Library / Tipiṭaka / ತಿಪಿಟಕ • Tipiṭaka / ಯಮಕಪಾಳಿ • Yamakapāḷi

    ॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥

    Namo tassa bhagavato arahato sammāsambuddhassa

    ಅಭಿಧಮ್ಮಪಿಟಕೇ

    Abhidhammapiṭake

    ಯಮಕಪಾಳಿ (ದುತಿಯೋ ಭಾಗೋ)

    Yamakapāḷi (dutiyo bhāgo)

    ೬. ಸಙ್ಖಾರಯಮಕಂ

    6. Saṅkhārayamakaṃ

    ೧. ಪಣ್ಣತ್ತಿವಾರೋ

    1. Paṇṇattivāro

    (ಕ) ಉದ್ದೇಸೋ

    (Ka) uddeso

    ೧. ತಯೋ ಸಙ್ಖಾರಾ – ಕಾಯಸಙ್ಖಾರೋ, ವಚೀಸಙ್ಖಾರೋ, ಚಿತ್ತಸಙ್ಖಾರೋತಿ। ಅಸ್ಸಾಸಪಸ್ಸಾಸಾ ಕಾಯಸಙ್ಖಾರೋ, ವಿತಕ್ಕವಿಚಾರಾ ವಚೀಸಙ್ಖಾರೋ, ಸಞ್ಞಾ ಚ ವೇದನಾ ಚ ಚಿತ್ತಸಙ್ಖಾರೋ। ಠಪೇತ್ವಾ ವಿತಕ್ಕವಿಚಾರೇ ಸಬ್ಬೇಪಿ ಚಿತ್ತಸಮ್ಪಯುತ್ತಕಾ ಧಮ್ಮಾ ಚಿತ್ತಸಙ್ಖಾರೋ।

    1. Tayo saṅkhārā – kāyasaṅkhāro, vacīsaṅkhāro, cittasaṅkhāroti. Assāsapassāsā kāyasaṅkhāro, vitakkavicārā vacīsaṅkhāro, saññā ca vedanā ca cittasaṅkhāro. Ṭhapetvā vitakkavicāre sabbepi cittasampayuttakā dhammā cittasaṅkhāro.

    ೧. ಪದಸೋಧನವಾರೋ

    1. Padasodhanavāro

    (ಕ) ಅನುಲೋಮಂ

    (Ka) anulomaṃ

    ೨. (ಕ) ಕಾಯೋ ಕಾಯಸಙ್ಖಾರೋ?

    2. (Ka) kāyo kāyasaṅkhāro?

    (ಖ) ಕಾಯಸಙ್ಖಾರೋ ಕಾಯೋ?

    (Kha) kāyasaṅkhāro kāyo?

    (ಕ) ವಚೀ ವಚೀಸಙ್ಖಾರೋ?

    (Ka) vacī vacīsaṅkhāro?

    (ಖ) ವಚೀಸಙ್ಖಾರೋ ವಚೀ?

    (Kha) vacīsaṅkhāro vacī?

    (ಕ) ಚಿತ್ತಂ ಚಿತ್ತಸಙ್ಖಾರೋ?

    (Ka) cittaṃ cittasaṅkhāro?

    (ಖ) ಚಿತ್ತಸಙ್ಖಾರೋ ಚಿತ್ತಂ?

    (Kha) cittasaṅkhāro cittaṃ?

    (ಖ) ಪಚ್ಚನೀಕಂ

    (Kha) paccanīkaṃ

    ೩. (ಕ) ನ ಕಾಯೋ ನ ಕಾಯಸಙ್ಖಾರೋ?

    3. (Ka) na kāyo na kāyasaṅkhāro?

    (ಖ) ನ ಕಾಯಸಙ್ಖಾರೋ ನ ಕಾಯೋ?

    (Kha) na kāyasaṅkhāro na kāyo?

    (ಕ) ನ ವಚೀ ನ ವಚೀಸಙ್ಖಾರೋ?

    (Ka) na vacī na vacīsaṅkhāro?

    (ಖ) ನ ವಚೀಸಙ್ಖಾರೋ ನ ವಚೀ?

    (Kha) na vacīsaṅkhāro na vacī?

    (ಕ) ನ ಚಿತ್ತಂ ನ ಚಿತ್ತಸಙ್ಖಾರೋ?

    (Ka) na cittaṃ na cittasaṅkhāro?

    (ಖ) ನ ಚಿತ್ತಸಙ್ಖಾರೋ ನ ಚಿತ್ತಂ?

    (Kha) na cittasaṅkhāro na cittaṃ?

    ೨. ಪದಸೋಧನಮೂಲಚಕ್ಕವಾರೋ

    2. Padasodhanamūlacakkavāro

    (ಕ) ಅನುಲೋಮಂ

    (Ka) anulomaṃ

    ೪. (ಕ) ಕಾಯೋ ಕಾಯಸಙ್ಖಾರೋ?

    4. (Ka) kāyo kāyasaṅkhāro?

    (ಖ) ಸಙ್ಖಾರಾ ವಚೀಸಙ್ಖಾರೋ?

    (Kha) saṅkhārā vacīsaṅkhāro?

    (ಕ) ಕಾಯೋ ಕಾಯಸಙ್ಖಾರೋ?

    (Ka) kāyo kāyasaṅkhāro?

    (ಖ) ಸಙ್ಖಾರಾ ಚಿತ್ತಸಙ್ಖಾರೋ?

    (Kha) saṅkhārā cittasaṅkhāro?

    (ಕ) ವಚೀ ವಚೀಸಙ್ಖಾರೋ?

    (Ka) vacī vacīsaṅkhāro?

    (ಖ) ಸಙ್ಖಾರಾ ಕಾಯಸಙ್ಖಾರೋ?

    (Kha) saṅkhārā kāyasaṅkhāro?

    (ಕ) ವಚೀ ವಚೀಸಙ್ಖಾರೋ?

    (Ka) vacī vacīsaṅkhāro?

    (ಖ) ಸಙ್ಖಾರಾ ಚಿತ್ತಸಙ್ಖಾರೋ?

    (Kha) saṅkhārā cittasaṅkhāro?

    (ಕ) ಚಿತ್ತಂ ಚಿತ್ತಸಙ್ಖಾರೋ?

    (Ka) cittaṃ cittasaṅkhāro?

    (ಖ) ಸಙ್ಖಾರಾ ಕಾಯಸಙ್ಖಾರೋ?

    (Kha) saṅkhārā kāyasaṅkhāro?

    (ಕ) ಚಿತ್ತಂ ಚಿತ್ತಸಙ್ಖಾರೋ?

    (Ka) cittaṃ cittasaṅkhāro?

    (ಖ) ಸಙ್ಖಾರಾ ವಚೀಸಙ್ಖಾರೋ?

    (Kha) saṅkhārā vacīsaṅkhāro?

    (ಖ) ಪಚ್ಚನೀಕಂ

    (Kha) paccanīkaṃ

    ೫. (ಕ) ನ ಕಾಯೋ ನ ಕಾಯಸಙ್ಖಾರೋ?

    5. (Ka) na kāyo na kāyasaṅkhāro?

    (ಖ) ನ ಸಙ್ಖಾರಾ ನ ವಚೀಸಙ್ಖಾರೋ?

    (Kha) na saṅkhārā na vacīsaṅkhāro?

    (ಕ) ನ ಕಾಯೋ ನ ಕಾಯಸಙ್ಖಾರೋ?

    (Ka) na kāyo na kāyasaṅkhāro?

    (ಖ) ನ ಸಙ್ಖಾರಾ ನ ಚಿತ್ತಸಙ್ಖಾರೋ?

    (Kha) na saṅkhārā na cittasaṅkhāro?

    (ಕ) ನ ವಚೀ ನ ವಚೀಸಙ್ಖಾರೋ?

    (Ka) na vacī na vacīsaṅkhāro?

    (ಖ) ನ ಸಙ್ಖಾರಾ ನ ಕಾಯಸಙ್ಖಾರೋ?

    (Kha) na saṅkhārā na kāyasaṅkhāro?

    (ಕ) ನ ವಚೀ ನ ವಚೀಸಙ್ಖಾರೋ?

    (Ka) na vacī na vacīsaṅkhāro?

    (ಖ) ನ ಸಙ್ಖಾರಾ ನ ಚಿತ್ತಸಙ್ಖಾರೋ?

    (Kha) na saṅkhārā na cittasaṅkhāro?

    (ಕ) ನ ಚಿತ್ತಂ ನ ಚಿತ್ತಸಙ್ಖಾರೋ?

    (Ka) na cittaṃ na cittasaṅkhāro?

    (ಖ) ನ ಸಙ್ಖಾರಾ ನ ಕಾಯಸಙ್ಖಾರೋ?

    (Kha) na saṅkhārā na kāyasaṅkhāro?

    (ಕ) ನ ಚಿತ್ತಂ ನ ಚಿತ್ತಸಙ್ಖಾರೋ?

    (Ka) na cittaṃ na cittasaṅkhāro?

    (ಖ) ನ ಸಙ್ಖಾರಾ ನ ವಚೀಸಙ್ಖಾರೋ?

    (Kha) na saṅkhārā na vacīsaṅkhāro?

    ೩. ಸುದ್ಧಸಙ್ಖಾರವಾರೋ

    3. Suddhasaṅkhāravāro

    (ಕ) ಅನುಲೋಮಂ

    (Ka) anulomaṃ

    ೬. (ಕ) ಕಾಯಸಙ್ಖಾರೋ ವಚೀಸಙ್ಖಾರೋ?

    6. (Ka) kāyasaṅkhāro vacīsaṅkhāro?

    (ಖ) ವಚೀಸಙ್ಖಾರೋ ಕಾಯಸಙ್ಖಾರೋ?

    (Kha) vacīsaṅkhāro kāyasaṅkhāro?

    (ಕ) ಕಾಯಸಙ್ಖಾರೋ ಚಿತ್ತಸಙ್ಖಾರೋ?

    (Ka) kāyasaṅkhāro cittasaṅkhāro?

    (ಖ) ಚಿತ್ತಸಙ್ಖಾರೋ ಕಾಯಸಙ್ಖಾರೋ?

    (Kha) cittasaṅkhāro kāyasaṅkhāro?

    (ಕ) ವಚೀಸಙ್ಖಾರೋ ಚಿತ್ತಸಙ್ಖಾರೋ?

    (Ka) vacīsaṅkhāro cittasaṅkhāro?

    (ಖ) ಚಿತ್ತಸಙ್ಖಾರೋ ವಚೀಸಙ್ಖಾರೋ?

    (Kha) cittasaṅkhāro vacīsaṅkhāro?

    (ಖ) ಪಚ್ಚನೀಕಂ

    (Kha) paccanīkaṃ

    ೭. (ಕ) ನ ಕಾಯಸಙ್ಖಾರೋ ನ ವಚೀಸಙ್ಖಾರೋ?

    7. (Ka) na kāyasaṅkhāro na vacīsaṅkhāro?

    (ಖ) ನ ವಚೀಸಙ್ಖಾರೋ ನ ಕಾಯಸಙ್ಖಾರೋ?

    (Kha) na vacīsaṅkhāro na kāyasaṅkhāro?

    (ಕ) ನ ಕಾಯಸಙ್ಖಾರೋ ನ ಚಿತ್ತಸಙ್ಖಾರೋ?

    (Ka) na kāyasaṅkhāro na cittasaṅkhāro?

    (ಖ) ನ ಚಿತ್ತಸಙ್ಖಾರೋ ನ ಕಾಯಸಙ್ಖಾರೋ?

    (Kha) na cittasaṅkhāro na kāyasaṅkhāro?

    (ಕ) ನ ವಚೀಸಙ್ಖಾರೋ ನ ಚಿತ್ತಸಙ್ಖಾರೋ?

    (Ka) na vacīsaṅkhāro na cittasaṅkhāro?

    (ಖ) ನ ಚಿತ್ತಸಙ್ಖಾರೋ ನ ವಚೀಸಙ್ಖಾರೋ?

    (Kha) na cittasaṅkhāro na vacīsaṅkhāro?

    ಪಣ್ಣತ್ತಿಉದ್ದೇಸವಾರೋ।

    Paṇṇattiuddesavāro.

    ಪಣ್ಣತ್ತಿವಾರೋ।

    Paṇṇattivāro.

    (ಖ) ನಿದ್ದೇಸೋ

    (Kha) niddeso

    ೧. ಪದಸೋಧನವಾರೋ

    1. Padasodhanavāro

    (ಕ) ಅನುಲೋಮಂ

    (Ka) anulomaṃ

    ೮. (ಕ) ಕಾಯೋ ಕಾಯಸಙ್ಖಾರೋತಿ? ನೋ।

    8. (Ka) kāyo kāyasaṅkhāroti? No.

    (ಖ) ಕಾಯಸಙ್ಖಾರೋ ಕಾಯೋತಿ? ನೋ।

    (Kha) kāyasaṅkhāro kāyoti? No.

    (ಕ) ವಚೀ ವಚೀಸಙ್ಖಾರೋತಿ? ನೋ।

    (Ka) vacī vacīsaṅkhāroti? No.

    (ಖ) ವಚೀಸಙ್ಖಾರೋ ವಚೀತಿ? ನೋ।

    (Kha) vacīsaṅkhāro vacīti? No.

    (ಕ) ಚಿತ್ತಂ ಚಿತ್ತಸಙ್ಖಾರೋತಿ? ನೋ।

    (Ka) cittaṃ cittasaṅkhāroti? No.

    (ಖ) ಚಿತ್ತಸಙ್ಖಾರೋ ಚಿತ್ತನ್ತಿ? ನೋ।

    (Kha) cittasaṅkhāro cittanti? No.

    (ಖ) ಪಚ್ಚನೀಕಂ

    (Kha) paccanīkaṃ

    ೯. (ಕ) ನ ಕಾಯೋ ನ ಕಾಯಸಙ್ಖಾರೋತಿ?

    9. (Ka) na kāyo na kāyasaṅkhāroti?

    ಕಾಯಸಙ್ಖಾರೋ ನ ಕಾಯೋ, ಕಾಯಸಙ್ಖಾರೋ। ಕಾಯಞ್ಚ ಕಾಯಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಕಾಯೋ ನ ಚ ಕಾಯಸಙ್ಖಾರೋ।

    Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (ಖ) ನ ಕಾಯಸಙ್ಖಾರೋ ನ ಕಾಯೋತಿ?

    (Kha) na kāyasaṅkhāro na kāyoti?

    ಕಾಯೋ ನ ಕಾಯಸಙ್ಖಾರೋ, ಕಾಯೋ। ಕಾಯಞ್ಚ ಕಾಯಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಕಾಯೋ ನ ಚ ಕಾಯಸಙ್ಖಾರೋ।

    Kāyo na kāyasaṅkhāro, kāyo. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (ಕ) ನ ವಚೀ ನ ವಚೀಸಙ್ಖಾರೋತಿ?

    (Ka) na vacī na vacīsaṅkhāroti?

    ವಚೀಸಙ್ಖಾರೋ ನ ವಚೀ, ವಚೀಸಙ್ಖಾರೋ। ವಚಿಞ್ಚ ವಚೀಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ವಚೀ ನ ಚ ವಚೀಸಙ್ಖಾರೋ।

    Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (ಖ) ನ ವಚೀಸಙ್ಖಾರೋ ನ ವಚೀತಿ?

    (Kha) na vacīsaṅkhāro na vacīti?

    ವಚೀ ನ ವಚೀಸಙ್ಖಾರೋ, ವಚೀ। ವಚಿಞ್ಚ ವಚೀಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ವಚೀ ನ ಚ ವಚೀಸಙ್ಖಾರೋ।

    Vacī na vacīsaṅkhāro, vacī. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (ಕ) ನ ಚಿತ್ತಂ ನ ಚಿತ್ತಸಙ್ಖಾರೋತಿ?

    (Ka) na cittaṃ na cittasaṅkhāroti?

    ಚಿತ್ತಸಙ್ಖಾರೋ ನ ಚಿತ್ತಂ, ಚಿತ್ತಸಙ್ಖಾರೋ। ಚಿತ್ತಞ್ಚ ಚಿತ್ತಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಿತ್ತಂ ನ ಚ ಚಿತ್ತಸಙ್ಖಾರೋ।

    Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    (ಖ) ನ ಚಿತ್ತಸಙ್ಖಾರೋ ನ ಚಿತ್ತನ್ತಿ?

    (Kha) na cittasaṅkhāro na cittanti?

    ಚಿತ್ತಂ ನ ಚಿತ್ತಸಙ್ಖಾರೋ, ಚಿತ್ತಂ। ಚಿತ್ತಞ್ಚ ಚಿತ್ತಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಿತ್ತಂ ನ ಚ ಚಿತ್ತಸಙ್ಖಾರೋ।

    Cittaṃ na cittasaṅkhāro, cittaṃ. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    ೨. ಪದಸೋಧನಮೂಲಚಕ್ಕವಾರೋ

    2. Padasodhanamūlacakkavāro

    (ಕ) ಅನುಲೋಮಂ

    (Ka) anulomaṃ

    ೧೦. (ಕ) ಕಾಯೋ ಕಾಯಸಙ್ಖಾರೋತಿ? ನೋ।

    10. (Ka) kāyo kāyasaṅkhāroti? No.

    (ಖ) ಸಙ್ಖಾರಾ ವಚೀಸಙ್ಖಾರೋತಿ?

    (Kha) saṅkhārā vacīsaṅkhāroti?

    ವಚೀಸಙ್ಖಾರೋ ಸಙ್ಖಾರೋ ಚೇವ ವಚೀಸಙ್ಖಾರೋ ಚ। ಅವಸೇಸಾ ಸಙ್ಖಾರಾ 1 ನ ವಚೀಸಙ್ಖಾರೋ।

    Vacīsaṅkhāro saṅkhāro ceva vacīsaṅkhāro ca. Avasesā saṅkhārā 2 na vacīsaṅkhāro.

    (ಕ) ಕಾಯೋ ಕಾಯಸಙ್ಖಾರೋತಿ? ನೋ।

    (Ka) kāyo kāyasaṅkhāroti? No.

    (ಖ) ಸಙ್ಖಾರಾ ಚಿತ್ತಸಙ್ಖಾರೋತಿ?

    (Kha) saṅkhārā cittasaṅkhāroti?

    ಚಿತ್ತಸಙ್ಖಾರೋ ಸಙ್ಖಾರೋ ಚೇವ ಚಿತ್ತಸಙ್ಖಾರೋ ಚ। ಅವಸೇಸಾ ಸಙ್ಖಾರಾ ನ ಚಿತ್ತಸಙ್ಖಾರೋ।

    Cittasaṅkhāro saṅkhāro ceva cittasaṅkhāro ca. Avasesā saṅkhārā na cittasaṅkhāro.

    ೧೧. (ಕ) ವಚೀ ವಚೀಸಙ್ಖಾರೋತಿ? ನೋ।

    11. (Ka) vacī vacīsaṅkhāroti? No.

    (ಖ) ಸಙ್ಖಾರಾ ಕಾಯಸಙ್ಖಾರೋತಿ?

    (Kha) saṅkhārā kāyasaṅkhāroti?

    ಕಾಯಸಙ್ಖಾರೋ ಸಙ್ಖಾರೋ ಚೇವ ಕಾಯಸಙ್ಖಾರೋ ಚ। ಅವಸೇಸಾ ಸಙ್ಖಾರಾ ನ ಕಾಯಸಙ್ಖಾರೋ।

    Kāyasaṅkhāro saṅkhāro ceva kāyasaṅkhāro ca. Avasesā saṅkhārā na kāyasaṅkhāro.

    (ಕ) ವಚೀ ವಚೀಸಙ್ಖಾರೋತಿ? ನೋ।

    (Ka) vacī vacīsaṅkhāroti? No.

    (ಖ) ಸಙ್ಖಾರಾ ಚಿತ್ತಸಙ್ಖಾರೋತಿ?

    (Kha) saṅkhārā cittasaṅkhāroti?

    ಚಿತ್ತಸಙ್ಖಾರೋ ಸಙ್ಖಾರೋ ಚೇವ ಚಿತ್ತಸಙ್ಖಾರೋ ಚ। ಅವಸೇಸಾ ಸಙ್ಖಾರಾ ನ ಚಿತ್ತಸಙ್ಖಾರೋ।

    Cittasaṅkhāro saṅkhāro ceva cittasaṅkhāro ca. Avasesā saṅkhārā na cittasaṅkhāro.

    ೧೨. (ಕ) ಚಿತ್ತಂ ಚಿತ್ತಸಙ್ಖಾರೋತಿ? ನೋ।

    12. (Ka) cittaṃ cittasaṅkhāroti? No.

    (ಖ) ಸಙ್ಖಾರಾ ಕಾಯಸಙ್ಖಾರೋತಿ?

    (Kha) saṅkhārā kāyasaṅkhāroti?

    ಕಾಯಸಙ್ಖಾರೋ ಸಙ್ಖಾರೋ ಚೇವ ಕಾಯಸಙ್ಖಾರೋ ಚ। ಅವಸೇಸಾ ಸಙ್ಖಾರಾ ನ ಕಾಯಸಙ್ಖಾರೋ।

    Kāyasaṅkhāro saṅkhāro ceva kāyasaṅkhāro ca. Avasesā saṅkhārā na kāyasaṅkhāro.

    (ಕ) ಚಿತ್ತಂ ಚಿತ್ತಸಙ್ಖಾರೋತಿ? ನೋ।

    (Ka) cittaṃ cittasaṅkhāroti? No.

    (ಖ) ಸಙ್ಖಾರಾ ವಚೀಸಙ್ಖಾರೋತಿ?

    (Kha) saṅkhārā vacīsaṅkhāroti?

    ವಚೀಸಙ್ಖಾರೋ ಸಙ್ಖಾರೋ ಚೇವ ವಚೀಸಙ್ಖಾರೋ ಚ। ಅವಸೇಸಾ ಸಙ್ಖಾರಾ ನ ವಚೀಸಙ್ಖಾರೋ।

    Vacīsaṅkhāro saṅkhāro ceva vacīsaṅkhāro ca. Avasesā saṅkhārā na vacīsaṅkhāro.

    (ಖ) ಪಚ್ಚನೀಕಂ

    (Kha) paccanīkaṃ

    ೧೩. (ಕ) ನ ಕಾಯೋ ನ ಕಾಯಸಙ್ಖಾರೋತಿ?

    13. (Ka) na kāyo na kāyasaṅkhāroti?

    ಕಾಯಸಙ್ಖಾರೋ ನ ಕಾಯೋ, ಕಾಯಸಙ್ಖಾರೋ। ಕಾಯಞ್ಚ ಕಾಯಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಕಾಯೋ ನ ಚ ಕಾಯಸಙ್ಖಾರೋ।

    Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (ಖ) ನ ಸಙ್ಖಾರಾ ನ ವಚೀಸಙ್ಖಾರೋತಿ? ಆಮನ್ತಾ।

    (Kha) na saṅkhārā na vacīsaṅkhāroti? Āmantā.

    (ಕ) ನ ಕಾಯೋ ನ ಕಾಯಸಙ್ಖಾರೋತಿ?

    (Ka) na kāyo na kāyasaṅkhāroti?

    ಕಾಯಸಙ್ಖಾರೋ ನ ಕಾಯೋ, ಕಾಯಸಙ್ಖಾರೋ। ಕಾಯಞ್ಚ ಕಾಯಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಕಾಯೋ ನ ಚ ಕಾಯಸಙ್ಖಾರೋ।

    Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (ಖ) ನ ಸಙ್ಖಾರಾ ನ ಚಿತ್ತಸಙ್ಖಾರೋತಿ? ಆಮನ್ತಾ।

    (Kha) na saṅkhārā na cittasaṅkhāroti? Āmantā.

    ೧೪. (ಕ) ನ ವಚೀ ನ ವಚೀಸಙ್ಖಾರೋತಿ?

    14. (Ka) na vacī na vacīsaṅkhāroti?

    ವಚೀಸಙ್ಖಾರೋ ನ ವಚೀ, ವಚೀಸಙ್ಖಾರೋ। ವಚಿಞ್ಚ ವಚೀಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ವಚೀ ನ ಚ ವಚೀಸಙ್ಖಾರೋ।

    Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (ಖ) ನ ಸಙ್ಖಾರಾ ನ ಕಾಯಸಙ್ಖಾರೋತಿ? ಆಮನ್ತಾ।

    (Kha) na saṅkhārā na kāyasaṅkhāroti? Āmantā.

    (ಕ) ನ ವಚೀ ನ ವಚೀಸಙ್ಖಾರೋತಿ?

    (Ka) na vacī na vacīsaṅkhāroti?

    ವಚೀಸಙ್ಖಾರೋ ನ ವಚೀ, ವಚೀಸಙ್ಖಾರೋ। ವಚಿಞ್ಚ ವಚೀಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ವಚೀ ನ ಚ ವಚೀಸಙ್ಖಾರೋ।

    Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (ಖ) ನ ಸಙ್ಖಾರಾ ನ ಚಿತ್ತಸಙ್ಖಾರೋತಿ? ಆಮನ್ತಾ।

    (Kha) na saṅkhārā na cittasaṅkhāroti? Āmantā.

    ೧೫. (ಕ) ನ ಚಿತ್ತಂ ನ ಚಿತ್ತಸಙ್ಖಾರೋತಿ?

    15. (Ka) na cittaṃ na cittasaṅkhāroti?

    ಚಿತ್ತಸಙ್ಖಾರೋ ನ ಚಿತ್ತಂ, ಚಿತ್ತಸಙ್ಖಾರೋ। ಚಿತ್ತಞ್ಚ ಚಿತ್ತಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಿತ್ತಂ ನ ಚ ಚಿತ್ತಸಙ್ಖಾರೋ।

    Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    (ಖ) ನ ಸಙ್ಖಾರಾ ನ ಕಾಯಸಙ್ಖಾರೋತಿ? ಆಮನ್ತಾ।

    (Kha) na saṅkhārā na kāyasaṅkhāroti? Āmantā.

    (ಕ) ನ ಚಿತ್ತಂ ನ ಚಿತ್ತಸಙ್ಖಾರೋತಿ?

    (Ka) na cittaṃ na cittasaṅkhāroti?

    ಚಿತ್ತಸಙ್ಖಾರೋ ನ ಚಿತ್ತಂ, ಚಿತ್ತಸಙ್ಖಾರೋ। ಚಿತ್ತಞ್ಚ ಚಿತ್ತಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಿತ್ತಂ ನ ಚ ಚಿತ್ತಸಙ್ಖಾರೋ।

    Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    (ಖ) ನ ಸಙ್ಖಾರಾ ನ ವಚೀಸಙ್ಖಾರೋತಿ? ಆಮನ್ತಾ।

    (Kha) na saṅkhārā na vacīsaṅkhāroti? Āmantā.

    ೩. ಸುದ್ಧಸಙ್ಖಾರವಾರೋ

    3. Suddhasaṅkhāravāro

    (ಕ) ಅನುಲೋಮಂ

    (Ka) anulomaṃ

    ೧೬. (ಕ) ಕಾಯಸಙ್ಖಾರೋ ವಚೀಸಙ್ಖಾರೋತಿ? ನೋ।

    16. (Ka) kāyasaṅkhāro vacīsaṅkhāroti? No.

    (ಖ) ವಚೀಸಙ್ಖಾರೋ ಕಾಯಸಙ್ಖಾರೋತಿ? ನೋ।

    (Kha) vacīsaṅkhāro kāyasaṅkhāroti? No.

    (ಕ) ಕಾಯಸಙ್ಖಾರೋ ಚಿತ್ತಸಙ್ಖಾರೋತಿ? ನೋ।

    (Ka) kāyasaṅkhāro cittasaṅkhāroti? No.

    (ಖ) ಚಿತ್ತಸಙ್ಖಾರೋ ಕಾಯಸಙ್ಖಾರೋತಿ? ನೋ।

    (Kha) cittasaṅkhāro kāyasaṅkhāroti? No.

    (ಕ) ವಚೀಸಙ್ಖಾರೋ ಚಿತ್ತಸಙ್ಖಾರೋತಿ? ನೋ।

    (Ka) vacīsaṅkhāro cittasaṅkhāroti? No.

    (ಖ) ಚಿತ್ತಸಙ್ಖಾರೋ ವಚೀಸಙ್ಖಾರೋತಿ? ನೋ।

    (Kha) cittasaṅkhāro vacīsaṅkhāroti? No.

    (ಖ) ಪಚ್ಚನೀಕಂ

    (Kha) paccanīkaṃ

    ೧೭. (ಕ) ನ ಕಾಯಸಙ್ಖಾರೋ ನ ವಚೀಸಙ್ಖಾರೋತಿ?

    17. (Ka) na kāyasaṅkhāro na vacīsaṅkhāroti?

    ವಚೀಸಙ್ಖಾರೋ ನ ಕಾಯಸಙ್ಖಾರೋ, ವಚೀಸಙ್ಖಾರೋ। ಕಾಯಸಙ್ಖಾರಞ್ಚ ವಚೀಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಕಾಯಸಙ್ಖಾರೋ ನ ಚ ವಚೀಸಙ್ಖಾರೋ।

    Vacīsaṅkhāro na kāyasaṅkhāro, vacīsaṅkhāro. Kāyasaṅkhārañca vacīsaṅkhārañca ṭhapetvā avasesā na ceva kāyasaṅkhāro na ca vacīsaṅkhāro.

    (ಖ) ನ ವಚೀಸಙ್ಖಾರೋ ನ ಕಾಯಸಙ್ಖಾರೋತಿ?

    (Kha) na vacīsaṅkhāro na kāyasaṅkhāroti?

    ಕಾಯಸಙ್ಖಾರೋ ನ ವಚೀಸಙ್ಖಾರೋ, ಕಾಯಸಙ್ಖಾರೋ। ವಚೀಸಙ್ಖಾರಞ್ಚ ಕಾಯಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ವಚೀಸಙ್ಖಾರೋ ನ ಚ ಕಾಯಸಙ್ಖಾರೋ।

    Kāyasaṅkhāro na vacīsaṅkhāro, kāyasaṅkhāro. Vacīsaṅkhārañca kāyasaṅkhārañca ṭhapetvā avasesā na ceva vacīsaṅkhāro na ca kāyasaṅkhāro.

    (ಕ) ನ ಕಾಯಸಙ್ಖಾರೋ ನ ಚಿತ್ತಸಙ್ಖಾರೋತಿ?

    (Ka) na kāyasaṅkhāro na cittasaṅkhāroti?

    ಚಿತ್ತಸಙ್ಖಾರೋ ನ ಕಾಯಸಙ್ಖಾರೋ, ಚಿತ್ತಸಙ್ಖಾರೋ। ಕಾಯಸಙ್ಖಾರಞ್ಚ ಚಿತ್ತಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಕಾಯಸಙ್ಖಾರೋ ನ ಚ ಚಿತ್ತಸಙ್ಖಾರೋ।

    Cittasaṅkhāro na kāyasaṅkhāro, cittasaṅkhāro. Kāyasaṅkhārañca cittasaṅkhārañca ṭhapetvā avasesā na ceva kāyasaṅkhāro na ca cittasaṅkhāro.

    (ಖ) ನ ಚಿತ್ತಸಙ್ಖಾರೋ ನ ಕಾಯಸಙ್ಖಾರೋತಿ?

    (Kha) na cittasaṅkhāro na kāyasaṅkhāroti?

    ಕಾಯಸಙ್ಖಾರೋ ನ ಚಿತ್ತಸಙ್ಖಾರೋ, ಕಾಯಸಙ್ಖಾರೋ। ಚಿತ್ತಸಙ್ಖಾರಞ್ಚ ಕಾಯಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಿತ್ತಸಙ್ಖಾರೋ ನ ಚ ಕಾಯಸಙ್ಖಾರೋ।

    Kāyasaṅkhāro na cittasaṅkhāro, kāyasaṅkhāro. Cittasaṅkhārañca kāyasaṅkhārañca ṭhapetvā avasesā na ceva cittasaṅkhāro na ca kāyasaṅkhāro.

    ೧೮. (ಕ) ನ ವಚೀಸಙ್ಖಾರೋ ನ ಚಿತ್ತಸಙ್ಖಾರೋತಿ?

    18. (Ka) na vacīsaṅkhāro na cittasaṅkhāroti?

    ಚಿತ್ತಸಙ್ಖಾರೋ ನ ವಚೀಸಙ್ಖಾರೋ, ಚಿತ್ತಸಙ್ಖಾರೋ। ವಚೀಸಙ್ಖಾರಞ್ಚ ಚಿತ್ತಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ವಚೀಸಙ್ಖಾರೋ ನ ಚ ಚಿತ್ತಸಙ್ಖಾರೋ।

    Cittasaṅkhāro na vacīsaṅkhāro, cittasaṅkhāro. Vacīsaṅkhārañca cittasaṅkhārañca ṭhapetvā avasesā na ceva vacīsaṅkhāro na ca cittasaṅkhāro.

    (ಖ) ನ ಚಿತ್ತಸಙ್ಖಾರೋ ನ ವಚೀಸಙ್ಖಾರೋತಿ?

    (Kha) na cittasaṅkhāro na vacīsaṅkhāroti?

    ವಚೀಸಙ್ಖಾರೋ ನ ಚಿತ್ತಸಙ್ಖಾರೋ, ವಚೀಸಙ್ಖಾರೋ। ಚಿತ್ತಸಙ್ಖಾರಞ್ಚ ವಚೀಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಿತ್ತಸಙ್ಖಾರೋ ನ ಚ ವಚೀಸಙ್ಖಾರೋ।

    Vacīsaṅkhāro na cittasaṅkhāro, vacīsaṅkhāro. Cittasaṅkhārañca vacīsaṅkhārañca ṭhapetvā avasesā na ceva cittasaṅkhāro na ca vacīsaṅkhāro.

    ಪಣ್ಣತ್ತಿನಿದ್ದೇಸವಾರೋ।

    Paṇṇattiniddesavāro.

    ೨. ಪವತ್ತಿವಾರೋ ೧. ಉಪ್ಪಾದವಾರೋ

    2. Pavattivāro 1. uppādavāro

    (೧) ಪಚ್ಚುಪ್ಪನ್ನವಾರೋ

    (1) Paccuppannavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೧೯. (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ಉಪ್ಪಜ್ಜತೀತಿ?

    19. (Ka) yassa kāyasaṅkhāro uppajjati tassa vacīsaṅkhāro uppajjatīti?

    ವಿನಾ ವಿತಕ್ಕವಿಚಾರೇಹಿ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ಕಾಯಸಙ್ಖಾರೋ ಉಪ್ಪಜ್ಜತಿ, ನೋ ಚ ತೇಸಂ ವಚೀಸಙ್ಖಾರೋ ಉಪ್ಪಜ್ಜತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ಕಾಯಸಙ್ಖಾರೋ ಚ ಉಪ್ಪಜ್ಜತಿ ವಚೀಸಙ್ಖಾರೋ ಚ ಉಪ್ಪಜ್ಜತಿ।

    Vinā vitakkavicārehi assāsapassāsānaṃ uppādakkhaṇe tesaṃ kāyasaṅkhāro uppajjati, no ca tesaṃ vacīsaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ kāyasaṅkhāro ca uppajjati vacīsaṅkhāro ca uppajjati.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ಉಪ್ಪಜ್ಜತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana vacīsaṅkhāro uppajjati tassa kāyasaṅkhāro uppajjatīti?

    ವಿನಾ ಅಸ್ಸಾಸಪಸ್ಸಾಸೇಹಿ ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ವಚೀಸಙ್ಖಾರೋ ಉಪ್ಪಜ್ಜತಿ, ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ವಚೀಸಙ್ಖಾರೋ ಚ ಉಪ್ಪಜ್ಜತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Vinā assāsapassāsehi vitakkavicārānaṃ uppādakkhaṇe tesaṃ vacīsaṅkhāro uppajjati, no ca tesaṃ kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ vacīsaṅkhāro ca uppajjati kāyasaṅkhāro ca uppajjati.

    (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜತೀತಿ? ಆಮನ್ತಾ।

    (Ka) yassa kāyasaṅkhāro uppajjati tassa cittasaṅkhāro uppajjatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ಉಪ್ಪಜ್ಜತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana cittasaṅkhāro uppajjati tassa kāyasaṅkhāro uppajjatīti?

    ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ಉಪ್ಪಜ್ಜತಿ, ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜತಿ। ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ಉಪ್ಪಜ್ಜತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Vinā assāsapassāsehi cittassa uppādakkhaṇe tesaṃ cittasaṅkhāro uppajjati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjati kāyasaṅkhāro ca uppajjati.

    ೨೦. (ಕ) ಯಸ್ಸ ವಚೀಸಙ್ಖಾರೋ ಉಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜತೀತಿ? ಆಮನ್ತಾ।

    20. (Ka) yassa vacīsaṅkhāro uppajjati tassa cittasaṅkhāro uppajjatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ಉಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana cittasaṅkhāro uppajjati tassa vacīsaṅkhāro uppajjatīti?

    ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ಉಪ್ಪಜ್ಜತಿ, ನೋ ಚ ತೇಸಂ ವಚೀಸಙ್ಖಾರೋ ಉಪ್ಪಜ್ಜತಿ। ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ಉಪ್ಪಜ್ಜತಿ ವಚೀಸಙ್ಖಾರೋ ಚ ಉಪ್ಪಜ್ಜತಿ।

    Vinā vitakkavicārehi cittassa uppādakkhaṇe tesaṃ cittasaṅkhāro uppajjati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjati vacīsaṅkhāro ca uppajjati.

    (ಖ) ಅನುಲೋಮಓಕಾಸೋ

    (Kha) anulomaokāso

    ೨೧. (ಕ) ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ ತತ್ಥ ವಚೀಸಙ್ಖಾರೋ ಉಪ್ಪಜ್ಜತೀತಿ?

    21. (Ka) yattha kāyasaṅkhāro uppajjati tattha vacīsaṅkhāro uppajjatīti?

    ದುತಿಯಜ್ಝಾನೇ ತತಿಯಜ್ಝಾನೇ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ, ನೋ ಚ ತತ್ಥ ವಚೀಸಙ್ಖಾರೋ ಉಪ್ಪಜ್ಜತಿ। ಪಠಮಜ್ಝಾನೇ ಕಾಮಾವಚರೇ ತತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜತಿ ವಚೀಸಙ್ಖಾರೋ ಚ ಉಪ್ಪಜ್ಜತಿ।

    Dutiyajjhāne tatiyajjhāne tattha kāyasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare tattha kāyasaṅkhāro ca uppajjati vacīsaṅkhāro ca uppajjati.

    (ಖ) ಯತ್ಥ ವಾ ಪನ ವಚೀಸಙ್ಖಾರೋ ಉಪ್ಪಜ್ಜತಿ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yattha vā pana vacīsaṅkhāro uppajjati tattha kāyasaṅkhāro uppajjatīti?

    ರೂಪಾವಚರೇ ಅರೂಪಾವಚರೇ ತತ್ಥ ವಚೀಸಙ್ಖಾರೋ ಉಪ್ಪಜ್ಜತಿ, ನೋ ಚ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ। ಪಠಮಜ್ಝಾನೇ ಕಾಮಾವಚರೇ ತತ್ಥ ವಚೀಸಙ್ಖಾರೋ ಚ ಉಪ್ಪಜ್ಜತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Rūpāvacare arūpāvacare tattha vacīsaṅkhāro uppajjati, no ca tattha kāyasaṅkhāro uppajjati. Paṭhamajjhāne kāmāvacare tattha vacīsaṅkhāro ca uppajjati kāyasaṅkhāro ca uppajjati.

    (ಕ) ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜತೀತಿ? ಆಮನ್ತಾ।

    (Ka) yattha kāyasaṅkhāro uppajjati tattha cittasaṅkhāro uppajjatīti? Āmantā.

    (ಖ) ಯತ್ಥ ವಾ ಪನ ಚಿತ್ತಸಙ್ಖಾರೋ ಉಪ್ಪಜ್ಜತಿ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yattha vā pana cittasaṅkhāro uppajjati tattha kāyasaṅkhāro uppajjatīti?

    ಚತುತ್ಥಜ್ಝಾನೇ ರೂಪಾವಚರೇ ಅರೂಪಾವಚರೇ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜತಿ, ನೋ ಚ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ। ಪಠಮಜ್ಝಾನೇ ದುತಿಯಜ್ಝಾನೇ ತತಿಯಜ್ಝಾನೇ ಕಾಮಾವಚರೇ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Catutthajjhāne rūpāvacare arūpāvacare tattha cittasaṅkhāro uppajjati, no ca tattha kāyasaṅkhāro uppajjati. Paṭhamajjhāne dutiyajjhāne tatiyajjhāne kāmāvacare tattha cittasaṅkhāro ca uppajjati kāyasaṅkhāro ca uppajjati.

    ೨೨. (ಕ) ಯತ್ಥ ವಚೀಸಙ್ಖಾರೋ ಉಪ್ಪಜ್ಜತಿ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜತೀತಿ? ಆಮನ್ತಾ।

    22. (Ka) yattha vacīsaṅkhāro uppajjati tattha cittasaṅkhāro uppajjatīti? Āmantā.

    (ಖ) ಯತ್ಥ ವಾ ಪನ ಚಿತ್ತಸಙ್ಖಾರೋ ಉಪ್ಪಜ್ಜತಿ ತತ್ಥ ವಚೀಸಙ್ಖಾರೋ ಉಪ್ಪಜ್ಜತೀತಿ?

    (Kha) yattha vā pana cittasaṅkhāro uppajjati tattha vacīsaṅkhāro uppajjatīti?

    ದುತಿಯಜ್ಝಾನೇ ತತಿಯಜ್ಝಾನೇ ಚತುತ್ಥಜ್ಝಾನೇ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜತಿ, ನೋ ಚ ತತ್ಥ ವಚೀಸಙ್ಖಾರೋ ಉಪ್ಪಜ್ಜತಿ। ಪಠಮಜ್ಝಾನೇ ಕಾಮಾವಚರೇ ರೂಪಾವಚರೇ ಅರೂಪಾವಚರೇ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜತಿ ವಚೀಸಙ್ಖಾರೋ ಚ ಉಪ್ಪಜ್ಜತಿ।

    Dutiyajjhāne tatiyajjhāne catutthajjhāne tattha cittasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare rūpāvacare arūpāvacare tattha cittasaṅkhāro ca uppajjati vacīsaṅkhāro ca uppajjati.

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೨೩. ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ…ಪೇ॰…।

    23. Yassa yattha kāyasaṅkhāro uppajjati…pe….

    (ಯಸ್ಸಕಮ್ಪಿ ಯಸ್ಸಯತ್ಥಕಮ್ಪಿ ಸದಿಸಂ।)

    (Yassakampi yassayatthakampi sadisaṃ.)

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೨೪. (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ನುಪ್ಪಜ್ಜತೀತಿ?

    24. (Ka) yassa kāyasaṅkhāro nuppajjati tassa vacīsaṅkhāro nuppajjatīti?

    ವಿನಾ ಅಸ್ಸಾಸಪಸ್ಸಾಸೇಹಿ ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ವಚೀಸಙ್ಖಾರೋ ನುಪ್ಪಜ್ಜತಿ। ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಅವಿತಕ್ಕಅವಿಚಾರಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜತಿ ವಚೀಸಙ್ಖಾರೋ ಚ ನುಪ್ಪಜ್ಜತಿ।

    Vinā assāsapassāsehi vitakkavicārānaṃ uppādakkhaṇe tesaṃ kāyasaṅkhāro nuppajjati, no ca tesaṃ vacīsaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati vacīsaṅkhāro ca nuppajjati.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನುಪ್ಪಜ್ಜತಿ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜತೀತಿ?

    (Kha) yassa vā pana vacīsaṅkhāro nuppajjati tassa kāyasaṅkhāro nuppajjatīti?

    ವಿನಾ ವಿತಕ್ಕವಿಚಾರೇಹಿ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ವಚೀಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ಕಾಯಸಙ್ಖಾರೋ ನುಪ್ಪಜ್ಜತಿ। ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಅವಿತಕ್ಕಅವಿಚಾರಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ಚ ನುಪ್ಪಜ್ಜತಿ ಕಾಯಸಙ್ಖಾರೋ ಚ ನುಪ್ಪಜ್ಜತಿ।

    Vinā vitakkavicārehi assāsapassāsānaṃ uppādakkhaṇe tesaṃ vacīsaṅkhāro nuppajjati, no ca tesaṃ kāyasaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati kāyasaṅkhāro ca nuppajjati.

    (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜತೀತಿ?

    (Ka) yassa kāyasaṅkhāro nuppajjati tassa cittasaṅkhāro nuppajjatīti?

    ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನುಪ್ಪಜ್ಜತಿ। ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜತಿ।

    Vinā assāsapassāsehi cittassa uppādakkhaṇe tesaṃ kāyasaṅkhāro nuppajjati, no ca tesaṃ cittasaṅkhāro nuppajjati. Sabbesaṃ cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati cittasaṅkhāro ca nuppajjati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನುಪ್ಪಜ್ಜತಿ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜತೀತಿ? ಆಮನ್ತಾ।

    (Kha) yassa vā pana cittasaṅkhāro nuppajjati tassa kāyasaṅkhāro nuppajjatīti? Āmantā.

    ೨೫. (ಕ) ಯಸ್ಸ ವಚೀಸಙ್ಖಾರೋ ನುಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜತೀತಿ?

    25. (Ka) yassa vacīsaṅkhāro nuppajjati tassa cittasaṅkhāro nuppajjatīti?

    ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ವಚೀಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನುಪ್ಪಜ್ಜತಿ। ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜತಿ।

    Vinā vitakkavicārehi cittassa uppādakkhaṇe tesaṃ vacīsaṅkhāro nuppajjati, no ca tesaṃ cittasaṅkhāro nuppajjati. Sabbesaṃ cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati cittasaṅkhāro ca nuppajjati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನುಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ನುಪ್ಪಜ್ಜತೀತಿ? ಆಮನ್ತಾ।

    (Kha) yassa vā pana cittasaṅkhāro nuppajjati tassa vacīsaṅkhāro nuppajjatīti? Āmantā.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೨೬. (ಕ) ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ ತತ್ಥ ವಚೀಸಙ್ಖಾರೋ ನುಪ್ಪಜ್ಜತೀತಿ?

    26. (Ka) yattha kāyasaṅkhāro nuppajjati tattha vacīsaṅkhāro nuppajjatīti?

    ರೂಪಾವಚರೇ ಅರೂಪಾವಚರೇ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತತ್ಥ ವಚೀಸಙ್ಖಾರೋ ನುಪ್ಪಜ್ಜತಿ। ಚತುತ್ಥಜ್ಝಾನೇ ಅಸಞ್ಞಸತ್ತೇ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜತಿ ವಚೀಸಙ್ಖಾರೋ ಚ ನುಪ್ಪಜ್ಜತಿ।

    Rūpāvacare arūpāvacare tattha kāyasaṅkhāro nuppajjati, no ca tattha vacīsaṅkhāro nuppajjati. Catutthajjhāne asaññasatte tattha kāyasaṅkhāro ca nuppajjati vacīsaṅkhāro ca nuppajjati.

    (ಖ) ಯತ್ಥ ವಾ ಪನ ವಚೀಸಙ್ಖಾರೋ ನುಪ್ಪಜ್ಜತಿ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತೀತಿ?

    (Kha) yattha vā pana vacīsaṅkhāro nuppajjati tattha kāyasaṅkhāro nuppajjatīti?

    ದುತಿಯಜ್ಝಾನೇ ತತಿಯಜ್ಝಾನೇ ತತ್ಥ ವಚೀಸಙ್ಖಾರೋ ನುಪ್ಪಜ್ಜತಿ, ನೋ ಚ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ। ಚತುತ್ಥಜ್ಝಾನೇ ಅಸಞ್ಞಸತ್ತೇ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜತಿ ಕಾಯಸಙ್ಖಾರೋ ಚ ನುಪ್ಪಜ್ಜತಿ।

    Dutiyajjhāne tatiyajjhāne tattha vacīsaṅkhāro nuppajjati, no ca tattha kāyasaṅkhāro nuppajjati. Catutthajjhāne asaññasatte tattha vacīsaṅkhāro ca nuppajjati kāyasaṅkhāro ca nuppajjati.

    (ಕ) ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜತೀತಿ?

    (Ka) yattha kāyasaṅkhāro nuppajjati tattha cittasaṅkhāro nuppajjatīti?

    ಚತುತ್ಥಜ್ಝಾನೇ ರೂಪಾವಚರೇ ಅರೂಪಾವಚರೇ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜತಿ। ಅಸಞ್ಞಸತ್ತೇ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜತಿ।

    Catutthajjhāne rūpāvacare arūpāvacare tattha kāyasaṅkhāro nuppajjati, no ca tattha cittasaṅkhāro nuppajjati. Asaññasatte tattha kāyasaṅkhāro ca nuppajjati cittasaṅkhāro ca nuppajjati.

    (ಖ) ಯತ್ಥ ವಾ ಪನ…ಪೇ॰…? ಆಮನ್ತಾ।

    (Kha) yattha vā pana…pe…? Āmantā.

    ೨೭. (ಕ) ಯತ್ಥ ವಚೀಸಙ್ಖಾರೋ ನುಪ್ಪಜ್ಜತಿ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜತೀತಿ?

    27. (Ka) yattha vacīsaṅkhāro nuppajjati tattha cittasaṅkhāro nuppajjatīti?

    ದುತಿಯಜ್ಝಾನೇ ತತಿಯಜ್ಝಾನೇ ಚತುತ್ಥಜ್ಝಾನೇ ತತ್ಥ ವಚೀಸಙ್ಖಾರೋ ನುಪ್ಪಜ್ಜತಿ, ನೋ ಚ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜತಿ। ಅಸಞ್ಞಸತ್ತೇ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜತಿ।

    Dutiyajjhāne tatiyajjhāne catutthajjhāne tattha vacīsaṅkhāro nuppajjati, no ca tattha cittasaṅkhāro nuppajjati. Asaññasatte tattha vacīsaṅkhāro ca nuppajjati cittasaṅkhāro ca nuppajjati.

    (ಖ) ಯತ್ಥ ವಾ ಪನ…ಪೇ॰…? ಆಮನ್ತಾ।

    (Kha) yattha vā pana…pe…? Āmantā.

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೨೮. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ತತ್ಥ ವಚೀಸಙ್ಖಾರೋ ನುಪ್ಪಜ್ಜತೀತಿ?

    28. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjatīti?

    ವಿನಾ ಅಸ್ಸಾಸಪಸ್ಸಾಸೇಹಿ ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜತಿ। ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಅವಿತಕ್ಕಅವಿಚಾರಚಿತ್ತಸ್ಸ ಉಪ್ಪಾದಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜತಿ ವಚೀಸಙ್ಖಾರೋ ಚ ನುಪ್ಪಜ್ಜತಿ।

    Vinā assāsapassāsehi vitakkavicārānaṃ uppādakkhaṇe tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjati.

    (ಖ) ಯಸ್ಸ ವಾ ಪನ ಯತ್ಥ…ಪೇ॰…? ಆಮನ್ತಾ।

    (Kha) yassa vā pana yattha…pe…? Āmantā.

    (ಯಸ್ಸಕಮ್ಪಿ ಯಸ್ಸಯತ್ಥಕಮ್ಪಿ ಸದಿಸಂ ವಿತ್ಥಾರೇತಬ್ಬಂ, ಯಸ್ಸಯತ್ಥಕೇ ನಿರೋಧಸಮಾಪನ್ನಾನನ್ತಿ ನ ಲಬ್ಭತಿ।)

    (Yassakampi yassayatthakampi sadisaṃ vitthāretabbaṃ, yassayatthake nirodhasamāpannānanti na labbhati.)

    (೨) ಅತೀತವಾರೋ

    (2) Atītavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೨೯. (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ವಚೀಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    29. (Ka) yassa kāyasaṅkhāro uppajjittha tassa vacīsaṅkhāro uppajjitthāti? Āmantā.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    (Ka) yassa kāyasaṅkhāro uppajjittha tassa cittasaṅkhāro uppajjitthāti? Āmantā.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    ೩೦. (ಕ) ಯಸ್ಸ ವಚೀಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    30. (Ka) yassa vacīsaṅkhāro uppajjittha tassa cittasaṅkhāro uppajjitthāti? Āmantā.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಖ) ಅನುಲೋಮಓಕಾಸೋ

    (Kha) anulomaokāso

    ೩೧. ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ…ಪೇ॰…

    31. Yattha kāyasaṅkhāro uppajjittha…pe…

    (ಯತ್ಥಕಮ್ಪಿ ಸಬ್ಬತ್ಥ ಏಕಸದಿಸಂ)।

    (Yatthakampi sabbattha ekasadisaṃ).

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೩೨. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥಾತಿ?

    32. (Ka) yassa yattha kāyasaṅkhāro uppajjittha tassa tattha vacīsaṅkhāro uppajjitthāti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜಿತ್ಥ ವಚೀಸಙ್ಖಾರೋ ಚ ಉಪ್ಪಜ್ಜಿತ್ಥ।

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjittha, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjittha vacīsaṅkhāro ca uppajjittha.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥಾತಿ?

    (Kha) yassa vā pana yattha vacīsaṅkhāro uppajjittha tassa tattha kāyasaṅkhāro uppajjitthāti?

    ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ಉಪ್ಪಜ್ಜಿತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜಿತ್ಥ।

    Rūpāvacarānaṃ arūpāvacarānaṃ tesaṃ tattha vacīsaṅkhāro uppajjittha, no ca tesaṃ tattha kāyasaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca uppajjittha kāyasaṅkhāro ca uppajjittha.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    (Ka) yassa yattha kāyasaṅkhāro uppajjittha tassa tattha cittasaṅkhāro uppajjitthāti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥಾತಿ?

    (Kha) yassa vā pana yattha cittasaṅkhāro uppajjittha tassa tattha kāyasaṅkhāro uppajjitthāti?

    ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ। ಪಠಮಜ್ಝಾನಂ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜಿತ್ಥ।

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjittha, no ca tesaṃ tattha kāyasaṅkhāro uppajjittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca uppajjittha kāyasaṅkhāro ca uppajjittha.

    ೩೩. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    33. (Ka) yassa yattha vacīsaṅkhāro uppajjittha tassa tattha cittasaṅkhāro uppajjitthāti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥಾತಿ?

    (Kha) yassa vā pana yattha cittasaṅkhāro uppajjittha tassa tattha vacīsaṅkhāro uppajjitthāti?

    ದುತಿಯಜ್ಝಾನಂ ತತಿಯಜ್ಝಾನಂ ಚತುತ್ಥಜ್ಝಾನಂ ಸಮಾಪನ್ನಾನಂ ಸುದ್ಧಾವಾಸಾನಂ ದುತಿಯೇ ಚಿತ್ತೇ ವತ್ತಮಾನೇ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಇತರೇಸಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿತ್ಥ ವಚೀಸಙ್ಖಾರೋ ಚ ಉಪ್ಪಜ್ಜಿತ್ಥ।

    Dutiyajjhānaṃ tatiyajjhānaṃ catutthajjhānaṃ samāpannānaṃ suddhāvāsānaṃ dutiye citte vattamāne tesaṃ tattha cittasaṅkhāro uppajjittha, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca uppajjittha vacīsaṅkhāro ca uppajjittha.

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೩೪. (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ವಚೀಸಙ್ಖಾರೋ ನುಪ್ಪಜ್ಜಿತ್ಥಾತಿ? ನತ್ಥಿ।

    34. (Ka) yassa kāyasaṅkhāro nuppajjittha tassa vacīsaṅkhāro nuppajjitthāti? Natthi.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜಿತ್ಥಾತಿ? ನತ್ಥಿ।

    (Kha) yassa vā pana vacīsaṅkhāro nuppajjittha tassa kāyasaṅkhāro nuppajjitthāti? Natthi.

    (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥಾತಿ? ನತ್ಥಿ।

    (Ka) yassa kāyasaṅkhāro nuppajjittha tassa cittasaṅkhāro nuppajjitthāti? Natthi.

    (ಖ) ಯಸ್ಸ ವಾ ಪನ…ಪೇ॰…? ನತ್ಥಿ।

    (Kha) yassa vā pana…pe…? Natthi.

    ೩೫. (ಕ) ಯಸ್ಸ ವಚೀಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥಾತಿ? ನತ್ಥಿ।

    35. (Ka) yassa vacīsaṅkhāro nuppajjittha tassa cittasaṅkhāro nuppajjitthāti? Natthi.

    (ಖ) ಯಸ್ಸ ವಾ ಪನ…ಪೇ॰…? ನತ್ಥಿ।

    (Kha) yassa vā pana…pe…? Natthi.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೩೬. ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ…ಪೇ॰…।

    36. Yattha kāyasaṅkhāro nuppajjittha…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೩೭. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥಾತಿ?

    37. (Ka) yassa yattha kāyasaṅkhāro nuppajjittha tassa tattha vacīsaṅkhāro nuppajjitthāti?

    ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥ। ಚತುತ್ಥಜ್ಝಾನಂ ಸಮಾಪನ್ನಾನಂ ಸುದ್ಧಾವಾಸಾನಂ ದುತಿಯೇ ಚಿತ್ತೇ ವತ್ತಮಾನೇ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜಿತ್ಥ ವಚೀಸಙ್ಖಾರೋ ಚ ನುಪ್ಪಜ್ಜಿತ್ಥ।

    Rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha vacīsaṅkhāro nuppajjittha. Catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca nuppajjittha vacīsaṅkhāro ca nuppajjittha.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥಾತಿ?

    (Kha) yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjitthāti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ। ಚತುತ್ಥಜ್ಝಾನಂ ಸಮಾಪನ್ನಾನಂ ಸುದ್ಧಾವಾಸಾನಂ ದುತಿಯೇ ಚಿತ್ತೇ ವತ್ತಮಾನೇ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜಿತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜಿತ್ಥ।

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjittha, no ca tesaṃ tattha kāyasaṅkhāro nuppajjittha. Catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca nuppajjittha kāyasaṅkhāro ca nuppajjittha.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥಾತಿ?

    (Ka) yassa yattha kāyasaṅkhāro nuppajjittha tassa tattha cittasaṅkhāro nuppajjitthāti?

    ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥ। ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜಿತ್ಥ ಚಿತ್ತಸಙ್ಖಾರೋ ಚ ನುಪ್ಪಜ್ಜಿತ್ಥ।

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca nuppajjittha cittasaṅkhāro ca nuppajjittha.

    (ಖ) ಯಸ್ಸ ವಾ ಪನ ಯತ್ಥ…ಪೇ॰…? ಆಮನ್ತಾ।

    (Kha) yassa vā pana yattha…pe…? Āmantā.

    ೩೮. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥಾತಿ?

    38. (Ka) yassa yattha vacīsaṅkhāro nuppajjittha tassa tattha cittasaṅkhāro nuppajjitthāti?

    ದುತಿಯಜ್ಝಾನಂ ತತಿಯಜ್ಝಾನಂ ಚತುತ್ಥಜ್ಝಾನಂ ಸಮಾಪನ್ನಾನಂ ಸುದ್ಧಾವಾಸಾನಂ ದುತಿಯೇ ಚಿತ್ತೇ ವತ್ತಮಾನೇ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥ। ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜಿತ್ಥ ಚಿತ್ತಸಙ್ಖಾರೋ ಚ ನುಪ್ಪಜ್ಜಿತ್ಥ।

    Dutiyajjhānaṃ tatiyajjhānaṃ catutthajjhānaṃ samāpannānaṃ suddhāvāsānaṃ dutiye citte vattamāne tesaṃ tattha vacīsaṅkhāro nuppajjittha, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca nuppajjittha cittasaṅkhāro ca nuppajjittha.

    (ಖ) ಯಸ್ಸ ವಾ ಪನ ಯತ್ಥ…ಪೇ॰…? ಆಮನ್ತಾ।

    (Kha) yassa vā pana yattha…pe…? Āmantā.

    (೩) ಅನಾಗತವಾರೋ

    (3) Anāgatavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೩೯. (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ವಚೀಸಙ್ಖಾರೋ ಉಪ್ಪಜ್ಜಿಸ್ಸತೀತಿ? ಆಮನ್ತಾ।

    39. (Ka) yassa kāyasaṅkhāro uppajjissati tassa vacīsaṅkhāro uppajjissatīti? Āmantā.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana vacīsaṅkhāro uppajjissati tassa kāyasaṅkhāro uppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ। ಇತರೇಸಂ ತೇಸಂ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro uppajjissati, no ca tesaṃ kāyasaṅkhāro uppajjissati. Itaresaṃ tesaṃ vacīsaṅkhāro ca uppajjissati kāyasaṅkhāro ca uppajjissati.

    (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ? ಆಮನ್ತಾ।

    (Ka) yassa kāyasaṅkhāro uppajjissati tassa cittasaṅkhāro uppajjissatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana cittasaṅkhāro uppajjissati tassa kāyasaṅkhāro uppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ। ಇತರೇಸಂ ತೇಸಂ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro uppajjissati, no ca tesaṃ kāyasaṅkhāro uppajjissati. Itaresaṃ tesaṃ cittasaṅkhāro ca uppajjissati kāyasaṅkhāro ca uppajjissati.

    ೪೦. (ಕ) ಯಸ್ಸ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ? ಆಮನ್ತಾ।

    40. (Ka) yassa vacīsaṅkhāro uppajjissati tassa cittasaṅkhāro uppajjissatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ವಚೀಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana cittasaṅkhāro uppajjissati tassa vacīsaṅkhāro uppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ। ಇತರೇಸಂ ತೇಸಂ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro uppajjissati, no ca tesaṃ vacīsaṅkhāro uppajjissati. Itaresaṃ tesaṃ cittasaṅkhāro ca uppajjissati vacīsaṅkhāro ca uppajjissati.

    (ಖ) ಅನುಲೋಮಓಕಾಸೋ

    (Kha) anulomaokāso

    ೪೧. ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ…ಪೇ॰…।

    41. Yattha kāyasaṅkhāro uppajjissati…pe….

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೪೨. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    42. (Ka) yassa yattha kāyasaṅkhāro uppajjissati tassa tattha vacīsaṅkhāro uppajjissatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjissati vacīsaṅkhāro ca uppajjissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca uppajjissati kāyasaṅkhāro ca uppajjissati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ? ಆಮನ್ತಾ।

    (Ka) yassa yattha kāyasaṅkhāro uppajjissati tassa tattha cittasaṅkhāro uppajjissatīti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ। ಪಠಮಜ್ಝಾನಂ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca uppajjissati kāyasaṅkhāro ca uppajjissati.

    ೪೩. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ? ಆಮನ್ತಾ।

    43. (Ka) yassa yattha vacīsaṅkhāro uppajjissati tassa tattha cittasaṅkhāro uppajjissatīti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಚತುತ್ಥಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಇತರೇಸಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca uppajjissati vacīsaṅkhāro ca uppajjissati.

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೪೪. (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ವಚೀಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    44. (Ka) yassa kāyasaṅkhāro nuppajjissati tassa vacīsaṅkhāro nuppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ। ಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjissati vacīsaṅkhāro ca nuppajjissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    (Ka) yassa kāyasaṅkhāro nuppajjissati tassa cittasaṅkhāro nuppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ। ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ kāyasaṅkhāro ca nuppajjissati cittasaṅkhāro ca nuppajjissati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ…ಪೇ॰…? ಆಮನ್ತಾ।

    (Kha) yassa vā pana cittasaṅkhāro…pe…? Āmantā.

    ೪೫. (ಕ) ಯಸ್ಸ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    45. (Ka) yassa vacīsaṅkhāro nuppajjissati tassa cittasaṅkhāro nuppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ। ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro nuppajjissati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ vacīsaṅkhāro ca nuppajjissati cittasaṅkhāro ca nuppajjissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೪೬. ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ…ಪೇ॰…।

    46. Yattha kāyasaṅkhāro nuppajjissati…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೪೭. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    47. (Ka) yassa yattha kāyasaṅkhāro nuppajjissati tassa tattha vacīsaṅkhāro nuppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ। ಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjissati vacīsaṅkhāro ca nuppajjissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    (Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjissatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ। ಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjissati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    (Ka) yassa yattha kāyasaṅkhāro nuppajjissati tassa tattha cittasaṅkhāro nuppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ। ಪಚ್ಛಿಮಚಿತ್ತಸಮಙ್ಗೀನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjissati cittasaṅkhāro ca nuppajjissati.

    (ಖ) ಯಸ್ಸ ವಾ ಪನ ಯತ್ಥ…ಪೇ॰…? ಆಮನ್ತಾ।

    (Kha) yassa vā pana yattha…pe…? Āmantā.

    ೪೮. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    48. (Ka) yassa yattha vacīsaṅkhāro nuppajjissati tassa tattha cittasaṅkhāro nuppajjissatīti?

    ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಚತುತ್ಥಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ। ಪಚ್ಛಿಮಚಿತ್ತಸಮಙ್ಗೀನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjissati cittasaṅkhāro ca nuppajjissati.

    (ಖ) ಯಸ್ಸ ವಾ ಪನ ಯತ್ಥ…ಪೇ॰…? ಆಮನ್ತಾ।

    (Kha) yassa vā pana yattha…pe…? Āmantā.

    (೪) ಪಚ್ಚುಪ್ಪನ್ನಾತೀತವಾರೋ

    (4) Paccuppannātītavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೪೯. (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    49. (Ka) yassa kāyasaṅkhāro uppajjati tassa vacīsaṅkhāro uppajjitthāti? Āmantā.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana vacīsaṅkhāro uppajjittha tassa kāyasaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ಉಪ್ಪಜ್ಜಿತ್ಥ , ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜತಿ। ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ವಚೀಸಙ್ಖಾರೋ ಚ ಉಪ್ಪಜ್ಜಿತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro uppajjittha , no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca uppajjittha kāyasaṅkhāro ca uppajjati.

    (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    (Ka) yassa kāyasaṅkhāro uppajjati tassa cittasaṅkhāro uppajjitthāti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana cittasaṅkhāro uppajjittha tassa kāyasaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜತಿ। ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ಉಪ್ಪಜ್ಜಿತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjittha kāyasaṅkhāro ca uppajjati.

    ೫೦. (ಕ) ಯಸ್ಸ ವಚೀಸಙ್ಖಾರೋ ಉಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    50. (Ka) yassa vacīsaṅkhāro uppajjati tassa cittasaṅkhāro uppajjitthāti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ವಚೀಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana cittasaṅkhāro uppajjittha tassa vacīsaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ವಚೀಸಙ್ಖಾರೋ ಉಪ್ಪಜ್ಜತಿ। ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ಉಪ್ಪಜ್ಜಿತ್ಥ ವಚೀಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjittha vacīsaṅkhāro ca uppajjati.

    (ಖ) ಅನುಲೋಮಓಕಾಸೋ

    (Kha) anulomaokāso

    ೫೧. ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ…ಪೇ॰…।

    51. Yattha kāyasaṅkhāro uppajjati…pe….

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೫೨. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥಾತಿ?

    52. (Ka) yassa yattha kāyasaṅkhāro uppajjati tassa tattha vacīsaṅkhāro uppajjitthāti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜತಿ ವಚೀಸಙ್ಖಾರೋ ಚ ಉಪ್ಪಜ್ಜಿತ್ಥ।

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca uppajjittha.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana yattha vacīsaṅkhāro uppajjittha tassa tattha kāyasaṅkhāro uppajjatīti?

    ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ಚ ಉಪ್ಪಜ್ಜಿತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro uppajjittha, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca uppajjittha kāyasaṅkhāro ca uppajjati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    (Ka) yassa yattha kāyasaṅkhāro uppajjati tassa tattha cittasaṅkhāro uppajjitthāti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana yattha cittasaṅkhāro uppajjittha tassa tattha kāyasaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ। ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro uppajjittha, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca uppajjittha kāyasaṅkhāro ca uppajjati.

    ೫೩. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ಉಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    53. (Ka) yassa yattha vacīsaṅkhāro uppajjati tassa tattha cittasaṅkhāro uppajjitthāti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana yattha cittasaṅkhāro uppajjittha tassa tattha vacīsaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜತಿ। ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿತ್ಥ ವಚೀಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro uppajjittha, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca uppajjittha vacīsaṅkhāro ca uppajjati.

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೫೪. (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ।

    54. (Ka) yassa kāyasaṅkhāro nuppajjati tassa vacīsaṅkhāro nuppajjitthāti? Uppajjittha.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜತೀತಿ? ನತ್ಥಿ।

    (Kha) yassa vā pana vacīsaṅkhāro nuppajjittha tassa kāyasaṅkhāro nuppajjatīti? Natthi.

    (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ।

    (Ka) yassa kāyasaṅkhāro nuppajjati tassa cittasaṅkhāro nuppajjitthāti? Uppajjittha.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜತೀತಿ? ನತ್ಥಿ।

    (Kha) yassa vā pana cittasaṅkhāro nuppajjittha tassa kāyasaṅkhāro nuppajjatīti? Natthi.

    ೫೫. (ಕ) ಯಸ್ಸ ವಚೀಸಙ್ಖಾರೋ ನುಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ।

    55. (Ka) yassa vacīsaṅkhāro nuppajjati tassa cittasaṅkhāro nuppajjitthāti? Uppajjittha.

    (ಖ) ಯಸ್ಸ ವಾ ಪನ…ಪೇ॰…? ನತ್ಥಿ।

    (Kha) yassa vā pana…pe…? Natthi.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೫೬. ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ…ಪೇ॰…।

    56. Yattha kāyasaṅkhāro nuppajjati…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೫೭. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥಾತಿ?

    57. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjitthāti?

    ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥ। ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ಚತುತ್ಥಜ್ಝಾನಂ ಸಮಾಪನ್ನಾನಂ ಸುದ್ಧಾವಾಸಾನಂ ದುತಿಯೇ ಚಿತ್ತೇ ವತ್ತಮಾನೇ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜತಿ ವಚೀಸಙ್ಖಾರೋ ಚ ನುಪ್ಪಜ್ಜಿತ್ಥ।

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjittha. Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjittha.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತೀತಿ?

    (Kha) yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ। ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ಚತುತ್ಥಜ್ಝಾನಂ ಸಮಾಪನ್ನಾನಂ ಸುದ್ಧಾವಾಸಾನಂ ದುತಿಯೇ ಚಿತ್ತೇ ವತ್ತಮಾನೇ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜಿತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜತಿ।

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro nuppajjittha, no ca tesaṃ tattha kāyasaṅkhāro nuppajjati. Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca nuppajjittha kāyasaṅkhāro ca nuppajjati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥಾತಿ?

    (Ka) yassa yattha kāyasaṅkhāro nuppajjati tassa tattha cittasaṅkhāro nuppajjitthāti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥ। ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜಿತ್ಥ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca nuppajjittha.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತೀತಿ? ಆಮನ್ತಾ।

    (Kha) yassa vā pana yattha cittasaṅkhāro nuppajjittha tassa tattha kāyasaṅkhāro nuppajjatīti? Āmantā.

    ೫೮. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನುಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥಾತಿ?

    58. (Ka) yassa yattha vacīsaṅkhāro nuppajjati tassa tattha cittasaṅkhāro nuppajjitthāti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿತ್ಥ। ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜಿತ್ಥ।

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca nuppajjittha.

    (ಖ) ಯಸ್ಸ ವಾ ಪನ ಯತ್ಥ…ಪೇ॰…? ಆಮನ್ತಾ।

    (Kha) yassa vā pana yattha…pe…? Āmantā.

    (೫) ಪಚ್ಚುಪ್ಪನ್ನಾನಾಗತವಾರೋ

    (5) Paccuppannānāgatavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೫೯. (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ಉಪ್ಪಜ್ಜಿಸ್ಸತೀತಿ? ಆಮನ್ತಾ।

    59. (Ka) yassa kāyasaṅkhāro uppajjati tassa vacīsaṅkhāro uppajjissatīti? Āmantā.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana vacīsaṅkhāro uppajjissati tassa kāyasaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜತಿ। ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro uppajjissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca uppajjissati kāyasaṅkhāro ca uppajjati.

    (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ? ಆಮನ್ತಾ।

    (Ka) yassa kāyasaṅkhāro uppajjati tassa cittasaṅkhāro uppajjissatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana cittasaṅkhāro uppajjissati tassa kāyasaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜತಿ। ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjissati kāyasaṅkhāro ca uppajjati.

    ೬೦. (ಕ) ಯಸ್ಸ ವಚೀಸಙ್ಖಾರೋ ಉಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    60. (Ka) yassa vacīsaṅkhāro uppajjati tassa cittasaṅkhāro uppajjissatīti?

    ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ವಚೀಸಙ್ಖಾರೋ ಉಪ್ಪಜ್ಜತಿ, ನೋ ಚ ತೇಸಂ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ। ಇತರೇಸಂ ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ವಚೀಸಙ್ಖಾರೋ ಚ ಉಪ್ಪಜ್ಜತಿ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Savitakkasavicārapacchimacittassa uppādakkhaṇe tesaṃ vacīsaṅkhāro uppajjati, no ca tesaṃ cittasaṅkhāro uppajjissati. Itaresaṃ vitakkavicārānaṃ uppādakkhaṇe tesaṃ vacīsaṅkhāro ca uppajjati cittasaṅkhāro ca uppajjissati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ವಚೀಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana cittasaṅkhāro uppajjissati tassa vacīsaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ವಚೀಸಙ್ಖಾರೋ ಉಪ್ಪಜ್ಜತಿ। ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjissati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjissati vacīsaṅkhāro ca uppajjati.

    (ಖ) ಅನುಲೋಮಓಕಾಸೋ

    (Kha) anulomaokāso

    ೬೧. ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ…ಪೇ॰…।

    61. Yattha kāyasaṅkhāro uppajjati…pe….

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೬೨. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    62. (Ka) yassa yattha kāyasaṅkhāro uppajjati tassa tattha vacīsaṅkhāro uppajjissatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜತಿ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca uppajjissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjatīti?

    ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca uppajjissati kāyasaṅkhāro ca uppajjati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ? ಆಮನ್ತಾ।

    (Ka) yassa yattha kāyasaṅkhāro uppajjati tassa tattha cittasaṅkhāro uppajjissatīti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ। ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca uppajjissati kāyasaṅkhāro ca uppajjati.

    ೬೩. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ಉಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    63. (Ka) yassa yattha vacīsaṅkhāro uppajjati tassa tattha cittasaṅkhāro uppajjissatīti?

    ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ। ಇತರೇಸಂ ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ಚ ಉಪ್ಪಜ್ಜತಿ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Savitakkasavicārapacchimacittassa uppādakkhaṇe tesaṃ tattha vacīsaṅkhāro uppajjati, no ca tesaṃ tattha cittasaṅkhāro uppajjissati. Itaresaṃ vitakkavicārānaṃ uppādakkhaṇe tesaṃ tattha vacīsaṅkhāro ca uppajjati cittasaṅkhāro ca uppajjissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜತಿ। ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca uppajjissati vacīsaṅkhāro ca uppajjati.

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೬೪. (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    64. (Ka) yassa kāyasaṅkhāro nuppajjati tassa vacīsaṅkhāro nuppajjissatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ। ಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜತಿ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjati vacīsaṅkhāro ca nuppajjissati.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜತೀತಿ? ಆಮನ್ತಾ।

    (Kha) yassa vā pana vacīsaṅkhāro nuppajjissati tassa kāyasaṅkhāro nuppajjatīti? Āmantā.

    (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    (Ka) yassa kāyasaṅkhāro nuppajjati tassa cittasaṅkhāro nuppajjissatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ। ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ kāyasaṅkhāro ca nuppajjati cittasaṅkhāro ca nuppajjissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    ೬೫. (ಕ) ಯಸ್ಸ ವಚೀಸಙ್ಖಾರೋ ನುಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    65. (Ka) yassa vacīsaṅkhāro nuppajjati tassa cittasaṅkhāro nuppajjissatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ತೇಸಂ ವಚೀಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nuppajjati, no ca tesaṃ cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ tesaṃ vacīsaṅkhāro ca nuppajjati cittasaṅkhāro ca nuppajjissati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ವಚೀಸಙ್ಖಾರೋ ನುಪ್ಪಜ್ಜತೀತಿ?

    (Kha) yassa vā pana cittasaṅkhāro nuppajjissati tassa vacīsaṅkhāro nuppajjatīti?

    ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ವಚೀಸಙ್ಖಾರೋ ನುಪ್ಪಜ್ಜತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ತೇಸಂ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ನುಪ್ಪಜ್ಜತಿ।

    Savitakkasavicārapacchimacittassa uppādakkhaṇe tesaṃ cittasaṅkhāro nuppajjissati, no ca tesaṃ vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ tesaṃ cittasaṅkhāro ca nuppajjissati vacīsaṅkhāro ca nuppajjati.

    ೪ (ಙ) ಪಚ್ಚನೀಕಓಕಾಸೋ

    4 (Ṅa) paccanīkaokāso

    ೬೬. ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ…ಪೇ॰…।

    66. Yattha kāyasaṅkhāro nuppajjati…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೬೭. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    67. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjissatīti?

    ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ। ಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜತಿ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತೀತಿ?

    (Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ। ಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ನುಪ್ಪಜ್ಜತಿ।

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    (Ka) yassa yattha kāyasaṅkhāro nuppajjati tassa tattha cittasaṅkhāro nuppajjissatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ। ಪಚ್ಛಿಮಚಿತ್ತಸಮಙ್ಗೀನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca nuppajjissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತೀತಿ? ಆಮನ್ತಾ।

    (Kha) yassa vā pana yattha cittasaṅkhāro nuppajjissati tassa tattha kāyasaṅkhāro nuppajjatīti? Āmantā.

    ೬೮. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನುಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    68. (Ka) yassa yattha vacīsaṅkhāro nuppajjati tassa tattha cittasaṅkhāro nuppajjissatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca nuppajjissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನುಪ್ಪಜ್ಜತೀತಿ?

    (Kha) yassa vā pana yattha cittasaṅkhāro nuppajjissati tassa tattha vacīsaṅkhāro nuppajjatīti?

    ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ನುಪ್ಪಜ್ಜತಿ।

    Savitakkasavicārapacchimacittassa uppādakkhaṇe tesaṃ tattha cittasaṅkhāro nuppajjissati, no ca tesaṃ tattha vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati vacīsaṅkhāro ca nuppajjati.

    (೬) ಅತೀತಾನಾಗತವಾರೋ

    (6) Atītānāgatavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೬೯. (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ವಚೀಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    69. (Ka) yassa kāyasaṅkhāro uppajjittha tassa vacīsaṅkhāro uppajjissatīti?

    ಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಕಾಯಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ । ಇತರೇಸಂ ತೇಸಂ ಕಾಯಸಙ್ಖಾರೋ ಚ ಉಪ್ಪಜ್ಜಿತ್ಥ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro uppajjittha, no ca tesaṃ vacīsaṅkhāro uppajjissati . Itaresaṃ tesaṃ kāyasaṅkhāro ca uppajjittha vacīsaṅkhāro ca uppajjissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Ka) yassa kāyasaṅkhāro uppajjittha tassa cittasaṅkhāro uppajjissatīti?

    ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ಕಾಯಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ। ಇತರೇಸಂ ತೇಸಂ ಕಾಯಸಙ್ಖಾರೋ ಚ ಉಪ್ಪಜ್ಜಿತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Pacchimacittasamaṅgīnaṃ tesaṃ kāyasaṅkhāro uppajjittha, no ca tesaṃ cittasaṅkhāro uppajjissati. Itaresaṃ tesaṃ kāyasaṅkhāro ca uppajjittha cittasaṅkhāro ca uppajjissati.

    (ಖ) ಯಸ್ಸ ವಾ ಪನ…ಪೇ॰…। ಆಮನ್ತಾ।

    (Kha) yassa vā pana…pe…. Āmantā.

    ೭೦. (ಕ) ಯಸ್ಸ ವಚೀಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    70. (Ka) yassa vacīsaṅkhāro uppajjittha tassa cittasaṅkhāro uppajjissatīti?

    ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ವಚೀಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ। ಇತರೇಸಂ ತೇಸಂ ವಚೀಸಙ್ಖಾರೋ ಚ ಉಪ್ಪಜ್ಜಿತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Pacchimacittasamaṅgīnaṃ tesaṃ vacīsaṅkhāro uppajjittha, no ca tesaṃ cittasaṅkhāro uppajjissati. Itaresaṃ tesaṃ vacīsaṅkhāro ca uppajjittha cittasaṅkhāro ca uppajjissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಖ) ಅನುಲೋಮಓಕಾಸೋ

    (Kha) anulomaokāso

    ೭೧. ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ…ಪೇ॰…।

    71. Yattha kāyasaṅkhāro uppajjittha…pe….

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೭೨. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    72. (Ka) yassa yattha kāyasaṅkhāro uppajjittha tassa tattha vacīsaṅkhāro uppajjissatīti?

    ಕಾಮಾವಚರೇ ಪಚ್ಛಿಮಚಿತ್ತಸಮಙ್ಗೀನಂ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜಿತ್ಥ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Kāmāvacare pacchimacittasamaṅgīnaṃ dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjittha, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca uppajjittha vacīsaṅkhāro ca uppajjissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥಾತಿ?

    (Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjitthāti?

    ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜಿತ್ಥ।

    Rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca uppajjissati kāyasaṅkhāro ca uppajjittha.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Ka) yassa yattha kāyasaṅkhāro uppajjittha tassa tattha cittasaṅkhāro uppajjissatīti?

    ಕಾಮಾವಚರೇ ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ। ಪಠಮಜ್ಝಾನಂ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜಿತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Kāmāvacare pacchimacittasamaṅgīnaṃ tesaṃ tattha kāyasaṅkhāro uppajjittha, no ca tesaṃ tattha cittasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca uppajjittha cittasaṅkhāro ca uppajjissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥಾತಿ?

    (Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjitthāti?

    ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿತ್ಥ। ಪಠಮಜ್ಝಾನಂ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜಿತ್ಥ।

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca uppajjissati kāyasaṅkhāro ca uppajjittha.

    ೭೩. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    73. (Ka) yassa yattha vacīsaṅkhāro uppajjittha tassa tattha cittasaṅkhāro uppajjissatīti?

    ಸವಿತಕ್ಕಸವಿಚಾರಭೂಮಿಯಂ ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ। ಇತರೇಸಂ ಸವಿತಕ್ಕಸವಿಚಾರಭೂಮಿಯಂ ತೇಸಂ ತತ್ಥ ವಚೀಸಙ್ಖಾರೋ ಚ ಉಪ್ಪಜ್ಜಿತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Savitakkasavicārabhūmiyaṃ pacchimacittasamaṅgīnaṃ tesaṃ tattha vacīsaṅkhāro uppajjittha, no ca tesaṃ tattha cittasaṅkhāro uppajjissati. Itaresaṃ savitakkasavicārabhūmiyaṃ tesaṃ tattha vacīsaṅkhāro ca uppajjittha cittasaṅkhāro ca uppajjissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥಾತಿ?

    (Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjitthāti?

    ಅವಿತಕ್ಕಅವಿಚಾರಭೂಮಿಯಂ ತೇಸಂ ತತ್ಥ ಚಿತ್ತಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿತ್ಥ। ಸವಿತಕ್ಕಸವಿಚಾರಭೂಮಿಯಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ಉಪ್ಪಜ್ಜಿತ್ಥ।

    Avitakkaavicārabhūmiyaṃ tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjittha. Savitakkasavicārabhūmiyaṃ tesaṃ tattha cittasaṅkhāro ca uppajjissati vacīsaṅkhāro ca uppajjittha.

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೭೪. (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ವಚೀಸಙ್ಖಾರೋ ನುಪ್ಪಜ್ಜಿಸ್ಸತೀತಿ? ನತ್ಥಿ।

    74. (Ka) yassa kāyasaṅkhāro nuppajjittha tassa vacīsaṅkhāro nuppajjissatīti? Natthi.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ।

    (Kha) yassa vā pana vacīsaṅkhāro nuppajjissati tassa kāyasaṅkhāro nuppajjitthāti? Uppajjittha.

    (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ? ನತ್ಥಿ।

    (Ka) yassa kāyasaṅkhāro nuppajjittha tassa cittasaṅkhāro nuppajjissatīti? Natthi.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ।

    (Kha) yassa vā pana cittasaṅkhāro nuppajjissati tassa kāyasaṅkhāro nuppajjitthāti? Uppajjittha.

    ೭೫. (ಕ) ಯಸ್ಸ ವಚೀಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ? ನತ್ಥಿ।

    75. (Ka) yassa vacīsaṅkhāro nuppajjittha tassa cittasaṅkhāro nuppajjissatīti? Natthi.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ವಚೀಸಙ್ಖಾರೋ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ।

    (Kha) yassa vā pana cittasaṅkhāro nuppajjissati tassa vacīsaṅkhāro nuppajjitthāti? Uppajjittha.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೭೬. ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ…ಪೇ॰…।

    76. Yattha kāyasaṅkhāro nuppajjittha…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೭೭. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    77. (Ka) yassa yattha kāyasaṅkhāro nuppajjittha tassa tattha vacīsaṅkhāro nuppajjissatīti?

    ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ। ರೂಪಾವಚರೇ ಅರೂಪಾವಚರೇ ಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜಿತ್ಥ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha vacīsaṅkhāro nuppajjissati. Rūpāvacare arūpāvacare pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjittha vacīsaṅkhāro ca nuppajjissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥಾತಿ?

    (Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjitthāti?

    ಕಾಮಾವಚರೇ ಪಚ್ಛಿಮಚಿತ್ತಸಮಙ್ಗೀನಂ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ। ರೂಪಾವಚರೇ ಅರೂಪಾವಚರೇ ಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ನುಪ್ಪಜ್ಜಿತ್ಥ।

    Kāmāvacare pacchimacittasamaṅgīnaṃ dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjittha.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    (Ka) yassa yattha kāyasaṅkhāro nuppajjittha tassa tattha cittasaṅkhāro nuppajjissatīti?

    ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ। ರೂಪಾವಚರೇ ಅರೂಪಾವಚರೇ ಪಚ್ಛಿಮಚಿತ್ತಸಮಙ್ಗೀನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜಿತ್ಥ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha cittasaṅkhāro nuppajjissati. Rūpāvacare arūpāvacare pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjittha cittasaṅkhāro ca nuppajjissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥಾತಿ?

    (Kha) yassa vā pana yattha cittasaṅkhāro nuppajjissati tassa tattha kāyasaṅkhāro nuppajjitthāti?

    ಕಾಮಾವಚರೇ ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿತ್ಥ। ರೂಪಾವಚರೇ ಅರೂಪಾವಚರೇ ಪಚ್ಛಿಮಚಿತ್ತಸಮಙ್ಗೀನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಕಾಯಸಙ್ಖಾರೋ ಚ ನುಪ್ಪಜ್ಜಿತ್ಥ।

    Kāmāvacare pacchimacittasamaṅgīnaṃ tesaṃ tattha cittasaṅkhāro nuppajjissati, no ca tesaṃ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati kāyasaṅkhāro ca nuppajjittha.

    ೭೮. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    78. (Ka) yassa yattha vacīsaṅkhāro nuppajjittha tassa tattha cittasaṅkhāro nuppajjissatīti?

    ಅವಿತಕ್ಕಅವಿಚಾರಭೂಮಿಯಂ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ। ಅವಿತಕ್ಕಅವಿಚಾರಭೂಮಿಯಂ ಪಚ್ಛಿಮಚಿತ್ತಸಮಙ್ಗೀನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜಿತ್ಥ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Avitakkaavicārabhūmiyaṃ tesaṃ tattha vacīsaṅkhāro nuppajjittha, no ca tesaṃ tattha cittasaṅkhāro nuppajjissati. Avitakkaavicārabhūmiyaṃ pacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjittha cittasaṅkhāro ca nuppajjissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥಾತಿ?

    (Kha) yassa vā pana yattha cittasaṅkhāro nuppajjissati tassa tattha vacīsaṅkhāro nuppajjitthāti?

    ಸವಿತಕ್ಕಸವಿಚಾರಭೂಮಿಯಂ ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ತತ್ಥ ಚಿತ್ತಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿತ್ಥ। ಅವಿತಕ್ಕಅವಿಚಾರಭೂಮಿಯಂ ಪಚ್ಛಿಮಚಿತ್ತಸಮಙ್ಗೀನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ನುಪ್ಪಜ್ಜಿತ್ಥ।

    Savitakkasavicārabhūmiyaṃ pacchimacittasamaṅgīnaṃ tesaṃ tattha cittasaṅkhāro nuppajjissati, no ca tesaṃ tattha vacīsaṅkhāro nuppajjittha. Avitakkaavicārabhūmiyaṃ pacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati vacīsaṅkhāro ca nuppajjittha.

    ಉಪ್ಪಾದವಾರೋ।

    Uppādavāro.

    ೨. ನಿರೋಧವಾರೋ

    2. Nirodhavāro

    (೧) ಪಚ್ಚುಪ್ಪನ್ನವಾರೋ

    (1) Paccuppannavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೭೯. (ಕ) ಯಸ್ಸ ಕಾಯಸಙ್ಖಾರೋ ನಿರುಜ್ಝತಿ ತಸ್ಸ ವಚೀಸಙ್ಖಾರೋ ನಿರುಜ್ಝತೀತಿ?

    79. (Ka) yassa kāyasaṅkhāro nirujjhati tassa vacīsaṅkhāro nirujjhatīti?

    ವಿನಾ ವಿತಕ್ಕವಿಚಾರೇಹಿ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ನಿರುಜ್ಝತಿ, ನೋ ಚ ತೇಸಂ ವಚೀಸಙ್ಖಾರೋ ನಿರುಜ್ಝತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ಚ ನಿರುಜ್ಝತಿ ವಚೀಸಙ್ಖಾರೋ ಚ ನಿರುಜ್ಝತಿ।

    Vinā vitakkavicārehi assāsapassāsānaṃ bhaṅgakkhaṇe tesaṃ kāyasaṅkhāro nirujjhati, no ca tesaṃ vacīsaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ kāyasaṅkhāro ca nirujjhati vacīsaṅkhāro ca nirujjhati.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನಿರುಜ್ಝತಿ ತಸ್ಸ ಕಾಯಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana vacīsaṅkhāro nirujjhati tassa kāyasaṅkhāro nirujjhatīti?

    ವಿನಾ ಅಸ್ಸಾಸಪಸ್ಸಾಸೇಹಿ ವಿತಕ್ಕವಿಚಾರಾನಂ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ನಿರುಜ್ಝತಿ, ನೋ ಚ ತೇಸಂ ಕಾಯಸಙ್ಖಾರೋ ನಿರುಜ್ಝತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ಚ ನಿರುಜ್ಝತಿ ಕಾಯಸಙ್ಖಾರೋ ಚ ನಿರುಜ್ಝತಿ।

    Vinā assāsapassāsehi vitakkavicārānaṃ bhaṅgakkhaṇe tesaṃ vacīsaṅkhāro nirujjhati, no ca tesaṃ kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ vacīsaṅkhāro ca nirujjhati kāyasaṅkhāro ca nirujjhati.

    (ಕ) ಯಸ್ಸ ಕಾಯಸಙ್ಖಾರೋ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝತೀತಿ? ಆಮನ್ತಾ।

    (Ka) yassa kāyasaṅkhāro nirujjhati tassa cittasaṅkhāro nirujjhatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝತಿ ತಸ್ಸ ಕಾಯಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana cittasaṅkhāro nirujjhati tassa kāyasaṅkhāro nirujjhatīti?

    ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಚಿತ್ತಸಙ್ಖಾರೋ ನಿರುಜ್ಝತಿ, ನೋ ಚ ತೇಸಂ ಕಾಯಸಙ್ಖಾರೋ ನಿರುಜ್ಝತಿ। ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝತಿ ಕಾಯಸಙ್ಖಾರೋ ಚ ನಿರುಜ್ಝತಿ।

    Vinā assāsapassāsehi cittassa bhaṅgakkhaṇe tesaṃ cittasaṅkhāro nirujjhati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhati kāyasaṅkhāro ca nirujjhati.

    ೮೦. (ಕ) ಯಸ್ಸ ವಚೀಸಙ್ಖಾರೋ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝತೀತಿ? ಆಮನ್ತಾ।

    80. (Ka) yassa vacīsaṅkhāro nirujjhati tassa cittasaṅkhāro nirujjhatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝತಿ ತಸ್ಸ ವಚೀಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana cittasaṅkhāro nirujjhati tassa vacīsaṅkhāro nirujjhatīti?

    ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಚಿತ್ತಸಙ್ಖಾರೋ ನಿರುಜ್ಝತಿ, ನೋ ಚ ತೇಸಂ ವಚೀಸಙ್ಖಾರೋ ನಿರುಜ್ಝತಿ। ವಿತಕ್ಕವಿಚಾರಾನಂ ಭಙ್ಗಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝತಿ ವಚೀಸಙ್ಖಾರೋ ಚ ನಿರುಜ್ಝತಿ।

    Vinā vitakkavicārehi cittassa bhaṅgakkhaṇe tesaṃ cittasaṅkhāro nirujjhati, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhati vacīsaṅkhāro ca nirujjhati.

    (ಖ) ಅನುಲೋಮಓಕಾಸೋ

    (Kha) anulomaokāso

    ೮೧. ಯತ್ಥ ಕಾಯಸಙ್ಖಾರೋ ನಿರುಜ್ಝತಿ ತತ್ಥ ವಚೀಸಙ್ಖಾರೋ ನಿರುಜ್ಝತೀತಿ?…ಪೇ॰…।

    81. Yattha kāyasaṅkhāro nirujjhati tattha vacīsaṅkhāro nirujjhatīti?…Pe….

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೮೨. ಯಸ್ಸ ಯತ್ಥ ಕಾಯಸಙ್ಖಾರೋ ನಿರುಜ್ಝತಿ ತಸ್ಸ ತತ್ಥ ವಚೀಸಙ್ಖಾರೋ ನಿರುಜ್ಝತೀತಿ?…ಪೇ॰…। (ಯಸ್ಸಕಮ್ಪಿ ಯಸ್ಸಯತ್ಥಕಮ್ಪಿ ಸದಿಸಂ।)

    82. Yassa yattha kāyasaṅkhāro nirujjhati tassa tattha vacīsaṅkhāro nirujjhatīti?…Pe…. (Yassakampi yassayatthakampi sadisaṃ.)

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೮೩. (ಕ) ಯಸ್ಸ ಕಾಯಸಙ್ಖಾರೋ ನ ನಿರುಜ್ಝತಿ ತಸ್ಸ ವಚೀಸಙ್ಖಾರೋ ನ ನಿರುಜ್ಝತೀತಿ?

    83. (Ka) yassa kāyasaṅkhāro na nirujjhati tassa vacīsaṅkhāro na nirujjhatīti?

    ವಿನಾ ಅಸ್ಸಾಸಪಸ್ಸಾಸೇಹಿ ವಿತಕ್ಕವಿಚಾರಾನಂ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ವಚೀಸಙ್ಖಾರೋ ನ ನಿರುಜ್ಝತಿ। ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಅವಿತಕ್ಕಅವಿಚಾರಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ಚ ನ ನಿರುಜ್ಝತಿ ವಚೀಸಙ್ಖಾರೋ ಚ ನ ನಿರುಜ್ಝತಿ।

    Vinā assāsapassāsehi vitakkavicārānaṃ bhaṅgakkhaṇe tesaṃ kāyasaṅkhāro na nirujjhati, no ca tesaṃ vacīsaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca na nirujjhati vacīsaṅkhāro ca na nirujjhati.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನ ನಿರುಜ್ಝತಿ ತಸ್ಸ ಕಾಯಸಙ್ಖಾರೋ ನ ನಿರುಜ್ಝತೀತಿ?

    (Kha) yassa vā pana vacīsaṅkhāro na nirujjhati tassa kāyasaṅkhāro na nirujjhatīti?

    ವಿನಾ ವಿತಕ್ಕವಿಚಾರೇಹಿ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ಕಾಯಸಙ್ಖಾರೋ ನ ನಿರುಜ್ಝತಿ। ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಅವಿತಕ್ಕಅವಿಚಾರಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ಚ ನ ನಿರುಜ್ಝತಿ ಕಾಯಸಙ್ಖಾರೋ ಚ ನ ನಿರುಜ್ಝತಿ।

    Vinā vitakkavicārehi assāsapassāsānaṃ bhaṅgakkhaṇe tesaṃ vacīsaṅkhāro na nirujjhati, no ca tesaṃ kāyasaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati kāyasaṅkhāro ca na nirujjhati.

    (ಕ) ಯಸ್ಸ ಕಾಯಸಙ್ಖಾರೋ ನ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝತೀತಿ?

    (Ka) yassa kāyasaṅkhāro na nirujjhati tassa cittasaṅkhāro na nirujjhatīti?

    ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝತಿ। ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ಚ ನ ನಿರುಜ್ಝತಿ ಚಿತ್ತಸಙ್ಖಾರೋ ಚ ನ ನಿರುಜ್ಝತಿ।

    Vinā assāsapassāsehi cittassa bhaṅgakkhaṇe tesaṃ kāyasaṅkhāro na nirujjhati, no ca tesaṃ cittasaṅkhāro na nirujjhati. Sabbesaṃ cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca na nirujjhati cittasaṅkhāro ca na nirujjhati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    ೮೪. (ಕ) ಯಸ್ಸ ವಚೀಸಙ್ಖಾರೋ ನ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝತೀತಿ?

    84. (Ka) yassa vacīsaṅkhāro na nirujjhati tassa cittasaṅkhāro na nirujjhatīti?

    ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝತಿ। ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ಚ ನ ನಿರುಜ್ಝತಿ ಚಿತ್ತಸಙ್ಖಾರೋ ಚ ನ ನಿರುಜ್ಝತಿ।

    Vinā vitakkavicārehi cittassa bhaṅgakkhaṇe tesaṃ vacīsaṅkhāro na nirujjhati, no ca tesaṃ cittasaṅkhāro na nirujjhati. Sabbesaṃ cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati cittasaṅkhāro ca na nirujjhati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಙ) ಪಚ್ಚನೀಕಓಕಾಸಾ

    (Ṅa) paccanīkaokāsā

    ೮೫. ಯತ್ಥ ಕಾಯಸಙ್ಖಾರೋ ನ ನಿರುಜ್ಝತಿ…ಪೇ॰…।

    85. Yattha kāyasaṅkhāro na nirujjhati…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೮೬. ಯಸ್ಸ ಯತ್ಥ ಕಾಯಸಙ್ಖಾರೋ ನ ನಿರುಜ್ಝತಿ ತಸ್ಸ ತತ್ಥ ವಚೀಸಙ್ಖಾರೋ ನ ನಿರುಜ್ಝತೀತಿ?

    86. Yassa yattha kāyasaṅkhāro na nirujjhati tassa tattha vacīsaṅkhāro na nirujjhatīti?

    ವಿನಾ ಅಸ್ಸಾಸಪಸ್ಸಾಸೇಹಿ ವಿತಕ್ಕವಿಚಾರಾನಂ ಭಙ್ಗಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝತಿ। ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಅವಿತಕ್ಕಅವಿಚಾರಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನ ನಿರುಜ್ಝತಿ ವಚೀಸಙ್ಖಾರೋ ಚ ನ ನಿರುಜ್ಝತಿ।

    Vinā assāsapassāsehi vitakkavicārānaṃ bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhati.

    ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನ ನಿರುಜ್ಝತಿ…ಪೇ॰…।

    Yassa vā pana yattha vacīsaṅkhāro na nirujjhati…pe….

    (ಯಸ್ಸಕಮ್ಪಿ ಯಸ್ಸಯತ್ಥಕಮ್ಪಿ ಸದಿಸಂ ವಿತ್ಥಾರೇತಬ್ಬಂ, ಯಸ್ಸಯತ್ಥಕೇ ನಿರೋಧಸಮಾಪನ್ನಾನನ್ತಿ ನ ಕಾತಬ್ಬಂ।)

    (Yassakampi yassayatthakampi sadisaṃ vitthāretabbaṃ, yassayatthake nirodhasamāpannānanti na kātabbaṃ.)

    (೨) ಅತೀತವಾರೋ

    (2) Atītavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೮೭. (ಕ) ಯಸ್ಸ ಕಾಯಸಙ್ಖಾರೋ ನಿರುಜ್ಝಿತ್ಥ ತಸ್ಸ ವಚೀಸಙ್ಖಾರೋ ನಿರುಜ್ಝಿತ್ಥಾತಿ? ಆಮನ್ತಾ।

    87. (Ka) yassa kāyasaṅkhāro nirujjhittha tassa vacīsaṅkhāro nirujjhitthāti? Āmantā.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಯಥಾ ಉಪ್ಪಾದವಾರೇ ಅತೀತಾ ಪುಚ್ಛಾ ಯಸ್ಸಕಮ್ಪಿ ಯಸ್ಸಯತ್ಥಕಮ್ಪಿ ಅನುಲೋಮಮ್ಪಿ ಪಚ್ಚನೀಕಮ್ಪಿ ವಿಭತ್ತಂ ಏವಂ ನಿರೋಧವಾರೇಪಿ ವಿಭಜಿತಬ್ಬಂ, ನತ್ಥಿ ನಾನಾಕರಣಂ।)

    (Yathā uppādavāre atītā pucchā yassakampi yassayatthakampi anulomampi paccanīkampi vibhattaṃ evaṃ nirodhavārepi vibhajitabbaṃ, natthi nānākaraṇaṃ.)

    (೩) ಅನಾಗತವಾರೋ

    (3) Anāgatavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೮೮. (ಕ) ಯಸ್ಸ ಕಾಯಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    88. (Ka) yassa kāyasaṅkhāro nirujjhissati tassa vacīsaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ನಿರುಜ್ಝಿಸ್ಸತೀತಿ?

    (Kha) yassa vā pana vacīsaṅkhāro nirujjhissati tassa kāyasaṅkhāro nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ವಚೀಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ನಿರುಜ್ಝಿಸ್ಸತಿ। ಇತರೇಸಂ ತೇಸಂ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro nirujjhissati. Itaresaṃ tesaṃ vacīsaṅkhāro ca nirujjhissati kāyasaṅkhāro ca nirujjhissati.

    (ಕ) ಯಸ್ಸ ಕಾಯಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    (Ka) yassa kāyasaṅkhāro nirujjhissati tassa cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ನಿರುಜ್ಝಿಸ್ಸತೀತಿ?

    (Kha) yassa vā pana cittasaṅkhāro nirujjhissati tassa kāyasaṅkhāro nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ನಿರುಜ್ಝಿಸ್ಸತಿ। ಇತರೇಸಂ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro nirujjhissati, no ca tesaṃ kāyasaṅkhāro nirujjhissati. Itaresaṃ tesaṃ cittasaṅkhāro ca nirujjhissati kāyasaṅkhāro ca nirujjhissati.

    ೮೯. (ಕ) ಯಸ್ಸ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    89. (Ka) yassa vacīsaṅkhāro nirujjhissati tassa cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ?

    (Kha) yassa vā pana cittasaṅkhāro nirujjhissati tassa vacīsaṅkhāro nirujjhissatīti?

    ಅವಿತಕ್ಕಅವಿಚಾರಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ವಚೀಸಙ್ಖಾರೋ ನಿರುಜ್ಝಿಸ್ಸತಿ। ಇತರೇಸಂ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ।

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro nirujjhissati, no ca tesaṃ vacīsaṅkhāro nirujjhissati. Itaresaṃ tesaṃ cittasaṅkhāro ca nirujjhissati vacīsaṅkhāro ca nirujjhissati.

    (ಖ) ಅನುಲೋಮಓಕಾಸೋ

    (Kha) anulomaokāso

    ೯೦. ಯತ್ಥ ಕಾಯಸಙ್ಖಾರೋ ನಿರುಜ್ಝಿಸ್ಸತಿ…ಪೇ॰…।

    90. Yattha kāyasaṅkhāro nirujjhissati…pe….

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೯೧. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ?

    91. (Ka) yassa yattha kāyasaṅkhāro nirujjhissati tassa tattha vacīsaṅkhāro nirujjhissatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ।

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro nirujjhissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca nirujjhissati vacīsaṅkhāro ca nirujjhissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನಿರುಜ್ಝಿಸ್ಸತೀತಿ?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ , ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati , no ca tesaṃ tattha kāyasaṅkhāro nirujjhissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca nirujjhissati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    (Ka) yassa yattha kāyasaṅkhāro nirujjhissati tassa tattha cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನಿರುಜ್ಝಿಸ್ಸತೀತಿ?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝಿಸ್ಸತಿ। ಪಠಮಜ್ಝಾನಂ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca nirujjhissati.

    ೯೨. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    92. (Ka) yassa yattha vacīsaṅkhāro nirujjhissati tassa tattha cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhissatīti?

    ಅವಿತಕ್ಕಅವಿಚಾರಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಚತುತ್ಥಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಇತರೇಸಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ।

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca nirujjhissati vacīsaṅkhāro ca nirujjhissati.

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೯೩. (ಕ) ಯಸ್ಸ ಕಾಯಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ವಚೀಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    93. (Ka) yassa kāyasaṅkhāro na nirujjhissati tassa vacīsaṅkhāro na nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಕಾಯಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಕಾಯಸಙ್ಖಾರೋ ಚ ನ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro na nirujjhissati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca na nirujjhissati vacīsaṅkhāro ca na nirujjhissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಕ) ಯಸ್ಸ ಕಾಯಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    (Ka) yassa kāyasaṅkhāro na nirujjhissati tassa cittasaṅkhāro na nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಕಾಯಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ಚ ನ ನಿರುಜ್ಝಿಸ್ಸತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro na nirujjhissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca na nirujjhissati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    ೯೪. (ಕ) ಯಸ್ಸ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    94. (Ka) yassa vacīsaṅkhāro na nirujjhissati tassa cittasaṅkhāro na nirujjhissatīti?

    ಅವಿತಕ್ಕಅವಿಚಾರಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro na nirujjhissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca na nirujjhissati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೯೫. ಯತ್ಥ ಕಾಯಸಙ್ಖಾರೋ ನ ನಿರುಜ್ಝಿಸ್ಸತಿ…ಪೇ॰…।

    95. Yattha kāyasaṅkhāro na nirujjhissati…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೯೬. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    96. (Ka) yassa yattha kāyasaṅkhāro na nirujjhissati tassa tattha vacīsaṅkhāro na nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhissati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhissati vacīsaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhissatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhissati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    (Ka) yassa yattha kāyasaṅkhāro na nirujjhissati tassa tattha cittasaṅkhāro na nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನ ನಿರುಜ್ಝಿಸ್ಸತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhissati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿಸ್ಸತೀತಿ? ಆಮನ್ತಾ।

    (Kha) yassa vā pana yattha cittasaṅkhāro na nirujjhissati tassa tattha kāyasaṅkhāro na nirujjhissatīti? Āmantā.

    ೯೭. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    97. (Ka) yassa yattha vacīsaṅkhāro na nirujjhissati tassa tattha cittasaṅkhāro na nirujjhissatīti?

    ಅವಿತಕ್ಕಅವಿಚಾರಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಚತುತ್ಥಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhissati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತೀತಿ? ಆಮನ್ತಾ।

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhissatīti? Āmantā.

    (೪) ಪಚ್ಚುಪ್ಪನ್ನಾತೀತವಾರೋ

    (4) Paccuppannātītavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೯೮. (ಕ) ಯಸ್ಸ ಕಾಯಸಙ್ಖಾರೋ ನಿರುಜ್ಝತಿ ತಸ್ಸ ವಚೀಸಙ್ಖಾರೋ ನಿರುಜ್ಝಿತ್ಥಾತಿ ? ಆಮನ್ತಾ।

    98. (Ka) yassa kāyasaṅkhāro nirujjhati tassa vacīsaṅkhāro nirujjhitthāti ? Āmantā.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನಿರುಜ್ಝಿತ್ಥ ತಸ್ಸ ಕಾಯಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana vacīsaṅkhāro nirujjhittha tassa kāyasaṅkhāro nirujjhatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ನಿರುಜ್ಝಿತ್ಥ, ನೋ ಚ ತೇಸಂ ಕಾಯಸಙ್ಖಾರೋ ನಿರುಜ್ಝತಿ। ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ಚ ನಿರುಜ್ಝಿತ್ಥ ಕಾಯಸಙ್ಖಾರೋ ಚ ನಿರುಜ್ಝತಿ।

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhittha, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ vacīsaṅkhāro ca nirujjhittha kāyasaṅkhāro ca nirujjhati.

    (ಕ) ಯಸ್ಸ ಕಾಯಸಙ್ಖಾರೋ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿತ್ಥಾತಿ? ಆಮನ್ತಾ।

    (Ka) yassa kāyasaṅkhāro nirujjhati tassa cittasaṅkhāro nirujjhitthāti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝಿತ್ಥ ತಸ್ಸ ಕಾಯಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana cittasaṅkhāro nirujjhittha tassa kāyasaṅkhāro nirujjhatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿತ್ಥ, ನೋ ಚ ತೇಸಂ ಕಾಯಸಙ್ಖಾರೋ ನಿರುಜ್ಝತಿ। ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝಿತ್ಥ ಕಾಯಸಙ್ಖಾರೋ ಚ ನಿರುಜ್ಝತಿ।

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhittha, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhittha kāyasaṅkhāro ca nirujjhati.

    ೯೯. (ಕ) ಯಸ್ಸ ವಚೀಸಙ್ಖಾರೋ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿತ್ಥಾತಿ? ಆಮನ್ತಾ।

    99. (Ka) yassa vacīsaṅkhāro nirujjhati tassa cittasaṅkhāro nirujjhitthāti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝಿತ್ಥ ತಸ್ಸ ವಚೀಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana cittasaṅkhāro nirujjhittha tassa vacīsaṅkhāro nirujjhatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿತ್ಥ, ನೋ ಚ ತೇಸಂ ವಚೀಸಙ್ಖಾರೋ ನಿರುಜ್ಝತಿ। ವಿತಕ್ಕವಿಚಾರಾನಂ ಭಙ್ಗಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝಿತ್ಥ ವಚೀಸಙ್ಖಾರೋ ಚ ನಿರುಜ್ಝತಿ।

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhittha, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhittha vacīsaṅkhāro ca nirujjhati.

    (ಖ) ಅನುಲೋಮಓಕಾಸೋ

    (Kha) anulomaokāso

    ೧೦೦. ಯತ್ಥ ಕಾಯಸಙ್ಖಾರೋ ನಿರುಜ್ಝತಿ…ಪೇ॰…।

    100. Yattha kāyasaṅkhāro nirujjhati…pe….

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೧೦೧. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನಿರುಜ್ಝತಿ ತಸ್ಸ ತತ್ಥ ವಚೀಸಙ್ಖಾರೋ ನಿರುಜ್ಝಿತ್ಥಾತಿ?

    101. (Ka) yassa yattha kāyasaṅkhāro nirujjhati tassa tattha vacīsaṅkhāro nirujjhitthāti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿತ್ಥ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ಚ ನಿರುಜ್ಝತಿ ವಚೀಸಙ್ಖಾರೋ ಚ ನಿರುಜ್ಝಿತ್ಥ।

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro nirujjhati, no ca tesaṃ tattha vacīsaṅkhāro nirujjhittha. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro ca nirujjhati vacīsaṅkhāro ca nirujjhittha.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನಿರುಜ್ಝಿತ್ಥ ತಸ್ಸ ತತ್ಥ ಕಾಯಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana yattha vacīsaṅkhāro nirujjhittha tassa tattha kāyasaṅkhāro nirujjhatīti?

    ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ಚ ನಿರುಜ್ಝಿತ್ಥ ಕಾಯಸಙ್ಖಾರೋ ಚ ನಿರುಜ್ಝತಿ।

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhittha, no ca tesaṃ tattha kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro ca nirujjhittha kāyasaṅkhāro ca nirujjhati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನಿರುಜ್ಝತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿತ್ಥಾತಿ? ಆಮನ್ತಾ।

    (Ka) yassa yattha kāyasaṅkhāro nirujjhati tassa tattha cittasaṅkhāro nirujjhitthāti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿತ್ಥ ತಸ್ಸ ತತ್ಥ ಕಾಯಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana yattha cittasaṅkhāro nirujjhittha tassa tattha kāyasaṅkhāro nirujjhatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿತ್ಥ , ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝತಿ। ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿತ್ಥ ಕಾಯಸಙ್ಖಾರೋ ಚ ನಿರುಜ್ಝತಿ।

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha cittasaṅkhāro nirujjhittha , no ca tesaṃ tattha kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ tattha cittasaṅkhāro ca nirujjhittha kāyasaṅkhāro ca nirujjhati.

    ೧೦೨. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನಿರುಜ್ಝತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿತ್ಥಾತಿ? ಆಮನ್ತಾ।

    102. (Ka) yassa yattha vacīsaṅkhāro nirujjhati tassa tattha cittasaṅkhāro nirujjhitthāti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿತ್ಥ ತಸ್ಸ ತತ್ಥ ವಚೀಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana yattha cittasaṅkhāro nirujjhittha tassa tattha vacīsaṅkhāro nirujjhatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝತಿ। ವಿತಕ್ಕವಿಚಾರಾನಂ ಭಙ್ಗಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿತ್ಥ ವಚೀಸಙ್ಖಾರೋ ಚ ನಿರುಜ್ಝತಿ।

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha cittasaṅkhāro nirujjhittha, no ca tesaṃ tattha vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ tattha cittasaṅkhāro ca nirujjhittha vacīsaṅkhāro ca nirujjhati.

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೧೦೩. (ಕ) ಯಸ್ಸ ಕಾಯಸಙ್ಖಾರೋ ನ ನಿರುಜ್ಝತಿ ತಸ್ಸ ವಚೀಸಙ್ಖಾರೋ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ।

    103. (Ka) yassa kāyasaṅkhāro na nirujjhati tassa vacīsaṅkhāro na nirujjhitthāti? Nirujjhittha.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ಕಾಯಸಙ್ಖಾರೋ ನ ನಿರುಜ್ಝತೀತಿ? ನತ್ಥಿ।

    (Kha) yassa vā pana vacīsaṅkhāro na nirujjhittha tassa kāyasaṅkhāro na nirujjhatīti? Natthi.

    (ಕ) ಯಸ್ಸ ಕಾಯಸಙ್ಖಾರೋ ನ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ।

    (Ka) yassa kāyasaṅkhāro na nirujjhati tassa cittasaṅkhāro na nirujjhitthāti? Nirujjhittha.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ಕಾಯಸಙ್ಖಾರೋ ನ ನಿರುಜ್ಝತೀತಿ? ನತ್ಥಿ।

    (Kha) yassa vā pana cittasaṅkhāro na nirujjhittha tassa kāyasaṅkhāro na nirujjhatīti? Natthi.

    ೧೦೪. (ಕ) ಯಸ್ಸ ವಚೀಸಙ್ಖಾರೋ ನ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ।

    104. (Ka) yassa vacīsaṅkhāro na nirujjhati tassa cittasaṅkhāro na nirujjhitthāti? Nirujjhittha.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ವಚೀಸಙ್ಖಾರೋ ನ ನಿರುಜ್ಝತೀತಿ? ನತ್ಥಿ।

    (Kha) yassa vā pana cittasaṅkhāro na nirujjhittha tassa vacīsaṅkhāro na nirujjhatīti? Natthi.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೧೦೫. ಯತ್ಥ ಕಾಯಸಙ್ಖಾರೋ ನ ನಿರುಜ್ಝತಿ…ಪೇ॰…।

    105. Yattha kāyasaṅkhāro na nirujjhati…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೧೦೬. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನ ನಿರುಜ್ಝತಿ ತಸ್ಸ ತತ್ಥ ವಚೀಸಙ್ಖಾರೋ ನ ನಿರುಜ್ಝಿತ್ಥಾತಿ?

    106. (Ka) yassa yattha kāyasaṅkhāro na nirujjhati tassa tattha vacīsaṅkhāro na nirujjhitthāti?

    ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿತ್ಥ। ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ಚತುತ್ಥಜ್ಝಾನಂ ಸಮಾಪನ್ನಾನಂ ಸುದ್ಧಾವಾಸಾನಂ ದುತಿಯೇ ಚಿತ್ತೇ ವತ್ತಮಾನೇ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನ ನಿರುಜ್ಝತಿ ವಚೀಸಙ್ಖಾರೋ ಚ ನ ನಿರುಜ್ಝಿತ್ಥ।

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhittha. Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhittha.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ತತ್ಥ ಕಾಯಸಙ್ಖಾರೋ ನ ನಿರುಜ್ಝತೀತಿ?

    (Kha) yassa vā pana yattha vacīsaṅkhāro na nirujjhittha tassa tattha kāyasaṅkhāro na nirujjhatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝತಿ। ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ಚತುತ್ಥಜ್ಝಾನಂ ಸಮಾಪನ್ನಾನಂ ಸುದ್ಧಾವಾಸಾನಂ ದುತಿಯೇ ಚಿತ್ತೇ ವತ್ತಮಾನೇ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನ ನಿರುಜ್ಝಿತ್ಥ ಕಾಯಸಙ್ಖಾರೋ ಚ ನ ನಿರುಜ್ಝತಿ।

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro na nirujjhittha, no ca tesaṃ tattha kāyasaṅkhāro na nirujjhati. Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca na nirujjhittha kāyasaṅkhāro ca na nirujjhati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನ ನಿರುಜ್ಝತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿತ್ಥಾತಿ?

    (Ka) yassa yattha kāyasaṅkhāro na nirujjhati tassa tattha cittasaṅkhāro na nirujjhitthāti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿತ್ಥ। ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನ ನಿರುಜ್ಝತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿತ್ಥ।

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha cittasaṅkhāro na nirujjhittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca na nirujjhati cittasaṅkhāro ca na nirujjhittha.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ತತ್ಥ ಕಾಯಸಙ್ಖಾರೋ ನ ನಿರುಜ್ಝತೀತಿ? ಆಮನ್ತಾ।

    (Kha) yassa vā pana yattha cittasaṅkhāro na nirujjhittha tassa tattha kāyasaṅkhāro na nirujjhatīti? Āmantā.

    ೧೦೭. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನ ನಿರುಜ್ಝತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿತ್ಥಾತಿ?

    107. (Ka) yassa yattha vacīsaṅkhāro na nirujjhati tassa tattha cittasaṅkhāro na nirujjhitthāti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿತ್ಥ। ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನ ನಿರುಜ್ಝತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿತ್ಥ।

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha vacīsaṅkhāro na nirujjhati, no ca tesaṃ tattha cittasaṅkhāro na nirujjhittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca na nirujjhati cittasaṅkhāro ca na nirujjhittha.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ತತ್ಥ ವಚೀಸಙ್ಖಾರೋ ನ ನಿರುಜ್ಝತೀತಿ? ಆಮನ್ತಾ।

    (Kha) yassa vā pana yattha cittasaṅkhāro na nirujjhittha tassa tattha vacīsaṅkhāro na nirujjhatīti? Āmantā.

    (೫) ಪಚ್ಚುಪ್ಪನ್ನಾನಾಗತವಾರೋ

    (5) Paccuppannānāgatavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೧೦೮. (ಕ) ಯಸ್ಸ ಕಾಯಸಙ್ಖಾರೋ ನಿರುಜ್ಝತಿ ತಸ್ಸ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    108. (Ka) yassa kāyasaṅkhāro nirujjhati tassa vacīsaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ನಿರುಜ್ಝತೀತಿ ?

    (Kha) yassa vā pana vacīsaṅkhāro nirujjhissati tassa kāyasaṅkhāro nirujjhatīti ?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ನಿರುಜ್ಝತಿ। ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನಿರುಜ್ಝತಿ।

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ vacīsaṅkhāro ca nirujjhissati kāyasaṅkhāro ca nirujjhati.

    (ಕ) ಯಸ್ಸ ಕಾಯಸಙ್ಖಾರೋ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    (Ka) yassa kāyasaṅkhāro nirujjhati tassa cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana cittasaṅkhāro nirujjhissati tassa kāyasaṅkhāro nirujjhatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ನಿರುಜ್ಝತಿ। ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನಿರುಜ್ಝತಿ।

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhissati kāyasaṅkhāro ca nirujjhati.

    ೧೦೯. (ಕ) ಯಸ್ಸ ವಚೀಸಙ್ಖಾರೋ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ?

    109. (Ka) yassa vacīsaṅkhāro nirujjhati tassa cittasaṅkhāro nirujjhissatīti?

    ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ನಿರುಜ್ಝತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ। ಇತರೇಸಂ ವಿತಕ್ಕವಿಚಾರಾನಂ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ಚ ನಿರುಜ್ಝತಿ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ।

    Savitakkasavicārapacchimacittassa bhaṅgakkhaṇe tesaṃ vacīsaṅkhāro nirujjhati, no ca tesaṃ cittasaṅkhāro nirujjhissati. Itaresaṃ vitakkavicārānaṃ bhaṅgakkhaṇe tesaṃ vacīsaṅkhāro ca nirujjhati cittasaṅkhāro ca nirujjhissati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ವಚೀಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana cittasaṅkhāro nirujjhissati tassa vacīsaṅkhāro nirujjhatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ವಚೀಸಙ್ಖಾರೋ ನಿರುಜ್ಝತಿ। ವಿತಕ್ಕವಿಚಾರಾನಂ ಭಙ್ಗಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ನಿರುಜ್ಝತಿ।

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhissati vacīsaṅkhāro ca nirujjhati.

    (ಖ) ಅನುಲೋಮಓಕಾಸೋ

    (Kha) anulomaokāso

    ೧೧೦. ಯತ್ಥ ಕಾಯಸಙ್ಖಾರೋ ನಿರುಜ್ಝತಿ…ಪೇ॰…।

    110. Yattha kāyasaṅkhāro nirujjhati…pe….

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೧೧೧. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನಿರುಜ್ಝತಿ ತಸ್ಸ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ?

    111. (Ka) yassa yattha kāyasaṅkhāro nirujjhati tassa tattha vacīsaṅkhāro nirujjhissatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ಚ ನಿರುಜ್ಝತಿ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ।

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro nirujjhati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro ca nirujjhati vacīsaṅkhāro ca nirujjhissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhatīti?

    ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನಿರುಜ್ಝತಿ।

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro ca nirujjhissati kāyasaṅkhāro ca nirujjhati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನಿರುಜ್ಝತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    (Ka) yassa yattha kāyasaṅkhāro nirujjhati tassa tattha cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝತಿ। ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನಿರುಜ್ಝತಿ।

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ tattha cittasaṅkhāro ca nirujjhissati kāyasaṅkhāro ca nirujjhati.

    ೧೧೨. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನಿರುಜ್ಝತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ?

    112. (Ka) yassa yattha vacīsaṅkhāro nirujjhati tassa tattha cittasaṅkhāro nirujjhissatīti?

    ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ। ಇತರೇಸಂ ವಿತಕ್ಕವಿಚಾರಾನಂ ಭಙ್ಗಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ಚ ನಿರುಜ್ಝತಿ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ।

    Savitakkasavicārapacchimacittassa bhaṅgakkhaṇe tesaṃ tattha vacīsaṅkhāro nirujjhati, no ca tesaṃ tattha cittasaṅkhāro nirujjhissati. Itaresaṃ vitakkavicārānaṃ bhaṅgakkhaṇe tesaṃ tattha vacīsaṅkhāro ca nirujjhati cittasaṅkhāro ca nirujjhissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನಿರುಜ್ಝತೀತಿ?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝತಿ। ವಿತಕ್ಕವಿಚಾರಾನಂ ಭಙ್ಗಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ನಿರುಜ್ಝತಿ।

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ tattha cittasaṅkhāro ca nirujjhissati vacīsaṅkhāro ca nirujjhati.

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೧೧೩. (ಕ) ಯಸ್ಸ ಕಾಯಸಙ್ಖಾರೋ ನ ನಿರುಜ್ಝತಿ ತಸ್ಸ ವಚೀಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    113. (Ka) yassa kāyasaṅkhāro na nirujjhati tassa vacīsaṅkhāro na nirujjhissatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಕಾಯಸಙ್ಖಾರೋ ಚ ನ ನಿರುಜ್ಝತಿ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro na nirujjhati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca na nirujjhati vacīsaṅkhāro ca na nirujjhissati.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ನ ನಿರುಜ್ಝತೀತಿ? ಆಮನ್ತಾ।

    (Kha) yassa vā pana vacīsaṅkhāro na nirujjhissati tassa kāyasaṅkhāro na nirujjhatīti? Āmantā.

    (ಕ) ಯಸ್ಸ ಕಾಯಸಙ್ಖಾರೋ ನ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    (Ka) yassa kāyasaṅkhāro na nirujjhati tassa cittasaṅkhāro na nirujjhissatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ಚ ನ ನಿರುಜ್ಝತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro na nirujjhati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca na nirujjhati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    ೧೧೪. (ಕ) ಯಸ್ಸ ವಚೀಸಙ್ಖಾರೋ ನ ನಿರುಜ್ಝತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    114. (Ka) yassa vacīsaṅkhāro na nirujjhati tassa cittasaṅkhāro na nirujjhissatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಅವಿತಕ್ಕಅವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ಚ ನ ನಿರುಜ್ಝತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro na nirujjhati, no ca tesaṃ cittasaṅkhāro na nirujjhissati. Avitakkaavicārapacchimacittassa bhaṅgakkhaṇe tesaṃ vacīsaṅkhāro ca na nirujjhati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ವಚೀಸಙ್ಖಾರೋ ನ ನಿರುಜ್ಝತೀತಿ?

    (Kha) yassa vā pana cittasaṅkhāro na nirujjhissati tassa vacīsaṅkhāro na nirujjhatīti?

    ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ವಚೀಸಙ್ಖಾರೋ ನ ನಿರುಜ್ಝತಿ। ಅವಿತಕ್ಕಅವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ನ ನಿರುಜ್ಝತಿ।

    Savitakkasavicārapacchimacittassa bhaṅgakkhaṇe tesaṃ cittasaṅkhāro na nirujjhissati, no ca tesaṃ vacīsaṅkhāro na nirujjhati. Avitakkaavicārapacchimacittassa bhaṅgakkhaṇe tesaṃ cittasaṅkhāro ca na nirujjhissati vacīsaṅkhāro ca na nirujjhati.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೧೧೫. ಯತ್ಥ ಕಾಯಸಙ್ಖಾರೋ ನ ನಿರುಜ್ಝತಿ…ಪೇ॰…।

    115. Yattha kāyasaṅkhāro na nirujjhati…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೧೧೬. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನ ನಿರುಜ್ಝತಿ ತಸ್ಸ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    116. (Ka) yassa yattha kāyasaṅkhāro na nirujjhati tassa tattha vacīsaṅkhāro na nirujjhissatīti?

    ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನ ನಿರುಜ್ಝತಿ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನ ನಿರುಜ್ಝತೀತಿ?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನ ನಿರುಜ್ಝತಿ।

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನ ನಿರುಜ್ಝತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    (Ka) yassa yattha kāyasaṅkhāro na nirujjhati tassa tattha cittasaṅkhāro na nirujjhissatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನ ನಿರುಜ್ಝತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    ೧೧೭. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನ ನಿರುಜ್ಝತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    117. (Ka) yassa yattha vacīsaṅkhāro na nirujjhati tassa tattha cittasaṅkhāro na nirujjhissatīti?

    ಸಬ್ಬೇಸಂ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಅವಿತಕ್ಕಅವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನ ನಿರುಜ್ಝತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha vacīsaṅkhāro na nirujjhati, no ca tesaṃ tattha cittasaṅkhāro na nirujjhissati. Avitakkaavicārapacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನ ನಿರುಜ್ಝತೀತಿ?

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhatīti?

    ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝತಿ। ಅವಿತಕ್ಕಅವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ನ ನಿರುಜ್ಝತಿ।

    Savitakkasavicārapacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha vacīsaṅkhāro na nirujjhati. Avitakkaavicārapacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati vacīsaṅkhāro ca na nirujjhati.

    (೬) ಅತೀತಾನಾಗತವಾರೋ

    (6) Atītānāgatavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೧೧೮. (ಕ) ಯಸ್ಸ ಕಾಯಸಙ್ಖಾರೋ ನಿರುಜ್ಝಿತ್ಥ ತಸ್ಸ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ?

    118. (Ka) yassa kāyasaṅkhāro nirujjhittha tassa vacīsaṅkhāro nirujjhissatīti?

    ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಕಾಯಸಙ್ಖಾರೋ ನಿರುಜ್ಝಿತ್ಥ, ನೋ ಚ ತೇಸಂ ವಚೀಸಙ್ಖಾರೋ ನಿರುಜ್ಝಿಸ್ಸತಿ। ಇತರೇಸಂ ತೇಸಂ ಕಾಯಸಙ್ಖಾರೋ ಚ ನಿರುಜ್ಝಿತ್ಥ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ।

    Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro nirujjhittha, no ca tesaṃ vacīsaṅkhāro nirujjhissati. Itaresaṃ tesaṃ kāyasaṅkhāro ca nirujjhittha vacīsaṅkhāro ca nirujjhissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಕ) ಯಸ್ಸ ಕಾಯಸಙ್ಖಾರೋ ನಿರುಜ್ಝಿತ್ಥ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ?

    (Ka) yassa kāyasaṅkhāro nirujjhittha tassa cittasaṅkhāro nirujjhissatīti?

    ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ನಿರುಜ್ಝಿತ್ಥ, ನೋ ಚ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ। ಇತರೇಸಂ ತೇಸಂ ಕಾಯಸಙ್ಖಾರೋ ಚ ನಿರುಜ್ಝಿತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ।

    Pacchimacittassa bhaṅgakkhaṇe tesaṃ kāyasaṅkhāro nirujjhittha, no ca tesaṃ cittasaṅkhāro nirujjhissati. Itaresaṃ tesaṃ kāyasaṅkhāro ca nirujjhittha cittasaṅkhāro ca nirujjhissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    ೧೧೯. (ಕ) ಯಸ್ಸ ವಚೀಸಙ್ಖಾರೋ ನಿರುಜ್ಝಿತ್ಥ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ?

    119. (Ka) yassa vacīsaṅkhāro nirujjhittha tassa cittasaṅkhāro nirujjhissatīti?

    ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ನಿರುಜ್ಝಿತ್ಥ, ನೋ ಚ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ। ಇತರೇಸಂ ತೇಸಂ ವಚೀಸಙ್ಖಾರೋ ಚ ನಿರುಜ್ಝಿತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ।

    Pacchimacittassa bhaṅgakkhaṇe tesaṃ vacīsaṅkhāro nirujjhittha, no ca tesaṃ cittasaṅkhāro nirujjhissati. Itaresaṃ tesaṃ vacīsaṅkhāro ca nirujjhittha cittasaṅkhāro ca nirujjhissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಖ) ಅನುಲೋಮಓಕಾಸೋ

    (Kha) anulomaokāso

    ೧೨೦. ಯತ್ಥ ಕಾಯಸಙ್ಖಾರೋ ನಿರುಜ್ಝಿತ್ಥ…ಪೇ॰…।

    120. Yattha kāyasaṅkhāro nirujjhittha…pe….

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೧೨೧. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನಿರುಜ್ಝಿತ್ಥ ತಸ್ಸ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ?

    121. (Ka) yassa yattha kāyasaṅkhāro nirujjhittha tassa tattha vacīsaṅkhāro nirujjhissatīti?

    ಕಾಮಾವಚರೇ ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿತ್ಥ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ।

    Kāmāvacare pacchimacittassa bhaṅgakkhaṇe dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro nirujjhittha, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro na nirujjhittha vacīsaṅkhāro ca nirujjhissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನಿರುಜ್ಝಿತ್ಥಾತಿ?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhitthāti?

    ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝಿತ್ಥ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನಿರುಜ್ಝಿತ್ಥ।

    Rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro nirujjhittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca nirujjhittha.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನಿರುಜ್ಝಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ?

    (Ka) yassa yattha kāyasaṅkhāro nirujjhittha tassa tattha cittasaṅkhāro nirujjhissatīti?

    ಕಾಮಾವಚರೇ ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ। ಪಠಮಜ್ಝಾನಂ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನಿರುಜ್ಝಿತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ।

    Kāmāvacare pacchimacittassa bhaṅgakkhaṇe tesaṃ tattha kāyasaṅkhāro nirujjhittha, no ca tesaṃ tattha cittasaṅkhāro nirujjhissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca nirujjhittha cittasaṅkhāro ca nirujjhissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನಿರುಜ್ಝಿತ್ಥಾತಿ?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhitthāti?

    ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನಿರುಜ್ಝಿತ್ಥ। ಪಠಮಜ್ಝಾನಂ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನಿರುಜ್ಝಿತ್ಥ।

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca nirujjhittha.

    ೧೨೨. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನಿರುಜ್ಝಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ?

    122. (Ka) yassa yattha vacīsaṅkhāro nirujjhittha tassa tattha cittasaṅkhāro nirujjhissatīti?

    ಸವಿತಕ್ಕಸವಿಚಾರಭೂಮಿಯಂ ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ। ಇತರೇಸಂ ಸವಿತಕ್ಕಸವಿಚಾರಭೂಮಿಯಂ ತೇಸಂ ತತ್ಥ ವಚೀಸಙ್ಖಾರೋ ಚ ನಿರುಜ್ಝಿತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ।

    Savitakkasavicārabhūmiyaṃ pacchimacittassa bhaṅgakkhaṇe tesaṃ tattha vacīsaṅkhāro nirujjhittha, no ca tesaṃ tattha cittasaṅkhāro nirujjhissati. Itaresaṃ savitakkasavicārabhūmiyaṃ tesaṃ tattha vacīsaṅkhāro ca nirujjhittha cittasaṅkhāro ca nirujjhissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನಿರುಜ್ಝಿತ್ಥಾತಿ?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhitthāti?

    ಅವಿತಕ್ಕಅವಿಚಾರಭೂಮಿಯಂ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿತ್ಥ। ಸವಿತಕ್ಕಸವಿಚಾರಭೂಮಿಯಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ನಿರುಜ್ಝಿತ್ಥ।

    Avitakkaavicārabhūmiyaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhittha. Savitakkasavicārabhūmiyaṃ tesaṃ tattha cittasaṅkhāro ca nirujjhissati vacīsaṅkhāro ca nirujjhittha.

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೧೨೩. (ಕ) ಯಸ್ಸ ಕಾಯಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ವಚೀಸಙ್ಖಾರೋ ನ ನಿರುಜ್ಝಿಸ್ಸತೀತಿ? ನತ್ಥಿ।

    123. (Ka) yassa kāyasaṅkhāro na nirujjhittha tassa vacīsaṅkhāro na nirujjhissatīti? Natthi.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ।

    (Kha) yassa vā pana vacīsaṅkhāro na nirujjhissati tassa kāyasaṅkhāro na nirujjhitthāti? Nirujjhittha.

    (ಕ) ಯಸ್ಸ ಕಾಯಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ? ನತ್ಥಿ।

    (Ka) yassa kāyasaṅkhāro na nirujjhittha tassa cittasaṅkhāro na nirujjhissatīti? Natthi.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ।

    (Kha) yassa vā pana cittasaṅkhāro na nirujjhissati tassa kāyasaṅkhāro na nirujjhitthāti? Nirujjhittha.

    ೧೨೪. (ಕ) ಯಸ್ಸ ವಚೀಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ? ನತ್ಥಿ।

    124. (Ka) yassa vacīsaṅkhāro na nirujjhittha tassa cittasaṅkhāro na nirujjhissatīti? Natthi.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ವಚೀಸಙ್ಖಾರೋ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ।

    (Kha) yassa vā pana cittasaṅkhāro na nirujjhissati tassa vacīsaṅkhāro na nirujjhitthāti? Nirujjhittha.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೧೨೫. ಯತ್ಥ ಕಾಯಸಙ್ಖಾರೋ ನ ನಿರುಜ್ಝಿತ್ಥ…ಪೇ॰…।

    125. Yattha kāyasaṅkhāro na nirujjhittha…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೧೨೬. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    126. (Ka) yassa yattha kāyasaṅkhāro na nirujjhittha tassa tattha vacīsaṅkhāro na nirujjhissatīti?

    ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ। ರೂಪಾವಚರೇ ಅರೂಪಾವಚರೇ ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನ ನಿರುಜ್ಝಿತ್ಥ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhittha, no ca tesaṃ tattha vacīsaṅkhāro na nirujjhissati. Rūpāvacare arūpāvacare savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhittha vacīsaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿತ್ಥಾತಿ?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhitthāti?

    ಕಾಮಾವಚರೇ ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿತ್ಥ। ರೂಪಾವಚರೇ ಅರೂಪಾವಚರೇ ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನ ನಿರುಜ್ಝಿತ್ಥ।

    Kāmāvacare pacchimacittassa bhaṅgakkhaṇe dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhittha. Rūpāvacare arūpāvacare savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhittha.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    (Ka) yassa yattha kāyasaṅkhāro na nirujjhittha tassa tattha cittasaṅkhāro na nirujjhissatīti?

    ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ರೂಪಾವಚರೇ ಅರೂಪಾವಚರೇ ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನ ನಿರುಜ್ಝಿತ್ಥ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhittha, no ca tesaṃ tattha cittasaṅkhāro na nirujjhissati. Rūpāvacare arūpāvacare pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhittha cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿತ್ಥಾತಿ?

    (Kha) yassa vā pana yattha cittasaṅkhāro na nirujjhissati tassa tattha kāyasaṅkhāro na nirujjhitthāti?

    ಕಾಮಾವಚರೇ ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನ ನಿರುಜ್ಝಿತ್ಥ। ರೂಪಾವಚರೇ ಅರೂಪಾವಚರೇ ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನ ನಿರುಜ್ಝಿತ್ಥ।

    Kāmāvacare pacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha kāyasaṅkhāro na nirujjhittha. Rūpāvacare arūpāvacare pacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati kāyasaṅkhāro ca na nirujjhittha.

    ೧೨೭. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನ ನಿರುಜ್ಝಿತ್ಥ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    127. (Ka) yassa yattha vacīsaṅkhāro na nirujjhittha tassa tattha cittasaṅkhāro na nirujjhissatīti?

    ಅವಿತಕ್ಕಅವಿಚಾರಭೂಮಿಯಂ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಅವಿತಕ್ಕಅವಿಚಾರಭೂಮಿಯಂ ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನ ನಿರುಜ್ಝಿತ್ಥ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Avitakkaavicārabhūmiyaṃ tesaṃ tattha vacīsaṅkhāro na nirujjhittha, no ca tesaṃ tattha cittasaṅkhāro na nirujjhissati. Avitakkaavicārabhūmiyaṃ pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhittha cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನ ನಿರುಜ್ಝಿತ್ಥಾತಿ?

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhitthāti?

    ಸವಿತಕ್ಕಸವಿಚಾರಭೂಮಿಯಂ ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿತ್ಥ। ಅವಿತಕ್ಕಅವಿಚಾರಭೂಮಿಯಂ ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ನ ನಿರುಜ್ಝಿತ್ಥ।

    Savitakkasavicārabhūmiyaṃ pacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha vacīsaṅkhāro na nirujjhittha. Avitakkaavicārabhūmiyaṃ pacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati vacīsaṅkhāro ca na nirujjhittha.

    ನಿರೋಧವಾರೋ।

    Nirodhavāro.

    ೨. ಪವತ್ತಿ ೩. ಉಪ್ಪಾದನಿರೋಧವಾರೋ

    2. Pavatti 3. uppādanirodhavāro

    (೧) ಪಚ್ಚುಪ್ಪನ್ನವಾರೋ

    (1) Paccuppannavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೧೨೮. (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ನಿರುಜ್ಝತೀತಿ? ನೋ।

    128. (Ka) yassa kāyasaṅkhāro uppajjati tassa vacīsaṅkhāro nirujjhatīti? No.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನಿರುಜ್ಝತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜತೀತಿ? ನೋ।

    (Kha) yassa vā pana vacīsaṅkhāro nirujjhati tassa kāyasaṅkhāro uppajjatīti? No.

    (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝತೀತಿ? ನೋ।

    (Ka) yassa kāyasaṅkhāro uppajjati tassa cittasaṅkhāro nirujjhatīti? No.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜತೀತಿ? ನೋ।

    (Kha) yassa vā pana cittasaṅkhāro nirujjhati tassa kāyasaṅkhāro uppajjatīti? No.

    ೧೨೯. (ಕ) ಯಸ್ಸ ವಚೀಸಙ್ಖಾರೋ ಉಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝತೀತಿ? ನೋ।

    129. (Ka) yassa vacīsaṅkhāro uppajjati tassa cittasaṅkhāro nirujjhatīti? No.

    (ಖ) ಯಸ್ಸ ವಾ ಪನ…ಪೇ॰…? ನೋ।

    (Kha) yassa vā pana…pe…? No.

    (ಖ) ಅನುಲೋಮಓಕಾಸೋ

    (Kha) anulomaokāso

    ೧೩೦. ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ ತತ್ಥ ವಚೀಸಙ್ಖಾರೋ ನಿರುಜ್ಝತೀತಿ?

    130. Yattha kāyasaṅkhāro uppajjati tattha vacīsaṅkhāro nirujjhatīti?

    ದುತಿಯಜ್ಝಾನೇ ತತಿಯಜ್ಝಾನೇ ತತ್ಥ…ಪೇ॰… (ಇತರೇಸಂ ಯತ್ಥಕಾನಂ ಸದಿಸಂ)।

    Dutiyajjhāne tatiyajjhāne tattha…pe… (itaresaṃ yatthakānaṃ sadisaṃ).

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೧೩೧. ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ…ಪೇ॰… (ಯಸ್ಸಕಮ್ಪಿ ಯಸ್ಸಯತ್ಥಕಮ್ಪಿ ಸದಿಸಂ)।

    131. Yassa yattha kāyasaṅkhāro uppajjati…pe… (yassakampi yassayatthakampi sadisaṃ).

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೧೩೨. (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ನ ನಿರುಜ್ಝತೀತಿ?

    132. (Ka) yassa kāyasaṅkhāro nuppajjati tassa vacīsaṅkhāro na nirujjhatīti?

    ವಿತಕ್ಕವಿಚಾರಾನಂ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ವಚೀಸಙ್ಖಾರೋ ನ ನಿರುಜ್ಝತಿ। ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜತಿ ವಚೀಸಙ್ಖಾರೋ ಚ ನ ನಿರುಜ್ಝತಿ।

    Vitakkavicārānaṃ bhaṅgakkhaṇe tesaṃ kāyasaṅkhāro nuppajjati, no ca tesaṃ vacīsaṅkhāro na nirujjhati. Vinā assāsapassāsehi cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati vacīsaṅkhāro ca na nirujjhati.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನ ನಿರುಜ್ಝತಿ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜತೀತಿ?

    (Kha) yassa vā pana vacīsaṅkhāro na nirujjhati tassa kāyasaṅkhāro nuppajjatīti?

    ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ವಚೀಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ಕಾಯಸಙ್ಖಾರೋ ನುಪ್ಪಜ್ಜತಿ। ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ಚ ನ ನಿರುಜ್ಝತಿ ಕಾಯಸಙ್ಖಾರೋ ಚ ನುಪ್ಪಜ್ಜತಿ।

    Assāsapassāsānaṃ uppādakkhaṇe tesaṃ vacīsaṅkhāro na nirujjhati, no ca tesaṃ kāyasaṅkhāro nuppajjati. Vinā assāsapassāsehi cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati kāyasaṅkhāro ca nuppajjati.

    (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝತೀತಿ?

    (Ka) yassa kāyasaṅkhāro nuppajjati tassa cittasaṅkhāro nirujjhatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝತಿ। ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನ ನಿರುಜ್ಝತಿ।

    Sabbesaṃ cittassa bhaṅgakkhaṇe tesaṃ kāyasaṅkhāro nuppajjati, no ca tesaṃ cittasaṅkhāro na nirujjhati. Vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati cittasaṅkhāro ca na nirujjhati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನ ನಿರುಜ್ಝತಿ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜತೀತಿ?

    (Kha) yassa vā pana cittasaṅkhāro na nirujjhati tassa kāyasaṅkhāro nuppajjatīti?

    ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ಕಾಯಸಙ್ಖಾರೋ ನುಪ್ಪಜ್ಜತಿ। ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ಚ ನ ನಿರುಜ್ಝತಿ ಕಾಯಸಙ್ಖಾರೋ ಚ ನುಪ್ಪಜ್ಜತಿ।

    Assāsapassāsānaṃ uppādakkhaṇe tesaṃ cittasaṅkhāro na nirujjhati, no ca tesaṃ kāyasaṅkhāro nuppajjati. Vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro ca na nirujjhati kāyasaṅkhāro ca nuppajjati.

    ೧೩೩. (ಕ) ಯಸ್ಸ ವಚೀಸಙ್ಖಾರೋ ನುಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝತೀತಿ?

    133. (Ka) yassa vacīsaṅkhāro nuppajjati tassa cittasaṅkhāro na nirujjhatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝತಿ। ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನ ನಿರುಜ್ಝತಿ।

    Sabbesaṃ cittassa bhaṅgakkhaṇe tesaṃ vacīsaṅkhāro nuppajjati, no ca tesaṃ cittasaṅkhāro na nirujjhati. Vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati cittasaṅkhāro ca na nirujjhati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನ ನಿರುಜ್ಝತಿ ತಸ್ಸ ವಚೀಸಙ್ಖಾರೋ ನುಪ್ಪಜ್ಜತೀತಿ?

    (Kha) yassa vā pana cittasaṅkhāro na nirujjhati tassa vacīsaṅkhāro nuppajjatīti?

    ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝತಿ, ನೋ ಚ ತೇಸಂ ವಚೀಸಙ್ಖಾರೋ ನುಪ್ಪಜ್ಜತಿ। ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ಚ ನ ನಿರುಜ್ಝತಿ ವಚೀಸಙ್ಖಾರೋ ಚ ನುಪ್ಪಜ್ಜತಿ।

    Vitakkavicārānaṃ uppādakkhaṇe tesaṃ cittasaṅkhāro na nirujjhati, no ca tesaṃ vacīsaṅkhāro nuppajjati. Vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro ca na nirujjhati vacīsaṅkhāro ca nuppajjati.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೧೩೪. ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ…ಪೇ॰…।

    134. Yattha kāyasaṅkhāro nuppajjati…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೧೩೫. ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ…ಪೇ॰…।

    135. Yassa yattha kāyasaṅkhāro nuppajjati…pe….

    (ಯಸ್ಸಕಮ್ಪಿ ಯಸ್ಸಯತ್ಥಕಮ್ಪಿ ಸದಿಸಂ, ಯಸ್ಸಯತ್ಥಕೇ ನಿರೋಧಸಮಾಪನ್ನಾನನ್ತಿ ನ ಲಬ್ಭತಿ)।

    (Yassakampi yassayatthakampi sadisaṃ, yassayatthake nirodhasamāpannānanti na labbhati).

    (೨) ಅತೀತವಾರೋ

    (2) Atītavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೧೩೬. ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ವಚೀಸಙ್ಖಾರೋ ನಿರುಜ್ಝಿತ್ಥಾತಿ? ಆಮನ್ತಾ।

    136. Yassa kāyasaṅkhāro uppajjittha tassa vacīsaṅkhāro nirujjhitthāti? Āmantā.

    (ಅತೀತಾ ಪುಚ್ಛಾ ಉಪ್ಪಾದವಾರೇಪಿ ನಿರೋಧವಾರೇಪಿ ಉಪ್ಪಾದನಿರೋಧವಾರೇಪಿ ಸದಿಸಂ ವಿತ್ಥಾರೇತಬ್ಬಾ)।

    (Atītā pucchā uppādavārepi nirodhavārepi uppādanirodhavārepi sadisaṃ vitthāretabbā).

    (೩) ಅನಾಗತವಾರೋ

    (3) Anāgatavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೧೩೭. (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    137. (Ka) yassa kāyasaṅkhāro uppajjissati tassa vacīsaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana vacīsaṅkhāro nirujjhissati tassa kāyasaṅkhāro uppajjissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ವಚೀಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ । ಇತರೇಸಂ ತೇಸಂ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro uppajjissati . Itaresaṃ tesaṃ vacīsaṅkhāro ca nirujjhissati kāyasaṅkhāro ca uppajjissati.

    (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    (Ka) yassa kāyasaṅkhāro uppajjissati tassa cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana cittasaṅkhāro nirujjhissati tassa kāyasaṅkhāro uppajjissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ। ಇತರೇಸಂ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro nirujjhissati, no ca tesaṃ kāyasaṅkhāro uppajjissati. Itaresaṃ tesaṃ cittasaṅkhāro ca nirujjhissati kāyasaṅkhāro ca uppajjissati.

    ೧೩೮. (ಕ) ಯಸ್ಸ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    138. (Ka) yassa vacīsaṅkhāro uppajjissati tassa cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ವಚೀಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana cittasaṅkhāro nirujjhissati tassa vacīsaṅkhāro uppajjissatīti?

    ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ। ಇತರೇಸಂ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro nirujjhissati, no ca tesaṃ vacīsaṅkhāro uppajjissati. Itaresaṃ tesaṃ cittasaṅkhāro ca nirujjhissati vacīsaṅkhāro ca uppajjissati.

    (ಖ) ಅನುಲೋಮಓಕಾಸೋ

    (Kha) anulomaokāso

    ೧೩೯. ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ…ಪೇ॰…।

    139. Yattha kāyasaṅkhāro uppajjissati…pe….

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೧೪೦. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ?

    140. (Ka) yassa yattha kāyasaṅkhāro uppajjissati tassa tattha vacīsaṅkhāro nirujjhissatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ।

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjissati vacīsaṅkhāro ca nirujjhissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro uppajjissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca uppajjissati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    (Ka) yassa yattha kāyasaṅkhāro uppajjissati tassa tattha cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro uppajjissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜಿಸ್ಸತಿ। ಪಠಮಜ್ಝಾನಂ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca uppajjissati.

    ೧೪೧. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    141. (Ka) yassa yattha vacīsaṅkhāro uppajjissati tassa tattha cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತೀತಿ?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro uppajjissatīti?

    ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಚತುತ್ಥಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಇತರೇಸಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ಉಪ್ಪಜ್ಜಿಸ್ಸತಿ।

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca nirujjhissati vacīsaṅkhāro ca uppajjissati.

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೧೪೨. (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ವಚೀಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    142. (Ka) yassa kāyasaṅkhāro nuppajjissati tassa vacīsaṅkhāro na nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjissati vacīsaṅkhāro ca na nirujjhissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    (Ka) yassa kāyasaṅkhāro nuppajjissati tassa cittasaṅkhāro na nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca nuppajjissati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    ೧೪೩. (ಕ) ಯಸ್ಸ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    143. (Ka) yassa vacīsaṅkhāro nuppajjissati tassa cittasaṅkhāro na nirujjhissatīti?

    ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro nuppajjissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca nuppajjissati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ…ಪೇ॰…? ಆಮನ್ತಾ।

    (Kha) yassa vā pana…pe…? Āmantā.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೧೪೪. ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ…ಪೇ॰…।

    144. Yattha kāyasaṅkhāro nuppajjissati…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೧೪೫. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    145. (Ka) yassa yattha kāyasaṅkhāro nuppajjissati tassa tattha vacīsaṅkhāro na nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjissati vacīsaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತೀತಿ?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro nuppajjissatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನುಪ್ಪಜ್ಜಿಸ್ಸತಿ।

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca nuppajjissati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    (Ka) yassa yattha kāyasaṅkhāro nuppajjissati tassa tattha cittasaṅkhāro na nirujjhissatīti?

    ಕಾಮಾವಚರಾನಂ ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಕಾಮಾವಚರಾನಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ಚತುತ್ಥಜ್ಝಾನಂ ಸಮಾಪನ್ನಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca nuppajjissati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ…ಪೇ॰…? ಆಮನ್ತಾ।

    (Kha) yassa vā pana yattha…pe…? Āmantā.

    ೧೪೬. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    146. (Ka) yassa yattha vacīsaṅkhāro nuppajjissati tassa tattha cittasaṅkhāro na nirujjhissatīti?

    ಪಚ್ಛಿಮಚಿತ್ತಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಚತುತ್ಥಜ್ಝಾನಂ ಸಮಾಪನ್ನಾನಂ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜಿಸ್ಸತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca nuppajjissati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ…ಪೇ॰…? ಆಮನ್ತಾ।

    (Kha) yassa vā pana yattha…pe…? Āmantā.

    (೪) ಪಚ್ಚುಪ್ಪನ್ನಾತೀತವಾರೋ

    (4) Paccuppannātītavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೧೪೭. (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ನಿರುಜ್ಝಿತ್ಥಾತಿ? ಆಮನ್ತಾ।

    147. (Ka) yassa kāyasaṅkhāro uppajjati tassa vacīsaṅkhāro nirujjhitthāti? Āmantā.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನಿರುಜ್ಝಿತ್ಥ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana vacīsaṅkhāro nirujjhittha tassa kāyasaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ನಿರುಜ್ಝಿತ್ಥ , ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜತಿ। ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ವಚೀಸಙ್ಖಾರೋ ಚ ನಿರುಜ್ಝಿತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhittha , no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca nirujjhittha kāyasaṅkhāro ca uppajjati.

    (ಯಥಾ ಉಪ್ಪಾದವಾರೇ ಪಚ್ಚುಪ್ಪನ್ನಾತೀತಾ ಪುಚ್ಛಾ ಅನುಲೋಮಮ್ಪಿ ಪಚ್ಚನೀಕಮ್ಪಿ ವಿಭತ್ತಾ ಏವಂ ಉಪ್ಪಾದವಾರನಿರೋಧವಾರೇಪಿ ಪಚ್ಚುಪ್ಪನ್ನಾತೀತಾ ಪುಚ್ಛಾ ಅನುಲೋಮಮ್ಪಿ ಪಚ್ಚನೀಕಮ್ಪಿ ವಿಭಜಿತಬ್ಬಾ।)

    (Yathā uppādavāre paccuppannātītā pucchā anulomampi paccanīkampi vibhattā evaṃ uppādavāranirodhavārepi paccuppannātītā pucchā anulomampi paccanīkampi vibhajitabbā.)

    (೫) ಪಚ್ಚುಪ್ಪನ್ನಾನಾಗತವಾರೋ

    (5) Paccuppannānāgatavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೧೪೮. (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    148. (Ka) yassa kāyasaṅkhāro uppajjati tassa vacīsaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana vacīsaṅkhāro nirujjhissati tassa kāyasaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜತಿ। ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca nirujjhissati kāyasaṅkhāro ca uppajjati.

    (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    (Ka) yassa kāyasaṅkhāro uppajjati tassa cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana cittasaṅkhāro nirujjhissati tassa kāyasaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ಕಾಯಸಙ್ಖಾರೋ ಉಪ್ಪಜ್ಜತಿ। ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca nirujjhissati kāyasaṅkhāro ca uppajjati.

    ೧೪೯. (ಕ) ಯಸ್ಸ ವಚೀಸಙ್ಖಾರೋ ಉಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    149. (Ka) yassa vacīsaṅkhāro uppajjati tassa cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ವಚೀಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana cittasaṅkhāro nirujjhissati tassa vacīsaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ವಚೀಸಙ್ಖಾರೋ ಉಪ್ಪಜ್ಜತಿ। ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca nirujjhissati vacīsaṅkhāro ca uppajjati.

    (ಖ) ಅನುಲೋಮಓಕಾಸೋ

    (Kha) anulomaokāso

    ೧೫೦. ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ…ಪೇ॰…।

    150. Yattha kāyasaṅkhāro uppajjati…pe….

    (ಗ) ಅನುಲೋಮಪುಗ್ಗಲೋಕಾಸಾ

    (Ga) anulomapuggalokāsā

    ೧೫೧. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ?

    151. (Ka) yassa yattha kāyasaṅkhāro uppajjati tassa tattha vacīsaṅkhāro nirujjhissatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ಚ ಉಪ್ಪಜ್ಜತಿ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ।

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca nirujjhissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro uppajjatīti?

    ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ವಚೀಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ। ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca nirujjhissati kāyasaṅkhāro ca uppajjati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    (Ka) yassa yattha kāyasaṅkhāro uppajjati tassa tattha cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ಉಪ್ಪಜ್ಜತಿ। ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca nirujjhissati kāyasaṅkhāro ca uppajjati.

    ೧೫೨. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ಉಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ? ಆಮನ್ತಾ।

    152. (Ka) yassa yattha vacīsaṅkhāro uppajjati tassa tattha cittasaṅkhāro nirujjhissatīti? Āmantā.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ಉಪ್ಪಜ್ಜತೀತಿ?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro uppajjatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ಉಪ್ಪಜ್ಜತಿ। ವಿತಕ್ಕವಿಚಾರಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ ವಚೀಸಙ್ಖಾರೋ ಚ ಉಪ್ಪಜ್ಜತಿ।

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca nirujjhissati vacīsaṅkhāro ca uppajjati.

    (ಘ) ಪಚ್ಚನೀಕಪುಗ್ಗಲೋ

    (Gha) paccanīkapuggalo

    ೧೫೩. (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ವಚೀಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    153. (Ka) yassa kāyasaṅkhāro nuppajjati tassa vacīsaṅkhāro na nirujjhissatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜತಿ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjati vacīsaṅkhāro ca na nirujjhissati.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜತೀತಿ? ಆಮನ್ತಾ।

    (Kha) yassa vā pana vacīsaṅkhāro na nirujjhissati tassa kāyasaṅkhāro nuppajjatīti? Āmantā.

    (ಕ) ಯಸ್ಸ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    (Ka) yassa kāyasaṅkhāro nuppajjati tassa cittasaṅkhāro na nirujjhissatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca nuppajjati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ನುಪ್ಪಜ್ಜತೀತಿ? ಆಮನ್ತಾ।

    (Kha) yassa vā pana cittasaṅkhāro na nirujjhissati tassa kāyasaṅkhāro nuppajjatīti? Āmantā.

    ೧೫೪. (ಕ) ಯಸ್ಸ ವಚೀಸಙ್ಖಾರೋ ನುಪ್ಪಜ್ಜತಿ ತಸ್ಸ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    154. (Ka) yassa vacīsaṅkhāro nuppajjati tassa cittasaṅkhāro na nirujjhissatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ವಚೀಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ವಚೀಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nuppajjati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca nuppajjati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ವಚೀಸಙ್ಖಾರೋ ನುಪ್ಪಜ್ಜತೀತಿ? ಆಮನ್ತಾ।

    (Kha) yassa vā pana cittasaṅkhāro na nirujjhissati tassa vacīsaṅkhāro nuppajjatīti? Āmantā.

    (ಙ) ಪಚ್ಚನೀಕಓಕಾಸೋ

    (Ṅa) paccanīkaokāso

    ೧೫೫. ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ…ಪೇ॰…।

    155. Yattha kāyasaṅkhāro nuppajjati…pe….

    (ಚ) ಪಚ್ಚನೀಕಪುಗ್ಗಲೋಕಾಸಾ

    (Ca) paccanīkapuggalokāsā

    ೧೫೬. (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    156. (Ka) yassa yattha kāyasaṅkhāro nuppajjati tassa tattha vacīsaṅkhāro na nirujjhissatīti?

    ಪಠಮಜ್ಝಾನಂ ಸಮಾಪನ್ನಾನಂ ಕಾಮಾವಚರಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜತಿ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತೀತಿ?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro nuppajjatīti?

    ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ। ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ದುತಿಯಜ್ಝಾನಂ ತತಿಯಜ್ಝಾನಂ ಸಮಾಪನ್ನಾನಂ ಅಸ್ಸಾಸಪಸ್ಸಾಸಾನಂ ಭಙ್ಗಕ್ಖಣೇ ತೇಸಂಯೇವ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ಚತುತ್ಥಜ್ಝಾನಂ ಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನ ನಿರುಜ್ಝಿಸ್ಸತಿ ಕಾಯಸಙ್ಖಾರೋ ಚ ನುಪ್ಪಜ್ಜತಿ।

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca nuppajjati.

    (ಕ) ಯಸ್ಸ ಯತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    (Ka) yassa yattha kāyasaṅkhāro nuppajjati tassa tattha cittasaṅkhāro na nirujjhissatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ಅಸ್ಸಾಸಪಸ್ಸಾಸೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಕಾಯಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಕಾಯಸಙ್ಖಾರೋ ನುಪ್ಪಜ್ಜತೀತಿ? ಆಮನ್ತಾ।

    (Kha) yassa vā pana yattha cittasaṅkhāro na nirujjhissati tassa tattha kāyasaṅkhāro nuppajjatīti? Āmantā.

    ೧೫೭. (ಕ) ಯಸ್ಸ ಯತ್ಥ ವಚೀಸಙ್ಖಾರೋ ನುಪ್ಪಜ್ಜತಿ ತಸ್ಸ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತೀತಿ?

    157. (Ka) yassa yattha vacīsaṅkhāro nuppajjati tassa tattha cittasaṅkhāro na nirujjhissatīti?

    ಸಬ್ಬೇಸಂ ಚಿತ್ತಸ್ಸ ಭಙ್ಗಕ್ಖಣೇ ವಿನಾ ವಿತಕ್ಕವಿಚಾರೇಹಿ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ತತ್ಥ ವಚೀಸಙ್ಖಾರೋ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ। ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ವಚೀಸಙ್ಖಾರೋ ಚ ನುಪ್ಪಜ್ಜತಿ ಚಿತ್ತಸಙ್ಖಾರೋ ಚ ನ ನಿರುಜ್ಝಿಸ್ಸತಿ।

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca na nirujjhissati.

    (ಖ) ಯಸ್ಸ ವಾ ಪನ ಯತ್ಥ ಚಿತ್ತಸಙ್ಖಾರೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ವಚೀಸಙ್ಖಾರೋ ನುಪ್ಪಜ್ಜತೀತಿ? ಆಮನ್ತಾ।

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro nuppajjatīti? Āmantā.

    (೬) ಅತೀತಾನಾಗತವಾರೋ

    (6) Atītānāgatavāro

    (ಕ) ಅನುಲೋಮಪುಗ್ಗಲೋ

    (Ka) anulomapuggalo

    ೧೫೮. (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ವಚೀಸಙ್ಖಾರೋ ನಿರುಜ್ಝಿಸ್ಸತೀತಿ?

    158. (Ka) yassa kāyasaṅkhāro uppajjittha tassa vacīsaṅkhāro nirujjhissatīti?

    ಸವಿತಕ್ಕಸವಿಚಾರಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ಅವಿತಕ್ಕಅವಿಚಾರಪಚ್ಛಿಮಚಿತ್ತಸಮಙ್ಗೀನಂ ಯಸ್ಸ ಚಿತ್ತಸ್ಸ ಅನನ್ತರಾ ಅವಿತಕ್ಕಅವಿಚಾರಂ ಪಚ್ಛಿಮಚಿತ್ತಂ ಉಪ್ಪಜ್ಜಿಸ್ಸತಿ ತೇಸಂ ಕಾಯಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ವಚೀಸಙ್ಖಾರೋ ನಿರುಜ್ಝಿಸ್ಸತಿ। ಇತರೇಸಂ ತೇಸಂ ಕಾಯಸಙ್ಖಾರೋ ಚ ಉಪ್ಪಜ್ಜಿತ್ಥ ವಚೀಸಙ್ಖಾರೋ ಚ ನಿರುಜ್ಝಿಸ್ಸತಿ।

    Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro uppajjittha, no ca tesaṃ vacīsaṅkhāro nirujjhissati. Itaresaṃ tesaṃ kāyasaṅkhāro ca uppajjittha vacīsaṅkhāro ca nirujjhissati.

    (ಖ) ಯಸ್ಸ ವಾ ಪನ ವಚೀಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    (Kha) yassa vā pana vacīsaṅkhāro nirujjhissati tassa kāyasaṅkhāro uppajjitthāti? Āmantā.

    (ಕ) ಯಸ್ಸ ಕಾಯಸಙ್ಖಾರೋ ಉಪ್ಪಜ್ಜಿತ್ಥ ತಸ್ಸ ಚಿತ್ತಸಙ್ಖಾರೋ ನಿರುಜ್ಝಿಸ್ಸತೀತಿ?

    (Ka) yassa kāyasaṅkhāro uppajjittha tassa cittasaṅkhāro nirujjhissatīti?

    ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಕಾಯಸಙ್ಖಾರೋ ಉಪ್ಪಜ್ಜಿತ್ಥ, ನೋ ಚ ತೇಸಂ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ। ಇತರೇಸಂ ತೇಸಂ ಕಾಯಸಙ್ಖಾರೋ ಚ ಉಪ್ಪಜ್ಜಿತ್ಥ ಚಿತ್ತಸಙ್ಖಾರೋ ಚ ನಿರುಜ್ಝಿಸ್ಸತಿ।

    Pacchimacittassa bhaṅgakkhaṇe tesaṃ kāyasaṅkhāro uppajjittha, no ca tesaṃ cittasaṅkhāro nirujjhissati. Itaresaṃ tesaṃ kāyasaṅkhāro ca uppajjittha cittasaṅkhāro ca nirujjhissati.

    (ಖ) ಯಸ್ಸ ವಾ ಪನ ಚಿತ್ತಸಙ್ಖಾರೋ ನಿರುಜ್ಝಿಸ್ಸತಿ ತಸ್ಸ ಕಾಯಸಙ್ಖಾರೋ ಉಪ್ಪಜ್ಜಿತ್ಥಾತಿ? ಆಮನ್ತಾ।

    (Kha) yassa vā pana cittasaṅkhāro nirujjhissati tassa kāyasaṅkhāro uppajjitthāti? Āmantā.

    (ಯಥಾ ನಿರೋಧವಾರೇ ಅತೀತಾನಾಗತಾ ಪುಚ್ಛಾ ಅನುಲೋಮಮ್ಪಿ ಪಚ್ಚನೀಕಮ್ಪಿ ಏವಂ ಉಪ್ಪಾದನಿರೋಧವಾರೇಪಿ ಅತೀತಾನಾಗತಾ ಪುಚ್ಛಾ ಅನುಲೋಮಮ್ಪಿ ಪಚ್ಚನೀಕಮ್ಪಿ ವಿಭಜಿತಬ್ಬಂ ಅಸಮ್ಮೋಹನ್ತೇನ ನಿರೋಧವಾರೇನ ಸದಿಸಂ, ನತ್ಥಿ ನಾನಾಕರಣಂ।)

    (Yathā nirodhavāre atītānāgatā pucchā anulomampi paccanīkampi evaṃ uppādanirodhavārepi atītānāgatā pucchā anulomampi paccanīkampi vibhajitabbaṃ asammohantena nirodhavārena sadisaṃ, natthi nānākaraṇaṃ.)

    ಉಪ್ಪಾದನಿರೋಧವಾರೋ।

    Uppādanirodhavāro.

    ೩. ಪರಿಞ್ಞಾವಾರೋ

    3. Pariññāvāro

    ೧-೬. ಪಚ್ಚುಪ್ಪನ್ನವಾರಾದಿ

    1-6. Paccuppannavārādi

    ೧೫೯. (ಕ) ಯೋ ಕಾಯಸಙ್ಖಾರಂ ಪರಿಜಾನಾತಿ ಸೋ ವಚೀಸಙ್ಖಾರಂ ಪರಿಜಾನಾತೀತಿ? ಆಮನ್ತಾ।

    159. (Ka) yo kāyasaṅkhāraṃ parijānāti so vacīsaṅkhāraṃ parijānātīti? Āmantā.

    (ಖ) ಯೋ ವಾ ಪನ ವಚೀಸಙ್ಖಾರಂ ಪರಿಜಾನಾತಿ ಸೋ ಕಾಯಸಙ್ಖಾರಂ ಪರಿಜಾನಾತೀತಿ? ಆಮನ್ತಾ।

    (Kha) yo vā pana vacīsaṅkhāraṃ parijānāti so kāyasaṅkhāraṃ parijānātīti? Āmantā.

    (ಯಥಾ ಖನ್ಧಯಮಕೇ ಪರಿಞ್ಞಾವಾರಂ ವಿಭತ್ತಂ ಏವಂ ಸಙ್ಖಾರಯಮಕೇಪಿ ಪರಿಞ್ಞಾವಾರಂ ವಿಭಜಿತಬ್ಬಂ।)

    (Yathā khandhayamake pariññāvāraṃ vibhattaṃ evaṃ saṅkhārayamakepi pariññāvāraṃ vibhajitabbaṃ.)

    ಪರಿಞ್ಞಾವಾರೋ।

    Pariññāvāro.

    ಸಙ್ಖಾರಯಮಕಂ ನಿಟ್ಠಿತಂ।

    Saṅkhārayamakaṃ niṭṭhitaṃ.

    ॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥

    Namo tassa bhagavato arahato sammāsambuddhassa




    Next: ೭. ಅನುಸಯಯಮಕಂ • 7. Anusayayamakaṃ




    Footnotes:
    1. ಅವಸೇಸಾ ಸಙ್ಖಾರಾ ಸಙ್ಖಾರಾ (ಸೀ॰ ಸ್ಯಾ॰ ಕಂ॰)
    2. avasesā saṅkhārā saṅkhārā (sī. syā. kaṃ.)



    Related texts:



    ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೬. ಸಙ್ಖಾರಯಮಕಂ • 6. Saṅkhārayamakaṃ

    ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā
    ೬. ಸಙ್ಖಾರಯಮಕಂ • 6. Saṅkhārayamakaṃ
    ೭. ಅನುಸಯಯಮಕಂ • 7. Anusayayamakaṃ

    ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā
    ೬. ಸಙ್ಖಾರಯಮಕಂ • 6. Saṅkhārayamakaṃ
    ೭. ಅನುಸಯಯಮಕಂ • 7. Anusayayamakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact