| Library / Tipiṭaka / तिपिटक • Tipiṭaka / यमकपाळि • Yamakapāḷi |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
अभिधम्मपिटके
Abhidhammapiṭake
यमकपाळि (दुतियो भागो)
Yamakapāḷi (dutiyo bhāgo)
६. सङ्खारयमकं
6. Saṅkhārayamakaṃ
१. पण्णत्तिवारो
1. Paṇṇattivāro
(क) उद्देसो
(Ka) uddeso
१. तयो सङ्खारा – कायसङ्खारो, वचीसङ्खारो, चित्तसङ्खारोति। अस्सासपस्सासा कायसङ्खारो, वितक्कविचारा वचीसङ्खारो, सञ्ञा च वेदना च चित्तसङ्खारो। ठपेत्वा वितक्कविचारे सब्बेपि चित्तसम्पयुत्तका धम्मा चित्तसङ्खारो।
1. Tayo saṅkhārā – kāyasaṅkhāro, vacīsaṅkhāro, cittasaṅkhāroti. Assāsapassāsā kāyasaṅkhāro, vitakkavicārā vacīsaṅkhāro, saññā ca vedanā ca cittasaṅkhāro. Ṭhapetvā vitakkavicāre sabbepi cittasampayuttakā dhammā cittasaṅkhāro.
१. पदसोधनवारो
1. Padasodhanavāro
(क) अनुलोमं
(Ka) anulomaṃ
२. (क) कायो कायसङ्खारो?
2. (Ka) kāyo kāyasaṅkhāro?
(ख) कायसङ्खारो कायो?
(Kha) kāyasaṅkhāro kāyo?
(क) वची वचीसङ्खारो?
(Ka) vacī vacīsaṅkhāro?
(ख) वचीसङ्खारो वची?
(Kha) vacīsaṅkhāro vacī?
(क) चित्तं चित्तसङ्खारो?
(Ka) cittaṃ cittasaṅkhāro?
(ख) चित्तसङ्खारो चित्तं?
(Kha) cittasaṅkhāro cittaṃ?
(ख) पच्चनीकं
(Kha) paccanīkaṃ
३. (क) न कायो न कायसङ्खारो?
3. (Ka) na kāyo na kāyasaṅkhāro?
(ख) न कायसङ्खारो न कायो?
(Kha) na kāyasaṅkhāro na kāyo?
(क) न वची न वचीसङ्खारो?
(Ka) na vacī na vacīsaṅkhāro?
(ख) न वचीसङ्खारो न वची?
(Kha) na vacīsaṅkhāro na vacī?
(क) न चित्तं न चित्तसङ्खारो?
(Ka) na cittaṃ na cittasaṅkhāro?
(ख) न चित्तसङ्खारो न चित्तं?
(Kha) na cittasaṅkhāro na cittaṃ?
२. पदसोधनमूलचक्कवारो
2. Padasodhanamūlacakkavāro
(क) अनुलोमं
(Ka) anulomaṃ
४. (क) कायो कायसङ्खारो?
4. (Ka) kāyo kāyasaṅkhāro?
(ख) सङ्खारा वचीसङ्खारो?
(Kha) saṅkhārā vacīsaṅkhāro?
(क) कायो कायसङ्खारो?
(Ka) kāyo kāyasaṅkhāro?
(ख) सङ्खारा चित्तसङ्खारो?
(Kha) saṅkhārā cittasaṅkhāro?
(क) वची वचीसङ्खारो?
(Ka) vacī vacīsaṅkhāro?
(ख) सङ्खारा कायसङ्खारो?
(Kha) saṅkhārā kāyasaṅkhāro?
(क) वची वचीसङ्खारो?
(Ka) vacī vacīsaṅkhāro?
(ख) सङ्खारा चित्तसङ्खारो?
(Kha) saṅkhārā cittasaṅkhāro?
(क) चित्तं चित्तसङ्खारो?
(Ka) cittaṃ cittasaṅkhāro?
(ख) सङ्खारा कायसङ्खारो?
(Kha) saṅkhārā kāyasaṅkhāro?
(क) चित्तं चित्तसङ्खारो?
(Ka) cittaṃ cittasaṅkhāro?
(ख) सङ्खारा वचीसङ्खारो?
(Kha) saṅkhārā vacīsaṅkhāro?
(ख) पच्चनीकं
(Kha) paccanīkaṃ
५. (क) न कायो न कायसङ्खारो?
5. (Ka) na kāyo na kāyasaṅkhāro?
(ख) न सङ्खारा न वचीसङ्खारो?
(Kha) na saṅkhārā na vacīsaṅkhāro?
(क) न कायो न कायसङ्खारो?
(Ka) na kāyo na kāyasaṅkhāro?
(ख) न सङ्खारा न चित्तसङ्खारो?
(Kha) na saṅkhārā na cittasaṅkhāro?
(क) न वची न वचीसङ्खारो?
(Ka) na vacī na vacīsaṅkhāro?
(ख) न सङ्खारा न कायसङ्खारो?
(Kha) na saṅkhārā na kāyasaṅkhāro?
(क) न वची न वचीसङ्खारो?
(Ka) na vacī na vacīsaṅkhāro?
(ख) न सङ्खारा न चित्तसङ्खारो?
(Kha) na saṅkhārā na cittasaṅkhāro?
(क) न चित्तं न चित्तसङ्खारो?
(Ka) na cittaṃ na cittasaṅkhāro?
(ख) न सङ्खारा न कायसङ्खारो?
(Kha) na saṅkhārā na kāyasaṅkhāro?
(क) न चित्तं न चित्तसङ्खारो?
(Ka) na cittaṃ na cittasaṅkhāro?
(ख) न सङ्खारा न वचीसङ्खारो?
(Kha) na saṅkhārā na vacīsaṅkhāro?
३. सुद्धसङ्खारवारो
3. Suddhasaṅkhāravāro
(क) अनुलोमं
(Ka) anulomaṃ
६. (क) कायसङ्खारो वचीसङ्खारो?
6. (Ka) kāyasaṅkhāro vacīsaṅkhāro?
(ख) वचीसङ्खारो कायसङ्खारो?
(Kha) vacīsaṅkhāro kāyasaṅkhāro?
(क) कायसङ्खारो चित्तसङ्खारो?
(Ka) kāyasaṅkhāro cittasaṅkhāro?
(ख) चित्तसङ्खारो कायसङ्खारो?
(Kha) cittasaṅkhāro kāyasaṅkhāro?
(क) वचीसङ्खारो चित्तसङ्खारो?
(Ka) vacīsaṅkhāro cittasaṅkhāro?
(ख) चित्तसङ्खारो वचीसङ्खारो?
(Kha) cittasaṅkhāro vacīsaṅkhāro?
(ख) पच्चनीकं
(Kha) paccanīkaṃ
७. (क) न कायसङ्खारो न वचीसङ्खारो?
7. (Ka) na kāyasaṅkhāro na vacīsaṅkhāro?
(ख) न वचीसङ्खारो न कायसङ्खारो?
(Kha) na vacīsaṅkhāro na kāyasaṅkhāro?
(क) न कायसङ्खारो न चित्तसङ्खारो?
(Ka) na kāyasaṅkhāro na cittasaṅkhāro?
(ख) न चित्तसङ्खारो न कायसङ्खारो?
(Kha) na cittasaṅkhāro na kāyasaṅkhāro?
(क) न वचीसङ्खारो न चित्तसङ्खारो?
(Ka) na vacīsaṅkhāro na cittasaṅkhāro?
(ख) न चित्तसङ्खारो न वचीसङ्खारो?
(Kha) na cittasaṅkhāro na vacīsaṅkhāro?
पण्णत्तिउद्देसवारो।
Paṇṇattiuddesavāro.
पण्णत्तिवारो।
Paṇṇattivāro.
(ख) निद्देसो
(Kha) niddeso
१. पदसोधनवारो
1. Padasodhanavāro
(क) अनुलोमं
(Ka) anulomaṃ
८. (क) कायो कायसङ्खारोति? नो।
8. (Ka) kāyo kāyasaṅkhāroti? No.
(ख) कायसङ्खारो कायोति? नो।
(Kha) kāyasaṅkhāro kāyoti? No.
(क) वची वचीसङ्खारोति? नो।
(Ka) vacī vacīsaṅkhāroti? No.
(ख) वचीसङ्खारो वचीति? नो।
(Kha) vacīsaṅkhāro vacīti? No.
(क) चित्तं चित्तसङ्खारोति? नो।
(Ka) cittaṃ cittasaṅkhāroti? No.
(ख) चित्तसङ्खारो चित्तन्ति? नो।
(Kha) cittasaṅkhāro cittanti? No.
(ख) पच्चनीकं
(Kha) paccanīkaṃ
९. (क) न कायो न कायसङ्खारोति?
9. (Ka) na kāyo na kāyasaṅkhāroti?
कायसङ्खारो न कायो, कायसङ्खारो। कायञ्च कायसङ्खारञ्च ठपेत्वा अवसेसा न चेव कायो न च कायसङ्खारो।
Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.
(ख) न कायसङ्खारो न कायोति?
(Kha) na kāyasaṅkhāro na kāyoti?
कायो न कायसङ्खारो, कायो। कायञ्च कायसङ्खारञ्च ठपेत्वा अवसेसा न चेव कायो न च कायसङ्खारो।
Kāyo na kāyasaṅkhāro, kāyo. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.
(क) न वची न वचीसङ्खारोति?
(Ka) na vacī na vacīsaṅkhāroti?
वचीसङ्खारो न वची, वचीसङ्खारो। वचिञ्च वचीसङ्खारञ्च ठपेत्वा अवसेसा न चेव वची न च वचीसङ्खारो।
Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.
(ख) न वचीसङ्खारो न वचीति?
(Kha) na vacīsaṅkhāro na vacīti?
वची न वचीसङ्खारो, वची। वचिञ्च वचीसङ्खारञ्च ठपेत्वा अवसेसा न चेव वची न च वचीसङ्खारो।
Vacī na vacīsaṅkhāro, vacī. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.
(क) न चित्तं न चित्तसङ्खारोति?
(Ka) na cittaṃ na cittasaṅkhāroti?
चित्तसङ्खारो न चित्तं, चित्तसङ्खारो। चित्तञ्च चित्तसङ्खारञ्च ठपेत्वा अवसेसा न चेव चित्तं न च चित्तसङ्खारो।
Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.
(ख) न चित्तसङ्खारो न चित्तन्ति?
(Kha) na cittasaṅkhāro na cittanti?
चित्तं न चित्तसङ्खारो, चित्तं। चित्तञ्च चित्तसङ्खारञ्च ठपेत्वा अवसेसा न चेव चित्तं न च चित्तसङ्खारो।
Cittaṃ na cittasaṅkhāro, cittaṃ. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.
२. पदसोधनमूलचक्कवारो
2. Padasodhanamūlacakkavāro
(क) अनुलोमं
(Ka) anulomaṃ
१०. (क) कायो कायसङ्खारोति? नो।
10. (Ka) kāyo kāyasaṅkhāroti? No.
(ख) सङ्खारा वचीसङ्खारोति?
(Kha) saṅkhārā vacīsaṅkhāroti?
वचीसङ्खारो सङ्खारो चेव वचीसङ्खारो च। अवसेसा सङ्खारा 1 न वचीसङ्खारो।
Vacīsaṅkhāro saṅkhāro ceva vacīsaṅkhāro ca. Avasesā saṅkhārā 2 na vacīsaṅkhāro.
(क) कायो कायसङ्खारोति? नो।
(Ka) kāyo kāyasaṅkhāroti? No.
(ख) सङ्खारा चित्तसङ्खारोति?
(Kha) saṅkhārā cittasaṅkhāroti?
चित्तसङ्खारो सङ्खारो चेव चित्तसङ्खारो च। अवसेसा सङ्खारा न चित्तसङ्खारो।
Cittasaṅkhāro saṅkhāro ceva cittasaṅkhāro ca. Avasesā saṅkhārā na cittasaṅkhāro.
११. (क) वची वचीसङ्खारोति? नो।
11. (Ka) vacī vacīsaṅkhāroti? No.
(ख) सङ्खारा कायसङ्खारोति?
(Kha) saṅkhārā kāyasaṅkhāroti?
कायसङ्खारो सङ्खारो चेव कायसङ्खारो च। अवसेसा सङ्खारा न कायसङ्खारो।
Kāyasaṅkhāro saṅkhāro ceva kāyasaṅkhāro ca. Avasesā saṅkhārā na kāyasaṅkhāro.
(क) वची वचीसङ्खारोति? नो।
(Ka) vacī vacīsaṅkhāroti? No.
(ख) सङ्खारा चित्तसङ्खारोति?
(Kha) saṅkhārā cittasaṅkhāroti?
चित्तसङ्खारो सङ्खारो चेव चित्तसङ्खारो च। अवसेसा सङ्खारा न चित्तसङ्खारो।
Cittasaṅkhāro saṅkhāro ceva cittasaṅkhāro ca. Avasesā saṅkhārā na cittasaṅkhāro.
१२. (क) चित्तं चित्तसङ्खारोति? नो।
12. (Ka) cittaṃ cittasaṅkhāroti? No.
(ख) सङ्खारा कायसङ्खारोति?
(Kha) saṅkhārā kāyasaṅkhāroti?
कायसङ्खारो सङ्खारो चेव कायसङ्खारो च। अवसेसा सङ्खारा न कायसङ्खारो।
Kāyasaṅkhāro saṅkhāro ceva kāyasaṅkhāro ca. Avasesā saṅkhārā na kāyasaṅkhāro.
(क) चित्तं चित्तसङ्खारोति? नो।
(Ka) cittaṃ cittasaṅkhāroti? No.
(ख) सङ्खारा वचीसङ्खारोति?
(Kha) saṅkhārā vacīsaṅkhāroti?
वचीसङ्खारो सङ्खारो चेव वचीसङ्खारो च। अवसेसा सङ्खारा न वचीसङ्खारो।
Vacīsaṅkhāro saṅkhāro ceva vacīsaṅkhāro ca. Avasesā saṅkhārā na vacīsaṅkhāro.
(ख) पच्चनीकं
(Kha) paccanīkaṃ
१३. (क) न कायो न कायसङ्खारोति?
13. (Ka) na kāyo na kāyasaṅkhāroti?
कायसङ्खारो न कायो, कायसङ्खारो। कायञ्च कायसङ्खारञ्च ठपेत्वा अवसेसा न चेव कायो न च कायसङ्खारो।
Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.
(ख) न सङ्खारा न वचीसङ्खारोति? आमन्ता।
(Kha) na saṅkhārā na vacīsaṅkhāroti? Āmantā.
(क) न कायो न कायसङ्खारोति?
(Ka) na kāyo na kāyasaṅkhāroti?
कायसङ्खारो न कायो, कायसङ्खारो। कायञ्च कायसङ्खारञ्च ठपेत्वा अवसेसा न चेव कायो न च कायसङ्खारो।
Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.
(ख) न सङ्खारा न चित्तसङ्खारोति? आमन्ता।
(Kha) na saṅkhārā na cittasaṅkhāroti? Āmantā.
१४. (क) न वची न वचीसङ्खारोति?
14. (Ka) na vacī na vacīsaṅkhāroti?
वचीसङ्खारो न वची, वचीसङ्खारो। वचिञ्च वचीसङ्खारञ्च ठपेत्वा अवसेसा न चेव वची न च वचीसङ्खारो।
Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.
(ख) न सङ्खारा न कायसङ्खारोति? आमन्ता।
(Kha) na saṅkhārā na kāyasaṅkhāroti? Āmantā.
(क) न वची न वचीसङ्खारोति?
(Ka) na vacī na vacīsaṅkhāroti?
वचीसङ्खारो न वची, वचीसङ्खारो। वचिञ्च वचीसङ्खारञ्च ठपेत्वा अवसेसा न चेव वची न च वचीसङ्खारो।
Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.
(ख) न सङ्खारा न चित्तसङ्खारोति? आमन्ता।
(Kha) na saṅkhārā na cittasaṅkhāroti? Āmantā.
१५. (क) न चित्तं न चित्तसङ्खारोति?
15. (Ka) na cittaṃ na cittasaṅkhāroti?
चित्तसङ्खारो न चित्तं, चित्तसङ्खारो। चित्तञ्च चित्तसङ्खारञ्च ठपेत्वा अवसेसा न चेव चित्तं न च चित्तसङ्खारो।
Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.
(ख) न सङ्खारा न कायसङ्खारोति? आमन्ता।
(Kha) na saṅkhārā na kāyasaṅkhāroti? Āmantā.
(क) न चित्तं न चित्तसङ्खारोति?
(Ka) na cittaṃ na cittasaṅkhāroti?
चित्तसङ्खारो न चित्तं, चित्तसङ्खारो। चित्तञ्च चित्तसङ्खारञ्च ठपेत्वा अवसेसा न चेव चित्तं न च चित्तसङ्खारो।
Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.
(ख) न सङ्खारा न वचीसङ्खारोति? आमन्ता।
(Kha) na saṅkhārā na vacīsaṅkhāroti? Āmantā.
३. सुद्धसङ्खारवारो
3. Suddhasaṅkhāravāro
(क) अनुलोमं
(Ka) anulomaṃ
१६. (क) कायसङ्खारो वचीसङ्खारोति? नो।
16. (Ka) kāyasaṅkhāro vacīsaṅkhāroti? No.
(ख) वचीसङ्खारो कायसङ्खारोति? नो।
(Kha) vacīsaṅkhāro kāyasaṅkhāroti? No.
(क) कायसङ्खारो चित्तसङ्खारोति? नो।
(Ka) kāyasaṅkhāro cittasaṅkhāroti? No.
(ख) चित्तसङ्खारो कायसङ्खारोति? नो।
(Kha) cittasaṅkhāro kāyasaṅkhāroti? No.
(क) वचीसङ्खारो चित्तसङ्खारोति? नो।
(Ka) vacīsaṅkhāro cittasaṅkhāroti? No.
(ख) चित्तसङ्खारो वचीसङ्खारोति? नो।
(Kha) cittasaṅkhāro vacīsaṅkhāroti? No.
(ख) पच्चनीकं
(Kha) paccanīkaṃ
१७. (क) न कायसङ्खारो न वचीसङ्खारोति?
17. (Ka) na kāyasaṅkhāro na vacīsaṅkhāroti?
वचीसङ्खारो न कायसङ्खारो, वचीसङ्खारो। कायसङ्खारञ्च वचीसङ्खारञ्च ठपेत्वा अवसेसा न चेव कायसङ्खारो न च वचीसङ्खारो।
Vacīsaṅkhāro na kāyasaṅkhāro, vacīsaṅkhāro. Kāyasaṅkhārañca vacīsaṅkhārañca ṭhapetvā avasesā na ceva kāyasaṅkhāro na ca vacīsaṅkhāro.
(ख) न वचीसङ्खारो न कायसङ्खारोति?
(Kha) na vacīsaṅkhāro na kāyasaṅkhāroti?
कायसङ्खारो न वचीसङ्खारो, कायसङ्खारो। वचीसङ्खारञ्च कायसङ्खारञ्च ठपेत्वा अवसेसा न चेव वचीसङ्खारो न च कायसङ्खारो।
Kāyasaṅkhāro na vacīsaṅkhāro, kāyasaṅkhāro. Vacīsaṅkhārañca kāyasaṅkhārañca ṭhapetvā avasesā na ceva vacīsaṅkhāro na ca kāyasaṅkhāro.
(क) न कायसङ्खारो न चित्तसङ्खारोति?
(Ka) na kāyasaṅkhāro na cittasaṅkhāroti?
चित्तसङ्खारो न कायसङ्खारो, चित्तसङ्खारो। कायसङ्खारञ्च चित्तसङ्खारञ्च ठपेत्वा अवसेसा न चेव कायसङ्खारो न च चित्तसङ्खारो।
Cittasaṅkhāro na kāyasaṅkhāro, cittasaṅkhāro. Kāyasaṅkhārañca cittasaṅkhārañca ṭhapetvā avasesā na ceva kāyasaṅkhāro na ca cittasaṅkhāro.
(ख) न चित्तसङ्खारो न कायसङ्खारोति?
(Kha) na cittasaṅkhāro na kāyasaṅkhāroti?
कायसङ्खारो न चित्तसङ्खारो, कायसङ्खारो। चित्तसङ्खारञ्च कायसङ्खारञ्च ठपेत्वा अवसेसा न चेव चित्तसङ्खारो न च कायसङ्खारो।
Kāyasaṅkhāro na cittasaṅkhāro, kāyasaṅkhāro. Cittasaṅkhārañca kāyasaṅkhārañca ṭhapetvā avasesā na ceva cittasaṅkhāro na ca kāyasaṅkhāro.
१८. (क) न वचीसङ्खारो न चित्तसङ्खारोति?
18. (Ka) na vacīsaṅkhāro na cittasaṅkhāroti?
चित्तसङ्खारो न वचीसङ्खारो, चित्तसङ्खारो। वचीसङ्खारञ्च चित्तसङ्खारञ्च ठपेत्वा अवसेसा न चेव वचीसङ्खारो न च चित्तसङ्खारो।
Cittasaṅkhāro na vacīsaṅkhāro, cittasaṅkhāro. Vacīsaṅkhārañca cittasaṅkhārañca ṭhapetvā avasesā na ceva vacīsaṅkhāro na ca cittasaṅkhāro.
(ख) न चित्तसङ्खारो न वचीसङ्खारोति?
(Kha) na cittasaṅkhāro na vacīsaṅkhāroti?
वचीसङ्खारो न चित्तसङ्खारो, वचीसङ्खारो। चित्तसङ्खारञ्च वचीसङ्खारञ्च ठपेत्वा अवसेसा न चेव चित्तसङ्खारो न च वचीसङ्खारो।
Vacīsaṅkhāro na cittasaṅkhāro, vacīsaṅkhāro. Cittasaṅkhārañca vacīsaṅkhārañca ṭhapetvā avasesā na ceva cittasaṅkhāro na ca vacīsaṅkhāro.
पण्णत्तिनिद्देसवारो।
Paṇṇattiniddesavāro.
२. पवत्तिवारो १. उप्पादवारो
2. Pavattivāro 1. uppādavāro
(१) पच्चुप्पन्नवारो
(1) Paccuppannavāro
(क) अनुलोमपुग्गलो
(Ka) anulomapuggalo
१९. (क) यस्स कायसङ्खारो उप्पज्जति तस्स वचीसङ्खारो उप्पज्जतीति?
19. (Ka) yassa kāyasaṅkhāro uppajjati tassa vacīsaṅkhāro uppajjatīti?
विना वितक्कविचारेहि अस्सासपस्सासानं उप्पादक्खणे तेसं कायसङ्खारो उप्पज्जति, नो च तेसं वचीसङ्खारो उप्पज्जति। पठमज्झानं समापन्नानं कामावचरानं अस्सासपस्सासानं उप्पादक्खणे तेसं कायसङ्खारो च उप्पज्जति वचीसङ्खारो च उप्पज्जति।
Vinā vitakkavicārehi assāsapassāsānaṃ uppādakkhaṇe tesaṃ kāyasaṅkhāro uppajjati, no ca tesaṃ vacīsaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ kāyasaṅkhāro ca uppajjati vacīsaṅkhāro ca uppajjati.
(ख) यस्स वा पन वचीसङ्खारो उप्पज्जति तस्स कायसङ्खारो उप्पज्जतीति?
(Kha) yassa vā pana vacīsaṅkhāro uppajjati tassa kāyasaṅkhāro uppajjatīti?
विना अस्सासपस्सासेहि वितक्कविचारानं उप्पादक्खणे तेसं वचीसङ्खारो उप्पज्जति, नो च तेसं कायसङ्खारो उप्पज्जति। पठमज्झानं समापन्नानं कामावचरानं अस्सासपस्सासानं उप्पादक्खणे तेसं वचीसङ्खारो च उप्पज्जति कायसङ्खारो च उप्पज्जति।
Vinā assāsapassāsehi vitakkavicārānaṃ uppādakkhaṇe tesaṃ vacīsaṅkhāro uppajjati, no ca tesaṃ kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ vacīsaṅkhāro ca uppajjati kāyasaṅkhāro ca uppajjati.
(क) यस्स कायसङ्खारो उप्पज्जति तस्स चित्तसङ्खारो उप्पज्जतीति? आमन्ता।
(Ka) yassa kāyasaṅkhāro uppajjati tassa cittasaṅkhāro uppajjatīti? Āmantā.
(ख) यस्स वा पन चित्तसङ्खारो उप्पज्जति तस्स कायसङ्खारो उप्पज्जतीति?
(Kha) yassa vā pana cittasaṅkhāro uppajjati tassa kāyasaṅkhāro uppajjatīti?
विना अस्सासपस्सासेहि चित्तस्स उप्पादक्खणे तेसं चित्तसङ्खारो उप्पज्जति, नो च तेसं कायसङ्खारो उप्पज्जति। अस्सासपस्सासानं उप्पादक्खणे तेसं चित्तसङ्खारो च उप्पज्जति कायसङ्खारो च उप्पज्जति।
Vinā assāsapassāsehi cittassa uppādakkhaṇe tesaṃ cittasaṅkhāro uppajjati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjati kāyasaṅkhāro ca uppajjati.
२०. (क) यस्स वचीसङ्खारो उप्पज्जति तस्स चित्तसङ्खारो उप्पज्जतीति? आमन्ता।
20. (Ka) yassa vacīsaṅkhāro uppajjati tassa cittasaṅkhāro uppajjatīti? Āmantā.
(ख) यस्स वा पन चित्तसङ्खारो उप्पज्जति तस्स वचीसङ्खारो उप्पज्जतीति?
(Kha) yassa vā pana cittasaṅkhāro uppajjati tassa vacīsaṅkhāro uppajjatīti?
विना वितक्कविचारेहि चित्तस्स उप्पादक्खणे तेसं चित्तसङ्खारो उप्पज्जति, नो च तेसं वचीसङ्खारो उप्पज्जति। वितक्कविचारानं उप्पादक्खणे तेसं चित्तसङ्खारो च उप्पज्जति वचीसङ्खारो च उप्पज्जति।
Vinā vitakkavicārehi cittassa uppādakkhaṇe tesaṃ cittasaṅkhāro uppajjati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjati vacīsaṅkhāro ca uppajjati.
(ख) अनुलोमओकासो
(Kha) anulomaokāso
२१. (क) यत्थ कायसङ्खारो उप्पज्जति तत्थ वचीसङ्खारो उप्पज्जतीति?
21. (Ka) yattha kāyasaṅkhāro uppajjati tattha vacīsaṅkhāro uppajjatīti?
दुतियज्झाने ततियज्झाने तत्थ कायसङ्खारो उप्पज्जति, नो च तत्थ वचीसङ्खारो उप्पज्जति। पठमज्झाने कामावचरे तत्थ कायसङ्खारो च उप्पज्जति वचीसङ्खारो च उप्पज्जति।
Dutiyajjhāne tatiyajjhāne tattha kāyasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare tattha kāyasaṅkhāro ca uppajjati vacīsaṅkhāro ca uppajjati.
(ख) यत्थ वा पन वचीसङ्खारो उप्पज्जति तत्थ कायसङ्खारो उप्पज्जतीति?
(Kha) yattha vā pana vacīsaṅkhāro uppajjati tattha kāyasaṅkhāro uppajjatīti?
रूपावचरे अरूपावचरे तत्थ वचीसङ्खारो उप्पज्जति, नो च तत्थ कायसङ्खारो उप्पज्जति। पठमज्झाने कामावचरे तत्थ वचीसङ्खारो च उप्पज्जति कायसङ्खारो च उप्पज्जति।
Rūpāvacare arūpāvacare tattha vacīsaṅkhāro uppajjati, no ca tattha kāyasaṅkhāro uppajjati. Paṭhamajjhāne kāmāvacare tattha vacīsaṅkhāro ca uppajjati kāyasaṅkhāro ca uppajjati.
(क) यत्थ कायसङ्खारो उप्पज्जति तत्थ चित्तसङ्खारो उप्पज्जतीति? आमन्ता।
(Ka) yattha kāyasaṅkhāro uppajjati tattha cittasaṅkhāro uppajjatīti? Āmantā.
(ख) यत्थ वा पन चित्तसङ्खारो उप्पज्जति तत्थ कायसङ्खारो उप्पज्जतीति?
(Kha) yattha vā pana cittasaṅkhāro uppajjati tattha kāyasaṅkhāro uppajjatīti?
चतुत्थज्झाने रूपावचरे अरूपावचरे तत्थ चित्तसङ्खारो उप्पज्जति, नो च तत्थ कायसङ्खारो उप्पज्जति। पठमज्झाने दुतियज्झाने ततियज्झाने कामावचरे तत्थ चित्तसङ्खारो च उप्पज्जति कायसङ्खारो च उप्पज्जति।
Catutthajjhāne rūpāvacare arūpāvacare tattha cittasaṅkhāro uppajjati, no ca tattha kāyasaṅkhāro uppajjati. Paṭhamajjhāne dutiyajjhāne tatiyajjhāne kāmāvacare tattha cittasaṅkhāro ca uppajjati kāyasaṅkhāro ca uppajjati.
२२. (क) यत्थ वचीसङ्खारो उप्पज्जति तत्थ चित्तसङ्खारो उप्पज्जतीति? आमन्ता।
22. (Ka) yattha vacīsaṅkhāro uppajjati tattha cittasaṅkhāro uppajjatīti? Āmantā.
(ख) यत्थ वा पन चित्तसङ्खारो उप्पज्जति तत्थ वचीसङ्खारो उप्पज्जतीति?
(Kha) yattha vā pana cittasaṅkhāro uppajjati tattha vacīsaṅkhāro uppajjatīti?
दुतियज्झाने ततियज्झाने चतुत्थज्झाने तत्थ चित्तसङ्खारो उप्पज्जति, नो च तत्थ वचीसङ्खारो उप्पज्जति। पठमज्झाने कामावचरे रूपावचरे अरूपावचरे तत्थ चित्तसङ्खारो च उप्पज्जति वचीसङ्खारो च उप्पज्जति।
Dutiyajjhāne tatiyajjhāne catutthajjhāne tattha cittasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare rūpāvacare arūpāvacare tattha cittasaṅkhāro ca uppajjati vacīsaṅkhāro ca uppajjati.
(ग) अनुलोमपुग्गलोकासा
(Ga) anulomapuggalokāsā
२३. यस्स यत्थ कायसङ्खारो उप्पज्जति…पे॰…।
23. Yassa yattha kāyasaṅkhāro uppajjati…pe….
(यस्सकम्पि यस्सयत्थकम्पि सदिसं।)
(Yassakampi yassayatthakampi sadisaṃ.)
(घ) पच्चनीकपुग्गलो
(Gha) paccanīkapuggalo
२४. (क) यस्स कायसङ्खारो नुप्पज्जति तस्स वचीसङ्खारो नुप्पज्जतीति?
24. (Ka) yassa kāyasaṅkhāro nuppajjati tassa vacīsaṅkhāro nuppajjatīti?
विना अस्सासपस्सासेहि वितक्कविचारानं उप्पादक्खणे तेसं कायसङ्खारो नुप्पज्जति, नो च तेसं वचीसङ्खारो नुप्पज्जति। सब्बेसं चित्तस्स भङ्गक्खणे विना अस्सासपस्सासेहि अवितक्कअविचारचित्तस्स उप्पादक्खणे निरोधसमापन्नानं असञ्ञसत्तानं तेसं कायसङ्खारो च नुप्पज्जति वचीसङ्खारो च नुप्पज्जति।
Vinā assāsapassāsehi vitakkavicārānaṃ uppādakkhaṇe tesaṃ kāyasaṅkhāro nuppajjati, no ca tesaṃ vacīsaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati vacīsaṅkhāro ca nuppajjati.
(ख) यस्स वा पन वचीसङ्खारो नुप्पज्जति तस्स कायसङ्खारो नुप्पज्जतीति?
(Kha) yassa vā pana vacīsaṅkhāro nuppajjati tassa kāyasaṅkhāro nuppajjatīti?
विना वितक्कविचारेहि अस्सासपस्सासानं उप्पादक्खणे तेसं वचीसङ्खारो नुप्पज्जति, नो च तेसं कायसङ्खारो नुप्पज्जति। सब्बेसं चित्तस्स भङ्गक्खणे विना अस्सासपस्सासेहि अवितक्कअविचारचित्तस्स उप्पादक्खणे निरोधसमापन्नानं असञ्ञसत्तानं तेसं वचीसङ्खारो च नुप्पज्जति कायसङ्खारो च नुप्पज्जति।
Vinā vitakkavicārehi assāsapassāsānaṃ uppādakkhaṇe tesaṃ vacīsaṅkhāro nuppajjati, no ca tesaṃ kāyasaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati kāyasaṅkhāro ca nuppajjati.
(क) यस्स कायसङ्खारो नुप्पज्जति तस्स चित्तसङ्खारो नुप्पज्जतीति?
(Ka) yassa kāyasaṅkhāro nuppajjati tassa cittasaṅkhāro nuppajjatīti?
विना अस्सासपस्सासेहि चित्तस्स उप्पादक्खणे तेसं कायसङ्खारो नुप्पज्जति, नो च तेसं चित्तसङ्खारो नुप्पज्जति। सब्बेसं चित्तस्स भङ्गक्खणे निरोधसमापन्नानं असञ्ञसत्तानं तेसं कायसङ्खारो च नुप्पज्जति चित्तसङ्खारो च नुप्पज्जति।
Vinā assāsapassāsehi cittassa uppādakkhaṇe tesaṃ kāyasaṅkhāro nuppajjati, no ca tesaṃ cittasaṅkhāro nuppajjati. Sabbesaṃ cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati cittasaṅkhāro ca nuppajjati.
(ख) यस्स वा पन चित्तसङ्खारो नुप्पज्जति तस्स कायसङ्खारो नुप्पज्जतीति? आमन्ता।
(Kha) yassa vā pana cittasaṅkhāro nuppajjati tassa kāyasaṅkhāro nuppajjatīti? Āmantā.
२५. (क) यस्स वचीसङ्खारो नुप्पज्जति तस्स चित्तसङ्खारो नुप्पज्जतीति?
25. (Ka) yassa vacīsaṅkhāro nuppajjati tassa cittasaṅkhāro nuppajjatīti?
विना वितक्कविचारेहि चित्तस्स उप्पादक्खणे तेसं वचीसङ्खारो नुप्पज्जति, नो च तेसं चित्तसङ्खारो नुप्पज्जति। सब्बेसं चित्तस्स भङ्गक्खणे निरोधसमापन्नानं असञ्ञसत्तानं तेसं वचीसङ्खारो च नुप्पज्जति चित्तसङ्खारो च नुप्पज्जति।
Vinā vitakkavicārehi cittassa uppādakkhaṇe tesaṃ vacīsaṅkhāro nuppajjati, no ca tesaṃ cittasaṅkhāro nuppajjati. Sabbesaṃ cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati cittasaṅkhāro ca nuppajjati.
(ख) यस्स वा पन चित्तसङ्खारो नुप्पज्जति तस्स वचीसङ्खारो नुप्पज्जतीति? आमन्ता।
(Kha) yassa vā pana cittasaṅkhāro nuppajjati tassa vacīsaṅkhāro nuppajjatīti? Āmantā.
(ङ) पच्चनीकओकासो
(Ṅa) paccanīkaokāso
२६. (क) यत्थ कायसङ्खारो नुप्पज्जति तत्थ वचीसङ्खारो नुप्पज्जतीति?
26. (Ka) yattha kāyasaṅkhāro nuppajjati tattha vacīsaṅkhāro nuppajjatīti?
रूपावचरे अरूपावचरे तत्थ कायसङ्खारो नुप्पज्जति, नो च तत्थ वचीसङ्खारो नुप्पज्जति। चतुत्थज्झाने असञ्ञसत्ते तत्थ कायसङ्खारो च नुप्पज्जति वचीसङ्खारो च नुप्पज्जति।
Rūpāvacare arūpāvacare tattha kāyasaṅkhāro nuppajjati, no ca tattha vacīsaṅkhāro nuppajjati. Catutthajjhāne asaññasatte tattha kāyasaṅkhāro ca nuppajjati vacīsaṅkhāro ca nuppajjati.
(ख) यत्थ वा पन वचीसङ्खारो नुप्पज्जति तत्थ कायसङ्खारो नुप्पज्जतीति?
(Kha) yattha vā pana vacīsaṅkhāro nuppajjati tattha kāyasaṅkhāro nuppajjatīti?
दुतियज्झाने ततियज्झाने तत्थ वचीसङ्खारो नुप्पज्जति, नो च तत्थ कायसङ्खारो नुप्पज्जति। चतुत्थज्झाने असञ्ञसत्ते तत्थ वचीसङ्खारो च नुप्पज्जति कायसङ्खारो च नुप्पज्जति।
Dutiyajjhāne tatiyajjhāne tattha vacīsaṅkhāro nuppajjati, no ca tattha kāyasaṅkhāro nuppajjati. Catutthajjhāne asaññasatte tattha vacīsaṅkhāro ca nuppajjati kāyasaṅkhāro ca nuppajjati.
(क) यत्थ कायसङ्खारो नुप्पज्जति तत्थ चित्तसङ्खारो नुप्पज्जतीति?
(Ka) yattha kāyasaṅkhāro nuppajjati tattha cittasaṅkhāro nuppajjatīti?
चतुत्थज्झाने रूपावचरे अरूपावचरे तत्थ कायसङ्खारो नुप्पज्जति, नो च तत्थ चित्तसङ्खारो नुप्पज्जति। असञ्ञसत्ते तत्थ कायसङ्खारो च नुप्पज्जति चित्तसङ्खारो च नुप्पज्जति।
Catutthajjhāne rūpāvacare arūpāvacare tattha kāyasaṅkhāro nuppajjati, no ca tattha cittasaṅkhāro nuppajjati. Asaññasatte tattha kāyasaṅkhāro ca nuppajjati cittasaṅkhāro ca nuppajjati.
(ख) यत्थ वा पन…पे॰…? आमन्ता।
(Kha) yattha vā pana…pe…? Āmantā.
२७. (क) यत्थ वचीसङ्खारो नुप्पज्जति तत्थ चित्तसङ्खारो नुप्पज्जतीति?
27. (Ka) yattha vacīsaṅkhāro nuppajjati tattha cittasaṅkhāro nuppajjatīti?
दुतियज्झाने ततियज्झाने चतुत्थज्झाने तत्थ वचीसङ्खारो नुप्पज्जति, नो च तत्थ चित्तसङ्खारो नुप्पज्जति। असञ्ञसत्ते तत्थ वचीसङ्खारो च नुप्पज्जति चित्तसङ्खारो च नुप्पज्जति।
Dutiyajjhāne tatiyajjhāne catutthajjhāne tattha vacīsaṅkhāro nuppajjati, no ca tattha cittasaṅkhāro nuppajjati. Asaññasatte tattha vacīsaṅkhāro ca nuppajjati cittasaṅkhāro ca nuppajjati.
(ख) यत्थ वा पन…पे॰…? आमन्ता।
(Kha) yattha vā pana…pe…? Āmantā.
(च) पच्चनीकपुग्गलोकासा
(Ca) paccanīkapuggalokāsā
२८. (क) यस्स यत्थ कायसङ्खारो नुप्पज्जति तस्स तत्थ वचीसङ्खारो नुप्पज्जतीति?
28. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjatīti?
विना अस्सासपस्सासेहि वितक्कविचारानं उप्पादक्खणे तेसं तत्थ कायसङ्खारो नुप्पज्जति, नो च तेसं तत्थ वचीसङ्खारो नुप्पज्जति। सब्बेसं चित्तस्स भङ्गक्खणे विना अस्सासपस्सासेहि अवितक्कअविचारचित्तस्स उप्पादक्खणे असञ्ञसत्तानं तेसं तत्थ कायसङ्खारो च नुप्पज्जति वचीसङ्खारो च नुप्पज्जति।
Vinā assāsapassāsehi vitakkavicārānaṃ uppādakkhaṇe tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjati.
(ख) यस्स वा पन यत्थ…पे॰…? आमन्ता।
(Kha) yassa vā pana yattha…pe…? Āmantā.
(यस्सकम्पि यस्सयत्थकम्पि सदिसं वित्थारेतब्बं, यस्सयत्थके निरोधसमापन्नानन्ति न लब्भति।)
(Yassakampi yassayatthakampi sadisaṃ vitthāretabbaṃ, yassayatthake nirodhasamāpannānanti na labbhati.)
(२) अतीतवारो
(2) Atītavāro
(क) अनुलोमपुग्गलो
(Ka) anulomapuggalo
२९. (क) यस्स कायसङ्खारो उप्पज्जित्थ तस्स वचीसङ्खारो उप्पज्जित्थाति? आमन्ता।
29. (Ka) yassa kāyasaṅkhāro uppajjittha tassa vacīsaṅkhāro uppajjitthāti? Āmantā.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(क) यस्स कायसङ्खारो उप्पज्जित्थ तस्स चित्तसङ्खारो उप्पज्जित्थाति? आमन्ता।
(Ka) yassa kāyasaṅkhāro uppajjittha tassa cittasaṅkhāro uppajjitthāti? Āmantā.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
३०. (क) यस्स वचीसङ्खारो उप्पज्जित्थ तस्स चित्तसङ्खारो उप्पज्जित्थाति? आमन्ता।
30. (Ka) yassa vacīsaṅkhāro uppajjittha tassa cittasaṅkhāro uppajjitthāti? Āmantā.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(ख) अनुलोमओकासो
(Kha) anulomaokāso
३१. यत्थ कायसङ्खारो उप्पज्जित्थ…पे॰…
31. Yattha kāyasaṅkhāro uppajjittha…pe…
(यत्थकम्पि सब्बत्थ एकसदिसं)।
(Yatthakampi sabbattha ekasadisaṃ).
(ग) अनुलोमपुग्गलोकासा
(Ga) anulomapuggalokāsā
३२. (क) यस्स यत्थ कायसङ्खारो उप्पज्जित्थ तस्स तत्थ वचीसङ्खारो उप्पज्जित्थाति?
32. (Ka) yassa yattha kāyasaṅkhāro uppajjittha tassa tattha vacīsaṅkhāro uppajjitthāti?
दुतियज्झानं ततियज्झानं समापन्नानं तेसं तत्थ कायसङ्खारो उप्पज्जित्थ, नो च तेसं तत्थ वचीसङ्खारो उप्पज्जित्थ। पठमज्झानं समापन्नानं कामावचरानं तेसं तत्थ कायसङ्खारो च उप्पज्जित्थ वचीसङ्खारो च उप्पज्जित्थ।
Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjittha, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjittha vacīsaṅkhāro ca uppajjittha.
(ख) यस्स वा पन यत्थ वचीसङ्खारो उप्पज्जित्थ तस्स तत्थ कायसङ्खारो उप्पज्जित्थाति?
(Kha) yassa vā pana yattha vacīsaṅkhāro uppajjittha tassa tattha kāyasaṅkhāro uppajjitthāti?
रूपावचरानं अरूपावचरानं तेसं तत्थ वचीसङ्खारो उप्पज्जित्थ, नो च तेसं तत्थ कायसङ्खारो उप्पज्जित्थ। पठमज्झानं समापन्नानं कामावचरानं तेसं तत्थ वचीसङ्खारो च उप्पज्जित्थ कायसङ्खारो च उप्पज्जित्थ।
Rūpāvacarānaṃ arūpāvacarānaṃ tesaṃ tattha vacīsaṅkhāro uppajjittha, no ca tesaṃ tattha kāyasaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca uppajjittha kāyasaṅkhāro ca uppajjittha.
(क) यस्स यत्थ कायसङ्खारो उप्पज्जित्थ तस्स तत्थ चित्तसङ्खारो उप्पज्जित्थाति? आमन्ता।
(Ka) yassa yattha kāyasaṅkhāro uppajjittha tassa tattha cittasaṅkhāro uppajjitthāti? Āmantā.
(ख) यस्स वा पन यत्थ चित्तसङ्खारो उप्पज्जित्थ तस्स तत्थ कायसङ्खारो उप्पज्जित्थाति?
(Kha) yassa vā pana yattha cittasaṅkhāro uppajjittha tassa tattha kāyasaṅkhāro uppajjitthāti?
चतुत्थज्झानं समापन्नानं रूपावचरानं अरूपावचरानं तेसं तत्थ चित्तसङ्खारो उप्पज्जित्थ, नो च तेसं तत्थ कायसङ्खारो उप्पज्जित्थ। पठमज्झानं दुतियज्झानं ततियज्झानं समापन्नानं कामावचरानं तेसं तत्थ चित्तसङ्खारो च उप्पज्जित्थ कायसङ्खारो च उप्पज्जित्थ।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjittha, no ca tesaṃ tattha kāyasaṅkhāro uppajjittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca uppajjittha kāyasaṅkhāro ca uppajjittha.
३३. (क) यस्स यत्थ वचीसङ्खारो उप्पज्जित्थ तस्स तत्थ चित्तसङ्खारो उप्पज्जित्थाति? आमन्ता।
33. (Ka) yassa yattha vacīsaṅkhāro uppajjittha tassa tattha cittasaṅkhāro uppajjitthāti? Āmantā.
(ख) यस्स वा पन यत्थ चित्तसङ्खारो उप्पज्जित्थ तस्स तत्थ वचीसङ्खारो उप्पज्जित्थाति?
(Kha) yassa vā pana yattha cittasaṅkhāro uppajjittha tassa tattha vacīsaṅkhāro uppajjitthāti?
दुतियज्झानं ततियज्झानं चतुत्थज्झानं समापन्नानं सुद्धावासानं दुतिये चित्ते वत्तमाने तेसं तत्थ चित्तसङ्खारो उप्पज्जित्थ, नो च तेसं तत्थ वचीसङ्खारो उप्पज्जित्थ। पठमज्झानं समापन्नानं कामावचरानं इतरेसं रूपावचरानं अरूपावचरानं तेसं तत्थ चित्तसङ्खारो च उप्पज्जित्थ वचीसङ्खारो च उप्पज्जित्थ।
Dutiyajjhānaṃ tatiyajjhānaṃ catutthajjhānaṃ samāpannānaṃ suddhāvāsānaṃ dutiye citte vattamāne tesaṃ tattha cittasaṅkhāro uppajjittha, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca uppajjittha vacīsaṅkhāro ca uppajjittha.
(घ) पच्चनीकपुग्गलो
(Gha) paccanīkapuggalo
३४. (क) यस्स कायसङ्खारो नुप्पज्जित्थ तस्स वचीसङ्खारो नुप्पज्जित्थाति? नत्थि।
34. (Ka) yassa kāyasaṅkhāro nuppajjittha tassa vacīsaṅkhāro nuppajjitthāti? Natthi.
(ख) यस्स वा पन वचीसङ्खारो नुप्पज्जित्थ तस्स कायसङ्खारो नुप्पज्जित्थाति? नत्थि।
(Kha) yassa vā pana vacīsaṅkhāro nuppajjittha tassa kāyasaṅkhāro nuppajjitthāti? Natthi.
(क) यस्स कायसङ्खारो नुप्पज्जित्थ तस्स चित्तसङ्खारो नुप्पज्जित्थाति? नत्थि।
(Ka) yassa kāyasaṅkhāro nuppajjittha tassa cittasaṅkhāro nuppajjitthāti? Natthi.
(ख) यस्स वा पन…पे॰…? नत्थि।
(Kha) yassa vā pana…pe…? Natthi.
३५. (क) यस्स वचीसङ्खारो नुप्पज्जित्थ तस्स चित्तसङ्खारो नुप्पज्जित्थाति? नत्थि।
35. (Ka) yassa vacīsaṅkhāro nuppajjittha tassa cittasaṅkhāro nuppajjitthāti? Natthi.
(ख) यस्स वा पन…पे॰…? नत्थि।
(Kha) yassa vā pana…pe…? Natthi.
(ङ) पच्चनीकओकासो
(Ṅa) paccanīkaokāso
३६. यत्थ कायसङ्खारो नुप्पज्जित्थ…पे॰…।
36. Yattha kāyasaṅkhāro nuppajjittha…pe….
(च) पच्चनीकपुग्गलोकासा
(Ca) paccanīkapuggalokāsā
३७. (क) यस्स यत्थ कायसङ्खारो नुप्पज्जित्थ तस्स तत्थ वचीसङ्खारो नुप्पज्जित्थाति?
37. (Ka) yassa yattha kāyasaṅkhāro nuppajjittha tassa tattha vacīsaṅkhāro nuppajjitthāti?
रूपावचरानं अरूपावचरानं तेसं तत्थ कायसङ्खारो नुप्पज्जित्थ, नो च तेसं तत्थ वचीसङ्खारो नुप्पज्जित्थ। चतुत्थज्झानं समापन्नानं सुद्धावासानं दुतिये चित्ते वत्तमाने असञ्ञसत्तानं तेसं तत्थ कायसङ्खारो च नुप्पज्जित्थ वचीसङ्खारो च नुप्पज्जित्थ।
Rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha vacīsaṅkhāro nuppajjittha. Catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca nuppajjittha vacīsaṅkhāro ca nuppajjittha.
(ख) यस्स वा पन यत्थ वचीसङ्खारो नुप्पज्जित्थ तस्स तत्थ कायसङ्खारो नुप्पज्जित्थाति?
(Kha) yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjitthāti?
दुतियज्झानं ततियज्झानं समापन्नानं तेसं तत्थ वचीसङ्खारो नुप्पज्जित्थ, नो च तेसं तत्थ कायसङ्खारो नुप्पज्जित्थ। चतुत्थज्झानं समापन्नानं सुद्धावासानं दुतिये चित्ते वत्तमाने असञ्ञसत्तानं तेसं तत्थ वचीसङ्खारो च नुप्पज्जित्थ कायसङ्खारो च नुप्पज्जित्थ।
Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjittha, no ca tesaṃ tattha kāyasaṅkhāro nuppajjittha. Catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca nuppajjittha kāyasaṅkhāro ca nuppajjittha.
(क) यस्स यत्थ कायसङ्खारो नुप्पज्जित्थ तस्स तत्थ चित्तसङ्खारो नुप्पज्जित्थाति?
(Ka) yassa yattha kāyasaṅkhāro nuppajjittha tassa tattha cittasaṅkhāro nuppajjitthāti?
चतुत्थज्झानं समापन्नानं रूपावचरानं अरूपावचरानं तेसं तत्थ कायसङ्खारो नुप्पज्जित्थ, नो च तेसं तत्थ चित्तसङ्खारो नुप्पज्जित्थ। सुद्धावासं उपपज्जन्तानं असञ्ञसत्तानं तेसं तत्थ कायसङ्खारो च नुप्पज्जित्थ चित्तसङ्खारो च नुप्पज्जित्थ।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca nuppajjittha cittasaṅkhāro ca nuppajjittha.
(ख) यस्स वा पन यत्थ…पे॰…? आमन्ता।
(Kha) yassa vā pana yattha…pe…? Āmantā.
३८. (क) यस्स यत्थ वचीसङ्खारो नुप्पज्जित्थ तस्स तत्थ चित्तसङ्खारो नुप्पज्जित्थाति?
38. (Ka) yassa yattha vacīsaṅkhāro nuppajjittha tassa tattha cittasaṅkhāro nuppajjitthāti?
दुतियज्झानं ततियज्झानं चतुत्थज्झानं समापन्नानं सुद्धावासानं दुतिये चित्ते वत्तमाने तेसं तत्थ वचीसङ्खारो नुप्पज्जित्थ, नो च तेसं तत्थ चित्तसङ्खारो नुप्पज्जित्थ। सुद्धावासं उपपज्जन्तानं असञ्ञसत्तानं तेसं तत्थ वचीसङ्खारो च नुप्पज्जित्थ चित्तसङ्खारो च नुप्पज्जित्थ।
Dutiyajjhānaṃ tatiyajjhānaṃ catutthajjhānaṃ samāpannānaṃ suddhāvāsānaṃ dutiye citte vattamāne tesaṃ tattha vacīsaṅkhāro nuppajjittha, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca nuppajjittha cittasaṅkhāro ca nuppajjittha.
(ख) यस्स वा पन यत्थ…पे॰…? आमन्ता।
(Kha) yassa vā pana yattha…pe…? Āmantā.
(३) अनागतवारो
(3) Anāgatavāro
(क) अनुलोमपुग्गलो
(Ka) anulomapuggalo
३९. (क) यस्स कायसङ्खारो उप्पज्जिस्सति तस्स वचीसङ्खारो उप्पज्जिस्सतीति? आमन्ता।
39. (Ka) yassa kāyasaṅkhāro uppajjissati tassa vacīsaṅkhāro uppajjissatīti? Āmantā.
(ख) यस्स वा पन वचीसङ्खारो उप्पज्जिस्सति तस्स कायसङ्खारो उप्पज्जिस्सतीति?
(Kha) yassa vā pana vacīsaṅkhāro uppajjissati tassa kāyasaṅkhāro uppajjissatīti?
यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं वचीसङ्खारो उप्पज्जिस्सति, नो च तेसं कायसङ्खारो उप्पज्जिस्सति। इतरेसं तेसं वचीसङ्खारो च उप्पज्जिस्सति कायसङ्खारो च उप्पज्जिस्सति।
Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro uppajjissati, no ca tesaṃ kāyasaṅkhāro uppajjissati. Itaresaṃ tesaṃ vacīsaṅkhāro ca uppajjissati kāyasaṅkhāro ca uppajjissati.
(क) यस्स कायसङ्खारो उप्पज्जिस्सति तस्स चित्तसङ्खारो उप्पज्जिस्सतीति? आमन्ता।
(Ka) yassa kāyasaṅkhāro uppajjissati tassa cittasaṅkhāro uppajjissatīti? Āmantā.
(ख) यस्स वा पन चित्तसङ्खारो उप्पज्जिस्सति तस्स कायसङ्खारो उप्पज्जिस्सतीति?
(Kha) yassa vā pana cittasaṅkhāro uppajjissati tassa kāyasaṅkhāro uppajjissatīti?
यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं चित्तसङ्खारो उप्पज्जिस्सति, नो च तेसं कायसङ्खारो उप्पज्जिस्सति। इतरेसं तेसं चित्तसङ्खारो च उप्पज्जिस्सति कायसङ्खारो च उप्पज्जिस्सति।
Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro uppajjissati, no ca tesaṃ kāyasaṅkhāro uppajjissati. Itaresaṃ tesaṃ cittasaṅkhāro ca uppajjissati kāyasaṅkhāro ca uppajjissati.
४०. (क) यस्स वचीसङ्खारो उप्पज्जिस्सति तस्स चित्तसङ्खारो उप्पज्जिस्सतीति? आमन्ता।
40. (Ka) yassa vacīsaṅkhāro uppajjissati tassa cittasaṅkhāro uppajjissatīti? Āmantā.
(ख) यस्स वा पन चित्तसङ्खारो उप्पज्जिस्सति तस्स वचीसङ्खारो उप्पज्जिस्सतीति?
(Kha) yassa vā pana cittasaṅkhāro uppajjissati tassa vacīsaṅkhāro uppajjissatīti?
यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं चित्तसङ्खारो उप्पज्जिस्सति, नो च तेसं वचीसङ्खारो उप्पज्जिस्सति। इतरेसं तेसं चित्तसङ्खारो च उप्पज्जिस्सति वचीसङ्खारो च उप्पज्जिस्सति।
Yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro uppajjissati, no ca tesaṃ vacīsaṅkhāro uppajjissati. Itaresaṃ tesaṃ cittasaṅkhāro ca uppajjissati vacīsaṅkhāro ca uppajjissati.
(ख) अनुलोमओकासो
(Kha) anulomaokāso
४१. यत्थ कायसङ्खारो उप्पज्जिस्सति…पे॰…।
41. Yattha kāyasaṅkhāro uppajjissati…pe….
(ग) अनुलोमपुग्गलोकासा
(Ga) anulomapuggalokāsā
४२. (क) यस्स यत्थ कायसङ्खारो उप्पज्जिस्सति तस्स तत्थ वचीसङ्खारो उप्पज्जिस्सतीति?
42. (Ka) yassa yattha kāyasaṅkhāro uppajjissati tassa tattha vacīsaṅkhāro uppajjissatīti?
दुतियज्झानं ततियज्झानं समापन्नानं तेसं तत्थ कायसङ्खारो उप्पज्जिस्सति, नो च तेसं तत्थ वचीसङ्खारो उप्पज्जिस्सति। पठमज्झानं समापन्नानं कामावचरानं तेसं तत्थ कायसङ्खारो च उप्पज्जिस्सति वचीसङ्खारो च उप्पज्जिस्सति।
Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjissati vacīsaṅkhāro ca uppajjissati.
(ख) यस्स वा पन यत्थ वचीसङ्खारो उप्पज्जिस्सति तस्स तत्थ कायसङ्खारो उप्पज्जिस्सतीति?
(Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjissatīti?
यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरानं अरूपावचरानं तेसं तत्थ वचीसङ्खारो उप्पज्जिस्सति, नो च तेसं तत्थ कायसङ्खारो उप्पज्जिस्सति। पठमज्झानं समापन्नानं इतरेसं कामावचरानं तेसं तत्थ वचीसङ्खारो च उप्पज्जिस्सति कायसङ्खारो च उप्पज्जिस्सति।
Yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca uppajjissati kāyasaṅkhāro ca uppajjissati.
(क) यस्स यत्थ कायसङ्खारो उप्पज्जिस्सति तस्स तत्थ चित्तसङ्खारो उप्पज्जिस्सतीति? आमन्ता।
(Ka) yassa yattha kāyasaṅkhāro uppajjissati tassa tattha cittasaṅkhāro uppajjissatīti? Āmantā.
(ख) यस्स वा पन यत्थ चित्तसङ्खारो उप्पज्जिस्सति तस्स तत्थ कायसङ्खारो उप्पज्जिस्सतीति?
(Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjissatīti?
यस्स चित्तस्स अनन्तरा कामावचरानं पच्छिमचित्तं उप्पज्जिस्सति चतुत्थज्झानं समापन्नानं रूपावचरानं अरूपावचरानं तेसं तत्थ चित्तसङ्खारो उप्पज्जिस्सति, नो च तेसं तत्थ कायसङ्खारो उप्पज्जिस्सति। पठमज्झानं दुतियज्झानं ततियज्झानं समापन्नानं इतरेसं कामावचरानं तेसं तत्थ चित्तसङ्खारो च उप्पज्जिस्सति कायसङ्खारो च उप्पज्जिस्सति।
Yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca uppajjissati kāyasaṅkhāro ca uppajjissati.
४३. (क) यस्स यत्थ वचीसङ्खारो उप्पज्जिस्सति तस्स तत्थ चित्तसङ्खारो उप्पज्जिस्सतीति? आमन्ता।
43. (Ka) yassa yattha vacīsaṅkhāro uppajjissati tassa tattha cittasaṅkhāro uppajjissatīti? Āmantā.
(ख) यस्स वा पन यत्थ चित्तसङ्खारो उप्पज्जिस्सति तस्स तत्थ वचीसङ्खारो उप्पज्जिस्सतीति?
(Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjissatīti?
यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं चतुत्थज्झानं समापन्नानं तेसं तत्थ चित्तसङ्खारो उप्पज्जिस्सति, नो च तेसं तत्थ वचीसङ्खारो उप्पज्जिस्सति। पठमज्झानं समापन्नानं कामावचरानं इतरेसं रूपावचरानं अरूपावचरानं तेसं तत्थ चित्तसङ्खारो च उप्पज्जिस्सति वचीसङ्खारो च उप्पज्जिस्सति।
Yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca uppajjissati vacīsaṅkhāro ca uppajjissati.
(घ) पच्चनीकपुग्गलो
(Gha) paccanīkapuggalo
४४. (क) यस्स कायसङ्खारो नुप्पज्जिस्सति तस्स वचीसङ्खारो नुप्पज्जिस्सतीति?
44. (Ka) yassa kāyasaṅkhāro nuppajjissati tassa vacīsaṅkhāro nuppajjissatīti?
यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं कायसङ्खारो नुप्पज्जिस्सति, नो च तेसं वचीसङ्खारो नुप्पज्जिस्सति। पच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं कायसङ्खारो च नुप्पज्जिस्सति वचीसङ्खारो च नुप्पज्जिस्सति।
Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjissati vacīsaṅkhāro ca nuppajjissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(क) यस्स कायसङ्खारो नुप्पज्जिस्सति तस्स चित्तसङ्खारो नुप्पज्जिस्सतीति?
(Ka) yassa kāyasaṅkhāro nuppajjissati tassa cittasaṅkhāro nuppajjissatīti?
यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं कायसङ्खारो नुप्पज्जिस्सति, नो च तेसं चित्तसङ्खारो नुप्पज्जिस्सति। पच्छिमचित्तसमङ्गीनं तेसं कायसङ्खारो च नुप्पज्जिस्सति चित्तसङ्खारो च नुप्पज्जिस्सति।
Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ kāyasaṅkhāro ca nuppajjissati cittasaṅkhāro ca nuppajjissati.
(ख) यस्स वा पन चित्तसङ्खारो…पे॰…? आमन्ता।
(Kha) yassa vā pana cittasaṅkhāro…pe…? Āmantā.
४५. (क) यस्स वचीसङ्खारो नुप्पज्जिस्सति तस्स चित्तसङ्खारो नुप्पज्जिस्सतीति?
45. (Ka) yassa vacīsaṅkhāro nuppajjissati tassa cittasaṅkhāro nuppajjissatīti?
यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं वचीसङ्खारो नुप्पज्जिस्सति, नो च तेसं चित्तसङ्खारो नुप्पज्जिस्सति। पच्छिमचित्तसमङ्गीनं तेसं वचीसङ्खारो च नुप्पज्जिस्सति चित्तसङ्खारो च नुप्पज्जिस्सति।
Yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro nuppajjissati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ vacīsaṅkhāro ca nuppajjissati cittasaṅkhāro ca nuppajjissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(ङ) पच्चनीकओकासो
(Ṅa) paccanīkaokāso
४६. यत्थ कायसङ्खारो नुप्पज्जिस्सति…पे॰…।
46. Yattha kāyasaṅkhāro nuppajjissati…pe….
(च) पच्चनीकपुग्गलोकासा
(Ca) paccanīkapuggalokāsā
४७. (क) यस्स यत्थ कायसङ्खारो नुप्पज्जिस्सति तस्स तत्थ वचीसङ्खारो नुप्पज्जिस्सतीति?
47. (Ka) yassa yattha kāyasaṅkhāro nuppajjissati tassa tattha vacīsaṅkhāro nuppajjissatīti?
यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरानं अरूपावचरानं तेसं तत्थ कायसङ्खारो नुप्पज्जिस्सति, नो च तेसं तत्थ वचीसङ्खारो नुप्पज्जिस्सति। पच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति चतुत्थज्झानं समापन्नानं असञ्ञसत्तानं तेसं तत्थ कायसङ्खारो च नुप्पज्जिस्सति वचीसङ्खारो च नुप्पज्जिस्सति।
Yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjissati vacīsaṅkhāro ca nuppajjissati.
(ख) यस्स वा पन यत्थ वचीसङ्खारो नुप्पज्जिस्सति तस्स तत्थ कायसङ्खारो नुप्पज्जिस्सतीति?
(Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjissatīti?
दुतियज्झानं ततियज्झानं समापन्नानं तेसं तत्थ वचीसङ्खारो नुप्पज्जिस्सति, नो च तेसं तत्थ कायसङ्खारो नुप्पज्जिस्सति। पच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति चतुत्थज्झानं समापन्नानं असञ्ञसत्तानं तेसं तत्थ वचीसङ्खारो च नुप्पज्जिस्सति कायसङ्खारो च नुप्पज्जिस्सति।
Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjissati.
(क) यस्स यत्थ कायसङ्खारो नुप्पज्जिस्सति तस्स तत्थ चित्तसङ्खारो नुप्पज्जिस्सतीति?
(Ka) yassa yattha kāyasaṅkhāro nuppajjissati tassa tattha cittasaṅkhāro nuppajjissatīti?
यस्स चित्तस्स अनन्तरा कामावचरानं पच्छिमचित्तं उप्पज्जिस्सति चतुत्थज्झानं समापन्नानं रूपावचरानं अरूपावचरानं तेसं तत्थ कायसङ्खारो नुप्पज्जिस्सति, नो च तेसं तत्थ चित्तसङ्खारो नुप्पज्जिस्सति। पच्छिमचित्तसमङ्गीनं असञ्ञसत्तानं तेसं तत्थ कायसङ्खारो च नुप्पज्जिस्सति चित्तसङ्खारो च नुप्पज्जिस्सति।
Yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjissati cittasaṅkhāro ca nuppajjissati.
(ख) यस्स वा पन यत्थ…पे॰…? आमन्ता।
(Kha) yassa vā pana yattha…pe…? Āmantā.
४८. (क) यस्स यत्थ वचीसङ्खारो नुप्पज्जिस्सति तस्स तत्थ चित्तसङ्खारो नुप्पज्जिस्सतीति?
48. (Ka) yassa yattha vacīsaṅkhāro nuppajjissati tassa tattha cittasaṅkhāro nuppajjissatīti?
यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं चतुत्थज्झानं समापन्नानं तेसं तत्थ वचीसङ्खारो नुप्पज्जिस्सति, नो च तेसं तत्थ चित्तसङ्खारो नुप्पज्जिस्सति। पच्छिमचित्तसमङ्गीनं असञ्ञसत्तानं तेसं तत्थ वचीसङ्खारो च नुप्पज्जिस्सति चित्तसङ्खारो च नुप्पज्जिस्सति।
Yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjissati cittasaṅkhāro ca nuppajjissati.
(ख) यस्स वा पन यत्थ…पे॰…? आमन्ता।
(Kha) yassa vā pana yattha…pe…? Āmantā.
(४) पच्चुप्पन्नातीतवारो
(4) Paccuppannātītavāro
(क) अनुलोमपुग्गलो
(Ka) anulomapuggalo
४९. (क) यस्स कायसङ्खारो उप्पज्जति तस्स वचीसङ्खारो उप्पज्जित्थाति? आमन्ता।
49. (Ka) yassa kāyasaṅkhāro uppajjati tassa vacīsaṅkhāro uppajjitthāti? Āmantā.
(ख) यस्स वा पन वचीसङ्खारो उप्पज्जित्थ तस्स कायसङ्खारो उप्पज्जतीति?
(Kha) yassa vā pana vacīsaṅkhāro uppajjittha tassa kāyasaṅkhāro uppajjatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं वचीसङ्खारो उप्पज्जित्थ , नो च तेसं कायसङ्खारो उप्पज्जति। अस्सासपस्सासानं उप्पादक्खणे तेसं वचीसङ्खारो च उप्पज्जित्थ कायसङ्खारो च उप्पज्जति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro uppajjittha , no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca uppajjittha kāyasaṅkhāro ca uppajjati.
(क) यस्स कायसङ्खारो उप्पज्जति तस्स चित्तसङ्खारो उप्पज्जित्थाति? आमन्ता।
(Ka) yassa kāyasaṅkhāro uppajjati tassa cittasaṅkhāro uppajjitthāti? Āmantā.
(ख) यस्स वा पन चित्तसङ्खारो उप्पज्जित्थ तस्स कायसङ्खारो उप्पज्जतीति?
(Kha) yassa vā pana cittasaṅkhāro uppajjittha tassa kāyasaṅkhāro uppajjatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं चित्तसङ्खारो उप्पज्जित्थ, नो च तेसं कायसङ्खारो उप्पज्जति। अस्सासपस्सासानं उप्पादक्खणे तेसं चित्तसङ्खारो च उप्पज्जित्थ कायसङ्खारो च उप्पज्जति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjittha kāyasaṅkhāro ca uppajjati.
५०. (क) यस्स वचीसङ्खारो उप्पज्जति तस्स चित्तसङ्खारो उप्पज्जित्थाति? आमन्ता।
50. (Ka) yassa vacīsaṅkhāro uppajjati tassa cittasaṅkhāro uppajjitthāti? Āmantā.
(ख) यस्स वा पन चित्तसङ्खारो उप्पज्जित्थ तस्स वचीसङ्खारो उप्पज्जतीति?
(Kha) yassa vā pana cittasaṅkhāro uppajjittha tassa vacīsaṅkhāro uppajjatīti?
सब्बेसं चित्तस्स भङ्गक्खणे विना वितक्कविचारेहि चित्तस्स उप्पादक्खणे निरोधसमापन्नानं असञ्ञसत्तानं तेसं चित्तसङ्खारो उप्पज्जित्थ, नो च तेसं वचीसङ्खारो उप्पज्जति। वितक्कविचारानं उप्पादक्खणे तेसं चित्तसङ्खारो च उप्पज्जित्थ वचीसङ्खारो च उप्पज्जति।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjittha vacīsaṅkhāro ca uppajjati.
(ख) अनुलोमओकासो
(Kha) anulomaokāso
५१. यत्थ कायसङ्खारो उप्पज्जति…पे॰…।
51. Yattha kāyasaṅkhāro uppajjati…pe….
(ग) अनुलोमपुग्गलोकासा
(Ga) anulomapuggalokāsā
५२. (क) यस्स यत्थ कायसङ्खारो उप्पज्जति तस्स तत्थ वचीसङ्खारो उप्पज्जित्थाति?
52. (Ka) yassa yattha kāyasaṅkhāro uppajjati tassa tattha vacīsaṅkhāro uppajjitthāti?
दुतियज्झानं ततियज्झानं समापन्नानं अस्सासपस्सासानं उप्पादक्खणे तेसं तत्थ कायसङ्खारो उप्पज्जति, नो च तेसं तत्थ वचीसङ्खारो उप्पज्जित्थ। पठमज्झानं समापन्नानं कामावचरानं अस्सासपस्सासानं उप्पादक्खणे तेसं तत्थ कायसङ्खारो च उप्पज्जति वचीसङ्खारो च उप्पज्जित्थ।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca uppajjittha.
(ख) यस्स वा पन यत्थ वचीसङ्खारो उप्पज्जित्थ तस्स तत्थ कायसङ्खारो उप्पज्जतीति?
(Kha) yassa vā pana yattha vacīsaṅkhāro uppajjittha tassa tattha kāyasaṅkhāro uppajjatīti?
पठमज्झानं समापन्नानं कामावचरानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे रूपावचरानं अरूपावचरानं तेसं तत्थ वचीसङ्खारो उप्पज्जित्थ, नो च तेसं तत्थ कायसङ्खारो उप्पज्जति। पठमज्झानं समापन्नानं कामावचरानं अस्सासपस्सासानं उप्पादक्खणे तेसं तत्थ वचीसङ्खारो च उप्पज्जित्थ कायसङ्खारो च उप्पज्जति।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro uppajjittha, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca uppajjittha kāyasaṅkhāro ca uppajjati.
(क) यस्स यत्थ कायसङ्खारो उप्पज्जति तस्स तत्थ चित्तसङ्खारो उप्पज्जित्थाति? आमन्ता।
(Ka) yassa yattha kāyasaṅkhāro uppajjati tassa tattha cittasaṅkhāro uppajjitthāti? Āmantā.
(ख) यस्स वा पन यत्थ चित्तसङ्खारो उप्पज्जित्थ तस्स तत्थ कायसङ्खारो उप्पज्जतीति?
(Kha) yassa vā pana yattha cittasaṅkhāro uppajjittha tassa tattha kāyasaṅkhāro uppajjatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे तेसं तत्थ चित्तसङ्खारो उप्पज्जित्थ, नो च तेसं तत्थ कायसङ्खारो उप्पज्जति। अस्सासपस्सासानं उप्पादक्खणे तेसं तत्थ चित्तसङ्खारो च उप्पज्जित्थ कायसङ्खारो च उप्पज्जति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro uppajjittha, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca uppajjittha kāyasaṅkhāro ca uppajjati.
५३. (क) यस्स यत्थ वचीसङ्खारो उप्पज्जति तस्स तत्थ चित्तसङ्खारो उप्पज्जित्थाति? आमन्ता।
53. (Ka) yassa yattha vacīsaṅkhāro uppajjati tassa tattha cittasaṅkhāro uppajjitthāti? Āmantā.
(ख) यस्स वा पन यत्थ चित्तसङ्खारो उप्पज्जित्थ तस्स तत्थ वचीसङ्खारो उप्पज्जतीति?
(Kha) yassa vā pana yattha cittasaṅkhāro uppajjittha tassa tattha vacīsaṅkhāro uppajjatīti?
सब्बेसं चित्तस्स भङ्गक्खणे विना वितक्कविचारेहि चित्तस्स उप्पादक्खणे तेसं तत्थ चित्तसङ्खारो उप्पज्जित्थ, नो च तेसं तत्थ वचीसङ्खारो उप्पज्जति। वितक्कविचारानं उप्पादक्खणे तेसं तत्थ चित्तसङ्खारो च उप्पज्जित्थ वचीसङ्खारो च उप्पज्जति।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro uppajjittha, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca uppajjittha vacīsaṅkhāro ca uppajjati.
(घ) पच्चनीकपुग्गलो
(Gha) paccanīkapuggalo
५४. (क) यस्स कायसङ्खारो नुप्पज्जति तस्स वचीसङ्खारो नुप्पज्जित्थाति? उप्पज्जित्थ।
54. (Ka) yassa kāyasaṅkhāro nuppajjati tassa vacīsaṅkhāro nuppajjitthāti? Uppajjittha.
(ख) यस्स वा पन वचीसङ्खारो नुप्पज्जित्थ तस्स कायसङ्खारो नुप्पज्जतीति? नत्थि।
(Kha) yassa vā pana vacīsaṅkhāro nuppajjittha tassa kāyasaṅkhāro nuppajjatīti? Natthi.
(क) यस्स कायसङ्खारो नुप्पज्जति तस्स चित्तसङ्खारो नुप्पज्जित्थाति? उप्पज्जित्थ।
(Ka) yassa kāyasaṅkhāro nuppajjati tassa cittasaṅkhāro nuppajjitthāti? Uppajjittha.
(ख) यस्स वा पन चित्तसङ्खारो नुप्पज्जित्थ तस्स कायसङ्खारो नुप्पज्जतीति? नत्थि।
(Kha) yassa vā pana cittasaṅkhāro nuppajjittha tassa kāyasaṅkhāro nuppajjatīti? Natthi.
५५. (क) यस्स वचीसङ्खारो नुप्पज्जति तस्स चित्तसङ्खारो नुप्पज्जित्थाति? उप्पज्जित्थ।
55. (Ka) yassa vacīsaṅkhāro nuppajjati tassa cittasaṅkhāro nuppajjitthāti? Uppajjittha.
(ख) यस्स वा पन…पे॰…? नत्थि।
(Kha) yassa vā pana…pe…? Natthi.
(ङ) पच्चनीकओकासो
(Ṅa) paccanīkaokāso
५६. यत्थ कायसङ्खारो नुप्पज्जति…पे॰…।
56. Yattha kāyasaṅkhāro nuppajjati…pe….
(च) पच्चनीकपुग्गलोकासा
(Ca) paccanīkapuggalokāsā
५७. (क) यस्स यत्थ कायसङ्खारो नुप्पज्जति तस्स तत्थ वचीसङ्खारो नुप्पज्जित्थाति?
57. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjitthāti?
पठमज्झानं समापन्नानं कामावचरानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे रूपावचरानं अरूपावचरानं तेसं तत्थ कायसङ्खारो नुप्पज्जति, नो च तेसं तत्थ वचीसङ्खारो नुप्पज्जित्थ। दुतियज्झानं ततियज्झानं समापन्नानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे चतुत्थज्झानं समापन्नानं सुद्धावासानं दुतिये चित्ते वत्तमाने असञ्ञसत्तानं तेसं तत्थ कायसङ्खारो च नुप्पज्जति वचीसङ्खारो च नुप्पज्जित्थ।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjittha. Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjittha.
(ख) यस्स वा पन यत्थ वचीसङ्खारो नुप्पज्जित्थ तस्स तत्थ कायसङ्खारो नुप्पज्जतीति?
(Kha) yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjatīti?
दुतियज्झानं ततियज्झानं समापन्नानं अस्सासपस्सासानं उप्पादक्खणे तेसं तत्थ वचीसङ्खारो नुप्पज्जित्थ, नो च तेसं तत्थ कायसङ्खारो नुप्पज्जति। दुतियज्झानं ततियज्झानं समापन्नानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे चतुत्थज्झानं समापन्नानं सुद्धावासानं दुतिये चित्ते वत्तमाने असञ्ञसत्तानं तेसं तत्थ वचीसङ्खारो च नुप्पज्जित्थ कायसङ्खारो च नुप्पज्जति।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro nuppajjittha, no ca tesaṃ tattha kāyasaṅkhāro nuppajjati. Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca nuppajjittha kāyasaṅkhāro ca nuppajjati.
(क) यस्स यत्थ कायसङ्खारो नुप्पज्जति तस्स तत्थ चित्तसङ्खारो नुप्पज्जित्थाति?
(Ka) yassa yattha kāyasaṅkhāro nuppajjati tassa tattha cittasaṅkhāro nuppajjitthāti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे तेसं तत्थ कायसङ्खारो नुप्पज्जति, नो च तेसं तत्थ चित्तसङ्खारो नुप्पज्जित्थ। सुद्धावासं उपपज्जन्तानं असञ्ञसत्तानं तेसं तत्थ कायसङ्खारो च नुप्पज्जति चित्तसङ्खारो च नुप्पज्जित्थ।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca nuppajjittha.
(ख) यस्स वा पन यत्थ चित्तसङ्खारो नुप्पज्जित्थ तस्स तत्थ कायसङ्खारो नुप्पज्जतीति? आमन्ता।
(Kha) yassa vā pana yattha cittasaṅkhāro nuppajjittha tassa tattha kāyasaṅkhāro nuppajjatīti? Āmantā.
५८. (क) यस्स यत्थ वचीसङ्खारो नुप्पज्जति तस्स तत्थ चित्तसङ्खारो नुप्पज्जित्थाति?
58. (Ka) yassa yattha vacīsaṅkhāro nuppajjati tassa tattha cittasaṅkhāro nuppajjitthāti?
सब्बेसं चित्तस्स भङ्गक्खणे विना वितक्कविचारेहि चित्तस्स उप्पादक्खणे तेसं तत्थ वचीसङ्खारो नुप्पज्जति, नो च तेसं तत्थ चित्तसङ्खारो नुप्पज्जित्थ। सुद्धावासं उपपज्जन्तानं असञ्ञसत्तानं तेसं तत्थ वचीसङ्खारो च नुप्पज्जति चित्तसङ्खारो च नुप्पज्जित्थ।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca nuppajjittha.
(ख) यस्स वा पन यत्थ…पे॰…? आमन्ता।
(Kha) yassa vā pana yattha…pe…? Āmantā.
(५) पच्चुप्पन्नानागतवारो
(5) Paccuppannānāgatavāro
(क) अनुलोमपुग्गलो
(Ka) anulomapuggalo
५९. (क) यस्स कायसङ्खारो उप्पज्जति तस्स वचीसङ्खारो उप्पज्जिस्सतीति? आमन्ता।
59. (Ka) yassa kāyasaṅkhāro uppajjati tassa vacīsaṅkhāro uppajjissatīti? Āmantā.
(ख) यस्स वा पन वचीसङ्खारो उप्पज्जिस्सति तस्स कायसङ्खारो उप्पज्जतीति?
(Kha) yassa vā pana vacīsaṅkhāro uppajjissati tassa kāyasaṅkhāro uppajjatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं वचीसङ्खारो उप्पज्जिस्सति, नो च तेसं कायसङ्खारो उप्पज्जति। अस्सासपस्सासानं उप्पादक्खणे तेसं वचीसङ्खारो च उप्पज्जिस्सति कायसङ्खारो च उप्पज्जति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro uppajjissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca uppajjissati kāyasaṅkhāro ca uppajjati.
(क) यस्स कायसङ्खारो उप्पज्जति तस्स चित्तसङ्खारो उप्पज्जिस्सतीति? आमन्ता।
(Ka) yassa kāyasaṅkhāro uppajjati tassa cittasaṅkhāro uppajjissatīti? Āmantā.
(ख) यस्स वा पन चित्तसङ्खारो उप्पज्जिस्सति तस्स कायसङ्खारो उप्पज्जतीति?
(Kha) yassa vā pana cittasaṅkhāro uppajjissati tassa kāyasaṅkhāro uppajjatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं चित्तसङ्खारो उप्पज्जिस्सति, नो च तेसं कायसङ्खारो उप्पज्जति। अस्सासपस्सासानं उप्पादक्खणे तेसं चित्तसङ्खारो च उप्पज्जिस्सति कायसङ्खारो च उप्पज्जति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjissati kāyasaṅkhāro ca uppajjati.
६०. (क) यस्स वचीसङ्खारो उप्पज्जति तस्स चित्तसङ्खारो उप्पज्जिस्सतीति?
60. (Ka) yassa vacīsaṅkhāro uppajjati tassa cittasaṅkhāro uppajjissatīti?
सवितक्कसविचारपच्छिमचित्तस्स उप्पादक्खणे तेसं वचीसङ्खारो उप्पज्जति, नो च तेसं चित्तसङ्खारो उप्पज्जिस्सति। इतरेसं वितक्कविचारानं उप्पादक्खणे तेसं वचीसङ्खारो च उप्पज्जति चित्तसङ्खारो च उप्पज्जिस्सति।
Savitakkasavicārapacchimacittassa uppādakkhaṇe tesaṃ vacīsaṅkhāro uppajjati, no ca tesaṃ cittasaṅkhāro uppajjissati. Itaresaṃ vitakkavicārānaṃ uppādakkhaṇe tesaṃ vacīsaṅkhāro ca uppajjati cittasaṅkhāro ca uppajjissati.
(ख) यस्स वा पन चित्तसङ्खारो उप्पज्जिस्सति तस्स वचीसङ्खारो उप्पज्जतीति?
(Kha) yassa vā pana cittasaṅkhāro uppajjissati tassa vacīsaṅkhāro uppajjatīti?
सब्बेसं चित्तस्स भङ्गक्खणे विना वितक्कविचारेहि चित्तस्स उप्पादक्खणे निरोधसमापन्नानं असञ्ञसत्तानं तेसं चित्तसङ्खारो उप्पज्जिस्सति, नो च तेसं वचीसङ्खारो उप्पज्जति। वितक्कविचारानं उप्पादक्खणे तेसं चित्तसङ्खारो च उप्पज्जिस्सति वचीसङ्खारो च उप्पज्जति।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjissati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjissati vacīsaṅkhāro ca uppajjati.
(ख) अनुलोमओकासो
(Kha) anulomaokāso
६१. यत्थ कायसङ्खारो उप्पज्जति…पे॰…।
61. Yattha kāyasaṅkhāro uppajjati…pe….
(ग) अनुलोमपुग्गलोकासा
(Ga) anulomapuggalokāsā
६२. (क) यस्स यत्थ कायसङ्खारो उप्पज्जति तस्स तत्थ वचीसङ्खारो उप्पज्जिस्सतीति?
62. (Ka) yassa yattha kāyasaṅkhāro uppajjati tassa tattha vacīsaṅkhāro uppajjissatīti?
दुतियज्झानं ततियज्झानं समापन्नानं अस्सासपस्सासानं उप्पादक्खणे तेसं तत्थ कायसङ्खारो उप्पज्जति, नो च तेसं तत्थ वचीसङ्खारो उप्पज्जिस्सति। पठमज्झानं समापन्नानं कामावचरानं अस्सासपस्सासानं उप्पादक्खणे तेसं तत्थ कायसङ्खारो च उप्पज्जति वचीसङ्खारो च उप्पज्जिस्सति।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca uppajjissati.
(ख) यस्स वा पन यत्थ वचीसङ्खारो उप्पज्जिस्सति तस्स तत्थ कायसङ्खारो उप्पज्जतीति?
(Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjatīti?
पठमज्झानं समापन्नानं कामावचरानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे रूपावचरानं अरूपावचरानं तेसं तत्थ वचीसङ्खारो उप्पज्जिस्सति, नो च तेसं तत्थ कायसङ्खारो उप्पज्जति। पठमज्झानं समापन्नानं कामावचरानं अस्सासपस्सासानं उप्पादक्खणे तेसं तत्थ वचीसङ्खारो च उप्पज्जिस्सति कायसङ्खारो च उप्पज्जति।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca uppajjissati kāyasaṅkhāro ca uppajjati.
(क) यस्स यत्थ कायसङ्खारो उप्पज्जति तस्स तत्थ चित्तसङ्खारो उप्पज्जिस्सतीति? आमन्ता।
(Ka) yassa yattha kāyasaṅkhāro uppajjati tassa tattha cittasaṅkhāro uppajjissatīti? Āmantā.
(ख) यस्स वा पन यत्थ चित्तसङ्खारो उप्पज्जिस्सति तस्स तत्थ कायसङ्खारो उप्पज्जतीति?
(Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे तेसं तत्थ चित्तसङ्खारो उप्पज्जिस्सति, नो च तेसं तत्थ कायसङ्खारो उप्पज्जति। अस्सासपस्सासानं उप्पादक्खणे तेसं तत्थ चित्तसङ्खारो च उप्पज्जिस्सति कायसङ्खारो च उप्पज्जति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca uppajjissati kāyasaṅkhāro ca uppajjati.
६३. (क) यस्स यत्थ वचीसङ्खारो उप्पज्जति तस्स तत्थ चित्तसङ्खारो उप्पज्जिस्सतीति?
63. (Ka) yassa yattha vacīsaṅkhāro uppajjati tassa tattha cittasaṅkhāro uppajjissatīti?
सवितक्कसविचारपच्छिमचित्तस्स उप्पादक्खणे तेसं तत्थ वचीसङ्खारो उप्पज्जति, नो च तेसं तत्थ चित्तसङ्खारो उप्पज्जिस्सति। इतरेसं वितक्कविचारानं उप्पादक्खणे तेसं तत्थ वचीसङ्खारो च उप्पज्जति चित्तसङ्खारो च उप्पज्जिस्सति।
Savitakkasavicārapacchimacittassa uppādakkhaṇe tesaṃ tattha vacīsaṅkhāro uppajjati, no ca tesaṃ tattha cittasaṅkhāro uppajjissati. Itaresaṃ vitakkavicārānaṃ uppādakkhaṇe tesaṃ tattha vacīsaṅkhāro ca uppajjati cittasaṅkhāro ca uppajjissati.
(ख) यस्स वा पन यत्थ चित्तसङ्खारो उप्पज्जिस्सति तस्स तत्थ वचीसङ्खारो उप्पज्जतीति?
(Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjatīti?
सब्बेसं चित्तस्स भङ्गक्खणे विना वितक्कविचारेहि चित्तस्स उप्पादक्खणे तेसं तत्थ चित्तसङ्खारो उप्पज्जिस्सति, नो च तेसं तत्थ वचीसङ्खारो उप्पज्जति। वितक्कविचारानं उप्पादक्खणे तेसं तत्थ चित्तसङ्खारो च उप्पज्जिस्सति वचीसङ्खारो च उप्पज्जति।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca uppajjissati vacīsaṅkhāro ca uppajjati.
(घ) पच्चनीकपुग्गलो
(Gha) paccanīkapuggalo
६४. (क) यस्स कायसङ्खारो नुप्पज्जति तस्स वचीसङ्खारो नुप्पज्जिस्सतीति?
64. (Ka) yassa kāyasaṅkhāro nuppajjati tassa vacīsaṅkhāro nuppajjissatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं कायसङ्खारो नुप्पज्जति, नो च तेसं वचीसङ्खारो नुप्पज्जिस्सति। पच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं कायसङ्खारो च नुप्पज्जति वचीसङ्खारो च नुप्पज्जिस्सति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjati vacīsaṅkhāro ca nuppajjissati.
(ख) यस्स वा पन वचीसङ्खारो नुप्पज्जिस्सति तस्स कायसङ्खारो नुप्पज्जतीति? आमन्ता।
(Kha) yassa vā pana vacīsaṅkhāro nuppajjissati tassa kāyasaṅkhāro nuppajjatīti? Āmantā.
(क) यस्स कायसङ्खारो नुप्पज्जति तस्स चित्तसङ्खारो नुप्पज्जिस्सतीति?
(Ka) yassa kāyasaṅkhāro nuppajjati tassa cittasaṅkhāro nuppajjissatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं कायसङ्खारो नुप्पज्जति, नो च तेसं चित्तसङ्खारो नुप्पज्जिस्सति। पच्छिमचित्तसमङ्गीनं तेसं कायसङ्खारो च नुप्पज्जति चित्तसङ्खारो च नुप्पज्जिस्सति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ kāyasaṅkhāro ca nuppajjati cittasaṅkhāro ca nuppajjissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
६५. (क) यस्स वचीसङ्खारो नुप्पज्जति तस्स चित्तसङ्खारो नुप्पज्जिस्सतीति?
65. (Ka) yassa vacīsaṅkhāro nuppajjati tassa cittasaṅkhāro nuppajjissatīti?
सब्बेसं चित्तस्स भङ्गक्खणे विना वितक्कविचारेहि चित्तस्स उप्पादक्खणे निरोधसमापन्नानं असञ्ञसत्तानं तेसं वचीसङ्खारो नुप्पज्जति, नो च तेसं चित्तसङ्खारो नुप्पज्जिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं तेसं वचीसङ्खारो च नुप्पज्जति चित्तसङ्खारो च नुप्पज्जिस्सति।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nuppajjati, no ca tesaṃ cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ tesaṃ vacīsaṅkhāro ca nuppajjati cittasaṅkhāro ca nuppajjissati.
(ख) यस्स वा पन चित्तसङ्खारो नुप्पज्जिस्सति तस्स वचीसङ्खारो नुप्पज्जतीति?
(Kha) yassa vā pana cittasaṅkhāro nuppajjissati tassa vacīsaṅkhāro nuppajjatīti?
सवितक्कसविचारपच्छिमचित्तस्स उप्पादक्खणे तेसं चित्तसङ्खारो नुप्पज्जिस्सति, नो च तेसं वचीसङ्खारो नुप्पज्जति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं तेसं चित्तसङ्खारो च नुप्पज्जिस्सति वचीसङ्खारो च नुप्पज्जति।
Savitakkasavicārapacchimacittassa uppādakkhaṇe tesaṃ cittasaṅkhāro nuppajjissati, no ca tesaṃ vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ tesaṃ cittasaṅkhāro ca nuppajjissati vacīsaṅkhāro ca nuppajjati.
४ (ङ) पच्चनीकओकासो
4 (Ṅa) paccanīkaokāso
६६. यत्थ कायसङ्खारो नुप्पज्जति…पे॰…।
66. Yattha kāyasaṅkhāro nuppajjati…pe….
(च) पच्चनीकपुग्गलोकासा
(Ca) paccanīkapuggalokāsā
६७. (क) यस्स यत्थ कायसङ्खारो नुप्पज्जति तस्स तत्थ वचीसङ्खारो नुप्पज्जिस्सतीति?
67. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjissatīti?
पठमज्झानं समापन्नानं कामावचरानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे रूपावचरानं अरूपावचरानं तेसं तत्थ कायसङ्खारो नुप्पज्जति, नो च तेसं तत्थ वचीसङ्खारो नुप्पज्जिस्सति। पच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं समापन्नानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे चतुत्थज्झानं समापन्नानं असञ्ञसत्तानं तेसं तत्थ कायसङ्खारो च नुप्पज्जति वचीसङ्खारो च नुप्पज्जिस्सति।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjissati.
(ख) यस्स वा पन यत्थ वचीसङ्खारो नुप्पज्जिस्सति तस्स तत्थ कायसङ्खारो नुप्पज्जतीति?
(Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjatīti?
दुतियज्झानं ततियज्झानं समापन्नानं अस्सासपस्सासानं उप्पादक्खणे तेसं तत्थ वचीसङ्खारो नुप्पज्जिस्सति, नो च तेसं तत्थ कायसङ्खारो नुप्पज्जति। पच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं समापन्नानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे चतुत्थज्झानं समापन्नानं असञ्ञसत्तानं तेसं तत्थ वचीसङ्खारो च नुप्पज्जिस्सति कायसङ्खारो च नुप्पज्जति।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjati.
(क) यस्स यत्थ कायसङ्खारो नुप्पज्जति तस्स तत्थ चित्तसङ्खारो नुप्पज्जिस्सतीति?
(Ka) yassa yattha kāyasaṅkhāro nuppajjati tassa tattha cittasaṅkhāro nuppajjissatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे तेसं तत्थ कायसङ्खारो नुप्पज्जति, नो च तेसं तत्थ चित्तसङ्खारो नुप्पज्जिस्सति। पच्छिमचित्तसमङ्गीनं असञ्ञसत्तानं तेसं तत्थ कायसङ्खारो च नुप्पज्जति चित्तसङ्खारो च नुप्पज्जिस्सति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca nuppajjissati.
(ख) यस्स वा पन यत्थ चित्तसङ्खारो नुप्पज्जिस्सति तस्स तत्थ कायसङ्खारो नुप्पज्जतीति? आमन्ता।
(Kha) yassa vā pana yattha cittasaṅkhāro nuppajjissati tassa tattha kāyasaṅkhāro nuppajjatīti? Āmantā.
६८. (क) यस्स यत्थ वचीसङ्खारो नुप्पज्जति तस्स तत्थ चित्तसङ्खारो नुप्पज्जिस्सतीति?
68. (Ka) yassa yattha vacīsaṅkhāro nuppajjati tassa tattha cittasaṅkhāro nuppajjissatīti?
सब्बेसं चित्तस्स भङ्गक्खणे विना वितक्कविचारेहि चित्तस्स उप्पादक्खणे तेसं तत्थ वचीसङ्खारो नुप्पज्जति, नो च तेसं तत्थ चित्तसङ्खारो नुप्पज्जिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं असञ्ञसत्तानं तेसं तत्थ वचीसङ्खारो च नुप्पज्जति चित्तसङ्खारो च नुप्पज्जिस्सति।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca nuppajjissati.
(ख) यस्स वा पन यत्थ चित्तसङ्खारो नुप्पज्जिस्सति तस्स तत्थ वचीसङ्खारो नुप्पज्जतीति?
(Kha) yassa vā pana yattha cittasaṅkhāro nuppajjissati tassa tattha vacīsaṅkhāro nuppajjatīti?
सवितक्कसविचारपच्छिमचित्तस्स उप्पादक्खणे तेसं तत्थ चित्तसङ्खारो नुप्पज्जिस्सति, नो च तेसं तत्थ वचीसङ्खारो नुप्पज्जति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं असञ्ञसत्तानं तेसं तत्थ चित्तसङ्खारो च नुप्पज्जिस्सति वचीसङ्खारो च नुप्पज्जति।
Savitakkasavicārapacchimacittassa uppādakkhaṇe tesaṃ tattha cittasaṅkhāro nuppajjissati, no ca tesaṃ tattha vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati vacīsaṅkhāro ca nuppajjati.
(६) अतीतानागतवारो
(6) Atītānāgatavāro
(क) अनुलोमपुग्गलो
(Ka) anulomapuggalo
६९. (क) यस्स कायसङ्खारो उप्पज्जित्थ तस्स वचीसङ्खारो उप्पज्जिस्सतीति?
69. (Ka) yassa kāyasaṅkhāro uppajjittha tassa vacīsaṅkhāro uppajjissatīti?
पच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं कायसङ्खारो उप्पज्जित्थ, नो च तेसं वचीसङ्खारो उप्पज्जिस्सति । इतरेसं तेसं कायसङ्खारो च उप्पज्जित्थ वचीसङ्खारो च उप्पज्जिस्सति।
Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro uppajjittha, no ca tesaṃ vacīsaṅkhāro uppajjissati . Itaresaṃ tesaṃ kāyasaṅkhāro ca uppajjittha vacīsaṅkhāro ca uppajjissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(क) यस्स कायसङ्खारो उप्पज्जित्थ तस्स चित्तसङ्खारो उप्पज्जिस्सतीति?
(Ka) yassa kāyasaṅkhāro uppajjittha tassa cittasaṅkhāro uppajjissatīti?
पच्छिमचित्तसमङ्गीनं तेसं कायसङ्खारो उप्पज्जित्थ, नो च तेसं चित्तसङ्खारो उप्पज्जिस्सति। इतरेसं तेसं कायसङ्खारो च उप्पज्जित्थ चित्तसङ्खारो च उप्पज्जिस्सति।
Pacchimacittasamaṅgīnaṃ tesaṃ kāyasaṅkhāro uppajjittha, no ca tesaṃ cittasaṅkhāro uppajjissati. Itaresaṃ tesaṃ kāyasaṅkhāro ca uppajjittha cittasaṅkhāro ca uppajjissati.
(ख) यस्स वा पन…पे॰…। आमन्ता।
(Kha) yassa vā pana…pe…. Āmantā.
७०. (क) यस्स वचीसङ्खारो उप्पज्जित्थ तस्स चित्तसङ्खारो उप्पज्जिस्सतीति?
70. (Ka) yassa vacīsaṅkhāro uppajjittha tassa cittasaṅkhāro uppajjissatīti?
पच्छिमचित्तसमङ्गीनं तेसं वचीसङ्खारो उप्पज्जित्थ, नो च तेसं चित्तसङ्खारो उप्पज्जिस्सति। इतरेसं तेसं वचीसङ्खारो च उप्पज्जित्थ चित्तसङ्खारो च उप्पज्जिस्सति।
Pacchimacittasamaṅgīnaṃ tesaṃ vacīsaṅkhāro uppajjittha, no ca tesaṃ cittasaṅkhāro uppajjissati. Itaresaṃ tesaṃ vacīsaṅkhāro ca uppajjittha cittasaṅkhāro ca uppajjissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(ख) अनुलोमओकासो
(Kha) anulomaokāso
७१. यत्थ कायसङ्खारो उप्पज्जित्थ…पे॰…।
71. Yattha kāyasaṅkhāro uppajjittha…pe….
(ग) अनुलोमपुग्गलोकासा
(Ga) anulomapuggalokāsā
७२. (क) यस्स यत्थ कायसङ्खारो उप्पज्जित्थ तस्स तत्थ वचीसङ्खारो उप्पज्जिस्सतीति?
72. (Ka) yassa yattha kāyasaṅkhāro uppajjittha tassa tattha vacīsaṅkhāro uppajjissatīti?
कामावचरे पच्छिमचित्तसमङ्गीनं दुतियज्झानं ततियज्झानं समापन्नानं तेसं तत्थ कायसङ्खारो उप्पज्जित्थ, नो च तेसं तत्थ वचीसङ्खारो उप्पज्जिस्सति। पठमज्झानं समापन्नानं इतरेसं कामावचरानं तेसं तत्थ कायसङ्खारो च उप्पज्जित्थ वचीसङ्खारो च उप्पज्जिस्सति।
Kāmāvacare pacchimacittasamaṅgīnaṃ dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjittha, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca uppajjittha vacīsaṅkhāro ca uppajjissati.
(ख) यस्स वा पन यत्थ वचीसङ्खारो उप्पज्जिस्सति तस्स तत्थ कायसङ्खारो उप्पज्जित्थाति?
(Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjitthāti?
रूपावचरानं अरूपावचरानं तेसं तत्थ वचीसङ्खारो उप्पज्जिस्सति, नो च तेसं तत्थ कायसङ्खारो उप्पज्जित्थ। पठमज्झानं समापन्नानं कामावचरानं तेसं तत्थ वचीसङ्खारो च उप्पज्जिस्सति कायसङ्खारो च उप्पज्जित्थ।
Rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca uppajjissati kāyasaṅkhāro ca uppajjittha.
(क) यस्स यत्थ कायसङ्खारो उप्पज्जित्थ तस्स तत्थ चित्तसङ्खारो उप्पज्जिस्सतीति?
(Ka) yassa yattha kāyasaṅkhāro uppajjittha tassa tattha cittasaṅkhāro uppajjissatīti?
कामावचरे पच्छिमचित्तसमङ्गीनं तेसं तत्थ कायसङ्खारो उप्पज्जित्थ, नो च तेसं तत्थ चित्तसङ्खारो उप्पज्जिस्सति। पठमज्झानं दुतियज्झानं ततियज्झानं समापन्नानं इतरेसं कामावचरानं तेसं तत्थ कायसङ्खारो च उप्पज्जित्थ चित्तसङ्खारो च उप्पज्जिस्सति।
Kāmāvacare pacchimacittasamaṅgīnaṃ tesaṃ tattha kāyasaṅkhāro uppajjittha, no ca tesaṃ tattha cittasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca uppajjittha cittasaṅkhāro ca uppajjissati.
(ख) यस्स वा पन यत्थ चित्तसङ्खारो उप्पज्जिस्सति तस्स तत्थ कायसङ्खारो उप्पज्जित्थाति?
(Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjitthāti?
चतुत्थज्झानं समापन्नानं रूपावचरानं अरूपावचरानं तेसं तत्थ चित्तसङ्खारो उप्पज्जिस्सति, नो च तेसं तत्थ कायसङ्खारो उप्पज्जित्थ। पठमज्झानं दुतियज्झानं ततियज्झानं समापन्नानं कामावचरानं तेसं तत्थ चित्तसङ्खारो च उप्पज्जिस्सति कायसङ्खारो च उप्पज्जित्थ।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca uppajjissati kāyasaṅkhāro ca uppajjittha.
७३. (क) यस्स यत्थ वचीसङ्खारो उप्पज्जित्थ तस्स तत्थ चित्तसङ्खारो उप्पज्जिस्सतीति?
73. (Ka) yassa yattha vacīsaṅkhāro uppajjittha tassa tattha cittasaṅkhāro uppajjissatīti?
सवितक्कसविचारभूमियं पच्छिमचित्तसमङ्गीनं तेसं तत्थ वचीसङ्खारो उप्पज्जित्थ, नो च तेसं तत्थ चित्तसङ्खारो उप्पज्जिस्सति। इतरेसं सवितक्कसविचारभूमियं तेसं तत्थ वचीसङ्खारो च उप्पज्जित्थ चित्तसङ्खारो च उप्पज्जिस्सति।
Savitakkasavicārabhūmiyaṃ pacchimacittasamaṅgīnaṃ tesaṃ tattha vacīsaṅkhāro uppajjittha, no ca tesaṃ tattha cittasaṅkhāro uppajjissati. Itaresaṃ savitakkasavicārabhūmiyaṃ tesaṃ tattha vacīsaṅkhāro ca uppajjittha cittasaṅkhāro ca uppajjissati.
(ख) यस्स वा पन यत्थ चित्तसङ्खारो उप्पज्जिस्सति तस्स तत्थ वचीसङ्खारो उप्पज्जित्थाति?
(Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjitthāti?
अवितक्कअविचारभूमियं तेसं तत्थ चित्तसङ्खारो उप्पज्जिस्सति, नो च तेसं तत्थ वचीसङ्खारो उप्पज्जित्थ। सवितक्कसविचारभूमियं तेसं तत्थ चित्तसङ्खारो च उप्पज्जिस्सति वचीसङ्खारो च उप्पज्जित्थ।
Avitakkaavicārabhūmiyaṃ tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjittha. Savitakkasavicārabhūmiyaṃ tesaṃ tattha cittasaṅkhāro ca uppajjissati vacīsaṅkhāro ca uppajjittha.
(घ) पच्चनीकपुग्गलो
(Gha) paccanīkapuggalo
७४. (क) यस्स कायसङ्खारो नुप्पज्जित्थ तस्स वचीसङ्खारो नुप्पज्जिस्सतीति? नत्थि।
74. (Ka) yassa kāyasaṅkhāro nuppajjittha tassa vacīsaṅkhāro nuppajjissatīti? Natthi.
(ख) यस्स वा पन वचीसङ्खारो नुप्पज्जिस्सति तस्स कायसङ्खारो नुप्पज्जित्थाति? उप्पज्जित्थ।
(Kha) yassa vā pana vacīsaṅkhāro nuppajjissati tassa kāyasaṅkhāro nuppajjitthāti? Uppajjittha.
(क) यस्स कायसङ्खारो नुप्पज्जित्थ तस्स चित्तसङ्खारो नुप्पज्जिस्सतीति? नत्थि।
(Ka) yassa kāyasaṅkhāro nuppajjittha tassa cittasaṅkhāro nuppajjissatīti? Natthi.
(ख) यस्स वा पन चित्तसङ्खारो नुप्पज्जिस्सति तस्स कायसङ्खारो नुप्पज्जित्थाति? उप्पज्जित्थ।
(Kha) yassa vā pana cittasaṅkhāro nuppajjissati tassa kāyasaṅkhāro nuppajjitthāti? Uppajjittha.
७५. (क) यस्स वचीसङ्खारो नुप्पज्जित्थ तस्स चित्तसङ्खारो नुप्पज्जिस्सतीति? नत्थि।
75. (Ka) yassa vacīsaṅkhāro nuppajjittha tassa cittasaṅkhāro nuppajjissatīti? Natthi.
(ख) यस्स वा पन चित्तसङ्खारो नुप्पज्जिस्सति तस्स वचीसङ्खारो नुप्पज्जित्थाति? उप्पज्जित्थ।
(Kha) yassa vā pana cittasaṅkhāro nuppajjissati tassa vacīsaṅkhāro nuppajjitthāti? Uppajjittha.
(ङ) पच्चनीकओकासो
(Ṅa) paccanīkaokāso
७६. यत्थ कायसङ्खारो नुप्पज्जित्थ…पे॰…।
76. Yattha kāyasaṅkhāro nuppajjittha…pe….
(च) पच्चनीकपुग्गलोकासा
(Ca) paccanīkapuggalokāsā
७७. (क) यस्स यत्थ कायसङ्खारो नुप्पज्जित्थ तस्स तत्थ वचीसङ्खारो नुप्पज्जिस्सतीति?
77. (Ka) yassa yattha kāyasaṅkhāro nuppajjittha tassa tattha vacīsaṅkhāro nuppajjissatīti?
रूपावचरानं अरूपावचरानं तेसं तत्थ कायसङ्खारो नुप्पज्जित्थ, नो च तेसं तत्थ वचीसङ्खारो नुप्पज्जिस्सति। रूपावचरे अरूपावचरे पच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति चतुत्थज्झानं समापन्नानं असञ्ञसत्तानं तेसं तत्थ कायसङ्खारो च नुप्पज्जित्थ वचीसङ्खारो च नुप्पज्जिस्सति।
Rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha vacīsaṅkhāro nuppajjissati. Rūpāvacare arūpāvacare pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjittha vacīsaṅkhāro ca nuppajjissati.
(ख) यस्स वा पन यत्थ वचीसङ्खारो नुप्पज्जिस्सति तस्स तत्थ कायसङ्खारो नुप्पज्जित्थाति?
(Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjitthāti?
कामावचरे पच्छिमचित्तसमङ्गीनं दुतियज्झानं ततियज्झानं समापन्नानं तेसं तत्थ वचीसङ्खारो नुप्पज्जिस्सति, नो च तेसं तत्थ कायसङ्खारो नुप्पज्जित्थ। रूपावचरे अरूपावचरे पच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति चतुत्थज्झानं समापन्नानं असञ्ञसत्तानं तेसं तत्थ वचीसङ्खारो च नुप्पज्जिस्सति कायसङ्खारो च नुप्पज्जित्थ।
Kāmāvacare pacchimacittasamaṅgīnaṃ dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjittha.
(क) यस्स यत्थ कायसङ्खारो नुप्पज्जित्थ तस्स तत्थ चित्तसङ्खारो नुप्पज्जिस्सतीति?
(Ka) yassa yattha kāyasaṅkhāro nuppajjittha tassa tattha cittasaṅkhāro nuppajjissatīti?
चतुत्थज्झानं समापन्नानं रूपावचरानं अरूपावचरानं तेसं तत्थ कायसङ्खारो नुप्पज्जित्थ, नो च तेसं तत्थ चित्तसङ्खारो नुप्पज्जिस्सति। रूपावचरे अरूपावचरे पच्छिमचित्तसमङ्गीनं असञ्ञसत्तानं तेसं तत्थ कायसङ्खारो च नुप्पज्जित्थ चित्तसङ्खारो च नुप्पज्जिस्सति।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha cittasaṅkhāro nuppajjissati. Rūpāvacare arūpāvacare pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjittha cittasaṅkhāro ca nuppajjissati.
(ख) यस्स वा पन यत्थ चित्तसङ्खारो नुप्पज्जिस्सति तस्स तत्थ कायसङ्खारो नुप्पज्जित्थाति?
(Kha) yassa vā pana yattha cittasaṅkhāro nuppajjissati tassa tattha kāyasaṅkhāro nuppajjitthāti?
कामावचरे पच्छिमचित्तसमङ्गीनं तेसं तत्थ चित्तसङ्खारो नुप्पज्जिस्सति, नो च तेसं तत्थ कायसङ्खारो नुप्पज्जित्थ। रूपावचरे अरूपावचरे पच्छिमचित्तसमङ्गीनं असञ्ञसत्तानं तेसं तत्थ चित्तसङ्खारो च नुप्पज्जिस्सति कायसङ्खारो च नुप्पज्जित्थ।
Kāmāvacare pacchimacittasamaṅgīnaṃ tesaṃ tattha cittasaṅkhāro nuppajjissati, no ca tesaṃ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati kāyasaṅkhāro ca nuppajjittha.
७८. (क) यस्स यत्थ वचीसङ्खारो नुप्पज्जित्थ तस्स तत्थ चित्तसङ्खारो नुप्पज्जिस्सतीति?
78. (Ka) yassa yattha vacīsaṅkhāro nuppajjittha tassa tattha cittasaṅkhāro nuppajjissatīti?
अवितक्कअविचारभूमियं तेसं तत्थ वचीसङ्खारो नुप्पज्जित्थ, नो च तेसं तत्थ चित्तसङ्खारो नुप्पज्जिस्सति। अवितक्कअविचारभूमियं पच्छिमचित्तसमङ्गीनं असञ्ञसत्तानं तेसं तत्थ वचीसङ्खारो च नुप्पज्जित्थ चित्तसङ्खारो च नुप्पज्जिस्सति।
Avitakkaavicārabhūmiyaṃ tesaṃ tattha vacīsaṅkhāro nuppajjittha, no ca tesaṃ tattha cittasaṅkhāro nuppajjissati. Avitakkaavicārabhūmiyaṃ pacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjittha cittasaṅkhāro ca nuppajjissati.
(ख) यस्स वा पन यत्थ चित्तसङ्खारो नुप्पज्जिस्सति तस्स तत्थ वचीसङ्खारो नुप्पज्जित्थाति?
(Kha) yassa vā pana yattha cittasaṅkhāro nuppajjissati tassa tattha vacīsaṅkhāro nuppajjitthāti?
सवितक्कसविचारभूमियं पच्छिमचित्तसमङ्गीनं तेसं तत्थ चित्तसङ्खारो नुप्पज्जिस्सति, नो च तेसं तत्थ वचीसङ्खारो नुप्पज्जित्थ। अवितक्कअविचारभूमियं पच्छिमचित्तसमङ्गीनं असञ्ञसत्तानं तेसं तत्थ चित्तसङ्खारो च नुप्पज्जिस्सति वचीसङ्खारो च नुप्पज्जित्थ।
Savitakkasavicārabhūmiyaṃ pacchimacittasamaṅgīnaṃ tesaṃ tattha cittasaṅkhāro nuppajjissati, no ca tesaṃ tattha vacīsaṅkhāro nuppajjittha. Avitakkaavicārabhūmiyaṃ pacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati vacīsaṅkhāro ca nuppajjittha.
उप्पादवारो।
Uppādavāro.
२. निरोधवारो
2. Nirodhavāro
(१) पच्चुप्पन्नवारो
(1) Paccuppannavāro
(क) अनुलोमपुग्गलो
(Ka) anulomapuggalo
७९. (क) यस्स कायसङ्खारो निरुज्झति तस्स वचीसङ्खारो निरुज्झतीति?
79. (Ka) yassa kāyasaṅkhāro nirujjhati tassa vacīsaṅkhāro nirujjhatīti?
विना वितक्कविचारेहि अस्सासपस्सासानं भङ्गक्खणे तेसं कायसङ्खारो निरुज्झति, नो च तेसं वचीसङ्खारो निरुज्झति। पठमज्झानं समापन्नानं कामावचरानं अस्सासपस्सासानं भङ्गक्खणे तेसं कायसङ्खारो च निरुज्झति वचीसङ्खारो च निरुज्झति।
Vinā vitakkavicārehi assāsapassāsānaṃ bhaṅgakkhaṇe tesaṃ kāyasaṅkhāro nirujjhati, no ca tesaṃ vacīsaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ kāyasaṅkhāro ca nirujjhati vacīsaṅkhāro ca nirujjhati.
(ख) यस्स वा पन वचीसङ्खारो निरुज्झति तस्स कायसङ्खारो निरुज्झतीति?
(Kha) yassa vā pana vacīsaṅkhāro nirujjhati tassa kāyasaṅkhāro nirujjhatīti?
विना अस्सासपस्सासेहि वितक्कविचारानं भङ्गक्खणे तेसं वचीसङ्खारो निरुज्झति, नो च तेसं कायसङ्खारो निरुज्झति। पठमज्झानं समापन्नानं कामावचरानं अस्सासपस्सासानं भङ्गक्खणे तेसं वचीसङ्खारो च निरुज्झति कायसङ्खारो च निरुज्झति।
Vinā assāsapassāsehi vitakkavicārānaṃ bhaṅgakkhaṇe tesaṃ vacīsaṅkhāro nirujjhati, no ca tesaṃ kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ vacīsaṅkhāro ca nirujjhati kāyasaṅkhāro ca nirujjhati.
(क) यस्स कायसङ्खारो निरुज्झति तस्स चित्तसङ्खारो निरुज्झतीति? आमन्ता।
(Ka) yassa kāyasaṅkhāro nirujjhati tassa cittasaṅkhāro nirujjhatīti? Āmantā.
(ख) यस्स वा पन चित्तसङ्खारो निरुज्झति तस्स कायसङ्खारो निरुज्झतीति?
(Kha) yassa vā pana cittasaṅkhāro nirujjhati tassa kāyasaṅkhāro nirujjhatīti?
विना अस्सासपस्सासेहि चित्तस्स भङ्गक्खणे तेसं चित्तसङ्खारो निरुज्झति, नो च तेसं कायसङ्खारो निरुज्झति। अस्सासपस्सासानं भङ्गक्खणे तेसं चित्तसङ्खारो च निरुज्झति कायसङ्खारो च निरुज्झति।
Vinā assāsapassāsehi cittassa bhaṅgakkhaṇe tesaṃ cittasaṅkhāro nirujjhati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhati kāyasaṅkhāro ca nirujjhati.
८०. (क) यस्स वचीसङ्खारो निरुज्झति तस्स चित्तसङ्खारो निरुज्झतीति? आमन्ता।
80. (Ka) yassa vacīsaṅkhāro nirujjhati tassa cittasaṅkhāro nirujjhatīti? Āmantā.
(ख) यस्स वा पन चित्तसङ्खारो निरुज्झति तस्स वचीसङ्खारो निरुज्झतीति?
(Kha) yassa vā pana cittasaṅkhāro nirujjhati tassa vacīsaṅkhāro nirujjhatīti?
विना वितक्कविचारेहि चित्तस्स भङ्गक्खणे तेसं चित्तसङ्खारो निरुज्झति, नो च तेसं वचीसङ्खारो निरुज्झति। वितक्कविचारानं भङ्गक्खणे तेसं चित्तसङ्खारो च निरुज्झति वचीसङ्खारो च निरुज्झति।
Vinā vitakkavicārehi cittassa bhaṅgakkhaṇe tesaṃ cittasaṅkhāro nirujjhati, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhati vacīsaṅkhāro ca nirujjhati.
(ख) अनुलोमओकासो
(Kha) anulomaokāso
८१. यत्थ कायसङ्खारो निरुज्झति तत्थ वचीसङ्खारो निरुज्झतीति?…पे॰…।
81. Yattha kāyasaṅkhāro nirujjhati tattha vacīsaṅkhāro nirujjhatīti?…Pe….
(ग) अनुलोमपुग्गलोकासा
(Ga) anulomapuggalokāsā
८२. यस्स यत्थ कायसङ्खारो निरुज्झति तस्स तत्थ वचीसङ्खारो निरुज्झतीति?…पे॰…। (यस्सकम्पि यस्सयत्थकम्पि सदिसं।)
82. Yassa yattha kāyasaṅkhāro nirujjhati tassa tattha vacīsaṅkhāro nirujjhatīti?…Pe…. (Yassakampi yassayatthakampi sadisaṃ.)
(घ) पच्चनीकपुग्गलो
(Gha) paccanīkapuggalo
८३. (क) यस्स कायसङ्खारो न निरुज्झति तस्स वचीसङ्खारो न निरुज्झतीति?
83. (Ka) yassa kāyasaṅkhāro na nirujjhati tassa vacīsaṅkhāro na nirujjhatīti?
विना अस्सासपस्सासेहि वितक्कविचारानं भङ्गक्खणे तेसं कायसङ्खारो न निरुज्झति, नो च तेसं वचीसङ्खारो न निरुज्झति। सब्बेसं चित्तस्स उप्पादक्खणे विना अस्सासपस्सासेहि अवितक्कअविचारचित्तस्स भङ्गक्खणे निरोधसमापन्नानं असञ्ञसत्तानं तेसं कायसङ्खारो च न निरुज्झति वचीसङ्खारो च न निरुज्झति।
Vinā assāsapassāsehi vitakkavicārānaṃ bhaṅgakkhaṇe tesaṃ kāyasaṅkhāro na nirujjhati, no ca tesaṃ vacīsaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca na nirujjhati vacīsaṅkhāro ca na nirujjhati.
(ख) यस्स वा पन वचीसङ्खारो न निरुज्झति तस्स कायसङ्खारो न निरुज्झतीति?
(Kha) yassa vā pana vacīsaṅkhāro na nirujjhati tassa kāyasaṅkhāro na nirujjhatīti?
विना वितक्कविचारेहि अस्सासपस्सासानं भङ्गक्खणे तेसं वचीसङ्खारो न निरुज्झति, नो च तेसं कायसङ्खारो न निरुज्झति। सब्बेसं चित्तस्स उप्पादक्खणे विना अस्सासपस्सासेहि अवितक्कअविचारचित्तस्स भङ्गक्खणे निरोधसमापन्नानं असञ्ञसत्तानं तेसं वचीसङ्खारो च न निरुज्झति कायसङ्खारो च न निरुज्झति।
Vinā vitakkavicārehi assāsapassāsānaṃ bhaṅgakkhaṇe tesaṃ vacīsaṅkhāro na nirujjhati, no ca tesaṃ kāyasaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati kāyasaṅkhāro ca na nirujjhati.
(क) यस्स कायसङ्खारो न निरुज्झति तस्स चित्तसङ्खारो न निरुज्झतीति?
(Ka) yassa kāyasaṅkhāro na nirujjhati tassa cittasaṅkhāro na nirujjhatīti?
विना अस्सासपस्सासेहि चित्तस्स भङ्गक्खणे तेसं कायसङ्खारो न निरुज्झति, नो च तेसं चित्तसङ्खारो न निरुज्झति। सब्बेसं चित्तस्स उप्पादक्खणे निरोधसमापन्नानं असञ्ञसत्तानं तेसं कायसङ्खारो च न निरुज्झति चित्तसङ्खारो च न निरुज्झति।
Vinā assāsapassāsehi cittassa bhaṅgakkhaṇe tesaṃ kāyasaṅkhāro na nirujjhati, no ca tesaṃ cittasaṅkhāro na nirujjhati. Sabbesaṃ cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca na nirujjhati cittasaṅkhāro ca na nirujjhati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
८४. (क) यस्स वचीसङ्खारो न निरुज्झति तस्स चित्तसङ्खारो न निरुज्झतीति?
84. (Ka) yassa vacīsaṅkhāro na nirujjhati tassa cittasaṅkhāro na nirujjhatīti?
विना वितक्कविचारेहि चित्तस्स भङ्गक्खणे तेसं वचीसङ्खारो न निरुज्झति, नो च तेसं चित्तसङ्खारो न निरुज्झति। सब्बेसं चित्तस्स उप्पादक्खणे निरोधसमापन्नानं असञ्ञसत्तानं तेसं वचीसङ्खारो च न निरुज्झति चित्तसङ्खारो च न निरुज्झति।
Vinā vitakkavicārehi cittassa bhaṅgakkhaṇe tesaṃ vacīsaṅkhāro na nirujjhati, no ca tesaṃ cittasaṅkhāro na nirujjhati. Sabbesaṃ cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati cittasaṅkhāro ca na nirujjhati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(ङ) पच्चनीकओकासा
(Ṅa) paccanīkaokāsā
८५. यत्थ कायसङ्खारो न निरुज्झति…पे॰…।
85. Yattha kāyasaṅkhāro na nirujjhati…pe….
(च) पच्चनीकपुग्गलोकासा
(Ca) paccanīkapuggalokāsā
८६. यस्स यत्थ कायसङ्खारो न निरुज्झति तस्स तत्थ वचीसङ्खारो न निरुज्झतीति?
86. Yassa yattha kāyasaṅkhāro na nirujjhati tassa tattha vacīsaṅkhāro na nirujjhatīti?
विना अस्सासपस्सासेहि वितक्कविचारानं भङ्गक्खणे तेसं तत्थ कायसङ्खारो न निरुज्झति, नो च तेसं तत्थ वचीसङ्खारो न निरुज्झति। सब्बेसं चित्तस्स उप्पादक्खणे विना अस्सासपस्सासेहि अवितक्कअविचारचित्तस्स भङ्गक्खणे असञ्ञसत्तानं तेसं तत्थ कायसङ्खारो च न निरुज्झति वचीसङ्खारो च न निरुज्झति।
Vinā assāsapassāsehi vitakkavicārānaṃ bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhati.
यस्स वा पन यत्थ वचीसङ्खारो न निरुज्झति…पे॰…।
Yassa vā pana yattha vacīsaṅkhāro na nirujjhati…pe….
(यस्सकम्पि यस्सयत्थकम्पि सदिसं वित्थारेतब्बं, यस्सयत्थके निरोधसमापन्नानन्ति न कातब्बं।)
(Yassakampi yassayatthakampi sadisaṃ vitthāretabbaṃ, yassayatthake nirodhasamāpannānanti na kātabbaṃ.)
(२) अतीतवारो
(2) Atītavāro
(क) अनुलोमपुग्गलो
(Ka) anulomapuggalo
८७. (क) यस्स कायसङ्खारो निरुज्झित्थ तस्स वचीसङ्खारो निरुज्झित्थाति? आमन्ता।
87. (Ka) yassa kāyasaṅkhāro nirujjhittha tassa vacīsaṅkhāro nirujjhitthāti? Āmantā.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(यथा उप्पादवारे अतीता पुच्छा यस्सकम्पि यस्सयत्थकम्पि अनुलोमम्पि पच्चनीकम्पि विभत्तं एवं निरोधवारेपि विभजितब्बं, नत्थि नानाकरणं।)
(Yathā uppādavāre atītā pucchā yassakampi yassayatthakampi anulomampi paccanīkampi vibhattaṃ evaṃ nirodhavārepi vibhajitabbaṃ, natthi nānākaraṇaṃ.)
(३) अनागतवारो
(3) Anāgatavāro
(क) अनुलोमपुग्गलो
(Ka) anulomapuggalo
८८. (क) यस्स कायसङ्खारो निरुज्झिस्सति तस्स वचीसङ्खारो निरुज्झिस्सतीति? आमन्ता।
88. (Ka) yassa kāyasaṅkhāro nirujjhissati tassa vacīsaṅkhāro nirujjhissatīti? Āmantā.
(ख) यस्स वा पन वचीसङ्खारो निरुज्झिस्सति तस्स कायसङ्खारो निरुज्झिस्सतीति?
(Kha) yassa vā pana vacīsaṅkhāro nirujjhissati tassa kāyasaṅkhāro nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं वचीसङ्खारो निरुज्झिस्सति, नो च तेसं कायसङ्खारो निरुज्झिस्सति। इतरेसं तेसं वचीसङ्खारो च निरुज्झिस्सति कायसङ्खारो च निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro nirujjhissati. Itaresaṃ tesaṃ vacīsaṅkhāro ca nirujjhissati kāyasaṅkhāro ca nirujjhissati.
(क) यस्स कायसङ्खारो निरुज्झिस्सति तस्स चित्तसङ्खारो निरुज्झिस्सतीति? आमन्ता।
(Ka) yassa kāyasaṅkhāro nirujjhissati tassa cittasaṅkhāro nirujjhissatīti? Āmantā.
(ख) यस्स वा पन चित्तसङ्खारो निरुज्झिस्सति तस्स कायसङ्खारो निरुज्झिस्सतीति?
(Kha) yassa vā pana cittasaṅkhāro nirujjhissati tassa kāyasaṅkhāro nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं चित्तसङ्खारो निरुज्झिस्सति, नो च तेसं कायसङ्खारो निरुज्झिस्सति। इतरेसं तेसं चित्तसङ्खारो च निरुज्झिस्सति कायसङ्खारो च निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro nirujjhissati, no ca tesaṃ kāyasaṅkhāro nirujjhissati. Itaresaṃ tesaṃ cittasaṅkhāro ca nirujjhissati kāyasaṅkhāro ca nirujjhissati.
८९. (क) यस्स वचीसङ्खारो निरुज्झिस्सति तस्स चित्तसङ्खारो निरुज्झिस्सतीति? आमन्ता।
89. (Ka) yassa vacīsaṅkhāro nirujjhissati tassa cittasaṅkhāro nirujjhissatīti? Āmantā.
(ख) यस्स वा पन चित्तसङ्खारो निरुज्झिस्सति तस्स वचीसङ्खारो निरुज्झिस्सतीति?
(Kha) yassa vā pana cittasaṅkhāro nirujjhissati tassa vacīsaṅkhāro nirujjhissatīti?
अवितक्कअविचारपच्छिमचित्तस्स उप्पादक्खणे यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं चित्तसङ्खारो निरुज्झिस्सति, नो च तेसं वचीसङ्खारो निरुज्झिस्सति। इतरेसं तेसं चित्तसङ्खारो च निरुज्झिस्सति वचीसङ्खारो च निरुज्झिस्सति।
Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro nirujjhissati, no ca tesaṃ vacīsaṅkhāro nirujjhissati. Itaresaṃ tesaṃ cittasaṅkhāro ca nirujjhissati vacīsaṅkhāro ca nirujjhissati.
(ख) अनुलोमओकासो
(Kha) anulomaokāso
९०. यत्थ कायसङ्खारो निरुज्झिस्सति…पे॰…।
90. Yattha kāyasaṅkhāro nirujjhissati…pe….
(ग) अनुलोमपुग्गलोकासा
(Ga) anulomapuggalokāsā
९१. (क) यस्स यत्थ कायसङ्खारो निरुज्झिस्सति तस्स तत्थ वचीसङ्खारो निरुज्झिस्सतीति?
91. (Ka) yassa yattha kāyasaṅkhāro nirujjhissati tassa tattha vacīsaṅkhāro nirujjhissatīti?
दुतियज्झानं ततियज्झानं समापन्नानं तेसं तत्थ कायसङ्खारो निरुज्झिस्सति, नो च तेसं तत्थ वचीसङ्खारो निरुज्झिस्सति। पठमज्झानं समापन्नानं कामावचरानं तेसं तत्थ कायसङ्खारो च निरुज्झिस्सति वचीसङ्खारो च निरुज्झिस्सति।
Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro nirujjhissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca nirujjhissati vacīsaṅkhāro ca nirujjhissati.
(ख) यस्स वा पन यत्थ वचीसङ्खारो निरुज्झिस्सति तस्स तत्थ कायसङ्खारो निरुज्झिस्सतीति?
(Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरानं अरूपावचरानं तेसं तत्थ वचीसङ्खारो निरुज्झिस्सति , नो च तेसं तत्थ कायसङ्खारो निरुज्झिस्सति। पठमज्झानं समापन्नानं इतरेसं कामावचरानं तेसं तत्थ वचीसङ्खारो च निरुज्झिस्सति कायसङ्खारो च निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati , no ca tesaṃ tattha kāyasaṅkhāro nirujjhissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca nirujjhissati.
(क) यस्स यत्थ कायसङ्खारो निरुज्झिस्सति तस्स तत्थ चित्तसङ्खारो निरुज्झिस्सतीति? आमन्ता।
(Ka) yassa yattha kāyasaṅkhāro nirujjhissati tassa tattha cittasaṅkhāro nirujjhissatīti? Āmantā.
(ख) यस्स वा पन यत्थ चित्तसङ्खारो निरुज्झिस्सति तस्स तत्थ कायसङ्खारो निरुज्झिस्सतीति?
(Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति चतुत्थज्झानं समापन्नानं रूपावचरानं अरूपावचरानं तेसं तत्थ चित्तसङ्खारो निरुज्झिस्सति, नो च तेसं तत्थ कायसङ्खारो निरुज्झिस्सति। पठमज्झानं दुतियज्झानं ततियज्झानं समापन्नानं इतरेसं कामावचरानं तेसं तत्थ चित्तसङ्खारो च निरुज्झिस्सति कायसङ्खारो च निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca nirujjhissati.
९२. (क) यस्स यत्थ वचीसङ्खारो निरुज्झिस्सति तस्स तत्थ चित्तसङ्खारो निरुज्झिस्सतीति? आमन्ता।
92. (Ka) yassa yattha vacīsaṅkhāro nirujjhissati tassa tattha cittasaṅkhāro nirujjhissatīti? Āmantā.
(ख) यस्स वा पन यत्थ चित्तसङ्खारो निरुज्झिस्सति तस्स तत्थ वचीसङ्खारो निरुज्झिस्सतीति?
(Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhissatīti?
अवितक्कअविचारपच्छिमचित्तस्स उप्पादक्खणे यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं चतुत्थज्झानं समापन्नानं तेसं तत्थ चित्तसङ्खारो निरुज्झिस्सति, नो च तेसं तत्थ वचीसङ्खारो निरुज्झिस्सति। पठमज्झानं समापन्नानं कामावचरानं इतरेसं रूपावचरानं अरूपावचरानं तेसं तत्थ चित्तसङ्खारो च निरुज्झिस्सति वचीसङ्खारो च निरुज्झिस्सति।
Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca nirujjhissati vacīsaṅkhāro ca nirujjhissati.
(घ) पच्चनीकपुग्गलो
(Gha) paccanīkapuggalo
९३. (क) यस्स कायसङ्खारो न निरुज्झिस्सति तस्स वचीसङ्खारो न निरुज्झिस्सतीति?
93. (Ka) yassa kāyasaṅkhāro na nirujjhissati tassa vacīsaṅkhāro na nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं कायसङ्खारो न निरुज्झिस्सति, नो च तेसं वचीसङ्खारो न निरुज्झिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं कायसङ्खारो च न निरुज्झिस्सति वचीसङ्खारो च न निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro na nirujjhissati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca na nirujjhissati vacīsaṅkhāro ca na nirujjhissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(क) यस्स कायसङ्खारो न निरुज्झिस्सति तस्स चित्तसङ्खारो न निरुज्झिस्सतीति?
(Ka) yassa kāyasaṅkhāro na nirujjhissati tassa cittasaṅkhāro na nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं कायसङ्खारो न निरुज्झिस्सति, नो च तेसं चित्तसङ्खारो न निरुज्झिस्सति। पच्छिमचित्तस्स भङ्गक्खणे तेसं कायसङ्खारो च न निरुज्झिस्सति चित्तसङ्खारो च न निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro na nirujjhissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca na nirujjhissati cittasaṅkhāro ca na nirujjhissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
९४. (क) यस्स वचीसङ्खारो न निरुज्झिस्सति तस्स चित्तसङ्खारो न निरुज्झिस्सतीति?
94. (Ka) yassa vacīsaṅkhāro na nirujjhissati tassa cittasaṅkhāro na nirujjhissatīti?
अवितक्कअविचारपच्छिमचित्तस्स उप्पादक्खणे यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं वचीसङ्खारो न निरुज्झिस्सति, नो च तेसं चित्तसङ्खारो न निरुज्झिस्सति। पच्छिमचित्तस्स भङ्गक्खणे तेसं वचीसङ्खारो च न निरुज्झिस्सति चित्तसङ्खारो च न निरुज्झिस्सति।
Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro na nirujjhissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca na nirujjhissati cittasaṅkhāro ca na nirujjhissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(ङ) पच्चनीकओकासो
(Ṅa) paccanīkaokāso
९५. यत्थ कायसङ्खारो न निरुज्झिस्सति…पे॰…।
95. Yattha kāyasaṅkhāro na nirujjhissati…pe….
(च) पच्चनीकपुग्गलोकासा
(Ca) paccanīkapuggalokāsā
९६. (क) यस्स यत्थ कायसङ्खारो न निरुज्झिस्सति तस्स तत्थ वचीसङ्खारो न निरुज्झिस्सतीति?
96. (Ka) yassa yattha kāyasaṅkhāro na nirujjhissati tassa tattha vacīsaṅkhāro na nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरानं अरूपावचरानं तेसं तत्थ कायसङ्खारो न निरुज्झिस्सति, नो च तेसं तत्थ वचीसङ्खारो न निरुज्झिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति चतुत्थज्झानं समापन्नानं असञ्ञसत्तानं तेसं तत्थ कायसङ्खारो च न निरुज्झिस्सति वचीसङ्खारो च न निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhissati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhissati vacīsaṅkhāro ca na nirujjhissati.
(ख) यस्स वा पन यत्थ वचीसङ्खारो न निरुज्झिस्सति तस्स तत्थ कायसङ्खारो न निरुज्झिस्सतीति?
(Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhissatīti?
दुतियज्झानं ततियज्झानं समापन्नानं तेसं तत्थ वचीसङ्खारो न निरुज्झिस्सति, नो च तेसं तत्थ कायसङ्खारो न निरुज्झिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति चतुत्थज्झानं समापन्नानं असञ्ञसत्तानं तेसं तत्थ वचीसङ्खारो च न निरुज्झिस्सति कायसङ्खारो च न निरुज्झिस्सति।
Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhissati.
(क) यस्स यत्थ कायसङ्खारो न निरुज्झिस्सति तस्स तत्थ चित्तसङ्खारो न निरुज्झिस्सतीति?
(Ka) yassa yattha kāyasaṅkhāro na nirujjhissati tassa tattha cittasaṅkhāro na nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति चतुत्थज्झानं समापन्नानं रूपावचरानं अरूपावचरानं तेसं तत्थ कायसङ्खारो न निरुज्झिस्सति, नो च तेसं तत्थ चित्तसङ्खारो न निरुज्झिस्सति। पच्छिमचित्तस्स भङ्गक्खणे असञ्ञसत्तानं तेसं तत्थ कायसङ्खारो च न निरुज्झिस्सति चित्तसङ्खारो च न निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhissati cittasaṅkhāro ca na nirujjhissati.
(ख) यस्स वा पन यत्थ चित्तसङ्खारो न निरुज्झिस्सति तस्स तत्थ कायसङ्खारो न निरुज्झिस्सतीति? आमन्ता।
(Kha) yassa vā pana yattha cittasaṅkhāro na nirujjhissati tassa tattha kāyasaṅkhāro na nirujjhissatīti? Āmantā.
९७. (क) यस्स यत्थ वचीसङ्खारो न निरुज्झिस्सति तस्स तत्थ चित्तसङ्खारो न निरुज्झिस्सतीति?
97. (Ka) yassa yattha vacīsaṅkhāro na nirujjhissati tassa tattha cittasaṅkhāro na nirujjhissatīti?
अवितक्कअविचारपच्छिमचित्तस्स उप्पादक्खणे यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं चतुत्थज्झानं समापन्नानं तेसं तत्थ वचीसङ्खारो न निरुज्झिस्सति, नो च तेसं तत्थ चित्तसङ्खारो न निरुज्झिस्सति। पच्छिमचित्तस्स भङ्गक्खणे असञ्ञसत्तानं तेसं तत्थ वचीसङ्खारो च न निरुज्झिस्सति चित्तसङ्खारो च न निरुज्झिस्सति।
Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhissati cittasaṅkhāro ca na nirujjhissati.
(ख) यस्स वा पन यत्थ चित्तसङ्खारो न निरुज्झिस्सति तस्स तत्थ वचीसङ्खारो न निरुज्झिस्सतीति? आमन्ता।
(Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhissatīti? Āmantā.
(४) पच्चुप्पन्नातीतवारो
(4) Paccuppannātītavāro
(क) अनुलोमपुग्गलो
(Ka) anulomapuggalo
९८. (क) यस्स कायसङ्खारो निरुज्झति तस्स वचीसङ्खारो निरुज्झित्थाति ? आमन्ता।
98. (Ka) yassa kāyasaṅkhāro nirujjhati tassa vacīsaṅkhāro nirujjhitthāti ? Āmantā.
(ख) यस्स वा पन वचीसङ्खारो निरुज्झित्थ तस्स कायसङ्खारो निरुज्झतीति?
(Kha) yassa vā pana vacīsaṅkhāro nirujjhittha tassa kāyasaṅkhāro nirujjhatīti?
सब्बेसं चित्तस्स उप्पादक्खणे विना अस्सासपस्सासेहि चित्तस्स भङ्गक्खणे निरोधसमापन्नानं असञ्ञसत्तानं तेसं वचीसङ्खारो निरुज्झित्थ, नो च तेसं कायसङ्खारो निरुज्झति। अस्सासपस्सासानं भङ्गक्खणे तेसं वचीसङ्खारो च निरुज्झित्थ कायसङ्खारो च निरुज्झति।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhittha, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ vacīsaṅkhāro ca nirujjhittha kāyasaṅkhāro ca nirujjhati.
(क) यस्स कायसङ्खारो निरुज्झति तस्स चित्तसङ्खारो निरुज्झित्थाति? आमन्ता।
(Ka) yassa kāyasaṅkhāro nirujjhati tassa cittasaṅkhāro nirujjhitthāti? Āmantā.
(ख) यस्स वा पन चित्तसङ्खारो निरुज्झित्थ तस्स कायसङ्खारो निरुज्झतीति?
(Kha) yassa vā pana cittasaṅkhāro nirujjhittha tassa kāyasaṅkhāro nirujjhatīti?
सब्बेसं चित्तस्स उप्पादक्खणे विना अस्सासपस्सासेहि चित्तस्स भङ्गक्खणे निरोधसमापन्नानं असञ्ञसत्तानं तेसं चित्तसङ्खारो निरुज्झित्थ, नो च तेसं कायसङ्खारो निरुज्झति। अस्सासपस्सासानं भङ्गक्खणे तेसं चित्तसङ्खारो च निरुज्झित्थ कायसङ्खारो च निरुज्झति।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhittha, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhittha kāyasaṅkhāro ca nirujjhati.
९९. (क) यस्स वचीसङ्खारो निरुज्झति तस्स चित्तसङ्खारो निरुज्झित्थाति? आमन्ता।
99. (Ka) yassa vacīsaṅkhāro nirujjhati tassa cittasaṅkhāro nirujjhitthāti? Āmantā.
(ख) यस्स वा पन चित्तसङ्खारो निरुज्झित्थ तस्स वचीसङ्खारो निरुज्झतीति?
(Kha) yassa vā pana cittasaṅkhāro nirujjhittha tassa vacīsaṅkhāro nirujjhatīti?
सब्बेसं चित्तस्स उप्पादक्खणे विना वितक्कविचारेहि चित्तस्स भङ्गक्खणे निरोधसमापन्नानं असञ्ञसत्तानं तेसं चित्तसङ्खारो निरुज्झित्थ, नो च तेसं वचीसङ्खारो निरुज्झति। वितक्कविचारानं भङ्गक्खणे तेसं चित्तसङ्खारो च निरुज्झित्थ वचीसङ्खारो च निरुज्झति।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhittha, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhittha vacīsaṅkhāro ca nirujjhati.
(ख) अनुलोमओकासो
(Kha) anulomaokāso
१००. यत्थ कायसङ्खारो निरुज्झति…पे॰…।
100. Yattha kāyasaṅkhāro nirujjhati…pe….
(ग) अनुलोमपुग्गलोकासा
(Ga) anulomapuggalokāsā
१०१. (क) यस्स यत्थ कायसङ्खारो निरुज्झति तस्स तत्थ वचीसङ्खारो निरुज्झित्थाति?
101. (Ka) yassa yattha kāyasaṅkhāro nirujjhati tassa tattha vacīsaṅkhāro nirujjhitthāti?
दुतियज्झानं ततियज्झानं समापन्नानं अस्सासपस्सासानं भङ्गक्खणे तेसं तत्थ कायसङ्खारो निरुज्झति, नो च तेसं तत्थ वचीसङ्खारो निरुज्झित्थ। पठमज्झानं समापन्नानं कामावचरानं अस्सासपस्सासानं भङ्गक्खणे तेसं तत्थ कायसङ्खारो च निरुज्झति वचीसङ्खारो च निरुज्झित्थ।
Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro nirujjhati, no ca tesaṃ tattha vacīsaṅkhāro nirujjhittha. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro ca nirujjhati vacīsaṅkhāro ca nirujjhittha.
(ख) यस्स वा पन यत्थ वचीसङ्खारो निरुज्झित्थ तस्स तत्थ कायसङ्खारो निरुज्झतीति?
(Kha) yassa vā pana yattha vacīsaṅkhāro nirujjhittha tassa tattha kāyasaṅkhāro nirujjhatīti?
पठमज्झानं समापन्नानं कामावचरानं अस्सासपस्सासानं उप्पादक्खणे तेसंयेव विना अस्सासपस्सासेहि चित्तस्स भङ्गक्खणे रूपावचरानं अरूपावचरानं तेसं तत्थ वचीसङ्खारो निरुज्झित्थ, नो च तेसं तत्थ कायसङ्खारो निरुज्झति। पठमज्झानं समापन्नानं कामावचरानं अस्सासपस्सासानं भङ्गक्खणे तेसं तत्थ वचीसङ्खारो च निरुज्झित्थ कायसङ्खारो च निरुज्झति।
Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhittha, no ca tesaṃ tattha kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro ca nirujjhittha kāyasaṅkhāro ca nirujjhati.
(क) यस्स यत्थ कायसङ्खारो निरुज्झति तस्स तत्थ चित्तसङ्खारो निरुज्झित्थाति? आमन्ता।
(Ka) yassa yattha kāyasaṅkhāro nirujjhati tassa tattha cittasaṅkhāro nirujjhitthāti? Āmantā.
(ख) यस्स वा पन यत्थ चित्तसङ्खारो निरुज्झित्थ तस्स तत्थ कायसङ्खारो निरुज्झतीति?
(Kha) yassa vā pana yattha cittasaṅkhāro nirujjhittha tassa tattha kāyasaṅkhāro nirujjhatīti?
सब्बेसं चित्तस्स उप्पादक्खणे विना अस्सासपस्सासेहि चित्तस्स भङ्गक्खणे तेसं तत्थ चित्तसङ्खारो निरुज्झित्थ , नो च तेसं तत्थ कायसङ्खारो निरुज्झति। अस्सासपस्सासानं भङ्गक्खणे तेसं तत्थ चित्तसङ्खारो च निरुज्झित्थ कायसङ्खारो च निरुज्झति।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha cittasaṅkhāro nirujjhittha , no ca tesaṃ tattha kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ tattha cittasaṅkhāro ca nirujjhittha kāyasaṅkhāro ca nirujjhati.
१०२. (क) यस्स यत्थ वचीसङ्खारो निरुज्झति तस्स तत्थ चित्तसङ्खारो निरुज्झित्थाति? आमन्ता।
102. (Ka) yassa yattha vacīsaṅkhāro nirujjhati tassa tattha cittasaṅkhāro nirujjhitthāti? Āmantā.
(ख) यस्स वा पन यत्थ चित्तसङ्खारो निरुज्झित्थ तस्स तत्थ वचीसङ्खारो निरुज्झतीति?
(Kha) yassa vā pana yattha cittasaṅkhāro nirujjhittha tassa tattha vacīsaṅkhāro nirujjhatīti?
सब्बेसं चित्तस्स उप्पादक्खणे विना वितक्कविचारेहि चित्तस्स भङ्गक्खणे तेसं तत्थ चित्तसङ्खारो निरुज्झित्थ, नो च तेसं तत्थ वचीसङ्खारो निरुज्झति। वितक्कविचारानं भङ्गक्खणे तेसं तत्थ चित्तसङ्खारो च निरुज्झित्थ वचीसङ्खारो च निरुज्झति।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha cittasaṅkhāro nirujjhittha, no ca tesaṃ tattha vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ tattha cittasaṅkhāro ca nirujjhittha vacīsaṅkhāro ca nirujjhati.
(घ) पच्चनीकपुग्गलो
(Gha) paccanīkapuggalo
१०३. (क) यस्स कायसङ्खारो न निरुज्झति तस्स वचीसङ्खारो न निरुज्झित्थाति? निरुज्झित्थ।
103. (Ka) yassa kāyasaṅkhāro na nirujjhati tassa vacīsaṅkhāro na nirujjhitthāti? Nirujjhittha.
(ख) यस्स वा पन वचीसङ्खारो न निरुज्झित्थ तस्स कायसङ्खारो न निरुज्झतीति? नत्थि।
(Kha) yassa vā pana vacīsaṅkhāro na nirujjhittha tassa kāyasaṅkhāro na nirujjhatīti? Natthi.
(क) यस्स कायसङ्खारो न निरुज्झति तस्स चित्तसङ्खारो न निरुज्झित्थाति? निरुज्झित्थ।
(Ka) yassa kāyasaṅkhāro na nirujjhati tassa cittasaṅkhāro na nirujjhitthāti? Nirujjhittha.
(ख) यस्स वा पन चित्तसङ्खारो न निरुज्झित्थ तस्स कायसङ्खारो न निरुज्झतीति? नत्थि।
(Kha) yassa vā pana cittasaṅkhāro na nirujjhittha tassa kāyasaṅkhāro na nirujjhatīti? Natthi.
१०४. (क) यस्स वचीसङ्खारो न निरुज्झति तस्स चित्तसङ्खारो न निरुज्झित्थाति? निरुज्झित्थ।
104. (Ka) yassa vacīsaṅkhāro na nirujjhati tassa cittasaṅkhāro na nirujjhitthāti? Nirujjhittha.
(ख) यस्स वा पन चित्तसङ्खारो न निरुज्झित्थ तस्स वचीसङ्खारो न निरुज्झतीति? नत्थि।
(Kha) yassa vā pana cittasaṅkhāro na nirujjhittha tassa vacīsaṅkhāro na nirujjhatīti? Natthi.
(ङ) पच्चनीकओकासो
(Ṅa) paccanīkaokāso
१०५. यत्थ कायसङ्खारो न निरुज्झति…पे॰…।
105. Yattha kāyasaṅkhāro na nirujjhati…pe….
(च) पच्चनीकपुग्गलोकासा
(Ca) paccanīkapuggalokāsā
१०६. (क) यस्स यत्थ कायसङ्खारो न निरुज्झति तस्स तत्थ वचीसङ्खारो न निरुज्झित्थाति?
106. (Ka) yassa yattha kāyasaṅkhāro na nirujjhati tassa tattha vacīsaṅkhāro na nirujjhitthāti?
पठमज्झानं समापन्नानं कामावचरानं अस्सासपस्सासानं उप्पादक्खणे तेसंयेव विना अस्सासपस्सासेहि चित्तस्स भङ्गक्खणे रूपावचरानं अरूपावचरानं तेसं तत्थ कायसङ्खारो न निरुज्झति, नो च तेसं तत्थ वचीसङ्खारो न निरुज्झित्थ। दुतियज्झानं ततियज्झानं समापन्नानं अस्सासपस्सासानं उप्पादक्खणे तेसंयेव विना अस्सासपस्सासेहि चित्तस्स भङ्गक्खणे चतुत्थज्झानं समापन्नानं सुद्धावासानं दुतिये चित्ते वत्तमाने असञ्ञसत्तानं तेसं तत्थ कायसङ्खारो च न निरुज्झति वचीसङ्खारो च न निरुज्झित्थ।
Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhittha. Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhittha.
(ख) यस्स वा पन यत्थ वचीसङ्खारो न निरुज्झित्थ तस्स तत्थ कायसङ्खारो न निरुज्झतीति?
(Kha) yassa vā pana yattha vacīsaṅkhāro na nirujjhittha tassa tattha kāyasaṅkhāro na nirujjhatīti?
दुतियज्झानं ततियज्झानं समापन्नानं अस्सासपस्सासानं भङ्गक्खणे तेसं तत्थ वचीसङ्खारो न निरुज्झित्थ, नो च तेसं तत्थ कायसङ्खारो न निरुज्झति। दुतियज्झानं ततियज्झानं समापन्नानं अस्सासपस्सासानं उप्पादक्खणे तेसंयेव विना अस्सासपस्सासेहि चित्तस्स भङ्गक्खणे चतुत्थज्झानं समापन्नानं सुद्धावासानं दुतिये चित्ते वत्तमाने असञ्ञसत्तानं तेसं तत्थ वचीसङ्खारो च न निरुज्झित्थ कायसङ्खारो च न निरुज्झति।
Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro na nirujjhittha, no ca tesaṃ tattha kāyasaṅkhāro na nirujjhati. Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca na nirujjhittha kāyasaṅkhāro ca na nirujjhati.
(क) यस्स यत्थ कायसङ्खारो न निरुज्झति तस्स तत्थ चित्तसङ्खारो न निरुज्झित्थाति?
(Ka) yassa yattha kāyasaṅkhāro na nirujjhati tassa tattha cittasaṅkhāro na nirujjhitthāti?
सब्बेसं चित्तस्स उप्पादक्खणे विना अस्सासपस्सासेहि चित्तस्स भङ्गक्खणे तेसं तत्थ कायसङ्खारो न निरुज्झति, नो च तेसं तत्थ चित्तसङ्खारो न निरुज्झित्थ। सुद्धावासं उपपज्जन्तानं असञ्ञसत्तानं तेसं तत्थ कायसङ्खारो च न निरुज्झति चित्तसङ्खारो च न निरुज्झित्थ।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha cittasaṅkhāro na nirujjhittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca na nirujjhati cittasaṅkhāro ca na nirujjhittha.
(ख) यस्स वा पन यत्थ चित्तसङ्खारो न निरुज्झित्थ तस्स तत्थ कायसङ्खारो न निरुज्झतीति? आमन्ता।
(Kha) yassa vā pana yattha cittasaṅkhāro na nirujjhittha tassa tattha kāyasaṅkhāro na nirujjhatīti? Āmantā.
१०७. (क) यस्स यत्थ वचीसङ्खारो न निरुज्झति तस्स तत्थ चित्तसङ्खारो न निरुज्झित्थाति?
107. (Ka) yassa yattha vacīsaṅkhāro na nirujjhati tassa tattha cittasaṅkhāro na nirujjhitthāti?
सब्बेसं चित्तस्स उप्पादक्खणे विना वितक्कविचारेहि चित्तस्स भङ्गक्खणे तेसं तत्थ वचीसङ्खारो न निरुज्झति, नो च तेसं तत्थ चित्तसङ्खारो न निरुज्झित्थ। सुद्धावासं उपपज्जन्तानं असञ्ञसत्तानं तेसं तत्थ वचीसङ्खारो च न निरुज्झति चित्तसङ्खारो च न निरुज्झित्थ।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha vacīsaṅkhāro na nirujjhati, no ca tesaṃ tattha cittasaṅkhāro na nirujjhittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca na nirujjhati cittasaṅkhāro ca na nirujjhittha.
(ख) यस्स वा पन यत्थ चित्तसङ्खारो न निरुज्झित्थ तस्स तत्थ वचीसङ्खारो न निरुज्झतीति? आमन्ता।
(Kha) yassa vā pana yattha cittasaṅkhāro na nirujjhittha tassa tattha vacīsaṅkhāro na nirujjhatīti? Āmantā.
(५) पच्चुप्पन्नानागतवारो
(5) Paccuppannānāgatavāro
(क) अनुलोमपुग्गलो
(Ka) anulomapuggalo
१०८. (क) यस्स कायसङ्खारो निरुज्झति तस्स वचीसङ्खारो निरुज्झिस्सतीति? आमन्ता।
108. (Ka) yassa kāyasaṅkhāro nirujjhati tassa vacīsaṅkhāro nirujjhissatīti? Āmantā.
(ख) यस्स वा पन वचीसङ्खारो निरुज्झिस्सति तस्स कायसङ्खारो निरुज्झतीति ?
(Kha) yassa vā pana vacīsaṅkhāro nirujjhissati tassa kāyasaṅkhāro nirujjhatīti ?
सब्बेसं चित्तस्स उप्पादक्खणे विना अस्सासपस्सासेहि चित्तस्स भङ्गक्खणे निरोधसमापन्नानं असञ्ञसत्तानं तेसं वचीसङ्खारो निरुज्झिस्सति, नो च तेसं कायसङ्खारो निरुज्झति। अस्सासपस्सासानं भङ्गक्खणे तेसं वचीसङ्खारो च निरुज्झिस्सति कायसङ्खारो च निरुज्झति।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ vacīsaṅkhāro ca nirujjhissati kāyasaṅkhāro ca nirujjhati.
(क) यस्स कायसङ्खारो निरुज्झति तस्स चित्तसङ्खारो निरुज्झिस्सतीति? आमन्ता।
(Ka) yassa kāyasaṅkhāro nirujjhati tassa cittasaṅkhāro nirujjhissatīti? Āmantā.
(ख) यस्स वा पन चित्तसङ्खारो निरुज्झिस्सति तस्स कायसङ्खारो निरुज्झतीति?
(Kha) yassa vā pana cittasaṅkhāro nirujjhissati tassa kāyasaṅkhāro nirujjhatīti?
सब्बेसं चित्तस्स उप्पादक्खणे विना अस्सासपस्सासेहि चित्तस्स भङ्गक्खणे निरोधसमापन्नानं असञ्ञसत्तानं तेसं चित्तसङ्खारो निरुज्झिस्सति, नो च तेसं कायसङ्खारो निरुज्झति। अस्सासपस्सासानं भङ्गक्खणे तेसं चित्तसङ्खारो च निरुज्झिस्सति कायसङ्खारो च निरुज्झति।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhissati kāyasaṅkhāro ca nirujjhati.
१०९. (क) यस्स वचीसङ्खारो निरुज्झति तस्स चित्तसङ्खारो निरुज्झिस्सतीति?
109. (Ka) yassa vacīsaṅkhāro nirujjhati tassa cittasaṅkhāro nirujjhissatīti?
सवितक्कसविचारपच्छिमचित्तस्स भङ्गक्खणे तेसं वचीसङ्खारो निरुज्झति, नो च तेसं चित्तसङ्खारो निरुज्झिस्सति। इतरेसं वितक्कविचारानं भङ्गक्खणे तेसं वचीसङ्खारो च निरुज्झति चित्तसङ्खारो च निरुज्झिस्सति।
Savitakkasavicārapacchimacittassa bhaṅgakkhaṇe tesaṃ vacīsaṅkhāro nirujjhati, no ca tesaṃ cittasaṅkhāro nirujjhissati. Itaresaṃ vitakkavicārānaṃ bhaṅgakkhaṇe tesaṃ vacīsaṅkhāro ca nirujjhati cittasaṅkhāro ca nirujjhissati.
(ख) यस्स वा पन चित्तसङ्खारो निरुज्झिस्सति तस्स वचीसङ्खारो निरुज्झतीति?
(Kha) yassa vā pana cittasaṅkhāro nirujjhissati tassa vacīsaṅkhāro nirujjhatīti?
सब्बेसं चित्तस्स उप्पादक्खणे विना वितक्कविचारेहि चित्तस्स भङ्गक्खणे निरोधसमापन्नानं असञ्ञसत्तानं तेसं चित्तसङ्खारो निरुज्झिस्सति, नो च तेसं वचीसङ्खारो निरुज्झति। वितक्कविचारानं भङ्गक्खणे तेसं चित्तसङ्खारो च निरुज्झिस्सति वचीसङ्खारो च निरुज्झति।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhissati vacīsaṅkhāro ca nirujjhati.
(ख) अनुलोमओकासो
(Kha) anulomaokāso
११०. यत्थ कायसङ्खारो निरुज्झति…पे॰…।
110. Yattha kāyasaṅkhāro nirujjhati…pe….
(ग) अनुलोमपुग्गलोकासा
(Ga) anulomapuggalokāsā
१११. (क) यस्स यत्थ कायसङ्खारो निरुज्झति तस्स तत्थ वचीसङ्खारो निरुज्झिस्सतीति?
111. (Ka) yassa yattha kāyasaṅkhāro nirujjhati tassa tattha vacīsaṅkhāro nirujjhissatīti?
दुतियज्झानं ततियज्झानं समापन्नानं अस्सासपस्सासानं भङ्गक्खणे तेसं तत्थ कायसङ्खारो निरुज्झति, नो च तेसं तत्थ वचीसङ्खारो निरुज्झिस्सति। पठमज्झानं समापन्नानं कामावचरानं अस्सासपस्सासानं भङ्गक्खणे तेसं तत्थ कायसङ्खारो च निरुज्झति वचीसङ्खारो च निरुज्झिस्सति।
Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro nirujjhati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro ca nirujjhati vacīsaṅkhāro ca nirujjhissati.
(ख) यस्स वा पन यत्थ वचीसङ्खारो निरुज्झिस्सति तस्स तत्थ कायसङ्खारो निरुज्झतीति?
(Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhatīti?
पठमज्झानं समापन्नानं कामावचरानं अस्सासपस्सासानं उप्पादक्खणे तेसंयेव विना अस्सासपस्सासेहि चित्तस्स भङ्गक्खणे रूपावचरानं अरूपावचरानं तेसं तत्थ वचीसङ्खारो निरुज्झिस्सति, नो च तेसं तत्थ कायसङ्खारो निरुज्झति। पठमज्झानं समापन्नानं कामावचरानं अस्सासपस्सासानं भङ्गक्खणे तेसं तत्थ वचीसङ्खारो च निरुज्झिस्सति कायसङ्खारो च निरुज्झति।
Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro ca nirujjhissati kāyasaṅkhāro ca nirujjhati.
(क) यस्स यत्थ कायसङ्खारो निरुज्झति तस्स तत्थ चित्तसङ्खारो निरुज्झिस्सतीति? आमन्ता।
(Ka) yassa yattha kāyasaṅkhāro nirujjhati tassa tattha cittasaṅkhāro nirujjhissatīti? Āmantā.
(ख) यस्स वा पन यत्थ चित्तसङ्खारो निरुज्झिस्सति तस्स तत्थ कायसङ्खारो निरुज्झतीति?
(Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhatīti?
सब्बेसं चित्तस्स उप्पादक्खणे विना अस्सासपस्सासेहि चित्तस्स भङ्गक्खणे तेसं तत्थ चित्तसङ्खारो निरुज्झिस्सति, नो च तेसं तत्थ कायसङ्खारो निरुज्झति। अस्सासपस्सासानं भङ्गक्खणे तेसं तत्थ चित्तसङ्खारो च निरुज्झिस्सति कायसङ्खारो च निरुज्झति।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ tattha cittasaṅkhāro ca nirujjhissati kāyasaṅkhāro ca nirujjhati.
११२. (क) यस्स यत्थ वचीसङ्खारो निरुज्झति तस्स तत्थ चित्तसङ्खारो निरुज्झिस्सतीति?
112. (Ka) yassa yattha vacīsaṅkhāro nirujjhati tassa tattha cittasaṅkhāro nirujjhissatīti?
सवितक्कसविचारपच्छिमचित्तस्स भङ्गक्खणे तेसं तत्थ वचीसङ्खारो निरुज्झति, नो च तेसं तत्थ चित्तसङ्खारो निरुज्झिस्सति। इतरेसं वितक्कविचारानं भङ्गक्खणे तेसं तत्थ वचीसङ्खारो च निरुज्झति चित्तसङ्खारो च निरुज्झिस्सति।
Savitakkasavicārapacchimacittassa bhaṅgakkhaṇe tesaṃ tattha vacīsaṅkhāro nirujjhati, no ca tesaṃ tattha cittasaṅkhāro nirujjhissati. Itaresaṃ vitakkavicārānaṃ bhaṅgakkhaṇe tesaṃ tattha vacīsaṅkhāro ca nirujjhati cittasaṅkhāro ca nirujjhissati.
(ख) यस्स वा पन यत्थ चित्तसङ्खारो निरुज्झिस्सति तस्स तत्थ वचीसङ्खारो निरुज्झतीति?
(Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhatīti?
सब्बेसं चित्तस्स उप्पादक्खणे विना वितक्कविचारेहि चित्तस्स भङ्गक्खणे तेसं तत्थ चित्तसङ्खारो निरुज्झिस्सति, नो च तेसं तत्थ वचीसङ्खारो निरुज्झति। वितक्कविचारानं भङ्गक्खणे तेसं तत्थ चित्तसङ्खारो च निरुज्झिस्सति वचीसङ्खारो च निरुज्झति।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ tattha cittasaṅkhāro ca nirujjhissati vacīsaṅkhāro ca nirujjhati.
(घ) पच्चनीकपुग्गलो
(Gha) paccanīkapuggalo
११३. (क) यस्स कायसङ्खारो न निरुज्झति तस्स वचीसङ्खारो न निरुज्झिस्सतीति?
113. (Ka) yassa kāyasaṅkhāro na nirujjhati tassa vacīsaṅkhāro na nirujjhissatīti?
सब्बेसं चित्तस्स उप्पादक्खणे विना अस्सासपस्सासेहि चित्तस्स भङ्गक्खणे निरोधसमापन्नानं असञ्ञसत्तानं तेसं कायसङ्खारो न निरुज्झति, नो च तेसं वचीसङ्खारो न निरुज्झिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं कायसङ्खारो च न निरुज्झति वचीसङ्खारो च न निरुज्झिस्सति।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro na nirujjhati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca na nirujjhati vacīsaṅkhāro ca na nirujjhissati.
(ख) यस्स वा पन वचीसङ्खारो न निरुज्झिस्सति तस्स कायसङ्खारो न निरुज्झतीति? आमन्ता।
(Kha) yassa vā pana vacīsaṅkhāro na nirujjhissati tassa kāyasaṅkhāro na nirujjhatīti? Āmantā.
(क) यस्स कायसङ्खारो न निरुज्झति तस्स चित्तसङ्खारो न निरुज्झिस्सतीति?
(Ka) yassa kāyasaṅkhāro na nirujjhati tassa cittasaṅkhāro na nirujjhissatīti?
सब्बेसं चित्तस्स उप्पादक्खणे विना अस्सासपस्सासेहि चित्तस्स भङ्गक्खणे निरोधसमापन्नानं असञ्ञसत्तानं तेसं कायसङ्खारो न निरुज्झति, नो च तेसं चित्तसङ्खारो न निरुज्झिस्सति। पच्छिमचित्तस्स भङ्गक्खणे तेसं कायसङ्खारो च न निरुज्झति चित्तसङ्खारो च न निरुज्झिस्सति।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro na nirujjhati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca na nirujjhati cittasaṅkhāro ca na nirujjhissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
११४. (क) यस्स वचीसङ्खारो न निरुज्झति तस्स चित्तसङ्खारो न निरुज्झिस्सतीति?
114. (Ka) yassa vacīsaṅkhāro na nirujjhati tassa cittasaṅkhāro na nirujjhissatīti?
सब्बेसं चित्तस्स उप्पादक्खणे विना वितक्कविचारेहि चित्तस्स भङ्गक्खणे निरोधसमापन्नानं असञ्ञसत्तानं तेसं वचीसङ्खारो न निरुज्झति, नो च तेसं चित्तसङ्खारो न निरुज्झिस्सति। अवितक्कअविचारपच्छिमचित्तस्स भङ्गक्खणे तेसं वचीसङ्खारो च न निरुज्झति चित्तसङ्खारो च न निरुज्झिस्सति।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro na nirujjhati, no ca tesaṃ cittasaṅkhāro na nirujjhissati. Avitakkaavicārapacchimacittassa bhaṅgakkhaṇe tesaṃ vacīsaṅkhāro ca na nirujjhati cittasaṅkhāro ca na nirujjhissati.
(ख) यस्स वा पन चित्तसङ्खारो न निरुज्झिस्सति तस्स वचीसङ्खारो न निरुज्झतीति?
(Kha) yassa vā pana cittasaṅkhāro na nirujjhissati tassa vacīsaṅkhāro na nirujjhatīti?
सवितक्कसविचारपच्छिमचित्तस्स भङ्गक्खणे तेसं चित्तसङ्खारो न निरुज्झिस्सति, नो च तेसं वचीसङ्खारो न निरुज्झति। अवितक्कअविचारपच्छिमचित्तस्स भङ्गक्खणे तेसं चित्तसङ्खारो च न निरुज्झिस्सति वचीसङ्खारो च न निरुज्झति।
Savitakkasavicārapacchimacittassa bhaṅgakkhaṇe tesaṃ cittasaṅkhāro na nirujjhissati, no ca tesaṃ vacīsaṅkhāro na nirujjhati. Avitakkaavicārapacchimacittassa bhaṅgakkhaṇe tesaṃ cittasaṅkhāro ca na nirujjhissati vacīsaṅkhāro ca na nirujjhati.
(ङ) पच्चनीकओकासो
(Ṅa) paccanīkaokāso
११५. यत्थ कायसङ्खारो न निरुज्झति…पे॰…।
115. Yattha kāyasaṅkhāro na nirujjhati…pe….
(च) पच्चनीकपुग्गलोकासा
(Ca) paccanīkapuggalokāsā
११६. (क) यस्स यत्थ कायसङ्खारो न निरुज्झति तस्स तत्थ वचीसङ्खारो न निरुज्झिस्सतीति?
116. (Ka) yassa yattha kāyasaṅkhāro na nirujjhati tassa tattha vacīsaṅkhāro na nirujjhissatīti?
पठमज्झानं समापन्नानं कामावचरानं अस्सासपस्सासानं उप्पादक्खणे तेसंयेव विना अस्सासपस्सासेहि चित्तस्स भङ्गक्खणे रूपावचरानं अरूपावचरानं तेसं तत्थ कायसङ्खारो न निरुज्झति, नो च तेसं तत्थ वचीसङ्खारो न निरुज्झिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं समापन्नानं अस्सासपस्सासानं उप्पादक्खणे तेसंयेव विना अस्सासपस्सासेहि चित्तस्स भङ्गक्खणे चतुत्थज्झानं समापन्नानं असञ्ञसत्तानं तेसं तत्थ कायसङ्खारो च न निरुज्झति वचीसङ्खारो च न निरुज्झिस्सति।
Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhissati.
(ख) यस्स वा पन यत्थ वचीसङ्खारो न निरुज्झिस्सति तस्स तत्थ कायसङ्खारो न निरुज्झतीति?
(Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhatīti?
दुतियज्झानं ततियज्झानं समापन्नानं अस्सासपस्सासानं भङ्गक्खणे तेसं तत्थ वचीसङ्खारो न निरुज्झिस्सति, नो च तेसं तत्थ कायसङ्खारो न निरुज्झति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं समापन्नानं अस्सासपस्सासानं उप्पादक्खणे तेसंयेव विना अस्सासपस्सासेहि चित्तस्स भङ्गक्खणे चतुत्थज्झानं समापन्नानं असञ्ञसत्तानं तेसं तत्थ वचीसङ्खारो च न निरुज्झिस्सति कायसङ्खारो च न निरुज्झति।
Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhati.
(क) यस्स यत्थ कायसङ्खारो न निरुज्झति तस्स तत्थ चित्तसङ्खारो न निरुज्झिस्सतीति?
(Ka) yassa yattha kāyasaṅkhāro na nirujjhati tassa tattha cittasaṅkhāro na nirujjhissatīti?
सब्बेसं चित्तस्स उप्पादक्खणे विना अस्सासपस्सासेहि चित्तस्स भङ्गक्खणे तेसं तत्थ कायसङ्खारो न निरुज्झति, नो च तेसं तत्थ चित्तसङ्खारो न निरुज्झिस्सति। पच्छिमचित्तस्स भङ्गक्खणे असञ्ञसत्तानं तेसं तत्थ कायसङ्खारो च न निरुज्झति चित्तसङ्खारो च न निरुज्झिस्सति।
Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhati cittasaṅkhāro ca na nirujjhissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
११७. (क) यस्स यत्थ वचीसङ्खारो न निरुज्झति तस्स तत्थ चित्तसङ्खारो न निरुज्झिस्सतीति?
117. (Ka) yassa yattha vacīsaṅkhāro na nirujjhati tassa tattha cittasaṅkhāro na nirujjhissatīti?
सब्बेसं चित्तस्स उप्पादक्खणे विना वितक्कविचारेहि चित्तस्स भङ्गक्खणे तेसं तत्थ वचीसङ्खारो न निरुज्झति, नो च तेसं तत्थ चित्तसङ्खारो न निरुज्झिस्सति। अवितक्कअविचारपच्छिमचित्तस्स भङ्गक्खणे असञ्ञसत्तानं तेसं तत्थ वचीसङ्खारो च न निरुज्झति चित्तसङ्खारो च न निरुज्झिस्सति।
Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha vacīsaṅkhāro na nirujjhati, no ca tesaṃ tattha cittasaṅkhāro na nirujjhissati. Avitakkaavicārapacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhati cittasaṅkhāro ca na nirujjhissati.
(ख) यस्स वा पन यत्थ चित्तसङ्खारो न निरुज्झिस्सति तस्स तत्थ वचीसङ्खारो न निरुज्झतीति?
(Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhatīti?
सवितक्कसविचारपच्छिमचित्तस्स भङ्गक्खणे तेसं तत्थ चित्तसङ्खारो न निरुज्झिस्सति, नो च तेसं तत्थ वचीसङ्खारो न निरुज्झति। अवितक्कअविचारपच्छिमचित्तस्स भङ्गक्खणे असञ्ञसत्तानं तेसं तत्थ चित्तसङ्खारो च न निरुज्झिस्सति वचीसङ्खारो च न निरुज्झति।
Savitakkasavicārapacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha vacīsaṅkhāro na nirujjhati. Avitakkaavicārapacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati vacīsaṅkhāro ca na nirujjhati.
(६) अतीतानागतवारो
(6) Atītānāgatavāro
(क) अनुलोमपुग्गलो
(Ka) anulomapuggalo
११८. (क) यस्स कायसङ्खारो निरुज्झित्थ तस्स वचीसङ्खारो निरुज्झिस्सतीति?
118. (Ka) yassa kāyasaṅkhāro nirujjhittha tassa vacīsaṅkhāro nirujjhissatīti?
सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं कायसङ्खारो निरुज्झित्थ, नो च तेसं वचीसङ्खारो निरुज्झिस्सति। इतरेसं तेसं कायसङ्खारो च निरुज्झित्थ वचीसङ्खारो च निरुज्झिस्सति।
Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro nirujjhittha, no ca tesaṃ vacīsaṅkhāro nirujjhissati. Itaresaṃ tesaṃ kāyasaṅkhāro ca nirujjhittha vacīsaṅkhāro ca nirujjhissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(क) यस्स कायसङ्खारो निरुज्झित्थ तस्स चित्तसङ्खारो निरुज्झिस्सतीति?
(Ka) yassa kāyasaṅkhāro nirujjhittha tassa cittasaṅkhāro nirujjhissatīti?
पच्छिमचित्तस्स भङ्गक्खणे तेसं कायसङ्खारो निरुज्झित्थ, नो च तेसं चित्तसङ्खारो निरुज्झिस्सति। इतरेसं तेसं कायसङ्खारो च निरुज्झित्थ चित्तसङ्खारो च निरुज्झिस्सति।
Pacchimacittassa bhaṅgakkhaṇe tesaṃ kāyasaṅkhāro nirujjhittha, no ca tesaṃ cittasaṅkhāro nirujjhissati. Itaresaṃ tesaṃ kāyasaṅkhāro ca nirujjhittha cittasaṅkhāro ca nirujjhissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
११९. (क) यस्स वचीसङ्खारो निरुज्झित्थ तस्स चित्तसङ्खारो निरुज्झिस्सतीति?
119. (Ka) yassa vacīsaṅkhāro nirujjhittha tassa cittasaṅkhāro nirujjhissatīti?
पच्छिमचित्तस्स भङ्गक्खणे तेसं वचीसङ्खारो निरुज्झित्थ, नो च तेसं चित्तसङ्खारो निरुज्झिस्सति। इतरेसं तेसं वचीसङ्खारो च निरुज्झित्थ चित्तसङ्खारो च निरुज्झिस्सति।
Pacchimacittassa bhaṅgakkhaṇe tesaṃ vacīsaṅkhāro nirujjhittha, no ca tesaṃ cittasaṅkhāro nirujjhissati. Itaresaṃ tesaṃ vacīsaṅkhāro ca nirujjhittha cittasaṅkhāro ca nirujjhissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(ख) अनुलोमओकासो
(Kha) anulomaokāso
१२०. यत्थ कायसङ्खारो निरुज्झित्थ…पे॰…।
120. Yattha kāyasaṅkhāro nirujjhittha…pe….
(ग) अनुलोमपुग्गलोकासा
(Ga) anulomapuggalokāsā
१२१. (क) यस्स यत्थ कायसङ्खारो निरुज्झित्थ तस्स तत्थ वचीसङ्खारो निरुज्झिस्सतीति?
121. (Ka) yassa yattha kāyasaṅkhāro nirujjhittha tassa tattha vacīsaṅkhāro nirujjhissatīti?
कामावचरे पच्छिमचित्तस्स भङ्गक्खणे दुतियज्झानं ततियज्झानं समापन्नानं तेसं तत्थ कायसङ्खारो निरुज्झित्थ, नो च तेसं तत्थ वचीसङ्खारो निरुज्झिस्सति। पठमज्झानं समापन्नानं इतरेसं कामावचरानं तेसं तत्थ कायसङ्खारो न निरुज्झित्थ वचीसङ्खारो च निरुज्झिस्सति।
Kāmāvacare pacchimacittassa bhaṅgakkhaṇe dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro nirujjhittha, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro na nirujjhittha vacīsaṅkhāro ca nirujjhissati.
(ख) यस्स वा पन यत्थ वचीसङ्खारो निरुज्झिस्सति तस्स तत्थ कायसङ्खारो निरुज्झित्थाति?
(Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhitthāti?
रूपावचरानं अरूपावचरानं तेसं तत्थ वचीसङ्खारो निरुज्झिस्सति, नो च तेसं तत्थ कायसङ्खारो निरुज्झित्थ। पठमज्झानं समापन्नानं कामावचरानं तेसं तत्थ वचीसङ्खारो च निरुज्झिस्सति कायसङ्खारो च निरुज्झित्थ।
Rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro nirujjhittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca nirujjhittha.
(क) यस्स यत्थ कायसङ्खारो निरुज्झित्थ तस्स तत्थ चित्तसङ्खारो निरुज्झिस्सतीति?
(Ka) yassa yattha kāyasaṅkhāro nirujjhittha tassa tattha cittasaṅkhāro nirujjhissatīti?
कामावचरे पच्छिमचित्तस्स भङ्गक्खणे तेसं तत्थ कायसङ्खारो निरुज्झित्थ, नो च तेसं तत्थ चित्तसङ्खारो निरुज्झिस्सति। पठमज्झानं दुतियज्झानं ततियज्झानं समापन्नानं इतरेसं कामावचरानं तेसं तत्थ कायसङ्खारो च निरुज्झित्थ चित्तसङ्खारो च निरुज्झिस्सति।
Kāmāvacare pacchimacittassa bhaṅgakkhaṇe tesaṃ tattha kāyasaṅkhāro nirujjhittha, no ca tesaṃ tattha cittasaṅkhāro nirujjhissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca nirujjhittha cittasaṅkhāro ca nirujjhissati.
(ख) यस्स वा पन यत्थ चित्तसङ्खारो निरुज्झिस्सति तस्स तत्थ कायसङ्खारो निरुज्झित्थाति?
(Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhitthāti?
चतुत्थज्झानं समापन्नानं रूपावचरानं अरूपावचरानं तेसं तत्थ चित्तसङ्खारो निरुज्झिस्सति, नो च तेसं तत्थ कायसङ्खारो निरुज्झित्थ। पठमज्झानं दुतियज्झानं ततियज्झानं समापन्नानं कामावचरानं तेसं तत्थ चित्तसङ्खारो च निरुज्झिस्सति कायसङ्खारो च निरुज्झित्थ।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca nirujjhittha.
१२२. (क) यस्स यत्थ वचीसङ्खारो निरुज्झित्थ तस्स तत्थ चित्तसङ्खारो निरुज्झिस्सतीति?
122. (Ka) yassa yattha vacīsaṅkhāro nirujjhittha tassa tattha cittasaṅkhāro nirujjhissatīti?
सवितक्कसविचारभूमियं पच्छिमचित्तस्स भङ्गक्खणे तेसं तत्थ वचीसङ्खारो निरुज्झित्थ, नो च तेसं तत्थ चित्तसङ्खारो निरुज्झिस्सति। इतरेसं सवितक्कसविचारभूमियं तेसं तत्थ वचीसङ्खारो च निरुज्झित्थ चित्तसङ्खारो च निरुज्झिस्सति।
Savitakkasavicārabhūmiyaṃ pacchimacittassa bhaṅgakkhaṇe tesaṃ tattha vacīsaṅkhāro nirujjhittha, no ca tesaṃ tattha cittasaṅkhāro nirujjhissati. Itaresaṃ savitakkasavicārabhūmiyaṃ tesaṃ tattha vacīsaṅkhāro ca nirujjhittha cittasaṅkhāro ca nirujjhissati.
(ख) यस्स वा पन यत्थ चित्तसङ्खारो निरुज्झिस्सति तस्स तत्थ वचीसङ्खारो निरुज्झित्थाति?
(Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhitthāti?
अवितक्कअविचारभूमियं तेसं तत्थ चित्तसङ्खारो निरुज्झिस्सति, नो च तेसं तत्थ वचीसङ्खारो निरुज्झित्थ। सवितक्कसविचारभूमियं तेसं तत्थ चित्तसङ्खारो च निरुज्झिस्सति वचीसङ्खारो च निरुज्झित्थ।
Avitakkaavicārabhūmiyaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhittha. Savitakkasavicārabhūmiyaṃ tesaṃ tattha cittasaṅkhāro ca nirujjhissati vacīsaṅkhāro ca nirujjhittha.
(घ) पच्चनीकपुग्गलो
(Gha) paccanīkapuggalo
१२३. (क) यस्स कायसङ्खारो न निरुज्झित्थ तस्स वचीसङ्खारो न निरुज्झिस्सतीति? नत्थि।
123. (Ka) yassa kāyasaṅkhāro na nirujjhittha tassa vacīsaṅkhāro na nirujjhissatīti? Natthi.
(ख) यस्स वा पन वचीसङ्खारो न निरुज्झिस्सति तस्स कायसङ्खारो न निरुज्झित्थाति? निरुज्झित्थ।
(Kha) yassa vā pana vacīsaṅkhāro na nirujjhissati tassa kāyasaṅkhāro na nirujjhitthāti? Nirujjhittha.
(क) यस्स कायसङ्खारो न निरुज्झित्थ तस्स चित्तसङ्खारो न निरुज्झिस्सतीति? नत्थि।
(Ka) yassa kāyasaṅkhāro na nirujjhittha tassa cittasaṅkhāro na nirujjhissatīti? Natthi.
(ख) यस्स वा पन चित्तसङ्खारो न निरुज्झिस्सति तस्स कायसङ्खारो न निरुज्झित्थाति? निरुज्झित्थ।
(Kha) yassa vā pana cittasaṅkhāro na nirujjhissati tassa kāyasaṅkhāro na nirujjhitthāti? Nirujjhittha.
१२४. (क) यस्स वचीसङ्खारो न निरुज्झित्थ तस्स चित्तसङ्खारो न निरुज्झिस्सतीति? नत्थि।
124. (Ka) yassa vacīsaṅkhāro na nirujjhittha tassa cittasaṅkhāro na nirujjhissatīti? Natthi.
(ख) यस्स वा पन चित्तसङ्खारो न निरुज्झिस्सति तस्स वचीसङ्खारो न निरुज्झित्थाति? निरुज्झित्थ।
(Kha) yassa vā pana cittasaṅkhāro na nirujjhissati tassa vacīsaṅkhāro na nirujjhitthāti? Nirujjhittha.
(ङ) पच्चनीकओकासो
(Ṅa) paccanīkaokāso
१२५. यत्थ कायसङ्खारो न निरुज्झित्थ…पे॰…।
125. Yattha kāyasaṅkhāro na nirujjhittha…pe….
(च) पच्चनीकपुग्गलोकासा
(Ca) paccanīkapuggalokāsā
१२६. (क) यस्स यत्थ कायसङ्खारो न निरुज्झित्थ तस्स तत्थ वचीसङ्खारो न निरुज्झिस्सतीति?
126. (Ka) yassa yattha kāyasaṅkhāro na nirujjhittha tassa tattha vacīsaṅkhāro na nirujjhissatīti?
रूपावचरानं अरूपावचरानं तेसं तत्थ कायसङ्खारो न निरुज्झित्थ, नो च तेसं तत्थ वचीसङ्खारो न निरुज्झिस्सति। रूपावचरे अरूपावचरे सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति चतुत्थज्झानं समापन्नानं असञ्ञसत्तानं तेसं तत्थ कायसङ्खारो च न निरुज्झित्थ वचीसङ्खारो च न निरुज्झिस्सति।
Rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhittha, no ca tesaṃ tattha vacīsaṅkhāro na nirujjhissati. Rūpāvacare arūpāvacare savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhittha vacīsaṅkhāro ca na nirujjhissati.
(ख) यस्स वा पन यत्थ वचीसङ्खारो न निरुज्झिस्सति तस्स तत्थ कायसङ्खारो न निरुज्झित्थाति?
(Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhitthāti?
कामावचरे पच्छिमचित्तस्स भङ्गक्खणे दुतियज्झानं ततियज्झानं समापन्नानं तेसं तत्थ वचीसङ्खारो न निरुज्झिस्सति, नो च तेसं तत्थ कायसङ्खारो न निरुज्झित्थ। रूपावचरे अरूपावचरे सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति चतुत्थज्झानं समापन्नानं असञ्ञसत्तानं तेसं तत्थ वचीसङ्खारो च न निरुज्झिस्सति कायसङ्खारो च न निरुज्झित्थ।
Kāmāvacare pacchimacittassa bhaṅgakkhaṇe dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhittha. Rūpāvacare arūpāvacare savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhittha.
(क) यस्स यत्थ कायसङ्खारो न निरुज्झित्थ तस्स तत्थ चित्तसङ्खारो न निरुज्झिस्सतीति?
(Ka) yassa yattha kāyasaṅkhāro na nirujjhittha tassa tattha cittasaṅkhāro na nirujjhissatīti?
चतुत्थज्झानं समापन्नानं रूपावचरानं अरूपावचरानं तेसं तत्थ कायसङ्खारो न निरुज्झित्थ, नो च तेसं तत्थ चित्तसङ्खारो न निरुज्झिस्सति। रूपावचरे अरूपावचरे पच्छिमचित्तस्स भङ्गक्खणे असञ्ञसत्तानं तेसं तत्थ कायसङ्खारो च न निरुज्झित्थ चित्तसङ्खारो च न निरुज्झिस्सति।
Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhittha, no ca tesaṃ tattha cittasaṅkhāro na nirujjhissati. Rūpāvacare arūpāvacare pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhittha cittasaṅkhāro ca na nirujjhissati.
(ख) यस्स वा पन यत्थ चित्तसङ्खारो न निरुज्झिस्सति तस्स तत्थ कायसङ्खारो न निरुज्झित्थाति?
(Kha) yassa vā pana yattha cittasaṅkhāro na nirujjhissati tassa tattha kāyasaṅkhāro na nirujjhitthāti?
कामावचरे पच्छिमचित्तस्स भङ्गक्खणे तेसं तत्थ चित्तसङ्खारो न निरुज्झिस्सति, नो च तेसं तत्थ कायसङ्खारो न निरुज्झित्थ। रूपावचरे अरूपावचरे पच्छिमचित्तस्स भङ्गक्खणे असञ्ञसत्तानं तेसं तत्थ चित्तसङ्खारो च न निरुज्झिस्सति कायसङ्खारो च न निरुज्झित्थ।
Kāmāvacare pacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha kāyasaṅkhāro na nirujjhittha. Rūpāvacare arūpāvacare pacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati kāyasaṅkhāro ca na nirujjhittha.
१२७. (क) यस्स यत्थ वचीसङ्खारो न निरुज्झित्थ तस्स तत्थ चित्तसङ्खारो न निरुज्झिस्सतीति?
127. (Ka) yassa yattha vacīsaṅkhāro na nirujjhittha tassa tattha cittasaṅkhāro na nirujjhissatīti?
अवितक्कअविचारभूमियं तेसं तत्थ वचीसङ्खारो न निरुज्झित्थ, नो च तेसं तत्थ चित्तसङ्खारो न निरुज्झिस्सति। अवितक्कअविचारभूमियं पच्छिमचित्तस्स भङ्गक्खणे असञ्ञसत्तानं तेसं तत्थ वचीसङ्खारो च न निरुज्झित्थ चित्तसङ्खारो च न निरुज्झिस्सति।
Avitakkaavicārabhūmiyaṃ tesaṃ tattha vacīsaṅkhāro na nirujjhittha, no ca tesaṃ tattha cittasaṅkhāro na nirujjhissati. Avitakkaavicārabhūmiyaṃ pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhittha cittasaṅkhāro ca na nirujjhissati.
(ख) यस्स वा पन यत्थ चित्तसङ्खारो न निरुज्झिस्सति तस्स तत्थ वचीसङ्खारो न निरुज्झित्थाति?
(Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhitthāti?
सवितक्कसविचारभूमियं पच्छिमचित्तस्स भङ्गक्खणे तेसं तत्थ चित्तसङ्खारो न निरुज्झिस्सति, नो च तेसं तत्थ वचीसङ्खारो न निरुज्झित्थ। अवितक्कअविचारभूमियं पच्छिमचित्तस्स भङ्गक्खणे असञ्ञसत्तानं तेसं तत्थ चित्तसङ्खारो च न निरुज्झिस्सति वचीसङ्खारो च न निरुज्झित्थ।
Savitakkasavicārabhūmiyaṃ pacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha vacīsaṅkhāro na nirujjhittha. Avitakkaavicārabhūmiyaṃ pacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati vacīsaṅkhāro ca na nirujjhittha.
निरोधवारो।
Nirodhavāro.
२. पवत्ति ३. उप्पादनिरोधवारो
2. Pavatti 3. uppādanirodhavāro
(१) पच्चुप्पन्नवारो
(1) Paccuppannavāro
(क) अनुलोमपुग्गलो
(Ka) anulomapuggalo
१२८. (क) यस्स कायसङ्खारो उप्पज्जति तस्स वचीसङ्खारो निरुज्झतीति? नो।
128. (Ka) yassa kāyasaṅkhāro uppajjati tassa vacīsaṅkhāro nirujjhatīti? No.
(ख) यस्स वा पन वचीसङ्खारो निरुज्झति तस्स कायसङ्खारो उप्पज्जतीति? नो।
(Kha) yassa vā pana vacīsaṅkhāro nirujjhati tassa kāyasaṅkhāro uppajjatīti? No.
(क) यस्स कायसङ्खारो उप्पज्जति तस्स चित्तसङ्खारो निरुज्झतीति? नो।
(Ka) yassa kāyasaṅkhāro uppajjati tassa cittasaṅkhāro nirujjhatīti? No.
(ख) यस्स वा पन चित्तसङ्खारो निरुज्झति तस्स कायसङ्खारो उप्पज्जतीति? नो।
(Kha) yassa vā pana cittasaṅkhāro nirujjhati tassa kāyasaṅkhāro uppajjatīti? No.
१२९. (क) यस्स वचीसङ्खारो उप्पज्जति तस्स चित्तसङ्खारो निरुज्झतीति? नो।
129. (Ka) yassa vacīsaṅkhāro uppajjati tassa cittasaṅkhāro nirujjhatīti? No.
(ख) यस्स वा पन…पे॰…? नो।
(Kha) yassa vā pana…pe…? No.
(ख) अनुलोमओकासो
(Kha) anulomaokāso
१३०. यत्थ कायसङ्खारो उप्पज्जति तत्थ वचीसङ्खारो निरुज्झतीति?
130. Yattha kāyasaṅkhāro uppajjati tattha vacīsaṅkhāro nirujjhatīti?
दुतियज्झाने ततियज्झाने तत्थ…पे॰… (इतरेसं यत्थकानं सदिसं)।
Dutiyajjhāne tatiyajjhāne tattha…pe… (itaresaṃ yatthakānaṃ sadisaṃ).
(ग) अनुलोमपुग्गलोकासा
(Ga) anulomapuggalokāsā
१३१. यस्स यत्थ कायसङ्खारो उप्पज्जति…पे॰… (यस्सकम्पि यस्सयत्थकम्पि सदिसं)।
131. Yassa yattha kāyasaṅkhāro uppajjati…pe… (yassakampi yassayatthakampi sadisaṃ).
(घ) पच्चनीकपुग्गलो
(Gha) paccanīkapuggalo
१३२. (क) यस्स कायसङ्खारो नुप्पज्जति तस्स वचीसङ्खारो न निरुज्झतीति?
132. (Ka) yassa kāyasaṅkhāro nuppajjati tassa vacīsaṅkhāro na nirujjhatīti?
वितक्कविचारानं भङ्गक्खणे तेसं कायसङ्खारो नुप्पज्जति, नो च तेसं वचीसङ्खारो न निरुज्झति। विना अस्सासपस्सासेहि चित्तस्स उप्पादक्खणे विना वितक्कविचारेहि चित्तस्स भङ्गक्खणे निरोधसमापन्नानं असञ्ञसत्तानं तेसं कायसङ्खारो च नुप्पज्जति वचीसङ्खारो च न निरुज्झति।
Vitakkavicārānaṃ bhaṅgakkhaṇe tesaṃ kāyasaṅkhāro nuppajjati, no ca tesaṃ vacīsaṅkhāro na nirujjhati. Vinā assāsapassāsehi cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati vacīsaṅkhāro ca na nirujjhati.
(ख) यस्स वा पन वचीसङ्खारो न निरुज्झति तस्स कायसङ्खारो नुप्पज्जतीति?
(Kha) yassa vā pana vacīsaṅkhāro na nirujjhati tassa kāyasaṅkhāro nuppajjatīti?
अस्सासपस्सासानं उप्पादक्खणे तेसं वचीसङ्खारो न निरुज्झति, नो च तेसं कायसङ्खारो नुप्पज्जति। विना अस्सासपस्सासेहि चित्तस्स उप्पादक्खणे विना वितक्कविचारेहि चित्तस्स भङ्गक्खणे निरोधसमापन्नानं असञ्ञसत्तानं तेसं वचीसङ्खारो च न निरुज्झति कायसङ्खारो च नुप्पज्जति।
Assāsapassāsānaṃ uppādakkhaṇe tesaṃ vacīsaṅkhāro na nirujjhati, no ca tesaṃ kāyasaṅkhāro nuppajjati. Vinā assāsapassāsehi cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati kāyasaṅkhāro ca nuppajjati.
(क) यस्स कायसङ्खारो नुप्पज्जति तस्स चित्तसङ्खारो निरुज्झतीति?
(Ka) yassa kāyasaṅkhāro nuppajjati tassa cittasaṅkhāro nirujjhatīti?
सब्बेसं चित्तस्स भङ्गक्खणे तेसं कायसङ्खारो नुप्पज्जति, नो च तेसं चित्तसङ्खारो न निरुज्झति। विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं कायसङ्खारो च नुप्पज्जति चित्तसङ्खारो च न निरुज्झति।
Sabbesaṃ cittassa bhaṅgakkhaṇe tesaṃ kāyasaṅkhāro nuppajjati, no ca tesaṃ cittasaṅkhāro na nirujjhati. Vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati cittasaṅkhāro ca na nirujjhati.
(ख) यस्स वा पन चित्तसङ्खारो न निरुज्झति तस्स कायसङ्खारो नुप्पज्जतीति?
(Kha) yassa vā pana cittasaṅkhāro na nirujjhati tassa kāyasaṅkhāro nuppajjatīti?
अस्सासपस्सासानं उप्पादक्खणे तेसं चित्तसङ्खारो न निरुज्झति, नो च तेसं कायसङ्खारो नुप्पज्जति। विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं चित्तसङ्खारो च न निरुज्झति कायसङ्खारो च नुप्पज्जति।
Assāsapassāsānaṃ uppādakkhaṇe tesaṃ cittasaṅkhāro na nirujjhati, no ca tesaṃ kāyasaṅkhāro nuppajjati. Vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro ca na nirujjhati kāyasaṅkhāro ca nuppajjati.
१३३. (क) यस्स वचीसङ्खारो नुप्पज्जति तस्स चित्तसङ्खारो न निरुज्झतीति?
133. (Ka) yassa vacīsaṅkhāro nuppajjati tassa cittasaṅkhāro na nirujjhatīti?
सब्बेसं चित्तस्स भङ्गक्खणे तेसं वचीसङ्खारो नुप्पज्जति, नो च तेसं चित्तसङ्खारो न निरुज्झति। विना वितक्कविचारेहि चित्तस्स उप्पादक्खणे निरोधसमापन्नानं असञ्ञसत्तानं तेसं वचीसङ्खारो च नुप्पज्जति चित्तसङ्खारो च न निरुज्झति।
Sabbesaṃ cittassa bhaṅgakkhaṇe tesaṃ vacīsaṅkhāro nuppajjati, no ca tesaṃ cittasaṅkhāro na nirujjhati. Vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati cittasaṅkhāro ca na nirujjhati.
(ख) यस्स वा पन चित्तसङ्खारो न निरुज्झति तस्स वचीसङ्खारो नुप्पज्जतीति?
(Kha) yassa vā pana cittasaṅkhāro na nirujjhati tassa vacīsaṅkhāro nuppajjatīti?
वितक्कविचारानं उप्पादक्खणे तेसं चित्तसङ्खारो न निरुज्झति, नो च तेसं वचीसङ्खारो नुप्पज्जति। विना वितक्कविचारेहि चित्तस्स उप्पादक्खणे निरोधसमापन्नानं असञ्ञसत्तानं तेसं चित्तसङ्खारो च न निरुज्झति वचीसङ्खारो च नुप्पज्जति।
Vitakkavicārānaṃ uppādakkhaṇe tesaṃ cittasaṅkhāro na nirujjhati, no ca tesaṃ vacīsaṅkhāro nuppajjati. Vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro ca na nirujjhati vacīsaṅkhāro ca nuppajjati.
(ङ) पच्चनीकओकासो
(Ṅa) paccanīkaokāso
१३४. यत्थ कायसङ्खारो नुप्पज्जति…पे॰…।
134. Yattha kāyasaṅkhāro nuppajjati…pe….
(च) पच्चनीकपुग्गलोकासा
(Ca) paccanīkapuggalokāsā
१३५. यस्स यत्थ कायसङ्खारो नुप्पज्जति…पे॰…।
135. Yassa yattha kāyasaṅkhāro nuppajjati…pe….
(यस्सकम्पि यस्सयत्थकम्पि सदिसं, यस्सयत्थके निरोधसमापन्नानन्ति न लब्भति)।
(Yassakampi yassayatthakampi sadisaṃ, yassayatthake nirodhasamāpannānanti na labbhati).
(२) अतीतवारो
(2) Atītavāro
(क) अनुलोमपुग्गलो
(Ka) anulomapuggalo
१३६. यस्स कायसङ्खारो उप्पज्जित्थ तस्स वचीसङ्खारो निरुज्झित्थाति? आमन्ता।
136. Yassa kāyasaṅkhāro uppajjittha tassa vacīsaṅkhāro nirujjhitthāti? Āmantā.
(अतीता पुच्छा उप्पादवारेपि निरोधवारेपि उप्पादनिरोधवारेपि सदिसं वित्थारेतब्बा)।
(Atītā pucchā uppādavārepi nirodhavārepi uppādanirodhavārepi sadisaṃ vitthāretabbā).
(३) अनागतवारो
(3) Anāgatavāro
(क) अनुलोमपुग्गलो
(Ka) anulomapuggalo
१३७. (क) यस्स कायसङ्खारो उप्पज्जिस्सति तस्स वचीसङ्खारो निरुज्झिस्सतीति? आमन्ता।
137. (Ka) yassa kāyasaṅkhāro uppajjissati tassa vacīsaṅkhāro nirujjhissatīti? Āmantā.
(ख) यस्स वा पन वचीसङ्खारो निरुज्झिस्सति तस्स कायसङ्खारो उप्पज्जिस्सतीति?
(Kha) yassa vā pana vacīsaṅkhāro nirujjhissati tassa kāyasaṅkhāro uppajjissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं वचीसङ्खारो निरुज्झिस्सति, नो च तेसं कायसङ्खारो उप्पज्जिस्सति । इतरेसं तेसं वचीसङ्खारो च निरुज्झिस्सति कायसङ्खारो च उप्पज्जिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro uppajjissati . Itaresaṃ tesaṃ vacīsaṅkhāro ca nirujjhissati kāyasaṅkhāro ca uppajjissati.
(क) यस्स कायसङ्खारो उप्पज्जिस्सति तस्स चित्तसङ्खारो निरुज्झिस्सतीति? आमन्ता।
(Ka) yassa kāyasaṅkhāro uppajjissati tassa cittasaṅkhāro nirujjhissatīti? Āmantā.
(ख) यस्स वा पन चित्तसङ्खारो निरुज्झिस्सति तस्स कायसङ्खारो उप्पज्जिस्सतीति?
(Kha) yassa vā pana cittasaṅkhāro nirujjhissati tassa kāyasaṅkhāro uppajjissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं चित्तसङ्खारो निरुज्झिस्सति, नो च तेसं कायसङ्खारो उप्पज्जिस्सति। इतरेसं तेसं चित्तसङ्खारो च निरुज्झिस्सति कायसङ्खारो च उप्पज्जिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro nirujjhissati, no ca tesaṃ kāyasaṅkhāro uppajjissati. Itaresaṃ tesaṃ cittasaṅkhāro ca nirujjhissati kāyasaṅkhāro ca uppajjissati.
१३८. (क) यस्स वचीसङ्खारो उप्पज्जिस्सति तस्स चित्तसङ्खारो निरुज्झिस्सतीति? आमन्ता।
138. (Ka) yassa vacīsaṅkhāro uppajjissati tassa cittasaṅkhāro nirujjhissatīti? Āmantā.
(ख) यस्स वा पन चित्तसङ्खारो निरुज्झिस्सति तस्स वचीसङ्खारो उप्पज्जिस्सतीति?
(Kha) yassa vā pana cittasaṅkhāro nirujjhissati tassa vacīsaṅkhāro uppajjissatīti?
पच्छिमचित्तस्स उप्पादक्खणे यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं चित्तसङ्खारो निरुज्झिस्सति, नो च तेसं वचीसङ्खारो उप्पज्जिस्सति। इतरेसं तेसं चित्तसङ्खारो च निरुज्झिस्सति वचीसङ्खारो च उप्पज्जिस्सति।
Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro nirujjhissati, no ca tesaṃ vacīsaṅkhāro uppajjissati. Itaresaṃ tesaṃ cittasaṅkhāro ca nirujjhissati vacīsaṅkhāro ca uppajjissati.
(ख) अनुलोमओकासो
(Kha) anulomaokāso
१३९. यत्थ कायसङ्खारो उप्पज्जिस्सति…पे॰…।
139. Yattha kāyasaṅkhāro uppajjissati…pe….
(ग) अनुलोमपुग्गलोकासा
(Ga) anulomapuggalokāsā
१४०. (क) यस्स यत्थ कायसङ्खारो उप्पज्जिस्सति तस्स तत्थ वचीसङ्खारो निरुज्झिस्सतीति?
140. (Ka) yassa yattha kāyasaṅkhāro uppajjissati tassa tattha vacīsaṅkhāro nirujjhissatīti?
दुतियज्झानं ततियज्झानं समापन्नानं तेसं तत्थ कायसङ्खारो उप्पज्जिस्सति, नो च तेसं तत्थ वचीसङ्खारो निरुज्झिस्सति। पठमज्झानं समापन्नानं कामावचरानं तेसं तत्थ कायसङ्खारो च उप्पज्जिस्सति वचीसङ्खारो च निरुज्झिस्सति।
Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjissati vacīsaṅkhāro ca nirujjhissati.
(ख) यस्स वा पन यत्थ वचीसङ्खारो निरुज्झिस्सति तस्स तत्थ कायसङ्खारो उप्पज्जिस्सतीति?
(Kha) yassa vā pana yattha vacīsaṅkhāro nirujjhissati tassa tattha kāyasaṅkhāro uppajjissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरानं अरूपावचरानं तेसं तत्थ वचीसङ्खारो निरुज्झिस्सति, नो च तेसं तत्थ कायसङ्खारो उप्पज्जिस्सति। पठमज्झानं समापन्नानं इतरेसं कामावचरानं तेसं तत्थ वचीसङ्खारो च निरुज्झिस्सति कायसङ्खारो च उप्पज्जिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca uppajjissati.
(क) यस्स यत्थ कायसङ्खारो उप्पज्जिस्सति तस्स तत्थ चित्तसङ्खारो निरुज्झिस्सतीति? आमन्ता।
(Ka) yassa yattha kāyasaṅkhāro uppajjissati tassa tattha cittasaṅkhāro nirujjhissatīti? Āmantā.
(ख) यस्स वा पन यत्थ चित्तसङ्खारो निरुज्झिस्सति तस्स तत्थ कायसङ्खारो उप्पज्जिस्सतीति?
(Kha) yassa vā pana yattha cittasaṅkhāro nirujjhissati tassa tattha kāyasaṅkhāro uppajjissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति चतुत्थज्झानं समापन्नानं रूपावचरानं अरूपावचरानं तेसं तत्थ चित्तसङ्खारो निरुज्झिस्सति, नो च तेसं तत्थ कायसङ्खारो उप्पज्जिस्सति। पठमज्झानं दुतियज्झानं ततियज्झानं समापन्नानं इतरेसं कामावचरानं तेसं तत्थ चित्तसङ्खारो च निरुज्झिस्सति कायसङ्खारो च उप्पज्जिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca uppajjissati.
१४१. (क) यस्स यत्थ वचीसङ्खारो उप्पज्जिस्सति तस्स तत्थ चित्तसङ्खारो निरुज्झिस्सतीति? आमन्ता।
141. (Ka) yassa yattha vacīsaṅkhāro uppajjissati tassa tattha cittasaṅkhāro nirujjhissatīti? Āmantā.
(ख) यस्स वा पन यत्थ चित्तसङ्खारो निरुज्झिस्सति तस्स तत्थ वचीसङ्खारो उप्पज्जिस्सतीति?
(Kha) yassa vā pana yattha cittasaṅkhāro nirujjhissati tassa tattha vacīsaṅkhāro uppajjissatīti?
पच्छिमचित्तस्स उप्पादक्खणे यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं चतुत्थज्झानं समापन्नानं तेसं तत्थ चित्तसङ्खारो निरुज्झिस्सति, नो च तेसं तत्थ वचीसङ्खारो उप्पज्जिस्सति। पठमज्झानं समापन्नानं कामावचरानं इतरेसं रूपावचरानं अरूपावचरानं तेसं तत्थ चित्तसङ्खारो च निरुज्झिस्सति वचीसङ्खारो च उप्पज्जिस्सति।
Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca nirujjhissati vacīsaṅkhāro ca uppajjissati.
(घ) पच्चनीकपुग्गलो
(Gha) paccanīkapuggalo
१४२. (क) यस्स कायसङ्खारो नुप्पज्जिस्सति तस्स वचीसङ्खारो न निरुज्झिस्सतीति?
142. (Ka) yassa kāyasaṅkhāro nuppajjissati tassa vacīsaṅkhāro na nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं कायसङ्खारो नुप्पज्जिस्सति, नो च तेसं वचीसङ्खारो न निरुज्झिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं कायसङ्खारो च नुप्पज्जिस्सति वचीसङ्खारो च न निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjissati vacīsaṅkhāro ca na nirujjhissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(क) यस्स कायसङ्खारो नुप्पज्जिस्सति तस्स चित्तसङ्खारो न निरुज्झिस्सतीति?
(Ka) yassa kāyasaṅkhāro nuppajjissati tassa cittasaṅkhāro na nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरे अरूपावचरे पच्छिमभविकानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं कायसङ्खारो नुप्पज्जिस्सति, नो च तेसं चित्तसङ्खारो न निरुज्झिस्सति। पच्छिमचित्तस्स भङ्गक्खणे तेसं कायसङ्खारो च नुप्पज्जिस्सति चित्तसङ्खारो च न निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca nuppajjissati cittasaṅkhāro ca na nirujjhissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
१४३. (क) यस्स वचीसङ्खारो नुप्पज्जिस्सति तस्स चित्तसङ्खारो न निरुज्झिस्सतीति?
143. (Ka) yassa vacīsaṅkhāro nuppajjissati tassa cittasaṅkhāro na nirujjhissatīti?
पच्छिमचित्तस्स उप्पादक्खणे यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं वचीसङ्खारो नुप्पज्जिस्सति, नो च तेसं चित्तसङ्खारो न निरुज्झिस्सति। पच्छिमचित्तस्स भङ्गक्खणे तेसं वचीसङ्खारो च नुप्पज्जिस्सति चित्तसङ्खारो च न निरुज्झिस्सति।
Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro nuppajjissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca nuppajjissati cittasaṅkhāro ca na nirujjhissati.
(ख) यस्स वा पन…पे॰…? आमन्ता।
(Kha) yassa vā pana…pe…? Āmantā.
(ङ) पच्चनीकओकासो
(Ṅa) paccanīkaokāso
१४४. यत्थ कायसङ्खारो नुप्पज्जिस्सति…पे॰…।
144. Yattha kāyasaṅkhāro nuppajjissati…pe….
(च) पच्चनीकपुग्गलोकासा
(Ca) paccanīkapuggalokāsā
१४५. (क) यस्स यत्थ कायसङ्खारो नुप्पज्जिस्सति तस्स तत्थ वचीसङ्खारो न निरुज्झिस्सतीति?
145. (Ka) yassa yattha kāyasaṅkhāro nuppajjissati tassa tattha vacīsaṅkhāro na nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति रूपावचरानं अरूपावचरानं तेसं तत्थ कायसङ्खारो नुप्पज्जिस्सति, नो च तेसं तत्थ वचीसङ्खारो न निरुज्झिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति चतुत्थज्झानं समापन्नानं असञ्ञसत्तानं तेसं तत्थ कायसङ्खारो च नुप्पज्जिस्सति वचीसङ्खारो च न निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjissati vacīsaṅkhāro ca na nirujjhissati.
(ख) यस्स वा पन यत्थ वचीसङ्खारो न निरुज्झिस्सति तस्स तत्थ कायसङ्खारो नुप्पज्जिस्सतीति?
(Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro nuppajjissatīti?
दुतियज्झानं ततियज्झानं समापन्नानं तेसं तत्थ वचीसङ्खारो न निरुज्झिस्सति, नो च तेसं तत्थ कायसङ्खारो नुप्पज्जिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति चतुत्थज्झानं समापन्नानं असञ्ञसत्तानं तेसं तत्थ वचीसङ्खारो च न निरुज्झिस्सति कायसङ्खारो च नुप्पज्जिस्सति।
Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca nuppajjissati.
(क) यस्स यत्थ कायसङ्खारो नुप्पज्जिस्सति तस्स तत्थ चित्तसङ्खारो न निरुज्झिस्सतीति?
(Ka) yassa yattha kāyasaṅkhāro nuppajjissati tassa tattha cittasaṅkhāro na nirujjhissatīti?
कामावचरानं पच्छिमचित्तस्स उप्पादक्खणे यस्स चित्तस्स अनन्तरा कामावचरानं पच्छिमचित्तं उप्पज्जिस्सति चतुत्थज्झानं समापन्नानं रूपावचरानं अरूपावचरानं तेसं तत्थ कायसङ्खारो नुप्पज्जिस्सति, नो च तेसं तत्थ चित्तसङ्खारो न निरुज्झिस्सति। पच्छिमचित्तस्स भङ्गक्खणे असञ्ञसत्तानं तेसं तत्थ कायसङ्खारो च नुप्पज्जिस्सति चित्तसङ्खारो च न निरुज्झिस्सति।
Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca nuppajjissati cittasaṅkhāro ca na nirujjhissati.
(ख) यस्स वा पन यत्थ…पे॰…? आमन्ता।
(Kha) yassa vā pana yattha…pe…? Āmantā.
१४६. (क) यस्स यत्थ वचीसङ्खारो नुप्पज्जिस्सति तस्स तत्थ चित्तसङ्खारो न निरुज्झिस्सतीति?
146. (Ka) yassa yattha vacīsaṅkhāro nuppajjissati tassa tattha cittasaṅkhāro na nirujjhissatīti?
पच्छिमचित्तस्स उप्पादक्खणे यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं चतुत्थज्झानं समापन्नानं तेसं तत्थ वचीसङ्खारो नुप्पज्जिस्सति, नो च तेसं तत्थ चित्तसङ्खारो न निरुज्झिस्सति। पच्छिमचित्तस्स भङ्गक्खणे असञ्ञसत्तानं तेसं तत्थ वचीसङ्खारो च नुप्पज्जिस्सति चित्तसङ्खारो च न निरुज्झिस्सति।
Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca nuppajjissati cittasaṅkhāro ca na nirujjhissati.
(ख) यस्स वा पन यत्थ…पे॰…? आमन्ता।
(Kha) yassa vā pana yattha…pe…? Āmantā.
(४) पच्चुप्पन्नातीतवारो
(4) Paccuppannātītavāro
(क) अनुलोमपुग्गलो
(Ka) anulomapuggalo
१४७. (क) यस्स कायसङ्खारो उप्पज्जति तस्स वचीसङ्खारो निरुज्झित्थाति? आमन्ता।
147. (Ka) yassa kāyasaṅkhāro uppajjati tassa vacīsaṅkhāro nirujjhitthāti? Āmantā.
(ख) यस्स वा पन वचीसङ्खारो निरुज्झित्थ तस्स कायसङ्खारो उप्पज्जतीति?
(Kha) yassa vā pana vacīsaṅkhāro nirujjhittha tassa kāyasaṅkhāro uppajjatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं वचीसङ्खारो निरुज्झित्थ , नो च तेसं कायसङ्खारो उप्पज्जति। अस्सासपस्सासानं उप्पादक्खणे तेसं वचीसङ्खारो च निरुज्झित्थ कायसङ्खारो च उप्पज्जति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhittha , no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca nirujjhittha kāyasaṅkhāro ca uppajjati.
(यथा उप्पादवारे पच्चुप्पन्नातीता पुच्छा अनुलोमम्पि पच्चनीकम्पि विभत्ता एवं उप्पादवारनिरोधवारेपि पच्चुप्पन्नातीता पुच्छा अनुलोमम्पि पच्चनीकम्पि विभजितब्बा।)
(Yathā uppādavāre paccuppannātītā pucchā anulomampi paccanīkampi vibhattā evaṃ uppādavāranirodhavārepi paccuppannātītā pucchā anulomampi paccanīkampi vibhajitabbā.)
(५) पच्चुप्पन्नानागतवारो
(5) Paccuppannānāgatavāro
(क) अनुलोमपुग्गलो
(Ka) anulomapuggalo
१४८. (क) यस्स कायसङ्खारो उप्पज्जति तस्स वचीसङ्खारो निरुज्झिस्सतीति? आमन्ता।
148. (Ka) yassa kāyasaṅkhāro uppajjati tassa vacīsaṅkhāro nirujjhissatīti? Āmantā.
(ख) यस्स वा पन वचीसङ्खारो निरुज्झिस्सति तस्स कायसङ्खारो उप्पज्जतीति?
(Kha) yassa vā pana vacīsaṅkhāro nirujjhissati tassa kāyasaṅkhāro uppajjatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं वचीसङ्खारो निरुज्झिस्सति, नो च तेसं कायसङ्खारो उप्पज्जति। अस्सासपस्सासानं उप्पादक्खणे तेसं वचीसङ्खारो च निरुज्झिस्सति कायसङ्खारो च उप्पज्जति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca nirujjhissati kāyasaṅkhāro ca uppajjati.
(क) यस्स कायसङ्खारो उप्पज्जति तस्स चित्तसङ्खारो निरुज्झिस्सतीति? आमन्ता।
(Ka) yassa kāyasaṅkhāro uppajjati tassa cittasaṅkhāro nirujjhissatīti? Āmantā.
(ख) यस्स वा पन चित्तसङ्खारो निरुज्झिस्सति तस्स कायसङ्खारो उप्पज्जतीति?
(Kha) yassa vā pana cittasaṅkhāro nirujjhissati tassa kāyasaṅkhāro uppajjatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं चित्तसङ्खारो निरुज्झिस्सति, नो च तेसं कायसङ्खारो उप्पज्जति। अस्सासपस्सासानं उप्पादक्खणे तेसं चित्तसङ्खारो च निरुज्झिस्सति कायसङ्खारो च उप्पज्जति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca nirujjhissati kāyasaṅkhāro ca uppajjati.
१४९. (क) यस्स वचीसङ्खारो उप्पज्जति तस्स चित्तसङ्खारो निरुज्झिस्सतीति? आमन्ता।
149. (Ka) yassa vacīsaṅkhāro uppajjati tassa cittasaṅkhāro nirujjhissatīti? Āmantā.
(ख) यस्स वा पन चित्तसङ्खारो निरुज्झिस्सति तस्स वचीसङ्खारो उप्पज्जतीति?
(Kha) yassa vā pana cittasaṅkhāro nirujjhissati tassa vacīsaṅkhāro uppajjatīti?
सब्बेसं चित्तस्स भङ्गक्खणे विना वितक्कविचारेहि चित्तस्स उप्पादक्खणे निरोधसमापन्नानं असञ्ञसत्तानं तेसं चित्तसङ्खारो निरुज्झिस्सति, नो च तेसं वचीसङ्खारो उप्पज्जति। वितक्कविचारानं उप्पादक्खणे तेसं चित्तसङ्खारो च निरुज्झिस्सति वचीसङ्खारो च उप्पज्जति।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca nirujjhissati vacīsaṅkhāro ca uppajjati.
(ख) अनुलोमओकासो
(Kha) anulomaokāso
१५०. यत्थ कायसङ्खारो उप्पज्जति…पे॰…।
150. Yattha kāyasaṅkhāro uppajjati…pe….
(ग) अनुलोमपुग्गलोकासा
(Ga) anulomapuggalokāsā
१५१. (क) यस्स यत्थ कायसङ्खारो उप्पज्जति तस्स तत्थ वचीसङ्खारो निरुज्झिस्सतीति?
151. (Ka) yassa yattha kāyasaṅkhāro uppajjati tassa tattha vacīsaṅkhāro nirujjhissatīti?
दुतियज्झानं ततियज्झानं समापन्नानं अस्सासपस्सासानं उप्पादक्खणे तेसं तत्थ कायसङ्खारो उप्पज्जति, नो च तेसं तत्थ वचीसङ्खारो निरुज्झिस्सति। पठमज्झानं समापन्नानं कामावचरानं अस्सासपस्सासानं उप्पादक्खणे तेसं तत्थ कायसङ्खारो च उप्पज्जति वचीसङ्खारो च निरुज्झिस्सति।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca nirujjhissati.
(ख) यस्स वा पन यत्थ वचीसङ्खारो निरुज्झिस्सति तस्स तत्थ कायसङ्खारो उप्पज्जतीति?
(Kha) yassa vā pana yattha vacīsaṅkhāro nirujjhissati tassa tattha kāyasaṅkhāro uppajjatīti?
पठमज्झानं समापन्नानं कामावचरानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे रूपावचरानं अरूपावचरानं तेसं तत्थ वचीसङ्खारो निरुज्झिस्सति, नो च तेसं तत्थ कायसङ्खारो उप्पज्जति। पठमज्झानं समापन्नानं कामावचरानं अस्सासपस्सासानं उप्पादक्खणे तेसं तत्थ वचीसङ्खारो च निरुज्झिस्सति कायसङ्खारो च उप्पज्जति।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca nirujjhissati kāyasaṅkhāro ca uppajjati.
(क) यस्स यत्थ कायसङ्खारो उप्पज्जति तस्स तत्थ चित्तसङ्खारो निरुज्झिस्सतीति? आमन्ता।
(Ka) yassa yattha kāyasaṅkhāro uppajjati tassa tattha cittasaṅkhāro nirujjhissatīti? Āmantā.
(ख) यस्स वा पन यत्थ चित्तसङ्खारो निरुज्झिस्सति तस्स तत्थ कायसङ्खारो उप्पज्जतीति?
(Kha) yassa vā pana yattha cittasaṅkhāro nirujjhissati tassa tattha kāyasaṅkhāro uppajjatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे तेसं तत्थ चित्तसङ्खारो निरुज्झिस्सति, नो च तेसं तत्थ कायसङ्खारो उप्पज्जति। अस्सासपस्सासानं उप्पादक्खणे तेसं तत्थ चित्तसङ्खारो च निरुज्झिस्सति कायसङ्खारो च उप्पज्जति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca nirujjhissati kāyasaṅkhāro ca uppajjati.
१५२. (क) यस्स यत्थ वचीसङ्खारो उप्पज्जति तस्स तत्थ चित्तसङ्खारो निरुज्झिस्सतीति? आमन्ता।
152. (Ka) yassa yattha vacīsaṅkhāro uppajjati tassa tattha cittasaṅkhāro nirujjhissatīti? Āmantā.
(ख) यस्स वा पन यत्थ चित्तसङ्खारो निरुज्झिस्सति तस्स तत्थ वचीसङ्खारो उप्पज्जतीति?
(Kha) yassa vā pana yattha cittasaṅkhāro nirujjhissati tassa tattha vacīsaṅkhāro uppajjatīti?
सब्बेसं चित्तस्स भङ्गक्खणे विना वितक्कविचारेहि चित्तस्स उप्पादक्खणे तेसं तत्थ चित्तसङ्खारो निरुज्झिस्सति, नो च तेसं तत्थ वचीसङ्खारो उप्पज्जति। वितक्कविचारानं उप्पादक्खणे तेसं तत्थ चित्तसङ्खारो च निरुज्झिस्सति वचीसङ्खारो च उप्पज्जति।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca nirujjhissati vacīsaṅkhāro ca uppajjati.
(घ) पच्चनीकपुग्गलो
(Gha) paccanīkapuggalo
१५३. (क) यस्स कायसङ्खारो नुप्पज्जति तस्स वचीसङ्खारो न निरुज्झिस्सतीति?
153. (Ka) yassa kāyasaṅkhāro nuppajjati tassa vacīsaṅkhāro na nirujjhissatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं कायसङ्खारो नुप्पज्जति, नो च तेसं वचीसङ्खारो न निरुज्झिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं कायसङ्खारो च नुप्पज्जति वचीसङ्खारो च न निरुज्झिस्सति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjati vacīsaṅkhāro ca na nirujjhissati.
(ख) यस्स वा पन वचीसङ्खारो न निरुज्झिस्सति तस्स कायसङ्खारो नुप्पज्जतीति? आमन्ता।
(Kha) yassa vā pana vacīsaṅkhāro na nirujjhissati tassa kāyasaṅkhāro nuppajjatīti? Āmantā.
(क) यस्स कायसङ्खारो नुप्पज्जति तस्स चित्तसङ्खारो न निरुज्झिस्सतीति?
(Ka) yassa kāyasaṅkhāro nuppajjati tassa cittasaṅkhāro na nirujjhissatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे निरोधसमापन्नानं असञ्ञसत्तानं तेसं कायसङ्खारो नुप्पज्जति, नो च तेसं चित्तसङ्खारो न निरुज्झिस्सति। पच्छिमचित्तस्स भङ्गक्खणे तेसं कायसङ्खारो च नुप्पज्जति चित्तसङ्खारो च न निरुज्झिस्सति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca nuppajjati cittasaṅkhāro ca na nirujjhissati.
(ख) यस्स वा पन चित्तसङ्खारो न निरुज्झिस्सति तस्स कायसङ्खारो नुप्पज्जतीति? आमन्ता।
(Kha) yassa vā pana cittasaṅkhāro na nirujjhissati tassa kāyasaṅkhāro nuppajjatīti? Āmantā.
१५४. (क) यस्स वचीसङ्खारो नुप्पज्जति तस्स चित्तसङ्खारो न निरुज्झिस्सतीति?
154. (Ka) yassa vacīsaṅkhāro nuppajjati tassa cittasaṅkhāro na nirujjhissatīti?
सब्बेसं चित्तस्स भङ्गक्खणे विना वितक्कविचारेहि चित्तस्स उप्पादक्खणे निरोधसमापन्नानं असञ्ञसत्तानं तेसं वचीसङ्खारो नुप्पज्जति, नो च तेसं चित्तसङ्खारो न निरुज्झिस्सति। पच्छिमचित्तस्स भङ्गक्खणे तेसं वचीसङ्खारो च नुप्पज्जति चित्तसङ्खारो च न निरुज्झिस्सति।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nuppajjati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca nuppajjati cittasaṅkhāro ca na nirujjhissati.
(ख) यस्स वा पन चित्तसङ्खारो न निरुज्झिस्सति तस्स वचीसङ्खारो नुप्पज्जतीति? आमन्ता।
(Kha) yassa vā pana cittasaṅkhāro na nirujjhissati tassa vacīsaṅkhāro nuppajjatīti? Āmantā.
(ङ) पच्चनीकओकासो
(Ṅa) paccanīkaokāso
१५५. यत्थ कायसङ्खारो नुप्पज्जति…पे॰…।
155. Yattha kāyasaṅkhāro nuppajjati…pe….
(च) पच्चनीकपुग्गलोकासा
(Ca) paccanīkapuggalokāsā
१५६. (क) यस्स यत्थ कायसङ्खारो नुप्पज्जति तस्स तत्थ वचीसङ्खारो न निरुज्झिस्सतीति?
156. (Ka) yassa yattha kāyasaṅkhāro nuppajjati tassa tattha vacīsaṅkhāro na nirujjhissatīti?
पठमज्झानं समापन्नानं कामावचरानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे रूपावचरानं अरूपावचरानं तेसं तत्थ कायसङ्खारो नुप्पज्जति, नो च तेसं तत्थ वचीसङ्खारो न निरुज्झिस्सति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं समापन्नानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे चतुत्थज्झानं समापन्नानं असञ्ञसत्तानं तेसं तत्थ कायसङ्खारो च नुप्पज्जति वचीसङ्खारो च न निरुज्झिस्सति।
Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca na nirujjhissati.
(ख) यस्स वा पन यत्थ वचीसङ्खारो न निरुज्झिस्सति तस्स तत्थ कायसङ्खारो नुप्पज्जतीति?
(Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro nuppajjatīti?
दुतियज्झानं ततियज्झानं समापन्नानं अस्सासपस्सासानं उप्पादक्खणे तेसं तत्थ वचीसङ्खारो न निरुज्झिस्सति, नो च तेसं तत्थ कायसङ्खारो नुप्पज्जति। सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति दुतियज्झानं ततियज्झानं समापन्नानं अस्सासपस्सासानं भङ्गक्खणे तेसंयेव विना अस्सासपस्सासेहि चित्तस्स उप्पादक्खणे चतुत्थज्झानं समापन्नानं असञ्ञसत्तानं तेसं तत्थ वचीसङ्खारो च न निरुज्झिस्सति कायसङ्खारो च नुप्पज्जति।
Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca nuppajjati.
(क) यस्स यत्थ कायसङ्खारो नुप्पज्जति तस्स तत्थ चित्तसङ्खारो न निरुज्झिस्सतीति?
(Ka) yassa yattha kāyasaṅkhāro nuppajjati tassa tattha cittasaṅkhāro na nirujjhissatīti?
सब्बेसं चित्तस्स भङ्गक्खणे विना अस्सासपस्सासेहि चित्तस्स उप्पादक्खणे तेसं तत्थ कायसङ्खारो नुप्पज्जति, नो च तेसं तत्थ चित्तसङ्खारो न निरुज्झिस्सति। पच्छिमचित्तस्स भङ्गक्खणे असञ्ञसत्तानं तेसं तत्थ कायसङ्खारो च नुप्पज्जति चित्तसङ्खारो च न निरुज्झिस्सति।
Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca na nirujjhissati.
(ख) यस्स वा पन यत्थ चित्तसङ्खारो न निरुज्झिस्सति तस्स तत्थ कायसङ्खारो नुप्पज्जतीति? आमन्ता।
(Kha) yassa vā pana yattha cittasaṅkhāro na nirujjhissati tassa tattha kāyasaṅkhāro nuppajjatīti? Āmantā.
१५७. (क) यस्स यत्थ वचीसङ्खारो नुप्पज्जति तस्स तत्थ चित्तसङ्खारो न निरुज्झिस्सतीति?
157. (Ka) yassa yattha vacīsaṅkhāro nuppajjati tassa tattha cittasaṅkhāro na nirujjhissatīti?
सब्बेसं चित्तस्स भङ्गक्खणे विना वितक्कविचारेहि चित्तस्स उप्पादक्खणे तेसं तत्थ वचीसङ्खारो नुप्पज्जति, नो च तेसं तत्थ चित्तसङ्खारो न निरुज्झिस्सति। पच्छिमचित्तस्स भङ्गक्खणे असञ्ञसत्तानं तेसं तत्थ वचीसङ्खारो च नुप्पज्जति चित्तसङ्खारो च न निरुज्झिस्सति।
Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca na nirujjhissati.
(ख) यस्स वा पन यत्थ चित्तसङ्खारो न निरुज्झिस्सति तस्स तत्थ वचीसङ्खारो नुप्पज्जतीति? आमन्ता।
(Kha) yassa vā pana yattha cittasaṅkhāro na nirujjhissati tassa tattha vacīsaṅkhāro nuppajjatīti? Āmantā.
(६) अतीतानागतवारो
(6) Atītānāgatavāro
(क) अनुलोमपुग्गलो
(Ka) anulomapuggalo
१५८. (क) यस्स कायसङ्खारो उप्पज्जित्थ तस्स वचीसङ्खारो निरुज्झिस्सतीति?
158. (Ka) yassa kāyasaṅkhāro uppajjittha tassa vacīsaṅkhāro nirujjhissatīti?
सवितक्कसविचारपच्छिमचित्तस्स भङ्गक्खणे अवितक्कअविचारपच्छिमचित्तसमङ्गीनं यस्स चित्तस्स अनन्तरा अवितक्कअविचारं पच्छिमचित्तं उप्पज्जिस्सति तेसं कायसङ्खारो उप्पज्जित्थ, नो च तेसं वचीसङ्खारो निरुज्झिस्सति। इतरेसं तेसं कायसङ्खारो च उप्पज्जित्थ वचीसङ्खारो च निरुज्झिस्सति।
Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro uppajjittha, no ca tesaṃ vacīsaṅkhāro nirujjhissati. Itaresaṃ tesaṃ kāyasaṅkhāro ca uppajjittha vacīsaṅkhāro ca nirujjhissati.
(ख) यस्स वा पन वचीसङ्खारो निरुज्झिस्सति तस्स कायसङ्खारो उप्पज्जित्थाति? आमन्ता।
(Kha) yassa vā pana vacīsaṅkhāro nirujjhissati tassa kāyasaṅkhāro uppajjitthāti? Āmantā.
(क) यस्स कायसङ्खारो उप्पज्जित्थ तस्स चित्तसङ्खारो निरुज्झिस्सतीति?
(Ka) yassa kāyasaṅkhāro uppajjittha tassa cittasaṅkhāro nirujjhissatīti?
पच्छिमचित्तस्स भङ्गक्खणे तेसं कायसङ्खारो उप्पज्जित्थ, नो च तेसं चित्तसङ्खारो निरुज्झिस्सति। इतरेसं तेसं कायसङ्खारो च उप्पज्जित्थ चित्तसङ्खारो च निरुज्झिस्सति।
Pacchimacittassa bhaṅgakkhaṇe tesaṃ kāyasaṅkhāro uppajjittha, no ca tesaṃ cittasaṅkhāro nirujjhissati. Itaresaṃ tesaṃ kāyasaṅkhāro ca uppajjittha cittasaṅkhāro ca nirujjhissati.
(ख) यस्स वा पन चित्तसङ्खारो निरुज्झिस्सति तस्स कायसङ्खारो उप्पज्जित्थाति? आमन्ता।
(Kha) yassa vā pana cittasaṅkhāro nirujjhissati tassa kāyasaṅkhāro uppajjitthāti? Āmantā.
(यथा निरोधवारे अतीतानागता पुच्छा अनुलोमम्पि पच्चनीकम्पि एवं उप्पादनिरोधवारेपि अतीतानागता पुच्छा अनुलोमम्पि पच्चनीकम्पि विभजितब्बं असम्मोहन्तेन निरोधवारेन सदिसं, नत्थि नानाकरणं।)
(Yathā nirodhavāre atītānāgatā pucchā anulomampi paccanīkampi evaṃ uppādanirodhavārepi atītānāgatā pucchā anulomampi paccanīkampi vibhajitabbaṃ asammohantena nirodhavārena sadisaṃ, natthi nānākaraṇaṃ.)
उप्पादनिरोधवारो।
Uppādanirodhavāro.
३. परिञ्ञावारो
3. Pariññāvāro
१-६. पच्चुप्पन्नवारादि
1-6. Paccuppannavārādi
१५९. (क) यो कायसङ्खारं परिजानाति सो वचीसङ्खारं परिजानातीति? आमन्ता।
159. (Ka) yo kāyasaṅkhāraṃ parijānāti so vacīsaṅkhāraṃ parijānātīti? Āmantā.
(ख) यो वा पन वचीसङ्खारं परिजानाति सो कायसङ्खारं परिजानातीति? आमन्ता।
(Kha) yo vā pana vacīsaṅkhāraṃ parijānāti so kāyasaṅkhāraṃ parijānātīti? Āmantā.
(यथा खन्धयमके परिञ्ञावारं विभत्तं एवं सङ्खारयमकेपि परिञ्ञावारं विभजितब्बं।)
(Yathā khandhayamake pariññāvāraṃ vibhattaṃ evaṃ saṅkhārayamakepi pariññāvāraṃ vibhajitabbaṃ.)
परिञ्ञावारो।
Pariññāvāro.
सङ्खारयमकं निट्ठितं।
Saṅkhārayamakaṃ niṭṭhitaṃ.
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
Footnotes:
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ६. सङ्खारयमकं • 6. Saṅkhārayamakaṃ
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā
६. सङ्खारयमकं • 6. Saṅkhārayamakaṃ
७. अनुसययमकं • 7. Anusayayamakaṃ
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā
६. सङ्खारयमकं • 6. Saṅkhārayamakaṃ
७. अनुसययमकं • 7. Anusayayamakaṃ
