| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. сан̇каарубабад̇д̇исуд̇д̇аван̣н̣анаа
10. Saṅkhārupapattisuttavaṇṇanā
160. сан̇каарубабад̇д̇инд̇и вибаагагканд̇хасан̃н̃ид̇аанам̣ сан̇каараанам̣ уббад̇д̇им̣, ниб̣б̣ад̇д̇инд̇и ад̇т̇о. яасмаа авад̇хааран̣ам̣ зд̇асмим̣ бад̣̇з ижчид̇аб̣б̣анд̇и, ‘‘сан̇каараанам̣язва убабад̇д̇и’’нд̇и вад̇ваа д̇зна нивад̇д̇ид̇ам̣ д̣̇ассзнд̇о, ‘‘на сад̇д̇ассаа’’д̇и ааха. д̇зна сад̇д̇о ж̇ийво уббаж̇ж̇ад̇ийд̇и мижчааваад̣̇ам̣ бадигкибад̇и. звам̣ уббаж̇ж̇анагад̇хаммавасзна уббад̇д̇им̣ д̣̇ассзд̇ваа ид̣̇аани уббад̇д̇иж̇анагад̇хаммавасзнаби д̇ам̣ д̣̇ассзд̇ум̣, ‘‘бун̃н̃аабхисан̇каарзна ваа’’д̇иаад̣̇и вуд̇д̇ам̣. д̇ад̇т̇а гаамзсу бун̃н̃аабхисан̇каарзнаби убабад̇д̇и ход̇и, саа бана имасмим̣ суд̇д̇з г̇ахид̇аад̇и. бун̃н̃аабхисан̇каарзна ваад̇и ваа-сад̣̇д̣̇о авуд̇д̇ад̇т̇аабзгкан̣авигаббад̇т̇о, авуд̇д̇ад̇т̇аабзгкааяа бана на ааг̇ад̇о ‘‘аанзн̃ж̇аабхисан̇каарзнаа’’д̇и. ат̇а ваа убабад̇д̇и ааг̇ад̇аа, звам̣ гижжам̣ ааг̇ад̇ам̣, аанзн̃ж̇аабхисан̇кааро банзд̇т̇а саруубзна анааг̇ад̇оби бун̃н̃аабхисан̇каараг̇г̇ахан̣знзва г̇ахид̇од̇и д̣̇адтаб̣б̣ам̣. гзжи бана ‘‘бун̃н̃аанзн̃ж̇аабхисан̇каарзнаа’’д̇и батанд̇и. бхавуубаг̇агканд̇хаананд̇и суг̇ад̇ибхавуубаг̇аанам̣ убаад̣̇аанагканд̇хаанам̣.
160.Saṅkhārupapattinti vipākakkhandhasaññitānaṃ saṅkhārānaṃ uppattiṃ, nibbattinti attho. Yasmā avadhāraṇaṃ etasmiṃ pade icchitabbanti, ‘‘saṅkhārānaṃyeva upapatti’’nti vatvā tena nivattitaṃ dassento, ‘‘na sattassā’’ti āha. Tena satto jīvo uppajjatīti micchāvādaṃ paṭikkhipati. Evaṃ uppajjanakadhammavasena uppattiṃ dassetvā idāni uppattijanakadhammavasenapi taṃ dassetuṃ, ‘‘puññābhisaṅkhārena vā’’tiādi vuttaṃ. Tattha kāmesu puññābhisaṅkhārenapi upapatti hoti, sā pana imasmiṃ sutte gahitāti. Puññābhisaṅkhārena vāti vā-saddo avuttatthāpekkhaṇavikappattho, avuttatthāpekkhāya pana na āgato ‘‘āneñjābhisaṅkhārenā’’ti. Atha vā upapatti āgatā, evaṃ kiccaṃ āgataṃ, āneñjābhisaṅkhāro panettha sarūpena anāgatopi puññābhisaṅkhāraggahaṇeneva gahitoti daṭṭhabbaṃ. Keci pana ‘‘puññāneñjābhisaṅkhārenā’’ti paṭhanti. Bhavūpagakkhandhānanti sugatibhavūpagānaṃ upādānakkhandhānaṃ.
161. логигаа вадданд̇и гаммаваддасса г̇ахан̣ад̇о. бхавуубабад̇д̇ихзд̇убхууд̇аа огаббанийяасад̣̇д̇хаа жад̇убаарисуд̣̇д̇хисийлам̣ д̇аад̣̇исам̣ б̣уд̣̇д̇хаважанаб̣аахусажжам̣ аамисабарижжааг̇о гаммассагад̇аан̃аан̣ам̣ гаммапалад̣̇идти жа имз сад̣̇д̇хаад̣̇аяо взд̣̇ид̇аб̣б̣аа. табзд̇ийд̇и бан̣ид̣̇аханавасзна табзд̇и. бан̣ид̣̇ахад̇ийд̇и хи аяамзд̇т̇а ад̇т̇о. бад̇идтаабзд̇ийд̇и д̇ад̇т̇а суббад̇идтид̇ам̣ гад̇ваа табзд̇и. сахабад̇т̇анааяаад̇и, ‘‘ахо вад̇аахам̣…бз… убабаж̇ж̇зяяа’’нд̇и звам̣ бавад̇д̇абад̇т̇анааяа саха. сад̣̇д̇хаад̣̇аяоваад̇и яат̇аавуд̇д̇аа сад̣̇д̇хаад̣̇аяо зва бан̃жа д̇хаммаа убабад̇д̇ияаа сан̇каран̣адтзна сан̇каараа, д̇асмаа зва ан̃н̃зхи висидтабхавуубахаран̣адтзна вихаараа наамаад̇и. д̇асмим̣ таанзд̇и д̇асмим̣ убабад̇д̇идтаанз.
161.Lokikā vaṭṭanti kammavaṭṭassa gahaṇato. Bhavūpapattihetubhūtā okappanīyasaddhā catupārisuddhisīlaṃ tādisaṃ buddhavacanabāhusaccaṃ āmisapariccāgo kammassakatāñāṇaṃ kammaphaladiṭṭhi ca ime saddhādayo veditabbā. Ṭhapetīti paṇidahanavasena ṭhapeti. Paṇidahatīti hi ayamettha attho. Patiṭṭhāpetīti tattha suppatiṭṭhitaṃ katvā ṭhapeti. Sahapatthanāyāti, ‘‘aho vatāhaṃ…pe… upapajjeyya’’nti evaṃ pavattapatthanāya saha. Saddhādayovāti yathāvuttā saddhādayo eva pañca dhammā upapattiyā saṅkharaṇaṭṭhena saṅkhārā, tasmā eva aññehi visiṭṭhabhavūpaharaṇaṭṭhena vihārā nāmāti. Tasmiṃ ṭhāneti tasmiṃ upapattiṭṭhāne.
бан̃жад̇хаммаава д̇ам̣саман̇г̇ийбуг̇г̇ало убабад̇д̇им̣ маг̇г̇ад̇и г̇авзсад̇и зд̇знаад̇и маг̇г̇о. бадибаж̇ж̇ад̇и зд̇ааяаад̇и бадибад̣̇аа. жзд̇анаа банзд̇т̇а суд̣̇д̇хасан̇каарад̇ааяа сад̣̇д̇хаад̣̇иг̇г̇ахан̣знзва г̇ахид̇аа, д̇асмаа авад̇хааран̣ам̣ гад̇ам̣. убабад̇д̇ибагаббанавасзнзва бавад̇д̇ияаа бад̇т̇анааг̇ахан̣знзва д̇ассаа г̇ахан̣анд̇и гзжи. жид̇д̇агараяуд̇д̇аг̇ад̇иниб̣б̣ад̇д̇анад̇хаммавасзна авад̇хааран̣асса гад̇ад̇д̇аа. жзд̇анаа хи наама гаммам̣, д̇ассаа убабад̇д̇иниб̣б̣ад̇д̇анз вад̇д̇аб̣б̣амзва над̇т̇и, д̇ассаа бана гижжагаран̣аа сад̣̇д̇хаад̣̇аяо бад̇т̇анаа жаад̇и имз д̇хаммаа сахагаарино бхавуубабад̇д̇ияаа нияаамагаа хонд̇ийд̇и д̇ад̇руубабад̇д̇ияаа бавад̇д̇анд̇ийд̇и д̇зсам̣ маг̇г̇аад̣̇ибхааво вуд̇д̇о. д̇знааха ‘‘яасса хий’’д̇иаад̣̇и. д̇зна сад̣̇д̇хаа бад̇т̇анаа жаад̇и убхаяз д̇хаммаа сахид̇аа худ̇ваа гаммам̣ висзсзнд̇аа г̇ад̇им̣ нияамзнд̇ийд̇и д̣̇ассзд̇и, бадисанд̇хиг̇г̇ахан̣ам̣ анияад̇ам̣ гзваласса гаммасса васзнаад̇и ад̇хиббааяо. гааман̃жзд̇т̇а ‘‘гаммам̣ гад̇ваа’’д̇и вуд̇д̇ам̣, гаммааяууханад̇о бана баг̇зва бад̇т̇анам̣ табзд̇умби ваддад̇иязва. гаммам̣ гад̇ваад̇и жзд̇т̇а ‘‘д̇аабзд̇ваа бхун̃ж̇ад̇и, бхуд̇ваа саяад̇ий’’д̇иаад̣̇ийсу вияа на гааланияамо, гаммам̣ гад̇ваа яад̣̇аа гад̣̇аажи бад̇т̇анам̣ гаад̇ум̣ ваддад̇ийд̇и жа ид̣̇ам̣ жаарид̇д̇ад̣̇ассанам̣ вияа вуд̇д̇ам̣. яат̇аа хи бхавабад̇т̇анаа яаава маг̇г̇зна на самужчиж̇ж̇ад̇и, д̇аава ануббаннаабхинавагад̇уубажид̇асса гаммасса бажжаяо ход̇иязва. буна д̇ат̇аа висзсабажжаяо, яат̇аа нияамзд̇ваа уббаад̣̇ид̇аа. д̇зна вуд̇д̇ам̣ – ‘‘яасса бан̃жа д̇хаммаа ад̇т̇и, на бад̇т̇анаа д̇асса г̇ад̇и аниб̣ад̣̇д̇хаа’’д̇и.
Pañcadhammāva taṃsamaṅgīpuggalo upapattiṃ maggati gavesati etenāti maggo. Paṭipajjati etāyāti paṭipadā. Cetanā panettha suddhasaṅkhāratāya saddhādiggahaṇeneva gahitā, tasmā avadhāraṇaṃ kataṃ. Upapattipakappanavaseneva pavattiyā patthanāgahaṇeneva tassā gahaṇanti keci. Cittakarayuttagatinibbattanadhammavasena avadhāraṇassa katattā. Cetanā hi nāma kammaṃ, tassā upapattinibbattane vattabbameva natthi, tassā pana kiccakaraṇā saddhādayo patthanā cāti ime dhammā sahakārino bhavūpapattiyā niyāmakā hontīti tatrūpapattiyā pavattantīti tesaṃ maggādibhāvo vutto. Tenāha ‘‘yassa hī’’tiādi. Tena saddhā patthanā cāti ubhaye dhammā sahitā hutvā kammaṃ visesentā gatiṃ niyamentīti dasseti, paṭisandhiggahaṇaṃ aniyataṃ kevalassa kammassa vasenāti adhippāyo. Kāmañcettha ‘‘kammaṃ katvā’’ti vuttaṃ, kammāyūhanato pana pageva patthanaṃ ṭhapetumpi vaṭṭatiyeva. Kammaṃ katvāti cettha ‘‘tāpetvā bhuñjati, bhutvā sayatī’’tiādīsu viya na kālaniyamo, kammaṃ katvā yadā kadāci patthanaṃ kātuṃ vaṭṭatīti ca idaṃ cārittadassanaṃ viya vuttaṃ. Yathā hi bhavapatthanā yāva maggena na samucchijjati, tāva anuppannābhinavakatūpacitassa kammassa paccayo hotiyeva. Puna tathā visesapaccayo, yathā niyametvā uppāditā. Tena vuttaṃ – ‘‘yassa pañca dhammā atthi, na patthanā tassa gati anibaddhā’’ti.
165. саб̣б̣асоваад̇и ‘‘ид̣̇ам̣ гаал̣агам̣ саамам̣ сзд̇ам̣ харид̇ам̣ ман̣д̣алам̣ абариман̣д̣алам̣ жад̇урам̣сам̣ барибун̣н̣ам̣ куд̣̇д̣̇агам̣ маханд̇а’’нд̇иаад̣̇инаа саб̣б̣асова баагадам̣ ход̇и.
165.Sabbasovāti ‘‘idaṃ kāḷakaṃ sāmaṃ setaṃ haritaṃ maṇḍalaṃ aparimaṇḍalaṃ caturaṃsaṃ paripuṇṇaṃ khuddakaṃ mahanta’’ntiādinā sabbasova pākaṭaṃ hoti.
167. сунд̣̇арод̇и гаал̣агаад̣̇ид̣̇осарахид̇ад̇ааяа собхано. аагарасамбанно самбаннааагаруббад̇д̇ияаа. д̇хованаад̣̇ийхийд̇и д̇хованад̇аабанамаж̇ж̇анаад̣̇ийхи.
167.Sundaroti kāḷakādidosarahitatāya sobhano. Ākarasampanno sampannaākaruppattiyā. Dhovanādīhīti dhovanatāpanamajjanādīhi.
168. логад̇хаад̇уунам̣ сад̇асахассам̣ ад̇д̇ано васз вад̇д̇анад̇о сад̇асахассо. д̇асса бана д̇ад̇т̇а обхаасагаран̣ам̣ баагаданд̇и ааха ‘‘аалогапаран̣аб̣рахмаа’’д̇и. аяамзва наяо хздтаа ‘‘сахассо б̣рахмаа’’д̇иаад̣̇ийсуби. нигкзна гад̇анд̇и нигкабаримаан̣зна ж̇амб̣онад̣̇зна гад̇ам̣. нигкам̣ бана вийсад̇исуван̣н̣анд̇и гзжи. бан̃жавийсад̇исуван̣н̣анд̇и абарз. суван̣н̣ам̣ наама жад̇уд̇харан̣анд̇и вад̣̇анд̇и. гхадданамаж̇ж̇анагкамам̣ на ход̇и барид̇д̇абхаавад̇о. ад̇ирзгзнаад̇и бан̃жасуван̣н̣аад̇ирзгзна нигкаббамаан̣ам̣ асамбад̇д̇зна. ван̣н̣аванд̇ам̣ бана на ход̇и авибулад̇ааяа ул̣аарам̣ худ̇ваа анубадтаанад̇о. аван̣н̣аванд̇ад̇ааяа зва парусад̇хаад̇угам̣ кааяад̇и. д̇аасууд̇и д̇аасу бхуумийсу, яад̇т̇а саакаа вад̣дхид̇ваа тид̇аа. д̇зд̇и суван̣н̣ан̇гураа. бажид̇ваад̇и д̇аабзд̇ваа. самбахадтанд̇и самуж̇ж̇алийгад̇анд̇и ааха – ‘‘д̇ход̇агхаддид̇абамаж̇ж̇ид̇а’’нд̇и, д̇амб̣амад̇д̇игалзбам̣ гад̇ваа д̇ход̇ан̃жзва баасаан̣аад̣̇инаа гхаддид̇ан̃жа зл̣агаломаад̣̇инаа бамаж̇ж̇ид̇ан̃жаад̇и ад̇т̇о.
168. Lokadhātūnaṃ satasahassaṃ attano vase vattanato satasahasso. Tassa pana tattha obhāsakaraṇaṃ pākaṭanti āha ‘‘ālokapharaṇabrahmā’’ti. Ayameva nayo heṭṭhā ‘‘sahasso brahmā’’tiādīsupi. Nikkhena katanti nikkhaparimāṇena jambonadena kataṃ. Nikkhaṃ pana vīsatisuvaṇṇanti keci. Pañcavīsatisuvaṇṇanti apare. Suvaṇṇaṃ nāma catudharaṇanti vadanti. Ghaṭṭanamajjanakkhamaṃ na hoti parittabhāvato. Atirekenāti pañcasuvaṇṇaatirekena nikkhappamāṇaṃ asampattena. Vaṇṇavantaṃ pana na hoti avipulatāya uḷāraṃ hutvā anupaṭṭhānato. Avaṇṇavantatāya eva pharusadhātukaṃ khāyati. Tāsūti tāsu bhūmīsu, yattha sākhā vaḍḍhitvā ṭhitā. Teti suvaṇṇaṅkurā. Pacitvāti tāpetvā. Sampahaṭṭhanti samujjalīkatanti āha – ‘‘dhotaghaṭṭitapamajjita’’nti, tambamattikalepaṃ katvā dhotañceva pāsāṇādinā ghaṭṭitañca eḷakalomādinā pamajjitañcāti attho.
зд̇ад̣̇зваад̇и аалогам̣ вад̣дхзд̇ваа зд̇т̇а аалогапаран̣амзва. ат̇а ваа яам̣ д̣̇иб̣б̣ажагкупаран̣ам̣, аалогапаран̣амби зд̇ад̣̇зва. яад̇д̇аган̃хи таанам̣ яог̇ий гасин̣аалогзна парад̇и; д̇ад̇д̇агам̣ таанам̣ д̣̇иб̣б̣ажагкун̃аан̣ам̣ пусад̇ийд̇и д̣̇иб̣б̣ажагкупаран̣з д̣̇ассид̇з аалогапаран̣ам̣ д̣̇ассид̇амзваад̇и ад̇т̇о. саб̣б̣ад̇т̇аад̇и саб̣б̣асмим̣ ‘‘парид̇ваа’’д̇и ааг̇ад̇адтаанз. авинаасзнд̇знаад̇и асамбхиннзна.
Etadevāti ālokaṃ vaḍḍhetvā ettha ālokapharaṇameva. Atha vā yaṃ dibbacakkhupharaṇaṃ, ālokapharaṇampi etadeva. Yattakañhi ṭhānaṃ yogī kasiṇālokena pharati; tattakaṃ ṭhānaṃ dibbacakkhuñāṇaṃ phusatīti dibbacakkhupharaṇe dassite ālokapharaṇaṃ dassitamevāti attho. Sabbatthāti sabbasmiṃ ‘‘pharitvā’’ti āgataṭṭhāne. Avināsentenāti asambhinnena.
гасин̣апаран̣ам̣ вияаад̇и гасин̣обхаасзна паран̣ам̣ вияа д̣̇иссад̇и убадтаад̇и, ман̣ибабхаапаран̣асса вияа б̣рахмалогз д̇хаад̇упаран̣асса д̣̇ассид̇ад̇д̇аад̇и ад̇хиббааяо. сарийрабабхаа бана нигкабабхаасад̣̇исаад̇и, ‘‘нигкобаммз сарийрапаран̣ам̣ вияа д̣̇иссад̇ий’’д̇и вуд̇д̇ам̣. адтагат̇аа наама над̇т̇ийд̇и баал̣ибад̣̇асса ад̇т̇аван̣н̣анааяа наама нижчид̇ааяа бхавид̇аб̣б̣ам̣, авинижчид̇ааяа бана над̇т̇и вияаад̇и агат̇анам̣ наама адтагат̇ааяа анаажин̣н̣анд̇и д̇асса ваад̣̇ам̣ бадигкибид̇ваа. яат̇аа хи вад̇д̇аб̣б̣ам̣, д̇ат̇аа авад̇ваа ‘‘вияаа’’д̇и важанам̣ гимад̇т̇ияанд̇и ад̇хиббааяо. б̣уд̣̇д̇хаанам̣ б̣яаамаббабхаа б̣яаамаббад̣̇зсз саб̣б̣агаалам̣ ад̇хидтаад̇и вияа д̇асса б̣рахмуно сарийрапаран̣ам̣ сарийраабхааяа бад̇т̇аран̣ам̣ саб̣б̣агаалигам̣. жад̇д̇ааримаани ид̇араани паран̣аани авинаасзд̇ваа ан̃н̃аман̃н̃амабхинд̣̇ид̇ваа гат̇зд̇аб̣б̣ам̣. паран̣абад̣̇ассзва взважанам̣ ‘‘ад̇химужжанзнзва паран̣а’’нд̇и. бад̇т̇арад̇ийд̇и яат̇аавуд̇д̇ам̣ паран̣авасзна бад̇т̇арад̇и. ж̇аанаад̇ийд̇и ад̇химужжанавасзна ж̇аанаад̇и.
Kasiṇapharaṇaṃviyāti kasiṇobhāsena pharaṇaṃ viya dissati upaṭṭhāti, maṇipabhāpharaṇassa viya brahmaloke dhātupharaṇassa dassitattāti adhippāyo. Sarīrapabhā pana nikkhapabhāsadisāti, ‘‘nikkhopamme sarīrapharaṇaṃ viya dissatī’’ti vuttaṃ. Aṭṭhakathā nāma natthīti pāḷipadassa atthavaṇṇanāya nāma nicchitāya bhavitabbaṃ, avinicchitāya pana natthi viyāti akathanaṃ nāma aṭṭhakathāya anāciṇṇanti tassa vādaṃ paṭikkhipitvā. Yathā hi vattabbaṃ, tathā avatvā ‘‘viyā’’ti vacanaṃ kimatthiyanti adhippāyo. Buddhānaṃ byāmappabhā byāmappadese sabbakālaṃ adhiṭṭhāti viya tassa brahmuno sarīrapharaṇaṃ sarīrābhāya pattharaṇaṃ sabbakālikaṃ. Cattārimāni itarāni pharaṇāni avināsetvā aññamaññamabhinditvā kathetabbaṃ. Pharaṇapadasseva vevacanaṃ ‘‘adhimuccaneneva pharaṇa’’nti. Pattharatīti yathāvuttaṃ pharaṇavasena pattharati. Jānātīti adhimuccanavasena jānāti.
169. аад̣̇аяод̇и аад̣̇и-сад̣̇д̣̇зна субхз сан̇г̇ан̣хаад̇и. аабхаад̇и д̣̇уд̇ияаж̇жхаанабхуумигз д̣̇звз згаж̇жхам̣ г̇ахзд̇ваа саад̇хааран̣ад̇о вуд̇д̇ам̣. д̇ад̇о субхаад̇и д̇ад̇ияаж̇жхаанабхуумигз. д̇знааха – ‘‘баадиязггаа д̣̇зваа над̇т̇ий’’д̇иаад̣̇и. саад̇хааран̣ад̇о гад̇ааяаби бад̇т̇анааяа жхаанан̇г̇ам̣ барид̇д̇ам̣ бхаавид̇ан̃жз, барид̇д̇аабхзсу убабад̇д̇и ход̇и, маж̇жхиман̃жз, аббамаан̣аабхзсу, бан̣ийд̇ан̃жз, аабхассарзсу убабад̇д̇и ход̇ийд̇и д̣̇адтаб̣б̣ам̣. субхаад̇и зд̇т̇ааби зсзва наяо. хздтаа вуд̇д̇анаязнзва сувин̃н̃зяяод̇и ааха – ‘‘взхабпалаад̣̇иваараа баагадааязваа’’д̇и.
169.Ādayoti ādi-saddena subhe saṅgaṇhāti. Ābhāti dutiyajjhānabhūmike deve ekajjhaṃ gahetvā sādhāraṇato vuttaṃ. Tato subhāti tatiyajjhānabhūmike. Tenāha – ‘‘pāṭiyekkā devā natthī’’tiādi. Sādhāraṇato katāyapi patthanāya jhānaṅgaṃ parittaṃ bhāvitañce, parittābhesu upapatti hoti, majjhimañce, appamāṇābhesu, paṇītañce, ābhassaresu upapatti hotīti daṭṭhabbaṃ. Subhāti etthāpi eseva nayo. Heṭṭhā vuttanayeneva suviññeyyoti āha – ‘‘vehapphalādivārā pākaṭāyevā’’ti.
гаамааважарзсу ниб̣б̣ад̇д̇ад̇ууд̇иаад̣̇инаа сад̣̇д̇хаад̣̇ийнам̣ аж̇жхаанавибассанаанам̣ гат̇ам̣ д̇ад̣̇ад̇хидтаанам̣ ход̇ийд̇и аасан̇гад̇и. ид̇аро сад̣̇д̇хаад̣̇ийнам̣ аж̇жхаанасабхаавад̇д̇зби жхаанавибассанаанам̣ ад̇хидтаанам̣ ниссаяабажжаяаад̣̇ивасзна саббажжаяад̇д̇аа б̣рахмалогуубабад̇д̇им̣ ниб̣б̣аанан̃жа ааваханд̇ийд̇и д̣̇ассзнд̇о, ‘‘имз бан̃жа д̇хаммаа’’д̇иаад̣̇имааха . д̇ад̇т̇а сийланд̇и самбхаарасийлам̣. анааг̇аамий самужчиннаорамбхааг̇ияасам̣яож̇ано самаано сажз саб̣б̣асо убабад̇д̇ияо ад̇иггамид̇ум̣ на саггод̇и, арияабхуумийсу зва ниб̣б̣ад̇д̇ад̇и яат̇уубажид̇ажхаанагаммунаад̇и ааха – ‘‘анааг̇аами…бз… ниб̣б̣ад̇д̇ад̇ий’’д̇и. убаримаг̇г̇анд̇и аг̇г̇амаг̇г̇ам̣ бхаавзд̇ваа. аасавагкаяанд̇и саб̣б̣асо аасаваанам̣ каяам̣ бахаанам̣ баабун̣аад̇и. сзсам̣ сувин̃н̃зяяамзва.
Kāmāvacaresu nibbattatūtiādinā saddhādīnaṃ ajjhānavipassanānaṃ kathaṃ tadadhiṭṭhānaṃ hotīti āsaṅkati. Itaro saddhādīnaṃ ajjhānasabhāvattepi jhānavipassanānaṃ adhiṭṭhānaṃ nissayapaccayādivasena sappaccayattā brahmalokūpapattiṃ nibbānañca āvahantīti dassento, ‘‘ime pañca dhammā’’tiādimāha . Tattha sīlanti sambhārasīlaṃ. Anāgāmī samucchinnaorambhāgiyasaṃyojano samāno sace sabbaso upapattiyo atikkamituṃ na sakkoti, ariyabhūmīsu eva nibbattati yathūpacitajhānakammunāti āha – ‘‘anāgāmi…pe… nibbattatī’’ti. Uparimagganti aggamaggaṃ bhāvetvā. Āsavakkhayanti sabbaso āsavānaṃ khayaṃ pahānaṃ pāpuṇāti. Sesaṃ suviññeyyameva.
сан̇каарубабад̇д̇исуд̇д̇аван̣н̣анааяа лийнад̇т̇аббагаасанаа самад̇д̇аа.
Saṅkhārupapattisuttavaṇṇanāya līnatthappakāsanā samattā.
нидтид̇аа жа анубад̣̇аваг̇г̇аван̣н̣анаа.
Niṭṭhitā ca anupadavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. сан̇каарубабад̇д̇исуд̇д̇ам̣ • 10. Saṅkhārupapattisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. сан̇каарубабад̇д̇исуд̇д̇аван̣н̣анаа • 10. Saṅkhārupapattisuttavaṇṇanā
