāmāvacarānanti āha ‘‘gabbhagatādīna’’nti. Ādi-saddena udakanimuggavisaññibhūtā saṅgahitā, na matacatutthajjhānasamāpannanirodhasamāpannā. Te hi akāmāvacaratāya viya rūpārūpabhavasamaṅgino vitakkavicāruppattiyāva nivattitā. Ekantikattāti assāsapassāsābhāvassa ekantikattā. Nidassitāti rūpārūpāvacarā nidassanabhāvena vuttā, na tabbirahitānaṃ aññesaṃ abhāvatoti adhippāyo. Paṭhamajjhānokāsā assāsapassāsavirahavisiṭṭhāti yojanā. Paṭhamañcettha paṭhamajjhānasamaṅgīnaṃ rūpārūpāvacarānaṃ gahaṇaṃ, dutiyaṃ yathāvuttagabbhagatādīnaṃ. Iminā nayenāti yvāyaṃ ‘‘saṅkhārānaṃ puggalānañcā’’tiādinā jhānokāsabhūmiokāsavasena puggalavibhāganayo vutto, iminā nayena upāyena. Sabbattha sabbapucchāsu.
21. зд̇асмим̣ бана ад̇т̇з сад̇ийд̇и явааяам̣ уббад̇д̇ибхуумияаа жхаанам̣ висзсзд̇ваа ад̇т̇о вуд̇д̇о, зд̇асмим̣ ад̇т̇з г̇аяхамаанз ан̃н̃ад̇т̇аби уббад̇д̇ибхуумияаа жхаанам̣ висзсид̇аб̣б̣ам̣ бхавзяяа, д̇ат̇аа жа анидтам̣ аабаж̇ж̇ад̇ийд̇и д̣̇ассзнд̇о ‘‘жад̇уд̇т̇аж̇жхаанз’’д̇иаад̣̇имааха. гим̣ бана д̇ам̣ анидтанд̇и ааха ‘‘бхуумийнам̣ огаасабхаавассзва аг̇г̇ахид̇ад̇аабад̇д̇ид̇о’’д̇и. яад̇т̇а яад̇т̇а хи жхаанам̣ г̇аяхад̇и, д̇ад̇т̇а д̇ад̇т̇а д̇ам̣ уббад̇д̇ибхуумияаа висзсид̇аб̣б̣ам̣ ход̇и. д̇ат̇аа сад̇и жхааногаасова г̇ахид̇о сияаа, на бхуумиогаасо г̇ун̣абхууд̇ад̇д̇аа. гин̃жа ‘‘жад̇уд̇т̇аж̇жхаанз руубааважарз аруубааважарз’’д̇и зд̇т̇а руубааруубабхуумияаа жад̇уд̇т̇аж̇жхаанз висзсияамаанз д̇ад̣̇згад̣̇зсова огаасавасзна г̇ахид̇о сияаа, на саб̣б̣ам̣ жад̇уд̇т̇аж̇жхаанам̣. д̇знааха ‘‘саб̣б̣ажад̇уд̇т̇аж̇жхаанасса огаасавасзна аг̇г̇ахид̇ад̇аабад̇д̇ид̇о жаа’’д̇и. жхаанабхуумогаасаананд̇и жхааногаасабхуумиогаасаанам̣.
21. Etasmiṃ pana atthe satīti yvāyaṃ uppattibhūmiyā jhānaṃ visesetvā attho vutto, etasmiṃ atthe gayhamāne aññatthapi uppattibhūmiyā jhānaṃ visesitabbaṃ bhaveyya, tathā ca aniṭṭhaṃ āpajjatīti dassento ‘‘catutthajjhāne’’tiādimāha. Kiṃ pana taṃ aniṭṭhanti āha ‘‘bhūmīnaṃokāsabhāvasseva aggahitatāpattito’’ti. Yattha yattha hi jhānaṃ gayhati, tattha tattha taṃ uppattibhūmiyā visesitabbaṃ hoti. Tathā sati jhānokāsova gahito siyā, na bhūmiokāso guṇabhūtattā. Kiñca ‘‘catutthajjhāne rūpāvacare arūpāvacare’’ti ettha rūpārūpabhūmiyā catutthajjhāne visesiyamāne tadekadesova okāsavasena gahito siyā, na sabbaṃ catutthajjhānaṃ. Tenāha ‘‘sabbacatutthajjhānassa okāsavasena aggahitatāpattito cā’’ti. Jhānabhūmokāsānanti jhānokāsabhūmiokāsānaṃ.
нану жа жхаанабхуумиогаасз асан̇гарад̇о яож̇ияамаанз на саб̣б̣асмим̣ батамаж̇жхааногаасз гааяасан̇кааро важийсан̇кааро жа ад̇т̇и, д̇ат̇аа саб̣б̣асмим̣ гаамааважарогаасзд̇и жод̣̇ануббад̇д̇им̣ санд̇хааяа д̇асса барихаарам̣ вад̇д̇ум̣ ‘‘яад̣̇ибий’’д̇иаад̣̇имааха. д̇ад̇т̇аад̇и батамаж̇жхааногаасз гаамааважарогаасз жа. д̇ам̣д̣̇ваяуббад̇д̇ийд̇и д̇асса гааяаважийсан̇каарад̣̇ваяасса уббад̇д̇и. огаасад̣̇ваяасса асан̇гарад̇о г̇ахан̣з аяан̃жа г̇ун̣о лад̣̇д̇хо ход̇ийд̇и ааха ‘‘висум̣…бз… на вад̇д̇аб̣б̣ам̣ ход̇ий’’д̇и. д̇ад̇т̇а ан̇г̇амад̇д̇авасзнаад̇и вид̇аггаад̣̇ижхаанан̇г̇амад̇д̇авасзна. д̇ад̇т̇а вад̇д̇аб̣б̣ам̣ адтагат̇ааяам̣ вуд̇д̇амзва. вид̇аггарахид̇оби вижааро важийсан̇каароязваад̇и ааха ‘‘авид̇агга…бз… г̇ажчад̇ий’’д̇и. муд̣̇д̇хабхууд̇ам̣ д̣̇уд̇ияаж̇жхаананд̇и жад̇угганаяз д̣̇уд̇ияаж̇жхаанамааха. д̇ан̃хи сагалагкобхагарад̇хаммавиг̇амзна вид̇аггзган̇г̇аббахааяигад̇о саад̇исаяад̇д̇аа ‘‘муд̣̇д̇хабхууд̇а’’нд̇и вад̇д̇аб̣б̣ад̇ам̣ лабхад̇и. асан̃н̃асад̇д̇аа вияаад̇и ид̣̇ам̣ висад̣̇исуд̣̇аахаран̣ам̣ д̣̇адтаб̣б̣ам̣.
Nanu ca jhānabhūmiokāse asaṅkarato yojiyamāne na sabbasmiṃ paṭhamajjhānokāse kāyasaṅkhāro vacīsaṅkhāro ca atthi, tathā sabbasmiṃ kāmāvacarokāseti codanuppattiṃ sandhāya tassa parihāraṃ vattuṃ ‘‘yadipī’’tiādimāha. Tatthāti paṭhamajjhānokāse kāmāvacarokāse ca. Taṃdvayuppattīti tassa kāyavacīsaṅkhāradvayassa uppatti. Okāsadvayassa asaṅkarato gahaṇe ayañca guṇo laddho hotīti āha ‘‘visuṃ…pe… na vattabbaṃ hotī’’ti. Tattha aṅgamattavasenāti vitakkādijhānaṅgamattavasena. Tattha vattabbaṃ aṭṭhakathāyaṃ vuttameva. Vitakkarahitopi vicāro vacīsaṅkhāroyevāti āha ‘‘avitakka…pe… gacchatī’’ti. Muddhabhūtaṃ dutiyajjhānanti catukkanaye dutiyajjhānamāha. Tañhi sakalakkhobhakaradhammavigamena vitakkekaṅgappahāyikato sātisayattā ‘‘muddhabhūta’’nti vattabbataṃ labhati. Asaññasattā viyāti idaṃ visadisudāharaṇaṃ daṭṭhabbaṃ.
37. ааваж̇ж̇анад̇о буб̣б̣з бавад̇д̇ам̣ саб̣б̣ам̣ жид̇д̇ам̣ бадисанд̇хижид̇д̇зна самаанаг̇ад̇игад̇д̇аа згам̣ гад̇ваа вуд̇д̇ам̣ ‘‘батамад̇о’’д̇и. д̇знааха ‘‘авид̇аггаавижаарад̇о’’д̇иаад̣̇и. жид̇д̇асан̇каарасса аад̣̇ид̣̇ассанад̇т̇анд̇и суд̣̇д̇хааваасз жид̇д̇асан̇каарасса аад̣̇ид̣̇ассанад̇т̇ам̣. д̇ат̇аа ‘‘важийсан̇каарасса аад̣̇ид̣̇ассанад̇т̇а’’нд̇и зд̇т̇ааби.
37. Āvajjanato pubbe pavattaṃ sabbaṃ cittaṃ paṭisandhicittena samānagatikattā ekaṃ katvā vuttaṃ ‘‘paṭhamato’’ti. Tenāha ‘‘avitakkaavicārato’’tiādi. Cittasaṅkhārassa ādidassanatthanti suddhāvāse cittasaṅkhārassa ādidassanatthaṃ. Tathā ‘‘vacīsaṅkhārassa ādidassanattha’’nti etthāpi.
бавад̇д̇иваараван̣н̣анаа нидтид̇аа.
Pavattivāravaṇṇanā niṭṭhitā.
сан̇каараяамагаван̣н̣анаа нидтид̇аа.
Saṅkhārayamakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 6. сан̇каараяамагам̣ • 6. Saṅkhārayamakaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 6. сан̇каараяамагам̣ • 6. Saṅkhārayamakaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 6. сан̇каараяамагам̣ • 6. Saṅkhārayamakaṃ
