| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
10. сан̇каарубабад̇д̇исуд̇д̇ам̣
10. Saṅkhārupapattisuttaṃ
160. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘сан̇каарубабад̇д̇им̣ 1 во, бхигкавз, д̣̇зсзссаами, д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
160. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘saṅkhārupapattiṃ 2 vo, bhikkhave, desessāmi, taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
161. ‘‘ид̇ха, бхигкавз, бхигку сад̣̇д̇хааяа саманнааг̇ад̇о ход̇и, сийлзна саманнааг̇ад̇о ход̇и, суд̇зна саманнааг̇ад̇о ход̇и, жааг̇зна саманнааг̇ад̇о ход̇и, бан̃н̃ааяа саманнааг̇ад̇о ход̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа кад̇д̇ияамахаасаалаанам̣ 3 сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и . д̇асса д̇з сан̇каараа жа вихаараа 4 жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа 5 сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
161. ‘‘Idha, bhikkhave, bhikkhu saddhāya samannāgato hoti, sīlena samannāgato hoti, sutena samannāgato hoti, cāgena samannāgato hoti, paññāya samannāgato hoti. Tassa evaṃ hoti – ‘aho vatāhaṃ kāyassa bhedā paraṃ maraṇā khattiyamahāsālānaṃ 6 sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti . Tassa te saṅkhārā ca vihārā 7 ca evaṃ bhāvitā evaṃ bahulīkatā tatrupapattiyā 8 saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
162. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна саманнааг̇ад̇о ход̇и, суд̇зна саманнааг̇ад̇о ход̇и, жааг̇зна саманнааг̇ад̇о ход̇и, бан̃н̃ааяа саманнааг̇ад̇о ход̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа б̣раахман̣амахаасаалаанам̣…бз… г̇ахабад̇имахаасаалаанам̣ 9 сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
162. ‘‘Puna caparaṃ, bhikkhave, bhikkhu saddhāya samannāgato hoti, sīlena samannāgato hoti, sutena samannāgato hoti, cāgena samannāgato hoti, paññāya samannāgato hoti. Tassa evaṃ hoti – ‘aho vatāhaṃ kāyassa bhedā paraṃ maraṇā brāhmaṇamahāsālānaṃ…pe… gahapatimahāsālānaṃ 10 sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
163. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна саманнааг̇ад̇о ход̇и, суд̇зна саманнааг̇ад̇о ход̇и, жааг̇зна саманнааг̇ад̇о ход̇и, бан̃н̃ааяа саманнааг̇ад̇о ход̇и. д̇асса суд̇ам̣ ход̇и – ‘жаад̇умахаарааж̇игаа 11 д̣̇зваа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и . со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
163. ‘‘Puna caparaṃ, bhikkhave, bhikkhu saddhāya samannāgato hoti, sīlena samannāgato hoti, sutena samannāgato hoti, cāgena samannāgato hoti, paññāya samannāgato hoti. Tassa sutaṃ hoti – ‘cātumahārājikā 12 devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā cātumahārājikānaṃ devānaṃ sahabyataṃ upapajjeyya’nti . So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
164. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна саманнааг̇ад̇о ход̇и, суд̇зна саманнааг̇ад̇о ход̇и, жааг̇зна саманнааг̇ад̇о ход̇и, бан̃н̃ааяа саманнааг̇ад̇о ход̇и. д̇асса суд̇ам̣ ход̇и – д̇аавад̇им̣саа д̣̇зваа…бз… яаамаа д̣̇зваа… д̇усид̇аа д̣̇зваа… ниммаанарад̇ий д̣̇зваа… бараниммид̇авасавад̇д̇ий д̣̇зваа д̣̇ийгхааяугаа ван̣н̣аванд̇о сукаб̣ахулаад̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и . со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
164. ‘‘Puna caparaṃ, bhikkhave, bhikkhu saddhāya samannāgato hoti, sīlena samannāgato hoti, sutena samannāgato hoti, cāgena samannāgato hoti, paññāya samannāgato hoti. Tassa sutaṃ hoti – tāvatiṃsā devā…pe… yāmā devā… tusitā devā… nimmānaratī devā… paranimmitavasavattī devā dīghāyukā vaṇṇavanto sukhabahulāti. Tassa evaṃ hoti – ‘aho vatāhaṃ kāyassa bhedā paraṃ maraṇā paranimmitavasavattīnaṃ devānaṃ sahabyataṃ upapajjeyya’nti . So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
165. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна саманнааг̇ад̇о ход̇и, суд̇зна саманнааг̇ад̇о ход̇и, жааг̇зна саманнааг̇ад̇о ход̇и, бан̃н̃ааяа саманнааг̇ад̇о ход̇и. д̇асса суд̇ам̣ ход̇и – ‘сахассо б̣рахмаа д̣̇ийгхааяуго ван̣н̣аваа сукаб̣ахуло’д̇и. сахассо, бхигкавз, б̣рахмаа сахассилогад̇хаад̇ум̣ 13 парид̇ваа ад̇химужжид̇ваа 14 вихарад̇и. язби д̇ад̇т̇а сад̇д̇аа убабаннаа д̇зби парид̇ваа ад̇химужжид̇ваа вихарад̇и. сзяяат̇ааби, бхигкавз, жагкумаа бурисо згам̣ ааман̣д̣ам̣ хад̇т̇з гарид̇ваа бажжавзгкзяяа; звамзва ко, бхигкавз, сахассо б̣рахмаа сахассилогад̇хаад̇ум̣ парид̇ваа ад̇химужжид̇ваа вихарад̇и. язби д̇ад̇т̇а сад̇д̇аа убабаннаа д̇зби парид̇ваа ад̇химужжид̇ваа вихарад̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа сахассасса б̣рахмуно сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
165. ‘‘Puna caparaṃ, bhikkhave, bhikkhu saddhāya samannāgato hoti, sīlena samannāgato hoti, sutena samannāgato hoti, cāgena samannāgato hoti, paññāya samannāgato hoti. Tassa sutaṃ hoti – ‘sahasso brahmā dīghāyuko vaṇṇavā sukhabahulo’ti. Sahasso, bhikkhave, brahmā sahassilokadhātuṃ 15 pharitvā adhimuccitvā 16 viharati. Yepi tattha sattā upapannā tepi pharitvā adhimuccitvā viharati. Seyyathāpi, bhikkhave, cakkhumā puriso ekaṃ āmaṇḍaṃ hatthe karitvā paccavekkheyya; evameva kho, bhikkhave, sahasso brahmā sahassilokadhātuṃ pharitvā adhimuccitvā viharati. Yepi tattha sattā upapannā tepi pharitvā adhimuccitvā viharati. Tassa evaṃ hoti – ‘aho vatāhaṃ kāyassa bhedā paraṃ maraṇā sahassassa brahmuno sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
166. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна саманнааг̇ад̇о ход̇и, суд̇зна… жааг̇зна… бан̃н̃ааяа саманнааг̇ад̇о ход̇и. д̇асса суд̇ам̣ ход̇и – д̣̇висахассо б̣рахмаа…бз… д̇исахассо б̣рахмаа… жад̇усахассо б̣рахмаа… бан̃жасахассо б̣рахмаа д̣̇ийгхааяуго ван̣н̣аваа сукаб̣ахулод̇и. бан̃жасахассо, бхигкавз, б̣рахмаа бан̃жасахассилогад̇хаад̇ум̣ парид̇ваа ад̇химужжид̇ваа вихарад̇и. язби д̇ад̇т̇а сад̇д̇аа убабаннаа д̇зби парид̇ваа ад̇химужжид̇ваа вихарад̇и. сзяяат̇ааби, бхигкавз, жагкумаа бурисо бан̃жа ааман̣д̣аани хад̇т̇з гарид̇ваа бажжавзгкзяяа; звамзва ко, бхигкавз, бан̃жасахассо б̣рахмаа бан̃жасахассилогад̇хаад̇ум̣ парид̇ваа ад̇химужжид̇ваа вихарад̇и. язби д̇ад̇т̇а сад̇д̇аа убабаннаа д̇зби парид̇ваа ад̇химужжид̇ваа вихарад̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа бан̃жасахассасса б̣рахмуно сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
166. ‘‘Puna caparaṃ, bhikkhave, bhikkhu saddhāya samannāgato hoti, sīlena samannāgato hoti, sutena… cāgena… paññāya samannāgato hoti. Tassa sutaṃ hoti – dvisahasso brahmā…pe… tisahasso brahmā… catusahasso brahmā… pañcasahasso brahmā dīghāyuko vaṇṇavā sukhabahuloti. Pañcasahasso, bhikkhave, brahmā pañcasahassilokadhātuṃ pharitvā adhimuccitvā viharati. Yepi tattha sattā upapannā tepi pharitvā adhimuccitvā viharati. Seyyathāpi, bhikkhave, cakkhumā puriso pañca āmaṇḍāni hatthe karitvā paccavekkheyya; evameva kho, bhikkhave, pañcasahasso brahmā pañcasahassilokadhātuṃ pharitvā adhimuccitvā viharati. Yepi tattha sattā upapannā tepi pharitvā adhimuccitvā viharati. Tassa evaṃ hoti – ‘aho vatāhaṃ kāyassa bhedā paraṃ maraṇā pañcasahassassa brahmuno sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
167. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна саманнааг̇ад̇о ход̇и, суд̇зна… жааг̇зна… бан̃н̃ааяа саманнааг̇ад̇о ход̇и. д̇асса суд̇ам̣ ход̇и – ‘д̣̇асасахассо б̣рахмаа д̣̇ийгхааяуго ван̣н̣аваа сукаб̣ахуло’д̇и. д̣̇асасахассо, бхигкавз, б̣рахмаа д̣̇асасахассилогад̇хаад̇ум̣ парид̇ваа ад̇химужжид̇ваа вихарад̇и. язби д̇ад̇т̇а сад̇д̇аа убабаннаа д̇зби парид̇ваа ад̇химужжид̇ваа вихарад̇и. сзяяат̇ааби, бхигкавз, ман̣и взл̣урияо субхо ж̇аад̇имаа адтам̣со субаригаммагад̇о бан̣д̣угамб̣алз нигкид̇д̇о бхаасад̇з жа д̇абад̇з жа 17 вирожад̇и жа; звамзва ко, бхигкавз, д̣̇асасахассо б̣рахмаа д̣̇асасахассилогад̇хаад̇ум̣ парид̇ваа ад̇химужжид̇ваа вихарад̇и. язби д̇ад̇т̇а сад̇д̇аа убабаннаа д̇зби парид̇ваа ад̇химужжид̇ваа вихарад̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа д̣̇асасахассасса б̣рахмуно сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
167. ‘‘Puna caparaṃ, bhikkhave, bhikkhu saddhāya samannāgato hoti, sīlena samannāgato hoti, sutena… cāgena… paññāya samannāgato hoti. Tassa sutaṃ hoti – ‘dasasahasso brahmā dīghāyuko vaṇṇavā sukhabahulo’ti. Dasasahasso, bhikkhave, brahmā dasasahassilokadhātuṃ pharitvā adhimuccitvā viharati. Yepi tattha sattā upapannā tepi pharitvā adhimuccitvā viharati. Seyyathāpi, bhikkhave, maṇi veḷuriyo subho jātimā aṭṭhaṃso suparikammakato paṇḍukambale nikkhitto bhāsate ca tapate ca 18 virocati ca; evameva kho, bhikkhave, dasasahasso brahmā dasasahassilokadhātuṃ pharitvā adhimuccitvā viharati. Yepi tattha sattā upapannā tepi pharitvā adhimuccitvā viharati. Tassa evaṃ hoti – ‘aho vatāhaṃ kāyassa bhedā paraṃ maraṇā dasasahassassa brahmuno sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
168. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна… суд̇зна… жааг̇зна… бан̃н̃ааяа саманнааг̇ад̇о ход̇и. д̇асса суд̇ам̣ ход̇и – ‘сад̇асахассо б̣рахмаа д̣̇ийгхааяуго ван̣н̣аваа сукаб̣ахуло’д̇и. сад̇асахассо, бхигкавз, б̣рахмаа сад̇асахассилогад̇хаад̇ум̣ парид̇ваа ад̇химужжид̇ваа вихарад̇и. язби д̇ад̇т̇а сад̇д̇аа убабаннаа д̇зби парид̇ваа ад̇химужжид̇ваа вихарад̇и. сзяяат̇ааби, бхигкавз, нигкам̣ ж̇амб̣онад̣̇ам̣ 19 д̣̇агкагаммаарабуд̇д̇ауггаамукасугусаласамбахадтам̣ бан̣д̣угамб̣алз нигкид̇д̇ам̣ бхаасад̇з жа д̇абад̇з жа вирожад̇и жа; звамзва ко, бхигкавз, сад̇асахассо б̣рахмаа сад̇асахассилогад̇хаад̇ум̣ парид̇ваа ад̇химужжид̇ваа вихарад̇и. язби д̇ад̇т̇а сад̇д̇аа убабаннаа д̇зби парид̇ваа ад̇химужжид̇ваа вихарад̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа сад̇асахассасса б̣рахмуно сахаб̣яад̇ам̣ убабаж̇ж̇зяяа’нд̇и . со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
168. ‘‘Puna caparaṃ, bhikkhave, bhikkhu saddhāya samannāgato hoti, sīlena… sutena… cāgena… paññāya samannāgato hoti. Tassa sutaṃ hoti – ‘satasahasso brahmā dīghāyuko vaṇṇavā sukhabahulo’ti. Satasahasso, bhikkhave, brahmā satasahassilokadhātuṃ pharitvā adhimuccitvā viharati. Yepi tattha sattā upapannā tepi pharitvā adhimuccitvā viharati. Seyyathāpi, bhikkhave, nikkhaṃ jambonadaṃ 20 dakkhakammāraputtaukkāmukhasukusalasampahaṭṭhaṃ paṇḍukambale nikkhittaṃ bhāsate ca tapate ca virocati ca; evameva kho, bhikkhave, satasahasso brahmā satasahassilokadhātuṃ pharitvā adhimuccitvā viharati. Yepi tattha sattā upapannā tepi pharitvā adhimuccitvā viharati. Tassa evaṃ hoti – ‘aho vatāhaṃ kāyassa bhedā paraṃ maraṇā satasahassassa brahmuno sahabyataṃ upapajjeyya’nti . So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
169. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна… суд̇зна… жааг̇зна… бан̃н̃ааяа саманнааг̇ад̇о ход̇и. д̇асса суд̇ам̣ ход̇и – аабхаа д̣̇зваа…бз… барид̇д̇аабхаа д̣̇зваа… аббамаан̣аабхаа д̣̇зваа… аабхассараа д̣̇зваа д̣̇ийгхааяугаа ван̣н̣аванд̇о сукаб̣ахулаад̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа аабхассараанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
169. ‘‘Puna caparaṃ, bhikkhave, bhikkhu saddhāya samannāgato hoti, sīlena… sutena… cāgena… paññāya samannāgato hoti. Tassa sutaṃ hoti – ābhā devā…pe… parittābhā devā… appamāṇābhā devā… ābhassarā devā dīghāyukā vaṇṇavanto sukhabahulāti. Tassa evaṃ hoti – ‘aho vatāhaṃ kāyassa bhedā paraṃ maraṇā ābhassarānaṃ devānaṃ sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
170. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна … суд̇зна… жааг̇зна… бан̃н̃ааяа саманнааг̇ад̇о ход̇и. д̇асса суд̇ам̣ ход̇и – барид̇д̇асубхаа д̣̇зваа…бз… аббамаан̣асубхаа д̣̇зваа… субхагин̣хаа д̣̇зваа д̣̇ийгхааяугаа ван̣н̣аванд̇о сукаб̣ахулаад̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа субхагин̣хаанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
170. ‘‘Puna caparaṃ, bhikkhave, bhikkhu saddhāya samannāgato hoti, sīlena … sutena… cāgena… paññāya samannāgato hoti. Tassa sutaṃ hoti – parittasubhā devā…pe… appamāṇasubhā devā… subhakiṇhā devā dīghāyukā vaṇṇavanto sukhabahulāti. Tassa evaṃ hoti – ‘aho vatāhaṃ kāyassa bhedā paraṃ maraṇā subhakiṇhānaṃ devānaṃ sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
171. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна… суд̇зна… жааг̇зна… бан̃н̃ааяа саманнааг̇ад̇о ход̇и. д̇асса суд̇ам̣ ход̇и – взхабпалаа д̣̇зваа…бз… авихаа д̣̇зваа… ад̇аббаа д̣̇зваа… суд̣̇ассаа д̣̇зваа… суд̣̇ассий д̣̇зваа… аганидтаа д̣̇зваа д̣̇ийгхааяугаа ван̣н̣аванд̇о сукаб̣ахулаад̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа аганидтаанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
171. ‘‘Puna caparaṃ, bhikkhave, bhikkhu saddhāya samannāgato hoti, sīlena… sutena… cāgena… paññāya samannāgato hoti. Tassa sutaṃ hoti – vehapphalā devā…pe… avihā devā… atappā devā… sudassā devā… sudassī devā… akaniṭṭhā devā dīghāyukā vaṇṇavanto sukhabahulāti. Tassa evaṃ hoti – ‘aho vatāhaṃ kāyassa bhedā paraṃ maraṇā akaniṭṭhānaṃ devānaṃ sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
172. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна… суд̇зна… жааг̇зна… бан̃н̃ааяа саманнааг̇ад̇о ход̇и. д̇асса суд̇ам̣ ход̇и – ‘аагаасаанан̃жааяад̇ануубаг̇аа д̣̇зваа д̣̇ийгхааяугаа жирадтид̇игаа сукаб̣ахулаа’д̇и . д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа аагаасаанан̃жааяад̇ануубаг̇аанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
172. ‘‘Puna caparaṃ, bhikkhave, bhikkhu saddhāya samannāgato hoti, sīlena… sutena… cāgena… paññāya samannāgato hoti. Tassa sutaṃ hoti – ‘ākāsānañcāyatanūpagā devā dīghāyukā ciraṭṭhitikā sukhabahulā’ti . Tassa evaṃ hoti – ‘aho vatāhaṃ kāyassa bhedā paraṃ maraṇā ākāsānañcāyatanūpagānaṃ devānaṃ sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
173. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна… суд̇зна… жааг̇зна… бан̃н̃ааяа саманнааг̇ад̇о ход̇и. д̇асса суд̇ам̣ ход̇и – ‘вин̃н̃аан̣ан̃жааяад̇ануубаг̇аа д̣̇зваа д̣̇ийгхааяугаа жирадтид̇игаа сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа вин̃н̃аан̣ан̃жааяад̇ануубаг̇аанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
173. ‘‘Puna caparaṃ, bhikkhave, bhikkhu saddhāya samannāgato hoti, sīlena… sutena… cāgena… paññāya samannāgato hoti. Tassa sutaṃ hoti – ‘viññāṇañcāyatanūpagā devā dīghāyukā ciraṭṭhitikā sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā viññāṇañcāyatanūpagānaṃ devānaṃ sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
174. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна… суд̇зна… жааг̇зна… бан̃н̃ааяа саманнааг̇ад̇о ход̇и. д̇асса суд̇ам̣ ход̇и – аагин̃жан̃н̃ааяад̇ануубаг̇аа д̣̇зваа…бз… нзвасан̃н̃аанаасан̃н̃ааяад̇ануубаг̇аа д̣̇зваа д̣̇ийгхааяугаа жирадтид̇игаа сукаб̣ахулаад̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа нзвасан̃н̃аанаасан̃н̃ааяад̇ануубаг̇аанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇рубабад̇д̇ияаа сам̣вад̇д̇анд̇и. аяам̣, бхигкавз, маг̇г̇о аяам̣ бадибад̣̇аа д̇ад̇рубабад̇д̇ияаа сам̣вад̇д̇ад̇и.
174. ‘‘Puna caparaṃ, bhikkhave, bhikkhu saddhāya samannāgato hoti, sīlena… sutena… cāgena… paññāya samannāgato hoti. Tassa sutaṃ hoti – ākiñcaññāyatanūpagā devā…pe… nevasaññānāsaññāyatanūpagā devā dīghāyukā ciraṭṭhitikā sukhabahulāti. Tassa evaṃ hoti – ‘aho vatāhaṃ kāyassa bhedā paraṃ maraṇā nevasaññānāsaññāyatanūpagānaṃ devānaṃ sahabyataṃ upapajjeyya’nti. So taṃ cittaṃ dahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrupapattiyā saṃvattanti. Ayaṃ, bhikkhave, maggo ayaṃ paṭipadā tatrupapattiyā saṃvattati.
175. ‘‘буна жабарам̣, бхигкавз, бхигку сад̣̇д̇хааяа саманнааг̇ад̇о ход̇и, сийлзна… суд̇зна… жааг̇зна… бан̃н̃ааяа саманнааг̇ад̇о ход̇и. д̇асса звам̣ ход̇и – ‘ахо вад̇аахам̣ аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа’нд̇и. со аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. аяам̣, бхигкавз, бхигку на гад̇т̇ажи убабаж̇ж̇ад̇ий’’д̇и 21.
175. ‘‘Puna caparaṃ, bhikkhave, bhikkhu saddhāya samannāgato hoti, sīlena… sutena… cāgena… paññāya samannāgato hoti. Tassa evaṃ hoti – ‘aho vatāhaṃ āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihareyya’nti. So āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayaṃ, bhikkhave, bhikkhu na katthaci upapajjatī’’ti 22.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
сан̇каарубабад̇д̇исуд̇д̇ам̣ нидтид̇ам̣ д̣̇асамам̣.
Saṅkhārupapattisuttaṃ niṭṭhitaṃ dasamaṃ.
анубад̣̇аваг̇г̇о нидтид̇о д̣̇уд̇ияо.
Anupadavaggo niṭṭhito dutiyo.
д̇ассуд̣̇д̣̇аанам̣ –
Tassuddānaṃ –
анубаад̣̇а-сод̇хана-борисад̇хаммо, сзвид̇аб̣б̣а-б̣ахуд̇хаад̇у-вибхад̇д̇и;
Anupāda-sodhana-porisadhammo, sevitabba-bahudhātu-vibhatti;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. сан̇каарубабад̇д̇исуд̇д̇аван̣н̣анаа • 10. Saṅkhārupapattisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. сан̇каарубабад̇д̇исуд̇д̇аван̣н̣анаа • 10. Saṅkhārupapattisuttavaṇṇanā
