Library / Tipiṭaka / తిపిటక • Tipiṭaka / యమకపాళి • Yamakapāḷi

    నమో తస్స భగవతో అరహతో సమ్మాసమ్బుద్ధస్స

    Namo tassa bhagavato arahato sammāsambuddhassa

    అభిధమ్మపిటకే

    Abhidhammapiṭake

    యమకపాళి (దుతియో భాగో)

    Yamakapāḷi (dutiyo bhāgo)

    ౬. సఙ్ఖారయమకం

    6. Saṅkhārayamakaṃ

    ౧. పణ్ణత్తివారో

    1. Paṇṇattivāro

    (క) ఉద్దేసో

    (Ka) uddeso

    ౧. తయో సఙ్ఖారా – కాయసఙ్ఖారో, వచీసఙ్ఖారో, చిత్తసఙ్ఖారోతి. అస్సాసపస్సాసా కాయసఙ్ఖారో, వితక్కవిచారా వచీసఙ్ఖారో, సఞ్ఞా చ వేదనా చ చిత్తసఙ్ఖారో. ఠపేత్వా వితక్కవిచారే సబ్బేపి చిత్తసమ్పయుత్తకా ధమ్మా చిత్తసఙ్ఖారో.

    1. Tayo saṅkhārā – kāyasaṅkhāro, vacīsaṅkhāro, cittasaṅkhāroti. Assāsapassāsā kāyasaṅkhāro, vitakkavicārā vacīsaṅkhāro, saññā ca vedanā ca cittasaṅkhāro. Ṭhapetvā vitakkavicāre sabbepi cittasampayuttakā dhammā cittasaṅkhāro.

    ౧. పదసోధనవారో

    1. Padasodhanavāro

    (క) అనులోమం

    (Ka) anulomaṃ

    ౨. (క) కాయో కాయసఙ్ఖారో?

    2. (Ka) kāyo kāyasaṅkhāro?

    (ఖ) కాయసఙ్ఖారో కాయో?

    (Kha) kāyasaṅkhāro kāyo?

    (క) వచీ వచీసఙ్ఖారో?

    (Ka) vacī vacīsaṅkhāro?

    (ఖ) వచీసఙ్ఖారో వచీ?

    (Kha) vacīsaṅkhāro vacī?

    (క) చిత్తం చిత్తసఙ్ఖారో?

    (Ka) cittaṃ cittasaṅkhāro?

    (ఖ) చిత్తసఙ్ఖారో చిత్తం?

    (Kha) cittasaṅkhāro cittaṃ?

    (ఖ) పచ్చనీకం

    (Kha) paccanīkaṃ

    ౩. (క) న కాయో న కాయసఙ్ఖారో?

    3. (Ka) na kāyo na kāyasaṅkhāro?

    (ఖ) న కాయసఙ్ఖారో న కాయో?

    (Kha) na kāyasaṅkhāro na kāyo?

    (క) న వచీ న వచీసఙ్ఖారో?

    (Ka) na vacī na vacīsaṅkhāro?

    (ఖ) న వచీసఙ్ఖారో న వచీ?

    (Kha) na vacīsaṅkhāro na vacī?

    (క) న చిత్తం న చిత్తసఙ్ఖారో?

    (Ka) na cittaṃ na cittasaṅkhāro?

    (ఖ) న చిత్తసఙ్ఖారో న చిత్తం?

    (Kha) na cittasaṅkhāro na cittaṃ?

    ౨. పదసోధనమూలచక్కవారో

    2. Padasodhanamūlacakkavāro

    (క) అనులోమం

    (Ka) anulomaṃ

    ౪. (క) కాయో కాయసఙ్ఖారో?

    4. (Ka) kāyo kāyasaṅkhāro?

    (ఖ) సఙ్ఖారా వచీసఙ్ఖారో?

    (Kha) saṅkhārā vacīsaṅkhāro?

    (క) కాయో కాయసఙ్ఖారో?

    (Ka) kāyo kāyasaṅkhāro?

    (ఖ) సఙ్ఖారా చిత్తసఙ్ఖారో?

    (Kha) saṅkhārā cittasaṅkhāro?

    (క) వచీ వచీసఙ్ఖారో?

    (Ka) vacī vacīsaṅkhāro?

    (ఖ) సఙ్ఖారా కాయసఙ్ఖారో?

    (Kha) saṅkhārā kāyasaṅkhāro?

    (క) వచీ వచీసఙ్ఖారో?

    (Ka) vacī vacīsaṅkhāro?

    (ఖ) సఙ్ఖారా చిత్తసఙ్ఖారో?

    (Kha) saṅkhārā cittasaṅkhāro?

    (క) చిత్తం చిత్తసఙ్ఖారో?

    (Ka) cittaṃ cittasaṅkhāro?

    (ఖ) సఙ్ఖారా కాయసఙ్ఖారో?

    (Kha) saṅkhārā kāyasaṅkhāro?

    (క) చిత్తం చిత్తసఙ్ఖారో?

    (Ka) cittaṃ cittasaṅkhāro?

    (ఖ) సఙ్ఖారా వచీసఙ్ఖారో?

    (Kha) saṅkhārā vacīsaṅkhāro?

    (ఖ) పచ్చనీకం

    (Kha) paccanīkaṃ

    ౫. (క) న కాయో న కాయసఙ్ఖారో?

    5. (Ka) na kāyo na kāyasaṅkhāro?

    (ఖ) న సఙ్ఖారా న వచీసఙ్ఖారో?

    (Kha) na saṅkhārā na vacīsaṅkhāro?

    (క) న కాయో న కాయసఙ్ఖారో?

    (Ka) na kāyo na kāyasaṅkhāro?

    (ఖ) న సఙ్ఖారా న చిత్తసఙ్ఖారో?

    (Kha) na saṅkhārā na cittasaṅkhāro?

    (క) న వచీ న వచీసఙ్ఖారో?

    (Ka) na vacī na vacīsaṅkhāro?

    (ఖ) న సఙ్ఖారా న కాయసఙ్ఖారో?

    (Kha) na saṅkhārā na kāyasaṅkhāro?

    (క) న వచీ న వచీసఙ్ఖారో?

    (Ka) na vacī na vacīsaṅkhāro?

    (ఖ) న సఙ్ఖారా న చిత్తసఙ్ఖారో?

    (Kha) na saṅkhārā na cittasaṅkhāro?

    (క) న చిత్తం న చిత్తసఙ్ఖారో?

    (Ka) na cittaṃ na cittasaṅkhāro?

    (ఖ) న సఙ్ఖారా న కాయసఙ్ఖారో?

    (Kha) na saṅkhārā na kāyasaṅkhāro?

    (క) న చిత్తం న చిత్తసఙ్ఖారో?

    (Ka) na cittaṃ na cittasaṅkhāro?

    (ఖ) న సఙ్ఖారా న వచీసఙ్ఖారో?

    (Kha) na saṅkhārā na vacīsaṅkhāro?

    ౩. సుద్ధసఙ్ఖారవారో

    3. Suddhasaṅkhāravāro

    (క) అనులోమం

    (Ka) anulomaṃ

    ౬. (క) కాయసఙ్ఖారో వచీసఙ్ఖారో?

    6. (Ka) kāyasaṅkhāro vacīsaṅkhāro?

    (ఖ) వచీసఙ్ఖారో కాయసఙ్ఖారో?

    (Kha) vacīsaṅkhāro kāyasaṅkhāro?

    (క) కాయసఙ్ఖారో చిత్తసఙ్ఖారో?

    (Ka) kāyasaṅkhāro cittasaṅkhāro?

    (ఖ) చిత్తసఙ్ఖారో కాయసఙ్ఖారో?

    (Kha) cittasaṅkhāro kāyasaṅkhāro?

    (క) వచీసఙ్ఖారో చిత్తసఙ్ఖారో?

    (Ka) vacīsaṅkhāro cittasaṅkhāro?

    (ఖ) చిత్తసఙ్ఖారో వచీసఙ్ఖారో?

    (Kha) cittasaṅkhāro vacīsaṅkhāro?

    (ఖ) పచ్చనీకం

    (Kha) paccanīkaṃ

    ౭. (క) న కాయసఙ్ఖారో న వచీసఙ్ఖారో?

    7. (Ka) na kāyasaṅkhāro na vacīsaṅkhāro?

    (ఖ) న వచీసఙ్ఖారో న కాయసఙ్ఖారో?

    (Kha) na vacīsaṅkhāro na kāyasaṅkhāro?

    (క) న కాయసఙ్ఖారో న చిత్తసఙ్ఖారో?

    (Ka) na kāyasaṅkhāro na cittasaṅkhāro?

    (ఖ) న చిత్తసఙ్ఖారో న కాయసఙ్ఖారో?

    (Kha) na cittasaṅkhāro na kāyasaṅkhāro?

    (క) న వచీసఙ్ఖారో న చిత్తసఙ్ఖారో?

    (Ka) na vacīsaṅkhāro na cittasaṅkhāro?

    (ఖ) న చిత్తసఙ్ఖారో న వచీసఙ్ఖారో?

    (Kha) na cittasaṅkhāro na vacīsaṅkhāro?

    పణ్ణత్తిఉద్దేసవారో.

    Paṇṇattiuddesavāro.

    పణ్ణత్తివారో.

    Paṇṇattivāro.

    (ఖ) నిద్దేసో

    (Kha) niddeso

    ౧. పదసోధనవారో

    1. Padasodhanavāro

    (క) అనులోమం

    (Ka) anulomaṃ

    ౮. (క) కాయో కాయసఙ్ఖారోతి? నో.

    8. (Ka) kāyo kāyasaṅkhāroti? No.

    (ఖ) కాయసఙ్ఖారో కాయోతి? నో.

    (Kha) kāyasaṅkhāro kāyoti? No.

    (క) వచీ వచీసఙ్ఖారోతి? నో.

    (Ka) vacī vacīsaṅkhāroti? No.

    (ఖ) వచీసఙ్ఖారో వచీతి? నో.

    (Kha) vacīsaṅkhāro vacīti? No.

    (క) చిత్తం చిత్తసఙ్ఖారోతి? నో.

    (Ka) cittaṃ cittasaṅkhāroti? No.

    (ఖ) చిత్తసఙ్ఖారో చిత్తన్తి? నో.

    (Kha) cittasaṅkhāro cittanti? No.

    (ఖ) పచ్చనీకం

    (Kha) paccanīkaṃ

    ౯. (క) న కాయో న కాయసఙ్ఖారోతి?

    9. (Ka) na kāyo na kāyasaṅkhāroti?

    కాయసఙ్ఖారో న కాయో, కాయసఙ్ఖారో. కాయఞ్చ కాయసఙ్ఖారఞ్చ ఠపేత్వా అవసేసా న చేవ కాయో న చ కాయసఙ్ఖారో.

    Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (ఖ) న కాయసఙ్ఖారో న కాయోతి?

    (Kha) na kāyasaṅkhāro na kāyoti?

    కాయో న కాయసఙ్ఖారో, కాయో. కాయఞ్చ కాయసఙ్ఖారఞ్చ ఠపేత్వా అవసేసా న చేవ కాయో న చ కాయసఙ్ఖారో.

    Kāyo na kāyasaṅkhāro, kāyo. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (క) న వచీ న వచీసఙ్ఖారోతి?

    (Ka) na vacī na vacīsaṅkhāroti?

    వచీసఙ్ఖారో న వచీ, వచీసఙ్ఖారో. వచిఞ్చ వచీసఙ్ఖారఞ్చ ఠపేత్వా అవసేసా న చేవ వచీ న చ వచీసఙ్ఖారో.

    Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (ఖ) న వచీసఙ్ఖారో న వచీతి?

    (Kha) na vacīsaṅkhāro na vacīti?

    వచీ న వచీసఙ్ఖారో, వచీ. వచిఞ్చ వచీసఙ్ఖారఞ్చ ఠపేత్వా అవసేసా న చేవ వచీ న చ వచీసఙ్ఖారో.

    Vacī na vacīsaṅkhāro, vacī. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (క) న చిత్తం న చిత్తసఙ్ఖారోతి?

    (Ka) na cittaṃ na cittasaṅkhāroti?

    చిత్తసఙ్ఖారో న చిత్తం, చిత్తసఙ్ఖారో. చిత్తఞ్చ చిత్తసఙ్ఖారఞ్చ ఠపేత్వా అవసేసా న చేవ చిత్తం న చ చిత్తసఙ్ఖారో.

    Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    (ఖ) న చిత్తసఙ్ఖారో న చిత్తన్తి?

    (Kha) na cittasaṅkhāro na cittanti?

    చిత్తం న చిత్తసఙ్ఖారో, చిత్తం. చిత్తఞ్చ చిత్తసఙ్ఖారఞ్చ ఠపేత్వా అవసేసా న చేవ చిత్తం న చ చిత్తసఙ్ఖారో.

    Cittaṃ na cittasaṅkhāro, cittaṃ. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    ౨. పదసోధనమూలచక్కవారో

    2. Padasodhanamūlacakkavāro

    (క) అనులోమం

    (Ka) anulomaṃ

    ౧౦. (క) కాయో కాయసఙ్ఖారోతి? నో.

    10. (Ka) kāyo kāyasaṅkhāroti? No.

    (ఖ) సఙ్ఖారా వచీసఙ్ఖారోతి?

    (Kha) saṅkhārā vacīsaṅkhāroti?

    వచీసఙ్ఖారో సఙ్ఖారో చేవ వచీసఙ్ఖారో చ. అవసేసా సఙ్ఖారా 1 న వచీసఙ్ఖారో.

    Vacīsaṅkhāro saṅkhāro ceva vacīsaṅkhāro ca. Avasesā saṅkhārā 2 na vacīsaṅkhāro.

    (క) కాయో కాయసఙ్ఖారోతి? నో.

    (Ka) kāyo kāyasaṅkhāroti? No.

    (ఖ) సఙ్ఖారా చిత్తసఙ్ఖారోతి?

    (Kha) saṅkhārā cittasaṅkhāroti?

    చిత్తసఙ్ఖారో సఙ్ఖారో చేవ చిత్తసఙ్ఖారో చ. అవసేసా సఙ్ఖారా న చిత్తసఙ్ఖారో.

    Cittasaṅkhāro saṅkhāro ceva cittasaṅkhāro ca. Avasesā saṅkhārā na cittasaṅkhāro.

    ౧౧. (క) వచీ వచీసఙ్ఖారోతి? నో.

    11. (Ka) vacī vacīsaṅkhāroti? No.

    (ఖ) సఙ్ఖారా కాయసఙ్ఖారోతి?

    (Kha) saṅkhārā kāyasaṅkhāroti?

    కాయసఙ్ఖారో సఙ్ఖారో చేవ కాయసఙ్ఖారో చ. అవసేసా సఙ్ఖారా న కాయసఙ్ఖారో.

    Kāyasaṅkhāro saṅkhāro ceva kāyasaṅkhāro ca. Avasesā saṅkhārā na kāyasaṅkhāro.

    (క) వచీ వచీసఙ్ఖారోతి? నో.

    (Ka) vacī vacīsaṅkhāroti? No.

    (ఖ) సఙ్ఖారా చిత్తసఙ్ఖారోతి?

    (Kha) saṅkhārā cittasaṅkhāroti?

    చిత్తసఙ్ఖారో సఙ్ఖారో చేవ చిత్తసఙ్ఖారో చ. అవసేసా సఙ్ఖారా న చిత్తసఙ్ఖారో.

    Cittasaṅkhāro saṅkhāro ceva cittasaṅkhāro ca. Avasesā saṅkhārā na cittasaṅkhāro.

    ౧౨. (క) చిత్తం చిత్తసఙ్ఖారోతి? నో.

    12. (Ka) cittaṃ cittasaṅkhāroti? No.

    (ఖ) సఙ్ఖారా కాయసఙ్ఖారోతి?

    (Kha) saṅkhārā kāyasaṅkhāroti?

    కాయసఙ్ఖారో సఙ్ఖారో చేవ కాయసఙ్ఖారో చ. అవసేసా సఙ్ఖారా న కాయసఙ్ఖారో.

    Kāyasaṅkhāro saṅkhāro ceva kāyasaṅkhāro ca. Avasesā saṅkhārā na kāyasaṅkhāro.

    (క) చిత్తం చిత్తసఙ్ఖారోతి? నో.

    (Ka) cittaṃ cittasaṅkhāroti? No.

    (ఖ) సఙ్ఖారా వచీసఙ్ఖారోతి?

    (Kha) saṅkhārā vacīsaṅkhāroti?

    వచీసఙ్ఖారో సఙ్ఖారో చేవ వచీసఙ్ఖారో చ. అవసేసా సఙ్ఖారా న వచీసఙ్ఖారో.

    Vacīsaṅkhāro saṅkhāro ceva vacīsaṅkhāro ca. Avasesā saṅkhārā na vacīsaṅkhāro.

    (ఖ) పచ్చనీకం

    (Kha) paccanīkaṃ

    ౧౩. (క) న కాయో న కాయసఙ్ఖారోతి?

    13. (Ka) na kāyo na kāyasaṅkhāroti?

    కాయసఙ్ఖారో న కాయో, కాయసఙ్ఖారో. కాయఞ్చ కాయసఙ్ఖారఞ్చ ఠపేత్వా అవసేసా న చేవ కాయో న చ కాయసఙ్ఖారో.

    Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (ఖ) న సఙ్ఖారా న వచీసఙ్ఖారోతి? ఆమన్తా.

    (Kha) na saṅkhārā na vacīsaṅkhāroti? Āmantā.

    (క) న కాయో న కాయసఙ్ఖారోతి?

    (Ka) na kāyo na kāyasaṅkhāroti?

    కాయసఙ్ఖారో న కాయో, కాయసఙ్ఖారో. కాయఞ్చ కాయసఙ్ఖారఞ్చ ఠపేత్వా అవసేసా న చేవ కాయో న చ కాయసఙ్ఖారో.

    Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (ఖ) న సఙ్ఖారా న చిత్తసఙ్ఖారోతి? ఆమన్తా.

    (Kha) na saṅkhārā na cittasaṅkhāroti? Āmantā.

    ౧౪. (క) న వచీ న వచీసఙ్ఖారోతి?

    14. (Ka) na vacī na vacīsaṅkhāroti?

    వచీసఙ్ఖారో న వచీ, వచీసఙ్ఖారో. వచిఞ్చ వచీసఙ్ఖారఞ్చ ఠపేత్వా అవసేసా న చేవ వచీ న చ వచీసఙ్ఖారో.

    Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (ఖ) న సఙ్ఖారా న కాయసఙ్ఖారోతి? ఆమన్తా.

    (Kha) na saṅkhārā na kāyasaṅkhāroti? Āmantā.

    (క) న వచీ న వచీసఙ్ఖారోతి?

    (Ka) na vacī na vacīsaṅkhāroti?

    వచీసఙ్ఖారో న వచీ, వచీసఙ్ఖారో. వచిఞ్చ వచీసఙ్ఖారఞ్చ ఠపేత్వా అవసేసా న చేవ వచీ న చ వచీసఙ్ఖారో.

    Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (ఖ) న సఙ్ఖారా న చిత్తసఙ్ఖారోతి? ఆమన్తా.

    (Kha) na saṅkhārā na cittasaṅkhāroti? Āmantā.

    ౧౫. (క) న చిత్తం న చిత్తసఙ్ఖారోతి?

    15. (Ka) na cittaṃ na cittasaṅkhāroti?

    చిత్తసఙ్ఖారో న చిత్తం, చిత్తసఙ్ఖారో. చిత్తఞ్చ చిత్తసఙ్ఖారఞ్చ ఠపేత్వా అవసేసా న చేవ చిత్తం న చ చిత్తసఙ్ఖారో.

    Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    (ఖ) న సఙ్ఖారా న కాయసఙ్ఖారోతి? ఆమన్తా.

    (Kha) na saṅkhārā na kāyasaṅkhāroti? Āmantā.

    (క) న చిత్తం న చిత్తసఙ్ఖారోతి?

    (Ka) na cittaṃ na cittasaṅkhāroti?

    చిత్తసఙ్ఖారో న చిత్తం, చిత్తసఙ్ఖారో. చిత్తఞ్చ చిత్తసఙ్ఖారఞ్చ ఠపేత్వా అవసేసా న చేవ చిత్తం న చ చిత్తసఙ్ఖారో.

    Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    (ఖ) న సఙ్ఖారా న వచీసఙ్ఖారోతి? ఆమన్తా.

    (Kha) na saṅkhārā na vacīsaṅkhāroti? Āmantā.

    ౩. సుద్ధసఙ్ఖారవారో

    3. Suddhasaṅkhāravāro

    (క) అనులోమం

    (Ka) anulomaṃ

    ౧౬. (క) కాయసఙ్ఖారో వచీసఙ్ఖారోతి? నో.

    16. (Ka) kāyasaṅkhāro vacīsaṅkhāroti? No.

    (ఖ) వచీసఙ్ఖారో కాయసఙ్ఖారోతి? నో.

    (Kha) vacīsaṅkhāro kāyasaṅkhāroti? No.

    (క) కాయసఙ్ఖారో చిత్తసఙ్ఖారోతి? నో.

    (Ka) kāyasaṅkhāro cittasaṅkhāroti? No.

    (ఖ) చిత్తసఙ్ఖారో కాయసఙ్ఖారోతి? నో.

    (Kha) cittasaṅkhāro kāyasaṅkhāroti? No.

    (క) వచీసఙ్ఖారో చిత్తసఙ్ఖారోతి? నో.

    (Ka) vacīsaṅkhāro cittasaṅkhāroti? No.

    (ఖ) చిత్తసఙ్ఖారో వచీసఙ్ఖారోతి? నో.

    (Kha) cittasaṅkhāro vacīsaṅkhāroti? No.

    (ఖ) పచ్చనీకం

    (Kha) paccanīkaṃ

    ౧౭. (క) న కాయసఙ్ఖారో న వచీసఙ్ఖారోతి?

    17. (Ka) na kāyasaṅkhāro na vacīsaṅkhāroti?

    వచీసఙ్ఖారో న కాయసఙ్ఖారో, వచీసఙ్ఖారో. కాయసఙ్ఖారఞ్చ వచీసఙ్ఖారఞ్చ ఠపేత్వా అవసేసా న చేవ కాయసఙ్ఖారో న చ వచీసఙ్ఖారో.

    Vacīsaṅkhāro na kāyasaṅkhāro, vacīsaṅkhāro. Kāyasaṅkhārañca vacīsaṅkhārañca ṭhapetvā avasesā na ceva kāyasaṅkhāro na ca vacīsaṅkhāro.

    (ఖ) న వచీసఙ్ఖారో న కాయసఙ్ఖారోతి?

    (Kha) na vacīsaṅkhāro na kāyasaṅkhāroti?

    కాయసఙ్ఖారో న వచీసఙ్ఖారో, కాయసఙ్ఖారో. వచీసఙ్ఖారఞ్చ కాయసఙ్ఖారఞ్చ ఠపేత్వా అవసేసా న చేవ వచీసఙ్ఖారో న చ కాయసఙ్ఖారో.

    Kāyasaṅkhāro na vacīsaṅkhāro, kāyasaṅkhāro. Vacīsaṅkhārañca kāyasaṅkhārañca ṭhapetvā avasesā na ceva vacīsaṅkhāro na ca kāyasaṅkhāro.

    (క) న కాయసఙ్ఖారో న చిత్తసఙ్ఖారోతి?

    (Ka) na kāyasaṅkhāro na cittasaṅkhāroti?

    చిత్తసఙ్ఖారో న కాయసఙ్ఖారో, చిత్తసఙ్ఖారో. కాయసఙ్ఖారఞ్చ చిత్తసఙ్ఖారఞ్చ ఠపేత్వా అవసేసా న చేవ కాయసఙ్ఖారో న చ చిత్తసఙ్ఖారో.

    Cittasaṅkhāro na kāyasaṅkhāro, cittasaṅkhāro. Kāyasaṅkhārañca cittasaṅkhārañca ṭhapetvā avasesā na ceva kāyasaṅkhāro na ca cittasaṅkhāro.

    (ఖ) న చిత్తసఙ్ఖారో న కాయసఙ్ఖారోతి?

    (Kha) na cittasaṅkhāro na kāyasaṅkhāroti?

    కాయసఙ్ఖారో న చిత్తసఙ్ఖారో, కాయసఙ్ఖారో. చిత్తసఙ్ఖారఞ్చ కాయసఙ్ఖారఞ్చ ఠపేత్వా అవసేసా న చేవ చిత్తసఙ్ఖారో న చ కాయసఙ్ఖారో.

    Kāyasaṅkhāro na cittasaṅkhāro, kāyasaṅkhāro. Cittasaṅkhārañca kāyasaṅkhārañca ṭhapetvā avasesā na ceva cittasaṅkhāro na ca kāyasaṅkhāro.

    ౧౮. (క) న వచీసఙ్ఖారో న చిత్తసఙ్ఖారోతి?

    18. (Ka) na vacīsaṅkhāro na cittasaṅkhāroti?

    చిత్తసఙ్ఖారో న వచీసఙ్ఖారో, చిత్తసఙ్ఖారో. వచీసఙ్ఖారఞ్చ చిత్తసఙ్ఖారఞ్చ ఠపేత్వా అవసేసా న చేవ వచీసఙ్ఖారో న చ చిత్తసఙ్ఖారో.

    Cittasaṅkhāro na vacīsaṅkhāro, cittasaṅkhāro. Vacīsaṅkhārañca cittasaṅkhārañca ṭhapetvā avasesā na ceva vacīsaṅkhāro na ca cittasaṅkhāro.

    (ఖ) న చిత్తసఙ్ఖారో న వచీసఙ్ఖారోతి?

    (Kha) na cittasaṅkhāro na vacīsaṅkhāroti?

    వచీసఙ్ఖారో న చిత్తసఙ్ఖారో, వచీసఙ్ఖారో. చిత్తసఙ్ఖారఞ్చ వచీసఙ్ఖారఞ్చ ఠపేత్వా అవసేసా న చేవ చిత్తసఙ్ఖారో న చ వచీసఙ్ఖారో.

    Vacīsaṅkhāro na cittasaṅkhāro, vacīsaṅkhāro. Cittasaṅkhārañca vacīsaṅkhārañca ṭhapetvā avasesā na ceva cittasaṅkhāro na ca vacīsaṅkhāro.

    పణ్ణత్తినిద్దేసవారో.

    Paṇṇattiniddesavāro.

    ౨. పవత్తివారో ౧. ఉప్పాదవారో

    2. Pavattivāro 1. uppādavāro

    (౧) పచ్చుప్పన్నవారో

    (1) Paccuppannavāro

    (క) అనులోమపుగ్గలో

    (Ka) anulomapuggalo

    ౧౯. (క) యస్స కాయసఙ్ఖారో ఉప్పజ్జతి తస్స వచీసఙ్ఖారో ఉప్పజ్జతీతి?

    19. (Ka) yassa kāyasaṅkhāro uppajjati tassa vacīsaṅkhāro uppajjatīti?

    వినా వితక్కవిచారేహి అస్సాసపస్సాసానం ఉప్పాదక్ఖణే తేసం కాయసఙ్ఖారో ఉప్పజ్జతి, నో చ తేసం వచీసఙ్ఖారో ఉప్పజ్జతి. పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసం కాయసఙ్ఖారో చ ఉప్పజ్జతి వచీసఙ్ఖారో చ ఉప్పజ్జతి.

    Vinā vitakkavicārehi assāsapassāsānaṃ uppādakkhaṇe tesaṃ kāyasaṅkhāro uppajjati, no ca tesaṃ vacīsaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ kāyasaṅkhāro ca uppajjati vacīsaṅkhāro ca uppajjati.

    (ఖ) యస్స వా పన వచీసఙ్ఖారో ఉప్పజ్జతి తస్స కాయసఙ్ఖారో ఉప్పజ్జతీతి?

    (Kha) yassa vā pana vacīsaṅkhāro uppajjati tassa kāyasaṅkhāro uppajjatīti?

    వినా అస్సాసపస్సాసేహి వితక్కవిచారానం ఉప్పాదక్ఖణే తేసం వచీసఙ్ఖారో ఉప్పజ్జతి, నో చ తేసం కాయసఙ్ఖారో ఉప్పజ్జతి. పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసం వచీసఙ్ఖారో చ ఉప్పజ్జతి కాయసఙ్ఖారో చ ఉప్పజ్జతి.

    Vinā assāsapassāsehi vitakkavicārānaṃ uppādakkhaṇe tesaṃ vacīsaṅkhāro uppajjati, no ca tesaṃ kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ vacīsaṅkhāro ca uppajjati kāyasaṅkhāro ca uppajjati.

    (క) యస్స కాయసఙ్ఖారో ఉప్పజ్జతి తస్స చిత్తసఙ్ఖారో ఉప్పజ్జతీతి? ఆమన్తా.

    (Ka) yassa kāyasaṅkhāro uppajjati tassa cittasaṅkhāro uppajjatīti? Āmantā.

    (ఖ) యస్స వా పన చిత్తసఙ్ఖారో ఉప్పజ్జతి తస్స కాయసఙ్ఖారో ఉప్పజ్జతీతి?

    (Kha) yassa vā pana cittasaṅkhāro uppajjati tassa kāyasaṅkhāro uppajjatīti?

    వినా అస్సాసపస్సాసేహి చిత్తస్స ఉప్పాదక్ఖణే తేసం చిత్తసఙ్ఖారో ఉప్పజ్జతి, నో చ తేసం కాయసఙ్ఖారో ఉప్పజ్జతి. అస్సాసపస్సాసానం ఉప్పాదక్ఖణే తేసం చిత్తసఙ్ఖారో చ ఉప్పజ్జతి కాయసఙ్ఖారో చ ఉప్పజ్జతి.

    Vinā assāsapassāsehi cittassa uppādakkhaṇe tesaṃ cittasaṅkhāro uppajjati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjati kāyasaṅkhāro ca uppajjati.

    ౨౦. (క) యస్స వచీసఙ్ఖారో ఉప్పజ్జతి తస్స చిత్తసఙ్ఖారో ఉప్పజ్జతీతి? ఆమన్తా.

    20. (Ka) yassa vacīsaṅkhāro uppajjati tassa cittasaṅkhāro uppajjatīti? Āmantā.

    (ఖ) యస్స వా పన చిత్తసఙ్ఖారో ఉప్పజ్జతి తస్స వచీసఙ్ఖారో ఉప్పజ్జతీతి?

    (Kha) yassa vā pana cittasaṅkhāro uppajjati tassa vacīsaṅkhāro uppajjatīti?

    వినా వితక్కవిచారేహి చిత్తస్స ఉప్పాదక్ఖణే తేసం చిత్తసఙ్ఖారో ఉప్పజ్జతి, నో చ తేసం వచీసఙ్ఖారో ఉప్పజ్జతి. వితక్కవిచారానం ఉప్పాదక్ఖణే తేసం చిత్తసఙ్ఖారో చ ఉప్పజ్జతి వచీసఙ్ఖారో చ ఉప్పజ్జతి.

    Vinā vitakkavicārehi cittassa uppādakkhaṇe tesaṃ cittasaṅkhāro uppajjati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjati vacīsaṅkhāro ca uppajjati.

    (ఖ) అనులోమఓకాసో

    (Kha) anulomaokāso

    ౨౧. (క) యత్థ కాయసఙ్ఖారో ఉప్పజ్జతి తత్థ వచీసఙ్ఖారో ఉప్పజ్జతీతి?

    21. (Ka) yattha kāyasaṅkhāro uppajjati tattha vacīsaṅkhāro uppajjatīti?

    దుతియజ్ఝానే తతియజ్ఝానే తత్థ కాయసఙ్ఖారో ఉప్పజ్జతి, నో చ తత్థ వచీసఙ్ఖారో ఉప్పజ్జతి. పఠమజ్ఝానే కామావచరే తత్థ కాయసఙ్ఖారో చ ఉప్పజ్జతి వచీసఙ్ఖారో చ ఉప్పజ్జతి.

    Dutiyajjhāne tatiyajjhāne tattha kāyasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare tattha kāyasaṅkhāro ca uppajjati vacīsaṅkhāro ca uppajjati.

    (ఖ) యత్థ వా పన వచీసఙ్ఖారో ఉప్పజ్జతి తత్థ కాయసఙ్ఖారో ఉప్పజ్జతీతి?

    (Kha) yattha vā pana vacīsaṅkhāro uppajjati tattha kāyasaṅkhāro uppajjatīti?

    రూపావచరే అరూపావచరే తత్థ వచీసఙ్ఖారో ఉప్పజ్జతి, నో చ తత్థ కాయసఙ్ఖారో ఉప్పజ్జతి. పఠమజ్ఝానే కామావచరే తత్థ వచీసఙ్ఖారో చ ఉప్పజ్జతి కాయసఙ్ఖారో చ ఉప్పజ్జతి.

    Rūpāvacare arūpāvacare tattha vacīsaṅkhāro uppajjati, no ca tattha kāyasaṅkhāro uppajjati. Paṭhamajjhāne kāmāvacare tattha vacīsaṅkhāro ca uppajjati kāyasaṅkhāro ca uppajjati.

    (క) యత్థ కాయసఙ్ఖారో ఉప్పజ్జతి తత్థ చిత్తసఙ్ఖారో ఉప్పజ్జతీతి? ఆమన్తా.

    (Ka) yattha kāyasaṅkhāro uppajjati tattha cittasaṅkhāro uppajjatīti? Āmantā.

    (ఖ) యత్థ వా పన చిత్తసఙ్ఖారో ఉప్పజ్జతి తత్థ కాయసఙ్ఖారో ఉప్పజ్జతీతి?

    (Kha) yattha vā pana cittasaṅkhāro uppajjati tattha kāyasaṅkhāro uppajjatīti?

    చతుత్థజ్ఝానే రూపావచరే అరూపావచరే తత్థ చిత్తసఙ్ఖారో ఉప్పజ్జతి, నో చ తత్థ కాయసఙ్ఖారో ఉప్పజ్జతి. పఠమజ్ఝానే దుతియజ్ఝానే తతియజ్ఝానే కామావచరే తత్థ చిత్తసఙ్ఖారో చ ఉప్పజ్జతి కాయసఙ్ఖారో చ ఉప్పజ్జతి.

    Catutthajjhāne rūpāvacare arūpāvacare tattha cittasaṅkhāro uppajjati, no ca tattha kāyasaṅkhāro uppajjati. Paṭhamajjhāne dutiyajjhāne tatiyajjhāne kāmāvacare tattha cittasaṅkhāro ca uppajjati kāyasaṅkhāro ca uppajjati.

    ౨౨. (క) యత్థ వచీసఙ్ఖారో ఉప్పజ్జతి తత్థ చిత్తసఙ్ఖారో ఉప్పజ్జతీతి? ఆమన్తా.

    22. (Ka) yattha vacīsaṅkhāro uppajjati tattha cittasaṅkhāro uppajjatīti? Āmantā.

    (ఖ) యత్థ వా పన చిత్తసఙ్ఖారో ఉప్పజ్జతి తత్థ వచీసఙ్ఖారో ఉప్పజ్జతీతి?

    (Kha) yattha vā pana cittasaṅkhāro uppajjati tattha vacīsaṅkhāro uppajjatīti?

    దుతియజ్ఝానే తతియజ్ఝానే చతుత్థజ్ఝానే తత్థ చిత్తసఙ్ఖారో ఉప్పజ్జతి, నో చ తత్థ వచీసఙ్ఖారో ఉప్పజ్జతి. పఠమజ్ఝానే కామావచరే రూపావచరే అరూపావచరే తత్థ చిత్తసఙ్ఖారో చ ఉప్పజ్జతి వచీసఙ్ఖారో చ ఉప్పజ్జతి.

    Dutiyajjhāne tatiyajjhāne catutthajjhāne tattha cittasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare rūpāvacare arūpāvacare tattha cittasaṅkhāro ca uppajjati vacīsaṅkhāro ca uppajjati.

    (గ) అనులోమపుగ్గలోకాసా

    (Ga) anulomapuggalokāsā

    ౨౩. యస్స యత్థ కాయసఙ్ఖారో ఉప్పజ్జతి…పే॰….

    23. Yassa yattha kāyasaṅkhāro uppajjati…pe….

    (యస్సకమ్పి యస్సయత్థకమ్పి సదిసం.)

    (Yassakampi yassayatthakampi sadisaṃ.)

    (ఘ) పచ్చనీకపుగ్గలో

    (Gha) paccanīkapuggalo

    ౨౪. (క) యస్స కాయసఙ్ఖారో నుప్పజ్జతి తస్స వచీసఙ్ఖారో నుప్పజ్జతీతి?

    24. (Ka) yassa kāyasaṅkhāro nuppajjati tassa vacīsaṅkhāro nuppajjatīti?

    వినా అస్సాసపస్సాసేహి వితక్కవిచారానం ఉప్పాదక్ఖణే తేసం కాయసఙ్ఖారో నుప్పజ్జతి, నో చ తేసం వచీసఙ్ఖారో నుప్పజ్జతి. సబ్బేసం చిత్తస్స భఙ్గక్ఖణే వినా అస్సాసపస్సాసేహి అవితక్కఅవిచారచిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో చ నుప్పజ్జతి వచీసఙ్ఖారో చ నుప్పజ్జతి.

    Vinā assāsapassāsehi vitakkavicārānaṃ uppādakkhaṇe tesaṃ kāyasaṅkhāro nuppajjati, no ca tesaṃ vacīsaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati vacīsaṅkhāro ca nuppajjati.

    (ఖ) యస్స వా పన వచీసఙ్ఖారో నుప్పజ్జతి తస్స కాయసఙ్ఖారో నుప్పజ్జతీతి?

    (Kha) yassa vā pana vacīsaṅkhāro nuppajjati tassa kāyasaṅkhāro nuppajjatīti?

    వినా వితక్కవిచారేహి అస్సాసపస్సాసానం ఉప్పాదక్ఖణే తేసం వచీసఙ్ఖారో నుప్పజ్జతి, నో చ తేసం కాయసఙ్ఖారో నుప్పజ్జతి. సబ్బేసం చిత్తస్స భఙ్గక్ఖణే వినా అస్సాసపస్సాసేహి అవితక్కఅవిచారచిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో చ నుప్పజ్జతి కాయసఙ్ఖారో చ నుప్పజ్జతి.

    Vinā vitakkavicārehi assāsapassāsānaṃ uppādakkhaṇe tesaṃ vacīsaṅkhāro nuppajjati, no ca tesaṃ kāyasaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati kāyasaṅkhāro ca nuppajjati.

    (క) యస్స కాయసఙ్ఖారో నుప్పజ్జతి తస్స చిత్తసఙ్ఖారో నుప్పజ్జతీతి?

    (Ka) yassa kāyasaṅkhāro nuppajjati tassa cittasaṅkhāro nuppajjatīti?

    వినా అస్సాసపస్సాసేహి చిత్తస్స ఉప్పాదక్ఖణే తేసం కాయసఙ్ఖారో నుప్పజ్జతి, నో చ తేసం చిత్తసఙ్ఖారో నుప్పజ్జతి. సబ్బేసం చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో చ నుప్పజ్జతి చిత్తసఙ్ఖారో చ నుప్పజ్జతి.

    Vinā assāsapassāsehi cittassa uppādakkhaṇe tesaṃ kāyasaṅkhāro nuppajjati, no ca tesaṃ cittasaṅkhāro nuppajjati. Sabbesaṃ cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati cittasaṅkhāro ca nuppajjati.

    (ఖ) యస్స వా పన చిత్తసఙ్ఖారో నుప్పజ్జతి తస్స కాయసఙ్ఖారో నుప్పజ్జతీతి? ఆమన్తా.

    (Kha) yassa vā pana cittasaṅkhāro nuppajjati tassa kāyasaṅkhāro nuppajjatīti? Āmantā.

    ౨౫. (క) యస్స వచీసఙ్ఖారో నుప్పజ్జతి తస్స చిత్తసఙ్ఖారో నుప్పజ్జతీతి?

    25. (Ka) yassa vacīsaṅkhāro nuppajjati tassa cittasaṅkhāro nuppajjatīti?

    వినా వితక్కవిచారేహి చిత్తస్స ఉప్పాదక్ఖణే తేసం వచీసఙ్ఖారో నుప్పజ్జతి, నో చ తేసం చిత్తసఙ్ఖారో నుప్పజ్జతి. సబ్బేసం చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో చ నుప్పజ్జతి చిత్తసఙ్ఖారో చ నుప్పజ్జతి.

    Vinā vitakkavicārehi cittassa uppādakkhaṇe tesaṃ vacīsaṅkhāro nuppajjati, no ca tesaṃ cittasaṅkhāro nuppajjati. Sabbesaṃ cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati cittasaṅkhāro ca nuppajjati.

    (ఖ) యస్స వా పన చిత్తసఙ్ఖారో నుప్పజ్జతి తస్స వచీసఙ్ఖారో నుప్పజ్జతీతి? ఆమన్తా.

    (Kha) yassa vā pana cittasaṅkhāro nuppajjati tassa vacīsaṅkhāro nuppajjatīti? Āmantā.

    (ఙ) పచ్చనీకఓకాసో

    (Ṅa) paccanīkaokāso

    ౨౬. (క) యత్థ కాయసఙ్ఖారో నుప్పజ్జతి తత్థ వచీసఙ్ఖారో నుప్పజ్జతీతి?

    26. (Ka) yattha kāyasaṅkhāro nuppajjati tattha vacīsaṅkhāro nuppajjatīti?

    రూపావచరే అరూపావచరే తత్థ కాయసఙ్ఖారో నుప్పజ్జతి, నో చ తత్థ వచీసఙ్ఖారో నుప్పజ్జతి. చతుత్థజ్ఝానే అసఞ్ఞసత్తే తత్థ కాయసఙ్ఖారో చ నుప్పజ్జతి వచీసఙ్ఖారో చ నుప్పజ్జతి.

    Rūpāvacare arūpāvacare tattha kāyasaṅkhāro nuppajjati, no ca tattha vacīsaṅkhāro nuppajjati. Catutthajjhāne asaññasatte tattha kāyasaṅkhāro ca nuppajjati vacīsaṅkhāro ca nuppajjati.

    (ఖ) యత్థ వా పన వచీసఙ్ఖారో నుప్పజ్జతి తత్థ కాయసఙ్ఖారో నుప్పజ్జతీతి?

    (Kha) yattha vā pana vacīsaṅkhāro nuppajjati tattha kāyasaṅkhāro nuppajjatīti?

    దుతియజ్ఝానే తతియజ్ఝానే తత్థ వచీసఙ్ఖారో నుప్పజ్జతి, నో చ తత్థ కాయసఙ్ఖారో నుప్పజ్జతి. చతుత్థజ్ఝానే అసఞ్ఞసత్తే తత్థ వచీసఙ్ఖారో చ నుప్పజ్జతి కాయసఙ్ఖారో చ నుప్పజ్జతి.

    Dutiyajjhāne tatiyajjhāne tattha vacīsaṅkhāro nuppajjati, no ca tattha kāyasaṅkhāro nuppajjati. Catutthajjhāne asaññasatte tattha vacīsaṅkhāro ca nuppajjati kāyasaṅkhāro ca nuppajjati.

    (క) యత్థ కాయసఙ్ఖారో నుప్పజ్జతి తత్థ చిత్తసఙ్ఖారో నుప్పజ్జతీతి?

    (Ka) yattha kāyasaṅkhāro nuppajjati tattha cittasaṅkhāro nuppajjatīti?

    చతుత్థజ్ఝానే రూపావచరే అరూపావచరే తత్థ కాయసఙ్ఖారో నుప్పజ్జతి, నో చ తత్థ చిత్తసఙ్ఖారో నుప్పజ్జతి. అసఞ్ఞసత్తే తత్థ కాయసఙ్ఖారో చ నుప్పజ్జతి చిత్తసఙ్ఖారో చ నుప్పజ్జతి.

    Catutthajjhāne rūpāvacare arūpāvacare tattha kāyasaṅkhāro nuppajjati, no ca tattha cittasaṅkhāro nuppajjati. Asaññasatte tattha kāyasaṅkhāro ca nuppajjati cittasaṅkhāro ca nuppajjati.

    (ఖ) యత్థ వా పన…పే॰…? ఆమన్తా.

    (Kha) yattha vā pana…pe…? Āmantā.

    ౨౭. (క) యత్థ వచీసఙ్ఖారో నుప్పజ్జతి తత్థ చిత్తసఙ్ఖారో నుప్పజ్జతీతి?

    27. (Ka) yattha vacīsaṅkhāro nuppajjati tattha cittasaṅkhāro nuppajjatīti?

    దుతియజ్ఝానే తతియజ్ఝానే చతుత్థజ్ఝానే తత్థ వచీసఙ్ఖారో నుప్పజ్జతి, నో చ తత్థ చిత్తసఙ్ఖారో నుప్పజ్జతి. అసఞ్ఞసత్తే తత్థ వచీసఙ్ఖారో చ నుప్పజ్జతి చిత్తసఙ్ఖారో చ నుప్పజ్జతి.

    Dutiyajjhāne tatiyajjhāne catutthajjhāne tattha vacīsaṅkhāro nuppajjati, no ca tattha cittasaṅkhāro nuppajjati. Asaññasatte tattha vacīsaṅkhāro ca nuppajjati cittasaṅkhāro ca nuppajjati.

    (ఖ) యత్థ వా పన…పే॰…? ఆమన్తా.

    (Kha) yattha vā pana…pe…? Āmantā.

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౨౮. (క) యస్స యత్థ కాయసఙ్ఖారో నుప్పజ్జతి తస్స తత్థ వచీసఙ్ఖారో నుప్పజ్జతీతి?

    28. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjatīti?

    వినా అస్సాసపస్సాసేహి వితక్కవిచారానం ఉప్పాదక్ఖణే తేసం తత్థ కాయసఙ్ఖారో నుప్పజ్జతి, నో చ తేసం తత్థ వచీసఙ్ఖారో నుప్పజ్జతి. సబ్బేసం చిత్తస్స భఙ్గక్ఖణే వినా అస్సాసపస్సాసేహి అవితక్కఅవిచారచిత్తస్స ఉప్పాదక్ఖణే అసఞ్ఞసత్తానం తేసం తత్థ కాయసఙ్ఖారో చ నుప్పజ్జతి వచీసఙ్ఖారో చ నుప్పజ్జతి.

    Vinā assāsapassāsehi vitakkavicārānaṃ uppādakkhaṇe tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjati.

    (ఖ) యస్స వా పన యత్థ…పే॰…? ఆమన్తా.

    (Kha) yassa vā pana yattha…pe…? Āmantā.

    (యస్సకమ్పి యస్సయత్థకమ్పి సదిసం విత్థారేతబ్బం, యస్సయత్థకే నిరోధసమాపన్నానన్తి న లబ్భతి.)

    (Yassakampi yassayatthakampi sadisaṃ vitthāretabbaṃ, yassayatthake nirodhasamāpannānanti na labbhati.)

    (౨) అతీతవారో

    (2) Atītavāro

    (క) అనులోమపుగ్గలో

    (Ka) anulomapuggalo

    ౨౯. (క) యస్స కాయసఙ్ఖారో ఉప్పజ్జిత్థ తస్స వచీసఙ్ఖారో ఉప్పజ్జిత్థాతి? ఆమన్తా.

    29. (Ka) yassa kāyasaṅkhāro uppajjittha tassa vacīsaṅkhāro uppajjitthāti? Āmantā.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (క) యస్స కాయసఙ్ఖారో ఉప్పజ్జిత్థ తస్స చిత్తసఙ్ఖారో ఉప్పజ్జిత్థాతి? ఆమన్తా.

    (Ka) yassa kāyasaṅkhāro uppajjittha tassa cittasaṅkhāro uppajjitthāti? Āmantā.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    ౩౦. (క) యస్స వచీసఙ్ఖారో ఉప్పజ్జిత్థ తస్స చిత్తసఙ్ఖారో ఉప్పజ్జిత్థాతి? ఆమన్తా.

    30. (Ka) yassa vacīsaṅkhāro uppajjittha tassa cittasaṅkhāro uppajjitthāti? Āmantā.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (ఖ) అనులోమఓకాసో

    (Kha) anulomaokāso

    ౩౧. యత్థ కాయసఙ్ఖారో ఉప్పజ్జిత్థ…పే॰…

    31. Yattha kāyasaṅkhāro uppajjittha…pe…

    (యత్థకమ్పి సబ్బత్థ ఏకసదిసం).

    (Yatthakampi sabbattha ekasadisaṃ).

    (గ) అనులోమపుగ్గలోకాసా

    (Ga) anulomapuggalokāsā

    ౩౨. (క) యస్స యత్థ కాయసఙ్ఖారో ఉప్పజ్జిత్థ తస్స తత్థ వచీసఙ్ఖారో ఉప్పజ్జిత్థాతి?

    32. (Ka) yassa yattha kāyasaṅkhāro uppajjittha tassa tattha vacīsaṅkhāro uppajjitthāti?

    దుతియజ్ఝానం తతియజ్ఝానం సమాపన్నానం తేసం తత్థ కాయసఙ్ఖారో ఉప్పజ్జిత్థ, నో చ తేసం తత్థ వచీసఙ్ఖారో ఉప్పజ్జిత్థ. పఠమజ్ఝానం సమాపన్నానం కామావచరానం తేసం తత్థ కాయసఙ్ఖారో చ ఉప్పజ్జిత్థ వచీసఙ్ఖారో చ ఉప్పజ్జిత్థ.

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjittha, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjittha vacīsaṅkhāro ca uppajjittha.

    (ఖ) యస్స వా పన యత్థ వచీసఙ్ఖారో ఉప్పజ్జిత్థ తస్స తత్థ కాయసఙ్ఖారో ఉప్పజ్జిత్థాతి?

    (Kha) yassa vā pana yattha vacīsaṅkhāro uppajjittha tassa tattha kāyasaṅkhāro uppajjitthāti?

    రూపావచరానం అరూపావచరానం తేసం తత్థ వచీసఙ్ఖారో ఉప్పజ్జిత్థ, నో చ తేసం తత్థ కాయసఙ్ఖారో ఉప్పజ్జిత్థ. పఠమజ్ఝానం సమాపన్నానం కామావచరానం తేసం తత్థ వచీసఙ్ఖారో చ ఉప్పజ్జిత్థ కాయసఙ్ఖారో చ ఉప్పజ్జిత్థ.

    Rūpāvacarānaṃ arūpāvacarānaṃ tesaṃ tattha vacīsaṅkhāro uppajjittha, no ca tesaṃ tattha kāyasaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca uppajjittha kāyasaṅkhāro ca uppajjittha.

    (క) యస్స యత్థ కాయసఙ్ఖారో ఉప్పజ్జిత్థ తస్స తత్థ చిత్తసఙ్ఖారో ఉప్పజ్జిత్థాతి? ఆమన్తా.

    (Ka) yassa yattha kāyasaṅkhāro uppajjittha tassa tattha cittasaṅkhāro uppajjitthāti? Āmantā.

    (ఖ) యస్స వా పన యత్థ చిత్తసఙ్ఖారో ఉప్పజ్జిత్థ తస్స తత్థ కాయసఙ్ఖారో ఉప్పజ్జిత్థాతి?

    (Kha) yassa vā pana yattha cittasaṅkhāro uppajjittha tassa tattha kāyasaṅkhāro uppajjitthāti?

    చతుత్థజ్ఝానం సమాపన్నానం రూపావచరానం అరూపావచరానం తేసం తత్థ చిత్తసఙ్ఖారో ఉప్పజ్జిత్థ, నో చ తేసం తత్థ కాయసఙ్ఖారో ఉప్పజ్జిత్థ. పఠమజ్ఝానం దుతియజ్ఝానం తతియజ్ఝానం సమాపన్నానం కామావచరానం తేసం తత్థ చిత్తసఙ్ఖారో చ ఉప్పజ్జిత్థ కాయసఙ్ఖారో చ ఉప్పజ్జిత్థ.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjittha, no ca tesaṃ tattha kāyasaṅkhāro uppajjittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca uppajjittha kāyasaṅkhāro ca uppajjittha.

    ౩౩. (క) యస్స యత్థ వచీసఙ్ఖారో ఉప్పజ్జిత్థ తస్స తత్థ చిత్తసఙ్ఖారో ఉప్పజ్జిత్థాతి? ఆమన్తా.

    33. (Ka) yassa yattha vacīsaṅkhāro uppajjittha tassa tattha cittasaṅkhāro uppajjitthāti? Āmantā.

    (ఖ) యస్స వా పన యత్థ చిత్తసఙ్ఖారో ఉప్పజ్జిత్థ తస్స తత్థ వచీసఙ్ఖారో ఉప్పజ్జిత్థాతి?

    (Kha) yassa vā pana yattha cittasaṅkhāro uppajjittha tassa tattha vacīsaṅkhāro uppajjitthāti?

    దుతియజ్ఝానం తతియజ్ఝానం చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే తేసం తత్థ చిత్తసఙ్ఖారో ఉప్పజ్జిత్థ, నో చ తేసం తత్థ వచీసఙ్ఖారో ఉప్పజ్జిత్థ. పఠమజ్ఝానం సమాపన్నానం కామావచరానం ఇతరేసం రూపావచరానం అరూపావచరానం తేసం తత్థ చిత్తసఙ్ఖారో చ ఉప్పజ్జిత్థ వచీసఙ్ఖారో చ ఉప్పజ్జిత్థ.

    Dutiyajjhānaṃ tatiyajjhānaṃ catutthajjhānaṃ samāpannānaṃ suddhāvāsānaṃ dutiye citte vattamāne tesaṃ tattha cittasaṅkhāro uppajjittha, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca uppajjittha vacīsaṅkhāro ca uppajjittha.

    (ఘ) పచ్చనీకపుగ్గలో

    (Gha) paccanīkapuggalo

    ౩౪. (క) యస్స కాయసఙ్ఖారో నుప్పజ్జిత్థ తస్స వచీసఙ్ఖారో నుప్పజ్జిత్థాతి? నత్థి.

    34. (Ka) yassa kāyasaṅkhāro nuppajjittha tassa vacīsaṅkhāro nuppajjitthāti? Natthi.

    (ఖ) యస్స వా పన వచీసఙ్ఖారో నుప్పజ్జిత్థ తస్స కాయసఙ్ఖారో నుప్పజ్జిత్థాతి? నత్థి.

    (Kha) yassa vā pana vacīsaṅkhāro nuppajjittha tassa kāyasaṅkhāro nuppajjitthāti? Natthi.

    (క) యస్స కాయసఙ్ఖారో నుప్పజ్జిత్థ తస్స చిత్తసఙ్ఖారో నుప్పజ్జిత్థాతి? నత్థి.

    (Ka) yassa kāyasaṅkhāro nuppajjittha tassa cittasaṅkhāro nuppajjitthāti? Natthi.

    (ఖ) యస్స వా పన…పే॰…? నత్థి.

    (Kha) yassa vā pana…pe…? Natthi.

    ౩౫. (క) యస్స వచీసఙ్ఖారో నుప్పజ్జిత్థ తస్స చిత్తసఙ్ఖారో నుప్పజ్జిత్థాతి? నత్థి.

    35. (Ka) yassa vacīsaṅkhāro nuppajjittha tassa cittasaṅkhāro nuppajjitthāti? Natthi.

    (ఖ) యస్స వా పన…పే॰…? నత్థి.

    (Kha) yassa vā pana…pe…? Natthi.

    (ఙ) పచ్చనీకఓకాసో

    (Ṅa) paccanīkaokāso

    ౩౬. యత్థ కాయసఙ్ఖారో నుప్పజ్జిత్థ…పే॰….

    36. Yattha kāyasaṅkhāro nuppajjittha…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౩౭. (క) యస్స యత్థ కాయసఙ్ఖారో నుప్పజ్జిత్థ తస్స తత్థ వచీసఙ్ఖారో నుప్పజ్జిత్థాతి?

    37. (Ka) yassa yattha kāyasaṅkhāro nuppajjittha tassa tattha vacīsaṅkhāro nuppajjitthāti?

    రూపావచరానం అరూపావచరానం తేసం తత్థ కాయసఙ్ఖారో నుప్పజ్జిత్థ, నో చ తేసం తత్థ వచీసఙ్ఖారో నుప్పజ్జిత్థ. చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే అసఞ్ఞసత్తానం తేసం తత్థ కాయసఙ్ఖారో చ నుప్పజ్జిత్థ వచీసఙ్ఖారో చ నుప్పజ్జిత్థ.

    Rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha vacīsaṅkhāro nuppajjittha. Catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca nuppajjittha vacīsaṅkhāro ca nuppajjittha.

    (ఖ) యస్స వా పన యత్థ వచీసఙ్ఖారో నుప్పజ్జిత్థ తస్స తత్థ కాయసఙ్ఖారో నుప్పజ్జిత్థాతి?

    (Kha) yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjitthāti?

    దుతియజ్ఝానం తతియజ్ఝానం సమాపన్నానం తేసం తత్థ వచీసఙ్ఖారో నుప్పజ్జిత్థ, నో చ తేసం తత్థ కాయసఙ్ఖారో నుప్పజ్జిత్థ. చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే అసఞ్ఞసత్తానం తేసం తత్థ వచీసఙ్ఖారో చ నుప్పజ్జిత్థ కాయసఙ్ఖారో చ నుప్పజ్జిత్థ.

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjittha, no ca tesaṃ tattha kāyasaṅkhāro nuppajjittha. Catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca nuppajjittha kāyasaṅkhāro ca nuppajjittha.

    (క) యస్స యత్థ కాయసఙ్ఖారో నుప్పజ్జిత్థ తస్స తత్థ చిత్తసఙ్ఖారో నుప్పజ్జిత్థాతి?

    (Ka) yassa yattha kāyasaṅkhāro nuppajjittha tassa tattha cittasaṅkhāro nuppajjitthāti?

    చతుత్థజ్ఝానం సమాపన్నానం రూపావచరానం అరూపావచరానం తేసం తత్థ కాయసఙ్ఖారో నుప్పజ్జిత్థ, నో చ తేసం తత్థ చిత్తసఙ్ఖారో నుప్పజ్జిత్థ. సుద్ధావాసం ఉపపజ్జన్తానం అసఞ్ఞసత్తానం తేసం తత్థ కాయసఙ్ఖారో చ నుప్పజ్జిత్థ చిత్తసఙ్ఖారో చ నుప్పజ్జిత్థ.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca nuppajjittha cittasaṅkhāro ca nuppajjittha.

    (ఖ) యస్స వా పన యత్థ…పే॰…? ఆమన్తా.

    (Kha) yassa vā pana yattha…pe…? Āmantā.

    ౩౮. (క) యస్స యత్థ వచీసఙ్ఖారో నుప్పజ్జిత్థ తస్స తత్థ చిత్తసఙ్ఖారో నుప్పజ్జిత్థాతి?

    38. (Ka) yassa yattha vacīsaṅkhāro nuppajjittha tassa tattha cittasaṅkhāro nuppajjitthāti?

    దుతియజ్ఝానం తతియజ్ఝానం చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే తేసం తత్థ వచీసఙ్ఖారో నుప్పజ్జిత్థ, నో చ తేసం తత్థ చిత్తసఙ్ఖారో నుప్పజ్జిత్థ. సుద్ధావాసం ఉపపజ్జన్తానం అసఞ్ఞసత్తానం తేసం తత్థ వచీసఙ్ఖారో చ నుప్పజ్జిత్థ చిత్తసఙ్ఖారో చ నుప్పజ్జిత్థ.

    Dutiyajjhānaṃ tatiyajjhānaṃ catutthajjhānaṃ samāpannānaṃ suddhāvāsānaṃ dutiye citte vattamāne tesaṃ tattha vacīsaṅkhāro nuppajjittha, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca nuppajjittha cittasaṅkhāro ca nuppajjittha.

    (ఖ) యస్స వా పన యత్థ…పే॰…? ఆమన్తా.

    (Kha) yassa vā pana yattha…pe…? Āmantā.

    (౩) అనాగతవారో

    (3) Anāgatavāro

    (క) అనులోమపుగ్గలో

    (Ka) anulomapuggalo

    ౩౯. (క) యస్స కాయసఙ్ఖారో ఉప్పజ్జిస్సతి తస్స వచీసఙ్ఖారో ఉప్పజ్జిస్సతీతి? ఆమన్తా.

    39. (Ka) yassa kāyasaṅkhāro uppajjissati tassa vacīsaṅkhāro uppajjissatīti? Āmantā.

    (ఖ) యస్స వా పన వచీసఙ్ఖారో ఉప్పజ్జిస్సతి తస్స కాయసఙ్ఖారో ఉప్పజ్జిస్సతీతి?

    (Kha) yassa vā pana vacīsaṅkhāro uppajjissati tassa kāyasaṅkhāro uppajjissatīti?

    యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం వచీసఙ్ఖారో ఉప్పజ్జిస్సతి, నో చ తేసం కాయసఙ్ఖారో ఉప్పజ్జిస్సతి. ఇతరేసం తేసం వచీసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జిస్సతి.

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro uppajjissati, no ca tesaṃ kāyasaṅkhāro uppajjissati. Itaresaṃ tesaṃ vacīsaṅkhāro ca uppajjissati kāyasaṅkhāro ca uppajjissati.

    (క) యస్స కాయసఙ్ఖారో ఉప్పజ్జిస్సతి తస్స చిత్తసఙ్ఖారో ఉప్పజ్జిస్సతీతి? ఆమన్తా.

    (Ka) yassa kāyasaṅkhāro uppajjissati tassa cittasaṅkhāro uppajjissatīti? Āmantā.

    (ఖ) యస్స వా పన చిత్తసఙ్ఖారో ఉప్పజ్జిస్సతి తస్స కాయసఙ్ఖారో ఉప్పజ్జిస్సతీతి?

    (Kha) yassa vā pana cittasaṅkhāro uppajjissati tassa kāyasaṅkhāro uppajjissatīti?

    యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం చిత్తసఙ్ఖారో ఉప్పజ్జిస్సతి, నో చ తేసం కాయసఙ్ఖారో ఉప్పజ్జిస్సతి. ఇతరేసం తేసం చిత్తసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జిస్సతి.

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro uppajjissati, no ca tesaṃ kāyasaṅkhāro uppajjissati. Itaresaṃ tesaṃ cittasaṅkhāro ca uppajjissati kāyasaṅkhāro ca uppajjissati.

    ౪౦. (క) యస్స వచీసఙ్ఖారో ఉప్పజ్జిస్సతి తస్స చిత్తసఙ్ఖారో ఉప్పజ్జిస్సతీతి? ఆమన్తా.

    40. (Ka) yassa vacīsaṅkhāro uppajjissati tassa cittasaṅkhāro uppajjissatīti? Āmantā.

    (ఖ) యస్స వా పన చిత్తసఙ్ఖారో ఉప్పజ్జిస్సతి తస్స వచీసఙ్ఖారో ఉప్పజ్జిస్సతీతి?

    (Kha) yassa vā pana cittasaṅkhāro uppajjissati tassa vacīsaṅkhāro uppajjissatīti?

    యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం చిత్తసఙ్ఖారో ఉప్పజ్జిస్సతి, నో చ తేసం వచీసఙ్ఖారో ఉప్పజ్జిస్సతి. ఇతరేసం తేసం చిత్తసఙ్ఖారో చ ఉప్పజ్జిస్సతి వచీసఙ్ఖారో చ ఉప్పజ్జిస్సతి.

    Yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro uppajjissati, no ca tesaṃ vacīsaṅkhāro uppajjissati. Itaresaṃ tesaṃ cittasaṅkhāro ca uppajjissati vacīsaṅkhāro ca uppajjissati.

    (ఖ) అనులోమఓకాసో

    (Kha) anulomaokāso

    ౪౧. యత్థ కాయసఙ్ఖారో ఉప్పజ్జిస్సతి…పే॰….

    41. Yattha kāyasaṅkhāro uppajjissati…pe….

    (గ) అనులోమపుగ్గలోకాసా

    (Ga) anulomapuggalokāsā

    ౪౨. (క) యస్స యత్థ కాయసఙ్ఖారో ఉప్పజ్జిస్సతి తస్స తత్థ వచీసఙ్ఖారో ఉప్పజ్జిస్సతీతి?

    42. (Ka) yassa yattha kāyasaṅkhāro uppajjissati tassa tattha vacīsaṅkhāro uppajjissatīti?

    దుతియజ్ఝానం తతియజ్ఝానం సమాపన్నానం తేసం తత్థ కాయసఙ్ఖారో ఉప్పజ్జిస్సతి, నో చ తేసం తత్థ వచీసఙ్ఖారో ఉప్పజ్జిస్సతి. పఠమజ్ఝానం సమాపన్నానం కామావచరానం తేసం తత్థ కాయసఙ్ఖారో చ ఉప్పజ్జిస్సతి వచీసఙ్ఖారో చ ఉప్పజ్జిస్సతి.

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjissati vacīsaṅkhāro ca uppajjissati.

    (ఖ) యస్స వా పన యత్థ వచీసఙ్ఖారో ఉప్పజ్జిస్సతి తస్స తత్థ కాయసఙ్ఖారో ఉప్పజ్జిస్సతీతి?

    (Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjissatīti?

    యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరానం అరూపావచరానం తేసం తత్థ వచీసఙ్ఖారో ఉప్పజ్జిస్సతి, నో చ తేసం తత్థ కాయసఙ్ఖారో ఉప్పజ్జిస్సతి. పఠమజ్ఝానం సమాపన్నానం ఇతరేసం కామావచరానం తేసం తత్థ వచీసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జిస్సతి.

    Yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca uppajjissati kāyasaṅkhāro ca uppajjissati.

    (క) యస్స యత్థ కాయసఙ్ఖారో ఉప్పజ్జిస్సతి తస్స తత్థ చిత్తసఙ్ఖారో ఉప్పజ్జిస్సతీతి? ఆమన్తా.

    (Ka) yassa yattha kāyasaṅkhāro uppajjissati tassa tattha cittasaṅkhāro uppajjissatīti? Āmantā.

    (ఖ) యస్స వా పన యత్థ చిత్తసఙ్ఖారో ఉప్పజ్జిస్సతి తస్స తత్థ కాయసఙ్ఖారో ఉప్పజ్జిస్సతీతి?

    (Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjissatīti?

    యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం రూపావచరానం అరూపావచరానం తేసం తత్థ చిత్తసఙ్ఖారో ఉప్పజ్జిస్సతి, నో చ తేసం తత్థ కాయసఙ్ఖారో ఉప్పజ్జిస్సతి. పఠమజ్ఝానం దుతియజ్ఝానం తతియజ్ఝానం సమాపన్నానం ఇతరేసం కామావచరానం తేసం తత్థ చిత్తసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జిస్సతి.

    Yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca uppajjissati kāyasaṅkhāro ca uppajjissati.

    ౪౩. (క) యస్స యత్థ వచీసఙ్ఖారో ఉప్పజ్జిస్సతి తస్స తత్థ చిత్తసఙ్ఖారో ఉప్పజ్జిస్సతీతి? ఆమన్తా.

    43. (Ka) yassa yattha vacīsaṅkhāro uppajjissati tassa tattha cittasaṅkhāro uppajjissatīti? Āmantā.

    (ఖ) యస్స వా పన యత్థ చిత్తసఙ్ఖారో ఉప్పజ్జిస్సతి తస్స తత్థ వచీసఙ్ఖారో ఉప్పజ్జిస్సతీతి?

    (Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjissatīti?

    యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం చతుత్థజ్ఝానం సమాపన్నానం తేసం తత్థ చిత్తసఙ్ఖారో ఉప్పజ్జిస్సతి, నో చ తేసం తత్థ వచీసఙ్ఖారో ఉప్పజ్జిస్సతి. పఠమజ్ఝానం సమాపన్నానం కామావచరానం ఇతరేసం రూపావచరానం అరూపావచరానం తేసం తత్థ చిత్తసఙ్ఖారో చ ఉప్పజ్జిస్సతి వచీసఙ్ఖారో చ ఉప్పజ్జిస్సతి.

    Yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca uppajjissati vacīsaṅkhāro ca uppajjissati.

    (ఘ) పచ్చనీకపుగ్గలో

    (Gha) paccanīkapuggalo

    ౪౪. (క) యస్స కాయసఙ్ఖారో నుప్పజ్జిస్సతి తస్స వచీసఙ్ఖారో నుప్పజ్జిస్సతీతి?

    44. (Ka) yassa kāyasaṅkhāro nuppajjissati tassa vacīsaṅkhāro nuppajjissatīti?

    యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం కాయసఙ్ఖారో నుప్పజ్జిస్సతి, నో చ తేసం వచీసఙ్ఖారో నుప్పజ్జిస్సతి. పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం కాయసఙ్ఖారో చ నుప్పజ్జిస్సతి వచీసఙ్ఖారో చ నుప్పజ్జిస్సతి.

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjissati vacīsaṅkhāro ca nuppajjissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (క) యస్స కాయసఙ్ఖారో నుప్పజ్జిస్సతి తస్స చిత్తసఙ్ఖారో నుప్పజ్జిస్సతీతి?

    (Ka) yassa kāyasaṅkhāro nuppajjissati tassa cittasaṅkhāro nuppajjissatīti?

    యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం కాయసఙ్ఖారో నుప్పజ్జిస్సతి, నో చ తేసం చిత్తసఙ్ఖారో నుప్పజ్జిస్సతి. పచ్ఛిమచిత్తసమఙ్గీనం తేసం కాయసఙ్ఖారో చ నుప్పజ్జిస్సతి చిత్తసఙ్ఖారో చ నుప్పజ్జిస్సతి.

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ kāyasaṅkhāro ca nuppajjissati cittasaṅkhāro ca nuppajjissati.

    (ఖ) యస్స వా పన చిత్తసఙ్ఖారో…పే॰…? ఆమన్తా.

    (Kha) yassa vā pana cittasaṅkhāro…pe…? Āmantā.

    ౪౫. (క) యస్స వచీసఙ్ఖారో నుప్పజ్జిస్సతి తస్స చిత్తసఙ్ఖారో నుప్పజ్జిస్సతీతి?

    45. (Ka) yassa vacīsaṅkhāro nuppajjissati tassa cittasaṅkhāro nuppajjissatīti?

    యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం వచీసఙ్ఖారో నుప్పజ్జిస్సతి, నో చ తేసం చిత్తసఙ్ఖారో నుప్పజ్జిస్సతి. పచ్ఛిమచిత్తసమఙ్గీనం తేసం వచీసఙ్ఖారో చ నుప్పజ్జిస్సతి చిత్తసఙ్ఖారో చ నుప్పజ్జిస్సతి.

    Yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro nuppajjissati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ vacīsaṅkhāro ca nuppajjissati cittasaṅkhāro ca nuppajjissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (ఙ) పచ్చనీకఓకాసో

    (Ṅa) paccanīkaokāso

    ౪౬. యత్థ కాయసఙ్ఖారో నుప్పజ్జిస్సతి…పే॰….

    46. Yattha kāyasaṅkhāro nuppajjissati…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౪౭. (క) యస్స యత్థ కాయసఙ్ఖారో నుప్పజ్జిస్సతి తస్స తత్థ వచీసఙ్ఖారో నుప్పజ్జిస్సతీతి?

    47. (Ka) yassa yattha kāyasaṅkhāro nuppajjissati tassa tattha vacīsaṅkhāro nuppajjissatīti?

    యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరానం అరూపావచరానం తేసం తత్థ కాయసఙ్ఖారో నుప్పజ్జిస్సతి, నో చ తేసం తత్థ వచీసఙ్ఖారో నుప్పజ్జిస్సతి. పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ కాయసఙ్ఖారో చ నుప్పజ్జిస్సతి వచీసఙ్ఖారో చ నుప్పజ్జిస్సతి.

    Yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjissati vacīsaṅkhāro ca nuppajjissati.

    (ఖ) యస్స వా పన యత్థ వచీసఙ్ఖారో నుప్పజ్జిస్సతి తస్స తత్థ కాయసఙ్ఖారో నుప్పజ్జిస్సతీతి?

    (Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjissatīti?

    దుతియజ్ఝానం తతియజ్ఝానం సమాపన్నానం తేసం తత్థ వచీసఙ్ఖారో నుప్పజ్జిస్సతి, నో చ తేసం తత్థ కాయసఙ్ఖారో నుప్పజ్జిస్సతి. పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ వచీసఙ్ఖారో చ నుప్పజ్జిస్సతి కాయసఙ్ఖారో చ నుప్పజ్జిస్సతి.

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjissati.

    (క) యస్స యత్థ కాయసఙ్ఖారో నుప్పజ్జిస్సతి తస్స తత్థ చిత్తసఙ్ఖారో నుప్పజ్జిస్సతీతి?

    (Ka) yassa yattha kāyasaṅkhāro nuppajjissati tassa tattha cittasaṅkhāro nuppajjissatīti?

    యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం రూపావచరానం అరూపావచరానం తేసం తత్థ కాయసఙ్ఖారో నుప్పజ్జిస్సతి, నో చ తేసం తత్థ చిత్తసఙ్ఖారో నుప్పజ్జిస్సతి. పచ్ఛిమచిత్తసమఙ్గీనం అసఞ్ఞసత్తానం తేసం తత్థ కాయసఙ్ఖారో చ నుప్పజ్జిస్సతి చిత్తసఙ్ఖారో చ నుప్పజ్జిస్సతి.

    Yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjissati cittasaṅkhāro ca nuppajjissati.

    (ఖ) యస్స వా పన యత్థ…పే॰…? ఆమన్తా.

    (Kha) yassa vā pana yattha…pe…? Āmantā.

    ౪౮. (క) యస్స యత్థ వచీసఙ్ఖారో నుప్పజ్జిస్సతి తస్స తత్థ చిత్తసఙ్ఖారో నుప్పజ్జిస్సతీతి?

    48. (Ka) yassa yattha vacīsaṅkhāro nuppajjissati tassa tattha cittasaṅkhāro nuppajjissatīti?

    యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం చతుత్థజ్ఝానం సమాపన్నానం తేసం తత్థ వచీసఙ్ఖారో నుప్పజ్జిస్సతి, నో చ తేసం తత్థ చిత్తసఙ్ఖారో నుప్పజ్జిస్సతి. పచ్ఛిమచిత్తసమఙ్గీనం అసఞ్ఞసత్తానం తేసం తత్థ వచీసఙ్ఖారో చ నుప్పజ్జిస్సతి చిత్తసఙ్ఖారో చ నుప్పజ్జిస్సతి.

    Yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjissati cittasaṅkhāro ca nuppajjissati.

    (ఖ) యస్స వా పన యత్థ…పే॰…? ఆమన్తా.

    (Kha) yassa vā pana yattha…pe…? Āmantā.

    (౪) పచ్చుప్పన్నాతీతవారో

    (4) Paccuppannātītavāro

    (క) అనులోమపుగ్గలో

    (Ka) anulomapuggalo

    ౪౯. (క) యస్స కాయసఙ్ఖారో ఉప్పజ్జతి తస్స వచీసఙ్ఖారో ఉప్పజ్జిత్థాతి? ఆమన్తా.

    49. (Ka) yassa kāyasaṅkhāro uppajjati tassa vacīsaṅkhāro uppajjitthāti? Āmantā.

    (ఖ) యస్స వా పన వచీసఙ్ఖారో ఉప్పజ్జిత్థ తస్స కాయసఙ్ఖారో ఉప్పజ్జతీతి?

    (Kha) yassa vā pana vacīsaṅkhāro uppajjittha tassa kāyasaṅkhāro uppajjatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో ఉప్పజ్జిత్థ , నో చ తేసం కాయసఙ్ఖారో ఉప్పజ్జతి. అస్సాసపస్సాసానం ఉప్పాదక్ఖణే తేసం వచీసఙ్ఖారో చ ఉప్పజ్జిత్థ కాయసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro uppajjittha , no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca uppajjittha kāyasaṅkhāro ca uppajjati.

    (క) యస్స కాయసఙ్ఖారో ఉప్పజ్జతి తస్స చిత్తసఙ్ఖారో ఉప్పజ్జిత్థాతి? ఆమన్తా.

    (Ka) yassa kāyasaṅkhāro uppajjati tassa cittasaṅkhāro uppajjitthāti? Āmantā.

    (ఖ) యస్స వా పన చిత్తసఙ్ఖారో ఉప్పజ్జిత్థ తస్స కాయసఙ్ఖారో ఉప్పజ్జతీతి?

    (Kha) yassa vā pana cittasaṅkhāro uppajjittha tassa kāyasaṅkhāro uppajjatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో ఉప్పజ్జిత్థ, నో చ తేసం కాయసఙ్ఖారో ఉప్పజ్జతి. అస్సాసపస్సాసానం ఉప్పాదక్ఖణే తేసం చిత్తసఙ్ఖారో చ ఉప్పజ్జిత్థ కాయసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjittha kāyasaṅkhāro ca uppajjati.

    ౫౦. (క) యస్స వచీసఙ్ఖారో ఉప్పజ్జతి తస్స చిత్తసఙ్ఖారో ఉప్పజ్జిత్థాతి? ఆమన్తా.

    50. (Ka) yassa vacīsaṅkhāro uppajjati tassa cittasaṅkhāro uppajjitthāti? Āmantā.

    (ఖ) యస్స వా పన చిత్తసఙ్ఖారో ఉప్పజ్జిత్థ తస్స వచీసఙ్ఖారో ఉప్పజ్జతీతి?

    (Kha) yassa vā pana cittasaṅkhāro uppajjittha tassa vacīsaṅkhāro uppajjatīti?

    సబ్బేసం చిత్తస్స భఙ్గక్ఖణే వినా వితక్కవిచారేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో ఉప్పజ్జిత్థ, నో చ తేసం వచీసఙ్ఖారో ఉప్పజ్జతి. వితక్కవిచారానం ఉప్పాదక్ఖణే తేసం చిత్తసఙ్ఖారో చ ఉప్పజ్జిత్థ వచీసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjittha vacīsaṅkhāro ca uppajjati.

    (ఖ) అనులోమఓకాసో

    (Kha) anulomaokāso

    ౫౧. యత్థ కాయసఙ్ఖారో ఉప్పజ్జతి…పే॰….

    51. Yattha kāyasaṅkhāro uppajjati…pe….

    (గ) అనులోమపుగ్గలోకాసా

    (Ga) anulomapuggalokāsā

    ౫౨. (క) యస్స యత్థ కాయసఙ్ఖారో ఉప్పజ్జతి తస్స తత్థ వచీసఙ్ఖారో ఉప్పజ్జిత్థాతి?

    52. (Ka) yassa yattha kāyasaṅkhāro uppajjati tassa tattha vacīsaṅkhāro uppajjitthāti?

    దుతియజ్ఝానం తతియజ్ఝానం సమాపన్నానం అస్సాసపస్సాసానం ఉప్పాదక్ఖణే తేసం తత్థ కాయసఙ్ఖారో ఉప్పజ్జతి, నో చ తేసం తత్థ వచీసఙ్ఖారో ఉప్పజ్జిత్థ. పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసం తత్థ కాయసఙ్ఖారో చ ఉప్పజ్జతి వచీసఙ్ఖారో చ ఉప్పజ్జిత్థ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca uppajjittha.

    (ఖ) యస్స వా పన యత్థ వచీసఙ్ఖారో ఉప్పజ్జిత్థ తస్స తత్థ కాయసఙ్ఖారో ఉప్పజ్జతీతి?

    (Kha) yassa vā pana yattha vacīsaṅkhāro uppajjittha tassa tattha kāyasaṅkhāro uppajjatīti?

    పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే రూపావచరానం అరూపావచరానం తేసం తత్థ వచీసఙ్ఖారో ఉప్పజ్జిత్థ, నో చ తేసం తత్థ కాయసఙ్ఖారో ఉప్పజ్జతి. పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసం తత్థ వచీసఙ్ఖారో చ ఉప్పజ్జిత్థ కాయసఙ్ఖారో చ ఉప్పజ్జతి.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro uppajjittha, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca uppajjittha kāyasaṅkhāro ca uppajjati.

    (క) యస్స యత్థ కాయసఙ్ఖారో ఉప్పజ్జతి తస్స తత్థ చిత్తసఙ్ఖారో ఉప్పజ్జిత్థాతి? ఆమన్తా.

    (Ka) yassa yattha kāyasaṅkhāro uppajjati tassa tattha cittasaṅkhāro uppajjitthāti? Āmantā.

    (ఖ) యస్స వా పన యత్థ చిత్తసఙ్ఖారో ఉప్పజ్జిత్థ తస్స తత్థ కాయసఙ్ఖారో ఉప్పజ్జతీతి?

    (Kha) yassa vā pana yattha cittasaṅkhāro uppajjittha tassa tattha kāyasaṅkhāro uppajjatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే తేసం తత్థ చిత్తసఙ్ఖారో ఉప్పజ్జిత్థ, నో చ తేసం తత్థ కాయసఙ్ఖారో ఉప్పజ్జతి. అస్సాసపస్సాసానం ఉప్పాదక్ఖణే తేసం తత్థ చిత్తసఙ్ఖారో చ ఉప్పజ్జిత్థ కాయసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro uppajjittha, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca uppajjittha kāyasaṅkhāro ca uppajjati.

    ౫౩. (క) యస్స యత్థ వచీసఙ్ఖారో ఉప్పజ్జతి తస్స తత్థ చిత్తసఙ్ఖారో ఉప్పజ్జిత్థాతి? ఆమన్తా.

    53. (Ka) yassa yattha vacīsaṅkhāro uppajjati tassa tattha cittasaṅkhāro uppajjitthāti? Āmantā.

    (ఖ) యస్స వా పన యత్థ చిత్తసఙ్ఖారో ఉప్పజ్జిత్థ తస్స తత్థ వచీసఙ్ఖారో ఉప్పజ్జతీతి?

    (Kha) yassa vā pana yattha cittasaṅkhāro uppajjittha tassa tattha vacīsaṅkhāro uppajjatīti?

    సబ్బేసం చిత్తస్స భఙ్గక్ఖణే వినా వితక్కవిచారేహి చిత్తస్స ఉప్పాదక్ఖణే తేసం తత్థ చిత్తసఙ్ఖారో ఉప్పజ్జిత్థ, నో చ తేసం తత్థ వచీసఙ్ఖారో ఉప్పజ్జతి. వితక్కవిచారానం ఉప్పాదక్ఖణే తేసం తత్థ చిత్తసఙ్ఖారో చ ఉప్పజ్జిత్థ వచీసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro uppajjittha, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca uppajjittha vacīsaṅkhāro ca uppajjati.

    (ఘ) పచ్చనీకపుగ్గలో

    (Gha) paccanīkapuggalo

    ౫౪. (క) యస్స కాయసఙ్ఖారో నుప్పజ్జతి తస్స వచీసఙ్ఖారో నుప్పజ్జిత్థాతి? ఉప్పజ్జిత్థ.

    54. (Ka) yassa kāyasaṅkhāro nuppajjati tassa vacīsaṅkhāro nuppajjitthāti? Uppajjittha.

    (ఖ) యస్స వా పన వచీసఙ్ఖారో నుప్పజ్జిత్థ తస్స కాయసఙ్ఖారో నుప్పజ్జతీతి? నత్థి.

    (Kha) yassa vā pana vacīsaṅkhāro nuppajjittha tassa kāyasaṅkhāro nuppajjatīti? Natthi.

    (క) యస్స కాయసఙ్ఖారో నుప్పజ్జతి తస్స చిత్తసఙ్ఖారో నుప్పజ్జిత్థాతి? ఉప్పజ్జిత్థ.

    (Ka) yassa kāyasaṅkhāro nuppajjati tassa cittasaṅkhāro nuppajjitthāti? Uppajjittha.

    (ఖ) యస్స వా పన చిత్తసఙ్ఖారో నుప్పజ్జిత్థ తస్స కాయసఙ్ఖారో నుప్పజ్జతీతి? నత్థి.

    (Kha) yassa vā pana cittasaṅkhāro nuppajjittha tassa kāyasaṅkhāro nuppajjatīti? Natthi.

    ౫౫. (క) యస్స వచీసఙ్ఖారో నుప్పజ్జతి తస్స చిత్తసఙ్ఖారో నుప్పజ్జిత్థాతి? ఉప్పజ్జిత్థ.

    55. (Ka) yassa vacīsaṅkhāro nuppajjati tassa cittasaṅkhāro nuppajjitthāti? Uppajjittha.

    (ఖ) యస్స వా పన…పే॰…? నత్థి.

    (Kha) yassa vā pana…pe…? Natthi.

    (ఙ) పచ్చనీకఓకాసో

    (Ṅa) paccanīkaokāso

    ౫౬. యత్థ కాయసఙ్ఖారో నుప్పజ్జతి…పే॰….

    56. Yattha kāyasaṅkhāro nuppajjati…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౫౭. (క) యస్స యత్థ కాయసఙ్ఖారో నుప్పజ్జతి తస్స తత్థ వచీసఙ్ఖారో నుప్పజ్జిత్థాతి?

    57. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjitthāti?

    పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే రూపావచరానం అరూపావచరానం తేసం తత్థ కాయసఙ్ఖారో నుప్పజ్జతి, నో చ తేసం తత్థ వచీసఙ్ఖారో నుప్పజ్జిత్థ. దుతియజ్ఝానం తతియజ్ఝానం సమాపన్నానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే అసఞ్ఞసత్తానం తేసం తత్థ కాయసఙ్ఖారో చ నుప్పజ్జతి వచీసఙ్ఖారో చ నుప్పజ్జిత్థ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjittha. Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjittha.

    (ఖ) యస్స వా పన యత్థ వచీసఙ్ఖారో నుప్పజ్జిత్థ తస్స తత్థ కాయసఙ్ఖారో నుప్పజ్జతీతి?

    (Kha) yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjatīti?

    దుతియజ్ఝానం తతియజ్ఝానం సమాపన్నానం అస్సాసపస్సాసానం ఉప్పాదక్ఖణే తేసం తత్థ వచీసఙ్ఖారో నుప్పజ్జిత్థ, నో చ తేసం తత్థ కాయసఙ్ఖారో నుప్పజ్జతి. దుతియజ్ఝానం తతియజ్ఝానం సమాపన్నానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే అసఞ్ఞసత్తానం తేసం తత్థ వచీసఙ్ఖారో చ నుప్పజ్జిత్థ కాయసఙ్ఖారో చ నుప్పజ్జతి.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro nuppajjittha, no ca tesaṃ tattha kāyasaṅkhāro nuppajjati. Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca nuppajjittha kāyasaṅkhāro ca nuppajjati.

    (క) యస్స యత్థ కాయసఙ్ఖారో నుప్పజ్జతి తస్స తత్థ చిత్తసఙ్ఖారో నుప్పజ్జిత్థాతి?

    (Ka) yassa yattha kāyasaṅkhāro nuppajjati tassa tattha cittasaṅkhāro nuppajjitthāti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే తేసం తత్థ కాయసఙ్ఖారో నుప్పజ్జతి, నో చ తేసం తత్థ చిత్తసఙ్ఖారో నుప్పజ్జిత్థ. సుద్ధావాసం ఉపపజ్జన్తానం అసఞ్ఞసత్తానం తేసం తత్థ కాయసఙ్ఖారో చ నుప్పజ్జతి చిత్తసఙ్ఖారో చ నుప్పజ్జిత్థ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca nuppajjittha.

    (ఖ) యస్స వా పన యత్థ చిత్తసఙ్ఖారో నుప్పజ్జిత్థ తస్స తత్థ కాయసఙ్ఖారో నుప్పజ్జతీతి? ఆమన్తా.

    (Kha) yassa vā pana yattha cittasaṅkhāro nuppajjittha tassa tattha kāyasaṅkhāro nuppajjatīti? Āmantā.

    ౫౮. (క) యస్స యత్థ వచీసఙ్ఖారో నుప్పజ్జతి తస్స తత్థ చిత్తసఙ్ఖారో నుప్పజ్జిత్థాతి?

    58. (Ka) yassa yattha vacīsaṅkhāro nuppajjati tassa tattha cittasaṅkhāro nuppajjitthāti?

    సబ్బేసం చిత్తస్స భఙ్గక్ఖణే వినా వితక్కవిచారేహి చిత్తస్స ఉప్పాదక్ఖణే తేసం తత్థ వచీసఙ్ఖారో నుప్పజ్జతి, నో చ తేసం తత్థ చిత్తసఙ్ఖారో నుప్పజ్జిత్థ. సుద్ధావాసం ఉపపజ్జన్తానం అసఞ్ఞసత్తానం తేసం తత్థ వచీసఙ్ఖారో చ నుప్పజ్జతి చిత్తసఙ్ఖారో చ నుప్పజ్జిత్థ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca nuppajjittha.

    (ఖ) యస్స వా పన యత్థ…పే॰…? ఆమన్తా.

    (Kha) yassa vā pana yattha…pe…? Āmantā.

    (౫) పచ్చుప్పన్నానాగతవారో

    (5) Paccuppannānāgatavāro

    (క) అనులోమపుగ్గలో

    (Ka) anulomapuggalo

    ౫౯. (క) యస్స కాయసఙ్ఖారో ఉప్పజ్జతి తస్స వచీసఙ్ఖారో ఉప్పజ్జిస్సతీతి? ఆమన్తా.

    59. (Ka) yassa kāyasaṅkhāro uppajjati tassa vacīsaṅkhāro uppajjissatīti? Āmantā.

    (ఖ) యస్స వా పన వచీసఙ్ఖారో ఉప్పజ్జిస్సతి తస్స కాయసఙ్ఖారో ఉప్పజ్జతీతి?

    (Kha) yassa vā pana vacīsaṅkhāro uppajjissati tassa kāyasaṅkhāro uppajjatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో ఉప్పజ్జిస్సతి, నో చ తేసం కాయసఙ్ఖారో ఉప్పజ్జతి. అస్సాసపస్సాసానం ఉప్పాదక్ఖణే తేసం వచీసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro uppajjissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca uppajjissati kāyasaṅkhāro ca uppajjati.

    (క) యస్స కాయసఙ్ఖారో ఉప్పజ్జతి తస్స చిత్తసఙ్ఖారో ఉప్పజ్జిస్సతీతి? ఆమన్తా.

    (Ka) yassa kāyasaṅkhāro uppajjati tassa cittasaṅkhāro uppajjissatīti? Āmantā.

    (ఖ) యస్స వా పన చిత్తసఙ్ఖారో ఉప్పజ్జిస్సతి తస్స కాయసఙ్ఖారో ఉప్పజ్జతీతి?

    (Kha) yassa vā pana cittasaṅkhāro uppajjissati tassa kāyasaṅkhāro uppajjatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో ఉప్పజ్జిస్సతి, నో చ తేసం కాయసఙ్ఖారో ఉప్పజ్జతి. అస్సాసపస్సాసానం ఉప్పాదక్ఖణే తేసం చిత్తసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjissati kāyasaṅkhāro ca uppajjati.

    ౬౦. (క) యస్స వచీసఙ్ఖారో ఉప్పజ్జతి తస్స చిత్తసఙ్ఖారో ఉప్పజ్జిస్సతీతి?

    60. (Ka) yassa vacīsaṅkhāro uppajjati tassa cittasaṅkhāro uppajjissatīti?

    సవితక్కసవిచారపచ్ఛిమచిత్తస్స ఉప్పాదక్ఖణే తేసం వచీసఙ్ఖారో ఉప్పజ్జతి, నో చ తేసం చిత్తసఙ్ఖారో ఉప్పజ్జిస్సతి. ఇతరేసం వితక్కవిచారానం ఉప్పాదక్ఖణే తేసం వచీసఙ్ఖారో చ ఉప్పజ్జతి చిత్తసఙ్ఖారో చ ఉప్పజ్జిస్సతి.

    Savitakkasavicārapacchimacittassa uppādakkhaṇe tesaṃ vacīsaṅkhāro uppajjati, no ca tesaṃ cittasaṅkhāro uppajjissati. Itaresaṃ vitakkavicārānaṃ uppādakkhaṇe tesaṃ vacīsaṅkhāro ca uppajjati cittasaṅkhāro ca uppajjissati.

    (ఖ) యస్స వా పన చిత్తసఙ్ఖారో ఉప్పజ్జిస్సతి తస్స వచీసఙ్ఖారో ఉప్పజ్జతీతి?

    (Kha) yassa vā pana cittasaṅkhāro uppajjissati tassa vacīsaṅkhāro uppajjatīti?

    సబ్బేసం చిత్తస్స భఙ్గక్ఖణే వినా వితక్కవిచారేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో ఉప్పజ్జిస్సతి, నో చ తేసం వచీసఙ్ఖారో ఉప్పజ్జతి. వితక్కవిచారానం ఉప్పాదక్ఖణే తేసం చిత్తసఙ్ఖారో చ ఉప్పజ్జిస్సతి వచీసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjissati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjissati vacīsaṅkhāro ca uppajjati.

    (ఖ) అనులోమఓకాసో

    (Kha) anulomaokāso

    ౬౧. యత్థ కాయసఙ్ఖారో ఉప్పజ్జతి…పే॰….

    61. Yattha kāyasaṅkhāro uppajjati…pe….

    (గ) అనులోమపుగ్గలోకాసా

    (Ga) anulomapuggalokāsā

    ౬౨. (క) యస్స యత్థ కాయసఙ్ఖారో ఉప్పజ్జతి తస్స తత్థ వచీసఙ్ఖారో ఉప్పజ్జిస్సతీతి?

    62. (Ka) yassa yattha kāyasaṅkhāro uppajjati tassa tattha vacīsaṅkhāro uppajjissatīti?

    దుతియజ్ఝానం తతియజ్ఝానం సమాపన్నానం అస్సాసపస్సాసానం ఉప్పాదక్ఖణే తేసం తత్థ కాయసఙ్ఖారో ఉప్పజ్జతి, నో చ తేసం తత్థ వచీసఙ్ఖారో ఉప్పజ్జిస్సతి. పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసం తత్థ కాయసఙ్ఖారో చ ఉప్పజ్జతి వచీసఙ్ఖారో చ ఉప్పజ్జిస్సతి.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca uppajjissati.

    (ఖ) యస్స వా పన యత్థ వచీసఙ్ఖారో ఉప్పజ్జిస్సతి తస్స తత్థ కాయసఙ్ఖారో ఉప్పజ్జతీతి?

    (Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjatīti?

    పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే రూపావచరానం అరూపావచరానం తేసం తత్థ వచీసఙ్ఖారో ఉప్పజ్జిస్సతి, నో చ తేసం తత్థ కాయసఙ్ఖారో ఉప్పజ్జతి. పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసం తత్థ వచీసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జతి.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca uppajjissati kāyasaṅkhāro ca uppajjati.

    (క) యస్స యత్థ కాయసఙ్ఖారో ఉప్పజ్జతి తస్స తత్థ చిత్తసఙ్ఖారో ఉప్పజ్జిస్సతీతి? ఆమన్తా.

    (Ka) yassa yattha kāyasaṅkhāro uppajjati tassa tattha cittasaṅkhāro uppajjissatīti? Āmantā.

    (ఖ) యస్స వా పన యత్థ చిత్తసఙ్ఖారో ఉప్పజ్జిస్సతి తస్స తత్థ కాయసఙ్ఖారో ఉప్పజ్జతీతి?

    (Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే తేసం తత్థ చిత్తసఙ్ఖారో ఉప్పజ్జిస్సతి, నో చ తేసం తత్థ కాయసఙ్ఖారో ఉప్పజ్జతి. అస్సాసపస్సాసానం ఉప్పాదక్ఖణే తేసం తత్థ చిత్తసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca uppajjissati kāyasaṅkhāro ca uppajjati.

    ౬౩. (క) యస్స యత్థ వచీసఙ్ఖారో ఉప్పజ్జతి తస్స తత్థ చిత్తసఙ్ఖారో ఉప్పజ్జిస్సతీతి?

    63. (Ka) yassa yattha vacīsaṅkhāro uppajjati tassa tattha cittasaṅkhāro uppajjissatīti?

    సవితక్కసవిచారపచ్ఛిమచిత్తస్స ఉప్పాదక్ఖణే తేసం తత్థ వచీసఙ్ఖారో ఉప్పజ్జతి, నో చ తేసం తత్థ చిత్తసఙ్ఖారో ఉప్పజ్జిస్సతి. ఇతరేసం వితక్కవిచారానం ఉప్పాదక్ఖణే తేసం తత్థ వచీసఙ్ఖారో చ ఉప్పజ్జతి చిత్తసఙ్ఖారో చ ఉప్పజ్జిస్సతి.

    Savitakkasavicārapacchimacittassa uppādakkhaṇe tesaṃ tattha vacīsaṅkhāro uppajjati, no ca tesaṃ tattha cittasaṅkhāro uppajjissati. Itaresaṃ vitakkavicārānaṃ uppādakkhaṇe tesaṃ tattha vacīsaṅkhāro ca uppajjati cittasaṅkhāro ca uppajjissati.

    (ఖ) యస్స వా పన యత్థ చిత్తసఙ్ఖారో ఉప్పజ్జిస్సతి తస్స తత్థ వచీసఙ్ఖారో ఉప్పజ్జతీతి?

    (Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjatīti?

    సబ్బేసం చిత్తస్స భఙ్గక్ఖణే వినా వితక్కవిచారేహి చిత్తస్స ఉప్పాదక్ఖణే తేసం తత్థ చిత్తసఙ్ఖారో ఉప్పజ్జిస్సతి, నో చ తేసం తత్థ వచీసఙ్ఖారో ఉప్పజ్జతి. వితక్కవిచారానం ఉప్పాదక్ఖణే తేసం తత్థ చిత్తసఙ్ఖారో చ ఉప్పజ్జిస్సతి వచీసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca uppajjissati vacīsaṅkhāro ca uppajjati.

    (ఘ) పచ్చనీకపుగ్గలో

    (Gha) paccanīkapuggalo

    ౬౪. (క) యస్స కాయసఙ్ఖారో నుప్పజ్జతి తస్స వచీసఙ్ఖారో నుప్పజ్జిస్సతీతి?

    64. (Ka) yassa kāyasaṅkhāro nuppajjati tassa vacīsaṅkhāro nuppajjissatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో నుప్పజ్జతి, నో చ తేసం వచీసఙ్ఖారో నుప్పజ్జిస్సతి. పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం కాయసఙ్ఖారో చ నుప్పజ్జతి వచీసఙ్ఖారో చ నుప్పజ్జిస్సతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjati vacīsaṅkhāro ca nuppajjissati.

    (ఖ) యస్స వా పన వచీసఙ్ఖారో నుప్పజ్జిస్సతి తస్స కాయసఙ్ఖారో నుప్పజ్జతీతి? ఆమన్తా.

    (Kha) yassa vā pana vacīsaṅkhāro nuppajjissati tassa kāyasaṅkhāro nuppajjatīti? Āmantā.

    (క) యస్స కాయసఙ్ఖారో నుప్పజ్జతి తస్స చిత్తసఙ్ఖారో నుప్పజ్జిస్సతీతి?

    (Ka) yassa kāyasaṅkhāro nuppajjati tassa cittasaṅkhāro nuppajjissatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో నుప్పజ్జతి, నో చ తేసం చిత్తసఙ్ఖారో నుప్పజ్జిస్సతి. పచ్ఛిమచిత్తసమఙ్గీనం తేసం కాయసఙ్ఖారో చ నుప్పజ్జతి చిత్తసఙ్ఖారో చ నుప్పజ్జిస్సతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ kāyasaṅkhāro ca nuppajjati cittasaṅkhāro ca nuppajjissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    ౬౫. (క) యస్స వచీసఙ్ఖారో నుప్పజ్జతి తస్స చిత్తసఙ్ఖారో నుప్పజ్జిస్సతీతి?

    65. (Ka) yassa vacīsaṅkhāro nuppajjati tassa cittasaṅkhāro nuppajjissatīti?

    సబ్బేసం చిత్తస్స భఙ్గక్ఖణే వినా వితక్కవిచారేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో నుప్పజ్జతి, నో చ తేసం చిత్తసఙ్ఖారో నుప్పజ్జిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం తేసం వచీసఙ్ఖారో చ నుప్పజ్జతి చిత్తసఙ్ఖారో చ నుప్పజ్జిస్సతి.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nuppajjati, no ca tesaṃ cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ tesaṃ vacīsaṅkhāro ca nuppajjati cittasaṅkhāro ca nuppajjissati.

    (ఖ) యస్స వా పన చిత్తసఙ్ఖారో నుప్పజ్జిస్సతి తస్స వచీసఙ్ఖారో నుప్పజ్జతీతి?

    (Kha) yassa vā pana cittasaṅkhāro nuppajjissati tassa vacīsaṅkhāro nuppajjatīti?

    సవితక్కసవిచారపచ్ఛిమచిత్తస్స ఉప్పాదక్ఖణే తేసం చిత్తసఙ్ఖారో నుప్పజ్జిస్సతి, నో చ తేసం వచీసఙ్ఖారో నుప్పజ్జతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం తేసం చిత్తసఙ్ఖారో చ నుప్పజ్జిస్సతి వచీసఙ్ఖారో చ నుప్పజ్జతి.

    Savitakkasavicārapacchimacittassa uppādakkhaṇe tesaṃ cittasaṅkhāro nuppajjissati, no ca tesaṃ vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ tesaṃ cittasaṅkhāro ca nuppajjissati vacīsaṅkhāro ca nuppajjati.

    ౪ (ఙ) పచ్చనీకఓకాసో

    4 (Ṅa) paccanīkaokāso

    ౬౬. యత్థ కాయసఙ్ఖారో నుప్పజ్జతి…పే॰….

    66. Yattha kāyasaṅkhāro nuppajjati…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౬౭. (క) యస్స యత్థ కాయసఙ్ఖారో నుప్పజ్జతి తస్స తత్థ వచీసఙ్ఖారో నుప్పజ్జిస్సతీతి?

    67. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjissatīti?

    పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే రూపావచరానం అరూపావచరానం తేసం తత్థ కాయసఙ్ఖారో నుప్పజ్జతి, నో చ తేసం తత్థ వచీసఙ్ఖారో నుప్పజ్జిస్సతి. పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం సమాపన్నానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే చతుత్థజ్ఝానం సమాపన్నానం అసఞ్ఞసత్తానం తేసం తత్థ కాయసఙ్ఖారో చ నుప్పజ్జతి వచీసఙ్ఖారో చ నుప్పజ్జిస్సతి.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjissati.

    (ఖ) యస్స వా పన యత్థ వచీసఙ్ఖారో నుప్పజ్జిస్సతి తస్స తత్థ కాయసఙ్ఖారో నుప్పజ్జతీతి?

    (Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjatīti?

    దుతియజ్ఝానం తతియజ్ఝానం సమాపన్నానం అస్సాసపస్సాసానం ఉప్పాదక్ఖణే తేసం తత్థ వచీసఙ్ఖారో నుప్పజ్జిస్సతి, నో చ తేసం తత్థ కాయసఙ్ఖారో నుప్పజ్జతి. పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం సమాపన్నానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే చతుత్థజ్ఝానం సమాపన్నానం అసఞ్ఞసత్తానం తేసం తత్థ వచీసఙ్ఖారో చ నుప్పజ్జిస్సతి కాయసఙ్ఖారో చ నుప్పజ్జతి.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjati.

    (క) యస్స యత్థ కాయసఙ్ఖారో నుప్పజ్జతి తస్స తత్థ చిత్తసఙ్ఖారో నుప్పజ్జిస్సతీతి?

    (Ka) yassa yattha kāyasaṅkhāro nuppajjati tassa tattha cittasaṅkhāro nuppajjissatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే తేసం తత్థ కాయసఙ్ఖారో నుప్పజ్జతి, నో చ తేసం తత్థ చిత్తసఙ్ఖారో నుప్పజ్జిస్సతి. పచ్ఛిమచిత్తసమఙ్గీనం అసఞ్ఞసత్తానం తేసం తత్థ కాయసఙ్ఖారో చ నుప్పజ్జతి చిత్తసఙ్ఖారో చ నుప్పజ్జిస్సతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca nuppajjissati.

    (ఖ) యస్స వా పన యత్థ చిత్తసఙ్ఖారో నుప్పజ్జిస్సతి తస్స తత్థ కాయసఙ్ఖారో నుప్పజ్జతీతి? ఆమన్తా.

    (Kha) yassa vā pana yattha cittasaṅkhāro nuppajjissati tassa tattha kāyasaṅkhāro nuppajjatīti? Āmantā.

    ౬౮. (క) యస్స యత్థ వచీసఙ్ఖారో నుప్పజ్జతి తస్స తత్థ చిత్తసఙ్ఖారో నుప్పజ్జిస్సతీతి?

    68. (Ka) yassa yattha vacīsaṅkhāro nuppajjati tassa tattha cittasaṅkhāro nuppajjissatīti?

    సబ్బేసం చిత్తస్స భఙ్గక్ఖణే వినా వితక్కవిచారేహి చిత్తస్స ఉప్పాదక్ఖణే తేసం తత్థ వచీసఙ్ఖారో నుప్పజ్జతి, నో చ తేసం తత్థ చిత్తసఙ్ఖారో నుప్పజ్జిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం అసఞ్ఞసత్తానం తేసం తత్థ వచీసఙ్ఖారో చ నుప్పజ్జతి చిత్తసఙ్ఖారో చ నుప్పజ్జిస్సతి.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca nuppajjissati.

    (ఖ) యస్స వా పన యత్థ చిత్తసఙ్ఖారో నుప్పజ్జిస్సతి తస్స తత్థ వచీసఙ్ఖారో నుప్పజ్జతీతి?

    (Kha) yassa vā pana yattha cittasaṅkhāro nuppajjissati tassa tattha vacīsaṅkhāro nuppajjatīti?

    సవితక్కసవిచారపచ్ఛిమచిత్తస్స ఉప్పాదక్ఖణే తేసం తత్థ చిత్తసఙ్ఖారో నుప్పజ్జిస్సతి, నో చ తేసం తత్థ వచీసఙ్ఖారో నుప్పజ్జతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం అసఞ్ఞసత్తానం తేసం తత్థ చిత్తసఙ్ఖారో చ నుప్పజ్జిస్సతి వచీసఙ్ఖారో చ నుప్పజ్జతి.

    Savitakkasavicārapacchimacittassa uppādakkhaṇe tesaṃ tattha cittasaṅkhāro nuppajjissati, no ca tesaṃ tattha vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati vacīsaṅkhāro ca nuppajjati.

    (౬) అతీతానాగతవారో

    (6) Atītānāgatavāro

    (క) అనులోమపుగ్గలో

    (Ka) anulomapuggalo

    ౬౯. (క) యస్స కాయసఙ్ఖారో ఉప్పజ్జిత్థ తస్స వచీసఙ్ఖారో ఉప్పజ్జిస్సతీతి?

    69. (Ka) yassa kāyasaṅkhāro uppajjittha tassa vacīsaṅkhāro uppajjissatīti?

    పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం కాయసఙ్ఖారో ఉప్పజ్జిత్థ, నో చ తేసం వచీసఙ్ఖారో ఉప్పజ్జిస్సతి . ఇతరేసం తేసం కాయసఙ్ఖారో చ ఉప్పజ్జిత్థ వచీసఙ్ఖారో చ ఉప్పజ్జిస్సతి.

    Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro uppajjittha, no ca tesaṃ vacīsaṅkhāro uppajjissati . Itaresaṃ tesaṃ kāyasaṅkhāro ca uppajjittha vacīsaṅkhāro ca uppajjissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (క) యస్స కాయసఙ్ఖారో ఉప్పజ్జిత్థ తస్స చిత్తసఙ్ఖారో ఉప్పజ్జిస్సతీతి?

    (Ka) yassa kāyasaṅkhāro uppajjittha tassa cittasaṅkhāro uppajjissatīti?

    పచ్ఛిమచిత్తసమఙ్గీనం తేసం కాయసఙ్ఖారో ఉప్పజ్జిత్థ, నో చ తేసం చిత్తసఙ్ఖారో ఉప్పజ్జిస్సతి. ఇతరేసం తేసం కాయసఙ్ఖారో చ ఉప్పజ్జిత్థ చిత్తసఙ్ఖారో చ ఉప్పజ్జిస్సతి.

    Pacchimacittasamaṅgīnaṃ tesaṃ kāyasaṅkhāro uppajjittha, no ca tesaṃ cittasaṅkhāro uppajjissati. Itaresaṃ tesaṃ kāyasaṅkhāro ca uppajjittha cittasaṅkhāro ca uppajjissati.

    (ఖ) యస్స వా పన…పే॰…. ఆమన్తా.

    (Kha) yassa vā pana…pe…. Āmantā.

    ౭౦. (క) యస్స వచీసఙ్ఖారో ఉప్పజ్జిత్థ తస్స చిత్తసఙ్ఖారో ఉప్పజ్జిస్సతీతి?

    70. (Ka) yassa vacīsaṅkhāro uppajjittha tassa cittasaṅkhāro uppajjissatīti?

    పచ్ఛిమచిత్తసమఙ్గీనం తేసం వచీసఙ్ఖారో ఉప్పజ్జిత్థ, నో చ తేసం చిత్తసఙ్ఖారో ఉప్పజ్జిస్సతి. ఇతరేసం తేసం వచీసఙ్ఖారో చ ఉప్పజ్జిత్థ చిత్తసఙ్ఖారో చ ఉప్పజ్జిస్సతి.

    Pacchimacittasamaṅgīnaṃ tesaṃ vacīsaṅkhāro uppajjittha, no ca tesaṃ cittasaṅkhāro uppajjissati. Itaresaṃ tesaṃ vacīsaṅkhāro ca uppajjittha cittasaṅkhāro ca uppajjissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (ఖ) అనులోమఓకాసో

    (Kha) anulomaokāso

    ౭౧. యత్థ కాయసఙ్ఖారో ఉప్పజ్జిత్థ…పే॰….

    71. Yattha kāyasaṅkhāro uppajjittha…pe….

    (గ) అనులోమపుగ్గలోకాసా

    (Ga) anulomapuggalokāsā

    ౭౨. (క) యస్స యత్థ కాయసఙ్ఖారో ఉప్పజ్జిత్థ తస్స తత్థ వచీసఙ్ఖారో ఉప్పజ్జిస్సతీతి?

    72. (Ka) yassa yattha kāyasaṅkhāro uppajjittha tassa tattha vacīsaṅkhāro uppajjissatīti?

    కామావచరే పచ్ఛిమచిత్తసమఙ్గీనం దుతియజ్ఝానం తతియజ్ఝానం సమాపన్నానం తేసం తత్థ కాయసఙ్ఖారో ఉప్పజ్జిత్థ, నో చ తేసం తత్థ వచీసఙ్ఖారో ఉప్పజ్జిస్సతి. పఠమజ్ఝానం సమాపన్నానం ఇతరేసం కామావచరానం తేసం తత్థ కాయసఙ్ఖారో చ ఉప్పజ్జిత్థ వచీసఙ్ఖారో చ ఉప్పజ్జిస్సతి.

    Kāmāvacare pacchimacittasamaṅgīnaṃ dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjittha, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca uppajjittha vacīsaṅkhāro ca uppajjissati.

    (ఖ) యస్స వా పన యత్థ వచీసఙ్ఖారో ఉప్పజ్జిస్సతి తస్స తత్థ కాయసఙ్ఖారో ఉప్పజ్జిత్థాతి?

    (Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjitthāti?

    రూపావచరానం అరూపావచరానం తేసం తత్థ వచీసఙ్ఖారో ఉప్పజ్జిస్సతి, నో చ తేసం తత్థ కాయసఙ్ఖారో ఉప్పజ్జిత్థ. పఠమజ్ఝానం సమాపన్నానం కామావచరానం తేసం తత్థ వచీసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జిత్థ.

    Rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca uppajjissati kāyasaṅkhāro ca uppajjittha.

    (క) యస్స యత్థ కాయసఙ్ఖారో ఉప్పజ్జిత్థ తస్స తత్థ చిత్తసఙ్ఖారో ఉప్పజ్జిస్సతీతి?

    (Ka) yassa yattha kāyasaṅkhāro uppajjittha tassa tattha cittasaṅkhāro uppajjissatīti?

    కామావచరే పచ్ఛిమచిత్తసమఙ్గీనం తేసం తత్థ కాయసఙ్ఖారో ఉప్పజ్జిత్థ, నో చ తేసం తత్థ చిత్తసఙ్ఖారో ఉప్పజ్జిస్సతి. పఠమజ్ఝానం దుతియజ్ఝానం తతియజ్ఝానం సమాపన్నానం ఇతరేసం కామావచరానం తేసం తత్థ కాయసఙ్ఖారో చ ఉప్పజ్జిత్థ చిత్తసఙ్ఖారో చ ఉప్పజ్జిస్సతి.

    Kāmāvacare pacchimacittasamaṅgīnaṃ tesaṃ tattha kāyasaṅkhāro uppajjittha, no ca tesaṃ tattha cittasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca uppajjittha cittasaṅkhāro ca uppajjissati.

    (ఖ) యస్స వా పన యత్థ చిత్తసఙ్ఖారో ఉప్పజ్జిస్సతి తస్స తత్థ కాయసఙ్ఖారో ఉప్పజ్జిత్థాతి?

    (Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjitthāti?

    చతుత్థజ్ఝానం సమాపన్నానం రూపావచరానం అరూపావచరానం తేసం తత్థ చిత్తసఙ్ఖారో ఉప్పజ్జిస్సతి, నో చ తేసం తత్థ కాయసఙ్ఖారో ఉప్పజ్జిత్థ. పఠమజ్ఝానం దుతియజ్ఝానం తతియజ్ఝానం సమాపన్నానం కామావచరానం తేసం తత్థ చిత్తసఙ్ఖారో చ ఉప్పజ్జిస్సతి కాయసఙ్ఖారో చ ఉప్పజ్జిత్థ.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca uppajjissati kāyasaṅkhāro ca uppajjittha.

    ౭౩. (క) యస్స యత్థ వచీసఙ్ఖారో ఉప్పజ్జిత్థ తస్స తత్థ చిత్తసఙ్ఖారో ఉప్పజ్జిస్సతీతి?

    73. (Ka) yassa yattha vacīsaṅkhāro uppajjittha tassa tattha cittasaṅkhāro uppajjissatīti?

    సవితక్కసవిచారభూమియం పచ్ఛిమచిత్తసమఙ్గీనం తేసం తత్థ వచీసఙ్ఖారో ఉప్పజ్జిత్థ, నో చ తేసం తత్థ చిత్తసఙ్ఖారో ఉప్పజ్జిస్సతి. ఇతరేసం సవితక్కసవిచారభూమియం తేసం తత్థ వచీసఙ్ఖారో చ ఉప్పజ్జిత్థ చిత్తసఙ్ఖారో చ ఉప్పజ్జిస్సతి.

    Savitakkasavicārabhūmiyaṃ pacchimacittasamaṅgīnaṃ tesaṃ tattha vacīsaṅkhāro uppajjittha, no ca tesaṃ tattha cittasaṅkhāro uppajjissati. Itaresaṃ savitakkasavicārabhūmiyaṃ tesaṃ tattha vacīsaṅkhāro ca uppajjittha cittasaṅkhāro ca uppajjissati.

    (ఖ) యస్స వా పన యత్థ చిత్తసఙ్ఖారో ఉప్పజ్జిస్సతి తస్స తత్థ వచీసఙ్ఖారో ఉప్పజ్జిత్థాతి?

    (Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjitthāti?

    అవితక్కఅవిచారభూమియం తేసం తత్థ చిత్తసఙ్ఖారో ఉప్పజ్జిస్సతి, నో చ తేసం తత్థ వచీసఙ్ఖారో ఉప్పజ్జిత్థ. సవితక్కసవిచారభూమియం తేసం తత్థ చిత్తసఙ్ఖారో చ ఉప్పజ్జిస్సతి వచీసఙ్ఖారో చ ఉప్పజ్జిత్థ.

    Avitakkaavicārabhūmiyaṃ tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjittha. Savitakkasavicārabhūmiyaṃ tesaṃ tattha cittasaṅkhāro ca uppajjissati vacīsaṅkhāro ca uppajjittha.

    (ఘ) పచ్చనీకపుగ్గలో

    (Gha) paccanīkapuggalo

    ౭౪. (క) యస్స కాయసఙ్ఖారో నుప్పజ్జిత్థ తస్స వచీసఙ్ఖారో నుప్పజ్జిస్సతీతి? నత్థి.

    74. (Ka) yassa kāyasaṅkhāro nuppajjittha tassa vacīsaṅkhāro nuppajjissatīti? Natthi.

    (ఖ) యస్స వా పన వచీసఙ్ఖారో నుప్పజ్జిస్సతి తస్స కాయసఙ్ఖారో నుప్పజ్జిత్థాతి? ఉప్పజ్జిత్థ.

    (Kha) yassa vā pana vacīsaṅkhāro nuppajjissati tassa kāyasaṅkhāro nuppajjitthāti? Uppajjittha.

    (క) యస్స కాయసఙ్ఖారో నుప్పజ్జిత్థ తస్స చిత్తసఙ్ఖారో నుప్పజ్జిస్సతీతి? నత్థి.

    (Ka) yassa kāyasaṅkhāro nuppajjittha tassa cittasaṅkhāro nuppajjissatīti? Natthi.

    (ఖ) యస్స వా పన చిత్తసఙ్ఖారో నుప్పజ్జిస్సతి తస్స కాయసఙ్ఖారో నుప్పజ్జిత్థాతి? ఉప్పజ్జిత్థ.

    (Kha) yassa vā pana cittasaṅkhāro nuppajjissati tassa kāyasaṅkhāro nuppajjitthāti? Uppajjittha.

    ౭౫. (క) యస్స వచీసఙ్ఖారో నుప్పజ్జిత్థ తస్స చిత్తసఙ్ఖారో నుప్పజ్జిస్సతీతి? నత్థి.

    75. (Ka) yassa vacīsaṅkhāro nuppajjittha tassa cittasaṅkhāro nuppajjissatīti? Natthi.

    (ఖ) యస్స వా పన చిత్తసఙ్ఖారో నుప్పజ్జిస్సతి తస్స వచీసఙ్ఖారో నుప్పజ్జిత్థాతి? ఉప్పజ్జిత్థ.

    (Kha) yassa vā pana cittasaṅkhāro nuppajjissati tassa vacīsaṅkhāro nuppajjitthāti? Uppajjittha.

    (ఙ) పచ్చనీకఓకాసో

    (Ṅa) paccanīkaokāso

    ౭౬. యత్థ కాయసఙ్ఖారో నుప్పజ్జిత్థ…పే॰….

    76. Yattha kāyasaṅkhāro nuppajjittha…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౭౭. (క) యస్స యత్థ కాయసఙ్ఖారో నుప్పజ్జిత్థ తస్స తత్థ వచీసఙ్ఖారో నుప్పజ్జిస్సతీతి?

    77. (Ka) yassa yattha kāyasaṅkhāro nuppajjittha tassa tattha vacīsaṅkhāro nuppajjissatīti?

    రూపావచరానం అరూపావచరానం తేసం తత్థ కాయసఙ్ఖారో నుప్పజ్జిత్థ, నో చ తేసం తత్థ వచీసఙ్ఖారో నుప్పజ్జిస్సతి. రూపావచరే అరూపావచరే పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ కాయసఙ్ఖారో చ నుప్పజ్జిత్థ వచీసఙ్ఖారో చ నుప్పజ్జిస్సతి.

    Rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha vacīsaṅkhāro nuppajjissati. Rūpāvacare arūpāvacare pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjittha vacīsaṅkhāro ca nuppajjissati.

    (ఖ) యస్స వా పన యత్థ వచీసఙ్ఖారో నుప్పజ్జిస్సతి తస్స తత్థ కాయసఙ్ఖారో నుప్పజ్జిత్థాతి?

    (Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjitthāti?

    కామావచరే పచ్ఛిమచిత్తసమఙ్గీనం దుతియజ్ఝానం తతియజ్ఝానం సమాపన్నానం తేసం తత్థ వచీసఙ్ఖారో నుప్పజ్జిస్సతి, నో చ తేసం తత్థ కాయసఙ్ఖారో నుప్పజ్జిత్థ. రూపావచరే అరూపావచరే పచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ వచీసఙ్ఖారో చ నుప్పజ్జిస్సతి కాయసఙ్ఖారో చ నుప్పజ్జిత్థ.

    Kāmāvacare pacchimacittasamaṅgīnaṃ dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjittha.

    (క) యస్స యత్థ కాయసఙ్ఖారో నుప్పజ్జిత్థ తస్స తత్థ చిత్తసఙ్ఖారో నుప్పజ్జిస్సతీతి?

    (Ka) yassa yattha kāyasaṅkhāro nuppajjittha tassa tattha cittasaṅkhāro nuppajjissatīti?

    చతుత్థజ్ఝానం సమాపన్నానం రూపావచరానం అరూపావచరానం తేసం తత్థ కాయసఙ్ఖారో నుప్పజ్జిత్థ, నో చ తేసం తత్థ చిత్తసఙ్ఖారో నుప్పజ్జిస్సతి. రూపావచరే అరూపావచరే పచ్ఛిమచిత్తసమఙ్గీనం అసఞ్ఞసత్తానం తేసం తత్థ కాయసఙ్ఖారో చ నుప్పజ్జిత్థ చిత్తసఙ్ఖారో చ నుప్పజ్జిస్సతి.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha cittasaṅkhāro nuppajjissati. Rūpāvacare arūpāvacare pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjittha cittasaṅkhāro ca nuppajjissati.

    (ఖ) యస్స వా పన యత్థ చిత్తసఙ్ఖారో నుప్పజ్జిస్సతి తస్స తత్థ కాయసఙ్ఖారో నుప్పజ్జిత్థాతి?

    (Kha) yassa vā pana yattha cittasaṅkhāro nuppajjissati tassa tattha kāyasaṅkhāro nuppajjitthāti?

    కామావచరే పచ్ఛిమచిత్తసమఙ్గీనం తేసం తత్థ చిత్తసఙ్ఖారో నుప్పజ్జిస్సతి, నో చ తేసం తత్థ కాయసఙ్ఖారో నుప్పజ్జిత్థ. రూపావచరే అరూపావచరే పచ్ఛిమచిత్తసమఙ్గీనం అసఞ్ఞసత్తానం తేసం తత్థ చిత్తసఙ్ఖారో చ నుప్పజ్జిస్సతి కాయసఙ్ఖారో చ నుప్పజ్జిత్థ.

    Kāmāvacare pacchimacittasamaṅgīnaṃ tesaṃ tattha cittasaṅkhāro nuppajjissati, no ca tesaṃ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati kāyasaṅkhāro ca nuppajjittha.

    ౭౮. (క) యస్స యత్థ వచీసఙ్ఖారో నుప్పజ్జిత్థ తస్స తత్థ చిత్తసఙ్ఖారో నుప్పజ్జిస్సతీతి?

    78. (Ka) yassa yattha vacīsaṅkhāro nuppajjittha tassa tattha cittasaṅkhāro nuppajjissatīti?

    అవితక్కఅవిచారభూమియం తేసం తత్థ వచీసఙ్ఖారో నుప్పజ్జిత్థ, నో చ తేసం తత్థ చిత్తసఙ్ఖారో నుప్పజ్జిస్సతి. అవితక్కఅవిచారభూమియం పచ్ఛిమచిత్తసమఙ్గీనం అసఞ్ఞసత్తానం తేసం తత్థ వచీసఙ్ఖారో చ నుప్పజ్జిత్థ చిత్తసఙ్ఖారో చ నుప్పజ్జిస్సతి.

    Avitakkaavicārabhūmiyaṃ tesaṃ tattha vacīsaṅkhāro nuppajjittha, no ca tesaṃ tattha cittasaṅkhāro nuppajjissati. Avitakkaavicārabhūmiyaṃ pacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjittha cittasaṅkhāro ca nuppajjissati.

    (ఖ) యస్స వా పన యత్థ చిత్తసఙ్ఖారో నుప్పజ్జిస్సతి తస్స తత్థ వచీసఙ్ఖారో నుప్పజ్జిత్థాతి?

    (Kha) yassa vā pana yattha cittasaṅkhāro nuppajjissati tassa tattha vacīsaṅkhāro nuppajjitthāti?

    సవితక్కసవిచారభూమియం పచ్ఛిమచిత్తసమఙ్గీనం తేసం తత్థ చిత్తసఙ్ఖారో నుప్పజ్జిస్సతి, నో చ తేసం తత్థ వచీసఙ్ఖారో నుప్పజ్జిత్థ. అవితక్కఅవిచారభూమియం పచ్ఛిమచిత్తసమఙ్గీనం అసఞ్ఞసత్తానం తేసం తత్థ చిత్తసఙ్ఖారో చ నుప్పజ్జిస్సతి వచీసఙ్ఖారో చ నుప్పజ్జిత్థ.

    Savitakkasavicārabhūmiyaṃ pacchimacittasamaṅgīnaṃ tesaṃ tattha cittasaṅkhāro nuppajjissati, no ca tesaṃ tattha vacīsaṅkhāro nuppajjittha. Avitakkaavicārabhūmiyaṃ pacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati vacīsaṅkhāro ca nuppajjittha.

    ఉప్పాదవారో.

    Uppādavāro.

    ౨. నిరోధవారో

    2. Nirodhavāro

    (౧) పచ్చుప్పన్నవారో

    (1) Paccuppannavāro

    (క) అనులోమపుగ్గలో

    (Ka) anulomapuggalo

    ౭౯. (క) యస్స కాయసఙ్ఖారో నిరుజ్ఝతి తస్స వచీసఙ్ఖారో నిరుజ్ఝతీతి?

    79. (Ka) yassa kāyasaṅkhāro nirujjhati tassa vacīsaṅkhāro nirujjhatīti?

    వినా వితక్కవిచారేహి అస్సాసపస్సాసానం భఙ్గక్ఖణే తేసం కాయసఙ్ఖారో నిరుజ్ఝతి, నో చ తేసం వచీసఙ్ఖారో నిరుజ్ఝతి. పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసం కాయసఙ్ఖారో చ నిరుజ్ఝతి వచీసఙ్ఖారో చ నిరుజ్ఝతి.

    Vinā vitakkavicārehi assāsapassāsānaṃ bhaṅgakkhaṇe tesaṃ kāyasaṅkhāro nirujjhati, no ca tesaṃ vacīsaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ kāyasaṅkhāro ca nirujjhati vacīsaṅkhāro ca nirujjhati.

    (ఖ) యస్స వా పన వచీసఙ్ఖారో నిరుజ్ఝతి తస్స కాయసఙ్ఖారో నిరుజ్ఝతీతి?

    (Kha) yassa vā pana vacīsaṅkhāro nirujjhati tassa kāyasaṅkhāro nirujjhatīti?

    వినా అస్సాసపస్సాసేహి వితక్కవిచారానం భఙ్గక్ఖణే తేసం వచీసఙ్ఖారో నిరుజ్ఝతి, నో చ తేసం కాయసఙ్ఖారో నిరుజ్ఝతి. పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసం వచీసఙ్ఖారో చ నిరుజ్ఝతి కాయసఙ్ఖారో చ నిరుజ్ఝతి.

    Vinā assāsapassāsehi vitakkavicārānaṃ bhaṅgakkhaṇe tesaṃ vacīsaṅkhāro nirujjhati, no ca tesaṃ kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ vacīsaṅkhāro ca nirujjhati kāyasaṅkhāro ca nirujjhati.

    (క) యస్స కాయసఙ్ఖారో నిరుజ్ఝతి తస్స చిత్తసఙ్ఖారో నిరుజ్ఝతీతి? ఆమన్తా.

    (Ka) yassa kāyasaṅkhāro nirujjhati tassa cittasaṅkhāro nirujjhatīti? Āmantā.

    (ఖ) యస్స వా పన చిత్తసఙ్ఖారో నిరుజ్ఝతి తస్స కాయసఙ్ఖారో నిరుజ్ఝతీతి?

    (Kha) yassa vā pana cittasaṅkhāro nirujjhati tassa kāyasaṅkhāro nirujjhatīti?

    వినా అస్సాసపస్సాసేహి చిత్తస్స భఙ్గక్ఖణే తేసం చిత్తసఙ్ఖారో నిరుజ్ఝతి, నో చ తేసం కాయసఙ్ఖారో నిరుజ్ఝతి. అస్సాసపస్సాసానం భఙ్గక్ఖణే తేసం చిత్తసఙ్ఖారో చ నిరుజ్ఝతి కాయసఙ్ఖారో చ నిరుజ్ఝతి.

    Vinā assāsapassāsehi cittassa bhaṅgakkhaṇe tesaṃ cittasaṅkhāro nirujjhati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhati kāyasaṅkhāro ca nirujjhati.

    ౮౦. (క) యస్స వచీసఙ్ఖారో నిరుజ్ఝతి తస్స చిత్తసఙ్ఖారో నిరుజ్ఝతీతి? ఆమన్తా.

    80. (Ka) yassa vacīsaṅkhāro nirujjhati tassa cittasaṅkhāro nirujjhatīti? Āmantā.

    (ఖ) యస్స వా పన చిత్తసఙ్ఖారో నిరుజ్ఝతి తస్స వచీసఙ్ఖారో నిరుజ్ఝతీతి?

    (Kha) yassa vā pana cittasaṅkhāro nirujjhati tassa vacīsaṅkhāro nirujjhatīti?

    వినా వితక్కవిచారేహి చిత్తస్స భఙ్గక్ఖణే తేసం చిత్తసఙ్ఖారో నిరుజ్ఝతి, నో చ తేసం వచీసఙ్ఖారో నిరుజ్ఝతి. వితక్కవిచారానం భఙ్గక్ఖణే తేసం చిత్తసఙ్ఖారో చ నిరుజ్ఝతి వచీసఙ్ఖారో చ నిరుజ్ఝతి.

    Vinā vitakkavicārehi cittassa bhaṅgakkhaṇe tesaṃ cittasaṅkhāro nirujjhati, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhati vacīsaṅkhāro ca nirujjhati.

    (ఖ) అనులోమఓకాసో

    (Kha) anulomaokāso

    ౮౧. యత్థ కాయసఙ్ఖారో నిరుజ్ఝతి తత్థ వచీసఙ్ఖారో నిరుజ్ఝతీతి?…పే॰….

    81. Yattha kāyasaṅkhāro nirujjhati tattha vacīsaṅkhāro nirujjhatīti?…Pe….

    (గ) అనులోమపుగ్గలోకాసా

    (Ga) anulomapuggalokāsā

    ౮౨. యస్స యత్థ కాయసఙ్ఖారో నిరుజ్ఝతి తస్స తత్థ వచీసఙ్ఖారో నిరుజ్ఝతీతి?…పే॰…. (యస్సకమ్పి యస్సయత్థకమ్పి సదిసం.)

    82. Yassa yattha kāyasaṅkhāro nirujjhati tassa tattha vacīsaṅkhāro nirujjhatīti?…Pe…. (Yassakampi yassayatthakampi sadisaṃ.)

    (ఘ) పచ్చనీకపుగ్గలో

    (Gha) paccanīkapuggalo

    ౮౩. (క) యస్స కాయసఙ్ఖారో న నిరుజ్ఝతి తస్స వచీసఙ్ఖారో న నిరుజ్ఝతీతి?

    83. (Ka) yassa kāyasaṅkhāro na nirujjhati tassa vacīsaṅkhāro na nirujjhatīti?

    వినా అస్సాసపస్సాసేహి వితక్కవిచారానం భఙ్గక్ఖణే తేసం కాయసఙ్ఖారో న నిరుజ్ఝతి, నో చ తేసం వచీసఙ్ఖారో న నిరుజ్ఝతి. సబ్బేసం చిత్తస్స ఉప్పాదక్ఖణే వినా అస్సాసపస్సాసేహి అవితక్కఅవిచారచిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో చ న నిరుజ్ఝతి వచీసఙ్ఖారో చ న నిరుజ్ఝతి.

    Vinā assāsapassāsehi vitakkavicārānaṃ bhaṅgakkhaṇe tesaṃ kāyasaṅkhāro na nirujjhati, no ca tesaṃ vacīsaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca na nirujjhati vacīsaṅkhāro ca na nirujjhati.

    (ఖ) యస్స వా పన వచీసఙ్ఖారో న నిరుజ్ఝతి తస్స కాయసఙ్ఖారో న నిరుజ్ఝతీతి?

    (Kha) yassa vā pana vacīsaṅkhāro na nirujjhati tassa kāyasaṅkhāro na nirujjhatīti?

    వినా వితక్కవిచారేహి అస్సాసపస్సాసానం భఙ్గక్ఖణే తేసం వచీసఙ్ఖారో న నిరుజ్ఝతి, నో చ తేసం కాయసఙ్ఖారో న నిరుజ్ఝతి. సబ్బేసం చిత్తస్స ఉప్పాదక్ఖణే వినా అస్సాసపస్సాసేహి అవితక్కఅవిచారచిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో చ న నిరుజ్ఝతి కాయసఙ్ఖారో చ న నిరుజ్ఝతి.

    Vinā vitakkavicārehi assāsapassāsānaṃ bhaṅgakkhaṇe tesaṃ vacīsaṅkhāro na nirujjhati, no ca tesaṃ kāyasaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati kāyasaṅkhāro ca na nirujjhati.

    (క) యస్స కాయసఙ్ఖారో న నిరుజ్ఝతి తస్స చిత్తసఙ్ఖారో న నిరుజ్ఝతీతి?

    (Ka) yassa kāyasaṅkhāro na nirujjhati tassa cittasaṅkhāro na nirujjhatīti?

    వినా అస్సాసపస్సాసేహి చిత్తస్స భఙ్గక్ఖణే తేసం కాయసఙ్ఖారో న నిరుజ్ఝతి, నో చ తేసం చిత్తసఙ్ఖారో న నిరుజ్ఝతి. సబ్బేసం చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో చ న నిరుజ్ఝతి చిత్తసఙ్ఖారో చ న నిరుజ్ఝతి.

    Vinā assāsapassāsehi cittassa bhaṅgakkhaṇe tesaṃ kāyasaṅkhāro na nirujjhati, no ca tesaṃ cittasaṅkhāro na nirujjhati. Sabbesaṃ cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca na nirujjhati cittasaṅkhāro ca na nirujjhati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    ౮౪. (క) యస్స వచీసఙ్ఖారో న నిరుజ్ఝతి తస్స చిత్తసఙ్ఖారో న నిరుజ్ఝతీతి?

    84. (Ka) yassa vacīsaṅkhāro na nirujjhati tassa cittasaṅkhāro na nirujjhatīti?

    వినా వితక్కవిచారేహి చిత్తస్స భఙ్గక్ఖణే తేసం వచీసఙ్ఖారో న నిరుజ్ఝతి, నో చ తేసం చిత్తసఙ్ఖారో న నిరుజ్ఝతి. సబ్బేసం చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో చ న నిరుజ్ఝతి చిత్తసఙ్ఖారో చ న నిరుజ్ఝతి.

    Vinā vitakkavicārehi cittassa bhaṅgakkhaṇe tesaṃ vacīsaṅkhāro na nirujjhati, no ca tesaṃ cittasaṅkhāro na nirujjhati. Sabbesaṃ cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati cittasaṅkhāro ca na nirujjhati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (ఙ) పచ్చనీకఓకాసా

    (Ṅa) paccanīkaokāsā

    ౮౫. యత్థ కాయసఙ్ఖారో న నిరుజ్ఝతి…పే॰….

    85. Yattha kāyasaṅkhāro na nirujjhati…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౮౬. యస్స యత్థ కాయసఙ్ఖారో న నిరుజ్ఝతి తస్స తత్థ వచీసఙ్ఖారో న నిరుజ్ఝతీతి?

    86. Yassa yattha kāyasaṅkhāro na nirujjhati tassa tattha vacīsaṅkhāro na nirujjhatīti?

    వినా అస్సాసపస్సాసేహి వితక్కవిచారానం భఙ్గక్ఖణే తేసం తత్థ కాయసఙ్ఖారో న నిరుజ్ఝతి, నో చ తేసం తత్థ వచీసఙ్ఖారో న నిరుజ్ఝతి. సబ్బేసం చిత్తస్స ఉప్పాదక్ఖణే వినా అస్సాసపస్సాసేహి అవితక్కఅవిచారచిత్తస్స భఙ్గక్ఖణే అసఞ్ఞసత్తానం తేసం తత్థ కాయసఙ్ఖారో చ న నిరుజ్ఝతి వచీసఙ్ఖారో చ న నిరుజ్ఝతి.

    Vinā assāsapassāsehi vitakkavicārānaṃ bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhati.

    యస్స వా పన యత్థ వచీసఙ్ఖారో న నిరుజ్ఝతి…పే॰….

    Yassa vā pana yattha vacīsaṅkhāro na nirujjhati…pe….

    (యస్సకమ్పి యస్సయత్థకమ్పి సదిసం విత్థారేతబ్బం, యస్సయత్థకే నిరోధసమాపన్నానన్తి న కాతబ్బం.)

    (Yassakampi yassayatthakampi sadisaṃ vitthāretabbaṃ, yassayatthake nirodhasamāpannānanti na kātabbaṃ.)

    (౨) అతీతవారో

    (2) Atītavāro

    (క) అనులోమపుగ్గలో

    (Ka) anulomapuggalo

    ౮౭. (క) యస్స కాయసఙ్ఖారో నిరుజ్ఝిత్థ తస్స వచీసఙ్ఖారో నిరుజ్ఝిత్థాతి? ఆమన్తా.

    87. (Ka) yassa kāyasaṅkhāro nirujjhittha tassa vacīsaṅkhāro nirujjhitthāti? Āmantā.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (యథా ఉప్పాదవారే అతీతా పుచ్ఛా యస్సకమ్పి యస్సయత్థకమ్పి అనులోమమ్పి పచ్చనీకమ్పి విభత్తం ఏవం నిరోధవారేపి విభజితబ్బం, నత్థి నానాకరణం.)

    (Yathā uppādavāre atītā pucchā yassakampi yassayatthakampi anulomampi paccanīkampi vibhattaṃ evaṃ nirodhavārepi vibhajitabbaṃ, natthi nānākaraṇaṃ.)

    (౩) అనాగతవారో

    (3) Anāgatavāro

    (క) అనులోమపుగ్గలో

    (Ka) anulomapuggalo

    ౮౮. (క) యస్స కాయసఙ్ఖారో నిరుజ్ఝిస్సతి తస్స వచీసఙ్ఖారో నిరుజ్ఝిస్సతీతి? ఆమన్తా.

    88. (Ka) yassa kāyasaṅkhāro nirujjhissati tassa vacīsaṅkhāro nirujjhissatīti? Āmantā.

    (ఖ) యస్స వా పన వచీసఙ్ఖారో నిరుజ్ఝిస్సతి తస్స కాయసఙ్ఖారో నిరుజ్ఝిస్సతీతి?

    (Kha) yassa vā pana vacīsaṅkhāro nirujjhissati tassa kāyasaṅkhāro nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం వచీసఙ్ఖారో నిరుజ్ఝిస్సతి, నో చ తేసం కాయసఙ్ఖారో నిరుజ్ఝిస్సతి. ఇతరేసం తేసం వచీసఙ్ఖారో చ నిరుజ్ఝిస్సతి కాయసఙ్ఖారో చ నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro nirujjhissati. Itaresaṃ tesaṃ vacīsaṅkhāro ca nirujjhissati kāyasaṅkhāro ca nirujjhissati.

    (క) యస్స కాయసఙ్ఖారో నిరుజ్ఝిస్సతి తస్స చిత్తసఙ్ఖారో నిరుజ్ఝిస్సతీతి? ఆమన్తా.

    (Ka) yassa kāyasaṅkhāro nirujjhissati tassa cittasaṅkhāro nirujjhissatīti? Āmantā.

    (ఖ) యస్స వా పన చిత్తసఙ్ఖారో నిరుజ్ఝిస్సతి తస్స కాయసఙ్ఖారో నిరుజ్ఝిస్సతీతి?

    (Kha) yassa vā pana cittasaṅkhāro nirujjhissati tassa kāyasaṅkhāro nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం చిత్తసఙ్ఖారో నిరుజ్ఝిస్సతి, నో చ తేసం కాయసఙ్ఖారో నిరుజ్ఝిస్సతి. ఇతరేసం తేసం చిత్తసఙ్ఖారో చ నిరుజ్ఝిస్సతి కాయసఙ్ఖారో చ నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro nirujjhissati, no ca tesaṃ kāyasaṅkhāro nirujjhissati. Itaresaṃ tesaṃ cittasaṅkhāro ca nirujjhissati kāyasaṅkhāro ca nirujjhissati.

    ౮౯. (క) యస్స వచీసఙ్ఖారో నిరుజ్ఝిస్సతి తస్స చిత్తసఙ్ఖారో నిరుజ్ఝిస్సతీతి? ఆమన్తా.

    89. (Ka) yassa vacīsaṅkhāro nirujjhissati tassa cittasaṅkhāro nirujjhissatīti? Āmantā.

    (ఖ) యస్స వా పన చిత్తసఙ్ఖారో నిరుజ్ఝిస్సతి తస్స వచీసఙ్ఖారో నిరుజ్ఝిస్సతీతి?

    (Kha) yassa vā pana cittasaṅkhāro nirujjhissati tassa vacīsaṅkhāro nirujjhissatīti?

    అవితక్కఅవిచారపచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం చిత్తసఙ్ఖారో నిరుజ్ఝిస్సతి, నో చ తేసం వచీసఙ్ఖారో నిరుజ్ఝిస్సతి. ఇతరేసం తేసం చిత్తసఙ్ఖారో చ నిరుజ్ఝిస్సతి వచీసఙ్ఖారో చ నిరుజ్ఝిస్సతి.

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro nirujjhissati, no ca tesaṃ vacīsaṅkhāro nirujjhissati. Itaresaṃ tesaṃ cittasaṅkhāro ca nirujjhissati vacīsaṅkhāro ca nirujjhissati.

    (ఖ) అనులోమఓకాసో

    (Kha) anulomaokāso

    ౯౦. యత్థ కాయసఙ్ఖారో నిరుజ్ఝిస్సతి…పే॰….

    90. Yattha kāyasaṅkhāro nirujjhissati…pe….

    (గ) అనులోమపుగ్గలోకాసా

    (Ga) anulomapuggalokāsā

    ౯౧. (క) యస్స యత్థ కాయసఙ్ఖారో నిరుజ్ఝిస్సతి తస్స తత్థ వచీసఙ్ఖారో నిరుజ్ఝిస్సతీతి?

    91. (Ka) yassa yattha kāyasaṅkhāro nirujjhissati tassa tattha vacīsaṅkhāro nirujjhissatīti?

    దుతియజ్ఝానం తతియజ్ఝానం సమాపన్నానం తేసం తత్థ కాయసఙ్ఖారో నిరుజ్ఝిస్సతి, నో చ తేసం తత్థ వచీసఙ్ఖారో నిరుజ్ఝిస్సతి. పఠమజ్ఝానం సమాపన్నానం కామావచరానం తేసం తత్థ కాయసఙ్ఖారో చ నిరుజ్ఝిస్సతి వచీసఙ్ఖారో చ నిరుజ్ఝిస్సతి.

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro nirujjhissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca nirujjhissati vacīsaṅkhāro ca nirujjhissati.

    (ఖ) యస్స వా పన యత్థ వచీసఙ్ఖారో నిరుజ్ఝిస్సతి తస్స తత్థ కాయసఙ్ఖారో నిరుజ్ఝిస్సతీతి?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరానం అరూపావచరానం తేసం తత్థ వచీసఙ్ఖారో నిరుజ్ఝిస్సతి , నో చ తేసం తత్థ కాయసఙ్ఖారో నిరుజ్ఝిస్సతి. పఠమజ్ఝానం సమాపన్నానం ఇతరేసం కామావచరానం తేసం తత్థ వచీసఙ్ఖారో చ నిరుజ్ఝిస్సతి కాయసఙ్ఖారో చ నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati , no ca tesaṃ tattha kāyasaṅkhāro nirujjhissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca nirujjhissati.

    (క) యస్స యత్థ కాయసఙ్ఖారో నిరుజ్ఝిస్సతి తస్స తత్థ చిత్తసఙ్ఖారో నిరుజ్ఝిస్సతీతి? ఆమన్తా.

    (Ka) yassa yattha kāyasaṅkhāro nirujjhissati tassa tattha cittasaṅkhāro nirujjhissatīti? Āmantā.

    (ఖ) యస్స వా పన యత్థ చిత్తసఙ్ఖారో నిరుజ్ఝిస్సతి తస్స తత్థ కాయసఙ్ఖారో నిరుజ్ఝిస్సతీతి?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం రూపావచరానం అరూపావచరానం తేసం తత్థ చిత్తసఙ్ఖారో నిరుజ్ఝిస్సతి, నో చ తేసం తత్థ కాయసఙ్ఖారో నిరుజ్ఝిస్సతి. పఠమజ్ఝానం దుతియజ్ఝానం తతియజ్ఝానం సమాపన్నానం ఇతరేసం కామావచరానం తేసం తత్థ చిత్తసఙ్ఖారో చ నిరుజ్ఝిస్సతి కాయసఙ్ఖారో చ నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca nirujjhissati.

    ౯౨. (క) యస్స యత్థ వచీసఙ్ఖారో నిరుజ్ఝిస్సతి తస్స తత్థ చిత్తసఙ్ఖారో నిరుజ్ఝిస్సతీతి? ఆమన్తా.

    92. (Ka) yassa yattha vacīsaṅkhāro nirujjhissati tassa tattha cittasaṅkhāro nirujjhissatīti? Āmantā.

    (ఖ) యస్స వా పన యత్థ చిత్తసఙ్ఖారో నిరుజ్ఝిస్సతి తస్స తత్థ వచీసఙ్ఖారో నిరుజ్ఝిస్సతీతి?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhissatīti?

    అవితక్కఅవిచారపచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం చతుత్థజ్ఝానం సమాపన్నానం తేసం తత్థ చిత్తసఙ్ఖారో నిరుజ్ఝిస్సతి, నో చ తేసం తత్థ వచీసఙ్ఖారో నిరుజ్ఝిస్సతి. పఠమజ్ఝానం సమాపన్నానం కామావచరానం ఇతరేసం రూపావచరానం అరూపావచరానం తేసం తత్థ చిత్తసఙ్ఖారో చ నిరుజ్ఝిస్సతి వచీసఙ్ఖారో చ నిరుజ్ఝిస్సతి.

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca nirujjhissati vacīsaṅkhāro ca nirujjhissati.

    (ఘ) పచ్చనీకపుగ్గలో

    (Gha) paccanīkapuggalo

    ౯౩. (క) యస్స కాయసఙ్ఖారో న నిరుజ్ఝిస్సతి తస్స వచీసఙ్ఖారో న నిరుజ్ఝిస్సతీతి?

    93. (Ka) yassa kāyasaṅkhāro na nirujjhissati tassa vacīsaṅkhāro na nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం కాయసఙ్ఖారో న నిరుజ్ఝిస్సతి, నో చ తేసం వచీసఙ్ఖారో న నిరుజ్ఝిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం కాయసఙ్ఖారో చ న నిరుజ్ఝిస్సతి వచీసఙ్ఖారో చ న నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro na nirujjhissati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca na nirujjhissati vacīsaṅkhāro ca na nirujjhissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (క) యస్స కాయసఙ్ఖారో న నిరుజ్ఝిస్సతి తస్స చిత్తసఙ్ఖారో న నిరుజ్ఝిస్సతీతి?

    (Ka) yassa kāyasaṅkhāro na nirujjhissati tassa cittasaṅkhāro na nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం కాయసఙ్ఖారో న నిరుజ్ఝిస్సతి, నో చ తేసం చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే తేసం కాయసఙ్ఖారో చ న నిరుజ్ఝిస్సతి చిత్తసఙ్ఖారో చ న నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro na nirujjhissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca na nirujjhissati cittasaṅkhāro ca na nirujjhissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    ౯౪. (క) యస్స వచీసఙ్ఖారో న నిరుజ్ఝిస్సతి తస్స చిత్తసఙ్ఖారో న నిరుజ్ఝిస్సతీతి?

    94. (Ka) yassa vacīsaṅkhāro na nirujjhissati tassa cittasaṅkhāro na nirujjhissatīti?

    అవితక్కఅవిచారపచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం వచీసఙ్ఖారో న నిరుజ్ఝిస్సతి, నో చ తేసం చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే తేసం వచీసఙ్ఖారో చ న నిరుజ్ఝిస్సతి చిత్తసఙ్ఖారో చ న నిరుజ్ఝిస్సతి.

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro na nirujjhissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca na nirujjhissati cittasaṅkhāro ca na nirujjhissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (ఙ) పచ్చనీకఓకాసో

    (Ṅa) paccanīkaokāso

    ౯౫. యత్థ కాయసఙ్ఖారో న నిరుజ్ఝిస్సతి…పే॰….

    95. Yattha kāyasaṅkhāro na nirujjhissati…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౯౬. (క) యస్స యత్థ కాయసఙ్ఖారో న నిరుజ్ఝిస్సతి తస్స తత్థ వచీసఙ్ఖారో న నిరుజ్ఝిస్సతీతి?

    96. (Ka) yassa yattha kāyasaṅkhāro na nirujjhissati tassa tattha vacīsaṅkhāro na nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరానం అరూపావచరానం తేసం తత్థ కాయసఙ్ఖారో న నిరుజ్ఝిస్సతి, నో చ తేసం తత్థ వచీసఙ్ఖారో న నిరుజ్ఝిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ కాయసఙ్ఖారో చ న నిరుజ్ఝిస్సతి వచీసఙ్ఖారో చ న నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhissati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhissati vacīsaṅkhāro ca na nirujjhissati.

    (ఖ) యస్స వా పన యత్థ వచీసఙ్ఖారో న నిరుజ్ఝిస్సతి తస్స తత్థ కాయసఙ్ఖారో న నిరుజ్ఝిస్సతీతి?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhissatīti?

    దుతియజ్ఝానం తతియజ్ఝానం సమాపన్నానం తేసం తత్థ వచీసఙ్ఖారో న నిరుజ్ఝిస్సతి, నో చ తేసం తత్థ కాయసఙ్ఖారో న నిరుజ్ఝిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ వచీసఙ్ఖారో చ న నిరుజ్ఝిస్సతి కాయసఙ్ఖారో చ న నిరుజ్ఝిస్సతి.

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhissati.

    (క) యస్స యత్థ కాయసఙ్ఖారో న నిరుజ్ఝిస్సతి తస్స తత్థ చిత్తసఙ్ఖారో న నిరుజ్ఝిస్సతీతి?

    (Ka) yassa yattha kāyasaṅkhāro na nirujjhissati tassa tattha cittasaṅkhāro na nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం రూపావచరానం అరూపావచరానం తేసం తత్థ కాయసఙ్ఖారో న నిరుజ్ఝిస్సతి, నో చ తేసం తత్థ చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ కాయసఙ్ఖారో చ న నిరుజ్ఝిస్సతి చిత్తసఙ్ఖారో చ న నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhissati cittasaṅkhāro ca na nirujjhissati.

    (ఖ) యస్స వా పన యత్థ చిత్తసఙ్ఖారో న నిరుజ్ఝిస్సతి తస్స తత్థ కాయసఙ్ఖారో న నిరుజ్ఝిస్సతీతి? ఆమన్తా.

    (Kha) yassa vā pana yattha cittasaṅkhāro na nirujjhissati tassa tattha kāyasaṅkhāro na nirujjhissatīti? Āmantā.

    ౯౭. (క) యస్స యత్థ వచీసఙ్ఖారో న నిరుజ్ఝిస్సతి తస్స తత్థ చిత్తసఙ్ఖారో న నిరుజ్ఝిస్సతీతి?

    97. (Ka) yassa yattha vacīsaṅkhāro na nirujjhissati tassa tattha cittasaṅkhāro na nirujjhissatīti?

    అవితక్కఅవిచారపచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం చతుత్థజ్ఝానం సమాపన్నానం తేసం తత్థ వచీసఙ్ఖారో న నిరుజ్ఝిస్సతి, నో చ తేసం తత్థ చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ వచీసఙ్ఖారో చ న నిరుజ్ఝిస్సతి చిత్తసఙ్ఖారో చ న నిరుజ్ఝిస్సతి.

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhissati cittasaṅkhāro ca na nirujjhissati.

    (ఖ) యస్స వా పన యత్థ చిత్తసఙ్ఖారో న నిరుజ్ఝిస్సతి తస్స తత్థ వచీసఙ్ఖారో న నిరుజ్ఝిస్సతీతి? ఆమన్తా.

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhissatīti? Āmantā.

    (౪) పచ్చుప్పన్నాతీతవారో

    (4) Paccuppannātītavāro

    (క) అనులోమపుగ్గలో

    (Ka) anulomapuggalo

    ౯౮. (క) యస్స కాయసఙ్ఖారో నిరుజ్ఝతి తస్స వచీసఙ్ఖారో నిరుజ్ఝిత్థాతి ? ఆమన్తా.

    98. (Ka) yassa kāyasaṅkhāro nirujjhati tassa vacīsaṅkhāro nirujjhitthāti ? Āmantā.

    (ఖ) యస్స వా పన వచీసఙ్ఖారో నిరుజ్ఝిత్థ తస్స కాయసఙ్ఖారో నిరుజ్ఝతీతి?

    (Kha) yassa vā pana vacīsaṅkhāro nirujjhittha tassa kāyasaṅkhāro nirujjhatīti?

    సబ్బేసం చిత్తస్స ఉప్పాదక్ఖణే వినా అస్సాసపస్సాసేహి చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో నిరుజ్ఝిత్థ, నో చ తేసం కాయసఙ్ఖారో నిరుజ్ఝతి. అస్సాసపస్సాసానం భఙ్గక్ఖణే తేసం వచీసఙ్ఖారో చ నిరుజ్ఝిత్థ కాయసఙ్ఖారో చ నిరుజ్ఝతి.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhittha, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ vacīsaṅkhāro ca nirujjhittha kāyasaṅkhāro ca nirujjhati.

    (క) యస్స కాయసఙ్ఖారో నిరుజ్ఝతి తస్స చిత్తసఙ్ఖారో నిరుజ్ఝిత్థాతి? ఆమన్తా.

    (Ka) yassa kāyasaṅkhāro nirujjhati tassa cittasaṅkhāro nirujjhitthāti? Āmantā.

    (ఖ) యస్స వా పన చిత్తసఙ్ఖారో నిరుజ్ఝిత్థ తస్స కాయసఙ్ఖారో నిరుజ్ఝతీతి?

    (Kha) yassa vā pana cittasaṅkhāro nirujjhittha tassa kāyasaṅkhāro nirujjhatīti?

    సబ్బేసం చిత్తస్స ఉప్పాదక్ఖణే వినా అస్సాసపస్సాసేహి చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో నిరుజ్ఝిత్థ, నో చ తేసం కాయసఙ్ఖారో నిరుజ్ఝతి. అస్సాసపస్సాసానం భఙ్గక్ఖణే తేసం చిత్తసఙ్ఖారో చ నిరుజ్ఝిత్థ కాయసఙ్ఖారో చ నిరుజ్ఝతి.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhittha, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhittha kāyasaṅkhāro ca nirujjhati.

    ౯౯. (క) యస్స వచీసఙ్ఖారో నిరుజ్ఝతి తస్స చిత్తసఙ్ఖారో నిరుజ్ఝిత్థాతి? ఆమన్తా.

    99. (Ka) yassa vacīsaṅkhāro nirujjhati tassa cittasaṅkhāro nirujjhitthāti? Āmantā.

    (ఖ) యస్స వా పన చిత్తసఙ్ఖారో నిరుజ్ఝిత్థ తస్స వచీసఙ్ఖారో నిరుజ్ఝతీతి?

    (Kha) yassa vā pana cittasaṅkhāro nirujjhittha tassa vacīsaṅkhāro nirujjhatīti?

    సబ్బేసం చిత్తస్స ఉప్పాదక్ఖణే వినా వితక్కవిచారేహి చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో నిరుజ్ఝిత్థ, నో చ తేసం వచీసఙ్ఖారో నిరుజ్ఝతి. వితక్కవిచారానం భఙ్గక్ఖణే తేసం చిత్తసఙ్ఖారో చ నిరుజ్ఝిత్థ వచీసఙ్ఖారో చ నిరుజ్ఝతి.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhittha, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhittha vacīsaṅkhāro ca nirujjhati.

    (ఖ) అనులోమఓకాసో

    (Kha) anulomaokāso

    ౧౦౦. యత్థ కాయసఙ్ఖారో నిరుజ్ఝతి…పే॰….

    100. Yattha kāyasaṅkhāro nirujjhati…pe….

    (గ) అనులోమపుగ్గలోకాసా

    (Ga) anulomapuggalokāsā

    ౧౦౧. (క) యస్స యత్థ కాయసఙ్ఖారో నిరుజ్ఝతి తస్స తత్థ వచీసఙ్ఖారో నిరుజ్ఝిత్థాతి?

    101. (Ka) yassa yattha kāyasaṅkhāro nirujjhati tassa tattha vacīsaṅkhāro nirujjhitthāti?

    దుతియజ్ఝానం తతియజ్ఝానం సమాపన్నానం అస్సాసపస్సాసానం భఙ్గక్ఖణే తేసం తత్థ కాయసఙ్ఖారో నిరుజ్ఝతి, నో చ తేసం తత్థ వచీసఙ్ఖారో నిరుజ్ఝిత్థ. పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసం తత్థ కాయసఙ్ఖారో చ నిరుజ్ఝతి వచీసఙ్ఖారో చ నిరుజ్ఝిత్థ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro nirujjhati, no ca tesaṃ tattha vacīsaṅkhāro nirujjhittha. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro ca nirujjhati vacīsaṅkhāro ca nirujjhittha.

    (ఖ) యస్స వా పన యత్థ వచీసఙ్ఖారో నిరుజ్ఝిత్థ తస్స తత్థ కాయసఙ్ఖారో నిరుజ్ఝతీతి?

    (Kha) yassa vā pana yattha vacīsaṅkhāro nirujjhittha tassa tattha kāyasaṅkhāro nirujjhatīti?

    పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసంయేవ వినా అస్సాసపస్సాసేహి చిత్తస్స భఙ్గక్ఖణే రూపావచరానం అరూపావచరానం తేసం తత్థ వచీసఙ్ఖారో నిరుజ్ఝిత్థ, నో చ తేసం తత్థ కాయసఙ్ఖారో నిరుజ్ఝతి. పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసం తత్థ వచీసఙ్ఖారో చ నిరుజ్ఝిత్థ కాయసఙ్ఖారో చ నిరుజ్ఝతి.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhittha, no ca tesaṃ tattha kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro ca nirujjhittha kāyasaṅkhāro ca nirujjhati.

    (క) యస్స యత్థ కాయసఙ్ఖారో నిరుజ్ఝతి తస్స తత్థ చిత్తసఙ్ఖారో నిరుజ్ఝిత్థాతి? ఆమన్తా.

    (Ka) yassa yattha kāyasaṅkhāro nirujjhati tassa tattha cittasaṅkhāro nirujjhitthāti? Āmantā.

    (ఖ) యస్స వా పన యత్థ చిత్తసఙ్ఖారో నిరుజ్ఝిత్థ తస్స తత్థ కాయసఙ్ఖారో నిరుజ్ఝతీతి?

    (Kha) yassa vā pana yattha cittasaṅkhāro nirujjhittha tassa tattha kāyasaṅkhāro nirujjhatīti?

    సబ్బేసం చిత్తస్స ఉప్పాదక్ఖణే వినా అస్సాసపస్సాసేహి చిత్తస్స భఙ్గక్ఖణే తేసం తత్థ చిత్తసఙ్ఖారో నిరుజ్ఝిత్థ , నో చ తేసం తత్థ కాయసఙ్ఖారో నిరుజ్ఝతి. అస్సాసపస్సాసానం భఙ్గక్ఖణే తేసం తత్థ చిత్తసఙ్ఖారో చ నిరుజ్ఝిత్థ కాయసఙ్ఖారో చ నిరుజ్ఝతి.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha cittasaṅkhāro nirujjhittha , no ca tesaṃ tattha kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ tattha cittasaṅkhāro ca nirujjhittha kāyasaṅkhāro ca nirujjhati.

    ౧౦౨. (క) యస్స యత్థ వచీసఙ్ఖారో నిరుజ్ఝతి తస్స తత్థ చిత్తసఙ్ఖారో నిరుజ్ఝిత్థాతి? ఆమన్తా.

    102. (Ka) yassa yattha vacīsaṅkhāro nirujjhati tassa tattha cittasaṅkhāro nirujjhitthāti? Āmantā.

    (ఖ) యస్స వా పన యత్థ చిత్తసఙ్ఖారో నిరుజ్ఝిత్థ తస్స తత్థ వచీసఙ్ఖారో నిరుజ్ఝతీతి?

    (Kha) yassa vā pana yattha cittasaṅkhāro nirujjhittha tassa tattha vacīsaṅkhāro nirujjhatīti?

    సబ్బేసం చిత్తస్స ఉప్పాదక్ఖణే వినా వితక్కవిచారేహి చిత్తస్స భఙ్గక్ఖణే తేసం తత్థ చిత్తసఙ్ఖారో నిరుజ్ఝిత్థ, నో చ తేసం తత్థ వచీసఙ్ఖారో నిరుజ్ఝతి. వితక్కవిచారానం భఙ్గక్ఖణే తేసం తత్థ చిత్తసఙ్ఖారో చ నిరుజ్ఝిత్థ వచీసఙ్ఖారో చ నిరుజ్ఝతి.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha cittasaṅkhāro nirujjhittha, no ca tesaṃ tattha vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ tattha cittasaṅkhāro ca nirujjhittha vacīsaṅkhāro ca nirujjhati.

    (ఘ) పచ్చనీకపుగ్గలో

    (Gha) paccanīkapuggalo

    ౧౦౩. (క) యస్స కాయసఙ్ఖారో న నిరుజ్ఝతి తస్స వచీసఙ్ఖారో న నిరుజ్ఝిత్థాతి? నిరుజ్ఝిత్థ.

    103. (Ka) yassa kāyasaṅkhāro na nirujjhati tassa vacīsaṅkhāro na nirujjhitthāti? Nirujjhittha.

    (ఖ) యస్స వా పన వచీసఙ్ఖారో న నిరుజ్ఝిత్థ తస్స కాయసఙ్ఖారో న నిరుజ్ఝతీతి? నత్థి.

    (Kha) yassa vā pana vacīsaṅkhāro na nirujjhittha tassa kāyasaṅkhāro na nirujjhatīti? Natthi.

    (క) యస్స కాయసఙ్ఖారో న నిరుజ్ఝతి తస్స చిత్తసఙ్ఖారో న నిరుజ్ఝిత్థాతి? నిరుజ్ఝిత్థ.

    (Ka) yassa kāyasaṅkhāro na nirujjhati tassa cittasaṅkhāro na nirujjhitthāti? Nirujjhittha.

    (ఖ) యస్స వా పన చిత్తసఙ్ఖారో న నిరుజ్ఝిత్థ తస్స కాయసఙ్ఖారో న నిరుజ్ఝతీతి? నత్థి.

    (Kha) yassa vā pana cittasaṅkhāro na nirujjhittha tassa kāyasaṅkhāro na nirujjhatīti? Natthi.

    ౧౦౪. (క) యస్స వచీసఙ్ఖారో న నిరుజ్ఝతి తస్స చిత్తసఙ్ఖారో న నిరుజ్ఝిత్థాతి? నిరుజ్ఝిత్థ.

    104. (Ka) yassa vacīsaṅkhāro na nirujjhati tassa cittasaṅkhāro na nirujjhitthāti? Nirujjhittha.

    (ఖ) యస్స వా పన చిత్తసఙ్ఖారో న నిరుజ్ఝిత్థ తస్స వచీసఙ్ఖారో న నిరుజ్ఝతీతి? నత్థి.

    (Kha) yassa vā pana cittasaṅkhāro na nirujjhittha tassa vacīsaṅkhāro na nirujjhatīti? Natthi.

    (ఙ) పచ్చనీకఓకాసో

    (Ṅa) paccanīkaokāso

    ౧౦౫. యత్థ కాయసఙ్ఖారో న నిరుజ్ఝతి…పే॰….

    105. Yattha kāyasaṅkhāro na nirujjhati…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౧౦౬. (క) యస్స యత్థ కాయసఙ్ఖారో న నిరుజ్ఝతి తస్స తత్థ వచీసఙ్ఖారో న నిరుజ్ఝిత్థాతి?

    106. (Ka) yassa yattha kāyasaṅkhāro na nirujjhati tassa tattha vacīsaṅkhāro na nirujjhitthāti?

    పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసంయేవ వినా అస్సాసపస్సాసేహి చిత్తస్స భఙ్గక్ఖణే రూపావచరానం అరూపావచరానం తేసం తత్థ కాయసఙ్ఖారో న నిరుజ్ఝతి, నో చ తేసం తత్థ వచీసఙ్ఖారో న నిరుజ్ఝిత్థ. దుతియజ్ఝానం తతియజ్ఝానం సమాపన్నానం అస్సాసపస్సాసానం ఉప్పాదక్ఖణే తేసంయేవ వినా అస్సాసపస్సాసేహి చిత్తస్స భఙ్గక్ఖణే చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే అసఞ్ఞసత్తానం తేసం తత్థ కాయసఙ్ఖారో చ న నిరుజ్ఝతి వచీసఙ్ఖారో చ న నిరుజ్ఝిత్థ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhittha. Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhittha.

    (ఖ) యస్స వా పన యత్థ వచీసఙ్ఖారో న నిరుజ్ఝిత్థ తస్స తత్థ కాయసఙ్ఖారో న నిరుజ్ఝతీతి?

    (Kha) yassa vā pana yattha vacīsaṅkhāro na nirujjhittha tassa tattha kāyasaṅkhāro na nirujjhatīti?

    దుతియజ్ఝానం తతియజ్ఝానం సమాపన్నానం అస్సాసపస్సాసానం భఙ్గక్ఖణే తేసం తత్థ వచీసఙ్ఖారో న నిరుజ్ఝిత్థ, నో చ తేసం తత్థ కాయసఙ్ఖారో న నిరుజ్ఝతి. దుతియజ్ఝానం తతియజ్ఝానం సమాపన్నానం అస్సాసపస్సాసానం ఉప్పాదక్ఖణే తేసంయేవ వినా అస్సాసపస్సాసేహి చిత్తస్స భఙ్గక్ఖణే చతుత్థజ్ఝానం సమాపన్నానం సుద్ధావాసానం దుతియే చిత్తే వత్తమానే అసఞ్ఞసత్తానం తేసం తత్థ వచీసఙ్ఖారో చ న నిరుజ్ఝిత్థ కాయసఙ్ఖారో చ న నిరుజ్ఝతి.

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro na nirujjhittha, no ca tesaṃ tattha kāyasaṅkhāro na nirujjhati. Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca na nirujjhittha kāyasaṅkhāro ca na nirujjhati.

    (క) యస్స యత్థ కాయసఙ్ఖారో న నిరుజ్ఝతి తస్స తత్థ చిత్తసఙ్ఖారో న నిరుజ్ఝిత్థాతి?

    (Ka) yassa yattha kāyasaṅkhāro na nirujjhati tassa tattha cittasaṅkhāro na nirujjhitthāti?

    సబ్బేసం చిత్తస్స ఉప్పాదక్ఖణే వినా అస్సాసపస్సాసేహి చిత్తస్స భఙ్గక్ఖణే తేసం తత్థ కాయసఙ్ఖారో న నిరుజ్ఝతి, నో చ తేసం తత్థ చిత్తసఙ్ఖారో న నిరుజ్ఝిత్థ. సుద్ధావాసం ఉపపజ్జన్తానం అసఞ్ఞసత్తానం తేసం తత్థ కాయసఙ్ఖారో చ న నిరుజ్ఝతి చిత్తసఙ్ఖారో చ న నిరుజ్ఝిత్థ.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha cittasaṅkhāro na nirujjhittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca na nirujjhati cittasaṅkhāro ca na nirujjhittha.

    (ఖ) యస్స వా పన యత్థ చిత్తసఙ్ఖారో న నిరుజ్ఝిత్థ తస్స తత్థ కాయసఙ్ఖారో న నిరుజ్ఝతీతి? ఆమన్తా.

    (Kha) yassa vā pana yattha cittasaṅkhāro na nirujjhittha tassa tattha kāyasaṅkhāro na nirujjhatīti? Āmantā.

    ౧౦౭. (క) యస్స యత్థ వచీసఙ్ఖారో న నిరుజ్ఝతి తస్స తత్థ చిత్తసఙ్ఖారో న నిరుజ్ఝిత్థాతి?

    107. (Ka) yassa yattha vacīsaṅkhāro na nirujjhati tassa tattha cittasaṅkhāro na nirujjhitthāti?

    సబ్బేసం చిత్తస్స ఉప్పాదక్ఖణే వినా వితక్కవిచారేహి చిత్తస్స భఙ్గక్ఖణే తేసం తత్థ వచీసఙ్ఖారో న నిరుజ్ఝతి, నో చ తేసం తత్థ చిత్తసఙ్ఖారో న నిరుజ్ఝిత్థ. సుద్ధావాసం ఉపపజ్జన్తానం అసఞ్ఞసత్తానం తేసం తత్థ వచీసఙ్ఖారో చ న నిరుజ్ఝతి చిత్తసఙ్ఖారో చ న నిరుజ్ఝిత్థ.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha vacīsaṅkhāro na nirujjhati, no ca tesaṃ tattha cittasaṅkhāro na nirujjhittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca na nirujjhati cittasaṅkhāro ca na nirujjhittha.

    (ఖ) యస్స వా పన యత్థ చిత్తసఙ్ఖారో న నిరుజ్ఝిత్థ తస్స తత్థ వచీసఙ్ఖారో న నిరుజ్ఝతీతి? ఆమన్తా.

    (Kha) yassa vā pana yattha cittasaṅkhāro na nirujjhittha tassa tattha vacīsaṅkhāro na nirujjhatīti? Āmantā.

    (౫) పచ్చుప్పన్నానాగతవారో

    (5) Paccuppannānāgatavāro

    (క) అనులోమపుగ్గలో

    (Ka) anulomapuggalo

    ౧౦౮. (క) యస్స కాయసఙ్ఖారో నిరుజ్ఝతి తస్స వచీసఙ్ఖారో నిరుజ్ఝిస్సతీతి? ఆమన్తా.

    108. (Ka) yassa kāyasaṅkhāro nirujjhati tassa vacīsaṅkhāro nirujjhissatīti? Āmantā.

    (ఖ) యస్స వా పన వచీసఙ్ఖారో నిరుజ్ఝిస్సతి తస్స కాయసఙ్ఖారో నిరుజ్ఝతీతి ?

    (Kha) yassa vā pana vacīsaṅkhāro nirujjhissati tassa kāyasaṅkhāro nirujjhatīti ?

    సబ్బేసం చిత్తస్స ఉప్పాదక్ఖణే వినా అస్సాసపస్సాసేహి చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో నిరుజ్ఝిస్సతి, నో చ తేసం కాయసఙ్ఖారో నిరుజ్ఝతి. అస్సాసపస్సాసానం భఙ్గక్ఖణే తేసం వచీసఙ్ఖారో చ నిరుజ్ఝిస్సతి కాయసఙ్ఖారో చ నిరుజ్ఝతి.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ vacīsaṅkhāro ca nirujjhissati kāyasaṅkhāro ca nirujjhati.

    (క) యస్స కాయసఙ్ఖారో నిరుజ్ఝతి తస్స చిత్తసఙ్ఖారో నిరుజ్ఝిస్సతీతి? ఆమన్తా.

    (Ka) yassa kāyasaṅkhāro nirujjhati tassa cittasaṅkhāro nirujjhissatīti? Āmantā.

    (ఖ) యస్స వా పన చిత్తసఙ్ఖారో నిరుజ్ఝిస్సతి తస్స కాయసఙ్ఖారో నిరుజ్ఝతీతి?

    (Kha) yassa vā pana cittasaṅkhāro nirujjhissati tassa kāyasaṅkhāro nirujjhatīti?

    సబ్బేసం చిత్తస్స ఉప్పాదక్ఖణే వినా అస్సాసపస్సాసేహి చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో నిరుజ్ఝిస్సతి, నో చ తేసం కాయసఙ్ఖారో నిరుజ్ఝతి. అస్సాసపస్సాసానం భఙ్గక్ఖణే తేసం చిత్తసఙ్ఖారో చ నిరుజ్ఝిస్సతి కాయసఙ్ఖారో చ నిరుజ్ఝతి.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhissati kāyasaṅkhāro ca nirujjhati.

    ౧౦౯. (క) యస్స వచీసఙ్ఖారో నిరుజ్ఝతి తస్స చిత్తసఙ్ఖారో నిరుజ్ఝిస్సతీతి?

    109. (Ka) yassa vacīsaṅkhāro nirujjhati tassa cittasaṅkhāro nirujjhissatīti?

    సవితక్కసవిచారపచ్ఛిమచిత్తస్స భఙ్గక్ఖణే తేసం వచీసఙ్ఖారో నిరుజ్ఝతి, నో చ తేసం చిత్తసఙ్ఖారో నిరుజ్ఝిస్సతి. ఇతరేసం వితక్కవిచారానం భఙ్గక్ఖణే తేసం వచీసఙ్ఖారో చ నిరుజ్ఝతి చిత్తసఙ్ఖారో చ నిరుజ్ఝిస్సతి.

    Savitakkasavicārapacchimacittassa bhaṅgakkhaṇe tesaṃ vacīsaṅkhāro nirujjhati, no ca tesaṃ cittasaṅkhāro nirujjhissati. Itaresaṃ vitakkavicārānaṃ bhaṅgakkhaṇe tesaṃ vacīsaṅkhāro ca nirujjhati cittasaṅkhāro ca nirujjhissati.

    (ఖ) యస్స వా పన చిత్తసఙ్ఖారో నిరుజ్ఝిస్సతి తస్స వచీసఙ్ఖారో నిరుజ్ఝతీతి?

    (Kha) yassa vā pana cittasaṅkhāro nirujjhissati tassa vacīsaṅkhāro nirujjhatīti?

    సబ్బేసం చిత్తస్స ఉప్పాదక్ఖణే వినా వితక్కవిచారేహి చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో నిరుజ్ఝిస్సతి, నో చ తేసం వచీసఙ్ఖారో నిరుజ్ఝతి. వితక్కవిచారానం భఙ్గక్ఖణే తేసం చిత్తసఙ్ఖారో చ నిరుజ్ఝిస్సతి వచీసఙ్ఖారో చ నిరుజ్ఝతి.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhissati vacīsaṅkhāro ca nirujjhati.

    (ఖ) అనులోమఓకాసో

    (Kha) anulomaokāso

    ౧౧౦. యత్థ కాయసఙ్ఖారో నిరుజ్ఝతి…పే॰….

    110. Yattha kāyasaṅkhāro nirujjhati…pe….

    (గ) అనులోమపుగ్గలోకాసా

    (Ga) anulomapuggalokāsā

    ౧౧౧. (క) యస్స యత్థ కాయసఙ్ఖారో నిరుజ్ఝతి తస్స తత్థ వచీసఙ్ఖారో నిరుజ్ఝిస్సతీతి?

    111. (Ka) yassa yattha kāyasaṅkhāro nirujjhati tassa tattha vacīsaṅkhāro nirujjhissatīti?

    దుతియజ్ఝానం తతియజ్ఝానం సమాపన్నానం అస్సాసపస్సాసానం భఙ్గక్ఖణే తేసం తత్థ కాయసఙ్ఖారో నిరుజ్ఝతి, నో చ తేసం తత్థ వచీసఙ్ఖారో నిరుజ్ఝిస్సతి. పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసం తత్థ కాయసఙ్ఖారో చ నిరుజ్ఝతి వచీసఙ్ఖారో చ నిరుజ్ఝిస్సతి.

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro nirujjhati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro ca nirujjhati vacīsaṅkhāro ca nirujjhissati.

    (ఖ) యస్స వా పన యత్థ వచీసఙ్ఖారో నిరుజ్ఝిస్సతి తస్స తత్థ కాయసఙ్ఖారో నిరుజ్ఝతీతి?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhatīti?

    పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసంయేవ వినా అస్సాసపస్సాసేహి చిత్తస్స భఙ్గక్ఖణే రూపావచరానం అరూపావచరానం తేసం తత్థ వచీసఙ్ఖారో నిరుజ్ఝిస్సతి, నో చ తేసం తత్థ కాయసఙ్ఖారో నిరుజ్ఝతి. పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసం తత్థ వచీసఙ్ఖారో చ నిరుజ్ఝిస్సతి కాయసఙ్ఖారో చ నిరుజ్ఝతి.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro ca nirujjhissati kāyasaṅkhāro ca nirujjhati.

    (క) యస్స యత్థ కాయసఙ్ఖారో నిరుజ్ఝతి తస్స తత్థ చిత్తసఙ్ఖారో నిరుజ్ఝిస్సతీతి? ఆమన్తా.

    (Ka) yassa yattha kāyasaṅkhāro nirujjhati tassa tattha cittasaṅkhāro nirujjhissatīti? Āmantā.

    (ఖ) యస్స వా పన యత్థ చిత్తసఙ్ఖారో నిరుజ్ఝిస్సతి తస్స తత్థ కాయసఙ్ఖారో నిరుజ్ఝతీతి?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhatīti?

    సబ్బేసం చిత్తస్స ఉప్పాదక్ఖణే వినా అస్సాసపస్సాసేహి చిత్తస్స భఙ్గక్ఖణే తేసం తత్థ చిత్తసఙ్ఖారో నిరుజ్ఝిస్సతి, నో చ తేసం తత్థ కాయసఙ్ఖారో నిరుజ్ఝతి. అస్సాసపస్సాసానం భఙ్గక్ఖణే తేసం తత్థ చిత్తసఙ్ఖారో చ నిరుజ్ఝిస్సతి కాయసఙ్ఖారో చ నిరుజ్ఝతి.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ tattha cittasaṅkhāro ca nirujjhissati kāyasaṅkhāro ca nirujjhati.

    ౧౧౨. (క) యస్స యత్థ వచీసఙ్ఖారో నిరుజ్ఝతి తస్స తత్థ చిత్తసఙ్ఖారో నిరుజ్ఝిస్సతీతి?

    112. (Ka) yassa yattha vacīsaṅkhāro nirujjhati tassa tattha cittasaṅkhāro nirujjhissatīti?

    సవితక్కసవిచారపచ్ఛిమచిత్తస్స భఙ్గక్ఖణే తేసం తత్థ వచీసఙ్ఖారో నిరుజ్ఝతి, నో చ తేసం తత్థ చిత్తసఙ్ఖారో నిరుజ్ఝిస్సతి. ఇతరేసం వితక్కవిచారానం భఙ్గక్ఖణే తేసం తత్థ వచీసఙ్ఖారో చ నిరుజ్ఝతి చిత్తసఙ్ఖారో చ నిరుజ్ఝిస్సతి.

    Savitakkasavicārapacchimacittassa bhaṅgakkhaṇe tesaṃ tattha vacīsaṅkhāro nirujjhati, no ca tesaṃ tattha cittasaṅkhāro nirujjhissati. Itaresaṃ vitakkavicārānaṃ bhaṅgakkhaṇe tesaṃ tattha vacīsaṅkhāro ca nirujjhati cittasaṅkhāro ca nirujjhissati.

    (ఖ) యస్స వా పన యత్థ చిత్తసఙ్ఖారో నిరుజ్ఝిస్సతి తస్స తత్థ వచీసఙ్ఖారో నిరుజ్ఝతీతి?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhatīti?

    సబ్బేసం చిత్తస్స ఉప్పాదక్ఖణే వినా వితక్కవిచారేహి చిత్తస్స భఙ్గక్ఖణే తేసం తత్థ చిత్తసఙ్ఖారో నిరుజ్ఝిస్సతి, నో చ తేసం తత్థ వచీసఙ్ఖారో నిరుజ్ఝతి. వితక్కవిచారానం భఙ్గక్ఖణే తేసం తత్థ చిత్తసఙ్ఖారో చ నిరుజ్ఝిస్సతి వచీసఙ్ఖారో చ నిరుజ్ఝతి.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ tattha cittasaṅkhāro ca nirujjhissati vacīsaṅkhāro ca nirujjhati.

    (ఘ) పచ్చనీకపుగ్గలో

    (Gha) paccanīkapuggalo

    ౧౧౩. (క) యస్స కాయసఙ్ఖారో న నిరుజ్ఝతి తస్స వచీసఙ్ఖారో న నిరుజ్ఝిస్సతీతి?

    113. (Ka) yassa kāyasaṅkhāro na nirujjhati tassa vacīsaṅkhāro na nirujjhissatīti?

    సబ్బేసం చిత్తస్స ఉప్పాదక్ఖణే వినా అస్సాసపస్సాసేహి చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో న నిరుజ్ఝతి, నో చ తేసం వచీసఙ్ఖారో న నిరుజ్ఝిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం కాయసఙ్ఖారో చ న నిరుజ్ఝతి వచీసఙ్ఖారో చ న నిరుజ్ఝిస్సతి.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro na nirujjhati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca na nirujjhati vacīsaṅkhāro ca na nirujjhissati.

    (ఖ) యస్స వా పన వచీసఙ్ఖారో న నిరుజ్ఝిస్సతి తస్స కాయసఙ్ఖారో న నిరుజ్ఝతీతి? ఆమన్తా.

    (Kha) yassa vā pana vacīsaṅkhāro na nirujjhissati tassa kāyasaṅkhāro na nirujjhatīti? Āmantā.

    (క) యస్స కాయసఙ్ఖారో న నిరుజ్ఝతి తస్స చిత్తసఙ్ఖారో న నిరుజ్ఝిస్సతీతి?

    (Ka) yassa kāyasaṅkhāro na nirujjhati tassa cittasaṅkhāro na nirujjhissatīti?

    సబ్బేసం చిత్తస్స ఉప్పాదక్ఖణే వినా అస్సాసపస్సాసేహి చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో న నిరుజ్ఝతి, నో చ తేసం చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే తేసం కాయసఙ్ఖారో చ న నిరుజ్ఝతి చిత్తసఙ్ఖారో చ న నిరుజ్ఝిస్సతి.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro na nirujjhati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca na nirujjhati cittasaṅkhāro ca na nirujjhissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    ౧౧౪. (క) యస్స వచీసఙ్ఖారో న నిరుజ్ఝతి తస్స చిత్తసఙ్ఖారో న నిరుజ్ఝిస్సతీతి?

    114. (Ka) yassa vacīsaṅkhāro na nirujjhati tassa cittasaṅkhāro na nirujjhissatīti?

    సబ్బేసం చిత్తస్స ఉప్పాదక్ఖణే వినా వితక్కవిచారేహి చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో న నిరుజ్ఝతి, నో చ తేసం చిత్తసఙ్ఖారో న నిరుజ్ఝిస్సతి. అవితక్కఅవిచారపచ్ఛిమచిత్తస్స భఙ్గక్ఖణే తేసం వచీసఙ్ఖారో చ న నిరుజ్ఝతి చిత్తసఙ్ఖారో చ న నిరుజ్ఝిస్సతి.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro na nirujjhati, no ca tesaṃ cittasaṅkhāro na nirujjhissati. Avitakkaavicārapacchimacittassa bhaṅgakkhaṇe tesaṃ vacīsaṅkhāro ca na nirujjhati cittasaṅkhāro ca na nirujjhissati.

    (ఖ) యస్స వా పన చిత్తసఙ్ఖారో న నిరుజ్ఝిస్సతి తస్స వచీసఙ్ఖారో న నిరుజ్ఝతీతి?

    (Kha) yassa vā pana cittasaṅkhāro na nirujjhissati tassa vacīsaṅkhāro na nirujjhatīti?

    సవితక్కసవిచారపచ్ఛిమచిత్తస్స భఙ్గక్ఖణే తేసం చిత్తసఙ్ఖారో న నిరుజ్ఝిస్సతి, నో చ తేసం వచీసఙ్ఖారో న నిరుజ్ఝతి. అవితక్కఅవిచారపచ్ఛిమచిత్తస్స భఙ్గక్ఖణే తేసం చిత్తసఙ్ఖారో చ న నిరుజ్ఝిస్సతి వచీసఙ్ఖారో చ న నిరుజ్ఝతి.

    Savitakkasavicārapacchimacittassa bhaṅgakkhaṇe tesaṃ cittasaṅkhāro na nirujjhissati, no ca tesaṃ vacīsaṅkhāro na nirujjhati. Avitakkaavicārapacchimacittassa bhaṅgakkhaṇe tesaṃ cittasaṅkhāro ca na nirujjhissati vacīsaṅkhāro ca na nirujjhati.

    (ఙ) పచ్చనీకఓకాసో

    (Ṅa) paccanīkaokāso

    ౧౧౫. యత్థ కాయసఙ్ఖారో న నిరుజ్ఝతి…పే॰….

    115. Yattha kāyasaṅkhāro na nirujjhati…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౧౧౬. (క) యస్స యత్థ కాయసఙ్ఖారో న నిరుజ్ఝతి తస్స తత్థ వచీసఙ్ఖారో న నిరుజ్ఝిస్సతీతి?

    116. (Ka) yassa yattha kāyasaṅkhāro na nirujjhati tassa tattha vacīsaṅkhāro na nirujjhissatīti?

    పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసంయేవ వినా అస్సాసపస్సాసేహి చిత్తస్స భఙ్గక్ఖణే రూపావచరానం అరూపావచరానం తేసం తత్థ కాయసఙ్ఖారో న నిరుజ్ఝతి, నో చ తేసం తత్థ వచీసఙ్ఖారో న నిరుజ్ఝిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం సమాపన్నానం అస్సాసపస్సాసానం ఉప్పాదక్ఖణే తేసంయేవ వినా అస్సాసపస్సాసేహి చిత్తస్స భఙ్గక్ఖణే చతుత్థజ్ఝానం సమాపన్నానం అసఞ్ఞసత్తానం తేసం తత్థ కాయసఙ్ఖారో చ న నిరుజ్ఝతి వచీసఙ్ఖారో చ న నిరుజ్ఝిస్సతి.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhissati.

    (ఖ) యస్స వా పన యత్థ వచీసఙ్ఖారో న నిరుజ్ఝిస్సతి తస్స తత్థ కాయసఙ్ఖారో న నిరుజ్ఝతీతి?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhatīti?

    దుతియజ్ఝానం తతియజ్ఝానం సమాపన్నానం అస్సాసపస్సాసానం భఙ్గక్ఖణే తేసం తత్థ వచీసఙ్ఖారో న నిరుజ్ఝిస్సతి, నో చ తేసం తత్థ కాయసఙ్ఖారో న నిరుజ్ఝతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం సమాపన్నానం అస్సాసపస్సాసానం ఉప్పాదక్ఖణే తేసంయేవ వినా అస్సాసపస్సాసేహి చిత్తస్స భఙ్గక్ఖణే చతుత్థజ్ఝానం సమాపన్నానం అసఞ్ఞసత్తానం తేసం తత్థ వచీసఙ్ఖారో చ న నిరుజ్ఝిస్సతి కాయసఙ్ఖారో చ న నిరుజ్ఝతి.

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhati.

    (క) యస్స యత్థ కాయసఙ్ఖారో న నిరుజ్ఝతి తస్స తత్థ చిత్తసఙ్ఖారో న నిరుజ్ఝిస్సతీతి?

    (Ka) yassa yattha kāyasaṅkhāro na nirujjhati tassa tattha cittasaṅkhāro na nirujjhissatīti?

    సబ్బేసం చిత్తస్స ఉప్పాదక్ఖణే వినా అస్సాసపస్సాసేహి చిత్తస్స భఙ్గక్ఖణే తేసం తత్థ కాయసఙ్ఖారో న నిరుజ్ఝతి, నో చ తేసం తత్థ చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ కాయసఙ్ఖారో చ న నిరుజ్ఝతి చిత్తసఙ్ఖారో చ న నిరుజ్ఝిస్సతి.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhati cittasaṅkhāro ca na nirujjhissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    ౧౧౭. (క) యస్స యత్థ వచీసఙ్ఖారో న నిరుజ్ఝతి తస్స తత్థ చిత్తసఙ్ఖారో న నిరుజ్ఝిస్సతీతి?

    117. (Ka) yassa yattha vacīsaṅkhāro na nirujjhati tassa tattha cittasaṅkhāro na nirujjhissatīti?

    సబ్బేసం చిత్తస్స ఉప్పాదక్ఖణే వినా వితక్కవిచారేహి చిత్తస్స భఙ్గక్ఖణే తేసం తత్థ వచీసఙ్ఖారో న నిరుజ్ఝతి, నో చ తేసం తత్థ చిత్తసఙ్ఖారో న నిరుజ్ఝిస్సతి. అవితక్కఅవిచారపచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ వచీసఙ్ఖారో చ న నిరుజ్ఝతి చిత్తసఙ్ఖారో చ న నిరుజ్ఝిస్సతి.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha vacīsaṅkhāro na nirujjhati, no ca tesaṃ tattha cittasaṅkhāro na nirujjhissati. Avitakkaavicārapacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhati cittasaṅkhāro ca na nirujjhissati.

    (ఖ) యస్స వా పన యత్థ చిత్తసఙ్ఖారో న నిరుజ్ఝిస్సతి తస్స తత్థ వచీసఙ్ఖారో న నిరుజ్ఝతీతి?

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhatīti?

    సవితక్కసవిచారపచ్ఛిమచిత్తస్స భఙ్గక్ఖణే తేసం తత్థ చిత్తసఙ్ఖారో న నిరుజ్ఝిస్సతి, నో చ తేసం తత్థ వచీసఙ్ఖారో న నిరుజ్ఝతి. అవితక్కఅవిచారపచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ చిత్తసఙ్ఖారో చ న నిరుజ్ఝిస్సతి వచీసఙ్ఖారో చ న నిరుజ్ఝతి.

    Savitakkasavicārapacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha vacīsaṅkhāro na nirujjhati. Avitakkaavicārapacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati vacīsaṅkhāro ca na nirujjhati.

    (౬) అతీతానాగతవారో

    (6) Atītānāgatavāro

    (క) అనులోమపుగ్గలో

    (Ka) anulomapuggalo

    ౧౧౮. (క) యస్స కాయసఙ్ఖారో నిరుజ్ఝిత్థ తస్స వచీసఙ్ఖారో నిరుజ్ఝిస్సతీతి?

    118. (Ka) yassa kāyasaṅkhāro nirujjhittha tassa vacīsaṅkhāro nirujjhissatīti?

    సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం కాయసఙ్ఖారో నిరుజ్ఝిత్థ, నో చ తేసం వచీసఙ్ఖారో నిరుజ్ఝిస్సతి. ఇతరేసం తేసం కాయసఙ్ఖారో చ నిరుజ్ఝిత్థ వచీసఙ్ఖారో చ నిరుజ్ఝిస్సతి.

    Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro nirujjhittha, no ca tesaṃ vacīsaṅkhāro nirujjhissati. Itaresaṃ tesaṃ kāyasaṅkhāro ca nirujjhittha vacīsaṅkhāro ca nirujjhissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (క) యస్స కాయసఙ్ఖారో నిరుజ్ఝిత్థ తస్స చిత్తసఙ్ఖారో నిరుజ్ఝిస్సతీతి?

    (Ka) yassa kāyasaṅkhāro nirujjhittha tassa cittasaṅkhāro nirujjhissatīti?

    పచ్ఛిమచిత్తస్స భఙ్గక్ఖణే తేసం కాయసఙ్ఖారో నిరుజ్ఝిత్థ, నో చ తేసం చిత్తసఙ్ఖారో నిరుజ్ఝిస్సతి. ఇతరేసం తేసం కాయసఙ్ఖారో చ నిరుజ్ఝిత్థ చిత్తసఙ్ఖారో చ నిరుజ్ఝిస్సతి.

    Pacchimacittassa bhaṅgakkhaṇe tesaṃ kāyasaṅkhāro nirujjhittha, no ca tesaṃ cittasaṅkhāro nirujjhissati. Itaresaṃ tesaṃ kāyasaṅkhāro ca nirujjhittha cittasaṅkhāro ca nirujjhissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    ౧౧౯. (క) యస్స వచీసఙ్ఖారో నిరుజ్ఝిత్థ తస్స చిత్తసఙ్ఖారో నిరుజ్ఝిస్సతీతి?

    119. (Ka) yassa vacīsaṅkhāro nirujjhittha tassa cittasaṅkhāro nirujjhissatīti?

    పచ్ఛిమచిత్తస్స భఙ్గక్ఖణే తేసం వచీసఙ్ఖారో నిరుజ్ఝిత్థ, నో చ తేసం చిత్తసఙ్ఖారో నిరుజ్ఝిస్సతి. ఇతరేసం తేసం వచీసఙ్ఖారో చ నిరుజ్ఝిత్థ చిత్తసఙ్ఖారో చ నిరుజ్ఝిస్సతి.

    Pacchimacittassa bhaṅgakkhaṇe tesaṃ vacīsaṅkhāro nirujjhittha, no ca tesaṃ cittasaṅkhāro nirujjhissati. Itaresaṃ tesaṃ vacīsaṅkhāro ca nirujjhittha cittasaṅkhāro ca nirujjhissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (ఖ) అనులోమఓకాసో

    (Kha) anulomaokāso

    ౧౨౦. యత్థ కాయసఙ్ఖారో నిరుజ్ఝిత్థ…పే॰….

    120. Yattha kāyasaṅkhāro nirujjhittha…pe….

    (గ) అనులోమపుగ్గలోకాసా

    (Ga) anulomapuggalokāsā

    ౧౨౧. (క) యస్స యత్థ కాయసఙ్ఖారో నిరుజ్ఝిత్థ తస్స తత్థ వచీసఙ్ఖారో నిరుజ్ఝిస్సతీతి?

    121. (Ka) yassa yattha kāyasaṅkhāro nirujjhittha tassa tattha vacīsaṅkhāro nirujjhissatīti?

    కామావచరే పచ్ఛిమచిత్తస్స భఙ్గక్ఖణే దుతియజ్ఝానం తతియజ్ఝానం సమాపన్నానం తేసం తత్థ కాయసఙ్ఖారో నిరుజ్ఝిత్థ, నో చ తేసం తత్థ వచీసఙ్ఖారో నిరుజ్ఝిస్సతి. పఠమజ్ఝానం సమాపన్నానం ఇతరేసం కామావచరానం తేసం తత్థ కాయసఙ్ఖారో న నిరుజ్ఝిత్థ వచీసఙ్ఖారో చ నిరుజ్ఝిస్సతి.

    Kāmāvacare pacchimacittassa bhaṅgakkhaṇe dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro nirujjhittha, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro na nirujjhittha vacīsaṅkhāro ca nirujjhissati.

    (ఖ) యస్స వా పన యత్థ వచీసఙ్ఖారో నిరుజ్ఝిస్సతి తస్స తత్థ కాయసఙ్ఖారో నిరుజ్ఝిత్థాతి?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhitthāti?

    రూపావచరానం అరూపావచరానం తేసం తత్థ వచీసఙ్ఖారో నిరుజ్ఝిస్సతి, నో చ తేసం తత్థ కాయసఙ్ఖారో నిరుజ్ఝిత్థ. పఠమజ్ఝానం సమాపన్నానం కామావచరానం తేసం తత్థ వచీసఙ్ఖారో చ నిరుజ్ఝిస్సతి కాయసఙ్ఖారో చ నిరుజ్ఝిత్థ.

    Rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro nirujjhittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca nirujjhittha.

    (క) యస్స యత్థ కాయసఙ్ఖారో నిరుజ్ఝిత్థ తస్స తత్థ చిత్తసఙ్ఖారో నిరుజ్ఝిస్సతీతి?

    (Ka) yassa yattha kāyasaṅkhāro nirujjhittha tassa tattha cittasaṅkhāro nirujjhissatīti?

    కామావచరే పచ్ఛిమచిత్తస్స భఙ్గక్ఖణే తేసం తత్థ కాయసఙ్ఖారో నిరుజ్ఝిత్థ, నో చ తేసం తత్థ చిత్తసఙ్ఖారో నిరుజ్ఝిస్సతి. పఠమజ్ఝానం దుతియజ్ఝానం తతియజ్ఝానం సమాపన్నానం ఇతరేసం కామావచరానం తేసం తత్థ కాయసఙ్ఖారో చ నిరుజ్ఝిత్థ చిత్తసఙ్ఖారో చ నిరుజ్ఝిస్సతి.

    Kāmāvacare pacchimacittassa bhaṅgakkhaṇe tesaṃ tattha kāyasaṅkhāro nirujjhittha, no ca tesaṃ tattha cittasaṅkhāro nirujjhissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca nirujjhittha cittasaṅkhāro ca nirujjhissati.

    (ఖ) యస్స వా పన యత్థ చిత్తసఙ్ఖారో నిరుజ్ఝిస్సతి తస్స తత్థ కాయసఙ్ఖారో నిరుజ్ఝిత్థాతి?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhitthāti?

    చతుత్థజ్ఝానం సమాపన్నానం రూపావచరానం అరూపావచరానం తేసం తత్థ చిత్తసఙ్ఖారో నిరుజ్ఝిస్సతి, నో చ తేసం తత్థ కాయసఙ్ఖారో నిరుజ్ఝిత్థ. పఠమజ్ఝానం దుతియజ్ఝానం తతియజ్ఝానం సమాపన్నానం కామావచరానం తేసం తత్థ చిత్తసఙ్ఖారో చ నిరుజ్ఝిస్సతి కాయసఙ్ఖారో చ నిరుజ్ఝిత్థ.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca nirujjhittha.

    ౧౨౨. (క) యస్స యత్థ వచీసఙ్ఖారో నిరుజ్ఝిత్థ తస్స తత్థ చిత్తసఙ్ఖారో నిరుజ్ఝిస్సతీతి?

    122. (Ka) yassa yattha vacīsaṅkhāro nirujjhittha tassa tattha cittasaṅkhāro nirujjhissatīti?

    సవితక్కసవిచారభూమియం పచ్ఛిమచిత్తస్స భఙ్గక్ఖణే తేసం తత్థ వచీసఙ్ఖారో నిరుజ్ఝిత్థ, నో చ తేసం తత్థ చిత్తసఙ్ఖారో నిరుజ్ఝిస్సతి. ఇతరేసం సవితక్కసవిచారభూమియం తేసం తత్థ వచీసఙ్ఖారో చ నిరుజ్ఝిత్థ చిత్తసఙ్ఖారో చ నిరుజ్ఝిస్సతి.

    Savitakkasavicārabhūmiyaṃ pacchimacittassa bhaṅgakkhaṇe tesaṃ tattha vacīsaṅkhāro nirujjhittha, no ca tesaṃ tattha cittasaṅkhāro nirujjhissati. Itaresaṃ savitakkasavicārabhūmiyaṃ tesaṃ tattha vacīsaṅkhāro ca nirujjhittha cittasaṅkhāro ca nirujjhissati.

    (ఖ) యస్స వా పన యత్థ చిత్తసఙ్ఖారో నిరుజ్ఝిస్సతి తస్స తత్థ వచీసఙ్ఖారో నిరుజ్ఝిత్థాతి?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhitthāti?

    అవితక్కఅవిచారభూమియం తేసం తత్థ చిత్తసఙ్ఖారో నిరుజ్ఝిస్సతి, నో చ తేసం తత్థ వచీసఙ్ఖారో నిరుజ్ఝిత్థ. సవితక్కసవిచారభూమియం తేసం తత్థ చిత్తసఙ్ఖారో చ నిరుజ్ఝిస్సతి వచీసఙ్ఖారో చ నిరుజ్ఝిత్థ.

    Avitakkaavicārabhūmiyaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhittha. Savitakkasavicārabhūmiyaṃ tesaṃ tattha cittasaṅkhāro ca nirujjhissati vacīsaṅkhāro ca nirujjhittha.

    (ఘ) పచ్చనీకపుగ్గలో

    (Gha) paccanīkapuggalo

    ౧౨౩. (క) యస్స కాయసఙ్ఖారో న నిరుజ్ఝిత్థ తస్స వచీసఙ్ఖారో న నిరుజ్ఝిస్సతీతి? నత్థి.

    123. (Ka) yassa kāyasaṅkhāro na nirujjhittha tassa vacīsaṅkhāro na nirujjhissatīti? Natthi.

    (ఖ) యస్స వా పన వచీసఙ్ఖారో న నిరుజ్ఝిస్సతి తస్స కాయసఙ్ఖారో న నిరుజ్ఝిత్థాతి? నిరుజ్ఝిత్థ.

    (Kha) yassa vā pana vacīsaṅkhāro na nirujjhissati tassa kāyasaṅkhāro na nirujjhitthāti? Nirujjhittha.

    (క) యస్స కాయసఙ్ఖారో న నిరుజ్ఝిత్థ తస్స చిత్తసఙ్ఖారో న నిరుజ్ఝిస్సతీతి? నత్థి.

    (Ka) yassa kāyasaṅkhāro na nirujjhittha tassa cittasaṅkhāro na nirujjhissatīti? Natthi.

    (ఖ) యస్స వా పన చిత్తసఙ్ఖారో న నిరుజ్ఝిస్సతి తస్స కాయసఙ్ఖారో న నిరుజ్ఝిత్థాతి? నిరుజ్ఝిత్థ.

    (Kha) yassa vā pana cittasaṅkhāro na nirujjhissati tassa kāyasaṅkhāro na nirujjhitthāti? Nirujjhittha.

    ౧౨౪. (క) యస్స వచీసఙ్ఖారో న నిరుజ్ఝిత్థ తస్స చిత్తసఙ్ఖారో న నిరుజ్ఝిస్సతీతి? నత్థి.

    124. (Ka) yassa vacīsaṅkhāro na nirujjhittha tassa cittasaṅkhāro na nirujjhissatīti? Natthi.

    (ఖ) యస్స వా పన చిత్తసఙ్ఖారో న నిరుజ్ఝిస్సతి తస్స వచీసఙ్ఖారో న నిరుజ్ఝిత్థాతి? నిరుజ్ఝిత్థ.

    (Kha) yassa vā pana cittasaṅkhāro na nirujjhissati tassa vacīsaṅkhāro na nirujjhitthāti? Nirujjhittha.

    (ఙ) పచ్చనీకఓకాసో

    (Ṅa) paccanīkaokāso

    ౧౨౫. యత్థ కాయసఙ్ఖారో న నిరుజ్ఝిత్థ…పే॰….

    125. Yattha kāyasaṅkhāro na nirujjhittha…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౧౨౬. (క) యస్స యత్థ కాయసఙ్ఖారో న నిరుజ్ఝిత్థ తస్స తత్థ వచీసఙ్ఖారో న నిరుజ్ఝిస్సతీతి?

    126. (Ka) yassa yattha kāyasaṅkhāro na nirujjhittha tassa tattha vacīsaṅkhāro na nirujjhissatīti?

    రూపావచరానం అరూపావచరానం తేసం తత్థ కాయసఙ్ఖారో న నిరుజ్ఝిత్థ, నో చ తేసం తత్థ వచీసఙ్ఖారో న నిరుజ్ఝిస్సతి. రూపావచరే అరూపావచరే సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ కాయసఙ్ఖారో చ న నిరుజ్ఝిత్థ వచీసఙ్ఖారో చ న నిరుజ్ఝిస్సతి.

    Rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhittha, no ca tesaṃ tattha vacīsaṅkhāro na nirujjhissati. Rūpāvacare arūpāvacare savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhittha vacīsaṅkhāro ca na nirujjhissati.

    (ఖ) యస్స వా పన యత్థ వచీసఙ్ఖారో న నిరుజ్ఝిస్సతి తస్స తత్థ కాయసఙ్ఖారో న నిరుజ్ఝిత్థాతి?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhitthāti?

    కామావచరే పచ్ఛిమచిత్తస్స భఙ్గక్ఖణే దుతియజ్ఝానం తతియజ్ఝానం సమాపన్నానం తేసం తత్థ వచీసఙ్ఖారో న నిరుజ్ఝిస్సతి, నో చ తేసం తత్థ కాయసఙ్ఖారో న నిరుజ్ఝిత్థ. రూపావచరే అరూపావచరే సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ వచీసఙ్ఖారో చ న నిరుజ్ఝిస్సతి కాయసఙ్ఖారో చ న నిరుజ్ఝిత్థ.

    Kāmāvacare pacchimacittassa bhaṅgakkhaṇe dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhittha. Rūpāvacare arūpāvacare savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhittha.

    (క) యస్స యత్థ కాయసఙ్ఖారో న నిరుజ్ఝిత్థ తస్స తత్థ చిత్తసఙ్ఖారో న నిరుజ్ఝిస్సతీతి?

    (Ka) yassa yattha kāyasaṅkhāro na nirujjhittha tassa tattha cittasaṅkhāro na nirujjhissatīti?

    చతుత్థజ్ఝానం సమాపన్నానం రూపావచరానం అరూపావచరానం తేసం తత్థ కాయసఙ్ఖారో న నిరుజ్ఝిత్థ, నో చ తేసం తత్థ చిత్తసఙ్ఖారో న నిరుజ్ఝిస్సతి. రూపావచరే అరూపావచరే పచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ కాయసఙ్ఖారో చ న నిరుజ్ఝిత్థ చిత్తసఙ్ఖారో చ న నిరుజ్ఝిస్సతి.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhittha, no ca tesaṃ tattha cittasaṅkhāro na nirujjhissati. Rūpāvacare arūpāvacare pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhittha cittasaṅkhāro ca na nirujjhissati.

    (ఖ) యస్స వా పన యత్థ చిత్తసఙ్ఖారో న నిరుజ్ఝిస్సతి తస్స తత్థ కాయసఙ్ఖారో న నిరుజ్ఝిత్థాతి?

    (Kha) yassa vā pana yattha cittasaṅkhāro na nirujjhissati tassa tattha kāyasaṅkhāro na nirujjhitthāti?

    కామావచరే పచ్ఛిమచిత్తస్స భఙ్గక్ఖణే తేసం తత్థ చిత్తసఙ్ఖారో న నిరుజ్ఝిస్సతి, నో చ తేసం తత్థ కాయసఙ్ఖారో న నిరుజ్ఝిత్థ. రూపావచరే అరూపావచరే పచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ చిత్తసఙ్ఖారో చ న నిరుజ్ఝిస్సతి కాయసఙ్ఖారో చ న నిరుజ్ఝిత్థ.

    Kāmāvacare pacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha kāyasaṅkhāro na nirujjhittha. Rūpāvacare arūpāvacare pacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati kāyasaṅkhāro ca na nirujjhittha.

    ౧౨౭. (క) యస్స యత్థ వచీసఙ్ఖారో న నిరుజ్ఝిత్థ తస్స తత్థ చిత్తసఙ్ఖారో న నిరుజ్ఝిస్సతీతి?

    127. (Ka) yassa yattha vacīsaṅkhāro na nirujjhittha tassa tattha cittasaṅkhāro na nirujjhissatīti?

    అవితక్కఅవిచారభూమియం తేసం తత్థ వచీసఙ్ఖారో న నిరుజ్ఝిత్థ, నో చ తేసం తత్థ చిత్తసఙ్ఖారో న నిరుజ్ఝిస్సతి. అవితక్కఅవిచారభూమియం పచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ వచీసఙ్ఖారో చ న నిరుజ్ఝిత్థ చిత్తసఙ్ఖారో చ న నిరుజ్ఝిస్సతి.

    Avitakkaavicārabhūmiyaṃ tesaṃ tattha vacīsaṅkhāro na nirujjhittha, no ca tesaṃ tattha cittasaṅkhāro na nirujjhissati. Avitakkaavicārabhūmiyaṃ pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhittha cittasaṅkhāro ca na nirujjhissati.

    (ఖ) యస్స వా పన యత్థ చిత్తసఙ్ఖారో న నిరుజ్ఝిస్సతి తస్స తత్థ వచీసఙ్ఖారో న నిరుజ్ఝిత్థాతి?

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhitthāti?

    సవితక్కసవిచారభూమియం పచ్ఛిమచిత్తస్స భఙ్గక్ఖణే తేసం తత్థ చిత్తసఙ్ఖారో న నిరుజ్ఝిస్సతి, నో చ తేసం తత్థ వచీసఙ్ఖారో న నిరుజ్ఝిత్థ. అవితక్కఅవిచారభూమియం పచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ చిత్తసఙ్ఖారో చ న నిరుజ్ఝిస్సతి వచీసఙ్ఖారో చ న నిరుజ్ఝిత్థ.

    Savitakkasavicārabhūmiyaṃ pacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha vacīsaṅkhāro na nirujjhittha. Avitakkaavicārabhūmiyaṃ pacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati vacīsaṅkhāro ca na nirujjhittha.

    నిరోధవారో.

    Nirodhavāro.

    ౨. పవత్తి ౩. ఉప్పాదనిరోధవారో

    2. Pavatti 3. uppādanirodhavāro

    (౧) పచ్చుప్పన్నవారో

    (1) Paccuppannavāro

    (క) అనులోమపుగ్గలో

    (Ka) anulomapuggalo

    ౧౨౮. (క) యస్స కాయసఙ్ఖారో ఉప్పజ్జతి తస్స వచీసఙ్ఖారో నిరుజ్ఝతీతి? నో.

    128. (Ka) yassa kāyasaṅkhāro uppajjati tassa vacīsaṅkhāro nirujjhatīti? No.

    (ఖ) యస్స వా పన వచీసఙ్ఖారో నిరుజ్ఝతి తస్స కాయసఙ్ఖారో ఉప్పజ్జతీతి? నో.

    (Kha) yassa vā pana vacīsaṅkhāro nirujjhati tassa kāyasaṅkhāro uppajjatīti? No.

    (క) యస్స కాయసఙ్ఖారో ఉప్పజ్జతి తస్స చిత్తసఙ్ఖారో నిరుజ్ఝతీతి? నో.

    (Ka) yassa kāyasaṅkhāro uppajjati tassa cittasaṅkhāro nirujjhatīti? No.

    (ఖ) యస్స వా పన చిత్తసఙ్ఖారో నిరుజ్ఝతి తస్స కాయసఙ్ఖారో ఉప్పజ్జతీతి? నో.

    (Kha) yassa vā pana cittasaṅkhāro nirujjhati tassa kāyasaṅkhāro uppajjatīti? No.

    ౧౨౯. (క) యస్స వచీసఙ్ఖారో ఉప్పజ్జతి తస్స చిత్తసఙ్ఖారో నిరుజ్ఝతీతి? నో.

    129. (Ka) yassa vacīsaṅkhāro uppajjati tassa cittasaṅkhāro nirujjhatīti? No.

    (ఖ) యస్స వా పన…పే॰…? నో.

    (Kha) yassa vā pana…pe…? No.

    (ఖ) అనులోమఓకాసో

    (Kha) anulomaokāso

    ౧౩౦. యత్థ కాయసఙ్ఖారో ఉప్పజ్జతి తత్థ వచీసఙ్ఖారో నిరుజ్ఝతీతి?

    130. Yattha kāyasaṅkhāro uppajjati tattha vacīsaṅkhāro nirujjhatīti?

    దుతియజ్ఝానే తతియజ్ఝానే తత్థ…పే॰… (ఇతరేసం యత్థకానం సదిసం).

    Dutiyajjhāne tatiyajjhāne tattha…pe… (itaresaṃ yatthakānaṃ sadisaṃ).

    (గ) అనులోమపుగ్గలోకాసా

    (Ga) anulomapuggalokāsā

    ౧౩౧. యస్స యత్థ కాయసఙ్ఖారో ఉప్పజ్జతి…పే॰… (యస్సకమ్పి యస్సయత్థకమ్పి సదిసం).

    131. Yassa yattha kāyasaṅkhāro uppajjati…pe… (yassakampi yassayatthakampi sadisaṃ).

    (ఘ) పచ్చనీకపుగ్గలో

    (Gha) paccanīkapuggalo

    ౧౩౨. (క) యస్స కాయసఙ్ఖారో నుప్పజ్జతి తస్స వచీసఙ్ఖారో న నిరుజ్ఝతీతి?

    132. (Ka) yassa kāyasaṅkhāro nuppajjati tassa vacīsaṅkhāro na nirujjhatīti?

    వితక్కవిచారానం భఙ్గక్ఖణే తేసం కాయసఙ్ఖారో నుప్పజ్జతి, నో చ తేసం వచీసఙ్ఖారో న నిరుజ్ఝతి. వినా అస్సాసపస్సాసేహి చిత్తస్స ఉప్పాదక్ఖణే వినా వితక్కవిచారేహి చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో చ నుప్పజ్జతి వచీసఙ్ఖారో చ న నిరుజ్ఝతి.

    Vitakkavicārānaṃ bhaṅgakkhaṇe tesaṃ kāyasaṅkhāro nuppajjati, no ca tesaṃ vacīsaṅkhāro na nirujjhati. Vinā assāsapassāsehi cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati vacīsaṅkhāro ca na nirujjhati.

    (ఖ) యస్స వా పన వచీసఙ్ఖారో న నిరుజ్ఝతి తస్స కాయసఙ్ఖారో నుప్పజ్జతీతి?

    (Kha) yassa vā pana vacīsaṅkhāro na nirujjhati tassa kāyasaṅkhāro nuppajjatīti?

    అస్సాసపస్సాసానం ఉప్పాదక్ఖణే తేసం వచీసఙ్ఖారో న నిరుజ్ఝతి, నో చ తేసం కాయసఙ్ఖారో నుప్పజ్జతి. వినా అస్సాసపస్సాసేహి చిత్తస్స ఉప్పాదక్ఖణే వినా వితక్కవిచారేహి చిత్తస్స భఙ్గక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో చ న నిరుజ్ఝతి కాయసఙ్ఖారో చ నుప్పజ్జతి.

    Assāsapassāsānaṃ uppādakkhaṇe tesaṃ vacīsaṅkhāro na nirujjhati, no ca tesaṃ kāyasaṅkhāro nuppajjati. Vinā assāsapassāsehi cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati kāyasaṅkhāro ca nuppajjati.

    (క) యస్స కాయసఙ్ఖారో నుప్పజ్జతి తస్స చిత్తసఙ్ఖారో నిరుజ్ఝతీతి?

    (Ka) yassa kāyasaṅkhāro nuppajjati tassa cittasaṅkhāro nirujjhatīti?

    సబ్బేసం చిత్తస్స భఙ్గక్ఖణే తేసం కాయసఙ్ఖారో నుప్పజ్జతి, నో చ తేసం చిత్తసఙ్ఖారో న నిరుజ్ఝతి. వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో చ నుప్పజ్జతి చిత్తసఙ్ఖారో చ న నిరుజ్ఝతి.

    Sabbesaṃ cittassa bhaṅgakkhaṇe tesaṃ kāyasaṅkhāro nuppajjati, no ca tesaṃ cittasaṅkhāro na nirujjhati. Vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati cittasaṅkhāro ca na nirujjhati.

    (ఖ) యస్స వా పన చిత్తసఙ్ఖారో న నిరుజ్ఝతి తస్స కాయసఙ్ఖారో నుప్పజ్జతీతి?

    (Kha) yassa vā pana cittasaṅkhāro na nirujjhati tassa kāyasaṅkhāro nuppajjatīti?

    అస్సాసపస్సాసానం ఉప్పాదక్ఖణే తేసం చిత్తసఙ్ఖారో న నిరుజ్ఝతి, నో చ తేసం కాయసఙ్ఖారో నుప్పజ్జతి. వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో చ న నిరుజ్ఝతి కాయసఙ్ఖారో చ నుప్పజ్జతి.

    Assāsapassāsānaṃ uppādakkhaṇe tesaṃ cittasaṅkhāro na nirujjhati, no ca tesaṃ kāyasaṅkhāro nuppajjati. Vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro ca na nirujjhati kāyasaṅkhāro ca nuppajjati.

    ౧౩౩. (క) యస్స వచీసఙ్ఖారో నుప్పజ్జతి తస్స చిత్తసఙ్ఖారో న నిరుజ్ఝతీతి?

    133. (Ka) yassa vacīsaṅkhāro nuppajjati tassa cittasaṅkhāro na nirujjhatīti?

    సబ్బేసం చిత్తస్స భఙ్గక్ఖణే తేసం వచీసఙ్ఖారో నుప్పజ్జతి, నో చ తేసం చిత్తసఙ్ఖారో న నిరుజ్ఝతి. వినా వితక్కవిచారేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో చ నుప్పజ్జతి చిత్తసఙ్ఖారో చ న నిరుజ్ఝతి.

    Sabbesaṃ cittassa bhaṅgakkhaṇe tesaṃ vacīsaṅkhāro nuppajjati, no ca tesaṃ cittasaṅkhāro na nirujjhati. Vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati cittasaṅkhāro ca na nirujjhati.

    (ఖ) యస్స వా పన చిత్తసఙ్ఖారో న నిరుజ్ఝతి తస్స వచీసఙ్ఖారో నుప్పజ్జతీతి?

    (Kha) yassa vā pana cittasaṅkhāro na nirujjhati tassa vacīsaṅkhāro nuppajjatīti?

    వితక్కవిచారానం ఉప్పాదక్ఖణే తేసం చిత్తసఙ్ఖారో న నిరుజ్ఝతి, నో చ తేసం వచీసఙ్ఖారో నుప్పజ్జతి. వినా వితక్కవిచారేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో చ న నిరుజ్ఝతి వచీసఙ్ఖారో చ నుప్పజ్జతి.

    Vitakkavicārānaṃ uppādakkhaṇe tesaṃ cittasaṅkhāro na nirujjhati, no ca tesaṃ vacīsaṅkhāro nuppajjati. Vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro ca na nirujjhati vacīsaṅkhāro ca nuppajjati.

    (ఙ) పచ్చనీకఓకాసో

    (Ṅa) paccanīkaokāso

    ౧౩౪. యత్థ కాయసఙ్ఖారో నుప్పజ్జతి…పే॰….

    134. Yattha kāyasaṅkhāro nuppajjati…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౧౩౫. యస్స యత్థ కాయసఙ్ఖారో నుప్పజ్జతి…పే॰….

    135. Yassa yattha kāyasaṅkhāro nuppajjati…pe….

    (యస్సకమ్పి యస్సయత్థకమ్పి సదిసం, యస్సయత్థకే నిరోధసమాపన్నానన్తి న లబ్భతి).

    (Yassakampi yassayatthakampi sadisaṃ, yassayatthake nirodhasamāpannānanti na labbhati).

    (౨) అతీతవారో

    (2) Atītavāro

    (క) అనులోమపుగ్గలో

    (Ka) anulomapuggalo

    ౧౩౬. యస్స కాయసఙ్ఖారో ఉప్పజ్జిత్థ తస్స వచీసఙ్ఖారో నిరుజ్ఝిత్థాతి? ఆమన్తా.

    136. Yassa kāyasaṅkhāro uppajjittha tassa vacīsaṅkhāro nirujjhitthāti? Āmantā.

    (అతీతా పుచ్ఛా ఉప్పాదవారేపి నిరోధవారేపి ఉప్పాదనిరోధవారేపి సదిసం విత్థారేతబ్బా).

    (Atītā pucchā uppādavārepi nirodhavārepi uppādanirodhavārepi sadisaṃ vitthāretabbā).

    (౩) అనాగతవారో

    (3) Anāgatavāro

    (క) అనులోమపుగ్గలో

    (Ka) anulomapuggalo

    ౧౩౭. (క) యస్స కాయసఙ్ఖారో ఉప్పజ్జిస్సతి తస్స వచీసఙ్ఖారో నిరుజ్ఝిస్సతీతి? ఆమన్తా.

    137. (Ka) yassa kāyasaṅkhāro uppajjissati tassa vacīsaṅkhāro nirujjhissatīti? Āmantā.

    (ఖ) యస్స వా పన వచీసఙ్ఖారో నిరుజ్ఝిస్సతి తస్స కాయసఙ్ఖారో ఉప్పజ్జిస్సతీతి?

    (Kha) yassa vā pana vacīsaṅkhāro nirujjhissati tassa kāyasaṅkhāro uppajjissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం వచీసఙ్ఖారో నిరుజ్ఝిస్సతి, నో చ తేసం కాయసఙ్ఖారో ఉప్పజ్జిస్సతి . ఇతరేసం తేసం వచీసఙ్ఖారో చ నిరుజ్ఝిస్సతి కాయసఙ్ఖారో చ ఉప్పజ్జిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro uppajjissati . Itaresaṃ tesaṃ vacīsaṅkhāro ca nirujjhissati kāyasaṅkhāro ca uppajjissati.

    (క) యస్స కాయసఙ్ఖారో ఉప్పజ్జిస్సతి తస్స చిత్తసఙ్ఖారో నిరుజ్ఝిస్సతీతి? ఆమన్తా.

    (Ka) yassa kāyasaṅkhāro uppajjissati tassa cittasaṅkhāro nirujjhissatīti? Āmantā.

    (ఖ) యస్స వా పన చిత్తసఙ్ఖారో నిరుజ్ఝిస్సతి తస్స కాయసఙ్ఖారో ఉప్పజ్జిస్సతీతి?

    (Kha) yassa vā pana cittasaṅkhāro nirujjhissati tassa kāyasaṅkhāro uppajjissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం చిత్తసఙ్ఖారో నిరుజ్ఝిస్సతి, నో చ తేసం కాయసఙ్ఖారో ఉప్పజ్జిస్సతి. ఇతరేసం తేసం చిత్తసఙ్ఖారో చ నిరుజ్ఝిస్సతి కాయసఙ్ఖారో చ ఉప్పజ్జిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro nirujjhissati, no ca tesaṃ kāyasaṅkhāro uppajjissati. Itaresaṃ tesaṃ cittasaṅkhāro ca nirujjhissati kāyasaṅkhāro ca uppajjissati.

    ౧౩౮. (క) యస్స వచీసఙ్ఖారో ఉప్పజ్జిస్సతి తస్స చిత్తసఙ్ఖారో నిరుజ్ఝిస్సతీతి? ఆమన్తా.

    138. (Ka) yassa vacīsaṅkhāro uppajjissati tassa cittasaṅkhāro nirujjhissatīti? Āmantā.

    (ఖ) యస్స వా పన చిత్తసఙ్ఖారో నిరుజ్ఝిస్సతి తస్స వచీసఙ్ఖారో ఉప్పజ్జిస్సతీతి?

    (Kha) yassa vā pana cittasaṅkhāro nirujjhissati tassa vacīsaṅkhāro uppajjissatīti?

    పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం చిత్తసఙ్ఖారో నిరుజ్ఝిస్సతి, నో చ తేసం వచీసఙ్ఖారో ఉప్పజ్జిస్సతి. ఇతరేసం తేసం చిత్తసఙ్ఖారో చ నిరుజ్ఝిస్సతి వచీసఙ్ఖారో చ ఉప్పజ్జిస్సతి.

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro nirujjhissati, no ca tesaṃ vacīsaṅkhāro uppajjissati. Itaresaṃ tesaṃ cittasaṅkhāro ca nirujjhissati vacīsaṅkhāro ca uppajjissati.

    (ఖ) అనులోమఓకాసో

    (Kha) anulomaokāso

    ౧౩౯. యత్థ కాయసఙ్ఖారో ఉప్పజ్జిస్సతి…పే॰….

    139. Yattha kāyasaṅkhāro uppajjissati…pe….

    (గ) అనులోమపుగ్గలోకాసా

    (Ga) anulomapuggalokāsā

    ౧౪౦. (క) యస్స యత్థ కాయసఙ్ఖారో ఉప్పజ్జిస్సతి తస్స తత్థ వచీసఙ్ఖారో నిరుజ్ఝిస్సతీతి?

    140. (Ka) yassa yattha kāyasaṅkhāro uppajjissati tassa tattha vacīsaṅkhāro nirujjhissatīti?

    దుతియజ్ఝానం తతియజ్ఝానం సమాపన్నానం తేసం తత్థ కాయసఙ్ఖారో ఉప్పజ్జిస్సతి, నో చ తేసం తత్థ వచీసఙ్ఖారో నిరుజ్ఝిస్సతి. పఠమజ్ఝానం సమాపన్నానం కామావచరానం తేసం తత్థ కాయసఙ్ఖారో చ ఉప్పజ్జిస్సతి వచీసఙ్ఖారో చ నిరుజ్ఝిస్సతి.

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjissati vacīsaṅkhāro ca nirujjhissati.

    (ఖ) యస్స వా పన యత్థ వచీసఙ్ఖారో నిరుజ్ఝిస్సతి తస్స తత్థ కాయసఙ్ఖారో ఉప్పజ్జిస్సతీతి?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro uppajjissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరానం అరూపావచరానం తేసం తత్థ వచీసఙ్ఖారో నిరుజ్ఝిస్సతి, నో చ తేసం తత్థ కాయసఙ్ఖారో ఉప్పజ్జిస్సతి. పఠమజ్ఝానం సమాపన్నానం ఇతరేసం కామావచరానం తేసం తత్థ వచీసఙ్ఖారో చ నిరుజ్ఝిస్సతి కాయసఙ్ఖారో చ ఉప్పజ్జిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca uppajjissati.

    (క) యస్స యత్థ కాయసఙ్ఖారో ఉప్పజ్జిస్సతి తస్స తత్థ చిత్తసఙ్ఖారో నిరుజ్ఝిస్సతీతి? ఆమన్తా.

    (Ka) yassa yattha kāyasaṅkhāro uppajjissati tassa tattha cittasaṅkhāro nirujjhissatīti? Āmantā.

    (ఖ) యస్స వా పన యత్థ చిత్తసఙ్ఖారో నిరుజ్ఝిస్సతి తస్స తత్థ కాయసఙ్ఖారో ఉప్పజ్జిస్సతీతి?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro uppajjissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం రూపావచరానం అరూపావచరానం తేసం తత్థ చిత్తసఙ్ఖారో నిరుజ్ఝిస్సతి, నో చ తేసం తత్థ కాయసఙ్ఖారో ఉప్పజ్జిస్సతి. పఠమజ్ఝానం దుతియజ్ఝానం తతియజ్ఝానం సమాపన్నానం ఇతరేసం కామావచరానం తేసం తత్థ చిత్తసఙ్ఖారో చ నిరుజ్ఝిస్సతి కాయసఙ్ఖారో చ ఉప్పజ్జిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca uppajjissati.

    ౧౪౧. (క) యస్స యత్థ వచీసఙ్ఖారో ఉప్పజ్జిస్సతి తస్స తత్థ చిత్తసఙ్ఖారో నిరుజ్ఝిస్సతీతి? ఆమన్తా.

    141. (Ka) yassa yattha vacīsaṅkhāro uppajjissati tassa tattha cittasaṅkhāro nirujjhissatīti? Āmantā.

    (ఖ) యస్స వా పన యత్థ చిత్తసఙ్ఖారో నిరుజ్ఝిస్సతి తస్స తత్థ వచీసఙ్ఖారో ఉప్పజ్జిస్సతీతి?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro uppajjissatīti?

    పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం చతుత్థజ్ఝానం సమాపన్నానం తేసం తత్థ చిత్తసఙ్ఖారో నిరుజ్ఝిస్సతి, నో చ తేసం తత్థ వచీసఙ్ఖారో ఉప్పజ్జిస్సతి. పఠమజ్ఝానం సమాపన్నానం కామావచరానం ఇతరేసం రూపావచరానం అరూపావచరానం తేసం తత్థ చిత్తసఙ్ఖారో చ నిరుజ్ఝిస్సతి వచీసఙ్ఖారో చ ఉప్పజ్జిస్సతి.

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca nirujjhissati vacīsaṅkhāro ca uppajjissati.

    (ఘ) పచ్చనీకపుగ్గలో

    (Gha) paccanīkapuggalo

    ౧౪౨. (క) యస్స కాయసఙ్ఖారో నుప్పజ్జిస్సతి తస్స వచీసఙ్ఖారో న నిరుజ్ఝిస్సతీతి?

    142. (Ka) yassa kāyasaṅkhāro nuppajjissati tassa vacīsaṅkhāro na nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం కాయసఙ్ఖారో నుప్పజ్జిస్సతి, నో చ తేసం వచీసఙ్ఖారో న నిరుజ్ఝిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం కాయసఙ్ఖారో చ నుప్పజ్జిస్సతి వచీసఙ్ఖారో చ న నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjissati vacīsaṅkhāro ca na nirujjhissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (క) యస్స కాయసఙ్ఖారో నుప్పజ్జిస్సతి తస్స చిత్తసఙ్ఖారో న నిరుజ్ఝిస్సతీతి?

    (Ka) yassa kāyasaṅkhāro nuppajjissati tassa cittasaṅkhāro na nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరే అరూపావచరే పచ్ఛిమభవికానం యే చ రూపావచరం అరూపావచరం ఉపపజ్జిత్వా పరినిబ్బాయిస్సన్తి తేసం చవన్తానం తేసం కాయసఙ్ఖారో నుప్పజ్జిస్సతి, నో చ తేసం చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే తేసం కాయసఙ్ఖారో చ నుప్పజ్జిస్సతి చిత్తసఙ్ఖారో చ న నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca nuppajjissati cittasaṅkhāro ca na nirujjhissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    ౧౪౩. (క) యస్స వచీసఙ్ఖారో నుప్పజ్జిస్సతి తస్స చిత్తసఙ్ఖారో న నిరుజ్ఝిస్సతీతి?

    143. (Ka) yassa vacīsaṅkhāro nuppajjissati tassa cittasaṅkhāro na nirujjhissatīti?

    పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం వచీసఙ్ఖారో నుప్పజ్జిస్సతి, నో చ తేసం చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే తేసం వచీసఙ్ఖారో చ నుప్పజ్జిస్సతి చిత్తసఙ్ఖారో చ న నిరుజ్ఝిస్సతి.

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro nuppajjissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca nuppajjissati cittasaṅkhāro ca na nirujjhissati.

    (ఖ) యస్స వా పన…పే॰…? ఆమన్తా.

    (Kha) yassa vā pana…pe…? Āmantā.

    (ఙ) పచ్చనీకఓకాసో

    (Ṅa) paccanīkaokāso

    ౧౪౪. యత్థ కాయసఙ్ఖారో నుప్పజ్జిస్సతి…పే॰….

    144. Yattha kāyasaṅkhāro nuppajjissati…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౧౪౫. (క) యస్స యత్థ కాయసఙ్ఖారో నుప్పజ్జిస్సతి తస్స తత్థ వచీసఙ్ఖారో న నిరుజ్ఝిస్సతీతి?

    145. (Ka) yassa yattha kāyasaṅkhāro nuppajjissati tassa tattha vacīsaṅkhāro na nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి రూపావచరానం అరూపావచరానం తేసం తత్థ కాయసఙ్ఖారో నుప్పజ్జిస్సతి, నో చ తేసం తత్థ వచీసఙ్ఖారో న నిరుజ్ఝిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ కాయసఙ్ఖారో చ నుప్పజ్జిస్సతి వచీసఙ్ఖారో చ న నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjissati vacīsaṅkhāro ca na nirujjhissati.

    (ఖ) యస్స వా పన యత్థ వచీసఙ్ఖారో న నిరుజ్ఝిస్సతి తస్స తత్థ కాయసఙ్ఖారో నుప్పజ్జిస్సతీతి?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro nuppajjissatīti?

    దుతియజ్ఝానం తతియజ్ఝానం సమాపన్నానం తేసం తత్థ వచీసఙ్ఖారో న నిరుజ్ఝిస్సతి, నో చ తేసం తత్థ కాయసఙ్ఖారో నుప్పజ్జిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం అసఞ్ఞసత్తానం తేసం తత్థ వచీసఙ్ఖారో చ న నిరుజ్ఝిస్సతి కాయసఙ్ఖారో చ నుప్పజ్జిస్సతి.

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca nuppajjissati.

    (క) యస్స యత్థ కాయసఙ్ఖారో నుప్పజ్జిస్సతి తస్స తత్థ చిత్తసఙ్ఖారో న నిరుజ్ఝిస్సతీతి?

    (Ka) yassa yattha kāyasaṅkhāro nuppajjissati tassa tattha cittasaṅkhāro na nirujjhissatīti?

    కామావచరానం పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా కామావచరానం పచ్ఛిమచిత్తం ఉప్పజ్జిస్సతి చతుత్థజ్ఝానం సమాపన్నానం రూపావచరానం అరూపావచరానం తేసం తత్థ కాయసఙ్ఖారో నుప్పజ్జిస్సతి, నో చ తేసం తత్థ చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ కాయసఙ్ఖారో చ నుప్పజ్జిస్సతి చిత్తసఙ్ఖారో చ న నిరుజ్ఝిస్సతి.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca nuppajjissati cittasaṅkhāro ca na nirujjhissati.

    (ఖ) యస్స వా పన యత్థ…పే॰…? ఆమన్తా.

    (Kha) yassa vā pana yattha…pe…? Āmantā.

    ౧౪౬. (క) యస్స యత్థ వచీసఙ్ఖారో నుప్పజ్జిస్సతి తస్స తత్థ చిత్తసఙ్ఖారో న నిరుజ్ఝిస్సతీతి?

    146. (Ka) yassa yattha vacīsaṅkhāro nuppajjissati tassa tattha cittasaṅkhāro na nirujjhissatīti?

    పచ్ఛిమచిత్తస్స ఉప్పాదక్ఖణే యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం చతుత్థజ్ఝానం సమాపన్నానం తేసం తత్థ వచీసఙ్ఖారో నుప్పజ్జిస్సతి, నో చ తేసం తత్థ చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ వచీసఙ్ఖారో చ నుప్పజ్జిస్సతి చిత్తసఙ్ఖారో చ న నిరుజ్ఝిస్సతి.

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca nuppajjissati cittasaṅkhāro ca na nirujjhissati.

    (ఖ) యస్స వా పన యత్థ…పే॰…? ఆమన్తా.

    (Kha) yassa vā pana yattha…pe…? Āmantā.

    (౪) పచ్చుప్పన్నాతీతవారో

    (4) Paccuppannātītavāro

    (క) అనులోమపుగ్గలో

    (Ka) anulomapuggalo

    ౧౪౭. (క) యస్స కాయసఙ్ఖారో ఉప్పజ్జతి తస్స వచీసఙ్ఖారో నిరుజ్ఝిత్థాతి? ఆమన్తా.

    147. (Ka) yassa kāyasaṅkhāro uppajjati tassa vacīsaṅkhāro nirujjhitthāti? Āmantā.

    (ఖ) యస్స వా పన వచీసఙ్ఖారో నిరుజ్ఝిత్థ తస్స కాయసఙ్ఖారో ఉప్పజ్జతీతి?

    (Kha) yassa vā pana vacīsaṅkhāro nirujjhittha tassa kāyasaṅkhāro uppajjatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో నిరుజ్ఝిత్థ , నో చ తేసం కాయసఙ్ఖారో ఉప్పజ్జతి. అస్సాసపస్సాసానం ఉప్పాదక్ఖణే తేసం వచీసఙ్ఖారో చ నిరుజ్ఝిత్థ కాయసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhittha , no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca nirujjhittha kāyasaṅkhāro ca uppajjati.

    (యథా ఉప్పాదవారే పచ్చుప్పన్నాతీతా పుచ్ఛా అనులోమమ్పి పచ్చనీకమ్పి విభత్తా ఏవం ఉప్పాదవారనిరోధవారేపి పచ్చుప్పన్నాతీతా పుచ్ఛా అనులోమమ్పి పచ్చనీకమ్పి విభజితబ్బా.)

    (Yathā uppādavāre paccuppannātītā pucchā anulomampi paccanīkampi vibhattā evaṃ uppādavāranirodhavārepi paccuppannātītā pucchā anulomampi paccanīkampi vibhajitabbā.)

    (౫) పచ్చుప్పన్నానాగతవారో

    (5) Paccuppannānāgatavāro

    (క) అనులోమపుగ్గలో

    (Ka) anulomapuggalo

    ౧౪౮. (క) యస్స కాయసఙ్ఖారో ఉప్పజ్జతి తస్స వచీసఙ్ఖారో నిరుజ్ఝిస్సతీతి? ఆమన్తా.

    148. (Ka) yassa kāyasaṅkhāro uppajjati tassa vacīsaṅkhāro nirujjhissatīti? Āmantā.

    (ఖ) యస్స వా పన వచీసఙ్ఖారో నిరుజ్ఝిస్సతి తస్స కాయసఙ్ఖారో ఉప్పజ్జతీతి?

    (Kha) yassa vā pana vacīsaṅkhāro nirujjhissati tassa kāyasaṅkhāro uppajjatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో నిరుజ్ఝిస్సతి, నో చ తేసం కాయసఙ్ఖారో ఉప్పజ్జతి. అస్సాసపస్సాసానం ఉప్పాదక్ఖణే తేసం వచీసఙ్ఖారో చ నిరుజ్ఝిస్సతి కాయసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca nirujjhissati kāyasaṅkhāro ca uppajjati.

    (క) యస్స కాయసఙ్ఖారో ఉప్పజ్జతి తస్స చిత్తసఙ్ఖారో నిరుజ్ఝిస్సతీతి? ఆమన్తా.

    (Ka) yassa kāyasaṅkhāro uppajjati tassa cittasaṅkhāro nirujjhissatīti? Āmantā.

    (ఖ) యస్స వా పన చిత్తసఙ్ఖారో నిరుజ్ఝిస్సతి తస్స కాయసఙ్ఖారో ఉప్పజ్జతీతి?

    (Kha) yassa vā pana cittasaṅkhāro nirujjhissati tassa kāyasaṅkhāro uppajjatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో నిరుజ్ఝిస్సతి, నో చ తేసం కాయసఙ్ఖారో ఉప్పజ్జతి. అస్సాసపస్సాసానం ఉప్పాదక్ఖణే తేసం చిత్తసఙ్ఖారో చ నిరుజ్ఝిస్సతి కాయసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca nirujjhissati kāyasaṅkhāro ca uppajjati.

    ౧౪౯. (క) యస్స వచీసఙ్ఖారో ఉప్పజ్జతి తస్స చిత్తసఙ్ఖారో నిరుజ్ఝిస్సతీతి? ఆమన్తా.

    149. (Ka) yassa vacīsaṅkhāro uppajjati tassa cittasaṅkhāro nirujjhissatīti? Āmantā.

    (ఖ) యస్స వా పన చిత్తసఙ్ఖారో నిరుజ్ఝిస్సతి తస్స వచీసఙ్ఖారో ఉప్పజ్జతీతి?

    (Kha) yassa vā pana cittasaṅkhāro nirujjhissati tassa vacīsaṅkhāro uppajjatīti?

    సబ్బేసం చిత్తస్స భఙ్గక్ఖణే వినా వితక్కవిచారేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం చిత్తసఙ్ఖారో నిరుజ్ఝిస్సతి, నో చ తేసం వచీసఙ్ఖారో ఉప్పజ్జతి. వితక్కవిచారానం ఉప్పాదక్ఖణే తేసం చిత్తసఙ్ఖారో చ నిరుజ్ఝిస్సతి వచీసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca nirujjhissati vacīsaṅkhāro ca uppajjati.

    (ఖ) అనులోమఓకాసో

    (Kha) anulomaokāso

    ౧౫౦. యత్థ కాయసఙ్ఖారో ఉప్పజ్జతి…పే॰….

    150. Yattha kāyasaṅkhāro uppajjati…pe….

    (గ) అనులోమపుగ్గలోకాసా

    (Ga) anulomapuggalokāsā

    ౧౫౧. (క) యస్స యత్థ కాయసఙ్ఖారో ఉప్పజ్జతి తస్స తత్థ వచీసఙ్ఖారో నిరుజ్ఝిస్సతీతి?

    151. (Ka) yassa yattha kāyasaṅkhāro uppajjati tassa tattha vacīsaṅkhāro nirujjhissatīti?

    దుతియజ్ఝానం తతియజ్ఝానం సమాపన్నానం అస్సాసపస్సాసానం ఉప్పాదక్ఖణే తేసం తత్థ కాయసఙ్ఖారో ఉప్పజ్జతి, నో చ తేసం తత్థ వచీసఙ్ఖారో నిరుజ్ఝిస్సతి. పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసం తత్థ కాయసఙ్ఖారో చ ఉప్పజ్జతి వచీసఙ్ఖారో చ నిరుజ్ఝిస్సతి.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca nirujjhissati.

    (ఖ) యస్స వా పన యత్థ వచీసఙ్ఖారో నిరుజ్ఝిస్సతి తస్స తత్థ కాయసఙ్ఖారో ఉప్పజ్జతీతి?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro uppajjatīti?

    పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే రూపావచరానం అరూపావచరానం తేసం తత్థ వచీసఙ్ఖారో నిరుజ్ఝిస్సతి, నో చ తేసం తత్థ కాయసఙ్ఖారో ఉప్పజ్జతి. పఠమజ్ఝానం సమాపన్నానం కామావచరానం అస్సాసపస్సాసానం ఉప్పాదక్ఖణే తేసం తత్థ వచీసఙ్ఖారో చ నిరుజ్ఝిస్సతి కాయసఙ్ఖారో చ ఉప్పజ్జతి.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca nirujjhissati kāyasaṅkhāro ca uppajjati.

    (క) యస్స యత్థ కాయసఙ్ఖారో ఉప్పజ్జతి తస్స తత్థ చిత్తసఙ్ఖారో నిరుజ్ఝిస్సతీతి? ఆమన్తా.

    (Ka) yassa yattha kāyasaṅkhāro uppajjati tassa tattha cittasaṅkhāro nirujjhissatīti? Āmantā.

    (ఖ) యస్స వా పన యత్థ చిత్తసఙ్ఖారో నిరుజ్ఝిస్సతి తస్స తత్థ కాయసఙ్ఖారో ఉప్పజ్జతీతి?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro uppajjatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే తేసం తత్థ చిత్తసఙ్ఖారో నిరుజ్ఝిస్సతి, నో చ తేసం తత్థ కాయసఙ్ఖారో ఉప్పజ్జతి. అస్సాసపస్సాసానం ఉప్పాదక్ఖణే తేసం తత్థ చిత్తసఙ్ఖారో చ నిరుజ్ఝిస్సతి కాయసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca nirujjhissati kāyasaṅkhāro ca uppajjati.

    ౧౫౨. (క) యస్స యత్థ వచీసఙ్ఖారో ఉప్పజ్జతి తస్స తత్థ చిత్తసఙ్ఖారో నిరుజ్ఝిస్సతీతి? ఆమన్తా.

    152. (Ka) yassa yattha vacīsaṅkhāro uppajjati tassa tattha cittasaṅkhāro nirujjhissatīti? Āmantā.

    (ఖ) యస్స వా పన యత్థ చిత్తసఙ్ఖారో నిరుజ్ఝిస్సతి తస్స తత్థ వచీసఙ్ఖారో ఉప్పజ్జతీతి?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro uppajjatīti?

    సబ్బేసం చిత్తస్స భఙ్గక్ఖణే వినా వితక్కవిచారేహి చిత్తస్స ఉప్పాదక్ఖణే తేసం తత్థ చిత్తసఙ్ఖారో నిరుజ్ఝిస్సతి, నో చ తేసం తత్థ వచీసఙ్ఖారో ఉప్పజ్జతి. వితక్కవిచారానం ఉప్పాదక్ఖణే తేసం తత్థ చిత్తసఙ్ఖారో చ నిరుజ్ఝిస్సతి వచీసఙ్ఖారో చ ఉప్పజ్జతి.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca nirujjhissati vacīsaṅkhāro ca uppajjati.

    (ఘ) పచ్చనీకపుగ్గలో

    (Gha) paccanīkapuggalo

    ౧౫౩. (క) యస్స కాయసఙ్ఖారో నుప్పజ్జతి తస్స వచీసఙ్ఖారో న నిరుజ్ఝిస్సతీతి?

    153. (Ka) yassa kāyasaṅkhāro nuppajjati tassa vacīsaṅkhāro na nirujjhissatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో నుప్పజ్జతి, నో చ తేసం వచీసఙ్ఖారో న నిరుజ్ఝిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం కాయసఙ్ఖారో చ నుప్పజ్జతి వచీసఙ్ఖారో చ న నిరుజ్ఝిస్సతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjati vacīsaṅkhāro ca na nirujjhissati.

    (ఖ) యస్స వా పన వచీసఙ్ఖారో న నిరుజ్ఝిస్సతి తస్స కాయసఙ్ఖారో నుప్పజ్జతీతి? ఆమన్తా.

    (Kha) yassa vā pana vacīsaṅkhāro na nirujjhissati tassa kāyasaṅkhāro nuppajjatīti? Āmantā.

    (క) యస్స కాయసఙ్ఖారో నుప్పజ్జతి తస్స చిత్తసఙ్ఖారో న నిరుజ్ఝిస్సతీతి?

    (Ka) yassa kāyasaṅkhāro nuppajjati tassa cittasaṅkhāro na nirujjhissatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం కాయసఙ్ఖారో నుప్పజ్జతి, నో చ తేసం చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే తేసం కాయసఙ్ఖారో చ నుప్పజ్జతి చిత్తసఙ్ఖారో చ న నిరుజ్ఝిస్సతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca nuppajjati cittasaṅkhāro ca na nirujjhissati.

    (ఖ) యస్స వా పన చిత్తసఙ్ఖారో న నిరుజ్ఝిస్సతి తస్స కాయసఙ్ఖారో నుప్పజ్జతీతి? ఆమన్తా.

    (Kha) yassa vā pana cittasaṅkhāro na nirujjhissati tassa kāyasaṅkhāro nuppajjatīti? Āmantā.

    ౧౫౪. (క) యస్స వచీసఙ్ఖారో నుప్పజ్జతి తస్స చిత్తసఙ్ఖారో న నిరుజ్ఝిస్సతీతి?

    154. (Ka) yassa vacīsaṅkhāro nuppajjati tassa cittasaṅkhāro na nirujjhissatīti?

    సబ్బేసం చిత్తస్స భఙ్గక్ఖణే వినా వితక్కవిచారేహి చిత్తస్స ఉప్పాదక్ఖణే నిరోధసమాపన్నానం అసఞ్ఞసత్తానం తేసం వచీసఙ్ఖారో నుప్పజ్జతి, నో చ తేసం చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే తేసం వచీసఙ్ఖారో చ నుప్పజ్జతి చిత్తసఙ్ఖారో చ న నిరుజ్ఝిస్సతి.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nuppajjati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca nuppajjati cittasaṅkhāro ca na nirujjhissati.

    (ఖ) యస్స వా పన చిత్తసఙ్ఖారో న నిరుజ్ఝిస్సతి తస్స వచీసఙ్ఖారో నుప్పజ్జతీతి? ఆమన్తా.

    (Kha) yassa vā pana cittasaṅkhāro na nirujjhissati tassa vacīsaṅkhāro nuppajjatīti? Āmantā.

    (ఙ) పచ్చనీకఓకాసో

    (Ṅa) paccanīkaokāso

    ౧౫౫. యత్థ కాయసఙ్ఖారో నుప్పజ్జతి…పే॰….

    155. Yattha kāyasaṅkhāro nuppajjati…pe….

    (చ) పచ్చనీకపుగ్గలోకాసా

    (Ca) paccanīkapuggalokāsā

    ౧౫౬. (క) యస్స యత్థ కాయసఙ్ఖారో నుప్పజ్జతి తస్స తత్థ వచీసఙ్ఖారో న నిరుజ్ఝిస్సతీతి?

    156. (Ka) yassa yattha kāyasaṅkhāro nuppajjati tassa tattha vacīsaṅkhāro na nirujjhissatīti?

    పఠమజ్ఝానం సమాపన్నానం కామావచరానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే రూపావచరానం అరూపావచరానం తేసం తత్థ కాయసఙ్ఖారో నుప్పజ్జతి, నో చ తేసం తత్థ వచీసఙ్ఖారో న నిరుజ్ఝిస్సతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం సమాపన్నానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే చతుత్థజ్ఝానం సమాపన్నానం అసఞ్ఞసత్తానం తేసం తత్థ కాయసఙ్ఖారో చ నుప్పజ్జతి వచీసఙ్ఖారో చ న నిరుజ్ఝిస్సతి.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca na nirujjhissati.

    (ఖ) యస్స వా పన యత్థ వచీసఙ్ఖారో న నిరుజ్ఝిస్సతి తస్స తత్థ కాయసఙ్ఖారో నుప్పజ్జతీతి?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro nuppajjatīti?

    దుతియజ్ఝానం తతియజ్ఝానం సమాపన్నానం అస్సాసపస్సాసానం ఉప్పాదక్ఖణే తేసం తత్థ వచీసఙ్ఖారో న నిరుజ్ఝిస్సతి, నో చ తేసం తత్థ కాయసఙ్ఖారో నుప్పజ్జతి. సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి దుతియజ్ఝానం తతియజ్ఝానం సమాపన్నానం అస్సాసపస్సాసానం భఙ్గక్ఖణే తేసంయేవ వినా అస్సాసపస్సాసేహి చిత్తస్స ఉప్పాదక్ఖణే చతుత్థజ్ఝానం సమాపన్నానం అసఞ్ఞసత్తానం తేసం తత్థ వచీసఙ్ఖారో చ న నిరుజ్ఝిస్సతి కాయసఙ్ఖారో చ నుప్పజ్జతి.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca nuppajjati.

    (క) యస్స యత్థ కాయసఙ్ఖారో నుప్పజ్జతి తస్స తత్థ చిత్తసఙ్ఖారో న నిరుజ్ఝిస్సతీతి?

    (Ka) yassa yattha kāyasaṅkhāro nuppajjati tassa tattha cittasaṅkhāro na nirujjhissatīti?

    సబ్బేసం చిత్తస్స భఙ్గక్ఖణే వినా అస్సాసపస్సాసేహి చిత్తస్స ఉప్పాదక్ఖణే తేసం తత్థ కాయసఙ్ఖారో నుప్పజ్జతి, నో చ తేసం తత్థ చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ కాయసఙ్ఖారో చ నుప్పజ్జతి చిత్తసఙ్ఖారో చ న నిరుజ్ఝిస్సతి.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca na nirujjhissati.

    (ఖ) యస్స వా పన యత్థ చిత్తసఙ్ఖారో న నిరుజ్ఝిస్సతి తస్స తత్థ కాయసఙ్ఖారో నుప్పజ్జతీతి? ఆమన్తా.

    (Kha) yassa vā pana yattha cittasaṅkhāro na nirujjhissati tassa tattha kāyasaṅkhāro nuppajjatīti? Āmantā.

    ౧౫౭. (క) యస్స యత్థ వచీసఙ్ఖారో నుప్పజ్జతి తస్స తత్థ చిత్తసఙ్ఖారో న నిరుజ్ఝిస్సతీతి?

    157. (Ka) yassa yattha vacīsaṅkhāro nuppajjati tassa tattha cittasaṅkhāro na nirujjhissatīti?

    సబ్బేసం చిత్తస్స భఙ్గక్ఖణే వినా వితక్కవిచారేహి చిత్తస్స ఉప్పాదక్ఖణే తేసం తత్థ వచీసఙ్ఖారో నుప్పజ్జతి, నో చ తేసం తత్థ చిత్తసఙ్ఖారో న నిరుజ్ఝిస్సతి. పచ్ఛిమచిత్తస్స భఙ్గక్ఖణే అసఞ్ఞసత్తానం తేసం తత్థ వచీసఙ్ఖారో చ నుప్పజ్జతి చిత్తసఙ్ఖారో చ న నిరుజ్ఝిస్సతి.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca na nirujjhissati.

    (ఖ) యస్స వా పన యత్థ చిత్తసఙ్ఖారో న నిరుజ్ఝిస్సతి తస్స తత్థ వచీసఙ్ఖారో నుప్పజ్జతీతి? ఆమన్తా.

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro nuppajjatīti? Āmantā.

    (౬) అతీతానాగతవారో

    (6) Atītānāgatavāro

    (క) అనులోమపుగ్గలో

    (Ka) anulomapuggalo

    ౧౫౮. (క) యస్స కాయసఙ్ఖారో ఉప్పజ్జిత్థ తస్స వచీసఙ్ఖారో నిరుజ్ఝిస్సతీతి?

    158. (Ka) yassa kāyasaṅkhāro uppajjittha tassa vacīsaṅkhāro nirujjhissatīti?

    సవితక్కసవిచారపచ్ఛిమచిత్తస్స భఙ్గక్ఖణే అవితక్కఅవిచారపచ్ఛిమచిత్తసమఙ్గీనం యస్స చిత్తస్స అనన్తరా అవితక్కఅవిచారం పచ్ఛిమచిత్తం ఉప్పజ్జిస్సతి తేసం కాయసఙ్ఖారో ఉప్పజ్జిత్థ, నో చ తేసం వచీసఙ్ఖారో నిరుజ్ఝిస్సతి. ఇతరేసం తేసం కాయసఙ్ఖారో చ ఉప్పజ్జిత్థ వచీసఙ్ఖారో చ నిరుజ్ఝిస్సతి.

    Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro uppajjittha, no ca tesaṃ vacīsaṅkhāro nirujjhissati. Itaresaṃ tesaṃ kāyasaṅkhāro ca uppajjittha vacīsaṅkhāro ca nirujjhissati.

    (ఖ) యస్స వా పన వచీసఙ్ఖారో నిరుజ్ఝిస్సతి తస్స కాయసఙ్ఖారో ఉప్పజ్జిత్థాతి? ఆమన్తా.

    (Kha) yassa vā pana vacīsaṅkhāro nirujjhissati tassa kāyasaṅkhāro uppajjitthāti? Āmantā.

    (క) యస్స కాయసఙ్ఖారో ఉప్పజ్జిత్థ తస్స చిత్తసఙ్ఖారో నిరుజ్ఝిస్సతీతి?

    (Ka) yassa kāyasaṅkhāro uppajjittha tassa cittasaṅkhāro nirujjhissatīti?

    పచ్ఛిమచిత్తస్స భఙ్గక్ఖణే తేసం కాయసఙ్ఖారో ఉప్పజ్జిత్థ, నో చ తేసం చిత్తసఙ్ఖారో నిరుజ్ఝిస్సతి. ఇతరేసం తేసం కాయసఙ్ఖారో చ ఉప్పజ్జిత్థ చిత్తసఙ్ఖారో చ నిరుజ్ఝిస్సతి.

    Pacchimacittassa bhaṅgakkhaṇe tesaṃ kāyasaṅkhāro uppajjittha, no ca tesaṃ cittasaṅkhāro nirujjhissati. Itaresaṃ tesaṃ kāyasaṅkhāro ca uppajjittha cittasaṅkhāro ca nirujjhissati.

    (ఖ) యస్స వా పన చిత్తసఙ్ఖారో నిరుజ్ఝిస్సతి తస్స కాయసఙ్ఖారో ఉప్పజ్జిత్థాతి? ఆమన్తా.

    (Kha) yassa vā pana cittasaṅkhāro nirujjhissati tassa kāyasaṅkhāro uppajjitthāti? Āmantā.

    (యథా నిరోధవారే అతీతానాగతా పుచ్ఛా అనులోమమ్పి పచ్చనీకమ్పి ఏవం ఉప్పాదనిరోధవారేపి అతీతానాగతా పుచ్ఛా అనులోమమ్పి పచ్చనీకమ్పి విభజితబ్బం అసమ్మోహన్తేన నిరోధవారేన సదిసం, నత్థి నానాకరణం.)

    (Yathā nirodhavāre atītānāgatā pucchā anulomampi paccanīkampi evaṃ uppādanirodhavārepi atītānāgatā pucchā anulomampi paccanīkampi vibhajitabbaṃ asammohantena nirodhavārena sadisaṃ, natthi nānākaraṇaṃ.)

    ఉప్పాదనిరోధవారో.

    Uppādanirodhavāro.

    ౩. పరిఞ్ఞావారో

    3. Pariññāvāro

    ౧-౬. పచ్చుప్పన్నవారాది

    1-6. Paccuppannavārādi

    ౧౫౯. (క) యో కాయసఙ్ఖారం పరిజానాతి సో వచీసఙ్ఖారం పరిజానాతీతి? ఆమన్తా.

    159. (Ka) yo kāyasaṅkhāraṃ parijānāti so vacīsaṅkhāraṃ parijānātīti? Āmantā.

    (ఖ) యో వా పన వచీసఙ్ఖారం పరిజానాతి సో కాయసఙ్ఖారం పరిజానాతీతి? ఆమన్తా.

    (Kha) yo vā pana vacīsaṅkhāraṃ parijānāti so kāyasaṅkhāraṃ parijānātīti? Āmantā.

    (యథా ఖన్ధయమకే పరిఞ్ఞావారం విభత్తం ఏవం సఙ్ఖారయమకేపి పరిఞ్ఞావారం విభజితబ్బం.)

    (Yathā khandhayamake pariññāvāraṃ vibhattaṃ evaṃ saṅkhārayamakepi pariññāvāraṃ vibhajitabbaṃ.)

    పరిఞ్ఞావారో.

    Pariññāvāro.

    సఙ్ఖారయమకం నిట్ఠితం.

    Saṅkhārayamakaṃ niṭṭhitaṃ.

    నమో తస్స భగవతో అరహతో సమ్మాసమ్బుద్ధస్స

    Namo tassa bhagavato arahato sammāsambuddhassa




    Next: ౭. అనుసయయమకం • 7. Anusayayamakaṃ




    Footnotes:
    1. అవసేసా సఙ్ఖారా సఙ్ఖారా (సీ॰ స్యా॰ కం॰)
    2. avasesā saṅkhārā saṅkhārā (sī. syā. kaṃ.)



    Related texts:



    అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౬. సఙ్ఖారయమకం • 6. Saṅkhārayamakaṃ

    టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā
    ౬. సఙ్ఖారయమకం • 6. Saṅkhārayamakaṃ
    ౭. అనుసయయమకం • 7. Anusayayamakaṃ

    టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā
    ౬. సఙ్ఖారయమకం • 6. Saṅkhārayamakaṃ
    ౭. అనుసయయమకం • 7. Anusayayamakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact